Author: Jananudi News Network

ಸಂತ ಅಲೋಶಿಯಸ್ ಗೊನ್ಝಾಗ ಶಾಲೆಯಲ್ಲಿ  ರಕ್ಷಕ-ಶಿಕ್ಷಕರ ಸಂಘದ  ವಾರ್ಷಿಕ ಮಹಾಸಭೆಯಲ್ಲಿ ಅಭಿಮತ

ಮಂಗಳೂರು:   ಸಂತ ಅಲೋಶಿಯಸ್ ಗೊನ್ಝಾಗ ಶಾಲೆಯ ರಕ್ಷಕ-ಶಿಕ್ಷಕರ ಸಂಘದ ವಾರ್ಷಿಕ ಮಹಾಸಭೆ- 2026ರ ಆಗಸ್ಟ್ 8ರಂದು ಗೊನ್ಝಾಗ ಸಭಾಂಗಣದಲ್ಲಿ ಜರಗಿತು.

ಸಂತ ಅಲೋಶಿಯಸ್ ಸಂಸ್ಥೆಗಳ ರೆಕ್ಟರ್ ಹಾಗೂ ರಕ್ಷಕ-ಶಿಕ್ಷಕರ ಸಂಘದ ಅಧ್ಯಕ್ಷರಾದ ವಂ. ಫಾ. ಬ್ರಾಯೆನ್ ಪಿರೇರಾ ಎಸ್.ಜೆ. ಅವರು ಮುಖ್ಯ ಅತಿಥಿಯಾಗಿ ಭಾಗವಹಿಸಿ,  ಮಾತನಾಡಿ,  ಜೆಸ್ವಿಟ್‌  ಶಿಕ್ಷಣದ ಪ್ರಮುಖ ತತ್ವವಾದ ‘ಕೂರಾ ಪರ್ಸೋನಾಲಿಸ್’ ವಿದ್ಯಾರ್ಥಿಯ ಸರ್ವತೋಮುಖ ಅಭಿವೃದ್ಧಿಗೆ ಪೂರಕ. ಮಕ್ಕಳ ಸಮಗ್ರ ಬೆಳವಣಿಗೆಯಲ್ಲಿ ಪೋಷಕರ ಪಾತ್ರ ಅತ್ಯಂತ ಮಹತ್ವದ್ದಾಗಿದೆ. ಪೋಷಕರು ಮೊದಲು ಮಕ್ಕಳೊಂದಿಗೆ ಆತ್ಮೀಯ ಬಾಂಧವ್ಯ ಬೆಳೆಸಿ, ಅವರ ಸಾಮರ್ಥ್ಯಗಳನ್ನು ಗುರುತಿಸಿ ಮೆಚ್ಚಬೇಕು.  ನಂತರ ಅವರ ತಪ್ಪುಗಳನ್ನು ಪ್ರೀತಿಯಿಂದ ತಿದ್ದಬೇಕು. ಪೋಷಕರು ತಾವೇ ಆದರ್ಶಪ್ರಯರಾಗುವ ಮೂಲಕ ಮಕ್ಕಳಲ್ಲಿ ಮೌಲ್ಯಗಳನ್ನು ಬೆಳೆಸಿ, ಸ್ವಕೇಂದ್ರಿತ ಮನೋಭಾವದಿಂದ ಸೇವಾ ಮನೋಭಾವದತ್ತ ಮಕ್ಕಳನ್ನು ಮುನ್ನಡೆಸುವಲ್ಲಿ ಸ್ಫೂರ್ತಿದಾಯಕರಾಗಬೇಕು ಎಂದು ತಮ್ಮ ಬಾಲ್ಯ ಜೀವನದ ಸ್ವ ಅನುಭವವನ್ನು ತಿಳಿಸುತ್ತಾ,  ಪೋಷಕರಿಗೆ ಮಕ್ಕಳ ಸರ್ವತೋಮುಖ ಅಭಿವೃದ್ಧಿ ಯಾವ ರೀತಿ ಮಾಡಬಹುದು ಎಂದು ಪ್ರೇರೇಪಿಸಿದರು.

ಇದೇ ಸಂದರ್ಭದಲ್ಲಿ ‘ಸಂತ ಅಲೋಶಿಯಸ್ ಸಮಗ್ರ ವ್ಯಕ್ತಿತ್ವ ವಿಕಸನ ಕೇಂದ್ರ’ ಎಂಬ ನೂತನ ಯೋಜನೆಯನ್ನು ಘೋಷಿಸಿದರು. ಅನುಭವಾಧಾರಿತ ಕಲಿಕೆ, ಆರೋಗ್ಯ-ಕ್ಷೇಮ, ಸಂಸ್ಕೃತಿ ಹಾಗೂ ಪರಿಸರ ಜಾಗೃತಿಗೆ ಒತ್ತು ನೀಡುವ ಈ ಜಸ್ವಿಟ್ ಕೇಂದ್ರದಲ್ಲಿ ಕೃಷಿ, ಅಡುಗೆ, ಯೋಗ ಮತ್ತು ಚಾರಣ ಸೇರಿದಂತೆ ವಿವಿಧ ಚಟುವಟಿಕೆಗಳ ಮೂಲಕ ತರಗತಿಯ ಹೊರತಾಗಿಯೂ ಅರ್ಥಪೂರ್ಣ ಅನುಭವಗಳಿಂದ ಕಲಿಯಲು ವಿದ್ಯಾರ್ಥಿಗಳಿಗೆ ಅವಕಾಶ ಕಲ್ಪಿಸಲಾಗುವುದು. ರಾಷ್ಟ್ರೀಯ ಶಿಕ್ಷಣ ನೀತಿ 2020ರ (ಎನ್‌.ಇ.ಪಿ) ಅನುಭವಾಧಾರಿತ ಹಾಗೂ ಸಮಗ್ರ ಶಿಕ್ಷಣದ ಆಶಯಕ್ಕೆ ಈ ಯೋಜನೆ ಪೂರಕವಾಗಿದೆ ಎಂದರು.

ಶಾಲಾ ಪ್ರಾಂಶುಪಾಲರಾದ ವಂ.ಫಾ. ರೋಹನ್ ಡಿ’ಅಲ್ಮೇಡಾ ಎಸ್.ಜೆ. ಅವರು ಪೋಷಕರು ಹಾಗೂ ರಕ್ಷಕ ಶಿಕ್ಷಕ ಸಂಘದ  ಸದಸ್ಯರ ಸಹಕಾರಕ್ಕೆ  ಕೃತಜ್ಞತೆ ಸಲ್ಲಿಸಿದರು. ಈ ವೇಳೆ ಮಾತನಾಡಿದ ಅವರು ಮನೆ ಮತ್ತು ಶಾಲೆ ಮಕ್ಕಳ ಬೆಳವಣಿಗೆಯ ಎರಡು ಪ್ರಮುಖ ಸ್ತಂಭಗಳು .ರಕ್ಷಕ-ಶಿಕ್ಷಕ ಸಂಘವು ಶಾಲೆಯ ಹಾಗೂ ವಿದ್ಯಾರ್ಥಿಗಳ ಪ್ರಗತಿಗೆ ಸಹಕರಿಸುವ ತಂಡವಾಗಿ ಕಾರ್ಯನಿರ್ವಹಿಸಬೇಕು . ಜಪಾನ್‌ ದೇಶದಲ್ಲಿ ಮಕ್ಕಳನ್ನು ಶಿಸ್ತು ಮತ್ತು ಜವಾಬ್ದಾರಿತನದಿಂದ ಬೆಳೆಸುತ್ತಾರೆ. ಮಕ್ಕಳ ಬೆಳವಣಿಗೆಗೆ ಅಗತ್ಯವಾದ ಏಳು ಮೌಲ್ಯಗಳಾದ  ಆಸಕ್ತಿಯನ್ನು ಬೆಳೆಸುವುದು, ಜವಾಬ್ದಾರಿ ನಿಭಾಯಿಸುವಿಕೆ, ವೈಫಲ್ಯದಿಂದ ಕಲಿಕೆ, ಭಾವನಾತ್ಮಕ ಸುರಕ್ಷತೆ, ಪ್ರಕೃತಿಯೊಂದಿಗೆ ಬೆರೆಯುವುದು, ವ್ಯಕ್ತಿತ್ವ ವಿಕಸನ ಹಾಗೂ ನಿಯಂತ್ರಣದಲ್ಲಿಡುವುದರ ಬದಲು ಸೂಕ್ತ ಮಾರ್ಗದರ್ಶನವನ್ನು ಒದಗಿಸಿರಿ. “ಮನೆಯಲ್ಲಿಯೇ ಮೂಲ ಶಿಕ್ಷಣದ ಆರಂಭ” ಎನ್ನುವ ಸಂದೇಶ ನೀಡಿದರು. ಮಕ್ಕಳ ಉತ್ತಮ ಭವಿಷ್ಯಕ್ಕಾಗಿ ಪೋಷಕರು ಮತ್ತು ಶಾಲೆ ಒಟ್ಟಾಗಿ ಕಾರ್ಯನಿರ್ವಹಿಸಬೇಕು ಎಂದರು.  ಸಂಪನ್ಮೂಲ ವ್ಯಕ್ತಿಯಾಗಿ  ಭಾಗವಹಿಸಿದ್ದ   ಲುಗಿನಾ ಮಿರಾಂಡಾ  ಮಾತನಾಡಿ,  ಮಕ್ಕಳನ್ನು ಗದರಿಸುವ ಬದಲು ಅವರ ಭಾವನೆಗಳನ್ನು ಅರ್ಥಮಾಡಿಕೊಂಡು ಬೆಂಬಲಿಸಬೇಕು. ಉತ್ತಮ ಪ್ರಯತ್ನಗಳನ್ನು ಗುರುತಿಸಿ ಪ್ರೋತ್ಸಾಹಿಸಬೇಕು.  ಮೊದಲು ಸಂಪರ್ಕ, ನಂತರ ತಿದ್ದುಪಡಿ ಎಂಬ ಸಂದೇಶದೊಂದಿಗೆ ಉತ್ತಮ ಪೋಷಕತ್ವದ ಮಹತ್ವವನ್ನು ವಿವರಿಸಿದರು. ಮಕ್ಕಳಲ್ಲಿ ವಿಶ್ವಾಸ ಬೆಳೆಸುವುದು, ಹೋಲಿಕೆ ಮಾಡುವುದನ್ನು ತಪ್ಪಿಸುವುದು, ಕುತೂಹಲವನ್ನು ಉತ್ತೇಜಿಸುವುದು ಹಾಗೂ ಪೋಷಕರು ತಾವೇ ಉತ್ತಮ ಮಾದರಿಯಾಗಿರುವುದು ಅಗತ್ಯ ಎಂದು ತಿಳಿಸಿದರು.

ರಕ್ಷಕ-ಶಿಕ್ಷಕರ ಸಂಘದ ಉಪಾಧ್ಯಕ್ಷರಾದ  ರೀನಾ ನೊರೊನ್ಹಾ ಮಾತನಾಡಿ ಶಾಲೆಯ ವಿವಿಧ ಚಟುವಟಿಕೆಗಳಲ್ಲಿ ಪೋಷಕರು ಸಕ್ರಿಯವಾಗಿ ಭಾಗವಹಿಸಬೇಕು.  ಮಕ್ಕಳನ್ನು ಪ್ರೀತಿಸಿ, ಮಾರ್ಗದರ್ಶನ ನೀಡಿ, ಸದಾ ಅವರ ಬೆಂಬಲಕ್ಕೆ ನಿಲ್ಲುವಂತೆ ಸಲಹೆ ನೀಡಿದರು.

ಈ ಸಂದರ್ಭದಲ್ಲಿ ಸಿ.ಬಿ.ಎಸ್‌.ಇ ಬೋರ್ಡಿನ ಎಸ್‌.ಎಸ್‌.ಎಲ್‌.ಸಿ ಮತ್ತು ಪಿ.ಯು.ಸಿ  ಪರೀಕ್ಷೆಗಳಲ್ಲಿ ಸಾಧನೆಗೈದ  ಪ್ರತಿಭಾನ್ವಿತ ವಿದ್ಯಾರ್ಥಿಗಳನ್ನು ಸನ್ಮಾನಿಸಲಾಯಿತು.ರಕ್ಷಕ-ಶಿಕ್ಷಕರ ಸಂಘದ ಕಾರ್ಯದರ್ಶಿ  ಸಂಧ್ಯಾ ಮನೋಜ್  ಹಿಂದಿನ ಸಾಲಿನ ಚಟುವಟಿಕೆಗಳ ವರದಿ ಮಂಡಿಸಿದರು. ಬಳಿಕ ಜಂಟಿ ಕಾರ್ಯದರ್ಶಿ  ಕ್ವೀನಿ  ಫೆರ್ನಾಂಡಿಸ್  ವಾರ್ಷಿಕ ವರದಿ ಹಾಗೂ  ದೀಪ್ತಿ ಕರ್ಕಡ ಆರ್ಥಿಕ ವರದಿಯನ್ನು ಮಂಡಿಸಿದರು.

ನಿರ್ಗಮಿತ ರಕ್ಷಕ-ಶಿಕ್ಷಕರ ಕಾರ್ಯಕಾರಿ ಸಮಿತಿಯ ಸದಸ್ಯರಿಗೆ ದೀಪ ಕರ್ಕಡ ಅವರು ಕೃತಜ್ಞತೆ ಸಲ್ಲಿಸಿದರು. ಉಪಪ್ರಾಂಶುಪಾಲೆ  ಲಾರೆಲ್ ಡಿ’ಸೋಜಾ ಮತ್ತು  ಅಪರ್ಣಾ ಸುರೇಶ್ ಉಪಸ್ಥಿತರಿದ್ದರು.

2026–27ನೇ ಸಾಲಿಗೆ ನೂತನವಾಗಿ ಆಯ್ಕೆಯಾದ ರಕ್ಷಕ-ಶಿಕ್ಷಕರ ಕಾರ್ಯಕಾರಿ ಸಮಿತಿಯನ್ನು  ಶಮಿತಾ ಶೆಟ್ಟಿ ಪರಿಚಯಿಸಿದರು. ಅಕ್ವಿನಾ ರೆಬೆಲ್ಲೊ ಅವರು ಸಭಿಕರನ್ನು ಸ್ವಾಗತಿಸಿದರು.  ಸ್ವಾತಿ ಭರತ್ ವಂದನಾರ್ಪಣೆ ಸಲ್ಲಿಸಿದರು.  ಸ್ಯಾಮ್ಯುಯೆಲ್ ಪೀಟರ್  ಕಾರ್ಯಕ್ರಮ ನಿರೂಪಿಸಿದರು.ಪ್ರತಿಯೊಬ್ಬ ವಿದ್ಯಾರ್ಥಿಯ ಸಮಗ್ರ ಅಭಿವೃದ್ಧಿಗಾಗಿ ಪೋಷಕರು ಮತ್ತು ಶಿಕ್ಷಕರ ನಡುವಿನ ಸಹಭಾಗಿತ್ವವನ್ನು ಮತ್ತಷ್ಟು ಬಲಪಡಿಸುವ ಸಂಕಲ್ಪದೊಂದಿಗೆ ಸಭೆಯು ಯಶಸ್ವಿಯಾಗಿ ಮುಕ್ತಾಯಗೊಂಡಿತು.

ಸಭೆಯಲ್ಲಿ ರಕ್ಷಕರು, ಶಿಕ್ಷಕರು ಹಾಗೂ ಶಾಲಾ ಆಡಳಿತ ಮಂಡಳಿಯ ಸದಸ್ಯರು ಭಾಗವಹಿಸಿದ್ದರು.

From Self-Centredness to Service-Mindedness: St Aloysius Gonzaga School Holds PTA Annual General Body Meeting

The Annual General Body Meeting of the Parent-Teacher Association (PTA) of St Aloysius Gonzaga School was held on 8 August 2026 at Gonzaga Hall, bringing together parents, teachers and members of the school management.

Rev. Fr Brian Pereira SJ, Rector of St Aloysius Institutions and Chairperson of the PTA, graced the occasion as the Chief Guest. Addressing the gathering, he spoke on the core Jesuit principle of Cura Personalis (care for the whole person) and emphasized the vital role of parents in nurturing their children’s holistic development. He encouraged parents to first connect with their children, appreciate their strengths, and then gently correct their mistakes. He urged them to instill values by becoming role models and inspire their children to grow from self-centeredness to a spirit of service.

He also announced a new initiative—the St Aloysius Holistic Formation Centre, a Jesuit campus for experiential learning, wellness, culture and ecological formation. The proposed centre will offer activities such as farming, cooking, yoga and trekking, enabling students to learn through meaningful experiences beyond the classroom. He said the initiative aligns with the vision of the National Education Policy (NEP) 2020 by promoting experiential and holistic learning. He outlined a phased development plan extending to 2029 and invited parents and alumni to partner in the project by sponsoring various components of the centre. He concluded by thanking parents for their trust in the institution and sought their continued support in realising the vision.

Fr Rohan D’Almeida SJ, Principal, highlighted the importance of a strong home-school partnership in shaping responsible and compassionate individuals. He urged parents to prioritise character over marks, create an emotionally secure environment at home, encourage children to learn from failures, allow them to spend time in nature, and adopt a parenting approach that observes more and controls less while nurturing their passions and sense of responsibility.

Ms Lugina Miranda, Counsellor and Therapist, conducted an engaging session on positive parenting, focusing on quality time, active listening, open communication, encouragement and acceptance. She emphasised building trust, avoiding comparisons, nurturing curiosity and being positive role models. PTA Vice President Ms Reena Noronha encouraged parents to participate actively in school initiatives and urged them to love, guide and stand by their children.

The school also felicitated the toppers of the CBSE Class X and Class XII Board Examinations.

PTA Secretary Ms Sandhya Manoj reviewed the previous year’s activities, followed by the presentation of the Annual Report by PTA Joint Secretary Ms Quinni Fernandes and the Financial Statement by Treasurer Ms Deepthi Karkada. Ms Deepthi Karkada thanked the outgoing Parent-Teacher Executive Committee (PTEC) members, while Ms Shamitha Shetty introduced the newly elected PTEC for the year 2026–27.

Ms Acquina Rebello welcomed the gathering. Vice Principals Ms Laurel D’Souza and Ms Aparna Suresh were also present. Ms Swathi Bharat proposed the vote of thanks, and Mr Samuel Peters compered the programme.

The meeting concluded with a renewed commitment to strengthening the partnership between parents and educators for the holistic development of every student.

ನ್ಯೂಯಾರ್ಕ್, ಜುಲೈ 25: ಗಾಲ್ಫ್ ಆಟದಲ್ಲಿ ನಿಖರತೆ ಹಾಗೂ ಸ್ಥಿರತೆಯನ್ನು ಹೆಚ್ಚಿಸುವ ಉದ್ದೇಶದಿಂದ ಭಾರತೀಯ ಮೂಲದ ಖ್ಯಾತ ರಕ್ತನಾಳ ಶಸ್ತ್ರಚಿಕಿತ್ಸಕ, ವಿಜ್ಞಾನಿ, ಕ್ರೀಡಾಪಟು ಹಾಗೂ ಆವಿಷ್ಕಾರಕ ಡಾ. ದಿನಕರ್ ಬಿ. ರೈ ಅಭಿವೃದ್ಧಿಪಡಿಸಿರುವ ‘ರೈಸ್ ಸೂಪರ್ ಟಿ’ ಮತ್ತು ‘ರೈಸ್ ಡಿವೈಸ್’ ಎಂಬ ಎರಡು ನೂತನ ಗಾಲ್ಫ್ ಅಲೈನ್‌ಮೆಂಟ್ ಸಾಧನಗಳನ್ನು ನ್ಯೂಯಾರ್ಕ್‌ನ ವಿಲೇಜ್ ಕ್ಲಬ್ ಆಫ್ ಲೇಕ್ ಸಕ್ಸೆಸ್‌ನಲ್ಲಿ ಜುಲೈ 25ರಂದು ಅಧಿಕೃತವಾಗಿ ಬಿಡುಗಡೆ ಮಾಡಲಾಯಿತು.

ಕಾರ್ಯಕ್ರಮದಲ್ಲಿ ಗಾಲ್ಫ್ ಆಟಗಾರರು, ಕ್ಲಬ್ ಸದಸ್ಯರು, ವೃತ್ತಿಪರರು ಹಾಗೂ ಕ್ರೀಡಾಭಿಮಾನಿಗಳು ಭಾಗವಹಿಸಿದ್ದರು. ಗಾಲ್ಫ್ ಆಟದಲ್ಲಿ ಅತ್ಯಂತ ಪ್ರಮುಖವಾದ ಅಲೈನ್‌ಮೆಂಟ್‌ ಅನ್ನು ಇನ್ನಷ್ಟು ನಿಖರವಾಗಿ ಮತ್ತು ಸುಲಭವಾಗಿ ಅರ್ಥೈಸಿಕೊಳ್ಳುವ ಉದ್ದೇಶದಿಂದ ಡಾ. ರೈ ಅವರು ಅಭಿವೃದ್ಧಿಪಡಿಸಿರುವ ಸಾಧನಗಳ ಕುರಿತು ಕಾರ್ಯಕ್ರಮದಲ್ಲಿ ವಿವರಿಸಲಾಯಿತು.

ಗಾಲ್ಫ್ ಆಟಗಾರರು ಸಾಮಾನ್ಯವಾಗಿ ತಾವು ಹೊಡೆಯಬೇಕಾದ ಗುರಿಯನ್ನು ಗುರುತಿಸಿ, ಚೆಂಡಿನಿಂದ ಗುರಿಯವರೆಗೆ ಮನಸ್ಸಿನಲ್ಲಿ ಒಂದು ಕಾಲ್ಪನಿಕ ರೇಖೆಯನ್ನು ಕಲ್ಪಿಸಿಕೊಳ್ಳುತ್ತಾರೆ. ಬಳಿಕ ಕ್ಲಬ್‌ಫೇಸ್, ಕಾಲು, ಭುಜ ಹಾಗೂ ಸೊಂಟವನ್ನು ಆ ರೇಖೆಗೆ ಅನುಗುಣವಾಗಿ ಹೊಂದಿಸಿಕೊಳ್ಳುತ್ತಾರೆ. ಆದರೆ ಈ ಕಾಲ್ಪನಿಕ ರೇಖೆ ಕಣ್ಣಿಗೆ ಕಾಣುವುದಿಲ್ಲ. ಡಾ. ರೈ ಅವರ ಆವಿಷ್ಕಾರಗಳು ಈ ಅಲೈನ್‌ಮೆಂಟ್ ಪ್ರಕ್ರಿಯೆಯನ್ನು ದೃಶ್ಯವಾಗಿ ಹಾಗೂ ಪುನರಾವರ್ತಿಸಲು ಸಾಧ್ಯವಾಗುವ ರೀತಿಯಲ್ಲಿ ಸರಳಗೊಳಿಸುವ ಉದ್ದೇಶ ಹೊಂದಿವೆ.

‘ರೈಸ್ ಸೂಪರ್ ಟಿ’ಯನ್ನು ಗಾಲ್ಫ್ ಕೋರ್ಸ್‌ನಲ್ಲಿ ನೇರವಾಗಿ ಬಳಸಬಹುದಾದ ದಿಕ್ಕು ಸೂಚಿಸುವ ಟೀ ಆಗಿ ವಿನ್ಯಾಸಗೊಳಿಸಲಾಗಿದೆ. ‘ರೈಸ್ ಡಿವೈಸ್’ ಅನ್ನು ಗಾಲ್ಫ್ ಅಭ್ಯಾಸ ಮೈದಾನದಲ್ಲಿ ತರಬೇತಿ ಮತ್ತು ಬೋಧನೆಗಾಗಿ ಬಳಸಬಹುದಾಗಿದೆ. ಎರಡೂ ಸಾಧನಗಳು ಪರಸ್ಪರ ಲಂಬವಾಗಿರುವ ದಿಕ್ಕು ಮತ್ತು ಅಲೈನ್‌ಮೆಂಟ್ ಭಾಗಗಳ ಮೂಲಕ ಗುರಿಯ ರೇಖೆಯನ್ನು ಗುರುತಿಸಲು, ಕ್ಲಬ್‌ಫೇಸ್ ಅನ್ನು ಸರಿಯಾಗಿ ಹೊಂದಿಸಲು, ದೇಹವನ್ನು ಅಲೈನ್ ಮಾಡಲು ಹಾಗೂ ಪುನರಾವರ್ತಿತ ಸ್ವಿಂಗ್ ಪಥವನ್ನು ಬೆಳೆಸಿಕೊಳ್ಳಲು ನೆರವಾಗುತ್ತವೆ.

ಕಾರ್ಯಕ್ರಮದ ಪ್ರಮುಖ ಆಕರ್ಷಣೆಯಾಗಿದ್ದ ಸಂವಾದ ಕಾರ್ಯಕ್ರಮವನ್ನು ಆರ್‌ಆರ್ ಗಾಲ್ಫ್ ಅಕಾಡೆಮಿಯ ರಾಜೀವ್ ರುದ್ರಾ ನಿರ್ವಹಿಸಿದರು. ವಿಲೇಜ್ ಕ್ಲಬ್‌ನ ಗಾಲ್ಫ್ ಪ್ರೊ ರೋಬಿ ಮಿಸ್ಟ್ರೆಟ್ಟಾ ಹಾಗೂ ಡಾ. ದಿನಕರ್ ಬಿ. ರೈ ಅವರು ಅಲೈನ್‌ಮೆಂಟ್‌ನ ಮಹತ್ವ, ಸಾಧನಗಳ ಅಭಿವೃದ್ಧಿಯ ಹಿಂದಿನ ಚಿಂತನೆ ಹಾಗೂ ಗಾಲ್ಫ್ ಆಟಗಾರರು, ತರಬೇತುದಾರರು ಮತ್ತು ವಿದ್ಯಾರ್ಥಿಗಳಿಗೆ ಇದರ ಉಪಯೋಗಗಳ ಕುರಿತು ಚರ್ಚಿಸಿದರು.

ಸಾಧನಗಳ ಬಳಕೆಯನ್ನು ವಿವರಿಸುವ ತರಬೇತಿ ವಿಡಿಯೊಗಳು ಹಾಗೂ ಡಾ. ರೈ ಅವರ ಕ್ರೀಡಾ ಮತ್ತು ವೃತ್ತಿಜೀವನದ ಕುರಿತ ವಿಡಿಯೊಗಳನ್ನೂ ಪ್ರದರ್ಶಿಸಲಾಯಿತು.

ಭಾರತದ ಖ್ಯಾತ ಗಾಲ್ಫ್ ಆಟಗಾರ ಹಾಗೂ Professional Golf Tour of Indiaಯ ಮಾಜಿ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ಅಮನ್ದೀಪ್ ಝೋಲ್, ನಾರ್ತ್ ಶೋರ್ ಕಂಟ್ರಿ ಕ್ಲಬ್‌ನ ಗಾಲ್ಫ್ ವೃತ್ತಿಪರ ಆಡಮ್ ಲೇರ್ಡ್ ಹಾಗೂ ಏಷ್ಯನ್ ಗೇಮ್ಸ್‌ನಲ್ಲಿ ಗಾಲ್ಫ್‌ನಲ್ಲಿ ಚಿನ್ನದ ಪದಕ ಗೆದ್ದಿರುವ ರಿಷಿ ನಾರಾಯಣ್ ಅವರು ಸಾಧನಗಳ ಕುರಿತು ತಮ್ಮ ಅಭಿಪ್ರಾಯಗಳನ್ನು ಹಂಚಿಕೊಂಡರು.

ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದ ಅತಿಥಿಗಳಿಗೆ ಸಾಧನಗಳನ್ನು ನೇರವಾಗಿ ವೀಕ್ಷಿಸುವ ಹಾಗೂ ಡಾ. ರೈ ಮತ್ತು ಕಾರ್ಯಕ್ರಮದ ತಂಡದೊಂದಿಗೆ ಸಂವಾದ ನಡೆಸುವ ಅವಕಾಶವೂ ಕಲ್ಪಿಸಲಾಗಿತ್ತು.

ಗಲ್‌ವಿಂಗ್ ಮೋಟಾರ್ ಕಾರ್ಸ್, ಅಸ್ಟೋರಿಯಾ ಸಂಸ್ಥೆಯ ಅಧ್ಯಕ್ಷ ಪೀಟರ್ ಕುಮಾರ್ ಕಾರ್ಯಕ್ರಮಕ್ಕೆ ಮುಖ್ಯ ಪ್ರಾಯೋಜಕರಾಗಿ ಸಹಕರಿಸಿದರು. ವಿಲೇಜ್ ಕ್ಲಬ್ ಆಫ್ ಲೇಕ್ ಸಕ್ಸೆಸ್ ಹಾಗೂ ಅದರ ಆಡಳಿತ ಮಂಡಳಿಯೂ ಕಾರ್ಯಕ್ರಮಕ್ಕೆ ಬೆಂಬಲ ನೀಡಿತು. ಸಾಧನಗಳ ಅಭಿವೃದ್ಧಿಯ ಸಂದರ್ಭದಲ್ಲಿ ನೀಡಿದ ಮಾರ್ಗದರ್ಶನ ಮತ್ತು ಪ್ರೋತ್ಸಾಹಕ್ಕಾಗಿ ಕ್ಲಬ್‌ನ ಗಾಲ್ಫ್ ಪ್ರೊ ರೋಬಿ ಮಿಸ್ಟ್ರೆಟ್ಟಾ ಅವರಿಗೆ ಡಾ. ರೈ ಕೃತಜ್ಞತೆ ಸಲ್ಲಿಸಿದರು.

ಐದು ದಶಕಗಳಿಗೂ ಹೆಚ್ಚು ಕಾಲ ರಕ್ತನಾಳ ಶಸ್ತ್ರಚಿಕಿತ್ಸಕ ಹಾಗೂ ವೈದ್ಯಕೀಯ ಶಿಕ್ಷಣ ಕ್ಷೇತ್ರದಲ್ಲಿ ಸೇವೆ ಸಲ್ಲಿಸಿರುವ ಡಾ. ಡಿಂಕರ್ ಬಿ. ರೈ ಅವರು ಕ್ರೀಡೆಯಲ್ಲಿಯೂ ಸಕ್ರಿಯರಾಗಿದ್ದು, ರಾಷ್ಟ್ರೀಯ ಮಟ್ಟದ ಮಾಜಿ ಕ್ರಿಕೆಟಿಗರಾಗಿದ್ದಾರೆ. ವೈದ್ಯಕೀಯ, ವಿಜ್ಞಾನ ಮತ್ತು ಕ್ರೀಡೆಯ ಅನುಭವದ ಹಿನ್ನೆಲೆಯಲ್ಲಿ ಗಾಲ್ಫ್ ಆಟದಲ್ಲಿ ಅಲೈನ್‌ಮೆಂಟ್ ಅನ್ನು ಸರಳ ಜ್ಯಾಮಿತೀಯ ತತ್ವಗಳ ಮೂಲಕ ದೃಶ್ಯವಾಗಿ ಅರ್ಥೈಸಿ, ಕಲಿತು ಹಾಗೂ ಪುನರಾವರ್ತಿಸಲು ಸಾಧ್ಯವಾಗುವಂತೆ ಮಾಡುವ ಉದ್ದೇಶದಿಂದ ಈ ಸಾಧನಗಳನ್ನು ಅಭಿವೃದ್ಧಿಪಡಿಸಿದ್ದಾರೆ.

“ಅಲೈನ್‌ಮೆಂಟ್ ಅನ್ನು ದೃಶ್ಯವಾಗಿ, ನಿಖರವಾಗಿ ಮತ್ತು ಪುನರಾವರ್ತಿಸಲು ಸಾಧ್ಯವಾಗುವಂತೆ ಮಾಡುವುದು ನಮ್ಮ ಉದ್ದೇಶ. ಇದರಿಂದ ಗಾಲ್ಫ್ ಆಟಗಾರರು ಆತ್ಮವಿಶ್ವಾಸದಿಂದ ನಿಂತು, ತಮ್ಮ ಸಂಪೂರ್ಣ ಗಮನವನ್ನು ಸ್ವಿಂಗ್‌ನತ್ತ ಕೇಂದ್ರೀಕರಿಸಬಹುದು,” ಎಂದು ಡಾ. ರೈ ಹೇಳಿದರು.

‘ರೈಸ್ ಸೂಪರ್ ಟಿ’ ಹಾಗೂ ‘ರೈಸ್ ಡಿವೈಸ್’ ಎರಡೂ ಪೇಟೆಂಟ್‌ಗಾಗಿ ಅರ್ಜಿ ಸಲ್ಲಿಸಿರುವ ಆವಿಷ್ಕಾರಗಳಾಗಿವೆ. ‘ರೈಸ್ ಸೂಪರ್ ಟಿ’ಯನ್ನು ಗಾಲ್ಫ್ ಕೋರ್ಸ್‌ನಲ್ಲಿ ಬಳಸಲು ಹಾಗೂ ‘ರೈಸ್ ಡಿವೈಸ್’ ಅನ್ನು ಅಭ್ಯಾಸ ಮೈದಾನದಲ್ಲಿ ಗಾಲ್ಫ್ ಆಟಗಾರರು ಮತ್ತು ತರಬೇತುದಾರರ ಬಳಕೆಗೆ ವಿನ್ಯಾಸಗೊಳಿಸಲಾಗಿದೆ.

Indian-origin vascular surgeon launches innovative golf alignment aids in New York

GREAT NECK, NEW YORK — Rai’s Super T and Rai’s Device, two innovative golf-alignment aids created by vascular surgeon, scientist, sportsman and inventor Dr. Dinker B. Rai, were formally launched on Saturday, July 25, 2026, at the Village Club of Lake Success. The evening brought together golfers, club members, friends and community leaders for a presentation devoted to innovation, precision and improved performance in golf.

Turning an imaginary line into a visible guidThe program was conducted by Master of Ceremonies Tito Singh, whose direction and warmth gave the evening an engaging rhythm. A central highlight was the panel discussion moderated by Rajiv Rudra of RR Golf Academy, with Village Club Pro Robi Mistretta and Dr. Rai discussing the practical importance of alignment, the development of the invention and its value for golfers, teachers and students of the game.

The presentation included instructional and biographical videos showing how the tee and device are used. Professional endorsements from Amandeep Jhol, a respected professional golfer and former Chief Executive Officer of the Professional Golf Tour of India; Adam Laird, a respected golf professional at North Shore Country Club; and Rishi Narain, an Asian Games golf gold medalist, added important professional perspectives to the launch. Guests were also able to examine the products at the display counter and discuss their use directly with the inventor and event team.e

The invention addresses one of golf’s most persistent challenges: alignment. Golfers traditionally select a target, imagine a line from the ball to that target and then attempt to align their feet, shoulders, hips and clubface to a line that is no longer visible once they take their stance. Rai’s system converts that mental process into an objective visual method.

Its directional limb is placed toward the selected target, while the perpendicular alignment limb guides the position of the clubface and body. Rai’s Super T is designed for use on the course, with the ball positioned directly on the tee. Rai’s Device is intended for practice and teaching at the driving range, helping golfers repeat the same setup and develop swing-path memory.

ಪಡುಕೋಣೆ ;ದಿನಾಂಕ. 8. 8. 26 ಮತ್ತು 9.8.26 ರಂದು ಶನಿವಾರ ಅಪರಾಹ್ನ 4.00 ಘಂಟೆಗೆ ಸರಿಯಾಗಿ ಸೌಪರ್ಣಿಕ  ನದಿಯ ತೀರದಲ್ಲಿರುವ ಪಡುಕೋಣೆ ಚರ್ಚಿಗೆ   ನೂತನ ಧರ್ಮಾಧ್ಯಕ್ಷರಾದ ಅತೀ ವಂದನೀಯ ಲೆಸ್ಲಿ ಕ್ಲಿಫರ್ಡ್   ಡಿ’ಸೋಜಾರವರು ತಮ್ಮ ಅಧಿಕ್ರತ ಭೇಟಿ ಮಾಡಿದರು.

ಚರ್ಚಿನ ಧರ್ಮಗುರುಗಳಾದ ವಂದನೀಯ ಫಾ! ಪ್ರಾನ್ಸಿಸ್ ಕರ್ನೆಲಿಯೊರವರು ಅವರನ್ನು ಅಲಂಗಿಸಿ ಮಲ್ಲಿಗೆ ಹಾರವನ್ನು ಹಾಕಿ ಗೌರವ ಪೂರ್ವಕವಾಗಿ ಸ್ವಾಗತಿಸಿದರು. ಪಾಲನಾ ಮಂಡಳಿಯ ಉಪಾಧ್ಯಕ್ಷರಾದ ಜೋಸೆಫ್ ಸಿರಿಲ್ ಡಿ’ಸಿಲ್ವಾರವರು ಹೂ ಗುಚ್ಛವನ್ನು ನೀಡಿದರು. ಯುವತಿಯರು  ತಾಂಬೂಲ,  ಬೆಲ್ಲ ನೀರು ನೀಡಿ ಧೂಪ ದೀಪ ಪನ್ನೀರು  ಸಿಂಪಡಿಸಿ, ಹೂವನ್ನು ಅರ್ಪಿಸಿ ಆರತಿಯನ್ನು ಬೆಳಗಿಸಿದರು. ಸುಪೀರಿಯರ್  ಸಿ! ಪಾವನಾರವರು ಹೂವನ್ನು ಅಪಿ೯ಸಿದರು. ಬಾಲಕಿಯರು ಬಿಳಿಯ ಸಮವಸ್ತ್ರವನ್ನು ಧರಿಸಿ ತಟ್ಟೆಯಲ್ಲಿ ಹೂವಿನ ಎಸಳುಗಳನ್ನು ಚೆಲು ತ್ತಾಕ್ರೈಸ್ತ ಶಿಕ್ಷಣ ಬೋಧನೆಯ ಶಿಕ್ಷಕರು, ಪಾಲನಾ ಮಂಡಳಿಯ ಸದಸ್ಯರು ಚರ್ಚಿನ ದೇವಪ್ರಜೆಗಳು ಎಲ್ಲರೂ ಸಾಲಾಗಿ ಚರ್ಚಿನ ಒಳಗಡೆ ಆಗಮಿಸಿದರು.  ದೇವ ಪೀಠದ ಮಕ್ಕಳು, ಧರ್ಮಗುರುಗಳು, ಧರ್ಮಾಧ್ಯಕ್ಷರು ಜೊತೆಯಲ್ಲಿ ಧೂಪವನ್ನು ಉರಿಸುತ್ತಾ ಚರ್ಚಿನ ಒಳಗಡೆ ಆಗಮಿಸಿದರು.

ಧರ್ಮಾಧ್ಯಕ್ಷರು  ತಮ್ಮ ಪ್ರಾರ್ಥನೆಯನ್ನು ಸಲ್ಲಿಸಿದ  ನಂತರ ಪಾಲನಾ ಮಂಡಳಿ ಯ  ಸದಸ್ಯರಿಗೆ ಆರ್ಶೀವದಿಸಿದ ಉರಿಯುವ ಮೇಣದ ಬತ್ತಿಯ ಜೊತೆ  ಪ್ರಾರ್ಥನೆ ಮಾಡಿದರು. ನಂತರ ಸಮಾಧಿ ಭೂಮಿಯಲ್ಲಿ ಪ್ರಾರ್ಥನೆ ನಡೆಸಿ ಆರ್ಶೀವದಿಸಿದರು. ಮರುದಿನ ಮುಂಜಾನೆ ಚರ್ಚ್ ನಲ್ಲಿದ್ದ ಭಕ್ತರಿಗೆ ಬೋಧನೆಯನ್ನು ನೀಡಿ, ಸಮಯ ನಂತರ ದಿವ್ಯ ಬಲಿಪೂಜೆಯನ್ನು ಅರ್ಪಿಸಿದರು. ಬಲಿಪೂಜೆಯಲ್ಲಿ ಭಕ್ತಾಧಿಗಳಿಗೆ ಆ ದಿನದ ಶುಭ  ರ್ವಾತೆಯನ್ನು ಬೋಧಿಸಿ, ಎಲ್ಲವನ್ನು  ದೇವರು ಸೃಷ್ಟಿ ಸಿದ್ದು, ದೇವರಿಗೆ ಎಲ್ಲವೂ ತಿಳಿದಿದೆ. ಯಾರಿಗೆ ಏನು ಬೇಕು ಎನ್ನುವ ಬಗ್ಗೆ ನಾವು ದೇವರನ್ನು ಪ್ರಾರ್ಥಿಸುವ ಮೊದಲೇ ಅವರು ತಿಳಿದಿರುತ್ತಾರೆ. ದೇವರಿಗೆ ಅಸಾಧ್ಯವಾದದ್ದು ಯಾವುದು ಇಲ್ಲ. ನಮ್ಮಲ್ಲಿರುವ ಪ್ರತಿಯೊಂದು ವಸ್ತು ವು ದೇವರು ನಮಗೆ ನೀಡಿದ ವರದಾನ ಶುದ್ಧವಾದ ಮನಸ್ಸಿನಿಂದ ದೇವರನ್ನು ಪ್ರಾರ್ಥಿಸಿರಿ. ಪ್ರತಿಯೊಬ್ಬರನ್ನು ದೇವರು ಪ್ರೀತಿಸುತ್ತಾರೆ. ದೇವರಲ್ಲಿ ವಿಶ್ವಾಸ ವಿಡಿ., ದೇವರ ಅನುಗ್ರಹ ನಿಮಗೆ ಎಂದೆಂದಿಗೂ ಲಭಿಸುವುದು ಎಂದು ಸಂದೇಶವನ್ನು ನೀಡಿದರು.  ಬಲಿಪೂಜೆಯ  ನಂತರ ಧರ್ಮಾಧ್ಯಕ್ಷರನ್ನು ಧಮ೯ ಗುರುಗಳು, ಪಾಲನಾ ಮಂಡಳಿಯ ಮುಖ್ಯಸ್ಥರು, ಶಾಲು ಹೊದಿಸಿ, ಹಾರಾರ್ಪಣೆ ಮಾಡಿ ಫಲಪುಷ್ಪದೊಂದಿಗೆ, ಸ್ಮರಣಿ ಸಂಚಿಕೆ ನೀಡಿ ಗೌರವಿಸಿದರು. ಚರ್ಚಿನ ಪಾಲನಾ ಮಂಡಳಿಯವರ ಜೊತೆ ಚರ್ಚೆ ಸಮಾಲೋಚನೆ ನಡೆಸಿದರು. ವಿವಿಧ ಸ೦ಘಗಳೊಂದಿಗೆ ಪ್ರತ್ಯೆ ಪ್ರತೇಕವಾಗಿ ಆ ಸಂಘದ ವರದಿಗಳನ್ನು ಆಲಿಸಿ ಅವರಿಗೆ ಹಿತನುಡಿಗಳನ್ನು ಬೋಧಿಸಿದರು. ಹಾಗೆಯೇ ಅನಾರೋಗ್ಯಸ್ಥರ ಮನೆಗಳಿಗೆ ಭೇಟಿ ನೀಡಿದರು. ಹಾಗೂ ಒಂದು ವಾಳೆ ನಲ್ಲಿ ಸಭೆಯನ್ನು ನಡೆಸಿ ವಾಳೆಯ ಸದಸ್ಯರೊಂದಿಗೆ ಪ್ರಾರ್ಥನೆ ಕೂಟದಲ್ಲಿ ಭಾಗವಹಿಸಿದರು. ಸಮಯ 5.00 ಘಂಟೆಗೆ ಸರ್ವರು ಸೇರಿ ಧರ್ಮಾಧ್ಯಕ್ಷರ ವರನ್ನು ಗೌರವದಿಂದ  ಶುಭ ಹಾರೈಸಿದರು.

ಉಡುಪಿ: ಜಿಲ್ಲೆಯ ಕಾಪು ಮುದುರ೦ಗಡಿ ಪೇಟಿಯಲ್ಲಿ ಹಾಡಹಗಲೇ ಪಿಸ್ತೂಲಿನಿಂದ
ಡೇವಿಡ್‌ನನ್ನು ಕೊಲೆಗೈದ ಆರೋಪಿಗಳನ್ನು ಘಟನೆ ನಡೆದ 7 ಗಂಟೆಯೊಳಗೆ ಪೋಲಿಸರು ಸೆರೆ ಹಿಡಿಯುವಲ್ಲಿ
ಯಶವಸ್ವಿಯಾಗಿದ್ದಾರೆ.
ಆರೋಪಿಗಳನ್ನು ಕಾಪು ಪಿಎಸ್‌ಐ ತೇಜಸ್ವಿ, ಕಾರ್ಕಳ ಗ್ರಾಮಾ೦ತರ ಪಿಎಸ್‌ಐ ಪ್ರಸನ್ನ, ಶಿರ್ವ ಪಿಎಸ್‌ಐ
ಮಂ೦ಜುನಾಥ್‌ ಮರಬದ ಹಾಗೂ ಬೈ೦ದೂರು ಪಿಎಸ್‌ಐ ಮಹೇಶ್‌ ಅವರ ತ೦ಡವು ಬ೦ಧಿಸಿ ಕರೆತರುತ್ತಿರುವಾಗ
ಬೈ೦ದೂರು ಸಮೀಪ ಪೋಲಿಸರಿಗೆ ಹಲ್ಲೆ ನಡೆಸಿ ಪರಾರಿಯಾಗಲು ಯತ್ನಿಸಿದ್ದು, ಈ ವೇಳೆ ಕಾಪು ಪಿಎಸ್‌ಐ
ತೇಜಸ್ವಿಯವರು ತಮ್ಮ ಸರ್ವೀಸ್‌ ಪಿಸ್ತೂಲಿನಿ೦ದ ಶೂಟರ್‌ ರಾಜು ಕಾಲಿಗೆ ಗು೦ಡು ಹೊಡೆದು ಬ೦ಧಿಸಿದ್ದಾರೆ.
ಆರೋಪಿಗೆ ಖಾಸಗಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ನೀಡಲಾಗುತ್ತಿದೆ. ಗಾಯಗೊಂಡಿರುವ ಪಿಎಸ್‌ಐಗಳನ್ನು ಆಸ್ಪತ್ರೆಗೆ
ದಾಖಲಿಸಲಾಗಿದೆ.

ಆ.7 ರಂದು ಮಧ್ಯಾಹ್ನ ಸುಮಾರು 3.45 ರ ವೇಳೆಗೆ ಮುದುರ೦ಗಡಿಯಲ್ಲಿನ ತನ್ನ ಕಚೇರಿಯಿ೦ದ ತೆರಳಲು ಕಾರು
ಹತ್ತುತ್ತಿದ್ದ ಡೇವಿಡ್‌ನನ್ನು ಹಿ೦ದಿನಿ೦ದ ಬ೦ದ ಆಗ೦ತುಕ ಪಿಸ್ತೂಲಿನಿ೦ದ ತಲೆಗೆ ಹಾಗು ಎದೆಗೆ ಗು೦ಡು ಹಾರಿಸಿ
ಬೈಕ್‌ನಲ್ಲಿ ಇಬ್ಬರು ಪರಾರಿಯಾಗಿದ್ದರು.
ಸ್ಥಳದಲ್ಲಿ ದೊರೆತ ಸಿಸಿಟಿವಿಯನ್ನು ಆಧರಿಸಿ ಖಾಕಿ ಪಡೆ ತನಿಖೆ ನಡೆಸಿದ ಪೋಲಿಸರು ಆರೋಪಿಗಳನ್ನು ವಶಕ್ಕೆ
ಪಡೆಯುವಲ್ಲಿ ಯಶಸ್ವಿಯಾಗಿದ್ದಾರೆ ಎ೦ದು ಮೂಲಗಳು ತಿಳಿಸಿವೆ.
ನಾಕಬ೦ಧಿ ಹಾಕಿ ತಪಾಸಣೆ ನಡೆಸುತ್ತಿದ್ದ ಪೋಲಿಸರಿಗೆ ಬಸ್‌ನಲ್ಲಿ ಮುಖವನ್ನು ಶಾಲ್‌ನ ಮೂಲಕ
ಮುಚ್ಚಿಕೊ೦ಡಿದ್ದ ವ್ಯಕ್ತಿ ಕ೦ಡಿದ್ದಾರೆ. ಆತನನ್ನು ತಪಾಸಣೆಗೆ ಒಳಪಡಿಸಿದಾಗ, ಆತನ ಮೊಬೈಲ್‌ನಲ್ಲಿ
ಹತ್ಯೆಯಾದ ಡೇವಿಡ್‌ನ ಪೋಟೊ ಪತ್ತೆಯಾಗಿದೆ. ಜೊತೆಗೆ ಆತನ ಖಾತೆಗೆ ರೂ. 50 ಸಾವಿರ ಜಮೆಯಾಗಿದೆ ಎಂದು
ಹೇಳಲಾಗಿದೆ. ಮತ್ತೋರ್ವ ಆರೋಪಿ ಭಟ್ಕಳದಲ್ಲಿ ಪತ್ತೆಯಾಗಿದ್ದು ಆತನನ್ನು ಪೋಲಿಸರು ವಶಕ್ಕೆ ಪಡೆದಿದ್ದಾರೆ.

ಉಡುಪಿ: ಕಾಂಗ್ರೆಸ್ ಮುಖಂಡ, ಮುದರಂಗಡಿ ಗ್ರಾಮ ಪಂಚಾಯಿತಿ ಮಾಜಿ ಅಧ್ಯಕ್ಷ ಹಾಗೂ ಉದ್ಯಮಿ ಡೇವಿಡ್ ಡಿಸೋಜಾ (55) ಹಾಡಹಗಲೇ ನಡೆದ ಗುಂಡಿನ ದಾಳಿಯಲ್ಲಿ ದುಷ್ಕರ್ಮಿಗಳ ಗುಂಡೇಟಿಗೆ ಬಲಿಯಾಗಿದ್ದಾರೆ.

ಉಡುಪಿಯ ಮುದರಂಗಡಿ ಪೇಟೆಯಲ್ಲಿರುವ ಡೇವಿಡ್ ಡಿಸೋಜಾ ಅವರ ಕಚೇರಿ ಸಮೀಪ ಮಧ್ಯಾಹ್ನ ಈ ಶೂಟೌಟ್ ನಡೆದಿದ್ದು, ಬೈಕ್‌ನಲ್ಲಿ ಬಂದ ದುಷ್ಕರ್ಮಿಗಳು ಏಕಾಏಕಿ ಮೂರು ಸುತ್ತು ಗುಂಡು ಹಾರಿಸಿ ಪರಾರಿಯಾಗಿದ್ದಾರೆ. ದಾಳಿಯಲ್ಲಿ ಒಂದು ಗುಂಡು ಡೇವಿಡ್ ಅವರ ಹಣೆಗೆ ಹೊಕ್ಕಿದ್ದು, ಇನ್ನೆರಡು ಗುಂಡುಗಳು ಕೈಗೆ ತಗುಲಿವೆ.

ತೀವ್ರವಾಗಿ ಗಾಯಗೊಂಡಿದ್ದ ಅವರನ್ನು ತಕ್ಷಣ ಆಸ್ಪತ್ರೆಗೆ ಕರೆದೊಯ್ಯಲಾಗುತ್ತಿತ್ತು. ಆದರೆ ಮಾರ್ಗಮಧ್ಯೆಯೇ ಅವರು ಮೃತಪಟ್ಟಿದ್ದಾರೆ ಎಂದು ಪೊಲೀಸ್ ಮೂಲಗಳು ತಿಳಿಸಿವೆ.

ಘಟನೆಯ ಬಳಿಕ ಮೃತದೇಹವನ್ನು ಶಿರ್ವ ಸಮುದಾಯ ಆರೋಗ್ಯ ಕೇಂದ್ರಕ್ಕೆ ತರಲಾಗಿದ್ದು, ಬಳಿಕ ಮರಣೋತ್ತರ ಪರೀಕ್ಷೆಗಾಗಿ ಮಣಿಪಾಲ ಆಸ್ಪತ್ರೆಗೆ ರವಾನಿಸಲಾಗಿದೆ. ಮಾಹಿತಿ ತಿಳಿಯುತ್ತಿದ್ದಂತೆ ಪಡುಬಿದ್ರೆ ಹಾಗೂ ಶಿರ್ವ ಪೊಲೀಸ್ ಠಾಣೆಗಳ ಅಧಿಕಾರಿಗಳು ಸ್ಥಳಕ್ಕೆ ಧಾವಿಸಿ ಪರಿಶೀಲನೆ ನಡೆಸಿದರು.

ಹತ್ಯೆಯ ಹಿಂದಿನ ಉದ್ದೇಶ ಏನು ಎಂಬುದು ಇನ್ನೂ ಸ್ಪಷ್ಟವಾಗಿಲ್ಲ. ವೈಯಕ್ತಿಕ ದ್ವೇಷ, ವ್ಯವಹಾರಿಕ ವೈಷಮ್ಯ ಅಥವಾ ಇತರೆ ಕಾರಣಗಳ ಬಗ್ಗೆ ಪೊಲೀಸರು ವಿವಿಧ ಆಯಾಮಗಳಲ್ಲಿ ತನಿಖೆ ನಡೆಸುತ್ತಿದ್ದಾರೆ. ಘಟನೆಯಿಂದ ಮುದರಂಗಡಿ ಹಾಗೂ ಸುತ್ತಮುತ್ತಲಿನ ಪ್ರದೇಶದಲ್ಲಿ ಆತಂಕದ ವಾತಾವರಣ ನಿರ್ಮಾಣವಾಗಿದೆ.

Panaji; ‘Friends of 3L’ distributes raincoats and school kits to primary school children by students

ಪಣಜಿ: ಇಲ್ಲಿನ ಫಾರ್ಮಸಿ ಕಾಲೇಜು ಹತ್ತಿರದ ರಾಮದಾಸ್ ಸರ್ಕಾರಿ ಪ್ರಾಥಮಿಕ ಶಾಲೆಯ ಮಕ್ಕಳಿಗೆ ‘ಫ್ರೆಂಡ್ಸ್ ಆಫ್ 3L’ (ಕನಿಷ್ಠ 3 ಸೌಲಭ್ಯ ವಂಚಿತರಿಗೆ ಸಹಾಯ ಹಸ್ತ ನೀಡುವ ಸ್ನೇಹಿತರು)ಸಂಘಟನೆಯ ವತಿಯಿಂದ ವಿದ್ಯಾರ್ಥಿಗಳಿಗೆ ಶನಿವಾರ ಅಗತ್ಯ ಶಾಲಾ ಪರಿಕರಗಳು ಹಾಗೂ ರೇನ್‌ಕೋಟ್‌ಗಳನ್ನು ವಿತರಿಸಲಾಯಿತು.

ಸಂಘಟನೆಯ ಪರವಾಗಿ ಉಪಸ್ಥಿತರಿದ್ದ ಶ್ರೀ ಡೆಲ್ಫಿಮ್ ಗ್ರಾಸಿಯಸ್ ಅವರು ವಿದ್ಯಾರ್ಥಿಗಳಿಗೆ ಈ ಸಾಮಗ್ರಿಗಳನ್ನು ಹಸ್ತಾಂತರಿಸಿದರು. ಮುಂಗಾರು ಮಳೆಯಿಂದ ರಕ್ಷಣೆ ಪಡೆಯಲು ಒಂದನೇ ತರಗತಿಯ ಮಕ್ಕಳಿಗೆ ರೇನ್‌ಕೋಟ್‌ಗಳನ್ನು ನೀಡಲಾಯಿತು. ಇದರೊಂದಿಗೆ ಶಾಲೆಗೆ ಹೊಸದಾಗಿ ದಾಖಲಾದ 6 ವಿದ್ಯಾರ್ಥಿಗಳಿಗೆ ಉತ್ತಮ ಗುಣಮಟ್ಟದ ಶಾಲಾ ಬ್ಯಾಗ್, ಲೇಖನ ಸಾಮಗ್ರಿ (ಸ್ಟೇಷನರಿ) ಹಾಗೂ ಒಂದು ಜೊತೆ ಶಾಲಾ ಸಮವಸ್ತ್ರವನ್ನು ವಿತರಿಸಲಾಯಿತು.

ಇದೇ ಸಂದರ್ಭದಲ್ಲಿ ಕಳೆದ 2025-26ರ ಶೈಕ್ಷಣಿಕ ವರ್ಷದಲ್ಲಿ ಅತ್ಯುತ್ತಮ ಸಾಧನೆ ಮಾಡಿದ 5 ಪ್ರತಿಭಾವಂತ ವಿದ್ಯಾರ್ಥಿಗಳನ್ನು ಗುರುತಿಸಿ, ಅವರಿಗೆ ಪ್ರೋತ್ಸಾಹಕವಾಗಿ ಲೇಖನ ಸಾಮಗ್ರಿಗಳನ್ನು ನೀಡಿ ಗೌರವಿಸಲಾಯಿತು.

ಪ್ರಾಥಮಿಕ ಶಿಕ್ಷಣವನ್ನು ಉತ್ತೇಜಿಸುವ ಮತ್ತು ಗ್ರಾಮೀಣ ಭಾಗದ ವಿದ್ಯಾರ್ಥಿಗಳಿಗೆ ನೆರವಾಗುವ ನಿಟ್ಟಿನಲ್ಲಿ ಈ ಕಾರ್ಯಕ್ರಮವನ್ನು ಹಮ್ಮಿಕೊಳ್ಳಲಾಗಿತ್ತು ಎಂದು 3L ಮಿಷನ್‌ನ ಸಂಯೋಜಕರಾದ ಪ್ರತಾಪ್ ನಾಯ್ಕ್ SJ ಅವರು ತಮ್ಮ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.

Panaji; ‘Friends of 3L’ distributes raincoats and school kits to primary school children by students

PANAJI: Students of the ‘Friends of 3L’ (at least 3 friends who lend a helping hand to the underprivileged) group on Saturday distributed essential school utilities and academic rewards to the pupils of Government Primary School, Ramdas, located near the Pharmacy College in the capital city.

The items were distributed by Mr. Delfim Gracias, who represented the student group at the event.

The distribution drive focused on supporting new admissions, protecting young children from the monsoons, and recognizing academic merit. As part of the initiative, first-standard students received raincoats. Additionally, six newly enrolled students were equipped with high-quality school bags, stationery kits, and pairs of school uniforms.

The group also recognized academic excellence by presenting stationery sets to five top-performing students for their outstanding performance during the previous 2025–26 academic year.

According to a press note issued by Pratap Naik SJ, Coordinator of the 3L Mission, the initiative aligns with the mission’s ongoing efforts to support primary education and encourage young learners.

ಉಡುಪಿ: ಮಾಡೆಲಿಂಗ್ ಕ್ಷೇತ್ರದಲ್ಲಿ ಹೆಸರು ಮಾಡಿದ್ದ ಯುವತಿಯೊಬ್ಬಳು ನೇಣು ಬಿಗಿದುಕೊಂಡು ಆತ್ಮಹತ್ಯೆಗೆ ಶರಣಾದ ಘಟನೆ ಮಲ್ಪೆ ಪೊಲೀಸ್ ಠಾಣಾ ವ್ಯಾಪ್ತಿಯ ಕಲ್ಮಾಡಿಯಲ್ಲಿ ನಡೆದಿದೆ.

ರತ್ನಾ ಅವರು ಆ.6 ರಂದು ಕೆಲಸದ ನಿಮಿತ್ತ ಮಲ್ಪೆಗೆ ತೆರಳಿದ್ದರು. ಅವರ ಎರಡನೇ ಪುತ್ರಿಯೂ ಕೆಲಸದ ಕಾರಣ ಉಡುಪಿಗೆ ಹೋಗಿದ್ದರು. ಮಧ್ಯಾಹ್ನ ಸುಮಾರು 1 ಗಂಟೆಗೆ ಮನೆಗೆ ಹಿಂದಿರುಗಿದ ವೇಳೆ, ಕೃತಿ ತನ್ನ ತಾಯಿಯನ್ನು ಮನೆಯ ಹೊರಗೆ ಕಳುಹಿಸಿ ಒಳಗಿನಿಂದ ಬಾಗಿಲು ಹಾಕಿಕೊಂಡಿದ್ದರು. ಬಾಗಿಲು ತಟ್ಟಿದರೂ ಯಾವುದೇ ಪ್ರತಿಕ್ರಿಯೆ ಬರದ ಹಿನ್ನೆಲೆಯಲ್ಲಿ ಅವರು ತಮ್ಮ ಸಹೋದರ ಚಂದ್ರ ಅವರಿಗೆ ಕರೆ ಮಾಡಿ ಸ್ಥಳಕ್ಕೆ ಕರೆಸಿದ್ದಾರೆ. ಬಳಿಕ ಬಾಗಿಲು ಒಡೆದು ಮನೆಯೊಳಗೆ ಪ್ರವೇಶಿಸಿದಾಗ, ಬೆಡ್‌ ರೂಮ್‌ನಲ್ಲಿ ಫ್ಯಾನ್‌ಗೆ ವೇಲ್ನಲ್ಲಿ ನೇಣು ಬಿಗಿದ ಸ್ಥಿತಿಯಲ್ಲಿ ಕೃತಿ ಮೃತರಾಗಿರುವುದು ಕಂಡುಬಂದಿದೆ ಎಂದು ದೂರಿನಲ್ಲಿ ಉಲ್ಲೇಖಿಸಲಾಗಿದೆ.

ಪ್ರಾಥಮಿಕ ಮಾಹಿತಿಯ ಪ್ರಕಾರ, ಕೃತಿ ಕಳೆದ ಹಲವಾರು ದಿನಗಳಿಂದ ಒತ್ತಡದಲ್ಲಿದ್ದಳು ಎನ್ನಲಾಗಿದ್ದು, ಇದೆ ಕಾರಣದಿಂದ ಆತ್ಮಹತ್ಯೆ ಮಾಡಿಕೊಂಡಿರಬಹುದು ಎಂದು ಶಂಕೆ ವ್ಯಕ್ತಪಡಿಸಲಾಗಿದೆ. ಈ ಸಂಬಂಧ ಮಲ್ಪೆ ಪೊಲೀಸ್ ಠಾಣೆಯಲ್ಲಿ ಅಸ್ವಾಭಾವಿಕ ಸಾವು (UDR) ಪ್ರಕರಣ ದಾಖಲಾಗಿದ್ದು, ಪೊಲೀಸರು ಮುಂದಿನ ತನಿಖೆ ನಡೆಸುತ್ತಿದ್ದಾರೆ

ಕೊಲ್ಲೂರು: ತಾಯಿ ಬೈದಿದ್ದಕ್ಕೆ ಮನನೊಂದು ವಿದ್ಯಾರ್ಥಿನಿಯೋರ್ವಳು ಮನೆಯಲ್ಲೇ ನೇಣು ಬಿಗಿದು ಆತ್ಮಹತ್ಯೆ ಮಾಡಿಕೊಂಡ ಘಟನೆ ಉಡುಪಿ ಜಿಲ್ಲೆಯ ಬೈಂದೂರು ತಾಲೂಕಿನ ಬೆಳ್ಳಾಲ ಗ್ರಾಮದಲ್ಲಿ ನಡೆದಿದೆ.

ಆತ್ಮಹತ್ಯೆಗೆ ಶರಣಾದ ವಿದ್ಯಾರ್ಥಿನಿ ಬೆಳ್ಳಾಲ ಗ್ರಾಮದ ಗಂಗಮಾತಾ ನಿವಾಸಿ ಚಂದ್ರಾವತಿ ಹಾಗೂ ಪ್ರಭಾಕರ ನಾಯಕ್ ದಂಪತಿಯ ಪುತ್ರಿ ಪ್ರಮಿತಾ (18) ಎಂದು ಗುರುತಿಸಲಾಗಿದೆ. ಈಕೆ ಕುಂದಾಪುರದ ಬಿ.ಬಿ. ಹೆಗ್ಡೆ ಕಾಲೇಜಿನಲ್ಲಿ ದ್ವಿತೀಯ ವರ್ಷದ ಪದವಿ ವ್ಯಾಸಂಗ ಮಾಡುತ್ತಿದ್ದಳು.

ಆ. 6 ರಂದು ಗುರುವಾರ ಬೆಳಗ್ಗೆ ಮನೆಯಲ್ಲಿ ಬಟ್ಟೆಗಳನ್ನು ಇಡುವ ವಿಚಾರವಾಗಿ ಪ್ರಮಿತಾ ಮತ್ತು ಆಕೆಯ ತಂಗಿಯ ನಡುವೆ ಜಗಳ ನಡೆದಿತ್ತು. ಇದನ್ನು ಗಮನಿಸಿದ ತಾಯಿ ಚಂದ್ರಾವತಿ ಇಬ್ಬರಿಗೂ ಬೈದು ಜಗಳ ಬಿಡಿಸಿದ್ದರು.ಇದರಿಂದ ಕೋಪಗೊಂಡ ಸಿಡುಕು ಸ್ವಭಾವದ ಪ್ರಮಿತಾ, ಕೊಠಡಿಗೆ ತೆರಳಿ ಒಳಗಿನಿಂದ ಬಾಗಿಲ ಚಿಲಕ ಹಾಕಿಕೊಂಡಿದ್ದಳು.

ತಾಯಿ ಕೆಲಸಕ್ಕೆ ತೆರಳಿದ ಬಳಿಕ ಬೆಳಿಗ್ಗೆ 8:30ರ ಸುಮಾರಿಗೆ ಪ್ರಮಿತಾಳ ಸಹೋದರ ತಾಯಿಗೆ ಕರೆ ಮಾಡಿ ಅಕ್ಕ ಬಾಗಿಲು ತೆಗೆಯುತ್ತಿಲ್ಲ ಮತ್ತು ಮಾತನಾಡುತ್ತಿಲ್ಲ ಎಂದು ತಿಳಿಸಿದ್ದಾನೆ. ಗಾಬರಿಗೊಂಡ ತಾಯಿ ಕೂಡಲೇ ಸಂಬಂಧಿ ವಿಗ್ನೇಶ್ ಎಂಬುವರಿಗೆ ಕರೆ ಮಾಡಿ ಮನೆಗೆ ತೆರಳುವಂತೆ ತಿಳಿಸಿದ್ದಾರೆ.

ತಕ್ಷಣ ವಿಗ್ನೇಶ್ ಮನೆಗೆ ಬಂದು ಕೊಠಡಿಯ ಹಿಂಭಾಗದ ಕಿಟಕಿಯಿಂದ ಪರಿಶೀಲಿಸಿದಾಗ ಪ್ರಮಿತಾ ಕೋಣೆಯ ಫ್ಯಾನ್‌ಗೆ ಸೀರೆಯಿಂದ ಕುತ್ತಿಗೆಗೆ ನೇಣು ಬಿಗಿದುಕೊಂಡಿರುವುದು ಬೆಳಕಿಗೆ ಬಂದಿದೆ.

ಕೊಲ್ಲೂರು ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ಶಿರೂರು: ಜ್ಞಾನದಾ ಶೈಕ್ಷಣಿಕ ಸಂಸ್ಥೆ, ಶಿರೂರಿನಲ್ಲಿ ತುಳುನಾಡಿನ ಸಾಂಪ್ರದಾಯಿಕ ಸಂಸ್ಕೃತಿ, ಆಹಾರ ಪದ್ಧತಿ ಹಾಗೂ ಪರಂಪರೆಯನ್ನು ವಿದ್ಯಾರ್ಥಿಗಳಿಗೆ ಪರಿಚಯಿಸುವ ಉದ್ದೇಶದಿಂದ ‘ಆಟಿ ಸಂಭ್ರಮ’ ಕಾರ್ಯಕ್ರಮವನ್ನು ಬುಧವಾರ, 05 ಆಗಸ್ಟ್ 2026 ರಂದು ಸಂಭ್ರಮದಿಂದ ಆಯೋಜಿಸಲಾಯಿತು.
ಆಟಿ ತಿಂಗಳು ತುಳುನಾಡಿನ ಜನಜೀವನದಲ್ಲಿ ವಿಶೇಷ ಮಹತ್ವವನ್ನು ಹೊಂದಿದ್ದು, ಈ ತಿಂಗಳಲ್ಲಿ ನಮ್ಮ ಹಿರಿಯರು ಅನುಸರಿಸುತ್ತಿದ್ದ ಸಾಂಪ್ರದಾಯಿಕ ಆಹಾರ ಪದ್ಧತಿ, ಜೀವನಶೈಲಿ ಹಾಗೂ ಆಚರಣೆಗಳನ್ನು ಇಂದಿನ ಪೀಳಿಗೆಗೆ ಪರಿಚಯಿಸುವುದು ಕಾರ್ಯಕ್ರಮದ ಪ್ರಮುಖ ಉದ್ದೇಶವಾಗಿತ್ತು.
ಕಾರ್ಯಕ್ರಮದ ಅಂಗವಾಗಿ ವಿವಿಧ ಬಗೆಯ ಸಾಂಪ್ರದಾಯಿಕ ಆಟಿ ಆಹಾರ ಪದಾರ್ಥಗಳನ್ನು ಪೋಷಕರು ಸಿದ್ಧಪಡಿಸಿ ತಮ್ಮ ಮಕ್ಕಳೊಂದಿಗೆ ಕಳುಹಿಸಿ ಕೊಟ್ಟಿದ್ದರು ಶಿಕ್ಷಕರು ತಾವು ತಂದ ವಿವಿಧ ಖಾದ್ಯಗಳನ್ನು ವಿದ್ಯಾರ್ಥಿಗಳಿಗೆ ಪರಿಚಯಿಸಿದರು,ಪಾರಂಪರಿಕ ಆಹಾರಗಳ ವೈಶಿಷ್ಟ್ಯ, ಅವುಗಳ ತಯಾರಿಕಾ ವಿಧಾನ ಹಾಗೂ ಆರೋಗ್ಯಕರ ಗುಣಗಳ ಕುರಿತು ವಿದ್ಯಾರ್ಥಿಗಳಿಗೆ ಮಾಹಿತಿ ನೀಡಲಾಯಿತು. ಈ ಮೂಲಕ ವಿದ್ಯಾರ್ಥಿಗಳು ನಮ್ಮ ಪೂರ್ವಜರು ಅನುಸರಿಸಿಕೊಂಡು ಬಂದಿದ್ದ ಆಹಾರ ಸಂಸ್ಕೃತಿ ಹಾಗೂ ಅದರ ಮಹತ್ವವನ್ನು ಅರಿತುಕೊಂಡರು.
ಆಟಿ ಸಂಭ್ರಮವು ಕೇವಲ ಆಹಾರೋತ್ಸವವಾಗಿರದೆ, ತುಳುನಾಡಿನ ಶ್ರೀಮಂತ ಸಾಂಸ್ಕೃತಿಕ ಪರಂಪರೆ ಮತ್ತು ಸ್ಥಳೀಯ ಆಹಾರ ಸಂಸ್ಕೃತಿಯನ್ನು ಸಂರಕ್ಷಿಸಿ ಮುಂದಿನ ಪೀಳಿಗೆಗೆ ತಲುಪಿಸುವ ಒಂದು ಅರ್ಥಪೂರ್ಣ ಪ್ರಯತ್ನವಾಗಿತ್ತು.
ಕಾರ್ಯಕ್ರಮದಲ್ಲಿ ಸಂಸ್ಥೆಯ ಪ್ರಾಂಶುಪಾಲರು, ಬೋಧಕ ಹಾಗೂ ಬೋಧಕೇತರ ಸಿಬ್ಬಂದಿ ಮತ್ತು ವಿದ್ಯಾರ್ಥಿಗಳು ಸಕ್ರಿಯವಾಗಿ ಭಾಗವಹಿಸಿ ಕಾರ್ಯಕ್ರಮವನ್ನು ಯಶಸ್ವಿಗೊಳಿಸಿದರು. ಎಲ್ಲರ ಸಹಕಾರದಿಂದ ಆಟಿ ಸಂಭ್ರಮವು ಅತ್ಯಂತ ಅರ್ಥಪೂರ್ಣವಾಗಿ ಹಾಗೂ ಸಡಗರದಿಂದ ನೆರವೇರಿತು.
“ಪರಂಪರೆಯ ಸೊಗಡಿನೊಂದಿಗೆ ಆರೋಗ್ಯಕರ ಆಹಾರ – ನಮ್ಮ ಸಂಸ್ಕೃತಿಯ ಹೆಮ್ಮೆ” ಎಂಬ ಸಂದೇಶವನ್ನು ಸಾರಿದ ಆಟಿ ಸಂಭ್ರಮವು ವಿದ್ಯಾರ್ಥಿಗಳಲ್ಲಿ ನಮ್ಮ ನಾಡಿನ ಸಂಸ್ಕೃತಿ, ಪರಂಪರೆ ಹಾಗೂ ಆಹಾರ ಪದ್ಧತಿಗಳ ಬಗ್ಗೆ ಗೌರವ ಮತ್ತು ಅಭಿಮಾನವನ್ನು ಮೂಡಿಸುವಲ್ಲಿ ಯಶಸ್ವಿಯಾಯಿತು.