HOLY ROSARY CHURCH, KUNDAPUR – 450 th JUBILEE SOUVENIR 2021

ಮಂಗಳೂರು: ಭಾರತ ದೇಶವನ್ನು ಸಮೃದ್ಧವಾಗಿ ಕಟ್ಟಲು ಎಲ್ಲರೂ ಒಗ್ಗೂಡಿ ಶ್ರಮಿಸುವುದು ಅಗತ್ಯ ಎಂದು ಎನ್‍ಆರ್‍ಐ ಉದ್ಯಮಿ, ಕೊಡುಗೈ ದಾನಿ ಮೈಕಲ್ ಡಿಸೋಜ ಕರೆ ನೀಡಿದ್ದಾರೆ. ದೇಶಪ್ರೇಮ, ಸಾಮರಸ್ಯ ಮತ್ತು ಶಾಂತಿ, ಸೌಹಾರ್ದತೆಯನ್ನು ಹೆಚ್ಚಿಸುವುದರ ಜೊತೆಗೆ ಮಾನವತೆಯ ಧರ್ಮವು ಮುಖ್ಯ ಎಂದು ಅವರು ಪ್ರತಿಪಾದಿಸಿದರು.

ಸಂತ ಮದರ್ ತೆರೇಸಾ ವಿಚಾರ ವೇದಿಕೆ, ಮಂಗಳೂರು ಇವರ ಆಶ್ರಯದಲ್ಲಿ, ಹೋಲಿಕ್ರಾಸ್ ಚರ್ಚ್ ಕೋರ್ಡೆಲ್, ಕುಲಶೇಖರ ಇದರ ಸಹಕಾರದಲ್ಲಿ ಮಂಗಳವಾರ ಕುಲಶೇಖರದ ಕಲ್ಪನೆ ಮೈದಾನದಲ್ಲಿ ನಡೆದ ಬೆಳಕಿನ ಹಬ್ಬ ದೀಪಾವಳಿ ಸಮಾರಂಭ 2024 ಕಾರ್ಯಕ್ರಮದಲ್ಲಿ ಮುಖ್ಯ ಅತಿಥಿಯಾಗಿ ಅವರು ಮಾತನಾಡುತ್ತಿದ್ದರು.

ಅತಿಥಿಯಾಗಿದ್ದ ಚಿತ್ರನಟ ಅರವಿಂದ್ ಬೋಳಾರ್ ಮಾತನಾಡಿ, ದೀಪಾವಳಿಯು ಖುಷಿಯ, ಎಲ್ಲಾ ಧರ್ಮದವರು ಆಚರಿಸುವ ಹಬ್ಬವಾಗಿದೆ, ಸೌಹಾರ್ದತೆಯನ್ನು ಪಸರಿಸುವ ಇಂತಹ ಕಾರ್ಯಕ್ರಮಗಳು ನಿರಂತರವಾಗಿ ನಡೆಯಲಿ ಎಂದು ಶ್ಲಾಘಿಸಿದರು.

ಅತಿಥಿಯಾಗಿದ್ದ ಬಿಕರ್ನಕಟ್ಟೆ ಅಹ್ಸನುಲ್ ಮಸಾಜಿದ್ ಸದಸ್ಯರಾದ ಸರ್ಫುದ್ದೀನ್ ಬಿ.ಎಸ್. ಮಾತನಾಡಿ, ಭಾರತವು ಶತಮಾನಗಳಿಂದ ಶಾಂತಿ ಮತ್ತು ಒಳಿತು ಮಾಡಲು ಪ್ರೋತ್ಸಾಹಿಸಿದ ಬಹುತ್ವದ ನೆಲ, ವಿವಿಧತೆಯೇ ಏಕತೆ ಎಂದು ಸಂದೇಶ £ೀಡಿದರು. ದೇಶದ ಪ್ರಗತಿಗೆ ಎಲ್ಲಾ ಧರ್ಮಗಳ ಕೊಡುಗೆ ಇದೆ ಎಂದರು. ಮಂಗಳೂರಿಗೆ ಶಾಂತಿಯ, ಸೌಹಾರ್ದತೆಯ ಹಣೆಪಟ್ಟಿ ತರುವಲ್ಲಿ ಎಲ್ಲರೂ ಶ್ರಮಿಸಿ ಕರಾವಳಿಯ ಅಭಿವೃದ್ಧಿ ಹೆಚ್ಚಿಸಲು ಕರೆ ನೀಡಿದರು.

ಹಬ್ಬಗಳು ದೇಶದ ಸಮೃದ್ಧಿಯನ್ನು ಹೆಚ್ಚಿಸುವ ಅವಕಾಶ ಒದಗಿಸುತ್ತವೆ ಎಂದ ಕೊರ್ಡೆಲ್ ಚರ್ಚಿನ ಧರ್ಮಗುರುಗಳಾದ ವಂದನೀಯ ಕ್ಲಿಫರ್ಡ್ ಫೆರ್ನಾಂಡಿಸ್ ಶುಭಾಶಂಸನೆಗೈದರು.

ಮದರ್ ತೆರೆಸಾ ವೇದಿಕೆಯ ಅಧ್ಯಕ್ಷ ರೊಯ್ ಕ್ಯಾಸ್ತೆಲಿನೊ ಮಾತನಾಡಿ, ವ್ಯತ್ಯಾಸ, ಭಿನ್ನತೆಗಳನ್ನು ಅರ್ಥ ಮಾಡಿ ಸಂಭ್ರಮಿಸಲು ಕರೆ ನೀಡಿದರು. ಪ್ರೀತಿಯಿಂದಲೇ ಸಹಬಾಳ್ವೆ ಸಾಧ್ಯ, ಸರ್ವರ ಒಗ್ಗಟ್ಟಿನಿಂದಲೇ ನಾಡು, ರಾಷ್ಟ್ರ ಕಟ್ಟಲು ಸಾಧ್ಯವೆಂದರು.

ಸ್ಥಳೀಯ ಕಾರ್ಪೋರೇಟರ್ ಕಿಶೋರ್ ಕೊಟ್ಟಾರಿ, ಶ್ರೀ ಧರ್ಮಶಾಸ್ತಾ ಮಂದಿರ ಟ್ರಸ್ಟ್ (ರಿ) ಜ್ಯೋತಿನಗರ ಕುಲಶೇಖರದ ಅಧ್ಯಕ್ಷ ವಕೀಲ ರಾಮಪ್ರಸಾದ್ ಎಸ್. ಮಾತನಾಡಿದರು. ಅನಿವಾಸಿ ಉದ್ಯಮಿ ಜೇಮ್ಸ್ ಮೆಂಡೋನ್ಸಾ, ಸಾಮರಸ್ಯ ಮಂಗಳೂರು ಅಧ್ಯಕ್ಷೆ ಮಂಜುಳಾ ನಾಯಕ್, ಬಿಕರ್ನಕಟ್ಟೆ ಅಹ್ಸನುಲ್ ಮಸಾಜಿದ್ ಅಧ್ಯಕ್ಷ ಸಯ್ಯದ್ ಮಹಮ್ಮದ್ ಸಯೀದ್ ಉಪಸ್ಥಿತರಿದ್ದರು.

ಮದರ್ ತೆರೆಸಾ ವೇದಿಕೆಯ ಕಾರ್ಯದರ್ಶಿ ಸುನಿಲ್ ಕುಮಾರ್ ಬಜಾಲ್ ಸ್ವಾಗತಿಸಿ ಪ್ರಾಸ್ತಾವಿಕ ಮಾತುಗಳನ್ನಾಡಿದರು. ವಿಶಿಷ್ಟವಾಗಿ ದೀಪವನ್ನು ಬೆಳಗಿಸುವುದರ ಮೂಲಕ ಸಭಾ ಕಾರ್ಯಕ್ರಮಕ್ಕೆ ಚಾಲನೆ ನೀಡಲಾಯಿತು.

ಫಾ. ವಾಲ್ಟರ್ ಅಲ್ಬುಕರ್ಕ್ ಎಸ್‍ಜೆ ಗಾಯನ ವೃಂದ, ಮಂಗಳೂರು ಹಾಗೂ ಕಲಾ ಸರಸ್ವತಿ ಡ್ಯಾನ್ಸ್ ಅಕಾಡೆಮಿ ತಂಡಗಳಿಂದ ಸಾಂಸ್ಕೃತಿಕ ಕಾರ್ಯಕ್ರಮ ನಡೆಯಿತು. ಮನೋಜ್ ವಾಮಂಜೂರ್ ಕಾರ್ಯಕ್ರಮ ನಿರ್ವಹಿಸಿದರು. ಸಾಂಸ್ಕೃತಿಕ ಕಾರ್ಯಕ್ರಮವನ್ನು ಡಾಲ್ಫಿ ಡಿಸೋಜ ನಡೆಸಿ ಕೊಟ್ಟರು. ರೂತ್ ಸಿಲ್ವಿಯಾ ಕ್ಯಾಸ್ತೆಲಿನೊ ಧನ್ಯವಾದ ಸಮರ್ಪಿಸಿದರು.

Saint Mother Teresa Forum, Mangalore, Hosts Festival of Lights – Diwali Celebrations 2024

Mangalore, November 5, 2024 – The Saint Mother Teresa Forum, Mangalore, in association with Holy Cross Church, Kulshekar, held the Festival of Lights – Diwali Celebrations 2024 at Kalpane Maidan, Kulshekar. This gathering aimed to unite people across backgrounds, celebrating Diwali and promoting cultural harmony within the community.

The event opened with a vibrant cultural program led by the Father Walter Albuquerque SJ Choir and the Kalasaraswati Dance Academy, featuring an inspiring prayer song along with music and dance performances that captured the festive spirit of Diwali. Mr. Dolphy Dsouza served as the MC for the cultural segment, adding energy and enthusiasm to the proceedings.

Following the cultural program, the formal stage ceremony commenced with Mr. Manoj Vamanjoor as the master of ceremonies. Mr. Michael D’Souza, esteemed social thinker and NRI entrepreneur, inaugurated the event and delivered a thoughtful address on the importance of unity and harmony in a diverse society. Other prominent dignitaries, including Mr. Aravind Bolar, renowned film actor; Mr. Sarfuddin B.S., member of Ahsanul Masajid, Bikarnakatte; Mr. Ramaprasad S., Advocate and Chairman of Sri Dharmashasta Mandir Trust (Re), Jyotinagar Kulshekar; Fr. Clifford Fernandes, Parish Priest of Holy Cross Church; and Mr. Kishore Kottari, a respected local corporator, each shared words that underscored the importance of unity, respect, and cultural diversity.

After these addresses, Mr. Roy Castellino, President of the Saint Mother Teresa Forum, delivered the Presidential Address, expressing gratitude to the community for its support and reflecting on the role of Diwali in fostering togetherness.

Ms. Ruth Castellino then delivered the Vote of Thanks, acknowledging everyone’s contributions to the event’s success. The celebration concluded with a lively display of fireworks, adding a festive finale to the Diwali gathering.

ಅಮ್ರೇಲಿಃ ಗುಜರಾತಿನ ಅಮ್ರೇಲಿ ಜಿಲ್ಲೆಯಲ್ಲಿ ಲಾಕ್ ಹಾಕಿಕೊಂಡು ಕಾರಿನೊಳಗೆ ಆಟವಾಡುತ್ತಿದ್ದ ಮಕ್ಕಳು ಉಸಿರುಗಟ್ಟಿ ಸಾವಿಗೀಡಾದ ಘಟನೆ ಜಿಲ್ಲೆಯ ರಾಂಧಿಯಾ ಗ್ರಾಮದಲ್ಲಿ ನಡೆದಿದೆ. 2 ರಿಂದ 7 ವರ್ಷದೊಳಗಿನ ಈ ಮಕ್ಕಳು ಲಾಕ್ ಹಾಕಿದ ಕಾರಿನೊಳಗೆ ಉಸಿರುಗಟ್ಟಿ ಸತ್ತಿದ್ದಾರೆ ಎಂದು ಪೊಲೀಸರು ತಿಳಿಸಿದ್ದಾರೆ.

ಈ ಮಕ್ಕಳ ಹೆತ್ತವರು ಭರತ್ ಮಂದಾನಿ ಕೃಷಿ ತೋಟದಲ್ಲಿ ಕೆಲಸ ಮಾಡಲು ಅಂದು ಬೆಳಗ್ಗೆ 7.30ರ ವೇಳೆಗೆ ಹೋಗಿದ್ದರು. ಆಗ ಅವರ ಏಳು ಮಕ್ಕಳನ್ನು ಮನೆಯಲ್ಲಿಯೇ ಬಿಟ್ಟುಹೋಗಿದ್ದರು. ಅವರಲ್ಲಿ ನಾಲ್ವರು ಮಕ್ಕಳು ಮನೆ ಸಮೀಪ ನಿಲ್ಲಿಸಿದ್ದ ತೋಟದ ಮಾಲೀಕನ ಕಾರಿನೊಳಗೆ ಹೋಗಿ ಆಟವಾಡ ತೊಡಗಿದರು.

ಆದರೆ ಅಂದು ಸಂಜೆ ಮಕ್ಕಳ ಹೆತ್ತವರು ಹಾಗೂ ಮಾಲೀಕರು ವಾಪಸ್ ಬಂದಾಗ ಕಾರಿನೊಳಗೆ ಮಕ್ಕಳ ಮೃತದೇಹಗಳು ಕಂಡುಬಂದವು. ಅಮ್ರೇಲ್ ಪೊಲೀಸ್ ಠಾಣೆಯಲ್ಲಿ ಇದೊಂದು ಅಚಾನಕ್ ಆಗಿ ಸಂಭವಿಸಿದ ಘಟನೆ ಎಂದು ದಾಖಲಾಗಿದ್ದು ತನಿಖೆ ಮುಂದುವರಿದಿದೆ

ನವೆಂಬರ್ 4 ರ ಸೋಮವಾರ ತಡರಾತ್ರಿ 43 ವರ್ಷದ ಬಾಲಸುಬ್ರಮಣ್ಯಂ ಮತ್ತು ಅವರ 17 ವರ್ಷದ ಮಗಳು ದೊಡ್ಡ ಸೂಟ್‌ಕೇಸ್‌ನೊಂದಿಗೆ ನಿಲ್ದಾಣಕ್ಕೆ ಬಂದಿದ್ದರು. ಬಾಲಸುಬ್ರಹ್ಮಣ್ಯಂ ಆ ಸೂಟ್‌ಕೇಸ್‌ನ್ನು ಅಲ್ಲಿಯೇ ಬಿಟ್ಟು ರೈಲ್ವೆ ನಿಲ್ದಾಣದಿಂದ ಹೊರಹೋಗಲು ಯತ್ನಿಸುತ್ತಿದ್ದರು ಎಂದು ಪ್ರತ್ಯಕ್ಷದರ್ಶಿಗಳು ತಿಳಿಸಿರುವ ಬಗ್ಗೆ ವರದಿಯಾಗಿದೆ.

ಸಾಮಾನು ಸರಂಜಾಮು ಬಿಟ್ಟು ಹೋಗಿರುವ ಬಗ್ಗೆ ಆತಂಕಗೊಂಡ ಪ್ರಯಾಣಿಕರು ಕೂಡಲೇ ರೈಲ್ವೆ ರಕ್ಷಣಾ ಪಡೆ (ಆರ್‌ಪಿಎಫ್) ಅಧಿಕಾರಿಗಳಿಗೆ ಮಾಹಿತಿ ನೀಡಿದ್ದಾರೆ. ಸೂಟ್‌ಕೇಸ್ ತುಂಬಾ ದೊಡ್ಡದಾಗಿದ್ದ ಕಾರಣ, ಅಲ್ಲಿಂದ ಸ್ಥಳಾಂತರಿಸಲು ಸಾಧ್ಯವಾಗದ ಕಾರಣ ಆರ್‌ಪಿಎಫ್ ಅಧಿಕಾರಿಗಳು ಅನುಮಾನಗೊಂಡು ಕೊರುಕ್ಕುಪೇಟೆ ಪೊಲೀಸರನ್ನು ಸಂಪರ್ಕಿಸಿದ್ದಾರೆ.

ಅನುಮಾನಗೊಂಡ ಅಧಿಕಾರಿಗಳು ಸೂಟ್‌ಕೇಸ್‌ನ ವಿಷಯಗಳ ಬಗ್ಗೆ ವಿಚಾರಿಸಲು ಬಾಲಸುಬ್ರಮಣ್ಯಂನ್ನು ವಶಕ್ಕೆ ಪಡೆದು ವಿಚಾರಿಸಿದ್ದಾರೆ. ಅವರು ಕೊಟ್ಟ ವಿವರಣೆ ಅಸ್ಪಷ್ಟವಾಗಿತ್ತು. ಇದು ಮತ್ತಷ್ಟು ಅನುಮಾನವನ್ನು ಹುಟ್ಟುಹಾಕಿತ್ತು. ಹೀಗಾಗಿ ಸೂಟ್ ಕೇಸ್ ತೆರೆಯಲಾಗಿದೆ. ಈ ವೇಳೆ ಅದರಲ್ಲಿ ಮಹಿಳೆಯ ಶವ ಕಂಡು ಬಂದಿದೆ.

ಪ್ಲಾಸ್ಟಿಕ್‌ ಕವರಿನಲ್ಲಿ ಸುತ್ತಲಾಗಿದ್ದ ಮ್ರತ ಹೆಂಗಸಿನ ತಲೆಯಲ್ಲಿ ಗಾಯಗಳಿದ್ದವು. ತಕ್ಷಣವೇ ಪೊಲೀಸರು ಬಾಲಸುಬ್ರಮಣ್ಯಂ ಮತ್ತು ಅವರ ಪುತ್ರಿ ಇಬ್ಬರನ್ನೂ ಬಂಧಿಸಿ, ವಿಚಾರಣೆ ನಡೆಸಿದ್ದಾರೆ.

ತಂದೆ ಮತ್ತು ಮಗಳು ತಾವೇ ಕೊಲೆ ಮಾಡಿರುವುದಾಗಿ ಒಪ್ಪಿಕೊಂಡಿದ್ದಾರೆ. ಮಹಿಳೆ ಮಗಳನ್ನು ವೇಶ್ಯಾವಾಟಿಕೆಗೆ ಬಲವಂತಪಡಿಸಲು ಯತ್ನಿಸಿದಾಗ ಕೋಪದಿಂದ ಕೊಂದಿರುವುದಾಗಿ ಹೇಳಿದ್ದಾರೆ. ಮೃತಳನ್ನು ಮಾನ್ಯಂ ರಮಣಿ ಎಂದು ಪೊಲೀಸರು ಗುರುತಿಸಿದ್ದು, ಆಕೆ ಚೆನ್ನೈನಲ್ಲಿರುವ ಆರೋಪಿಗಳ ಮನೆಯ ಬಳಿ ವಾಸಿಸುತ್ತಿದ್ದಳು.

ಉದ್ಯಾವರ : ಲಯನ್ಸ್ ಕ್ಲಬ್ ಉದ್ಯಾವರ ಸನ್ ಶೈನ್ ನೇತೃತ್ವದಲ್ಲಿ ಲಯನ್ಸ್ ಜಿಲ್ಲೆ 317Cಯ ಲಯನ್ ದಂಪತಿಗಳಿಗೆ ವಿನೂತನ ರೀತಿಯ ಆದರ್ಶ ದಂಪತಿ ಸ್ಪರ್ಧೆ ಉದ್ಯಾವರ ಚರ್ಚ್ ವಠಾರದಲ್ಲಿ ನವಂಬರ್ 24 ಆದಿತ್ಯವಾರದಂದು ಜರುಗಲಿದೆ ಎಂದು ಪ್ರಕಟಣೆ ತಿಳಿಸಿದೆ

ಎಚ್’ಪಿಆರ್ ಫಿಲಂಸ್ ಪ್ರಾಯೋಜಿತ ಆದರ್ಶ ದಂಪತಿ ಸ್ಪರ್ಧೆಯ ಪೋಸ್ಟರ್ ಅನ್ನು ಎಚ್’ಪಿಆರ್ ಫಿಲಂಸ್ ಮುಖ್ಯಸ್ಥ ಮತ್ತು ಎಲ್’ಸಿಯಫ್ ಕೋಆರ್ಡಿನೇಟರ್ ಲಯನ್ ಹರಿಪ್ರಸಾದ್ ರೈ ಬಿಡುಗಡೆಗೊಳಿಸಿ ಶುಭ ಹಾರೈಸಿದರು. ಈ ಸಂದರ್ಭದಲ್ಲಿ ಉದ್ಯಮಿ ಡಾ. ಶೇಕ್ ವಹಿದ್ ಉಡುಪಿ, ಕಾಪು ಪ್ರೆಸ್ ಕ್ಲಬ್ ಮಾಜಿ ಅಧ್ಯಕ್ಷ ಮತ್ತು ಪತ್ರಕರ್ತ ರಾಕೇಶ್ ಕುಂಜೂರು, ಪ್ರಾಂತೀಯ ಅಧ್ಯಕ್ಷ ಲಯನ್ ಮೆಲ್ವಿನ್ ಆರನ್ನ ಮತ್ತು ಲಯನ್ಸ್ ಕ್ಲಬ್ ಉದ್ಯಾವರ ಸನ್ ಶೈನ್ ನ ಪದಾಧಿಕಾರಿಗಳು ಉಪಸ್ಥಿತರಿದ್ದರು.

ಉಡುಪಿ, ಶಿವಮೊಗ್ಗ, ಚಿತ್ರದುರ್ಗ, ದಾವಣಗೆರೆ ಕಂದಾಯ ಜಿಲ್ಲೆಗಳನ್ನೊಳಗೊಂಡ ಲಯನ್ ಜಿಲ್ಲೆ 317Cಯಲ್ಲಿ 115 ಕ್ಲಬ್ ಗಳಿದ್ದು, ಆದರ್ಶ ದಂಪತಿ ಸ್ಪರ್ಧೆಯಲ್ಲಿ ಭಾಗವಹಿಸಲು ಅವಕಾಶ ಇದೆ. ವಾರ್ಷಿಕ ವಿವಿಧ ಸೇವಾ ಮತ್ತು ಸಾಮಾಜಿಕ ಚಟುವಟಿಕೆಗಳ ಸಹಾಯಾರ್ಥವಾಗಿ ಲಯನ್ಸ್ ಕ್ಲಬ್ ಉದ್ಯಾವರ ಸನ್ ಶೈನ್ ಈ ಸ್ಪರ್ಧೆಯನ್ನು ವಿನೂತನ ರೀತಿಯಲ್ಲಿ ಹಮ್ಮಿಕೊಂಡಿದ್ದು, ಮೊದಲು ನೋಂದಾಯಿಸಿದ 25 ಲಯನ್ಸ್ ದಂಪತಿಗಳಿಗೆ ಮಾತ್ರ ಅವಕಾಶ ಇದೆ. ಮೂರು ಸುತ್ತುಗಳಲ್ಲಿ ನಡೆಯಲಿರುವ ಈ ಸ್ಪರ್ಧೆಯು ಕ್ಷಣ ಕ್ಷಣಕ್ಕೂ ಕುತೂಹಲದೊಂದಿಗೆ ಸಂಗೀತ ಸುದೆ, ಹಾಸ್ಯ ಲಹರಿ, ಸಾಂಸ್ಕೃತಿಕ ವೈಭವದೊoದಿಗೆ ನಡೆಯಲಿದೆ.

ಶಿಕ್ಷಕರು ಮತ್ತು ರಾಷ್ಟ್ರೀಯ ಜೆಸಿ ತರಬೇತುದರಾಗಿರುವ ಜೆ ಸಿ ರಾಜೇಂದ್ರ ಭಟ್ ಕಾರ್ಯಕ್ರಮದ ನಿರೂಪಣೆ ನಡೆಸಲಿದ್ದು, ವಿಶೇಷ ಆಕರ್ಷಣೆಯಾಗಿ ತುಳುರಂಗಭೂಮಿಯ ಪ್ರಭುದ್ಧ ಹಾಸ್ಯ ಮತ್ತು ಚಲನಚಿತ್ರ ನಟರಾದ ಅರವಿಂದ ಬೋಳಾರ್, ದಾಯ್ಜಿ ವರ್ಲ್ಡ್ ಸ್ಥಾಪಕ ವಾಲ್ಟರ್ ನಂದಳಿಕೆ, ಗಿನ್ನೆಸ್ ದಾಖಲೆ ಖ್ಯಾತಿಯ ಯೋಗರತ್ನ ತನುಶ್ರೀ ಪಿತ್ರೋಡಿ ಮತ್ತು ಮಿಡಲ್ ಕ್ಲಾಸ್ ಫ್ಯಾಮಿಲಿ ಚಲನಚಿತ್ರ ತಂಡ ಆಗಮಿಸಲಿದ್ದಾರೆ.

ಪ್ರತಿಷ್ಠಿತ ಎಚ್’ಪಿಆರ್ ಫಿಲಂಸ್ ಪ್ರಾಯೋಜಿತ ಆದರ್ಶ ದಂಪತಿ ಸ್ಪರ್ಧೆಯು ಉಚಿತ ಪ್ರವೇಶವಾಗಿದ್ದು, ಪ್ರಥಮ ಬಹುಮಾನ ರೂ. 15,000 ಮೌಲ್ಯದ ಗಿಫ್ಟ್ ವೋಚರ್ ಮತ್ತು ಟ್ರೋಫಿ, ದ್ವಿತೀಯ ಬಹುಮಾನ 10 ಸಾವಿರ ರೂ. ಮೌಲ್ಯದ ಗಿಫ್ಟ್ ವೋಚರ್ ಮತ್ತು ಟ್ರೋಫಿ, ತೃತೀಯ ಬಹುಮಾನ 7.5 ರೂ. ವೆಚ್ಚದ ಗಿಫ್ಟ್ ವೋಚರ್ ಮತ್ತು ಟ್ರೋಫಿ, ಫೈನಲ್ ಸ್ಪರ್ಧಿಗಳಿಗೆ ಹಾಗೂ ಭಾಗವಹಿಸಿದ ಎಲ್ಲಾ ಸ್ಪರ್ಧಿಗಳಿಗೆ ಪ್ರತಿಷ್ಠಿತ ಕಂಪನಿಗಳ ಗಿಫ್ಟ್ ವೋಚರ್ ಲಭಿಸಲಿದೆ.

ಒಂದು ಕ್ಲಬ್ ನಿಂದ ಒಂದು ದಂಪತಿಗೆ ಮಾತ್ರ ಅವಕಾಶವಿದ್ದು, ನವೆಂಬರ್ 10 ಹೆಸರು ನೋಂದಾಯಿಸಲು ಕೊನೆಯ ದಿನಾಂಕ. ಕಾರ್ಯಕ್ರಮದ ಸಂಚಾಲಕ ಲಯನ್ ಸ್ಟೀವನ್ ಕುಲಾಸೊ ಇವರ ಮೊಬೈಲ್ ಸಂಖ್ಯೆ 9901701381 ಗೆ ಹೆಚ್ಚಿನ ಮಾಹಿತಿ ಮತ್ತು ಹೆಸರು ನೋಂದಾಯಿಸಲು ಸಂಪರ್ಕಿಸಬಹುದಾಗಿದೆ.

ಶ್ರೀನಿವಾಸಪುರ : ತಾಲೂಕಿನ ಪೆಗಳಪಲ್ಲಿ ಗ್ರಾಮದ ಬಳಿಯ ಮಾವಿನ ತೋಟದಲ್ಲಿ ಶನಿವಾರ ಸಂಜೆ 4 ಗಂಟೆ ಸಮಯದಲ್ಲಿ ಖಚಿತ ಮಾಹಿತಿಯ ಮೇರೆಗೆ ಇಸ್ಪೀಟ್ ದಂದೆಯ ಮೇಲೆ ಪೊಲೀಸ್ ಇನ್ಸ್‍ಪೆಕ್ಟರ್ ಎಂ.ಬಿ.ಗೊರವನಕೊಳ್ಳ, ಪಿಎಸ್‍ಐ ಜಯರಾಮ್ ಹಾಗು ಸಿಬ್ಬಂದಿ ನೇತೃತ್ವದಲ್ಲಿ ದಾಳಿ ನಡೆಸಿ ಏಳು ಮಂದಿ ಆರೋಪಿಗಳು ಹಾಗು 9500 ರೂ ನಗದು ಹಣವನ್ನು ವಶಪಡಿಸಿಕೊಂಡಿದ್ದಾರೆ.
ಇದೇ ಸಮಯದಲ್ಲಿ ಪೊಲೀಸ್ ಇನ್ಸ್‍ಪೆಕ್ಟರ್ ಎಂ.ಬಿ.ಗೊರವನಕೊಳ್ಳ ಮಾತನಾಡಿ ಇತ್ತೀಚಿಗೆ ಕಾನೂನು ಬಾಹಿರದಲ್ಲಿ ಪಾಲ್ಗುಂಡಿರುವವರನ್ನ ಮಟ್ಟಹಾಕಲು ಎಸ್‍ಪಿರವರ ನಿರ್ದೇಶನದ ಮೇರೆಗೆ ಠಾಣೆಯ ವ್ಯಾಪ್ತಿಯಲ್ಲಿ ನಡೆಯುವ ಆಕ್ರಮ ಮರಳು ದಂದೆ, ಜೂಜಾಟ ಹಾಗು ಇತರೆ ಕಾನೂನು ಬಾಹಿರದಲ್ಲಿ ಪಾಲ್ಗುಂಡಿರುವವರ ತಡೆಗಟ್ಟಲು ಕ್ರಮಕೈಗೊಳ್ಳಲಾಗುತ್ತಿದ್ದು, ಸಾರ್ವಜನಿಕರು ಕಾನೂನು ಬಾಹಿರದಲ್ಲಿ ಪಾಲ್ಗುಂಡಿರವವರ ಬಗ್ಗೆ ಮಾಹಿತಿ ನೀಡುವಂತೆ ಮನವಿ ಮಾಡಿದರು.
ಸೋಮಾಯಜಲಹಳ್ಳಿ, ಪೆಗಳಪಲ್ಲಿ ಗ್ರಾಮಗಳ ವ್ಯಾಪ್ತಿಯಲ್ಲಿನವರು ಈ ದಂದೆಯಲ್ಲಿ ಪಾಲ್ಗುಂಡಿದ್ದು ಅವರನ್ನ ಹಾಗು ದಂದೆಯಲ್ಲಿದ್ದ ಹಣವನ್ನು ವಶಪಡಿಸಿಕೊಂಡು ಆರೋಪಿಗಳನ್ನು ನ್ಯಾಯಾಲಯ ಬಂದನಕ್ಕೆ ಒಪ್ಪಿಸಲಾಗಿದೆ ಎಂದು ಮಾಹಿತಿ ನೀಡಿದರು.

ಕುಂದಾಪುರ ಪೇಟೆ ಶ್ರೀ ವೆಂಕಟರಮಣ ದೇವಸ್ಥಾನದಲ್ಲಿ ನ.10 ರಂದು ಪ್ರಾತ: ಕಾಲ ಗಂಟೆ 5:00ಕ್ಕೆ ಹಣತೆ ದೀಪಗಳ ಬೆಳಕಿನಲ್ಲಿ ಶ್ರೀ ದೇವರ ವಿಶ್ವರೂಪ ದರ್ಶನ ಜರುಗಲಿದೆ. ಆ ಸಂದರ್ಭದಲ್ಲಿ ದೇವಸ್ಥಾನದ ಸುತ್ತ ಚಿತ್ತಾಕರ್ಷಕ ರಂಗೋಲಿಗಳು ಪ್ರದರ್ಶನಗೊಳ್ಳಲಿವೆ ಎಂದು ದೇವಳದ ಆಡಳಿತ ಮೊಕ್ತೇಸರ ಕೆ. ರಾಧಾಕೃಷ್ಣ ಶೆಣೈ ತಿಳಿಸಿದ್ದಾರೆ.

ಉಡುಪಿ; ಕ್ರಿಯಾಶೀಲ ಯುವ ನಾಯಕಿ, ಆಶ್ಲೇ ಡಿಸೋಜಾ ಅವರು ತಮ್ಮ ಸ್ಥಳೀಯ ಮೌಂಟ್ ರೋಸರಿ ಚರ್ಚ್‌ನಲ್ಲಿ ಸನ್ಮಾನಿಸಿದರು.
‘ಯಂಗ್ ‘ಅಚೀವರ್ ನ್ಯಾಶನಲ್ ಯೂತ್ ಅವಾರ್ಡ್’ ಪುರಸ್ಕೃತೆ ಮಿಸ್ ಆಶ್ಲೇ ಡಿಸೋಜಾ ಅವರ ಸಾಧನೆಗಳನ್ನು ಅನುಸರಿಸಿ ಅವರ ಸ್ಥಳೀಯ ಧರ್ಮಕೇಂದ್ರ, ಸಂತೆಕಟ್ಟೆಯ ಮೌಂಟ್ ರೋಸರಿ ಚರ್ಚ್‌ನಲ್ಲಿ ಸನ್ಮಾನಿಸಲಾಯಿತು.

ಜಬಲ್ಪುರದಲ್ಲಿ ನಡೆದ ಕಾರ್ಯಕ್ರಮದಲ್ಲಿ ಆಕೆಯ ಅಸಾಧಾರಣ ಕೊಡುಗೆಗಳನ್ನು ಎದ್ದು ತೋರಿತು, ಆಕೆಯ ಸಮರ್ಪಣೆ ಮತ್ತು ಪ್ರಭಾವವನ್ನು ಪ್ರತಿಬಿಂಬಿಸುತ್ತದೆ ಮತ್ತು ಆಕೆಯ ಸಮುದಾಯವು ಆಕೆಯ ಸಾಧನೆಗಳನ್ನು ಹೃತ್ಪೂರ್ವಕ ಸಮಾರಂಭದಲ್ಲಿ ಹೆಮ್ಮೆಯಿಂದ ಆಚರಿಸಿತು.
ನವೆಂಬರ್ 3, 2024 ರ ಭಾನುವಾರದಂದು ಬೆಳಿಗ್ಗೆ 8.00 ಕ್ಕೆ ಪವಿತ್ರ ಮಾಸಾಚರಣೆಯ ನಂತರ, ಉಡುಪಿ ಧರ್ಮಪ್ರಾಂತ್ಯದ ICYM – ನ ನಿರ್ದೇಶಕರಾದ ರೆ.ಫಾ. ಸ್ಟೀವನ್ ಫೆರ್ನಾಂಡಿಸ್ ಸನ್ಮಾನಿಸಿದರು. ಪಾಲನ ಮಂಡಳಿ ಕಾರ್ಯದರ್ಶಿ, ಪ್ರಿಯಾ ಫರ್ಟಾಡೊ ಅವರು ಕಿರು ಪರಿಚಯವನ್ನು ನೀಡಿದರು.

ಧರ್ಮಕೇಂದ್ರದ ಫಾ। ರೆವ್. ಡಾ ರೋಕ್ ಡಿಸೋಜಾ ಅವರು, ವಿವಿಧ ಹಂತಗಳಲ್ಲಿ ಯುವ ನಾಯಕಿಯ ಬಗ್ಗೆ ಮಾಹಿತಿ ನೀಡುತ್ತಾ, ‘ಮಿಸ್ ಆಶ್ಲೇ ಡಿಸೋಜಾ ಅವರ ರಾಷ್ಟ್ರೀಯ ಯುವ ಪ್ರಶಸ್ತಿಗಾಗಿ ಮಾತ್ರವಲ್ಲದೆ ಯುವ ನಾಯಕರಾಗಿ ಅವರ ಅಸಾಧಾರಣ ನಾಯಕತ್ವ ಮತ್ತು ಸಂಘಟನಾ ಕೌಶಲ್ಯಕ್ಕಾಗಿ ಗುರುತಿಸಲ್ಪಟ್ಟಿದೆ. ಇತರರನ್ನು ಪ್ರೇರೇಪಿಸುವ ಮತ್ತು ಸಜ್ಜುಗೊಳಿಸುವ ಅವರ ಸಾಮರ್ಥ್ಯವು ಗಮನಾರ್ಹ ಪರಿಣಾಮ ಬೀರಿದೆ, ಸ್ಥಳೀಯವಾಗಿ ಮತ್ತು ರಾಷ್ಟ್ರೀಯವಾಗಿ ಅವಳ ಗೌರವ ಮತ್ತು ಮೆಚ್ಚುಗೆಯನ್ನು ಗಳಿಸಿದೆ.
‘ಮಿಸ್ ಆಶ್ಲೇ ಡಿಸೋಜಾ ಅವರ ನಾಯಕತ್ವದ ಪ್ರಯಾಣವು ಗಮನಾರ್ಹವಾಗಿದೆ, ವಿಶೇಷವಾಗಿ ಯುವತಿಯಾಗಿ ವಿವಿಧ ಹಂತಗಳಲ್ಲಿ ದಾಪುಗಾಲು ಹಾಕುತ್ತಿದ್ದಾರೆ. ಪ್ಯಾರಿಷ್, ಡೀನರಿ, ಡಯೋಸಿಸನ್ ಮತ್ತು ಕರ್ನಾಟಕ ರಾಜ್ಯ ಮಟ್ಟದಲ್ಲಿ ಯುವ ನಾಯಕಿಯಾಗಿ ಅವರ ಪಾತ್ರಗಳು ವ್ಯಾಪಕವಾಗಿ ಮೆಚ್ಚುಗೆ ಮತ್ತು ಗುರುತಿಸಲ್ಪಟ್ಟಿವೆ. ಅವರ ಕೊಡುಗೆಗಳು ಸಮುದಾಯದೊಳಗೆ ಅವರ ಸಮರ್ಪಣೆ ಮತ್ತು ಪ್ರಭಾವವನ್ನು ಪ್ರದರ್ಶಿಸುತ್ತವೆ, ಇದು ಪ್ರದೇಶದಾದ್ಯಂತ ಮಹತ್ವಾಕಾಂಕ್ಷಿ ಯುವ ನಾಯಕರಿಗೆ ಅವರನ್ನು ಮಾದರಿಯನ್ನಾಗಿ ಮಾಡುತ್ತದೆ. ICYM ಡಯೋಸಿಸನ್ ನಿರ್ದೇಶಕರಾದ Rev Fr ಸ್ಟೀವನ್ ಫೆರ್ನಾಡೆಸ್ ಅವರು ಸುಮಾರು ಎರಡು ವರ್ಷಗಳ ಹಿಂದೆ ಮೌಂಟ್ ರೊಸಾರಿಯಾಸ್ ಸಹಾಯಕ ಪ್ಯಾರಿಷ್ ಪಾದ್ರಿ ಮತ್ತು ICYM ಘಟಕದಲ್ಲಿ ತಮ್ಮ ದಿನಗಳನ್ನು ನೆನಪಿಸಿಕೊಂಡರು ಮತ್ತು ಕಠಿಣ ಪರಿಶ್ರಮಿ, ವಿನಮ್ರ ಮತ್ತು ನಿಖರವಾದ ನಾಯಕಿಯಾಗಿ ಅವರ ಪ್ರಬುದ್ಧತೆಯನ್ನು ನೆನಪಿಸಿಕೊಂಡರು.
ಸಂತೆಕಟ್ಟೆ, ಕಲ್ಯಾಣಪುರದ ಮೌಂಟ್ ರೋಸರಿ ಚರ್ಚ್‌ನಲ್ಲಿ ನಡೆದ ಸನ್ಮಾನ ಸಮಾರಂಭದಲ್ಲಿ ಮಿಸ್ ಆಶ್ಲಿ ಡಿಸೋಜಾ ಅವರಿಗೆ ಸಾಂಪ್ರದಾಯಿಕ ಶಾಲು, ಪುಷ್ಪಗುಚ್ಛ, ಸ್ಮರಣಿಕೆ ನೀಡಿ ಗೌರವಿಸಲಾಯಿತು. ‘ಈ ಟೋಕನ್‌ಗಳು ಸಮುದಾಯದ ಹೆಮ್ಮೆ ಮತ್ತು ಆಕೆಯ ಸಾಧನೆಗಳಿಗಾಗಿ ಮೆಚ್ಚುಗೆಯನ್ನು ಮತ್ತು ಯುವ ನಾಯಕಿಯಾಗಿ ಅವರ ಸಮರ್ಪಣೆಯನ್ನು ಸಂಕೇತಿಸುತ್ತವೆ’ ಎಂದು ಕಿರು ಸುಂದರ ಅಭಿನಂದನಾ ಕಾರ್ಯಕ್ರಮವನ್ನು ನಡೆಸಿದ ರೆ.ಫಾ. ಒಲಿವರ್ ಸಿ ನಜರೆತ್ ಮಾಹಿತಿ ನೀಡಿದರು.
ತಮ್ಮ ಹೃತ್ಪೂರ್ವಕ ಧನ್ಯವಾದ ಭಾಷಣದಲ್ಲಿ, ಮಿಸ್ ಆಶ್ಲೇ ಡಿಸೋಜಾ ಅವರು ತಮ್ಮ ಪ್ರಯಾಣದುದ್ದಕ್ಕೂ ಬೆಂಬಲಿಸಿದ ಮತ್ತು ಪ್ರೋತ್ಸಾಹಿಸಿದ ಎಲ್ಲರಿಗೂ ಆಳವಾದ ಕೃತಜ್ಞತೆಯನ್ನು ವ್ಯಕ್ತಪಡಿಸಿದರು. ಆಕೆಯ ಪೋಷಕರು, ಸಹೋದರ, ಚರ್ಚ್ ಪಾದ್ರಿಗಳು, ಯುವ ನಿರ್ದೇಶಕರು ಮತ್ತು ಪ್ಯಾರಿಷಿಯನ್ನರ ಅಮೂಲ್ಯ ಪಾತ್ರವನ್ನು ಅವರು ಒಪ್ಪಿಕೊಂಡರು, ಯುವ ನಾಯಕಿಯಾಗಿ ಅವರ ಸಾಧನೆಗಳಲ್ಲಿ ಅವರ ನಿರಂತರ ಬೆಂಬಲವನ್ನು ಸಾಧನವೆಂದು ಗುರುತಿಸಿದರು.

Dynamic youth leader, Ms Ashley DSouza felicitated at her native Mount Rosary Church.

Miss Ashley D’Souza, a recipient of the ‘Young ‘Achiever National Youth Award’ was honoured in her native parish, Mount Rosary Church in Santhekatte, Kallianpur, following her achievements. The event in Jabalpur highlighted her exceptional contributions, reflecting her dedication and impact, and her community proudly celebrated her accomplishments in a heartfelt ceremony.
Immediately after the 8.00 am Holy Mass, on Sunday, 3rd November, 2024, the ICYM – Udupi Diocesan Director Rev Fr Steevan Fernandes as the main celebrant, the Secretary of the Parish Pastoral Council Mrs Priya Furtado, in the citation gave a brief introduction of the Youth Leader at various levels.
The parish priest Rev Dr Roque DSouza, while appreciating informed ‘Miss Ashley D’Souza is recognized not only for her National Youth Award but also for her exceptional leadership and organizational skills as a youth leader. Her ability to inspire and mobilize others has made a significant impact, earning her respect and admiration both locally and nationally’.
‘Miss Ashley D’Souza’s leadership journey is remarkable, particularly as a young woman making strides across various levels. Her roles as a youth leader at the parish, deanery, diocesan, and Karnataka state levels have been widely appreciated and recognized. Her contributions demonstrate her dedication and influence within the community, making her a role model for aspiring youth leaders across the region’. Rev Fr Steevan Fernnades, ICYM Diocesan Director recalled his days in Mount Rosaryas Assistant Parish priest and ICYM unit about two years ago and her maturity to be a hardworking, humble and meticulous leader.
In the presence of laity leaders of the parish, during her felicitation at Mount Rosary Church, Santhekatte, Kallianpur, Miss Ashley D’Souza was honoured with a traditional shawl, bouquet, and memento. ‘These tokens symbolized the community’s pride and admiration for her accomplishments and her dedication as a youth leader,’ Rev Fr Oliver C Nazareth, who conducted the short beautiful felicitation programme, informed.
In her heartfelt thank-you speech, Miss Ashley D’Souza expressed deep gratitude to everyone who supported and encouraged her throughout her journey. She acknowledged the invaluable role of her parents, brother, church clergy, youth directors, and parishioners, recognizing their constant support as instrumental in her achievements as a youth leader.

ಕೋಲಾರ: ಸಿಕ್ಕ ಅವಕಾಶವನ್ನು ಬಳಸಿಕೊಂಡು ಅಗಾಧ ಸಾಧನೆ ಮಾಡುವ ಮೂಲಕ ಪ್ರಶಸ್ತಿಗೆ ಭಾಜನರಾಗಬೇಕೆ ವಿನಹಃ ಪ್ರಶಸ್ತಿಗಳನ್ನು ಹುಡುಕಿಕೊಂಡು ಹೋಗಬಾರದು ಎಂದು ಜಿಲ್ಲಾ ಕಾರ್ಯನಿರತ ಪತ್ರಕರ್ತರ ಸಂಘದ ಅಧ್ಯಕ್ಷ ಬಿ.ವಿ.ಗೋಪಿನಾಥ್ ತಿಳಿಸಿದರು.

ಕೋಲಾರ ಜಿಲ್ಲಾ ಕಾರ್ಯನಿರತ ಪತ್ರಕರ್ತರ ಸಂಘದಿಂದ ಕೋಲಾರದ ಅಂತರಗಂಗೆ ರಸ್ತೆಯಲ್ಲಿರುವ ಪತ್ರಕರ್ತರ ಭವನದಲ್ಲಿ ಸೋಮವಾರ 2024-25ನೇ ಸಾಲಿನ ಜಿಲ್ಲಾ ಮಟ್ಟದ ಕನ್ನಡ ರಾಜ್ಯೋತ್ಸವ ಪ್ರಶಸ್ತಿಗೆ ಭಾಜನರಾದ ಬಿ.ಎಲ್.ರಾಜೇಂದ್ರಸಿಂಹ ಹಾಗೂ ಕೆ.ಬಿ.ಜಗದೀಶ್ ಮತ್ತು ಬಿ.ಆರ್ಮುಗಂ ಪ್ರಶಸ್ತಿಗೆ ಭಾಜನರಾದ ‌ಸಿ.ಎ.ಮುರಳಿಧರರಾವ್ ಅವರ ಸನ್ಮಾನ ಸಮಾರಂಭದ ಅಧ್ಯಕ್ಷತೆ ವಹಿಸಿ ಮಾತನಾಡಿ, ನಾವು ಮಾಡಿರುವ ಸಾಧನೆಯಿಂದ ಆ ಪ್ರಶಸ್ತಿಗೆ ಗೌರವ ಲಭಿಸಬೇಕು. ಲಾಬಿ ಮಾಡಿ ಅರ್ಜಿ ಹಾಕಿ, ಶಿಫಾರಸು ಮಾಡಿ ಪ್ರಶಸ್ತಿ ಪಡೆಯುವುದಲ್ಲ ಎಂದು ಹೇಳಿದರು.

ಜಿಲ್ಲಾಡಳಿತ ಮಾಧ್ಯಮ ಕ್ಷೇತ್ರದಲ್ಲಿ ಇಬ್ಬರಿಗೆ ಪ್ರಶಸ್ತಿ ನೀಡುವ ಕೆಲಸವನ್ನು ಮಾಡಿರುವುದು ಶ್ಲಾಘನೀಯ. ಪ್ರಶಸ್ತಿಗೆ ಭಾಜನರಾಗಿರುವವರನ್ನು ಕಂಡು ಅಸೂಯೆ‌ಪಡಬಾರದು ನಮಗೂ ಪ್ರಶಸ್ತಿ ಲಭಿಸುವ ಹಾಗೆ ನಮ್ಮ ಕಾಯಕದಲ್ಲಿ ನಾವು ತೊಡಗಿಕೊಳ್ಳಬೇಕು. ಜಿಲ್ಲಾಡಳಿತ ಗುರುತಿಸಿ ಪ್ರಶಸ್ತಿ ನೀಡುವ ಸಾಧನೆ ನಾವು ಮಾಡಬೇಕು ಎಂದರು.

ಹಿರಿಯ ಪತ್ರಕರ್ತರಾದ ಜಗದೀಶ್ ತಮ್ಮದೇ ಆದ ಛಾಪನ್ನು ಮೂಡಿಸಿದ್ದಾರೆ. ಇವರ ಕಾರ್ಯ ವೈಖರಿ ಆಸಕ್ತಿ, ಇತರ ಕಿರಿಯ ಪತ್ರಕರ್ತರಿಗೆ ದಾರಿಯಾಗಬೇಕು. ದೃಶ್ಯ ಮಾಧ್ಯಮದಲ್ಲಿ ಜಿಲ್ಲೆಯಲ್ಲಿಯೇ ಪ್ರಥಮ ಎಂಬ ಹೆಗ್ಗಳಿಕೆಯನ್ನು ಉಳಿಸಿಕೊಂಡಿರುವ ರಾಜೇಂದ್ರಸಿಂಹ ಅವರ ಕೆಲಸ ಜಿಲ್ಲೆಯ ಜನತೆಗೆ ಗೊತ್ತಿದೆ. ಅವರು ಹೆಸರುವಾಸಿಯಾಗಿದ್ದರು ಸಹ ಸಹಪಾಠಿಗಳೊಂದಿಗೆ ಹಾಗೂ ಕಿರಿಯ ಪತ್ರಕರ್ತರಿಗೆ ಸಲಹೆ ಸೂಚನೆಗಳು ಉತ್ತಮ ಕಾರ್ಯ ಚಟುವಟಿಕೆ ನಡೆಸಲು ಸಹಕಾರಿಯಾಗಿದ್ದಾರೆ. ಇವರ ಗುಣಮಟ್ಟದ ಕೆಲಸಗಳನ್ನು ಕಂಡು ಪತ್ರಕರ್ತರು ಇನ್ನು ಉತ್ತಮ ಸಾಧನೆ ಮಾಡುವ ಕಡೆ ಹೆಜ್ಜೆ ಹಾಕಬೇಕು ಎಂದು ತಿಳಿಸಿದರು.

ಕೆಜಿಎಫ್ ತಾಲೂಕಿನಲ್ಲಿ ಕನ್ನಡವನ್ನು ಕಟ್ಟಿ ಬೆಳೆಸುವ ಕಾಯಕದಲ್ಲಿ ಪತ್ರಕರ್ತರಾಗಿ ಸಿ.ಎ. ಮುರಳಿಧರರಾವ್ ಮುಂಚೂಣಿಯಲ್ಲಿದ್ದಾರೆ. ಉತ್ತಮವಾಗಿ ಕನ್ನಡ ಬರೆಯುವ ಹಿರಿಯ ಪತ್ರಕರ್ತರು ಎಂದು ಕೊಂಡಾಡಿದರು.

ಶೋಕಿ ಪತ್ರಕರ್ತನಾಗದೆ, ವೃತ್ತಿ ಗೌರವ ಉಳಿಸುವ ಆಸಕ್ತಿ ಇರುವ ಫ್ಯಾಷನ್ ಪತ್ರಕರ್ತನಾಗಬೇಕು. ಕಲಿಯುವ ಆಸಕ್ತಿ, ಕೆಲಸದಲ್ಲಿ ಪರಿಶ್ರಮ ಮೈಗೂಡಿಸಿಕೊಂಡು ಮುಂದುವರೆದರೆ. ಉತ್ತಮ ಪತ್ರಕರ್ತನಾಗಿ ಹೊರ ಹೊಮ್ಮಬಹುದು. ಸಮಾಜದಲ್ಲಿ ಒಳ್ಳೆಯ ಹೆಸರು ಮಾಡುವ ಮೂಲಕ ಪತ್ರಕರ್ತರ ಸಂಘದ ಘನತೆ ಉಳಿಸುವ ಕಾರ್ಯವನ್ನು ಮಾಡಬೇಕು ಎಂದರು.

ರಾಜ್ಯ ಕಾರ್ಯಕಾರಿಣಿ ಸದಸ್ಯ ಕೆ.ಎಸ್.ಗಣೇಶ್ ಮಾತನಾಡಿ, ಪ್ರಶಸ್ತಿ, ಪುರಸ್ಕಾರ ಸಿಕ್ಕಿರುವ ಪತ್ರಕರ್ತರಿಂದ ಇತರ ಪತ್ರಕರ್ತರಿಗೂ ಗೌರವ ಲಭಿಸುತ್ತದೆ. ಸಮಾಜ ಗುರುತಿಸುತ್ತದೆ. ಈ ನಿಟ್ಟಿನಲ್ಲಿ ಪ್ರತಿಯೊಬ್ಬ ಪತ್ರಕರ್ತರು ಪ್ರಶಸ್ತಿಗೆ ಭಾಜನರಾಗುವ ರೀತಿ ತಮ್ಮ ಕರ್ತವ್ಯವನ್ನು ನಿಭಾಯಿಸಬೇಕು ಎಂದರು.

ಪತ್ರಕರ್ತ ಜಗದೀಶ್ ಹಾಗೂ ರಾಜೇಂದ್ರ ಸಿಂಹ ಅವರ ವಿದ್ಯೆ, ಬುದ್ಧಿಯನ್ನು ಇತರ ಪತ್ರಕರ್ತರಿಗೆ ಹಂಚುವ ಮೂಲಕ ಜೊತೆ ಜೊತೆಯಾಗಿ ಕಾರ್ಯನಿರ್ವಹಿಸುತ್ತಿದ್ದಾರೆ. ಇವರ ಆದರ್ಶ, ಕೆಲಸ ಮಾಡುವ ದಾಟಿಯನ್ನು ಇಂದಿನ ಪತ್ರಕರ್ತರು ಮನಗಾಣುವ ಮೂಲಕ ಉತ್ತಮ ಸಾಧನೆ ಮಾಡಿ ಎಂದು ಕಿವಿಮಾತು ಹೇಳಿದರು.

ಸನ್ಮಾನ ಸ್ವೀಕರಿಸಿ ಮಾತನಾಡಿದ ರಾಜೇಂದ್ರ ಸಿಂಹ, ಒಬ್ಬ ವ್ಯಕ್ತಿ ಸಾಧನೆ ಮಾಡಲು ಸಹಪಾಠಿಗಳೇ ಮುಖ್ಯ ಕಾರಣರಾಗುತ್ತಾರೆ. ಜೊತೆಯಲ್ಲಿ ಮಾರ್ಗದರ್ಶನ ನೀಡುವ ಮೂಲಕ ನಾನು ಮಾಡುವ ಕೆಲಸಗಳಿಗೆ ಬೆಂಬಲ ಸಹಕಾರ ನೀಡಿದ್ದಾರೆ. ಬೇರೆ ಊರಿನಿಂದ ಈ ಜಿಲ್ಲೆಗೆ ಬಂದ ನಾನು ಮಾಧ್ಯಮ ಕ್ಷೇತ್ರದಲ್ಲಿ ಏನು ಗೊತ್ತಿಲ್ಲದ ಸಮಯದಲ್ಲಿ ಹಿರಿಯ, ಕಿರಿಯ ಪತ್ರಕರ್ತರು ನನಗೆ ದಾರಿದೀಪರಾಗಿದ್ದಾರೆ. ಈ ನಿಮ್ಮ ಎಲ್ಲಾ ಪ್ರೀತಿ ವಿಶ್ವಾಸವನ್ನು ನಾನು ಎಂದೂ ಮರೆಯುವುದಿಲ್ಲ ಎಂದರು.

ಹಿರಿಯ ಪತ್ರಕರ್ತ ಎಂ.ಜಿ.ಪ್ರಭಾಕರ್ ಪ್ರಶಸ್ತಿಗೆ ಭಾಜನರಾದವರಿಗೆ ಅಭಿನಂದನೆ ಸಲ್ಲಿಸಿದರು.

ಜಿಲ್ಲಾ ಕಾರ್ಯನಿರತ ಪತ್ರಕರ್ತರ ಸಂಘದ ಪ್ರಧಾನ ಕಾರ್ಯದರ್ಶಿ ಎಸ್.ಕೆ.ಚಂದ್ರಶೇಖರ್ ಸ್ವಾಗತಿಸಿ, ಖಜಾಂಚಿ ಎ.ಜಿ.ಸುರೇಶ್‌ಕುಮಾರ್ ನಿರೂಪಿಸಿ, ವಂದಿಸಿದರು,

ಪತ್ರಕರ್ತರಾದ ಎಸ್.ರವಿಕುಮಾರ್, ಸಮೀರ್ ಅಹಮ್ಮದ್, ದೀಪಕ್, ಮದನ್, ಸಿ.ವಿ.ನಾಗರಾಜ್, ಮಾಮಿ ಪ್ರಕಾಶ್ ಅನಿಸಿಕೆಗಳನ್ನು ಹಂಚಿಕೊಂಡರು. ಕಾರ್ಯಕ್ರಮದಲ್ಲಿ ಎಲ್ಲಾ ಪತ್ರಕರ್ತರು ಉಪಸ್ಥಿತರಿದ್ದರು.

ಶ್ರೀನಿವಾಸಪುರ: ವಿಧಾನಸಭಾ ಕ್ಷೇತ್ರ ಗೌಡಹಳ್ಳಿ ಗ್ರಾಮದಲ್ಲಿ ಭಾನುವಾರ ಏರ್ಪಡಿಸಿದ್ದ ಕನ್ನಡ ರಾಜ್ಯೋತ್ಸವ ಸಮಾರಂಭವನ್ನು ಜಿಲ್ಲಾ ಕನ್ನಡ ಸಾಹಿತ್ಯಪರಿಷತ್ತಿನ ಅಧ್ಯಕ್ಷ ಎನ್.ಬಿ.ಗೋಪಾಲಗೌಡ, ತಾಲ್ಲೂಕು ಕನ್ನಡ ಸಾಹಿತ್ಯ ಪರಿಷತ್ತಿನ ಅಧ್ಯಕ್ಷ ಶಂಕರೇಗೌಡ, ಸಾಹಿತಿ ಆರ್.ಚೌಡರೆಡ್ಡಿ ಉದ್ಘಾಟಿಸಿದರು.

ನಾಡು ನುಡಿಯ ರಕ್ಷಣೆ ಎಲ್ಲರ ಹೊಣೆ -ಗೋಪಾಲಗೌಡ

ಶ್ರೀನಿವಾಸಪುರ ನಾಡು ನುಡಿಯ ರಕ್ಷಣೆ ನಾಡಿನ ಎಲ್ಲರ ಹೊಣೆ. ಕನ್ನಡ ಕಾರ್ಯಕ್ರಮಗಳನ್ನು ಅರ್ಥಪೂರ್ಣವಾಗಿ ಆಚರಿಸುವುದರ ಮೂಲಕ ಸಮಾಜದಲ್ಲಿ ಮೌಲ್ಯಗಳನ್ನು ಬಿತ್ತಬೇಕು ಎಂದು ಜಿಲ್ಲಾ ಕನ್ನಡ ಸಾಹಿತ್ಯ ಪರಿಷತ್ತಿನ ಅಧ್ಯಕ್ಷ ಎನ್.ಬಿ.ಗೋಪಾಲಗೌಡ ಹೇಳಿದರು.
ಶ್ರೀನಿವಾಸಪುರ ವಿಧಾನಸಭಾ ಕ್ಷೇತ್ರ ಗೌಡಹಳ್ಳಿ ಗ್ರಾಮದಲ್ಲಿ ಸ್ಥಳೀಯ ವಿನಾಯಕ ಗೆಳೆಯರ ಬಳಗದ ವತಿಯಿಂದ ಭಾನುವಾರ ಏರ್ಪಡಿಸಿದ್ದ ಕನ್ನಡ ರಾಜ್ಯೋತ್ಸವ ಸಮಾರಂಭವನ್ನು ಉದ್ಘಾಟಿಸಿ ಮಾತನಾಡಿದ ಅವರು, ಗ್ರಾಮೀಣ ಪ್ರದೇಶದಲ್ಲಿ ಜನರ ನಡುವಿನ ದ್ವೇಷಾಸೂಯೆ ದೂರವಾಗಲು ಸಾಮೂಹಿಕ ಆಚರಣೆಗಳು ಸಹಕಾರಿ ಎಂದು ಅಭಿಪ್ರಾಯಪಟ್ಟರು.
ಕರ್ನಾಟಕ ಏಕೀಕರಣಕ್ಕೆ ಹಲವು ಸಾಹಿತಿ ಕಲಾವಿದರು ಹಾಗೂ ಮುಖಂಡರು ಶ್ರಮಿಸಿದ್ದಾರೆ. ಕೆಲವರು ಪ್ರಾಣಾರ್ಪಣೆ ಮಾಡಿರುವ ಉದಾಹರಣೆಗಳೂ ಇವೆ. ಅವರ ಶ್ರಮ ಹಾಗೂ ತ್ಯಾಗದ ಪ್ರತೀಕವಾಗಿ ಪಡೆದ ನಾಡಿನ ಅಭಿವೃದ್ಧಿಗೆ ಸಾಂಘಿಕ ಪ್ರಯತ್ನ ನಡೆಸಬೇಕು. ಕನ್ನಡ ಅತ್ಯಂತ ಪ್ರಾಚೀನ ಭಾಷೆಯಾಗಿದ್ದು, ಉತ್ಕøಷ್ಟ ಭಾಷೆಯೂ ಆಗಿದೆ. ಹಿಂದಿಯನ್ನು ಹೊರತುಪಡಿಸಿದರೆ, ಅತಿ ಹೆಚ್ಚು ಸಂಖ್ಯೆಯ ಜ್ಞಾನ ಪೀಠ ಪ್ರಶಸ್ತಿಗಳು ಕನ್ನಡ ಸಾಹಿತ್ಯಕ್ಕೆ ಬಂದಿರುವುದು ಹೆಮ್ಮೆಯ ಸಂಗತಿಯಾಗಿದೆ ಎಂದು ಹೇಳಿದರು.
ಕೋಲಾರ ತಾಲ್ಲೂಕು ಕನ್ನಡ ಸಾಹಿತ್ಯ ಪರಿಷತ್ತಿನ ಅಧ್ಯಕ್ಷ ಶಂಕರೇಗೌಡ ಮಾತನಾಡಿ, ಕನ್ನಡಿಗರು ಪರಸ್ಪರ ಪ್ರೀತಿ ವಿಶ್ವಾಸದಿಂದ ಬಾಳಬೇಕು. ಉತ್ತಮ ವಾತಾವರಣದಲ್ಲಿ ಕನ್ನಡ ಕಾರ್ಯಕ್ರಮಗಳನ್ನು ಹಮ್ಮಿಕೊಳ್ಳಬೇಕು. ನಾಡು ನುಡಿಯ ರಕ್ಷಣೆಗಾಗಿ ಶ್ರಮಿಸಿರುವ ವ್ಯಕ್ತಿಗಳನ್ನು ಸ್ಮರಿಸಬೇಕು. ಅವರು ಹಾಕಿಕೊಟ್ಟಿರುವ ಮಾರ್ಗದಲ್ಲಿ ಒಟ್ಟಾಗಿ ನಡೆಯಬೇಕು. ಕನ್ನಡ ಧ್ವಜದ ಆಯ್ಕೆ ಮತ್ತು ಹಾರಿಸುವುದರ ಹಿಂದೆ ದೊಡ್ಡ ಇತಿಹಾಸವಿದೆ ಎಂದು ಹೇಳಿದರು.
ಸಾಹಿತಿ ಆರ್.ಚೌಡರೆಡ್ಡಿ ಮಾತನಾಡಿ, ಭಾಷೆಗಿಂತ ಬದುಕು ದೊಡ್ಡದು. ಹಾಗಾಗಿಯೇ ಬದಲಾದ ಪರಿಸ್ಥಿತಿಯಲ್ಲಿ ಜನರು ಬದುಕು ಕಟ್ಟಿಕೊಳ್ಳಲು ಸಹಾಯಕವಾದ ಭಾಷೆಯ ಕಡೆ ವಾಲುತ್ತಿದ್ದಾರೆ. ಈ ಪರಿಸ್ಥಿತಿ ಬದಲಾಗಬೇಕಾದರೆ, ಸರ್ಕಾರ ಕನ್ನಡ ಭಾಷೆಯಿಂದ ಅನ್ನ ಸಿಗುವ ಯೋಜನೆಗಳ ಜಾರಿಗೆ ಒತ್ತು ನೀಡಬೇಕು. ನಗರಗಳಿಂದ ಕನ್ನಡ ಭಾಷೆ ಉಳಿದಿಲ್ಲ. ಗ್ರಾಮೀಣ ಜನರಿಂದ ಮಾತ್ರ ಭಾಷೆ ಬದುಕಲು ಸಾಧ್ಯ. ಗ್ರಾಮೀಣ ಪ್ರದೇಶದ ಜನರು ಜನಪದ ಸಾಹಿತ್ಯ ಹಾಗೂ ಕ್ರೀಡೆ ಹಾಗೂ ಸಂಸ್ಕøತಿಯ ಉಳಿವಿಗೆ ಪ್ರಾಮಾಣಿಕ ಪ್ರಯತ್ನ ಮಾಡಬೇಕು ಎಂದು ಹೇಳಿದರು.
ಚಿಕ್ಕಬಳ್ಳಾಪುರ ತಾಲ್ಲೂಕು ಪಂಚಾಯಿತಿ ಕಾರ್ಯನಿರ್ವಹಣಾಧಿಕಾರಿ ಮಂಜುನಾಥ್, ಗ್ರಾಮದ ಹಿರಿಯರಾದ ಗೋಪಾಲಪ್ಪ, ರೇಣುಕಮ್ಮ, ರವಿ, ಸೀನಪ್ಪ, ಶಂಕರಪ್ಪ, ಮುನೇಗೌಡ, ವೆಂಕಟೇಶಪ್ಪ, ಅಶ್ವತ್ಥನಾರಾಯಣಗೌಡ, ಶ್ರೀನಿವಾಸ್, ನಾಗರೆಡ್ಡಿ, ದಾಸಪ್ಪ, ಹರೀಶ್, ಮುನಿವೆಂಕಟಪ್ಪ ಸಮಾರಂಭದಲ್ಲಿ ಇದ್ದರು.