Author: Jananudi News Network

ಕುಂದಾಪುರ,ಮೇ. 5; ನಿನ್ನೆ ಸಂಜೆ , ದಾವಣಗೆರೆ ಹಾಗೂ ಬಾಗಲಕೋಟೆ ಚುನಾವಣಾ ಗೆಲುವಿನ ಹಿನ್ನೆಲೆಯಲ್ಲಿ ಬ್ಲಾಕ್ ಕಾಂಗ್ರೆಸ್ ಕಚೇರಿಯ ಮುಂದೆ ಕಾಂಗ್ರೆಸ್ ಪಕ್ಷದ ಸದಸ್ಯರು ಪಟಾಕಿ ಸಿಡಿಸಿ ಸಂಭ್ರಮಿಸಿದರು.
ಈ ಸಂದರ್ಭದಲ್ಲಿ ನಗರ ಯೋಜನಾ ಪ್ರಾಧಿಕಾರ ಅಧ್ಯಕ್ಷ ವಿನೋದ್ ಕ್ರಾಸ್ಟೊ , ಮಹಿಳಾ ಬ್ಲಾಕ್ ಅಧ್ಯಕ್ಷೆ ದೇವಕಿ ಸಣ್ಣಯ್ಯ , ಯುವ ಕಾಂಗ್ರೆಸ್ ಬ್ಲಾಕ್ ಅಧ್ಯಕ್ಷ ಅಭಿಜಿತ್ ಪೂಜಾರಿ , ಐಟಿ ಸೆಲ್ ರಾಜ್ಯ ಉಪಾಧ್ಯಕ್ಷ ಚಂದ್ರಶೇಖರ ಶೆಟ್ಟಿ , ಜಿಲ್ಲಾ ಸೋಶಿಯಲ್ ಮೀಡಿಯಾ ಅಧ್ಯಕ್ಷ ರೋಷನ್ ಶೆಟ್ಟಿ , ಅಲ್ಪಸಂಖ್ಯಾತ ಘಟಕದ ಅಧ್ಯಕ್ಷರಾದ ಮುನಾಫ್ ಕೋಡಿ , ಇಂಟಕ್ ಘಟಕದ ಅಧ್ಯಕ್ಷರಾದ ಚಂದ್ರ ಅಮೀನ್ , ಅಲ್ಪಸಂಖ್ಯಾತ ಘಟಕದ ಜಿಲ್ಲಾ ಕಾರ್ಯದರ್ಶಿ ಜೋಸೆಫ್ ರೆಬೆಲ್ಲೊ , ಮಾಜಿ ಪುರಸಭಾ ಸದಸ್ಯ ಪ್ರಭಾವತಿ ಶೆಟ್ಟಿ, ನಾಮ ನಿರ್ದೇಶಿತ ಸದಸ್ಯರಾದ ಅಶೋಕ್ ಸುವರ್ಣ , ಶಶಿಧರ ನಂದಿಬೆಟ್ಟು , ಸದಾನಂದ ಖಾರ್ವಿ, ಹಿರಿಯರಾದ ಅಬ್ದುಲ್ಲಾ ಕೋಡಿ , ರತ್ನಾಕರ ಶೆಟ್ಟಿ , ಶಶಿಕುಮಾರ್ ,ಅರುಣ್ ಪಟೇಲ್ , ವೇಣು ಶಾಂತಿನಿಕೇತನ ,ವೇಲಾ ಬ್ರಗಾಂಜ , ಡಾಲ್ಫಿ ಡಿಕೋಸ್ಟ , ಆಲ್ವಿನ್ ಹೆರಿಕುದ್ರು ಇನ್ನಿತರರು ಉಪಸ್ಥಿತರಿದ್ದರು.

ಕುಂದಾಪುರ,ಮೇ.5; ಕುಂದಾಪುರ ಭಾಗ್ಯೆವಂತೆ ರೋಜರಿ ಮಾತಾ ಚರ್ಚಿನಲ್ಲಿ ಮೇ 1 ರಂದು ಪ್ರಥಮ ಪರಮ ಪ್ರಸಾದದ ಸಂಸ್ಕಾರ ನೆರವೇರಿತು. 5 ಮಕ್ಕಳು ಕ್ರಿಸ್ತ ಪ್ರಸಾದ ಸ್ವೀಕರಿಸಿದರು ಇಗರ್ಜಿಯ ಪ್ರಧಾನ ಗುರುಗಳಾದ ಅ।ವಂ।ಪೌಲ್ ರೇಗೊ ಬಲಿದಾನ ಅರ್ಪಿಸಿ ಪ್ರಥಮ ಕ್ರಿಸ್ತ ಪ್ರಸಾದದ ಧಾರ್ಮಿಕ ವಿಧಿ ನೆರವೇರಿಸಿ ‘ಯೇಸು ಜೀವದಾಯಕ ರೊಟ್ಟಿಯಾಗಿರುವರು, ಪ್ರತೀ ಬಲಿ ಪೂಜೆಯಲ್ಲಿ ಯೇಸು ತನ್ನ ಶರೀರ ಮತ್ತು ತನ್ನ ರಕ್ತವನ್ನು ನಮಗೆ ನೀಡುವ ಮುಖಾಂತರ, ನಮಗೆ ಹೊಸ ಜೀವ ನೀಡುತ್ತಾರೆ, ಕ್ರಿಸ್ತ ಪ್ರಸಾದ, ನಮಗೆ ಆತ್ಮಕ್ಕೆ ಬೇಕಾದ ಮತ್ತು ನಮಗೆ ಮುಕ್ತಿ ಹೊಂದಲು ಬೇಕಾದ ಪ್ರಸಾದವಾಗಿದೆ’ ಎಂದು ಸಂದೇಶ ನೀಡಿ ಪ್ರಥಮ ಭಾರಿ ಪ್ರಸಾದ ಸಂಸ್ಕಾರ ಸ್ವೀಕರಿಸಿದ ಮಕ್ಕಳಿಗೆ ಶುಭ ಕೋರಿದರು.  ಈ ಸಂದರ್ಭದಲ್ಲಿ ಸಂತ ಮೇರಿ ಪಿ.ಯು. ಕಾಲೇಜಿನ ಪ್ರಾಂಶುಪಾಲರಾದ ವಂ।ರೊಲ್ವಿನ್ ಫೆರ್ನಾಂಡಿಸ್, ತ್ರಾಸಿ ಡಾನ್ ಬಾಸ್ಕೊ ಶಾಲೆಯ ಪ್ರಾಂಶುಪಾಲರಾದ ವಂ।ಮ್ಯಾಕ್ಸಿಮ್ ಡಿಸೋಜಾ, ಮಕ್ಕಳಿಗೆ  ಶಿಕ್ಷಣ ನೀಡಿದ ಧರ್ಮಭಗಿನಿ ಇವ್ಲಾ, ಶಿಕ್ಷಕಿ ಜೂಲಿಯೆಟ್ ಪಾಯ್ಸ್ ಮತ್ತು ಮಕ್ಕಳ ಬಂದು ಮಿತ್ರರು ಈ ಸಂಸ್ಕಾರದಲ್ಲಿ ಭಾಗಿಯಾದರು.

ತಲ್ಲೂರು; ತಾರೀಕು 03/05/2026 ರಂದು ತಲ್ಲೂರು ಸಂತ ಫ್ರಾನ್ಸಿಸ್ ಆಸ್ಸಿಸಿ ಚರ‍್ಚಿನಲ್ಲಿ ಮಹಿಳಾ ಆಯೋಗದ ಸಹಯೋಗದಲ್ಲಿ ತಾಯಂದಿರ ದಿನವನ್ನು ಆಚರಿಸಲಾಯಿತು.
ಅಂದು ಬೆಳಗಿನ ದಿವ್ಯ ಬಲಿಪೂಜೆಯನ್ನು ಮೂಡಬೆಳ್ಳೆ ಸೆಮಿನರಿಯ ಆಧ್ಯಾತ್ಮಿಕ ನಿರ‍್ದೇಶಕರಾದ ವಂ। ಫಾ. ಸಿರಿಲ್ ಲೋಬೋ ಅವರು ಪ್ರಧಾನ ಯಾಜಕರಾಗಿ ನೆರವೇರಿಸಿದರು. ಚರ‍್ಚಿನ ಧರ‍್ಮಗುರು ವಂ। ಫಾ. ಎಡ್ವಿನ್ ಡಿಸೋಜಾ ಅವರು ಸಹಕರಿಸಿದರು.
ನಂತರ ಜಯರಾಣಿ ಆಂಗ್ಲ ಮಾಧ್ಯಮ ಶಾಲೆಯ ಸಭಾಂಗಣದಲ್ಲಿ ತಾಯಂದಿರಿಗಾಗಿ ವಿಶೇಷ ಕಾರ್ಯಕ್ರಮ ಎರ‍್ಪಡಿಸಲಾಯಿತು. ಫಾ. ಸಿರಿಲ್ ಲೋಬೋ ಅವರು ತಾಯಂದಿರನ್ನು ಉದ್ದೇಶಿಸಿ “ತಾಯಿ ಎನ್ನುವ ಪದಕ್ಕೆ ಬೆಲೆ ಕಟ್ಟಲಾಗದು. ತಾಯಿ ತನ್ನ ಜೀವವನ್ನೇ ಅಪಾಯದಲ್ಲಿಟ್ಟು ಮಕ್ಕಳನ್ನು ಸಾಕಿ ಕಾಯುತ್ತಾಳೆ. ಆಕೆ ಎಲ್ಲಿದ್ದರೂ ತನ್ನ ಮಕ್ಕಳಿಗೆ ಒಳ್ಳೆಯದನ್ನೇ ಬಯಸುತ್ತಾಳೆ, ಒಳ್ಳೆಯ ಮಾತುಗಳನ್ನು ಆಡುತ್ತಾಳೆ ಹಾಗೂ ಆಶಿರ್ವಾದ ನೀಡುತ್ತಾಳೆ. ಹೆಣ್ಣು ಹೆಣ್ಣಿಗೆ ಶತ್ರುವಾಗದೆ ಪರಸ್ಪರ ಸಹಕಾರದಿಂದ ಬದುಕಬೇಕು” ಎಂದು ತಿಳಿಸಿದರು.
ಅವರು ಪವಿತ್ರ ಗ್ರಂಥದಲ್ಲಿರುವ ಎರಡು ತಾಯಿಯರ ಉದಾಹರಣೆಗಳನ್ನು ನೀಡಿದರು. ಮೇರಿ ಮಾತೆ ತನ್ನ ಮಗನಿಗಾಗಿ ತ್ಯಾಗ ಮಾಡಿದಳು. ಮತ್ತೊಂದೆಡೆ ಹೆರೋದಿಯಾಸ್ ತನ್ನ ಸ್ವಾರ್ಥಕ್ಕಾಗಿ ತನ್ನ ಮಗಳನ್ನು ತಪ್ಪು ಮಾರ್ಗಕ್ಕೆ ದೂಡಿದಳು ಹಾಗೂ ಸ್ನಾನಿಕ ಯೋಹಾನನನ್ನು ಕೊಲ್ಲಲು ಪ್ರೇರೇಪಿಸಿದಳು. “ನಾವು ಮೇರಿ ಮಾತೆಯಂತೆ ನಮ್ಮ ಮಕ್ಕಳಿಗೆ ಒಳ್ಳೆಯ ಮಾರ‍್ಗವನ್ನು ಕಲಿಸಬೇಕು. ಮಕ್ಕಳು ದೊಡ್ಡವರಾದ ನಂತರ ಅವರಿಗೆ ಅವಲಂಬಿತರಾಗದೆ, ನಮ್ಮ ಕೆಲಸವನ್ನು ನಾವು ಮಾಡಿಕೊಳ್ಳಬೇಕು. ನಮ್ಮ ಒಳ್ಳೆಯತನವೇ ನಮ್ಮನ್ನು ರಕ್ಷಿಸುತ್ತದೆ” ಎಂದು ಹೇಳಿದರು.
ತಾಯಂದಿರು ತಮ್ಮ ದಿನದ ಮಹತ್ವವನ್ನು ವಿವಿಧ ಮನರಂಜನಾ ಕರ‍್ಯಕ್ರಮಗಳ ಮೂಲಕ ವ್ಯಕ್ತಪಡಿಸಿದರು.
ಚರ‍್ಚಿನ ಧ ರ‍್ಮಗುರುಗಳಾದ ವಂದನೀಯ ಫಾ. ಎಡ್ವಿನ್ ಡಿಸೋಜಾ ಅವರು ಮಾತನಾಡಿ, “ತಾಯಿ ಕ್ಷಮೆಯಾಧಾರಿತ ವ್ಯಕ್ತಿ. ತಾನು ತಪ್ಪು ಮಾಡಿದರೆ ಕ್ಷಮೆ ಕೇಳುವವಳು ಹಾಗೂ ಇತರರನ್ನು ಕ್ಷಮಿಸುವವಳು. ಮಕ್ಕಳು ತಮ್ಮ ತಂದೆ-ತಾಯಿಯಿಂದಲೇ ಎಲ್ಲವನ್ನೂ ಕಲಿಯುತ್ತಾರೆ. ಆದ್ದರಿಂದ ಮಕ್ಕಳನ್ನು ಒಳ್ಳೆಯವರನ್ನಾಗಿಸಲು ತಂದೆ-ತಾಯಿಯರು ಒಳ್ಳೆಯವರಾಗಿರಬೇಕು” ಎಂದು ತಿಳಿಸಿದರು.
ಸ್ತ್ರೀ ಸಂಘಟನೆಯ ಕೇಂದ್ರೀಯ ಅಧ್ಯಕ್ಷೆಯಾದ ಶ್ರೀಮತಿ ಸಿಲ್ವಿಯಾ ಸುವಾರಿಸ್ ಅವರು ಹಾಜರಿದ್ದು, ಸಂಘಟನೆಯ ಕಾರ್ಯ ವೈಖರಿಯನ್ನು ಶ್ಲಾಘಿಸಿದರು. ಚರ‍್ಚಿನ ಧರ‍್ಮಗುರುಗಳು ಧರ್ಮ ಭಗಿನಿಯರಿಗೆ, ಹಿರಿಯ ತಾಯಂದಿಯರಿಗೆ ಹಾಗೂ ಗರ‍್ಭಿಣಿ ಮಹಿಳೆಗೆ ಶಾಲು ಹೊದಿಸಿ ಗೌರವಿಸಿದರು.
ಕಾರ್ಯಕ್ರಮದಲ್ಲಿ ಚರ‍್ಚಿನ ಪಾಲನಾ ಮಂಡಳಿಯ ಉಪಾಧ್ಯಕ್ಷ, ಕಾರ್ಯದರ್ಶಿ, ಆಯೋಗಗಳ ಸಂಯೋಜಕ ಹಾಗೂ ಧರ‍್ಮ ಭಗಿನಿಯರು ಹಾಜರಿದ್ದರು. ಮಹಾ ಸಂಘದ ಅಧ್ಯಕ್ಷೆ ಶ್ರೀಮತಿ ವಿಲ್ಮಾ ಅಂದ್ರಾದೆ ಅವರು ಅತಿಥಿಗಳನ್ನು ಸ್ವಾಗತಿಸಿದರು. ಕಾರ‍್ಯದರ್ಶಿ ನೀರ್ಮಲ ಮಿನೇಜಸ್ ವರದಿ ವಾಚಿಸಿದರು. ವಲಯದ ಉಪ ಕಾರ್ಯದರ್ಸಿ ಶ್ರೀಮತಿ ಸವಿತಾ ಮೆಂಡೊನ್ಸಾ ಅವರು ಧನ್ಯವಾದ ಸರ‍್ಪಿಸಿದರು. ಶ್ರೀಮತಿ ರೀನಾ ಮೆಂಡೊನ್ಸಾ ಹಾಗೂ ಶ್ರೀಮತಿ ನೀತಾ ಮೆಂಡೊನ್ಸಾ ವಿವಿಧ ಮನರಂಜನಾ ಆಟಗಳನ್ನು ನಡೆಸಿಕೊಟ್ಟರು. ಶ್ರೀಮತಿ ಡಯಾನ ಮಿನೇಜಸ್ ಕರ‍್ಯಕ್ರಮವನ್ನು ನಿರೂಪಿಸಿದರು. ಒಟ್ಟು 147 ಕ್ಕೂ ಹೆಚ್ಚು ತಾಯಂದಿರು ಕಾರ್ಯಕ್ರಮದಲ್ಲಿ ಭಾಗವಹಿಸಿದರು. ಸಹಭೋಜನದೊಂದಿಗೆ ಕಾರ್ಯಕ್ರಮ ಯಶಸ್ವಿಯಾಗಿ ಮುಕ್ತಾಯಗೊಂಡಿತು.

Mother’s Day Celebration by Aradhya  women (Tallur Parish) Association

Tallur; On 03/05/2026, Mother’s Day was celebrated at St. Francis Assisi Church, Tallur, in collaboration with the Women’s Commission.

The Holy Mass in the morning was celebrated by Rev. Fr. Cyril Lobo, Spiritual Director of Moodubelle Seminary, as the main celebrant. He was assisted by the Parish Priest, Rev. Fr. Edwin D’Souza.

After the Mass, a special program for mothers was organized at the auditorium of Jaya Rani English Medium School.

During the program, Rev. Fr. Cyril Lobo addressed the gathering and said that the word “mother” is beyond value. A mother sacrifices her life to nurture and protect her children. Wherever she is, she always wishes good for her children, speaks kindly about them, and blesses them. He emphasized that women should support one another instead of becoming enemies.

He cited examples of two types of mothers from the Holy Scriptures: Mother Mary, who sacrificed for her son, and Herodias, who led her daughter into wrongdoing for selfish reasons and encouraged the beheading of John the Baptist. He urged mothers to guide their children on the right path like Mother Mary and to remain self-reliant even in later life. He concluded by saying that goodness always protects us.

The mothers expressed the significance of their day through various entertainment programs.

Rev. Fr. Edwin D’Souza, Parish Priest, also spoke on the occasion. He said that a mother is a symbol of forgiveness—one who seeks forgiveness for her mistakes and forgives others. Children learn everything from their parents; therefore, if parents are good, children will also grow into good individuals.

Mrs. Sylvia Suvaris, Central President of the Women’s Association, was present and appreciated the activities of the organization. The Parish Priest honored religious sisters, elderly mothers, and a pregnant woman by presenting shawls.

The Vice President, Secretary of the Parish Council, coordinators of 20 commissions, and religious sisters were present for the program.

Mrs. Wilma Andrade, President of the Association, welcomed the gathering. Secretary Nirmala Menezes presented the report, and Mrs. Savita Mendonsa, Assistant Secretary of the Deanery, proposed the vote of thanks.

Mrs. Reena Mendonsa and Mrs. Neetha Mendonsa conducted fun games for the mothers. The program was compered by Mrs. Diana Menezes.

More than 147 mothers participated in the program. The celebration concluded successfully with a fellowship meal.

ಕೋಲಾರ:- ಜಿಲ್ಲಾ ಪ್ರಾಥಮಿಕ ಶಾಲಾ ಶಿಕ್ಷಕರ ಸಂಘದ ಚುನಾವಣೆ ಫಲಿತಾಂಶ ಪ್ರಕಟಗೊಂಡಿದ್ದು, ನೌಕರರ ಸಂಘದ ನಿಕಟಪೂರ್ವ ಅಧ್ಯಕ್ಷ ಜಿ.ಸುರೇಶ್ ಬಾಬು, ಶಿಕ್ಷಕರ ಗೆಳೆಯರ ಬಳಗದ ಅಧ್ಯಕ್ಷ ಕೋರಗಂಡಹಳ್ಳಿ ನಾರಾಯಣಸ್ವಾಮಿ, ಅನಿಲ್ ಕುಮಾರ್ ನೇತೃತ್ವದ ತಂಡ ಎಲ್ಲಾ 20 ಸ್ಥಾನಗಳಲ್ಲೂ ಜಯಭೇರಿ ಬಾರಿಸುವ ಮೂಲಕ ಹಾಲಿ ನೌಕರರ ಸಂಘದ ಅಧ್ಯಕ್ಷ ಅಜಯ್‌ಕುಮಾರ್ ಬಣಕ್ಕೆ ತೀವ್ರ ಹಿನ್ನಡೆಯಾಗಿದೆ.
ಚುನಾವಣೆ ನಡೆದ ಎಲ್ಲಾ 20 ಸ್ಥಾನಗಳನ್ನು ತಮ್ಮದಾಗಿಸಿಕೊಂಡಿರುವ ಅನಿಲ್‌ಕುಮಾರ್ ಹಾಗೂ ಶಿಕ್ಷಕ ಗೆಳೆಯರ ಬಳಗದ ತಂಡ ಗೆಲುವಿನ ನಗೆ ಬೀರಿದ್ದು, ಶಿಕ್ಷಕ ಗೆಳೆಯರ ಬಳಗದ ಅಧ್ಯಕ್ಷ ನಾರಾಯಣಸ್ವಾಮಿ ಹರ್ಷ ವ್ಯಕ್ತಪಡಿಸಿದ್ದಾರೆ.
ಚುನಾವಣೆಯಲ್ಲಿ ಗೆಲುವು ಸಾಧಿಸಿದವರೆಂದರೆ ನೌಕರರ ಸಂಘದ ಹಾಲಿ ನಿರ್ದೇಶಕರೂ ಆಗಿರುವ ಎಸ್.ಬಿ ವೆಂಕಟಾಚಲಪತಿ ಗೌಡ – 594 ಮತ ಹಾಗೂ ಶಿಕ್ಷಕರ ಸಂಘದ ಮಾಜಿ ಜಿಲ್ಲಾಧ್ಯಕ್ಷರೂ ಆಗಿರುವ ಅನಿಲ್ ಕುಮಾರ್ – 697 ಮತ ಪಡೆದು ಗೆಲುವು ದಾಖಲಿಸಿದ್ದಾರೆ.
ಉಳಿದಂತೆ ಅಶ್ವಥಪ್ಪ – 606 ಮತ, ಅಯಾಜ್ ಅಹಮದ್ – 531 ಮತ , ಕೃಷ್ಣಪ್ಪ ಎನ್ – 620 ಮತ, ಮುನಿರಾಜು .ಸಿ -628 ಮತ , ನಾರಾಯಣಸ್ವಾಮಿ .ಸಿ – 658 ಮತ, ನಾರಾಯಣಸ್ವಾಮಿ .ಎಸ್ – 596 ಮತ, ಸತೀಶ .ಬಿ – 616 ಮತ, ಶಿವರಾಜ .ಕೆ – 568 ಮತ, ಸೋಮಶೇಖರ ವಿ – 590 ಮತ, ಸೊಣ್ಣೇಗೌಡ .ಕೆ.ಆರ್ – 621 ಮತ ಹಾಗೂ ಸುಬ್ರಮಣ್ಯಂ .ಎಂ.ವಿ. – 586 ಮತ ಪಡೆದು ಅಭೂತಪೂರ್ವ ಗೆಲುವು ಸಾಧಿಸಿದ್ದಾರೆ.
ಮಹಿಳಾ ಕ್ಷೇತ್ರದಿಮದ ವಿಜೇತ ಪದಾಧಿಕಾರಿಗಳೆಂದರೆ ಶಿಕ್ಷಕರಾದ ವಿ.ಭಾಗ್ಯಲಕ್ಷö್ಮಮ್ಮ, ಕೆ.ಭಾಗ್ಯಮ್ಮ, ಕೆ.ಭಾರತಿ, ಎಸ್.ಜಯಲಕ್ಷಿö್ಮ, ರೇಷ್ಮತಲಾಖ್ ಖಾನಂ, ಆರ್.ಸವಿತಾ, ವಿ.ಮಂಜುಳಾ ಆಯ್ಕೆಯಾಗಿದ್ದಾರೆ.
ಎಲ್ಲಾ 20 ಸ್ಥಾನಗಳು ಶಿಕ್ಷಕ ಗೆಳೆಯರ ಬಳಗ, ನೌಕರರ ಸಂಘದ ನಿಕಟಪೂರ್ವ ಅಧ್ಯಕ್ಷ ಜಿ.ಸುರೇಶ್‌ಬಾಬು ಹಾಗೂ ಅನಿಲ್ ಕುಮಾರ್ ಬಣದ ಪಾಲಾಗಿದೆ.
ಕಳೆದ ಚುನಾವಣೆಯಲ್ಲೂ ಜಿ.ಸುರೇಶ್‌ಬಾಬು ನೇತೃತ್ವದ ಬಣ 20 ಸ್ಥಾನಗಳಲ್ಲಿ ಗೆಲುವು ಸಾಧಿಸಿತ್ತು. ಈ ಬಾರಿ ಕೆಲವು ಮುಖಂಡರು ನಿಷ್ಟೆ ಬದಲಿಸಿದ್ದು, ಬೇರೆ ಬಣದಲ್ಲಿ ಗುರುತಿಸಿಕೊಂಡಿದ್ದರು. ಆದರೆ ಈ ಬಾರಿಯೂ ಶಿಕ್ಷಕ ಗೆಳೆಯರ ಬಳಗ,ಅನಿಲ್ ಕುಮಾರ್,ಜಿ.ಸುರೇಶ್‌ಬಾಬು ಅವರ ಪ್ರಯತ್ನದಿಂದಾಗಿ ಮತ್ತೆ ಎಲ್ಲಾ 20 ಸ್ಥಾನಗಳನ್ನು ಬಾಚಿಕೊಳ್ಳುವ ಮೂಲಕ ವಿರೋಧಿ ತಂಡಕ್ಕೆ ತಿರುಗೇಟು ನೀಡಿದ್ದಾರೆ.
ನೌಕರರ ಸಂಘದ ಚುನಾವಣೆಯಲ್ಲಿ ಸುರೇಶ್‌ಬಾಬು ತಂಡದಲ್ಲಿ ಗುರುತಿಸಿಕೊಂಡಿದ್ದ ನೌಕರರ ಸಂಘದ ಹಾಲಿ ನಿರ್ದೇಶಕ ವೆಂಕಟಾಚಲಪತಿಗೌಡ ಗೆಲುವು ದಾಖಲಿಸಿದ್ದರು. ಇದೀಗ ಮತ್ತೆ ಗೆಲ್ಲುವ ಮೂಲಕ ಶಿಕ್ಷಕರ ಪ್ರೀತಿಗೆ ಪಾತ್ರರಾಗಿದ್ದಾರೆ.
ಈ ಕುರಿತು ಪ್ರತಿಕ್ರಿಯಿಸಿರುವ ಶಿಕ್ಷಕ ಗೆಳೆಯರ ಬಳಗದ ಅಧ್ಯಕ್ಷ ನಾರಾಯಣಸ್ವಾಮಿ, ಈ ಅಭೂತಪೂರ್ವ ಗೆಲುವಿಗೆ ಶಿಕ್ಷಕ ಗೆಳೆಯರ ಬಳಗದ ನಿರಂತರ ಶೈಕ್ಷಣಿಕ ಸೇವೆಯೂ ಕಾರಣವಾಗಿದೆ ಎಂದು ತಿಳಿಸಿದರು.
ಸರ್ಕಾರಿ ಶಾಲೆಗಳನ್ನು ಉಳಿಸುವ ನಮ್ಮ ಕಾಯಕ ಮುಂದುವರೆಯಲಿದ್ದು, ವಿವಿಧ ಕಂಪನಿಗಳ ದಾನಿಗಳ ನೆರವಿನಿಂದ ಸರ್ಕಾರಿ ಶಾಲೆಗಳ ಅಭಿವೃದ್ದಿಗೆ ಮತ್ತಷ್ಟು ಕೊಡುಗೆ ಹರಿಸುವ ಪ್ರಯತ್ನ ಮುಂದುವರೆಯಲಿದೆ ಎಂದು ತಿಳಿಸಿದರು.
ಶಿಕ್ಷಕರ ಸಂಘದ ಚುನಾವಣಾ ಫಲಿತಾಂಶ ಪ್ರಕಟಗೊಳ್ಳುತ್ತಿದ್ದಂತೆ ನೂರಾರು ಮಂದಿ ಶಿಕ್ಷಕರು ಹಾಜರಿದ್ದು ವಿಜಯೋತ್ಸವ ಆಚರಿಸಿದರು.

ನಸೀರ್ ಅಹ್ಮದ್, ಅಬ್ದುಲ್ ಜಬ್ಬಾರ್ ವಿರುದ್ಧದ ಕ್ರಮ ಹಿಂಪಡೆಯಲು ಒತ್ತಾಯ ಕಾಂಗ್ರೆಸ್‌ಗೆ ತೀವ್ರ ಸಂದೇಶ

ಶ್ರೀನಿವಾಸಪುರ, ಮೇ 2: ಅಲ್ಪಸಂಖ್ಯಾತ ನಾಯಕರು ಎಂಎಲ್‌ಸಿ ನಸೀರ್ ಅಹ್ಮದ್ ಹಾಗೂ ಎಂಎಲ್‌ಸಿ ಅಬ್ದುಲ್ ಜಬ್ಬಾರ್ ಅವರಿಗೆ ಪುನಃ ಹುದ್ದೆಗಳನ್ನು ನೀಡುವವರೆಗೆ ಹೋರಾಟವನ್ನು ನಿಲ್ಲಿಸುವುದಿಲ್ಲ ಎಂದು ಶ್ರೀನಿವಾಸಪುರದ ಉಲಮಾಗಳು ತೀವ್ರ ಎಚ್ಚರಿಕೆ ನೀಡಿದ್ದಾರೆ.

ಪಟ್ಟಣದ ಆಜಾದ್ ರಸ್ತೆಯ ಜಾಮಿಯಾ ಮಸೀದಿ ಸಮೀಪ ಶುಕ್ರವಾರ ನಡೆದ ರಾಷ್ಟ್ರೀಯ ಏಕತಾ ಕಾರ್ಯಕ್ರಮದಲ್ಲಿ ಮಾತನಾಡಿದ ಧಾರ್ಮಿಕ ಮುಖಂಡರು, ರಾಜ್ಯದಲ್ಲಿ ಅಲ್ಪಸಂಖ್ಯಾತರ ವಿರುದ್ಧ ನಡೆಯುತ್ತಿರುವ ಕ್ರಮಗಳನ್ನು ಖಂಡಿಸಿದರು.

ಸಭೆಯನ್ನುದ್ದೇಶಿಸಿ ಮಾತನಾಡಿದ ಮೌಲವಿ ಕಲೀಮ್ ಉಲ್ಲಾ, ಕಾಂಗ್ರೆಸ್ ನಾಯಕ ರಾಹುಲ್ ಗಾಂಧಿ ಅವರು ದೇಶದಾದ್ಯಂತ ನಡೆಸಿದ ಭಾರತ ಜೋಡೋ ಯಾತ್ರೆ ಮೂಲಕ ಏಕತೆ, ಸೌಹಾರ್ದತೆ ಮತ್ತು ಸಹೋದರತ್ವದ ಸಂದೇಶ ಸಾರಿದ್ದಾರೆ ಎಂದು ಹೇಳಿದರು.

ನಫ್ರತ್ ಕೆ ಬಜಾರ್ ಮೇ ಮೊಹಬ್ಬತ್ ಕೀ ದುಕಾನ್’ ಎಂಬ ಘೋಷಣೆಯೊಂದಿಗೆ ದೇಶದ ವಿವಿಧ ಭಾಗಗಳಲ್ಲಿ ಜನರನ್ನು ಒಂದಾಗಿಸಲು ಮಾಡಿದ ಪ್ರಯತ್ನಕ್ಕೆ ವ್ಯಾಪಕ ಬೆಂಬಲ ವ್ಯಕ್ತವಾಗಿದೆ. 

ಆದರೆ ರಾಜ್ಯ ಮಟ್ಟದಲ್ಲಿ ಅಲ್ಪಸಂಖ್ಯಾತ ನಾಯಕರಿಗೆ ಅನ್ಯಾಯವಾಗುತ್ತಿರುವುದು ವಿಷಾದನೀಯ, ಎಂದು ಅವರು ಹೇಳಿದರು.

ವಿಧಾನಸಭಾ ಚುನಾವಣೆಯಲ್ಲಿ ಅಲ್ಪಸಂಖ್ಯಾತರು, ವಿಶೇಷವಾಗಿ ಮುಸ್ಲಿಂ ಸಮುದಾಯದ ಬಹುಮತ ಮತಗಳು ಕಾಂಗ್ರೆಸ್ ಪಕ್ಷದ ಪರ ಹರಿದು ಬಂದ ಪರಿಣಾಮವೇ ಸಿದ್ದರಾಮಯ್ಯ ನೇತೃತ್ವದ ಸರ್ಕಾರ ಅಧಿಕಾರಕ್ಕೆ ಬಂದಿದೆ ಎಂಬುದನ್ನು ರಾಜ್ಯ ನಾಯಕರು ಮರೆಯಬಾರದು ಎಂದು ಅವರು ಸೂಚಿಸಿದರು.

ದಾವಣಗೆರೆ ಉಪಚುನಾವಣೆಯ ಹಿನ್ನೆಲೆ ಅಲ್ಪಸಂಖ್ಯಾತ ಮತದಾರರ ಸಂಖ್ಯೆಯನ್ನು ಗಮನಿಸಿ ಕಾಂಗ್ರೆಸ್ ಪಕ್ಷದ ಅಲ್ಪಸಂಖ್ಯಾತ ನಾಯಕರು ಟಿಕೆಟ್ ಕೇಳಿರುವುದು ಅವರ ಹಕ್ಕು. ಈ ಹಿನ್ನೆಲೆಯಲ್ಲಿ ಎಂಎಲ್‌ಸಿ ಅಬ್ದುಲ್ ಜಬ್ಬಾರ್ ಅವರನ್ನು ಪಕ್ಷದ ಪ್ರಾಥಮಿಕ ಸದಸ್ಯತ್ವದಿಂದ ಅಮಾನತು ಮಾಡಿರುವುದು ಹಾಗೂ ಹಿರಿಯ ನಾಯಕ ನಸೀರ್ ಅಹ್ಮದ್ ಅವರನ್ನು ಮುಖ್ಯಮಂತ್ರಿಗಳ ರಾಜಕೀಯ ಕಾರ್ಯದರ್ಶಿ ಹುದ್ದೆಯಿಂದ ವಜಾಗೊಳಿಸಿರುವುದು ಸಮಂಜಸವಲ್ಲ ಎಂದು ಆಕ್ಷೇಪ ವ್ಯಕ್ತಪಡಿಸಿದರು.

ಕಾಂಗ್ರೆಸ್ ಪಕ್ಷ ತಕ್ಷಣವೇ ಈ ನಿರ್ಧಾರಗಳನ್ನು ಹಿಂಪಡೆದು ಇಬ್ಬರು ನಾಯಕರಿಗೂ ಹುದ್ದೆಗಳನ್ನು ಮರಳಿ ನೀಡಬೇಕು. ಇಲ್ಲದಿದ್ದರೆ ಮುಂದಿನ ಚುನಾವಣೆಯಲ್ಲಿ ಅಲ್ಪಸಂಖ್ಯಾತರು ಕಾಂಗ್ರೆಸ್ ಪಕ್ಷಕ್ಕೆ ತಕ್ಕ ಪಾಠ ಕಲಿಸುವರು ಎಂದು ಉಲಮಾಗಳು ಎಚ್ಚರಿಕೆ ನೀಡಿದರು.

ಈ ವೇಳೆ ಹಲವು ಉಲಮಾಗಳು ಮಾತನಾಡಿ, ಅಲ್ಪಸಂಖ್ಯಾತರ ಹಕ್ಕುಗಳ ರಕ್ಷಣೆಗೆ ಸಂಘಟಿತ ಹೋರಾಟ ಅನಿವಾರ್ಯವಾಗಿದೆ ಎಂದು ಕರೆ ನೀಡಿದರು.

ಕಾರ್ಯಕ್ರಮದಲ್ಲಿ ಜಾಮಿಯಾ ಮಸೀದಿ ಇಮಾಮ್ ಮೌಲಾನಾ ಆಸಿಫ್ ಉಲ್ಲಾ, ಚಾರ್ಮಿನಾರ್ ಮಸೀದಿ ಇಮಾಮ್ ಹಾಫಿಜ್ ಅಬೂಹುರೈರಾ ಶರೀಫ್ ಉಮ್ರಿ, ಮೌಲಾನಾ ಸಯ್ಯದ್ ನಿಶಾತ್ ಉಲ್ಲಾ, ಕೋಲಾರದ ಮೌಲಾನಾ ವಜೀರ್, ಹಾಫಿಜ್ ಲುಕ್ಮಾನ್, ಹಾಫಿಜ್ ತಬ್ರೇಜ್, ಹಾಫಿಜ್ ಯೂಸುಫ್ ಹಾಗೂ ಹಾಫಿಜ್ ಅಝೀಮುದ್ದೀನ್ ಸೇರಿದಂತೆ ಹಲವರು ತಮ್ಮ ಅಭಿಪ್ರಾಯಗಳನ್ನು ವ್ಯಕ್ತಪಡಿಸಿದರು.

ಜಾಮಿಯಾ ಮಸೀದಿ ಮುತ್ತುವಲ್ಲಿ ಜಾಹಿದ್ ಅನ್ಸಾರಿ ಕೂಡ ಮಾತನಾಡಿದರು. ಪಟ್ಟಣದ ವಿವಿಧ ಮಸೀದಿಗಳ ಉಲಮಾಗಳು ಹಾಗೂ ಮುಸ್ಲಿಂ ಸಮುದಾಯದ ಮುಖಂಡರು ಕಾರ್ಯಕ್ರಮದಲ್ಲಿ ಉಪಸ್ಥಿತರಿದ್ದರು.

ಶ್ರೀನಿವಾಸಪುರ : ಶ್ರೀನಿವಾಸಪುರ ಪಟ್ಟಣದ ತಾಲ್ಲೂಕು ಪಂಚಾಯಿತಿ ಕಚೇರಿಯಲ್ಲಿ ವ್ಯವಸ್ಥಾಪಕರಾಗಿ ದೀರ್ಘಕಾಲ ಸೇವೆ ಸಲ್ಲಿಸಿದ್ದ ಡಿ.ಆರ್. ಮಂಜುನಾಥ್ ಅವರು ಇಂದು ವಯೋನಿವೃತ್ತಿ ಹೊಂದಿದ್ದು, ಅವರ ಸೇವೆಯನ್ನು ಗೌರವಿಸುವ ನಿಟ್ಟಿನಲ್ಲಿ ತಾ.ಪಂ. ಕಚೇರಿಯಲ್ಲಿ ಬೀಳ್ಕೊಡುಗೆ ಸಮಾರಂಭವನ್ನು ಆಯೋಜಿಸಲಾಯಿತು.

ಸಮಾರಂಭದಲ್ಲಿ ಅಧಿಕಾರಿಗಳು ಮತ್ತು ಸಿಬ್ಬಂದಿ ಮಂಜುನಾಥ್ ಅವರ ಆಡಳಿತ ಕೌಶಲ್ಯ, ಪ್ರಾಮಾಣಿಕತೆ ಹಾಗೂ ಕರ್ತವ್ಯನಿಷ್ಠೆಯನ್ನು ಸ್ಮರಿಸಿ ಪ್ರಶಂಸಿಸಿದರು. ತಮ್ಮ ಸೇವಾ ಅವಧಿಯಲ್ಲಿ ಗ್ರಾಮೀಣಾಭಿವೃದ್ಧಿಗೆ ನೀಡಿದ ಕೊಡುಗೆ, ಸಹೋದ್ಯೋಗಿಗಳೊಂದಿಗೆ ಹೊಂದಿದ್ದ ಸ್ನೇಹಪೂರ್ಣ ನಂಟು ಹಾಗೂ ಶಿಸ್ತುಬದ್ಧ ಕಾರ್ಯಪದ್ಧತಿ ಎಲ್ಲರಿಗೂ ಮಾದರಿಯಾಗಿದೆ ಎಂದು ಅಭಿಪ್ರಾಯಪಟ್ಟರು.

ಈ ಸಂದರ್ಭದಲ್ಲಿ ತಾಲ್ಲೂಕು ಪಂಚಾಯಿತಿ ಕಾರ್ಯನಿರ್ವಹಣಾಧಿಕಾರಿ ಕೆ. ಸರ್ವೇಶ್ ಮಾತನಾಡಿ, ಮಂಜುನಾಥ್ ಅವರು ಇಲಾಖೆಯ ಅಭಿವೃದ್ಧಿಗೆ ಮಹತ್ವದ ಪಾತ್ರವಹಿಸಿದ್ದು, ಅವರ ಅನುಭವ ಮತ್ತು ಮಾರ್ಗದರ್ಶನ ಸದಾ ಸ್ಮರಣೀಯವಾಗಿರುತ್ತದೆ ಎಂದು ಹೇಳಿದರು.

ಸಹಾಯಕ ನಿರ್ದೇಶಕ ರಾಮಪ್ಪ, ಸರ್ಕಾರಿ ನೌಕರ ಸಂಘದ ಅಧ್ಯಕ್ಷ ಎಂ. ಬೈರೇಗೌಡ, ಜಿಲ್ಲಾ ಪಿ.ಡಿ.ಓ. ನೌಕರರ ಸಂಘದ ಅಧ್ಯಕ್ಷ ಕೆ. ಮಹೇಶ್ ಅವರು ಕೂಡ ಮಂಜುನಾಥ್ ಅವರ ಸೇವೆಯನ್ನು ಶ್ಲಾಘಿಸಿ, ನಿವೃತ್ತಿ ಜೀವನವು ಆರೋಗ್ಯಕರ ಮತ್ತು ಸಂತೋಷಕರವಾಗಿರಲಿ ಎಂದು ಹಾರೈಸಿದರು.

ವಾಟರ್ ಬೋರ್ಡ್ ಜೆ.ಇ. ಸಂತೋಷ್, ತಾ.ಪಂ. ಸಿಬ್ಬಂದಿಗಳಾದ ಕೆ.ಎಂ. ಶ್ರೀನಾಥ್, ಅರುಣಾದೇವಿ, ಸೌಮ್ಯ ಹಾಗೂ ತಾಲೂಕಿನ ಎಲ್ಲಾ ಗ್ರಾಮ ಪಂಚಾಯತಿ ಅಭಿವೃದ್ಧಿ ಅಧಿಕಾರಿಗಳು ಉಪಸ್ಥಿತರಿದ್ದು, ನಿವೃತ್ತರಾದ ಮಂಜುನಾಥ್ ಅವರನ್ನು ಸನ್ಮಾನಿಸಿ ಶುಭಾಶಯ ಕೋರಿದರು.

ಕಾರ್ಯಕ್ರಮವು ಭಾವನಾತ್ಮಕ ವಾತಾವರಣದಲ್ಲಿ ನೆರವೇರಿತು. ಸಹೋದ್ಯೋಗಿಗಳೊಂದಿಗೆ ಕಳೆದ ಸೇವಾ ಕ್ಷಣಗಳನ್ನು ಸ್ಮರಿಸಿಕೊಂಡ ಮಂಜುನಾಥ್ ಅವರು, ಎಲ್ಲರ ಸಹಕಾರಕ್ಕೆ ಕೃತಜ್ಞತೆ ಸಲ್ಲಿಸಿ, ನಿವೃತ್ತಿ ನಂತರವೂ ಸಮಾಜ ಸೇವೆಯಲ್ಲಿ ತೊಡಗಿಸಿಕೊಳ್ಳುವ ಸಂಕಲ್ಪ ವ್ಯಕ್ತಪಡಿಸಿದರು.

Fusionverse 2026: A Dazzling Confluence of Creativity, Innovation, and Youthful Brilliance

Reported and photography by Ganesh Nayak

ಕಲ್ಯಾಣಪುರ; ಪ್ರತಿಭೆ ಮತ್ತು ತಂತ್ರಜ್ಞಾನದ ಭವ್ಯ ಆಚರಣೆಯಲ್ಲಿ, ಎರಡು ದಿನಗಳ ಅಂತರ-ವರ್ಗ ಉತ್ಸವ ಫ್ಯೂಷನ್‌ವರ್ಸ್ 2026, ಕಲ್ಯಾಣಪುರದ ಮಿಲಾಗ್ರೆಸ್ ಕಾಲೇಜಿನಲ್ಲಿ ಭವ್ಯತೆಯಿಂದ ತೆರೆದುಕೊಂಡಿತು, ಕ್ಯಾಂಪಸ್ ಅನ್ನು ಕಲ್ಪನೆ ಮತ್ತು ಯುವ ಶಕ್ತಿಯ ರೋಮಾಂಚಕ ವಸ್ತ್ರವಾಗಿ ಪರಿವರ್ತಿಸಿತು. ಉತ್ಸವವನ್ನು ಉಪ ಪ್ರಾಂಶುಪಾಲರಾದ ಶ್ರೀಮತಿ ಸೋಫಿಯಾ ಡಯಾಸ್ ಉದ್ಘಾಟಿಸಿದರು, ಅವರು ಸಂಪ್ರದಾಯ ಮತ್ತು ಆಧುನಿಕತೆಯ ಸಮ್ಮಿಳನವನ್ನು ಸಂಕೇತಿಸುವ ಉಸಿರುಕಟ್ಟುವ ಮತ್ತು ನವೀನ AI-ಸಕ್ರಿಯಗೊಳಿಸಿದ ಬ್ಯಾನರ್ ಡ್ರಾಪ್ ಮೂಲಕ ಉತ್ಸವಗಳಿಗೆ ನಾಂದಿ ಹಾಡಿದರು. ಉದ್ಘಾಟನೆಯ ನಂತರ, ಶ್ರೀಮತಿ ಸೋಫಿಯಾ ಡಯಾಸ್ ತಮ್ಮ ಅಧ್ಯಕ್ಷೀಯ ಹೇಳಿಕೆಗಳನ್ನು ನೀಡಿದರು, ಇದರಲ್ಲಿ ಅವರು ಉದ್ಘಾಟನಾ ಸಮಾರಂಭದ ವಿಶಿಷ್ಟತೆಯನ್ನು ನಿರರ್ಗಳವಾಗಿ ಮೆಚ್ಚಿದರು ಮತ್ತು ಉತ್ಸವವನ್ನು ಆಯೋಜಿಸುವಲ್ಲಿ ನಡೆದ ನಿಖರವಾದ ಯೋಜನೆ ಮತ್ತು ಚಿಂತನಶೀಲ ಸಿದ್ಧತೆಯನ್ನು ಶ್ಲಾಘಿಸಿದರು. ಉದ್ಘಾಟನಾ ಕಾರ್ಯಗಳು ಸ್ವತಃ ಸೃಜನಶೀಲ ಶ್ರೇಷ್ಠತೆಗೆ ಸಾಕ್ಷಿಯಾಗಿ ನಿಂತವು, ಏಕೆಂದರೆ ಅವುಗಳನ್ನು ಶ್ರೀಮತಿ ಶ್ರೀರಕ್ಷಾ ಮತ್ತು ಕೃತಕ ವ್ಯಕ್ತಿತ್ವವಾದ ಶ್ರೀ ಕ್ಸೈಲೋ ನಡುವಿನ ಗಮನಾರ್ಹ ಸಹಯೋಗದ ಮೂಲಕ ವಿಶಿಷ್ಟವಾಗಿ ನಡೆಸಲಾಯಿತು, ಕಾರ್ಯಕ್ರಮಕ್ಕೆ ಭವಿಷ್ಯದ ಮೋಡಿಯನ್ನು ನೀಡಿತು. ತಂತ್ರಜ್ಞಾನದ ಈ ಅಸಾಧಾರಣ ಏಕೀಕರಣವು ಅಂತಿಮ ವರ್ಷದ ಪ್ರತಿಭಾನ್ವಿತ ಬಿಸಿಎ ವಿದ್ಯಾರ್ಥಿಗಳಾದ ಶ್ರೀ ಪವನ್ ಸೇರಿಗರ್, ಶ್ರೀ ಪ್ರತೀಕ್, ಶ್ರೀ ಲಿನೋಲ್ ಮತ್ತು ಶ್ರೀ ಧನುಷ್ ಅವರ ಕಲ್ಪನೆಯ ಕೂಸು – ಅವರ ಜಾಣ್ಮೆ ಮತ್ತು ಸಮರ್ಪಣೆ ಉತ್ಸವವನ್ನು ಅಸಾಧಾರಣ ಎತ್ತರಕ್ಕೆ ಏರಿಸಿತು.

ಎರಡು ರೋಮಾಂಚಕಾರಿ ದಿನಗಳಲ್ಲಿ, 20 ಕ್ಕೂ ಹೆಚ್ಚು ವೈವಿಧ್ಯಮಯ ಕಾರ್ಯಕ್ರಮಗಳು, ಸ್ಟ್ರೀಮ್-ನಿರ್ದಿಷ್ಟ ಮತ್ತು ಎಲ್ಲರಿಗೂ ಮುಕ್ತವಾಗಿ, ಸ್ಪರ್ಧೆಗಳು ಮತ್ತು ಪ್ರದರ್ಶನಗಳ ಕೆಲಿಡೋಸ್ಕೋಪ್‌ನಲ್ಲಿ ತೆರೆದುಕೊಂಡಾಗ ಕ್ಯಾಂಪಸ್ ಉತ್ಸಾಹದಿಂದ ಪ್ರತಿಧ್ವನಿಸಿತು. ವಿದ್ಯಾರ್ಥಿಗಳು ಉತ್ಸಾಹ ಮತ್ತು ದೃಢನಿಶ್ಚಯದಿಂದ ತಮ್ಮ ಬಹುಮುಖ ಪ್ರತಿಭೆಗಳನ್ನು ಪ್ರದರ್ಶಿಸಿದರು, ಸೌಹಾರ್ದತೆ, ಸೃಜನಶೀಲತೆ ಮತ್ತು ಆರೋಗ್ಯಕರ ಸ್ಪರ್ಧೆಯ ಮನೋಭಾವವನ್ನು ಬೆಳೆಸಿದರು. ಭವ್ಯವಾದ ಸಮಾರೋಪ ಸಮಾರಂಭ ಮತ್ತು ಪದವಿ ಪ್ರದಾನ ಸಮಾರಂಭದ ಅಧ್ಯಕ್ಷತೆಯನ್ನು ಗೌರವಾನ್ವಿತ ಪ್ರಾಂಶುಪಾಲ ಡಾ. ವಿನ್ಸೆಂಟ್ ಆಳ್ವಾ ವಹಿಸಿದ್ದರು, ಅವರು ತಮ್ಮ ಭಾಷಣದಲ್ಲಿ, ಇಂತಹ ಅದ್ಭುತ ಯಶಸ್ಸನ್ನು ಸಂಘಟಿಸುವಲ್ಲಿ ವಿದ್ಯಾರ್ಥಿಗಳ ಅವಿರತ ಪ್ರಯತ್ನಗಳು, ಏಕತೆ ಮತ್ತು ನವೀನ ಮನೋಭಾವವನ್ನು ಶ್ಲಾಘಿಸಿದರು. ಮುಖ್ಯ ಅತಿಥಿ ಕ್ಸೇವಿಯರ್ ಫೆರ್ನಾಂಡಿಸ್, ಭಾಗವಹಿಸುವವರ ಉತ್ಸಾಹಭರಿತ ಒಳಗೊಳ್ಳುವಿಕೆಗಾಗಿ ಶ್ಲಾಘಿಸಿದರು ಮತ್ತು ಅವರ ಪ್ರತಿಭೆ ಮತ್ತು ಉತ್ಸಾಹದ ಶ್ಲಾಘನೀಯ ಪ್ರದರ್ಶನವನ್ನು ಶ್ಲಾಘಿಸಿದರು. ಈ ಕಾರ್ಯಕ್ರಮದಲ್ಲಿ ಇತಿಹಾಸ ವಿಭಾಗದ ನಿವೃತ್ತ ಪ್ರಾಧ್ಯಾಪಕಿ ಡಾ. ಜಯರಾಮ್ ಶೆಟ್ಟಿಗಾರ್; ಐಕ್ಯೂಎಸಿ ಸಂಯೋಜಕಿ ಶ್ರೀಮತಿ ಶೈಲೆಟ್ ಮಥಿಯಾಸ್; ಹ್ಯುಮಾನಿಟಿ ಅಸೋಸಿಯೇಷನ್‌ನ ಸಂಚಾಲಕಿ ಶ್ರೀಮತಿ ಪೂರ್ಣಿಮಾ ಜಿಎ; ಕನ್ನಡ ವಿಭಾಗದ ಪ್ರಾಧ್ಯಾಪಕಿ ಶ್ರೀಮತಿ ಹರಿಣಾಕ್ಷಿ ಎಂ ಡಿ; ಐಟಿ ಕ್ಲಬ್‌ನ ಸಂಚಾಲಕಿ ಶ್ರೀಮತಿ ಶುಭಲತಾ; ವಾಣಿಜ್ಯ ಸಂಘದ ಸಂಚಾಲಕಿ ಶ್ರೀಮತಿ ಚೈತ್ರ; ಮತ್ತು ಪ್ರೊ. ರವಿನಂದನ್ ಭಟ್, ಅವರ ಉಪಸ್ಥಿತಿಯು ಈ ಸಂದರ್ಭಕ್ಕೆ ಮಹತ್ವವನ್ನು ನೀಡಿತು. ವಿಜೇತರಿಗೆ ಗಣ್ಯರು ಪ್ರಶಸ್ತಿ ಮತ್ತು ಬಹುಮಾನಗಳನ್ನು ನೀಡಿ ಗೌರವಿಸಿದರು, ಈ ಸಂದರ್ಭಕ್ಕೆ ಹೆಮ್ಮೆ ಮತ್ತು ಸಂಭ್ರಮದ ಕ್ಷಣಗಳನ್ನು ಸೇರಿಸಿದರು. ವಿದ್ಯಾರ್ಥಿಗಳು ಹೆಚ್ಚಿನ ಉತ್ಸಾಹದಿಂದ ಸಕ್ರಿಯವಾಗಿ ಭಾಗವಹಿಸಿದರು, ಪ್ರತಿ ಕಾರ್ಯಕ್ರಮದಲ್ಲಿಯೂ ಉತ್ಸಾಹಭರಿತ ಕಲಿಕೆ ಮತ್ತು ಪೂರ್ಣ ಹೃದಯದಿಂದ ಭಾಗವಹಿಸುವಿಕೆಯನ್ನು ಪ್ರದರ್ಶಿಸಿದರು, ಉತ್ಸವವನ್ನು ನಿಜವಾಗಿಯೂ ರೋಮಾಂಚಕ ಮತ್ತು ಶ್ರೀಮಂತ ಅನುಭವವನ್ನಾಗಿ ಮಾಡಿದರು. ಅಂತಿಮ ವರ್ಷದ ಬಿ.ಕಾಂ ವಿದ್ಯಾರ್ಥಿನಿ ಶ್ರೀಮತಿ ವೈಷ್ಣವಿ ಅವರ ಹೃತ್ಪೂರ್ವಕ ಧನ್ಯವಾದಗಳೊಂದಿಗೆ ಉತ್ಸವವು ಆಕರ್ಷಕವಾಗಿ ಮುಕ್ತಾಯವಾಯಿತು, ಸ್ಫೂರ್ತಿಯ ಪ್ರತಿಧ್ವನಿಗಳು ಮತ್ತು ಮರೆಯಲಾಗದ ನೆನಪುಗಳ ಪರಂಪರೆಯನ್ನು ಬಿಟ್ಟುಹೋಯಿತು.

Fusionverse 2026: A Dazzling Confluence of Creativity, Innovation, and Youthful Brilliance

Kallianpur; In a magnificent celebration of talent and technology, the two-day inter-class fest Fusionverse 2026 unfolded with grandeur at Milagres College Kallianpur, transforming the campus into a vibrant tapestry of imagination and youthful energy. The fest was inaugurated by Mrs. Sophia Dias, Vice Principal, Sophia Dias, who ushered in the festivities through a breathtaking and innovative AI-enabled banner drop, symbolising the seamless fusion of tradition and modernity. Following the inauguration, Mrs. Sophia Dias delivered her presidential remarks, wherein she eloquently appreciated the uniqueness of the inaugural ceremony and commended the meticulous planning and thoughtful preparation that went into organising the fest. The inaugural proceedings themselves stood as a testament to creative excellence, as they were distinctively conducted through a remarkable collaboration between Ms. Sriraksha and an artificial persona, Mr. Xylo, lending a futuristic charm to the event. This extraordinary integration of technology was the brainchild of the talented final-year BCA students—Mr. Pavan Serigar, Mr. Pratheek, Mr. Lynol, and Mr. Dhanush—whose ingenuity and dedication elevated the fest to exceptional heights.

Over the course of two exhilarating days, the campus resonated with enthusiasm as more than 20 diverse events, both stream-specific and open to all, unfolded in a kaleidoscope of competitions and performances. Students showcased their multifaceted talents with passion and determination, fostering a spirit of camaraderie, creativity, and healthy competition. The grand valedictory and graduation ceremony was presided over by the esteemed Principal, Dr Vincent Alva, who, in his address, commended the relentless efforts, unity, and innovative spirit of the students in orchestrating such a resounding success. The chief guest, Xavier Fernandes, lauded the participants for their vibrant involvement and applauded their commendable display of talent and enthusiasm. The programme was also graced by the presence of Dr. Jayaram Shettigar, Retired Professor of the Department of History; Mrs. Shylet Mathias, IQAC Coordinator; Mrs. Poornima G A, Convenor of Humanity Association; Mrs. Harinakshi M D, Professor of the Department of Kannada; Mrs. Shubhalatha, Convenor of IT Club; Mrs. Chaithra, Convenor of Commerce Association; and Mr. Ravinandan Bhat, PRO, whose presence added significance to the occasion. The winners were honoured with accolades and prizes by the dignitaries, adding moments of pride and celebration to the occasion. The students actively participated with great enthusiasm, exhibiting energetic learning and wholehearted involvement in every event, making the fest a truly vibrant and enriching experience. The fest drew to a graceful close with a heartfelt vote of thanks delivered by Ms. Vaishnavi, a final-year B.Com student, leaving behind echoes of inspiration and a legacy of unforgettable memories.

ಬಸ್ರೂರು ಸಂತ ಫಿಲಿಪ್ ನೇರಿ ಚರ್ಚಿನಲ್ಲಿ ಪ್ರಥಮ ಪರಮ ಪ್ರಸಾದದ ಸಂಸ್ಕಾರ ನೆರವೇರಿತು 8 ಪುಟಾಣಿಗಳು ಕ್ರಿಸ್ತ ಪ್ರಸಾದ ಸ್ವೀಕರಿಸಿದರು ಇಗರ್ಜಿಯ ಪ್ರಧಾನ ಗುರುಗಳಾದ ಫಾದರ್ ರೋಯ್ ಲೋಬೊ ಬಲಿ ಪೂಜೆ ನಡೆಸಿ ಪರಮ ಪ್ರಸಾದದ ಧಾರ್ಮಿಕ ವಿಧಿ ನೆರವೇರಿಸಿದರು ಸೆಂಟ್ರಲ್ ಸ್ಕೂಲ್ ನ ಪ್ರಾಂಶುಪಾಲರಾದ ಫಾದರ್ ಡೆನ್ಸಿ ಸುನೀಲ್ ಮಾರ್ಟಿಸ್ ಕ್ರಿಸ್ತ ಪ್ರಸಾದದ ಮಹತ್ವ ಹಾಗೂ ಅದನ್ನು ಸೇವಿಸುವುದರಿಂದ ನಾವು ಕ್ರಿಸ್ತನನ್ನು ತಮ್ಮದಾಗಿಸಿಕೊಳ್ಳುತ್ತೇವೆ ಎಂದರು ಫಾದರ್ ಅರುಣ್ ಕೋತ್ ಭಾಗವಹಿದ್ದರು.

ಉಡುಪಿ; ಉಡುಪಿಯ ಬಿಷಪ್ ಅತಿ ವಂ. ಡಾ. ಲೆಸ್ಲೀ ಕ್ಲಿಫರ್ಡ್ ಡಿ’ಸೋಜಾ ಅವರು ಉಡುಪಿ ಧರ್ಮಪ್ರಾಂತ್ಯದ ಹೊಸ ವಿಕಾರ್ ಜನರಲ್ ಆಗಿ ವಂ. ಫ್ರಾನ್ಸಿಸ್ ಕ್ಸೇವಿಯರ್ ಲೂಯಿಸ್ ಅವರನ್ನು ನೇಮಕ ಮಾಡಿದ್ದಾರೆ. ಅತಿ ವಂ. ಫ್ರಾನ್ಸಿಸ್ ಕ್ಸೇವಿಯರ್ ಲೂಯಿಸ್ ಪ್ರಸ್ತುತ ಕಳತ್ತೂರಿನ ಪ್ರೆಪ್ಯುತಲ್ ಸೆಕ್ಯೂರ್ ಚರ್ಚ್‌ನ ಧರ್ಮಗುರುಗಳಾಗಿದ್ದಾರೆ.

ಮೇ 02, 2026 ರಂದು ಶನಿವಾರ ಬಿಷಪ್ ಹೌಸ್‌ನಲ್ಲಿ ನಡೆದ ಧಾರ್ಮಿಕ ಸಮಾರಂಭದಲ್ಲಿ, ಅತಿ ವಂ. ಫ್ರಾನ್ಸಿಸ್ ಕ್ಸೇವಿಯರ್ ಲೂಯಿಸ್ ಅವರು ಉಡುಪಿ ಧರ್ಮಪ್ರಾಂತ್ಯದ ವಿಕಾರ್ ಜನರಲ್ ಆಗಿ ಅಧಿಕಾರ ವಹಿಸಿಕೊಂಡರು. ಉಡುಪಿಯ ಬಿಷಪ್ ಅತಿ ವಂ. ಡಾ. ಲೆಸ್ಲೀ ಕ್ಲಿಫರ್ಡ್ ಡಿ’ಸೋಜಾ ಅವರು ಪ್ರಾರ್ಥನೆ ಸೇವೆಯನ್ನು ನಡೆಸಿ ಪ್ರಮಾಣ ವಚನ ಸ್ವೀಕಾರ ಸಮಾರಂಭದ ಅಧ್ಯಕ್ಷತೆ ವಹಿಸಿದ್ದರು. ಉಡುಪಿ ಧರ್ಮಪ್ರಾಂತ್ಯದ ಕುಲಪತಿ ವಿ. ರೆವರೆಂಡ್ ಫಾದರ್ ಸ್ಟೀಫನ್ ಡಿ’ಸೋಜಾ, ಕನ್ಸಲ್ಟರ್ಸ್ ಕಾಲೇಜಿನ ಸದಸ್ಯರು, ವಂ. ಜಿತೇಶ್ ಕ್ಯಾಸ್ಟೆಲಿನೊ ಮತ್ತು ಪ್ರೊಕ್ಯುರೇಟರ್ ಶ್ರೀ ಮಾರ್ಸೆಲ್ ಡಿ’ಸೋಜಾ ಉಪಸ್ಥಿತರಿದ್ದರು.

ಪೆರ್ನಾಲ್‌ನ ಅವರ್ ಲೇಡಿ ಆಫ್ ಫಾತಿಮಾ ಇಗರ್ಜಿಯ ಸ್ಥಳೀಯರಾದ ರೆವರೆಂಡ್ ಫಾದರ್ ಫ್ರಾನ್ಸಿಸ್ ಕ್ಸೇವಿಯರ್ ಲೆವಿಸ್ ಅವರು ಅಕ್ಟೋಬರ್ 20, 1960 ರಂದು ದಿವಂಗತ ಜಾನ್ ಲೆವಿಸ್ ಮತ್ತು ಥೆರೆಸಾ ಲೆವಿಸ್ ದಂಪತಿಗಳಿಗೆ ಜನಿಸಿದರು. ಅವರಿಗೆ ಇಬ್ಬರು ಹಿರಿಯ ಸಹೋದರರು ಮತ್ತು ಒಬ್ಬ ತಂಗಿ ಇದ್ದಾರೆ. ಯಾಜಕಿ ವೃತ್ತಿಗೆ ಸ್ಪಂದಿಸಿ, ಅವರು ಜೂನ್ 30, 1976 ರಂದು ಮಂಗಳೂರು ಡಯಾಸಿಸ್‌ನ ಸೆಮಿನರಿಗೆ ಸೇರಿದರು ಮತ್ತು ಏಪ್ರಿಲ್ 28, 1987 ರಂದು ಯಾಜಕ ದೀಕ್ಷೆ ಪಡೆದರು. ರು.

ಕಳೆದ 39 ವರ್ಷಗಳ ಸಮರ್ಪಿತ ಪುರೋಹಿತಶಾಹಿ ಸೇವೆಯಲ್ಲಿ, ರೆವರೆಂಡ್ ಫ್ರಾನ್ಸಿಸ್ ಅವರು ಡಯಾಸಿಸ್‌ನಾದ್ಯಂತ ವಿವಿಧ ಧರ್ಮಗುರು ಮತ್ತು ನಾಯಕತ್ವದ ಪಾತ್ರಗಳಲ್ಲಿ ಶ್ಲಾಘನೀಯ ಸೇವೆಯನ್ನು ಸಲ್ಲಿಸಿದ್ದಾರೆ. ಅವರು 1987 ರಿಂದ 1997 ರವರೆಗೆ ಬೀದರ್ ಮಿಷನ್‌ನಲ್ಲಿ ಮಿಷನರಿಯಾಗಿ ತಮ್ಮ ಸೇವೆಯನ್ನು ಪ್ರಾರಂಭಿಸಿದರು, ಬೀದರ್, ಭಾಲ್ಕಿ, ಜಲಸಂಗಿ-ಹುಮ್ನಾಬಾದ್ ಮತ್ತು ಬಸವ ಕಲ್ಯಾಣದಲ್ಲಿ ಸೇವೆ ಸಲ್ಲಿಸಿದರು. ನಂತರ ಅವರು 1997 ರಿಂದ 2004 ರವರೆಗೆ ಮಂಗಳೂರಿನ ಬಜಾಲ್‌ನಲ್ಲಿರುವ ಹೋಲಿ ಸ್ಪಿರಿಟ್ ಚರ್ಚ್‌ನ ಪ್ಯಾರಿಷ್ ಧರ್ಮಗುರುಗಳಾಗಿ ಸೇವೆ ಸಲ್ಲಿಸಿದರು. ಅವರು ಕೆನರಾ ಕಮ್ಯುನಿಕೇಷನ್ ಸೆಂಟರ್ ಮತ್ತು ವೊಕೇಶನ್ ಸರ್ವಿಸ್ ಸೆಂಟರ್‌ನ ನಿರ್ದೇಶಕರಾಗಿ (2004-2006), ಸಂದೇಶ – ಪ್ರಾದೇಶಿಕ ಸಂವಹನ ಕೇಂದ್ರ, ಕರ್ನಾಟಕ (2006-2008) ಮತ್ತು ಮಂಗಳೂರು ಧರ್ಮಪ್ರಾಂತ್ಯದ ಸಾರ್ವಜನಿಕ ಸಂಪರ್ಕ ಅಧಿಕಾರಿಯಾಗಿ (2004-2008) ಸಂವಹನ ಕ್ಷೇತ್ರದಲ್ಲಿ ಗಣನೀಯ ಕೊಡುಗೆ ನೀಡಿದ್ದಾರೆ.

ಅವರು 2008 ರಿಂದ 2016 ರವರೆಗೆ ಮಣಿಪಾಲದ ಕ್ರೈಸ್ಟ್ ಚರ್ಚ್‌ನ ಧರ್ಮಗುರುಗಳಾಗಿ ತಮ್ಮ ಸೇವೆಯನ್ನು ಮುಂದುವರೆಸಿದರು, ನಂತರ 2016 ರಿಂದ 2022 ರವರೆಗೆ ಮುದರಂಗಡಿಯ ಸೇಂಟ್ ಫ್ರಾನ್ಸಿಸ್ ಕ್ಸೇವಿಯರ್ ಚರ್ಚ್‌ನಲ್ಲಿ ಸೇವೆ ಸಲ್ಲಿಸಿದರು. 2022 ರಿಂದ 2026 ರವರೆಗೆ, ಅವರು ಕಳತ್ತೂರಿನ ಅವರ್ ಲೇಡಿ ಆಫ್ ಪರ್ಪೆಚುಯಲ್ ಸೆಕ್ಯೂರ್ ಚರ್ಚ್‌ನ ಧರ್ಮಗುರುಗಳಾಗಿ ಸೇವೆ ಸಲ್ಲಿಸಿದರು. ಅವರನ್ನು ಈಗ ಕಲ್ಯಾಣಪುರದ ಅವರ್ ಲೇಡಿ ಆಫ್ ಮಿಲಾಗ್ರೆಸ್ ಕ್ಯಾಥೆಡ್ರಲ್‌ನ ರೆಕ್ಟರ್ ಮತ್ತು ಧರ್ಮಕೇಂದ್ರದ ಮತ್ತು ಕಲ್ಯಾಣಪುರದ ಸೇಂಟ್ ಆಂಡ್ರ್ಯೂ ವಲಯದ ವಿಕಾರ್ ಫೋರೇನ್ ಆಗಿ ಮೇ 18, 2026 ರಿಂದ ಜಾರಿಗೆ ಬರುವಂತೆ ನೇಮಿಸಲಾಗಿದೆ.