Author: Jananudi News Network

ಕುಂದಾಪುರ, ಜೂನ್ 13: ಕೆರೆಕಟ್ಟೆಯಲ್ಲಿ ಜೂನ್ 13, 2026 ರಂದು ಸಂತ ಅಂತೋನಿಯ ವಾರ್ಷಿಕ ಮಹತ್ಸೋವ ಹಾಗೂ ಬಹು ಅಕಾಂಕ್ಷೆಯ ಅನಾಥಶ್ರಮ ಉದ್ಘಾಟನೆ  ಕಾರ್ಯಕ್ರಮ ನಡೆಯಿತು. ಜಿಲ್ಲೆ ಮತ್ತು ರಾಜ್ಯಾದ್ಯಂತ  ಆಗಮಿಸಿದ ಭಕ್ತರ ದೊಡ್ಡ ಸಭೆಯ ನಡುವೆ ಪದುವ ಸಂತ ಅಂತೋನಿಯ ನಾಮಾಂಕಿತ ಹಬ್ಬವನ್ನು ಅತ್ಯಂತ ಭಕ್ತಿ ಮತ್ತು ಶ್ರದ್ಧೆಯಿಂದ ಆಚರಿಸಲಾಯಿತು.

 ಈ ಸಂದರ್ಭದಲ್ಲಿ ಉಡುಪಿ ಧರ್ಮಪ್ರಾಂತ್ಯದ ಬಿಷಪ್ ಅ।ವಂ। ಧರ್ಮಪ್ರಾಂತ್ಯದ ಧರ್ಮಾಧ್ಯಕ್ಷರಾದ ಅತಿ ವಂ|ಡಾ|ಲೆಸ್ಲಿ ಕ್ಲಿಫರ್ಡ್ ಡಿಸೋಜಾ  “ದೇವರನ್ನು ನಾವು ಮೊದಲು ಪ್ರೀತಿಸಿದ್ದಲ್ಲ, ದೇವರೆ ನಮ್ಮನ್ನು ಪ್ರೀತಿಸಿದ್ದು, ಅವರ ಪ್ರೀತಿಗೆ ಎಲ್ಲೆ ಇಲ್ಲ, ಅವರು ನಮ್ಮನ್ನು ಎಷ್ಟು ಪ್ರೀತಿಸುತ್ತಾರೆಂದರೆ, ಅವರ ಒಬ್ಬರೆ ಒಬ್ಬ ಪುತ್ರನನ್ನು ನಮ್ಮ ಕಳುಹಿಸಿಕೊಟ್ಟು,  ಬಲಿದಾನ ಅರ್ಪಿಸಿ ನಮ್ಮನ್ನು ಮುಕ್ತಿ ಮಾರ್ಗ ತೋರಿಸಿದ, ದೇವರು ನಮ್ಮನ್ನು ಪ್ರೀತಿಸಿದ ಹಾಗೆ, ನಾವು ಕಡು ಬಡವರನ್ನು, ಅನಾಥರನ್ನು, ರೋಗಿಗಳನ್ನು ಪ್ರೀತಿಸಿರಿ,  ಯಾರು ಹಸಿದವರಿದ್ದಾರೆ ಅವರಿಗೆ ಉಣ್ಣಲು ಕೊಡಿ, ಯಾರಿಗೆ ಬಟ್ಟೆ ಇಲ್ಲವೋ ಅವರಿಗೆ ಬಟ್ಟೆ ನೀಡಿ, ಯಾರು ಬಾಯಾರಿದರು ಕುಡಿಯಲು ನೀರು ಕೊಡಿ, ಅದನ್ನೆ ನಮ್ಮ ಸಂತ ಅಂತೋನಿಯರು ಮಾಡಿದ್ದು. ಇಂದು ಅದೇ ಅಕಾಂಕ್ಷೆ ಇಟ್ಟು ಹಲವಾರು ದಾನಿಗಳಿಂದ ಅನಾಥಶ್ರಮ ಸಿದ್ದವಾಗಿದೆ. ಸಂತ ಅಂತೋನಿಯರು ದೇವರನ್ನು ತುಂಬ ಪ್ರೀತಿಸಿದರು, ದೇವರನ್ನು ಪ್ರೀತಿಸಿದರೆ, ದೇವರು ನಮ್ಮನ್ನು ಎಂದು ನಮಗೆ ಕಡೆಕಣಿಸುವುದಿಲ್ಲ’ ಎಂದು ಪವಿತ್ರ ಬಲಿದಾನದ ನೇತ್ರತ್ವನ್ನು ವಹಿಸಿ ಸಂದೇಶ ನೀಡಿದರು.

     ಅನಾಥಶ್ರಮದ ಮಹಾಪೋಷಕರಾದ ಫಿಲಿಪ್ ಡಿಕೋಸ್ತಾ ಬಸ್ರೂರು, ನೂತನ ಆಶ್ರಮವನ್ನು ರಿಬ್ಬನ್ ಕತ್ತರಿಸುವುದರ ಮೂಲಕ ಉದ್ಘಾಟಿಸಿದರು. ಆಶ್ರಮದ ನಿರ್ಮಾಣಕ್ಕೆ ಧನಸಹಾಯ ನೀಡಿದ ದಾನಿಗಳನ್ನು ಮತ್ತು ಮಹೋತ್ಸವಕ್ಕೆ ಸಹಕರಿಸಿದ ದಾನಿಗಳನ್ನು ಗೌರವಿಸಲಾಯಿತು.

ಪುಣ್ಯಕ್ಷೇತ್ರಕ್ಕೆ ಪ್ರಥಮ ಬಾರಿಗೆ ಆಗಮಿಸಿದ ನೂತನ ಧರ್ಮಾಧ್ಯಕ್ಷರನ್ನು,  ಉಡುಪಿ ಧರ್ಮಪ್ರಾಂತ್ಯದ ಶ್ರೇಷ್ಠಗುರು ಮೊನ್ಸಿಂಜ್ಞೊರ್ ಫ್ರಾನ್ಸಿಸ್ ಝೇವಿಯರ್  ಹಾಗೂ ಕ್ಷೇತ್ರದ ರೆಕ್ಟರ್, ವಂ।ಸುನೀಲ್ ವೇಗಸ್ ಆಶ್ರಮದ ಮೇಲ್ವಿಚಾರಣೆಯನ್ನು ನೋಡಿಕೊಳ್ಳುವ ಫ್ರಾನ್ಸಿಸ್ಕನ್ ಸಿಸ್ಟರ್ಸ್ ಆಫ್ ದಿ ಇಮ್ಯಾಕುಲೆಟ್ ಸಂಸ್ಥೆಯ ಧರ್ಮ ಭಗಿನಿಯರ ಮುಖ್ಯಸ್ಥೆ ಮುಖ್ಯಸ್ಥೆ ಸಿ|ಎಲ್ಸಿ ಇವರನ್ನು ಗೌರವಿಸಲಾಯಿತು.

ಉಡುಪಿ ಹಾಗೂ ಮಂಗಳೂರು ಧರ್ಮಪ್ರಾಂತ್ಯದಿಂದ ಆಗಮಿಸಿದ ನೂರಾರು ಧರ್ಮಗುರುಗಳು, ಧರ್ಮಭಗಿನಿಯರು ಸಹಿತ 6000ಕ್ಕೂ ಅಧಿಕ ಭಕ್ತಾದಿಗಳು ಉಪಸ್ಥಿತರಿದ್ದರು.

ಬಲಿದಾನದ ಪ್ರಾರ್ಥನ ವಿಧಿಯನ್ನು ಕುಂದಾಪುರ ಚರ್ಚಿನವರು, ಭಕ್ತಿ ಗಾಯನವನ್ನು ಗಂಗೊಳ್ಳಿ ಚರ್ಚಿನವರು, ಕಾಣಿಕೆ ಸಂಗ್ರಹಣೆಯನ್ನು ಬಸ್ರೂರು ಚರ್ಚಿನವರು ನಡೆಸಿಕೊಟ್ಟರು. ಪುಣ್ಯಕ್ಷೇತ್ರಕ್ಕೆ ದಾನ ನೀಡಿದವರಿಗೆ ಮತ್ತು ಪೋಷಕತ್ವವಹಿಸಿ ಕೊಂಡವರಿಗೆ,ಮೇಣದ ಬತ್ತಿಗಳನ್ನುನೀಡಿ ಗೌರವಿಸಲಾಯಿತು.

ಪುಣ್ಯಕ್ಷೇತ್ರದ ರೆಕ್ಟರ್ ವಂ|ಸುನಿಲ್ ವೇಗಸ್ ಸರ್ವರನ್ನು ವಂದಿಸಿದರು. ವಂ|ರೋಯ್ ಲೋಬೊ ಹಾಗೂ ವಂ|ವಿಲ್ಸನ್ ಡಿಸೋಜಾ ಕಾರ್ಯಕ್ರಮ ನಿರೂಪಿಸಿದರು.

ಧರ್ಮಪ್ರಾಂತ್ಯದಲ್ಲಿ ಜನರ ಆಧ್ಯಾತ್ಮಿಕ ಬೆಳವಣಿಗೆಗೆ ಮೊದಲ ಆದ್ಯತೆಯಾಗಿ ಶಿಕ್ಷಣ ಸಂಸ್ಥೆಗಳಲ್ಲಿ ಮಕ್ಕಳ ಶೈಕ್ಷಣಿಕ ಗುಣಮಟ್ಟ ಹೆಚ್ಚಿಲು ಪ್ರಯತ್ನಿಸುವುದರೊಂದಿಗೆ ಧರ್ಮಪ್ರಾಂತ್ಯದಲ್ಲಿ ಆರೋಗ್ಯ ಕ್ಷೇತ್ರವನ್ನು ಬಲಪಡಿಸುವ ನಿಟ್ಟಿನಲ್ಲಿ ಉತ್ತಮ ಸುಸಜ್ಜಿತ ಆಸ್ಪತ್ರೆ ನಿರ್ಮಾಣದ ಕುರಿತು ಚಿಂತನೆ ನಡೆಸಲಾಗಿದೆ. ಭಕ್ತರ ಹಾಗೂ ಉದಾರ ಮನಸ್ಸಿನ ದಾನಿಗಳು ಇಂತಹ ಉತ್ತಮ ಕಾರ್ಯಕ್ಕೆ ಕೈ ಜೋಡಿಸಿದರೆ ಕನಸು ನನಸಾಗಲು ಹೆಚ್ಚಿನ ಸಮಯ ಬೇಕಾಗಿಲ್ಲ ಎಂದು ಉಡುಪಿ ಧರ್ಮ ಪ್ರಾಂತ್ಯದ ಧರ್ಮಾದ್ಯಕ್ಷರಾದ ಅತಿ ವಂ|ಡಾ|ಲೆಸ್ಲಿ ಕ್ಲಿಫರ್ಡ್ ಡಿಸೋಜಾ ಇದೇ ಸಂದರ್ಭದಲ್ಲಿ ತಿಳಿಸಿದರು.

ಕುಂದಾಪುರ ; ದಿನಾಂಕ : 12.06.2026ರ ಶುಕ್ರವಾರದಂದು ಹೋಲಿ ರೋಸರಿ ಆಂಗ್ಲ ಮಾದ್ಯಮ ಶಾಲೆ ಕುಂದಾಪುರ ಇಲ್ಲಿ ಶಾಲಾ ವಿದ್ಯಾರ್ಥಿ ಸಂಸತ್ತಿನ ಉದ್ಘಾಟನೆ ಸಮಾರಂಭವು ವಿದ್ಯಾರ್ಥಿಗಳ ಪ್ರಾರ್ಥನೆಯೊಂದಿಗೆ ಪ್ರಾರಂಭವಾಯಿತು.

          ಶಾಲಾ ಸಂಚಾಲಕರು ಹಾಗೂ ಸ್ಥಳೀಯ ಚರ್ಚಿನ ಪ್ರಧಾನ ಧರ್ಮಗುರುಗಳೂ ಆಗಿರುವ ಅತೀ ವಂದನೀಯ ಗುರು ಪೌಲ್ ರೇಗೋರವರು ಸಭೆಯ ಅಧ್ಯಕ್ಷತೆಯನ್ನು ವಹಿಸಿದ್ದರು. ಮುಖ್ಯ ಅತಿಥಿಗಳಾಗಿ ಶ್ರೀ ರಾಘವೇಂದ್ರ ಕುಲಾಲ್ ಹೆಮ್ಮಾಡಿ, ಮುಖ್ಯ ಕಾರ್ಯನಿರ್ವಹಣಾಧಿಕಾರಿ, ಪ್ರಗತಿ ಮಹಿಳಾ ವಿವಿದೋದ್ಧೇಶ ಸಹಕಾರಿ ಬ್ಯಾಂಕ್, ಶಾಲಾ ಮುಖ್ಯೋಪಾಧ್ಯಾಯರಾಗಿರುವ ವಂದನೀಯ ಗುರು ರೋಲ್ವಿನ್ ಫೆರ್ನಾಂಡೀಸ್, ಶಾಲಾ ಪ್ರಾಥಮಿಕ ಮತ್ತು ಪ್ರೌಢಶಾಲಾ ಶೈಕ್ಷಣಿಕ ಮಾರ್ಗದರ್ಶಕರಾಗಿರುವ ಶ್ರೀಮತಿ ನೀತಾ ಮೆಂಡೋನ್ಸಾ ಮತ್ತು ಶ್ರೀ. ಲೂವಿಸ್ ಪ್ರಶಾಂತ್ ರೆಬೆರೋ ಹಾಗೂ ವಿದ್ಯಾರ್ಥಿ ಮಂತ್ರಿಮಂಡಲದ ಮಾರ್ಗದರ್ಶಕರಾಗಿರುವ ಸಹ ಶಿಕ್ಷಕಿ ಶ್ರೀಮತಿ ಮಮತಾರವರು ವೇದಿಕೆಯಲ್ಲಿ ಉಪಸ್ಥಿತರಿದ್ದರು.

          ಮುಖ್ಯೋಪಾಧ್ಯಾಯರು, ಮುಖ್ಯ ಅತಿಥಿಗಳು, ಶೈಕ್ಷಣಿಕ ಮಾರ್ಗದರ್ಶಕರು, ಶಾಲಾ ಮಂತ್ರಿಮಂಡಲದ ಮಾರ್ಗದರ್ಶಕರು, ಹೊಸದಾಗಿ ಆಯ್ಕೆಯಾಗಿರುವ ವಿದ್ಯಾರ್ಥಿ ನಾಯಕಿ ಹಾಗೂ ಉಪನಾಯಕರೊಂದಿಗೆ ಶಾಲಾ ಸಂಚಾಲಕರು ಹಾಗೂ ಇಂದಿನ ಈ ಕಾರ್ಯಕ್ರಮದ ಅಧ್ಯಕ್ಷರಾಗಿರುವ ಅತೀ ವಂದನೀಯ ಗುರು ಪೌಲ್ ರೇಗೋರವರು ವೈವಿಧ್ಯಮಯ ರೀತಿಯಲ್ಲಿ ಕಾರ್ಯಕ್ರಮವನ್ನು ಉದ್ಘಾಟಿಸಿದರು.

ಶಾಲಾ ಮುಖ್ಯೋಪಾಧ್ಯಾಯರು, ಶಾಲಾ ಸಂಚಾಲಕರು ಹಾಗೂ ಮುಖ್ಯ ಅತಿಥಿಗಳು ಸಂಸತ್ತಿನ ಎಲ್ಲಾ ಪದಾಧಿಕಾರಿಗಳಿಗೆ ಪದನಾಮ ಪದಕವನ್ನು ತೊಡಿಸಿ ಶಾಲಾ ಸಂಸತ್ತು ಬಹಳ ಸುಂದರವಾಗಿ ಉದ್ಘಾಟನೆಗೊಂಡಿತು. ಶಾಲೆಯ ಶಿಸ್ತು ಸುವ್ಯವಸ್ಥೆಗೆ ವಿದ್ಯಾರ್ಥಿ ಸಂಸತ್ತು ಅತೀ ಅವಶ್ಯಕ. ಒಬ್ಬ ನಿಜವಾದ ನಾಯಕನೆಂದರೆ ದಾರಿಯನ್ನು ತಿಳಿದಿರುವವನು ಹಾಗೂ ಇತರರಿಗೆ ಮಾರ್ಗದರ್ಶಕನಾಗಿ ಮುನ್ನೆಡೆಸುವವನು ಆಗಿರುತ್ತಾನೆ ಎಂಬುವುದಾಗಿ ವಿದ್ಯಾರ್ಥಿ ನಾಯಕ ಹಾಗೂ ಉಪನಾಯಕನಿಗೆ ಕಿವಿ ಮಾತನ್ನು ಹೇಳಿ ಶಾಲಾ ಸಂಚಾಲಕರು ಶುಭ ಹಾರೈಸಿದರು.

ಮುಖ್ಯ ಅತಿಥಿಗಳಾಗಿ ಆಗಮಿಸಿರುವ ಪ್ರಗತಿ ಮಹಿಳಾ ವಿವಿದೋದ್ಧೇಶ ಸಹಕಾರಿ ಬ್ಯಾಂಕ್ ನ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ಶ್ರೀಯುತ ರಾಘವೇಂದ್ರ ಕುಲಾಲ್ ಹೆಮ್ಮಾಡಿರವರು ವಿದ್ಯಾರ್ಥಿಗಳ ಶಿಸ್ತು ಮತ್ತು ಕಾರ್ಯಕ್ರಮವು ಅತ್ಯುತ್ತಮವಾಗಿದೆ. ಇಂದಿನ ಮಕ್ಕಳು ಮುಂದಿನ ದೇಶದ ಪ್ರಜೆಗಳಾಗಿರುವುದರಿಂದ ವಿದ್ಯಾರ್ಥಿ ದೆಸೆಯಲ್ಲಿ ಸಂಸತ್ತಿನ ಜ್ಞಾನ ಇರಬೇಕು, ನಿಮಗೆ ಸಿಕ್ಕಿರುವ ಶಾಲಾ ಸಂಸತ್ತಿನ ಅವಕಾಶವನ್ನು ಸದುಪಯೋಗಪಡಿಸಿಕೊಂಡು ಉತ್ತಮ ನಾಯಕರಾಗಿ ಎಂಬುವುದಾಗಿ ಹೇಳಿ ಶಾಲಾ ಸಂಸತ್ತಿಗೆ ಶುಭ ಹಾರೈಸಿದರು. ಅದರ ಜೊತೆಗೆ ಎಸ್.ಎಸ್.ಎಲ್.ಸಿ. ಯಲ್ಲಿ 95% ಕ್ಕಿಂತ ಅಧಿಕ ಅಂಕ ಪಡೆದ ವಿದ್ಯಾರ್ಥಿಗಳಿಗೆ ರೂ.5000/- ಹಾಗೂ 90% ಕ್ಕಿಂತ ಅಧಿಕ ಅಂಕ ಪಡೆದ ವಿದ್ಯಾರ್ಥಿಗಳಿಗೆ ರೂ.2500/-ವನ್ನು ಬಹುಮಾನ ರೂಪದಲ್ಲಿ ನೀಡುವುದಾಗಿ ಹೇಳಿ ವಿದ್ಯಾರ್ಥಿಗಳಿಗೆ ಪ್ರೋತ್ಸಾಹಿಸಿದರು.

ವಿದ್ಯಾರ್ಥಿಗಳಾದ ಡಿಲನ್ ಮತ್ತು ಸ್ತುತಿ ಕಾರ್ಯಕ್ರಮ ನಿರೂಪಿಸಿದರು. ಹಿಂದಿನ ವರ್ಷದ ವಿದ್ಯಾರ್ಥಿ ಉಪನಾಯಕಿ ಮುಜ್ನಾಮ್ ರವರು ಸ್ವಾಗತಿಸಿದರು. ವಿದ್ಯಾರ್ಥಿ ನಾಯಕಿ ಶಿವದಾ ವಂದಿಸಿದರು. ಶಿಕ್ಷಕಿಯರಾದ ಶ್ರೀಮತಿ ಮಮತಾ ಮತ್ತು ಶ್ರೀಮತಿ ರೆನಿಶಾರವರು ಮಕ್ಕಳಿಗೆ ಮಾರ್ಗದರ್ಶನ ನೀಡಿ ಕಾರ್ಯಕ್ರಮ ಆಯೋಜಿಸಿದರು. ಶಾಲಾ ವಿದ್ಯಾರ್ಥಿಗಳು, ಅಧ್ಯಾಪಕ ವೃಂದದವರು ಉಪಸ್ಥಿತರಿದ್ದರು.

ಮೈಸೂರು, ಜೂನ್ 12: ಸಂತ ಅಂತೋನಿಯ ವಾರ್ಷಿಕ ಹಬ್ಬಕ್ಕೆ ಸಿದ್ಧತೆಯಾಗಿ ನಡೆದ ನೊವೆನಾ ಭಕ್ತಿಯ ಒಂಬತ್ತನೇ ಮತ್ತು ಅಂತಿಮ ದಿನವನ್ನು ಜೂನ್ 12, 2026 ರಂದು ಶುಕ್ರವಾರ, ಜೂನ್ 12 ರಂದು ಮೈಸೂರಿನ ದೋರ್ನಹಳ್ಳಿಯಲ್ಲಿರುವ ಸಂತ ಅಂತೋನಿಯ ಬೆಸಿಲಿಕಾದಲ್ಲಿ ಶ್ರದ್ಧಾಪೂರ್ವಕವಾಗಿ ಆಚರಿಸಲಾಯಿತು.

ಗಂಭೀರವಾದ ಯೂಕರಿಸ್ಟಿಕ್ ಆಚರಣೆಯ ಅಧ್ಯಕ್ಷತೆಯನ್ನು ಬೆಂಗಳೂರಿನ ಸೇಂಟ್ ಪೀಟರ್ಸ್ ಪಾಂಟಿಫಿಕಲ್ ಸೆಮಿನರಿಯ ರೆಕ್ಟರ್ ರೆವರೆಂಡ್ ಫಾದರ್ ರಿಚರ್ಡ್ ಬ್ರಿಟ್ಟೊ ವಹಿಸಿದ್ದರು. ಅವರೊಂದಿಗೆ ಸೇಂಟ್ ಅಂತೋನಿಯ ಬೆಸಿಲಿಕಾದ ರೆಕ್ಟರ್ ರೆವರೆಂಡ್ ಫಾದರ್ ಡೇವಿಡ್ ಸಗಯರಾಜ್ ಮತ್ತು ಬೆಸಿಲಿಕಾದ ಆಡಳಿತಾಧಿಕಾರಿ ರೆವರೆಂಡ್ ಫಾದರ್ ಪ್ರವೀಣ್ ಪೆಡ್ರು ಕೂಡ ಇದ್ದರು.

ಪವಿತ್ರ ಬಲಿದಾನ ಮತ್ತು ಮುಕ್ತಾಯದ ನೊವೆನಾ ಪ್ರಾರ್ಥನೆಗಳಲ್ಲಿ ಭಾಗವಹಿಸಲು ಹೆಚ್ಚಿನ ಸಂಖ್ಯೆಯ ಭಕ್ತರು ಬೆಸಿಲಿಕಾದಲ್ಲಿ ಜಮಾಯಿಸಿದರು. ತಮ್ಮ ಧರ್ಮೋಪದೇಶದಲ್ಲಿ, ರೆವರೆಂಡ್ ಫಾದರ್. ಸಂತ ಅಂತೋನಿಯ ಮಾದರಿಯಿಂದ ಪ್ರೇರಿತರಾಗಿ ನಂಬಿಕೆ, ಭರವಸೆ ಮತ್ತು ಸೇವೆಯ ಜೀವನವನ್ನು ಮುಂದುವರಿಸಲು ರಿಚರ್ಡ್ ಬ್ರಿಟ್ಟೊ ನಿಷ್ಠಾವಂತರನ್ನು ಪ್ರೋತ್ಸಾಹಿಸಿದರು.

ಯೂಕರಿಸ್ಟಿಕ್ ಆಚರಣೆಯ ನಂತರ, ಭಕ್ತರ ಉದ್ದೇಶಗಳಿಗಾಗಿ ಸಂತ ಅಂತೋನಿಯ ಗೌರವಾರ್ಥವಾಗಿ ನೊವೆನಾ ಪ್ರಾರ್ಥನೆಗಳನ್ನು ಸಲ್ಲಿಸಲಾಯಿತು. ವಾರ್ಷಿಕ ಹಬ್ಬಕ್ಕಾಗಿ ಒಂಬತ್ತು ದಿನಗಳ ಆಧ್ಯಾತ್ಮಿಕ ಸಿದ್ಧತೆಯನ್ನು ಯಶಸ್ವಿಯಾಗಿ ಪೂರ್ಣಗೊಳಿಸಿದ ಗುರುತಾಗಿ ಸಂತ ಅಂತೋನಿಯ ಪವಿತ್ರ ಪ್ರತಿಮೆಯ ಮೆರವಣಿಗೆ ಮತ್ತು ಪೂಜ್ಯ ಸಂಸ್ಕಾರದ ಆಶೀರ್ವಾದದೊಂದಿಗೆ ಭಕ್ತಿ ಸಮಾಪ್ತಿಯಾಯಿತು.

ನೊವೆನಾ ಮುಕ್ತಾಯದೊಂದಿಗೆ, ಸಂತ ಅಂತೋನಿಯ ವಾರ್ಷಿಕ ಹಬ್ಬಕ್ಕಾಗಿ ಎಲ್ಲಾ ಸಿದ್ಧತೆಗಳು ಪೂರ್ಣಗೊಂಡಿವೆ. ಜೂನ್ 13 ರಂದು ಹಬ್ಬದ ಆಚರಣೆಗಳಲ್ಲಿ ಭಾಗವಹಿಸುವ ನಿರೀಕ್ಷೆಯಿರುವ ಸಾವಿರಾರು ಯಾತ್ರಿಕರು ಮತ್ತು ಭಕ್ತರನ್ನು ಸ್ವಾಗತಿಸಲು ಬೆಸಿಲಿಕಾ ಈಗ ಸಿದ್ಧವಾಗಿದೆ.

ಹಬ್ಬದ ದಿನದ ಬಲಿಪೂಜೆಗಳು ಬೆಳಿಗ್ಗೆ 5:00 ಗಂಟೆಗೆ ಪ್ರಾರಂಭವಾಗಿ ದಿನವಿಡೀ ಮುಂದುವರಿಯುತ್ತವೆ. ಬೆಳಿಗ್ಗೆ 10:00 ಗಂಟೆಗೆ ಪವಿತ್ರ ಹಬ್ಬದ ಬಲಿಪೂಜೆಯನ್ನು ಮೈಸೂರಿನ ಬಿಷಪ್ ಅತಿ ವಂದನೀಯ ಡಾ. ಫ್ರಾನ್ಸಿಸ್ ಸೆರಾವ್, ಎಸ್.ಜೆ. ಅವರು ಆಚರಿಸಲಿದ್ದಾರೆ.

ವಾರ್ಷಿಕ ಹಬ್ಬದ ಆಚರಣೆಗಳಲ್ಲಿ ಭಾಗವಹಿಸಲು ಮತ್ತು ಆಶೀರ್ವಾದ ಮತ್ತು ಮಧ್ಯಸ್ಥಿಕೆಯನ್ನು ಪಡೆಯಲು ಎಲ್ಲಾ ಭಕ್ತರಿಗೆ ಪಾದ್ರಿಗಳು, ಧಾರ್ಮಿಕ, ಪ್ಯಾರಿಷನರ್‌ಗಳು ಮತ್ತು ಹಬ್ಬದ ಸಮಿತಿಯು ಆತ್ಮೀಯ ಆಹ್ವಾನವನ್ನು ನೀಡಿದೆ.

Ninth and Final Day of Novena Devotion Preceding the Annual Feast of St. Anthony Held at Dornahalli, Mysuru

Mysuru, June 12: The ninth and final day of the Novena devotion in preparation for the grand Annual Feast of St. Anthony was solemnly celebrated on Friday, June 12, 2026, at St. Anthony’s Basilica, Dornahalli, Mysuru.

The solemn Eucharistic celebration was presided over by Rev. Fr. Richard Britto, Rector, St. Peter’s Pontifical Seminary, Bengaluru. He was joined by Rev. Fr. David Sagayaraj, Rector of St. Anthony’s Basilica, and Rev. Fr. Praveen Pedru, Administrator of the Basilica.

A large number of devotees gathered at the Basilica to participate in the Holy Mass and the concluding Novena prayers. In his homily, Rev. Fr. Richard Britto encouraged the faithful to continue living a life of faith, hope, and service, inspired by the example of St. Anthony.

Following the Eucharistic celebration, the Novena prayers were offered in honour of St. Anthony for the intentions of the devotees. The devotion concluded with the Procession of the Holy Statue of St. Anthony and the Benediction of the Blessed Sacrament, marking the successful completion of the nine-day spiritual preparation for the Annual Feast.

With the conclusion of the Novena, all preparations for the Annual Feast of St. Anthony have been completed. The Basilica is now ready to welcome thousands of pilgrims and devotees expected to participate in the feast celebrations on June 13.

The feast-day Masses will commence from 5:00 a.m. and continue throughout the day. The Solemn Festive Mass at 10:00 a.m. will be celebrated by Most Rev. Dr. Francis Serrao, S.J., Bishop of Mysore. 

The clergy, religious, parishioners, and feast committee have extended a warm invitation to all devotees to participate in the Annual Feast celebrations and seek the blessings and intercessions.

ಕುಂದಾಪುರ; ಕಳೆದ 11 ತಿಂಗಳಿಂದ , ಕುಂದಾಪುರ ನಗರ ಯೋಜನಾ ಪ್ರಾಧಿಕಾರದ ಸದಸ್ಯ ಕಾರ್ಯದರ್ಶಿಯಾಗಿ ಕಾರ್ಯನಿರ್ವಹಿಸಿ , ಪದೋನ್ನತಿ ವರ್ಗಾವಣೆಗೊಂಡು , ಹೊಸಕೋಟೆಯ ಯೋಜನಾ ಪ್ರಾಧಿಕಾರದ ಉಪನಿರ್ದೇಶಕರಾಗಿ ನೇಮಕಗೊಂಡ ಶ್ರೀನಿವಾಸರವರ ಬೀಳ್ಕೊಡುಗೆ ಕಾರ್ಯಕ್ರಮ ಪ್ರಾಧಿಕಾರ ಕಚೇರಿಯಲ್ಲಿ ನಡೆಯಿತು.

ಕುಂದಾಪುರ ಮತ್ತು ಬೈಂದೂರು ತಾಲೂಕು ವ್ಯಾಪ್ತಿಯಲ್ಲಿ ಕಾರ್ಯನಿರ್ವಹಿಸುವ ನಗರ ಯೋಜನಾ ಪ್ರಾಧಿಕಾರದ ಕಚೇರಿಯಲ್ಲಿ , ಕಳೆದ ಒಂದು ವರ್ಷದ ಸೇವೆಯಲ್ಲಿ , ಸದಸ್ಯ ಕಾರ್ಯದರ್ಶಿಯಾಗಿ ಶ್ರೀನಿವಾಸ್ ರವರ ಕಾರ್ಯ ವೈಕರಿ , ಜನಮಾನಸದಲ್ಲಿ ಉಳಿಯುವಂತಾಯ್ತು . ಇವರ ದಕ್ಷ , ಸೇವಾ ಮನೋಭಾವನೆಯಿಂದ ಜನರ ಹಕ್ಕು ರಕ್ಷಣೆ ಮಾತ್ರವಲ್ಲದೆ, ಸಮಸ್ಯೆಗಳಿಗೆ ಕಾನೂನಿನ ಚೌಕಟ್ಟಿನಲ್ಲಿ ಪರಿಹಾರ ದೊರಕಲು ಸಹಕಾರಿಯಾಯಿತು. ಜಿಲ್ಲೆಯಲ್ಲಿ ಅತಿ ಕಡಿಮೆ ಬಾಕಿ ಇರುವ ಕಡೆತಗಳ ಕಚೇರಿಯ ಶ್ರೇಯಸ್ಸು ಕುಂದಾಪುರದ್ದಾಗಿದೆ ಎಂದು ನಗರ ಯೋಜನಾ ಪ್ರಾಧಿಕಾರದ ಅಧ್ಯಕ್ಷ ವಿನೋದ್ ಕ್ರಾಸ್ಟೊ ತಿಳಿಸಿದರು.

ಶ್ರೀನಿವಾಸರವರನ್ನು ಶುಭ ಹಾರೈಸಿ , ಪುರಸಭೆ ಮುಖ್ಯ ಅಧಿಕಾರಿ ಆನಂದ್ ಜಿ , ಸ್ಥಳಿಯ ನಾಯಕರುಗಳಾದ ಯಾಸಿನ್ ಹೆಮ್ಮಾಡಿ ,ರೋಷನ್ ಬರೆಟ್ಟೊ , ನಾಗೇಶ್ ಕೆ ಶೇರಿಗಾರ್ , ಹರ್ಷವರ್ಧನ ಇನ್ನಿತರರು ಮಾತನಾಡಿದರು.

ಈ ಸಂದರ್ಭದಲ್ಲಿ ನಗರ ಯೋಜಕರಾದ ಶರತ್ ಕುಮಾರ್ ಪಿ , ಯೋಜನಾ ಪ್ರಾಧಿಕಾರ ಸದಸ್ಯರಾದ ಚಂದ್ರಶೇಖರ್ ಶೆಟ್ಟಿ , ಅಲ್ಫಾಜ್ , ಪುರಸಭೆ ನಾಮನಿರ್ದೇಶಿತ ಸದಸ್ಯರಾದ ಅಶೋಕ್ ಸುವರ್ಣ , ಸದಾನಂದ ಖಾರ್ವಿ ಇನ್ನಿತರರು ಉಪಸ್ಥಿತರಿದ್ದರು.

ಇಂಜಿನಿಯರ್ಸ್ ಅಸೋಸಿಯೇಷನ್ ನ ಕಾರ್ಯದರ್ಶಿಯಾದ ರವೀಂದ್ರ ಕೆ ರವರು ಸ್ವಾಗತಿಸಿ , ಕಾರ್ಯಕ್ರಮವನ್ನು ನಿರ್ವಹಿಸಿ ,ಯೋಜನಾ ಪ್ರಾಧಿಕಾರ ಸದಸ್ಯರಾದ ಚಂದ್ರ ಅಮೀನ್ ವಂದಿಸಿದರು.

ಮಸ್ಕಟ್/ನವದೆಹಲಿ : ಈ ವಾರದ ಆರಂಭದಲ್ಲಿ ಓಮನ್ ಕರಾವಳಿಯಲ್ಲಿ ಅಮೆರಿಕದ ಪಡೆಗಳು ಹಡಗಿನ ಮೇಲೆ ದಾಳಿ ಮಾಡಿದ ನಂತರ ಕಾಣೆಯಾಗಿದ್ದ ಮೂವರು ಭಾರತೀಯ ನಾವಿಕರು ಸಾವನ್ನಪ್ಪಿದ್ದಾರೆ ಎಂದು ಹಡಗು ಸಚಿವ ಸರ್ಬಾನಂದ ಸೋನೋವಾಲ್ ಹೇಳಿದ್ದಾರೆ. ಇದನ್ನು “ದುರಂತ” ನಷ್ಟ ಎಂದು ಕರೆದ ಸಚಿವರು, ಕಾಣೆಯಾದ ಮೂವರು ನಾವಿಕರ ಶವಗಳನ್ನು ವಶಪಡಿಸಿಕೊಳ್ಳಲಾಗಿದೆ ಎಂದು ಹೇಳಿದರು. ಓಮನ್ಕರಾವಳಿ ಸಮೀಪ ಸಂಚರಿಸುತ್ತಿದ್ದ ‘ಎಂಟಿ ಸೆಟ್ಟೆಬೆಲ್ಲೊ’ ತೈಲ ಟ್ಯಾಂಕರ್ ಹಡಗಿನ ಮೇಲೆ ನಡೆದ ಕ್ಷಿಪಣಿ ದಾಳಿಯ ಬಳಿಕ ನಾಪತ್ತೆಯಾಗಿದ್ದ ಮೂವರು ಭಾರತೀಯ ನಾವಿಕರು ಮೃತಪಟ್ಟಿರುವುದು ದೃಢಪಟ್ಟಿದೆ. ಕೇಂದ್ರ ಬಂದರು, ಹಡಗು ಮತ್ತು ಜಲಮಾರ್ಗಗಳ ಸಚಿವ ಸರ್ಬಾನಂದ್ ಸೋನೋವಾಲ್ ಈ ಮಾಹಿತಿಯನ್ನು ಅಧಿಕೃತವಾಗಿ ಖಚಿತಪಡಿಸಿದ್ದಾರೆ.

ಒಟ್ಟು 24 ಭಾರತೀಯ ಸಿಬ್ಬಂದಿಯನ್ನು ಹೊಂದಿದ್ದ ವಾಣಿಜ್ಯ ಹಡಗು ಗಲ್ಫ್ ಆಫ್ ಓಮನ್ ಮಾರ್ಗವಾಗಿ ಸಂಚರಿಸುತ್ತಿದ್ದ ವೇಳೆ ದಾಳಿ ನಡೆದಿದ್ದು, ಹಡಗಿನ ಇಂಜಿನ್ ಕೊಠಡಿಯಲ್ಲಿ ಭಾರಿ ಬೆಂಕಿ ಕಾಣಿಸಿಕೊಂಡಿತ್ತು. ತಕ್ಷಣ ಕಾರ್ಯಪ್ರವೃತ್ತರಾದ ಓಮನ್ ರಕ್ಷಣಾ ಪಡೆಗಳು ಮತ್ತು ಅಧಿಕಾರಿಗಳು 21 ಭಾರತೀಯ ಸಿಬ್ಬಂದಿಯನ್ನು ಸುರಕ್ಷಿತವಾಗಿ ರಕ್ಷಿಸುವಲ್ಲಿ ಯಶಸ್ವಿಯಾಗಿದ್ದರು.

ಆದರೆ ಮೂವರು ಭಾರತೀಯ ನಾವಿಕರು ನಾಪತ್ತೆಯಾಗಿದ್ದು, ಬಳಿಕ ನಡೆದ ತೀವ್ರ ಶೋಧ ಕಾರ್ಯಾಚರಣೆಯ ನಂತರ ಅವರು ಮೃತಪಟ್ಟಿರುವುದು ದೃಢಪಟ್ಟಿದೆ. ಮೃತರು ಉತ್ತರ ಪ್ರದೇಶ ಹಾಗೂ ಹಿಮಾಚಲ ಪ್ರದೇಶ ಸೇರಿದಂತೆ ವಿವಿಧ ರಾಜ್ಯಗಳ ನಿವಾಸಿಗಳಾಗಿದ್ದಾರೆ ಎಂದು ತಿಳಿದುಬಂದಿದೆ.

ಘಟನೆಯ ಹಿನ್ನೆಲೆಯಲ್ಲಿ ಭಾರತ ಸರ್ಕಾರ ತೀವ್ರ ಆಕ್ರೋಶ ವ್ಯಕ್ತಪಡಿಸಿದ್ದು, ಅಮೆರಿಕ ರಾಯಭಾರ ಕಚೇರಿಯ ಉಪ ಮುಖ್ಯಸ್ಥರಿಗೆ ಸಮನ್ಸ್ ಜಾರಿ ಮಾಡಿ ತನ್ನ ಪ್ರತಿಭಟನೆಯನ್ನು ದಾಖಲಿಸಿದೆ. ಪಶ್ಚಿಮ ಏಷ್ಯಾದಲ್ಲಿ ನಡೆಯುತ್ತಿರುವ ಸಂಘರ್ಷದ ನಡುವೆ ವಾಣಿಜ್ಯ ಹಡಗುಗಳು ಮತ್ತು ನಾಗರಿಕರ ಸುರಕ್ಷತೆ ಅತ್ಯಂತ ಮಹತ್ವದ್ದಾಗಿದ್ದು, ಅಂತರರಾಷ್ಟ್ರೀಯ ಜಲಮಾರ್ಗಗಳಲ್ಲಿ ಶಾಂತಿ ಹಾಗೂ ಸುರಕ್ಷತೆ ಕಾಪಾಡಬೇಕು ಎಂದು ಭಾರತ ಒತ್ತಾಯಿಸಿದೆ.

ಕುಂದಾಪುರ; ಪುರಸಭೆ ವ್ಯಾಪ್ತಿಯ ಮಂಗಳೂರು ಟೈಲ್ಸ್ ವಾರ್ಡಿನ ಶ್ರೀ ದುರ್ಗಾಪರಮೇಶ್ವರಿ ದೇವಸ್ಥಾನ ರಂಗನಹಿತ್ತಲು ಬಳಿ , ಕಳೆದ ಮೂರು ದಿನಗಳಿಂದ ಸುರಿದ ನಿರಂತರ ಮಳೆಯಿಂದ ಮನೆಗಳ ಒಳಗೆ ನೀರು ತುಂಬುವ ಪರಿಸ್ಥಿತಿ ಉಂಟಾಯಿತು. ಶ್ರೀ ವೆಂಕಟೇಶರವರ ಮನೆಯ ಹತ್ತಿರ ನೀರು ಹರಿಯಲು ಅವಕಾಶವಿಲ್ಲದ ಕಾರಣ ನೀರಿನ ಪ್ರವಾಹದಿಂದ ಆತಂಕದ ವಾತಾವರಣ ವಾರ್ಡಿನ ಜನರಲ್ಲಿ ಮೂಡಿತು.

ಸಮಸ್ಯೆಯನ್ನು ಅರಿತ ಸ್ಥಳೀಯ ನಿವಾಸಿ , ತಾಲೂಕು ಗ್ಯಾರಂಟಿ ಸಮಿತಿಯ ಸದಸ್ಯೆ ಆಶಾ ಕರ್ವಾಲೋ ರವರು, ಬ್ಲಾಕ್ ಕಾಂಗ್ರೆಸ್ ಕಚೇರಿಗೆ ವಿಷಯವನ್ನು ತಿಳಿಸಿ , ಪುರಸಭೆ ನಾಮ ನಿರ್ದೇಶಿತ ಸದಸ್ಯರಾದ ಅಶೋಕ್ ಸುವರ್ಣರ ಜೊತೆ , ಕುಂದಾಪುರ ಪುರಸಭೆಯ ಹಿರಿಯ ಆರೋಗ್ಯ ನಿರೀಕ್ಷಕರಾದ , ರಾಘವೇಂದ್ರ ರವರನ್ನು ಸಂಪರ್ಕಿಸಿದ್ದರು. ಪುರಸಭೆ ಆಡಳಿತ ಸಮಸ್ಯೆಗೆ ತುರ್ತಾಗಿ ಸ್ಪಂದಿಸಿ , ಪ್ರಕಾಶ್ ಮತ್ತು ಇತರರು , ಪೌರಕಾರ್ಮಿಕರ ತಂಡ ಮತ್ತು ಹಿಟಾಚಿಯ ಜಂಟಿ ಕಾರ್ಯಾಚರಣೆಯಿಂದ ನೀರು ಹರಿಯಲು ಅವಕಾಶ ಮಾಡಿಕೊಟ್ಟು ಸಮಸ್ಯೆ ಪರಿಹರಿಸಲು ಸಹಕರಿಸಿದರು.

ಶ್ರೀನಿವಾಸಪುರ : ಸರ್ಕಾರದ ಯೋಜನೆಗಳಿಂದ ಸಿಗುವ ಸವಲತ್ತುಗಳನ್ನು ಪಕ್ಷಾತೀತವಾಗಿ ಮನೆಯ ಬಾಗಿಲಿಗೆ ನೀಡಿ, ಮತದಾರನ ಋಣವನ್ನು ತೀರಿಸುತ್ತಾ , ಮತದಾರನು ನೀಡಿರುವ ಅವಕಾಶವನ್ನು ಸದ್ಭಳಕೆ ಮಾಡಿಕೊಳ್ಳುಲಾಗುವುದು ಎಂದು ಶಾಸಕ ಜಿ.ಕೆ.ವೆಂಕಟಶಿವಾರೆಡ್ಡಿ ತಿಳಿಸಿದರು.
ಪಟ್ಟಣದ ಗುರುವಾರ ವಿವದಡೆ 9 ಕೋಟಿ ವೆಚ್ಚದಲ್ಲಿ ವಿವಿಧ ಕಾಮಗಾರಿಗಳಿಗೆ ಭೂಮಿ ಪೂಜೆ ನೆರವೇರಿಸಿ ಮಾತನಾಡಿದರು.

ಈ ಹಿನ್ನೆಲೆಯಲ್ಲಿ ಪಟ್ಟಣದ ಬಾಲಕರ ಪದವಿ ಪೂರ್ವ ಕಾಲೇಜಿನ ಕಾಂಪೌಡ್ ನಿರ್ಮಿಸಲು ಈಗಾಗಲೇ 30 ಲಕ್ಷ ವೆಚ್ಚದಲ್ಲಿ ಕಾಮಗಾರಿ ಪ್ರಾರಂಭಿಸಲಾಗುವುದು . ಅಲ್ಲದೆ ಕಾಲೇಜು ಆವರಣದಲ್ಲಿ ಹಳೆ ಕಟ್ಟಡಗಳನ್ನು ಇನ್ನು ಒಂದೂವರೆ ತಿಂಗಳಲ್ಲಿ ತೆರೆವುಗೊಳಿಸಲಾಗುವುದು.

ಇನ್ನು ಪಟ್ಟಣದಲ್ಲಿ 15 ಕೋಟಿ ವೆಚ್ಚದಲ್ಲಿ ರಸ್ತೆ ಕಾಮಗಾರಿಗಳನ್ನ ಮಾಡಲಾಗುವುದು ಈಗಾಗಲೇ 9ಕೋಟಿ ವೆಚ್ಚದ ಕಾಮಗಾರಿಗಳಿಗೆ ಅನುಮೋದನೆ ದೊರೆತಿರುವ ಹಿನ್ನೆಲೆಯಲ್ಲಿ ಕಾಮಗಾರಿಗಳನ್ನ ಪ್ರಾರಂಭಿಸಲಾಗಿದೆ. ಇನ್ನು ಉಳಿದಂತೆ 6 ಕೋಟಿಯನ್ನ ಬಳಸಿಕೊಂಡು ಎಲ್ಲಿ ಎಲ್ಲಿ ಕಾಮಗಾರಿಗಳು ಅವಶ್ಯಕತೆ ಇದೆಯೋ ಅದನ್ನ ಬಳಿಸಿಕೊಳ್ಳಲಾಗುವುದು. ಪಟ್ಟಣದಲ್ಲಿನ ಕೆಲ ರಾಜಕಾಲುವೆ ಒತ್ತುವರಿಯಾಗಿರುವ ಬಗ್ಗೆ ಪತ್ರಕರ್ತರು ಗಮನ ಸಳೆದಾಗ ಅವುಗಳನ್ನ ಒತ್ತುವರಿ ತರೆವುಗೊಳಿಸಿ, ರಾಜುಕಾಲವೆಗಳನ್ನು ಸ್ವಚ್ಚ ಮಾಡಲು 5 ಕೋಟಿ ಅನುದಾನವನ್ನು ಬಳಸಲಾಗುವುದು.

ಪಟ್ಟಣದ ರಂಗ ರಸ್ತೆ, ಗಫಾರ್‌ಖಾನ್ ಮೊಹಲ್ಲಾ, ಅಂಬೇಡ್ಕರ್ ಪಾಳ್ಯ ಬಡವಾಣೆಗಳಿಗೆ ಸಂಬAದಿಸಿದAತೆ ಸಿಸಿ ರಸ್ತೆ ಕಾಮಗಾರಿಗಳು, ಭೂಮಿ ಪೂಜೆ ನೆರವೇರಿಸಿದರು. ಜಿ.ಪಂ ಮಾಜಿ ಅಧ್ಯಕ್ಷ ತೂಪಲ್ಲಿ ಆರ್.ನಾರಾಯಣಸ್ವಾಮಿ, ಪುರಸಭೆ ಮುಖ್ಯಾಧಿಕಾರಿ ವಿ.ನಾಗರಾಜ್, ಲ್ಯಾಂಡ್ ರ‍್ಮಿ ಸಿಬ್ಬಂದಿ ಶ್ರೀನಿವಾಸ್, ಮುಖಂಡರಾದ ಶ್ರೀನಿವಾಸಪ್ಪ, ಪೂಲ್‌ಶಿವಾರೆಡ್ಡಿ, ಪಾತಪೇಟ ಮಂಜುನಾಥರೆಡ್ಡಿ, ಮುತಕಪಲ್ಲಿಸರ್ಧಾರ್, ಅಂಬೇಡ್ಕರ್ ಪಾಳ್ಯ ಸಿ. ರವಿ, ಸಿ. ಮುನಿಯಪ್ಪ, ರಾಘವರೆಡ್ಡಿ, ಮನು, ಪ್ರಸನ್ನ, ಆಟೋ ಜಗ್ಗು ಎಸ್‌ಎನ್ ಆರ್ ಬಾಬುರೆಡ್ಡಿ, ಶ್ರೀನಾಥಬಾಬು, ಕೋಡಿಪಲ್ಲಿ ಶ್ರೀನಿವಾಸರೆಡ್ಡಿ, ಅಮರನಾಥ್, ಸತ್ಯಣ್ಣ, ಮಂಜು, ಅಪ್ಪೂರು ರಾಜು, ಗುತ್ತಿಗೆದಾರ ರಾಜಣ್ಣ, ಆನಂದರೆಡ್ಡಿ, ಬಿಂದು ಶ್ರೀನಿವಾಸರೆಡ್ಡಿ ಇದ್ದರು.

ಕುಂದಾಪುರ; ಆಧುನಿಕ ಕೃಷಿ ಪದ್ಧತಿಯಲ್ಲಿ ಕ್ರಾಂತಿಕಾರಕ ಬದಲಾವಣೆ ತರಬಲ್ಲ ‘ಐಒಟಿ ಆಧಾರಿತ ಸ್ಮಾರ್ಟ್ ಹೈಡ್ರೋಪೋನಿಕ್ಸ್’ ತಂತ್ರಜ್ಞಾನವನ್ನು ಮೂಡ್ಲಕಟ್ಟೆಯ ಇಂಜಿನಿಯರಿಂಗ್ ವಿದ್ಯಾರ್ಥಿನಿಯರು ಯಶಸ್ವಿಯಾಗಿ ಅಭಿವೃದ್ಧಿಪಡಿಸಿದ್ದಾರೆ.
ಕಾಲೇಜಿನ ಎಲೆಕ್ಟ್ರಾನಿಕ್ಸ್ ಮತ್ತು ಕಮ್ಯುನಿಕೇಶನ್ ಇಂಜಿನಿಯರಿಂಗ್ ವಿಭಾಗದ ವಿದ್ಯಾರ್ಥಿನಿಯರಾದ ಫಾತಿಮಾ ತಹಸಿರ್, ಸಿಂಚನಾ ದೇವಾಡಿಗ ಮತ್ತು ವಿನಿತಾ ನಾಯ್ಕ್ ಈ ನೂತನ ಸಂಶೋಧನೆ ಮಾಡಿದ ಪ್ರತಿಭೆಗಳು. ಇವರು ಸಿದ್ಧಪಡಿಸಿದ ಸಂಶೋಧನಾ ಪ್ರಬಂಧವು ಜಾಗತಿಕ ಮಟ್ಟದ ಪ್ರತಿಷ್ಠಿತ ಸ್ಕೋಪಸ್ ಇಂಡೆಕ್ಸ್ ಮಾನ್ಯತೆ ಹೊಂದಿರುವ “ದಿ ಇಂಟರ್ನ್ಯಾಷನಲ್ ಜರ್ನಲ್ ಆಫ್ ಇನ್ಫರ್ಮ್ಯಾಟಿಕ್ಸ್ ಅಂಡ್ ಕಮ್ಯುನಿಕೇಶನ್ ಟೆಕ್ನಾಲಜಿ”ಯಲ್ಲಿ ಪ್ರಕಟಗೊಂಡಿದೆ.
ಮಣ್ಣಿಲ್ಲದೆ ಕೇವಲ ಪೋಷಕಾಂಶಯುಕ್ತ ನೀರನ್ನು ಬಳಸಿ ಗಿಡಗಳನ್ನು ಬೆಳೆಸುವ ಪದ್ಧತಿಯೇ ಹೈಡ್ರೋಪೋನಿಕ್ಸ್. ವಿದ್ಯಾರ್ಥಿನಿಯರು ಅಭಿವೃದ್ಧಿಪಡಿಸಿರುವ ಈ ವ್ಯವಸ್ಥೆಯು *ನ್ಯೂಟ್ರಿಯೆಂಟ್ ಫಿಲ್ಮ್ ಟೆಕ್ನಿಕ್ (NFT)* ಅನ್ನು ಬಳಸುತ್ತದೆ. ಅಂದರೆ, ಗಿಡಗಳ ಬೇರುಗಳಿಗೆ ನಿರಂತರವಾಗಿ ಪೋಷಕಾಂಶ ಭರಿತ ನೀರು ತೆಳುವಾದ ಪದರದಂತೆ ಹರಿಯುವಂತೆ ಮಾಡಲಾಗುತ್ತದೆ.
ಇದಕ್ಕೆ ಐಒಟಿ  ತಂತ್ರಜ್ಞಾನವನ್ನು ಅಳವಡಿಸಿರುವುದರಿಂದ, ಕೃಷಿಕರು ತಾವಿದ್ದ ಜಾಗದಿಂದಲೇ ಮೊಬೈಲ್ ಅಥವಾ ಕಂಪ್ಯೂಟರ್ ಮೂಲಕ ಗಿಡಗಳಿಗೆ ಬೇಕಾದ ನೀರಿನ ಪ್ರಮಾಣ, ತಾಪಮಾನ ಮತ್ತು ಪೋಷಕಾಂಶಗಳ ಮಟ್ಟವನ್ನು ನಿಖರವಾಗಿ  ನಿಯಂತ್ರಿಸಬಹುದು.
ವಿದ್ಯಾರ್ಥಿನಿಯರ ಈ ಮಹತ್ವದ ಸಾಧನೆಯನ್ನು ವಿಭಾಗ ಮುಖ್ಯಸ್ಥ ಡಾ. ವರುಣ್ ಕುಮಾರ್ ಹಾಗೂ ಪ್ರೊ. ಅಕ್ಷತಾ ನಾಯ್ಕ್ ಅವರ ಮಾರ್ಗದರ್ಶನದಲ್ಲಿ ಮಾಡಿರುತ್ತಾರೆ.
ಕಾಲೇಜಿನ ಆಡಳಿತ ಮಂಡಳಿ, ಪ್ರಾಂಶುಪಾಲರು ಹಾಗೂ ಇಡೀ ಬೋಧಕ ವರ್ಗವು ವಿದ್ಯಾರ್ಥಿನಿಯರ ಈ  ಸಾಧನೆಯನ್ನು ಶ್ಲಾಘಿಸಿದ್ದು, ಇವರ ಸಂಶೋಧನೆಯು ಭವಿಷ್ಯದ ಸುಸ್ಥಿರ ಕೃಷಿಗೆ  ದೊಡ್ಡ ಕೊಡುಗೆಯಾಗಲಿದೆ ಎಂದು ಹಾರೈಸಿದ್ದಾರೆ.

ಮಂಗಳೂರು, ಜೂನ್ 11: ಮಂಗಳೂರಿನ ಬಿಕರ್ನಕಟ್ಟೆಯ ಇನ್ಫೆಂಟ್ ಜೀಸಸ್ ಪುಣ್ಯಕ್ಷೇತ್ರದಲ್ಲಿ (ಬಾಲ ಯೇಸು ದೇವಸ್ಥಾನ) ಜೂನ್ 11 ರಂದು ಪರಿಸರ ಜಾಗೃತಿ ಮತ್ತು ಸೃಷ್ಟಿಯ ಕಾಳಜಿಯನ್ನು ಉತ್ತೇಜಿಸುವ ವಿಶೇಷ ಕಾರ್ಯಕ್ರಮದೊಂದಿಗೆ ವಿಶ್ವ ಪರಿಸರ ದಿನವನ್ನು ಆಚರಿಸಲಾಯಿತು. ಈ ಆಚರಣೆಯ ಅಂಗವಾಗಿ ಭಕ್ತಾದಿಗಳಿಗೆ ಸುಮಾರು 1,000 ಸಸಿಗಳನ್ನು ವಿತರಿಸಲಾಯಿತು.

ಡಿಸ್ಕಾಲ್ಸ್ಡ್ ಕಾರ್ಮೆಲೈಟ್ಸ್‌ನ ಕರ್ನಾಟಕ-ಗೋವಾ ಪ್ರಾಂತ್ಯದ ಪ್ರಾಂತೀಯ ಸುಪೀರಿಯರ್ ಆಗಿರುವ ವಂ| ಜಾನ್ ಫ್ರಾನ್ಸಿಸ್ ಸಿಕ್ವೇರಾ ಅವರು ಮುಖ್ಯ ಅತಿಥಿಗಳಾಗಿ ಆಗಮಿಸಿದ್ದರು. ಈ ಸಂದರ್ಭದಲ್ಲಿ ಮಾತನಾಡಿದ ಅವರು, “ಮಾನವಕುಲವು ದೇವರ ಸೃಷ್ಟಿಯ ಮಾಲೀಕರಲ್ಲ, ಬದಲಿಗೆ ಅದರ ಉಸ್ತುವಾರಿಗಳಾಗಲು ಕರೆಯಲ್ಪಟ್ಟಿದೆ” ಎಂದು ನೆರೆದಿದ್ದವರಿಗೆ ನೆನಪಿಸಿದರು. “ಪ್ರತಿಯೊಬ್ಬ ಮಾನವನೂ ಸೃಷ್ಟಿಯ ಉಸ್ತುವಾರಿಯೇ ಹೊರತು ಅದರ ಮಾಲೀಕನಲ್ಲ. ನಾವು ಕೇವಲ ಉಸ್ತುವಾರಿಗಳಾಗಿರುವುದರಿಂದ, ದೇವರ ಸೃಷ್ಟಿಯ ಸೌಂದರ್ಯವನ್ನು ರಕ್ಷಿಸುವ, ಪೋಷಿಸುವ ಮತ್ತು ಉಳಿಸುವ ಜವಾಬ್ದಾರಿ ನಮ್ಮ ಮೇಲಿದೆ. ದೇವರಿಗೆ ಸೇರಿದುದನ್ನು ನಾಶಪಡಿಸುವ ಯಾವುದೇ ಹಕ್ಕು ನಮಗಿಲ್ಲ,” ಎಂದು ಅವರು ಹೇಳಿದರು.

ಪೋಪ್ ಫ್ರಾನ್ಸಿಸ್ ಅವರ ‘ಲೌದಾತೊ  ಸೀ’ (Laudato Si’) ಪರಿಕಲ್ಪನೆಯನ್ನು ಉಲ್ಲೇಖಿಸಿದ ವಂ| ಸಿಕ್ವೇರಾ, “ಸೃಷ್ಟಿಯ ರಕ್ಷಣೆಯು ಕೇವಲ ಪರಿಸರಕ್ಕೆ ಸಂಬಂಧಿಸಿದ ವಿಷಯವಲ್ಲ, ಅದೊಂದು ನೈತಿಕ ಮತ್ತು ಆಧ್ಯಾತ್ಮಿಕ ಜವಾಬ್ದಾರಿಯಾಗಿದೆ. ನಮ್ಮಲ್ಲಿ ಪ್ರತಿಯೊಬ್ಬರೂ ಪೋಪ್ ಫ್ರಾನ್ಸಿಸ್ ಅವರು ತೋರಿಸಿದ ಹಾದಿಯಲ್ಲಿ ನಡೆಯಬೇಕು ಮತ್ತು ಪ್ರಕೃತಿಯನ್ನು ಗೌರವಿಸುವ ಹಾಗೂ ಸುಸ್ಥಿರತೆಯನ್ನು ಉತ್ತೇಜಿಸುವ ಜೀವನಶೈಲಿಯನ್ನು ಅಳವಡಿಸಿಕೊಳ್ಳಬೇಕು. ಇನ್ಫೆಂಟ್ ಜೀಸಸ್ ಪುಣ್ಯಕ್ಷೇತ್ರದಲ್ಲಿ ಆರಂಭವಾಗಿರುವ ಈ ಹಸಿರು ಕ್ರಾಂತಿಯು ಮಂಗಳೂರು ಮತ್ತು ಅದರ ಆಚೆಗಿನ ಜನರಿಗೂ ನಮ್ಮ ಸಾಮಾನ್ಯ ಮನೆಯ (ಭೂಮಿಯ) ಜವಾಬ್ದಾರಿಯುತ ರಕ್ಷಕರಾಗಲು ಪ್ರೇರಣೆ ನೀಡುತ್ತದೆ ಎಂದು ನಾನು ನಂಬುತ್ತೇನೆ,” ಎಂದು ತಿಳಿಸಿದರು.

ಭಾಷಣದ ನಂತರ, ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದವರಿಗೆ ಉಚಿತವಾಗಿ ಸಸಿಗಳನ್ನು ವಿತರಿಸಲಾಯಿತು. ಗಿಡಗಳನ್ನು ನೆಟ್ಟು ಪೋಷಿಸುವ ಮೂಲಕ ಪರಿಸರ ಸಂರಕ್ಷಣೆಗೆ ಸಕ್ರಿಯವಾಗಿ ಕೊಡುಗೆ ನೀಡುವಂತೆ ಕುಟುಂಬಗಳನ್ನು ಪ್ರೋತ್ಸಾಹಿಸಲಾಯಿತು.

ಶ್ರೀಮತಿ ಎವೆಲಿನ್ ರೊಡ್ರಿಗಸ್ ಅವರು ಕಾರ್ಯಕ್ರಮವನ್ನು ನಿರೂಪಿಸಿದರು. ಸೆಂಟ್‌ ಜೋಸೆಫ್ ಆಶ್ರಮದ ಸುಪೀರಿಯರ್ ವಂ| ಮೆಲ್ವಿನ್ ಡಿಸೋಜಾ, ಇನ್ಫೆಂಟ್ ಜೀಸಸ್ ಪುಣ್ಯಕ್ಷೇತ್ರದ ನಿರ್ದೇಶಕ ವಂ| ಸ್ಟಿಫನ್ ಪೆರೇರಾ, ಲಕ್ನೋ ಧರ್ಮಪ್ರಾಂತ್ಯದ ವಂ| ಡೊಮಿನಿಕ್ ಪಿಂಟೊ ಮತ್ತು ವಂ| ಅಶ್ವತ್ ಡಿಸೋಜಾ ಮುಂತಾದವರು ಉಪಸ್ಥಿತರಿದ್ದರು.

World Environment Day Observed at Infant Jesus Shrine; 1,000 Saplings Distributed

Mangaluru, June 11: The Infant Jesus Shrine, Bikarnakatte, Mangaluru, observed World Environment Day on June 11 with a special programme promoting environmental awareness and care for creation. Nearly 1,000 saplings were distributed to the faithful as part of the celebration.

Rev. Fr. John Francis Sequeira, Provincial Superior of the Karnataka-Goa Province of the Discalced Carmelites, was the chief guest. Speaking on the occasion, he reminded the gathering that humanity is called to be a steward, not the owner, of God’s creation.

“Every human being is a steward of creation and not its owner. Since we are only stewards, we have the responsibility to protect, nurture, and preserve the beauty of God’s creation. We have no right to destroy what belongs to God,” he said.

Referring to Pope Francis’ vision in Laudato Si’, Fr. Sequeira further stated, “The care of creation is not merely an environmental issue but a moral and spiritual responsibility. Each one of us must walk the path shown by Pope Francis and adopt a lifestyle that respects nature and promotes sustainability. I hope that the green revolution initiated at the Infant Jesus Shrine will inspire people throughout Mangaluru and beyond to become responsible caretakers of our common home.”

Following the address, free saplings were distributed among the participants, encouraging families to contribute actively to environmental conservation by planting and nurturing trees.

The programme was compered by Mrs. Evelyn Rodrigues. Among those present were Rev. Fr. Melvin D’Cunha, Superior of St. Joseph’s Monastery; Rev. Fr. Stifan Perera, Director of the Infant Jesus Shrine; Rev. Fr. Dominic Pinto of the Diocese of Lucknow; and Rev. Fr. Ashwath D’Souza.