HOLY ROSARY CHURCH, KUNDAPUR – 450 th JUBILEE SOUVENIR 2021

ಪಡುಕೋಣೆ ; ದಿನಾಂಕ 14.11.2025 ರಂದು ಪಡುಕೋಣೆ ಸಂತ ಅಂತೋನಿ ಹಿರಿಯ ಪ್ರಾಥಮಿಕ ಶಾಲೆಯಲ್ಲಿ ಪಡುಕೋಣೆಯಲ್ಲಿ ಮಕ್ಕಳ ದಿನಾಚರಣೆ ನಡೆಸಲಾಯಿತು. ಶಾಲೆಯ ಜಂಟಿ ಕಾರ್ಯದರ್ಶಿಯಾದ ವಂ। ಫಾ। ಫ್ರಾನ್ಸಿಸ್ ಕರ್ನೆಲಿಯೊರವರು,ಅಧ್ಯಕ್ಷರಾಗಿ,ಅಧ್ಯಕ್ಷರಾದ ವಂದನೀಯ ಫಾದರ್ ಕರ್ನೆಲಿಯೊರವರು ವಿದ್ಯಾರ್ಥಿಗಳಿಗೆ ತಮ್ಮ ಜೀವನದಲ್ಲಿ ಉತ್ತಮ ಗುಣಗಳಾದ ಶಿಸ್ತು, ದಯೆ, ಪ್ರಾಮಾಣಿಕತೆ, ಹಿರಿಯರಿಗೆ ಗೌರವ, ಸತ್ಯವನ್ನೇ ನುಡಿಯುವುದು ಮತ್ತು ಜವಾಬ್ದಾರಿಯುತ ಗುಣಗಳನ್ನು ಬೆಳೆಸಿಕೊಳ್ಳಬೇಕೆಂದು ಕಿವಿಮಾತು ಹೇಳಿದರು. ಮುಖ್ಯ ಅತಿಥಿಗಳಾಗಿ ಶಾಲಾಮುಖಂಡ ಶಿಶಿರ ಮಾತನಾಡಿ ಈ ನಮ್ಮ ಶಾಲೆಯಲ್ಲಿ ಪಾಠಗಳ ಜೊತೆ ಉತ್ತಮ ಮೌಲ್ಯಗಳನ್ನು ಕಲಿತ್ತಿದ್ದೇನೆ. ನನ್ನ ಜೀವನದಲ್ಲಿ ಉತ್ತಮ ಸಮಾಜ ನಿರ್ಮಾಣದ ಕೆಲಸಗಳನ್ನು ಮಾಡುತ್ತಾ ಈ ಶಾಲೆಯ ಹೆಮ್ಮೆಯ ವಿದ್ಯಾರ್ಥಿಯಾಗಿ ಕೀರ್ತಿ ತರುತ್ತೇನೆ ಎಂದು ಹೇಳಿದನು.

ಅತಿಥಿಗಳಾಗಿ ಆಗಮಿಸಿದ ನಿವ್ರತ್ತ ಶಿಕ್ಷಕಿ ಡೇರಿ ಸುವಾರಿಸ್ ರವರು ಮಕ್ಕಳಿಗೆ ಶುಭಾಶಯದ ಗೀತೆ ಹಾಡಿದರು. ಶಾಲಾ ಮುಖ್ಯ ಶಿಕ್ಷಕಿ ಶಾಂತಿ ಪಾಯಸ್ ಮಕ್ಕಳಿಗೆ ಜೀವನದ ಉತ್ತಮ ಮೌಲ್ಯ ಗಳನ್ನು ತಿಳಿ ಹೇಳಿದರು ಸಾಂಸ್ಕೃತಿಕ ಮಂತ್ರಿ ನವ್ಯ 7ನೇತರಗತಿ, ಶ್ರೀಮತಿ ನಿರ್ಮಲಾ ಫೆರ್ನಾಂಡಿಸ್ ನೆಹರೂರವರ ಹುಟ್ಟಿದ ದಿನವನ್ನು ಆಚರಿಸುವ ಮಹತ್ವದ ಬಗ್ಗೆ ತಿಳಿಸಿದರು. ಸಾಂಸ್ಕೃತಿಕ ಮಂತ್ರಿ ನವ್ಯ ಉಪಸ್ಥಿತರಿದ್ದರು.

ಮಕ್ಕಳೇ ಪ್ರಾರ್ಥನೆಯೊಂದಿಗೆ ಕಾರ್ಯಕ್ರಮ ಉದ್ಘಾಟಿಸಿದರು. ಮಕ್ಕಳಿಂದ ಸ್ವಾಗತನೃತ್ಯ, ವಿವಿಧ ಸಾಂಸ್ಕೃತಿಕ ಕಾರ್ಯಕ್ರಮಗಳು, ಆಟದಲ್ಲಿ ಹಾಗೂ ಇತರ ಚಟುವಟಿಕೆಗಳಲ್ಲಿ ಭಾಗವಹಿಸಿರವ ಎಲ್ಲಾ ವಿದ್ಯಾರ್ಥಿಗಳಿಗೆ ಕಾಣಿಕೆ ನೀಡಲಾತಿತು. ಕಾರ್ಯಕ್ರಮದ ನಿರೂಪಣೆಯನ್ನು ವಿದ್ಯಾರ್ಥಿನಿ ಮೈನಾ ಪೂಜಾರಿ, ಸ್ವಾಗತ ಸಮೀಕ್ಷಾ, ಮತ್ತು ಧನ್ಯವಾದವನ್ನು ಸಿಯಾ ಕ್ರಾಸ್ತಾ ಅರ್ಪಿಸಿದರು. ಫಲಾಹಾರ ದೊಂದಿಗೆ ಕಾರ್ಯಕ್ರಮ ಮುಕ್ತಾಯವಾಯಿತು.

ಬೆಂಗಳೂರು : ಕರ್ನಾಟಕ ಸರ್ಕಾರವು ಆಡಳಿತಾತ್ಮಕ ಹಿತದೃಷ್ಟಿಯಿಂದ ಕರ್ನಾಟಕ ರಾಜ್ಯ ವಕ್ಫ್ ಮಂಡಳಿಯ ಅಪರ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ (Additional CEO) ಹುದ್ದೆಗೆ ಹೊಸ ಹೆಚ್ಚುವರಿ ಪ್ರಭಾರ ನೀಡಿದೆ. 

ಈ ಕುರಿತ ಅಧಿಸೂಚನೆಯನ್ನು ಅಲ್ಪಸಂಖ್ಯಾತರ ಕಲ್ಯಾಣ, ಹಜ್ ಮತ್ತು ವಕ್ಸ್ ಇಲಾಖೆ ಪ್ರಕಟಿಸಿದೆ.

ಸರ್ಕಾರದ ಅಧಿಸೂಚನೆ ಸಂಖ್ಯೆ MWD-WES/20/2025, ದಿನಾಂಕ 16.08.2025ರ ಮೂಲಕ ವಕ್ಫ್ ಮಂಡಳಿಯ ಅಪರ ಮುಖ್ಯ ಕಾರ್ಯನಿರ್ವಹಣಾಧಿಕಾರಿಯಾಗಿ ಹೆಚ್ಚುವರಿ ಪ್ರಭಾರದಲ್ಲಿದ್ದ  ಮನ್ಸೂರ್ ಬಾಷ, ಉಪ ನಿರ್ದೇಶಕರು, ಅಲ್ಪಸಂಖ್ಯಾತರ ನಿರ್ದೇಶನಾಲಯ, ಇವರ ಬದಲಿಗೆ ಇದೀಗ ಹೊಸ ಬದಲಾವಣೆ ಜಾರಿಗೊಂಡಿದೆ.

ಈಗಿನಿಂದಲೇ ಜಾರಿಗೆ ಬರುವಂತೆ ಹಾಗೂ ಮುಂದಿನ ಆದೇಶದವರೆಗೆ, ಕರ್ನಾಟಕ ಅಲ್ಪಸಂಖ್ಯಾತರ ಅಭಿವೃದ್ಧಿ ನಿಗಮದ ಪ್ರಧಾನ ವ್ಯವಸ್ಥಾಪಕ ಡಾ// ಅಫ್ಜಲ್ ಪಾಷ ಅವರನ್ನು ವಕ್ಫ್ ಮಂಡಳಿಯ ಅಪರ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ಹುದ್ದೆಗೆ ಹೆಚ್ಚುವರಿ ಪ್ರಭಾರ ನೀಡಲಾಗಿದೆ ಎಂದು ಅಧಿಸೂಚನೆಯಲ್ಲಿ ತಿಳಿಸಲಾಗಿದೆ.

ಕುಂದಾಪುರದ;”ವಿದ್ಯಾರ್ಥಿಗಳು ಮೊಬೈಲ್ ನ‌ ಅತಿಯಾದ ಬಳಕೆ ಮತ್ತು ಸಾಮಾಜಿಕ ಜಾಲತಾಣಗಳಲ್ಲಿ ತೊಡಗಿಸಿಕೊಳ್ಳುವ ಸಮಯವನ್ನು ಕಡಿಮೆ ಮಾಡಿ ಮನೋದೈಹಿಕ ಉಲ್ಲಾಸ ತರುವ ಚಟುವಟಿಕೆಗಳಲ್ಲಿ ನಿರತರಾಗಬೇಕು. ನಿತ್ಯಜೀವನದಲ್ಲಿ ಆ ಮೂಲಕ ಹುರುಪು ಪಡೆದು ಪೋಷಕರು ಹೆಮ್ಮೆ ಪಡುವಂಥ ಸಾಧನೆ ಮಾಡಬೇಕು” ಎಂದು ಹೊಸೂರಿನ ಶ್ರೀ ಮೂಕಾಂಬಿಕಾ ಪ್ರೌಢ ಶಾಲೆಯ ದೈಹಿಕ ಶಿಕ್ಷಕರಾದ ಶ್ರೀ ಸಂತೋಷ್ ಕುಮಾರ್ ಶೆಟ್ಟಿಯವರು ಕುಂದಾಪುರದ ಆರ್.ಎನ್. ಶೆಟ್ಟಿ ಸಂಯುಕ್ತ ಪದವಿ ಪೂರ್ವ ಕಾಲೇಜಿನ ವಾರ್ಷಿಕ ಕ್ರೀಡೋತ್ಸವವನ್ನು ಉದ್ಘಾಟಿಸಿ ಕರೆ ನೀಡಿದರು. ಸಮಾರಂಭದ ಅಧ್ಯಕ್ಷತೆಯನ್ನು ವಹಿಸಿದ ಕಾಲೇಜಿನ ಆಡಳಿತ ಮಂಡಳಿ ಕುಂದಾಪುರ ಎಜುಕೇಶನ್ ಸೊಸೈಟಿಯ ಅಧ್ಯಕ್ಷರೂ, ಬೈಂದೂರಿನ ಮಾಜಿ ಶಾಸಕರೂ ಆದ ಶ್ರೀ ಬಿ. ಎಂ. ಸುಕುಮಾರ ಶೆಟ್ಟಿಯವರು ತಮ್ಮ ಅಧ್ಯಕ್ಷೀಯ ನುಡಿಯಲ್ಲಿ ಸಿ.ಇ.ಎಸ್ ಸಂಸ್ಥೆಗಳ ಸುವರ್ಣ ಸಂಭ್ರಮದ ವಿಶೇಷ ವರ್ಷದಲ್ಲಿ ವಿದ್ಯಾಸಂಸ್ಥೆಯಲ್ಲಿ ಕಲಿಯುತ್ತಿರುವ ವಿದ್ಯಾರ್ಥಿಗಳು ತುಂಬು ಸಂಭ್ರಮದಿಂದ ಮುಂಬರುವ ಕಾರ್ಯಕ್ರಮಗಳಲ್ಲಿ ಭಾಗವಹಿಸಬೇಕೆನ್ನುತ್ತಾ ಕ್ರೀಡೋತ್ಸವಕ್ಕೆ ಶುಭಕೋರಿದರು.
ಕಾಲೇಜಿನ‌ ಪ್ರಾಂಶುಪಾಲರಾದ ಪ್ರೊ. ನವೀನ ಕುಮಾರ್ ಶೆಟ್ಟಿಯವರು ಅತಿಥಿಗಳನ್ನು ಸ್ವಾಗತಿಸಿ ಪ್ರಾಸ್ತಾವಿಕ ನುಡಿಗಳನ್ನಾಡಿದರು.
ಕುಂದಾಪುರ ಎಜುಕೇಶನ್ ಸೊಸೈಟಿಯ ಕಾರ್ಯದರ್ಶಿ ಯವರಾದ ಶ್ರೀ ಸೀತಾರಾಮ ನಕ್ಕತ್ತಾಯರವರು, ಜೊತೆ ಕಾರ್ಯದರ್ಶಿ ಶ್ರೀ ಸುಧಾಕರ ಶೆಟ್ಟಿ ಭಾಂಡ್ಯ ಹಾಗೂ ಕಾಲೇಜಿನ ದೈಹಿಕ ಶಿಕ್ಷಣ ನಿರ್ದೇಶಕರಾದ ಶ್ರೀ ರಾಮ್ ಶೆಟ್ಟಿಯವರು ವೇದಿಕೆಯಲ್ಲಿ ಉಪಸ್ಥಿತರಿದ್ದರು.
ಇಂಗ್ಲೀಷ್ ಉಪನ್ಯಾಸಕಿ ರೂಪಾ ವೆರ್ಣೇಕರ್ ಕ್ರೀಡಾಜ್ಯೋತಿ ಕಾರ್ಯಕ್ರಮ ನಿರ್ವಹಿಸಿದರು. ರಸಾಯನ ಶಾಸ್ತ್ರ ವಿಭಾಗದ ಮುಖ್ಯಸ್ಥೆ ಜಾನೀಸ್ ನತಾಷಾ ಡಿಸೋಜಾರವರು ಪಥ ಸಂಚಲನ ಕಾರ್ಯಕ್ರಮ ನಿರ್ವಹಿಸಿದರು. ದ್ವಿತೀಯ ಪಿ.ಯು. ವಾಣಿಜ್ಯ ವಿಭಾಗದ ವಿದ್ಯಾರ್ಥಿನಿ ಸಿಂಚನಾ ಪ್ರತಿಜ್ಞಾ ವಿಧಿ ಬೋಧಿಸಿದರು.
ಇಂಗ್ಲೀಷ್ ಉಪನ್ಯಾಸಕಿ ಸುಮತಿ ಶೆಣೈ ವಂದನಾರ್ಪಣೆಗೈದರು. ವಾಣಿಜ್ಯಶಾಸ್ತ್ರ ಉಪನ್ಯಾಸಕಿ ಅರುಣಾ ಹೊಳ್ಳ ಕಾರ್ಯಕ್ರಮ ನಿರೂಪಿಸಿದರು.
ದ್ವಿತೀಯ ಪಿ.ಯು.ಸಿ ವಾಣಿಜ್ಯ ವಿಭಾಗದ ವಿದ್ಯಾರ್ಥಿ ವಂಶಿತ್, ಸಪ್ತಮಿ ಹಾಗೂ ಪ್ರಥಮ ಪಿ.ಯು.ಸಿ ವಾಣಿಜ್ಯ ವಿಭಾಗದ ಕೀರ್ತನಾ ಇವರು ಕ್ರೀಡಾಗ್ರೇಸರರಾಗಿ ಮೂಡಿಬಂದರು. 

ಕೋಲಾರ: ತಮಕದ ಮೌಲಾನಾ ಅಜಾದ್ ಭವನದಲ್ಲಿ ಇಂದು ಆಯೋಜಿಸಲಾದ ವಿಶೇಷ ಜಾಗೃತಿ ಕಾರ್ಯಕ್ರಮದಲ್ಲಿ ಕೋಲಾರ ಜಿಲ್ಲೆಯ ಕ್ರೈಸ್ತ ಧರ್ಮಗುರುಗಳು ಹಾಗೂ ಸಮುದಾಯ ಮುಖಂಡರಿಗೆ ಕರ್ನಾಟಕ ಅಲ್ಪಸಂಖ್ಯಾತ ಅಭಿವೃದ್ಧಿ ನಿಗಮದ (KMDC) ವತಿಯಿಂದ ವಿವಿಧ ಕಲ್ಯಾಣ ಯೋಜನೆಗಳ ಕುರಿತು ಸವಿಸ್ತಾರ ಮಾಹಿತಿ ನೀಡಲಾಯಿತು.
ಸಭೆಯಲ್ಲಿ ಕೆಎಂಡಿಸಿ ವ್ಯವಸ್ಥಾಪಕಿ ಶ್ರೀಮತಿ ಶೆರಿನ್ ತಾಜ್ ಅವರು ನಿಗಮದ ಅಧಿಕೃತ ವೆಬ್‌ಸೈಟ್, ಅದರ ಬಳಕೆ ವಿಧಾನ ಮತ್ತು ಆನ್‌ಲೈನ್ ಮೂಲಕ ಅರ್ಜಿ ಸಲ್ಲಿಸುವ ಕ್ರಮದ ಬಗ್ಗೆ ವಿವರವಾದ ಪ್ರಸ್ತುತಿಯನ್ನು ನೀಡಿದರು. ಕ್ರೈಸ್ತ ಸಮುದಾಯಕ್ಕೆ ಲಭ್ಯವಿರುವ ಶಿಕ್ಷಣ ಸಹಾಯ, ಸ್ವಯಂ ಉದ್ಯೋಗ ಸಾಲ ಸೇರಿದಂತೆ ಅನೇಕ ಕಲ್ಯಾಣ ಯೋಜನೆಗಳ ನಿಬಂಧನೆಗಳು, ಅಗತ್ಯ ದಾಖಲಾತಿಗಳು ಹಾಗೂ ಅರ್ಹತಾ ಮಾನದಂಡಗಳನ್ನು ಸ್ಪಷ್ಟವಾಗಿ ವಿವರಿಸಿದರು.
ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದ ಕ್ರೈಸ್ತ ಧರ್ಮಗುರುಳು ಮತ್ತು ಸಮುದಾಯ ಮುಖಂಡರು ಸರ್ಕಾರ ನೀಡುತ್ತಿರುವ ಸೌಲಭ್ಯಗಳನ್ನು ಜನರಿಗೆ ತಲುಪಿಸುವುದು ಅತ್ಯಂತ ಅಗತ್ಯ ಎಂದು ಅಭಿಪ್ರಾಯಪಟ್ಟರು. ತಂತ್ರಜ್ಞಾನ ಬಳಕೆ, ವೆಬ್‌ಸೈಟ್ ಮೂಲಕ ಅರ್ಜಿ ಸಲ್ಲಿಸುವ ಪ್ರಕ್ರಿಯೆಯನ್ನು ಸರಳಗೊಳಿಸಿದ ಬಗ್ಗೆ ಅವರು ಮೆಚ್ಚುಗೆ ವ್ಯಕ್ತಪಡಿಸಿದರು.
ಈ ಜಾಗೃತಿ ಕಾರ್ಯಕ್ರಮವನ್ನು ಕೆಎಂಡಿಸಿ ಕೋಲಾರ ಕಚೇರಿಯು ಆಯೋಜಿಸಿದ್ದು, ಅಧಿಕಾರಿಗಳು ಹಾಗೂ ಸಿಬ್ಬಂದಿ ಕಾರ್ಯಕ್ರಮವನ್ನು ಯಶಸ್ವಿಗೊಳಿಸಿದರು.

ಶ್ರೀನಿವಾಸಪುರ : ಮಕ್ಕಳಿಗೆ ವಿದ್ಯೆಯನ್ನು ಧಾರೆ ಎರೆದರೆ ಅದನ್ನ ಯಾರು ಕದಿಯಲು ಸಾಧ್ಯವಿಲ್ಲ. ಆಸ್ತಿ, ಅಂತಸ್ತು ಮಾಡಿದರೆ ಅವುಗಳನ್ನು ಕಾಪಾಡಲು ನಾವು ಕಾವಲು ಇದಬೇಕು ಎಂದು ನಿವೃತ್ತ ಲೋಕಾಯುಕ್ತ ಎನ್.ಎಸ್.ಸಂತೋಷಹೆಗ್ಗಡೆ ತಿಳಿಸಿದರು.

ತಾಲೂಕಿನ ಚಲ್ದಿಗಾನಹಳ್ಳಿ ಗ್ರಾಮದ ಸರ್ಕಾರಿ ಪ್ರಾಥಮಿಕ ಶಾಲಾವರಣದಲ್ಲಿ ಶುಕ್ರವಾರ ದಾನಿಗಳಾದ ವಕೀಲ ಎಂ.ಶಿವಪ್ರಕಾಶ್ ಹಾಗು ಎಸ್.ಶಿವಸ್ವರೂಪ ರವರು ತಂದೆ ದಿ. ಕೆ.ಮುನಿಸ್ವಾಮಿಗೌಡ ಹಾಗು ತಾಯಿ ರಮದೇವಿರವರ ಜ್ಞಾನಪಕಾರ್ಥವಾಗಿ ಉಚಿತವಾಗಿ ನೋಟ್ ಪುಸ್ತಕಗಳು ಹಾಗು ಲೇಖನಿ ಸಾಮಾಗ್ರಿಗಳನ್ನು ವಿತರಿಸಿ ಹಾಗು ರೋಜರಹಳ್ಳಿ ಕ್ರಾಸ್‌ನಲ್ಲಿ ಶುದ್ದನೀರಿನ ಘಟಕವನ್ನು ಉದ್ಗಾಟಿಸಿ ಮಾತನಾಡಿರು. 

ಮುಂದಿನ ದಿನಗಳಲ್ಲಿ ಅದನ್ನ ಲೋಕಾಯುಕ್ತ ಅಥವಾ ಬೇರೆ ಟ್ಯಾಕ್ಸ್ನ ಅಧಿಕಾರಿಗಳು ಬಂದು ನೀವು ಯಾವ ರೀತಿಯಲ್ಲಿ ಸಂಪಾನೆ ಮಾಡಿದ್ದೀರಿ ಎಂದು ನಿಮ್ಮ ಪ್ರಶ್ನೆ ಕೇಳಬಹುದು ಆದರೆ ನಿಮ್ಮ ಮಕ್ಕಳಿಗೆ ಉತ್ತಮ ಸಂಸ್ಕಾರ ಯುಕ್ತವಾದ ಶಿಕ್ಷಣವನ್ನು ಕೊಡಿಸಿದರೆ ಸಮಾಜವು ನಮ್ಮನ್ನು ಗೌರವದಿಂದ ನೋಡಿಕೊಳ್ಳುತ್ತದೆ. ಇದೇ ಸಮಯದಲ್ಲಿ ತಮ್ಮ ತಂದೆ ತಾಯಿ ಹೇಳಿಕೊಟ್ಟ ಸಂಸ್ಕಾರದ ಬಗ್ಗೆ ಮೆಲಕು ಹಾಕಿದರು. 

ಇಂದಿನ ಪರಿಸ್ಥಿತಿಯಲ್ಲಿ ಕೋರ್ಟ್ ನೀಡುವ ಶಿಕ್ಷಗೆ ಯಾರು ಭಯಪಡುವುದಿಲ್ಲ. ಕಾರಣ ಶಿಕ್ಷೆ ಅನುಮೋದಾನೆ ಮಾಡಲು ಬಹಳ ಸಮಯ ತೆಗೆದುಕೊಳ್ಳುತ್ತದೆ. ಇದರಿಂದ ಇಂದು ಕೋರ್ಟ್ ನೀಡುವ ಶಿಕ್ಷಗೆ ಯಾರು ಭಯಪಡುತ್ತಿಲ್ಲವೆಂದು ಬೇಸರ ವ್ಯಕ್ತಪಡಿಸಿದರು. ಆರೋಪಿಗಳನ್ನು ಸಮಾಜದಲ್ಲಿ ಮುಂದೆ ಇಟ್ಟರೇ ನ್ಯಾಯಸಿಗಬಹುದೆಂಬುದ ನನ್ನ ಅನಿಸಿಕೆ ಎಂದರು. 

ಇದು ನನ್ನ ೧೮೬೫ ನೇ ಶಾಲಾ ಕಾರ್ಯಕ್ರಮ ಪ್ರತಿ ದಶಕದಲ್ಲಿ ಒಂದು ಒಂದು ರೀತಿಯಲ್ಲಿ ಭ್ರಷ್ಟಚಾರಗಳು ನಡೆಯತ್ತಿದೆ. . ಇಂದು ಸಾವಿರಾರು ಕೋಟಿಗಳು ಭ್ರಷ್ಟಚಾರದಲ್ಲಿ ನಡೆಯುತ್ತಿದೆ. ಇದನ್ನ ಯುವಕರು ಸ್ವಲ್ಪ ಯೋಚನೆ ಮಾಡಬೇಕು. ಇದರ ಪರಿಣಾಮ ಪ್ರತಿಯೊಬ್ಬ ಮನಷ್ಯನಲ್ಲಿ ತೃಪ್ತಿ ಇರಬೇಕು .ತೃಪ್ತಿ ಇಲ್ಲದಿದ್ದರೆ ಅದು ಜೀವನವಲ್ಲ. ದುರಾಸೆಗೆ ಮುದ್ದು ಎಂದರೆ ತೃಪ್ತಿ ಎಂದರು. ಮನಾವೀಯತೆ ಎನ್ನುವುದು ನಮ್ಮ ಹಿರಿಯರು ಹೇಳಿಕೊಟ್ಟ ಜೀವನದ ವಿದ್ಯೆ. ಅದನ್ನ ಎಲ್ಲರೂ ತಮ್ಮ ಜೀವನಕ್ಕೆ ಅಳವಡಿಸಿಕೊಳ್ಳಬೇಕು ಎಂದರು.

ಸರ್ವೋಚ್ಚ ನ್ಯಾಯಾದೀಶ ಆರ್.ನಟರಾಜ್ ಮಾತನಾಡಿ ಶಿಕ್ಷಕರು ವಿದ್ಯಾರ್ಥಿಗಳನ್ನು ಒಳ್ಳೆಯ ಶಿಕ್ಷಣವನ್ನು ಪಡೆಯಬೇಕೆಂಬ ಆಸಕ್ತಿಯಿಂದ ತಮ್ಮ ಎಲ್ಲಾ ಸಮಯವನ್ನು ತಮ್ಮಲ್ಲಿರುವ ವಿದ್ಯೆಯನ್ನು ಧಾರೆ ಎಳೆಯುತ್ತಾರೆ. ಶಿಕ್ಷಕ ಎಂಬ ವಿದ್ಯೆ ಹೇಳಿಕೊಟ್ಟ ಶಿಷ್ಯ ಒಳ್ಳೇಯ ಜವಾಬ್ದಾರಿ ಸ್ಥಾನದಲ್ಲಿ ಇದ್ದರೆ ತುಂಬಾ ಖುಷಿಪಡುತ್ತಾನೆ ಎಂದರು. ಪೋಷಕರು ತಮ್ಮ ಮಕ್ಕಳೊಂದಿಗೆ ನಿಕಟ ಸಂಪರ್ಕ ಇರುವಂತೆ ಸಲಹೆ ನೀಡಿದರು. ಇಂದು ಮೊಬೈಲ್‌ನಿಂದ ಯುವ ಪೀಳಿಗೆ ಹಾಳಗುತ್ತಿದ್ದು, ತಕ್ಷಣ ಪೋಷಕರು ಎಚ್ಚೆತ್ತುಕೊಂಡು ತಮ್ಮ ಮಕ್ಕಳ ಬಗ್ಗೆ ಎಚ್ಚರವಹಿಸಿ ಎಂದರು. 

ತಮ್ಮದೇ ಯಾವುದೇ ಕೆಲಸ ಮಾಡಿಸಿಕೊಳ್ಳಲು ಲಂಚ. ಇದರಿಂದ ದೇಶ ಗುಲಾಮಗಿರಿಯಲ್ಲಿ ಮುಳಗಿಹೋಗಿದೆ. ಸಂತೋಷಹೆಗ್ಗಡೆರವರು ದೇಶದಲ್ಲಿ ಭ್ರಷ್ಟಾರವನ್ನು ನಿರ್ಮಲನೆ ಮಾಡಲು ತುಂಬಾ ಪ್ರಯತ್ನ ಪಟ್ಟರು.  

ನಿವೃತ್ತ ತೋಟಗಾರಿಕೆ ನಿರ್ದೇಶಕ ಡಾ.ಹಿತ್ತಲಮನೆ, ರೈತ ಹೋರಾಟಗಾರ್ತಿ ಸುನಂದಜಯರಾಮ್, ಎಂ.ಶಿವಪ್ರಕಾಶ್, ಜಿಲ್ಲಾ ವಕೀಲರ ಸಂಘದ ಅಧ್ಯಕ್ಷ ಎಲ್..ಶ್ರೀನಿವಾಸ್, ಕಾರ್ಯದರ್ಶಿ , ಕೆ.ವಿಆದರ್ಶ, ಜಿಲ್ಲಾ ಸರ್ಕಾರಿ ಅಬಿಯೋಜಕ ಫಯಾಜ್‌ಅಹ್ಮದ್, ವಕೀಲ ಅರ್ಜುನ್,ತೌಸೀಪ್, ಗ್ರಾ.ಪಂ. ಅಧ್ಯಕ್ಷ ಶ್ರೀನಿವಾಸ್, ಪಿಡಿಒ ಗೋಪಾಲರೆಡ್ಡಿ, ಅಶೋಕ್ ಕುಮಾರ್,ಸೀತಾರಾಮಯ್ಯ, ನಿವೃತ್ತ ಶಿಕ್ಷಕ ಗಾಂಡ್ಲಹಳ್ಳಿ ಸಂಪತ್‌ಕುಮಾರ್, ತಾ.ಪಂ.ಮಾಜಿ ಅಧ್ಯಕ್ಷ ಶ್ಯಾಗತ್ತಾರು ಸುಧಕಾರ್, ಶಿಕ್ಷಕರಾದ ಕಲಾಶಂಕರ್,ಎನ್.ಮುರಳಿ, ಶಿವಮೂರ್ತಿ,ಓಬಲೇಶ, ಗೋವಿಂದಪ್ಪ, ಶಾರಧ, ಅನುರಾಧ, ಊರಿನ ಗ್ರಾಮಸ್ಥರು ಇದ್ದರು.  

ಕುಂದಾಪುರ: ಮಾಧ್ಯಮಗಳು ಜನಪರ ಧ್ವನಿಯಾಗಬೇಕು ಎಂದು ಉಡುಪಿ ಜಿಲ್ಲಾ ಕಾರ್ಯನಿರತ ಪತ್ರಕರ್ತರ ಸಂಘದ ಅಧ್ಯಕ್ಷರಾದ ಸುಬ್ರಹ್ಮಣ್ಯ ಭಟ್ (ಸುಜಿಕುರ್ಯ) ಹೇಳಿದರು.
ಅವರು ನವೆಂಬರ್ 15ರಂದು ಇಲ್ಲಿನ ಭಂಡಾರ್ಕಾರ್ಸ್ ಕಾಲೇಜಿನಲ್ಲಿ ಆಂತರಿಕ ಗುಣಮಟ್ಟ ಭರವಸೆ ಕೋಶ, ಪತ್ರಿಕೋದ್ಯಮ ವಿಭಾಗ ಮತ್ತು ಕರ್ನಾಟಕ ಮಾಧ್ಯಮ ಅಕಾಡೆಮಿ ಸಹಯೋಗದಲ್ಲಿ ನಡೆದ “ರಾಷ್ಟ್ರೀಯ ಪತ್ರಿಕಾ ದಿನಾಚರಣೆ” ಕಾರ್ಯಕ್ರಮದಲ್ಲಿ ಮುಖ್ಯ ಅತಿಥಿಗಳಾಗಿ ಭಾಗವಹಿಸಿ ಮಾತನಾಡಿದರು.
ಮಾಧ್ಯಮಗಳು ನ್ಯಾಯಾಂಗ, ಕಾರ್ಯಾಂಗ ಮತ್ತು ಶಾಸಕಾಂಗಗಳ ಮೇಲೆ ನಿಗಾ ಇಡಬೇಕು. ಪತ್ರಕರ್ತರು ಜವಾಬ್ದಾರಿಯುತವಾಗಿ ತಮ್ಮ ಕರ್ತವ್ಯವನ್ನು ನಿಭಾಯಿಸಬೇಕು. ಅಲ್ಲದೆ ಜನರು ಮತ್ತು ಸರ್ಕಾರದ ನಡುವೆ ಸಂಪರ್ಕ ಶಕ್ತಿಯಾಗಿರುವ ಸಾಮರ್ಥ್ಯ ಮಾಧ್ಯಮಗಳಿಗಿದೆ ಎಂದು ಹೇಳಿದರು.
ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ವಹಿಸಿದ್ದ ಭಂಡಾರ್ಕಾರ್ಸ್ ಪದವಿ ಕಾಲೇಜಿನ ಪ್ರಾಂಶುಪಾಲರಾದ ಡಾ. ಶುಭಕರಾಚಾರಿ ಮಾತನಾಡಿ ಮಾಧ್ಯಮಗಳು ಪ್ರಜಾಪ್ರಭುತ್ವದ ನಾಲ್ಕನೇ ಅಂಗ. ಜನರ ಧ್ವನಿಯಾಗಿ ಕೆಲಸ ನಿರ್ವಹಿಸುತ್ತಿದೆ ಎಂದು ಹೇಳಿದರು.
ಕಾಲೇಜಿನ ಆಡಳಿತ ಮಂಡಳಿಯ ಕಾರ್ಯದರ್ಶಿಗಳಾದ ಯು.ಎಸ್.ಶೆಣೈ ಮಾತನಾಡಿ ಭಾರತೀಯ ಪತ್ರಿಕಾ ಮಂಡಳಿ ಕುರಿತು ತಿಳಿಸಿದರು.
ಈ ಸಂದರ್ಭದಲ್ಲಿ ವೇದಿಕೆಯಲ್ಲಿ ಭಂಡಾರ್ಕಾರ್ಸ್ ಕಾಲೇಜಿನ ಆಂತರಿಕ ಗುಣಮಟ್ಟ ಭರವಸೆ ಕೋಶ ಇದರ ಸಂಯೋಜಕರಾದ ಪ್ರೊ.ಸತ್ಯನಾರಾಯಣ ಉಪಸ್ಥಿತರಿದ್ದರು.
ವಿಜಯಕರ್ನಾಟಕ ಪತ್ರಿಕೆಯ ಹಿರಿಯ ವರದಿಗಾರಾದ ಜಾನ್ ಡಿಸೋಜಾ ಉಪಸ್ಥಿತರಿದ್ದರು.
.ಪತ್ರಿಕೋದ್ಯಮ ವಿಭಾಗ ಮುಖ್ಯಸ್ಥೆ ಸುಮಲತಾ ಸುರೇಶ್ ಕಾರ್ಯಕ್ರಮ ನಿರೂಪಿಸಿದರು.
ಪತ್ರಿಕೋದ್ಯಮ ವಿದ್ಯಾರ್ಥಿನಿಯರಾದ ಶ್ರಾವ್ಯ ಮತ್ತು ಧೃತಿ ಗೌಡ ಅನಿಸಿಕೆ ವ್ಯಕ್ತಪಡಿಸಿದರು. ವಿದ್ಯಾರ್ಥಿನಿಯರಾದ ಕೀರ್ತಿ ಸತೀಶ್ ಪಟಗಾರ ಅತಿಥಿಗಳನ್ನು ಪರಿಚಯಿಸಿದರು. ಸೃಜನ್ ಪೂಜಾರಿ ವಂದಿಸಿದರು.

Observation of World Diabetes Day November 14th 2025 by Milagres College of Nursing

ಮಿಲಾಗ್ರೆಸ್ ಕಾಲೇಜ್ ಆಫ್ ನರ್ಸಿಂಗ್  ನವೆಂಬರ್ 14 ರಂದು ಸಂಜೆ 4:30 ಕ್ಕೆ ಮಿಲಾಗ್ರೆಸ್ ಸೆನೇಟ್ ಹಾಲ್ನಲ್ಲಿ ಮಧುಮೇಹದ ಕುರಿತು ಜಾಗೃತಿ ಮೂಡಿಸಲು ಅರ್ಥಪೂರ್ಣ ಮತ್ತು ಪರಿಣಾಮಕಾರಿಯಾದ ಕಾರ್ಯಕ್ರಮವನ್ನು ಆಯೋಜಿಸಿತು… ಈ ವರ್ಷದ “ಮಧುಮೇಹ ಮತ್ತು ಆರೋಗ್ಯ ಜೀವನ” ಎಂಬ ಧ್ಯೇಯ ವನ್ನು ಪ್ರಥಮ ವರ್ಷದ ಬಿ.ಎಸ್.ಸಿ. ನರ್ಸಿಂಗ್ ವಿದ್ಯಾರ್ಥಿ  ಲಿಷಾ  ಡಿ’ಸೌಜಾ  ಅನಾವರಣಗೊಳಿಸಿದರು. ಕಾರ್ಯಕ್ರಮದ ಸಂಪನ್ಮೂಲ ವ್ಯಕ್ತಿ ಮಂಗಳೂರು ಫಾದರ್ ಮಲ್ಲರ್ ಮೆಡಿಕಲ್ ಕಾಲೇಜು ಆಸ್ಪತ್ರೆಯ ಸಹಾಯಕ ಪ್ರಾಧ್ಯಾಪಕರು, ವೈದ್ಯಕೀಯ ವಿಭಾಗದ  ಡಾ. ಜೆಫ್ರಿ ಲ್ಯೂಯಿಸ್,. ಮಧುಮೇಹದ ಹೆಚ್ಚುತ್ತಿರುವ ಪ್ರಮಾಣ, ಅಪಾಯದ ಅಂಶಗಳು ಹಾಗೂ ದೈಹಿಕ ಮತ್ತು ಮಾನಸಿಕ ಸುಖಸ್ವಾಸ್ಥ್ಯ ಕಾಪಾಡಿಕೊಳ್ಳುವ ಸಮಯಕ್ಕೆ ತಕ್ಕ ರೋಗನಿರ್ಣಯ, ಆರೋಗ್ಯಕರ ಆಹಾರ, ನಿಯಮಿತ ವ್ಯಾಯಾಮ ಮತ್ತು ಚಿಕಿತ್ಸೆಗೆ ಬದ್ಧತೆ ಇವುಗಳು ಜಟಿಲತೆಗಳನ್ನು ತಪ್ಪಿಸಲು ಅಗತ್ಯವೆಂದು ವಿವರಿಸಿದರು. ಅಧ್ಯಕ್ಷರಾದ ವಂದನೀಯ. ಬೋನವಿಂಚರ್ ನಜರೇತ್, ಪ್ರಾಂಶುಪಾಲೆ ಡಾ. ಡಯಾನಾ ಲೋಬೋ, ಶ್ರೀ ಸಿಲ್ವೆಸ್ಟರ್ ಮಸ್ಕರೆನ್ಹಾಸ್, ಜಸಿಂತಾ ಫರ್ನಾಂಡಿಸ್ ಮತ್ತು ಪ್ರೊ. ಐರಿನ್ ಅವರು ಈ ಕಾರ್ಯಕ್ರಮ ದಲ್ಲಿ ಉಪಸ್ಥಿತರಿದ್ದರು ಒಟ್ಟು84 ಮಂದಿ ಭಾಗವಹಿಸಿದರು.  ರಕ್ಷಿತಾ ಸ್ವಾಗತ ಕೋರಿದರು,. ಕಾರ್ಯಕ್ರಮವನ್ನು ಬಿ.ಎಸ್.ಸಿ. ನರ್ಸಿಂಗ್ ವಿದ್ಯಾರ್ಥಿನಿ ಮೆರಿನ್ ನಿರ್ವಹಿಸಿದರು. ಈ ಕಾರ್ಯಕ್ರಮದ ಫಲಾನುಭವಿಗಳು ಸೌತ್ ಇಂಡಿಯನ್ ಬ್ಯಾಂಕ್ ನ ನೌಕರರು ಮತ್ತು ಮಿಲಾಗ್ರೆಸ್ ಚರ್ಚ್ನ  ಹಿರಿಯ ನಾಗರಿಕರು ಸೇರಿ ಒಟ್ಟು ಸುಮಾರು 78 ಮಂದಿ ಇದ್ದರು.

Observation of World Diabetes Day November 14th 2025 by Milagres College of Nursing

Milagres College of Nursing observed World Diabetes Day on November 14th at 4:30 PM at the Milagres Senate Hall. The program aimed to raise awareness about diabetes prevention, early detection, and lifestyle modifications essential for long-term health.
The event began with a warm welcome to the gathering, followed by the unveiling of the official theme, “Diabetes and Well-Being,” by Lisha Dsouza, a first-year B.Sc. Nursing student. World Diabetes Day is recognized globally to highlight the growing challenges of diabetes and promote public education.
The keynote address was delivered by Dr. Jeffrey Lewis, Assistant Professor, Department of Medicine, FMMCH. He spoke about the increasing prevalence of diabetes, associated risk factors, and the importance of maintaining both physical and mental well-being. He emphasized the need for timely diagnosis, healthy dietary habits, regular exercise, and adherence to treatment to prevent complications. His address provided students and attendees with valuable insights into current trends in diabetes management.
Rev. Fr. Bonaventure Nazareth, Correspondent of the institution, Dr. Diana Lobo, Principal of Milagres College of Nursing,  Mr Sylvester Mascharenhas, vice president, Mrs Jacintha Fernandes, secretary , Parish Council and Prof Irene Dais, Programme coordinator graced the occasion with their presence.
The program concluded with the message, “Stronger than diabetes, one healthy choice at a time,” inspiring participants to adopt healthier lifestyles and support those living with the condition. The beneficiaries of the program included South Indian Bank employees and Milagres parishioners, totaling around 78 individuals.

Dr. Vivian Mendonca awarded Rajyotsava Award for distinguished service and contribution to the pharmaceutical industry

ಮಂಗಳೂರು : ಜಾಗತಿಕಮಟ್ಟದ ಪ್ರಸಿದ್ದ ವೈದ್ಯ ಮತ್ತು ಮಂಗಳೂರಿನ ಔಷಧೀಯ ಉದ್ಯಮದ ಮುಖಂಡರಾದ ಡಾ. ವಿವಿಯನ್ ಮೆಂಡೋನ್ಸಾ ಅವರಿಗೆ, ಔಷಧೀಯ ಉದ್ಯಮಕ್ಕೆ ಅವರು ಸಲ್ಲಿಸಿದ ವಿಶಿಷ್ಟ ಸೇವೆ ಮತ್ತು ಕೊಡುಗೆಯನ್ನು ಗುರುತಿಸಿ ರಾಜ್ಯೋತ್ಸವ ಪ್ರಶಸ್ತಿ ನೀಡಿ ಗೌರವಿಸಲಾಗಿದೆ.
ಮಂಗಳೂರಿನಲ್ಲಿ ಹುಟ್ಟಿ ಬೆಳೆದ ಡಾ. ಮೆಂಡೋನ್ಸಾ (ವಿನ್ಸೆಂಟ್ ಮೆಂಡೋನ್ಸಾ ಮತ್ತು ಮಾಬೆಲ್ ಮೆಂಡೋನ್ಸಾ ಅವರ ಪುತ್ರ ಮತ್ತು ಶ್ವೇತಾ ಮೆಂಡೋನ್ಸಾ ಅವರ ಪತಿ) ಅವರು ಜಗತ್ತಿನಾದ್ಯಂತ ನವೀನ ಔಷಧಿಗಳಿಗೆ ಸಮಾನ ಪ್ರವೇಶವನ್ನು ಹೆಚ್ಚಿಸಲು ತಮ್ಮ ವೃತ್ತಿಜೀವನವನ್ನು ಸಮರ್ಪಿಸಿದ್ದಾರೆ. ಮಂಗಳೂರಿನ ಸೈಂಟ್ ಅಲೋಶಿಯಸ್ ಕಾಲೇಜಿನ ಹೆಮ್ಮೆಯ ಹಳೆಯ ವಿದ್ಯಾರ್ಥಿ ಮತ್ತು ಮಂಗಳೂರಿನ ಕಸ್ತೂರ್ಬಾ ವೈದ್ಯಕೀಯ ಕಾಲೇಜು (KMC) ಹಾಗೂ ದಾವಣಗೆರೆಯ ಜೆಜೆಎಂಎಂಸಿ ಯಿಂದ ವೈದ್ಯಕೀಯ ಪದವಿ ಪಡೆದ ಡಾ. ಮೆಂಡೋನ್ಸಾ ಅವರು ಕರ್ನಾಟಕದ ಶ್ರೇಷ್ಠತೆ, ಕರುಣೆ ಮತ್ತು ಮಾನವೀಯತೆಗೆ ಸೇವೆ ಸಲ್ಲಿಸುವ ಶಾಶ್ವತ ಪರಂಪರೆಯನ್ನು ಪ್ರತಿನಿಧಿಸುತ್ತಾರೆ.
ಪ್ರಸ್ತುತ ಸ್ವಿಟ್ಜರ್ಲೆಂಡ್‌ನಲ್ಲಿ ನೆಲೆಸಿರುವ ಡಾ. ಮೆಂಡೋನ್ಸಾ ಅವರು ಪ್ರಮುಖ ಜಾಗತಿಕ ಔಷಧೀಯ ಕಂಪನಿಯಲ್ಲಿ ಹಿರಿಯ ಕಾರ್ಯನಿರ್ವಾಹಕರಾಗಿ ಸೇವೆ ಸಲ್ಲಿಸುತ್ತಿದ್ದಾರೆ, ಅಲ್ಲಿ ಅವರು ಪ್ರಪಂಚದಾದ್ಯಂತ ಮಹತ್ವದ ಚಿಕಿತ್ಸೆಗಳಿಗೆ ರೋಗಿಗಳ ಪ್ರವೇಶವನ್ನು ವಿಸ್ತರಿಸುವ ಉಪಕ್ರಮಗಳನ್ನು ಮುನ್ನಡೆಸುತ್ತಿದ್ದಾರೆ.
ಎರಡು ದಶಕಗಳಿಗಿಂತ ಹೆಚ್ಚಿನ ಅನುಭವದೊಂದಿಗೆ, ಡಾ. ಮೆಂಡೋನ್ಸಾ ಅವರು ಪ್ರಮುಖ ಜೈವಿಕ ಔಷಧೀಯ ಸಂಸ್ಥೆಗಳಲ್ಲಿ ಹಿರಿಯ ಜಾಗತಿಕ ನಾಯಕತ್ವದ ಪಾತ್ರಗಳನ್ನು ನಿರ್ವಹಿಸಿದ್ದಾರೆ. ಅಗತ್ಯವಿರುವ ರೋಗಿಗಳಿಗೆ, ವಿಶೇಷವಾಗಿ ಆಂಕೊಲಾಜಿ (ಆರ್ಬುದ ರೋಗಶಾಸ್ತ್ರ), ಅಪರೂಪದ ಕಾಯಿಲೆಗಳು ಮತ್ತು ಇಮ್ಯುನಾಲಜಿ (ಪ್ರತಿರಕ್ಷಾಶಾಸ್ತ್ರ) ಕ್ಷೇತ್ರಗಳಲ್ಲಿ, ಅತ್ಯಾಧುನಿಕ ವೈಜ್ಞಾನಿಕ ಪ್ರಗತಿಗಳು ತಲುಪುವುದನ್ನು ಖಚಿತಪಡಿಸಿಕೊಳ್ಳಲು ಅವರು ಕಾರ್ಯತಂತ್ರಗಳನ್ನು ರೂಪಿಸಿದ್ದಾರೆ. ಅವರ ದೂರದೃಷ್ಟಿಯ ನಾಯಕತ್ವವು ಜಾಗತಿಕ ಮಾರುಕಟ್ಟೆ ಪ್ರವೇಶದ ಚೌಕಟ್ಟುಗಳನ್ನು ಪರಿವರ್ತಿಸಿದೆ, ಅಭಿವೃದ್ಧಿ ಹೊಂದಿದ ಮತ್ತು ಉದಯೋನ್ಮುಖ ಆರ್ಥಿಕತೆಗಳಲ್ಲಿ ನವೀನ ಚಿಕಿತ್ಸೆಗಳಿಗೆ ಸುಸ್ಥಿರ ಮತ್ತು ಕೈಗೆಟುಕುವ ಪ್ರವೇಶವನ್ನು ಸಕ್ರಿಯಗೊಳಿಸಿದೆ.
ವಿಷಯ ತಜ್ಞ ಮತ್ತು ಅಂತಾರಾಷ್ಟ್ರೀಯ ಭಾಷಣಕಾರರಾಗಿ, ಡಾ. ಮೆಂಡೋನ್ಸಾ ಅವರು ಜಾಗತಿಕ ಆರೋಗ್ಯ ಕಾಂಗ್ರೆಸ್‌ಗಳು, ನೀತಿ ಸಂವಾದಗಳು ಮತ್ತು ತಜ್ಞರ ವೇದಿಕೆಗಳಿಗೆ ಗಮನಾರ್ಹ ಕೊಡುಗೆಗಳನ್ನು ನೀಡಿದ್ದಾರೆ. ರೋಗಿಗಳ ಪ್ರವೇಶ, ಮೌಲ್ಯ ಆಧಾರಿತ ಆರೋಗ್ಯ ರಕ್ಷಣೆ, ಮತ್ತು ಆರೋಗ್ಯ ವ್ಯವಸ್ಥೆಯನ್ನು ಬಲಪಡಿಸುವ ಕುರಿತು ತಮ್ಮ ವಿಚಾರಗಳನ್ನು ಮಂಡಿಸಿದ್ದಾರೆ. ಆಧುನಿಕ ಆರೋಗ್ಯ ರಕ್ಷಣಾ ವ್ಯವಸ್ಥೆಗಳಲ್ಲಿ ಹೊಸತನ (innovation) ಮತ್ತು ಸೇರ್ಪಡೆ (inclusion) ಹೇಗೆ ಸಹಬಾಳ್ವೆ ನಡೆಸಬಹುದು ಎಂಬ ಜಾಗತಿಕ ಚರ್ಚೆಯನ್ನು ರೂಪಿಸುವಲ್ಲಿ ಅವರ ಕೆಲಸವು ಪ್ರಮುಖ ಪಾತ್ರ ವಹಿಸಿದೆ.
ಜಾಗತಿಕವಾಗಿ ಹಿಂದುಳಿದ ಜನಸಂಖ್ಯೆಗೆ ಉತ್ತಮ ಪ್ರವೇಶ ಮತ್ತು ಫಲಿತಾಂಶಗಳನ್ನು ಒದಗಿಸುವ ಗುರಿಯನ್ನು ಹೊಂದಿರುವ ಅವರ ಸಾರ್ವಜನಿಕ ಆರೋಗ್ಯ ಉಪಕ್ರಮಗಳಲ್ಲಿ ಡಾ. ಮೆಂಡೋನ್ಸಾ ಅವರ ಪ್ರಭಾವವು ಪ್ರಮುಖವಾಗಿದೆ.
ಅವರ ವೃತ್ತಿಪರ ಸಾಧನೆಗಳ ಹೊರತಾಗಿ, ಡಾ. ಮೆಂಡೋನ್ಸಾ ಅವರು ಜೀವನ ವಿಜ್ಞಾನದಲ್ಲಿ (life sciences) ನೈತಿಕ, ಎಲ್ಲರನ್ನು ಒಳಗೊಂಡ, ಮತ್ತು ಉದ್ದೇಶ-ಪ್ರೇರಿತ ನಾಯಕತ್ವಕ್ಕಾಗಿ ಒಬ್ಬ ಮಾರ್ಗದರ್ಶಕ ಮತ್ತು ಪ್ರತಿಪಾದಕ (advocate) ಎಂದೂ ಸಹ ಗುರುತಿಸಲ್ಪಟ್ಟಿದ್ದಾರೆ. ಸೈಂಟ್ ಅಲೋಶಿಯಸ್, ಕೆಎಂಸಿ, ಮತ್ತು ಜೆಜೆಎಂಎಂಸಿ ತರಗತಿಗಳಿಂದ ಜಾಗತಿಕ ಆರೋಗ್ಯದ ಮುಂಚೂಣಿಗೆ ಸಾಗಿರುವ ಅವರ ಪ್ರಯಾಣವು ಕರ್ನಾಟಕದ ಬುದ್ಧಿಶಕ್ತಿ, ಸೇವೆ ಮತ್ತು ಜಾಗತಿಕ ಪೌರತ್ವದ ಮೌಲ್ಯಗಳನ್ನು ಪ್ರತಿಬಿಂಬಿಸುತ್ತದೆ.
ಜಾಗತಿಕ ಆರೋಗ್ಯ ರಕ್ಷಣೆಗೆ ಪ್ರವೇಶ, ಔಷಧೀಯ ಆವಿಷ್ಕಾರ ಮತ್ತು ಜೀವನ ವಿಜ್ಞಾನದಲ್ಲಿ ಭಾರತದ ನಾಯಕತ್ವದ ಪ್ರಗತಿಗೆ ಅವರು ಸಲ್ಲಿಸಿದ ನಿರಂತರ ಮತ್ತು ವಿಶಿಷ್ಟ ಕೊಡುಗೆಗಳಿಗಾಗಿ, ಡಾ. ವಿವಿಯನ್ ಮೆಂಡೋನ್ಸಾ ಅವರಿಗೆ ಔಷಧೀಯ ಉದ್ಯಮಕ್ಕೆ ವಿಶಿಷ್ಟ ಸೇವೆ ಮತ್ತು ಕೊಡುಗೆಗಾಗಿ ರಾಜ್ಯೋತ್ಸವ ಪ್ರಶಸ್ತಿ ನೀಡಿ ಗೌರವಿಸಲಾಗಿದೆ.

Dr. Vivian Mendonca awarded Rajyotsava Award for distinguished service and contribution to the pharmaceutical industry

Mangaluru: Dr. Vivian Mendonca, a globally respected physician and pharmaceutical industry leader from Mangalore, Karnataka, has been awarded the Rajyotsava Award in recognition of his distinguished service and contribution to the pharmaceutical industry.

Born and raised in Mangalore, Dr. Mendonca (son of Vincent Mendonca and Mabel Mendonca, and husband of Swetha Mendonca) has dedicated his career to advancing equitable access to innovative medicines across the world. A proud alumnus of St Aloysius College, Mangalore, and a medical graduate from Kasturba Medical College (KMC), Mangalore, and JJMMC, Davangere, Dr. Mendonca represents Karnataka’s enduring legacy of excellence, compassion, and service to humanity.

Currently residing in Switzerland, Dr. Mendonca serves as a senior executive in a leading global pharmaceutical company, where he continues to drive initiatives that expand patient access to breakthrough treatments worldwide.

With over two decades of experience, Dr. Mendonca has held senior global leadership roles in leading biopharmaceutical organizations. He has pioneered strategies that ensure cutting-edge scientific breakthroughs reach patients in need — especially in the fields of oncology, rare diseases, and immunology. His visionary leadership has transformed global market access frameworks, enabling sustainable and affordable access to innovative therapies in both developed and emerging economies.

As a subject matter expert and international speaker, Dr. Mendonca has made significant contributions to global health congresses, policy dialogues, and expert forums, offering thought leadership on patient access, value-based healthcare, and health system strengthening. His work has played a key role in shaping global discourse on how innovation and inclusion can coexist within modern healthcare systems.

A cornerstone of Dr. Mendonca’s impact lies in his public health initiatives across the globe, aimed at improving access and outcomes for underserved populations.

Beyond his professional achievements, Dr. Mendonca is also known as a mentor and advocate for ethical, inclusive, and purpose-driven leadership in the life sciences. His journey — from the classrooms of St Aloysius, KMC, and JJMMC to the forefront of global health advocacy — reflects Karnataka’s values of intellect, service, and global citizenship.

In recognition of his sustained and distinguished contributions to global healthcare access, pharmaceutical innovation, and the advancement of India’s leadership in life sciences, Dr. Vivian Mendonca has been honoured with the Rajyotsava Award for Distinguished Service and Contribution to the Pharmaceutical Industry.

ಉಡುಪಿ: ವಿಶೇಷ ಚೇತನ ಮಕ್ಕಳ ಆರೈಕೆಯು ಒಂದು ಸವಾಲಿನ ಹಾಗೂ ಜವಾಬ್ದಾರಿಯುತ ಕೆಲಸವಾಗಿದ್ದು ಉತ್ತಮ ಆರೈಕೆ, ಪ್ರೋತ್ಸಾಹ ಮತ್ತು ಬೆಂಬಲದಿಂದ ಇಂತಹ ಮಕ್ಕಳು ತಮ್ಮ ಜೀವನದಲ್ಲಿ ಯಶಸ್ಸಿನ ಮೆಟ್ಟಿಲನ್ನು ಏರಲು ಸಾಧ್ಯವಿದೆ ಎಂದು ಉದ್ಯಮಿ, ದಾನಿ ಮೈಕಲ್ ಡಿಸೋಜಾ ಹೇಳಿದರು

ಅವರು ಶನಿವಾರ ಪಾಂಬೂರು ಮಾನಸ ವಿಶೇಷ ಚೇತನ ಶಾಲೆಯಲ್ಲಿ ಆಟಿಸಂ ವಿಭಾಗದ ಪ್ರಾಥಮಿಕ ತರಬೇತಿ ಕೇಂದ್ರದ ಉದ್ಘಾಟನೆ ನೆರವೇರಿಸಿ ಮಾತನಾಡಿದರು.

ವಿಶೇಷ ಚೇತನ ಮಕ್ಕಳು ಸಮಾಜದ ಆಸ್ತಿ. ಅವರನ್ನು ಆರೈಕೆ ಮಾಡುವುದು, ಅವರ ಶೈಕ್ಷಣಿಕ ಚಟುವಟಿಕೆಗೆ ಪ್ರೇರಣೆ ನೀಡುವುದು ಪುಣ್ಯದ ಕೆಲಸವಾಗಿದ್ದು ಮಾನಸ ಸಂಸ್ಥೆ ಕಳೆದ 28 ವರ್ಷಗಳಿಂದ ನಿರಂತರವಾಗಿ ಮಾಡಿಕೊಂಡು ಬಂದಿದ್ದು ದೈಹಿಕವಾಗಿ ಸರಿ ಇರುವ ಮಕ್ಕಳನ್ನು ನಿಭಾಯಿಸುವುದೇ ಕಷ್ಟಕರವಾಗಿರುವಾಗ ವಿಶೇಷ ಚೇತನ ಮಕ್ಕಳಿಗೆ ಶಿಕ್ಷಣ ನೀಡಿ ಅವರನ್ನು ಆರೈಕೆ ಮಾಡುತ್ತಿರುವ ಸಂಸ್ಥೆಯ ಪದಾಧಿಕಾರಿಗಳು ಹಾಗೂ ಶಿಕ್ಷಕರ ಪಾತ್ರ ಸಮಾಜಕ್ಕೆ ಅನುಕರಣೀಯವಾದದ್ದು ಎಂದರು.

ದೇವರು ನಮಗೆ ನೀಡಿದ ಸಂಪತ್ತಿನ ಒಂದು ಭಾಗವನ್ನು ಅಗತ್ಯವಿರುವ ಇಂತಹ ಸಂಸ್ಥೆಗಳಿಗೆ ನೀಡಿದಾಗ ದೇವರ ಆಶೀರ್ವಾದ ಲಭಿಸಿದಂತಾಗುತ್ತದೆ. ಮಾನಸ ಸಂಸ್ಥೆ ವಿಶೇಷ ಚೇತನ ಮಕ್ಕಳಿಗೆ ಶಿಕ್ಷಣ ನೀಡುವ ಜತೆಗೆ ಅವರ ಆಸಕ್ತಿದಾಯಕ ಕ್ಷೇತ್ರವನ್ನು ಗುರುತಿಸಿ ಅದರಲ್ಲಿ ತರಬೇತಿ ನೀಡುತ್ತಿರುವ ಕೆಲಸಕ್ಕೆ ಮುಂದೆಯೂ ಸಹಕಾರ ನೀಡುವುದಾಗಿ ಹೇಳಿದರು.

ನೂತನ ಕೇಂದ್ರವನ್ನು ಉಡುಪಿ ಧರ್ಮಪ್ರಾಂತ್ಯದ ಧರ್ಮಾಧ್ಯಕ್ಷರಾದ ಅತಿ ವಂ|ಡಾ| ಜೆರಾಲ್ಡ್ ಐಸಾಕ್ ಲೋಬೋ ಆಶೀರ್ವಚನ ನೇರವೇರಿಸಿದರು.

ಆಟಿಸಂ ವಿಭಾಗದ ಪ್ರಾಥಮಿಕ ತರಬೇತಿ ಕೇಂದ್ರದ ನಿರ್ಮಾಣಕ್ಕೆ ಆರ್ಥಿಕ ಸಹಾಯ ನೀಡಿದ ಮೈಕಲ್ ಫ್ಲಾವಿಯಾ ಡಿಸೋಜಾ ದಂಪತಿಗಳನ್ನು ಸಂಸ್ಥೆಯ ಪರವಾಗಿ ಸನ್ಮಾನಿಸಲಾಯಿತು.

ಕಾರ್ಯಕ್ರಮದಲ್ಲಿ ಉಡುಪಿ ಧರ್ಮಪ್ರಾಂತ್ಯದ ಸಾರ್ವಜನಿಕ ಸಂಪರ್ಕಾಧಿಕಾರಿ ವಂ|ಡೆನಿಸ್ ಡೆಸಾ, ನಿವೃತ್ತ ಯೋಧ ಕಮೋಡರ್ ಜೆರೊಮ್ ಕ್ಯಾಸ್ತಲಿನೋ ಮೂಡುಬೆಳ್ಳೆ, ಮಾನಸ ಸಂಸ್ಥೆಯ ಪ್ರಾಂಶುಪಾಲರಾದ ಸಿಸ್ಟರ್ ವಿನ್ನಿಗೊನ್ಸಾಲ್ವಿಸ್, ಸಹಕಾರ್ಯದರ್ಶಿ ಮೇರಿ ಡಿಸೋಜಾ, ಕೋಶಾಧಿಕಾರಿ ಜೊಸೇಫ್ ಎಫ್ ನೊರೊನ್ಹಾ ಟ್ರಸ್ಟಿಗಳಾದ ಡಾ|ಎಡ್ವರ್ಡ್ ಲೋಬೊ, ಹೆನ್ರಿ ಮಿನೇಜಸ್, ಕಿರಣ್ ಕ್ರಾಸ್ತಾ, ಸಲಹಾ ಸಮಿತಿ ಸದಸ್ಯರಾದ ವಾಲ್ಟರ್ ಸಿರಿಲ್ ಪಿಂಟೊ, ಜೆರಾಲ್ಡ್ ರೊಡ್ರಿಗಸ್, ಗ್ರೇಸಿ ಲಸ್ರಾದೊ, ಮೈಕಲ್ ಡಿಸೋಜಾ ಟ್ರಸ್ಟಿನ ಸಲಹಾಸಮಿತಿ ಸದಸ್ಯರಾದ ಓಸ್ವಲ್ಡ್ ರೊಡ್ರಿಗಸ್, ಲೈನಲ್ ಆರಾನ್ಹಾ, ಸ್ಟೀಫನ್ ಪಿಂಟೊ, ಶಾಲೆಯ ಶಿಕ್ಷಕ ರಕ್ಷಕ ಸಂಘದ ಪದಾಧಿಕಾರಿಗಳು, ದಾನಿಗಳು ಹಾಗೂ ಇತರರು ಉಪಸ್ಥಿತರಿದ್ದರು.

ಮಾನಸ ಟ್ರಸ್ಟ್ ಅಧ್ಯಕ್ಷರಾದ ಜೋನ್ ಮಾರ್ಟಿಸ್ ಸ್ವಾಗತಿಸಿ, ಕಾರ್ಯದರ್ಶಿ ಡಾ|ಜೆರಾಲ್ಡ್ ಪಿಂಟೊ ವಂದಿಸಿದರು. ರೀನಾ ಡಿಸೋಜಾ, ಲವೀನಾ ಮೋನಿಸ್ ಕಾರ್ಯಕ್ರಮ ನಿರೂಪಿಸಿದರು.