Author: Jananudi News Network

ಉಡುಪಿ, ಮಾ.೧೬ : ಕಟಪಾಡಿ ಬಳಿ ಮಂಗಳೂರು ಉಡುಪಿ ಮಾರ್ಗದಲ್ಲಿ ಇಂದು ಮಾಚ್ ೧೬ ರಂದು ಹಿಂದುಸ್ಥಾನ್ ಪೆಟ್ರೋಲಿಯಂ ಕಂಪನಿಗೆ ಸೇರಿದ ಅನಿಲ ತುಂಬಿದ ಗ್ಯಾಸ್ ಟ್ಯಾಂಕರ್ ಚಾಲಕನ ನಿಯಂತ್ರಣ ತಪ್ಪಿ ಪಲ್ಟಿಯಾಗಿ ಮಧ್ಯ ರಸ್ತೆಯಲ್ಲಿ ಬಿದ್ದಿದ್ದು,  ಟ್ಯಾಂಕರ್ ನಿಂದ ಗ್ಯಾಸ್ ಸೋರಿಕೆ ಯಾಗುತ್ತಿರುವ ಹಿನ್ನೆಲೆಯಲ್ಲಿ ಸದ್ರಿ ಮಾರ್ಗದಲ್ಲಿ ಸಂಚರಿಸುವ ವಾಹನಗಳ ಸುಗಮ ಸಂಚಾರದ ದೃಷ್ಟಿಯಿಂದ ಇಂದು ರಾತ್ರಿ 8 ಗಂಟೆಯವರೆಗೆ ಈ ಕೆಳಕಂಡ ಬದಲಿ ಮಾರ್ಗದಲ್ಲಿ ಸಂಚರಿಸುವಂತೆ ಜಿಲ್ಲಾಧಿಕಾರಿ ಸ್ವರೂಪ ಟಿ. ಕೆ ಅದೇಶಿಸಿರುತ್ತಾರೆ.

ಮಂಗಳೂರಿನಿಂದ ಉಡುಪಿಗೆ ಹೋಗುವ ವಾಹನಗಳು ಕಾಪುವಿನಿಂದ ಶಿರ್ವಾ -ಮೂಡುಬೆಳ್ಳೆ ಮಣಿಪುರ ಮಾರ್ಗವಾಗಿ ಮಣಿಪಾಲಕ್ಕೆ ತೆರಳಿ ಅಲ್ಲಿಂದ ಉಡುಪಿಗೆ ಹೋಗಬೇಕು ಅಥವಾ ಪಡುಬಿದ್ರೆ – ಬೆಳ್ಮಣ್ – ಶಿರ್ವಾ ಮಾರ್ಗವಾಗಿ ಮಣಿಪಾಲಕ್ಕೆ ತೆರಳಿ ಅಲ್ಲಿಂದ ಉಡುಪಿಗೆ ತಲುಪಬೇಕು.

ಉಡುಪಿಯಿಂದ ಮಂಗಳೂರಿಗೆ ಹೋಗುವ ವಾಹನಗಳು ಮಣಿಪಾಲದಿಂದ ಮಣಿಪುರ – ಮೂಡುಬೆಳ್ಳೆ- ಶಿರ್ವಾ ಮಾರ್ಗವಾಗಿ ಕಾಪು ತಲುಪಿ ಅಲ್ಲಿಂದ ಮಂಗಳೂರು ಕಡೆಗೆ ತೆರಳಬೇಕು ಅಥವಾ ಮಣಿಪಾಲದಿಂದ ಶಿರ್ವಾ – ಬೆಳ್ಮಣ್ ಮಾರ್ಗವಾಗಿ ಪಡುಬಿದ್ರಿ ತಲುಪಿ ಅಲ್ಲಿಂದ ಮಂಗಳೂರು ಕಡೆಗೆ ಸಂಚರಿಸಬೇಕು.

ಈ ಅಧಿಸೂಚನೆಯನ್ನು ಮೋಟಾರು ವಾಹನ ಕಾಯ್ದೆ 1988 ರ ನಿಯಮ 115 ಹಾಗೂ ಕರ್ನಾಟಕ ಮೋಟಾರು ವಾಹನ ನಿಯಮ 1989 ರ ನಿಯಮ 221 5(ಎ ) ರಲ್ಲಿ ಪ್ರದತ್ತವಾದ ಅಧಿಕಾರಿವನ್ನು ಚಲಾಯಿಸಲಾಗಿರುತ್ತದೆ ಎಂದು ಜಿಲ್ಲಾಧಿಕಾರಿಗಳ ಕಚೇರಿ ಪ್ರಕಟಣೆ ತಿಳಿಸಿದೆ.

ಕುಂದಾಪುರ, ಮಾ.16 ; ಬಿಕ್ಕಟ್ಟುಗಳನ್ನು ಸಕರಾತ್ಮಕ ಸವಾಲುಗಳನ್ನಾಗಿ ಸ್ವೀಕರಿಸಿದ ಸಮಯದಲ್ಲಿ ಪ್ರತಿಭೆಗಳು ಹೊರಹೊಮ್ಮುತ್ತದೆ. ಇಂದಿನ ಕಾಲದ ಹೊಸತನದ ಸವಾಲುಗಳನ್ನು ಯುವಜನತೆ ಅಧ್ಯಯನಶೀಲತೆ ಮತ್ತು ವ್ಯಕ್ತಿತ್ವ ವಿಕಸನದಿಂದ ಗಮನವನ್ನು ನೀಡಬೇಕು ಎಂದು ಉದ್ಯಮಿ ವಿವಿಯನ್ ಕ್ರಾಸ್ಟೊ ತಿಳಿಸಿದರು.

ಮಾರ್ಚ್ ೧೫ ರಂದು ಸೇಂಟ್ ಮೇರಿಸ್ ಸಭಾಂಗಣದಲ್ಲಿ ಕಥೋಲಿಕ್ ಸಭಾ ವಲಯ ಸಮಿತಿ ಹಾಗೂ ಶೆವೊಟ್ ಪ್ರತಿಷ್ಟಾನ (ರಿ) ಕುಂದಾಪುರ ಇವರು ಜಂಟಿಯಾಗಿ ಆಯೋಜಿಸಿದ್ದ ,ಕುಂದಾಪುರ ವಲಯ ಮಟ್ಟದ ಪ್ರತಿಭಾ ಪುರಸ್ಕಾರ ಹಾಗೂ ವಿದ್ಯಾರ್ಥಿವೇತನ ವಿತರಣೆ ಕಾರ್ಯಕ್ರಮದಲ್ಲಿ ಅತಿಥಿಯಾಗಿ ಭಾಗವಹಿಸಿ ಮಾತನಾಡಿದರು.

ಕಾರ್ಯಕ್ರಮವನ್ನು ಉದ್ಘಾಟಿಸಿದ ವಲಯ ಪ್ರಧಾನ ಧರ್ಮಗುರು ಅತಿ ವಂದನೀಯ ಪೌಲ್ ರೇಗೂ , ನಿರಂತರ ಪ್ರಯತ್ನ ಸಾಧನೆಗೆ ಏಕಮಾತ್ರ ಸೂತ್ರವೆಂದು ಸಂದೇಶ ನೀಡಿದರು.

ಶೇವೊಟ್ ಪ್ರತಿಷ್ಠಾನದ ಅಧ್ಯಕ್ಷರಾದ ಎಲ್ ರಾಯ್ ಕಿರಣ್ ಕ್ರಾಸ್ಟೋ , ವಲಯದ ಪ್ರತಿಭಾವಂತ ಮಕ್ಕಳಿಗೆ ನೇತನ್ ಕರ್ವಾಲೋ ವತಿಯಿಂದ ನೀಡುವ ವಿಕ್ರಮ್- ಸುನಿತ ವಿದ್ಯಾರ್ಥಿ ವೇತನ ಮತ್ತು ಸಮಾಜದ ದುರ್ಬಲ ಕುಟುಂಬಗಳಿಗೆ ಟ್ರಸ್ಟ್ ವತಿಯಿಂದ ಆರ್ಥಿಕ ಸಹಾಯವನ್ನು ವಿತರಿಸಿ ‘ಸಮಾಜ ನಮಗೆ ನೀಡಿದ ಒಂದು ಪಾಲನ್ನು ಸಮಾಜಕ್ಕೆ ಮತ್ತೆ ನೀಡಬೇಕು’ ಎಂದು ಹೇಳಿದರು.

ಈ ಸಂದರ್ಭದಲ್ಲಿ ವಲಯ ಮಟ್ಟದ ಕೊಂಕಣಿ ಭಾಷಣ ಸ್ಪರ್ಧೆಯಲ್ಲಿ ವಿಜೇತರಾದ ಸಾರಾ ಡಿಸೋಜ, ಫ್ಲಿಪಾ ಡಿಸೋಜ ಬಸ್ರೂರು, ಅನ್ನ ಲೋಬೋ, ರಿಯಾ ನಜರೆತ್ ಬೈಂದೂರು , ಆರಾನ್ ಲೋಬೋ ಬಸ್ರೂರು , ಫಿಯೋನಾ ಬರೆಟೊ ಪಡುಕೋಣೆ , ವೇಲೆನ್ಸಿಯ ಡಿಸೋಜ ಕುಂದಾಪುರ , ಜನ್ಸಿಯ ಮೋಂತೆರೋ ಪಡುಕೋಣೆ , ಸಾವಿಯ ಮಾರ್ಟಿಸ್ ಕೋಟೇಶ್ವರ , ಒಲಿಟಾ ರೆಬೆಲ್ಲೊ ಗಂಗೊಳ್ಳಿ , ಶೈನಾ ಕ್ರಾಸ್ತಾ ಕೋಟೇಶ್ವರ , ಸ್ನೋವಿ ಲೋಬೋ ಬೈಂದೂರು ಫಿಯೋನಾ ನಜರೆತ್ ಬೈಂದೂರು , ಮರಿಯಾ ರೆಬೆರೋ ಬೈಂದೂರು , ರಿಯಾ ಡಿಸಿಲ್ವ ತಲ್ಲೂರು , ಆಲಿಸ್ಟರ್ ರೆಬೆರೋ ಬೈಂದೂರು , ರವರನ್ನು ಪುರಸ್ಕರಿಸಲಾಯಿತು.

ಕನ್ನಡ ಭಾಷಣ ಸ್ಪರ್ಧೆಯಲ್ಲಿ ಸುಜನ್ ಡಿಸೋಜ ಪಡುಕೋಣೆ ,ಸ್ಟಾರೆಲ್ ಮಸ್ಕರೇನಸ್ ಹಂಗಳೂರು , ರೀಹಾನಾ ಲುವಿಸ್ ಪಡುಕೋಣೆ , ಅರೆನಾ ಲೋಬೋ ಬೈಂದೂರು , ವಿಯಾನೆಲ್ ಮೊಂತೇರೊ ತಲ್ಲೂರು, ನಿಶ್ಚಯ ಮೊಂತೇರೊ, ಪಡುಕೋಣೆ , ಸ್ಟ್ಯಾನಿ ಡಿಸೋಜ ಕುಂದಾಪುರ , ಕೆರೆಲ್ ಲೋಬೋ ಬೈಂದೂರು , ಕ್ಲಿಯೋನ ಕ್ರಾಸ್ತಾ ಪಡುಕೋಣೆ ರವರನ್ನು ಪುರಸ್ಕೃತ ವಾಯಿತು.

ಶೈಕ್ಷಣಿಕ ವಿಭಾಗ
ಹತ್ತನೇ ತರಗತಿಯಲ್ಲಿ ಉತ್ತಮ ಅಂಕ ಗಳಿಸಿದ
ಅಶ್ಲಿತ ಡಿಸೋಜ ಪಡುಕೋಣೆ, ಜನೀಶಾ ಡಿಸೋಜ ಹೆಂಗಳೂರು, ಕ್ರಿಸ್ಟಿನ್ ಪಿಂಟೊ ಗಂಗೊಳ್ಳಿ, ಆಶ್ಲಿನ್ ಡಿಸೋಜ ಕಂಡ್ಲೂರು, ಶನಯ್ಯ ಡಿಸೋಜ ಬಸ್ರೂರು, ಪ್ರಿನ್ಸ್ ರಾಡ್ರಿಗಸ್ ತಲ್ಲೂರು, ನಿಶಿತಾ ಅಲ್ಮೀಡಾ ತ್ರಾಸಿ, ಹರ್ಷಿತಾ ಕೋಟೇಶ್ವರ.

12 th ವಾಣಿಜ್ಯ ಜ್ಯೋತಿ ಬುಥೆಲ್ಲೊ ಪಡುಕೋಣೆ, ವಿಜ್ಞಾನ ವಿಭಾಗ ಅರೆಂಗಾ ಮೆಂಡೋನ್ಸಾ ತಲ್ಲೂರು ,
ಬಿಎ ವಿಭಾಗ ಪ್ರಶ್ತಿಕ ರೆಬೆರೋ ತಲ್ಲೂರು,
ಬಿಕಾಂ ವಿಭಾಗ ಅನಿಷಾ ಡಿಸೋಜ ಬಸ್ರೂರು,
Bsc ವಿಭಾಗ ರಾಯ್ಸ್ಟನ್ ಡಿಸೋಜ ಬಸ್ರೂರು ,ಜೀನ್ ಬೈಂದೂರು.

BCA ವಿಭಾಗ ವೇಲಿಟಾ ಸಾರಾ ಮೆಂಡೋನ್ಸಾ ಗಂಗೊಳ್ಳಿ.

ಇಂಜಿನಿಯರಿಂಗ್ ವಿಭಾಗದಲ್ಲಿ
ಅಲ್ರಿಯ ಡಿಸೋಜ , ವ್ಯಾಲಿನ್ ಬ್ರಗಾಂಜ ಕುಂದಾಪುರ, ಸೆಡ್ರಿಕ್ ಫೆರ್ನಾಂಡಿಸ್ ಹೆಂಗಳೂರು, ಸಿಂಡಿ ಮರಿಯ ರೆಬೆಲ್ಲೊ ಕುಂದಾಪುರ, ರಿಮಿಷಾ ಡಿಸಿಲ್ವ ಬಸ್ರೂರು.

MSC ವಿಭಾಗದಲ್ಲಿ,
ಲಿಸೆಲ್ ಅಲ್ಮೇಡಾ ಕುಂದಾಪುರ , ಸಿಮೋನಾ ಡಿಸೋಜ ಬಸ್ರೂರು , ಫಿಯೋನಾ ಮಿನೇಜಸ್ ತಲ್ಲೂರು, ಪ್ರಿನ್ಸಿಟನ್ ಡಿ ಕುನ್ಹಾ ಕುಂದಾಪುರ.

ವೈದ್ಯಕೀಯ ವಿಭಾಗದಲ್ಲಿ,
ಎಲ್ಟನ್ ಫುರ್ಟಾಡೊ , ಕುಂದಾಪುರ, ಶೆರ್ವಿನ್ ಡಿ ಕೋಸ್ಟಾ , ಕುಂದಾಪುರ

MBA ವಿಭಾಗದಲ್ಲಿ ಫಿಯೋನ ಡಯಾಸ್ , ಗಂಗೊಳ್ಳಿ ಇವರನ್ನು ಸನ್ಮಾನಿಸಲಾಯಿತು.

ಕಾರ್ಯಕ್ರಮದ ಸಂಚಾಲಕರಾದ ವಿಲ್ಸನ್ ಅಲ್ಮೇಡಾ ಸ್ವಾಗತಿಸಿ , ಕಥೋಲಿಕ್ ಸಭಾ ವಲಯ ಅಧ್ಯಕ್ಷರಾದ ರೇಮಿ ಫೆರ್ನಾಂಡಿಸ್ ಪ್ರಾಸ್ತಾವಿಕ ಮಾತುಗಳನ್ನು ಆಡಿ ,ಪ್ರೇಮ ಡಿ ಕುನ್ಹಾ ನಿರೂಪಿಸಿ , ಆಶಾ ಕರ್ವಾಲ್ಲೊ ಅತಿಥಿಗಳನ್ನ ಪರಿಚಯಿಸಿ , ಕಾರ್ಯದರ್ಶಿ ಮರಿಯ ಡಿಸಿಲ್ವ ವಂದಿಸಿದರು. ನಿಯೋಜಿತ ಅಧ್ಯಕ್ಷೆ ಶೈಲಾ ಅಲ್ಮೇಡಾ ವೇದಿಕೆಯಲ್ಲಿ ಉಪಸ್ಥಿತರಿದ್ದರು.

ಕೋಟ: ಕ್ರೈಸ್ತರ ಪವಿತ್ರ ಹಾಗೂ ಪ್ರಾಯಶ್ಚಿತ್ತದ ಕಾಲದ ಪ್ರಯುಕ್ತವಾಗಿ ಎಕದಿನದ ಧ್ಯಾನ ಕೂಟವನ್ನು ಕೋಟ ಸಂತ ಜೋಸೆಫರ ಇಗರ್ಜಿಯಲ್ಲಿ ಮಾರ್ಚ್ 15 ರಂದು ಆಯೊಜಿಸಲಾಗಿತ್ತು.

ಬಸ್ರೂರು ಫಿಲಿಪ್ ನೇರಿ ಸೆಂಟ್ರಲ್ ಶಾಲೆಯ ಪ್ರಾಂಶುಪಾಲರಾದ ವಂದನೀಯ ಫಾದರ್ ಡೆನ್ಸಿ ಮಾರ್ಟಿಸ್ ಅವರು ಪ್ರಧಾನ ಪ್ರವಚಕರಾಗಿ ಧ್ಯಾನ ಕೂಟವನ್ನು ನಡೆಸಿದರು ಕೊಟ್ಟರು. ಶಿಲುಬೆಯ ಹಾದಿ ಪ್ರಾರ್ಥನೆಯೊಂದಿಗೆ ಪ್ರಾರಂಭವಾದ ಧ್ಯಾನ ಕೂಟ ಪವಿತ್ರ ಬಲಿಪೂಜೆಯೊಂದಿಗೆ ಅಂತ್ಯ ಗೊಂಡಿತು. ಭಕ್ತಾದಿಗಳು ಬಹು ಸಂಖ್ಯೆಯಲ್ಲಿ ಹಾಜರಾಗಿ ಆತ್ಮಿಕ ಪ್ರಯೋಜನವನ್ನು ಪಡಕೊಂಡರು ಹಾಗೂ ಮುಂಬರುವ “ಶುಭ ಶುಕ್ರವಾರ” ಹಾಗೂ “ಫಾಸ್ಕ ಭನುವಾರಕ್ಕೆ” ಅಧ್ಯಾತ್ಮಿಕವಾಗಿ ತಯಾರಿ ಮಾಡಿಕೊಂಡರು.

ಚರ್ಚಿನ ಧರ್ಮಗುರುಗಳಾದ ವಂ। ಫಾದರ್ ಸ್ಟ್ಯಾನಿ ತಾವ್ರೊ ಅವರು ಧನ್ಯವಾದಗಳನ್ನು ಅರ್ಪಿಸಿದರು.

ಮಂಗಳೂರಿನ ವಿಶ್ವವಿದ್ಯಾನಿಲಯದ ಜೊತೆಗೂಡಿ ಇಸಿಆರ್ ಇನ್ಸ್ಟಿಟ್ಯೂಟ್ ಆಫ್ ಮ್ಯಾನೆಜ್‌ಮೆಂಟ್‌ ಸ್ಟಡೀಸ್ ವತಿಯಿಂದ ರಾಷ್ಟ್ರೀಯ ಸೇವಾ ಯೋಜನೆಯ 2026 – 27 ನೇ ಸಾಲಿನ ಏಳು ದಿನಗಳ ವಾರ್ಷಿಕ ವಿಶೇಷ ಶಿಬಿರವು ಹಳ್ನಾಡಿನ ತುಳಸಿ ವಿದ್ಯಾ ಮಂದಿರ ಆಂಗ್ಲ ಮಾಧ್ಯಮ ಶಾಲೆಯಲ್ಲಿ ಉದ್ಘಾಟನೆಗೊಂಡಿತು.

ಈ ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ಲಯನ್ ಹೆಚ್ ಬಾಲಕೃಷ್ಣ ಶೆಟ್ಟಿ ಟ್ರಸ್ಟ್ ಇಸಿಆರ್ ಗ್ರೂಪ್ ಇನ್ಸ್ಟಿಟ್ಯೂಟ್ ಇವರು ವಹಿಸಿದ್ದರು. ಹಾಗೂ ಕಾರ್ಯಕ್ರಮಕ್ಕೆ ಮುಖ್ಯ ಅತಿಥಿಗಳಾಗಿ ತುಳಸಿ ವಿದ್ಯಾಮಂದಿರದ ಸಂಚಾಲಕರಾದ ಶ್ರೀಯುತ ಕೃಷ್ಣರಾಯ ಶಾನುಭಾಗ್,ಶಾಲೆಯ ಮುಖ್ಯ ಶಿಕ್ಷಕಿ ರೇಷ್ಮ ಪ್ರದೀಪ್, ಇಸಿಆರ್ ಗ್ರೂಪ್ ಆಫ್ ಇನ್ಸ್ಟಿಟ್ಯೂಟ್ ನ ಜನರಲ್ ಮೇನೇಜರ್ ಆದ ಡಾ. ಹರಿ ಮೆನನ್, ಶ್ರೀ ನಿತ್ಯಾನಂದ ಶೆಟ್ಟಿ, ಅಸಿಸ್ಟೆಂಟ್ ಟೀಚರ್ ರಾಮ್ಸನ್ ಗವರ್ನಮೆಂಟ್ ಸ್ಕೂಲ್ ಕಂಡ್ಲೂರು, ಪ್ರೊ.ಟ್ರೆಸಾ ಒಸೆಫ್, ಪ್ರೊಫೆಸರ್ ಇಸಿಆರ್ ಇನ್ಸ್ಟಿಟ್ಯೂಟ್ ಆಫ್ ಮ್ಯಾನೆಜ್‌ಮೆಂಟ್‌ ಸ್ಟಡೀಸ್,ಡಾ. ಅಶೋಕ್ ಜೋಗಿ,ರಾಷ್ಟ್ರೀಯ ಸೇವಾ ಯೋಜನಾಧಿಕಾರಿ ಮತ್ತು ಉಪಪ್ರಾಂಶುಪಾಲರು, ಇಸಿಆರ್ ಕಾಲೇಜು ಆಗಮಿಸಿದ್ದರು.
ಲಯನ್ ಹೆಚ್ ಬಾಲಕೃಷ್ಣ ಶೆಟ್ಟಿಯವರು NSS ನ ಮಹತ್ವದ ಕುರಿತು ಮಾಹಿತಿಯನ್ನು ತಿಳಿಸಿಕೊಟ್ಟರು. ಹಾಗೂ ತುಳಸಿ ಎಜ್ಯುಕೇಶನ್ ಟ್ರಸ್ಟ್ ನ ಮುಖ್ಯಸ್ಥರಾದ ಶ್ರೀಯುತ ಕೃಷ್ಣರಾಯ ಶಾನುಬಾಗ್ ರವರು ತಮ್ಮ ಜೀವನದ ಸವಿ ನೆನಪುಗಳನ್ನು ಹಾಗೂ NSS ನಿಂದ ಆಗುವ ಸುಂದರ ಅನುಭವಗಳನ್ನು ವಿವರಿಸಿದರು. ಶ್ರೀ ನಿತ್ಯಾನಂದ ಶೆಟ್ಟಿ ಹಾಗೂ ತುಳಸಿ ವಿದ್ಯಾ ಸಂಸ್ಥೆಯ ಮುಖ್ಯಶಿಕ್ಷಕಿಯಾದ ಶ್ರೀಮತಿ ರೇಷ್ಮ ಪ್ರದೀಪ್ ರವರು ಕಾರ್ಯಕ್ರಮಕ್ಕೆ ಶುಭಕೋರಿದರು.
ಕಾರ್ಯಕ್ರಮದ ನಿರೂಪಣೆಯನ್ನು NSS ವಿದ್ಯಾರ್ಥಿಯಾದ ಗಾಯತ್ರಿಯವರು ನಡೆಸಿಕೊಟ್ಟರು. ಹಾಗೂ ಶಿಕ್ಷಕರಾದ ಸುಷ್ಮಾ ಹಾಗೂ ಸ್ಮಿತಾರವರು ಕಾರ್ಯಕ್ರಮದ ಸ್ವಾಗತ ಮತ್ತು ಧನ್ಯವಾದಗಳನ್ನು ನಿರ್ವಹಿಸಿದರು. ಅತಿಥಿಗಳೆಲ್ಲರಿಗೂ NSS ನ ಸ್ಮರಣಿಕೆಯನ್ನು ನೀಡಿ ಗೌರವಿಸಲಾಯಿತು.

ಕುಂದಾಪುರ: ರಾಷ್ಟ್ರೀಯ ಹೆದ್ದಾರಿಯಲ್ಲಿ ನಿಗದಿಪಡಿಸಿದ ವೇಗಕ್ಕಿಂತ ಜಾಸ್ಥಿಯಾದ ವೇಗದಲ್ಲಿ ಸಂಚರಿಸುತ್ತಿದ್ದ ಹಲವು ವಾಹನಗಳೆಗೆ ಕುಂದಾಪುರ ಸಂಚಾರ ಠಾಣೆ ಪೊಲೀಸರು ಶನಿವಾರ ಮಾರ್ಚ್ 14 ರಂದು ಸಂಜೆ ಮೋಟಾರು ನಿಯಮ ಕಾಯ್ದೆ ಯಡಿ ದಂಡ ವಿಧಿಸಿ, ಕಾನೂನು ಪಾಲನೆ ಅರಿವು ಮೂಡಿಸಿದರು.

ನಗರದ ಹೊರವಲಯದ ಕೆ.ಎಸ್‌.ಆರ್‌.ಟಿ.ಸಿ. ಬಸ್‌ ನಿಲ್ದಾಣದ ಎದುರು ರಾಷ್ಟ್ರೀಯ ಹೆದ್ದಾರಿಯಲ್ಲಿ ಸಂಜೆ
ಕಾರ್ಯಾ ಚರಣೆಗಿಳಿದ ಪೊಲೀಸರು ಈ ಪ್ರದೇಶದಲ್ಲಿ ನಿಗದಿಪಡಿಸಿದ (80ಕಿ.ಮೀ) ವೇಗಕ್ಕಿಂತ ಹೆಚ್ಚು ವೇಗದಲ್ಲಿ ಸಂಚರಿಸಿದ ವಾಹನಗಳನ್ನು ಸ್ಥೀಡ್‌ ರಾಡರ್‌ ಗನ್‌ (ವೇಗ ಪರಿಶೀಲನೆ ಯಂತ್ರ) ಮೂಲಕ ಪತ್ತೆ ಮಾಡಿ ವಾಹನ ತಡೆದು ಸಂಬಂಧ ಪಟ್ಟವರಿಗೆ ವೇಗ ಮಿತಿಯ ಬಗ್ಗೆ ಮಾಹಿತಿ ನೀಡಿದರು ಹಾಗೂ ಅತೀ ವೇಗದಲ್ಲಿ ಸಂಚರಿಸಿದ ಒಂದಷ್ಟು ಮಂದಿಗೆ ದ೦ಡ ವಿಧಿಸಿದರು.ಹೆಚ್ಚುತ್ತಿರುವ ರಸ್ತೆ ಅಪಘಾತಕ್ಕೆ ವಾಹನಗಳ ಅತೀಯಾದ ವೇಗವೂ ಒಂದು ಕಾರಣವಾಗಿದ್ದು ಇಲಾಖಾ ಮೇಲಾಧಿ ಕಾರಿಗಳ ಮಾರ್ಗದರ್ಶನದಲ್ಲಿ ಈಗಾಗಲೇ ಮೂರ್ನಾಲ್ಕು ಬಾರಿ ಅತೀ ವೇಗ ಪರಿಶೀಲನೆ ಕಾರ್ಯಾಚರಣೆ ರಾಷ್ಟ್ರೀಯ ಹೆದ್ದಾರಿಯಲ್ಲಿ ಮಾಡಲಾಗಿದೆ. ವರದಿಯಾಗುತ್ತಿರುವ ಅಪಘಾತ ಪ್ರಕರಣಗಳಲ್ಲಿ ಸಾವಿನ ಸಂಖ್ಯೆಯೂ ಹೆಚ್ಚಿದ್ದು ಈ ಬಗ್ಗೆ ಇಲಾಖೆ ಗಂಭೀರವಾಗಿ ಪರಿಗಣಿಸುತ್ತದೆ. ಮುಂಬರುವ ದಿನದಲ್ಲಿ ರಾಜ್ಯ ಹೆದ್ದಾರಿ ಸಹಿತ ಅಗತ್ಯ ಕಡೆಗಳಲ್ಲಿ ಕಾರ್ಯಾಚರಣೆ ಮುಂದುವರಿಸಲಾಗುವುದು ಎಂದು ಕುಂದಾಪುರ ಸಂಚಾರ ಠಾಣೆ ಎಸ್‌ಐ ಅನೂಪ್‌ ನಾಯಕ್‌ ಮಾಹಿತಿ ನೀಡಿದರು.

ಈ ವೇಳೆ ಟ್ರಾಫಿಕ್‌ ಠಾಣೆ ಪಿಎಸ್‌ಐ ಸುಧಾ ಪ್ರಭು, ಎಎಸ್‌ಐಗಳಾದ ಸುರೇಶ್‌, ನಾಗರಾಜ್‌ ಕುಲಾಲ್‌, ನಾಗಪ್ಪ ಹೆಡ್‌ ಕಾನ್‌ಸ್ಟೇಬಲ್‌ ಕೇಶವ, ವೀರಪ್ವ ಶ್ರೀನಿವಾಸ, ಕಾನ್‌ಸ್ಟೇಬಲ್‌ ಪ್ರಸಾದ್‌, ವೆಂಕಟೇಶ್‌
ಕಾರ್ಯಾಚರಣೆಯಲ್ಲಿದ್ದರು.

Reported by: Babu Naik

ಬಾರ್ಕೂರು; ಡಿಸೆಂಬರ್ 2025 ರಲ್ಲಿ ಶತಮಾನೋತ್ಸವವನ್ನು ಆಚರಿಸಿದ (1925–2025) ಹೆರಾಡಿ-ಬಾರ್ಕೂರಿನ ಶ್ರೀಮತಿ ರುಕ್ಮಿಣಿ ಶೆಡ್ತಿ ರಾಷ್ಟ್ರೀಯ ಹಿರಿಯ ಪ್ರಾಥಮಿಕ ಶಾಲೆ, ಮಾರ್ಚ್ 14, 2026 ರಂದು ಜುಬಿಲಿ ವರದಿ ಮತ್ತು ಲೆಕ್ಕಪತ್ರಗಳನ್ನು ಪ್ರಸ್ತುತಪಡಿಸಲು ಮತ್ತು ಸ್ಮರಣಾರ್ಥ ಸ್ಮರಣಾರ್ಥ ಸ್ಮರಣಾರ್ಥ “ಶತಮಾನದ ಗರಿ” ಯ ಸಂಪಾದಕೀಯ ತಂಡವನ್ನು ಅಭಿನಂದಿಸಲು ಒಂದು ಸಂಕ್ಷಿಪ್ತ ಕಾರ್ಯಕ್ರಮವನ್ನು ಆಯೋಜಿಸಿತು.
ಶತಮಾನೋತ್ಸವ ಸಮಿತಿಯ ಅಧ್ಯಕ್ಷ ಶ್ರೀ ಸಂಕಡಿ ಕರುಣಾಕರ ಶೆಟ್ಟಿ ಸಭೆಯನ್ನು ಸ್ವಾಗತಿಸಿದರು, ಕಾರ್ಯದರ್ಶಿ ಶ್ರೀ ಪ್ರಕಾಶ್ ತಂತ್ರಿ ಆಚರಣೆಗಳ ಕಿರು ವರದಿಯನ್ನು ಮಂಡಿಸಿದರು. ಮುಖ್ಯೋಪಾಧ್ಯಾಯರು ಮತ್ತು ಖಜಾಂಚಿ ಶ್ರೀ ಎಚ್. ರತ್ನಾಕರ ಶೆಟ್ಟಿ ಲೆಕ್ಕಪತ್ರಗಳನ್ನು ಮಂಡಿಸಿದರು ಮತ್ತು ಶಾಲೆಯ ಅಭಿವೃದ್ಧಿಗಾಗಿ ಮೀಸಲಿಟ್ಟ ₹13 ಲಕ್ಷ ಉಳಿತಾಯವನ್ನು ಘೋಷಿಸಿದರು.

ಶತಮಾನೋತ್ಸವ ಸ್ಮರಣಾರ್ಥ ಅಮೂಲ್ಯವಾದ ಸ್ಮರಣಿಕೆಯನ್ನು ಸಂಗ್ರಹಿಸಿದ್ದಕ್ಕಾಗಿ ಶ್ರೀಮತಿ ಚಂದ್ರಿಕಾ ಆರ್. ಬೈರಿ ನೇತೃತ್ವದ ಸಂಪಾದಕೀಯ ತಂಡವನ್ನು ಸನ್ಮಾನಿಸಲಾಯಿತು. ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸಿದ್ದ ವರದಿಗಾರ ಶ್ರೀ ಎ. ರತ್ನಾಕರ ಶೆಟ್ಟಿ (ಕೆಎಫ್‌ಎಸ್) ಶಿಕ್ಷಕರು, ಹಳೆಯ ವಿದ್ಯಾರ್ಥಿಗಳು, ಪೋಷಕರು ಮತ್ತು ದಾನಿಗಳ ಒಗ್ಗಟ್ಟಿನ ಪ್ರಯತ್ನವನ್ನು ಶ್ಲಾಘಿಸಿದರು.
ಪ್ರೊ. ಪಿ. ಆರ್ಚಿಬಾಲ್ಡ್ ಫರ್ಟಾಡೊ ಅವರು ಈ ಸ್ಮರಣಿಕೆಯನ್ನು ಶಾಲೆಯ ನೂರು ವರ್ಷಗಳ ಪ್ರಯಾಣದ ಗಮನಾರ್ಹ ದಾಖಲೆ ಎಂದು ಶ್ಲಾಘಿಸಿದರು. ಅಡ್ವೊಕೇಟರ್ ಕಾಮಕೇಶ್ವರ ಪೂಜಾರಿ, ಶ್ರೀ ಪ್ರಕಾಶ್ ಶೆಟ್ಟಿ ಮತ್ತು ಇತರರು ತಮ್ಮ ಆಲೋಚನೆಗಳನ್ನು ಹಂಚಿಕೊಂಡರು ಮತ್ತು ಸಂಸ್ಥೆಗೆ ನಿರಂತರ ಬೆಂಬಲವನ್ನು ಭರವಸೆ ನೀಡಿದರು.

Centenary of Smt. Rukmini Shedti National Higher Primary School, Heradi-Barkur

Barkur ; Smt. Rukmini Shedthi National Higher Primary School, Heradi–Barkur, which celebrated its Centenary (1925–2025) in December 2025, organised a brief programme on 14 March 2026 to present the Jubilee Report and Accounts and felicitate the editorial team of the commemorative souvenir “Shatamanada Gari.”
Centenary Celebration Committee Chairman Mr. Sankadi Karunakar Shetty welcomed the gathering, while Secretary Mr. Prakash Tantri presented a short report of the celebrations. Headmaster and Treasurer Mr. H. Ratnakar Shetty presented the accounts and announced a saving of ₹13 lakhs, earmarked for the school’s development.
The editorial team led by Mrs. Chandrika R. Bairy was felicitated for compiling the valuable centenary souvenir. Presiding over the programme, Correspondent Mr. A. Ratnakar Shetty (KFS) appreciated the united efforts of teachers, alumni, parents and donors.
Prof. P. Archibald Furtado praised the souvenir as a remarkable documentation of the school’s hundred-year journey. Adv. Kamakeshwar Poojary, Mr. Prakash Shetty and others also shared their thoughts and assured continued support to the institution.

ಸಂವಿಧಾನದ ಆಶಯದಂತೆ ಪಂಚ ಗ್ಯಾರಂಟಿಗಳು ರಾಜ್ಯದ ಮಹಿಳೆಯರನ್ನು ಸಬಲೀಕರಣ ಗೊಳಿಸಲು ಸಾಧ್ಯವಾಯಿತು ಎಂದು ನಾಯಕರು, ಅಕ್ರಮ ಸಕ್ರಮ ಸಮಿತಿಯ ಸದಸ್ಯರಾದ ಕೆದೂರು ಸದಾನಂದ ಶೆಟ್ಟಿ, ಮಹಿಳಾ ದಿನಾಚರಣೆಯ ಪ್ರಯುಕ್ತ ಬ್ಲಾಕ್ ಕಾಂಗ್ರೆಸ್ ಕಚೇರಿಯಲ್ಲಿ ನಡೆದ ಮಹಿಳಾ ಕಾಂಗ್ರೆಸ್ ಸದಸ್ಯರನ್ನು ಉದ್ದೇಶಿಸಿ ಮಾತನಾಡಿದರು.

ಇಂದು ,ಬ್ಲಾಕ್ ಕಾಂಗ್ರೆಸ್ ಕಚೇರಿಯಲ್ಲಿ ಮಹಿಳಾ ದಿನಾಚರಣೆಯ ಅಂಗವಾಗಿ ಮೂರು ಸಾಧಕಿಯರಿಗೆ ಸನ್ಮಾನ ಕಾರ್ಯಕ್ರಮವನ್ನು ಆಯೋಜಿಸಲಾಯಿತು. ಈ ಕಾರ್ಯಕ್ರಮದಲ್ಲಿ ಜಿಲ್ಲಾ ಮಹಿಳಾ ಕಾಂಗ್ರೆಸ್ ಅಧ್ಯಕ್ಷರಾದ ಶ್ರೀಮತಿ ಜ್ಯೋತಿ ಹೆಬ್ಬಾರ್, ನಾಯಕರಾದ ದಿನೇಶ್ ಹೆಗ್ಡೆ ಮೊಳಹಳ್ಳಿ, , ಬೇಳೂರು ಗ್ರಾಮ ಪಂಚಾಯತ್ ಮಾಜಿ ಅಧ್ಯಕ್ಷರಾದ ಕರುಣಾಕರ ಶೆಟ್ಟಿ ಹಾಜರಿದ್ದು ಸಭೆಯನ್ನು ಉದ್ದೇಶಿಸಿ ಮಾತನಾಡಿ ಶುಭ ಹಾರೈಸಿದರು.

ಡಾ. ಮಾಯ ಉಪಾಧ್ಯಾಯ, ಶ್ರೀಮತಿ ಪ್ರಭಾವತಿ ಶೆಟ್ಟಿ ಬೇಳೂರು ಹಾಗೂ ಡಾ. ಪ್ರಮೀಳಾ ನಾಯಕ್ ಇವರ ಸಾಧನೆಯನ್ನು ಗುರುತಿಸಿ ಇವರನ್ನು ಸನ್ಮಾನಿಸಲಾಯಿತು.ಡಾ ಮಾಯಾ ಉಪಾಧ್ಯಾಯ ಅವರ ಪರಿಚಯವನ್ನು ಶ್ರೀಮತಿ ಜ್ಯೋತಿ ಡಿ ನಾಯಕ್, ಶ್ರೀಮತಿ ಪ್ರಭಾವತಿ ಶೆಟ್ಟಿ ಅವರ ಪರಿಚಯವನ್ನು ಶ್ರೀಮತಿ ರೇವತಿ ಶೆಟ್ಟಿ ಹಾಗೂ ಡಾಕ್ಟರ್ ಪ್ರಮೀಳಾ ನಾಯಕ್ ಅವರ ಪರಿಚಯವನ್ನು ಶ್ರೀಮತಿ ಸುಮನಾ ಬಿದ್ಕಲ್ ಕಟ್ಟೆ ಮಾಡಿದರು. ಡಾ. ಮಾಯಾ ಹಾಗೂ ಶ್ರೀಮತಿ ಪ್ರಭಾವತಿ ಶೆಟ್ಟಿ ಸಭೆಯನ್ನು ಉದ್ದೇಶಿಸಿ ಮಾತನಾಡಿದರು ಡಾ. ಪ್ರಮೀಳಾ ನಾಯಕ್ ಅವರು ಮಹಿಳೆಯರು ತಮ್ಮ ಆರೋಗ್ಯವನ್ನು ಉತ್ತಮ ಜೀವನಶೈಲಿಯ ಮೂಲಕ ಹೇಗೆ ಸುಧಾರಣೆ ಮಾಡಬಹುದು ಅನ್ನುವ ವಿಚಾರದಲ್ಲಿ ಉಪಯುಕ್ತ ಮಾಹಿತಿಯನ್ನು ನೀಡಿದರು.
ಈ ಸಭೆಯಲ್ಲಿ ಜ್ಯೋತಿ ಪುತ್ರನ್, ಟಿ. ಶೋಬಾನ ತೆಕ್ಕಟ್ಟೆ, ಮಮತಾ ತೆಕ್ಕಟ್ಟೆ, ವೇಲಾ ಬ್ರಗಾಂಜ, ಬಿ ಸೂರ್ಯಕಾಂತಿ, ಸವಿತಾ ಆನಗಳ್ಳಿ, ಜಾನಕಿ ಬಿಲ್ಲವ,ಯಶೋಧ, ಮೈಮುನ, ಲೀಲಾ, ಮುತ್ತು, ಮೇಬೆಲ್ ಡಿಸೋಜಾ, ಚಂದ್ರಾವತಿ, ಆಶಾ ನಾಗರಾಜ್, ಸಾವಿತ್ರಿ ಎಚ್, ಮೂಕಾಂಬಿಕಾ, ಸೀಮಾ ಪಿ, ಲೀಲಾವತಿ ಟಿ ಶೆಟ್ಟಿ, ಶೋಭ ಮಾಣಿ, ಸುವರ್ಣ , ಸುಶೀಲ ಮಾಣಿ ಮನೆ, ವೀಣಾ ಎನ್ ರಾವ್, ಸುಗುಣ ಹಂಗಳೂರು ಹಾಗೂ ರಾಧಾ ಉಪಸ್ಥಿತರಿದ್ದರು.

ಮಹಿಳಾ ಬ್ಲಾಕ್ ಅಧ್ಯಕ್ಷರಾದ ಶ್ರೀಮತಿ ದೇವಕಿ ಸಣ್ಣಯ್ಯ ಸ್ವಾಗತಿಸಿ, ಶ್ರೀಮತಿ ವಾಣಿ ಆರ್ ಶೆಟ್ಟಿ ವಂದಿಸಿದರು. ಶ್ರೀಮತಿ ಆಶಾ ಕರ್ವಾಲ್ಲೊ ಕಾರ್ಯಕ್ರಮವನ್ನು ನಿರೂಪಿಸಿದರು.

ಉಪ್ಪಿನಂಗಡಿ/ಸಕಲೇಶಪುರ: ಕೆಎಸ್​​ಆರ್​ಟಿಸಿ ರಾಜಹಂಸ ಬಸ್ ಮತ್ತು ಕಾರಿನ ಭೀಕರ ಅಪಘಾತ ಸಂಭವಿಸಿ ಮೂವರು ಸ್ಥಳದಲ್ಲೇ ಮೃತಪಟ್ಟ ಘಟನೆ ದಕ್ಷಿಣ ಕನ್ನಡ ಜಿಲ್ಲೆಯ ಕಡಬ ತಾಲೂಕಿನ ಶಿರಾಡಿ ಘಾಟ್‌ನ ಗುಂಡ್ಯ ಸಮೀಪ ಶುಕ್ರವಾರ ಸಂಜೆ ನಡೆದಿದೆ.

ಧರ್ಮಸ್ಥಳದಿಂದ ತಿರುಪತಿಗೆ ಹೋಗುತ್ತಿದ್ದ ರಾಜಹಂಸ ಬಸ್ ಹಾಗೂ ಎದುರಿನಿಂದ ಬರುತ್ತಿದ್ದ ಕಾರಿನ ನಡುವೆ ಮುಖಾಮುಖಿ ಡಿಕ್ಕಿ ಸಂಭವಿಸಿದೆ. ಡಿಕ್ಕಿಯ ತೀವ್ರತೆಯಿಂದ ಕಾರು ಸಂಪೂರ್ಣ ಜಖಂಗೊಂಡಿದ್ದು, ಕಾರಿನಲ್ಲಿದ್ದ ಮೂವರು ಸ್ಥಳದಲ್ಲೇ ಮೃತಪಟ್ಟಿದ್ದಾರೆ.ಮೃತರನ್ನು ಶಿಶಿಲ ನಿವಾಸಿ ಚಂದ್ರಶೇಖರ್ (57) ಹಾಗೂ ಉಜಿರೆ ನಿವಾಸಿಗಳಾದ ಶ್ರೀಧರ್ ಗೌಡ (61) ಮತ್ತು ಜನಾರ್ದನ ಗೌಡ (58) ಎಂದು ಗುರುತಿಸಲಾಗಿದೆ. ಕಾರಿನಲ್ಲಿದ್ದ ಇನ್ನೊರ್ವ ಉಜಿರೆಯ ಸುರೇಶ (58) ಅವರು ಗಂಭೀರವಾಗಿ ಗಾಯಗೊಂಡಿದ್ದು, ಆಸ್ಪತ್ರೆಗೆ ದಾಖಲಿಸಲಾಗಿದೆ. ಈ ಬಗ್ಗೆ ಪ್ರಕರಣ ದಾಖಲಿಸಿಕೊಂಡು ತನಿಖೆ ನಡೆಸಲಾಗುವುದು ಎಂದು ಪೊಲೀಸರು ತಿಳಿಸಿದ್ದಾರೆ.

ಮಾಹಿತಿಯಂತೆ, ಕಾರಿನಲ್ಲಿ ಪ್ರಯಾಣಿಸುತ್ತಿದ್ದವರು ಸಕಲೇಶಪುರಕ್ಕೆ ಮದುವೆ ಕಾರ್ಯಕ್ರಮಕ್ಕೆ ತೆರಳಿ ವಾಪಸ್​ ಆಗುತ್ತಿದ್ದ ವೇಳೆ ಈ ದುರ್ಘಟನೆ ಸಂಭವಿಸಿದೆ ಎಂದು ತಿಳಿದುಬಂದಿದೆ.ಘಟನೆಯ ಮಾಹಿತಿ ತಿಳಿದು ಉಪ್ಪಿನಂಗಡಿ ಪೊಲೀಸರು ಸ್ಥಳಕ್ಕೆ ಧಾವಿಸಿ ಪರಿಶೀಲನೆ ನಡೆಸಿದರು. ಮೃತದೇಹಗಳನ್ನು ಮರಣೋತ್ತರ ಪರೀಕ್ಷೆಗೆ ಆಸ್ಪತ್ರೆಗೆ ರವಾನಿಸಲಾಗಿದ್ದು, ಗಾಯಾಳುವಿಗೆ ಚಿಕಿತ್ಸೆ ನೀಡಲಾಗುತ್ತಿದೆ.

ಶಿರಾಡಿ ಘಾಟ್‌ನಲ್ಲಿ ವಾಹನಗಳ ಹೆಚ್ಚಿದ ಸಂಚಾರದ ನಡುವೆ ಈ ಅಪಘಾತ ಸಂಭವಿಸಿದ್ದು, ಕೆಲವು ಸಮಯ ರಸ್ತೆ ಸಂಚಾರಕ್ಕೂ ಅಡಚಣೆ ಉಂಟಾಯಿತು. ಉಪ್ಪಿನಂಗಡಿ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ಅಪಘಾತದ ನಿಖರ ಕಾರಣ ಕುರಿತು ತನಿಖೆ ಮುಂದುವರಿದಿದೆ.

ಮೂಡಿಗೆರೆ: ನಿಯಂತ್ರಣ ತಪ್ಪಿ 60 ಅಡಿ ಪ್ರಪಾತಕ್ಕೆ ಬಿದ್ದ 12 ಚಕ್ರದ ಲಾರಿ: ಚಿಕ್ಕಮಗಳೂರು ಜಿಲ್ಲೆ ಮೂಡಿಗೆರೆ ತಾಲೂಕಿನ ರಸ್ತೆ ತಿರುವಿನಲ್ಲಿ 600 ಅಡಿ ಆಳಕ್ಕೆ ಲಾರಿಯೊಂದು ಉರುಳಿದ್ದು, ಕ್ಯಾಬಿನ್‌ನಲ್ಲಿ ಸಿಲುಕಿದ್ದ ಚಾಲಕನನ್ನು ಸಿನಿಮಾ ಶೈಲಿಯಲ್ಲಿ ಸಾಹಸಮಯವಾಗಿ ಸಾರ್ವಜನಿಕರು ಹಾಗೂ ಪೊಲೀಸರು ರಕ್ಷಣೆ ಮಾಡಿರುವಂತಹ ಘಟನೆ ನಡೆದಿದೆ.

ಮೂಡಿಗೆರೆ ತಾಲೂಕಿನ ಕೆಳಗೂರು ಟೀ ಎಸ್ಟೇಟ್ ಬಳಿ ಇಂದು ಬೆಳ್ಳಂ ಬೆಳಗ್ಗೆ ಭೀಕರ ಲಾರಿ ಅಪಘಾತ ಸಂಭವಿಸಿದ್ದು, ಸಾವಿನ ದವಡೆಯಿಂದ ಚಾಲಕ ಅದೃಷ್ಟವಶಾತ್ ಪಾರಾಗಿದ್ದಾರೆ. ದೊಡ್ಡ ಬಳ್ಳಾಪುರದಿಂದ ಹಿರೇಬೈಲು ಗ್ರಾಮಕ್ಕೆ ಸಿಮೆಂಟ್ ಸಾಗಿಸುತ್ತಿದ್ದ 12 ಚಕ್ರದ ಲಾರಿಯು ರಸ್ತೆಯ ಕಡಿದಾದ ತಿರುವಿನಲ್ಲಿ ಚಾಲಕನ ನಿಯಂತ್ರಣ ತಪ್ಪಿ ಸುಮಾರು 600 ಅಡಿ ಆಳದ ಪ್ರಪಾತಕ್ಕೆ ಉರುಳಿದೆ.

ಈ ವೇಳೆ ಲಾರಿಯು ಎಸ್ಟೇಟ್ ಕಾರ್ಮಿಕರ ಲೈನ್ ಮನೆಗಳ ಅಂಗಳಕ್ಕೆ ಬಂದು ಬಿದ್ದಿದೆ. ಇನ್ನೊಂದು ಪಲ್ಟಿಯಾಗಿದ್ದಲ್ಲಿ ದೊಡ್ಡ ಮಟ್ಟದ ಸಾವು – ನೋವು ಸಂಭವಿಸುವ ಸಾಧ್ಯತೆಯಿತ್ತು.​ ಅಪಘಾತದ ತೀವ್ರತೆಗೆ ಲಾರಿಯ ಕ್ಯಾಬಿನ್ ಸಂಪೂರ್ಣ ಜಜ್ಜಲ್ಪಟ್ಟಿದ್ದು, ಅದರೊಳಗೆ ಸಿಲುಕಿಕೊಂಡಿದ್ದ ಚಾಲಕ ಸುಮಾರು ಎರಡು ಗಂಟೆಗಳ ಕಾಲ ಹೊರಬರಲಾಗದೇ ನರಕಯಾತನೆ ಅನುಭವಿಸಿದ್ದಾರೆ.

ಶ್ರೀನಿವಾಸಪುರ : ಯಾವುದೇ ರೀತಿಯಾಗಿ ಗ್ಯಾಸ್ ಸಿಲೆಂಡರ್ ಪೂರೈಕೆಯಲ್ಲಿ ವ್ಯತ್ಯವಿಲ್ಲ ಕೇಂದ್ರ ಹಾಗು ರಾಜ್ಯ ಸರ‍್ಕಾರ ವಾಣಿಜ್ಯ ಸಿಲೆಂಡರ್‌ಗಳನ್ನು ಹೊರತುಪಡಿಸಿ, ಗೃಹಬಳಕೆಯ ಸಿಲೆಂಡರ್‌ಗಳು ಸರ್ಕಾರ ಆದೇಶದಂತೆ ಪೂರೈಕೆಯಾಗಿಲಿವೆ ಎಂದು ತಹಶೀಲ್ದಾರ್ ಜಿ.ಎನ್.ಸುದೀಂದ್ರ ಹೇಳಿದರು .
ಪಟ್ಟಣದ ತಹಶೀಲ್ದಾರ್ ಕಚೇರಿಯಲ್ಲಿ ಶನಿವಾರ ತಾಲೂಕಿನ ಗ್ಯಾಸ್ ಮಾಲೀಕರೊಂದಿಗೆ ನಡೆದ ಸಭೆಯಲ್ಲಿ ಮಾತನಾಡಿದರು.
ತಾಲ್ಲೂಕಿನ ಸರ‍್ವಜನಿಕರಿಗೆ ಹೇಳುವೊಂದೆ ಸರ‍್ವರ್ ಪ್ರಬ್ಲಮ್ ನಿಂದ ಬುಕಿಂಗ್‌ಗೆ ಪ್ರಾಬ್ಲಮ್ ಆಗಿದೆ ಅಷ್ಟೆ. ತಡವಾಗಿ ತಗೆದುಕೊಳ್ಳುತ್ತಿದೆ. ಹೆಚ್ಚಿನ ಸಿಲೆಂಡರ್‌ಗಳನ್ನು ಬುಕ್ ಮಾಡುವುದರಿಂದ ಈ ವ್ಯತ್ಯಗಳು ನಡೆಯುತ್ತಿದೆ . ನಾಲೈದು ದಿನಗಳಲ್ಲಿ ಬುಕಿಂಗ್‌ಗೆ ಪ್ರಾಬ್ಲಮ್ ಸರಿಹೋಗಲಿದೆ ಎಂದರು. ಸಾಮಾನ್ಯವಾಗಿ ಈ ಹಿಂದೆ ಯಾವ ರೀತಿಯಾಗಿ ಸಿಲೆಂಡರ್ ಬೇಕೋ ಅದೇ ರೀತಿಯಲ್ಲಿ ಗ್ಯಾಸ್ ಮಾಲೀಕರು ಕಂಪನಿಗಳಿಗೆ ಅದೇ ರೀತಿಯಲ್ಲಿ ಕಳುಹಿಸುತ್ತಿದ್ದಾರೆ. ಯಾರು ಗಾಬರಿ ಬೀಳುವುದು ಬೇಡ ಅಲ್ಲದೆ ಗ್ಯಾಸ್ ಅಂಗಡಿಗಳ ಬಳಿ ಗಲಾಟೆಗಳನ್ನು ಮಾಡಬೇಡಿ ಎಂದು ಸರ‍್ವಜನಿಕರಿಗೆ ಮನವಿ ಮಾಡಿದರು.
ಶ್ರೀನಿವಾಸ್ ಗ್ಯಾಸ್ ಏಜೆನ್ಸಿ ಮಾಲೀಕ ರಾಜೇಶ್ ಮಾತನಾಡಿ ಗ್ರಾಹಕರು ಯಾವುದೇ ಕಾರಣಕ್ಕೂ ಭಯಪಟ್ಟು ನಮ್ಮ ಭಯಕ್ಕೆ ಸಿಕ್ಕಿಸಬೇಡಿ. ನಾವು ಈ ಹಿಂದೆ ಯಾವರೀತಿಯಾಗಿ ನಮಗೆ ಬೇಡಿಕೆಯನ್ನ ಕಂಪನಿಗೆ ಕಳುಹಿಸುತ್ತೇದ್ದೇವೆ ಅದೇ ರೀತಿಯಾಗಿ ಕಳುಹಿಸುತ್ತಿದ್ದು, ಸರ್ವರ್ ಪ್ರಾಬ್ಲಮ್ ನಿಂದ ಬುಕಿಂಗ್‌ಗೆ ತೊಂದರೆಯಾಗುತ್ತಿದ್ದು, ಅದು ಸಹ ಅತಿ ಶೀಘ್ರವಾಗಿ ಸರಿಹೋಗಲಿದ್ದು, ಗ್ರಾಹಕರು ಸಹಕರಿಸಬೇಕು ಎಂದು ಮನವಿ ಮಾಡಿದರು.
ತಾಲ್ಲೂಕು ಆಹಾರ ನಿರೀಕ್ಷಕ ಜುನೀದ್‌ಅಲಾಂಖಾನ್, ಜಗನ್ ಗ್ಯಾಸ್ ಮಾಲೀಕ ಭಾಸ್ಕರ್, ವಿಷನ್ ಇಂಡಿಯಾ ಗ್ಯಾಸ್ ವ್ಯವಸ್ಥಾಪಕ ರವಿಕುಮಾರ್,ಡಿವಿ.ಆರ್.ಪಿ.ಗ್ಯಾಸ್ ಮಾಲೀಕ ವೆಂಕಟರೆಡ್ಡಿ, ನಲ್ಲಿ ಗಂಗಮ್ಮ ಗ್ಯಾಸ್ ವ್ಯವಸ್ಥಾಪಕ ಸುರೇಶ್ ಇದ್ದರು.