ಸೌಹಾರ್ದ ಸೇವಾ ಸಮಿತಿ ಉಳ್ಳಾಲ ವತಿಯಿಂದ ಉಚಿತ ಹಿಜಾಮಾ, ಕಣ್ಣಿನ ತಪಾಸಣೆ ಹಾಗೂ ಜನರಲ್ ಆರೋಗ್ಯ ಉಚಿತ ತಪಾಸಣೆ ಶಿಬಿರ
ಉಳ್ಳಾಲದ ಹಜ್ರತ್ ಶಾಲೆಯಲ್ಲಿ ಅಕ್ಟೋಬರ್ 12ರಂದು ನಡೆದ ಆರೋಗ್ಯ ಶಿಬಿರದಲ್ಲಿ ಅತಿಥಿಯಾಗಿ ದುಬೈನಿಂದ ಆಗಮಿಸಿದ KCF UAE ರಾಷ್ಟ್ರೀಯ ಸನ್ನದ ಸಮಿತಿಯ ಅಧ್ಯಕ್ಷರಾದ ಜನಾಬ್ ಝೈನುದ್ದೀನ್ ಹಾಜಿ ಬೆಳ್ಳಾರೆ ರವರಿಗೆ ಸೌಹಾರ್ದ ಸೇವಾ ಸಮಿತಿಯ ಉಳ್ಳಾಲದ ವತಿಯಿಂದ ಸನ್ಮಾನಿಸಿ ಗೌರವಿಸಲಾಯಿತು ತದನಂತರ ಅವರು ಸಚಿವ ಡಾ. ಯು.ಟಿ ಖಾದರ್ ರವರ ಅಭಿವೃದ್ಧಿ ಬಗ್ಗೆ ಕೊಂಡಾಡಿದರು ಹಾಗೂ ಸೌಹಾರ್ದ ಸೇವಾ ಸಮಿತಿಯ ಕಾರ್ಯಗಳನ್ನು ಶ್ಲಾಘಿಸಿ ಸಮಿತಿಯ ಅಧ್ಯಕ್ಷರು ಹಾಗೂ ಸರ್ವ ಸದಸ್ಯರಿಗೆ ಶುಭ ಹಾರೈಸಿದರು.
ಎಕರೆಗೆ ₹25 ಸಾವಿರ ಬೆಳೆ ಪರಿಹಾರ, ಕೃಷಿ ಸಾಲ ಮನ್ನಾ, ಶಾಶ್ವತ ನೀರಾವರಿ ಯೋಜನೆ ಜಾರಿಗೆ ಕೆಪಿಆರ್‌ಎಸ್ ಒತ್ತಾಯ
ಶ್ರೀನಿವಾಸಪುರ : ಜಿಲ್ಲೆಯಲ್ಲಿ ನಿರಂತರ ಬರಗಾಲದಿಂದ ಸಂಕಷ್ಟಕ್ಕೆ ಸಿಲುಕಿರುವ ರೈತರ ಸಮಸ್ಯೆಗಳಿಗೆ ತಕ್ಷಣ ಪರಿಹಾರ ಕಲ್ಪಿಸುವಂತೆ ಆಗ್ರಹಿಸಿ ಕರ್ನಾಟಕ ಪ್ರಾಂತ ರೈತ ಸಂಘದ (ಕೆಪಿಆರ್‌ಎಸ್) ಕೋಲಾರ ಜಿಲ್ಲಾ ಸಮಿತಿಯು ಅಕ್ಟೋಬರ್ 19ರ ಸೋಮವಾರ ಬೆಳಿಗ್ಗೆ 11 ಗಂಟೆಗೆ ಜಿಲ್ಲಾಧಿಕಾರಿ ಕಚೇರಿ ಮುಂದೆ ಪ್ರತಿಭಟನೆ ಹಮ್ಮಿಕೊಂಡಿದೆ.
ಜಿಲ್ಲೆಯಲ್ಲಿ ಶಾಶ್ವತ ನೀರಾವರಿ ಯೋಜನೆಗಳ ಕೊರತೆಯಿಂದ ಕೃಷಿಯು ಮಳೆಯನ್ನೇ ಅವಲಂಬಿಸಿದೆ. ಮಳೆಯ ಅಭಾವದಿಂದ ಮಳೆಯಾಶ್ರಿತ ಬೆಳೆಗಳು ನಷ್ಟಕ್ಕೀಡಾಗುತ್ತಿದ್ದು, ಕೊಳವೆಬಾವಿಗಳಲ್ಲಿ ಅಂತರ್ಜಲ ಮಟ್ಟ ಕುಸಿಯುತ್ತಿರುವುದರಿಂದ ನೀರಾವರಿ ಕೃಷಿಯೂ ಸಂಕಷ್ಟಕ್ಕೆ ಸಿಲುಕಿದೆ. ಸಾಲ ಮಾಡಿ ಬೆಳೆದ ಬೆಳೆಗಳಿಗೆ ನೀರಿಲ್ಲದೆ ಹಾಗೂ ಕಾಡುಪ್ರಾಣಿಗಳ ಹಾವಳಿಯಿಂದ ರೈತರು ನಷ್ಟ ಅನುಭವಿಸುತ್ತಿದ್ದಾರೆ ಎಂದು ಸಂಘದ ಮುಖಂಡರು ತಿಳಿಸಿದ್ದಾರೆ.
ರೈತರು ಬೆಳೆದ ತರಕಾರಿ ಮತ್ತು ಹಣ್ಣುಗಳನ್ನು ಮಾರುಕಟ್ಟೆಗೆ ಕೊಂಡೊಯ್ದಾಗ ಗುಣಮಟ್ಟದ ನೆಪದಲ್ಲಿ ಕಡಿಮೆ ಬೆಲೆ ನೀಡಲಾಗುತ್ತಿದೆ. ಕೆ.ಸಿ. ವ್ಯಾಲಿ ನೀರಿನಿಂದ ಬೆಳೆದ ಉತ್ಪನ್ನಗಳೆಂದು ಹೇಳಿ ರೈತರ ಉತ್ಪನ್ನಗಳಿಗೆ ಸೂಕ್ತ ಬೆಲೆ ನೀಡದೆ ಕಡೆಗಣಿಸಲಾಗುತ್ತಿದೆ ಎಂಬ ದೂರುಗಳಿವೆ. ಕೃಷಿ ವೆಚ್ಚ ನಿರಂತರವಾಗಿ ಹೆಚ್ಚಾಗುತ್ತಿದ್ದರೂ ಬೆಳೆಗಳಿಗೆ ಲಾಭದಾಯಕ ಬೆಲೆ ಸಿಗದಿರುವುದರಿಂದ ರೈತರು ಕೃಷಿಯಿಂದ ವಿಮುಖರಾಗುವ ಪರಿಸ್ಥಿತಿ ನಿರ್ಮಾಣವಾಗಿದೆ ಎಂದು ಅವರು ಆತಂಕ ವ್ಯಕ್ತಪಡಿಸಿದ್ದಾರೆ.
ಜಿಲ್ಲೆಗೆ ಶಾಶ್ವತ ನೀರಾವರಿ ಯೋಜನೆಗಳನ್ನು ಜಾರಿಗೊಳಿಸುವುದು, ಕೃಷ್ಣಾ ಕಣಿವೆಯ ನೀರಿನಲ್ಲಿ ಜಿಲ್ಲೆಯ ಪಾಲನ್ನು ಒದಗಿಸುವುದು ಹಾಗೂ ಕೃಷಿ ಆಧಾರಿತ ಕೈಗಾರಿಕೆಗಳನ್ನು ಸ್ಥಾಪಿಸುವುದು ಸೇರಿದಂತೆ ರೈತರ ಪ್ರಮುಖ ಬೇಡಿಕೆಗಳನ್ನು ಸರ್ಕಾರ ಈಡೇರಿಸಿಲ್ಲ. ಇದರಿಂದ ಕೃಷಿಯನ್ನೇ ಅವಲಂಬಿಸಿರುವ ಕುಟುಂಬಗಳು ಆರ್ಥಿಕ ಸಂಕಷ್ಟಕ್ಕೆ ಸಿಲುಕಿದ್ದು, ಉದ್ಯೋಗ ಅರಸಿ ಯುವಜನರು ನಗರ ಪ್ರದೇಶಗಳಿಗೆ ವಲಸೆ ಹೋಗುವಂತಾಗಿದೆ ಎಂದು ಜಿಲ್ಲಾ ಸಮಿತಿ ತಿಳಿಸಿದೆ.
ಎಕರೆಗೆ ₹25 ಸಾವಿರ ಪರಿಹಾರಕ್ಕೆ ಒತ್ತಾಯ
ಬರಗಾಲದಿಂದ ಸಂಕಷ್ಟಕ್ಕೀಡಾದ ರೈತರು ಮತ್ತು ಕೃಷಿ ಕೂಲಿಕಾರರಿಗೆ ನೆರವಾಗಲು ತಕ್ಷಣ ಬರ ಪರಿಹಾರ ಕಾಮಗಾರಿಗಳನ್ನು ಆರಂಭಿಸಬೇಕು. ಬೆಳೆ ವಿಮೆ ಪಾವತಿಸಿರುವ ಅರ್ಹ ರೈತರಿಗೆ ವಿಮಾ ಪರಿಹಾರವನ್ನು ಕೂಡಲೇ ಬಿಡುಗಡೆ ಮಾಡಬೇಕು. ಮಳೆಯ ಕೊರತೆಯಿಂದ ಬೆಳೆ ಕಳೆದುಕೊಂಡ ರೈತರಿಗೆ ಪ್ರತಿ ಎಕರೆಗೆ ₹25 ಸಾವಿರ ಪರಿಹಾರ ನೀಡಬೇಕು ಎಂದು ಕೆಪಿಆರ್‌ಎಸ್ ಆಗ್ರಹಿಸಿದೆ.
ಕೆ.ಸಿ. ವ್ಯಾಲಿ ಮತ್ತು ಎಚ್.ಎನ್. ವ್ಯಾಲಿ ನೀರನ್ನು ಮೂರನೇ ಹಂತದಲ್ಲಿ ಶುದ್ಧೀಕರಿಸಿ ಪೂರೈಸಬೇಕು. ಜಿಲ್ಲೆಗೆ ಶಾಶ್ವತ ನೀರಾವರಿ ಯೋಜನೆಗಳನ್ನು ಜಾರಿಗೊಳಿಸಿ, ಕೃಷ್ಣಾ ಕಣಿವೆಯ ನೀರಿನಲ್ಲಿ ಜಿಲ್ಲೆಯ ಪಾಲನ್ನು ಒದಗಿಸಬೇಕು. ಕಾಡುಪ್ರಾಣಿಗಳಿಂದ ಬೆಳೆಗಳಿಗೆ ಉಂಟಾಗುತ್ತಿರುವ ಹಾನಿಯನ್ನು ತಡೆಗಟ್ಟಲು ಪರಿಣಾಮಕಾರಿ ಕ್ರಮಗಳನ್ನು ಕೈಗೊಳ್ಳಬೇಕು ಎಂದು ಒತ್ತಾಯಿಸಿದೆ.
ಹೈನುಗಾರಿಕೆ ಮತ್ತು ಕೃಷಿ ಕೂಲಿಕಾರರಿಗೂ ನೆರವು
ಪಡಿತರ ವಿತರಣೆಯನ್ನು ದ್ವಿಗುಣಗೊಳಿಸಿ ರಾಗಿ, ಅಕ್ಕಿ, ಗೋಧಿ ಮತ್ತು ತೊಗರಿಬೇಳೆ ವಿತರಿಸಬೇಕು. ಸಹಕಾರ ಸಂಘಗಳ ಮೂಲಕ ಜಾನುವಾರುಗಳಿಗೆ ಮೇವು ಪೂರೈಸಬೇಕು. ಪ್ರತಿ ಲೀಟರ್ ಹಾಲಿಗೆ ₹15 ಪ್ರೋತ್ಸಾಹಧನ ನೀಡಿ, ರೈತರಿಗೆ ಪ್ರತಿ ಲೀಟರ್ ಹಾಲಿಗೆ ಒಟ್ಟಾರೆ ₹60 ದೊರೆಯುವಂತೆ ಕ್ರಮ ಕೈಗೊಳ್ಳಬೇಕು. ಪಶು ಆಹಾರದ ಬೆಲೆಯನ್ನು ನಿಯಂತ್ರಿಸಿ, ಹಾಲು ಒಕ್ಕೂಟಕ್ಕೊಂದು ಪಶು ಆಹಾರ ಘಟಕ ಸ್ಥಾಪಿಸಬೇಕು. ಹೈನುಗಾರಿಕೆ ಹಾಗೂ ಕುರಿ-ಮೇಕೆ ಸಾಕಾಣಿಕೆಗೆ ಸಹಾಯಧನ ಸಹಿತ ಸಾಲ ಸೌಲಭ್ಯ ಒದಗಿಸಬೇಕು ಎಂದು ಸಂಘ ಒತ್ತಾಯಿಸಿದೆ.
ಕೊಳವೆಬಾವಿಗಳಿಗೆ ಕನಿಷ್ಠ ಎಂಟು ಗಂಟೆಗಳ ಕಾಲ ಸಮರ್ಪಕ ವಿದ್ಯುತ್ ಪೂರೈಸಬೇಕು. ಮನೆಗಳಿಗೆ ಸಂಜೆ 6ರಿಂದ ಬೆಳಿಗ್ಗೆ 6ರವರೆಗೆ ವಿದ್ಯುತ್ ನೀಡಬೇಕು. ಮುಂಗಡ ಪಾವತಿ ವಿದ್ಯುತ್ ಮೀಟರ್ ಪದ್ಧತಿಯನ್ನು ಕೈಬಿಡಬೇಕು. ರಾಷ್ಟ್ರೀಕೃತ ಬ್ಯಾಂಕುಗಳು ಹಾಗೂ ಸಹಕಾರ ಸಂಘಗಳ ಮೂಲಕ ಕೃಷಿಗಾಗಿ ಪಡೆದಿರುವ ಸಾಲಗಳನ್ನು ಮನ್ನಾ ಮಾಡಬೇಕು ಎಂದು ಆಗ್ರಹಿಸಿದೆ.
ಬಗರ್ ಹುಕುಂ ಸಾಗುವಳಿ ಸಕ್ರಮಕ್ಕೆ ಆಗ್ರಹ
ವೃದ್ಧಾಪ್ಯ, ವಿಧವಾ ಹಾಗೂ ಅಂಗವಿಕಲರ ಮಾಸಾಶನ ಮತ್ತು ಗೃಹಲಕ್ಷ್ಮಿ ಯೋಜನೆಯಡಿ ಬಾಕಿ ಇರುವ ಹಣವನ್ನು ತಕ್ಷಣ ಪಾವತಿಸಬೇಕು. ಬಗರ್ ಹುಕುಂ ಸಾಗುವಳಿಯನ್ನು ಸಕ್ರಮಗೊಳಿಸಿ, ಪಹಣಿ (ಪಿ. ನಂಬರ್) ಭೂದಾಖಲೆಗಳಲ್ಲಿನ ದೋಷಗಳನ್ನು ಸರಿಪಡಿಸಬೇಕು. ರೈತರ ಸಾಗುವಳಿ ಸಂಬಂಧಿತ ಸಮಸ್ಯೆಗಳನ್ನು ಪರಿಹರಿಸಿ, ಭೂದಾಖಲೆಗಳನ್ನು ಸರಿಪಡಿಸುವ ಪ್ರಕ್ರಿಯೆಯನ್ನು ತ್ವರಿತಗೊಳಿಸಬೇಕು ಎಂದು ಕೆಪಿಆರ್‌ಎಸ್ ಒತ್ತಾಯಿಸಿದೆ.
ರೈತರ ಸಂಕಷ್ಟಗಳಿಗೆ ಸರ್ಕಾರ ತಕ್ಷಣ ಸ್ಪಂದಿಸಿ ಬೇಡಿಕೆಗಳನ್ನು ಈಡೇರಿಸಬೇಕು ಎಂಬ ಉದ್ದೇಶದಿಂದ ನಡೆಯಲಿರುವ ಪ್ರತಿಭಟನೆಯಲ್ಲಿ ರೈತರು, ಕೃಷಿ ಕೂಲಿಕಾರರು ಹಾಗೂ ಸಾರ್ವಜನಿಕರು ಹೆಚ್ಚಿನ ಸಂಖ್ಯೆಯಲ್ಲಿ ಭಾಗವಹಿಸಬೇಕು ಎಂದು ಕೆಪಿಆರ್‌ಎಸ್ ಜಿಲ್ಲಾ ಸಮಿತಿಯ ಜಿಲ್ಲಾಧ್ಯಕ್ಷ ಎನ್.ಎನ್. ಶ್ರೀರಾಮ್ ಮತ್ತು ಜಿಲ್ಲಾ ಪ್ರಧಾನ ಕಾರ್ಯದರ್ಶಿ ಪಾತಕೋಟೆ ನವೀನ್‌ಕುಮಾರ್ ಮನವಿ ಮಾಡಿದ್ದಾರೆ.
ವೈಶಾಲಿ ; ಘಟನೆಯು ಮಂಗಳವಾರ ರಾತ್ರಿ 8:30ರ ಸುಮಾರಿಗೆ ವೈಶಾಲಿ ಜಿಲ್ಲೆಯ ರಾಘೋಪುರ ಪ್ರದೇಶದ ರಾಂಪುರ ಶ್ಯಾಮ್‌ಚಂದ್ ಗ್ರಾಮದ ಬಳಿ ನಡೆದಿದೆ. ಪ್ರಯಾಣಿಕರು ಸಮೀಪದ ಗ್ರಾಮವೊಂದರಲ್ಲಿ ನಡೆಯುತ್ತಿದ್ದ ಔತಣಕೂಟಕ್ಕೆ ತೆರಳುತ್ತಿದ್ದಾಗ, ನದಿಯ ಮಧ್ಯಭಾಗದಲ್ಲಿ ದೋಣಿ ಮಗುಚಿ ಬಿದ್ದಿದೆ ಎಂದು ವರದಿಯಾಗಿದೆ.
ವೈಶಾಲಿ ಜಿಲ್ಲಾ ಮ್ಯಾಜಿಸ್ಟ್ರೇಟ್ ವರ್ಷಾ ಸಿಂಗ್ ಅವರು, ಮೃತಪಟ್ಟವರ ಸಂಖ್ಯೆ 13 ಎಂದು ದೃಢಪಡಿಸಿದ್ದಾರೆ. ಮೃತಪಟ್ಟವರೆಲ್ಲರೂ 15 ವರ್ಷದೊಳಗಿನವರಾಗಿದ್ದಾರೆ. ಆರು ಮಂದಿಯನ್ನು ರಕ್ಷಿಸಲಾಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದರೆ, ಇತರೆ ವರದಿಗಳ ಪ್ರಕಾರ ಏಳು ಮಂದಿಯನ್ನು ರಕ್ಷಿಸಲಾಗಿದೆ ಎಂದು ತಿಳಿದುಬಂದಿದೆ. ಯಾರಾದರೂ ಇನ್ನೂ ನಾಪತ್ತೆಯಾಗಿದ್ದಾರೆಯೇ ಎಂದು ಪತ್ತೆಹಚ್ಚಲು ಶೋಧ ಕಾರ್ಯಾಚರಣೆ ಮುಂದುವರಿದಿದೆ.
ಸ್ಥಳೀಯ ನಿವಾಸಿಗಳು ಮೊದಲು ಸ್ಪಂದಿಸಿ, ನೀರಿನಲ್ಲಿ ಹುಡುಕಾಟ ನಡೆಸಿ ಪ್ರಯಾಣಿಕರನ್ನು ಸುರಕ್ಷಿತವಾಗಿ ದಡಕ್ಕೆ ತರಲು ಸಹಾಯ ಮಾಡಿದರು. ರಾಜ್ಯ ವಿಪತ್ತು ನಿರ್ವಹಣಾ ಪಡೆಯ ತಂಡ ಮತ್ತು ಸ್ಥಳೀಯ ಈಜುಗಾರರು ಕೂಡ ಈ ಕಾರ್ಯಾಚರಣೆಯಲ್ಲಿ ಪಾಲ್ಗೊಂಡರು. ‘ಪ್ರೆಸ್ ಟ್ರಸ್ಟ್ ಆಫ್ ಇಂಡಿಯಾ’ (PTI) ವರದಿ ಮಾಡಿದಂತೆ, ಅಧಿಕಾರಿಗಳು ನಂತರ ಹಾನಿಗೊಳಗಾದ ದೋಣಿಯನ್ನು ಹೊರತೆಗೆದಿದ್ದಾರೆ.
ದೋಣಿಯ ಸ್ಥಿತಿಗತಿ ಮತ್ತು ಅದರಲ್ಲಿ ಮಿತಿಮೀರಿದ ಪ್ರಯಾಣಿಕರಿದ್ದ ಸಾಧ್ಯತೆಯ ಬಗ್ಗೆ ಪ್ರತ್ಯಕ್ಷದರ್ಶಿಗಳು ಮತ್ತು ಸ್ಥಳೀಯ ಮಾಧ್ಯಮಗಳು ಕಳವಳ ವ್ಯಕ್ತಪಡಿಸಿವೆ. ದೋಣಿಯಲ್ಲಿ ದೊಡ್ಡ ರಂಧ್ರವಿರುವುದನ್ನು ತನಿಖಾಧಿಕಾರಿಗಳು ಪತ್ತೆಹಚ್ಚಿದ್ದಾರೆ ಮತ್ತು ದೋಣಿ ಹಳೆಯದಾಗಿದ್ದು, ಕಳಪೆ ಸ್ಥಿತಿಯಲ್ಲಿತ್ತು ಎಂದು ವರದಿಯಾಗಿದೆ. ಅಪಘಾತಕ್ಕೆ ನಿಖರವಾದ ಕಾರಣವೇನು ಎಂಬ ಬಗ್ಗೆ ಅಧಿಕಾರಿಗಳು ಇನ್ನೂ ಅಂತಿಮ ವರದಿಯನ್ನು ನೀಡಿಲ್ಲ.
ಪ್ರಧಾನಿ ನರೇಂದ್ರ ಮೋದಿ ಅವರು ಮೃತರ ಕುಟುಂಬಗಳಿಗೆ ಸಂತಾಪ ಸೂಚಿಸಿದ್ದಾರೆ ಮತ್ತು ಮೃತಪಟ್ಟ ಪ್ರತಿಯೊಬ್ಬರ ಕುಟುಂಬಕ್ಕೆ ತಲಾ 2 ಲಕ್ಷ ರೂಪಾಯಿಗಳ ಆರ್ಥಿಕ ನೆರವು ಘೋಷಿಸಿದ್ದಾರೆ. ಬಿಹಾರದ ಮುಖ್ಯಮಂತ್ರಿ ಸಾಮ್ರಾಟ್ ಚೌಧರಿ ಅವರು ಪ್ರತಿ ಕುಟುಂಬಕ್ಕೆ 4 ಲಕ್ಷ ರೂಪಾಯಿ ಪರಿಹಾರ ಘೋಷಿಸಿದ್ದು, ರಕ್ಷಣಾ ಕಾರ್ಯವನ್ನು ತ್ವರಿತಗೊಳಿಸಲು ಹಾಗೂ ಬದುಕುಳಿದವರಿಗೆ ಸೂಕ್ತ ವೈದ್ಯಕೀಯ ಚಿಕಿತ್ಸೆ ಒದಗಿಸಲು ಅಧಿಕಾರಿಗಳಿಗೆ ನಿರ್ದೇಶನ ನೀಡಿದ್ದಾರೆ.
ಈ ಅಪಘಾತವು ಒಳನಾಡಿನ ಜಲಮಾರ್ಗಗಳಲ್ಲಿ, ವಿಶೇಷವಾಗಿ ಸ್ಥಳೀಯ ಸಾರಿಗೆಗಾಗಿ ಸಣ್ಣ ದೋಣಿಗಳನ್ನು ಬಳಸುವ ಕಡೆಗಳಲ್ಲಿ ಪ್ರಯಾಣಿಕರ ಸುರಕ್ಷತೆಯ ಬಗ್ಗೆ ಮತ್ತೆ ಕಳವಳವನ್ನು ಹುಟ್ಟುಹಾಕಿದೆ. ದೋಣಿಯ ಸ್ಥಿತಿಗತಿ, ಅದರಲ್ಲಿ ಇದ್ದ ಪ್ರಯಾಣಿಕರ ಸಂಖ್ಯೆ ಮತ್ತು ಸುರಕ್ಷತಾ ನಿಯಮಗಳನ್ನು ಪಾಲಿಸಲಾಗಿದೆಯೇ ಎಂಬ ಬಗ್ಗೆ ತನಿಖೆ ನಡೆಯುವ ನಿರೀಕ್ಷೆಯಿದೆ.
ಕುಂದಾಪುರ: ಸ್ಥಳೀಯ ಮೂಡ್ಲಕಟ್ಟೆ ಇನ್‌ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿ (MITK) ಕಾಲೇಜಿನಲ್ಲಿ ದ್ವಿತೀಯ ವರ್ಷದ ವಿದ್ಯಾರ್ಥಿಗಳಿಗಾಗಿ ಹಮ್ಮಿಕೊಳ್ಳಲಾದ ISAP (Information Search, Analysis and Presentation) ಕಾರ್ಯಕ್ರಮದ ಉದ್ಘಾಟನಾ ಸಮಾರಂಭವು ಕಾಲೇಜಿನ ಸಭಾಂಗಣದಲ್ಲಿ ಯಶಸ್ವಿಯಾಗಿ ನೆರವೇರಿತು.
ಕಾರ್ಯಕ್ರಮದ ಆರಂಭದಲ್ಲಿ ಕಾಲೇಜಿನ ಪ್ರಾಂಶುಪಾಲರಾದ ಡಾ. ರಾಮಕೃಷ್ಣ ಹೆಗ್ಡೆ ಅವರು ಪ್ರಾಸ್ತಾವಿಕ ನುಡಿಗಳನ್ನಾಡಿ, ಉಪಸ್ಥಿತರಿದ್ದ ಗಣ್ಯರನ್ನು, ಅಧ್ಯಾಪಕರನ್ನು ಹಾಗೂ ವಿದ್ಯಾರ್ಥಿಗಳನ್ನು ಆತ್ಮೀಯವಾಗಿ ಸ್ವಾಗತಿಸಿದರು. ಈ ಸಂದರ್ಭದಲ್ಲಿ ಅವರು ವಿದ್ಯಾರ್ಥಿಗಳಿಗೆ ISAP ಕಾರ್ಯಕ್ರಮದ ಮಹತ್ವವನ್ನು ವಿವರಿಸುತ್ತಾ, ತಂತ್ರಜ್ಞಾನ ಲೋಕದಲ್ಲಿ ಯಶಸ್ಸು ಗಳಿಸಲು ಸರಿಯಾದ ಮಾಹಿತಿಯನ್ನು ಹುಡುಕುವುದು, ಅದನ್ನು ವಿಶ್ಲೇಷಿಸುವುದು ಹಾಗೂ ಸಮರ್ಥವಾಗಿ ಪ್ರಸ್ತುತಪಡಿಸುವುದು ಅತ್ಯಗತ್ಯ. ಈ ಕೌಶಲ್ಯಗಳು ವಿದ್ಯಾರ್ಥಿಗಳಲ್ಲಿ ಸ್ವಯಂ ಕಲಿಕೆ ಮತ್ತು ವೃತ್ತಿಪರ ಬೆಳವಣಿಗೆಗೆ ಭದ್ರ ಬುನಾದಿ ಹಾಕುತ್ತವೆ ಎಂದು ತಿಳಿಸಿದರು.
ಮುಖ್ಯ ಅತಿಥಿಯಾಗಿ ಕೋಟ ವಿವೇಕ ಪದವಿ ಪೂರ್ವ ಕಾಲೇಜಿನ ಪ್ರಾಂಶುಪಾಲರಾದ ಶ್ರೀ ಕೆ. ಜಗದೀಶ ನಾವಡ ಅವರು ಭಾಗವಹಿಸಿ ಮಾತನಾಡಿ, “ಇಂದಿನ ಯುವ ಪೀಳಿಗೆಯಲ್ಲಿ ಅಪಾರ ಪ್ರತಿಭೆ ಹಾಗೂ ಅಗಾಧವಾದ ಸಾಮರ್ಥ್ಯ (Immense Potential) ಅಡಗಿದೆ. ವಿದ್ಯಾರ್ಥಿಗಳು ಕೇವಲ ಪರೀಕ್ಷೆಗಳಲ್ಲಿ ಅಂಕ ಗಳಿಸುವುದಕ್ಕೆ ಮಾತ್ರ ಸೀಮಿತವಾಗದೆ, ತಮ್ಮಲ್ಲಿರುವ ಸೃಜನಶೀಲತೆ ಮತ್ತು ನೈಜ ಕೌಶಲ್ಯಗಳನ್ನು ಪ್ರದರ್ಶಿಸುವ ಮೂಲಕ ವಿವಿಧ ಕ್ಷೇತ್ರಗಳಲ್ಲಿ ಉತ್ಕೃಷ್ಟ ಸಾಧನೆ ಮಾಡಬೇಕು,” ಎಂದು ವಿದ್ಯಾರ್ಥಿಗಳಿಗೆ ಸ್ಫೂರ್ತಿದಾಯಕ ಸಂದೇಶ ನೀಡಿದರು.
ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ಐ.ಎಂ.ಜೆ. ಸಂಸ್ಥೆಗಳ ಅಕಾಡೆಮಿಕ್ಸ್ ವಿಭಾಗದ ನಿರ್ದೇಶಕರಾದ ಡಾ. ಎಸ್. ಎನ್. ಭಟ್ ಅವರು ವಹಿಸಿದ್ದರು. ತಮ್ಮ ಅಧ್ಯಕ್ಷೀಯ ಭಾಷಣದಲ್ಲಿ ಮಾತನಾಡಿದ ಅವರು, ಇಂತಹ ಕಾರ್ಯಕ್ರಮಗಳು ವಿದ್ಯಾರ್ಥಿಗಳಲ್ಲಿ ಸಂಶೋಧನಾ ಮನೋಭಾವ, ತಾರ್ಕಿಕ ಚಿಂತನೆ ಮತ್ತು ಸಂವಹನ ಕೌಶಲ್ಯವನ್ನು ಬೆಳೆಸಲು ಅತ್ಯುತ್ತಮ ವೇದಿಕೆಯಾಗಿವೆ ಎಂದು ಹೇಳಿದರು.
ಕಾರ್ಯಕ್ರಮಕ್ಕೆ ಸಂಸ್ಥೆಯ ಅಧ್ಯಕ್ಷರಾದ ಶ್ರೀ ಸಿದ್ಧಾರ್ಥ ಜೆ. ಶೆಟ್ಟಿ ಅವರು ಶುಭ ಹಾರೈಸಿದರು.
ಉದ್ಘಾಟನಾ ಕಾರ್ಯಕ್ರಮದ ಬಳಿಕ, ಕಾಲೇಜಿನ ವಿವಿಧ ವಿಭಾಗಗಳ ದ್ವಿತೀಯ ವರ್ಷದ ವಿದ್ಯಾರ್ಥಿಗಳು ತಮ್ಮ ತಮ್ಮ ವಿಭಾಗಗಳಲ್ಲಿ ಆಯೋಜಿಸಲಾದ ತಾಂತ್ರಿಕ ವಿಚಾರ ಸಂಕಿರಣಗಳಲ್ಲಿ ಸಕ್ರಿಯವಾಗಿ ಪಾಲ್ಗೊಂಡು ಪ್ರಸ್ತುತಿ ನೀಡಿದರು. ಕಾರ್ಯಕ್ರಮದಲ್ಲಿ ವಿವಿಧ ವಿಭಾಗಗಳ ಮುಖ್ಯಸ್ಥರು, ಬೋಧಕ-ಬೋಧಕೇತರ ಸಿಬ್ಬಂದಿ ಹಾಗೂ ವಿದ್ಯಾರ್ಥಿಗಳು ಉಪಸ್ಥಿತರಿದ್ದರು. ಪ್ರಾದ್ಯಾಪಕಿ ಫ಼ರಾನ ಇಮ್ರಾನ್ ಅತಿಥಿ ಪರಿಚಯ ನೀಡಿದರು, ಪ್ರಾದ್ಯಾಪಕಿ ಅಕ್ಷತ ಕಾಮತ್ ವಂದಿಸಿದರು ಹಾಗೂ ವಿದ್ಯಾರ್ಥಿನಿ ಅಲಿಶಾ ಬಿಷಪ್ ಕಾರ್ಯಕ್ರಮ ನಿರೂಪಿಸಿದರು.
ಕುಂದಾಪುರದ ಆರ್. ಎನ್. ಶೆಟ್ಟಿ ಸಂಯುಕ್ತ ಪದವಿ ಪೂರ್ವ ಕಾಲೇಜಿನಲ್ಲಿ C.A, C.S, ಹಾಗೂ C.M.A ಕೋರ್ಸ್ ಗಳ ಬಗ್ಗೆ ಓರಿಯೇಂಟೇಶನ್ ಕಾರ್ಯಕ್ರಮ ನಡೆಯಿತು
“ಹಿಂದೆಂದಿಗಿಂತ ಹೆಚ್ಚಿನ ಪ್ರಮಾಣದಲ್ಲಿ ವಿದ್ಯಾರ್ಥಿಗಳು ಇಂದು C.A, C.S ಅಥವಾ CMA ವ್ಯಾಸಂಗ ಕೈಗೊಂಡು ಸಫಲರಾಗುತ್ತಿದ್ದಾರೆ. ದೇಶದ ಪ್ರಸಕ್ತ ಆರ್ಥಿಕ ಬೆಳವಣಿಗೆಯ ಪ್ರಮಾಣಕ್ಕೆ ಇನ್ನೂ ಹೆಚ್ಚೆಚ್ಚು ಸಿ.ಎ, ಸಿ.ಎಸ್ ಪದವೀಧರರ ಅಗತ್ಯವಿದ್ದು, ವ್ಯಾಪಾರೋದ್ಯಮಗಳನ್ನು ನಡೆಸಲು ಬೇಕಾದ ಕೌಶಲ್ಯವನ್ನೂ ಇಂಥ ತರಬೇತಿಗಳಿಂದ ಸಿದ್ಧಿಸುವುದನ್ನು ಈಗಿನ ವಾಣಿಜ್ಯ ಪ್ರಪಂಚದಲ್ಲಿ ಕಾಣುತ್ತಿದ್ದೇವೆ ” ಎಂದು ಉಡುಪಿಯ ವೀ ರೀಚ್ ಅಕಾಡೆಮಿಯ ವ್ಯವಸ್ಥಾಪಕ ನಿರ್ದೇಶಕರಾದ C.S. ಸಂತೋಷ್ ಪ್ರಭುರವರು ಕುಂದಾಪುರದ ಆರ್. ಎನ್.ಶೆಟ್ಟಿ ಪದವಿ ಪೂರ್ವ ಕಾಲೇಜಿನ ಓರಿಯೆಂಟೇಶನ್ ಕಾರ್ಯಕ್ರಮದಲ್ಲಿ ತಿಳಿಸಿದರು. ಕಾಲೇಜಿನ ಪ್ರಾಂಶುಪಾಲರಾದ ಪ್ರೊ. ನವೀನ ಕುಮಾರ ಶೆಟ್ಟಿಯವರು ಓರಿಯೆಂಟೇಶನ್ ಬಗ್ಗೆ ಪ್ರಾಸ್ತಾವಿಕ ಮಾತುಗಳನ್ನಾಡಿದರು. ವಿ ರೀಚ್ ಅಕಾಡೆಮಿಯ ಆಡಳಿತಾಧಿಕಾರಿ ಶ್ರೀ ನಾಗೇಶ್ ರವರು ಕಾರ್ಯಕ್ರಮದಲ್ಲಿ ಉಪಸ್ಥಿತರಿದ್ದರು. ವಾಣಿಜ್ಯ ಶಾಸ್ತ್ರ ವಿಭಾಗದ ಮುಖ್ಯಸ್ಥೆ ಸುಷ್ಮಾ ಶೆಣೈಯವರು ಧನ್ಯವಾದ ಸಲ್ಲಿಸಿದರು. ವಾಣಿಜ್ಯ ಶಾಸ್ತ್ರ ಉಪನ್ಯಾಸಕಿ ಅರುಣಾ ಹೊಳ್ಳ ಕಾರ್ಯಕ್ರಮ ನಿರೂಪಿಸಿದರು.
ಮೈಸೂರು; ನಾಡಹಬ್ಬ ಮೈಸೂರು ದಸರಾ ಕೇವಲ ಸಾಂಸ್ಕೃತಿಕ ವೈಭವಕ್ಕಷ್ಟೇ ಸೀಮಿತವಲ್ಲ; ಅದು ಶೌರ್ಯ, ಸಾಹಸ ಹಾಗೂ ಕ್ರೀಡಾ ಸ್ಫೂರ್ತಿಯ ಮಹಾಸಂಗಮ. ಅಂತಹ ಐತಿಹಾಸಿಕ ವೇದಿಕೆಯಲ್ಲಿ, ರಾಜ್ಯದ ನಾನಾ ಭಾಗಗಳಿಂದ ಬಂದ ಬಲಿಷ್ಠ ಕುಸ್ತಿಪಟುಗಳ ಸವಾಲನ್ನು ಮೆಟ್ಟಿ ನಿಂತು, ರಾಜ್ಯ ಮಟ್ಟದ ದಸರಾ ಕುಸ್ತಿ ಪಂದ್ಯಾವಳಿಯಲ್ಲಿ ಚಿನ್ನದ ಪದಕ ಗೆಲ್ಲುವ ಮೂಲಕ ಕುಮಾರಿ ಆಕಾಂಕ್ಷಾ ಜೋಗಿ ಸಮಸ್ತ ಜೋಗಿ ಸಮಾಜವೇ ತಲೆ ಎತ್ತಿ ಹೆಮ್ಮೆಪಡುವಂತಹ ಐತಿಹಾಸಿಕ ಸಾಧನೆ ಮಾಡಿದ್ದಾರೆ.
ಕುಂದಾಪುರ ತಾಲೂಕಿನ ಕೋಣಿಯ ಶ್ರೀ ಗುರುರಾಜ್ ಜೋಗಿ ಹಾಗೂ ಶ್ರೀಮತಿ ಪ್ರಮೀಳಾ ಜೋಗಿ ಅವರ ಪುತ್ರಿಯಾದ ಆಕಾಂಕ್ಷಾ, ಮಣ್ಣಿನ ಅಖಾಡದಲ್ಲಿ ತೋರಿದ ಛಲ, ಚಾಕಚಕ್ಯತೆ ಕೇವಲ ಅವರ ಕುಟುಂಬಕ್ಕಷ್ಟೇ ಅಲ್ಲ, ಇಡೀ ಜೋಗಿ ಕುಲಬಾಂಧವರಿಗೆ ಹರ್ಷ ತಂದಿದೆ. ಎಂದು ಜೋಗಿ ಬಾಂಧವರು ಮಾದ್ಯಮಕ್ಕೆ ತಿಳಿಸಿದ್ದಾರೆ
ಕುಸ್ತಿಯಂತಹ ಕಠಿಣ, ದೈಹಿಕ ಹಾಗೂ ಮಾನಸಿಕ ಸಾಮರ್ಥ್ಯವನ್ನು ಬೇಡುವ ಕ್ರೀಡೆಯಲ್ಲಿ ಹೆಣ್ಣುಮಕ್ಕಳು ಹೆಜ್ಜೆ ಇಡುವುದೇ ದೊಡ್ಡ ಸವಾಲು. ಅಂಥದ್ದರಲ್ಲಿ, ದಿನನಿತ್ಯದ ಕಠಿಣ ಅಭ್ಯಾಸ, ಅಚಲ ಶಿಸ್ತು ಮತ್ತು ತ್ಯಾಗವನ್ನು ಮೈಗೂಡಿಸಿಕೊಂಡು ದಸರಾ ಅಖಾಡದ ಉತ್ತುಂಗಕ್ಕೆ ಏರುವುದು ಸುಲಭದ ಮಾತಲ್ಲ. ಆಕಾಂಕ್ಷಾ ಅವರ ಕೊರಳಲ್ಲಿ ಕಂಗೊಳಿಸುತ್ತಿರುವ ಚಿನ್ನದ ಪದಕದ ಹಿಂದೆ ಅಡಗಿರುವ ಬೆವರು, ಪರಿಶ್ರಮ ಮತ್ತು ಅವರ ಹೆತ್ತವರ ಪ್ರೋತ್ಸಾಹ ಪ್ರತಿಯೊಬ್ಬರಿಗೂ ಮಾದರಿಯಾಗಿದೆ. ಜೋಗಿ
ಸಮಾಜಕ್ಕೆ ಹೊಸ ಚೈತನ್ಯ ಮತ್ತು ಸ್ಫೂರ್ತಿ
ಈ ಗೆಲುವು ಕೇವಲ ಒಂದು ಪದಕಕ್ಕೆ ಸೀಮಿತವಾದುದಲ್ಲ; ಬದಲಾಗಿ ಇಡೀ ಜೋಗಿ ಸಮಾಜದ ಯುವಪೀಳಿಗೆಗೆ ಹೊಸ ದಿಕ್ಸೂಚಿ. ಕ್ರೀಡಾ ಲೋಕದಲ್ಲಿ, ಅದರಲ್ಲೂ ಶಕ್ತಿ-ಯುಕ್ತಿಗಳ ಕಣವಾದ ಕುಸ್ತಿಯಲ್ಲಿ ನಮ್ಮ ಸಮಾಜದ ಹೆಣ್ಣುಮಗಳು ರಾಜ್ಯಮಟ್ಟದಲ್ಲಿ ಮೊದಲ ಸ್ಥಾನ ಪಡೆದಿರುವುದು ಪ್ರತಿಯೊಬ್ಬ ಪೋಷಕರಿಗೂ ತಮ್ಮ ಹೆಣ್ಣುಮಕ್ಕಳನ್ನು ಬೆಳೆಸಲು ಮತ್ತು ಅವರ ಕನಸುಗಳಿಗೆ ರೆಕ್ಕೆ ನೀಡಲು ದೊಡ್ಡ ಪ್ರೇರಣೆ.
ಕ್ರೀಡಾರಂಗದಲ್ಲಿ ಹೊಸ ಹೆಜ್ಜೆ
ಜೋಗಿ ಸಮಾಜದ ಯುವಕ-ಯುವತಿಯರು ಶಿಕ್ಷಣದ ಜೊತೆಗೆ ಕ್ರೀಡಾ ಕ್ಷೇತ್ರದಲ್ಲೂ ಸಾಧನೆ ಮಾಡಿ ರಾಷ್ಟ್ರ-ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಮಿಂಚಬಲ್ಲರು ಎಂಬುದನ್ನು ಆಕಾಂಕ್ಷಾ ಸಾಬೀತುಪಡಿಸಿದ್ದಾರೆ.
ಮುಂದಿನ ಪಯಣಕ್ಕೆ ಶುಭ ಹಾರೈಕೆ
ತಮ್ಮ ಅಪ್ರತಿಮ ಸಾಧನೆಯಿಂದ ಜೋಗಿ ಜನಾಂಗದ ಕೀರ್ತಿಯನ್ನು ರಾಜ್ಯದಾದ್ಯಂತ ಪಸರಿಸಿದ ಹೆಮ್ಮೆಯ ಕುವರಿ ಆಕಾಂಕ್ಷಾ ಜೋಗಿ ಅವರಿಗೆ ಹೃತ್ಪೂರ್ವಕ ಅಭಿನಂದನೆಗಳು. ಇವರ ಸಾಧನೆಯ ಬೆನ್ನೆಲುಬಾಗಿ ನಿಂತು ಪ್ರೋತ್ಸಾಹಿಸಿದ ಪೋಷಕರಾದ ಶ್ರೀ ಗುರುರಾಜ್ ಜೋಗಿ ಮತ್ತು ಶ್ರೀಮತಿ ಪ್ರಮೀಳಾ ಜೋಗಿ ಅವರಿಗೂ ಇಡೀ ಸಮಾಜದ ಪರವಾಗಿ ಕೃತಜ್ಞತೆಗಳು.
ದಸರಾ ಅಖಾಡದಲ್ಲಿ ಚಿನ್ನ ಗೆದ್ದ ಈ ಹೆಮ್ಮೆಯ ಪ್ರತಿಭೆ ಮುಂದೆ ರಾಷ್ಟ್ರೀಯ ಹಾಗೂ ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಸ್ಪರ್ಧಿಸಿ ದೇಶದ ಕೀರ್ತಿಯನ್ನು ಹೆಚ್ಚಿಸಲಿ, ಒಲಿಂಪಿಕ್ಸ್‌ನಂತಹ ಜಾಗತಿಕ ವೇದಿಕೆಗಳಲ್ಲಿ ಮಿಂಚಲಿ ಎಂದು ಸಮಸ್ತ ಜೋಗಿ ಸಮಾಜದ ಹಾರೈಸಿದ್ದಾರೆ.
CATHOLIC SABHA, MANGALORE PRADESH, SUBMITS MEMORANDUM TO THE PRESIDENT OF INDIA SEEKING IMPARTIAL INQUIRY INTO ALLEGED IRREGULARITIES IN SIR
ಮಂಗಳೂರು, ಅಕ್ಟೋಬರ್ 13, 2026: ಮತದಾರರ ಪಟ್ಟಿಗಳ ವಿಶೇಷ ತೀವ್ರ ಪರಿಷ್ಕರಣೆ (Special Intensive Revision – SIR) ಪ್ರಕ್ರಿಯೆಯಲ್ಲಿ ನಡೆದಿದೆ ಎನ್ನಲಾದ ಅಕ್ರಮಗಳು ಹಾಗೂ ಭಾರತದ ಚುನಾವಣಾ ಆಯೋಗದ ಕಾರ್ಯವೈಖರಿ ಮತ್ತು ಉತ್ತರದಾಯಿತ್ವಕ್ಕೆ ಸಂಬಂಧಿಸಿದಂತೆ, ವಿಶೇಷವಾಗಿ ಮುಖ್ಯ ಚುನಾವಣಾ ಆಯುಕ್ತರಾದ ಶ್ರೀ ಜ್ಞಾನೇಶ್ ಕುಮಾರ್ ಅವರ ಕಾರ್ಯನಿರ್ವಹಣೆಯ ಕುರಿತು ಉದ್ಭವಿಸಿರುವ ಕಳವಳಗಳ ಬಗ್ಗೆ ತುರ್ತು ಮಧ್ಯಪ್ರವೇಶ ಮಾಡಿ ನಿಷ್ಪಕ್ಷಪಾತ ತನಿಖೆ ನಡೆಸುವಂತೆ ಕೋರಿ, ಕ್ಯಾಥೊಲಿಕ್ ಸಭಾ, ಮಂಗಳೂರು ಪ್ರದೇಶ (ರಿ.) ವತಿಯಿಂದ ಭಾರತದ ರಾಷ್ಟ್ರಪತಿಗಳಾದ ಸನ್ಮಾನ್ಯ ಶ್ರೀಮತಿ ದ್ರೌಪದಿ ಮುರ್ಮು ಅವರಿಗೆ ಮನವಿ ಸಲ್ಲಿಸಲಾಗಿದೆ.
ಈ ಮನವಿಯನ್ನು ದಕ್ಷಿಣ ಕನ್ನಡ ಜಿಲ್ಲಾಧಿಕಾರಿಗಳಾದ ಶ್ರೀ ದರ್ಶನ್ ಎಚ್. ವಿ. ಅವರಿಗೆ ಮಂಗಳೂರಿನ ಪ್ರಜಾ ಸೌಧದಲ್ಲಿರುವ ಅವರ ಕಚೇರಿಯಲ್ಲಿ ಸಲ್ಲಿಸಲಾಯಿತು. ಜಿಲ್ಲಾಧಿಕಾರಿಗಳು ಮನವಿಯನ್ನು ಸ್ವೀಕರಿಸಿ, ಅದನ್ನು ಭಾರತದ ರಾಷ್ಟ್ರಪತಿಗಳಿಗೆ ರವಾನಿಸುವುದಾಗಿ ನಿಯೋಗಕ್ಕೆ ಭರವಸೆ ನೀಡಿದರು.
ಮತದಾರರ ಪಟ್ಟಿಗಳಲ್ಲಿನ ವ್ಯತ್ಯಾಸಗಳು, ಅರ್ಹ ಮತದಾರರ ಹೆಸರುಗಳನ್ನು ಪಟ್ಟಿಯಿಂದ ಕೈಬಿಡುವ ಸಾಧ್ಯತೆ ಹಾಗೂ ಮತದಾರರ ಪಟ್ಟಿ ಪರಿಷ್ಕರಣೆ ಪ್ರಕ್ರಿಯೆಯಲ್ಲಿ ಪಾರದರ್ಶಕತೆ ಮತ್ತು ಉತ್ತರದಾಯಿತ್ವದ ಅಗತ್ಯದ ಕುರಿತು ಕ್ಯಾಥೊಲಿಕ್ ಸಭಾ ತನ್ನ ಮನವಿಯಲ್ಲಿ ಗಂಭೀರ ಕಳವಳ ವ್ಯಕ್ತಪಡಿಸಿದೆ.
ಭಾರತೀಯ ಪ್ರಜಾಪ್ರಭುತ್ವದ ವಿಶ್ವಾಸಾರ್ಹತೆಯು ನಿಖರವಾದ ಮತದಾರರ ಪಟ್ಟಿಗಳ ತಯಾರಿಕೆ ಮತ್ತು ಪ್ರತಿಯೊಬ್ಬ ಅರ್ಹ ನಾಗರಿಕನಿಗೂ ತನ್ನ ಸಂವಿಧಾನಬದ್ಧ ಮತದಾನದ ಹಕ್ಕನ್ನು ಚಲಾಯಿಸಲು ನ್ಯಾಯಸಮ್ಮತ ಅವಕಾಶ ಕಲ್ಪಿಸುವುದರ ಮೇಲೆ ಅವಲಂಬಿತವಾಗಿದೆ ಎಂದು ಸಂಘಟನೆ ಅಭಿಪ್ರಾಯಪಟ್ಟಿದೆ.
ನಕಲಿ ಹಾಗೂ ಅನರ್ಹ ಮತದಾರರ ಹೆಸರುಗಳನ್ನು ತೆಗೆದುಹಾಕುವುದು ಸಮರ್ಥನೀಯ ಆಡಳಿತಾತ್ಮಕ ಕ್ರಮವಾಗಿದ್ದರೂ, ಈ ಪ್ರಕ್ರಿಯೆಯು ಸಂವಿಧಾನ, ಅನ್ವಯವಾಗುವ ಚುನಾವಣಾ ಕಾನೂನುಗಳು ಮತ್ತು ನೈಸರ್ಗಿಕ ನ್ಯಾಯದ ತತ್ವಗಳಿಗೆ ಅನುಗುಣವಾಗಿ ನಡೆಯಬೇಕು ಎಂದು ಮನವಿಯಲ್ಲಿ ಒತ್ತಿಹೇಳಲಾಗಿದೆ. ಅರ್ಹ ಮತದಾರರ ಹೆಸರುಗಳನ್ನು ತಪ್ಪಾಗಿ ತೆಗೆದುಹಾಕುವುದನ್ನು ತಡೆಯಲು ಸೂಕ್ತ ರಕ್ಷಣಾತ್ಮಕ ಕ್ರಮಗಳನ್ನು ಕೈಗೊಳ್ಳಬೇಕು ಹಾಗೂ ಹೆಸರುಗಳ ಪರಿಶೀಲನೆ, ತಿದ್ದುಪಡಿ ಮತ್ತು ಮರು ಸೇರ್ಪಡೆಗಾಗಿ ಸುಲಭವಾಗಿ ಲಭ್ಯವಾಗುವ ವ್ಯವಸ್ಥೆಗಳನ್ನು ಕಲ್ಪಿಸಬೇಕು ಎಂದು ಆಗ್ರಹಿಸಲಾಗಿದೆ.
ಭಾರತದ ಚುನಾವಣಾ ಆಯೋಗದ ನಿರ್ಧಾರ ಕೈಗೊಳ್ಳುವ ಪ್ರಕ್ರಿಯೆ ಹಾಗೂ ಸಾಂಸ್ಥಿಕ ಉತ್ತರದಾಯಿತ್ವಕ್ಕೆ ಸಂಬಂಧಿಸಿದಂತೆ ವ್ಯಕ್ತವಾಗಿರುವ ಕಳವಳಗಳನ್ನೂ ಮನವಿಯಲ್ಲಿ ಉಲ್ಲೇಖಿಸಲಾಗಿದೆ. ಈ ಆರೋಪಗಳನ್ನು ಸಂಬಂಧಪಟ್ಟ ಸಕ್ಷಮ ಪ್ರಾಧಿಕಾರಗಳು ನಿಷ್ಪಕ್ಷಪಾತವಾಗಿ ಪರಿಶೀಲಿಸಬೇಕು ಎಂದು ಕೋರಲಾಗಿದೆ. ಯಾವುದೇ ತೀರ್ಮಾನವು ಸಾಕ್ಷ್ಯಾಧಾರಗಳನ್ನು ಆಧರಿಸಿರಬೇಕು ಮತ್ತು ಕಾನೂನುಬದ್ಧ ಪ್ರಕ್ರಿಯೆಯ ಮೂಲಕವೇ ನಿರ್ಧಾರ ಕೈಗೊಳ್ಳಬೇಕು ಎಂಬುದನ್ನೂ ಸ್ಪಷ್ಟಪಡಿಸಲಾಗಿದೆ.
ಮನವಿಯಲ್ಲಿ ಪ್ರಮುಖವಾಗಿ ಮಾಡಲಾದ ಬೇಡಿಕೆಗಳು:
1. ನಿಷ್ಪಕ್ಷಪಾತ ತನಿಖೆ: ಎಸ್‌ಐಆರ್ ಪ್ರಕ್ರಿಯೆಯಲ್ಲಿ ನಡೆದಿದೆ ಎನ್ನಲಾದ ಅಕ್ರಮಗಳು ಮತ್ತು ಮತದಾರರ ಪಟ್ಟಿಗಳಲ್ಲಿನ ವ್ಯತ್ಯಾಸಗಳ ಕುರಿತು ಸ್ವತಂತ್ರ ಹಾಗೂ ನಿಷ್ಪಕ್ಷಪಾತ ತನಿಖೆ ನಡೆಸಬೇಕು.
2. ಮುಖ್ಯ ಚುನಾವಣಾ ಆಯುಕ್ತರ ಕಾರ್ಯವೈಖರಿಯ ಪರಿಶೀಲನೆ: ಮುಖ್ಯ ಚುನಾವಣಾ ಆಯುಕ್ತರ ಕಾರ್ಯನಿರ್ವಹಣೆ ಮತ್ತು ನಿರ್ಧಾರ ಕೈಗೊಳ್ಳುವ ವಿಧಾನಕ್ಕೆ ಸಂಬಂಧಿಸಿದ ಆರೋಪಗಳನ್ನು ಸಂವಿಧಾನ ಹಾಗೂ ಅನ್ವಯಿಸುವ ಕಾನೂನುಗಳ ಪ್ರಕಾರ ಸೂಕ್ತ ಪ್ರಾಧಿಕಾರದಿಂದ ಪರಿಶೀಲಿಸಬೇಕು.
3. ಅರ್ಹ ಮತದಾರರ ಹಕ್ಕುಗಳ ರಕ್ಷಣೆ: ಯಾವುದೇ ಅರ್ಹ ಮತದಾರರ ಹೆಸರನ್ನು ತಪ್ಪಾಗಿ ಮತದಾರರ ಪಟ್ಟಿಯಿಂದ ತೆಗೆದುಹಾಕದಂತೆ ಕ್ರಮ ಕೈಗೊಳ್ಳಬೇಕು. ಹೆಸರುಗಳ ಪರಿಶೀಲನೆ, ತಿದ್ದುಪಡಿ ಮತ್ತು ಮರು ಸೇರ್ಪಡೆಗೆ ಪರಿಣಾಮಕಾರಿ ವ್ಯವಸ್ಥೆ ಕಲ್ಪಿಸಬೇಕು.
4. ಪಾರದರ್ಶಕತೆ ಮತ್ತು ಮಾಹಿತಿ ಬಹಿರಂಗಪಡಿಸುವಿಕೆ: ಮತದಾರರ ಪಟ್ಟಿಗೆ ಹೊಸದಾಗಿ ಸೇರ್ಪಡೆಗೊಂಡ ಹೆಸರುಗಳು, ತೆಗೆದುಹಾಕಲಾದ ಹೆಸರುಗಳು, ಸಲ್ಲಿಕೆಯಾದ ಆಕ್ಷೇಪಣೆಗಳು ಹಾಗೂ ಮತದಾರರ ದೂರುಗಳ ವಿಲೇವಾರಿಗೆ ಸಂಬಂಧಿಸಿದ ಪರಿಶೀಲಿಸಬಹುದಾದ ಮಾಹಿತಿಯನ್ನು ಕಾನೂನುಬದ್ಧ ನಿಯಮಗಳು ಮತ್ತು ವೈಯಕ್ತಿಕ ಮಾಹಿತಿಯ ರಕ್ಷಣೆಗೆ ಒಳಪಟ್ಟು ಸಾರ್ವಜನಿಕಗೊಳಿಸಬೇಕು.
5. ತಪ್ಪಿತಸ್ಥರ ವಿರುದ್ಧ ಕ್ರಮ: ನಿಷ್ಪಕ್ಷಪಾತ ತನಿಖೆಯಲ್ಲಿ ಉದ್ದೇಶಪೂರ್ವಕ ದುರ್ವರ್ತನೆ, ಅಧಿಕಾರ ದುರುಪಯೋಗ ಅಥವಾ ಚುನಾವಣಾ ಕಾನೂನುಗಳ ಉಲ್ಲಂಘನೆ ಸಾಬೀತಾದಲ್ಲಿ, ಸಂಬಂಧಪಟ್ಟವರ ವಿರುದ್ಧ ಕಾನೂನುಬದ್ಧ ಪ್ರಕ್ರಿಯೆಯಂತೆ ಸೂಕ್ತ ಆಡಳಿತಾತ್ಮಕ, ಶಿಸ್ತುಕ್ರಮ ಅಥವಾ ಕಾನೂನು ಕ್ರಮ ಕೈಗೊಳ್ಳಬೇಕು.
6. ಸಾಂಸ್ಥಿಕ ಸ್ವಾಯತ್ತತೆಯ ರಕ್ಷಣೆ: ಭಾರತದ ಚುನಾವಣಾ ಆಯೋಗದ ಸ್ವಾತಂತ್ರ್ಯ, ನಿಷ್ಪಕ್ಷಪಾತತೆ ಮತ್ತು ವಿಶ್ವಾಸಾರ್ಹತೆಯನ್ನು ಕಾಪಾಡಲು ಸಂವಿಧಾನಬದ್ಧವಾಗಿ ಸಾಧ್ಯವಿರುವ ಸೂಕ್ತ ಕ್ರಮಗಳನ್ನು ಕೈಗೊಳ್ಳಬೇಕು.
7. ಪ್ರಜಾಪ್ರಭುತ್ವದ ಹಕ್ಕುಗಳ ಸಂರಕ್ಷಣೆ: ಭವಿಷ್ಯದಲ್ಲಿ ನಡೆಯುವ ಮತದಾರರ ಪಟ್ಟಿ ಪರಿಷ್ಕರಣೆ ಪ್ರಕ್ರಿಯೆಗಳಲ್ಲಿ ಪಾರದರ್ಶಕತೆ, ಸಮರ್ಪಕ ಸಾರ್ವಜನಿಕ ಮಾಹಿತಿ, ಪರಿಣಾಮಕಾರಿ ದೂರು ಪರಿಹಾರ ವ್ಯವಸ್ಥೆ ಹಾಗೂ ಅರ್ಹ ಮತದಾರರ ಹೆಸರುಗಳನ್ನು ತಪ್ಪಾಗಿ ಕೈಬಿಡುವುದನ್ನು ತಡೆಯುವ ಸೂಕ್ತ ರಕ್ಷಣಾತ್ಮಕ ಕ್ರಮಗಳನ್ನು ಖಚಿತಪಡಿಸಬೇಕು.
ಕ್ಯಾಥೊಲಿಕ್ ಸಭಾ ತನ್ನ ಹೇಳಿಕೆಯಲ್ಲಿ, ಆರೋಗ್ಯಕರ ಪ್ರಜಾಪ್ರಭುತ್ವಕ್ಕೆ ಸಾಂವಿಧಾನಿಕ ಸಂಸ್ಥೆಗಳ ಸ್ವಾತಂತ್ರ್ಯ ಅತ್ಯಗತ್ಯವಾಗಿದ್ದು, ಆ ಸ್ವಾತಂತ್ರ್ಯದ ಜೊತೆಗೆ ಪಾರದರ್ಶಕತೆ, ಉತ್ತರದಾಯಿತ್ವ ಮತ್ತು ಕಾನೂನಿನ ಕಟ್ಟುನಿಟ್ಟಿನ ಪಾಲನೆಯೂ ಇರಬೇಕು ಎಂದು ಪುನರುಚ್ಚರಿಸಿದೆ.
ಪ್ರಜಾಸತ್ತಾತ್ಮಕ ಆಡಳಿತದ ಹಿತದೃಷ್ಟಿಯಿಂದ ಹಾಗೂ ನಾಗರಿಕರ ಚುನಾವಣಾ ಹಕ್ಕುಗಳನ್ನು ರಕ್ಷಿಸುವ ನಿಟ್ಟಿನಲ್ಲಿ ಮನವಿಯಲ್ಲಿ ಪ್ರಸ್ತಾಪಿಸಿರುವ ವಿಷಯಗಳನ್ನು ಸಕ್ಷಮ ಸಾಂವಿಧಾನಿಕ ಪ್ರಾಧಿಕಾರಗಳು ಗಂಭೀರವಾಗಿ ಪರಿಗಣಿಸಬೇಕೆಂದು ಸಂಘಟನೆ ಮನವಿ ಮಾಡಿದೆ. ಪ್ರತಿಯೊಂದು ಆರೋಪವನ್ನೂ ನ್ಯಾಯಸಮ್ಮತವಾಗಿ ಮತ್ತು ನಿಷ್ಪಕ್ಷಪಾತವಾಗಿ ಪರಿಶೀಲಿಸಬೇಕು ಹಾಗೂ ತಪ್ಪುಗಳು ಅಥವಾ ಅಕ್ರಮಗಳು ಸಾಬೀತಾದಲ್ಲಿ ಕಾನೂನಿನ ಪ್ರಕಾರ ಕ್ರಮ ಕೈಗೊಳ್ಳಬೇಕು ಎಂದು ಆಗ್ರಹಿಸಿದೆ.
ಈ ಮನವಿಗೆ ಸೂಕ್ತ ಪರಿಗಣನೆ ದೊರೆಯಲಿದೆ ಮತ್ತು ಮತದಾರರ ಪಟ್ಟಿಗಳ ಸಮಗ್ರತೆಯನ್ನು ಕಾಪಾಡಲು ಹಾಗೂ ಭಾರತದ ಪ್ರಜಾಪ್ರಭುತ್ವ ಸಂಸ್ಥೆಗಳ ಮೇಲಿನ ಜನರ ವಿಶ್ವಾಸವನ್ನು ಬಲಪಡಿಸಲು ಅಗತ್ಯ ಕ್ರಮಗಳನ್ನು ಕೈಗೊಳ್ಳಲಾಗುವುದು ಎಂಬ ವಿಶ್ವಾಸವನ್ನು ನಿಯೋಗ ವ್ಯಕ್ತಪಡಿಸಿದೆ.
ನಿಯೋಗದಲ್ಲಿ ಉಪಸ್ಥಿತರಿದ್ದವರು
ಮಂಗಳೂರು ಧರ್ಮಪ್ರಾಂತ್ಯದ ಸಾರ್ವಜನಿಕ ಸಂಪರ್ಕಾಧಿಕಾರಿಗಳಾದ ರೆ. ಫಾ. ರೂಪೇಶ್ ಮಡ್ತಾ ಮತ್ತು ಶ್ರೀ ರಾಯ್ ಕ್ಯಾಸ್ಟೆಲಿನೊ; ಕ್ಯಾಥೊಲಿಕ್ ಸಭಾ, ಮಂಗಳೂರು ಪ್ರದೇಶ (ರಿ.) ಅಧ್ಯಕ್ಷರಾದ ಶ್ರೀ ಸಂತೋಷ್ ಡಿಸೋಜಾ; ಮಾಜಿ ಅಧ್ಯಕ್ಷರು ಹಾಗೂ ರಾಜಕೀಯ ಸಂಚಾಲಕರಾದ ಶ್ರೀ ಸ್ಟ್ಯಾನಿ ಲೋಬೊ; ಪ್ರಧಾನ ಕಾರ್ಯದರ್ಶಿ ಶ್ರೀಮತಿ ವಿಲ್ಮಾ ಮೊಂತೆರೊ; ಮಂಗಳೂರು ಧರ್ಮಪ್ರಾಂತ್ಯದ ಪಾಲನಾ ಮಂಡಳಿಯ ಕಾರ್ಯದರ್ಶಿ ಶ್ರೀಮತಿ ಉಷಾ ಫೆರ್ನಾಂಡಿಸ್; ಉಪಾಧ್ಯಕ್ಷರಾದ ಶ್ರೀ ಸುನಿಲ್ ಮೊನಿಸ್; ಕ್ಯಾಥೊಲಿಕ್ ಸಭಾದ ವರಾಡೊ ಅಧ್ಯಕ್ಷರಾದ ಶ್ರೀ ಅಲ್ಫೋನ್ಸ್ ಫೆರ್ನಾಂಡಿಸ್ ಮತ್ತು ಶ್ರೀ ಕ್ಲಿಟಸ್ ಲೋಬೊ ಸೇರಿದಂತೆ ಸಂಘಟನೆಯ ಇತರ ಪದಾಧಿಕಾರಿಗಳು ಹಾಗೂ ಸದಸ್ಯರು ಉಪಸ್ಥಿತರಿದ್ದರು.
CATHOLIC SABHA, MANGALORE PRADESH, SUBMITS MEMORANDUM TO THE PRESIDENT OF INDIA SEEKING IMPARTIAL INQUIRY INTO ALLEGED IRREGULARITIES IN SIR
Mangaluru, October 13, 2026: The Catholic Sabha, Mangalore Pradesh (R), has submitted a memorandum to the Hon’ble President of India, Smt. Droupadi Murmu, seeking urgent intervention and an impartial inquiry into the alleged irregularities in the Special Intensive Revision (SIR) of electoral rolls and concerns regarding the functioning and accountability of the Election Commission of India, particularly its Chief Election Commissioner, Shri Gyanesh Kumar.
The memorandum was submitted to the Deputy Commissioner of Dakshina Kannada, Mr. Darshan H. V., at his office in Praja Soudha, Mangaluru. The Deputy Commissioner received the memorandum and assured the delegation that it would be forwarded to the Hon’ble President of India for consideration.
In the memorandum, the Catholic Sabha expressed serious concern over allegations of discrepancies in electoral rolls, the possibility of eligible voters being excluded, and the need for transparency and accountability in the electoral revision process. It emphasised that the credibility of Indian democracy depends on the preparation of accurate electoral rolls and ensuring that every eligible citizen has a fair opportunity to exercise their constitutional right to vote.
The representation stressed that while the removal of duplicate and ineligible entries is a legitimate administrative objective, the process must strictly adhere to constitutional principles, applicable electoral laws, and the principles of natural justice. It called for adequate safeguards to prevent the wrongful deletion of eligible voters and for accessible mechanisms to verify, correct, and restore names wherever necessary.
The memorandum also highlighted the importance of examining concerns regarding the decision-making procedures and institutional accountability of the Election Commission of India. It called for an impartial examination of the allegations by the competent authorities, while emphasising that any findings must be based on evidence and established through due process.
Key demands put forward in the memorandum include:
1. An independent and impartial inquiry into the alleged irregularities in the SIR process.
2. An appropriate examination of the allegations concerning the functioning and decision-making of the Chief Election Commissioner.
3. Effective safeguards to ensure that no eligible voter is wrongfully excluded from the electoral rolls.
4. Greater transparency in the publication of electoral data, including additions, deletions, objections, and grievance redressal.
5. Appropriate legal and administrative action wherever violations or misconduct are established through an impartial inquiry.
6. Protection of the independence, impartiality, and credibility of the Election Commission of India.
7. Stronger safeguards and effective grievance-redressal mechanisms in future electoral revision exercises.
The Catholic Sabha reiterated that the independence of constitutional institutions is fundamental to a healthy democracy, but such independence must go hand in hand with transparency, accountability, and strict adherence to the law.
The organisation appealed to the competent constitutional authorities to address the concerns raised in the memorandum in the larger interest of democratic governance and the protection of citizens’ electoral rights. It maintained that every allegation must be examined fairly and impartially, and that any established wrongdoing must be dealt with in accordance with the law.
The delegation expressed hope that the representation would receive due consideration and that appropriate steps would be taken to safeguard the integrity of electoral rolls and strengthen public confidence in India’s democratic institutions.
Those Present
The delegation comprised Rev. Fr. Rupesh Madtha and Mr. Roy Castelino, PROs of the Diocese of Mangalore; Mr. Santhosh D’Souza, President, Catholic Sabha, Mangalore Pradesh (R); Mr. Stany Lobo, Former President and Political Convenor; Mrs. Wilma Monteiro, General Secretary; Mrs. Usha Fernandes, Secretary, Pastoral Council, Diocese of Mangalore; Mr. Sunil Monis, Vice President; Mr. Alphonse Fernandes and Mr. Clitus Lobo, Catholic Sabha Varado Presidents, along with other office-bearers and members of the organisation.
ಮಂಗಳೂರು — ಕರಾವಳಿ ಕರ್ನಾಟಕದ ಸಂಗೀತಾಸಕ್ತರಿಗೆ ಒಂದು ಅದ್ಭುತ ಸಾಂಸ್ಕೃತಿಕ ರಸದೌತಣ ಕಾದಿದೆ; ‘ಸುಮಧುರ್ ಸಂಗೀತ ಅಕಾಡೆಮಿ’ಯು ತನ್ನ ಪ್ರಮುಖ ಸಂಗೀತ ಕಾರ್ಯಕ್ರಮವಾದ ‘ಸುಮಧುರ್ 3’ ಅನ್ನು ಪ್ರಸ್ತುತಪಡಿಸುತ್ತಿದೆ. ಖ್ಯಾತ ಗಾಯಕಿ, ಸಂಯೋಜಕಿ ಮತ್ತು ಗಾಯನ ತರಬೇತುದಾರರಾದ ಜೋಷಲ್ ಸ್ವೀಡಾ ಡಿಸೋಜಾ ಅವರ ನೇತೃತ್ವದಲ್ಲಿ ನಡೆಯಲಿರುವ ಈ ಭವ್ಯ ಸಂಗೀತ ಸಂಜೆಯು ಮಂಗಳೂರಿನ ಕಂಕನಾಡಿಯಲ್ಲಿರುವ ಫಾದರ್ ಮುಲ್ಲರ್ ಕನ್ವೆನ್ಷನ್ ಸೆಂಟರ್‌ನಲ್ಲಿ ಜರುಗಲಿದೆ.
ಸಂಜೆ 5:00 ಗಂಟೆಗೆ ಕಾರ್ಯಕ್ರಮವು ಅಧಿಕೃತ ಸಮಾರಂಭದೊಂದಿಗೆ ಪ್ರಾರಂಭವಾಗಲಿದೆ. ಇದರಲ್ಲಿ ಸುಮಧುರ್ ಸಂಗೀತ ಅಕಾಡೆಮಿಯ ‘ಪ್ರೀ-ಗ್ರೇಡ್’, ‘ಗ್ರೇಡ್ 1’ ಮತ್ತು ‘ಗ್ರೇಡ್ 2’ ಪರೀಕ್ಷೆಗಳಲ್ಲಿ ಹಾಗೂ ಅಕಾಡೆಮಿಯ ಇತರ ವಿಭಾಗಗಳಲ್ಲಿ ಅತ್ಯುತ್ತಮ ಸಾಧನೆ ಮಾಡಿದ ವಿದ್ಯಾರ್ಥಿಗಳನ್ನು ಗೌರವಿಸಲಾಗುತ್ತದೆ. ಸಮಾರಂಭದ ನಂತರ ಬೃಹತ್ ಸಂಗೀತ ಪ್ರದರ್ಶನವು ನಡೆಯಲಿದ್ದು, ಇದರಲ್ಲಿ ಖ್ಯಾತ ಗಾಯಕರು, ಅನುಭವಿ ವಾದ್ಯಗಾರರು, ಆಕರ್ಷಕ ನೃತ್ಯ ಪ್ರದರ್ಶನಗಳು ಮತ್ತು ಹಲವು ಅಚ್ಚರಿಯ ಕಾರ್ಯಕ್ರಮಗಳು ಒಳಗೊಂಡಿರುತ್ತವೆ. ಪ್ರಮುಖ ಸಾಂಸ್ಕೃತಿಕ ವ್ಯಕ್ತಿಗಳು, ಕೊಂಕಣಿ ಮನರಂಜನಾ ಕ್ಷೇತ್ರದ ದಿಗ್ಗಜರು ಮತ್ತು ಸಮಾಜ ಸೇವಕರು ಈ ಕಾರ್ಯಕ್ರಮದಲ್ಲಿ ಭಾಗವಹಿಸಲಿದ್ದಾರೆ.
ಜೋಷಲ್ ಡಿಸೋಜಾ: ಸಂಗೀತ ಮತ್ತು ಪರಂಪರೆಯ ಹಾದಿಯಲ್ಲಿನ ದೂರದೃಷ್ಟಿಯ ಪಯಣ
‘ಸುಮಧುರ್’ ಸಂಗೀತ ಸರಣಿಯ ರೂವಾರಿ ಜೋಷಲ್ ಸ್ವೀಡಾ ಡಿಸೋಜಾ ಅವರು ಕರಾವಳಿ ಕರ್ನಾಟಕದ ಪ್ರತಿಭಾವಂತ ಗಾಯಕಿ, ಸಂಯೋಜಕಿ, ನಟಿ ಮತ್ತು ಶಾಸ್ತ್ರೀಯ ಗಾಯನ ತರಬೇತುದಾರರಾಗಿದ್ದಾರೆ. ಮಂಗಳೂರಿನ ‘ಸಂದೇಶ ಮ್ಯೂಸಿಕ್ ಇನ್‌ಸ್ಟಿಟ್ಯೂಟ್’ ಮತ್ತು ಅಬುಧಾಬಿಯ ‘ಗೋಲ್ಡನ್ ಮ್ಯೂಸಿಕ್ ಇನ್‌ಸ್ಟಿಟ್ಯೂಟ್’ನಲ್ಲಿ ತರಬೇತಿ ಪಡೆದ ವೃತ್ತಿಪರ ಕರ್ನಾಟಕ ಶಾಸ್ತ್ರೀಯ ಗಾಯಕಿ ಹಾಗೂ ಕೀಬೋರ್ಡ್ ವಾದಕಿಯಾಗಿರುವ ಜೋಷಲ್, ಕೊಂಕಣಿ, ಕನ್ನಡ, ಹಿಂದಿ, ಮಲಯಾಳಂ ಮತ್ತು ತುಳು ಭಾಷೆಗಳಲ್ಲಿ ವ್ಯಾಪಕವಾದ ಸಂಗೀತ ಸಂಗ್ರಹವನ್ನು ಹೊಂದಿದ್ದಾರೆ. ಯುನೈಟೆಡ್ ಅರಬ್ ಎಮಿರೇಟ್ಸ್‌ನಲ್ಲಿ ಯಶಸ್ವಿ ವೃತ್ತಿಜೀವನವನ್ನು ರೂಪಿಸಿಕೊಂಡ ನಂತರ, ಅವರು ಪ್ರದರ್ಶನ ಕಲೆಗಳು, ಸಂಗೀತ ಶಿಕ್ಷಣ ಮತ್ತು ಪ್ರಾದೇಶಿಕ ಸಾಂಸ್ಕೃತಿಕ ಸಂರಕ್ಷಣೆಗೆ ತಮ್ಮನ್ನು ಸಂಪೂರ್ಣವಾಗಿ ಅರ್ಪಿಸಿಕೊಳ್ಳಲು ಭಾರತಕ್ಕೆ ಮರಳಿದರು.
ಸಂಜಯ್ ರೋಡ್ರಿಗಸ್ ಅವರಿಂದ ಸಂಗೀತ ನಿರ್ದೇಶನ ಮತ್ತು ಲೈವ್ ಆರ್ಕೆಸ್ಟ್ರಾ
ಸಂಗೀತ ಸಂಯೋಜನೆ ಮತ್ತು ಲೈವ್ ಆರ್ಕೆಸ್ಟ್ರಾದ ನಿರ್ದೇಶನವನ್ನು ಕೀಬೋರ್ಡ್ ಮಾಂತ್ರಿಕ ಸಂಜಯ್ ರೋಡ್ರಿಗಸ್ ಅವರು ವಹಿಸಿಕೊಂಡಿದ್ದಾರೆ. ತಮ್ಮ ವಿಶಿಷ್ಟವಾದ “ಜಾದೂಯಿ ಬೆರಳುಗಳ” (magical fingers) ಮೂಲಕ ಕೊಂಕಣಿ ಸಂಗೀತ ವಲಯದಲ್ಲಿ ಅವರು ವ್ಯಾಪಕವಾಗಿ ಪ್ರಸಿದ್ಧರಾಗಿದ್ದಾರೆ. ಕರಾವಳಿಯ ಖ್ಯಾತ ಸಂಗೀತ ತಂಡವಾದ ‘ರೂಟ್ 96’ (Route 96) ನ ಪ್ರಮುಖ ಸದಸ್ಯರಾಗಿರುವ ರೋಡ್ರಿಗಸ್, ‘ಬಪಾಚೆ ಪುತಾಚೆ ನವಿಮ್’ (Bapache Putache Navim) ನಂತಹ ಹಿಟ್ ಚಲನಚಿತ್ರಗಳಿಗೆ ಸಂಗೀತ ನಿರ್ದೇಶಕರಾಗಿ ಕಾರ್ಯನಿರ್ವಹಿಸಿದ್ದಾರೆ ಹಾಗೂ ಅನೇಕ ಅಂತರರಾಷ್ಟ್ರೀಯ ಸಂಗೀತ ಪ್ರವಾಸಗಳಲ್ಲಿ ಭಾಗವಹಿಸಿದ್ದಾರೆ. ಸಂಜಯ್ ಅವರೊಂದಿಗೆ ವೇದಿಕೆಯಲ್ಲಿ ಪ್ರಖ್ಯಾತ ವಾದ್ಯಗಾರರಾದ ರೋಶನ್ ಕ್ರಸ್ಟಾ ಬೆಲಾ, ಮೆಲ್ವಿನ್ ಲೀಮಾ, ಸಂಜೀತ್ ರೋಡ್ರಿಗಸ್, ಪ್ರಜ್ವಲ್ ಫ್ರಾಂಟೆರಿಯೊ, ಸ್ಟಾಲಿನ್ ಡಿ’ಸೋಜಾ, ವೀಕ್ಷಿತ್ ಕೊಡಚ ಮತ್ತು ಕೇತನ್ ಕ್ಯಾಸ್ಟೆಲಿನೊ ಅವರನ್ನೊಳಗೊಂಡ ಸಮರ್ಥ ತಂಡವಿರಲಿದೆ.
ಪ್ರಮುಖ ತಾರಾ ಕಲಾವಿದರು ಮತ್ತು ಉದಯೋನ್ಮುಖ ಪ್ರತಿಭೆಗಳು
ಗಾಯಕರ ತಂಡದ ನೇತೃತ್ವವನ್ನು ಜಾಗತಿಕ ಮಟ್ಟದ ಕೊಂಕಣಿ ಗಾಯಕ ಪ್ರಜೋತ್ ಡಿ’ಸಾ ವಹಿಸಲಿದ್ದಾರೆ. ಗಾಯಕ, ಸಂಯೋಜಕ, ಸಂಗೀತ ನಿರ್ದೇಶಕ ಮತ್ತು ನಿರ್ಮಾಪಕರಾಗಿ 1,000ಕ್ಕೂ ಹೆಚ್ಚು ಸ್ಟುಡಿಯೋ ರೆಕಾರ್ಡಿಂಗ್‌ಗಳನ್ನು ಅವರು ಹೊಂದಿದ್ದಾರೆ. ಪ್ರಶಸ್ತಿ ವಿಜೇತ ಕೊಂಕಣಿ ಮತ್ತು ಕನ್ನಡ ಚಲನಚಿತ್ರಗಳಿಗೆ ಸಂಗೀತ ಸಂಯೋಜನೆಗೆ ಹೆಸರುವಾಸಿಯಾಗಿರುವ ಇವರು, ರಿಕ್ಕಿ ಕೇಜ್ ಮತ್ತು ಸ್ಟೀವರ್ಟ್ ಕೋಪ್‌ಲ್ಯಾಂಡ್ (ದಿ ಪೊಲೀಸ್) ಅವರಂತಹವರೊಂದಿಗೆ ಗ್ರಾಮಿ ಪ್ರಶಸ್ತಿ ವಿಜೇತ ಹಾಗೂ ನಾಮನಿರ್ದೇಶಿತ ಯೋಜನೆಗಳಲ್ಲಿ ಕೆಲಸ ಮಾಡಿದ್ದಾರೆ; ಜೊತೆಗೆ ಗ್ರಾಮಿ ವಿಜೇತ ವನಿಲ್ ವೇಗಾಸ್ ಅವರೊಂದಿಗೂ ನಿರಂತರವಾಗಿ ಕಾರ್ಯನಿರ್ವಹಿಸುತ್ತಿದ್ದಾರೆ.
ವೇದಿಕೆಯನ್ನು ಹಂಚಿಕೊಳ್ಳಲಿರುವ ಮತ್ತೊಬ್ಬ ಪ್ರಮುಖ ಕಲಾವಿದರೆಂದರೆ ಸಮಕಾಲೀನ ಪ್ರದರ್ಶಕ ಮತ್ತು ಧ್ವನಿ ಕಲಾವಿದ (ವಾಯ್ಸ್ ಆರ್ಟಿಸ್ಟ್) ಮೆಲ್ರಿಕ್ ಡಿ’ಸೋಜಾ. ಇವರು ಆಧುನಿಕ ರಾಕ್ ಶೈಲಿಯನ್ನು ಹಿನ್ನೆಲೆ ಸಂಗೀತದೊಂದಿಗೆ ಬೆರೆಸುವಲ್ಲಿ ಪರಿಣಿತರು. ಯಮಹಾ, ಮಹೀಂದ್ರಾ ಮತ್ತು ಬಿ-ನ್ಯಾಚುರಲ್‌ನಂತಹ ರಾಷ್ಟ್ರೀಯ ಬ್ರಾಂಡ್‌ಗಳಿಗೆ ಪ್ರಮುಖ ವಾಣಿಜ್ಯ ಧ್ವನಿ ಕಲಾವಿದರಾಗಿರುವ ಮೆಲ್ರಿಕ್, ಬ್ಲಾಕ್‌ಬಸ್ಟರ್ ಚಿತ್ರ ‘ಕಾಂತಾರ’ದಲ್ಲಿ ಪ್ರಮೋದ್ ಶೆಟ್ಟಿ ಅವರ ಪಾತ್ರಕ್ಕೆ ಡಬ್ಬಿಂಗ್ ಮಾಡುವ ಮೂಲಕ ವ್ಯಾಪಕ ಮೆಚ್ಚುಗೆ ಮತ್ತು SIIMA ನಾಮನಿರ್ದೇಶನವನ್ನು ಪಡೆದಿದ್ದಾರೆ. ಅವರ ಸಾಧನೆಯ ಪಟ್ಟಿಯಲ್ಲಿ ‘7 ಅಪ್ ಸ್ಟಾರ್ಟರ್ಸ್’ ಕಾರ್ಯಕ್ರಮದ ಫೈನಲಿಸ್ಟ್ ಆಗಿ ಹೊರಹೊಮ್ಮಿದ್ದು ಕೂಡ ಸೇರಿದೆ; ಅಲ್ಲಿ ಅವರು ದಿವಂಗತ ‘ಪವರ್ ಸ್ಟಾರ್’ ಪುನೀತ್ ರಾಜ್‌ಕುಮಾರ್ ಅವರಿಂದ ಅಪಾರ ಮೆಚ್ಚುಗೆಯನ್ನು ಪಡೆದಿದ್ದರು.
ಮುಂದಿನ ಪೀಳಿಗೆಯ ಪ್ರತಿಭೆಗಳನ್ನು ಪ್ರೋತ್ಸಾಹಿಸುವ ಅಕಾಡೆಮಿಯ ಧ್ಯೇಯೋದ್ದೇಶದಂತೆ, ‘ಡೈಜಿವರ್ಲ್ಡ್ ಸ್ಟಾರ್ ಸಿಂಗರ್’ ಮತ್ತು ‘ಕೊಂಕಣಿ ಮೆಲೊಡಿ ಸ್ಟಾರ್’ನಂತಹ ಪ್ರಮುಖ ಪ್ರಾದೇಶಿಕ ಟೆಲಿವಿಷನ್ ರಿಯಾಲಿಟಿ ಶೋಗಳಿಂದ ಆಯ್ಕೆಯಾದ ಅತ್ಯುತ್ತಮ ಯುವ ಗಾಯಕರಿಗೂ ಈ ವೇದಿಕೆಯಲ್ಲಿ ಅವಕಾಶ ಕಲ್ಪಿಸಲಾಗುವುದು.
ನೃತ್ಯ ಸಂಯೋಜನೆ ಮತ್ತು ಸೆಲೆಬ್ರಿಟಿ ನಿರೂಪಕರು
ಸಂಗೀತ ಕಾರ್ಯಕ್ರಮಕ್ಕೆ ದೃಶ್ಯ ವೈಭವವನ್ನು ನೀಡಲು, ‘ಮಂಡ್ ಸೊಭಾಣ್ ಕಲಾವಿದ ಪುರಸ್ಕಾರ’ ವಿಜೇತ ಅವಿಲ್ ಡಿ’ಕ್ರೂಜ್ ಮತ್ತು ಸೋನಾಲ್ ಡಿ’ಕ್ರೂಜ್ ನೇತೃತ್ವದ ಪ್ರಮುಖ ನೃತ್ಯ ತಂಡ ‘ಅರ್ಬನ್ ಗ್ರೂವ್’ (Urban Groove), ಸಂಗೀತ ಕಾರ್ಯಕ್ರಮದ ಹಾಡುಗಳಿಗೆ ಅನುಗುಣವಾಗಿ ವಿಶೇಷ ನೃತ್ಯ ಸಂಯೋಜನೆಯೊಂದಿಗೆ ವೇದಿಕೆಯನ್ನು ರಂಜಿಸಲಿದೆ.
ಸಂಜೆ ಪೂರ್ತಿ ಕಾರ್ಯಕ್ರಮವನ್ನು ಮುನ್ನಡೆಸಲು ಕೊಂಕಣಿ ಮಾಧ್ಯಮದ ಇಬ್ಬರು ಅತ್ಯುತ್ತಮ ನಿರೂಪಕರು ಇರಲಿದ್ದಾರೆ: ಖ್ಯಾತ ಟೆಲಿವಿಷನ್ ನಿರೂಪಕಿ ಕೋಮಲ್ ಜೆನಿಫರ್ ಡಿ’ಸೋಜಾ – ಇವರು ಡೈಜಿವರ್ಲ್ಡ್ ಟಿವಿಯ ‘ಜಿಗಿಬಿಗಿ ತಾರಂ’, ‘ಡ್ಯುಯೆಟ್ ಸಿಂಗಿಂಗ್ ಸ್ಟಾರ್ಸ್’ ಮತ್ತು ‘ಟ್ರಿಯೋ ಸ್ಟಾರ್ಸ್’ ಕಾರ್ಯಕ್ರಮಗಳ ನಿರೂಪಕಿಯಾಗಿದ್ದಾರೆ. ಮತ್ತು ನೆಲ್ಸನ್ ಮೋನಿಸ್, ತಮ್ಮ ಚುರುಕಾದ ವೇದಿಕೆಯ ಉಪಸ್ಥಿತಿ ಮತ್ತು ಕಾವ್ಯಾತ್ಮಕ ವ್ಯಾಖ್ಯಾನಕ್ಕೆ ಹೆಸರುವಾಸಿಯಾದ ಶಿಕ್ಷಣ ತಜ್ಞ ಮತ್ತು ವಾಗ್ಮಿ.
ಸಮುದಾಯ ಕಲ್ಯಾಣಕ್ಕಾಗಿ ಬೆಂದೂರ್‌ನ ಕ್ಯಾಥೋಲಿಕ್ ಆಕ್ಷನ್ ಲೀಗ್ (CAL) ಜೊತೆ ಪಾಲುದಾರಿಕೆ
ಸಂತೆಕಟ್ಟೆಯಲ್ಲಿರುವ ಗೊರೆಟ್ಟಿ ಆಸ್ಪತ್ರೆಯ ನವೀಕರಣಕ್ಕಾಗಿ ಕ್ಯಾಥೋಲಿಕ್ ಸಭಾ ಉಡುಪಿ ಡಯಾಸಿಸ್‌ನ ಸಹಯೋಗದೊಂದಿಗೆ ₹1 ಕೋಟಿಗೂ ಹೆಚ್ಚು ಹಣವನ್ನು ಸಂಗ್ರಹಿಸಿದ ಸುಮಧುರ್ 2 ರ ಗಮನಾರ್ಹ ಪೂರ್ವನಿದರ್ಶನವನ್ನು ಅನುಸರಿಸಿ, ಸುಮಧುರ್ 3 ಬೆಂದೂರ್‌ನ ಕ್ಯಾಥೋಲಿಕ್ ಆಕ್ಷನ್ ಲೀಗ್ (CAL) ಜೊತೆ ಪಾಲುದಾರಿಕೆ ಹೊಂದಿದೆ. CAL ನ ಯುವ ಸದಸ್ಯರು ಟಿಕೆಟ್ ವಿತರಣೆಯನ್ನು ಸಕ್ರಿಯವಾಗಿ ಮುನ್ನಡೆಸುತ್ತಿದ್ದಾರೆ, ಆದಾಯವು ಅವರ ನಡೆಯುತ್ತಿರುವ ಸಮುದಾಯ ಸಂಪರ್ಕ ಉಪಕ್ರಮಗಳು ಮತ್ತು ಸಾಮಾಜಿಕ ಕಲ್ಯಾಣ ಕಾರ್ಯಕ್ರಮಗಳನ್ನು ನೇರವಾಗಿ ಬೆಂಬಲಿಸುತ್ತಿದೆ.
ಸ್ಥಳ, ಲಾಜಿಸ್ಟಿಕ್ಸ್ ಮತ್ತು ಟಿಕೆಟ್ ಮಾಹಿತಿ
ಕಂಕನಾಡಿಯಲ್ಲಿರುವ ಕೇಂದ್ರೀಯವಾಗಿ ನೆಲೆಗೊಂಡಿರುವ ಫಾದರ್ ಮುಲ್ಲರ್ ಕನ್ವೆನ್ಷನ್ ಸೆಂಟರ್ ವಿಶ್ವ ದರ್ಜೆಯ ಅಕೌಸ್ಟಿಕ್ ಎಂಜಿನಿಯರಿಂಗ್, ಕೇಂದ್ರೀಯವಾಗಿ ಹವಾನಿಯಂತ್ರಿತ ಆಡಿಟೋರಿಯಂ ಆಸನ ಮತ್ತು 700 ಕ್ಕೂ ಹೆಚ್ಚು ವಾಹನಗಳಿಗೆ ಸುರಕ್ಷಿತ ಆನ್-ಕ್ಯಾಂಪಸ್ ಪಾರ್ಕಿಂಗ್ ಅನ್ನು ಒಳಗೊಂಡಿದೆ. ಉತ್ತರದಲ್ಲಿರುವ ಪಂಪ್‌ವೆಲ್ ಗೇಟ್ ಮೂಲಕ ಅನುಕೂಲಕರವಾಗಿ ಪ್ರವೇಶಿಸಬಹುದು.ರಾಷ್ಟ್ರೀಯ ಹೆದ್ದಾರಿ 66ರ ಸಮೀಪದಲ್ಲಿರುವ ಈ ಸ್ಥಳವು ದಕ್ಷಿಣ ಕನ್ನಡ, ಉಡುಪಿ ಮತ್ತು ಉತ್ತರ ಕೇರಳದ ವಿವಿಧ ಭಾಗಗಳಿಂದ ಆಗಮಿಸುವವರಿಗೆ ಸುಗಮ ಪ್ರಯಾಣದ ಸೌಲಭ್ಯವನ್ನು ಒದಗಿಸುತ್ತದೆ.
ಟಿಕೆಟ್‌ಗಳು ₹300, ₹500, ₹1,000 ಮತ್ತು ₹2,000 ಮೌಲ್ಯಗಳಲ್ಲಿ ಲಭ್ಯವಿವೆ. ಆನ್‌ಲೈನ್ ಪಾಸ್‌ಗಳನ್ನು sumadhursangeethacademy.com ಎಂಬ ಅಧಿಕೃತ ವೆಬ್‌ಸೈಟ್ ಮೂಲಕ ನೇರವಾಗಿ ಬುಕ್ ಮಾಡಬಹುದು; ಹಾಗೆಯೇ, ಆಫ್‌ಲೈನ್ ಪಾಸ್‌ಗಳನ್ನು ‘CAL, ಬೆಂದೂರ್’ನ ಅಧಿಕೃತ ಯುವ ಪ್ರತಿನಿಧಿಗಳ ಮೂಲಕ ಪಡೆಯಬಹುದು.
Mangaluru Gears Up for Joshal D’Souza’s ‘Sumadhur 3’: Book Your Tickets
MANGALURU — Music enthusiasts across Coastal Karnataka are in for an extraordinary cultural treat as Sumadhur Sangeeth Academy presents its flagship musical concert, Sumadhur 3. Spearheaded by celebrated vocalist, composer, and vocal trainer Joshal Sweeda D’Souza, the grand musical evening will take place at the Father Muller Convention Centre, Kankanady, Mangaluru.
The evening commences promptly at 5:00 PM with a formal convocation ceremony honoring Sumadhur Sangeeth Academy students who have excelled in Pre-Grade, Grade 1, and Grade 2 examinations, alongside the academy’s top achievers. Following the ceremony, the mega musical showcase will unfold, featuring an ensemble of acclaimed vocalists, seasoned instrumentalists, dynamic dance routines, and several surprise acts. Prominent cultural personalities, Konkani entertainment icons, and community philanthropists will grace the occasion.
Joshal D’Souza: A Visionary Journey in Music and Heritage
Joshal Sweeda D’Souza, the driving force behind the Sumadhur franchise, is an accomplished singer, composer, actor, and classical vocal coach hailing from Coastal Karnataka. A professionally trained Carnatic classical vocalist and keyboardist—mentored at Sandesha Music Institute in Mangaluru and Golden Music Institute in Abu Dhabi—Joshal has built an expansive repertoire spanning Konkani, Kannada, Hindi, Malayalam, and Tulu. After establishing a successful professional base in the United Arab Emirates, she returned to India to dedicate herself entirely to the performing arts, music education, and regional cultural preservation.
Musical Direction by Sanjay Rodrigues and Live Ensemble
The musical arrangements and live orchestra are directed by keyboard maestro Sanjay Rodrigues, widely celebrated across the Konkani music fraternity for his signature “magical fingers.” A core member of the acclaimed coastal band Route 96, Rodrigues has served as music director for hit films such as Bapache Putache Navim, alongside numerous international concert tours. Accompanying Sanjay on stage is a powerhouse ensemble of known instrumentalists: Roshen Crasta Bela, Melwyn Leema, Sanjeeth Rodrigues, Prajwal Fronterio, Stalin D Souza, Veekshith Kodacha and Ketan Castelino
Star-Studded Headliners and Rising Talents
Leading the stellar vocal lineup is global Konkani sensation Prajoth D’Sa, who brings a catalog of over 1,000 studio recordings as a singer, composer, music director, and producer. Renowned for scoring award-winning Konkani and Kannada feature films, his international credentials include collaborations on Grammy-winning and Grammy-nominated projects with Ricky Kej and Stewart Copeland (The Police), alongside ongoing productions with Grammy-winner Vanil Veigas.
Sharing the headline stage is contemporary performer and voice artist Melrick D’Souza, known for blending modern rock sensibilities with playback music. A prominent commercial voice talent for national brands like Yamaha, Mahindra, and B-Natural, Melrick earned widespread critical acclaim and a SIIMA nomination for dubbing Pramod Shetty’s role in the blockbuster Kantara. His performance portfolio also includes a finalist run on 7 Up Starters, where he received high praise from the late Power Star Puneeth Rajkumar.
Fulfilling the Academy’s mission to champion the next generation, the stage will also spotlight standout young vocalists scouted from premier regional television talent hunts, including Daijiworld Star Singer and Konkani Melody Star.
Dance Choreography and Celebrity Hosts
Adding visual splendor to the musical narrative, premier dance troupe Urban Groove—led by Mandd Sobhann Kalakar Puraskar winner Avil D’Cruz alongside Sonal D’Cruz—will electrify the stage with bespoke choreographies tailored to the concert’s setlist.
Guiding the audience through the evening are two of Konkani media’s finest comperes: renowned television presenter Komal Jenifer D’Souza, host of Daijiworld TV’s Jigibigi Taram, Duet Singing Stars, and Trio Stars; and Nelson Monis, an academician and orator known for his quick-witted stage presence and articulate poetic commentary.
Partnering with Catholic Action League (CAL), Bendur for Community Welfare
Following the remarkable precedent of Sumadhur 2—which raised over ₹1 crore in association with Catholic Sabha Udupi Diocese for the renovation of Goretti Hospital in Santhekatte—Sumadhur 3 has partnered with the Catholic Action League (CAL), Bendur. Youth members of CAL are actively leading ticket distribution, with proceeds directly supporting their ongoing community outreach initiatives and social welfare programs.
Venue, Logistics, and Ticket Information
The centrally located Father Muller Convention Centre in Kankanady features world-class acoustic engineering, centrally air-conditioned auditorium seating, and secure on-campus parking for over 700 vehicles. Conveniently accessed via the Pumpwell gate on National Highway 66, the venue offers seamless transit access for attendees traveling from across Dakshina Kannada, Udupi, and Northern Kerala.
Tickets are available in denominations of ₹300, ₹500, ₹1,000, and ₹2,000. Online passes can be booked directly through the official website at sumadhursangeethacademy.com, while offline passes may be obtained through authorized youth representatives of CAL, Bendur.
ಕುಂದಾಪುರ, ಅಕ್ಟೋಬರ್ 13 : ಕುಂದಾಪುರ ಪುರಸಭಾ ವ್ಯಾಪ್ತಿಯಲ್ಲಿ ಕೈಗೊಂಡಿರುವ ಯುಜಿಡಿ ಕಾಮಗಾರಿಯ ಅಪೂರ್ಣತೆಯಿಂದಾಗಿ ಸಾರ್ವಜನಿಕರಿಗೆ ಅನವಶ್ಯಕ ತೊಂದರೆ ಉಂಟಾಗುತ್ತಿದೆ. ಯಾವುದೇ ಅಭಿವೃದ್ಧಿ ಕಾಮಗಾರಿಗಳನ್ನು ಕೈಗೊಳ್ಳುವಾಗ ಸರಕಾರದ ಅನುದಾನಗಳು ದುರುಪಯೋಗವಾಗದಂತೆ ನೋಡಿಕೊಳ್ಳಬೇಕು ಎಂದು ಪೌರಾಡಳಿತ ಸಚಿವರಾದ ಹೆಚ್.ಸಿ ಬಾಲಕೃಷ್ಣ ಹೇಳಿದರು.
ಅವರು ಇಂದು ಕುಂದಾಪುರ ಪುರಸಭೆಯ ಡಾ.ವಿ.ಎಸ್ ಆಚಾರ್ಯ ಸಭಾಂಗಣದಲ್ಲಿ ನಗರಾಭಿವೃದ್ಧಿ ಇಲಾಖೆ, ಪೌರಾಡಳಿತ ನಿರ್ದೇಶನಾಲಯ ಬೆಂಗಳೂರು, ಜಿಲ್ಲಾಡಳಿತ, ನಗರಾಭಿವೃದ್ಧಿ ಕೋಶ ಉಡುಪಿ ಜಿಲ್ಲೆ ಹಾಗೂ ಪುರಸಭೆ ಕುಂದಾಪುರ ಇವರ ಸಹಭಾಗೀತ್ವದಲ್ಲಿ ಪೌರಾಡಳಿತ ಇಲಾಖೆ ಕುಂದಾಪುರ ಪುರಸಭೆಯ ಯುಜಿಡಿ ಕಾಮಗಾರಿಯ ಪ್ರಗತಿ ಪರಿಶೀಲನಾ ಸಭೆಯ ಅಧ್ಯಕ್ಷತೆ ವಹಿಸಿ ಮಾತನಾಡುತ್ತಿದ್ದರು.
ಕುಂದಾಪುರ ಪುರಸಭಾ ವ್ಯಾಪ್ತಿಯಲ್ಲಿ ಸುಮಾರು 56.54 ಕೋಟಿ ರು ವೆಚ್ಚದಲ್ಲಿ ಯುಜಿಡಿ ಕಾಮಗಾರಿ ಕೈಗೊಳ್ಳಲು ಸರಕಾರದಿಂದ ಅನುಮೋದನೆ ದೊರಕಿದ್ದು, ಸುಮಾರು 11 ವರ್ಷಗಳು ಕಳೆದರೂ ಅನುದಾನದ ಕೊರತೆ, ಭೂಸ್ವಾಧೀನ ಸೇರಿದಂತೆ ಮತ್ತಿತರ ಕಾರಣಗಳಿಂದ ಕಾಮಗಾರಿ ಪೂರ್ಣಗೊಂಡಿಲ್ಲ. ಸಹಾಯಕ ಕಮಿಷನರ್ ಅವರು ಸಂಬಂಧಪಟ್ಟ ಅಧಿಕಾರಿಗಳು, ಅಭಿಯಂತರುಗಳೊಂದಿಗೆ ಸ್ಥಳ ಭೇಟಿ ಮಾಡಿ, ಕಾಮಗಾರಿ ವಿಳಂಬಕ್ಕೆ ಕಾರಣರಾದವರ ವಿವರ, ಕಾಮಗಾರಿ ಕೈಗೊಳ್ಳಲು ಉಂಟಾದ ಅಡಚಣೆಯ ಮಾಹಿತಿ, ಕಾಮಗಾರಿ ಮುಂದುವರೆಸಲು ಅವಶ್ಯವಿರುವ ಅನುದಾನ ಸೇರಿದಂತೆ ಮತ್ತಿತರ ಸಮರ್ಪಕ ವಿವರಗಳನ್ನು ಸಲ್ಲಿಸುವಂತೆ ತಿಳಿಸಿದ ಅವರು, ಯೋಜನೆಯ ವಿಳಂಬಕ್ಕೆ ಉಂಟಾಗಿರುವ ವರದಿಗಳ ಬಗ್ಗೆ ಬೆಂಗಳೂರಿನಲ್ಲಿ ಪ್ರತ್ಯೇಕ ಸಭೆ ಕರೆದು ಸರಕಾರದ ಹಂತದಲ್ಲಿ ಕೂಲಂಕುಷವಾಗಿ ಚರ್ಚಿಸಿ ಈ ಬಗ್ಗೆ ಸೂಕ್ತ ನಿರ್ಣಯ ಕೈಗೊಳ್ಳಲಾಗುವುದು ಎಂದರು.
ಪೌರ ಕಾರ್ಮಿಕರಿಗೆ ಖಾಯಂ ವಸತಿಗೃಹ ನಿರ್ಮಾಣಕ್ಕೆ 2 ಎಕರೆ ಜಾಗವನ್ನು ನಗರ ಪ್ರದೇಶದಲ್ಲಿ ಗುರುತಿಸಿ ಅವರುಗಳಿಗೆ ನೀಡುವುದರೊಂದಿಗೆ ಸಕ್ರೀಯ ಪೌರಕಾರ್ಮಿಕರು ನಗರದಲ್ಲೇ ವಾಸವಿರುವಂತೆ ನೋಡಿಕೊಳ್ಳಬೇಕು ಎಂದ ಅವರು, ಸ್ವಚ್ಛ ಭಾರತ್ ಮಿಷನ್ ಯೋಜನೆಯನ್ನು ನಗರದಲ್ಲಿ ಪರಿಣಾಮಕಾರಿಯಾಗಿ ಅನುಷ್ಠಾನ ಮಾಡಬೇಕು ಎಂದರು.
ತೆರಿಗೆ ಪಾವತಿ, ನಳ್ಳಿ ನೀರಿನ ಶುಲ್ಕ ಪಾವತಿಗೆ ಸಂಬಂಧಿಸಿದಂತೆ ನಿಗಧಿತ ಗುರಿ ಸಾಧನೆಗೆ ಸ್ಥಳೀಯ ಸಂಸ್ಥೆಗಳ ಅಧಿಕಾರಿಗಳು ಮುಂದಾಗಬೇಕು. ನಗರದ ಸ್ವಚ್ಛತೆಗೆ ಸ್ಥಳೀಯಾಡಳಿತಗಳು ಮೊದಲ ಆದ್ಯತೆ ನೀಡಬೇಕು. ದಾರಿದೀಪ ಅಳವಡಿಕೆ ಅವುಗಳ ನಿರ್ವಹಣೆ ಸೇರಿದಂತೆ ಅಗತ್ಯ ಸೌಕರ್ಯ ಕಲ್ಪಿಸಬೇಕು ಎಂದರು.
ಪುರಸಭೆಗಳ ಮುಖ್ಯಾಧಿಕಾರಿಗಳು ಬೆಳಗ್ಗೆ 6 ಕ್ಕೆ ಕಚೇರಿಯಲ್ಲಿ ಹಾಜರಿದ್ದು, ಹಾಜರಾತಿ ದಾಖಲಿಸಬೇಕು. 6 ರಿಂದ 9 ರ ವರೆಗೆ ಸ್ಪಾಟ್ ಇನ್ಸ್ಪೆಕ್ಷನ್ ಕೈಗೊಳ್ಳಬೇಕು. ಅಧಿಕಾರಿಗಳು ಮಧ್ಯಾಹ್ನ 3.30 ರಿಂದ 5.30 ರ ವರೆಗೆ ಕಚೇರಿಗಳಲ್ಲಿ ಹಾಜರಿದ್ದು, ಸಾರ್ವಜನಿಕರ ಭೇಟಿಗೆ ಅವಕಾಶ ಮಾಡಿಕೊಡಬೇಕು. ತಿಂಗಳಲ್ಲಿ ಒಂದು ಬಾರಿ ಸ್ಥಳೀಯ ಸಂಸ್ಥೆಗಳಿಗೆ ನಗರಾಭಿವೃದ್ಧಿ ಕೋಶದ ಯೋಜನಾ ನಿರ್ದೇಶಕರು ಭೇಟಿ ನೀಡಿ, ಅಲ್ಲಿನ ಕೆಲಸ ಕಾರ್ಯಗಳನ್ನು, ಸಮಸ್ಯೆಗಳನ್ನು ಪರಿಶೀಲಿಸಬೇಕು ಎಂದು ಹೇಳಿದ ಅವರು ಮಧ್ಯಾಹ್ನದ ಅವಧಿಯಲ್ಲಿ ಸಾರ್ವಜನಿಕರಿಂದ ಸಲ್ಲಿಕೆಯಾಗುವ ಅಹವಾಲು / ಸಮಸ್ಯೆಗಳನ್ನು ಆಲಿಸಿ, ಅವುಗಳಿಗೆ ಪರಿಹಾರ ಕಂಡುಕೊಳ್ಳಬೇಕು ಎಂದರು.
ಸಭೆಯಲ್ಲಿ ಕುಂದಾಪುರ ಶಾಸಕ ಎ ಕಿರಣ್ ಕುಮಾರ್ ಕೊಡ್ಗಿ, ವಿಧಾನ ಪರಿಷತ್ ಶಾಸಕ ಮಂಜುನಾಥ ಭಂಡಾರಿ, ಜಿಲ್ಲಾಧಿಕಾರಿ ಸ್ವರೂಪ ಟಿ. ಕೆ, ಸಹಾಯಕ ಕಮಿಷನರ್ ರಶ್ಮಿ ಎಸ್.ಆರ್, ಜಿಲ್ಲಾ ನಗರಭಿವೃದ್ಧಿ ಕೋಶದ ಯೋಜನಾ ನಿರ್ದೇಶಕ ಸುಬ್ರಹ್ಮಣ್ಯ ಶೆಟ್ಟಿ, ಕುಂದಾಪುರ ಪುರಸಭೆ ಮುಖ್ಯಾಧಿಕಾರಿ ಆನಂದ್ ಜೆ., ಕುಂದಾಪುರ ತಾಲೂಕು ಗ್ಯಾರಂಟಿ ಯೋಜನೆಗಳ ಅನುಷ್ಠಾನ ಸಮಿತಿಯ ಅಧ್ಯಕ್ಷ ಹರಿಪ್ರಸಾದ್ ಶೆಟ್ಟಿ, ಹಾಗೂ ಮತ್ತಿತರರು ಉಪಸ್ಥಿತರಿದ್ದರು.