HOLY ROSARY CHURCH, KUNDAPUR – 450 th JUBILEE SOUVENIR 2021

ದೆಹಲಿ, ಮೇ 7: ಭಾರತೀಯ ಸೇನೆಯ “ಆಪರೇಶನ್ ಸಿಂಧೂರ” ಹೆಸರಿನ ವಿಶೇಷ ದಾಳಿಯಲ್ಲಿ ನೂರಕ್ಕೂ ಹೆಚ್ಚು ಉಗ್ರರನ್ನು ಹೊಡೆದುರುಳಿಸಲಾಗಿದೆ ಎಂಬ ಮಹತ್ವದ ಮಾಹಿತಿ ಬೆಳಕಿಗೆ ಬಂದಿದೆ. ಈ ಕುರಿತು ಇಂದು ಬೆಳಿಗ್ಗೆ 10 ಗಂಟೆಗೆ ರಕ್ಷಣಾ ಮತ್ತು ವಿದೇಶಾಂಗ ಇಲಾಖೆ ಸಂಯುಕ್ತವಾಗಿ ಪತ್ರಿಕಾಗೋಷ್ಠಿ ನಡೆಸಿದೆ

ಭಾರತದ ಸೇನೆ ಮೂರು ಪ್ರಮುಖ ಉಗ್ರ ಸಂಘಟನೆಗಳ ನೆಲೆಗಳ ಮೇಲೆ ನಿಖರ ಗುರಿಯೊಂದಿಗೆ ದಾಳಿ ನಡೆಸಿದ್ದು, ಜೈಶ್ ಎ ಮೊಹ್ಮದ್ ಉಗ್ರ ಸಂಘಟನೆಯ ಪ್ರಮುಖ ಉಗ್ರನ ನೆಲೆಯಾಗಿದ್ದ ಪಾಕಿಸ್ತಾನದ ಸುಬಾನ್ ಅಲ್ಲಾ ಮಸೀದಿಯ ಮೇಲೂ ಟಾರ್ಗೆಟ್‌ಡ್ ದಾಳಿ ನಡೆದಿದೆ.

ಈ ಭಾರೀ ಕಾರ್ಯಾಚರಣೆ ಪಾಕಿಸ್ತಾನವನ್ನು ತತ್ತರಿಸಿ ಹಾಕಿದ್ದು, ನಿಯಂತ್ರಣ ರೇಖೆ (ಎಲ್ಒಸಿ) ಉದ್ದಕ್ಕೂ ಅನಿಯಂತ್ರಿತ ದಾಳಿಗೆ ಪಾಕಿಸ್ತಾನ ಮುಂದಾಗಿದೆ ಎಂದು ಭಾರತ ಆರೋಪಿಸಿದೆ. ಈ ದಾಳಿಗಳಲ್ಲಿ ಕಾಶ್ಮೀರದಲ್ಲಿ ತೀವ್ರ ಬಲಾಹೀನತೆ ಉಂಟಾಗಿದ್ದು, ಮೂವರು ನಾಗರಿಕರು ಬಲಿಯಾಗಿದ್ದಾರೆ ಎಂಬ ಮಾಹಿತಿ ಲಭ್ಯವಾಗಿದೆ.

ಸೇನೆ ಈಗಾಗಲೇ ಶ್ರೀನಗರ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣವನ್ನು ತನ್ನ ನಿಯಂತ್ರಣಕ್ಕೆ ತೆಗೆದುಕೊಂಡಿದ್ದು, ಭದ್ರತಾ ಕ್ರಮವನ್ನು ಬಿಗಿಗೊಳಿಸಲಾಗಿದೆ. ಎಲ್ಲಾ ಹಾರಾಟಗಳನ್ನು ತಾತ್ಕಾಲಿಕವಾಗಿ ಸ್ಥಗಿತಗೊಳಿಸಲಾಗಿದೆ.

ಇನ್ನು ಭಾರತೀಯ ಸೇನೆಯ ಈ ಮಹತ್ವದ ಕಾರ್ಯಾಚರಣೆ ಕುರಿತು ವಿವರ ನೀಡಲು ಇಂದು ಬೆಳಿಗ್ಗೆ ನಡೆಯಲಿರುವ ಸುದ್ದಿಗೋಷ್ಠಿಯಲ್ಲಿ ಹೆಚ್ಚಿನ ಮಾಹಿತಿ ಬಹಿರಂಗವಾಗುವ ನಿರೀಕ್ಷೆ ವ್ಯಕ್ತವಾಗಿದೆ. ದೇಶದ ಭದ್ರತಾ ನೀತಿ ಮತ್ತು ಪಾಕಿಸ್ತಾನಕ್ಕೆ ನೀಡಲಿರುವ ಮುಂದಿನ ಸಂದೇಶದ ಕುರಿತು ಪ್ರಮುಖ ಘೋಷಣೆಗಳು ಹೊರ ಬೀಳಲಿವೆ.

ಶ್ರೀನಿವಾಸಪುರ : ಇದು ನಮ್ಮ ತಾಲೂಕು ನನಗೆ ಜನ್ಮ ನೀಡಿದ ಸ್ಥಳ . ನಮ್ಮ ಮನೆ ಶುದ್ಧವಾಗಿರಬೇಕು ಆಗ ಬೇರೆಯವರಿಗೆ ಹೇಳಲು ಸಾಧ್ಯ. ನಮ್ಮ ತಾಲೂಕಿನ ಅಧಿಕಾರ ವರ್ಗದವರು ಸಾರ್ವಜನಿಕರ ಕೆಲಸಗಳು ಸರಿಯಾಗಿ ಮಾಡಿ . ಬೇರೆಯವರಿಗೆ ಮಾದರಿಯಾಗಬೇಕು ಎಂದು ಉಪಲೋಕಾಯುಕ್ತ ವೀರಪ್ಪ ತಿಳಿಸಿದರು.
ಪಟ್ಟಣದ ಪುರಸಭೆ ಸಭಾಂಗಣದಲ್ಲಿ ಮಂಗಳವಾರ ತಾಲೂಕಿನ ವಿವಿಧ ಇಲಾಖೆಗಳ ಅಧಿಕಾರಿಗಳ ಸಭೆಯಲ್ಲಿ ಮಾತನಾಡಿದರು.
ಆಗ ರಾಜ್ಯದಲ್ಲಿ ನಾನು ಯಾವ ತಾಲೂಕು, ಜಿಲ್ಲೆಗಳಲ್ಲಿ ಓಡಾಡಲು ಸಾಧ್ಯ . ಅಲ್ಲಿನ ಅಧಿಕಾರಿಗಳಿಗೆ ಸೂಚನೆ ನೀಡಲು ಸಾಧ್ಯ. ಇಲ್ಲವಾದಲ್ಲಿ ನನ್ನ ಕಡೆ ಬೆರಳು ತೋರಿಸುತ್ತಾರೆ ಅದು ಆಗಬಾರದು ಎಂದು ಅಧಿಕಾರಿಗಳಿಗೆ ಸೂಚಿಸಿದರು.
ಲೋಕಾಯುಕ್ತ ಇಲಾಖೆ ಯಾವುದೇ ಸರ್ಕಾರದ ಅದೀನದಲ್ಲಿ ಇಲ್ಲ. ದೇಶದಲ್ಲಿಯೇ ಒಂದು ಬಲಿಷ್ಠವಾದ ಇಲಾಖೆ. ಸ್ವಯತ್ತತೆಯ ಸಂಸ್ಥೆ ಇದ್ದು, ಸಮಾಜದಲ್ಲಿ ಭ್ರಷ್ಟ, ದುರಾಡಳಿತನ್ನು ಹೋಗಾಡಿಸುವುದೇ ನಮ್ಮ ಉದ್ದೇಶ. ಅಧಿಕಾರಿಗಳಲ್ಲಿನ ಮಂದಗತಿ ಕೆಲಸಕ್ಕಾಗಿ ಜನರು ಬೇಸತ್ತಿದ್ದಾರೆ. ಅಧಿಕಾರಿಗಳು ಕಾನೂನು ಬದ್ದವಾಗಿ ಕೆಲಸ ಮಾಡಿಕೊಡಿ. ಕಾನೂನು ವಿರುದ್ಧವಾಗಿ ಕೆಲಸ ಮಾಡಬೇಡಿ.
ಪಟ್ಟಣದಲ್ಲಿ ಅಂದಾಜು 2 ಲಕ್ಷ ಜನಸಂಖ್ಯೆ ಇರಬಹುದು. ಆದರೆ ಎಲ್ಲರೂ ಅಧಿಕಾರಿಗಳು ಆಗಲು ಸಾಧ್ಯವಿಲ್ಲ. ಕೆಲವರಿಗೆ ಮಾತ್ರ ಜನರ ಸೇವೆ ಮಾಡಲು ಅವಕಾಶ ಅಷ್ಟೆ ಅದನ್ನ ಸದ್ಭಳಕೆ ಮಾಡಿಕೊಳ್ಳಬೇಕು ಅಷ್ಟೆ. ರಾಜ್ಯದಲ್ಲಿ ಅಂದಾಜು 7 ಕೋಟಿ ಜನಸಂಖ್ಯೆ ಇದ್ದು , ಅದರಲ್ಲಿ 5 ಸಾವಿರ ಜನಸಂಖ್ಯೆ ಅಧಿಕಾರಿಗಳು ಇದ್ದೇವೆ. ಉಳಿದ ಜನಸಂಖ್ಯೆಗೆ ಸೇವೆ ಮಾಡುವ ಅವಕಾಶ ಸಿಕ್ಕದೆ ಅದನ್ನು ಸದುಪಯೋಗ ಮಾಡಿಕೊಳ್ಳಬೇಕು . ಈ ಹಿಂದೆ ನಮ್ಮ ದೇಶವು ಸಂಸ್ಕಾರಯುತ ದೇಶ ಎಂಬ ಹೆಗ್ಗಳಿಕೆ ಹೊಂದಿತ್ತು. ಆದರೆ ಅಧಿಕಾರದ ಲೈಸನ್ಸ್ ಸಿಕ್ಕಿ ಮೇಲೆ ಭ್ರಷ್ಟರಾಗಿ ಹೋಗುತ್ತಿದ್ದಾರೆ ಎಂದು ಬೇಸರ ವ್ಯಕ್ತಪಡಿಸಿದರು. ಬಲಿಷ್ಟ ಲೋಕಾಯುಕ್ತ ಸಂಸ್ಥೆ ಅಧಿಕಾರ ಇರುವ ಮುಖ್ಯಮಂತ್ರಿ, ಇತರೆ ಅಧಿಕಾರಿಗಳನ್ನು ಜೈಲಿಗೆ ಕಳುಹಿಸಲಾಗಿರುವ ಉದಾಹಣೆ ಇದೆ. ನಾವು ಒಂದು ತಿಂಗಳ ಮುಂಚ್ಚೆಯೇ ಅಧಿಕಾರಿಗಳಿಗೆ ಪರಿಶೀಲಿನೆ ಬರುವುದಾಗಿ ತಿಳಿಸಲಾಗುತ್ತದೆ ಆದರೂ ಅಧಿಕಾರಿಗಳಿಗೆ ಶಿಕ್ಷೆ ನೀಡಲಾಗುತ್ತದೆ.
ಜನರನ್ನು ಕಚೇರಿಗೆ ಅಲಿಸಬೇಡಿ ಜನರ ಸೇವೆಯನ್ನು ಕಾಲ ಕಾಲಕ್ಕೆ ಕಾರ್ಯನಿರ್ವಹಸಿ . ಅಧಿಕಾರಿಗಳು ಜನರ ಕೈಗೆ ಸಿಗುವಂತೆ ಇರಬೇಕು .ಅವರ ಕೆಲಸಗಳನ್ನು ಅಂದೇ ಮುಗಿಸಿ, ಪ್ರಪಂಚಕ್ಕೆ ನಮ್ಮ ತಾಲೂಕು ಮಾವು ಬೆಳೆಗೆ ಪ್ರಸಿದ್ಧಿ ಹೊಂದಿದೆ. ಅದೇ ರೀತಿಯಾಗಿ ರಾಜ್ಯದಲ್ಲಿ ತಾಲೂಕಿನ ಅಧಿಕಾರಿಗಳು ಜನರ ಕಾರ್ಯಗಳನ್ನು ಅಂದಿನ ಕೆಲಸ ಅಂದೇ ಮುಗಿಸುತ್ತಿದ್ದಾರೆ ಎಂಬ ಹೆಗ್ಗಳಿಕೆಯಾಗಿ ರಾಜ್ಯಕ್ಕೆ ಮಾದರಿಯಾಗಬೇಕು ಎಂದರು.
ನಮ್ಮ ತಾಲೂಕಿನ ಅಧಿಕಾರಿಗಳು ಯಾರ ಬಳಿ ಕೈಚಾಚುವುದಿಲ್ಲ ಎಂಬ ಹೆಗ್ಗಳಿಕೆ ಇದ್ದಾಗ ನಾನು ರಾಜ್ಯದಲ್ಲಿ ಓಡಾಡಲು ಪ್ರಶಂಸೆಯಾಗುತ್ತದೆ. ಇಂದು ವಿದ್ಯಾವಂತರೇ ಮೋಸಗಾರರಾಗಿಬಿಟ್ಟಿದ್ದಾರೆ. ಡಿ.ವಿ.ಗುಂಡಪ್ಪ ತಮ್ಮ ಮಂಕತಿಮ್ಮನ ಕಗ್ಗದಲ್ಲಿ ಹೇಳಿರುವಂತೆ ದೇಶವು ಅದೋ ಗತಿ ಹೋಗಲು ವಿದ್ಯಾವಂತರಿಂದಲೇ ಎಂದು ಹೇಳಿದ್ದರು . ಆದರೆ ನೀವು ನನ್ನ ಆಶಯದೊಂದಿಗೆ ಕೈಜೋಡಿಸಿ , ನಮ್ಮ ತಾಲೂಕುನ್ನು ಭ್ರಷ್ಟ, ದುರಾಡಳಿತ ಮುಕ್ತವನ್ನಾಗಿ ಮಾಡಿ ಮಾದರಿಯನ್ನಾಗಿ ಮಾಡೋಣ ಎಂದರು.
ಪಟ್ಟಣದ ಸಾರ್ವಜನಿಕ ಆಸ್ಪತ್ರೆಗೆ ಕಳೆದ ಎರಡು ಮೂರು ಬೇಟಿ ನೀಡಿದಾಗ ರಾಜ್ಯದಲ್ಲಿಯೇ ಮಾದರಿ ಕೇಂದ್ರವಾಗಿತ್ತು ಆದರೆ ಇಂದು ಅವವ್ಯಸ್ಥೆ ಗೂಡಾಗಿದೆ. ಸ್ವಯಂ ಕೇಸು ಮಾಡುತ್ತೇನೆ. ನಿಮ್ಮ ಇಲಾಖೆಯಲ್ಲಿ ನಾಲ್ಕು ಶಾಲ ಕಟ್ಟಡಗಳು ಬಿದ್ದು ಹೋಗಿವೆ. ಅಲ್ಲದೆ ನಾಲ್ಕು ವರ್ಷಗಳಿಂದ ಶೌಚಾಲಯಗಳು ಸರಿಯಾಗಿ ಕಾರ್ಯನಿರ್ವಹಿಸುತ್ತಿಲ್ಲ. ನಿನ್ನೆಯೇ ನಿಮ್ಮ ಅಧಿಕಾರಿಗೆ ತಿಳಿಸಲಾಗಿದೆ. ಅಲ್ಲದೆ ಕೆಲ ಶಿಕ್ಷಕರು ಬಡ್ಡಿ ವ್ಯಾಪಾರ ಮಾಡುತ್ತಿರುವ ಬಗ್ಗೆ ನನ್ನ ಗಮನಕ್ಕೆ ಬಂದಿದೆ ಅಂತವರ ಬಗ್ಗೆ ಎಚ್ಚರಿಕೆ ನೀಡಿ. ಬಿಸಿಯೂಟ ಸಮಯದಲ್ಲಿ ಮಕ್ಕಳಿಗೆ ಸರಿಯಾಗಿ ಬಡಿಸಿ . ಶಾಲೆಗಳಿಗೆ ಬೇಕಾದ ಮೂಲಭೂತ ಸೌಲಭ್ಯಗಳನ್ನು ಅತಿ ಶೀಘ್ರವಾಗಿ ಸರಿಪಡಿಸುವಂತೆ ಬಿಇಒ ಬಿ.ಸಿ.ಮುನಿಲಕ್ಷ್ಮಯ್ಯ ರವರಿಗೆ ತಿಳಿಸಿದರು.
ಕಚೇರಿಗಳಲ್ಲಿ ದೇವರ ಪೋಟೋ, ಮಹನೀಯರ ಪೋಟೋಗಳು ಇಟ್ಟುಕೊಂಡು ಆವರ ಆಶಯಗಳನ್ನು ದೂರಮಾಡಬೇಡಿ . ನಿಮ್ಮ ಸಂಬಳ ಬಿಟ್ಟು ಬೇರಯಲ್ಲವೂ ವಿಷ. ಸಕಾಲಕ್ಕೆ ಜನರ ಸೇವೆ ಮಾಡಿ . ನಾನು ತುಂಬಾ ಒಳ್ಳೇಯವನು ಆದರೆ ನನ್ನ ಕೆಣಕಬೇಡಿ. ನೀವು ಒಳ್ಳೇಯ ಕೆಲಸ ಮಾಡಿ ನಾನು ನಿಮ್ಮೊಂದಿಗೆ ಇರುತ್ತೇನೆ .
ಪೊಲೀಸರು ಸಮಾಜದಲ್ಲಿ ಯಾವ ರೀತಿ ಇರುಬೇಕು ಎಂದು ನಾನು 2017 ರಲ್ಲಿ ಪುಸ್ತಕವನ್ನು ಬರೆದಿದ್ದೇನೆ. ಪೊಲೀಸರು ಸಮಾಜದಲ್ಲಿ ಕಾನೂನು ವ್ಯವಸ್ಥೆ ಸರಿಪಡಿಸಿ, ಜನರೊಂದಿಗೆ ಸ್ನೇಹಮಯದೊಂದಿಗೆ ವ್ಯವಹರಿಸಬೇಕು. ಅರಣ್ಯ ಪ್ರದೇಶವನ್ನು ಒತ್ತುವರಿ ಮಾಡಕ್ಕೆ ಬಿಡಬೇಡಿ ಅರಣ್ಯ ಅಧಿಕಾರಿಗೆ ಸೂಚಿಸಿದರು . ಕಚೇರಿಯಲ್ಲಿ ಸರಿಯಾಗಿ ಕಾರ್ಯನಿರ್ವಹಿಸದ ಅಧಿಕಾರಿಗಳಿಗೆ , ಸಭೆಗೆ ನಿಗದಿತ ಸಮಯಕ್ಕೆ ಹಾಜರಾಗದ ಬೇಜವ್ದಾರಿ ಅಧಿಕಾರಿಗಳ ವಿರುದ್ಧ ಗರಂ ಆದರು .
ಲೋಕಾಯುಕ್ತ ಎಸ್‍ಪಿ ವಿ.ಧನಂಜಯ್, ಲೋಕಾಯುಕ್ತ ನ್ಯಾಯದೀಶ ಅರವಿಂದ್, ಡಿವೈಎಸ್‍ಪಿ ಸುದೀರ್, ತಹಶೀಲ್ದಾರ್ ಜಿ.ಎನ್.ಸುದೀಂದ್ರ, ಇಒ ಎಸ್.ಶಿವಕುಮಾರಿ, ಪುರಸಭೆ ಮುಖ್ಯಾಧಿಕಾರಿ ವಿ.ನಾಗರಾಜ್ , ಪೊಲೀಸ್ ಇನ್ಸ್‍ಪೆಕ್ಟರ್ ಮಹ್ಮದ್ ಗೊರವನಕೊಳ್ಳ ಇದ್ದರು.

ಕುಂದಾಪುರ: ಫೆರಿ ರಸ್ತೆಯ ಪಾರ್ಕ್ ಬಳಿ ಆಕ್ರಮ ಕ್ರಿಕೆಟ್ ಬೆಟ್ಟಿಂಗ್ ದಂಧೆ ನಡೆಸುತ್ತಿದ್ದವರ ಮೇಲೆ ಕುಂದಾಪುರ ಎಸ್‌ಐ ನಂಜಾನಾಯ್ಕ ಎನ್. ದಾಳಿ ಮಾಡಿ ನಗದು, ಸೊತ್ತು ವಶಪಡಿಸಿಕೊಂಡಿದ್ದಾರೆ.

ದಾಳಿ ವೇಳೆ ಸತೀಶ್ ಎಂಬಾತನನ್ನು ವಶಕ್ಕೆ ಪಡೆದುಕೊಂಡಿದ್ದು, ವಿಕ್ಕಿ ಯಾನೆ ವಿಕಾಸ್ ಹಾಗೂ ವಿವೇಕ ಎಂಬ ಇಬ್ಬರು ಪರಾರಿಯಾಗಿದ್ದಾರೆ.

ಧರ್ಮಶಾಲಾ ಸ್ಟೇಡಿಯಮ್‌ನಲ್ಲಿ ಪಂಚಾಬ್ ಕಿಂಗ್ಸ್ ಮತ್ತು ಲಕ್ಕೋ ತಂಡಗಳ ನಡುವೆ ನಡೆಯುತ್ತಿದ್ದ ಟಿ 20 ಕ್ರಿಕೆಟ್ ಮ್ಯಾಚ್‌ಗೆ ಸಂಬಂಧಪಟ್ಟು ಮೊಬೈಲ್ ಫೋನ್‌ನಲ್ಲಿ ಪಾರ್ಕರ್ ಎಂಬ ಕ್ರಿಕೆಟ್ ಬೆಟ್ಟಿಂಗ್ ವೆಬ್‌ಸೈಟ್ ಮೂಲಕ ದಂಧೆ ನಡೆಸುತ್ತಿದ್ದರು. 4,700 ರೂ. ಹಾಗೂ ಮೊಬೈಲ್ ಫೋನ್ ಸ್ವಾಧೀನಪಡಿಸಿಕೊಂಡಿದ್ದು, ಪ್ರಕರಣ ದಾಖಲಾಗಿದೆ.

ಹುಬ್ಬಳ್ಳಿ: ತಾಲ್ಲೂಕಿನ ಕಿರೆಸೂರ ಗ್ರಾಮದ ಇಂಗಳಹಳ್ಳಿ‌ ಕ್ರಾಸ್‌ನ ರಾಷ್ಟ್ರೀಯ ಹೆದ್ದಾರಿಯಲ್ಲಿ ಮಂಗಳವಾರ ಬೆಳಿಗ್ಗೆ ಲಾರಿ ಮತ್ತು ಕಾರು ಮುಖಾಮುಖಿ‌ ಡಿಕ್ಕಿಯಾಗಿದ್ದು, ಕಾರಿನಲ್ಲಿದ್ದ ಐದು ಮಂದಿ ಸ್ಥಳದಲ್ಲಿಯೇ ಮೃತಪಟ್ಟಿದ್ದಾರೆ. ಕೆಎಂಸಿ-ಆರ್‌ಐ ಆಸ್ಪತ್ರೆಗೆ ಶವ ರವಾನಿಸಲಾಗಿದೆ.

ಶಿವಮೊಗ್ಗ ಜಿಲ್ಲೆಯ ಸಾಗರದ ಶ್ವೇತಾ (29), ಅಂಜಲಿ(26), ಸಂದೀಪ (26), ವಿಠಲ (55) ಮತ್ತು ಶಶಿಕಲಾ (40) ಮೃತಪಟ್ಟವರು ಎಂದು ಗುರುತಿಸಲಾಗಿದೆ.

ಎಸ್ಪಿ ಗೋಪಾಲ ಬ್ಯಾಕೋಡ, ಇನ್‌ಸ್ಪೆಕ್ಟರ್ ಮುರುಗೇಶ ಚನ್ನಣ್ಣವರ ಸ್ಥಳಕ್ಕೆ‌ ಭೇಟಿ ನೀಡಿ‌ ಪರಿಶೀಲನೆ ನಡೆಸಿದ್ದಾರೆ. ಹುಬ್ಬಳ್ಳಿ ಗ್ರಾಮೀಣ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ. ನವಲಗುಂದ ಕಡೆಯಿಂದ ಬರುತ್ತಿದ್ದ ಲಾರಿ ಕಾರಿಗೆ ಡಿಕ್ಕಿ ಹೊಡೆದಿದೆ. ಅಪಘಾತದ ತೀವ್ರತೆಗೆ ಕಾರಿನಲ್ಲಿದ್ದ ಐದು ಮಂದಿ‌ ಮೃತಪಟ್ಟಿದ್ದಾರೆ. ಲಾರಿ‌ ಚಾಲಕ ಪರಾರಿಯಾಗಿದ್ದಾನೆ ಎಂದು‌ ಪೊಲೀಸರು ತಿಳಿಸಿದ್ದಾರೆ.

ಶ್ರೀನಿವಾಸಪುರ : ನೀವು ಇದ್ದರೆ ಎಪಿಎಂಸಿ ಅಧಿಕಾರಿಗಳು ಹಾಗು ಏಜೆಂಟ್‍ಗಳು ಇಲ್ಲ. ನಿಮ್ಮ ಸಮಸ್ಯೆಗಳನ್ನು ಆಲಿಸಿ ಪರಿಹರಿಸಲು ನಾವು ಬಂದಿದ್ದೇವೆ ಎಂದು ಉಪ ಲೋಕಾಯುಕ್ತ ವೀರಪ್ಪ ರೈತರಿಗೆ ತಿಳಿಸಿದರು. ಪಟ್ಟಣದ ವಿವಿಧ ಸರ್ಕಾರಿ ಕಚೇರಿಗಳಿಗೆ ಸೋಮವಾರ ಅನಿರೀಕ್ಷಿತ ಭೇಟಿ ನೀಡಿ ಮಾತನಾಡಿದರು.
ಇದೇ ಸಮಯದಲ್ಲಿ ರೈತರಾದ ತಿನ್ನಲಿ ರಾಮಚಂದ್ರಾರೆಡ್ಡಿ, ದೇವರಾಜ್ ನಮ್ಮ ಬಳಿ ಕಮೀಷನ್ 10 ರೂ ಪಡೆಯುತ್ತಾರೆ. ಆದರೆ ನಮ್ಮ ಸಮಸ್ಯೆಗಳಿಗೆ ಸ್ಪಂದಿಸುತ್ತಿಲ್ಲ ಎಂದು ಅಧಿಕಾರಿಯ ಬಗ್ಗೆ ದೂರಿದರು. ರೈತ ದೇವರೆಡ್ಡಿಹಳ್ಳಿ ಮಾರಪ್ಪರೆಡ್ಡಿ ಮಾತನಾಡಿ ಅಮೀರ್‍ಜಾನ್ ಎಂಬುವವರಿಗೆ ಕೆಳದ ಮೂರು ವರ್ಷಗಳ ಹಿಂದೆ ಮಾವಿನ ಫಸಲುನ್ನು ನೀಡಿದ್ದು ಅದಕ್ಕೆ ಸಂಬಂದಿಸಿದಂತೆ 70 ಸಾವಿರ ಮಾತ್ರ ನೀಡಿ ಉಳಿದ 3ಲಕ್ಷರೂ ಕೊಡಬೇಕು ಆದರೆ ಇದುವರೆಗೂ ನೀಡಿಲ್ಲ ಎಂದು ಉಪಲೋಕಾಯುಕ್ತರಿಗೆ ಮಾಹಿತಿ ನೀಡಿದ ಹಿನ್ನೆಲೆಯಲ್ಲಿ ಎಪಿಎಂಸಿ ಕಾರ್ಯದರ್ಶಿರವರಿಗೆ ಅಮೀರ್‍ಜಾನ್‍ರವರನ್ನು ಕರಿಸಿ ಮಾರಪ್ಪರೆಡ್ಡಿ ಎಂಬುವವರ ಬಾಕಿ ಹಣವನ್ನು ಹಿಂದುರುಗಿಸುವಂತೆ ಸೂಚಿಸಿ ಇಲ್ಲವಾದಲ್ಲಿ ಅತನ ಲೈಸನ್ಸ್‍ನ್ನು ಕಾನ್ಸ್‍ಲ್ ಮಾಡಿ ಎಂದು ತಿಳಿಸಿದರು.
ಇಲ್ಲಿ ತೂಕದ ಮಿಷನ್ ಸರಿಯಾಗಿ ಕಾರ್ಯನಿರ್ವಹಿಸುತ್ತಿಲ್ಲ, ಆವರಣದಲ್ಲಿ ನೀರಿನ ಸಮಸ್ಯೆ, ಮಳೆ ಬಂದರೆ ರಸ್ತೆಗಳಲ್ಲಿ, ಚರಂಡಿಗಳಲ್ಲಿ ನೀರು ನಿಲ್ಲತ್ತದೆ ಇದರಿಂದಾಗಿ ಮೂಗ ಮುಚ್ಚಿಕೊಂಡು ಓಡಾಡುವಂತಹ ಪರಿಸ್ಥಿತಿ ನಿರ್ಮಾಣವಾಗಿದೆ. ಆವರಣದಲ್ಲಿ ಸ್ವಚ್ಚತೆ, ನೈರ್ಮಲ್ಯ ಇಲ್ಲವೇ ಇಲ್ಲ . ರೈತಭವನದಲ್ಲಿನ ಕೊಠಡಿಗಳ ಮೇಲ್ಚಾವಣಿ ಕಿತ್ತಬರುತ್ತಿದೆ ಅಲ್ಲದೆ ಶೌಚಾಲಯ ಸ್ವಚ್ಚತೆ ಇಲ್ಲದಿರುವ ಬಗ್ಗೆ ಗಮನಹರಿಸಿ ಕಾರ್ಯದರ್ಶಿಗೆ ಮೂಲಭೂತ ಸೌಲಭ್ಯಗಳನ್ನು ಅತಿ ಶೀಘ್ರವಾಗಿ ಸರಿಪಡಿಸುವಂತೆ ಸೂಚಿಸಿದರು.
ಹಾಗು ಈ ರಸ್ತೆಯಲ್ಲಿ ವಾಹನಗಳ ದಟ್ಟನೆಯಿಂದಾಗಿ ಸುಗಮವಾಗಿ ವಾಹನಗಳು ಸಂಚರಣೆ ಮಾಡಲು ಆಗುತ್ತಿಲ್ಲ ವಾಹನಗಳ ಸಂಚಾರವನ್ನು ಸರಿಪಡಿಸುವಂತೆ ಪೊಲೀಸ್ ಇನ್ಸ್‍ಪೆಕ್ಟರ್ ರವರಿಗೆ ಸೂಚಿಸಿದರು.

ಪುರಸಭೆಗೆ ಬೇಟಿ ನೀಡಿ ಪಟ್ಟಣದಲ್ಲಿ ಎಲ್ಲಾ ಬಡವಾಣೆಗಳ ಕಟ್ಟಡಗಳ, ಸೈಟ್ ಬಗ್ಗೆ ಮಾಹಿತಿ ನೀಡುವಂತೆ ಹಾಗೂ ಟ್ಯಾಕ್ಸ್ ಎಷ್ಟು ಕಟ್ಟಬೇಕು, ಎಷ್ಟು ಬಾಕಿ ಇದೆ ಎನ್ನುವುದರ ಬಗ್ಗೆ ಮಾಹಿತಿ ನೀಡುವಂತೆ ಪುರಸಭೆ ಮುಖ್ಯಾಧಿಕಾರಿಗಳಿಗೆ ಸೂಚಿಸಿದರು. ಕಚೇರಿಯಲ್ಲಿ ಕಾರ್ಯನಿರ್ವಹಿಸುತ್ತಿದ್ದ ಕೆಲ ಅನುಮಾನ ಸಿಬ್ಬಂದಿಯನ್ನು ಕರೆಸಿ, ಮೊಬೈಲ್‍ನಲ್ಲಿನ ಫೂನ್‍ಫೇ ಪರೀಶೀಲಿಸಿ ಒಂದು ವರ್ಷದ ಬ್ಯಾಂಕ್ ಖಾತೆಯ ಬಗ್ಗೆ ಮಾಹಿತಿ ನೀಡುವಂತೆ ಹಾಗು ಆನ್‍ಲೈನ್ ಗೇಮ್ ಆಡುತ್ತಿದ್ದ ಸಿಬ್ಬಂದಿಯನ್ನು ಕರೆಸಿ ತರಾಟೆಗೆ ತೆಗದುಕೊಂಡರು. ಸ್ಥಳದಲ್ಲಿಯೇ ಇದ್ದ ಪುರಸಭೆ ಮುಖ್ಯಾಧಿಕಾರಿ ಇದೆನ್ನೆಲಾ ಸರಿಯಾಗಿ ನೋಡಿಕೊಳ್ಳುವಂತೆ ರೇಗಿದರು.
ಕೆಎಸ್‍ಆರ್‍ಟಿಸಿ ಹೊಸ ಬಸ್ ನಿಲ್ದಾಣದವನ್ನು ಪರಿಶೀಲಿಸಿ , ಆವರಣದಲ್ಲಿ ಮಧ್ಯದ ಖಾಲಿ ಪಾಕೆಟ್‍ಗಳನ್ನು ನೋಡಿ ಕೆಂಡಾಮಂಡಲರಾಗಿ ವ್ಯವಸ್ಥಾಪಕ ವೇಣುಕುಮಾರ್ ತರಾಟೆಗೆ ತೆಗದುಕೊಂಡು ವಾಚ್‍ಮ್ಯಾನ್ ಸರಿಯಾಗಿ ಕೆಲಸ ಮಾಡುತ್ತಿಲ್ಲವೆಂದು ತಿಳಿಸುತ್ತಾ ವಾಚ್‍ಮ್ಯಾನ್ ತಕ್ಷಣವೇ ಕೆಲಸದಿಂದ ವಜಾ ಮಾಡುವಂತೆ ಸೂಚಿಸಿದರು. ಸಾರ್ವಜನಿಕರ ಸಮಸ್ಯೆಗಳ ಬಗ್ಗೆ ಆಲಿಸಿ ಅಧಿಕಾರಿಗಳಿಗೆ ಸರಿಪಡಿಸುವಂತೆ ಸೂಚಿಸಿದರು.
ಅಬಕಾರಿ ಕಚೇರಿಗೆ ಬೇಟಿ ನೀಡಿ ತಾಲೂಕಿನಲ್ಲಿ ಕೆಲ ಹಳ್ಳಿಗಳಲ್ಲಿ ಶಾಲೆಗಳ ಪಕ್ಕದಲ್ಲಿಯೇ ಮಧ್ಯ ಮಾರಾಟ ಮಾಡುತ್ತಿರುವ ಬಗ್ಗೆ ಮಾಹಿತಿ ಇದ್ದು, ಅಲ್ಲದೆ ಕೆಲ ಅಂಗಡಿಗಳಲ್ಲಿ ಮಧ್ಯ ಮಾರಾಟ ಮಾಡುತ್ತಿದ್ದರೆ , ಬಾರ್ ನಿಗದಿತ ಸಮಯಕ್ಕೆ ತರೆಯದೆ ಅವಧಿಗೂ ಮುನ್ನಾ ಅಂಗಡಿ ತಗೆಯುತ್ತಿದ್ದು ಬಾರ್ ಮಾಲಿಕರಿಗೆ ನಿಗದಿತ ಸಮಯಕ್ಕೆ ಅಂಗಡಿ ತೆರಯುವಂತೆ ನೋಟೀಸ್ ನೀಡುವಂತೆ ಸೂಚಿಸಿ, ತಾಲೂಕಿನಲ್ಲಿ ಯಾವುದೇ ಕಾರಣಕ್ಕೂ ಆಕ್ರಮ ಮಧ್ಯಮರಾಟವಾಗದಂತೆ ಅಬಕಾರಿ ಅಧಿಕಾರಿ ಪುಷ್ಪರವರಿಗೆ ಎಚ್ಚರಿಕೆ ವಹಿಸುವಂತೆ ಸೂಚಿಸಿದರು.
ಸಾರ್ವಜನಿಕ ಆಸ್ಪತ್ರೆ ಬೇಟಿ ನೀಡಿ ನಾನು ಈ ಹಿಂದೆ ಆಸ್ಪತ್ರೆಗೆ ಬೇಟಿ ನೀಡಿದ ಸಮಯದಲ್ಲಿ ತುಂಬಾ ಚೆನ್ನಾಗಿ ನಿರ್ವಹಿಸಲಾಗುತ್ತಿತ್ತು. ಆದರೆ ಇಂದು ಅವವ್ಯಸ್ಥೆಗಳ ಗೂಡಾಗಿದೆ ಎಂದು ಬೇಸರ ವ್ಯಕ್ತಪಡಿಸಿದರು. ಆಸ್ಪತ್ರೆಗೆ ಚಿಕಿತ್ಸೆ ಪಡೆಯಲು ತುಂಬಿ ತುಳುಕುತ್ತಿತ್ತು ಆದರೆ ಆಸ್ಪತ್ರೆಯಲ್ಲಿ ನಾಲ್ವರು ವೈದ್ಯರು ಇಲ್ಲದೆ ಸಾರ್ವಜನಿಕರು ಪರಿತಪಿಸುತ್ತಿದ್ದರು. ಅಲ್ಲದೆ ಔಷಧಿಗಳನ್ನು ಆಸ್ಪತ್ರೆಯಲ್ಲಿ ಉಚಿತವಾಗಿ ನೀಡುತ್ತಿಲ್ಲ. ಔಷಧಿಗಳನ್ನು ಖಾಸಗಿ ಅಂಗಡಿ ತರಿಸುತ್ತಿದ್ದಾರೆ ಎಂದು ಸಾರ್ವಜನಿಕರು ಮಾಹಿತಿ ನೀಡಿದ ಹಿನ್ನೆಲೆಯಲ್ಲಿ ಡಿಎಚ್‍ಒ, ಟಿಎಚ್‍ಒ ರವರನ್ನು ದೂರವಾಣಿಯ ಮೂಲಕ ಸಂರ್ಪಕಿಸಿ ತಕ್ಷಣ ಈ ಆಸ್ಪತ್ರೆ ಸಿಬ್ಬಂದಿ ಹಾಗು ಔಷಧಿಯ ಕೊರತೆಯನ್ನು ಸರಿಪಡಿಸುವಂತೆ ಸೂಚಿಸಿದರು.
ತಹಶೀಲ್ದಾರ್ ಕಚೇರಿ ಸಿಬ್ಬಂದಿಯ ಸಾರ್ವಜನಿಕರ ಕೆಲಸಗಳನ್ನು ನಿಗಧಿತ ಸಮಯಕ್ಕೆ ಸಾರ್ವಜನಿಕರ ಕೆಲಸಗಳನ್ನು ಮಾಡಿಕೊಡುತ್ತಿಲ್ಲ ಸಾರ್ವಜನಿಕರನ್ನು ಪದೇ ಪದೇ ಕಚೇರಿಗೆ ಅಲೆದಾಡಿಸಬೇಡಿ ಎಂದು ತರಾಟೆಗೆ ತೆಗದುಕೊಂಡು, ಸರ್ವ ಕಚೇರಿ, ದಾಖಲೆಗಳ ಕೊಠಡಿಗಳಿಗೆ ಬೇಟಿ ನೀಡಿ ಪರಿಶಿಲೀಸಿದರು.
ಪೊಲೀಸ್‍ಠಾಣೆಗೆ ಬೇಟಿ ನೀಡಿ ಸಾರ್ವಜನಿಕರನ್ನು ಅಲೆದಾಡಿಸಬೇಡಿ. ಸಾರ್ವಜನಿಕರು ನಮ್ಮವರೆ ಎಂದು ಅರಿತು ಅವರ ಕೆಲಸ ಮಾಡಿಕೊಡಿ ಎಂದು ಪೊಲೀಸರಿಗೆ ಸೂಚನೆ ನೀಡಿದರು. ನಿನ್ನೆ (ಭಾನುವಾರ) ನಾಗದೇನಹಳ್ಳಿ ದೇವಾಲಯ ಧಾರ್ಮಿಕ ಕಾರ್ಯಕ್ರಮಕ್ಕೆ ಬೇಟಿ ನೀಡಿದ ಸಂದರ್ಭದಲ್ಲಿ ಪೊಲೀಸರು ಸರಿಯಾಗಿ ಕಾರ್ಯನಿರ್ವಹಿಸಲ್ಲ ಎಂದು ಕೆಂಡಾಮಂಡಲರಾದರು.
ಬಿಇಒ ಕಚೇರಿಗೆ ಬೇಟಿ ನೀಡಿ ಅನುದಾನದ ಬಗ್ಗೆ ಮಾಹಿತಿ ನೀಡುವಂತೆ ಸಿಬ್ಬಂದಿಗೆ ತಿಳಿಸುತ್ತಾ, ಗ್ರಾಮೀಣ ಭಾಗದ ಶಾಲೆಗಳಿಗೆ ಬೇಟಿ ನೀಡಿ ಅಲ್ಲಿನ ಶೈಕ್ಷಣಿಕ ಪ್ರಗತಿಯ ಬಗ್ಗೆ ಮಾಹಿತಿ ಪಡೆಯುವಂತೆ ತಿಳಿಸಿ, ಶಿಕ್ಷಕರು ಶಾಲೆಗಳಿಗೆ ಹೋಗುವುದಕ್ಕಿಂತ ಹೆಚ್ಚು ಖಾಸಗಿ ಕಾರ್ಯಕ್ರಮದಲ್ಲಿ ಪಾಲ್ಗುಳ್ಳುತ್ತಾರೆ ಅವುಗಳನ್ನು ಪರಿಶೀಲಿಸುವಂತೆ ಅಧಿಕಾರಿಗಳಿಗೆ ಸೂಚಿಸಿದರು. ಬೆಸ್ಕಾಂ ಇಲಾಖೆ ಬೇಟಿ ನೀಡಿ ವಿದ್ಯುತ್, ಸಂಪರ್ಕ ಹಾಗು ಟ್ರಾನ್ಸ್‍ಫಾರಂ ಹಾಕಿಕೊಡಲು ರೈತರನ್ನು ಕಚೇರಿಗೆ ಅಲೆದಾಡಿಸಬೇಡಿ ಎಂದರು. ಕೃಷಿ ಇಲಾಖೆ ಬೇಟಿ ನೀಡಿ ಅರ್ಹ ಫಲಾನುಭವಿಗಳಿಗೆ ಸರ್ಕಾರದ ಅನುದಾನಗಳನ್ನು ವಿತರಿಸುವಂತೆ ಅಧಿಕಾರಿಗಳಿಗೆ ಸೂಚಿಸಿ, ದಾಖಲೆಗಳನ್ನು ಪರಿಶೀಲಿಸಿದರು.
ಲೋಕಾಯುಕ್ತ ಎಸ್‍ಪಿ ವಿ.ಧನಂಜಯ್, ಕೋಲಾರ ನ್ಯಾಯಾದೀಶ ಸುನಿಲ್ ಎಸ್. ಹೊಸಮಣಿ, ಲೋಕಾಯುಕ್ತ ನ್ಯಾಯಾದೀಶ ಎನ್.ವಿ.ಅರವಿಂದ್,ತಹಶೀಲ್ದಾರ್ ಜಿ.ಎನ್.ಸುದೀಂದ್ರ, ಇಒ ಎಸ್.ಶಿವಕುಮಾರಿ , ಪೊಲೀಸ್ ಇನ್ಸ್‍ಪೆಕ್ಟರ್ ಮಹ್ಮದ್ ಗೊರವನಕೊಳ್ಳ, ಪುರಸಭೆ ಮುಖ್ಯಾಧಿಕಾರಿ ವಿ.ನಾಗರಾಜ್, ಲೋಕಾಯುಕ್ತ ಇನ್ಸ್‍ಪೆಕ್ಟರ್‍ಗಳಾದ ಯಶ್ವಂತ್, ಆಂಜನಪ್ಪ ಹಾಗು ಸಿಬ್ಬಂದಿ ಇದ್ದರು.

ಶ್ರೀನಿವಾಸಪುರ : ಗ್ರಾಮದಲ್ಲಿ ಎಲ್ಲರೂ ಒಗ್ಗಟ್ಟಿನಿಂದ ಈ ಮಹಾದ್ವಾರ ನಿರ್ಮಾಣ ಮಾಡಿರುವಂಥದ್ದು ತುಂಬಾ ಸಂತೋಷದ ವಿಷಯ ಒಂದು ಮನೆಗೆ ಮುಖ್ಯ ಬಾಗಿಲು ಎಷ್ಟು ಮುಖ್ಯವೋ ಗ್ರಾಮಕ್ಕೆ ಅದೇ ರೀತಿ ಮಹಾದ್ವಾರ ಅಷ್ಟೆ ಮುಖ್ಯ ಎಲ್ಲರೂ ಒಗ್ಗಟ್ಟಿನಿಂದ ಸಂತೋಷವಾಗಿರುವುದನ್ನು ಕಂಡು ತುಂಬಾ ಸಂತೋಷವಾಗುತ್ತಿದ್ದು ಇದೇ ರೀತಿಯಾಗಿ ಎಲ್ಲಾ ಗ್ರಾಮಗಳಲ್ಲಿಯೂ ಸಹ ಅಣ್ಣ ತಮ್ಮಂದಿರಂತೆ ಅಕ್ಕ ತಂಗಿಯರಂತೆ ಸೌಹಾರ್ದತೆಯಿಂದ ಬದುಕಬೇಕು ಎಂದು ತಹಶೀಲ್ದಾರ್ ಜಿ.ಎನ್.ಸುದೀಂದ್ರ ತಿಳಿಸಿದರು.
ತಾಲೂಕಿನ ಬಂಗವಾದಿ ಗ್ರಾಮದಲ್ಲಿ ಭಾನುವಾರ ನಡೆದ ಶ್ರೀ ವೀರಾಂಜನೇಯ ಸ್ವಾಮಿ ದೇವಾಲಯ ಜೀರ್ಣೋದ್ಧಾರ ಹಾಗೂ ಮಹಾದ್ವಾರ ಕಾರ್ಯಕ್ರದಲ್ಲಿ ಪಾಲ್ಗೊಂಡು ಮಾತನಾಡಿದರು.
ಶ್ರೀನಿವಾಸಪುರ ಪೊಲೀಸ್ ಠಾಣೆಯ ಇನ್ಸ್ಪೆಕ್ಟರ್ ಗೊರವನಕೊಳ್ಳ ಮಾತನಾಡಿ ನೂತನವಾಗಿ ದೇವಾಲಯ ನಿರ್ಮಾಣ ಹಾಗೂ ಮಹದ್ವಾರ ನಿರ್ಮಾಣ ಮಾಡಿದ್ದು ದೇವರ ಆಶೀರ್ವಾದ ಸದಾ ನಮ್ಮ ಮೇಲೆ ಇರಲಿ ಗ್ರಾಮದಲ್ಲಿ ಎಲ್ಲರೂ ಸಹ ತುಂಬಾ ಸೌಹಾರ್ದತೆಯಿಂದ ಬದುಕುತ್ತಿದ್ದು ಇದೇ ರೀತಿಯಾಗಿ ಮುಂದುವರೆಯಲಿ ಎಂದು ಶುಭ ಹಾರೈಸಿದರು.
ನಿವೃತ್ತ ಪೊಲೀಸ್ ಇನ್ಸ್ಪೆಕ್ಟರ್ ಗುಡೇಗೌಡ ಮಾತನಾಡಿ ಗ್ರಾಮಸ್ಥರ ಸಹಕಾರದೊಂದಿಗೆ ತುಂಬಾ ಬಹಳ ಅದ್ಭುತವಾಗಿ ಕಾರ್ಯಕ್ರಮ ನಡೆಯಿತು, ಮಹದ್ವಾರ ನಿರ್ಮಾಣ ಮಾಡಲು ಸಹಕಾರ ನೀಡಿದಂತಹ ಎಲ್ಲಾ ಸ್ನೇಹಿತರಿಗೂ ಎಲ್ಲ ಗ್ರಾಮಸ್ಥರಿಗೂ ಧನ್ಯವಾದಗಳು ತಿಳಿಸಿದರು.
ಪೂಜಾ ಕಾರ್ಯಕ್ರಮಗಳನ್ನು ಅರ್ಚಕ ವೇಣುಗೋಪಾಲಸ್ವಾಮಿ ತಂಡ ನೆರವೇರಿಸಿಕೊಟ್ಟರು. ಗ್ರಾಮದ ಮುಖಂಡರಾದ ಮುನಿಯಪ್ಪ, ಮುನೇಗೌಡ, ನಂಜುಡಗೌಡ, ಪಿಳ್ಳರಾಮೇಗೌಡ, ಅಶ್ವತಗೌಡ, ಬಿ.ಎಂ.ರವಿಕುಮಾರ್, ಕೆ.ನಾಗರಾಜಪ್ಪ, ಎಂ.ನಾಗರಾಜಗೌಡ, ಬಿಜೆಪಿ ಶಿವಣ್ಣ, ಚೌಡಪ್ಪ, ಟಿಪಿಎಸ್ ಕೃಷ್ಣಮೂರ್ತಿ, ಲಾಯರ್ ಎನ್.ಶ್ರೀನಿವಾಸಗೌಡ, ಮುನಿವೆಂಕಟರೆಡ್ಡಿ, ಶ್ರೀನಿವಾಸಗೌಡ, ಸ್ಕಂದಶ್ರೀನಿವಾಸ್, ಚೆನ್ನಕೇಶವ, ಚಂದ್ರಶೇಖರ್ ಹಾಗು ಗ್ರಾಮಸ್ಥರು ಇದ್ದರು.

ಶ್ರೀನಿವಾಸಪುರ : ದೇಶದ ಅತಿ ದೊಡ್ಡ ಮಾವು ಉತ್ಪಾದನಾ ಕ್ಷೇತ್ರವಾಗಿ ಪ್ರಸಿದ್ಧಿ ಪಡೆದಿರುವ ಶ್ರೀನಿವಾಸಪುರದಲ್ಲಿನ ಮಾವಿನ ಮಾರುಕಟ್ಟೆ ಈ ವರ್ಷದ ಮೇ 15ರಿಂದ ಅಧಿಕೃತವಾಗಿ ಆರಂಭಗೊಳ್ಳಲಿದೆ. ಈಗಾಗಲೇ ತಯಾರಿ ಕಾರ್ಯಗಳು ತೀವ್ರಗೊಂಡಿದ್ದು, ಎಪಿಎಂಸಿ ಹಾಗೂ ಖಾಸಗಿ ಮಾರುಕಟ್ಟೆಗಳ ಮಾಲೀಕರು, ರೈತರು ಮತ್ತು ವ್ಯಾಪಾರಸ್ಥರು ಸಜ್ಜಾಗುತ್ತಿದ್ದಾರೆ.

ತಾಲೂಕಿನಲ್ಲಿ ಸುಮಾರು 57 ಸಾವಿರ ಎಕರೆ ಭಾಗದಲ್ಲಿ ಮಾವು ಬೆಳೆಯಲಾಗುತ್ತಿದೆ. ಈ ಹಿನ್ನೆಲೆ ಶ್ರೀನಿವಾಸಪುರ ‘ಮಾವಿನ ನಾಡು’, ‘ಮಾವಿನ ರಾಜಧಾನಿ’ ಎಂಬ ಹೆಸರನ್ನು ಸಂಪೂರ್ಣವಾಗಿ ಸ್ಥಾಪಿಸಿಕೊಂಡಿದೆ. ಇಲ್ಲಿನ ಮಾವಿಗೆ ರಾಜ್ಯದಷ್ಟೇ ಅಲ್ಲದೆ ದೇಶದಾದ್ಯಂತ ಭಾರೀ ಬೇಡಿಕೆ ಉಂಟಾಗಿದೆ.

ತೋತಾಪುರಿ , ನೀಲಂ , ರಾಜಗಿರ , ಮಲಿಕಾ‌, ಬಾದಾಮಿ , ಬೇನಿಶ , ಮಲ್ಗೋಬಾ , ಖುದ್ದೂಸ್ , ಶಕರ್ ಬೀಜ್ , ದೇಸರಿ , ಇಮಾಮ್ ಪಸಂದ್ , ಪಾಶಾ ಪಸಂದ್ , ಶೇರಿ , ದಿಲ್ ಪಸಂದ್ , ಖುದಾದತ್ , ಕೆಸರ್ , ಚಿತ್ತೋರ, ನಾಟಿ , ಮುಂತಾದ ಪ್ರಸಿದ್ಧ ಮಾವು ತಳಿಗಳು ಇಲ್ಲಿ ಸಸ್ಯವಾಗುತ್ತವೆ. ಇವುಗಳಲ್ಲಿ ಕೆಲವು ತಳಿಗಳು ಅಂತಾರಾಷ್ಟ್ರೀಯ ಮಟ್ಟದಲ್ಲಿಯೂ ಪ್ರಸಿದ್ಧಿಯಾಗಿವೆ.

ಇಲ್ಲಿನ ಮಾವುಗಳು ಜಮ್ಮು-ಕಾಶ್ಮೀರ್, ಪಂಜಾಬ್, ಹರಿಯಾಣಾ, ರಾಜಸ್ಥಾನ್, ಗುಜರಾತ್, ಉತ್ತರ ಪ್ರದೇಶ, ಜಾರ್ಖಂಡ್, ಮಧ್ಯ ಪ್ರದೇಶ, ವೆಸ್ಟ್ ಬಂಗಾಳ , ಗೋವಾ, ಕೇರಳ, ಛತ್ತೀಸ್ಗಢ, ಬಿಹಾರ , ತಮಿಳ್ ನಾಡು , ಆಂಧ್ರ ಪ್ರದೇಶ್, ಕೇರಳ ಹಾಗೂ ಇತರ ರಾಜ್ಯಗಳಿಗೆ ನಿತ್ಯ ರವಾನೆಯಾಗುತ್ತವೆ. ಬಾದಾಮಿ, ಮಲಿಕಾ‌, ಬೇನಿಶ ತಳಿಗಳ ಮಾವುಗಳು ದುಬೈ, ಸೌದಿ ಅರೇಬಿಯಾ, ಸಿಂಗಾಪುರ್ ಸೇರಿದಂತೆ ಹಲವು ರಾಷ್ಟ್ರಗಳಿಗೆ ರಫ್ತು ಮಾಡಲಾಗುತ್ತಿವೆ. ಅಲ್ಲದೆ ಇಲ್ಲಿನ ಮಾವಿನಿಂದ ತಯಾರಾಗುವ ಜ್ಯೂಸ್ ಹಾಗೂ ಮೌಲ್ಯವರ್ಧಿತ ಉತ್ಪನ್ನಗಳಿಗೂ ವಿದೇಶಗಳಲ್ಲಿ ಬೇಡಿಕೆ ಹೆಚ್ಚುತ್ತಿದೆ.

ಈ ಬಾರಿ ಮೇ 15 ರಿಂದ ಮಾರುಕಟ್ಟೆ ಆರಂಭವಾಗಲಿದ್ದು, ರೈತರು ಹಾಗೂ ವ್ಯಾಪಾರಸ್ಥರಲ್ಲಿ ನೂತನ ಆಶೆಗಳು ಮೂಡಿವೆ. ಮಾರುಕಟ್ಟೆಗಳ ತಯಾರಿ ಕೆಲಸಗಳು ಪೂರ್ಣಗೊಂಡಿದ್ದು, ಎಲ್ಲಾ ರೀತಿಯ ಸೌಕರ್ಯಗಳನ್ನು ಹೊಂದಿಸಲಾಗುತ್ತಿದೆ. ಪ್ರತ್ಯಕ್ಷ ಖರೀದಿದಾರರು, ಜೈವಿಕ ಉತ್ಪನ್ನ ಹಮ್ಮಿಕೊಳ್ಳುವ ವ್ಯಾಪಾರಸ್ಥರು, ತಾಜಾ ಮಾರುಕಟ್ಟೆ ವ್ಯವಸ್ಥಾಪಕರು ಎಲ್ಲರೂ ತಾವು ತಾವು ಸಜ್ಜಾಗುತ್ತಿದ್ದಾರೆ.

ಈ ಬಾರಿ ಮಾವಿಗೆ ಹವಾಮಾನ ಬೆಂಬಲವಾಗಿಲ್ಲವೋ ಎಂಬ ಅನುಮಾನವಿದ್ದರೂ, ಮಾರುಕಟ್ಟೆ ಆರಂಭವಾದ ಮೇಲೆ ಉತ್ಪಾದನೆಯ ಪೂರ್ಣ ಸ್ಥಿತಿ ಗೊತ್ತಾಗಲಿದೆ. ಕೆಲವೊಂದು ಪ್ರದೇಶಗಳಲ್ಲಿ ಫಲವತ್ತತೆ ಕಡಿಮೆಯಾಗಿದ್ದು, ಇದರಿಂದ ಬೆಲೆಗೆ ಪ್ರಭಾವ ಬೀರುವ ಸಾಧ್ಯತೆಯಿದೆ ಎಂದು ಮಾವು ಬೆಳಗಾರ ಬಿ.ಎ ಸೈಯದ್ ಫಾರೂಕ್ ಬುರಕಾಯಲಕೋಟೆ ಹೇಳಿದ್ದಾರೆ.

ಎಪಿಎಂಸಿ ಮಾರುಕಟ್ಟೆ ಮಂಡಿಗಳ ಮಾಲೀಕರು ಹಾಗೂ ಖಾಸಗಿ ಮಂಡಿಗಳವರು ಮೇ 15 ರಿಂದ ಮಾರುಕಟ್ಟೆ ಆರಂಭವಾಗುತ್ತದೆ ಎಂದು ಅಧಿಕೃತವಾಗಿ ತಿಳಿಸಿದ್ದಾರೆ. ರೈತರು ತಮ್ಮ ಬೆಳೆಗಳನ್ನು ಮಾರಾಟ ಮಾಡಲು ಸಜ್ಜಾಗುತ್ತಿದ್ದಾರೆ. ಈ ಬಾರಿ ಬೆಳೆಗೆ ಉತ್ತಮ ಬೆಲೆ ಸಿಗುತ್ತದೆಯೋ ಇಲ್ಲವೋ ಎಂಬುದು ಮಾರುಕಟ್ಟೆ ಚಟುವಟಿಕೆ ಪ್ರಾರಂಭವಾದ ನಂತರವೇ ಸ್ಪಷ್ಟವಾಗಲಿದೆ.

ಮಾವು ಬೆಳಗಾರ ಬಿ.ಎ ಸೈಯದ್ ಫಾರೂಕ್ ಬುರಕಾಯಲಕೋಟೆ

ಸಂತೆಕಟ್ಟೆ, ಮೇ 4, 2025: ಬೆಳಿಗ್ಗೆ 8:00 ಗಂಟೆಗೆ ನಡೆದ ಗಂಭೀರವಾದ ಯೂಕರಿಸ್ಟಿಕ್ ಆಚರಣೆಯ ಸಂದರ್ಭದಲ್ಲಿ ಹತ್ತು ಆಕರ್ಷಕ ಮಕ್ಕಳು ತಮ್ಮ ಮೊದಲ ಪವಿತ್ರ ಕಮ್ಯುನಿಯನ್ ಸ್ವೀಕರಿಸಿದಾಗ ಕಲ್ಯಾಣಪುರದ ಸಂತೆಕಟ್ಟೆಯ ಮೌಂಟ್ ರೋಸರಿ ಚರ್ಚ್‌ನಲ್ಲಿ ಸಂತೋಷ ಮತ್ತು ಭಕ್ತಿಯ ಚೈತನ್ಯ ತುಂಬಿತು. ಈ ಸ್ಮರಣೀಯ ಮತ್ತು ಆಧ್ಯಾತ್ಮಿಕವಾಗಿ ಮಹತ್ವದ ದಿನವನ್ನು ಯುವ ಸಂವಹನಕಾರರು ಮತ್ತು ಅವರ ಕುಟುಂಬಗಳ ಹೃದಯಗಳಲ್ಲಿ ಶಾಶ್ವತವಾಗಿ ಕೆತ್ತಲಾಗುತ್ತದೆ.

ಪವಿತ್ರ ಬಲಿದಾನವನ್ನು ಪ್ಯಾರಿಷ್ ಪಾದರ್ ರೆವರೆಂಡ್ ಡಾ. ರೋಕ್ ಡಿ’ಸೋಜಾ ಅವರು ಆಚರಿಸಿದರು, ಸಹಾಯಕ ಪ್ಯಾರಿಷ್ ಫಾದರ್ ರೆವರೆಂಡ್ ಫಾದರ್ ಆಲಿವರ್ ನಜರೆತ್ ಅವರು ಆತ್ಮವನ್ನು ಕಲಕುವ ಧರ್ಮೋಪದೇಶವನ್ನು ನೀಡಿದರು. ಹದಿಹರೆಯದ ಸಂತ ಕಾರ್ಲೊ ಅಕ್ಯುಟಿಸ್ ಮತ್ತು ಮಹಾನ್ ಮಿಲಿಟರಿ ಜನರಲ್ ನೆಪೋಲಿಯನ್ ಬೊನಪಾರ್ಟೆ ಅವರಂತಹ ಸಂತರು ಮತ್ತು ಐತಿಹಾಸಿಕ ವ್ಯಕ್ತಿಗಳಿಂದ ಸ್ಫೂರ್ತಿ ಪಡೆದ ಫಾದರ್ ಆಲಿವರ್, ಮಕ್ಕಳು ತಮ್ಮ ಕ್ರಿಶ್ಚಿಯನ್ ಪ್ರಯಾಣವನ್ನು ಧೈರ್ಯ, ನಂಬಿಕೆ ಮತ್ತು ಜವಾಬ್ದಾರಿಯೊಂದಿಗೆ ಸ್ವೀಕರಿಸಲು ಪ್ರೋತ್ಸಾಹಿಸಿದರು.

ದೇವದೂತರ ಬಿಳಿ ಉಡುಪನ್ನು ಧರಿಸಿ, ಮೊದಲ ಪರಮ ಪ್ರಸಾದ ಸ್ವೀಕರಿಸುವ ಮಕ್ಕಳು, ಸಿಸ್ಟರ್ ಆನ್ಸಿಲ್ಲಾ ಡಿ’ಮೆಲ್ಲೊ ಮತ್ತು ಸಮರ್ಪಿತ ಕ್ರೈಸ್ತ ಶಿಕ್ಷಣ ಶಿಕ್ಷಕರ ಮಾರ್ಗದರ್ಶನದಲ್ಲಿ ಸಿದ್ಧಪಡಿಸಲಾದ ಪ್ರಾರ್ಥನೆಯಲ್ಲಿ ಸಕ್ರಿಯವಾಗಿ ಭಾಗವಹಿಸಿದರು. ಅವರ ಪೂಜ್ಯ ವರ್ತನೆ ಮತ್ತು ಪ್ರಾರ್ಥನಾಪೂರ್ವಕ ಒಳಗೊಳ್ಳುವಿಕೆ ಆಚರಣೆಗೆ ಅನುಗ್ರಹ ಮತ್ತು ಅರ್ಥವನ್ನು ಸೇರಿಸಿತು.

ಗಾಯಕವೃಂದ, ಪೋಷಕರು ಮತ್ತು ಕುಟುಂಬ ಸದಸ್ಯರು ಸೇರಿದಂತೆ ಇಡೀ ಪ್ಯಾರಿಷ್ ಸಮುದಾಯವು ಸಂತೋಷದಾಯಕ ಸಾಮರಸ್ಯದಿಂದ ಒಟ್ಟುಗೂಡಿತು, ಚರ್ಚ್‌ನಲ್ಲಿ ಹಬ್ಬದ ಮತ್ತು ಆಧ್ಯಾತ್ಮಿಕವಾಗಿ ಉನ್ನತಿಗೇರಿಸುವ ವಾತಾವರಣವನ್ನು ಸೃಷ್ಟಿಸಿತು.

ಬಲಿದಾನದ ಕೊನೆಯಲ್ಲಿ ಈ ಹೃದಯಸ್ಪರ್ಶಿ ಕ್ಷಣದಲ್ಲಿ, ರೆವರೆಂಡ್ ಡಾ. ರೋಕ್ ಡಿ’ಸೋಜಾ ಹತ್ತು ‘ಪುಟ್ಟ ದೇವತೆಗಳನ್ನು’ ಅಭಿನಂದಿಸಿದರು ಮತ್ತು ಅವರಿಗೆ ಆಶೀರ್ವದಿಸಿದ ರೋಸರಿಗಳು, ಮೌಂಟ್ ಕಾರ್ಮೆಲ್‌ನ ಸ್ಕ್ಯಾಪುಲರ್‌ಗಳು ಮತ್ತು ಮೊದಲ ಪವಿತ್ರ ಕಮ್ಯುನಿಯನ್ ಪ್ರಮಾಣಪತ್ರಗಳನ್ನು ನೀಡಿದರು. ಅವರು ಈಗ ಅವರು ಹೊಂದಿರುವ ಪವಿತ್ರ ಜವಾಬ್ದಾರಿಯನ್ನು ಪ್ರೀತಿಯಿಂದ ನೆನಪಿಸಿದರು – ನಂಬಿಕೆಯಲ್ಲಿ ಬೆಳೆಯಲು ಮತ್ತು ನಿಜವಾದ ಕ್ರಿಶ್ಚಿಯನ್ ಜೀವನವನ್ನು ನಡೆಸಲು.

ವಾಸ್ತವವಾಗಿ, ಮೇ 4, 2025, ಈ ಹತ್ತು ಮಕ್ಕಳು ಮತ್ತು ಮೌಂಟ್ ರೋಸರಿ ಪ್ಯಾರಿಷ್ ಕುಟುಂಬಕ್ಕೆ ಅನುಗ್ರಹ, ಏಕತೆ ಮತ್ತು ಹೊಸ ಆರಂಭದ ದಿನವಾಗಿ ಸ್ಮರಿಸಲಾಗುತ್ತದೆ.

Ten children from Mount Rosary Church received their first Holy Communion

Santhekatte, May 4, 2025:A spirit of joy and devotion filled Mount Rosary Church, Santhekatte, Kallianpur, as ten graceful children received their First Holy Communion during a solemn Eucharistic celebration at 8:00 a.m. This memorable and spiritually significant day will forever be etched in the hearts of the young communicants and their families.

The Holy Mass was celebrated by the Parish Priest, Rev. Dr. Roque D’Souza, with Rev. Fr. Oliver Nazareth, Assistant Parish Priest, delivering a soul-stirring homily. Drawing inspiration from saints and historical figures like teenager Saint Carlo Acutis and a great Military General Napoleon Bonaparte, Fr. Oliver encouraged the children to embrace their Christian journey with courage, faith, and responsibility.

Clad in angelic white attire, the First Communicants actively participated in the liturgy, beautifully prepared under the guidance of Sr. Ancilla D’Mello and dedicated catechism teachers. Their reverent demeanor and prayerful involvement added grace and meaning to the celebration.

The entire parish community, including the Choir, parents, and family members, came together in joyful harmony, creating a festive and spiritually uplifting atmosphere in the church.

In a touching moment at the end of the Mass, Rev. Dr. Roque D’Souza congratulated the ten ‘little angels’ and presented them with blessed Rosaries, Scapulars of Mount Carmel, and Certificates of First Holy Communion. He lovingly reminded them of the sacred responsibility they now bear — to grow in faith and lead an authentic Christian life.

Indeed, May 4, 2025, will be remembered as a day of grace, unity, and new beginnings for these ten children and the Mount Rosary parish family.

Reported by: P. Archibald Furtado Photographs: Mayura Studio Santhekatte Kallianpur

ದಮಾಮ್‌ ; ಸೌದಿ ಅರೇಬಿಯಾದಲ್ಲಿ ನಿವಾಸ, ಉದ್ಯೋಗ ಮತ್ತು ಗಡಿ ಭದ್ರತಾ ನಿಯಮಗಳನ್ನು ಉಲ್ಲಂಘಿಸಿದ್ದಕ್ಕಾಗಿ ಸೌದಿ
ಅಧಿಕಾರಿಗಳು 17,153 ಜನರನ್ನು ಬಂಧಿಸಿದ್ದಾರೆ ಎಂದು ಸೌದಿ ಪ್ರೆಸ್‌ ಏಜೆನ್ಸಿ ವರದಿ ಮಾಡಿದೆ.

ವಾಸಸ್ಥಳ ನಿಯಮಗಳನ್ನು ಉಲ್ಲಂಘಿಸಿದ್ದಕ್ಕಾಗಿ ಒಟ್ಟು 10,305 ಜನರನ್ನು, ಅಕ್ರಮವಾಗಿ ಗಡಿ ದಾಟಲು ಪ್ರಯತ್ನಿಸಿದ್ದಕ್ಕಾಗಿ 3,644 ಜನರನ್ನು ಮತ್ತು ಕಾರ್ಮಿಕ ಕಾನೂನು ಉಲ್ಲಂಘನೆಗಾಗಿ 3,204 ಜನರನ್ನು ಬಂಧಿಸಲಾಗಿದೆ. ಅಕ್ರಮವಾಗಿ ದೇಶವನ್ನು ಪ್ರವೇಶಿಸಲು ಪ್ರಯತ್ನಿಸಿದ್ದಕ್ಕಾಗಿ ಬಂಧಿಸಲ್ಪಟ್ಟ 1,109 ಜನರಲ್ಲಿ 62 ಪ್ರತಿಶತದಷ್ಟು ಇಥಿಯೋಪಿಯನ್ನರು, 35 ಪ್ರತಿಶತದಷ್ಟು ಯೆಮೆನ್‌ ಮತ್ತು 3 ಪ್ರತಿಶತದಷ್ಟು ಇತರ ರಾಷ್ಟ್ರಗಳಿಗೆ ಸೇರಿದವರೆಂದು ತಿಳಿದು ಬಂದಿದೆ.