Author: Jananudi News Network

ಶ್ರೀನಿವಾಸಪುರ : ಐದು ವರ್ಷದ ಸದಸ್ಯರ ಅವಧಿ ಮುಕ್ತಯವಾದ್ದರಿಂದ ಪಂಚಾಯಿತಿ ವತಿಯಿಂದ ಎಲ್ಲಾ ಅಧ್ಯಕ್ಷ, ಉಪಾಧ್ಯಕ್ಷ ಹಾಗು ಸದಸ್ಯರಿಗೆ ಅಭಿನಂದನೆಯನ್ನ ಹಮ್ಮಿಕೊಳ್ಳಲಾಗಿದೆ ಎಂದು ಪಿಡಿಒ ಮಂಜುನಾಥರೆಡ್ಡಿ ಹೇಳಿದರು.
ತಾಲೂಕಿನ ಜೆ.ತಿಮ್ಮಸಂದ್ರ ಗ್ರಾ.ಪಂ. ಕಚೇರಿಯಲ್ಲಿ ಸೋಮವಾರ ಗ್ರಾ.ಪಂ ಅಧ್ಯಕ್ಷ,ಉಪಾಧ್ಯಕ್ಷ ಹಾಗು ಸದಸ್ಯರಿಗೆ ಅಭಿನಂದಿಸಿ ಮಾತನಾಡಿದರು.

ಪಂಚಾಯಿತಿಯ ಎಲ್ಲಾ ಗ್ರಾಮಗಳ ಅಭಿವೃದ್ಧಿಗಾಗಿ ಹಾಗು ಗ್ರಾಮಗಳಲ್ಲಿನ ಮೂಲಭೂತ ಸೌಲಭ್ಯಗಳಿಗೆ ಒಗ್ಗಟ್ಟಿನಿಂದ ಅಧ್ಯಕ್ಷ ಹಾಗು ಸದಸ್ಯರು ಎಲ್ಲರೂ ಸಹಕರಿಸಿರುವ ಹಿನ್ನೆಲೆಯಲ್ಲಿ ಎಲ್ಲರಿಗೂ ಕೃತಜ್ಞನತೆ ಸಲ್ಲಿಸುತ್ತೇನೆ ಎಂದರು.

ಈ ಸಮಯದಲ್ಲಿ ಅಧ್ಯಕ್ಷೆ ರತ್ನಮ್ಮ.ಕೆ, ಉಪಾಧ್ಯಕ್ಷೆ ಭಾರತಮ್ಮ, ಸದಸ್ಯರಾದ ಕೃಷ್ಣಮ್ಮ, ವಿ.ನಾಗೇಶ್‌ರಡ್ಡಿ, ಮಂಜುಳ, ಸುಮಂಗಳ,ಗಂಗರಾಜು, ಶಿಲ್ಪ, ಕೆ.ನಾರಾಯಣಸ್ವಾಮಿ, ರೋಜ, ಯಶೋಧಮ್ಮ, ಎಂ.ವೆಂಕಟಸ್ವಾಮಿ, ವೆಂಕಟಲಕ್ಷಮ್ಮ, ಚೌಡರೆಡ್ಡಿ.ಎಂ, ಅಶ್ವಿನಿ, ರತ್ನಮ್ಮ, ಕೆ.ಎನ್.ಶಂಕರರೆಡ್ಡಿ ಇದ್ದರು.

ಬೆಳ್ತಂಗಡಿ : ಬೆಳ್ತಂಗಡಿಯಲ್ಲಿ ನಿನ್ನೆ ನಡೆದ ಕಾಲೇಜು ವಿದ್ಯಾರ್ಥಿನಿ ಅಪಹರಣ ಪ್ರಯತ್ನ ಪ್ರಕರಣ ದೊಡ್ಡದಾಗಿ ಸೌಂಡ್ ಮಾಡಿತ್ತು. ಆದರೆ ಸಂಬಂಧಪಟ್ಟಂತೆ ಪೊಲೀಸರ ತನಿಖೆಯಲ್ಲಿ ಇದೀಗ ಪ್ರಕರಣಕ್ಕೆ ಬಿಗ್ ಟ್ವಿಸ್ಟ್ ದೊರಕಿದೆ ತನ್ನ ಅಪಹರಣದ ಪ್ರಯತ್ನ, ಹುಡುಗಿಯೆ ಕಟ್ಟಿರುವ ಕಟ್ಟುಕಥೆ ಎಂದು ಪೊಲೀಸ್‌ ತನಿಖೆಯಲ್ಲಿ ತಿಳಿದುಬಂದಿದೆ.

ವಿದ್ಯಾರ್ಥಿನಿಯೇ ತನ್ನ ಕೈಗೆ ಬ್ಲೇಡ್‌ನಲ್ಲಿ ಗೀರಿ ಅಪಹರಣದ ಕಥೆ ಕಟ್ಟಿದ್ದಾಳೆಂದು ಪೊಲೀಸ್‌ ತನಿಖೆಯಲ್ಲಿ ತಿಳಿದು ಬಂದಿದೆ. ಕಾಶಿಬೆಟ್ಟು ಸರಕಾರಿ ಕಾಲೇಜಿಗೆ ಹೋಗುತ್ತಿದ್ದ ವಿದ್ಯಾರ್ಥಿನಿಯ ಸ್ಕೂಟರ್‌ ತಡೆದು ಕಾರಿನಲ್ಲಿ ಬಂದ ಮೂವರು ಮೂವರು ಮುಸುಕು ಹಾಕಿಕೊಂಡವರು, ಸುದೆಮುಗೇರು ಎಂಬಲ್ಲಿ ಅಪಹರಣ ಪ್ರಯತ್ನ ಮಾಡಿದ್ದಾರೆ. ಈ ವೇಳೆ ಚೂರಿಯಿಂದ ಹಲ್ಲೆ ಮಾಡಲಾಗಿದೆ ಎಂದು ಯುವತಿ ದೂರಿದ್ದು ಬೆಳ್ತಂಗಡಿ ಸರಕಾರಿ ಆಸ್ಪತ್ರೆಗೆ ದಾಖಲು ಮಾಡಲಾಗಿತ್ತು.

ಈ ಘಟನೆಯ ನಂತರ ಬೆಳ್ತಂಗಡಿ ಶಾಸಕ ಹರೀಶ್‌ ಪೂಂಜ ಮತ್ತು ಪೊಲೀಸರು ಆಸ್ಪತ್ರೆಗೆ ತೆರಳಿ ಘಟನೆ ಕುರಿತು ಮಾಹಿತಿ ಕೂಡಾ ಪಡೆದಿದ್ದರು.

ಕಾರಿನ ನಂಬರ್‌ ಪ್ಲೇಟ್‌ಗೆ ಬಟ್ಟೆ ಕಟ್ಟಿದ್ದು, ಮುಖಕ್ಕೆ ಮುಸುಕು ಹಾಕಿದ್ದರು, ಮೂವರಿದ್ದರು, ಬೈಕ್‌ವೊಂದು ಹಿಂದಿನಿಂದ ಬಂದಿದ್ದಕ್ಕೆ ನನ್ನನ್ನು ಬಿಟ್ಟು ಎಸ್ಕೇಪ್‌ ಆಗಿದ್ದರು ಎನ್ನುವ ಕಥೆಯನ್ನು ಯುವತಿ ಪೊಲೀಸರಲ್ಲಿ ಹೇಳಿದ್ದಳು.

ಇದರಂತೆ ಪೊಲೀಸರು ಘಟನೆ ನಡೆದಲ್ಲಿ ಸಿಸಿಟಿವಿ ದೃಶ್ಯಗಳನ್ನು ಪರಿಶೀಲನೆ ಮಾಡಿದ್ದು, ಯಾವುದೇ ಸಾಂದರ್ಭಿಕ ಸಾಕ್ಷಿ ದೊರಕಲಿಲ್ಲ. ಹಾಗಾಗಿ ವಿದ್ಯಾರ್ಥಿನಿಯಿಂದ ಹೆಚ್ಚಿನ ಮಾಹಿತಿ ಪಡೆಯಲು ಮುಂದಾಗಿದ್ದಾರೆ.

ಕಾರಿನ ಬಣ್ಣ, ಕಾರು ಯಾವುದು? ಎಲ್ಲವನ್ನೂ ಕರೆಕ್ಟ್‌ ಆಗಿ ಹೇಳಲು ಹೇಳಿದಾಗ ಆಕೆ ತಬ್ಬಿಬ್ಬಾಗಿದ್ದಾಳೆ. ನಂತರ ಅಪಹರಣ ಘಟನೆಯೇ ಸುಳ್ಳು ಎಂದು ಯುವತಿ ಹೇಳಿದ್ದು, ಬೇರೆ ಕಾಲೇಜು ಸೇರುವುದಕ್ಕೆ ಅಪಹರಣದ ಕತೆ ಕಟ್ಟಿದ್ದಾಗಿ ಹೇಳಿರುವುದಾಗಿ ವರದಿಯಾಗಿದೆ.

ಗ್ರಾಮೀಣ ಭಾಗದ ಕಾಲೇಜು ಬದಲು ಮಂಗಳೂರು ನಗರದ ಕಾಲೇಜಿಗೆ ಹೋಗಲು ಬಯಸಿದ್ದು, ಅದಕ್ಕಾಗಿ ಅಪಹರಣದ ಕತೆ ಕಟ್ಟಿದರೆ ಮನೆಯವರು ತನ್ನನ್ನು ಬೇರೆಡೆ ಕಾಲೇಜಿಗೆ ಸೇರಿಸುತ್ತಾರೆ ಎಂದು ನಂಬಿ, ಚಕಾಕಿ ಹುಡುಗಿ, ಬ್ಲೇಡ್‌ನಿಂದ ತಾನೇ ಕೈಯನ್ನು ಕೊಯ್ದು ಕೊಂಡಿರುವುದಾಗಿ ತಿಳಿಸಿದ್ದಾಳೆ.

ಬ್ಯಾಗ್‌ನಲ್ಲಿರುವ ಪುಸ್ತಕಗಳನ್ನು ಮನೆಯಲ್ಲೇ ಸುಟ್ಟು ಹಾಕಿದ್ದ ಈಕೆ, ಬಳಿಕ ಬ್ಯಾಗ್‌ನ ದಾರಿಯಲ್ಲೇ ಬಿಸಾಕಿದ್ದಳು. ಮತ್ತೊಂದೆಡೆ ವಿದ್ಯಾರ್ಥಿನಿ ಸ್ಕೂಟಿಯಿ೦ದ ಬಿದ್ದಿರುವಂತೆ ನಟಿಸುವ ವೇಳೆ ಹಿಬದಿಯಿ೦ದ ಬ೦ದಿದ್ದ ಅಬ್ಬುಸಾಲಿ ಎಂಬಾತ ಕೂಡ ತನನ್ನು ಅಪಹರಣ ಮಾಡಲು ಪ್ರಯತ್ನ ಮಾಡಲಾಗಿದೆ ಎಂದು ವಿವರಿಸಿದ್ದ ಕಾರಣ, ಅಬ್ಬುಸಾಲಿ ಹುಡುಗಿಯನ್ನು ಅವಳ ಮನೆ ತನಕ ಮುಟ್ಟಿಸಿದ್ದರು, ಹೀಗಾಗಿ ಈಕೆ ಹೇಳುತ್ತಿರುವುದು ಸತ್ಯ ಎಂದು ಎಲ್ಲರೂ ನಂಬಿದ್ದರು. ಇದನ್ನು ಕೇಳಿ ಕುಟುಂಬಸ್ಥರೂ ಕಂಗಾಲಾಗಿದ್ದರು. ಆದರೆ ಪೊಲೀಸರ ತನಿಖೆಯಿ೦ದ ಕೊನೆಗೂ ವಿದ್ಯಾರ್ಥಿನಿ ನಾಟಕ ಬಯಲಾಗಿದ್ದು ಸ್ಥಳೀಯರು ನಿಟ್ಟುಸಿರು ಬಿಟ್ಟಿದ್ದಾರೆ.

ಆದರೆ ಇದೀಗ ಹೆತ್ತವರಿಗೆ ಆಪತ್ತು ಬಂದಿದೆ; ಜಿಲ್ಲೆಯನ್ನೇ ಬೆಚ್ಚಿಬೀಳಿಸಿದ ಅಪ್ರಾಪ್ತೆಯ ಕಿಡ್ನಾಪ್‌ ಪ್ರಕರಣವೊಂದು ಒಂದೇ ದಿನದಲ್ಲಿ ಟ್ವಿಸ್ಟ್‌ ನೀಡಿದ್ದು, ವಿದ್ಯಾರ್ಥಿನಿಯ ಡ್ರಾಮಾ ಬಯಲಾಗಿದೆ. ಜೊತೆಗೆ ಅಪ್ರಾಪ್ತೆಗೆ ವಾಹನ ಚಲಾಯಿಸಲು ಕೊಟ್ಟಿದ್ದಕ್ಕೆ ಹೆತ್ತವರ ಮೇಲೆಯೇ ಕೇಸ್‌ ದಾಖಲಿಸಲು ಪೊಲೀಸರು ಮುಂದಾಗಿದ್ದಾರೆ ಎಂದು ತಿಳಿದು ಬಂದಿದೆ

Bank of Baroda Reduces Car Loan Interest Rates by 30 bps to 7.60% P.A.

ಮಂಗಳೂರು, 10 ಫೆಬ್ರವರಿ 2026: ಭಾರತದ ಅಂತರರಾಷ್ಟ್ರೀಯ ಬ್ಯಾಂಕ್ ಆಗಿರುವ ಬ್ಯಾಂಕ್ ಆಫ್ ಬರೋಡಾ, ಕಾರ್ ಲೋನ್ ಬಡ್ಡಿದರವನ್ನು ತಕ್ಷಣದಿಂದಲೇ 30 ಬೇಸಿಸ್ ಪಾಯಿಂಟ್‌ಗಳಿಂದ ಕಡಿಮೆ ಮಾಡಿರುವುದಾಗಿ ಇಂದು ಪ್ರಕಟಿಸಿದೆ. ಬ್ಯಾಂಕ್‌ನ ಫ್ಲೋಟಿಂಗ್ ಬಡ್ಡಿದರ ಈಗ 7.60%* ವಾರ್ಷಿಕದಿಂದ ಆರಂಭವಾಗುತ್ತದೆ (ಹಿಂದೆ 7.90% ವಾರ್ಷಿಕ). ಬ್ಯಾಂಕ್ ಆಫ್ ಬರೋಡಾ ಕಾರ್ ಲೋನ್‌ಗಳಿಗೆ 8.50%* ವಾರ್ಷಿಕದಿಂದ ಆರಂಭವಾಗುವ ಆಕರ್ಷಕ ಸ್ಥಿರ ಬಡ್ಡಿದರವನ್ನೂ ಬ್ಯಾಂಕ್ ನೀಡುತ್ತದೆ.

7.60% ವಾರ್ಷಿಕದಿಂದ ಆರಂಭವಾಗುವ ಹೊಸ ದರವು ಹೊಸ ಕಾರ್ ಖರೀದಿಗೆ ಅನ್ವಯವಾಗಿದ್ದು, ಸಾಲಗಾರರ ಕ್ರೆಡಿಟ್ ಪ್ರೊಫೈಲ್‌ಗೆ ಅನುಗುಣವಾಗಿರುತ್ತದೆ.

ಕಡಿತಗೊಂಡ ಬಡ್ಡಿದರದ ಜೊತೆಗೆ, ವೈಯಕ್ತಿಕ ಸಾಲಗಾರರಿಗೆ ಫ್ಲೋಟಿಂಗ್ ಬಡ್ಡಿದರದ ಕಾರ್ ಲೋನ್‌ಗಳ ಮೇಲೆ ಯಾವುದೇ ಮುಂಗಡ ಪಾವತಿ/ಭಾಗಶಃ ಪಾವತಿ ಶುಲ್ಕವಿಲ್ಲ. ಅಲ್ಲದೆ, ಸ್ಥಿರ ಮತ್ತು ಫ್ಲೋಟಿಂಗ್ ಎರಡೂ ಬಗೆಯ ಬರೋಡಾ ಕಾರ್ ಲೋನ್‌ಗಳ ಬಡ್ಡಿಯನ್ನು ದೈನಂದಿನ ಕಡಿತ ಶೇಷ (ಡೈಲಿ ರಿಡ್ಯೂಸಿಂಗ್ ಬ್ಯಾಲೆನ್ಸ್) ವಿಧಾನದಲ್ಲಿ ಲೆಕ್ಕಿಸಲಾಗುತ್ತದೆ, ಇದರಿಂದ ಸಾಲಗಾರರಿಗೆ ಇನ್ನಷ್ಟು ಕೈಗೆಟುಕುವವಾಗುತ್ತದೆ. ಗ್ರಾಹಕರು ಗರಿಷ್ಠ 84 ತಿಂಗಳವರೆಗೆ ವಿಸ್ತರಿಸಿದ ಮರುಪಾವತಿ ಅವಧಿಯಿಂದ ಪ್ರಯೋಜನ ಪಡೆಯಬಹುದು, ಇದರಿಂದ ಹೆಚ್ಚಿನ ಆರ್ಥಿಕ ಲವಚಿಕತೆ ಲಭ್ಯವಾಗುತ್ತದೆ.

ಈ ಘೋಷಣೆಯ ಕುರಿತು ಪ್ರತಿಕ್ರಿಯಿಸಿದ ಬ್ಯಾಂಕ್ ಆಫ್ ಬರೋಡಾ ಕಾರ್ಯನಿರ್ವಾಹಕ ನಿರ್ದೇಶಕ ಶ್ರೀ ಸಂಜಯ್ ವಿ. ಮುಡಲಿಯಾರ್ ಅವರು, “ಕಾರ್ ಲೋನ್ ಬಡ್ಡಿದರಗಳ ಕಡಿತವು ಬ್ಯಾಂಕ್ ಆಫ್ ಬರೋಡಾವನ್ನು ಮಾರುಕಟ್ಟೆಯಲ್ಲಿ ಅತ್ಯಂತ ಸ್ಪರ್ಧಾತ್ಮಕ ಬ್ಯಾಂಕ್‌ಗಳಲ್ಲೊಂದಾಗಿಸುತ್ತದೆ ಮತ್ತು ಗ್ರಾಹಕರಿಗೆ ಕೈಗೆಟುಕುವ ಹಾಗೂ ಸುಲಭವಾಗಿ ಲಭ್ಯವಾಗುವ ಸಾಲವನ್ನು ನೀಡುವ ನಮ್ಮ ನಿರಂತರ ಬದ್ಧತೆಯನ್ನು ಪ್ರತಿಬಿಂಬಿಸುತ್ತದೆ. ದೇಶಾದ್ಯಂತ ಕಾರ್ ಖರೀದಿದಾರರ ಹೆಚ್ಚುತ್ತಿರುವ ಆಶಯಗಳಿಗೆ ಬೆಂಬಲ ನೀಡಲು, ಗ್ರಾಹಕಕೇಂದ್ರಿತ ಮತ್ತು ಡಿಜಿಟಲ್-ಸಕ್ರಿಯ ಹಣಕಾಸು ಪರಿಹಾರಗಳನ್ನು ಒದಗಿಸಲು ಬ್ಯಾಂಕ್ ಬದ್ಧವಾಗಿದೆ” ಎಂದು ಹೇಳಿದರು.

ಬರೋಡಾ ಕಾರ್ ಲೋನ್‌ಗಳನ್ನು ಬ್ಯಾಂಕ್‌ನ ವೆಬ್‌ಸೈಟ್, bob World ಆಪ್‌ನಲ್ಲಿರುವ ಡಿಜಿಟಲ್ ಲೆಂಡಿಂಗ್ ಪ್ಲಾಟ್‌ಫಾರ್ಮ್ ಮೂಲಕ ಅಥವಾ ದೇಶದ ಯಾವುದೇ ಬ್ಯಾಂಕ್ ಆಫ್ ಬರೋಡಾ ಶಾಖೆಗೆ ಭೇಟಿ ನೀಡಿ ಸುಲಭವಾಗಿ ಪಡೆದುಕೊಳ್ಳಬಹುದು.

*ಬ್ಯಾಂಕ್ ಆಫ್ ಬರೋಡಾ ಕಾರ್ ಲೋನ್‌ಗಳ ಮುಖ್ಯ ವೈಶಿಷ್ಟ್ಯಗಳು*
* 7.60% ವಾರ್ಷಿಕದಿಂದ ಆರಂಭವಾಗುವ ಫ್ಲೋಟಿಂಗ್ ಬಡ್ಡಿದರದ ಕಾರ್ ಲೋನ್‌ಗಳು
* 8.50% ವಾರ್ಷಿಕದಿಂದ ಆರಂಭವಾಗುವ ಸ್ಥಿರ ಬಡ್ಡಿದರದ ಕಾರ್ ಲೋನ್‌ಗಳು
* ವೈಯಕ್ತಿಕರಿಗೆ ಫ್ಲೋಟಿಂಗ್ ಬಡ್ಡಿದರದ ಮೇಲೆ ಮುಂಗಡ/ಭಾಗಶಃ ಪಾವತಿ ಶುಲ್ಕವಿಲ್ಲ
* ದೈನಂದಿನ ಕಡಿತ ಶೇಷ ವಿಧಾನದಲ್ಲಿ ಬಡ್ಡಿ ಲೆಕ್ಕಾಚಾರ
* ಗರಿಷ್ಠ 84 ತಿಂಗಳವರೆಗೆ ಲವಚಿಕ ಮರುಪಾವತಿ ಅವಧಿ
* ಕೆಲವೇ ಹಂತಗಳಲ್ಲಿ ತ್ವರಿತ ಅನುಮೋದನೆಯೊಂದಿಗೆ ಲಭ್ಯವಿರುವ ಬರೋಡಾ ಡಿಜಿಟಲ್ ಕಾರ್ ಲೋನ್‌ಗಳು.

Bank of Baroda Reduces Car Loan Interest Rates by 30 bps to 7.60% p.a.

Mangalore, 10th February 2026: Bank of Baroda, India’s International Bank, today announced a reduction of 30 basis points in its Car Loan interest rates with immediate effect. The Bank’s floating rate now starts from 7.60%* p.a., (down from 7.90% p.a.). The Bank also offers an attractive fixed rate of interest on Baroda Car Loans, starting at 8.50%* p.a.

The new rate beginning at 7.60% p.a. is available on the purchase of a new car and is linked to a borrower’s credit profile.

In addition to a reduced ROI, the Bank is also offering borrowers zero prepayment/part-payment charges on floating rate car loans for individual borrowers. Further, the interest on Baroda Car Loans – both fixed and floating loans – is calculated on the Daily Reducing Balance method, making it even more affordable for borrowers.  Customers can also benefit from an extended repayment tenure of up to 84 months, providing enhanced financial flexibility.

Commenting on the announcement, Shri Sanjay V. Mudaliar, Executive Director, Bank of Baroda said, “The reduction in car loan interest rates makes Bank of Baroda one of the most competitive players in the market and reflects our continued focus on offering affordable and accessible credit to consumers. Bank is committed to delivering customer-centric, digitally-enabled financing solutions to support the growing aspiration of car buyers across the country.”

Baroda Car Loans can be availed seamlessly through the Bank’s Digital Lending Platform available on the Bank’s website, bob World app or by visiting any Bank of Baroda branch across the country.

Key Features of Bank of Baroda Car Loans
• Floating interest rate car loans starting at 7.60% p.a.
• Fixed interest rate car loans starting at 8.50% p.a.
• No prepayment/part-payment charges on floating ROI for individuals
• Interest calculated on the Daily Reducing Balance method
• Flexible repayment tenure of up to 84 months
• Baroda Digital Car Loans available with quick approval in just a few steps

Mega Joshal D’Souza Music Night in Aid of ‘Goretti Hospital’ at Santekate on Easter

ಕಲ್ಯಾಣಪುರ; ಓಪನ್ ಏರ್ ಸ್ಟೇಜ್, ಮೌಂಟ್ ರೋಸರಿ ಚರ್ಚ್ ಮೈದಾನ, ಸಂತೆಕಟ್ಟೆ-ಕಲ್ಯಾಣಪುರ ಕಥೊಲಿಕ್ ಸಭಾ ಉಡುಪಿ ಪ್ರದೇಶ (ನೋಂದಣಿ) ‘ಗೊರೆಟ್ಟಿ ಆಸ್ಪತ್ರೆಯ ಸಹಾಯಾರ್ಥ ಮೇಗಾ ಜೋಶಲ್ ಡಿಸೋಜ ಸಂಗೀತ ರಾತ್ರಿ’ ಈಸ್ಟರ್ ಭಾನುವಾರ 5ನೇ ಏಪ್ರಿಲ್ 2026 ರಂದು ಸಂಜೆ 5.00 ಕ್ಕೆ ನಡೆಯಲಿದೆ. ನಮ್ಮ ಪ್ರದೇಶದ ಪ್ರತಿಯೊಬ್ಬ ಹೃದಯಕ್ಕೂ ಹತ್ತಿರವಾದ ಉದಾತ್ತ ಧ್ಯೇಯದೊಂದಿಗೆ ಆಯೋಜಿಸಲಾದ ‘ಮೆಗಾ ಜೋಶಲ್ ಡಿಸೋಜ ಸಂಗೀತ ರಾತ್ರಿ’, ಸಂಗೀತ, ಸಹಾನುಭೂತಿ ಮತ್ತು ಕರುಣೆಯ ಭವ್ಯ ಸಂಜೆಗೆ ನಿಮ್ಮನ್ನು ಹೃತ್ಪೂರ್ವಕವಾಗಿ ಆಹ್ವಾನಿಸುತ್ತದೆ.

ಈ ವಿಶೇಷ ಉಪಕ್ರಮವು ಮೌಂಟ್ ರೋಸರಿ ಚರ್ಚ್ ಕ್ಯಾಂಪಸ್‌ನಲ್ಲಿರುವ ಗೊರೆಟ್ಟಿ ಆಸ್ಪತ್ರೆಗೆ ಸಮರ್ಪಿತವಾಗಿದೆ, ಇದು 65 ವರ್ಷಗಳಿಗೂ ಹೆಚ್ಚು ಕಾಲ ಪ್ರೀತಿ ಮತ್ತು ಬದ್ಧತೆಯಿಂದ ನಮ್ಮ ಜನರಿಗೆ ಸೇವೆ ಸಲ್ಲಿಸುತ್ತಿರುವ ವಿನಮ್ರ ಆದರೆ ವೀರ ಆರೋಗ್ಯ ಸಂಸ್ಥೆಯಾಗಿದೆ.
೧೯೫೮ ರಲ್ಲಿ ಆಗಿನ ಮಂಗಳೂರು ಡಯಾಸಿಸ್ ಅವರಿಂದ ಕಲ್ಯಾಣಪುರ ವಲಯದ ವಿಕಾರ್ ವಾರ್ ಆಗಿದ್ದ ಅ।ವಂ। ಮೊನ್ಸಿಂಝೊರ್ ಜೆರೋಮ್ ಡಿ’ಸೋಜಾ ಅವರ ದಾರ್ಶನಿಕ ನಾಯಕತ್ವದಲ್ಲಿ ಸ್ಥಾಪಿಸಲ್ಪಟ್ಟ ‘ಗೊರೆಟ್ಟಿ ಆಸ್ಪತ್ರೆ’
ಜೀವನ ಪ್ರಾರಂಭವಾದ, ಭರವಸೆಯನ್ನು ಪುನಃಸ್ಥಾಪಿಸಿದ ಮತ್ತು ಲೆಕ್ಕವಿಲ್ಲದಷ್ಟು ಕುಟುಂಬಗಳು ಗುಣಮುಖರಾದ ಸ್ಥಳವಾಗಿದೆ.

SRA ಸಿಸ್ಟರ್ಸ್ ಕುರಿತು ಸಂಕ್ಷಿಪ್ತ ಟಿಪ್ಪಣಿ:

‘ಮಿಷನರಿ ಸಿಸ್ಟರ್ಸ್ ಆಫ್ ಕ್ವೀನ್ ಆಫ್ ಅಪೊಸ್ತಲ್ಸ್’ ಸಭೆಯು ಪಾಂಟಿಫಿಕಲ್ ಹಕ್ಕುಗಳ ಅಪೋಸ್ಟೋಲಿಕ್ ಸಭೆಯಾಗಿದ್ದು, ಇದನ್ನು SRA – ಕಾಂಗ್ರೆಗೇಟಿಯೋ ಮಿಷನಲೀಸ್ ಸೊರೊರಮ್ ರೆಜಿನೇ ಅಪೊಸಾಟೊಲೊರಮ್ ಎಂದು ವ್ಯಾಪಕವಾಗಿ ಕರೆಯಲಾಗುತ್ತದೆ. ಇದನ್ನು ಜುಲೈ 1, 1923 ರಂದು ಆಸ್ಟ್ರಿಯಾದ ವಿಯೆನ್ನಾದಲ್ಲಿ ಸ್ಥಾಪಿಸಲಾಯಿತು ಮತ್ತು ಇಟಲಿ, ಜರ್ಮನಿ, ಬೆಲ್ಜಿಯಂ ಇತ್ಯಾದಿಗಳಲ್ಲಿ ವಿವಿಧ ಮನೆಗಳಿವೆ ಮತ್ತು ಕರ್ನಾಟಕ ಮತ್ತು ಕಲ್ಯಾಣಪುರ ಸೇರಿದಂತೆ ಭಾರತದಲ್ಲಿ ಸುಮಾರು 100 ಕಾನ್ವೆಂಟ್‌ಗಳು ಮೊದಲು ಅಪರೂಪದ ಕೀರ್ತಿಯನ್ನು ಹೊಂದಿವೆ… 1962 ರಲ್ಲಿ, ವೈದ್ಯಕೀಯ, ಶೈಕ್ಷಣಿಕ ಮತ್ತು ಸಾಮಾಜಿಕ ಕ್ಷೇತ್ರದೊಂದಿಗೆ, ಇದು ಇನ್ನೂ ಮುಂದುವರೆದಿದೆ…

1960 ರಿಂದ 1990 ರ ದಶಕದವರೆಗೆ, ಇದರ ಹೆರಿಗೆ ವಾರ್ಡ್ ನಮ್ಮ ಮಧ್ಯಮ ವರ್ಗದ ಮತ್ತು ಬಡ ಕುಟುಂಬಗಳ ಪೀಳಿಗೆಯ ಜನನಕ್ಕೆ ಸಾಕ್ಷಿಯಾಯಿತು. ಇದರ OPD ಮತ್ತು ಶಸ್ತ್ರಚಿಕಿತ್ಸಾ ಸೇವೆಗಳು ರೋಗಿಗಳು ಮತ್ತು ನಿರ್ಗತಿಕರಿಗೆ ಜೀವನಾಡಿಯಾಗಿ ಮಾರ್ಪಟ್ಟವು. ಅನೇಕರಿಗೆ, ಗೊರೆಟ್ಟಿ ಆಸ್ಪತ್ರೆ ಕೇವಲ ಕಟ್ಟಡವಲ್ಲ – ಇದು ಒಂದು ನೆನಪು, ಆಶೀರ್ವಾದ, ಕರುಣೆಯ ಸ್ಥಳವಾಗಿದೆ.

ಇಂದು, ಕಾಲ ಬದಲಾದಂತೆ ಮತ್ತು ವೈದ್ಯಕೀಯ ಅಗತ್ಯಗಳು ಬೆಳೆದಂತೆ, ಈ ಪ್ರೀತಿಯ ಆಸ್ಪತ್ರೆ ಒಂದು ಪ್ರಮುಖ ತಿರುವು ಹಂತದಲ್ಲಿದೆ. ಉತ್ತಮ ಆರೋಗ್ಯ ಸೌಲಭ್ಯಗಳು, ಆಧುನಿಕ ಉಪಕರಣಗಳು ಮತ್ತು ವಿಶೇಷ ಸೇವೆಗಳಿಗೆ ಬೇಡಿಕೆ ವೇಗವಾಗಿ ಹೆಚ್ಚುತ್ತಿದೆ. ಎಲ್ಲರಿಗೂ, ವಿಶೇಷವಾಗಿ ಬಡವರಿಗೆ ಮತ್ತು ಅಂಚಿನಲ್ಲಿರುವವರಿಗೆ ಸೇವೆ ಸಲ್ಲಿಸುವ ತನ್ನ ಧ್ಯೇಯವನ್ನು ಮುಂದುವರಿಸಲು, ಆಸ್ಪತ್ರೆಗೆ ತುರ್ತಾಗಿ ಬೆಂಬಲ ಬೇಕಾಗಿದೆ:

* 24×7 ವೈದ್ಯರ ಲಭ್ಯತೆ

* ಡಯಾಲಿಸಿಸ್ ಉಪಕರಣಗಳು ಮತ್ತು ನೆಫ್ರಾಲಜಿ ಸೇವೆಗಳು

* ವಿಸ್ತೃತ ಸ್ತ್ರೀರೋಗ ಶಾಸ್ತ್ರ ಮತ್ತು ಮಹಿಳಾ ಆರೋಗ್ಯ ಸೌಲಭ್ಯಗಳು

* ಆಂಬ್ಯುಲೆನ್ಸ್, ರಕ್ತ ಬ್ಯಾಂಕ್ ಮತ್ತು ಇತರ ಜೀವರಕ್ಷಕ ಸೇವೆಗಳು

* ಇಂದಿನ ವೈದ್ಯಕೀಯ ಮಾನದಂಡಗಳನ್ನು ಪೂರೈಸಲು ಮೂಲಸೌಕರ್ಯವನ್ನು ನವೀಕರಿಸುವುದು
ಹೊಸದನ್ನು ನಿರ್ಮಿಸುವ ಬದಲು, ನಾವು ಈಗಾಗಲೇ ಹೊಂದಿರುವ ಆಸ್ಪತ್ರೆಯನ್ನು ಬಲಪಡಿಸುವುದು ಬುದ್ಧಿವಂತ ಮತ್ತು ಅರ್ಥಪೂರ್ಣವಾಗಿದೆ ಎಂದು ನಾವು ನಂಬುತ್ತೇವೆ – ಸಹಾನುಭೂತಿ, ಸೇವೆ ಮತ್ತು ಸಮುದಾಯ ನಂಬಿಕೆಯಲ್ಲಿ ಬೇರೂರಿರುವ ಆಸ್ಪತ್ರೆ.

ಈ ‘ಮೆಗಾ ಮ್ಯೂಸಿಕಲ್ ನೈಟ್’ ಈ ಪವಿತ್ರ ಉದ್ದೇಶಕ್ಕಾಗಿ ಜನರನ್ನು ಒಟ್ಟುಗೂಡಿಸುವ ನಮ್ಮ ವಿನಮ್ರ ಪ್ರಯತ್ನವಾಗಿದೆ. ನಿಮ್ಮ ಉಪಸ್ಥಿತಿ, ಪ್ರೋತ್ಸಾಹ ಮತ್ತು ಕೊಡುಗೆ ‘ಗೊರೆಟ್ಟಿ ಆಸ್ಪತ್ರೆ’ ಮುಂದಿನ ಪೀಳಿಗೆಗೆ ಗುಣಪಡಿಸುವುದು, ಸೇವೆ ಸಲ್ಲಿಸುವುದು ಮತ್ತು ಜೀವಗಳನ್ನು ಉಳಿಸುವುದನ್ನು ಮುಂದುವರಿಸುವುದನ್ನು ಖಚಿತಪಡಿಸಿಕೊಳ್ಳಲು ಸಹಾಯ ಮಾಡುತ್ತದೆ.

ನೀವು ಈ ಧ್ಯೇಯವನ್ನು ಈ ಮೂಲಕ ಬೆಂಬಲಿಸಬಹುದು:

* ಪ್ರಾಯೋಜಕತ್ವಗಳು ಮತ್ತು ಜಾಹೀರಾತುಗಳು

* ಯಾವುದೇ ಮೊತ್ತದ ದೇಣಿಗೆಗಳು

* ಕುಟುಂಬ ಮತ್ತು ಸ್ನೇಹಿತರೊಂದಿಗೆ ಸಂಗೀತ ಸಂಜೆಗೆ ಹಾಜರಾಗುವುದು

* ಸುದ್ದಿಯನ್ನು ಹರಡುವುದು ಮತ್ತು ಇತರರಿಗೆ ಸಹಾಯ ಮಾಡಲು ಪ್ರೇರೇಪಿಸುವುದು.

ಉಡುಪಿ ಡಯಾಸಿಸ್‌ನ ಅತ್ಯಂತ ದೊಡ್ಡ ಸಾಮಾನ್ಯ ಸಂಘಟನೆಯಾದ ಕಥೋಲಿಕ್ ಸಭಾ, ಅದರ ಕ್ರಿಯಾತ್ಮಕ ಡಯೋಸಿಸನ್ ಅಧ್ಯಕ್ಷ ಶ್ರೀ ರೊನಾಲ್ಡ್ ಡಿ.ಎಲ್ಮೇಡಾ ಮತ್ತು ಅವರ ಒಗ್ಗಟ್ಟಿನ ತಂಡದ ಅಡಿಯಲ್ಲಿ, ಕಲ್ಯಾಣಪುರ, ಕುಂದಾಪುರ, ಉಡುಪಿ, ಶಿರ್ವ ಮತ್ತು ಕಾರ್ಕಳ ಎಂಬ ಐದು ಡೀನರಿಗಳಲ್ಲಿ ಸಕ್ರಿಯ 52 ಘಟಕಗಳನ್ನು ಹೊಂದಿದೆ, ಈ ಕಾರ್ಯಾಚರಣೆಯನ್ನು ನಂಬಿಕೆ ಮತ್ತು ದೃಢಸಂಕಲ್ಪದಿಂದ ಕೈಗೆತ್ತಿಕೊಂಡಿದೆ. ಸಾಮಾಜಿಕವಾಗಿ ಪ್ರಜ್ಞೆ ಹೊಂದಿರುವ ಹಿತೈಷಿಗಳು ಮತ್ತು ಉದಾರ ದಾನಿಗಳ ಸದ್ಭಾವನೆಯ ಮೇಲೆ ನಾವು ಸಂಪೂರ್ಣವಾಗಿ ಅವಲಂಬಿತರಾಗಿದ್ದೇವೆ.

ಈ ಗುಣಪಡಿಸುವಿಕೆಯ ದಾರಿದೀಪವನ್ನು ಬಲಪಡಿಸಲು ನಾವು ಕೈಜೋಡಿಸೋಣ.

ನಮ್ಮ ಸಂಗೀತವು ಔಷಧವಾಗಲಿ.

ನಮ್ಮ ಔದಾರ್ಯವು ಬಳಲುತ್ತಿರುವವರಿಗೆ ಸಾಂತ್ವನ ನೀಡಲಿ.

ನಮ್ಮ ಏಕತೆಯು ಗೊರೆಟ್ಟಿ ಆಸ್ಪತ್ರೆಗೆ ಹೊಸ ಜೀವನವನ್ನು ನೀಡಲಿ.

ಪ್ರತಿಯೊಂದು ಕೊಡುಗೆಯು ಅನೇಕರಿಗೆ ಗುಣಪಡಿಸುವಿಕೆಯನ್ನು ತರಲಿ.

ದೇವರು ನಿಮ್ಮ ದಯೆಯನ್ನು ಹೇರಳವಾಗಿ ಆಶೀರ್ವದಿಸಲಿ.

ನಿಮ್ಮ ಪೂರ್ಣ ಹೃದಯದ ಬೆಂಬಲ ಮತ್ತು ಉಪಸ್ಥಿತಿಯನ್ನು ನಾವು ಎದುರು ನೋಡುತ್ತಿದ್ದೇವೆ.

ನಿಮ್ಮ ಪ್ಯಾರಿಷ್‌ನಲ್ಲಿರುವ ಆಯಾ ಸಿಎಸ್ ಸದಸ್ಯರಿಂದ ನಿಮ್ಮ ಪ್ರವೇಶ ಪಾಸ್‌ಗಳನ್ನು ಮುಂಚಿತವಾಗಿ ಬುಕ್ ಮಾಡಿ ಮತ್ತು ನಮ್ಮ ಸ್ವಂತ ಹಿತಾಸಕ್ತಿಗಳಲ್ಲಿ ಮಾತ್ರವಲ್ಲದೆ ಈ ‘ಬಡವರು ಮತ್ತು ದೀನದಲಿತರ ವರ್ಷ 2026’ ಸಮಯದಲ್ಲಿ ಮಿಷನ್‌ನ ಭಾಗವಾಗಲು ಅವಕಾಶವಾಗಿಯೂ ಒಂದು ಉದ್ದೇಶಕ್ಕಾಗಿ ಬೆಂಬಲ ನೀಡಲು ನಾವು ಒಗ್ಗಟ್ಟಿನಿಂದ ನಿಲ್ಲೋಣ.

ಕೃತಜ್ಞತೆ ಮತ್ತು ಪ್ರಾರ್ಥನೆಗಳೊಂದಿಗೆ,
ಪಿ. ಆರ್ಚಿಬಾಲ್ಡ್ ಫರ್ಟಾಡೊ
ಅಧ್ಯಕ್ಷರು
ಕ್ಯಾಥೋಲಿಕ್ ಸಭಾ, ಮೌಂಟ್ ರೋಸರಿ ಚರ್ಚ್
ಸಂತೆಕಟ್ಟೆ–ಕಲ್ಲಿಯನ್‌ಪುರ

Mega Joshal D’Souza Music Night in Aid of ‘Goretti Hospital’ at Santekate on Easter

‘In Aid of Goretti Hospital Mega Joshal DSouza Musical Nite’ Easter Sunday | 5th April 2026 | From 5.00 p.m. onwards…

Open Air Stage, Mount Rosary Church Grounds, Santhekatte–Kallianpur
The Catholic Sabha Udupi Pradesh (Regd.) warmly invites you to a ‘Mega Joshal D’Souza Musical Nite’, a grand evening of music, fellowship and compassion—organised with a noble mission close to every heart in our region.

This special initiative is dedicated to Goretti Hospital, Santhekatte–Kallianpur, located in the Mount Rosary Church Campus, a humble yet heroic healthcare institution that has served our people with love and commitment for over 65 years.
Founded in 1958 by the then Diocese of Mangalore under the visionary leadership of Msgr Denis Jerome D’Souza, then Vicar Vara of Kallianpur Varado and later entrusted to the devoted SRA Sisters in 1962, ‘Goretti Hospital’
has been a place where life began, hope was restored and countless families found healing.

A brief note on SRA Sisters:

The Congregation of the ‘Missionary Sisters of Queen of Apostles’ is an Apostolic Congregation of pontifical rights, widely known as SRA – Congregatio Missionalies Sororum Reginae Aposatolorum. It was canonically established on 1st July 1923, in Vienna, Austria and there are various houses in Italy, Germany, Belgium etc and close to 100 convents in India including Karnataka and Kallianpur have the rare credit of theirs first…in 1962, with medical, educational and social field, which still continues…

From the 1960s to the 1990s, its maternity ward witnessed the birth of generations from our middle-class and poor families. Its OPD and surgical services became a lifeline for the sick and the needy. For many, Goretti Hospital is not just a building—it is a memory, a blessing, a place of compassion.
Today, as times change and medical needs grow, this beloved hospital stands at an important turning point. The demand for better healthcare facilities, modern equipment and specialised services is increasing rapidly. To continue its mission of serving all—especially the poor and marginalised—the hospital urgently needs support for:

• 24×7 availability of doctors
• Dialysis equipment and Nephrology services
• Expanded Gynaecology and Women’s Health facilities
• Ambulance, blood bank and other lifesaving services
• Upgrading infrastructure to meet present-day medical standards
  Rather than building something new, we believe it is wise and meaningful to strengthen the hospital we already have—a hospital rooted in compassion, service and community trust.
  This ‘Mega Musical Nite’ is our humble effort to bring people together for this sacred cause. Your presence, encouragement and contribution will help ensure that ‘Goretti Hospital’ continues to heal, serve and save lives for generations to come.

You can support this mission by:

• Sponsorships and advertisements
• Donations of any amount
• Attending the musical evening with family and friends
• Spreading the word and inspiring others to help.

The Catholic Sabha, the largest laity organisation of the Udupi Diocese under its dynamic Diocesan President Mr Ronald DAlmeida and his cohesive team, with active 52 units across five deaneries—Kallianpur, Kundapura, Udupi, Shirva and Karkala—has taken up this mission with faith and determination. We rely entirely on the goodwill of socially conscious well-wishers and generous donors.
Let us join hands to strengthen this beacon of healing.
Let our music become medicine.
Let our generosity bring comfort to the suffering.
Let our unity give new life to Goretti Hospital.
May every contribution bring healing to many.
May God bless your kindness abundantly.
We look forward to your wholehearted support and presence.

Book your entry passes well in advance from respective CS Members in your parish and let us stand united to support for a cause not only in our own interests but as an opportunity to be part of a mission during this ‘year of Poor and downtrodden 2026’.

With gratitude and prayers,
P. Archibald Furtado
President
Catholic Sabha, Mount Rosary Church
Santhekatte–Kallianpur

ಕುಂದಾಪುರದ ಮೂಡ್ಲಕಟ್ಟೆ ಇನ್‌ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿ (MIT) ಇಲ್ಲಿನ ಡಿಪಾರ್ಟ್ಮೆಂಟ್ ಆಫ್ ಮ್ಯಾನೇಜ್ಮೆಂಟ್ ಸ್ಟಡೀಸ್ (MBA) ವತಿಯಿಂದ   ಕಾಲೇಜಿನಲ್ಲಿ “ಬಜೆಟ್ ವಿಶ್ಲೇಷಣೆ–2026” ಕುರಿತ ಸ್ಪರ್ಧೆಯನ್ನು ಎಂ ಬಿ ಎ ವಿದ್ಯಾರ್ಥಿಗಳಿಗೆ ಯಶಸ್ವಿಯಾಗಿ ಆಯೋಜಿಸಲಾಯಿತು.

ಕಾರ್ಯಕ್ರಮಕ್ಕೆ ಕಾಲೇಜಿನ ಪ್ರಾಂಶುಪಾಲರಾದ ಡಾ. ರಾಮಕೃಷ್ಣ ಹೆಗ್ಡೆ  ಉಪಸ್ಥಿತರಿದ್ದು, ಸ್ಪರ್ಧೆಗೆ ಶುಭ ಹಾರೈಸಿ ವಿದ್ಯಾರ್ಥಿಗಳನ್ನು ಉದ್ದೇಶಿಸಿ ಮಾತನಾಡಿದರು. ಇಂತಹ  ಚಟುವಟಿಕೆಗಳು ವಿದ್ಯಾರ್ಥಿಗಳ ಜ್ಞಾನ ಮತ್ತು ಆತ್ಮವಿಶ್ವಾಸವನ್ನು ಹೆಚ್ಚಿಸುತ್ತವೆ ಎಂದು ಅವರು ತಿಳಿಸಿದರು.

ಈ ಸ್ಪರ್ಧೆಯ ಉದ್ದೇಶ ವಿದ್ಯಾರ್ಥಿಗಳಿಗೆ ಕೇಂದ್ರ ಬಜೆಟ್ 2026 ಕುರಿತು ಆಳವಾದ ಅರಿವು ಮೂಡಿಸುವುದಾಗಿದ್ದು, ವಿದ್ಯಾರ್ಥಿಗಳು ಬಜೆಟ್‌ನ ಆದಾಯ–ವೆಚ್ಚ ವಿನ್ಯಾಸ, ವಿವಿಧ ಕ್ಷೇತ್ರಗಳಿಗೆ ನೀಡಿರುವ ಅನುದಾನ ಹಾಗೂ ಆರ್ಥಿಕ ಪರಿಣಾಮಗಳ ಕುರಿತು ಪ್ರೆಸೆಂಟೇಷನ್  ನೀಡಿದರು.

ಸ್ಪರ್ಧೆಯ ಮೌಲ್ಯಮಾಪನವನ್ನು ಅರ್ಥಶಾಸ್ತ್ರ ಪ್ರಾಧ್ಯಾಪಕರಾದ ಡಾ. ಸುಬ್ರಹ್ಮಣ್ಯ, ಸರಕಾರಿ ಪ್ರಥಮ ದರ್ಜೆ ಕಾಲೇಜು, ಕೋಟಾ. ಅವರು ನೆರವೇರಿಸಿದರು. ಅವರು ವಿದ್ಯಾರ್ಥಿಗಳ ವಿಶ್ಲೇಷಣಾತ್ಮಕ ದೃಷ್ಟಿಕೋನ ಮತ್ತು ಪ್ರೆಸೆಂಟೇಶನ್  ಕೌಶಲ್ಯವನ್ನು ಮೆಚ್ಚಿ, ಉಪಯುಕ್ತ ಸಲಹೆಗಳನ್ನು ನೀಡಿದರು. ಜೊತೆಗೆ ಎಂಬಿಎ  ವಿಭಾಗದ  ಸಹಾಯಕ ಪ್ರಾಧ್ಯಾಪಕರಾದ  ಪರಿಚರಣ್ ಅವರು ಆಂತರಿಕ ಮೌಲ್ಯಮಾಪಕರಾಗಿ ಕಾರ್ಯನಿರ್ವಹಿಸಿದರು.

 ಸ್ಪರ್ಧೆಯಲ್ಲಿ ಉತ್ತಮ ಪ್ರದರ್ಶನ ನೀಡಿದ ವಿದ್ಯಾರ್ಥಿಗಳಿಗೆ ವಿಜೇತ ಮತ್ತು ರನ್ನರ್‌ಅಪ್ ಬಹುಮಾನ, ನಗದು ಬಹುಮಾನ ಹಾಗೂ ಟ್ರೋಫಿ ನೀಡಿ ಗೌರವಿಸಲಾಯಿತು.

ಈ ಕಾರ್ಯಕ್ರಮದಲ್ಲಿ ಎಂಬಿಎ ವಿಭಾಗದ ಮುಖ್ಯಸ್ಥೆ ಡಾ. ಸುಚಿತ್ರ ಪೂಜಾರಿ ಹಾಗೂ ಇತರ ಉಪನ್ಯಾಸಕರು ಉಪಸ್ಥಿತರಿದ್ದರು. ಕಾರ್ಯಕ್ರಮದ ನಿರ್ವಹಣೆಯನ್ನು ಎಂಬಿಎ  ಪ್ರಥಮ ವರ್ಷದ ವಿದ್ಯಾರ್ಥಿನಿ ಅದಿತಿ ಅವರು ಸಮರ್ಥವಾಗಿ ನಿರ್ವಹಿಸಿದರು. ಕಾರ್ಯಕ್ರಮದ ಅಂತ್ಯದಲ್ಲಿ ಪ್ರಥಮ ವರ್ಷದ ಎಂಬಿಎ ವಿದ್ಯಾರ್ಥಿನಿ ಶ್ವೇತಾ ಅವರು ವಂದಿಸಿದರು.

ವಿದ್ಯಾರ್ಥಿಗಳು ಹಾಗೂ ಬೋಧಕ ವೃಂದದ ಸಕ್ರಿಯ ಭಾಗವಹಿಸುವಿಕೆಯಿಂದ ಕಾರ್ಯಕ್ರಮ ಯಶಸ್ವಿಯಾಗಿ ನಡೆಯಿತು.

ಕುಂದಾಪುರದ ಆರ್.ಎನ್.ಶೆಟ್ಟಿ ಸಂಯುಕ್ತ ಪದವಿ ಪೂರ್ವ ಕಾಲೇಜಿನ ಪ್ರಥಮ ಪಿ.ಯು.ಸಿ ವಿಜ್ಞಾನ ವಿಭಾಗದ ವಿದ್ಯಾರ್ಥಿನಿ ಗಾರ್ಗಿದೇವಿ ಭರತನಾಟ್ಯದಲ್ಲಿ ರಾಜ್ಯಮಟ್ಟದ ಪ್ರತಿಭಾ ಕಾರಂಜಿ ಸ್ಪರ್ಧೆಯಲ್ಲಿ ಪ್ರಥಮ ಸ್ಥಾನ ಪಡೆದಿರುತ್ತಾರೆ. ಭರತನಾಟ್ಯ ಪ್ರವೀಣೆ ವಿದ್ಯಾರ್ಥಿನಿ ಗಾರ್ಗಿದೇವಿಯ ಈ ಅಮೋಘ ಸಾಧನೆಯನ್ನು ಶ್ಲಾಘಿಸಿ, ಕಾಲೇಜಿನ ಸಂಚಾಲಕರಾದ ಶ್ರೀ ಬಿ‌. ಎಂ. ಸುಕುಮಾರ್ ಶೆಟ್ಟಿಯವರು, ಕಾರ್ಯದರ್ಶಿಯವರು, ಆಡಳಿತ ಮಂಡಳಿ ಸದಸ್ಯರು, ಪ್ರಾಂಶುಪಾಲರು ಹಾಗೂ ಬೋಧಕ-ಬೋಧಕೇತರ ಸಿಬ್ಬಂಧಿಗಳು ಅಭಿನಂದನೆಗಳನ್ನು ಸಲ್ಲಿಸಿರುತ್ತಾರೆ‌.

ಪಡುಕೋಣೆ; ದಿನಾಂಕ : 8/2/2026 ರ಼ಂದು ಮಿಶಿನರಿ ಮಕ್ಕಳ ವಾರ್ಷಿಕ ದಿನಾ ಚರಣೆಯನ್ನು ಆಚರಿಸಲಾಯಿತು. ಚರ್ಚಿನ ಧರ್ಮ ಗುರುಗಳಾದ ವಂ| ಫಾ| ಪ್ರಾನ್ಸಿಸ್ ಕರ್ನೆಲಿಯೊರವರು ಮಿಶಿನರಿ ಸಂಘದ ಮಕ್ಕಳು ಹಾಗೂ ಚರ್ಚಿನ ಭಕ್ತಾದಿಗಳ ಜೊತೆಗೂಡಿ ದಿವ್ಯ ಬಲಿಪೂಜೆಯನ್ನು ಅರ್ಪಿಸಿದರು.
ಬಲಿಪೂಜೆಯ ನಂತರ ಸಭಾಕಾರ್ಯಕ್ರಮ ಪ್ರಾರ್ಥನೆಯೊಂದಿಗೆ ಪ್ರಾರಂಭಿಸಲಾಯಿತು. ಕಾರ್ಯಕ್ರಮದ ಅಧ್ಯಕ್ಷರಾಗಿದ್ದ ವಂ। ಫಾ।ಪ್ರಾನ್ಸಿಸ್ ಕರ್ನೆಲಿಯೊ ಮಕ್ಕಳೊಂದಿಗೆ ಈ ಸಂಘದ ಬಗ್ಗೆ ವಿವರಿಸುತ್ತಾ ಸಂಘವನ್ನು 1843ರಲ್ಲಿ ಪ್ರಾನ್ಸ್ ದೇಶದಲ್ಲಿ ಸ್ಥಾಪಿಸಿದರು.ಮಿಶಿನರಿ ಮೇಳ ಅಂದರೆ ಬಾಲಯೇಸುವಿನ ಮೇಳ ಅಂದರೆ ಮಕ್ಕಳಸಂಘ, ಪರಸ್ಪರ ಒಬ್ಬರಿಗೊಬ್ಬರು ಸಹಾಯ ಮಾಡಿ ತ್ರಪ್ತಿ ಪಡೆಯುವ ಸಂಘ ಎಂದು ಕರೆಯುವರು. ಈ ಸಂಘವು 110 ರಾಷ್ಟ್ರಗಳಲ್ಲಿ ಇದೆ. ನಮ್ಮ ಭಾರತ ದೇಶದಲ್ಲಿಯೂ ಇದೆ. ಈ ಸಂಘದಿಂದ ಮಕ್ಕಳು ಅಧ್ಯಾತ್ಮಿಕ ಮತ್ತು ಲೌಕಿಕವಾಗಿ ಬೆಳೆಯುವ ರೀತಿ., ಮಾಡಬೇಕಾದ ತ್ಯಾಗ, ಪ್ರೀತಿ, ಬಾಂಧವ್ಯ, ಬಡಮಕ್ಕಳಿಗೆ ಸಹಾಯಹಸ್ತ, ದೊಡ್ಡವರಿಗೆ ಕೊಡುವ ಗೌರವ, ಮಾನ್ಯತೆ, ಪರಸ್ಪರ ಹಂಚಿಕೊಳ್ಳವ ರೀತಿ, ಒಳ್ಳೆಯ ಗುಣನಡತೆ, ಉತ್ತಮ ಶಿಕ್ಷಣ ಪಡೆಯುವ ರೀತಿ, ಜವಾಬ್ದಾರಿ ಹಂಚಿ ಕೊಳ್ಳುವ ಬಗ್ಗೆ, ಒಗ್ಗಟ್ಟು, ಶಿಸ್ತು, ‌ಶೀಲ, ಶಿಕ್ಷಣ ಹಾಗೂ ಅಧ್ಯಾತ್ಮಿಕ ಚಿಂತನೆ, ಪ್ರಾರ್ಥನೆಯ ಮಹತ್ವ ಈ ಎಲ್ಲಾ ವಿಷಯಗಳ ಕುರಿತು ಅರಿವು ಮೂಡಿಸಿದರು.

ಮುಖ್ಯ ಅತಿಥಿ ಸಿಸ್ಟರ್ ಪ್ರೇಮ್ ರೋಜ್ ರವರು ಮಕ್ಕಳಿಗೆ ಸಂತ ತೆರೇಸಾರವರ ಜೀವನದ ಕುರಿತು ಉತ್ತಮ ಸಂದೇಶ ನೀಡಿ, ನೀವು ನಿಮ್ಮ ಜೀವನವನ್ನು ಆದಷ್ಟು ಅನಾಥರ, ರೋಗಿಗಳ ಸೇವೆ ಮಾಡುವುದರಿಂದ ನಮ್ಮ ಮನ್ಸಿಗೆ ನೆಮ್ಮದಿ ತೃಪ್ತಿ ಎಂದು ಕಿವಿ ಮಾತು ಹೇಳಿದರು. ಅನಂತರ ಮಕ್ಕಳಿಗೆ ಕೆಲವು ಪ್ರಶ್ನೆ ಗಳನ್ನು ಕೇಳಿ ಉತ್ತಮ ವಾಗಿ ಉತ್ತರಿಸಿದ ಮಕ್ಕಳಿಗೆ ಹಾಗೂ ಸಂಘಕ್ಕೆ ತಪ್ಪದೇ ಹಾಜರಾದ ಮಕ್ಕಳಿಗೆ ಬಹುಮಾನ ನೀಡಲಾಯಿತು. ಪ್ರಸ್ತೂತ ಜರ್ಮನಿಯಲ್ಲಿ ಸೇವೆ ನೀಡುವ ಸಿಸ್ಟರ್ ಲೂಸಿ, ಆಲ್ವಿನ್ ಡಿ’ಆಲ್ಮೇಡ್, ಶಾಂತಿ ಪಾಯಸ್ ಮುಖ್ಯಶಿಕ್ಷಕಿ ಸಂತ ಅಂತೋನಿ ಹಿ. ಪ್ರಾ. ಶಾಲೆ ಪಡುಕೋಣೆ ಇವರು ವೇದಿಕೆಯಲ್ಲಿ ಉಪಸ್ಥಿತರಿದ್ದರು.

ಸಂಘದ ಸದಸ್ಯೆ ಕುಮಾರಿ ಹೋಲೊರಾ ರೆಬೆಲ್ಲೊ, ಸಂಘದ ವಾರ್ಷಿಕ ವರದಿಯನ್ನು ಮಂಡಿಸಿದರು. ಸುಮಾರು 54 ಮಂದಿ ಸಂಘದ ಮಕ್ಕಳು ಹಾಗೂ ಸಂಘದ ಅಭಿಮಾನಿಗಳು ಹಾಜರಿದ್ದರು. ಮಿಶಿನರಿ ಸಂಘದ ಮಿಶಿನರಿ ಸಂಘದ ಸಚೇತಕಿ ಶಿಕ್ಷಕಿ ಡೇರಿ ರೆಬೆಲ್ಲೊ ಸ್ವಾಗತಿಸಿ ಕಾರ್ಯಕ್ರಮವನ್ನು ನಿರೂಪಿಸಿ, ಧನ್ಯವಾದವನ್ನು ನೀಡಿದರು. ಪ್ರಾರ್ಥನೆ ಮತ್ತು ಲಘು ಉಪಹಾರ ದೊಂದಿಗೆ ಕಾರ್ಯಕ್ರಮ ಮುಕ್ತಾಯವಾಯಿತು.

ಜಿಲ್ಲಾ ಪಂಚಾಯತ್ ಮಾಜಿ ಉಪಾಧ್ಯಕ್ಷರು , ತಾಲೂಕು ಪಂಚಾಯತ್ ಮಾಜಿ ಅಧ್ಯಕ್ಷರಾದ ರಾಜು ದೇವಾಡಿಗರು , ಓರ್ವ ಸಜ್ಜನ ರಾಜಕಾರಣಿ , ಸಾಮಾಜಿಕ ನ್ಯಾಯಕ್ಕಾಗಿ ದುಡಿದವರು . ರಾಜಕೀಯ ಜೀವನದಲ್ಲಿ ಪ್ರಾಮಾಣಿಕವಾಗಿ , ಜನಸಾಮಾನ್ಯರ ಸಮಸ್ಯೆಗಳಿಗೆ ಧ್ವನಿಯಾದವರು. ಓರ್ವ ಶಾಸಕನಾಗುವ ಎಲ್ಲಾ ಗುಣಗಳನ್ನು ಹೊಂದಿದವರು. ಅವರ ಅಗಲುವಿಕೆ ಸಮಾಜಕ್ಕೆ ಆದ ನಷ್ಟವೆಂದು , ಅಕ್ರಮ-ಸಕ್ರಮ ಸಮಿತಿಯ ಸದಸ್ಯರಾದ ಹಿರಿಯ ಕಾಂಗ್ರೆಸ್ಸಿಗ ಕೆದೂರು ಸದಾನಂದ ಶೆಟ್ಟಿ ಹೇಳಿದರು.

ಇಲ್ಲಿನ ಬ್ಲಾಕ್ ಕಾಂಗ್ರೆಸ್ ಕಚೇರಿಯಲ್ಲಿ ನಡೆದ ರಾಜು ದೇವಾಡಿಗ ರವರ ಶ್ರದ್ಧಾಂಜಲಿ ಸಭೆಯಲ್ಲಿ ಅವರು ನುಡಿ ನಮನ ಸಲ್ಲಿಸಿದರು.

ನಾಯಕರಾದ ಮೊಳಹಳ್ಳಿ ದಿನೇಶ ಹೆಗ್ಡೆ , ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷ ಹರಿಪ್ರಸಾದ್ ಶೆಟ್ಟಿ , ಮಾಜಿ ಜಿಲ್ಲಾ ಪಂಚಾಯತ್ ಸದಸ್ಯೆ ಸುಮನ , ಸಾಮಾಜಿಕ ಕಾರ್ಯಕರ್ತ ಗುಲ್ವಾಡಿ ಪ್ರಭಾಕರ ಶೆಟ್ಟಿ ಶ್ರದ್ಧಾಂಜಲಿಯ ಮಾತುಗಳನ್ನು ಆಡಿದರು.

ಈ ಸಂದರ್ಭದಲ್ಲಿ ನಗರ ಯೋಜನಾ ಪ್ರಾಧಿಕಾರ ಅಧ್ಯಕ್ಷ ವಿನೋದ್ ಕ್ರಾಸ್ಟೊ , ಮಹಿಳಾ ಬ್ಲಾಕ್ ಅಧ್ಯಕ್ಷ ದೇವಕಿ ಸಣ್ಣಯ್ಯ , ಅನಗಳ್ಳಿ ಪಂಚಾಯತ್ ಅಧ್ಯಕ್ಷೆ ಸವಿತಾ , ಕೆ ಡಿ ಪಿ ಸದಸ್ಯರಾದ ರಮೇಶ ಶೆಟ್ಟಿ , ಪಂಚಾಯತ್ ಸದಸ್ಯರಾದ ವಿಜಯಾದರ್ ಕೆವಿ , ಗೀತಾ , ಪುರಸಭಾ ಸದಸ್ಯರಾದ ಶ್ರೀಧರ್ ಶೇರೀಗಾರ್ , ಪ್ರಭಾವತಿ ಶೆಟ್ಟಿ , ಶಶಿ ರಾಜ್ ಪೂಜಾರಿ , ಅಶೋಕ್ ಸುವರ್ಣ , ಸದಾನಂದ ಖಾರ್ವಿ , ಶಶಿಧರ ನಂದಿಬೆಟ್ಟು , ಗ್ಯಾರಂಟಿ ಸಮಿತಿಯ ಸದಸ್ಯರಾದ ಗಣೇಶ್ ವಿ , ಆಶಾ ಕರ್ವಾಲೊ , ಪ್ರಮುಖರಾದ ರೇವತಿ ಶೆಟ್ಟಿ , ರೋಶನ್ ಶೆಟ್ಟಿ , ಸೀಮಾ ಪೂಜಾರಿ , ಅರುಣ್ ಪಟೇಲ್ ,ಕೇಶವ ಭಟ್ , ಸುನಿಲ್ ಪೂಜಾರಿ , ಜೋಸೆಫ್ ರೆಬೆಲ್ಲೊ , ರಿಯಾಜ್ ಕೋಡಿ , ಅಶ್ವತ್ ಕುಮಾರ್ , ಕೆ ರಾಧಾ ಶೆಟ್ಟಿಗಾರ್ , ವಿವೇಕಾನಂದ , ಜೋಯ್ ರೆಬೆಲ್ಲೊ , ಕಾರ್ತಿಕ್ , ವಿನಯ , ಎಡಾಲ್ಫ್ ಡಿಕೊಸ್ಟಾ , ನಿತಿನ್ ಡಿಸೋಜಾ ಕೋಣಿ ಇನ್ನಿತರರು ಉಪಸ್ಥಿತರಿದ್ದರು.

ಬೆಳ್ತಂಗಡಿ, ಫೆ.9: ದ.ಕ.ಜಿಲ್ಲೆ ಶಿಕ್ಷಣ ಕ್ಷೇತ್ರದಲ್ಲಿ ಮುಂಚೂಣಿಯಲ್ಲಿರುವ ಕ್ಷೇತ್ರ. ನಮ್ಮಲ್ಲಿ ಅನೇಕರು ಶಿಕ್ಷಣ ಕ್ಷೇತ್ರಕ್ಕೆ ತಮ್ಮದೇ ಆದ ಕೊಡುಗೆ ನೀಡಿದ್ದಾರೆ. ಅದರಲ್ಲೂ ವಿದ್ವತ್ ಶಿಕ್ಷಣ ಸಂಸ್ಥೆ ಸಮಾಜಮುಖಿಯಾಗಿ ಚಿಂತಿಸಿ, ಸಮಾಜದ ವಿದ್ಯಾರ್ಥಿಗಳಿಗಾಗಿ 54 ಕ್ಕೂ ಅಧಿಕ ಸ್ಪರ್ಧಾತ್ಮಕ ಪರೀಕ್ಷೆಗಳಿವೆ, ಅದಕ್ಕೆ ಹೇಗೆ ತಯಾರಿ ನಡೆಸಬೇಕೆಂಬ ನೆಲೆಯಲ್ಲಿ ಜಿಲ್ಲೆಯಲ್ಲೇ ಮೊದಲ ಬಾರಿಗೆ ಉಚಿತವಾಗಿ ಮಾರ್ಗದರ್ಶನ ನೀಡಲು ಮುಂದಾಗಿರುವ ಏಕೈಕ ಕಾಲೇಜೆಂದರೆ ಅದು ವಿದ್ವತ್ ಕಾಲೇಜು ಎಂದು ಹೇಳಲು ಹೆಮ್ಮೆಯಾಗುತ್ತಿದೆ ಎಂದು ಹಿರಿಯ ಪತ್ರಕರ್ತ, ಮಂಗಳೂರು ಪ್ರೆಸ್ ಕ್ಲಬ್ ಅಧ್ಯಕ್ಷ ಪಿ.ಬಿ.ಹರೀಶ್ ರೈ ಹೇಳಿದರು.

ಗುರುವಾಯನಕೆರೆ ವಿದ್ವತ್ ಪಿಯು ಕಾಲೇಜಿನಿಂದ ಫೆ. 8 ರಂದು ಕಾಲೇಜಿನ ಆವರಣದಲ್ಲಿ ನಡೆದ Walk-in to VIDVATH, A step into success ಎಂಬ ಉಚಿತ ಶೈಕ್ಷಣಿಕ ಸಮಾಲೋಚನೆ ಮತ್ತು ವೃತ್ತಿ ಮಾರ್ಗದರ್ಶನ ಕಾರ್ಯಕ್ರಮ ಲೋಕಾರ್ಪಣೆಗೊಳಿಸಿ ಮಾತನಾಡಿದರು.

ಜನ್ಮಕೊಟ್ಟ ತಂದೆತಾಯಿ ಹಾಗೂ ವಿದ್ಯೆಕೊಟ್ಟ ಗುರು ದೇವರಿಗೆ ಸಮಾನ. ವಿದ್ವತ್ ಕಾಲೇಜಿನಲ್ಲಿ ವೃತ್ತಿ ಮಾರ್ಗದರ್ಶನ ಶಿಬಿರದಲ್ಲಿ ಪದ್ಮಶ್ರೀ ಪುರಸ್ಕೃತ ಹರೇಕಳ ಹಾಜಬ್ಬರಂತವರನ್ನು ಕರೆಸಿ ಕಾರ್ಯಕ್ರಮ ಲೋಕಾರ್ಪಣೆ ಮಾಡಿರುವುದು ನಿಜಕ್ಕೂ ಅರ್ಥಪೂರ್ಣ. ಹಾಗೂ ಭಾಗ್ಯ ಎಂದು ಹೇಳಬಹುದು. ಮೊದಲ ಬಾರಿಯ ಫಲಿತಾಂಶಕ್ಕೆ ವಿದ್ವತ್ ಶಿಕ್ಷಣ ಸಂಸ್ಥೆ ಕಾತುರದಲ್ಲಿದೆ. ಬರುವ ಹತ್ತು ವರ್ಷದಲ್ಲಿ ವಿದ್ವತ್ ಕಾಲೇಜು ರಾಜ್ಯದಲ್ಲೇ ಅತ್ಯುತ್ತಮ ಶೈಕ್ಷಣಿಕ ಸಂಸ್ಥೆಯಾಗಿ ಬೆಳೆಯಲಿದೆ ಎಂಬ ವಿಶ್ವಾಸ ನನಗಿದೆ. ನಮ್ಮ ಶಿಕ್ಷರು ಯಾರು ವೈದ್ಯರಲ್ಲ, ಇಂಜಿನಿಯರ್ ಗಳಲ್ಲ, ಆದರೆ ಅವರೆಲ್ಲರನ್ನು ಸೃಷ್ಟಿ ಮಾಡುವ ಮಹಾತ್ಮರು. ಹಾಗಾಗಿ ನೀವು ಪಡೆದ ಶಿಕ್ಷಣ ಸಂಸ್ಥೆ ಮತ್ತು ಗುರುಗಳ ಮೇಲೆ ಅಪಾರ ಗೌರವ ಇರಲಿ ಎಂದು ಕಿವಿ ಮಾತು ಹೇಳಿದರು.

*ಶಿಕ್ಷಣ ಪಡೆದ ಸಂಸ್ಥೆಗೆ ಕೀರ್ತಿ ತನ್ನಿ:
ವಾಕ್ ಇನ್ ಟು ವಿದ್ವತ್, ಎ ಸ್ಟೆಪ್ ಇನ್ ಟು ಸಕ್ಸಸ್ ನಾಮಫಲಕ ಅನಾವರಣ ಮಾಡಿದ ಪದ್ಮಶ್ರೀ ಹರೇಕಳ ಹಾಜಬ್ಬ ಅವರು ಮಾತನಾಡಿ, ಬಡತನವಾದ್ದರಿಂದ ನಾನು ಶಿಕ್ಷಣದಿಂದ ವಂಚಿತನಾದೆ. ಆದರೆ ಅದರಿಂದ ನಾನು ಪಟ್ಟ ಕಷ್ಟ ಬೇರೊಬ್ಬರು ಪಡಬಾರದು ಎಂಬ ನೆಲೆಯಲ್ಲಿ ನನ್ನೂರಲ್ಲಿ ಸರಕಾರಿ ಶಾಲೆ ತೆರೆಯುವ ಕನಸು ಕಂಡೆ. ಈ ಅಭಿಲಾಷೆ ಹೆಮ್ಮರವಾಗಿ ಬೆಳೆಯಿತು. ಅದನ್ನು ಮಾಧ್ಯಮಗಳು ಗುರುತಿಸಿದ್ದರಿಂದ ಈ ಬಡವನಿಗೆ ಇಂದು ಪದ್ಮಶ್ರೀ ಪ್ರಶಸ್ತಿ ಬರುವಂತಾಗಿದೆ. ಹಾಗಾಗಿ ನಾನು ವಿದ್ಯಾರ್ಥಿಗಳಿಗೆ ಕೈಮುಗಿದು ನಮಿಸುವುದೇನೆಂದರೆ ಶಿಕ್ಷಣ ಪಡೆದ ಸಂಸ್ಥೆಗೆ ಕೀರ್ತಿ ತನ್ನಿ ಎಂದು ಕರೆ ನೀಡಿದರು.

ಅಧ್ಯಕ್ಷತೆ ವಹಿಸಿದ ವಿದ್ವತ್ ಕಾಲೇಜಿನ ಅಧ್ಯಕ್ಷರಾದ ಸುಭಾಶ್ಚಂದ್ರ ಶೆಟ್ಟಿ ಮಾತನಾಡಿ, ಭಾರತೀಯ ಮೂಲವಾದ ಸಂಸ್ಕೃತ ಪದದಿಂದ ವಿದ್ವತ್ ಎಂಬ ಹೆಸರು ಇರಿಸಿದ್ದೇವೆ. ಇಂದು ಪೋಷಕರಲ್ಲಿ ತಮ್ಮ ಮಕ್ಕಳು ಏನು ಮಾಡಬೇಕೆಂಬ ಬಗ್ಗೆ ದೂರದೃಷ್ಟಿ ಆಲೋಚನೆಗಳಿಲ್ಲದೆ ಪರಿತಪಿಸುತ್ತಾರೆ. ಈ ನಿಟ್ಟಿನಲ್ಲಿ ವಿದ್ವತ್ ಕಾಲೇಜು ವಿದ್ವಾರ್ಥಿಗಳ ವಿವೇಚನೆಗಾಗಿ ಉಚಿತ ಶೈಕ್ಷಣಿಕ ಸಮಾಲೋಚನೆ ಹಾಗೂ ವೃತ್ತಿ ಮಾರ್ಗದರ್ಶನ ಪರಿಚಯಿಸಿದ್ದೇವೆ. ಇದು ಕೇವಲ ವಿದ್ಯಾರ್ಥಿಗಳಿಗೆ ಮಾತ್ರವಲ್ಲ, ಇದರ ಗಂಭೀರತೆ ಪೋಷಕರಿಗೂ ಅರಿವಿರಬೇಕು ಎಂಬುದು ನಮ್ಮ ಉದ್ದೇಶವಾಗಿದೆ. ಇದನ್ನು ಸದುಪಯೋಗ ಪಡಿಸಿಕೊಳ್ಳಿ ಎಂದು ತಿಳಿಸಿದರು.

ಕಾಲೇಜಿನ ಭೌತಶಾಸ್ತ್ರ ಪ್ರಯೋಗಾಲಯ ಉದ್ಘಾಟಿಸಿದ ಬೆಳ್ತಂಗಡಿ ಸಿರೋ ಮಲಬಾರ್ ಕ್ಯಾಥೊಲಿಕ್ ಧರ್ಮಪ್ರಾಂತ್ಯದ ಪ್ರಧಾನ ಗುರುಗಳಾದ ಫಾ.ಜೋಸೆಫ್ ವಲಿಯಪರಂಬಿಲ್ ಮಾತನಾಡಿ, ಇಲ್ಲಿ ಯುವ ಪೀಳಿಗೆ ಬೆರೆತುಕೊಳ್ಳಲು ಉತ್ತಮ ಅವಕಾಶವನ್ನು ವಿದ್ವತ್ ಕಾಲೇಜು ಪರಿಚಯಿಸಿದೆ. ವಿದ್ಯಾರ್ಥಿಗಳಿಗೆ ಶಿಕ್ಷಣದ ಜತೆಗೆ ಅವರ ಭವಿಷ್ಯ ರೂಪಿಸುವ ದೂರದೃಷ್ಟಿ ಚಿಂತನೆಗೆ ಕಾಲೇಜನ್ನು ಅಭಿನಂದಿಸುತ್ತೇನೆ. ವಿದ್ಯಾರ್ಥಿಗಳು ಈ ಸೌಲಭ್ಯ ಬಳಸಿಕೊಳ್ಳಿ, ಪ್ರಾಮಾಣಿಕವಾಗಿ ಸಕಾರಾತ್ಮಕ ಜ್ಞಾನ ಸಂಪಾದಿಸಿ, ಸಮರ್ಪಣೆಯೊಂದಿಗೆ ಪರಿಶ್ರಮಿಸಿ, ಮೌಲ್ಯಗಳೊಂದಿಗೆ ಬೆಳೆದು ಸಮಾಜಕ್ಕೆ ಉತ್ತಮ ಕೊಡುಗೆ ನೀಡುವ ಮಾನವರಾಗಿ ಎಂದು ಸಂದೇಶ ನೀಡಿದರು.

ರಸಾಯನಶಾಸ್ತ್ರ ಪ್ರಯೋಗಾಲಯ ಉದ್ಘಾಟಿಸಿ ಮಾತನಾಡಿ, ತಹಶೀಲ್ದಾರ್ ಪೃಥ್ವಿ ಸಾನಿಕಮ್ ಮಾತನಾಡಿ, ನಾವು ಬೇರೆಯವರೊಂದಿಗೆ ನಮ್ಮನ್ನು ತುಲನೆ ಮಾಡಬಾರದು. ವಿಜ್ಞಾನ ಇರುವುದು ಕಲಿಯಲು ಅಲ್ಲ, ಹೊರತಾಗಿ ಅವಿಷ್ಕರಿಸಲು. ಅವಿಷ್ಕರಿಸುವವರು ಬೆಳೆಯುತ್ತಾರೆ. ನಿಮ್ಮ ಆಲೋಚನಾ ಲಹರಿಯನ್ನು ವಿಸ್ತರಿಸಿ ಎಂದು ಕರೆ ನೀಡಿದರು.

ಜೀವಶಾಸ್ತ್ರ ಪ್ರಯೋಗಾಲಯ ಉದ್ಘಾಟಿಸಿದ ಕುವೆಟ್ಟು ಗ್ರಾಮ ಪಂಚಾಯತ್ ಅಧ್ಯಕ್ಷೆ ಭಾರತಿ ಶೆಟ್ಟಿ ಮಾತನಾಡಿ, ಹಿಂದೆ ರಾತ್ರಿ ಶಾಲೆಯಲ್ಲಿ ಕಲಿತು ಶಿಕ್ಷಣ ಪಡೆಯುತ್ತಿದ್ದರು. ಆದರೆ ಇಂದು ಉತ್ತಮ ಅಂಕಗಳಿಸಲು ರಾತ್ರಿ ಹಗಲು ಎನ್ನದೆ ಶಿಕ್ಷಣ ಪಡೆಯಬೇಕಿದೆ. ಈ ಶಿಕ್ಷಣ ಸಂಸ್ಥೆಯ ವಿದ್ಯಾರ್ಥಿಗಳಿಗೆ ಯಶಸ್ಸು ಸಿಗಲಿ ಎಂದು ಹಾರೈಸಿದರು.

ಸನ್ಮಾನ
ವಿಶೇಷ ಆಹ್ವಾನಿತರಾದ ಪದ್ಮಶ್ರೀ, ಶಿಕ್ಷಣ ಸಂತ ಹರೇಕಳ ಹಾಜಬ್ಬ ಹಾಗೂ ಮಂಗಳೂರು ಪ್ರೆಸ್ ಕ್ಲಬ್ ಅಧ್ಯಕ್ಷ ಹಾಗೂ ಹಿರಿಯ ಪತ್ರಕರ್ತ ಪಿ.ಬಿ.ಹರೀಶ್ ರೈ ಅವರನ್ನು ಕಾಲೇಜು ವತಿಯಿಂದ ವಿಶೇಷವಾಗಿ ಸನ್ಮಾನಿಸಲಾಯಿತು. ಉಚಿತ ಶೈಕ್ಷಣಿಕ ಸಮಾಲೋಚನೆಯಲ್ಲಿ ನೋಂದಾಯಿಸಿದ ವಿದ್ಯಾರ್ಥಿಗಳಿಗೆ ಬಹುಮಾನವಾಗಿ ನೀಡುವ ಟಿ.ಶರ್ಟ್ ನ್ನು ಸಂಸ್ಥೆಯ ಅಧ್ಯಕ್ಷರಾದ ಸುಭಾಶ್ಚಂದ್ರ ಶೆಟ್ಟಿ ಅನಾವರಣ ಮಾಡಿದರು.

ಕಾರ್ಯಕ್ರಮದಲ್ಲಿ ವಿದ್ವತ್ ಕಾಲೇಜು ಕಾರ್ಯದರ್ಶಿ ಪ್ರಜ್ವಲ್ ರೈ, ಟ್ರಸ್ಟಿಗಳಾದ ಎಂ.ಕೆ.ಕಾಶಿನಾತ್, ಸುಚಿತ್ರಾ ಶೆಟ್ಟಿ, ರೇಶ್ಮಾ ಸುಭಾಶ್ಚಂದ್ರ ಶೆಟ್ಟಿ, ಆಡಳಿತಾಧಿಕಾರಿ ಅಶೋಕ ಕುಮಾರ್ ಶೆಟ್ಟಿ ಉಪಸ್ಥಿತರಿದ್ದರು.

ಶೈಕ್ಷಣಿಕ ನಿರ್ದೇಶಕ ಗಂಗಾಧ ಇ ಮಂಡಗಳಲೆ ಸ್ವಾಗತಿಸಿದರು. ರಸಾಯನಶಾಸ್ತ್ರ ವಿಭಾಗ ಮುಖ್ಯಸ್ಥ ಪ್ರತಾಪ್ ಬಾಬು ಡಿ.ಎಂ. ಪ್ರಾಸ್ತಾವಿಸಿ ಮಾತನಾಡಿದರು. ಕಾಲೇಜು ಪ್ರಾಂಶುಪಾಲರಾದ ಹರೀಶ್ ಕೆ.ಆರ್. ವಂದಿಸಿದರು. ಬಾಲಕೃಷ್ಣ ಪೊರ್ದಾಲ್ ಕಾರ್ಯಕ್ರಮ ನಿರೂಪಿಸಿದರು. ಅತಿಥಿಗಳ ಸಂದೇಶ ಪತ್ರವನ್ನು ಪಿ.ಆರ್.ಒ. ಚೈತ್ರೇಶ್ ಸಿ. ವಾಚಿಸಿದರು‌.

ಪ್ರತಿಭಾ ಪುರಸ್ಕಾರವಾಗಿ ಲ್ಯಾಪ್ ಟಾಪ್, ಟ್ಯಾಬ್: ವಿದ್ವತ್ ಪ್ರತಿಭಾನ್ವೇಷಣೆ ಎಂಬ ಕಾರ್ಯಕ್ರಮದಡಿ ಕರ್ನಾಟಕ ರಾಜ್ಯದ ಎಲ್ಲೆಡೆಯಿಂದ ಆಗಮಿಸುವ 10ನೇ ತರಗತಿಯ ಪ್ರತಿಭಾನ್ವಿತ ವಿದ್ಯಾರ್ಥಿಗಳಿಗೆ “ಪ್ರತಿಭಾ ಪರೀಕ್ಷೆ” ಬರೆಯುವ ಅವಕಾಶವನ್ನು ವಿದ್ವತ್ ಎಜುಕೇಶನ್ ಫೌಂಡೇಶನ್ ನೀಡಲಿದೆ. ಈ ಪರೀಕ್ಷೆಯಲ್ಲಿ ಅಗ್ರ ಕ್ರಮಾಂಕದಲ್ಲಿ ಗುರುತಿಸಿರುವ ವಿದ್ಯಾರ್ಥಿಗೆ “ಲ್ಯಾಪ್ಟಾಪ್” ಮತ್ತು ಇತರ ಪ್ರತಿಭಾನ್ವಿತ 10 ವಿದ್ಯಾರ್ಥಿಗಳಿಗೆ “ಟ್ಯಾಬ್” ನ್ನು ವಿಶೇಷ ಬಹುಮಾನವಾಗಿ ನೀಡಲಿದೆ. ಹಾಗೂ ಟ್ಯಾಲೆಂಟ್ ಟೆಸ್ಟ್ ಅಥವಾ ಪ್ರತಿಭಾ ಪರೀಕ್ಷೆಯಲ್ಲಿ ಭಾಗವಹಿಸುವ ಎಲ್ಲಾ ವಿದ್ಯಾರ್ಥಿಗಳಿಗೂ ಅವರ ಅಂಕಗಳಿಕೆಗನುಗುಣವಾಗಿ ಕಾಲೇಜು ಶುಲ್ಕದಲ್ಲಿ ವಿಶೇಷ ರಿಯಾಯಿತಿಯನ್ನು ಒದಗಿಸಲಾಗುತ್ತದೆ ಎಂದು ಸಂಸ್ಥೆ ಅಧ್ಯಕ್ಷರಾದ ಶುಭಾಶ್ಚಂದ್ರ ಶೆಟ್ಟಿ ತಿಳಿಸಿದರು.