Author: Jananudi News Network

ಶ್ರೀನಿವಾಸಪುರ : ಕರ್ನಾಟಕ ಜ್ಞಾನ ವಿಜ್ಞಾನ ಸಮಿತಿ ವತಿಯಿಂದ ಶ್ರೀಮತಿ ಅನಿತಾ ಕೌಲ್ ಸ್ಮರಣಾರ್ಥವಾಗಿ ಬೆಂಗಳೂರು ನಗರದ ಬಸವನಗುಡಿಯ ಬಿಎಂಎಸ್ ಇಂಜಿನಿಯರಿಂಗ್ ಕಾಲೇಜು ಸಭಾಂಗಣದಲ್ಲಿ ಇತ್ತೀಚೆಗೆ ನಡೆದ ರಾಜ್ಯಮಟ್ಟದ ಕಾರ್ಯಕ್ರಮದಲ್ಲಿ ಶ್ರೀನಿವಾಸಪುರ ತಾಲ್ಲೂಕಿನ ಐವರು ಶಿಕ್ಷಕರು ರಾಜ್ಯಮಟ್ಟದ ಉತ್ತಮ ಶಿಕ್ಷಕ ಪ್ರಶಸ್ತಿ ಗೆ ಭಾಜನರಾಗಿದ್ದಾರೆ.

ತಾಲ್ಲೂಕಿನ ಶಿವಪುರ ಶಾಲೆಯ ಸಹಶಿಕ್ಷಕ ಎನ್.ಎ. ಹನುಮಂತಪ್ಪ, ತಾಡಿಗೋಳ್ ಸರ್ಕಾರಿ ಪ್ರೌಢಶಾಲೆಯ ಸಹಶಿಕ್ಷಕಿ ರಜನಿ ಜೆ.ಎಸ್., ಸೋಮಯಾಜನಹಳ್ಳಿ ಕೆಪಿಎಸ್ ಶಾಲೆಯ ಸಹಶಿಕ್ಷಕಿ ಅರುಣ ಕುಮಾರಿ ವಿ., ಆರಿಕುಂಟೆ ಪ್ರೌಢಶಾಲೆಯ ಸಹಶಿಕ್ಷಕಿ ರತ್ನಮ್ಮ ಬಿ.ಜಿ. ಅವರು ಪ್ರಶಸ್ತಿ ಸ್ವೀಕರಿಸಿದ್ದಾರೆ.

ಈ ಕುರಿತು ಮಾಹಿತಿ ನೀಡಿದ ಶ್ರೀನಿವಾಸಪುರ ತಾಲ್ಲೂಕಿನ ಕರ್ನಾಟಕ ಜ್ಞಾನ ವಿಜ್ಞಾನ ಸಮಿತಿಯ ಅಧ್ಯಕ್ಷ ಗೋಪಿನಾಥ್ ಜೆ., ಶಿಕ್ಷಕರ ಸಾಧನೆಗೆ ಅಭಿನಂದನೆ ಸಲ್ಲಿಸಿ, ಗ್ರಾಮೀಣ ಪ್ರದೇಶದಲ್ಲಿ ಗುಣಮಟ್ಟದ ಶಿಕ್ಷಣ ನೀಡುವಲ್ಲಿ ಅವರ ಕೊಡುಗೆ ಶ್ಲಾಘನೀಯವಾಗಿದೆ ಎಂದು ಹೇಳಿದರು.

ತಾಲ್ಲೂಕಿನ ಶಿಕ್ಷಣ ಕ್ಷೇತ್ರಕ್ಕೆ ಈ ಗೌರವ ಮತ್ತಷ್ಟು ಪ್ರೇರಣೆಯಾಗಲಿದೆ ಎಂದು ಸ್ಥಳೀಯರು ಸಂತೋಷ ವ್ಯಕ್ತಪಡಿಸಿದ್ದಾರೆ.

ಶ್ರೀನಿವಾಸಪುರ : ಸ್ವಾತಂತ್ರ್ಯ ಪೂರ್ವದಿಂದಲೂ ಕೆಲವು ಗ್ರಾಮಗಳಿಗೆ ಮೂಲಭೂತ ರಸ್ತೆ ಸೌಲಭ್ಯ ಇಲ್ಲದಿರುವುದು ನೋವು ತಂದಿದ್ದು, ಅಂತಹ ಗ್ರಾಮಗಳನ್ನು ಗುರುತಿಸಿ ಸಿಸಿ ರಸ್ತೆಗಳನ್ನು ನಿರ್ಮಿಸುವುದು ನನ್ನ ಕನಸಾಗಿದೆ ಎಂದು ಶಾಸಕ ಜಿ.ಕೆ. ವೆಂಕಟಶಿವಾರೆಡ್ಡಿ ಹೇಳಿದರು.

ತಾಲ್ಲೂಕಿನ ಕೂರಿಗೇಪಲ್ಲಿ ಗ್ರಾಮಪಂಚಾಯಿತಿ ಆವರಣದಲ್ಲಿ ಮಂಗಳವಾರ ನಡೆದ ತಾಲ್ಲೂಕು ಆಡಳಿತ ನಡೆ ಗ್ರಾಮದ ಕಡೆ ಕಾರ್ಯಕ್ರಮವನ್ನು ಉದ್ಘಾಟಿಸಿ ಅವರು ಮಾತನಾಡಿದರು.

ಕ್ಷೇತ್ರದಲ್ಲಿ ಪ್ರಸ್ತುತ 35 ಕೋಟಿ ರೂ. ವೆಚ್ಚದಲ್ಲಿ ವಿವಿಧ ಅಭಿವೃದ್ಧಿ ಕಾಮಗಾರಿಗಳು ನಡೆಯುತ್ತಿವೆ.

ಸಾರ್ವಜನಿಕರು ತಮ್ಮ ವಾಸಸ್ಥಳದ ಬಳಿ ರಸ್ತೆ ಸೌಲಭ್ಯಗಳ ಕೊರತೆ ಇದ್ದರೆ ತಕ್ಷಣ ತಮ್ಮ ಅಥವಾ ಅಧಿಕಾರಿಗಳ ಗಮನಕ್ಕೆ ತರಬೇಕು. ಪರಿಶೀಲಿಸಿ ಅಗತ್ಯ ಕ್ರಮ ಕೈಗೊಂಡು ರಸ್ತೆಗಳನ್ನು ನಿರ್ಮಿಸಲಾಗುವುದು ಎಂದು ಭರವಸೆ ನೀಡಿದರು.

ಕ್ಷೇತ್ರದ 400 ಗ್ರಾಮಗಳಲ್ಲಿ ಹೈಮಾಸ್ಕ್ ಹಾಗೂ ಸೋಲಾರ್ ಲೈಟ್‌ಗಳನ್ನು ಅಳವಡಿಸುವ ಯೋಜನೆ ಹೊಂದಿದ್ದು, ಈಗಾಗಲೇ 150 ಲೈಟ್‌ಗಳನ್ನು ಅಳವಡಿಸಲಾಗಿದೆ. ಅಗತ್ಯ ಅನುದಾನ ಬಿಡುಗಡೆಗಾಗಿ ನ್ಯಾಯಾಲಯದಲ್ಲಿ ದಾವೆ ಹೂಡಿದ್ದು, ಅನುದಾನ ಲಭ್ಯವಾದ ತಕ್ಷಣ ಹಲವು ಅಭಿವೃದ್ಧಿ ಕಾರ್ಯಕ್ರಮಗಳನ್ನು ಜಾರಿಗೊಳಿಸಲಾಗುವುದು ಎಂದು ತಿಳಿಸಿದರು.

ಕಳೆದ 10 ವರ್ಷಗಳಿಂದ ಎಸ್‌ಸಿ, ಎಸ್‌ಟಿ ಹಾಗೂ ಹಿಂದುಳಿದ ವರ್ಗದವರಿಗೆ ಇಲಾಖೆಯ ಮೂಲಕ ಉಚಿತವಾಗಿ 500 ಕೊಳವೆಬಾವಿಗಳನ್ನು ಒದಗಿಸಲಾಗಿದೆ ಎಂದರು.

ಬೈರಗಾನಪಲ್ಲಿ ಗ್ರಾಮಪಂಚಾಯಿತಿ ವ್ಯಾಪ್ತಿಯಲ್ಲಿ ಕೋಲಾರದಿಂದ ಬಿ.ಕೊತ್ತಕೋಟೆವರೆಗೆ ಉತ್ತಮ ರಸ್ತೆ ಕಾಮಗಾರಿ ನಡೆಯುತ್ತಿದೆ.

ಬಚ್ಚಿರೆಡ್ಡಿಗಾರಿಪಲ್ಲಿ ಬಳಿ 3 ಕೋಟಿ ರೂ. ವೆಚ್ಚದಲ್ಲಿ ಸೇತುವೆ ನಿರ್ಮಾಣಗೊಂಡಿದ್ದು, ಮುಂದಿನ 15 ದಿನಗಳಲ್ಲಿ ಭೂಮಿಪೂಜೆ ನೆರವೇರಲಿದೆ. ಮರಸನಪಲ್ಲಿ ಪೂಲಕುಂಟ್ಲಪಲ್ಲಿ ಮಾರ್ಗ ಮಧ್ಯೆ 1 ಕೋಟಿ ರೂ. ವೆಚ್ಚದಲ್ಲಿ ಚೆಕ್‌ಡ್ಯಾಂ ನಿರ್ಮಿಸಲಾಗಿದೆ. ಬೀಮಗಾನಪಲ್ಲಿ ಬಳಿ 3.50 ಕೋಟಿ ರೂ. ವೆಚ್ಚದಲ್ಲಿ ಚೆಕ್‌ಡ್ಯಾಂ ನಿರ್ಮಾಣಕ್ಕೆ ಭೂಮಿಪೂಜೆ ನಡೆಯಲಿದೆ ಎಂದು ವಿವರಿಸಿದರು.

ಗ್ರಾಮಪಂಚಾಯಿತಿಗಳಲ್ಲಿ ಸಾರ್ವಜನಿಕರಿಂದ ಬಂದಿರುವ ಸಮಸ್ಯೆಗಳನ್ನು ಯುಗಾದಿ ಹಬ್ಬದೊಳಗೆ ಪರಿಹರಿಸುವಂತೆ ಇಒ, ಆಡಳಿತಾಧಿಕಾರಿ ಹಾಗೂ ಪಿಡಿಒಗಳಿಗೆ ಸೂಚನೆ ನೀಡಿದರು.

ಗೌನಿಪಲ್ಲಿ ಗ್ರಾಮಪಂಚಾಯಿತಿಯಲ್ಲಿ ಸರ್ಕಾರಿ ಭೂಮಿ ಒತ್ತುವರಿಯಾಗಿರುವುದನ್ನು ತೆರವುಗೊಳಿಸಲು ಹಾಗೂ ಪಡಿತರ ಚೀಟಿಗಳ ಸಮಸ್ಯೆಗಳನ್ನು ಶೀಘ್ರ ಪರಿಹರಿಸಲು ಸಂಬಂಧಿಸಿದ ಅಧಿಕಾರಿಗಳಿಗೆ ನಿರ್ದೇಶನ ನೀಡಿದರು.

ಕಾರ್ಯಕ್ರಮದಲ್ಲಿ ಕೂರಿಗೇಪಲ್ಲಿ 23, ಬೈರಗಾನಪಲ್ಲಿ 43, ಗೌನಿಪಲ್ಲಿ 10 ಹಾಗೂ ಕೋಡಿಪಲ್ಲಿ 46 ಅರ್ಜಿಗಳನ್ನು ಸ್ವೀಕರಿಸಲಾಯಿತು.

ಈ ಸಂದರ್ಭದಲ್ಲಿ ಇಒ ಕೆ. ಸರ್ವೇಶ್, ಎಡಿ. ರಾಮಪ್ಪ, ಅಭಿವೃದ್ಧಿ ಅಧಿಕಾರಿಗಳಾದ ರಮೇಶ್ ಕುಮಾರ್, ರವಿಕುಮಾರ್, ನಾರಾಯಣಸ್ವಾಮಿ, ಚಲಪತಿ, ಜಿಲ್ಲಾ ಪಂಚಾಯಿತಿ ಮಾಜಿ ಅಧ್ಯಕ್ಷ ತೂಪಲ್ಲಿ ಆರ್. ನಾರಾಯಣಸ್ವಾಮಿ ಸೇರಿದಂತೆ ವಿವಿಧ ಇಲಾಖೆಯ ಅಧಿಕಾರಿಗಳು ಹಾಗೂ ಮುಖಂಡರು ಉಪಸ್ಥಿತರಿದ್ದರು.

ಬಸ್ರೂರು ಸಂತ ಫಿಲಿಪ್ ನೇರಿ ಚರ್ಚಿನಲ್ಲಿ ಕ್ರೈಸ್ತ ನೀತಿ ಶಿಕ್ಷಣ ದಿನಾಚರಣೆ ಪ್ರಯುಕ್ತ ಚರ್ಚಿನ ಪ್ರಧಾನ ಧರ್ಮ ಗುರುಗಳಾದ ಫಾದರ್ ರೋಯ್ ಲೋಬೊ ಬಲಿ ಪೂಜೆ ನಡೆಸಿ ಕ್ರೈಸ್ತ ನೀತಿ ಶಿಕ್ಷಣದ ಮಹತ್ವ ಹಾಗೂ ಈ ಶಿಕ್ಷಣ ಮುಂದಿನ ಜೀವನಕ್ಕೆ ದಾರಿ ಆಗಲಿ ಎಂದರು. ಮುಖ್ಯ ಅತಿಥಿಯಾಗಿ ಫಾದರ್ ಡೆನ್ಸಿ ಸುನೀಲ್ ಮಾರ್ಟಿಸ್ ಒಳ್ಳೆಯ ಮನಸ್ಸಿನಿಂದ ಕರ್ತವ್ಯ ನಿರ್ವಹಿಸಿದಾಗ ಭಗವಂತ ಒಲಿಯುತ್ತಾನೆ ಆದ್ದರಿಂದ ದೇವರನ್ನು ಪರೀಕ್ಷಿಸಬಾರದು ಎಂದು ನುಡಿದರು ಬಳಿಕ ನಡೆದ ಸಭಾ ಕಾರ್ಯಕ್ರಮದಲ್ಲಿ ಬಹುಮಾನ ವಿತರಿಸಲಾಯಿತು ವೇದಿಕೆಯಲ್ಲಿ ಸಹಾಯಕ ಧರ್ಮಗುರುಗಳಾದ ಫಾದರ್ ಶರೂನ್ ಡಿಸೋಜ, ಪಾಲನ ಮಂಡಳಿ ಉಪಾಧ್ಯಕ್ಷ ರೂಫಸ್ ಬರೆಟ್ಟೊ, ಕಾರ್ಯದರ್ಶಿ ಪಿಯೂಸ್ ಡಿಸೋಜ, ಆಯೋಗದ ಸಂಚಾಲಕರಾದ ಲೋರೆನ್ಸ್ ಬರೆಟ್ಟೊ, ಸಚತೇಕಿ ಸಾರಾ ಡಿ ಕೋಸ್ಟಾ ಹಾಜರಿದ್ದರು. ಅನೂಷಾ ಡಿಕೋಷ್ಟಾ ಸರ್ವರಿಗೆ ಸ್ವಾಗತಿಸಿದರು ಹಾಗೂ ಮರಿಯಾ ಡಿಸಿಲ್ವ ಧನ್ಯವಾದ ಸಮರ್ಪಿಸಿದರು ಶರ್ಮಿಳಾ ಬರೆಟ್ಟೊ ಕಾರ್ಯಕ್ರಮ ನಿರೂಪಿಸಿದರು.

ಪಡುಕೋಣೆ : ಸಂತ ಅಂತೋನಿ ಹಿರಿಯ ಪ್ರಾಥಮಿಕ ಶಾಲೆ ಪಡುಕೋಣೆಯಲ್ಲಿ ದಿನಾಂಕ 21.2.2026 ರಂದು ಬೆಂಕಿ ಇಲ್ಲದೆ ಅಡುಗೆ ತಯಾರಿ ಎಂಬ ಸ್ಫರ್ಧೆಯನ್ನು ಅಯೋಜಿಸಲಾಗಿತ್ತು. ಎಲ್ಲಾ ಮಕ್ಕಳು ಸ್ಪರ್ಧೆಯಲ್ಲಿ ಸಕ್ರಿಯವಾಗಿ ಭಾಗವಹಿಸಿದ್ದರು. ಒಂಬತ್ತು ತಂಡಗಳನ್ನು ರಚಿಸಿ ಸ್ಪರ್ಧೆಯನ್ನು ನಡೆಸಲಾಗಿತ್ತು. ಹಸಿ ತರಕಾರಿ, ಹಣ್ಣು ಮತ್ತು ಇತರೆ ಪದಾರ್ಥಗಳನ್ನು ಬಳಸಿ ಆರೋಗ್ಯಕರ ಖಾದ್ಯಗಳಾದ ಸಲಾಡಗಳು, ಪ್ರುಟ್ ಸಲಾಡ್ ಗಳು, ಲಸ್ಸಿ‌, ಚರಮುರಿ, ಕೇಕ್, ವಿವಿಧ ರೀತಿಯ ಲಡ್ಡು, ಬರ್ಫಿ, ಖಟ್ಟಾಮಿಟ್ಟಾ ಕ್ಯಾಂಡಿ, ಗೊಜ್ಜು, ಉಪ್ಪಿನಕಾಯಿ ಇನ್ನೂ ಹಲವಾರು ಖಾದ್ಯಗಳನ್ನು ವಿದ್ಯಾರ್ಥಿಗಳು ಒಂದು ಗಂಟೆಯ ಸಮಯದಲ್ಲಿ ತಯಾರಿಸಿ ಜೋಡಿಸಿಟ್ಟರು. ಏಫ್ರಾನ್, ಟೋಪಿ ತಾವೇ ತಯಾರಿಸಿ ತಮ್ಮ ಕೌಶಲ್ಯ ಮೆರೆದರು.
ನಿರ್ಣಯಕರಾಗಿ ಶ್ರೀ ಜೋಸೆಫ್ ಡಿ’ಸಿಲ್ವ, ಶ್ರೀಮತಿ ಡೇರಿ ಸುವಾರಿಸ್, ಶ್ರೀಮತಿ ಪಿಲೋಮಿನಾ ಡಿ’ಸೋಜಾ. ರುಚಿ, ಪ್ರದರ್ಶನ, ತಯಾರಿಸಿದ ಆಹಾರ ಸಂಖ್ಯೆ, ಸ್ವಚತೆ, ಬಳಸಿದ ವಸ್ತುಗಳು ನೋಡಿ ಅಂಕಗಳನ್ನು ನೀಡಲಾಯಿತು. ಸ್ಪರ್ಧೆಯಲ್ಲಿ ಪ್ರಥಮ, ದ್ವಿತೀಯ, ತ್ರತೀಯ ಸ್ಥಾನ ಬಂದ ತಂಡಕ್ಕೆ ಶಾಲಾ ಸಂಚಾಲಕರಾದ ವಂ. ಫಾ. ಪ್ರಾನ್ಸಿಸ್ ಕರ್ನೆಲಿಯೊರವರು ಬಹುಮಾನ ನೀಡಿದರು. ಇತರ ತಂಡಗಳಿಗೂ ಸಮಾಧಾನಕರ ಬಹುಮಾನವನ್ನು ನೀಡಿ ಮಕ್ಕಳ ಕೖ ಚಳಕದ ಕೌಶಲ್ಯಕ್ಕೆ ಪ್ರಶಂಸಿ ಸರ್ವ ಮಕ್ಕಳನ್ನು ಅಭಿನಂದಿಸಿದ ಅವರು “ಇಂತಹ ಕಾರ್ಯಕ್ರಮಗಳು ಶಾಲೆಯಲ್ಲಿ ನಡೆಸುವುದು ಮಕ್ಕಳಿಗೆ ಒಂದು ಉತ್ತಮ ಆರೋಗ್ಯಕರ ಶಿಸ್ತು, ಅಲ್ಲದೇ ಮಕ್ಕಳು ತಾವೇ ಮನೆಯಲ್ಲಿ ತಯಾರಿಸಲು ಪ್ರಯತ್ನಿಸುವರು. ಹೊರಗಡೆ ಸಿಗುವ ಯಾಂತ್ರಿಕೃತ ಮತ್ತು ಸಂಸ್ಕರಿಸಿದ ಆಹಾರಗಳ ಬಗ್ಗೆ (ಜಂಕ್ ಪುಡ್ )ಮೇಲೆ ಪ್ರಭಾವ ಮಾಡುವುದನ್ನು ತಕ್ಕ ಮಟ್ಟಿಗೆ ನಿಲ್ಲಿಸಲು ಮತ್ತು ಆರೋಗ್ಯದ ಬಗ್ಗೆ ಗಮನ ಕೊಡಲು ಈ ಶಾಲೆಯ ಶಿಕ್ಷಕರು ತೋರಿಸುವ ಮುತುವರ್ಜಿ ಉತ್ತಮ ಮಾರ್ಗದರ್ಶನವಾಗಿದೆಯೆಂದು” ತಿಳಿಸಿದರು. ನಿರ್ಣಾಯಕರು ತಮ್ಮ ಅನ್ನಿಸಿಕೆಯನ್ನು ವ್ಯಕ್ತ ಪಡಿಸಿ ಶಿಕ್ಷಕರಿಗೂ, ಮಕ್ಕಳಿಗೂ ಪ್ರಶಂಸಿದರು.

ಶ್ರೀನಿವಾಸಪುರ ಪಟ್ಟಣದಲ್ಲಿ ರಂಜಾನ್ ಮಾಸದ ಹಿನ್ನೆಲೆಯಲ್ಲಿ ಧಾರ್ಮಿಕ ಭಾವನೆಗಳ ಜೊತೆಗೆ ವ್ಯಾಪಾರ ಚಟುವಟಿಕೆಗಳೂ ಗರಿಗೆದರಿವೆ. ವಿಶೇಷವಾಗಿ ಇಫ್ತಾರ್ ವೇಳೆ ಸೇವಿಸುವ ತಿಂಡಿಗಳಲ್ಲಿ ಪ್ರಮುಖ ಸ್ಥಾನ ಪಡೆದಿರುವ ಸಮೋಸಗಳಿಗೆ ಅಪಾರ ಬೇಡಿಕೆ ಕಂಡುಬರುತ್ತಿದೆ. ಸಣ್ಣ ಪಟ್ಟಣವಾಗಿದ್ದರೂ ಪ್ರತಿದಿನ ಸರಾಸರಿ 25 ಸಾವಿರದಿಂದ 30 ಸಾವಿರದವರೆಗೆ ಸಮೋಸಗಳು ಮಾರಾಟವಾಗುತ್ತಿರುವುದು ಗಮನಾರ್ಹವಾಗಿದೆ.

ರಂಜಾನ್ ಮಾಸದಲ್ಲಿ ಮುಸ್ಲಿಂ ಸಮುದಾಯದವರು ಪ್ರಾತಃಕಾಲದಿಂದ ಸೂರ್ಯಾಸ್ತದವರೆಗೆ ಉಪವಾಸ ಆಚರಿಸಿ, ಸಂಜೆ ಮಗರಿಬ್ ನಮಾಜಿನ ಬಳಿಕ ಇಫ್ತಾರ್ ಮೂಲಕ ಉಪವಾಸ ಮುರಿಯುತ್ತಾರೆ. ಖರ್ಜೂರ, ಹಣ್ಣುಹಂಪಲು, ರೂಹ್ ಅಫ್ಜಾ ಪಾನೀಯ, ಗಂಜಿ (ಆಶ್) ಜೊತೆಗೆ ಬಿಸಿ ಬಿಸಿ ಸಮೋಸಗಳು ಇಫ್ತಾರ್‌ನ ಅವಿಭಾಜ್ಯ ಭಾಗವಾಗಿವೆ. ಉಪವಾಸದ ನಂತರ ಕರಕರೆ, ರುಚಿಕರ ತಿಂಡಿಗೆ ಇರುವ ಆಸಕ್ತಿ ವರ್ಷದಿಂದ ವರ್ಷಕ್ಕೆ ಹೆಚ್ಚುತ್ತಿರುವುದರಿಂದ ಸಮೋಸಗಳ ಬೇಡಿಕೆಯೂ ಗಣನೀಯವಾಗಿ ಏರಿಕೆಯಾಗಿದೆ.

ಪಟ್ಟಣದ ಆಜಾದ್ ರಸ್ತೆ, ಜಾಮಿಯಾ ಮಸೀದಿ, ಸೂಫಿಯಾ ಮಸೀದಿ, ಜಾಕಿರ್ ಹುಸೇನ್ ಮೊಹಲ್ಲಾ, ಚಿಂತಾಮಣಿ ರಸ್ತೆ ಹಾಗೂ ನೂರಾಣಿ ಮಸೀದಿ ಸುತ್ತಮುತ್ತ ಸಂಜೆ ನಾಲ್ಕು ಗಂಟೆಯಿಂದಲೇ ಸಮೋಸ ಅಂಗಡಿಗಳ ಮುಂದೆ ಗ್ರಾಹಕರ ಸಾಲು ಕಾಣಸಿಗುತ್ತದೆ. ಇಫ್ತಾರ್ ಸಮಯ ಸಮೀಪಿಸುತ್ತಿದ್ದಂತೆ ಜನಸಂದಣಿ ಮತ್ತಷ್ಟು ಹೆಚ್ಚಾಗುತ್ತದೆ. ಕೆಲ ಅಂಗಡಿಗಳಲ್ಲಿ ಕೇವಲ ಒಂದು ಗಂಟೆಯೊಳಗೆ ಸಾವಿರಾರು ಸಮೋಸಗಳು ಮಾರಾಟವಾಗುತ್ತಿರುವುದು ವ್ಯಾಪಾರದ ಜೋರನ್ನು ತೋರಿಸುತ್ತದೆ.

ಸುತ್ತಮುತ್ತಲಿನ ಗ್ರಾಮಗಳಿಂದಲೂ ಜನರು ಇಫ್ತಾರ್ ಸಮಯಕ್ಕೆ ಪಟ್ಟಣಕ್ಕೆ ಆಗಮಿಸಿ ಸಮೋಸ ಸೇರಿದಂತೆ ಅಗತ್ಯ ಆಹಾರ ಪದಾರ್ಥಗಳನ್ನು ಖರೀದಿಸುತ್ತಿದ್ದಾರೆ. ಇದರ ಪರಿಣಾಮವಾಗಿ ಸಂಜೆ ವೇಳೆಗೆ ವ್ಯಾಪಾರ ಪ್ರದೇಶಗಳಲ್ಲಿ ಹಬ್ಬದ ವಾತಾವರಣ ನಿರ್ಮಾಣವಾಗಿದ್ದು, ವಾಹನ ಸಂಚಾರ ಮತ್ತು ಜನರ ಓಡಾಟ ಹೆಚ್ಚಾಗಿದೆ.

ರೂ.10ಕ್ಕೆ ಬಿಸಿ ಸಮೋಸ

ಪ್ರಸ್ತುತ ಈರುಳ್ಳಿ ಸಮೋಸವನ್ನು ರೂ.10 ದರದಲ್ಲಿ ಮಾರಾಟ ಮಾಡಲಾಗುತ್ತಿದೆ. ಕೆಲವೆಡೆ ಗಾತ್ರ ಮತ್ತು ಮಸಾಲೆಯ ಪ್ರಮಾಣದ ಆಧಾರದ ಮೇಲೆ ದರದಲ್ಲಿ ಸ್ವಲ್ಪ ವ್ಯತ್ಯಾಸವಿದ್ದರೂ, ಗುಣಮಟ್ಟ ಮತ್ತು ತಾಜಾತನಕ್ಕೆ ಹೆಚ್ಚಿನ ಒತ್ತು ನೀಡಲಾಗುತ್ತಿದೆ. ಬಿಸಿ ಬಿಸಿ, ಕರಕರೆ ಸಮೋಸವೇ ನಮ್ಮ ವಿಶೇಷತೆ. ಗ್ರಾಹಕರ ತೃಪ್ತಿಯೇ ನಮ್ಮ ಆದ್ಯತೆ, ಎಂದು ಸ್ಥಳೀಯ ಅಂಗಡಿ ಮಾಲೀಕ ನಿಸಾರ್ ಅಹ್ಮದ್ ಗಬ್ಬಡ್ ತಿಳಿಸಿದ್ದಾರೆ.

ಬೆಳಿಗ್ಗೆಯಿಂದಲೇ ಸಿದ್ಧತೆ

ಸಮೋಸ ತಯಾರಿಕೆಗೆ ಬೇಕಾದ ಸಿದ್ಧತೆಗಳು ಬೆಳಿಗ್ಗೆಯಿಂದಲೇ ಆರಂಭವಾಗುತ್ತವೆ. ಈರುಳ್ಳಿ ಕತ್ತರಿಸುವುದು, ಮಸಾಲೆ ಸಿದ್ಧಪಡಿಸುವುದು, ಹಿಟ್ಟನ್ನು ಕಲಸುವುದು, ಪಪ್ಪಡ್ ತಯಾರಿಸುವುದು ಸೇರಿದಂತೆ ಎಲ್ಲಾ ಹಂತಗಳು ಕ್ರಮಬದ್ಧವಾಗಿ ನಡೆಯುತ್ತವೆ. ಮಧ್ಯಾಹ್ನ ವೇಳೆಗೆ ಪ್ರಾಥಮಿಕ ಸಿದ್ಧತೆ ಪೂರ್ಣಗೊಂಡು, ಸಂಜೆ ನಾಲ್ಕು ಗಂಟೆಯ ಬಳಿಕ ನಿರಂತರ ಹುರಿಯುವ ಕಾರ್ಯ ಆರಂಭವಾಗುತ್ತದೆ. ಕೆಲವು ಅಂಗಡಿಗಳಲ್ಲಿ ಒಂದೇ ವೇಳೆ ನಾಲ್ಕು–ಐದು ದೊಡ್ಡ ಕಡಾಯಿಗಳಲ್ಲಿ ಸಮೋಸ ಹುರಿಯುತ್ತಿರುವ ದೃಶ್ಯ ಸಾಮಾನ್ಯವಾಗಿದೆ.

ವ್ಯಾಪಾರಿಗಳ ಪ್ರಕಾರ, ಸಾಮಾನ್ಯ ದಿನಗಳಲ್ಲಿ ಸಾವಿರದೊಳಗಿನ ಮಾರಾಟವಾಗುತ್ತಿದ್ದರೆ, ರಂಜಾನ್ ಅವಧಿಯಲ್ಲಿ ಅದು ಹಲವು ಪಟ್ಟು ಹೆಚ್ಚಾಗಿದೆ. ಗ್ರಾಹಕರಿಗೆ ಇಫ್ತಾರ್ ಸಮಯಕ್ಕೆ ತಡವಾಗದಂತೆ ಸಮಯಪಾಲನೆಗೆ ವಿಶೇಷ ಗಮನ ನೀಡಲಾಗುತ್ತಿದೆ.

ಅನೇಕ ವೃತ್ತಿಗಳಿಗೆ ಲಾಭ

ಈ ಸಮೋಸ ವ್ಯಾಪಾರದಿಂದ ಅಂಗಡಿ ಮಾಲೀಕರಿಗೆ ಮಾತ್ರವಲ್ಲದೆ ಅನೇಕ ಪರೋಕ್ಷ ವೃತ್ತಿಗಳಿಗೂ ಲಾಭವಾಗುತ್ತಿದೆ. ಎಣ್ಣೆ, ಹಿಟ್ಟು, ಈರುಳ್ಳಿ, ಬಟಾಣಿ, ಕೊತ್ತಂಬರಿ ಬೆಳೆಗಾರ ರೈತರು, ಮಸಾಲಾ ವ್ಯಾಪಾರಿಗಳು, ಪ್ಯಾಕಿಂಗ್ ಸಾಮಗ್ರಿ ಮಾರಾಟಗಾರರು ಉತ್ತಮ ಆದಾಯ ಗಳಿಸುತ್ತಿದ್ದಾರೆ. ದಿನಗೂಲಿ ಕಾರ್ಮಿಕರು, ಸಹಾಯಕರು, ಪ್ಯಾಕಿಂಗ್ ಕೆಲಸಗಾರರಿಗೆ ಹೆಚ್ಚುವರಿ ಉದ್ಯೋಗಾವಕಾಶಗಳು ದೊರಕುತ್ತಿವೆ.

ವಿಶೇಷವಾಗಿ ಯುವಕರು ಹಾಗೂ ವಿದ್ಯಾರ್ಥಿಗಳು ಸಂಜೆ ವೇಳೆಯಲ್ಲಿ ಭಾಗಕಾಲಿಕವಾಗಿ ಕೆಲಸ ಮಾಡಿಕೊಂಡು ತಮ್ಮ ಖರ್ಚುಗಳನ್ನು ನಿರ್ವಹಿಸುತ್ತಿರುವುದು ಗಮನಾರ್ಹವಾಗಿದೆ. ಕೆಲವರು ತಾತ್ಕಾಲಿಕವಾಗಿ ಸಮೋಸ ತಯಾರಿಕೆ ಮತ್ತು ಮಾರಾಟದಲ್ಲಿ ತೊಡಗಿಸಿಕೊಂಡು ತಮ್ಮ ಕುಟುಂಬದ ಆರ್ಥಿಕತೆಗೆ ನೆರವಾಗುತ್ತಿದ್ದಾರೆ.

8 ರಿಂದ 9 ಲಕ್ಷ ಮಾರಾಟದ ಅಂದಾಜು

ರಂಜಾನ್ ಮಾಸವು ಸಾಮಾನ್ಯವಾಗಿ 29 ರಿಂದ 30 ದಿನಗಳವರೆಗೆ ನಡೆಯುತ್ತದೆ. ದಿನಕ್ಕೆ ಸರಾಸರಿ 25 – 35 ಸಾವಿರ ಸಮೋಸಗಳು ಮಾರಾಟವಾದರೆ, ತಿಂಗಳ ಅಂತ್ಯದ ವೇಳೆಗೆ ಒಟ್ಟು ಮಾರಾಟ 8 ರಿಂದ 9 ಲಕ್ಷದವರೆಗೆ ತಲುಪುವ ಸಾಧ್ಯತೆ ಇದೆ ಎಂದು ವ್ಯಾಪಾರಿಗಳು ಅಂದಾಜು ವ್ಯಕ್ತಪಡಿಸಿದ್ದಾರೆ. ಇದು ಪಟ್ಟಣದ ಸಣ್ಣ ವ್ಯಾಪಾರ ವಲಯಕ್ಕೆ ಮಹತ್ವದ ಆರ್ಥಿಕ ಚೈತನ್ಯ ನೀಡುತ್ತಿದೆ.

ಧಾರ್ಮಿಕ ಮಹತ್ವವೂ ಅಪಾರ

ರಂಜಾನ್ ಮಾಸವು ಕೇವಲ ವ್ಯಾಪಾರ ಚಟುವಟಿಕೆಗಳಿಗೆ ಮಾತ್ರ ಸೀಮಿತವಾಗಿಲ್ಲ. ಈ ಪವಿತ್ರ ತಿಂಗಳಲ್ಲಿ ಕುರಾನ್ ಶರೀಫ್ ಅವತರಿಸಿದುದಾಗಿ ಮುಸ್ಲಿಂ ಸಮುದಾಯ ನಂಬುತ್ತದೆ. ಉಪವಾಸವು ಇಸ್ಲಾಂನ ಐದು ಕಂಬಗಳಲ್ಲಿ ಒಂದಾಗಿದ್ದು, ಆತ್ಮನಿಯಂತ್ರಣ, ಶಿಸ್ತಿನ ಜೀವನ ಮತ್ತು ಸಹಾನುಭೂತಿಯನ್ನು ಉತ್ತೇಜಿಸುತ್ತದೆ. ದಿನವಿಡೀ ಉಪವಾಸದಿಂದ ಬಡವರ ಕಷ್ಟ ಅರಿವಾಗುತ್ತದೆ ಎಂಬ ಸಂದೇಶವನ್ನು ರಂಜಾನ್ ಸಾರುತ್ತದೆ. ದಾನ, ಸಹೋದರತ್ವ ಮತ್ತು ಪರಸ್ಪರ ಸಹಾಯದ ಮನೋಭಾವ ಈ ಅವಧಿಯಲ್ಲಿ ಹೆಚ್ಚಾಗುತ್ತದೆ.

ಒಟ್ಟಿನಲ್ಲಿ, ರಂಜಾನ್ ಮಾಸವು ಧಾರ್ಮಿಕ ಭಾವನೆಗಳ ಜೊತೆಗೆ ಸಾಮಾಜಿಕ ಮತ್ತು ಆರ್ಥಿಕ ಚಟುವಟಿಕೆಗಳನ್ನೂ ಉತ್ತೇಜಿಸುತ್ತಿದೆ. ಶ್ರೀನಿವಾಸಪುರದಲ್ಲಿ ಸಮೋಸಗಳ ಭಾರೀ ಮಾರಾಟವು ಇದಕ್ಕೆ ಜೀವಂತ ಉದಾಹರಣೆಯಾಗಿದೆ. ಉಪವಾಸದ ಆಚರಣೆಯ ನಡುವೆ ವ್ಯಾಪಾರ ಚಟುವಟಿಕೆಗಳು ಗರಿಗೆದರಿದ್ದು, ಸಣ್ಣ ಪಟ್ಟಣದ ಆರ್ಥಿಕ ಚಕ್ರಕ್ಕೆ ಹೊಸ ಚೈತನ್ಯ ತುಂಬುತ್ತಿದೆ.

ಧಾರ್ಮಿಕ ಆಚರಣೆ ಮತ್ತು ಸ್ಥಳೀಯ ವ್ಯಾಪಾರ ಇವೆರಡೂ ಕೈ ಕೈ ಜೋಡಿಸಿದಾಗ ಸಮಾಜದಲ್ಲಿ ಸಮಗ್ರ ಚೈತನ್ಯ ಮೂಡುತ್ತದೆ ಎಂಬುದನ್ನು ಶ್ರೀನಿವಾಸಪುರದ ಈ ಸಮೋಸ ಕರವಾರ್ ಸ್ಪಷ್ಟವಾಗಿ ತೋರಿಸಿದೆ.

ತಾಲೂಕು ಆಡಳಿತ ಗ್ರಾಮ ಕಡೆ ಕಾರ್ಯಕ್ರಮಕ್ಕೆ ಚಾಲನೆ : ಅರ್ಹರಿಗೆ ಸವಲತ್ತು ತಲುಪಿಸುವುದು ನನ್ನ ಗುರಿ – ಶಾಸಕ ಜಿ.ಕೆ. ವೆಂಕಟಶಿವಾರೆಡ್ಡಿ

ಶ್ರೀನಿವಾಸಪುರ : ಬಡಬಗ್ಗರ ಪರ ಕಾಳಜಿ ಹೊಂದಿರುವ ನಾನು, ಸರ್ಕಾರದಿಂದ ಸಿಗುವ ಎಲ್ಲಾ ಸವಲತ್ತುಗಳು ಅರ್ಹರಿಗೆ ತಲುಪುವಂತೆ ನಿರಂತರವಾಗಿ ಪ್ರಯತ್ನಿಸುತ್ತಿದ್ದೇನೆ ಎಂದು ಶಾಸಕ ಜಿ.ಕೆ. ವೆಂಕಟಶಿವಾರೆಡ್ಡಿ ಹೇಳಿದರು.

ತಾಲೂಕಿನ ಅಡ್ಡಗಲ್ ಗ್ರಾಮದ ಪ್ರೌಢಶಾಲಾ ಆವರಣದಲ್ಲಿ ಸೋಮವಾರ ನಡೆದ ತಾಲೂಕು ಆಡಳಿತ ಗ್ರಾಮ ಕಡೆ ಕಾರ್ಯಕ್ರಮವನ್ನು ಉದ್ಘಾಟಿಸಿ ಮಾತನಾಡಿದ ಅವರು, ಐದು ಬಾರಿ ಶಾಸಕನನ್ನಾಗಿ ಮಾಡಿದ ಮತದಾರರ ಋಣ ತೀರಿಸಿಕೊಳ್ಳಲು ಹಗಲಿರುಳು ಶ್ರಮಿಸುತ್ತಿದ್ದೇನೆ ಎಂದರು.

ರಾಯಲ್ಪಾಡು ಗ್ರಾಮಕ್ಕೆ ಸಂಬಂಧಿಸಿದ 30 ಎಕರೆ ಜಮೀನನ್ನು ಒತ್ತುವಾರಿದಾರರಿಂದ ವಶಪಡಿಸಿಕೊಂಡು ಅಲ್ಲಿ ಟೌನ್‌ಶಿಪ್ ನಿರ್ಮಿಸಲು ಅಧಿಕಾರಿಗಳಿಗೆ ಸೂಚಿಸಿರುವುದಾಗಿ ತಿಳಿಸಿದರು. ಸುಮಾರು 500ರಿಂದ 1,000 ನಿವೇಶನಗಳನ್ನು ರೂಪಿಸುವ ಯೋಜನೆ ಇದ್ದು, ನಿವೇಶನರಹಿತರನ್ನು ಗುರುತಿಸಿ ಒಂದು ತಿಂಗಳೊಳಗೆ ಅವರಿಗೆ ನಿವೇಶನ ನೀಡುವಂತೆ ನಿರ್ದೇಶನ ನೀಡಲಾಗಿದೆ ಎಂದರು.

ರಾಯಲ್ಪಾಡು ಗ್ರಾಮದ ಬ್ರಾಹ್ಮಣ ಮತ್ತು ಆರೈವ್ಯಶ್ಯ ಸಮುದಾಯದ ಸ್ಮಶಾನ ಅಭಿವೃದ್ಧಿ ಮನವಿಯನ್ನು ಪರಿಶೀಲಿಸಲಾಗುವುದು ಎಂದು ಹೇಳಿದರು. ಕಳೆದ 10 ವರ್ಷಗಳಿಂದ ಎಸ್‌ಸಿ, ಎಸ್‌ಟಿ ಹಾಗೂ ಹಿಂದುಳಿದ ವರ್ಗಗಳಿಗೆ ಕೊಳವೆಬಾವಿ ನೀಡದಿರುವ ಹಿನ್ನೆಲೆಯಲ್ಲಿ ತಮ್ಮ ಅವಧಿಯಲ್ಲಿ 500ರಿಂದ 600 ಕೊಳವೆಬಾವಿಗಳನ್ನು ಕೊರೆಸಲಾಗಿದೆ ಎಂದು ತಿಳಿಸಿದರು.

ಮುದಿಮಡುಗು ಗ್ರಾಮ ಪಂಚಾಯಿತಿ ವ್ಯಾಪ್ತಿಯ ಕೆಲ ಕುಟುಂಬಗಳ ರೇಷನ್ ಕಾರ್ಡ್ ರದ್ದುಗೊಂಡಿರುವ ಕುರಿತು ಬಂದ ದೂರಿನ ಮೇರೆಗೆ ಸಂಬಂಧಪಟ್ಟ ಅಧಿಕಾರಿಗಳನ್ನು ಸಂಪರ್ಕಿಸಿ ತಕ್ಷಣ ಕ್ರಮ ಕೈಗೊಳ್ಳುವಂತೆ ಸೂಚಿಸಲಾಗಿದೆ. ಬಡ ಕುಟುಂಬಗಳಿಗೆ ಅನ್ಯಾಯವಾಗಲು ಬಿಡುವುದಿಲ್ಲ ಎಂದು ಸ್ಪಷ್ಟಪಡಿಸಿದರು.

ಸುಮಾರು ₹20 ಕೋಟಿ ವೆಚ್ಚದಲ್ಲಿ ವಿವಿಧ ಕಾಮಗಾರಿಗಳು ನಡೆಯುತ್ತಿದ್ದು, 5 ಸಾವಿರ ಎಕರೆ ಪ್ರದೇಶದಲ್ಲಿ ಕೈಗಾರಿಕಾ ವಲಯ ಸ್ಥಾಪನೆಗೆ ಕ್ರಮ ಕೈಗೊಳ್ಳಲಾಗಿದೆ. ಇದರಿಂದ ಯುವಕರು, ರೈತರು ಹಾಗೂ ಕಾರ್ಮಿಕರಿಗೆ ಉದ್ಯೋಗಾವಕಾಶ ಸಿಗಲಿದೆ ಎಂದು ಹೇಳಿದರು. ಅಭಿವೃದ್ಧಿಗೆ ಅಡ್ಡಿಪಡಿಸುವವರ ವಿರುದ್ಧ ಹೋರಾಟ ಮುಂದುವರಿಯಲಿದೆ ಎಂದರು.

ಧಾರ್ಮಿಕ ಕೇಂದ್ರಗಳ ಅಭಿವೃದ್ಧಿಗೆ ₹8 ಕೋಟಿ ಅನುದಾನ ನೀಡಲಾಗಿದ್ದು, ರಾಯಲ್ಪಾಡು ಗ್ರಾಮದಲ್ಲಿ ₹65 ಲಕ್ಷ ವೆಚ್ಚದಲ್ಲಿ ರಸ್ತೆ ಕಾಮಗಾರಿಗೆ ಮಂಜೂರು ಮಾಡಲಾಗಿದೆ ಎಂದು ತಿಳಿಸಿದರು. ಅಧಿಕಾರಿಗಳು ಅಭಿವೃದ್ಧಿ ಕಾರ್ಯಗಳಿಗೆ ಸ್ಪಂದಿಸಬೇಕು ಎಂದು ಮನವಿ ಮಾಡಿದರು.

ಇಒ ಕೆ. ಸರ್ವೇಶ್ ಮಾತನಾಡಿ, ಸಾರ್ವಜನಿಕರು ಸಣ್ಣಪುಟ್ಟ ಕೆಲಸಗಳಿಗೆ ಕಚೇರಿಗಳಿಗೆ ಅಲೆದಾಡಬಾರದೆಂಬ ಉದ್ದೇಶದಿಂದ ಕಾರ್ಯಕ್ರಮ ಹಮ್ಮಿಕೊಳ್ಳಲಾಗಿದೆ ಎಂದರು. ಬೇಸಿಗೆ ಹಿನ್ನೆಲೆಯಲ್ಲಿ ಕುಡಿಯುವ ನೀರಿಗೆ ಆದ್ಯತೆ ನೀಡಬೇಕು ಎಂದು ಸೂಚಿಸಿದರು. 420 ನರೇಗಾ ಕಾಮಗಾರಿಗಳು ಪೂರ್ಣಗೊಂಡಿದ್ದು, ಉಳಿದವುಗಳನ್ನು ಮುಂದಿನ ವರ್ಷದಲ್ಲಿ ಪೂರ್ಣಗೊಳಿಸಲಾಗುವುದು ಎಂದರು.

ಕಾರ್ಯಕ್ರಮದಲ್ಲಿ ಮುದಿಮಡುಗು (33), ರಾಯಲ್ಪಾಡು (34), ಯರಂವಾರಿಪಲ್ಲಿ (14), ಅಡ್ಡಗಲ್ (9) ಗ್ರಾಮಗಳಿಂದ ಬಂದ ಒಟ್ಟು ಅರ್ಜಿಗಳನ್ನು ಸ್ವೀಕರಿಸಲಾಯಿತು. ತಹಶೀಲ್ದಾರ್ ಜಿ.ಎನ್. ಸುಧೀಂದ್ರ ಸೇರಿದಂತೆ ವಿವಿಧ ಇಲಾಖೆಗಳ ಅಧಿಕಾರಿಗಳು ಮತ್ತು ಮುಖಂಡರು ಉಪಸ್ಥಿತರಿದ್ದರು.

ದಿನಾಂಕ 22.2.2026 ರ಼ಂದು ಪಡುಕೋಣೆ ಚರ್ಚ್ಚನಲ್ಲಿ ಕ್ರೆಸ್ತ ಧಾರ್ಮಿಕ ಶಿಕ್ಷಣ ದಿನಾಚರಣೆಯನ್ನು ಬಹಳ ಅದ್ದೂರಿಯಾಗಿ ಆಚರಿಸಲಾಯಿತು.
. ಚರ್ಚನ ಧರ್ಮ ಗುರುಗಳಾದ ವಂದನೀಯ ಫಾ!ಪ್ರಾನ್ಸಿಸ್ ಕರ್ನೆಲಿಯೊ ಮತ್ತು ಡೊನ್ ಬೊಸ್ಕೊ ಸಂಸ್ಥೆಯ ಆಡಳಿತಾಧಿಕಾರಿಯವರಾದ ವಂದನೀಯ ಫಾ! ಅರ್ನೊಲ್ಡ್ ಮಥಾಯಸ್, ದೇವ ಪೀಠದಮಕ್ಕಳು, ಕ್ರೖಸ್ತ ಶಿಕ್ಷಣದ ಮಕ್ಕಳು, ಶಿಕ್ಷಕರು ಹಾಗೂ ಸುಮಾರು 400 ಮಂದಿ ಭಕ್ತರ ಜೊತೆ ಗೂಡಿ ಪವಿತ್ರ್ ಬಲಿ ಪೂಜೆಯನ್ನು ಅರ್ಪಿಸಿದರು,ಫಾ!ಅರ್ನೊಲ್ಡ್ ರವರು ಬಲಿಪೂಜೆಯ ತಮ್ಮ ಸಂದೇಶ ದಲ್ಲಿ ನಾವು ಒಳ್ಳೆ ಯದನ್ನು ಮಾಡುವಾಗ, ಹಾಗೆಯೇ ಪ್ರಾರ್ಥನೆ ಮಾಡುವಾಗ ನಮಗೆ ನೂರಾರು ಅಡಚಣೆಗಳು, ಪಿಶಾಚಿಯ ಉಪದ್ರಗಳು ಬರುತ್ತವೆ. ಅದನ್ನೆಲ್ಲಾ ಜಯಿಸುವ ಶಕ್ತಿಯನ್ನು ನಾವು ದೇವರ ಮುಖಾಂತರ ಪ್ರಾರ್ಥಸಿ, ಪಡೆದುಕೊಳ್ಳಬೇಕು.ಅದುವೇ ನಮ್ಮ ಈ ಜೀವನದ ಜಯಿಸುವ ಗುರಿ ಎಂದು ಉತ್ತಮ ಸಂದೇಶ ವಿತ್ತರು.
ನಂತರ ನಡೆದ ಸಭಾಕಾರ್ಯಕ್ರಮದಲ್ಲಿ ಪ್ರತಿ ಕ್ರೖಸ್ತ ಶಿಕ್ಷಣದ ತರಗತಿಯ ಮಕ್ಕಳು ವಿವಿಧ ವಿನೋದಾವಳಿಗಳನ್ನು ಪ್ರದರ್ಶಿಸಿದರು. ಪ್ರತಿ ಭಾನುವಾರ ಧಾರ್ಮಿಕ ಶಿಕ್ಷಣಕ್ಕೆ ಹಾಜರಾದ ಮಕ್ಕಳಿಗೆ ಪ್ರಥಮ, ದ್ವಿತೀಯ, ಸ್ಥಾನ ಪಡೆದ ಮಕ್ಕಳಿಗೆ, ಬೋಧಿಸುತ್ತಿರವ ಶಿಕ್ಷಕರಿಗೆ ಹಾಗೂ ಇತರ ರೀತಿಯಲ್ಲಿ ಸಹಕರಿಸಿದ ಮುಖ್ಯಸ್ಥರಿಗೆ ಧರ್ಮ ಗುರುಗಳಾದ ವಂದನೀಯ ಫಾ!ಪ್ರಾನ್ಸಿಸ್ ಕರ್ನೆಲಿಯೊರವರು ಬಹುಮಾನ ನೀಡಿ ಸರ್ವರಿಗೂ ಪ್ರಶಂಸಿದರು. ಮುಖ್ಯ ಅತಿಥಿಗಳಾದ ವಂದನೀಯ ಫಾ! ಅರ್ನೊಲ್ಡ್ ಮಥಾಯಸ್ ಮಕ್ಕಳಿಗೆ ತಮ್ಮ ಸಂದೇಶದಲ್ಲಿ ಧಾರ್ಮಿಕ ಶಿಕ್ಷಣದ ಮಹತ್ವದ ಬಗ್ಗೆ, ಗುಣನಡತೆ, ಉತ್ತಮ ಮೌಲ್ಯಗಳನ್ನು ಜೀವನದಲ್ಲಿ ಅಳವಡಿಸಿ ಪಾಲಿಸಲು ಸಲಹೆ ನೀಡಿ ‌ಸರ್ವರನ್ನು ಅಭಿನಂದಿಸಿದರು. ಪಾಲನಾಮಂಡಳಿಯ ಉಪಾಧ್ಯಕ್ಷರಾದ ಶ್ರೀ ಮಾನ್ ಜೋಸೆಫ್ ಡಿ’ಸಿಲ್ವರವರು ತಮ್ಮ ಮಕ್ಕಳ ಚಟುವಟಿಕೆ ಗಳನ್ನು ಪ್ರಶಂಸಿಸುತ್ತಾ ಧಾರ್ಮಿಕ ಶಿಕ್ಷಣ ಮಕ್ಕಳಿಗೆ ಮಾತ್ರ್ ವಲ್ಲಾ ಹಿರಿಯರು ಮಕ್ಕಳಾ ಜೊತೆಯಲ್ಲಿ ತಾವು ಈ ಶಿಕ್ಷಣದ ಬಗ್ಗೆ ಮುತುವರ್ಜಿ ವಹಿಸಿದರೇ ಉತ್ತಮ ಎಂದು ಕಿವಿ ಮಾತು ಹೇಳುತ್ತಾ ಸರ್ವರಿಗೂ ಶುಭಾಶಯ ಕೋರಿದರು. ಸಿ!ಲೂಸಿ, ಕಾರ್ಯದರ್ಶಿ ಶ್ರೀಮತಿ ಸಿಂತಿಯಾ ವಾಸ್, ಚರ್ಚಿನ ಅಯೋಗದ ಅಧ್ಯಕ್ಷೆ ಶ್ರೀಮತಿ ಟ್ರಿಜಾ ಸಿಕ್ವೇರಾ, ಕ್ರೖಸ್ತ ಶಿಕ್ಷಣದ ಸಂಯೋಜಕಿ ಶ್ರೀಮತಿ ಶಾಂತಿ ಡಿ’ಸಿಲ್ವಾ, ವೇದಿಕೆಯಲ್ಲಿ ಉಪಸ್ಥಿತರಿದ್ದರು. ಕ್ರೖಸ್ತಾ ಶಿಕ್ಷಣದ ಕಾರ್ಯದರ್ಶಿ ಶ್ರೀಮತಿ ಜೆನೆಟ್ ಪಿರೇರಾವರು ವಾರ್ಷಿಕ ವರದಿಯನ್ನು ಮಂಡಿಸಿದರು. ಕುಮಾರಿ ಜೆಸ್ಸಿಕಾ ಮತ್ತು ಶೖನಿಶ್ ಡಿ’ ಆಲ್ಮೇಡಾ ಕಾರ್ಯಕ್ರಮವನ್ನು ನಿರೂಪಣೆ ಮಾಡಿದರು. ಕುಮಾರಿ ವೆಲೋರಾ ರೆಬೆಲ್ಲೊ ಸರ್ವರನ್ನು ಸ್ವಾಗತಿಸಿದರು. ಕು!ವೆನೋರಾ ಲುವಿಸ್ ಧನ್ಯವಾದ ಗೖದರು. ಈಗೇ ಲಘು ಉಪಹಾರ ದೊಂದಿಗೆ ಕಾರ್ಯಕ್ರಮ ಬಹಳ ವಿಜೃಂಭಣೆ ಯಿಂದ ಮುಕ್ತಾಯವಾಯಿತು .

The Annual Catechism Day was celebrated with great devotion, enthusiasm and joy at Mount Rosary Church

Reported by Archibald Furtado Photographs arranged by Praveen Cutinho

ಮೌಂಟ್ ರೋಸರಿ ಚರ್ಚ್‌ನಲ್ಲಿ ವಾರ್ಷಿಕ ಧಾರ್ಮಿಕ ಶಿಕ್ಷಣ ದಿನಾಚರಣೆಯನ್ನು ಭಕ್ತಿ, ಉತ್ಸಾಹ ಮತ್ತು ಸಂತೋಷದಿಂದ ಆಚರಿಸಲಾಯಿತು, ಪ್ರಾಥಮಿಕ ಮತ್ತು ಪ್ರೌಢಶಾಲಾ ವಿಭಾಗಗಳ ಕ್ಯಾಟೆಕಿಸಂ ಮಕ್ಕಳನ್ನು ನಂಬಿಕೆ ಮತ್ತು ಸಹಭಾಗಿತ್ವದ ರೋಮಾಂಚಕ ಅಭಿವ್ಯಕ್ತಿಯಲ್ಲಿ ಒಟ್ಟುಗೂಡಿಸಲಾಯಿತು.

ಬೆಳಿಗ್ಗೆ 8.00 ಗಂಟೆಗೆ ಪವಿತ್ರ ಯೂಕರಿಸ್ಟ್‌ನೊಂದಿಗೆ ಆಚರಣೆ ಪ್ರಾರಂಭವಾಯಿತು, ಮಕ್ಕಳು ದಿನದ ಪ್ರಾರ್ಥನೆಯನ್ನು ಪ್ರಾರ್ಥನಾಪೂರ್ವಕ ಮತ್ತು ಅರ್ಥಪೂರ್ಣ ರೀತಿಯಲ್ಲಿ ಸಕ್ರಿಯವಾಗಿ ಮುನ್ನಡೆಸಿದರು.

ಪವಿತ್ರ ಬಲಿದಾನವನ್ನು ವಿಕಾರ್ ಮತ್ತು ಪ್ಯಾರಿಷ್ ಪಾದರ್ ರೆವರೆಂಡ್ ಡಾ. ರೋಕ್ ಡಿಸೋಜಾ ಅವರು ಆಚರಿಸಿದರು, ಅವರು ಸ್ಫೂರ್ತಿದಾಯಕ ಮತ್ತು ಒಳನೋಟವುಳ್ಳ ಧರ್ಮೋಪದೇಶವನ್ನು ನೀಡಿದರು, ಯುವ ಮನಸ್ಸುಗಳು ಕ್ರಿಸ್ತನಿಗೆ ನಂಬಿಕೆ, ಮೌಲ್ಯಗಳು ಮತ್ತು ಬದ್ಧತೆಯಲ್ಲಿ ಬೆಳೆಯಲು ಪ್ರೋತ್ಸಾಹಿಸಿದರು.

ಪವಿತ್ರ ಬಲಿದಾನಕ್ಕೆ ಮುಂಚಿತವಾಗಿ, ಮಕ್ಕಳು ಶಿಲುಬೆಯ ನಿಲ್ದಾಣಗಳಲ್ಲಿ ಭಕ್ತಿಯಿಂದ ಭಾಗವಹಿಸಿದರು, ಆಚರಣೆಗೆ ತಮ್ಮ ಹೃದಯಗಳನ್ನು ಆಧ್ಯಾತ್ಮಿಕವಾಗಿ ಸಿದ್ಧಪಡಿಸಿದರು. ಅರ್ಪಣೆ ಮೆರವಣಿಗೆಯ ಸಮಯದಲ್ಲಿ, ಅವರು ದೇವರ ಮೇಲಿನ ತಮ್ಮ ಕೃತಜ್ಞತೆ ಮತ್ತು ಪ್ರೀತಿಯನ್ನು ಪ್ರತಿಬಿಂಬಿಸುವ ವರ್ಣರಂಜಿತ ಮತ್ತು ಸುಸಂಘಟಿತ ಮೆರವಣಿಗೆಯಲ್ಲಿ ಸಾಂಕೇತಿಕ ಉಡುಗೊರೆಗಳನ್ನು ಭಕ್ತಿಯಿಂದ ತಂದರು.

ಬಲಿಪೂಜೆಯ ಕೊನೆಯಲ್ಲಿ, ಪ್ಯಾರಿಷ್ ಧರ್ಮಗುರುಗಳು, ಸಂಚಾಲಕಿ ಶ್ರೀಮತಿ ಲವಿನಾ ಡಿ’ಸೋಜಾ ಮತ್ತು ಎಲ್ಲಾ ಧಾರ್ಮಿಕ ಶಿಕ್ಷಣ ಶಿಕ್ಷಕರಿಗೆ ವರ್ಷವಿಡೀ ಅವರ ಸಮರ್ಪಣೆ, ತ್ಯಾಗ ಮತ್ತು ಅವಿಶ್ರಾಂತ ಪ್ರಯತ್ನಗಳಿಗಾಗಿ ಹೃತ್ಪೂರ್ವಕ ಕೃತಜ್ಞತೆಯನ್ನು ವ್ಯಕ್ತಪಡಿಸಿದರು. ಪೋಷಕರ ನಿರಂತರ ಬೆಂಬಲ ಮತ್ತು ಪ್ರೋತ್ಸಾಹಕ್ಕಾಗಿ ಅವರು ಧನ್ಯವಾದಗಳನ್ನು ಅರ್ಪಿಸಿದರು ಮತ್ತು ಧಾರ್ಮಿಕ ಶಿಕ್ಷಣ ಚಟುವಟಿಕೆಗಳಲ್ಲಿ ಮಕ್ಕಳ ಸಕ್ರಿಯ ಭಾಗವಹಿಸುವಿಕೆ ಮತ್ತು ಉತ್ಸಾಹಕ್ಕಾಗಿ ಅವರನ್ನು ಅಭಿನಂದಿಸಿದರು.

ಬೆಳಿಗ್ಗೆ 9.30 ಕ್ಕೆ ಮಿಲೇನಿಯಂ ಸಭಾಂಗಣದಲ್ಲಿ ಉತ್ಸಾಹಭರಿತ ವೇದಿಕೆ ಕಾರ್ಯಕ್ರಮವು ಮಕ್ಕಳು ತಮ್ಮ ಪ್ರತಿಭೆಯನ್ನು ಪ್ರದರ್ಶಿಸಲು ಮತ್ತು ಧರ್ಮದ ಮೇಲಿನ ಪ್ರೀತಿಯನ್ನು ಗಾಢವಾಗಿಸಲು ವೇದಿಕೆಯನ್ನು ಒದಗಿಸಿತು. ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ಪ್ಯಾರಿಷ್ ಸಹಾಯಕ ಫಾದರ್ ರೋಹನ್ ಮಸ್ಕರೇನ್ಹಸ್ ವಹಿಸಿದ್ದರು. ಶ್ರೀ ಬ್ಯಾಪ್ಟಿಸ್ಟ್ ಡಯಾಸ್ (ಉಪಾಧ್ಯಕ್ಷರು), ಶ್ರೀಮತಿ ಪ್ರಿಯಾ ಫುರ್ಟಾಡೊ (ಕಾರ್ಯದರ್ಶಿ), ಶ್ರೀ ವಲೇರಿಯನ್ ಫೆರ್ನಾಂಡಿಸ್, 20 ಆಯೋಗಗಳ ಸಂಚಾಲಕಿ, ಮೌಂಟ್ ರೋಸರಿ ಇಂಗ್ಲಿಷ್ ಮಾಧ್ಯಮ ಪ್ರೌಢಶಾಲೆಯ ಮುಖ್ಯೋಪಾಧ್ಯಾಯಿನಿ ಸಿಸ್ಟರ್ ಅನ್ಸಿಲ್ಲಾ ರೋಶ್ನಿ ಡಿ’ಮೆಲ್ಲೊ ಅವರು ಅರ್ಹ ವಿದ್ಯಾರ್ಥಿಗಳಿಗೆ ಬಹುಮಾನಗಳನ್ನು ವಿತರಿಸಿದರು.
ಪ್ರೇಕ್ಷಕರು ವೈವಿಧ್ಯಮಯ ಪ್ರದರ್ಶನಗಳಿಂದ ಸಂತೋಷಪಟ್ಟರು – ವಿವಿಧ ಸಂತರ ವೇಷಭೂಷಣಗಳನ್ನು ಧರಿಸಿದ ಮಕ್ಕಳು, ನೈತಿಕ ಮತ್ತು ಬೈಬಲ್ ಸಂದೇಶಗಳನ್ನು ತಿಳಿಸುವ ಅರ್ಥಪೂರ್ಣ ಕಿರುನಾಟಕಗಳು ಮತ್ತು ನಂಬಿಕೆ ಮತ್ತು ಭಕ್ತಿಯನ್ನು ವ್ಯಕ್ತಪಡಿಸುವ ಆಕರ್ಷಕ ನೃತ್ಯಗಳು. ಮಕ್ಕಳನ್ನು ಪರಿಪೂರ್ಣತೆಗೆ ತರಬೇತಿ ನೀಡಿದ್ದಕ್ಕಾಗಿ ಕ್ಯಾಟೆಕಿಸಂ ಶಿಕ್ಷಕರು ವಿಶೇಷ ಪ್ರಶಂಸೆಗೆ ಅರ್ಹರು. ಈ ಯುವ ಮತ್ತು ಉತ್ಸಾಹಭರಿತ ಭಾಗವಹಿಸುವವರ ಪ್ರಭಾವಶಾಲಿ ಪ್ರದರ್ಶನಗಳನ್ನು ಪೋಷಕರು ಮತ್ತು ಪ್ಯಾರಿಷಿಯನ್ನರು ಪೂರ್ಣ ಹೃದಯದಿಂದ ಶ್ಲಾಘಿಸಿದರು.
ಪ್ಯಾರಿಷ್ ಸಮುದಾಯವು ಅನುಗ್ರಹದಿಂದ ತುಂಬಿದ ಮತ್ತು ಯಶಸ್ವಿ ಧಾರ್ಮಿಕ ಶಿಕ್ಷಣ ದಿನಕ್ಕಾಗಿ ಸರ್ವಶಕ್ತ ಭಗವಂತನಿಗೆ ಧನ್ಯವಾದ ಅರ್ಪಿಸುತ್ತಿದ್ದಂತೆ, ಸಂತೋಷದಾಯಕ ಆಚರಣೆಯು ಎಲ್ಲರಿಗೂ ಐಸ್ ಕ್ರೀಮ್ ಮತ್ತು ಉಪಹಾರಗಳೊಂದಿಗೆ ಸಿಹಿ ಟಿಪ್ಪಣಿಯೊಂದಿಗೆ ಮುಕ್ತಾಯವಾಯಿತು.
ವಾಸ್ತವವಾಗಿ, ಇದು ನಂಬಿಕೆಯನ್ನು ಬಲಪಡಿಸಿದ, ಪ್ರತಿಭೆಗಳನ್ನು ಪೋಷಿಸಿದ ಮತ್ತು ಪ್ಯಾರಿಷ್ ಕುಟುಂಬದೊಳಗೆ ಏಕತೆಯನ್ನು ಬೆಳೆಸಿದ ದಿನವಾಗಿತ್ತು

The Annual Catechism Day was celebrated with great devotion, enthusiasm and joy at Mount Rosary Church

The Annual Catechism Day was celebrated with great devotion, enthusiasm and joy at Mount Rosary Church, bringing together the catechism children of both Primary and High School sections in a vibrant expression of faith and fellowship.

The celebration began with the Holy Eucharist at 8.00 am, with the children actively leading the liturgy of the day in a prayerful and meaningful manner.

The Holy Mass was celebrated by the Vicar and Parish Priest, Rev Dr Roque DSouza, who delivered an inspiring and insightful homily, encouraging the young minds to grow in faith, values and commitment to Christ.

Prior to the Holy Mass, the children devoutly participated in the Stations of the Cross, preparing their hearts spiritually for the celebration. During the offertory procession, they reverently brought symbolic gifts in a colourful and well-organised procession, reflecting their gratitude and love for God.

At the conclusion of the Mass, the Parish Priest expressed heartfelt appreciation to the Convenor Mrs Lavina D’Souza and all catechism teachers for their dedication, sacrifice and tireless efforts throughout the year. He also thanked the parents for their constant support and encouragement, and congratulated the children for their active participation and enthusiasm in catechetical activities.

A lively stage programme followed, at 9.30 am, in the Millennium Auditorium, providing a platform for the children to showcase their talents and deepen their love for religion. The programme was presided over by Assistant Parish Priest Rev Fr Rohan Mascarenhas. Mr Baptist Dias (Vice President), Mrs Priya Furtado (Secretary), Mr Valerian Fernandes (Convenor of the 20 Pastoral Commissions), along with Sr Ancilla Roshni D’Mello, Headmistress of Mount Rosary English Medium High School, distributed prizes to the deserving students.
The audience was delighted by a variety of performances — children dressed in the attire of different Saints, meaningful skits conveying moral and Biblical messages, and graceful dances expressing faith and devotion. The catechism teachers deserve special commendation for training the children to near perfection. Parents and parishioners wholeheartedly applauded the impressive performances of these young and vibrant participants.
The joyous celebration concluded on a sweet note with ice cream and refreshments for all, as the parish community thanked the Almighty Lord for a grace-filled and successful Catechism Day.
Indeed, it was a day that strengthened faith, nurtured talents and fostered unity within the parish family.

ಕೋಟ ಸಂತ ಜೋಸೆಫರ ಇಗರ್ಜಿಯಲ್ಲಿ ಕೈಸ್ತ ಧಾರ್ಮಿಕ ಶಿಕ್ಶಣ್(Catechism) ದಿನವನ್ನು ಫೆಬ್ರವರಿ 22 ಭಾನುವಾರದಂದು ಆಚರಿಸಲಾಯಿತು. ಚರ್ಚಿನ ಧರ್ಮಗುರುಗಳಾದ ವಂದನೀಯ ಸ್ಟ್ಯಾನಿ ತಾವ್ರೊ ಅವರು ಪವಿತ್ರ ಬಲಿಪೂಜೆಯನ್ನು ನೆರವೇರಿಸಿದರು. ನಂತರ ನಡೆದ ಸಭಾಕಾರ್ಯಕ್ರಮದಲ್ಲಿ ಕ್ರಿಸ್ತ ಶಿಕ್ಶಣ ಪರೀಕ್ಶೆಯಲ್ಲಿ ಉತೀರ್ಣರಾದ ಮಕ್ಕಳಿಗೆ ಬಹುಮಾನಗಳನ್ನು ವಿತರಿಸಲಾಯಿತು.