HOLY ROSARY CHURCH, KUNDAPUR – 450 th JUBILEE SOUVENIR 2021

ಕೊಂಕಣಿ ಲೇಖಕ ‘ಜೊನೆಲ್ ಕಾಸ್ಸಿಯಾ’ ನಾಮಾಂಕಿತ ಜೋನ್ ಲುವಿಸ್ ಡಿಸೋಜಾ (85 ವರ್ಷ) ಅಲ್ಪಕಾಲದ ಅಸ್ವಾಸ್ಥ್ಯದಿಂದ ಸಪ್ಟೆಂಬರ್ 30ರಂದು ಖಾಸಗಿ ಆಸ್ಪತ್ರೆಯಲ್ಲಿ ನಿಧನ ಹೊಂದಿದರು.

ಅವರು ಮೂರು ಅವಧಿಗೆ ಚರ್ಚಿನ ಉಪಾಧ್ಯಕ್ಷರಾಗಿ, ಚರ್ಚ್ ಮ್ಯಾಗಝಿನ್ ಸಂಪಾದಕರಾಗಿ, ಕಾಸ್ಸಿಯಾ ಕಥೊಲಿಕ್  ಸಭೆಯ ಸ್ಥಾಪಕಾಧ್ಯಕ್ಷರಾಗಿ, ಫಾದರ್ ಮುಲ್ಲರ್ ಸಂಸ್ಥೆಯ ಆಡಳಿತ ಮಂಡಳಿಯ ಸದಸ್ಯರಾಗಿ, ಸೈಂಟ್ ಜೋಸೆಫ್ ವರ್ಕ್ ಶಾಪಿನ ಆಡಳಿತ ಮಂಡಳಿ ಸದಸ್ಯರಾಗಿ, ಕೊಂಕಣಿ ಭಾಷಾ ಮಂಡಳ್-ಕರ್ನಾಟಕ ಇದರ ಅಧ್ಯಕ್ಷರಾಗಿ, ಸೌಹಾರ್ಧ ಫೌಂಡೇಶನ್ ಸಂಸ್ಥೆಯ ಟ್ರಸ್ಟಿಯಾಗಿ ಸೇವೆಯನ್ನು ಸಲ್ಲಿಸಿದ್ದರು.

ಇವರ ‘ಲೊಟ್ರೆಚೊ ದುಡು’, ‘ಹಂಕಾರಾಚೊ ಪ್ರತಿಫಳ್’, ಕೊಂಕಣಿ ಕಾದಂಬರಿಗಳು ಪ್ರಕಾಶಿತಗೊಂಡು ಅನೇಕ ಸಣ್ಣ ಕಥೆಗಳು ಹಾಗೂ ಲೇಖನಗಳು ಕೊಂಕಣಿ ಪತ್ರಿಕೆಗಳಲ್ಲಿ ಪ್ರಕಟಗೊಂಡಿದ್ದವು.

ಇವರು ಪತ್ನಿ, ಇಬ್ಬರು ಪುತ್ರರು, ಸೊಸೆಯಂದಿರು, ಮೊಮ್ಮಕ್ಕಳು ಹಾಗೂ ಬಂಧುಬಳಗದವರನ್ನು ಅಗಲಿದ್ದಾರೆ.
ಮೃತರ ಅಂತಿಮಕ್ರಿಯೆಯು ಶುಕ್ರವಾರ ಸಂಜೆ ಕಾಸ್ಸಿಯಾ ಸಂತ ರೀಟಾ ಚರ್ಚಿನಲ್ಲಿ 4 ಗಂಟೆಗೆ ನಡೆಯಲಿರುವುದು.

ಬೆಳ್ತಂಗಡಿ, ಸೆ.30: ವಿದ್ಯಾರ್ಥಿಗಳಲ್ಲಿ ಆತ್ಮವಿಶ್ವಾಸ, ಸಂವಹನ ಕೌಶಲ, ನಾಯಕತ್ವ ಗುಣ ಹಾಗೂ ಸೃಜನಶೀಲತೆಯನ್ನು ಬೆಳೆಸುವ ಉದ್ದೇಶದಿಂದ ವಿಝ್ ವರ್ಲ್ಡ್ ಎಂಬ ವಿನೂತನ ನೇರ ದೂರದರ್ಶನ ಕಾರ್ಯಕ್ರಮವನ್ನು ಪ್ರತಿ ವರ್ಷ ನಡೆಸುತ್ತಾ ಬರಲಾಗಿದೆ. ಮಕ್ಕಳ ಭಾಗವಹಿಸುವಿಕೆ ಮತ್ತು ಅವರಲ್ಲಿರುವ ಆತ್ಮವಿಶ್ವಾಸ ಸಂತಸ ತಂದಿದೆ ಎಂದು ವಿದ್ವತ್ ಶಿಕ್ಷಣ ಸಂಸ್ಥೆಯ ಅಧ್ಯಕ್ಷರಾದ ಸುಭಾಶ್ಚಂದ್ರ ಶೆಟ್ಟಿ ತಿಳಿಸಿದರು.

ಮಕ್ಕಳ ವ್ಯಕ್ತಿತ್ವ ವಿಕಸನಕ್ಕಾಗಿ‌ ಇನ್‌ಸ್ಪೈರ್ ವಿದ್ವತ್ ಎಂಬ ವಿಚಾರದಡಿ ಗುರುವಾಯನಕೆರೆ ಶಕ್ತಿನಗರ ವಿದ್ವತ್ ಪಿಯು ಕಾಲೇಜಿನಲ್ಲಿ ಸೆ.28 ರಂದು ಹಮ್ಮಿಕೊಂಡ ನೇರ ದೂರದರ್ಶನ ಕಾರ್ಯಕ್ರಮವನ್ನು ಉದ್ಘಾಟಿಸಿ ಮಾತನಾಡಿದರು.

ವಿದ್ಯಾರ್ಥಿಗಳು ಕೇವಲ ಪಠ್ಯಾಧಾರಿತ ಕಲಿಕೆಗೆ ಸೀಮಿತವಾಗದೆ, ಸಾರ್ವಜನಿಕವಾಗಿ ಹೇಗೆ ಪ್ರತಿಕ್ರಿಯಿಸಬೇಕು. ವಿಚಾರಗಳನ್ನು ಸ್ಪಷ್ಟವಾಗಿ ಯಾವ ರೂಪದಲ್ಲಿ ಪ್ರಸ್ತುತಪಡಿಸಬೇಕು, ಪ್ರಶ್ನೆಗಳನ್ನು ಕೇಳುವುದು, ತಕ್ಷಣದ ಪರಿಸ್ಥಿತಿಗಳಿಗೆ ಪ್ರತಿಕ್ರಿಯಿಸುವುದು ಹಾಗೂ ತಂಡವಾಗಿ ಕಾರ್ಯನಿರ್ವಹಿಸುವಂತಹ ಕೌಶಲ್ಯವನ್ನು ಇದು ಬೆಳೆಸುತ್ತದೆ. ವಿದ್ಯಾರ್ಥಿಗಳ ಆತ್ಮವಿಶ್ವಾಸ ಹಾಗೂ ಶಿಕ್ಷಕರ ಪ್ರಯತ್ನವನ್ನು ಅಭಿನಂದಿಸಿದರು.

ಶೈಕ್ಷಣಿಕ ನಿರ್ದೇಶಕರಾದ ಗಂಗಾಧರ ಈ ಮಂಡಗಳಲೆ ಮಾತನಾಡಿ, ವಿದ್ಯಾರ್ಥಿಗಳು ತರಗತಿ ಮಾತ್ರವಲ್ಲದೆ, ಅದಕ್ಕೂ ಆಚೆಗಿನ ಸ್ಪರ್ಧಾತ್ಮಕ ಜಗತ್ತಿಗೆ ತಮ್ಮ ಪ್ರತಿಭೆ ವಿಸ್ತರಿಸುವಲ್ಲಿ ದೂರದರ್ಶನದ ಜಗತ್ತನ್ನು ಇಲ್ಲಿ ಪರಿಚಯಿಸಿಲಾಗಿದೆ. ವರದಿಗಾರಿಕೆ, ಸುದ್ದಿ ಪ್ರಸಾರ,
ಸಾಮಾಜಿಕ ವಿಚಾರಗಳೆಡೆಗಿನ ಅವರ ಜ್ಞಾನ ವಿಸ್ತರಿಸಲು ಇದೊಂದು ವೇದಿಕೆಯಾಗಿದೆ. ಜತೆಗೆ ಚರ್ಚೆಗಳು, ರಸಪ್ರಶ್ನೆಗಳು ಕೌಶಲ್ಯವನ್ನು ಬೆಳೆಸುತ್ತದೆ ಎಂದರು.

ತೀರ್ಪುಗಾರರಾಗಿ ಆಗಮಿಸಿದ ಗುರುವಾಯನಕೆರೆ ಸರಕಾರಿ ಪ್ರೌಢಶಾಲೆಯ ಆಂಗ್ಲ ಭಾಷಾ ಶಿಕ್ಷಕ ಹಾಗೂ ಸಂಪನ್ಮೂಲ ವ್ಯಕ್ತಿ ಜಗನ್ನಾಥ ಮಾತನಾಡಿ, ತರಗತಿಯ ನಾಲ್ಕು ಗೋಡೆಗಳಾಚೆ ವಿದ್ಯಾರ್ಥಿಗಳಿಗೆ ನೈಜ ಮಾಧ್ಯಮ ಅನುಭವವನ್ನು ನೀಡುವ ವಿಶಿಷ್ಟ ಪರಿಕಲ್ಪನೆಯಾಗಿ ವಿಜ್ ವರ್ಲ್ಡ್ ಅನಾವರಣಗೊಂಡಿದೆ. ಕಾರ್ಯಕ್ರಮದಲ್ಲಿ ವಿದ್ಯಾರ್ಥಿಗಳು ಟಿವಿ ನಿರೂಪಕರು, ವರದಿಗಾರರು, ಸಂದರ್ಶಕರು ಹಾಗೂ ಚರ್ಚಾ ಕಾರ್ಯಕ್ರಮದ ಪ್ಯಾನೆಲಿಸ್ಟ್‌ ಗಳು ಅನುಭವಿ ತಜ್ಞರಂತೆ ಕಂಡುಬಂದಿದ್ದಾರೆ. ಕಾರ್ಯಕ್ರಮದಲ್ಲಿ ಭಾಗವಹಿಸಲು ಅವಕಾಶ ಕಲ್ಪಿಸಿದ್ದಕ್ಕಾಗಿ ಸಂಸ್ಥೆಗೆ ಧನ್ಯವಾದ ಸಲ್ಲಿಸಿದರು.

ಮತ್ತೋರ್ವ ತೀರ್ಪುಗಾರ, ವೃತ್ತಿ ಮತ್ತು ಜೀವನ ಮಾರ್ಗದರ್ಶನ ತಜ್ಞ ವಿಕ್ರಮ್ ನಾಯಕ್ ಮಾತನಾಡಿ, ವಿದ್ಯಾರ್ಥಿಗಳಿಗೆ ಕೇವಲ ಪಠ್ಯಾಧಾರಿತ ಕಲಿಕೆಗೆ ಸೀಮಿತವಾಗದೆ, ಸಾರ್ವಜನಿಕವಾಗಿ ತೊಡಗಿಸಿಕೊಳ್ಳುವ ಅತ್ಯುತ್ತಮ ಸ್ಪರ್ಧೆಯನ್ನು ವಿದ್ವತ್ ಕಾಲೇಜು ಪ್ರದರ್ಶಿಸಿದೆ. ಇಂತಹಾ ಅವಕಾಶಗಳನ್ನು ಸದ್ಭಳಸಿಕೊಳ್ಳಿ ಎಂದು ಶುಭ ಹಾರೈಸಿದರು.

ವಿದ್ವತ್ ಕಾಲೇಜಿನ ಪಿ.ಆರ್.ಒ. ಚೈತ್ರೇಶ್ ಸಿ.ಇಳಂತಿಲ ಮಾತನಾಡಿ, ಸಾಮಾಜಿಕ ವಿಚಾರಗಳೆಡೆಗೆ ವಿದ್ಯಾರ್ಥಿ ದಿಸೆಯಲ್ಲೆ ಜ್ಞಾನ ಬೆಳೆಸಿಕೊಳ್ಳುವುದು ಅಗತ್ಯ. ವಿಜ್ ವರ್ಲ್ಡ್, ಮೂಲಕ ವಿದ್ಯಾರ್ಥಿಗಳಲ್ಲಿ ಅಡಗಿರುವ ಪ್ರತಿಭೆಯನ್ನು ಗುರುತಿಸಿ ಅದಕ್ಕೆ ಸೂಕ್ತ ವೇದಿಕೆ ಒದಗಿಸುವ ಪ್ರಯತ್ನ ವಿದ್ವತ್ ಮಾಡಿದೆ. ಆತ್ಮವಿಶ್ವಾಸ ಮತ್ತು ಸೃಜನಶೀಲತೆಯ ಸಂಗಮವಾಗಿರುವ ಈ ವೇದಿಕೆ, ವಿದ್ಯಾರ್ಥಿಗಳು ತಮ್ಮದೇ ಧ್ವನಿಯ ಶಕ್ತಿಯನ್ನು ಅರಿತುಕೊಂಡು ನಾಯಕತ್ವದತ್ತ ಹೆಜ್ಜೆ ಇಡುವಂತೆ ಪ್ರೇರೇಪಿಸಿದೆ ಎಂದರು.

ಕಾರ್ಯಕ್ರಮದಲ್ಲಿ ವಿದ್ವತ್ ಶಿಕ್ಷಣ ಸಂಸ್ಥೆ ಕಾರ್ಯದರ್ಶಿ ಪ್ರಜ್ವಲ್ ರೈ, ಆಡಳಿತಾಧಿಕಾರಿ ಅಶೋಕ್ ಶೆಟ್ಟಿ, ಪ್ರಾಂಶುಪಾಲರಾದ ಬಾಲಕೃಷ್ಣ ನಾಯಕ್, ಖಜಾಂಚಿ ಕಾಶೀನಾಥ ಎಂ.ಕೆ., ಟ್ರಸ್ಟಿಗಳಾದ ರೇಷ್ಮಾ ಸುಭಾಶ್ಚಂದ್ರ ಶೆಟ್ಟಿ, ಸಾತ್ವಿಕ್ ಶೆಟ್ಟಿ, ಪ್ರಾಂಶುಪಾಲರಾದ ಬಾಲಕೃಷ್ಣ ನಾಯಕ್ ಹಾಗೂ ವಿಭಾಗ ಮುಖ್ಯಸ್ಥರು, ಉಪನ್ಯಾಸಕರು, ಸಿಬ್ಬಂದಿಗಳು ಉಪಸ್ಥಿತರಿದ್ದರು.

ಕಾರ್ಯಕ್ರಮವನ್ನು ಆಂಗ್ಲವಿಭಾಗ ಉಪನ್ಯಾಸಕರಾದ ವಿನಯ ಕುಮಾರ್ ಕೆ. ನಿರ್ವಹಿಸಿದರು.

* ಉತ್ತಮ ತಂಡಕ್ಕೆ ಪ್ರಶಸ್ತಿ
ಕಾರ್ಯಕ್ರಮದಲ್ಲಿ ವಿದ್ವತ್ ಪ್ರೈಮ್, ವಾಯ್ಸ್ ಆಫ್ ಇಂಡಿಯಾ, ವಿದ್ವತ್ ಸಾರಥಿ, ವಾಯ್ಸ್ ಆಫ್ ವಿದ್ವತ್ ಎಂಬ ನಾಲ್ಕು ತಂಡಗಳಾಗಿದ್ದವು. ವಾಯ್ಸ್ ಆಫ್ ಇಂಡಿಯಾ ಪ್ರಥಮ ಸ್ಥಾನ ಗಳಿಸಿದರೆ, ವಾಯ್ಸ್ ಆಫ್ ವಿದ್ವತ್ ದ್ವಿತೀಯ ಸ್ಥಾನಗಳಿಸಿತು. ಉತ್ತಮ ನಿರೂಪಕರಾಗಿ ಶ್ರವಣ್ ರೈ, ಸಿ.ಎ.ಫಾತಿಮಾ, ಬೆಸ್ಟ್ ಮಾಡರೇಟರ್ ಮೈಲಾರ್ ಚಿಲ್ಲಾಲ್, ಬೆಸ್ಟ್ ರಿಪೋರ್ಟರ್ ಫಾತಿಮಾ ಇಫಾ ಹಾಗೂ ಉತ್ತಮ ತಂತ್ರಜ್ಞಾನ ವಿಭಾಗದಲ್ಲಿ ವಾಯ್ಸ್ ಆಫ್ ಇಂಡಿಯಾ ತಂಡ ಪ್ರಥಮ ಸ್ಥಾನಗಳಿಸಿತು.

ಫೋಟೋ: ವಿದ್ವತ್ ವಿಝ್ ವರ್ಲ್ಡ್ ಕಾರ್ಯಕ್ರಮವನ್ನು ಸಂಸ್ಥೆಯ ಅಧ್ಯಕ್ಷರಾದ ಸುಭಾಶ್ಚಂದ್ರ ಶೆಟ್ಟಿ ಉದ್ಘಾಟಿಸಿದರು.

ಮಂಗಳೂರು, ಸೆಪ್ಟೆಂಬರ್ 30, 2026; ಮಂಗಳೂರಿನ ಜೋಕಟ್ಟೆ ಎಂ ಆರ್ ಪಿ ಎಲ್ ಕೋಕರ್ ಹೈಡೋ ಟೀಟಿಂಗ್ ಘಟಕ (ಸಿ ಎಚ್ ಟಿ ಯು) ದಲ್ಲಿ ಸೆ 30 ರಂದು ಮಧ್ಯಾಹ್ನ 12.15 ರ ವೇಳೆಗೆ ಸ್ಫೋಟ ಸಂಭವಿಸಿದ್ದು, 9 ಮಂದಿ ಗಾಯಗೊಂಡಿದ್ದಾರೆ. ಸ್ಫೋಟ ಕಾರಣದಿಂದ ಪರಿಸರದಲ್ಲಿ ಭಾರೀ ಶಬ್ದ ಹಾಗೂ ಹೊಗೆ ಕಂಡು ಬಂದಿದ್ದು, ಸ್ಥಳೀಯರಲ್ಲಿ ಆತಂಕಕ್ಕೆ ಕಾರಣವಾಗಿತ್ತು. ಹಲವೆಡೆಗಳಿಂದ ಧಾವಿಸಿದ ಅಗ್ನಿಶಾಮಕ ವಾಹನಗಳು ಸತತ ಕಾರ್ಯಾಚರಣೆ ನಡೆಸಿ ಸದ್ಯ ಬೆಂಕಿಯನ್ನು ನಂದಿಸಲಾಗಿದೆ. ಸ್ಫೋಟದ ಶಬ್ದ ಅಂಗರಗುಂಡಿ, ಬೈಕಂಪಾಡಿ ಕೈಗಾರಿಕಾ ಪ್ರದೇಶ, ಕುಳಾಯಿವರೆಗೆ ಕೇಳಿದೆ ಎಂದು ಸ್ಥಳೀಯರು ತಿಳಿಸಿದ್ದಾರೆ.
ರಾಜೇಶ್ ಬ್ಯಾಪ್ಟಿಸ್ಟ್ ಎಂಬವರು ಶೇ. 35ರಷ್ಟು ಸುಟ್ಟಗಾಯಗಳಿಗೆ ಒಳಗಾಗಿದ್ದು ಚಿಕಿತ್ಸೆಗಾಗಿ ಶ್ರೀನಿವಾಸ ಆಸ್ಪತ್ರೆಗೆ ದಾಖಲಿಸಲಾಗಿದ್ದು, ತೀವ್ರ ನಿಗಾ ಘಟಕದಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ. ಸದ್ಯ ಅವರು ಅಪಾಯದಿಂದ ಪಾರಾಗಿದ್ದಾರೆ ಎಂದು ವೈದ್ಯರು ತಿಳಿಸಿದ್ದಾರೆ. ಪಕ್ಕದ ಕಚೇರಿಯಲ್ಲಿದ್ದ ಇತರ 6 ಮಂದಿಗೆ ಸಣ್ಣಪುಟ್ಟ ಗಾಯಗಳಾಗಿದ್ದು, ಅವರು ಹೊರರೋಗಿ ವಿಭಾಗದಲ್ಲಿ ಚಿಕಿತ್ಸೆ ಮತ್ತು ತಪಾಸಣೆ ಪಡೆದಿದ್ದಾರೆ. ಘಟನಾ ಸ್ಥಳಕ್ಕೆ ಜಿಲ್ಲಾಧಿಕಾರಿ ದರ್ಶನ್ ಎಚ್.ವಿ., ಪೆಂಲೀಸ್ ಕಮೀಷನರ್ ಸುಧೀರ್ ಕುಮಾರ್ ರೆಡ್ಡಿ, ಜಿಲ್ಲಾ ಪಂಚಾಯತ್ ಸಿಇಓ ನರ್ವಡೆ ವಿನಾಯಕ್ ಕಾರ್ಭಾರಿಅವರುಗಳು ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ. ಈ ಬಗ್ಗೆ ಸಾರ್ವಜನಿಕರು ಯಾವುದೇ ಆತಂಕಪಡುವ ಅವಶ್ಯಕತೆ ಇಲ್ಲ. ಎಲ್ಲವನ್ನೂ ಸಕಾಲದಲ್ಲಿ ನಿಭಾಯಿಸಲಾಗಿದೆ ಎಂದು ಮಂಗಳೂರು ನಗರ ಪೊಲೀಸ್ಕ ಮಿಷನರ್ ಸುಧೀರ್ ರೆಡ್ಡಿ ತಿಳಿಸಿದ್ದಾರೆ.

ಛತ್ರಪತಿ ಸಂಭಾಜಿನಗರ : ಐಷಾರಾಮಿ ಜೀವನ ನಡೆಸಲು ಮತ್ತು ತಮ್ಮ ಶೋಕಿಗಾಗಿ ಸ್ವಂತ ಒಂದು ತಿಂಗಳ ಗಂಡು ಮಗುವನ್ನೇ ಮಾರಾಟ ಮಾಡಿದ ಆಘಾತಕಾರಿ ಘಟನೆ ಮಹಾರಾಷ್ಟ್ರದ ಛತ್ರಪತಿ ಸಂಭಾಜಿನಗರದಲ್ಲಿ ಬೆಳಕಿಗೆ ಬಂದಿದೆ.

ಪೊಲೀಸರ ಮಾಹಿತಿ ಪ್ರಕಾರ, ಮುಕುಂದವಾಡಿ ಪ್ರದೇಶದಲ್ಲಿ ಲಿವ್-ಇನ್ ರಿಲೇಶನ್‌ಷಿಪ್‌ನಲ್ಲಿದ್ದ ದಂಪತಿ, ತಮ್ಮ ಐಷಾರಾಮಿ ಆಸೆಗಳನ್ನು ಪೂರೈಸಿಕೊಳ್ಳಲು, ದುಬಾರಿ ಮೊಬೈಲ್ ಫೋನ್‌ಗಳು ಮತ್ತು ಚಿನ್ನದ ಸರವನ್ನು ಖರೀದಿಸಲು ಮಗುವನ್ನು ₹1.2 ಲಕ್ಷಕ್ಕೆ ದಲಾಲಿ ಸೀಮಾ ರೇಷ್ವಾಲ್ ಎಂಬಾಕೆಗೆ ಮಾರಾಟ ಮಾಡಿದ್ದರು.

4 ಬಾರಿ ಕೈಬದಲಾದ ಮಗು – 550 ಕಿ.ಮೀ ಸುದೀರ್ಘ ಪ್ರಯಾಣ: ಮಾರಾಟವಾದ ನಂತರ ಈ ಮಗು ಒಂದೇ ಸ್ಥಳದಲ್ಲಿರಲಿಲ್ಲ. ಬರೋಬ್ಬರಿ 4 ಬಾರಿ ಬೇರೆ ಬೇರೆ ದಲ್ಲಾಳಿಗಳ ಕೈಸೇರಿ ತಂಗಿತ್ತು: ಮೊದಲ ಡೀಲ್: ಹೆತ್ತ ಪೋಷಕರು ದಲಾಲಿ ಸೀಮಾ ರೇಷ್ವಾಲ್‌ಗೆ ₹1.2 ಲಕ್ಷಕ್ಕೆ ಮಗುವನ್ನು ಮಾರಿದರು. ಎರಡನೇ ಡೀಲ್ : ಸೀಮಾ ರೇಷ್ವಾಲ್ ಈ ಮಗುವನ್ನು ಪಡೆಗಾಂವ್‌ನ ಸಂಗೀತಾ ಆವ್ಹಾಡ್‌ಗೆ ₹2.7 ಲಕ್ಷಕ್ಕೆ ಮಾರಾಟ ಮಾಡಿದಳು. ಮೂರನೇ ಡೀಲ್: ಸಂಗೀತಾ ಆವ್ಹಾಡ್ ನಕಲಿ ವೈದ್ಯನೆನ್ನಲಾದ ಸುರೇಶ್ ಗುಂಟುಲಾಗೆ ₹3.5 ಲಕ್ಷಕ್ಕೆ ಮಾರಿದಳು. ನಾಲ್ಕನೇ ಡೀಲ್: ಸುರೇಶ್ ಗುಂಟುಲಾ ಹೈದರಾಬಾದ್‌ನಲ್ಲಿದ್ದ ತನ್ನ ಸಂಬಂಧಿ ಉಮಾ ಖಟ್ಕಮ್ ಎಂಬಾಕೆಗೆ ₹3.5 ಲಕ್ಷಕ್ಕೆ ಮಗುವನ್ನು ಹಸ್ತಾಂತರಿಸಿದನು.

ಪ್ರಕರಣ ಬೆಳಕಿಗೆ ಬಂದಿದ್ದು ಹೇಗೆ?

ಸೆಪ್ಟೆಂಬರ್ 20 ರಂದು ತಾಯಿ ತನ್ನ ಮೇಲೆ ಹಲ್ಲೆಯಾಗಿದೆ ಎಂದು ದೂರು ನೀಡಲು ಪೊಲೀಸ್ ಠಾಣೆಗೆ ಬಂದಿದ್ದಾಗ ತನಿಖೆಯ ವೇಳೆ ಮಗುವನ್ನು ಮಾರಾಟ ಮಾಡಿರುವ ಕೃತ್ಯ ಬಯಲಾಯಿತು. ತಕ್ಷಣ ಕಾರ್ಯಪ್ರವೃತ್ತರಾದ ಪುಂಡ್ಲಿಕ್ ನಗರ ಪೊಲೀಸ್ ಇನ್ಸ್‌‌ಪೆಕ್ಟರ್ ವಿವೇಕ್ ಸೋನವಣೆ ನೇತೃತ್ವದ ತಂಡ, 550 ಕಿ.ಮೀ ದೂರದ ಹೈದರಾಬಾದ್‌ಗೆ ತೆರಳಿ ಮಗುವನ್ನು ಸುರಕ್ಷಿತವಾಗಿ ರಕ್ಷಿಸಿದೆ.

ಈ ಪ್ರಕರಣಕ್ಕೆ ಸಂಬಂಧಿಸಿದಂತೆ ಮಗುವಿನ ಹೆತ್ತವರು, ದಲ್ಲಾಳಿಗಳು ಹಾಗೂ ನಕಲಿ ವೈದ್ಯ ಸೇರಿದಂತೆ ಒಟ್ಟು 7 ಜನರನ್ನು ಬಂಧಿಸಲಾಗಿದೆ. ಮಗುವನ್ನು ಮಾರಿ ಖರೀದಿಸಿದ್ದ ದುಬಾರಿ ಮೊಬೈಲ್‌ಗಳು ಮತ್ತು ಚಿನ್ನದ ಸರವನ್ನು ಪೊಲೀಸರು ಜಪ್ತಿ ಮಾಡಿದ್ದಾರೆ.

ಬೆಂಗಳೂರು, ಸೆ.29: ಗ್ರಾಮೀಣ ಪತ್ರಕರ್ತರಿಗೆ ಉಚಿತ ಬಸ್ ಪಾಸ್ ವಿತರಿಸುವ ಪ್ರಕ್ರಿಯೆಗೆ ವಾರ್ತಾ ಮತ್ತು ಸಾರ್ವಜನಿಕ ಸಂಪರ್ಕ ಇಲಾಖೆ ವೇಗ ನೀಡಿದ್ದು, ಈಗಾಗಲೇ ಅನುಮೋದನೆಗೊಂಡಿರುವ ಬಸ್ ಪಾಸ್‌ಗಳನ್ನು ಈ ವಾರದಲ್ಲೇ ಜಿಲ್ಲಾ ಮಟ್ಟದಲ್ಲಿ ವಿತರಿಸಲು ಸಿದ್ಧತೆ ನಡೆಸಿದೆ.

ಈ ಕುರಿತು ಕರ್ನಾಟಕ ಕಾರ್ಯನಿರತ ಪತ್ರಕರ್ತರ ಸಂಘ (ಕೆಯುಡಬ್ಲ್ಯೂಜೆ) ರಾಜ್ಯಾಧ್ಯಕ್ಷ ಶಿವಾನಂದ ತಗಡೂರು ಅವರು ವಾರ್ತಾ ಮತ್ತು ಸಾರ್ವಜನಿಕ ಸಂಪರ್ಕ ಇಲಾಖೆ ಆಯುಕ್ತ ಎಂ.ಎನ್. ಅನುಚೇತ್ ಅವರನ್ನು ಭೇಟಿ ಮಾಡಿ ಚರ್ಚಿಸಿದರು.

ಈ ಸಂದರ್ಭದಲ್ಲಿ ಅನುಮೋದನೆಗೊಂಡಿರುವ ಗ್ರಾಮೀಣ ಪತ್ರಕರ್ತರ ಬಸ್ ಪಾಸ್‌ಗಳು ಇಲಾಖೆಗೆ ಬಂದಿದ್ದು, ಅವುಗಳನ್ನು ಈ ವಾರದಲ್ಲೇ ಜಿಲ್ಲಾಮಟ್ಟದಲ್ಲಿ ವಿತರಿಸಲು ಅಗತ್ಯ ಕ್ರಮ ಕೈಗೊಳ್ಳಲಾಗುತ್ತಿದೆ ಎಂದು ಆಯುಕ್ತ ಎಂ.ಎನ್. ಅನುಚೇತ್ ಅವರು ತಿಳಿಸಿದರು. ಈ ಸಂಬಂಧ ಸಂಬಂಧಪಟ್ಟ ಇಲಾಖೆ ಅಧಿಕಾರಿಗಳಿಗೆ ಕೂಡಲೇ ಅಗತ್ಯ ಸೂಚನೆಗಳನ್ನು ನೀಡಿದರು.

ಗ್ರಾಮೀಣ ಪತ್ರಕರ್ತರಿಗೆ ಉಚಿತ ಬಸ್ ಪಾಸ್ ನೀಡುವ ಯೋಜನೆಯಡಿ ಅಗತ್ಯ ದಾಖಲೆಗಳೊಂದಿಗೆ ಸಲ್ಲಿಕೆಯಾಗಿದ್ದ ಸುಮಾರು 400 ಅರ್ಜಿಗಳಿಗೆ ಆಗಸ್ಟ್ 7ರಂದು ವಾರ್ತಾ ಮತ್ತು ಸಾರ್ವಜನಿಕ ಸಂಪರ್ಕ ಇಲಾಖೆ ಅನುಮೋದನೆ ನೀಡಿತ್ತು. ಆಯುಕ್ತ ಎಂ.ಎನ್. ಅನುಚೇತ್ ಅವರ ಅಧ್ಯಕ್ಷತೆಯಲ್ಲಿ ನಡೆದ ಗ್ರಾಮೀಣ ಪತ್ರಕರ್ತರ ಬಸ್ ಪಾಸ್ ಸಮಿತಿ ಸಭೆಯಲ್ಲಿ ಈ ಕುರಿತು ತೀರ್ಮಾನ ಕೈಗೊಳ್ಳಲಾಗಿತ್ತು.

ಗ್ರಾಮೀಣ ಪತ್ರಕರ್ತರ ಬಹುದಿನಗಳ ಬೇಡಿಕೆಯಾಗಿದ್ದ ಉಚಿತ ಬಸ್ ಪಾಸ್ ಯೋಜನೆ ಜಾರಿಗೆ ಕರ್ನಾಟಕ ಕಾರ್ಯನಿರತ ಪತ್ರಕರ್ತರ ಸಂಘ ನಿರಂತರವಾಗಿ ಒತ್ತಾಯಿಸುತ್ತಾ ಬಂದಿತ್ತು. ಇದೀಗ ಅನುಮೋದನೆಗೊಂಡಿರುವ ಬಸ್ ಪಾಸ್‌ಗಳ ವಿತರಣೆಗೆ ಇಲಾಖೆ ಮುಂದಾಗಿರುವುದನ್ನು ಕೆಯುಡಬ್ಲ್ಯೂಜೆ ಸ್ವಾಗತಿಸಿದೆ.

ಅರ್ಹ ಗ್ರಾಮೀಣ ಪತ್ರಕರ್ತರ ದಾಖಲೆಗಳನ್ನು ಪರಿಶೀಲಿಸಿ ಬಸ್ ಪಾಸ್‌ಗಳಿಗೆ ಅನುಮೋದನೆ ನೀಡಿರುವ ವಾರ್ತಾ ಮತ್ತು ಸಾರ್ವಜನಿಕ ಸಂಪರ್ಕ ಇಲಾಖೆಗೆ ಕೆಯುಡಬ್ಲ್ಯೂಜೆ ಕೃತಜ್ಞತೆ ಸಲ್ಲಿಸಿದೆ. ಇನ್ನೂ ಅರ್ಜಿ ಸಲ್ಲಿಸದಿರುವ ಅರ್ಹ ಗ್ರಾಮೀಣ ಪತ್ರಕರ್ತರು ನಿಯಮಾನುಸಾರ ಅಗತ್ಯ ದಾಖಲೆಗಳೊಂದಿಗೆ ಅರ್ಜಿ ಸಲ್ಲಿಸುವಂತೆ ಸಂಘ ಮನವಿ ಮಾಡಿದೆ.

ಈ ಸಂದರ್ಭದಲ್ಲಿ ಕೆಯುಡಬ್ಲ್ಯೂಜೆ ರಾಜ್ಯಾಧ್ಯಕ್ಷ ಶಿವಾನಂದ ತಗಡೂರು ಅವರು ವಾರ್ತಾ ಮತ್ತು ಸಾರ್ವಜನಿಕ ಸಂಪರ್ಕ ಇಲಾಖೆ ಆಯುಕ್ತ ಎಂ.ಎನ್. ಅನುಚೇತ್ ಅವರಿಗೆ ಧನ್ಯವಾದ ಸಲ್ಲಿಸಿದರು.

ದಕ್ಷಿಣ ಕನ್ನಡ ಜಿಲ್ಲಾ ಕಾಂಗ್ರೆಸ್‌ನ ನೂತನ ಅಧ್ಯಕ್ಷರಾದ ಶ್ರೀ ಪದ್ಮರಾಜ್ ಪೂಜಾರಿ ಅವರು ಬಿಷಪ್‌ರ ನಿವಾಸಕ್ಕೆ ಭೇಟಿ ನೀಡಿ, ಮಂಗಳೂರು ಧರ್ಮಪ್ರಾಂತ್ಯದ ಬಿಷಪ್ ಅತೀ ವಂದನೀಯ ಡಾ. ಪೀಟರ್ ಪೌಲ್ ಸಲ್ಡಾನಾ ಅವರನ್ನು ಭೇಟಿಯಾದರು ಹಾಗೂ ತಮ್ಮ ಕಾರ್ಯಗಳಿಗೆ ಬಿಷಪ್ ಮತ್ತು ಕ್ಯಾಥೊಲಿಕ್ ಸಮುದಾಯದ ಆಶೀರ್ವಾದವನ್ನು ಕೋರಿದರು. ಶ್ರೀ ಪದ್ಮರಾಜ್ ಪೂಜಾರಿ ಅವರನ್ನು ಅಭಿನಂದಿಸಿದ ಬಿಷಪ್, ಅವರು ಜನಸೇವೆ ಮಾಡುವಂತಾಗಲಿ ಎಂದು ಸರ್ವಶಕ್ತನ ಆಶೀರ್ವಾದ ಕೋರಿದರು ಮತ್ತು ಅವರಿಗೆ ಶುಭ ಹಾರೈಸಿದರು.

ಈ ಸೌಜನ್ಯದ ಭೇಟಿಯ ಸಂದರ್ಭದಲ್ಲಿ ಮಂಗಳೂರು ಧರ್ಮಪ್ರಾಂತ್ಯದ ಪಿಆರ್‌ಒ (PRO) ವಂದನೀಯ ಫಾ. ರೂಪೇಶ್ ಮಡ್ಥಾ, ದಕ್ಷಿಣ ಕನ್ನಡ ಜಿಲ್ಲಾ ಕಾಂಗ್ರೆಸ್ ಅಲ್ಪಸಂಖ್ಯಾತರ ಘಟಕದ ಉಪಾಧ್ಯಕ್ಷ ಹಾಗೂ ‘ರಚನಾ’ ಕ್ಯಾಥೊಲಿಕ್ ಚೇಂಬರ್ ಆಫ್ ಕಾಮರ್ಸ್ ಅಂಡ್ ಇಂಡಸ್ಟ್ರಿಯ ಮಾಜಿ ಅಧ್ಯಕ್ಷ ಜಾನ್ ಬಿ. ಮೊಂತೆರೋ, ಜಿಲ್ಲಾ ಕಾಂಗ್ರೆಸ್ ಕಾರ್ಮಿಕ ಘಟಕದ ಅಧ್ಯಕ್ಷ ಲಾರೆನ್ಸ್ ಡಿಸೋಜಾ, ಜಿಲ್ಲಾ ಕಾಂಗ್ರೆಸ್ ಅಲ್ಪಸಂಖ್ಯಾತರ ಘಟಕದ ಪ್ರಧಾನ ಕಾರ್ಯದರ್ಶಿ ಆಲ್ವಿನ್ ಪ್ರಕಾಶ್ ಸೀಕ್ವೇರಾ, ಮಾಜಿ ಜಿಲ್ಲಾ ಪಂಚಾಯತ್ ಸದಸ್ಯ ಮೆಲ್ವಿನ್ ಡಿಸೋಜಾ, ಭೂ ನ್ಯಾಯಮಂಡಳಿ ಸದಸ್ಯ ನೆಲ್ಸನ್ ಮೊಂತೆರೋ, ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿ ಸದಸ್ಯ ನವೀನ್ ಲೋಬೊ, ಮಂಗಳೂರು ಮಹಾನಗರ ಪಾಲಿಕೆಯ ಮಾಜಿ ಸದಸ್ಯ ಲ್ಯಾನ್ಸೆಲಾಟ್ ಪಿಂಟೊ, ಎನ್‌ಎಸ್‌ಯುಐ (NSUI) ಮಂಗಳೂರು ದಕ್ಷಿಣದ ಅಧ್ಯಕ್ಷ ಕ್ರಿಸ್ಟನ್ ಮೆನೆಜಸ್, ಆಲ್ಸ್ಟನ್ ಡಿಕುನ್ಹಾ ಹಾಗೂ ಇತರ ಪ್ರಮುಖ ಕಾಂಗ್ರೆಸ್ ಮುಖಂಡರಾದ ವಿಲ್ಫ್ರೆಡ್ ಮೊಂತೆರೋ, ಪಿಯಸ್ ಮೊಂತೆರೋ, ಲ್ಯಾನ್ಸಿ ಲಾಸ್ರಾದೊ, ಅವಿತಾ ನೊರೊನ್ಹಾ, ನೀತು ಡಿಸೋಜಾ, ಮೇರಿ ಪಿಂಟೊ, ರೀಟಾ ಡಿಸೋಜಾ, ಸ್ಟಾನ್ಲಿ ಬಂಟ್ವಾಳ್, ವೀೀಣಾ ಮತ್ತಿತರರು ಉಪಸ್ಥಿತರಿದ್ದರು.

Padmaraj Poojary, the new President of the D. K. District Congress, met the Bishop of Mangaluru and sought his blessings.

The newly appointed President of Dakshina Kannada District Congress Shri Padmaraj Poojary visited the Bishop’s house and met the Bishop of the Diocese of Mangalore, Most Rev. Dr. Peter Paul Saldanha to seek his blessings as well as blessings of the Catholic community. Rev Bishop while congratulating Shri Padmaraj Poojary prayed for the blessings of the Almighty to serve the people and wished him the very best.

Present during this courtesy visit were Rev.Fr. Rupesh Madtha, PRO Diocese of Mangalore,
John B Monteiro, Vice President DK District Congress Minority Unit and former president of RACHANA Catholic Chamber of Commerce and Industry, Mangalore, Mr Lawrence Dsouza President, DK District Congress Labour Cell,
Mr Alwyn Prakash Sequeira, General Secretary, DK District Minority Unit, Mr. Melwyn D’Souza, former Zilla Panchayat Member, Mr Nelson Monteiro, member of Land Tribunal, Mr Naveen Lobo, Member Karnataka Konkani Sahitya Academy, Mr Lancelot Pinto, former Corporator Mangalore City Corporation, Mr Christon Menezes, President NSUI, Mangalore South, Mr Alston Dcunha and other prominent congress leaders Mr Alston Dcunha, Wilfred Monteiro, Pius Monteiro, Lancy Lasrado, Avitha Noronha, Neethu D’Souza, Mary Pinto, Rita D’souza, Stanley Bantwal, Veena, and others.

ಬರಹ ; ಸ್ಟ್ಯಾನಿ, ಬಂಟ್ವಾಳ್

ಮಂಗಳೂರು ನಗರ ದ ಹೃದಯ ಭಾಗ ನಂತೂರ್ ನಲ್ಲಿ ವೃತ್ತ ಮತ್ತು ವಿಭಜಕ ಗಳು ಅಪಘಾತ ಕ್ಕೆ ಹಾಕಿದ್ದೆ?? ಮಂಗಳೂರು ನಗರ ದ ರಾಷ್ಟ್ರೀಯ ಹೆದ್ದಾರಿ ಮತ್ತು ನಗರ ಪಾಲಿಕೆ ಸಂಪರ್ಕ ಕೂಡು ರಸ್ತೆ ಇಲ್ಲಿ ಅದಾ ಅಪಘಾತ ಗಳು ಲೆಕ್ಕವೇ ಇಲ್ಲಾ ಇಷ್ಟ್ಟು ತಿಳಿದರೂ ಇಲ್ಲಿನ ರಾಷ್ಟ್ರಿಯ ಹೆದ್ದಾರಿ ಮತ್ತು ಮಂಗಳೂರು ನಗರ ಪಾಲಿಕೆ ಅಧಿಕಾರಿ ಗಳ ನಿರ್ಲಕ್ಷ ಇಲ್ಲಿ ಎದ್ದು ಕಾಣುತ್ತೆ ಇಲ್ಲಿ ವ್ರತ್ತಕ್ಕೆ ವಿಭಜಕ್ಕೆ ಸಿಮೆಂಟ್ ಕಲ್ಲು ಗಳನ್ನು ಇಟ್ಟಿದ್ದು ಇದು ಅಪಘಾತ ಕ್ಕೆ ಕಾರಣ ವಾಗಿದೆ ಯಾಕೆಂದರೆ ಇಲ್ಲಿ ದಿನಾಲೂ ಓಡಾಡುವ ವಾಹನ ಗಳ ಸಂಖ್ಯೆ ಅತೀ ಹೆಚ್ಚು ಹಗಲು ಇಲ್ಲಿ ಟ್ರಾಫಿಕ್ ಪೊಲೀಸ್ ಇರುತ್ತಾರೆ ಮತ್ತು ಇಲ್ಲಿ ಹಾಕಿದ ಸಿಮೆಂಟ್ ಕಲ್ಲು ಗಳು ಕಾಣುತ್ತೆ ರಾತ್ರಿ ಹೊತ್ತು ವಿದ್ಯುತ್ ದೀಪ ಗಳು ಇದ್ದಾರೆ ಇದು ಕಾಣುತ್ತೆ ಈಗ ಹಲವು ಬಾರಿ ರಾತ್ರಿ ಹೊತ್ತು ವಿದ್ಯುತ್ ನಿಲುಗಡೆ ಇರುತ್ತೆ ಅವಾಗ ಈ ಹಾಕಿದ ಕಲ್ಲು ಗಳು ಕಾಣಿಸುದೇ ಇಲ್ಲಾ ಇದಕ್ಕೆ ರಸ್ತೆ ಸುರಕ್ಷಾ ಬಣ್ಣ ಗಳಾಗಲಿ ರಿಪೇಲೆಕ್ಟರ್ ಕೂಡಾ ಇಲ್ಲಾ ಇದನ್ನು ಇಡುವಾಗ ಸಂಬಂಧ ಪಟ್ಟ ಇಲಾಖೆ
 ಅಧಿಕಾರಿಗಳು ಇರಲಿಲ್ಲವೇ ಅಥವಾ ಇದನ್ನು ಇಟ್ಟು ಇಷ್ಟ್ಟು ಸಮಯ ವಾದರೂ ನೋಡಲಿಲ್ಲ ಯಾಕೆ? ಜನರ ಪ್ರಾಣ ದ ಬೆಲೆ ಇವರಿಗೆ ಇನ್ನೂ ತಿಳಿಯುದಿಲ್ಲವೇ? ಅಪಘಾತ ಕ್ಕೆ ಈ  ಸಂಬಂಧ  ಪಟ್ಟ ಇಲಾಖೆ ಹೊಣೆ ಗಾರಿಕೆ ಅಲ್ಲವೇ??  ಮತ್ತು ಇಲ್ಲಿ ರಸ್ತೆ ಯಲ್ಲಿ ಟ್ರಾಫಿಕ್ ಪೊಲೀಸ್ ನವರೂ ವಾಹನ ನಿಲ್ಲಿಸುವಾಗ ರಸ್ತೆ ಗೆ ಝೀಬ್ರಾ ಕ್ರಾಸ್ ಆಗಲಿ ವಾಹನ ಗಳು  ಸಿಗ್ನೇಲ್ ಬೀಳು ವಾಗ ರಸ್ತೆ ಡಾಟಾದಂತೆ ಇಲ್ಲೇ ನಿಲ್ಲುವ ಸೂಚನೆ ಗಳು ಕೂಡಾ ಇಲ್ಲಿ ಹಾಕಿಲ್ಲಾ ಯಾಕೆ?ಈ ಬಗ್ಗೆ ಕೂಡಲೇ ಸಂಬಂಧ ಪಟ್ಟ ಇಲಾಖೆ ಗಮನ ಹರಿಸಲಿ.

ಮಂಗಳೂರು: ಕ್ಯಾಥೋಲಿಕ್ ಅಸೋಸಿಯೇಷನ್ ಆಫ್ ಸೌತ್ ಕೆನರಾ (ಕಾಸ್ಕ್) ಸಂಘಟನೆಯ 2026–2028ನೇ ಸಾಲಿನ ಅಧ್ಯಕ್ಷರಾಗಿ ಡಾ. ಎರಿಕ್ ಲೋಬೋ ಆಯ್ಕೆಯಾಗಿದ್ದಾರೆ.

ಸೆ. 27ರಂದು ಮಂಗಳೂರಿನ ಸಂತ ಆಗ್ನೆಸ್ ಕಾಲೇಜಿನ ಅವಿಲಾ ಸಭಾಂಗಣದಲ್ಲಿ ನಡೆದ ಸಂಘಟನೆಯ 113ನೇ ವಾರ್ಷಿಕ ಮಹಾಸಭೆಯ ಬಳಿಕ ಚುನಾವಣಾಧಿಕಾರಿ ರೊನಾಲ್ಡ್ ಕ್ಯಾಸ್ಟೆಲಿನೊ ಅವರು ಫಲಿತಾಂಶವನ್ನು ಅಧಿಕೃತವಾಗಿ ಪ್ರಕಟಿಸಿದರು.

ಡಾ. ಎರಿಕ್ ಲೋಬೋ ಅವರು ಎಂ.ಎಸ್ಸಿ., ಪಿಎಚ್.ಡಿ., ಎಫ್‌ಐಎಫ್‌ಸಿಸಿ ಪದವೀಧರರಾಗಿದ್ದು, ಕ್ಲಿನಿಕಲ್ ಬಯೋಕೆಮಿಸ್ಟ್ ಹಾಗೂ ಶಿಕ್ಷಣ ತಜ್ಞರಾಗಿದ್ದಾರೆ. ವೈದ್ಯಕೀಯ ಶಿಕ್ಷಣ, ಸಂಶೋಧನೆ ಮತ್ತು ಕ್ಲಿನಿಕಲ್ ಪ್ರಯೋಗಾಲಯ ಸೇವಾ ಕ್ಷೇತ್ರದಲ್ಲಿ ಅವರು ವ್ಯಾಪಕ ಅನುಭವ ಹೊಂದಿದ್ದಾರೆ. ಪ್ರಸ್ತುತ ಮಂಗಳೂರಿನ ಯೆನೆಪೊಯ ವೈದ್ಯಕೀಯ, ದಂತ ವೈದ್ಯಕೀಯ, ನರ್ಸಿಂಗ್ ಮತ್ತು ಫಿಸಿಯೋಥೆರಪಿ ಕಾಲೇಜುಗಳಲ್ಲಿ ಬಯೋಕೆಮಿಸ್ಟ್ರಿ ಪ್ರಾಧ್ಯಾಪಕರಾಗಿ ಸೇವೆ ಸಲ್ಲಿಸುತ್ತಿದ್ದಾರೆ.

ಡಾ. ರೋಹನ್ ಮೊನಿಸ್ ಹಾಗೂ ಓಸ್ವಾಲ್ಡ್ ಡಿಸೋಜಾ ಉಪಾಧ್ಯಕ್ಷರಾಗಿ, ರೊನಾಲ್ಡ್ ಮೆಂಡೋನ್ಸಾ ಕಾರ್ಯದರ್ಶಿಯಾಗಿ, ಬ್ರಿಯಾನ್ ಜೆ. ಪಿಂಟೊ ಜಂಟಿ ಕಾರ್ಯದರ್ಶಿಯಾಗಿ ಹಾಗೂ ಆಶ್ವಿನ್ ಎ. ಡಿಸೋಜಾ ಖಜಾಂಚಿಯಾಗಿ ಆಯ್ಕೆಯಾಗಿದ್ದಾರೆ.

ಆಡಳಿತ ಮಂಡಳಿ ಸದಸ್ಯರಾಗಿ ಇಯಾನ್ ಲೋಬೋ, ಪೀಟರ್ ಆಂಥನಿ ಪಿಂಟೊ, ಶೆಲ್ಡನ್ ಕ್ರಾಸ್ತಾ, ಡ್ಯಾರಿಲ್ ಡಿಸೋಜಾ, ಜಾಕ್ಸನ್ ಸಲ್ದಾನ್ಹಾ, ಆಶ್ವಿನ್ ಎಂ. ಸಿಕ್ವೇರಾ, ಜಿಟಾ ಉಷಾ ಫೆರ್ನಾಂಡಿಸ್, ಡಾ. ಪಾಲ್ ಜಿ. ಅಕ್ವಿನಾಸ್, ಸಪ್ನಾ ನೊರೊನ್ಹಾ ಹಾಗೂ ನೆಲ್ಸನ್ ಕ್ಯಾಸ್ಟೆಲಿನೊ ಆಯ್ಕೆಯಾಗಿದ್ದಾರೆ. ರೊನಾಲ್ಡ್ ಗೋಮ್ಸ್ ಅವರು ನಿರ್ಗಮಿತ ಅಧ್ಯಕ್ಷರಾಗಿ ಮುಂದುವರಿಯಲಿದ್ದಾರೆ.

113ನೇ ವಾರ್ಷಿಕ ಮಹಾಸಭೆಯ ಅಧ್ಯಕ್ಷತೆಯನ್ನು ನಿರ್ಗಮಿತ ಅಧ್ಯಕ್ಷ ರೊನಾಲ್ಡ್ ಗೋಮ್ಸ್ ವಹಿಸಿದ್ದರು. ಉಪಾಧ್ಯಕ್ಷ ಡಾ. ರೋಹನ್ ಮೊನಿಸ್ ಅವರು ಕಾಸ್ಕ್ ಶತಮಾನೋತ್ಸವ ಟ್ರಸ್ಟ್‌ಗೆ ಸಂಬಂಧಿಸಿದ ವಿಷಯ ಹಾಗೂ ನಡೆಯುತ್ತಿರುವ ಮಧ್ಯಸ್ಥಿಕೆ ಪ್ರಕ್ರಿಯೆಯ ಕುರಿತು ಸಭೆಯ ಗಮನಕ್ಕೆ ತಂದರು. ಕಾರ್ಯದರ್ಶಿ ಪೀಟರ್ ಆಂಥನಿ ಪಿಂಟೊ ಹಿಂದಿನ ಮಹಾಸಭೆಯ ನಡಾವಳಿಗಳನ್ನು ಮಂಡಿಸಿದರೆ, ಖಜಾಂಚಿ ರೊನಾಲ್ಡ್ ಮೆಂಡೋನ್ಸಾ ಆರ್ಥಿಕ ವರದಿಗಳನ್ನು ಮಂಡಿಸಿದರು.

ಚುನಾವಣಾಧಿಕಾರಿ ಹಾಗೂ ಮಂಗಳೂರು ಧರ್ಮಪ್ರಾಂತ್ಯದ ಪಿಆರ್‌ಒ ಮತ್ತು ಕಾಸ್ಕ್‌ನ ದಾನಿ ಸದಸ್ಯರಾಗಿರುವ ರೊನಾಲ್ಡ್ ಕ್ಯಾಸ್ಟೆಲಿನೊ ಚುನಾವಣಾ ಪ್ರಕ್ರಿಯೆ ನಡೆಸಿದರು. ಸಲ್ಲಿಕೆಯಾಗಿದ್ದ ನಾಮಪತ್ರಗಳನ್ನು ಪರಿಶೀಲಿಸಿ ಕ್ರಮಬದ್ಧವಾಗಿರುವುದನ್ನು ಖಚಿತಪಡಿಸಿಕೊಂಡ ಬಳಿಕ, ಯಾವುದೇ ಇತರ ನಾಮಪತ್ರಗಳು ಸಲ್ಲಿಕೆಯಾಗದ ಹಿನ್ನೆಲೆಯಲ್ಲಿ ಎಲ್ಲ ಅಭ್ಯರ್ಥಿಗಳನ್ನೂ ಅವಿರೋಧವಾಗಿ ಆಯ್ಕೆಯಾಗಿದ್ದಾರೆ ಎಂದು ಘೋಷಿಸಿದರು.

ನೂತನ ತಂಡವನ್ನು ನಿರ್ಗಮಿತ ಅಧ್ಯಕ್ಷರು ಅಭಿನಂದಿಸಿದರು. ಬಳಿಕ ನೂತನ ಅಧ್ಯಕ್ಷ ಡಾ. ಎರಿಕ್ ಲೋಬೋ ಅವರು ಕಾಸ್ಕ್ ಸಂಘಟನೆಯನ್ನು ಮತ್ತಷ್ಟು ಬಲಪಡಿಸುವ ಹಾಗೂ ಸಮುದಾಯ ಸೇವೆಯನ್ನು ಹೆಚ್ಚಿಸುವ ತಮ್ಮ ದೃಷ್ಟಿಕೋನವನ್ನು ಹಂಚಿಕೊಂಡರು. ಖಜಾಂಚಿಯಾಗಿ ಆಯ್ಕೆಯಾಗಿರುವ ಆಶ್ವಿನ್ ಎ. ಡಿಸೋಜಾ ವಂದಿಸಿದರು.

ಅನುಭವ ಹೊಂದಿರುವ ಕಾಸ್ಕ್ ಸದಸ್ಯರು ಹಾಗೂ ಯುವ ನಾಯಕತ್ವದ ಸಮನ್ವಯದೊಂದಿಗೆ ನೂತನ ತಂಡ ಅಸ್ತಿತ್ವಕ್ಕೆ ಬಂದಿದ್ದು, ಸಂಘಟನೆಯ ಮುಂದಿನ ಅವಧಿಯಲ್ಲಿ ನಿರಂತರತೆ, ಹೊಸ ಚಿಂತನೆ ಹಾಗೂ ಹೊಸ ಉತ್ಸಾಹದೊಂದಿಗೆ ಸಮುದಾಯ ಸೇವೆಗೆ ಹೆಚ್ಚಿನ ಒತ್ತು ನೀಡುವ ನಿರೀಕ್ಷೆಯಿದೆ.

Dr Eric Lobo elected CASK president

Mangaluru: Dr Eric Lobo has been elected president of the Catholic Association of South Kanara (CASK) for the 2026–2028 term.

The results were formally announced by election officer Ronald Castelino following the conclusion of the association’s 113th Annual General Body Meeting, held at Avila Hall, St Agnes College, Mangaluru, on September 27.

Dr Eric Lobo, M.Sc., Ph.D., FIFCC, is a clinical biochemist and academician with extensive experience in medical education, research and clinical laboratory services. He is presently professor of biochemistry at Yenepoya Medical, Dental, Nursing and Physiotherapy Colleges, Mangaluru.

Dr Rohan Monis and Oswald D’Souza were elected vice-presidents, while Ronald Mendonca was elected secretary, Brian J Pinto joint secretary and Ashwin A D’Souza treasurer.

The governing council members are Ian Lobo, Peter Anthony Pinto, Sheldon Crasta, Darryl D’Souza, Jackson Saldanha, Ashwin M Sequeira, Zita Usha Fernandes, Dr Paul G Aquinas, Sapna Noronha and Nelson Castelino. Ronald Gomes will serve as immediate past president.

The 113th AGBM was presided over by outgoing president Ronald Gomes. Vice-president Dr Rohan Monis placed on record a statement regarding the CASK Centenary Trust matter and the ongoing mediation process. Secretary Peter Anthony Pinto presented the minutes of the previous AGM, while treasurer Ronald Mendonca presented the financial reports.

Election officer Ronald Castelino, PRO of the Diocese of Mangalore and a benefactor member of CASK, conducted the election process. After scrutinising the nominations and finding them in order, he declared the nominated candidates elected unopposed, as no other nominations had been received.

Following the formal announcement, newly elected president Dr Eric Lobo shared his vision for strengthening CASK and enhancing its service to the community. Treasurer-elect Ashwin A D’Souza proposed the vote of thanks.

The new leadership brings together experienced CASK members and younger leaders, with the association beginning its new term with a focus on continuity, fresh perspectives and renewed commitment to the wider community.

ಮಂಗಳೂರು: ದಕ್ಷಿಣ ಕನ್ನಡ ಜಿಲ್ಲೆಯ ಐತಿಹಾಸಿಕ ಹೆಸರನ್ನು ಬದಲಾಯಿಸಿ ‘ಮಂಗಳೂರು ಜಿಲ್ಲೆ’ ಎಂದು ಮರುನಾಮಕರಣ ಮಾಡುವ ಪ್ರಸ್ತಾವನೆಗೆ ಸಂಬಂಧಿಸಿದಂತೆ, ಜಿಲ್ಲೆಯ ನಾಗರಿಕರು, ಬುದ್ಧಿಜೀವಿಗಳು, ಇತಿಹಾಸಕಾರರು, ಸಾಹಿತಿಗಳು, ಸಾಂಸ್ಕøತಿಕ ಕಾರ್ಯಕರ್ತರು ಹಾಗೂ ವಿವಿಧ ಕ್ಷೇತ್ರಗಳ ಪ್ರಮುಖರು ಆದ ನಾವು ‘ದಕ್ಷಿಣ ಕನ್ನಡ’ ಎಂಬ ಐತಿಹಾಸಿಕ ಹೆಸರನ್ನೇ ಮುಂದುವರಿಸುವಂತೆ ಕರ್ನಾಟಕ ಸರ್ಕಾರವನ್ನು ಒತ್ತಾಯಿಸುತ್ತೇವೆ.
ಈ ಕುರಿತು ಮುಖ್ಯಮಂತ್ರಿ ಅವರಿಗೆ ಸಲ್ಲಿಸಿರುವ ಮನವಿಯಲ್ಲಿ, ಈ ಬೇಡಿಕೆ ಮಂಗಳೂರಿನ ವಿರುದ್ಧವಾಗಿಲ್ಲ ಎಂದು ಸ್ಪಷ್ಟಪಡಿಸಲಾಗಿದೆ. ಮಂಗಳೂರು ಈ ಪ್ರದೇಶದ ಐತಿಹಾಸಿಕ, ಸಾಂಸ್ಕೃತಿಕ ಹಾಗೂ ಆರ್ಥಿಕ ಕೇಂದ್ರವಾಗಿದ್ದು, ತನ್ನದೇ ಆದ ವಿಶಿಷ್ಟ ಅಸ್ತಿತ್ವ ಮತ್ತು ಮಹತ್ವವನ್ನು ಹೊಂದಿದೆ. ಆದರೆ ‘ದಕ್ಷಿಣ ಕನ್ನಡ’ ಎಂಬ ಹೆಸರು ಮಂಗಳೂರನ್ನು ಮೀರಿದ ವಿಶಾಲ ಭೌಗೋಳಿಕ, ಐತಿಹಾಸಿಕ ಮತ್ತು ಸಾಂಸ್ಕೃತಿಕ ಪ್ರದೇಶವನ್ನು ಪ್ರತಿನಿಧಿಸುತ್ತದೆ.
ದಕ್ಷಿಣ ಕನ್ನಡ ಜಿಲ್ಲೆಗೆ 150 ವರುಷಕ್ಕೂ ಮೀರಿದ ಆಡಳಿತಾತ್ಮಕ ಇತಿಹಾಸವಿದೆ. ಈ ಪ್ರದೇಶವು ಹಿಂದೆ ‘ಸೌತ್ ಕೆನರಾ’ ಅಥವಾ ‘ಸೌತ್ ಕನಾರಾ’ ಎಂದು ಕರೆಯಲ್ಪಡುತ್ತಿತ್ತು. 1977ರ ಜನವರಿಯಲ್ಲಿ ಕರ್ನಾಟಕ ಸರ್ಕಾರವು ‘ಸೌತ್ ಕನಾರಾ’ ಹೆಸರನ್ನು ‘ದಕ್ಷಿಣ ಕನ್ನಡ’ ಎಂದು ಬದಲಾಯಿಸಿತು. ಹೀಗಾಗಿ ‘ದಕ್ಷಿಣ ಕನ್ನಡ’ ಎಂಬ ಹೆಸರು ಈಗ ಸುಮಾರು ಐದು ದಶಕಗಳ ಐತಿಹಾಸಿಕ ನಿರಂತರತೆಯನ್ನು ಹೊಂದಿದೆ.
ಜಿಲ್ಲೆಯ ಕೇಂದ್ರ ಮಂಗಳೂರು ಎಂಬ ಕಾರಣಕ್ಕೆ ಜಿಲ್ಲೆಯ ಹೆಸರನ್ನೂ ಮಂಗಳೂರಿನ ಹೆಸರಿನಿಂದಲೇ ಕರೆಯಬೇಕೆಂಬ ಆಡಳಿತಾತ್ಮಕ ಅನಿವಾರ್ಯತೆ ಇಲ್ಲ. ಪುತ್ತೂರು, ಬೆಳ್ತಂಗಡಿ, ಸುಳ್ಯ, ಬಂಟ್ವಾಳ, ಮೂಡುಬಿದಿರೆ, ಮುಲ್ಕಿ ಸೇರಿದಂತೆ ಅನೇಕ ಪಟ್ಟಣಗಳು, ಗ್ರಾಮಗಳು ಮತ್ತು ಐತಿಹಾಸಿಕ ಪ್ರದೇಶಗಳು ದಕ್ಷಿಣ ಕನ್ನಡದ ವಿಶಾಲ ಅಸ್ತಿತ್ವದ ಭಾಗವಾಗಿವೆ.
1997ರಲ್ಲಿ ಅವಿಭಜಿತ ದಕ್ಷಿಣ ಕನ್ನಡ ಜಿಲ್ಲೆಯ ಉತ್ತರ ಭಾಗವನ್ನು ಪ್ರತ್ಯೇಕಿಸಿ ಉಡುಪಿ ಜಿಲ್ಲೆಯನ್ನು ರಚಿಸಿದ ನಂತರವೂ ಉಳಿದ ಜಿಲ್ಲೆಗೆ ‘ದಕ್ಷಿಣ ಕನ್ನಡ’ ಎಂಬ ಹೆಸರನ್ನೇ ಮುಂದುವರಿಸಲಾಗಿತ್ತು. ಇಂತಹ ಆಡಳಿತಾತ್ಮಕ ಬದಲಾವಣೆಗಳ ನಡುವೆಯೂ ಹೆಸರು ಉಳಿದುಕೊಂಡಿರುವುದು ಅದರ ಐತಿಹಾಸಿಕ ನಿರಂತರತೆಯನ್ನು ತೋರಿಸುತ್ತದೆ.
‘ದಕ್ಷಿಣ ಕನ್ನಡ’ ಹೆಸರನ್ನು ಬದಲಾಯಿಸುವುದರಿಂದ ಐತಿಹಾಸಿಕ ದಾಖಲೆಗಳು, ಪುಸ್ತಕಗಳು, ನಕ್ಷೆಗಳು, ಶೈಕ್ಷಣಿಕ ಮತ್ತು ಆಡಳಿತಾತ್ಮಕ ದಾಖಲೆಗಳು, ಕಾನೂನು ಹಾಗೂ ಸಾಂಸ್ಕೃತಿಕ ಉಲ್ಲೇಖಗಳು ಸೇರಿದಂತೆ ಅಪಾರ ಪ್ರಮಾಣದ ದಾಖಲೆಗಳಲ್ಲಿ ಬದಲಾವಣೆ ಮಾಡುವ ಅಗತ್ಯ ಉಂಟಾಗಬಹುದು. ಸರ್ಕಾರ ಸಾರ್ವಜನಿಕ ಅಭಿಪ್ರಾಯ ಸಂಗ್ರಹಿಸಲು ಮುಂದಾಗಿರುವುದನ್ನು ಸ್ವಾಗತಿಸಿರುವ ಮನವಿದಾರರು, ಈ ಪ್ರಕ್ರಿಯೆಯನ್ನು ಮಂಗಳೂರು ನಗರಕ್ಕೆ ಮಾತ್ರ ಸೀಮಿತಗೊಳಿಸದೆ ಜಿಲ್ಲೆಯ ಎಲ್ಲಾ ತಾಲೂಕುಗಳು, ಪಟ್ಟಣಗಳು ಹಾಗೂ ಗ್ರಾಮಗಳ ಜನರ ಅಭಿಪ್ರಾಯವನ್ನು ಒಳಗೊಂಡಂತೆ ವ್ಯಾಪಕ ಹಾಗೂ ಪಾರದರ್ಶಕವಾಗಿ ನಡೆಸಬೇಕು. ಇತಿಹಾಸಕಾರರು, ಶಿಕ್ಷಣ ತಜ್ಞರು, ಸಾಹಿತಿಗಳು, ಸಾಂಸ್ಕೃತಿಕ ಸಂಘಟನೆಗಳು ಹಾಗೂ ಇತರ ಪ್ರಮುಖ ಪಾಲುದಾರರ ಅಭಿಪ್ರಾಯವನ್ನೂ ಪರಿಗಣಿಸಬೇಕು.
ಮಂಗಳೂರು ದಕ್ಷಿಣ ಕನ್ನಡದ ಹೃದಯಭಾಗವಾಗಿ ಉಳಿಯಲಿ; ದಕ್ಷಿಣ ಕನ್ನಡವು ಜಿಲ್ಲೆಯ ಹೆಮ್ಮೆಯ ಐತಿಹಾಸಿಕ ಹೆಸರಾಗಿ ಉಳಿಯಲಿ. ಇದು ಮಂಗಳೂರಿನ ವಿರುದ್ಧದ ಬೇಡಿಕೆಯಲ್ಲ; ಬದಲಾಗಿ ದಕ್ಷಿಣ ಕನ್ನಡದ ಐತಿಹಾಸಿಕ, ಸಾಂಸ್ಕೃತಿಕ ಹಾಗೂ ಭೌಗೋಳಿಕ ಅಸ್ತಿತ್ವವನ್ನು ಸಂರಕ್ಷಿಸುವ ಒಂದು ಪ್ರಾಮಾಣಿಕ ಪ್ರಯತ್ನ.
ಪತ್ರಿಕಾಗೋಷ್ಠಿಯಲ್ಲಿ ಉಪಸ್ಥಿತರಿದ್ದವರು:
ಬೆನೆಟ್ ಅಮ್ಮಣ್ಣ , ಪ್ರೋ| ಕೃಷ್ಣಮೂರ್ತಿ, ವಿಲಿಯಮ್ ಪಾಯ್ಸ್, ಸ್ಟೀವನ್ ಪಾಯ್ಸ್
ಪತ್ರಿಕಾಗೋಷ್ಠಿ: ಮಂಗಳವಾರ, ಸೆಪ್ಟೆಂಬರ್ 29, 2026, ಬೆಳಿಗ್ಗೆ 10.45 ಗಂಟೆಗೆ ನಡೆಯಿತು.

Retain the historic name ‘Dakshina Kannada’: Appeal to the government by the ‘Save Dakshina Kannada’ Forum

We the group of citizens, intellectuals, historians, writers, cultural activists and residents of Dakshina Kannada hereby appeal to the Government of Karnataka to retain the historic name ‘Dakshina Kannada’ for the district and not rename it as ‘Mangaluru District’.

This appeal is not against Mangaluru, which is the historic, cultural and economic capital of the region, but is aimed at preserving the historical identity and continuity of a region whose significance extends well beyond a single city.

In January 1977, the Government of Karnataka changed the name to Dakshina Kannada, essentially providing a Kannada rendering of the earlier name. The present name has thus been in use for nearly five decades, while the administrative identity it represents dates back well over a century. 

We emphasise that a district need not necessarily bear the same name as its headquarters. Mangaluru is the headquarters and an important centre of the region, while Dakshina Kannada represents a larger geographical and cultural entity comprising towns and villages including Puttur, Belthangady, Sullia, Bantwal, Moodbidri and Mulki.

We like to inform that the name Dakshina Kannada survived major administrative changes, including the creation of Udupi district in 1997. A change of name, could also necessitate alterations to a large body of historical, administrative, educational, legal and cultural records associated with Dakshina Kannada.

 
We welcome  the Government’s decision to seek public opinion and urges that the consultation be broad-based and transparent, covering all taluks, towns and villages of the district, along with historians, academics, writers, cultural organisations and other stakeholders. We request the Government to retain Dakshina Kannada as the official name, while allowing Mangaluru to continue strengthening its distinct identity as the district headquarters.

“Mangaluru belongs at the heart of Dakshina Kannada. But Dakshina Kannada belongs to a much larger geographical, historical and cultural landscape,”

Members Present at the Press Meet:

Bennet Ammanna, Prof. Krishnamurthy, William Pais, Steevan Pais

Press Meet: Tuesday, September 29, 2026 at 10.45am