ಬೆ೦ಗಳೂರು: ಅಣ್ಣನ ಪ್ರೀತಿಯನ್ನು ನಿರಾಕರಿಸಿದ ಯುವತಿಯನ್ನು ತಮ್ಮ ಬರ್ಬರವಾಗಿ ಹತ್ಯೆ
ಮಾಡಿದ ಫಟನೆ ಕೋಡಿಹಳ್ಳಿಯ ಹೆಚ್‌ಎಎಲ್‌ ರಸ್ತೆಯಲ್ಲಿ ನಡೆದಿದೆ. ಕಾನೂನು ವಿದ್ಯಾರ್ಥಿನಿ ಅಮೃತಾ (21) ಕೊಲೆಯಾದ ಯುವತಿ.ಪ್ರಕರಣಕ್ಕೆ ಆರೋಪಿಗಳಾದ ಸೂರ್ಯ ಹಾಗೂ ಆತನ ಅಣ್ಣ ಧನುಷ್‌ನನ್ನು ಜೀವನ್ ಭೀಮಾನಗರ ಪೊಲೀಸರು ಬಂಧಿಸಿದ್ದಾರೆ. ಧಾರ್ಮಿಕ ಸಮಾರಂಭದಲ್ಲಿ ಅಮೃತಾ ಮತ್ತು ಧನುಷ್‌ ಕುಟುಂಬಗಳ ನಡುವೆ ಸ್ನೇಹ ಏರ್ಪಟ್ಟು, ಆ ಸ್ನೇಹ ಇಬ್ಬರ ನಡುವೆ ಪ್ರೇಮಾಂಕುರವಾಗಲು ಕಾರಣವಾಗಿತ್ತು. ಆದರೆ ಧನುಷ್‌ ತನಗೆ ಮೊದಲೇ ಮದುವೆಯಾಗಿ ಡಿವೋರ್ಸ್‌ ಆಗಿರುವ ಕಹಿ ಸತ್ಯವನ್ನು ಹಾಗೂ ತನಗೊಂದು ಮಗು ಇರುವ ವಿಷಯವನ್ನು ಅಮ್ಮೃತಾಳಿಂದ ಗುಟ್ಮಾಗಿಟ್ಟಿದ್ದ. ಇತ್ತೀಚೆಗೆ ಈ ಧನುಷ್‌ನ ಮೋಸದ ಜಾಲ ಬಯಲಾಗುತ್ತಿದೆಯೇ, ನೊಂದ ಅಮೃತಾ ಆತನ ಒಡನಾಟವನ್ನು ಪೂರ್ಣವಾಗಿ ಕಡಿದುಕೊಂಡು
ಮದುವೆ ಪ್ರಸ್ತಾಪಕ್ಕೆ ಒಪ್ಪಿಗೆ ನೀಡಿರಲಿಲ್ಲ.

ಕೊಲೆಗೆ ಸಂಚು ಹಾಕಿದ ತಮ್ಮ: ತನ್ನ ಅಣ್ಣನ ಪ್ರೀತಿಯನ್ನು ತಿರಸ್ಕರಿಸಿದ ಯುವತಿಯನ್ನು ಜೀವಂತವಾಗಿ ಬಿಡಬಾರದು ಎಂದು ಧನುಷ್‌ನ ಸಹೋದರ ಸೂರ್ಯ ಕ್ರೂರ ಸ೦ಚು ರೂಪಿಸಿದ್ದ. ಅದರಂತೆ ಜುಲೈ 13 ರಂದು ಕೋಡಿಹಳ್ಳಿಯಲ್ಲಿ ಯುವತಿಯ ನಿವಾಸದ ಬಳಿ ಹೊ೦ಚು ಹಾಕಿ ಬ೦ದಿದ್ದ ಸೂರ್ಯ, ಆಕೆಯೊಂದಿಗೆ ಗಲಾಟಿ ತೆಗೆದಿದ್ದಾನೆ. ಜಗಳ ವಿಕೋಪಕ್ಕೆ ತಿರುಗುತ್ತಿರುವಾಗ ತಾನು ಮುಚ್ಚಿಟ್ಟು ತ೦ದಿದ್ದ ಚಾಕುವನ್ನು ತೆಗೆದು ಅಮೃತಾಳ ಎದೆ ಹಾಗೂ ಬೆನ್ನಿನ ಭಾಗಕ್ಕೆ ಮನಬ೦ದ೦ತೆ ಇರಿದು ಸ್ಥಳದಿಂದ ಓಡಿಹೋಗಿದ್ದ.

ಕಾನೂನು ವಿದ್ಯಾರ್ಥಿನಿಯ ಜೀವನ ಮಣ್ಣುಪಾಲು: ರಕ್ತದ ಮಡುವಿನಲ್ಲಿ ತೀವ್ರವಾಗಿ ಒದ್ದಾಡುತಿದ್ದ ಯುವತಿಯನ್ನು ನೆರೆಹೊರೆಯವರು ತಕ್ಷಣ ಆಸ್ಪತ್ರೆಗೆ ಸಾಗಿಸಿದರಾದರೂ, ಗಾಯದ ತೀವ್ರತೆಯಿಂದಾಗಿ ಆಕೆಗೆ ಚಿಕಿತ್ಸೆ ಫಲಿಸದೆ ಕೊನೆಯುಸಿರೆಳೆದಿದ್ದಾಳೆ. ಮೃತ ದುರ್ದೈವಿ ಅಮೃತಾ ಕಾನೂನು ಪದವಿ ವ್ಯಾಸ೦ಗ ಮಾಡುತ್ತಾ, ಬಿಡುವಿನ ವೇಳೆಯಲ್ಲಿ ಪಿಜ್ಜಾ ಕೇಂದ್ರವೊ೦ದರಲ್ಲಿ ಪಾರ್ಟ್ ಟೈಮ್‌ ಕೆಲಸ ಮಾಡುತ್ತಿದ್ದರು ಎ೦ದು ತಿಳಿದು ಬಂದಿದೆ. ಸದ್ಯ ಪ್ರಕರಣಕ್ಕೆ ಸಂಬಂಧಿಸಿದಂತೆ ಜೀವನ್‌ ಭೀಮಾನಗರ ಠಾಣೆ ಪೊಲೀಸರು ಪ್ರಕರಣ ದಾಖಲಿಸಿಕೊಂಡು ಆರೋಪಿಗಳನ್ನು ಕ೦ಬಿ ಎಣಿಸುವಂತೆ ಮಾಡಿದ್ದಾರೆ.ಆದರೂ ಕೂಡ ಕಾನೂನು ವಿದ್ಯಾರ್ಥಿನಿ ಅಮೃತಾ ಮರಳಿ ಬರುವುದಿಲ್ಲ ಅವಳ ಜೀವನವನ್ನುಮಣ್ಣುಪಾಲು ಮಾಡಿ ಬಿಟ್ಟರು ರಾಕ್ಷಸಸರು.

ಬಂಟ್ವಾಳ(ದಕ್ಷಿಣ ಕನ್ನಡ):ಬಿಸಿ ರೋಡ್‌ನ ಕೆಎಸ್‌ಆರ್‌ಟಿಸಿ ಹೊಸ ಬಸ್ ನಿಲ್ದಾಣದ ಆವರಣದಲ್ಲಿ ಬಸ್‌ಗೆ ಕಾಯುತ್ತಿದ್ದ ಯುವತಿ ಮೇಲೆ ಕಿಡಿಗೇಡಿ ಯುವಕನೊಬ್ಬ ತಲವಾರಿನಿಂದ ಭೀಕರವಾಗಿ ಹಲ್ಲೆ ನಡೆಸಿ, ಹತ್ಯೆ ಮಾಡಿದ್ದಾನೆ.

ಬಂಟ್ವಾಳ ತಾಲೂಕಿನ ಕಕ್ಯಪದವು ನಿವಾಸಿ ಲಾವಣ್ಯ(25) ಕೊಲೆಯಾದ ಯುವತಿಯಾಗಿದ್ದು, ಚೇತನ್ ಕೊಲೆ ಆರೋಪಿ ಎಂದು ಪೊಲೀಸರು ಗುರುತಿಸಿದ್ದಾರೆ. ನಿನ್ನೆ ಸಂಜೆ ಜು. 16 ರಂದು ಸಂಜೆ 6 ಗಂಟೆಯ ಸುಮಾರಿಗೆ ಈ ಘಟನೆ ನಡೆದಿದೆ.

ದೂರ ಸಂಬಂಧಿಯಾದ ಚೇತನ್, ಲಾವಣ್ಯ ಅವರನ್ನು ಪ್ರೀತಿಸುತ್ತಿದ್ದು,ಆದರೆ ಆಕೆಗೆ ಇಷ್ಟವಿರಲಿಲ್ಲ ಎಂಬ ಮಾಹಿತಿಯನ್ನು ಪೊಲೀಸರು ಸಂಗ್ರಹಿಸಿದ್ದಾರೆ.

ಈ ಘಟನೆಯನ್ನು ದಕ್ಷಿಣ ಕನ್ನಡ ಜಿಲ್ಲಾ ಪೊಲೀಸ್ ಇಲಾಖೆ ಗಂಭೀರವಾಗಿ ಪರಿಗಣಿಸಿದೆ. ತಕ್ಷಣವೇ ಅಲರ್ಟ್ ಆಗಿ, ಆರೋಪಿಯ ಬಂಧನಕ್ಕೆ ವಿಶೇಷ ಪೊಲೀಸ್ ತಂಡಗಳನ್ನು ರಚಿಸಿದ್ದಾರೆ.

ಕಲ್ಲಡ್ಕದ ಖಾಸಗಿ ನರ್ಸಿಂಗ್ ಹೋಂನಲ್ಲಿ ಕೆಲಸ ಮಾಡುತ್ತಿದ್ದ ಕಕ್ಯಪದವು ಮೈರ ನಿವಾಸಿ ಬಾಳಪ್ಪ ಗೌಡ ಎಂಬವರ ಪುತ್ರಿ ಲಾವಣ್ಯ ಅಲ್ಲಿಂದ ಬಿ.ಸಿ.ರೋಡಿನ ಕೆಎಸ್‌ಆರ್‌ಟಿಸಿ ಬಸ್ ನಿಲ್ದಾಣಕ್ಕೆ ಬಂದು ಅಲ್ಲಿಂದ ಬಿ.ಸಿ.ರೋಡ್ ಕಕ್ಯಪದವು ಕೆಎಸ್‌ಆರ್‌ಟಿಸಿ ಬಸ್‌ ಹತ್ತಿ ಕುಳಿತಿದ್ದಾರೆ. ಈ ಸಂದರ್ಭದಲ್ಲಿ ಆರೋಪಿ ಯುವಕ ಅಲ್ಲಿಗೆ ಬಂದಿದ್ದಾನೆ. ಆತನನ್ನು ಕಂಡು ಬೆದರಿ ಅಲ್ಲಿಂದ ಇಳಿದ ವೇಳೆ ಯುವಕ ಬೆನ್ನಟ್ಟಿದ್ದು, ತನ್ನ ಬ್ಯಾಗ್‌ನಿಂದ ಹರಿತವಾದ ಆಯುಧವನ್ನು ಹೊರತೆಗೆದಿದ್ದಾನೆ. ಕೂಡಲೇ ಯುವತಿ ಓಡಿ ತಪ್ಪಿಸಿಕೊಳ್ಳಲು ಯತ್ನಿಸಿದ್ದು, ತಲವಾರಿನಿಂದ ಬೀಸಿದ್ದಾನೆ. ಹಿಂಬಾಲಿಸಿಕೊಂಡು ಹೋಗಿ ಮನಸೋಇಚ್ಛೆ ತಲ್ವಾರಿನಿಂದ ಕಡಿದಿದ್ದಾನೆ. ಬಳಿಕ ಬಸ್ ನಿಲ್ದಾಣದ ಇನ್ನೊಂದು ಭಾಗದಿಂದ ಹೆದ್ದಾರಿ ಕಡೆಗೆ ಓಡಿ, ವಾಹನವೊಂದರಲ್ಲಿ ಪರಾರಿಯಾಗಿದ್ದಾನೆ.

ದಾಳಿಯಿಂದ ತೀವ್ರ ರಕ್ತಸ್ರಾವಕ್ಕೊಳಗಾಗಿ ನರಳುತ್ತಿದ್ದ ಯುವತಿಯನ್ನು ಬಸ್ ನಿಲ್ದಾಣದಲ್ಲಿದ್ದ ಸಾರ್ವಜನಿಕರು ತಕ್ಷಣ ಬಂಟ್ವಾಳ ಸರ್ಕಾರಿ ಆಸ್ಪತ್ರೆಗೆ ದಾಖಲಿಸಿದ್ದಾರೆ. ಆದರೆ ಗಂಭೀರವಾಗಿ ಗಾಯಗೊಂಡಿದ್ದ ಯುವತಿ ಚಿಕಿತ್ಸೆಯ ವೇಳೆ ಚೇತರಿಸದೆ ಕೊನೆಯುಸಿರೆಳೆದಿದ್ದಾರೆ ಎಂದು ಪೊಲೀಸ್ ಮೂಲಗಳು ಮಾಹಿತಿ ನೀಡಿವೆ.

 ಘಟನಾ ಸ್ಥಳಕ್ಕೆ ತಕ್ಷಣ ಜಿಲ್ಲಾ ಎಸ್ ಪಿ ಡಾ. ಅರುಣ್ ಕೆ. ಮತ್ತು ಬಂಟ್ವಾಳ ನಗರ ಠಾಣೆಯ ಪೊಲೀಸರು ಆರೋಪಿಯನ್ನು ಬಂದಿಸಲು ವಿಶೇಷ ಪೊಲೀಸ್ ತಂಡ ರಚಿಸಿದ್ದಾರೆ.

ಆರೋಪಿ

Eight-Year-Old Mangaluru Girl Launches Debut Book at Infant Jesus Shrine ;Young author’s love for reading blossoms into a published collection of stories and poems

ಮಂಗಳೂರು, ಜು. 16: ಮಂಗಳೂರಿನ ಎಂಟು ವರ್ಷದ ಪ್ರತಿಭಾವಂತ ಬಾಲಕಿ ಸ್ಕಾರ್ಲೆಟ್ ರೊಡ್ರಿಗಸ್ ಅವರ ಚೊಚ್ಚಲ ಕೃತಿ “The Wonderful World of Scarlett” ಅನ್ನು ಜುಲೈ 16ರಂದು, ಮೌಂಟ್ ಕಾರ್ಮೆಲ್ ಮಾತೆಯ ಹಬ್ಬದ ಅಂಗವಾಗಿ ಬಿಕರ್ನಕಟ್ಟೆಯ ಶಿಶು ಯೇಸು ದೇವಾಲಯದಲ್ಲಿ ನಡೆದ ಸಮಾರಂಭದಲ್ಲಿ ಲೋಕಾರ್ಪಣೆ ಮಾಡಲಾಯಿತು.

ಇಂದಿನ ದಿನಗಳಲ್ಲಿ ಅನೇಕ ಮಕ್ಕಳು ರಜಾದಿನಗಳನ್ನು ದೂರದರ್ಶನ ವೀಕ್ಷಣೆ ಅಥವಾ ಮೊಬೈಲ್ ಫೋನ್ ಬಳಕೆಯಲ್ಲಿ ಕಳೆಯುತ್ತಿರುವ ಸಂದರ್ಭದಲ್ಲಿ, ಸ್ಕಾರ್ಲೆಟ್ ತನ್ನದೇ ಆದ ಕಥೆಗಳು ಮತ್ತು ಕವನಗಳನ್ನು ರಚಿಸಿ ಪುಸ್ತಕ ರೂಪದಲ್ಲಿ ಪ್ರಕಟಿಸುವ ಮೂಲಕ ಎಲ್ಲರ ಮೆಚ್ಚುಗೆಗೆ ಪಾತ್ರಳಾಗಿದ್ದಾಳೆ.

ಮಂಗಳೂರಿನ ಸೇಂಟ್ ತೆರೆಸಾ ಶಾಲೆಯ ವಿದ್ಯಾರ್ಥಿನಿಯಾಗಿರುವ ಸ್ಕಾರ್ಲೆಟ್ ದ್ವಿತೀಯ ತರಗತಿಯನ್ನು ಪೂರ್ಣಗೊಳಿಸಿ, ಈಗ ತೃತೀಯ ತರಗತಿಗೆ ಪ್ರವೇಶ ಪಡೆದಿದ್ದಾಳೆ. ಇವರು ಕುಲಶೇಖರದ ಶ್ರೀಶಾ ಮತ್ತು ನೋಯೆಲ್ ರೊಡ್ರಿಗಸ್ ದಂಪತಿಯ ಪುತ್ರಿ.

ಸ್ಕಾರ್ಲೆಟ್‌ಗೆ ಓದಿನ ಮೇಲಿನ ಆಸಕ್ತಿ ಕೇವಲ ಒಂದು ವರ್ಷದ ವಯಸ್ಸಿನಲ್ಲೇ ಆರಂಭವಾಯಿತು. ತಾಯಿ ಪ್ರತಿದಿನ ಕಥೆಗಳನ್ನು ಓದಿ ಕೇಳಿಸುವ ಮೂಲಕ ಆಕೆಯ ಕಲ್ಪನಾಶಕ್ತಿಯನ್ನು ಬೆಳೆಸಿದರು. ನಂತರ ಆಕೆ ರೋಲ್ಡ್ ಡಾಲ್, ಡಾ. ಸ್ಯೂಸ್, ಎರಿಕ್ ಲಿಟ್ವಿನ್, ಜೇಮ್ಸ್ ಡೀನ್ ಮತ್ತು ಜೂಲಿಯಾ ಡೊನಾಲ್ಡ್’ಸನ್ ಅವರ ಮಕ್ಕಳ ಸಾಹಿತ್ಯವನ್ನು ಆಸಕ್ತಿಯಿಂದ ಓದುವುದರ ಜೊತೆಗೆ ವಿಲಿಯಂ ವರ್ಡ್ಸ್‌ವರ್ಥ್ ಹಾಗೂ ಎಡ್ವರ್ಡ್ ಲಿಯರ್ ಅವರ ಕವಿತೆಗಳನ್ನೂ ಕಂಠಪಾಠ ಮಾಡಿದ್ದಾಳೆ. ಓದಿನ ಮೇಲಿನ ಈ ಆಸಕ್ತಿಯೇ ಆಕೆಗೆ ಸ್ಪೆಲ್ ಬಿ ಪರೀಕ್ಷೆಯಲ್ಲಿ ಯಶಸ್ಸು ತಂದುಕೊಟ್ಟಿದ್ದು, ಸ್ವತಃ ಕಥೆ-ಕವನಗಳನ್ನು ಬರೆಯಲು ಪ್ರೇರಣೆ ನೀಡಿದೆ.

ಸ್ಕಾರ್ಲೆಟ್ ಅವರ ಈ ಪುಸ್ತಕವು Excel – Institute of Excellence ಸಂಸ್ಥೆಯ ಪ್ರೋತ್ಸಾಹ ಮತ್ತು ಮಾರ್ಗದರ್ಶನದಲ್ಲಿ ರೂಪುಗೊಂಡಿದ್ದು, ಅಲ್ಲಿ ಆಕೆಯ ಸೃಜನಶೀಲತೆಯನ್ನು ಮತ್ತಷ್ಟು ಬೆಳೆಸಲಾಯಿತು.

ಪುಸ್ತಕವನ್ನು ಲೋಕಾರ್ಪಣೆ ಮಾಡಿದ ಶಿಶು ಯೇಸು ದೇವಾಲಯದ ನಿರ್ದೇಶಕರಾದ ರೆವ. ಫಾ. ಸ್ಟಿಫನ್ ಪಿರೇರಾ, OCD, ಸ್ಕಾರ್ಲೆಟ್ ಅವರ ಸಾಧನೆಯನ್ನು ಇಂದಿನ ಮಕ್ಕಳಿಗೆ ಮಾದರಿಯೆಂದು ಬಣ್ಣಿಸಿದರು.

“ಇಂದು ಅನೇಕ ಮಕ್ಕಳು ರಜಾದಿನಗಳನ್ನು ಟಿವಿ ಅಥವಾ ಮೊಬೈಲ್ ಪರದೆಯ ಮುಂದೆ ಕಳೆಯುತ್ತಾರೆ. ಆದರೆ ಸ್ಕಾರ್ಲೆಟ್ ಓದುವುದು, ಕಲ್ಪನೆ ಮಾಡುವುದು ಮತ್ತು ಸೃಜನಾತ್ಮಕವಾಗಿ ಬರೆಯುವುದನ್ನು ಆಯ್ಕೆ ಮಾಡಿಕೊಂಡಿದ್ದಾಳೆ. ಆಕೆಯ ಸಾಧನೆ ಮಕ್ಕಳಿಗೆ ಸ್ಫೂರ್ತಿಯಾಗಿದ್ದು, ಓದಿನ ಅಭ್ಯಾಸವು ಮಕ್ಕಳ ಪ್ರತಿಭೆಯನ್ನು ಅನಾವರಣಗೊಳಿಸುವ ಶಕ್ತಿಯಿದೆ ಎಂಬುದನ್ನು ಪೋಷಕರಿಗೆ ನೆನಪಿಸುತ್ತದೆ,” ಎಂದು ಅವರು ಹೇಳಿದರು.

ಮಕ್ಕಳಲ್ಲಿ ಬಾಲ್ಯದಿಂದಲೇ ಓದಿನ ಅಭ್ಯಾಸ ಬೆಳೆಸುವ ಮೂಲಕ ಸೃಜನಶೀಲತೆಯನ್ನು ವಿಕಸನಗೊಳಿಸುವಲ್ಲಿ ಪೋಷಕರ ಪಾತ್ರ ಅತ್ಯಂತ ಮಹತ್ವದ್ದಾಗಿದೆ ಎಂದು ಫಾ. ಪಿರೇರಾ ಇದೇ ಸಂದರ್ಭದಲ್ಲಿ ತಿಳಿಸಿದರು.

“ಡಿಜಿಟಲ್ ಯುಗದ ಮಕ್ಕಳಿಗೆ ಕಾರ್ಮೆಲ್ ಮಾತೆ” ಎಂಬ ಧ್ಯೇಯದಡಿ ನಡೆದ ಮೌಂಟ್ ಕಾರ್ಮೆಲ್ ಹಬ್ಬದ ಅಂಗವಾಗಿ ಈ ಪುಸ್ತಕ ಲೋಕಾರ್ಪಣೆ ವಿಶೇಷ ಮಹತ್ವ ಪಡೆದುಕೊಂಡಿತು. ತಂತ್ರಜ್ಞಾನವನ್ನು ವಿವೇಕದಿಂದ ಬಳಸುತ್ತಾ, ಓದು, ಕಲ್ಪನೆ, ಸೃಜನಶೀಲತೆ ಹಾಗೂ ಜೀವನಪರ್ಯಂತ ಕಲಿಕೆಯ ಆಸಕ್ತಿಯನ್ನು ಬೆಳೆಸಬೇಕು ಎಂಬ ಸಂದೇಶವನ್ನು ಸ್ಕಾರ್ಲೆಟ್ ಅವರ ಸಾಧನೆ ಪ್ರತಿಬಿಂಬಿಸಿತು.

ಕಾರ್ಯಕ್ರಮದಲ್ಲಿ ರೆವ. ಫಾ. ಜೋಸಿ ಸಿದ್ದಕಟ್ಟೆ, OCD (ನಮಾನ್ ಬಾಳೊಕ್ ಜೆಜು, ಸಂಪಾದಕರು), ಶ್ರೀಮತಿ ಶ್ರೀಶಾ ರೊಡ್ರಿಗಸ್, ಹಾಗೂ ದೇವಾಲಯದ ಭಕ್ತರು ಮತ್ತು ಸಮುದಾಯದ ಸದಸ್ಯರು ಉಪಸ್ಥಿತರಿದ್ದು, ಕಿರಿಯ ಲೇಖಕಿಯ ಸಾಧನೆಯನ್ನು ಅಭಿನಂದಿಸಿದರು

Eight-Year-Old Mangaluru Girl Launches Debut Book at Infant Jesus Shrine :Young author’s love for reading blossoms into a published collection of stories and poems

MANGALURU, July 16: In a remarkable celebration of young literary talent, eight-year-old Scarlett Rodrigues launched her debut book, The Wonderful World of Scarlett, at the Infant Jesus Shrine, Bikarnakatte, on Thursday, July 16, coinciding with the Feast of Our Lady of Mount Carmel.

At an age when many children spend their holidays watching television or scrolling through mobile phones, Scarlett has distinguished herself by writing and publishing a collection of original stories and poems, earning admiration from educators, parents, and the faithful gathered for the occasion.

A student of St. Theresa’s School, Mangaluru, Scarlett has completed Class II and has now entered Class III. She is the daughter of Shreesha and Noel Rodrigues of Kulshekar.

Scarlett’s love for books began when she was just one year old, as her mother nurtured her imagination by reading stories aloud every day. An enthusiastic reader, Scarlett has immersed herself in the works of renowned children’s authors such as Roald Dahl, Dr. Seuss, Eric Litwin, James Dean, and Julia Donaldson, while also memorising poems by William Wordsworth and Edward Lear. Her passion for reading has contributed to her success in the Spell Bee examination and inspired her to begin writing her own stories and poems.

The book was developed with encouragement from Excel – Institute of Excellence, where her creative abilities were nurtured and refined.

Releasing the book, Rev. Fr. Stifan Perera, OCD, Director of the Infant Jesus Shrine, praised Scarlett’s achievement as a shining example for today’s children.

“Many children spend their holidays in front of television screens or endlessly scrolling through mobile phones. Scarlett has chosen a different path. She has used her holidays to read, imagine, and write creatively. Her achievement is an inspiration to children and a reminder to parents that a love for reading can shape young minds and unlock extraordinary talents,” he said.

Fr. Perera also emphasised that parents play an indispensable role in cultivating creativity by encouraging reading from an early age.

The book release gained added significance as it took place during the Shrine’s Mount Carmel celebrations under the theme “Our Lady of Mount Carmel: A Mother for the Digital Generation.” Scarlett’s journey from an avid reader to a published author reflected the very message of the celebration-encouraging children to use technology wisely while nurturing imagination, creativity, and a lifelong love for learning.

Among those present were Rev. Fr. Jocy Siddakatte, OCD, Editor of Naman Ballok Jesu, Mrs. Shreesha Rodrigues, Scarlett’s mother, and members of the Shrine community, who applauded the young author’s remarkable achievement.

ರೋಟರಿ ಕ್ಲಬ್ ಬಾರ್ಕೂರು ಹಾಗೂ ಇಂಟರ್ಯಾಕ್ಟ್ ಕ್ಲಬ್, ನೇಶನಲ್ ಹೈಸ್ಕೂಲ್ ಬಾರ್ಕೂರು ಇವರ ಸಂಯುಕ್ತ ಆಶ್ರಯದಲ್ಲಿ ಇಂಟರ್ಯಾಕ್ಟ್ ಪದ ಪ್ರದಾನ ಸಮಾರಂಭವು ದಿನಾಂಕ 15-07-2026ರಂದು ನೇಶನಲ್ ಹೈಸ್ಕೂಲ್ ಬಾರ್ಕೂರಿನ ಸಭಾಂಗಣದಲ್ಲಿ ಅತ್ಯಂತ ಅರ್ಥಪೂರ್ಣವಾಗಿ ಹಾಗೂ ಸಂಭ್ರಮದಿಂದ ನೆರವೇರಿತು.
ವಿದ್ಯಾರ್ಥಿಗಳಲ್ಲಿ ನಾಯಕತ್ವದ ಗುಣ, ಸೇವಾ ಮನೋಭಾವ, ಸಾಮಾಜಿಕ ಬದ್ಧತೆ ಹಾಗೂ ಜವಾಬ್ದಾರಿಯುತ ವ್ಯಕ್ತಿತ್ವವನ್ನು ಬೆಳೆಸುವ ಉದ್ದೇಶದಿಂದ ಆಯೋಜಿಸಲಾದ ಈ ಕಾರ್ಯಕ್ರಮವು ಎಲ್ಲರ ಮೆಚ್ಚುಗೆಗೆ ಪಾತ್ರವಾಯಿತು.
ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ರೋಟರಿ ಕ್ಲಬ್ ಬಾರ್ಕೂರಿನ ಅಧ್ಯಕ್ಷರಾದ ರೊ. ಎನ್. ಅಜಿತ್ ಕುಮಾರ್ ಶೆಟ್ಟಿ ಅವರು ವಹಿಸಿದ್ದರು. ಅಧ್ಯಕ್ಷೀಯ ಭಾಷಣದಲ್ಲಿ ಅವರು, ವಿದ್ಯಾರ್ಥಿ ಜೀವನವೇ ಮೌಲ್ಯಗಳನ್ನು ರೂಢಿಸಿಕೊಳ್ಳುವ ಸುವರ್ಣಕಾಲವಾಗಿದ್ದು, ಇಂಟರ್ಯಾಕ್ಟ್ ಕ್ಲಬ್ ವಿದ್ಯಾರ್ಥಿಗಳ ವ್ಯಕ್ತಿತ್ವ ವಿಕಸನಕ್ಕೆ ಅತ್ಯುತ್ತಮ ವೇದಿಕೆಯಾಗಿದೆ ಎಂದು ತಿಳಿಸಿದರು. “ಇಂದಿನ ವಿದ್ಯಾರ್ಥಿಗಳೇ ನಾಳಿನ ಸಮಾಜದ ನಾಯಕರು. ಆದ್ದರಿಂದ ಸೇವಾ ಮನೋಭಾವ, ಶಿಸ್ತು, ಪ್ರಾಮಾಣಿಕತೆ ಹಾಗೂ ನಾಯಕತ್ವದ ಗುಣಗಳನ್ನು ಈಗಿನಿಂದಲೇ ಬೆಳೆಸಿಕೊಳ್ಳಬೇಕು” ಎಂದು ಕಿವಿಮಾತು ಹೇಳಿದರು.
ಪದ ಪ್ರದಾನ ಅಧಿಕಾರಿಗಳಾದ ರೊ. ಪಿ.ಎಚ್.ಪಿ. ರತ್ನಾಕರ ಶೆಟ್ಟಿ ಅವರು ನೂತನ ಪದಾಧಿಕಾರಿಗಳಿಗೆ ಅಧಿಕಾರ ಹಸ್ತಾಂತರ ಮಾಡಿ ಪದಪ್ರಮಾಣ ವಚನ ಬೋಧಿಸಿದರು. ಅಧಿಕಾರವು ಗೌರವಕ್ಕಿಂತ ಹೆಚ್ಚಿನ ಜವಾಬ್ದಾರಿಯನ್ನು ಹೊಂದಿದ್ದು, ವಿದ್ಯಾರ್ಥಿಗಳು ತಮ್ಮ ಹುದ್ದೆಯನ್ನು ನಿಷ್ಠೆ, ಪ್ರಾಮಾಣಿಕತೆ ಹಾಗೂ ಸೇವಾ ಸಂಕಲ್ಪದಿಂದ ನಿರ್ವಹಿಸಬೇಕೆಂದು ಹಾರೈಸಿದರು.
ಮುಖ್ಯ ಅತಿಥಿಯಾಗಿ ಭಾಗವಹಿಸಿದ್ದ ವಲಯ ಪ್ರತಿನಿಧಿ ರೊ. ಸೀತಾರಾಮ್ ಎಸ್. ಅವರು ರೋಟರಿಯ ಧ್ಯೇಯ, ಇಂಟರ್ಯಾಕ್ಟ್ ಕ್ಲಬ್‌ನ ಉದ್ದೇಶಗಳು ಹಾಗೂ ಸಮಾಜಮುಖಿ ಚಟುವಟಿಕೆಗಳ ಕುರಿತು ವಿದ್ಯಾರ್ಥಿಗಳಿಗೆ ಸ್ಫೂರ್ತಿದಾಯಕ ಸಂದೇಶ ನೀಡಿದರು. ವಿದ್ಯಾರ್ಥಿಗಳು ಸೇವೆಯ ಮೂಲಕ ಸಮಾಜದ ವಿಶ್ವಾಸವನ್ನು ಗಳಿಸಿ, ಉತ್ತಮ ನಾಗರಿಕರಾಗಿ ರೂಪುಗೊಳ್ಳಬೇಕೆಂದು ಕರೆ ನೀಡಿದರು.
ಕ್ಲಬ್ ಇಂಟರ್ಯಾಕ್ಟ್ ಚೇರ್ಮನ್ ರೊ. ಕುಶಲ್ ಪೂಜಾರಿ ಅವರು ಮಾತನಾಡಿ, ರೋಟರಿ ಸಂಸ್ಥೆ ಹಿನ್ನೆಲೆ,ಇಂಟರ್ಯಾಕ್ಟ್ ಕ್ಲಬ್ ವಿದ್ಯಾರ್ಥಿಗಳಲ್ಲಿ ನಾಯಕತ್ವ, ಸಂಘಟನಾ ಕೌಶಲ್ಯ, ಆತ್ಮವಿಶ್ವಾಸ ಹಾಗೂ ತಂಡದ ಮನೋಭಾವವನ್ನು ಬೆಳೆಸುವ ಮಹತ್ವದ ವೇದಿಕೆಯಾಗಿದೆ ಎಂದರು. ಶಾಲೆಯಲ್ಲಿ ಹಮ್ಮಿಕೊಳ್ಳುವ ಪ್ರತಿಯೊಂದು ಸೇವಾ ಕಾರ್ಯಕ್ರಮದಲ್ಲೂ ಸಕ್ರಿಯವಾಗಿ ಭಾಗವಹಿಸುವಂತೆ ವಿದ್ಯಾರ್ಥಿಗಳನ್ನು ಪ್ರೋತ್ಸಾಹಿಸಿದರು.
ಮೆಂಬರ್‌ಶಿಪ್ ಚೇರ್ಮನ್ ರೊ. ಹರೀಶ್ ಕುಂದರ್ ಅವರು ರೋಟರಿ ಕುಟುಂಬದ ಸೇವಾ ಪರಂಪರೆಯನ್ನು ಪರಿಚಯಿಸಿ, “ಸ್ವಯಂ ಸೇವೆಯೇ ಶ್ರೇಷ್ಠ ಸೇವೆ” ಎಂಬ ಧ್ಯೇಯವನ್ನು ಜೀವನದಲ್ಲಿ ಅಳವಡಿಸಿಕೊಳ್ಳುವಂತೆ ವಿದ್ಯಾರ್ಥಿಗಳಿಗೆ ಕರೆ ನೀಡಿದರು. ಶಿಕ್ಷಣದೊಂದಿಗೆ ಮಾನವೀಯ ಮೌಲ್ಯಗಳನ್ನು ಬೆಳೆಸಿಕೊಳ್ಳುವುದು ಜೀವನದ ನಿಜವಾದ ಯಶಸ್ಸು ಎಂದು ತಿಳಿಸಿದರು.
ಕಾರ್ಯಕ್ರಮದ ಗೌರವ ಉಪಸ್ಥಿತಿಯನ್ನು ನೇಶನಲ್ ಹೈಸ್ಕೂಲ್ ಬಾರ್ಕೂರಿನ ಮುಖ್ಯ ಶಿಕ್ಷಕಿ ಶ್ರೀಮತಿ ಹೇಮಾವತಿ ಪಿ.ಎಸ್. ಅವರು ವಹಿಸಿ ನಮ್ಮ ಸಂಸ್ಥೆ ಪರವಾಗಿ ಎಲ್ಲರನ್ನು ಸ್ವಾಗತಿಸಿದರು .
ಈ ಸಂದರ್ಭದಲ್ಲಿ ಶಾಲಾ ಇಂಟರ್ಯಾಕ್ಟ್ ಕ್ಲಬ್ ನ ನೂತನ ಅಧ್ಯಕ್ಷರಾಗಿ 10ನೇ ತರಗತಿಯ ಸಾಕ್ಷಿತಾ, ಕಾರ್ಯದರ್ಶಿಯಾಗಿ 10ನೇ ತರಗತಿಯ ತನುಷ್ಕ, ಖಜಾಂಚಿ ಹಾಗೂ ವಿವಿಧ ಸಮಿತಿಗಳ ಪದಾಧಿಕಾರಿಗಳಿಗೆ ಅಧಿಕಾರ ಹಸ್ತಾಂತರ ಮಾಡಿ ಪದಪ್ರಮಾಣ ವಚನ ಬೋಧಿಸಲಾಯಿತು. ಇಂಟರ್ಯಾಕ್ಟ್ ಕ್ಲಬ್ ನ ಅಧ್ಯಕ್ಷರಾದ ಸಾಕ್ಷಿತಾ ಳ ನೇತೃತ್ವದ ನೂತನ ತಂಡವು ಪ್ರಾಮಾಣಿಕತೆ, ಶಿಸ್ತು ಹಾಗೂ ಸೇವಾ ಮನೋಭಾವದಿಂದ ಕ್ಲಬ್‌ನ ಚಟುವಟಿಕೆಗಳನ್ನು ಯಶಸ್ವಿಯಾಗಿ ಮುನ್ನಡೆಸುವುದಾಗಿ ಭರವಸೆ ನೀಡಿದರು. ಇಂಟರ್ಯಾಕ್ಟ್ ಟೀಚರ್ಸ್ ಕೋ ಆರ್ಡಿನೇಟರ್ ಆದ ಪ್ರಭಾಕರ್ ಜಿ ಪಿ ಅವರು ವೇದಿಕೆಯಲ್ಲಿ ಉಪಸ್ಥಿತರಿದ್ದು ನೂತನ ತಂಡಕ್ಕೆ ಶುಭ ಹಾರೈಸಿದರು. 10ನೇ ತರಗತಿ ವಿದ್ಯಾರ್ಥಿನಿಯರಾದ ಪೂರ್ಣಿಮಾ ಮತ್ತು ಐಸಿರಿಯವರು ಪದಗ್ರಹಣ ಕಾರ್ಯಕ್ರಮವನ್ನು ನಿರೂಪಣೆ ಮಾಡಿದ್ದರು. ಒಟ್ಟಾರೆಯಾಗಿ ಚುಟುಕಾಗಿ ನಡೆದ ಇಂಟರ್ಯಾಕ್ಟ್ ಕ್ಲಬ್ ನ ಪದಗ್ರಹಣ ಸಮಾರಂಭದಲ್ಲಿ ರೋಟರಿ ಕ್ಲಬ್‌ನ ಪದಾಧಿಕಾರಿಗಳು, ಸದಸ್ಯರು, ಶಾಲೆಯ ಶಿಕ್ಷಕ ವೃಂದ, ವಿದ್ಯಾರ್ಥಿಗಳು ಹಾಗೂ ಆಹ್ವಾನಿತ ಗಣ್ಯರು ಉಪಸ್ಥಿತರಿದ್ದರು. ಸಮಾರಂಭವು ಶಿಸ್ತು, ಸಂಭ್ರಮ ಹಾಗೂ ಸೇವಾ ಸ್ಪೂರ್ತಿಯ ವಾತಾವರಣದಲ್ಲಿ ಯಶಸ್ವಿಯಾಗಿ ನೆರವೇರಿತು. ಕೊನೆಯಲ್ಲಿ ಎಲ್ಲರಿಗೂ ವಂದನಾರ್ಪಣೆ ಸಲ್ಲಿಸಿ ರಾಷ್ಟ್ರಗೀತೆಯೊಂದಿಗೆ ಕಾರ್ಯಕ್ರಮವನ್ನು ಮುಕ್ತಾಯಗೊಳಿಸಲಾಯಿತು.
ವಿದ್ಯಾರ್ಥಿಗಳ ಹೃದಯದಲ್ಲಿ ಸೇವೆಯ ಬೀಜ ಬಿತ್ತಿದ ಈ ಪದ ಪ್ರದಾನ ಸಮಾರಂಭವು ನಾಯಕತ್ವ, ಮಾನವೀಯ ಮೌಲ್ಯಗಳು ಮತ್ತು ಸಾಮಾಜಿಕ ಬದ್ಧತೆಯ ದೀಪವನ್ನು ಬೆಳಗಿಸಿದ ಸ್ಮರಣೀಯ ಕಾರ್ಯಕ್ರಮವಾಗಿ ಎಲ್ಲರ ಮನದಲ್ಲಿ ಅಚ್ಚಳಿಯದೆ ಉಳಿಯಿತು.

ಉಡುಪಿ ಜಿಲ್ಲೆ ಕುಂದಾಪುರ ತಾಲೂಕಿನ ಸಿದ್ದಾಪುರ ವಿಜಯಕರ್ನಾಟಕ ವರದಿಗಾರ ನಾಗೇಶ್ ಗಾಣಿಗ ನೇರಳಕಟ್ಟೆ ಅವರು ಹೃದಯಘಾತದಿಂದ ನಿಧಾನರಾಗಿದ್ದು, ಅವರ ನಿಧನಕ್ಕೆ ಕರ್ನಾಟಕ ಕಾರ್ಯನಿರತ ಪತ್ರಕರ್ತರ ಸಂಘ (ಕೆಯುಡಬ್ಲ್ಯೂಜೆ )ತೀವ್ರ ಸಂತಾಪ ವ್ಯಕ್ತಪಡಿಸಿದೆ.

ಕ್ರೀಯಾಶೀಲ ವರದಿಗಾರರಾಗಿದ್ದ ನಾಗೇಶ್ ಗಾಣಿಗ ಅವರ ಸೇವೆಯನ್ನು ಕೆಯುಡಬ್ಲ್ಯೂಜೆ ರಾಜ್ಯಾಧ್ಯಕ್ಷರಾದ ಶಿವಾನಂದ ತಗಡೂರು ಶ್ಲಾಘಿಸಿದ್ದು, ಅವರ ಆತ್ಮಕ್ಕೆ ಶಾಂತಿ ಕೋರಿದ್ದಾರೆ. ದುಃಖ ಭರಿಸುವ ಶಕ್ತಿಯನ್ನು ದೇವರು ಕರುಣಿಸಲಿ ಎಂದು ಅವರು ಪ್ರಾರ್ಥಿಸಿದ್ದಾರೆ.

ಬಾರ್ಕೂರು; ಉಡುಪಿ ಜಿಲ್ಲಾ ಕನ್ನಡ ಸಾಹಿತ್ಯ ಪರಿಷತ್ತು ಬ್ರಹ್ಮಾವರ ತಾಲೂಕು ಘಟಕ, ನ್ಯಾಷನಲ್ ಖಾಸಗಿ ಹಿರಿಯ ಪ್ರಾಥಮಿಕ ಶಾಲೆ, ಹನೇಹಳ್ಳಿ, ಬಾರ್ಕೂರು ಹಾಗೂ ಅಲಯನ್ಸ ಕ್ಲಬ್ ಬಾರ್ಕೂರು ಇವರ ಜಂಟಿ ಸಹಯೋಗದಲ್ಲಿ “ಸಾಹಿತ್ಯ ಪ್ರೇರಣೆ “ಸಾಹಿತ್ಯ ಸಂಚಾರ 21ಕಾರ್ಯಕ್ರಮ ಶಾಲೆಯಲ್ಲಿ ಜರುಗಿತು. ಶಾಲಾ ಆಡಳಿತ ಮಂಡಳಿಯ ಸಂಯೋಜಕರಾಗಿರುವ ಶ್ರೀ ಆರ್ಚಿ ಬಾಲ್ಡ್ ಫುರ್ಟಾಡೊ ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ವಹಿಸಿದ್ದು, ಕಾರ್ಯಕಾರಿ ಸಮಿತಿ ಸದಸ್ಯರು, ಹಿರಿಯರು ಆಗಿರುವ ಶ್ರೀ ರತ್ನಾಕರ್ ಶೆಟ್ಟಿ ದೀಪ ಬೆಳಗಿಸಿ ಕಾರ್ಯಕ್ರಮವನ್ನು ಉದ್ಘಾಟಿಸಿದರು. ಸಂಪನ್ಮೂಲ ವ್ಯಕ್ತಿಗಳಾಗಿ ಕ.ಸಾ.ಪ ಬ್ರಹ್ಮಾವರ ತಾಲೂಕು ಘಟಕದ ಅಧ್ಯಕ್ಷರಾದ ಶ್ರೀ ರಾಮಚಂದ್ರ ಐತಾಳ್ ಗುಂಡ್ಮಿ, ಶ್ರೀ ಅಚ್ಚುತ ಪೂಜಾರಿ ಕಾರ್ಕಡ, ಕ.ಸಾ.ಪ.ಕೋಟ ಹೋಬಳಿ ಅಧ್ಯಕ್ಷರಾದ ಶ್ರೀ ವಿಶ್ವನಾಥ ಖಾರ್ವಿ, ಕಾರ್ಯದರ್ಶಿಯವರಾದ ಶ್ರೀ ನರಸಿಂಹಮೂರ್ತಿ, ಯಕ್ಷಗಾನ ಶಿಕ್ಷಕರಾದ ಶ್ರೀ ನರಸಿಂಹ ತುಂಗ ಕೋಟ ಹಾಗೂ ಕ.ಜಾ.ಪ.ಪ.ಕುಂದಾಪುರ ತಾ.ಘ.ಅಧ್ಯಕ್ಷೆ ಶ್ರೀಮತಿ ಸುಪ್ರೀತಾ ಪುರಾಣಿಕ, ಹೈಸ್ಕೂಲು ಕನ್ನಡ ಶಿಕ್ಷಕರಾದ ಮಾರುತಿ ಕೆ.ಪಿ ಉಪಸ್ಥಿತರಿದ್ದರು.
ಕನ್ನಡ ಕತೆ, ಕವನ, ಪ್ರಾಸ ಪದ್ಯಗಳು, ಅಭಿನಯ ಗೀತೆಗಳು, ಮನೋರಂಜನಾ ಆಟಗಳು, ಹಾಸ್ಯ ಯಕ್ಷಗಾನ ಮೊದಲಾದ ಚಟುವಟಿಕೆಗಳನ್ನು ನಡೆಸಿ ಕನ್ನಡ ಭಾಷೆಯ ಶ್ರೇಷ್ಟತೆ, ಸಿರಿವಂತಿಕೆ, ಬೆಳವಣಿಗೆ ಮತ್ತು ವೈಭವದ ಬಗ್ಗೆ ಮಕ್ಕಳಿಗೆ ಪರಿಚಯಿಸಿದರು.
ಶಾಲಾ ಮುಖ್ಯೋಪಾಧ್ಯಾಯರಾದ ಶ್ರೀ ಉದಯ ಎಸ್ ಶೆಟ್ಟಿ ಅತಿಥಿಗಳನ್ನು ಪರಿಚಯಿಸಿ, ಪುಷ್ಪ ನೀಡಿ ಸ್ವಾಗತಿಸಿದರು. ಶಿಕ್ಷಕಿ ಶೈಲಜ ಕಾರ್ಯಕ್ರಮ ನಿರೂಪಿಸಿದರು. ನವ್ಯಲತಾ ವಂದಿಸಿದರು. ಶಿಕ್ಷಕಿ ಸುಮ ಹಾಗೂ ಮತ್ತಿತರ ಶಿಕ್ಷಕರು, ಪೋಷಕರು ವಿದ್ಯಾರ್ಥಿಗಳು ಉಪಸ್ಥಿತರಿದ್ದು, ಕಾರ್ಯಕ್ರಮ ಯಶಸ್ವಿಯಾಗಿ ನೆರವೇರಿತು.

ಜುಲೈ: 16 ಸಂತ ಅಲೋಶಿಯಸ್ ಆಂಗ್ಲ ಮಾಧ್ಯಮ ಶಾಲೆ ಉರ್ವಾದಲ್ಲಿ ಒಂದು ದಿನದ ಮೌಲ್ಯಶಿಕ್ಷಣ ತರಬೇತಿ ಕಾರ್ಯಾಗಾರವು ರಜತ್  ಶೈಲೇಶ್ ಲೋಬೊ ನೇತೃತ್ವದಲ್ಲಿ ಒಟ್ಟು 12 ಮಂದಿಯ ತಂಡದಿಂದ 6 ರಿಂದ 10 ನೇ ತರಗತಿಯ ವಿದ್ಯಾರ್ಥಿಗಳಿಗೆ ಕಾರ್ಯಾಗಾರವು ನಡೆಯಿತು.

ದೀಪ ಬೆಳಗಿಸುವುದರೊಂದಿಗೆ ಈ ಕಾರ್ಯಕ್ರಮದ ಉದ್ಘಾಟನೆಯನ್ನು  ಶಾಲಾ ಸಂಚಾಲಕರು ಮತ್ತು ಉರ್ವ ಇಮ್ಯಾನಿಕ್ ಚರ್ಚ್ ಧರ್ಮ ಗುರುಗಳಾದ ವಂ ಗುರು ಬೆಂಜಮೀನ್ ಪಿಂಟೊರವರು ನೆರವೇರಿಸಿ  ಪ್ರತಿಯೊಬ್ಬ ವಿದ್ಯಾರ್ಥಿಯ ಉತ್ತಮ  ನೈತಿಕ, ಸಾಮಾಜಿಕ, ಸಾಂಸ್ಕೃತಿಕ ಮತ್ತು ಮಾನವೀಯ ಮೌಲ್ಯಗಳನ್ನು ಬೆಳೆಸಿ ಹಾಗೂ ಈ ಕಾರ್ಯಗಾರದ ಸದುಪಯೋಗವನ್ನು ಪಡೆದು ಉತ್ತಮ ಮೌಲ್ಯಗಳನ್ನು ಅಳವಡಿಸಿ ಎಂದು ವಿದ್ಯಾರ್ಥಿಗಳಿಗೆ ತಿಳಿಸಿದರು.

 ಕಾರ್ಯಗಾರ ನಡೆಸಿಕೊಡಲು ಆಗಮಿಸಿದ ಸಂಪನ್ಮೂಲ ವ್ಯಕ್ತಿಗಳನ್ನು ಶಾಲಾ ಮುಖ್ಯ ಶಿಕ್ಷಕರಾದ  ಶ್ರೀ ಅಲೋಶಿಯಸ್ ಡಿಸೋಜರವರು ಸ್ವಾಗತಿಸಿ ಕಾರ್ಯಗಾರದ ಸದುಪಯೋಗವನ್ನು ಪಡೆದುಕೊಂಡು ಮೌಲ್ಯಯುತ ಜೀವನ ನಡೆಸೋಣ ಎಂಬುದಾಗಿ ಶುಭ ಹಾರೈಸಿದರು.

 ಈ ಸಂದರ್ಭದಲ್ಲಿ ವೇದಿಕೆಯಲ್ಲಿ ರಜತ್  ಶೈಲೇಶ್ ಲೋಬೊ , ಶಾಲೆಯ ಹಿರಿಯ ಶಿಕ್ಷಕಿ ಶ್ರೀಮತಿ ಲವೀನಾ ಡಿಕುನ್ಹಾ, ಶಾಲಾ ನಾಯಕ  ಹರ್ಷವರ್ಧನ್, ಶಾಲಾ ಉಪನಾಯಕಿ ಜೈನ್ ಜೆರುಶಾ ಪಿಂಟೊ ಉಪಸ್ಥಿತರಿದ್ದರು. ವಿದ್ಯಾರ್ಥಿಗಳು ಪ್ರಾರ್ಥನೆ ನೆರವೇರಿಸಿದರು. ಶಿಕ್ಷಕಿ ಲವೀನಾ ಪಿಂಟೋ ಕಾರ್ಯಕ್ರಮ ನಿರೂಪಿಸಿ ವಂದಿಸಿದರು.

ಕುಂದಾಪುರ, ಜು.16: ಕುಂದಾಪುರ ಸಂತ ಜೋಸೆಫ್ ಕಾನ್ವೆಂಟ್ ಪ್ರಾರ್ಥನ ಮಂದಿರದಲ್ಲಿ ಸಂತ ಜೋಸೆಫ್ ಕಾನ್ವೆಂಟಿನ ಆಪೊಸ್ತಲಿಕ್  ಕಾರ್ಮೆಲ್ ಸಂಸ್ಥೆಯ ಧರ್ಮ ಭಗಿನಿಯರು, ತಮ್ಮ ಪಾಲಕಿ ಕಾರ್ಮೆಲ್ ಮಾತೆಯ ಹಬ್ಬವನ್ನು ಜುಲಾಯ್ 16 ರಂದು ಭಕ್ತಿಯಿಂದ ಆಚರಿಸಿದರು. 

     ಹಬ್ಬದ ಬಲಿದಾನವನ್ನು ಕುಂದಾಪುರ ಸಂತ ಮೇರಿಸ್ ಪಿ.ಯು. ಕಾಲೇಜ್ ಹಾಗೂ ಹೋಲಿ ರೋಜರಿ ಆಂಗ್ಲ ಮಾಧ್ಯಮ ಶಾಲೆಯ ಪ್ರಾಂಶುಪಾಲರಾದ ವಂ| ಫಾ| ರೊಲ್ವಿನ್ ಫೆರ್ನಾಂಡಿಸ್  ದಿವ್ಯ ಬಲಿ ಪೂಜೆಯನ್ನು ಅರ್ಪಿಸಿ, ಅವರು “ಕಾರ್ಮೆಲ್ ಮಾತೆ ಅಥವ ಮೇರಿ ಮಾತೆ ನಮಗೆ ಎರಡು ಕೊಡುಗೆಗಳನ್ನು ಒಂದು ನಮ್ಮ ರಕ್ಷಕ ಯೇಸು ಕ್ರಿಸ್ತನನ್ನು ಪುತ್ರನಾಗಿ ನಮಗೆ ನೀಡಿದ್ದು,ಇದು ಮಹಾ ಕೊಡುಗೆಯಾಗಿದೆ. ನಾವು ಇದೇ ಯೇಸು ಕ್ರಿಸ್ತರ ಮೂಲಕ ನಾವು ಪಾಪದಿಂದ ವಿಮುಕ್ತಿಯಾಗಿ ಮುಕ್ತಿ ಪಡೆಯುವ ಅವಕಾಶ ಸಿಕ್ಕಿತು. ಎರಡನೇಯದು ಅವರ ತಾಯ್ತತನ, ಯೇಸು ಕ್ರಿಸ್ತರು ಶಿಲುಬೆಯ ಮೇಲೆ ಪ್ರಾಣ ಅರ್ಪಿಸುವಾಗ ಅವರ ಶಿಷ್ಯನಿಗೆ ಇದೋ ಇನ್ನು ಮುಂದೆ ಇವಳು ನಿನ್ನ ತಾಯಿ ಎಂದು ಹೇಳಿದರು, ಇದಾದ ನಂತರ ಪ್ರಪಂಚಾದ್ಯಂತ ಮೇರಿ ಮಾತೆಯನ್ನು ಮಾಹಾಮಾತೆ ಎಂದು ಭಕ್ತಿಯಿಂದ ಗೌರವಿಸುತ್ತಾರೆ, ಕಾರ್ಮೆಲ್ ಮೇಳದ ಸಂಸ್ಥಾಪಕ ಸೈಮನ್ ಸ್ಟಾಕ್ ಸಂಕಷ್ಟದಲ್ಲಿ ಸಿಲುಕಿದಾಗ ಅವರು ಕಾರ್ಮೆಲ್ ಮಾತೆಯ ಹತ್ತಿರ ಪ್ರಾರ್ಥಿಸುತ್ತಾರೆ, ಆವಾಗ ಕಾರ್ಮೆಲ್ ಮಾತೆಯ ರೂಪದಲ್ಲಿ ಮೇರಿ ಮಾತೆ ಪ್ರತ್ಯಕ್ಷವಾಗಿ ಬೆಂತಿಣ್  ಎಂಬ ಪೋಷಾಕನ್ನು ನೀಡಿ ನಮಗೆ ಕಶ್ಟ ಸಂಕಷ್ಟದಿಂದ, ಕೆಟ್ಟದರಿಂದ, ಕೆಡುಕುಗಳಿಂದ ರಕ್ಷಣೆ ನೀಡುತ್ತೇನೆ ಎಂದು ಅಭಯ ನೀಡುತ್ತಾಳೆ. ಬೆಂತಿಣ್ (ಪೋಷಾಕು) ನಾವು ಧರಿಸಿದರೆ ಮೇರಿ ಮಾತೆ ನಮಗೆ ರಕ್ಷಣೆ ನೀಡುತ್ತಾಳೆ, ಬೆಂತಿಣ್ ನಮಗೆ ಪವಿತ್ರ ರಕ್ಷಾ ಕವಚವಾಗಿದೆ. ಕಾರ್ಮೆಲ್ ಮಾತೆ ಮಳೆಯ ಸಾಂಕೇತಿಕವಾದ ಮಾತೆಯಾಗಿದ್ದಾಳೆ, ಕಾರ್ಮೆಲ್ ಪ್ರದೇಶದಲ್ಲಿ ಮೂರು ವರ್ಷ ಮಳೆ ಆಗದಿದ್ದಾಗ ಎಲಿಯಾ ಪ್ರವಾದಿಯು ಕಾರ್ಮೆಲ್ ಮಾತೆಯ ಹತ್ತಿರ ಪ್ರಾರ್ಥಿಸಿದಾಗ ಕಾರ್ಮೆಲ್ ಮಾತೆಯ ತನ್ನ ರೂಪದಂತೆಯೇ ಇರುವ ಮೋಡವಾಗಿ ಬಂದು ದಾರಕಾರಾ ಮಳೆ ಬಂದು ಜನರನ್ನು ರಕ್ಷಿಸಿದ ಮಹಾಮಾತೆ, ಅವರು ನಮ್ಮ ಜೀವನ ಪರ್ಯಾಂತ ನಮ್ಮ ಜೊತೆಗಿದ್ದು, ನಮಗೆ ಸ್ವರ್ಗದ ಸೇರಿಸಲಿ ಎಂದು ನಾವು ಪ್ರಾರ್ಥಿಸುವ’ ಎಂದು ಸಂದೇಶ ನೀಡಿ, ಕಾರ್ಮೆಲ್ ಧರ್ಮಭಗಿನಿಯರಿಗೆ ಮತ್ತು ಆಪೊಸ್ತಲಿಕ್ ಕಾರ್ಮೆಲ್ ಸಹ ಸೇವಕರಿಗೆ ಹಬ್ಬದ ಶುಭಾಷಯಗಳನ್ನು ಆರ್ಪಿಸಿದರು.

  ಕಾರ್ಮೆಲ್ ಮೇಳದ ಧರ್ಮಭಗಿನಿನಯರಿಗೆ ಸಹಾಯ ಹಸ್ತ ನೀಡುವ ಆಪೊಸ್ತಲಿಕ್ ಕಾರ್ಮೆಲ್ ಸಹ ಸೇವಕರಿಗೆ ಪುನರ್ ಪ್ರತಿಜ್ಞಾ ವಿಧಿಯನ್ನು  ಬೋಧಿಸಲಾಯಿತು.

    ಕಾನ್ವೆಂಟ್  ಮುಖ್ಯಸ್ಥೆ ಭಗಿನಿ ಸುಗುಣ ವಂದಿಸಿ ಎಲ್ಲರಿಗೂ ಹಬ್ಬದ ಶುಭಾಷಯಗಳನ್ನು ಕೋರಿದರು. ಈ ಸಂದರ್ಭದಲ್ಲಿ ಸಂತ ಜೋಸೆಫ್ ಕಾನ್ವೆಂಟಿನ ಕಾರ್ಮೆಲ್ ಮಾತೆಯ ಭಗಿನಿಯರು ಉಪಸಸ್ಥಿತರಿದ್ದು, ಹೆಚ್ಚಿನ ಸಂಖ್ಯೆಯಲ್ಲಿ  ಕಾರ್ಮೆಲ್ ಮಾತೆಯ  ಭಕ್ತರು ಹಾಜರಿದ್ದರು. ನೀಡುವ ಆಪೊಸ್ತಲಿಕ್ ಕಾರ್ಮೆಲ್ ಸಹ ಸೇವಕರೊಂದಿಗೆ ಪ್ರಶ್ಣೋತ್ತರ ಸ್ಫರ್ಧೆ ನಡೆಸಿ ಬಹುಮಾನಗಳನ್ನು ವಿತರಿಸಲಾಯಿತು.

ಮಂಗಳೂರು; ಸೈಂಟ್ ಆಂಟನಿಯವರ ಭಕ್ತರು ಆನೆಕಾಲು, ಟಿಬಿ ರೋಗಿಗಳ ಆರೈಕೆಗೆ ಮಿಲಾಗ್ರಿಸ್ ಚರ್ಚ್ ವಠಾರದಲ್ಲಿ 18ನೇ ಶತಮಾನದಲ್ಲಿ ಆರಂಭಿಸಿದ ಸಂಸ್ಥೆ ಸೈಂಟ್ ಆಂಟನಿ ಆಶ್ರಯವಾಗಿದೆ. ಇಂದು ಪೈಲೇರಿಯಾ,ಟ್ಯೂಬರ್‌ಕುಲೋಸಿಸ್ ಇಲ್ಲವಾದ್ದರಿಂದ  ಅದು ನಿರಾಶ್ರಿತರ ಆಶ್ರಯದಾತ ಮನೆಯಾಗಿ ಪರಿವರ್ತನೆ ಆಗಿದೆ ಎಂದು ಅದರ ನಿರ್ದೇಶಕರಾದ ಫಾ ಜೆಬಿ ಕ್ರಾಸ್ತಾ ನುಡಿದರು.
ಅವರು ಕೊಂಕಣಿ ಭಾಷಾ ಮಂಡಳ್ ಕರ್ನಾಟಕ ಇದರ ಕಾರ್ಯಕಾರಿ ಸದಸ್ಯರಿಗೆ ಸಂಸ್ಥೆಯ ಮಾಹಿತಿ ಮತ್ತು  ತಾವು ನಡೆಸುವ ಕ್ರೈಸ್ತ ಧರ್ಮದ ಮಾಹಿತಿ ಮ್ಯೂಸಿಯಮ್ ಬಗ್ಗೆ ಮಾಹಿತಿಯನ್ನು ನೀಡಿ ಮಾತನಾಡಿದರು.
ಕೊಂಕಣಿ ಮಾತೃಭಾಷೆ ಇರುವ ಹಿಂದು,ಕ್ರೈಸ್ತ, ಮುಸ್ಲಿಂ, ಕುಡುಬಿ, ಖಾರ್ವಿ, ಜಿಎಸ್‌ಬಿ, ಸಿದ್ದಿ ಪಂಗಡಗಳು ಕೆಬಿಎಂಕೆ ಸದಸ್ಯರು ಆಗಿದ್ದಾರೆ. ಸರ್ವಧರ್ಮ ಸಮನ್ವಯ ಅಂದರೆ  ಕೊಂಕಣಿ ಆದುದರಿಂದ ಧರ್ಮಗಳ ನಡುವೆ  ಸೌಹಾರ್ದ ‌ಇರಲು‌ ಇಂತಹ ಭೇಟಿಗಳು ಅಗತ್ಯ ಎಂದು ‌ಕೊಂಕಣಿ ಭಾಷಾ ಮಂಡಳದ ಅಧ್ಯಕ್ಷರಾದ ರೇಮಂಡ್ ಡಿಕೂನಾ ತಾಕೊಡೆ ನುಡಿದರು.
ಖಜಾಂಚಿ ವಸಂತ ಕೆ ರಾವ್ ನಿರ್ವಹಣೆ ಮಾಡಿದರು. ಕಾರ್ಯದರ್ಶಿ ಲಿಸ್ಟನ್ ಡಿಸೋಜ ವಂದಿಸಿದರು. ಉಪಾಧ್ಯಕ್ಷ ಮೀನಾಕ್ಷಿ ಪೈ, ಕಾರ್ಯಕಾರಿ ಸಲಹೆದಾರ  ಗೀತಾ ಕಿಣಿ, ಸದಸ್ಯರಾದ ಝೀನಾ ಫರ್ನಾಂಡೀಸ್, ಎಡೋಲ್ಫ್ ಡಿಸೋಜ, ಜೊಸ್ಸಿ ಪಿಂಟೊ, ಲಾರೆನ್ಸ್ ಪಿಂಟೊ ಮತ್ತು ಶಾಂತಿ ವೆರೊನಿಕಾ ಜೊತೆಗೆ ಆಹ್ವಾನಿತರಾದ ಸ್ಟೇನಿ ತಾವ್ರೊ,ಜೋನ್ ತಾವ್ರೊ,ಹೆರಾಲ್ಡ್ ಅಲ್ಬುಕರ್ಕ್,ಜಿಲ್ಲೂಸ್ ಸಂಸ್ಥೆಯ ಜೂಲಿಯಾನ ಇದ್ದರು.