ಕುಂದಾಪುರ; ಶ್ರೀ ನಾರಾಯಣಗುರು ಯುವಕ ಮಂಡಲ (ರಿ.) ಕುಂದಾಪುರ ದಿವಂಗತ ಸುರೇಶ್ .ಎಸ್ ಪೂಜಾರಿ ಪಡುಕೋಣೆಯವರ ಸ್ಮರಣಾರ್ಥ ಸಂತ ಜೋಸೆಫರ ಅನಾಥಾಲಯದ ಮಕ್ಕಳಿಗೆ
ಆಹಾರ ವಿತರಣೆ.
ಈ ಸಂದರ್ಭದಲ್ಲಿ ಅನಾಥಾಲಯದ ಮೇಲ್ವಿಚಾರಕರಾದ ಸಿಸ್ಟರ್ ನಂದಿಕಾ ನಾರಾಯಣಗುರು ಯುವಕ ಮಂಡಲದ ಪದಾಧಿಕಾರಿಗಳು ಹಾಗೂ ಸದಸ್ಯರನ್ನು ಸ್ವಾಗತಿಸಿ ಅವರ ನಿಸ್ವಾರ್ಥ ಸೇವೆಯನ್ನು ಶ್ಲಾಘಿಸಿದರು.
ಸಂತ ಜೋಸೆಫ್ ಕಾನ್ವೆಂಟಿನ ಮುಖ್ಯಸ್ಥೆ ಸಿಸ್ಟರ್ ಸುಪ್ರಿಯಾ ಮಾತನಾಡಿ ‘ ನಾವು ಮಕ್ಕಳನ್ನು ಸಮಾಜದ ಉತ್ತಮ ನಾಗರಿಕರನ್ನಾಗಿ ಮಾಡಲು ಅವರಿಗೆ ಉತ್ತಮ ಶಿಕ್ಷಣದ ಜೊತೆ ಸಕಲ ಸೌಲಭ್ಯಗಳನ್ನು ನೀಡುತ್ತಿದ್ದೇವೆ.ಅನೇಕ ಸಂಘ ಸಂಸ್ಥೆಗಳು ನಮ್ಮ ಮಕ್ಕಳಿಗೆ ಬೇಕಾದ ಸಹಾಯವನ್ನು ಉದಾರ ಮನಸ್ಸಿನಿಂದ ನೀಡುತ್ತಿದ್ದಾರೆ.ನಾರಾಯಣ ಗುರು ಸಂಘದಿಂದ ಸಮಾಜಕ್ಕೆ ಇನ್ನಷ್ಟು ಉತ್ತಮ ಸೇವೆ ಸಿಗಲಿ’ ಎಂದು ಹಾರೈಸಿದರು.
ಬಿಲ್ಲವ ಸಮಾಜ ಸೇವಾ ಸಂಘ(ರಿ.)ಕುಂದಾಪುರ ಇದರ ಗೌರವಾಧ್ಯಕ್ಷರು ಮತ್ತು ಶ್ರೀ ನಾರಾಯಣಗುರು ಶೈಕ್ಷಣಿಕ & ಸಾಂಸ್ಕೃತಿಕ ದತ್ತಿ ಸಂಸ್ಥೆ(ರಿ.)ಕುಂದಾಪುರ ಇದರ ಅಧ್ಯಕ್ಷರಾಗಿ ಸೇವೆ ಸಲ್ಲಿಸಿದ ಕೊಡುಗೈ ದಾನಿ ಸಮಾಜ ಸೇವಕ ಸುಖ್ ಸಾಗರ್ ಹೊಟೇಲ್ ಮಾಲೀಕರಾದ ಸುರೇಶ್ .ಎಸ್ ಪೂಜಾರಿ ಪಡುಕೋಣೆ ಇವರ ಸ್ಮರಣಾರ್ಥವಾಗಿ ಶ್ರೀ ನಾರಾಯಣಗುರು ಯುವಕ ಮಂಡಲ (ರಿ.) ಕುಂದಾಪುರ ಇವರ ವತಿಯಿಂದ ಕುಂದಾಪುರದ ಸಂತ ಜೋಸೆಫ್ ಆಶ್ರಯ ಶಾಲೆಯ ವಿದ್ಯಾರ್ಥಿಗಳಿಗೆ ಊಟದ ಆಹಾರವನ್ನು ವಿತರಿಸಲಾಯಿತು. ಈ ಸಂದರ್ಭದಲ್ಲಿ ಶ್ರೀ ನಾರಾಯಣಗುರುಯುವಕ ಮಂಡಲದ ಅಧ್ಯಕ್ಷರಾದ ರವೀಂದ್ರ ಪೂಜಾರಿ ಹಂಗಳೂರು, ಬಿಲ್ಲವ ಸಮಾಜ ಸೇವಾ ಸಂಘ (ರಿ.) ಕುಂದಾಪುರ ಅಧ್ಯಕ್ಷರಾದ ಅಶೋಕ ಪೂಜಾರಿ ಬೀಜಾಡಿ, ತಾಲೂಕು ಆರೋಗ್ಯಾಧಿಕಾರಿಗಳಾದ ಡಾ.ಕೆ ಪ್ರೇಮಾನಂದ, ಯುವಕ ಮಂಡಲದ ನಿದೇಶಕರುಗಳಾದ ಸತೀಶ್ ಕೋಟ್ಯಾನ್, ಕೆ.ಟಿ ಗಣೇಶ್ ಅಮೀನ್, ದಿವಾಕರ ಕಡ್ಗಿಮನೆ, ಯುವಕ ಮಂಡಲದ ನಿಕಟ ಪೂರ್ವಾಧ್ಯಕ್ಷರಾದ ಸಂದೇಶ ಪೂಜಾರಿ ಬೀಜಾಡಿ, ಪ್ರಧಾನ ಕಾರ್ಯದರ್ಶಿ ಸಂತೋಷ ಪೂಜಾರಿ ಬೀಜಾಡಿ, ಕುಂದಾಪುರ ನಗರ ಪ್ರಾಧಿಕಾರದ ಸದಸ್ಯರಾದ ಚಂದ್ರ ಅಮೀನ್ , ಶ್ರೀ ನಾರಾಯಣಗುರು ಶೈಕ್ಷಣಿಕ ಮತ್ತು ಸಾಂಸ್ಕೃತಿಕ ದತ್ತಿ ಸಂಸ್ಥೆಯ ಕಾರ್ಯದರ್ಶಿ ರಾಜೇಶ್ ಕಡ್ಗಿಮನೆ, ಯುವಕ ಮಂಡಲ ಮತ್ತು ಬಿಲ್ಲವ ಸಂಘದ ನಿರ್ದೆಶಕರುಗಳು, ಪದಾಧಿಕಾರಿಗಳು ಹಾಗೂ ಸದಸ್ಯರ ಜೊತೆ ಸ್ಥಳೀಯರಾದ ಆಶಾ ಕರ್ವಾಲ್ಲೊ, ಕ್ಲಿಫರ್ಡ್ ಡಿ’ಸಿಲ್ವಾ,ವಿವೇಕ್ ಚರ್ಚ್ ರಸ್ತೆ ಉಪಸ್ಥಿತಿತರಿದ್ದರು.
ಅನಾಥಾಲಯದ ಮಕ್ಕಳು ಗೀತೆಯ ಮುಖಾಂತರ ಧನ್ಯವಾದ ವ್ಯಕ್ತ ಪಡಿಸಿದರು.

ಕುಂದಾಪುರ; ಐಎಂಜೆ ಕಾಲೇಜ್ ಆಫ್ ಅಲೈಡ್ ಹೆಲ್ತ್ ಸೈನ್ಸಸ್ ಮತ್ತು ಮೂಡ್ಲಕಟ್ಟೆ ಪ್ಯಾರಾಮೆಡಿಕಲ್ ವಿಜ್ಞಾನ ಸಂಸ್ಥೆಯಲ್ಲಿ ವಿದ್ಯಾರ್ಥಿಗಳಿಗಾಗಿ ವೃತ್ತಿ ಮಾರ್ಗದರ್ಶನ ತರಬೇತಿ ಆಯೋಜಿಸಲಾಗಿತ್ತು. ಈ ಕಾರ್ಯಕ್ರಮವನ್ನು ಮುಖ್ಯ ಅತಿಥಿ ಶ್ರೀ ಸ್ವರಾಜ್ ಶೆಟ್ಟಿ (ರೇಡಿಯೋ ಟೆಕ್ನಾಲಜಿಸ್ಟ್ ಮತ್ತು ಉದ್ಯಮಿ) ಅವರು ದೀಪ ಬಳಗಿಸಿ ಉದ್ಘಾಟಿಸಿದರು. ವೇದಿಕೆಯಲ್ಲಿ ಐಎಂಜೆ ಇನ್ಸ್ಟಿಟ್ಯೂಟ್ ಆಫ್ ಅಲೈಡ್ ಹೆಲ್ತ್ ಸೈನ್ಸಸ್‌ನ ಡೀನ್,ಡಾ. ಪದ್ಮಚಾರಣ ಸ್ವೈನ್,   ಐಎಂಜೆ ಇನ್ಸ್ಟಿಟ್ಯೂಟ್‌ಗಳ ಬ್ರ್ಯಾಂಡ್ ಬಿಲ್ಡಿಂಗ್ ನಿರ್ದೇಶಕರು ಡಾ. ರಾಮಕೃಷ್ಣ ಹೆಗ್ಡೆ, ಮೂಡ್ಲಕಟ್ಟೆ ನರ್ಸಿಂಗ್ ಕಾಲೇಜಿನ ಪ್ರಿನ್ಸಿಪಾಲ್ ಶ್ರೀಮತಿ ಜೆನಿಫರ್ ಫ್ರೀಡಾ ಮೆನೆಜಸ್ ,  ಐಎಂಜೆ ಅಲೈಡ್ ಹೆಲ್ತ್ ಸೈನ್ಸಸ್ ಹಾಗೂ ಮೂಡ್ಲಕಟ್ಟೆ ಪ್ಯಾರಾಮೆಡಿಕಲ್ ವಿಜ್ಞಾನ ಸಂಸ್ಥೆಗಳ ಉಪಪ್ರಾಂಶುಪಾಲರಾದ ಶ್ರೀಮತಿ ಸೌಜನ್ಯಾ ಉಪಸ್ಥಿತರಿದ್ದರು.
ಈ ಸಂದರ್ಭದಲ್ಲಿ ಡಾ. ಪದ್ಮಚಾರಣ ಸ್ವೈನ್ ಅವರು ವೃತ್ತಿ ಮಾರ್ಗದರ್ಶನದ ಮಹತ್ವದ ಬಗ್ಗೆ ಮಾತನಾಡಿದರು ಮತ್ತು ಶ್ರೀಮತಿ ಸೌಜನ್ಯಾ ಅವರು ಅತಿಥಿಯನ್ನು ಪರಿಚಯಿಸಿದರು. ಮುಖ್ಯ ಅತಿಥಿಯಾದ ಶ್ರೀ ಸ್ವರಾಜ್ ಶೆಟ್ಟಿ ಅವರು ಆರೋಗ್ಯ ವೃತ್ತಿಯಲ್ಲಿ ಇರುವ ವೃತ್ತಿಪರ ಅವಕಾಶಗಳು ಮತ್ತು ಅಂತರರಾಷ್ಟ್ರೀಯ ಮಟ್ಟದಲ್ಲಿ ಲಭ್ಯವಿರುವ ವಿಭಿನ್ನ ಅವಕಾಶಗಳ ಕುರಿತು ಅಮೂಲ್ಯವಾದ ಮಾಹಿತಿ ನೀಡಿದರು.
ಕಾರ್ಯಕ್ರಮವನ್ನು  ವಿದ್ಯಾರ್ಥಿನಿ ಸಿಂಧು ಅವರು ನಿರೂಪಿಸಿದರು. ಪ್ರೊ. ಸುಷ್ಮಾ ಉಪಾಧ್ಯಾಯ ಅವರು  ಸ್ವಾಗತಿಸಿದರು ಮತ್ತು ಪ್ರೊ.  ಪವಿತ್ರಾ ಅವರು ಧನ್ಯವಾದ ಅರ್ಪಿಸಿದರು. ಈ ಕಾರ್ಯಕ್ರಮವನ್ನು ಆಡಳಿತಾಧಿಕಾರಿ ಶ್ರೀ ಪಾರ್ಥ ಸಾರಥಿ ಹಾಗು ಪ್ರೊ. ಅರ್ಪಿತಾ ಸಂಯೋಜಿಸಿದ್ದರು.

ಕೋಲಾರ,ಜೂ.30: ಕೋಲಾರದ ಬಸವಶ್ರೀ ಪದವಿ ಪೂರ್ವ ಕಾಲೇಜಿನ ಜೀವ ಶಾಸ್ತ್ರ ಮುಖ್ಯಸ್ಥ ಹಾಗೂ ಹಾರಿಜನ್ ಐಐಟಿ ಮತ್ತು ಮೆಡಿಕಲ್ ಅಕಾಡೆಮಿಯ ಸಿಇಓ ಜೀಶಾನ್ ಅಲಿ ಅವರ ಸೇವೆಯನ್ನು ಪರಿಗಣಿಸಿ ಗ್ಲೋಬಲ್ ಹುಮೆನ್ ಪೀಸ್ ಯೂನಿವರ್ಸಿಟಿ ವತಿಯಿಂದ ಶ್ರೀಯುತರಿಗೆ ಗೌರವ ಡಾಕ್ಟರೇಟ್ ನೀಡಿ ಗೌರವಿಸಿದೆ.

ಕೋಲಾರ,ಜೂ.30: ಕೋಲಾರ ಜಿಲ್ಲಾ ಕಾರ್ಯನಿರತ ಪತ್ರಕರ್ತರ ಸಂಘವು 2025ನೇ ಸಾಲಿನ ವಾರ್ಷಿಕ ಪ್ರಶಸ್ತಿಗಳನ್ನು ಪ್ರಕಟಿಸಿದೆ.
ಕೋಲಾರ ಜಿಲ್ಲಾ ಕಾರ್ಯನಿರತ ಪತ್ರಕರ್ತರ ಸಂಘದ ವತಿಯಿಂದ ಜುಲೈ 1 ರಂದು ಮಂಗಳವಾರ ನಗರದ ಪತ್ರಕರ್ತರ ಭವನದಲ್ಲಿ ಬೆಳಗ್ಗೆ 10-00 ಗಂಟೆಗೆ ನಡೆಯುವ ಪತ್ರಿಕಾ ದಿನಾಚರಣೆ ಕಾರ್ಯಕ್ರಮದಲ್ಲಿ ಪ್ರಶಸ್ತಿ ಪ್ರದಾನ ಮಾಡಲಾಗುವುದು.
ಜಿಲ್ಲಾಧಿಕಾರಿ ಡಾ.ಎಂ.ಆರ್.ರವಿ ಕಾರ್ಯಕ್ರಮವನ್ನು ಉದ್ಘಾಟಿಸುವರು. ಜಿಲ್ಲಾ ಪೊಲೀಸ್ ವರಿಷ್ಟಾಧಿಕಾರಿ ನಿಖಿಲ್ ಬಿ ಪ್ರತಿಭಾನ್ವಿತ ವಿದ್ಯಾರ್ಥಿಗಳನ್ನು ಪುರಸ್ಕರಿಸಲಿದ್ದಾರೆ. ಕೋಲಾರ ಜಿಲ್ಲಾ ಕಾರ್ಯನಿರತ ಪತ್ರಕರ್ತರ ಸಂಘದ ಅಧ್ಯಕ್ಷರಾದ ಬಿ.ವಿ.ಗೋಪಿನಾಥ್ ಅಧ್ಯಕ್ಷತೆ ವಹಿಸುವರು.
ಕಾರ್ಯಕ್ರಮದಲ್ಲಿ ಕೆ.ಯು.ಡಬ್ಲ್ಯೂ.ಜೆ ಖಜಾಂಚಿ ಎಂ.ವಾಸುದೇವಹೊಳ್ಳ, ರಾಜ್ಯ ಕಾರ್ಯಕಾರಿ ಸಮಿತಿ ಸದಸ್ಯರಾದ ಕೆ.ಎಸ್.ಗಣೇಶ್ ಮತ್ತು ವಿ.ಮುನಿರಾಜು ಮುಖ್ಯ ಅತಿಥಿಗಳಾಗಿರುವರು.
ಇದೇ ಸಂದರ್ಭದಲ್ಲಿ ಪತ್ರಕರ್ತರ ಮಕ್ಕಳಿಗೆ ಪ್ರತಿಭಾ ಪುರಸ್ಕಾರ ಹಾಗೂ ಜಿಲ್ಲೆಯ ಹಿರಿಯ ಪತ್ರಕರ್ತರ ನೆನಪಿನಲ್ಲಿ ಪ್ರತಿಭಾವಂತ ಪತ್ರಕರ್ತರಿಗೆ ಪ್ರಶಸ್ತಿಗಳನ್ನು ವಿತರಿಸಲಾಗುವುದು.
ಕಾರ್ಯಕ್ರಮಕ್ಕೆ ಜಿಲ್ಲೆಯ ಸಮಸ್ತ ಪತ್ರಕರ್ತರು ಆಗಮಿಸಲು ಸಂಘದ ಪ್ರಕಟಣೆ ಕೋರಿದೆ.
ಅಂದು ಮಧ್ಯಾಹ್ನ 2-00 ಗಂಟೆಗೆ ಕೋಲಾರ ಜಿಲ್ಲಾ ಕಾರ್ಯನಿರತ ಪತ್ರಕರ್ತರ ಸಂಘದ ಅಧ್ಯಕ್ಷ ಬಿ.ವಿ.ಗೋಪಿನಾಥ್ ಅವರ ಅಧ್ಯಕ್ಷತೆಯಲ್ಲಿ ಸಂಘದ ಕಚೇರಿಯಲ್ಲಿ ಸರ್ವ ಸದಸ್ಯರ ಸಭೆಯನ್ನು ಆಯೋಜಿಸಲಾಗಿದೆ.
ಸಂಘದ ಎಲ್ಲಾ ಸದಸ್ಯರು ಭಾಗವಹಿಸಿ ಸಭೆಯನ್ನು ಯಶಸ್ವಿಗೊಳಿಸುವಂತೆ ಪ್ರಧಾನ ಕಾರ್ಯದರ್ಶಿ ಎಸ್.ಕೆ.ಚಂದ್ರಶೇಖರ್, ಖಜಾಂಚಿ ಎ.ಜಿ.ಸುರೇಶ್‍ಕುಮಾರ್ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.

ಪತ್ರಕರ್ತರಿಗೆ ಆರೋಗ್ಯ ತಪಾಸಣೆ:

ಅಂದು ಬೆಳಗ್ಗೆ    8-30 ರಿಂದ 10-30 ರವರೆಗೆ ವಂಶೋದಯ ಅಡ್ವಾನ್ಸ್ಡ್ ಮಲ್ಟಿಸ್ಪಷಾಲಿಟಿ ಆಸ್ಪತ್ರೆ ವತಿಯಿಂದ ಪತ್ರಕರ್ತರು ಮತ್ತು ಅವರ ಕುಟುಂಬದವರಿಗೆ ನಗರದ ಪತ್ರಕರ್ತರ ಭವನದಲ್ಲಿ ಉಚಿತ ಆರೋಗ್ಯ ತಪಾಸಣಾ ಶಿಬಿರವನ್ನು ಹಮ್ಮಿಕೊಳ್ಳಲಾಗಿದೆ.

ಶಿಬಿರದಲ್ಲಿ ನರಶಸ್ತ್ರ ಚಿಕಿತ್ಸಕರು ಹಾಗೂ ಮೂಳೆ ತಜ್ಞರಿಂದ ಉಚಿತ ಸಮಾಲೋಚನೆ ಏರ್ಪಡಿಸಲಾಗಿದೆ.

2025ನೇ ಸಾಲಿನ ವಾರ್ಷಿಕ ಪ್ರಶಸ್ತಿಗಳ ವಿವರ: 

ಜಿ.ನಾರಾಯಣಸ್ವಾಮಿ ಅವರ ನೆನಪಿನಲ್ಲಿ: ಮಾಲೂರಿನ ವಿಜಯವಾಣಿ ದಿನಪತ್ರಿಕೆಯ ತಾಲೂಕು ವರದಿಗಾರ ಎಂ.ವಿ.ರವೀಂದ್ರ, ಕೆ.ಆರ್.ಕೃಷ್ಣಸ್ವಾಮಿ ಅವರ ನೆನಪಿನಲ್ಲಿ: ಕೋಲಾರದ ವಿಜಯಕರ್ನಾಟಕ ದಿನಪತ್ರಿಕೆಯ ವರದಿಗಾರ ಕೆ.ಎನ್.ರಾಘವೇಂದ್ರಪ್ರಸಾದ್, ಬಿ.ವಿ.ನರಸಿಂಹಮೂರ್ತಿ ಅವರ ನೆನಪಿನಲ್ಲಿ: ಕೋಲಾರದ ಕನ್ನಡಮಿತ್ರ ದಿನಪತ್ರಿಕೆಯ ಸಂಪಾದಕ ಕೋ.ನಾ.ಪ್ರಭಾಕರ್, ಕೆ.ಪ್ರಹ್ಲಾದರಾವ್ ಅವರ ನೆನಪಿನಲ್ಲಿ: ಕೋಲಾರದ ಅಧಿನಾಯಕ ದಿನಪತ್ರಿಕೆಯ ಸಂಪಾದಕಿ ಎಂ.ವರಲಕ್ಷ್ಮಿ, ಬಿ.ಆರ್ಮುಗಂ ನೆನಪಿನಲ್ಲಿ: ಕೆ.ಜಿ.ಎಫ್ ಅಂತರಗಂಗೆ ದಿನಪತ್ರಿಕೆಯ ತಾಲೂಕು ವರದಿಗಾರ ಕೆ.ಸುದರ್ಶನ್, ಎಂ.ಮಲ್ಲೇಶ್ ನೆನಪಿನಲ್ಲಿ: ಬಂಗಾರಪೇಟೆಯ ಡೈಲಿ ಸಾಲಾರ್ ದಿನಪತ್ರಿಕೆಯ ತಾಲೂಕು ವರದಿಗಾರ ಮೊಹಮ್ಮದ್ ಏಸಾನುಲ್ಲಾ, ಬಿ.ಎನ್.ಗುರುಪ್ರಸಾದ್ ನೆನಪಿನಲ್ಲಿ: ಕೋಲಾರದ ಟಿ.ವಿ-9 ಕ್ಯಾಮರಾಮೆನ್ ಕೆ.ಜಿ.ಮಂಜುನಾಥ್, ಹೆಚ್.ಎನ್.ಸೋಮಶೇಖರಗೌಡ ನೆನಪಿನಲ್ಲಿ: ಶ್ರೀನಿವಾಸಪುರದ ಉದಯಮಿತ್ರ ದಿನಪತ್ರಿಕೆಯ ತಾಲೂಕು ವರದಿಗಾರ ಹೆಚ್.ರಮೇಶ್, ಸಿ.ಎಂ.ರಂಗಾರೆಡ್ಡಿ ನೆನಪಿನಲ್ಲಿ: ಮುಳಬಾಗಿಲಿನ ಕೋಲಾರಶಕ್ತಿ ದಿನಪತ್ರಿಕೆಯ ತಾಲೂಕು ವರದಿಗಾರ ವಿ.ಶಂಕರಪ್ಪ, ವಿ.ಎಂ.ನಾಗಪ್ಪ ಅವರ ನೆನಪಿನಲ್ಲಿ: ಕೋಲಾರದ ನ್ಯೂಸ್ ಅಲರ್ಟ್ ಟಿ.ವಿ ಜಿಲ್ಲಾ ವರದಿಗಾರ ವಿ.ಈಶ್ವರ್ ಅವರನ್ನು ಪ್ರಶಸ್ತಿಗಳಿಗೆ ಆಯ್ಕೆ ಮಾಡಲಾಗಿದೆ.

ಶಿರೂರು : 2025 – 26ನೇ ಸಾಲಿನ ಶಾಲಾ ಸಂಸತ್ತು ಹಾಗೂ ವಿವಿಧ ಸಂಘಗಳ ಉದ್ಘಾಟನಾ ಸಮಾರಂಭ ದಿನಾಂಕ 30/06/2025 ರಂದು ನಡೆಯಿತು ಮುಖ್ಯ ಅತಿಥಿಗಳಾಗಿ ಆಗಮಿಸಿದ ಶಿರೂರು ಗ್ರಾಮ ಪಂಚಾಯತ್ ಅಧ್ಯಕ್ಷೆ ಶ್ರೀಮತಿ ನಾಗರತ್ನ ಶಾಲಾ ಸಂಸತ್ತು ಮತ್ತು ನೂತನ ವಿದ್ಯಾರ್ಥಿ ಸಂಘವನ್ನು ಉದ್ಘಾಟಿಸಿ ಸ್ಪರ್ಧಾತ್ಮಕ ಯುಗದಲ್ಲಿ ಉತ್ತಮ ವಿದ್ಯೆಯನ್ನು ಕಲಿಯುವುದರ ಜೊತೆಗೆ ನಾಯಕತ್ವದ ಗುಣವನ್ನು ಬೆಳೆಸಿಕೊಂಡು ಸ್ವಚ್ಛತೆಯತ್ತ ಹೆಚ್ಚು ಗಮನವಹಿಸಿ, ಸಂಸ್ಕಾರವಂತರಾಗಿ ಉತ್ತಮ ಪ್ರಜೆಯಾಗಿ ಬಾಳಬೇಕು ಎಂದು ಮಂತ್ರಿಮಂಡಲ ಕಾರ್ಯಕಲಾಪದ ಬಗ್ಗೆ ಮಾಹಿತಿ ನೀಡಿದರು ಅಧ್ಯಕ್ಷತೆ ವಹಿಸಿ ಮಾತನಾಡಿದ ಸಂಸ್ಥೆಯ ಕಾರ್ಯದರ್ಶಿ ಧೀರಜ್ ಬಿ ನೂತನವಾಗಿ ಚುನಾಯಿತರಾದ ವಿದ್ಯಾರ್ಥಿ ಪ್ರತಿನಿಧಿಗಳಿಗೆ ಶುಭ ಕೋರಿದರು ಪ್ರಾಂಶುಪಾಲರಾದ ಡಾI ರವಿದಾಸ್ ಶೆಟ್ಟಿ ಚುನಾಯಿತ ಪ್ರತಿನಿಧಿಗಳಿಗೆ ಪ್ರತಿಜ್ಞಾವಿಧಿ ಬೋಧಿಸಿದರು ಸಭೆಯಲ್ಲಿ ವಿವಿಧ ಸಂಘಗಳ ಮಾರ್ಗದರ್ಶಕರು ವಿದ್ಯಾರ್ಥಿಗಳು ಬೋಧಕ ಮತ್ತು ಬೋಧಕೇತರ ಸಿಬ್ಬಂದಿ ಉಪಸ್ಥಿತರಿದ್ದರು ಶಿಕ್ಷಕಿಯರಾದ ಅಕ್ಷತಾ ನಾಯ್ಕ್ ಸ್ವಾಗತಿಸಿದರು, ಸಿಜಿ ವಿ ಪಿ ವಂದಿಸಿದರು ಹಾಗೂ ಆಶಾ ಕಾರ್ಯಕ್ರಮ ನಿರ್ವಹಿಸಿದರು.

ಲೇಖಕರು ; ಡಾ. ನಾಗರಾಜ ಕೆ. ಎಸ್., ಸಹಾಯಕ ಪ್ರಾಧ್ಯಾಪಕರು (ಹಣ್ಣು ವಿಜ್ಞಾನ), ತೋಟಗಾರಿಕ ಮಹಾವಿದ್ಯಾಲಯ, ಕೋಲಾರ

ಲೇಖಕರು ; ಡಾ. ನಾಗರಾಜ ಕೆ. ಎಸ್., ಸಹಾಯಕ ಪ್ರಾಧ್ಯಾಪಕರು (ಹಣ್ಣು ವಿಜ್ಞಾನ), ತೋಟಗಾರಿಕ ಮಹಾವಿದ್ಯಾಲಯ, ಕೋಲಾರ
ಪ್ರತಿ ವರ್ಷ ಜುಲೈ 1 ರಂದು ಅಂತರಾಷ್ಟ್ರೀಯ ಹಣ್ಣು ದಿನಾಚರಣೆಯಾಗಿ ಆಚರಿಸಲಾಗುತ್ತದೆ. ಜರ್ಮನಿಯ ರಾಜಧಾನಿ ಬರ್ಲಿನ್ ನಲ್ಲಿ 2007ರಲ್ಲಿ ಈ ಮಹತ್ವದ ದಿನಾಚರಣೆ ಹುಟ್ಟಿಕೊಂಡಿದ್ದು, ಈ ದಿನಾಚರಣೆಯ ಮುಖ್ಯ ಧ್ಯೇಯವು ದಿನನಿತ್ಯ ಹಣ್ಣುಗಳನ್ನು ತಿನ್ನಲು ಪ್ರೇರೇಪಿಸುವುದರೊಂದಿಗೆ ಆರೋಗ್ಯವನ್ನು ಸಮತೋಲನದಲ್ಲಿಡುವುದು ಹಾಗೂ ಪ್ರೀತಿ-ಪಾತ್ರರೊಂದಿಗೆ ಹಣ್ಣುಗಳನ್ನು ಹಂಚಿಕೊಂಡು ಸಹಭಾಗಿತ್ವ ಕಾಪಾಡುವುದು ಆಗಿದೆ.
ಭಾರತೀಯ ವೈದ್ಯಕೀಯ ಸಂಶೋಧನಾ ಸಭೆ (ICMR) ಯು ಆರೋಗ್ಯ ಸಮತೋಲನದಲ್ಲಿರಲು ಒಬ್ಬ ಮನುಷ್ಯ ದಿನಕ್ಕೆ ಕನಿಷ್ಠ 100 ಗ್ರಾಂ ಹಣ್ಣು ತಿನ್ನಬೇಕು ಎಂದು ಶಿಫಾರಸ್ಸು ಮಾಡಿದೆ. ಆದುದರಿಂದ ಹಣ್ಣುಗಳನ್ನು ದಿನನಿತ್ಯ ನಾವು ತಿನ್ನಲು ರೂಢಿಯಾಗಿಸಿದ್ದಲ್ಲಿ ಹಲವು ಮಾರಕ ಕಾಯಿಲೆಗಳಿಂದ ನಮ್ಮನ್ನು ರಕ್ಷಿಸಿಕೊಳ್ಳಬಹುದಾಗಿದೆ. ಪ್ರತಿಯೊಂದು ಹಣ್ಣಿನಲ್ಲಿಯೂ ಅನ್ನಾಂಗ ಮತ್ತು ಖನಿಜಗಳು ಹೇರಳವಾಗಿರುತ್ತವೆ.
ಮುಖ್ಯವಾಗಿ ನಮ್ಮ ಉಷ್ಣ ಮತ್ತು ಸಮಶೀತೋಷ್ಣವಲಯದಲ್ಲಿರುವ ಹಣ್ಣುಗಳ ಪ್ರಾಮುಖ್ಯತೆಯನ್ನು ಇಲ್ಲಿ ತಿಳಿಸಲಾಗಿದೆ.

ಮಾವು- ಹಣ್ಣುಗಳ ರಾಜ ಎಂದೇ ಪ್ರಸಿದ್ದಿಯಾಗಿರುವ ಮಾವು ನಮ್ಮ ರಾಷ್ಟ್ರೀಯ ಹಣ್ಣು ಕೂಡ. ನಮ್ಮ ಹಿಂದೂ ಸಂಪ್ರದಾಯದಲ್ಲಿ ಮಾವು ತನ್ನದೆ ಆದ ಪ್ರಾಮುಖ್ಯತೆ ಹೊಂದಿದ್ದು, ಹಬ್ಬ ಹಾಗೂ ಶುಭ-ಸಮಾರಂಭಗಳಲ್ಲಿ ಮಾವಿನ ಎಲೆಗಳ ತೋರಣ, ಒಣ ಕಡ್ಡಿಗಳನ್ನು ಹೋಮ ಹವನಗಳಲ್ಲಿ ಬಳಸುವುದು, ಶಾರದೆಯ ಪೂಜೆಗೆ ಮಾವಿನ ಹೂವು ಬಳಸುವುದು ಪ್ರತಿತಿಯಲ್ಲಿದೆ.
ಮಾವಿನ ಹಣ್ಣಿನಲ್ಲಿ ಅನ್ನಾಂಗ ‘ಎ’ ಮತ್ತು ‘ಸಿ’ ಹೆಚ್ಚಾಗಿರುವುದರಿಂದ ಕಣ್ಣಿನ ತೊಂದರೆ ನಿವಾರಿಸುವುದು ಹಾಗೂ ದೇಹದ ರೋಗ ನಿರೋಧಕ ಶಕ್ತಿ ಹೆಚ್ಚಿಸುತ್ತದೆ. ಹಾಗೆಯೇ ಈ ಹಣ್ಣಿನಲ್ಲಿ ಕಬ್ಬಿಣಾಂಶ, ಕ್ಯಾಲ್ಸಿಯಂ ಹಾಗೂ ಫಾಸ್ಪರಸ್ ಖನಿಜಗಳು ಹೇರಳವಾಗಿರುವುದು.

ಬಾಳೆ- ಬಾಳೆಯು ಕಲ್ಪತರು ಎಂದೇ ಪ್ರಖ್ಯಾತಿ ಹೊಂದಿದೆ. ಎಕೆಂದರೆ ಇದರ ಎಲ್ಲಾ ಭಾಗಗಳು ಉಪಯುಕ್ತ. ಶುಭ ಸಮಾರಂಭಗಳಲ್ಲಿ ಬಾಳೆಗಿಡ ಬಳುಸುವುದು ಸಾಮಾನ್ಯವಾಗಿ ಕಾಣುತ್ತೇವೆ. ಬಾಳೆ ಹಣ್ಣು ಒಂದು ಶಕ್ತಿಯುತ ಆಹಾರವಾಗಿರುವುದಲ್ಲದೆ, ಕಡಿಮೆ ಪ್ರೋಟಿನ್ ಮತ್ತು ಕೊಬ್ಬಿನಾಂಶದಿಂದ ಸಮತೋಲನ ಆಹಾರವಾಗಿದೆ. ಬಾಳೆ ಹಣ್ಣಿನಲ್ಲಿ ಹೆಚ್ಚಿನ ಕಾರ್ಬೊಹೈಡ್ರೇಟಗಳಿದ್ದು, ಅತಿ ಹೆಚ್ಚಿನ ನಾರಿನಂಶದಿಂದ ಜೀರ್ಣ ಕ್ರೀಯೆಯಲ್ಲಿ ಪಾತ್ರವಹಿಸುತ್ತದೆ.

ಸೀಬೆ- ಇದನ್ನು ‘ಬಡವರ ಸೇಬು’ ಎಂದು ಕರೆಯುತ್ತಾರೆ. ಸೇಬಿನಲ್ಲಿರುವ ಪ್ರಮಾಣದಷ್ಟೆ ಪೋಷಕಾಂಶಗಳು ಇದರಲ್ಲಿದ್ದು, ಕಡಿಮೆ ಬೆಲೆಯಲ್ಲಿ ಸಿಗುವುದು. ಹಣ್ಣಿನಲ್ಲಿ ಅನ್ನಾಂಗ ‘ಸಿ’, ಥೈಯಾಮಿನ್, ರೈಬೊಫ್ಲೇವಿನ್ ಮತ್ತು ನಿಯಾಸಿನ್ ಅಂಶವು ಹೆಚ್ಚಿದ್ದು ಹಲವು ರೋಗಗಳಿಗೆ ರಾಮಬಾಣವಾಗಿದೆ.

ಪಪಾಯ- ಇದು ಒಂದು ಅದ್ಭುತ ಹಣ್ಣಾಗಿದ್ದು, ಪೋಷಕಾಂಶ ಭರಿತವಾಗಿದೆ. ಈ ಹಣ್ಣು ಜಾಮ್, ಜೆಲ್ಲಿ, ಸಿರಪ್, ವೈನ್ ಮತ್ತು ಇನ್ನಿತರ ಸಂಸ್ಕರಣೆಯಲ್ಲಿ ಬಳಕೆಯಾಗುತ್ತದೆ. ಪಪೇನ್ ಎಂಬ ಪಪಾಯ ಹಾಲಿನಂತಹ ದ್ರವವನ್ನು ಔಷಧೀಯ ತಯಾರಿಕೆಯಲ್ಲಿ ಬಳಸುತ್ತಾರೆ. ಪಪಾಯ ಎಲೆಗಳನ್ನು ಡೆಂಗ್ಯೂ ನಿವಾರಣೆಯಲ್ಲಿ ಬಳಸಲಾಗುತ್ತದೆ.

ದಾಳಿಂಬೆ- ಇದನ್ನು ದಾಳಿಂಬೆರಸ, ಸಿರಪ್ ಹಾಗೂ ಜೆಲ್ಲಿಯಲ್ಲಿ ಬಳಸುತ್ತಾರೆ. ದಾಳಿಂಬೆಯ ರಸದಿಂದ ಅನಾರ್ ರಬ್ ಎಂಬ ಸಾಸ್ ತಯಾರಿಸುತ್ತಾರೆ ಹಾಗೂ ದಾಳಿಂಬೆಯ ಒಣಗಿದ ಬೀಜಗಳನ್ನು ಅನಾರ್‍ದಾನ ಎಂದು ವ್ಯಂಜನ ಪದಾರ್ಥವಾಗಿ ಬಳಸುವುದು. ದಾಳಿಂಬೆ ರಸವನ್ನು ಜ್ವರ, ಅತಿಸಾರ, ಕುಷ್ಠರೋಗ, ಹೊಟ್ಟೆ ಸಂಬಂಧಿತ ಹಾಗೂ ಹೃದಯದ ಕಾಯಿಲೆಯ ನಿವಾರಣೆಯಲ್ಲಿ ಬಳಸುವರು.

ದ್ರಾಕ್ಷಿ: ದ್ರಾಕ್ಷಿಯು ಹೆಚ್ಚಿನ ಔಷಧಿ ಗುಣಹೊಂದಿದ್ದು, ಹಿಂದಿನ ಕಾಲದಲ್ಲಿ ಕ್ಯಾನ್ಸರ್‍ನ್ನು ಗುಣಪಡಿಸಲು ‘ಗ್ರೇಪ್ ಥೆರಪಿ’ ಎಂದು ಬಳಸುತ್ತಿದ್ದರು. ದ್ರಾಕ್ಷಿಯಲ್ಲಿರುವ ‘ರೆಸ್‍ವೆರಟ್ರಾಲ್’ ಎಂಬ ರಾಸಾಯನಿಕವು ಕ್ಯಾನ್ಸರ್ ಗುಣಪಡಿಸುವ ಸಾಮಥ್ರ್ಯ ಹೊಂದಿದೆ.
ನೇರಳೆ ಹಣ್ಣು: ನೇರಳೆಯು ಮಧುಮೇಹ, ಅತಿಸಾರ, ಹೃದಯ ಹಾಗೂ ಪಿತ್ತಕೋಶದ ಸಮಸ್ಯೆಯನ್ನು ನಿವಾರಿಸುವುದು. ಹಾಗೆಯೇ ಅಧಿಕ ರಕ್ತದೊತ್ತಡ ಕಡಿಮೆ ಮಾಡುವ ಗುಣ ಹೊಂದಿದೆ.

ಹಲಸು: ನವ ಕಲ್ಪವೃಕ್ಷ ಎಂದೇ ನಾಮಾಂಕಿತವಾಗಿರುವ ಹಲಸು, ಹಲವು ರೋಗಗಳನ್ನು ನಿವಾರಿಸುವ ಗುಣ ಹೊಂದಿದೆ. ಮಲಬದ್ಧತೆ, ಚರ್ಮದ ರೋಗ, ಊರಿಯುತವನ್ನು ನಿವಾರಿಸುವುದು. ‘ಲೆಕ್ಟೈನ್’ ಎಂಬ ಸ್ವಾಭಾವಿಕ ಪ್ರೋಟಿನ್‍ನ್ನು ಹಲಸು ಹೊಂದಿದ್ದು ಇದು ಕ್ಯಾನ್ಸರ್ ಚಿಕಿತ್ಸೆಯಲ್ಲಿ ಬಳಕೆಯಾಗುತ್ತದೆ. ಹಲಸಿನಲ್ಲಿರುವ ರಾಸಾಯನಿಕ ‘ಜಕಾಲಿನ್’ ಏಡ್ಸಗೆ ನಿರೋಧಕ ಶಕ್ತಿ ಹೊಂದಿದೆ.

ಬೆಣ್ಣೆ ಹಣ್ಣು; ಅವಕಾಡೊ ಎಂದು ಕರೆಯಲ್ಪಡುವ ಬೆಣ್ಣೆಹಣ್ಣು ಶಕ್ತಿಯ ಆಗರವಾಗಿದ್ದು ಹೆಚ್ಚಿನ ಕೊಬ್ಬಿನಾಂಶ ಹೊಂದಿದ್ದು, ಅನ್ನಾಂಗಗಳಾದ ಎ, ಬಿ ಮತ್ತು ಸಿ ಯಥೇಚ್ಚವಾಗಿದೆ. ಕಡಿಮೆ ಸಕ್ಕರೆ ಅಂಶ ಹೊಂದಿದ ಇದನ್ನು ಮಧುಮೇಹಿಗಳು ಸವಿಯಬಹುದು.

ಡ್ರಾಗನ್ ಹಣ್ಣು: ಪಿತಾಯ ಎಂದು ಕರೆಯಲ್ಪಡುವ ಡ್ರಾಗನ್ ಹಣ್ಣು ಪೋಷಕಾಂಶಗಳ ಆಗರವಾಗಿದೆ. ಕಡಿಮೆ ಕ್ಯಾಲೋರಿ ಹೊಂದಿರುವ ಈ ಹಣ್ಣು ಹೆಚ್ಚಿನ ಅನ್ನಾಂಗ ಎ ಮತ್ತು ಇ, ಆಂಟಿಆಕ್ಸಿಡೆಂಟ್‍ಗಳು, ನಾರಿನಾಂಶ, ಪಾಲಿಫೆನಾಲ್ ಹಾಗೂ ಕೆರೋಟಿನಾಯ್ಡಗಳನ್ನು ಹೊಂದಿದ್ದು ಟೈಪ್ 2 ಮಧುಮೇಹ ನಿವಾರಣೆಯಲ್ಲಿ, ತೂಕ ಕಡಿಮೆ ಮಾಡಲು, ಹೃದಯ ರೋಗನಿವಾರಣೆ, ಅಸ್ತಮಾ, ಚರ್ಮರೋಗ ಇನ್ನು ಹಲವು ರೋಗನಿವಾರಣೆಯಲ್ಲಿ ಅಧ್ಬುತ ಪಾತ್ರವಹಿಸುತ್ತದೆ.

ಹಾಗೆಯೇ ನೆಲ್ಲಿಕಾಯಿ, ಕವಳೆಹಣ್ಣು, ಲಕ್ಷ್ಮಣಫಲ, ಅಂಜೂರ, ಬೇಲದ ಹಣ್ಣು, ನಿಂಬೆ ಜಾತಿಯ ಹಣ್ಣುಗಳು (ಕಿತ್ತಳೆ/ಆರೇಂಜ್), ಅನಾನಸ್, ಸೇಬು ಇತ್ಯಾದಿ ಹಣ್ಣುಗಳನ್ನು ಸವಿಯುವುದರಿಂದ ಆರೋಗ್ಯವನ್ನು ಕಾಪಾಡಿಕೊಳ್ಳಬಹುದಾಗಿದೆ. ಬದಲಾಗುತ್ತಿರುವ ವರ್ತಮಾನದಲ್ಲಿ ಹಣ್ಣುಗಳನ್ನು ದೈನಂದಿನ ಸೇವಿಸುವುದನ್ನು ರೂಢಿಸಿಕೊಂಡರೆ ಮಾರಕ ರೋಗಗಳಿಂದ ಪಾರಾಗಿ ಉತ್ತಮ ಜೀವನ ನಮ್ಮದಾಗಿಸಿಕೊಳ್ಳಬಹುದು.

ಉದ್ಯಾವರ : ಮಸ್ಕತ್ ನಲ್ಲಿ ಹಲವು ವರ್ಷಗಳಿಂದ ನೆಟ್ವರ್ಕಿಂಗ್, ಎಲೆಕ್ಟ್ರಿಕಲ್ ಮತ್ತು ಸೆಕ್ಯೂರಿಟಿ ಸಿಸ್ಟಮ್ ಇದರ ಉದ್ಯಮಿಯಾಗಿದ್ದ ಉಡುಪಿ ಮೂಲದ ಉದ್ಯಾವರದ ನಿವಾಸಿ ಹೆನ್ರಿ ಡಿ ಅಲ್ಮೇಡಾ ನಿಧನರಾಗಿದ್ದಾರೆ. ಅವರಿಗೆ 71 ವರ್ಷ ವಯಸ್ಸಾಗಿತ್ತು. ಇವರು ಜಬಲಪುರ ಧರ್ಮ ಪ್ರಾಂತ್ಯದ ನಿವೃತ್ತ ಧರ್ಮಾದ್ಯಕ್ಷರಾದ ಅತೀ ವo. ಡಾ. ಜೆರಾಲ್ಡ್ ಅಲ್ಮೇಡ ರವರ ಸಹೋದರರಾಗಿದ್ದರು.

ಪರೋಪಕಾರಿ ಮತ್ತು ದಾನಿಯಾಗಿದ್ದ ಇವರು, ಮಸ್ಕತ್ ನಲ್ಲಿ ಕಳೆದ ಹಲವಾರು ವರ್ಷಗಳಿಂದ ಉದ್ಯೋಗ ನಡೆಸುತ್ತಿದ್ದರು. ಕಳೆದ ಗುರುವಾರವಷ್ಟೇ ಮಸ್ಕತ್ ಗೆ ತೆರಳಿ ದಾಖಲೆ ಪತ್ರ, ಲೆಕ್ಕಾಚಾರಗಳನ್ನು ಕ್ಲಿಯರ್ ಮಾಡಿ ಬರುತ್ತೇನೆಂದು ತೆರಳಿದ ಇವರು, ಇಂದು ಜೂನ್ 30 ರoದು ತಾನಿದ್ದ ಕೊಠಡಿಯಲ್ಲಿ ನಿಧನರಾಗಿದ್ದಾರೆ. ನಾಲ್ಕು ವರ್ಷಗಳ ಹಿಂದೆಯಷ್ಟೇ ಅವರ ಪುತ್ರ ನಿಧನರಾಗಿದ್ದರು.

ಉದ್ಯಾವರ ಚರ್ಚಿನ ಮರಿಯ ಮಾತೆಯ ಗ್ರೊಟ್ಟೊವನ್ನು ಪ್ರಾಯೋಜಕತ್ವವನ್ನು ಮಾಡಿದ್ದ ಇವರು, ಹಲವಾರು ಚರ್ಚುಗಳ ಯೋಜನೆಗಳಿಗೆ ನೆರವನ್ನು ನೀಡಿದ್ದರು. ವಿವಿಧ ಸಂಘ ಸಂಸ್ಥೆಗಳ ಕಾರ್ಯಕ್ರಮಗಳಿಗೆ ಪ್ರೋತ್ಸಾಹವನ್ನು ನೀಡುತ್ತಿದ್ದ ಇವರು, ಅವಿಭಾಜಿತ ಜಿಲ್ಲೆಯ ಹಲವಾರು ಯುವಕರಿಗೆ ಉದ್ಯೋಗವನ್ನು ನೀಡಿದ್ದರು.

ಅವರು ಪತ್ನಿ, ಪುತ್ರಿ, ಅಳಿಯ, ಸಹೋದರ, ಸಹೋದರಿ ಮತ್ತು ಅಪಾರ ಬಂದು ಬಳಗದವರನ್ನು ಅಗಲಿದ್ದಾರೆ. ಅಂತ್ಯಕ್ರಿಯೆಯ ವಿಧಿ ವಿಧಾನಗಳು ಉದ್ಯಾವರ ಚರ್ಚಿನಲ್ಲಿ ನಡೆಯಲಿದ್ದು, ಇನ್ನಷ್ಟೇ ಹೆಚ್ಚಿನ ಮಾಹಿತಿ ದೊರಕಬೇಕಾಗಿದೆ.

Passed away – Mrs Hilda Baretto, (86) (Fathima ward) Holy Rosary Church Kundapura

W/o Late. Late Raymond Baretto.

M/O Dorothy / late.Alex,  Nelson / Shalet, Linet / late.Michael, Ronald / Irene, Naveen, Dony / Celine, Vincy / Vanitha, Alwyn / Priya.

Funeral cortege leaves residence  ‘St. Antony Villa’  for Holy Rosary Church, Kundapura on tomorrow  02- 07-25 at 3.30 pm. Followed  By Mass At 4.00 P.M.

Contact : 9449269520

“Father’s Day Celebration” in Bajjodi The role of a father is the backbone, it is invisible but supports the entire body – Fr. Dominic Vas

ಮಂಗಳೂರು; ಜೂನ್ 29 ರ ಭಾನುವಾರ ಸಂಜೆ ಬಜ್ಜೋಡಿಯ ಇನ್ಫೆಂಟ್ ಮೇರಿ ಚರ್ಚ್‌ನಲ್ಲಿ “ತಂದೆಯರ ದಿನ” ವನ್ನು ಅದ್ಧೂರಿಯಾಗಿ ಆಚರಿಸಲಾಯಿತು. 10 ಪ್ಯಾರಿಷ್ ವಾರ್ಡ್‌ಗಳಿಂದ ಸುಮಾರು 60 ಅಪ್ಪಂದಿರು ಮತ್ತು 40 ಇತರರು ಭಾಗವಹಿಸಿದ್ದರು.
ಸಂಜೆ 5 ಗಂಟೆಗೆ ಪ್ರಾರ್ಥನಾ ಗೀತೆಯೊಂದಿಗೆ ಕಾರ್ಯಕ್ರಮ ಪ್ರಾರಂಭವಾಯಿತು. ಅನಿತಾ ವೇಗಾಸ್ ಸಭೆಯನ್ನು ಸ್ವಾಗತಿಸಿದರು. ಅಪ್ಪಂದಿರನ್ನು ಸನ್ಮಾನಿಸುವ ಸಲುವಾಗಿ ಬಲಿಪೀಠದ ಸೇವಕರು ಸುಂದರವಾದ ನೃತ್ಯವನ್ನು ಪ್ರದರ್ಶಿಸಿದರು. ನಂತರ ಪ್ಯಾರಿಷ್ ‘ಮಹಿಳಾ ಸಂಘ’ ನಾವು ಪ್ರತಿದಿನ ಬಳಸುವ ವಿವಿಧ ತರಕಾರಿಗಳ ಮೇಲೆ ಅರ್ಥಪೂರ್ಣ ಹಾಡು-ನೃತ್ಯ ಪ್ರದರ್ಶನವನ್ನು ನೀಡಿತು, ಅವುಗಳ ವಿಶಿಷ್ಟ ಲಕ್ಷಣಗಳನ್ನು ಹೊರತಂದಿತು. “ಸೇವಾ ಆಯೋಗ್” ನ ಸಂಯೋಜಕಿ ಡಾ. ರೆನಿಟಾ ಡಿಸೋಜಾ, ತಂದೆಯಂದಿರು ಒಟ್ಟುಗೂಡಿದವರಿಗೆ ಅನೇಕ ಆಟಗಳನ್ನು ನಡೆಸಿದರು, ಅದು ಬಹಳ ಮನರಂಜನೆ ನೀಡಿತು.
ಅಪ್ಪಂದಿರಲ್ಲಿ ಇಬ್ಬರು ಪ್ರತಿನಿಧಿಗಳಾದ ಶ್ರೀ ವಿನ್ಸೆಂಟ್ ಪಿಂಟೊ ಮತ್ತು ಶ್ರೀ ಅವಿನ್ ಕುಟಿನ್ಹಾ ಅವರು ಮಕ್ಕಳ ಬೆಳವಣಿಗೆಯಲ್ಲಿ ತಂದೆಯ ಪಾತ್ರದ ಕುರಿತು ಮಾತನಾಡಿದರು, ಇದು ತುಂಬಾ ಸ್ಪೂರ್ತಿದಾಯಕವಾಗಿತ್ತು. ನಂತರ, ಪಿಪಿಸಿ ಉಪಾಧ್ಯಕ್ಷೆ ಶ್ರೀಮತಿ ಜಾನೆಟ್ ಡಿ’ಸೋಜಾ ಅವರು ಅಪ್ಪಂದಿರಿಗೆ ಅಭಿನಂದನೆ ಸಲ್ಲಿಸುತ್ತಾ, ಅವರ ಕುಟುಂಬ ಜೀವನದಲ್ಲಿ ಅವರ ಮಹಾನ್ ತ್ಯಾಗವನ್ನು ಶ್ಲಾಘಿಸಿದರು. ಅಂತಿಮವಾಗಿ, ಪ್ಯಾರಿಷ್ ವಂ। ಫಾದರ್ ಡೊಮಿನಿಕ್ ವಾಸ್, ಕುಟುಂಬದಲ್ಲಿ ಅಪ್ಪನ ಪಾತ್ರವನ್ನು ಬೆನ್ನೆಲುಬಿಗೆ ಹೋಲಿಸಿ ಮಾತನಾಡಿದರು, ಅದು ಕಾಣದಿದ್ದರೂ ಇಡೀ ದೇಹವನ್ನು ಬೆಂಬಲಿಸುತ್ತದೆ.
ಆಟಗಳಲ್ಲಿ ವಿಜೇತರಿಗೆ ಬಹುಮಾನಗಳನ್ನು ವಿತರಿಸಲಾಯಿತು ಮತ್ತು ಎಲ್ಲಾ ಅಪ್ಪಂದಿರಿಗೆ ಸ್ಮರಣೀಯ ಉಡುಗೊರೆಯನ್ನು ನೀಡಲಾಯಿತು.
ಶ್ರೀಮತಿ ರೇಷ್ಮಾ ಪಿಂಟೊ ಅವರ ಧನ್ಯವಾದಗಳೊಂದಿಗೆ ಕಾರ್ಯಕ್ರಮವು ಮುಕ್ತಾಯಗೊಂಡಿತು ಮತ್ತು ಎಲ್ಲರಿಗೂ ತಿಂಡಿಗಳು ಮತ್ತು ತಂಪು ಪಾನೀಯಗಳನ್ನು ನೀಡಲಾಯಿತು.
ಡಾ. ರೆನಿಟಾ ಮತ್ತು “ಸೇವಾ ಆಯೋಗ್” ಸದಸ್ಯರು ಕಾರ್ಯಕ್ರಮದ ಉತ್ತಮ ಸಂಘಟನೆಯನ್ನು ಎಲ್ಲರೂ ಶ್ಲಾಘಿಸಿದರು.

“Father’s Day Celebration” in Buzzjodi The role of a father is the backbone, it is invisible but supports the entire body – Fr. Dominic Vas

Mangaluru; On Sunday, June 29th evening the “Fathers’ Day” was celebrated in a grand manner at Infant Mary Church, Bajjodi. Around 60 Dads & 40 others participated from 10 parish wards.
The program began at 5pm with a prayer song. Anitha veigas welcomed the gathering. A beautiful dance was performed by the altar servers in felicitation of the Dads. Then parish ‘Women Association’ put up a meaningful song-dance performance on the various vegetables which are used by us daily, bringing out their unique features. Dr. Renita D’souza, the coordinator of “Seva Ayog” conducted many games to the Fathers’ gathered which were very entertaining.
Two of Fathers’ representatives Mr. Vincent Pinto and Mr. Avin Cutinha spoke on the role of a Dad in the growth of the Children which was very inspiring. Then, Mrs. Janet D’Souza, PPC Vice-president, spoke the words of felicitation to the Dads appreciating their great sacrifice in their family life. Finally, Fr. Dominic Vas, Parish priest, spoke comparing the role of a Dad in the family to the backbone which though unseen yet supports the whole body.
The prizes were distributed to the winners in the games and all the Fathers were awarded with a memorable gift.
The Program concluded with the vote of thanks by Mrs. Reshma Pinto and the snacks and cold drinks were served to everyone.
All appreciated the good organisation of the program by Dr. Renita and the “Seva Ayog” members.