ಕುಂದಾಪುರ್, ಮಾ. 12 ವೆರ್ ಕುಂದಾಪುರ್ ರೊಜಾರ್ ಮಾಯೆಚ್ಯಾ ಇಗರ್ಜೆ, ದೇವ್ ಸ್ಥುತಿ ತರ್ಬೆತಿ ಶಿಬಿರ್ ಆಸಾ ಕೆಲ್ಲೆಂ. ಮಂಗ್ಳೂರ್ ಮಂಗಳ ಜ್ಯೋತಿಚೊ ನಿರ್ದೇಶಕ್ ಮಾ।ಬಾ।ರೋಹಿತ್ ಡಿಕೋಸ್ತಾ, ಹಾಣಿ ತರ್ಬೆತಿ ಚಲವ್ನ್ ವೆಲಿ. ದೇವ್ ಸ್ತುತೆಚ್ಯಾ ಸಂಭ್ರಮಾಂತ್ ಚಾರ್ ಹಂತ್, ಬಲಿದಾನ ವೆಳಾರ್ ವಾಪರ್ಚೊ ವಾಚ್ಪಾಗ್ರಂಥ್ ಜಾವ್ನಾಸಾ, ತೊ ಗ್ರಂಥ್ ದೆವಾಚೆ ಉತರ್ ಪರ್ಗಟ್ ಕರ್ಚ್ಯಾ ಖಾತಿರ್, ಪವಿತ್ರ್ ಗ್ರಂಥ್ (ಪುಸ್ತಕ್) ದೆವಾಚೆಂ ಉತರ್ ವಾಚುಂಕ್ ಆನಿ ಶಿಕ್ಚ್ಯಾಕ್ ಜಾವ್ನಾಸಾ, ಜೆಂ ಕಿತೆಂ ಪವಿತ್ರ್ ಪುಸ್ತಕಾಂತ್ ಆಸಾ, ತೆಂ ಸಕ್ಕಡ್ ವಾಚ್ಪಾಗ್ರಂಥಾಂತ್ ಆಸಾ, ಪವಿತ್ರ್ ಪುಸ್ತಕಾಂತ್ ಆಸಲ್ಲೆಂ ಸಕ್ಕಡ್ ವಿಷಯ್ ವಾಚ್ಪಾಗ್ರಂಥಾಂತ್ ಆಸಾನಾ, ವಾಚ್ಪಾ ಗ್ರಂಥಾಂತ್ ಸವ್ ಭಾಗ್ ಆಸಾತ್, ಬಲಿದಾನಾ ಕಿತ್ಲ್ಯಾ ನಮುನ್ಯಾಚಿಂ ಆಸಾತ್, ವಾಚ್ಪಿ ಜಾವ್ನಾಸಾ, ದೆವಾಚ್ಯಾ ಉತ್ರಾಂಚೊ ಮಣಿಯಾರಿ. ದೆವಾಚೆಂ ಉತರ್ ಪರ್ಗಟ್ತೆಲ್ಯಾನಿ ಮಾಣ್ಸುಗಾಯೆಚೆಂ ನ್ಹೆಸಣ್ ನೆಸಾಜೆ, ಪ್ರಪ್ರಥಮ್ ಜಾವ್ನ್ ಮೈಕ್ ಸಾರ್ಕೆಂ ತೊಂಡಾಲಾಗಿ ಹಾಡಿಜೆ, ತಾಳೊ ಘಟ್ ನಾತ್ಲ್ಯಾನಿ ಚಾರ್ ಬೊಟಾಂಚ್ಯಾ ಅಂತರಾರ್ ಮೈಕ್ ವಾಪರಿಜೆ, ಮಧೆಂ ಮಧೆಂ ಲೊಕಾಂಕ್ ಪಳೆಜೆ, ಕಿತ್ಯಾಕ್ ತುಮಿ ದೆವಾಚೆ ಉತರ್ ವಾಚ್ಚ್ಯೆ ನ್ಹಯ್ ಪರ್ಗಟ್ಚೆಂ ಮ್ಹಣುನ್ ಸಮ್ಜೊಣಿ ದಿಲಿ. ಪವಿತ್ರ್ ಪ್ರಸಾದ್ ಘೆಂವ್ಚಿ ರೀತ್, ಪವಿತ್ರ್ ಪ್ರಸಾದ್ ಸೆವ್ತೆರ್ ಮೌನ್ ಪಣಿ ಸಾಂಬಾಳಿಜೆ, ಗಾಯನ್ ಪಂಗ್ಡಾಚ್ಯಾನಿ, ಸಂಗೀತಾಕ್ ಚಡ್ ಮಹತ್ವ್ ದಿನಾಯೆ, ವಿಶೇಷ್ ರೀತಿನ್ ಸಂಗೀತ್, ವ ಆಡಂಭರ್ ಸಂಗೀತ್ ದಿಲ್ಯಾರ್, ಗಾಯಾನಾಚಿಂ ಉತ್ರಾಂ ಸಮ್ಜಾನಾಂತ್, ಸಂಗೀತ್ ಮುಖ್ಯ ನ್ಹಯ್, ಗಾಯಾನಾಕ್ ಸಂಗೀತ್ ಶಿವಾಯ್, ಸಂಗೀತಾಕ್ ಗಾಯನ್ ನ್ಹಯ್, ಬಲಿದಾನ ವೆಳಾರ್, ಆಮ್ಚ್ಯಾ ಬಾಪಾ ಮ್ಹಣ್ತಾನಾ ಯಾಜಕ್ ಹಾತ್ ವಿಸ್ತಾರ್ನ್ ಧರ್ತಾ ಕಿತ್ಯಾಕ್ ಮ್ಹಳ್ಯಾರ್, ಯಾಜಕ್ ಬಲಿದಾನಾಂತ್ ಆಸಲ್ಯಾ ಲಾಯಿಕಾಂಕ್ ಸಾಂಗಾತಾ ಘೆವ್ನ್ ಮಾಗ್ಣೆ ಭೆಟಯ್ತಾ ಮ್ಹಳೊ ಅರ್ಥ್ ತವಳ್ ಲೋಕಾನಿ ಹಾತ್ ಜೋಡ್ನ್ ರಾಂವ್ಚೆಂ, ನಮಾಸ್ಕಾರ್ ಮ್ಹಣ್ತಾನಾ, ಲೊಕಾನಿಂ ತಕ್ಲಿ ಬಾಗ್ವೊಂಚಿ ನ್ಹಯ್, ಪವಿತ್ರ್ ಪ್ರಸಾದ್ ಯಾಜಕ್ ವ್ಹಯ್ರ್ ಉಭಾರ್ತಾನಾ, ತಕ್ಷಣ್ ತಕ್ಲಿ ಬಾಗ್ವೊಂಚಿಂ ನ್ಹಯ್ ಥೊಡೊ ವೇಳ್ ಕ್ರಿಸ್ತ್ ಪ್ರಸಾದಾಕ್ ಪಳೆಯಾ ಕಿತ್ಯಾಕ್ ತಾಂತುನ್ ಜೆಜು ಕ್ರಿಸ್ತ್ ಹಾಜರ್ ಆಸಾ ಮ್ಹಣುನ್, ಸಮ್ಜಣಿ ದಿಲಿ. ಆನಿಕಿಯಿ ಹೇರ್ ಸಂಗ್ತಿ ವಿಶ್ಯಾಂತ್ ಯಿ ಉತ್ತಮ್ ಶಿಕವ್ಣ್ ಮಾ।ಬಾ।ರೋಹಿತ್ ಡಿಕೋಸ್ತಾ ಹಾಣಿ ದಿಲಿ. ಶಿಕವ್ಣೆಚ್ಯಾ ಪಯ್ಲೆಂ ತಾಣಿ ಬಲಿದಾನ್ ಭೆಟವ್ನ್ ದೆವಾಚ್ಯಾ ಕಾಕುಳ್ತಿ ವಿಶ್ಯಾಂತ್, ಪ್ರಸಂಗ್ ಆನಿ ಶಿಕವ್ಣ್ ದಿಲಿ. ಫಿರ್ಗಜ್ ಯಾಜಕ್ ಭೊ।ಮಾ।ಬಾ।ಪೌಲ್ ರೇಗೊ ಹಾಣಿ ಸಹಬಲಿದಾನ್ ಭೆಟಯ್ಲೆಂ, ತಸೆಂಚ್ ತೆಂ ದೇವ್ ಸ್ತುತಿ ತರ್ಬೆತಿಕ್ ಹಾಜರ್ ಆಸಲ್ಲೆಂ. ಸಾಂ.ಜುಜೆ ಕೊವೆಂತಾಚಿಂ ವ್ಹಡಿಲ್ನ್ ಸಿಸ್ಟರ್ ಸುಪ್ರಿಯಾ ಹಾಜರ್ ಆಸಲ್ಲಿ, ದೇವ್ ಸ್ತುತಿ ತರ್ಬೆತಿ ಆಯೋಗಾಚಿಂ ಸಂಚಾಲಕಿ ರೀಮಾ ಡಿಸೋಜಾನ್ ಯೆವ್ಕಾರ್ ಮಾಗ್ಲೊ, ಆಯೋಗಾಚಿಂ ಸಂಯೋಜಕಿ ಶೋಭಾ ವಾಜಾನ್ ಧನ್ಯವಾದ್ ಪಾಟಯ್ಲೆಂ.
