HOLY ROSARY CHURCH, KUNDAPUR – 450 th JUBILEE SOUVENIR 2021

ಕುಂದಾಪುರ (ಫೆ.15) : ಕುಂದಾಪುರ ಎಜ್ಯುಕೇಶನ್ ಸೊಸೈಟಿ ಪ್ರವರ್ತಿತ ಎಚ್. ಎಮ್. ಎಮ್ ಆಂಗ್ಲ ಮಾಧ್ಯಮ ಪ್ರಾಥಮಿಕ ಮತ್ತು ವಿ. ಕೆ. ಆರ್ ಆಚಾರ್ಯ ಸ್ಮಾರಕ ಆಂಗ್ಲ ಮಾಧ್ಯಮ ಪ್ರೌಢಶಾಲೆಗಳಲ್ಲಿ ಶಿಕ್ಷಕರಿಗಾಗಿ “ಕಲಿಕಾ ನ್ಯೂನ್ಯತೆಯ ಕಾರಣಗಳು” ಎಂಬ ವಿಷಯಾಧಾರಿತ ಶಿಕ್ಷಕ ಪುನಶ್ಚೇತನ ಕಾರ್ಯಾಗಾರ ಫೆಬ್ರವರಿ 13, ಮಂಗಳವಾರದಂದು ಜರುಗಿತು.
ಕಾರ್ಯಾಗಾರದ ಸಂಪನ್ಮೂಲ ವ್ಯಕ್ತಿಯಾಗಿ, ಕೇರಳದ, ಕೊಚ್ಚಿನ್ನಲ್ಲಿ ಮಕ್ಕಳ ಮನಶಾಸ್ತ್ರಜ್ಞರು ಮತ್ತು ಹಿರಿಯ ಸಲಹೆಗಾರರಾಗಿರುವ ಡಾ. ಫಿಲಿಪ್ ಜಾನ್ ಆಗಮಿಸಿ, ಮಕ್ಕಳಲ್ಲಿ ಕಂಡುಬರುವ ಕಲಿಕಾ ನ್ಯೂನ್ಯತೆಗಳು, ಅದಕ್ಕೆ ಕಾರಣಗಳು ಮತ್ತು ಪರಿಹಾರೋಪಾಯಗಳನ್ನು ಬಹಳ ಮನೋಜ್ಞವಾಗಿ ಶಿಕ್ಷಕರಿಗೆ ಅರುಹಿದರು. ಕಾರ್ಯಾಗಾರದಲ್ಲಿ ಸಂಸ್ಥೆಯ ಪ್ರಾಂಶುಪಾಲರಾದ ಡಾ. ಚಿಂತನಾ ರಾಜೇಶ್ ಮತ್ತು ವಿವಿಧ ವಿಭಾಗಗಳ ಮುಖ್ಯಸ್ಥರು ಉಪಸ್ಥಿತರಿದ್ದರು. ಪ್ರೌಢಶಾಲಾ ಮುಖ್ಯ ಶಿಕ್ಷಕಿ ಶುಭಾ ಕೆ ಎನ್ ಕಾರ್ಯಕ್ರಮ ನಿರೂಪಿಸಿದರು

ಕುಂದಾಪುರ ಫೆ. 15 : ಕುಂದಾಪುರದ ಪ್ರತಿಷ್ಠಿತ ಶಿಕ್ಷಣ ಸಂಸ್ಥೆ ಕುಂದಾಪುರ ಎಜ್ಯುಕೇಶನ್ ಸೊಸೈಟಿ ಪ್ರವರ್ತಿತ ಎಚ್. ಎಮ್. ಎಮ್. ಆಂಗ್ಲ ಮಾಧ್ಯಮ ಮತ್ತು ವಿ. ಕೆ ಆರ್ ಆಂಗ್ಲ ಮಾಧ್ಯಮ ಪ್ರೌಢ ಶಾಲೆಗಳಲ್ಲಿ ಫೆಬ್ರವರಿ 12, ಸೋಮವಾರದಂದು 6, 7 ಮತ್ತು 8ನೇ ತರಗತಿಯ ವಿದ್ಯಾರ್ಥಿಗಳಿಗಾಗಿ “ಮಕ್ಕಳೊಂದಿಗೆ ಮಾತು–ಕತೆ” ಕಾರ್ಯಾಗಾರ ಜರುಗಿತು. ಕಾರ್ಯಾಗಾರದ ಸಂಪನ್ಮೂಲ ವ್ಯಕ್ತಿಯಾಗಿ ಕವಿ, ವಿದ್ವಾಂಸ, ನಿರ್ದೇಶಕ, ನಾಟಕಕಾರರೂ ಆಗಿರುವ ಕೊರ್ಗಿ ಶಂಕರನಾರಾಯಣ ಉಪಾಧ್ಯಾಯರು ಆಗಮಿಸಿ, ಮಕ್ಕಳಿಗೆ ಅನೇಕ ಕಥೆಗಳನ್ನು ಬಹಳ ಅತ್ಯುತ್ತಮವಾದ ಭಾವಾಭಿನಯದ ಮೂಲಕ ಹೇಳಿದರು. ಉಪಾಧ್ಯಾಯರ ಕಥೆಗಳನ್ನು ಕೇಳುತ್ತಾ ಮಕ್ಕಳು ಸಂಭ್ರಮಿಸಿದರು. ಸಂಸ್ಥೆಯ ಪ್ರಾಂಶುಪಾಲರಾದ ಡಾ. ಚಿಂತನಾ ರಾಜೇಶ್ ಮತ್ತು ವಿವಿಧ ವಿಭಾಗಗಳ ಮುಖ್ಯಸ್ಥರು ಉಪಸ್ಥಿತರಿದ್ದರು. ಶಿಕ್ಷಕ ಶ್ರೀನಿವಾಸ ಬೈಂದೂರು ಕಾರ್ಯಕ್ರಮ ನಿರೂಪಿಸಿ, ವಂದಿಸಿದರು.

ಕುಂದಾಪುರ,ಫೆ.14: ಕಂಡ್ಲೂರು ಸಂತ ಅಂತೋನಿಯವರಿಗೆ ಸಮರ್ಪಿಸಲ್ಪಟ್ಟ ನೂತನ ಚರ್ಚ್ ಕಟ್ಟಡವನ್ನು ಉಡುಪಿ ಧರ್ಮಪ್ರಾಂತ್ಯದ ಬಿಷಪ್ ಅ|ವಂ|ಡಾ| ಜೆರಾಲ್ಡ್ ಐಸಾಕ್ ಲೋಬೊ ಇವರು ತಮ್ಮ ದಿವ್ಯ ಹಸ್ತದಿಂದ ಉದ್ಘಾಟಿಸಿ ಲೋಕಾರ್ಪಣೆ ಮಾಡಿದರು.
ಇದಕ್ಕೂ ಮೊದಲು ಚರ್ಚಿನ ಎದುರುಗಡೆ ನಿರ್ಮಾಣಗೊಂಡ ಮೇರಿ ಮಾತೆಯ ಗ್ರೊಟ್ಟೊವನ್ನು ಉಡುಪಿ ಧರ್ಮಪ್ರಾಂತ್ರದ ಮೊನ್ಸಿಂಝೊರ್ ಅ|ವಂ|ಫರ್ಡಿನಾಂಡ್ ಗೊನ್ಸಾಲ್ವಿಸ್ ಆಶಿರ್ವವಚನ ಮಾಡಿ ಉದ್ಘಾಟನೆ ಮಾಡಿದರು.
ಚರ್ಚಿನ ನೂತನ ಕಟ್ಟಡಕ್ಕೆ 2019 ರಲ್ಲಿ ಶಂಕುಸ್ಥಾಪನೆ ಮಾಡಿದ ಬಿಷಪ್ ಜೆರಾಲ್ಡ್ ಐಸಾಕ್ ಲೋಬೊ, ಈಗ ಪುರ್ಣಗೊಂಡ ನೂತನ ಚರ್ಚ್ ಕಟ್ಟಡವನ್ನು ಉದ್ಘಾಟನೆ ಮಾಡಿ ಆಶಿರ್ವಚಿಸಿ, ನೂತನ ಚರ್ಚ್‍ನ್ನು ಆಶಿರ್ವದಿಸುವ ಎಲ್ಲಾ ವಿಧಿ ವಿಧಾನಗಳನ್ನು ನಡೆಸಿಕೊಟ್ಟು ಪವಿತ್ರ ಬಲಿದಾನದ ನೇತ್ರತ್ವನ್ನು ವಹಿಸಿಕೊಂಡು, ದಿವ್ಯ ಬಲಿದಾನವನ್ನು ಅರ್ಪಿಸಿ “ದೇವಾಲಯವು ದೇವರು ವಾಸಿಸುವ ಪವಿತ್ರ ಸ್ಥಳ, ಇದು ದೇವರ ಅಸ್ಥಿತ್ವವುಳ್ಳ ಜಾಗ ಇದು. ದೇವರು ನಮ್ಮ ಜತೆ ಇದ್ದು ನಮ್ಮ ಜತೆ ಜೀವಿಸುವ ಸ್ಥಳ. ದೇವಾಲಯವು ಸ್ವರ್ಗದ ದ್ವಾರವಾಗಿದೆ, ದೇವಾಲಯದ ದ್ವಾರದಿಂದ ಸರ್ವಶ್ವರನ ಮಹಿಮೆ ಪ್ರವೇಶಿಸಿ ದೇವಾಲಯದೊಳಗೆಲ್ಲ ತುಂಬುತ್ತದೆ, ಆದರಿಂದ ಇದು ಬಹು ಪವಿತ್ರ ಥಳವಾಗಿದೆ. ಆದರಿಂದ ನಾವೆಲ್ಲ ಈ ಥಳದಲ್ಲಿ ಭಯ ಭಕ್ತಿಯಿಂದ ನಮ್ಮನ್ನು ತೊಡಗಿಸಿಕೊಳ್ಳಬೇಕು’ ಎಂದು ಶುಭ ಸಂದೇಶ ನೀಡಿದರು.
ಈ ಪವಿತ್ರ ಆಶಿರ್ವಚನ ಮತ್ತು ಬಲಿದಾನದ ಕಾರ್ಯಕ್ರಮದಲ್ಲಿ ಕಂಡ್ಲೂರು ಚರ್ಚಿನ ಧರ್ಮಗುರು ವಂ|ಕೆನ್ಯೂಟ್ ಬಾರ್ಬೊಜಾ, ಕುಂದಾಪುರ ವಲಯ ಪ್ರಧಾನ ಧರ್ಮಗುರು ಅ|ವಂ| ಸ್ಟ್ಯಾನಿ ತಾವ್ರೊ, ಮೊನ್ಸಿಂಝೊರ್ ಅ|ವಂ|ಫರ್ಡಿನಾಂಡ್ ಗೊನ್ಸಾಲ್ವಿಸ್, ಉಡುಪಿ ಧರ್ಮಪ್ರಾಂತ್ರದ ಛಾನ್ಸಲರ್ ಅ|ವಂ|ರೋಶನ್ ಡಿಸೋಜಾ, ಕುಂದಾಪುರ ವಲಯದ ಎಲ್ಲಾ ಚರ್ಚಿನ ಧರ್ಮಗುರುಗಳು, ಅತಿಥಿ ಧರ್ಮಗುರುಗಳು ಭಾಗಿಯಾದರು. ಧರ್ಮಗುರು ವಂ|ಸಿರಿಲ್ ಲೋಬೊ ಧಾರ್ಮಿಕ ಕಾರ್ಯಕ್ರಮವನ್ನು ನಿರೂಪಿಸಿದರು.
ನಂತರ ನೆಡದ ಸಭಾಕಾರ್ಯಕ್ರಮದಲ್ಲಿ ಚರ್ಚಿನ ಧರ್ಮಗುರು ವಂ|ಕೆನ್ಯೂಟ್ ಬಾರ್ಬೊಜಾ ಸ್ವಾಗತಿಸಿದರು. ಪಾಲನ ಮಂಡಳಿ ಕಾರ್ಯದರ್ಶಿ ಲವೀನಾ ಡೆಸಾ ವರದಿಯನ್ನು ವಾಚಿಸಿದರು, ಕಂಡ್ಲೂರು ಜಾಮಿಯಾ ಮಸೀದಿಯ ಇಮಾಮ್ ಮೌಲಾನ ಇಲಿಯಾಸ್ ನಾಡ್ವಿ ಇವರು ಸಂದೇಶ ನೀಡಿದರು. ಅ|ವಂ| ಸ್ಟ್ಯಾನಿ ತಾವ್ರೊ ಈ ಚರ್ಚಿನ ಕಾಮಗಾರಿಗಾಗಿ ನಮ್ಮ ವಂದನೀಯ ಬಿಷಪ್ ಜೆರಾಲ್ಡ್ ತುಂಬ ಮುತುವರ್ಜಿಯನ್ನು ವಹಿಸಿಕೊಂಡಿದ್ದರೆಂದು ತಿಳಿಸಿ, ನಿಮ್ಮ ಚರ್ಚಿನಲ್ಲಿ ನಮ್ಮ ಉಡುಪಿ ಧರ್ಮಪ್ರಾಂತ್ಯದ ಅತ್ಯಂತ ಹಿರಿಯ ಚರ್ಚ್ ಆದ ಕುಂದಾಪುರ ಚರ್ಚಿನ ಪಾಲಕಿ ರೋಜರಿಮಾತೆಯ ವರ್ಣಚಿತ್ರವನ್ನು ಹಾಕಿ, ರೋಜರಿ ಮಾತೆ ಈ ಕಡೆಯ ಎಲ್ಲಾ ಚರ್ಚಗಳ ಮಾತೆಯೆಂದು ಬಿಂಬಿಸಿದಕ್ಕೆ ಧನ್ಯವಾದಗಳನ್ನು ಅರ್ಪಿಸಿದರು.
ಈ ಚರ್ಚಿನಲ್ಲಿ ಹಿಂದೆ ಸೇವೆ ನೀಡಿದ ಧರ್ಮಗುರುಗಳನ್ನು, ಇತರ ಧರ್ಮಗುರುಗಳನ್ನು, ಕಟ್ಟಡ ರಚನೆಯಲ್ಲಿ ತೊಡಗಿಸಿಕೊಂಡವರನ್ನು ಸನ್ಮಾನಿಸಲಾಯಿತು. ಚರ್ಚಿನ ಧರ್ಮಗುರು ವಂ| ವಂ|ಕೆನ್ಯೂಟ್ ಬಾರ್ಬೊಜಾ ಇವರನ್ನು ಉಡುಪಿ ಧರ್ಮಪ್ರಾಂತ್ಯದ ಪರವಾಗಿ ಬಿಷಪರು ಸನ್ಮಾನಿಸಿದರು. ಬಿಷಪ್ ಜೆರಾಲ್ಡ್ ಲೋಬೊರವರನ್ನು ಫಾ|ಸ್ಟ್ಯಾನಿ ತಾವ್ರೊ ನೇತ್ರತ್ವದಲ್ಲಿ ಗೌರವಿಸಲಾಯಿತು. ಬಿಶಪರು “ಈ ನೂತನ ಕಟ್ಟಡ ಪೂರ್ಣಗೊಂದಿದಕ್ಕೆ ಸಂತೋಷವಾಗಿದೆ, ನಿಮ್ಮ ಶ್ರಮ ತ್ಯಾಗ ಮತ್ತು ಇತರ ಚರ್ಚುಗಳ ಉದಾರ ಮನಸ್ಸಿನವರಿಂದ ಇದು ಸಾಕಾರಗೊಂಡಿದೆ” ಎಂದು ಶುಭಕೋರಿ ಅಭಿನಂದಿಸಿದರು.ವೆನೀಶಾ ಡಿಸೋಜಾ ಮತ್ತು ಜ್ಯೋತಿ ಬುತೆಲ್ಲೊ ನಿರೂಪಿಸಿದರು. ಪಾಲನ ಮಂಡಳಿ ಉಪಾಧ್ಯಕ್ಷ ವಿನೋದ್ ಡಿಸೋಜಾ ವಂದಿಸಿದರು.

ರಾಜ್ಯ ಅತ್ಯುತ್ತಮ ಯುವ ಮಂಡಳಿ ಪ್ರಶಸ್ತಿ ಪುರಸ್ಕøತ ಸಂಸ್ಥೆ ಶ್ರೀ ದುರ್ಗಾಪರಮೇಶ್ವರೀ ಫ್ರೆಂಡ್ಸ್ ಕ್ಲಬ್ ಅಬ್ಬನಡ್ಕ - ನಂದಳಿಕೆಯ ರಜತ ವರ್ಷದ ಸರಣಿ ಕಾರ್ಯಕ್ರಮದ ಅಂಗವಾಗಿ ಮಹಿಳಾ – ಯುವತಿಯರ ವಿಭಾಗದ ಥ್ರೋಬಾಲ್ ಪಂದ್ಯಾಟವು ನಂದಳಿಕೆ ಅಬ್ಬನಡ್ಕ ಫ್ರೆಂಡ್ಸ್ ರಂಗ ಮಂದಿರದ ಬಳಿ ಆದಿತ್ಯವಾರ ಜರಗಿತು.
ಸಮಾರೋಪ ಸಮಾರಂಭದ ಅಧ್ಯಕ್ಷತೆಯನ್ನು ನಂದಳಿಕೆ ಅಬ್ಬನಡ್ಕ ಶ್ರೀ ದುರ್ಗಾಪರಮೇಶ್ವರೀ ಫ್ರೆಂಡ್ಸ್ ಕ್ಲಬ್ ಮಹಿಳಾ ಸಂಘಟನಾ ಕಾರ್ಯದರ್ಶಿ ಅಬ್ಬನಡ್ಕ ಪದ್ಮಶ್ರೀ ಪೂಜಾರಿ ಅಧ್ಯಕ್ಷತೆ ವಹಿಸಿದ್ದರು. ಕಾರ್ಯಕ್ರಮದಲ್ಲಿ ಬೆಳ್ಮಣ್ಣು ಕ್ಷೇತ್ರದ ನಿಕಟ ಪೂರ್ವ ಜಿಲ್ಲಾ ಪಂಚಾಯತ್ ಸದಸ್ಯರಾದ ರೇಶ್ಮಾ ಉದಯ ಶೆಟ್ಟಿ, ಬೋಳ ಕ್ಷೇತ್ರದ ನಿಕಟ ಪೂರ್ವ ತಾಲೂಕು ಪಂಚಾಯತ್ ಸದಸ್ಯರಾದ ಪುಷ್ಪ ಸತೀಶ್ ಪೂಜಾರಿ, ಬೆಳ್ಮಣ್ಣು ಜೇಸಿಐ ಅಧ್ಯಕ್ಷರಾದ ಸರಿತಾ ದಿನೇಶ್ ಸುವರ್ಣ, ಬೆಳ್ಮಣ್ಣು ಗ್ರಾಮ ಪಂಚಾಯತ್ ಅಧ್ಯಕ್ಷರಾದ ರಾಮೇಶ್ವರೀ ಶೆಟ್ಟಿ, ಮೂಡಬಿದಿರೆ ತಾಲೂಕಿನ ಕರ್ನಾಟಕ ಜಾನಪದ ಪರಿಷತ್ತಿನ ಅಧ್ಯಕ್ಷರಾದ ಪದ್ಮಶ್ರೀ ಭಟ್ ನಿಡ್ಡೋಡಿ, ಇನ್ನಾ ಕ್ಷೇತ್ರದ ತಾಲೂಕು ಪಂಚಾಯತ್ ಮಾಜಿ ಸದಸ್ಯರಾದ ಜಯ ಎಸ್. ಕೋಟ್ಯಾನ್, ರೋಟರಿ ಜಿಲ್ಲಾ ಪ್ರತಿನಿಧಿ ವೆಂಕಟಕೃಷ್ಣ ಕೆ., ನಿಟ್ಟೆ-ಕೆಮ್ಮಣ್ಣು ರೋಟರಿ ಸಮುದಾಯದಳದ ಅಧ್ಯಕ್ಷರಾದ ಪ್ರದೀಪ್ ಸುವರ್ಣ, ಬೋಳ ಅಂಚೆ ಕಛೇರಿಯ ಪೋಸ್ಟ್ ಮಾಸ್ಟರ್ ಸಂಧ್ಯಾ ಶೆಟ್ಟಿ, ಬೆಳ್ಮಣ್ಣು ಶ್ರೀ ದೇವಿ ಕ್ಯಾಟರರ್ಸ್ ಮಾಲಕರಾದ ಸತ್ಯನಾರಾಯಣ ಭಟ್ ಮೊದಲಾದವರು ಮುಖ್ಯ ಅತಿಥಿಗಳಾಗಿ ಭಾಗವಹಿಸಿದ್ದರು.
ವೇದಿಕೆಯಲ್ಲಿ ನಂದಳಿಕೆ ಅಬ್ಬನಡ್ಕ ಶ್ರೀ ದುರ್ಗಾಪರಮೇಶ್ವರೀ ಫ್ರೆಂಡ್ಸ್ ಕ್ಲಬ್ ಅಧ್ಯಕ್ಷರಾದ ಬೀರೊಟ್ಟು ದಿನೇಶ್ ಪೂಜಾರಿ, ಸಂಚಾಲಕರಾದ ಅಬ್ಬನಡ್ಕ ಸಂದೀಪ್ ವಿ. ಪೂಜಾರಿ, ಕಾರ್ಯದರ್ಶಿ ವೀಣಾ ಪೂಜಾರಿ, ಪಂದ್ಯಾಟದ ನಿರ್ದೇಶಕರಾದ ಹರಿಣಾಕ್ಷಿ ಪೂಜಾರಿ ಮೊದಲಾದವರಿದ್ದರು. 
ನಂದಳಿಕೆ ಅಬ್ಬನಡ್ಕ ಶ್ರೀ ದುರ್ಗಾಪರಮೇಶ್ವರೀ ಫ್ರೆಂಡ್ಸ್ ಕ್ಲಬ್ ಪದ್ಮಶ್ರೀ ಪೂಜಾರಿ ಸ್ವಾಗತಿಸಿದರು, ಲೀಲಾ ಪೂಜಾರಿ ವಂದಿಸಿದರು, ಬೋಳ ನಿಶ್ಮಿತಾ ಪೂಜಾರಿ ಕಾರ್ಯಕ್ರಮ ನಿರೂಪಿಸಿದರು. 
ಬೆಳುವಾಯಿ ಪ್ರಕಾಶ್ ಫ್ರೆಂಡ್ಸ್ ತಂಡಕ್ಕೆ ಪ್ರಥಮ ಪ್ರಶಸ್ತಿ ಹಾಗೂ ಬೋಳ ವೀರ ಮಾರುತಿ ‘ಎ’ ತಂಡಕ್ಕೆ ದ್ವಿತೀಯ ಪ್ರಶಸ್ತಿ ಪಡೆದುಕೊಂಡಿತು.
ಒಟ್ಟು ನಂದಳಿಕೆ, ಬೆಳ್ಮಣ್ಣು, ಬೋಳ, ಕೆದಿಂಜೆ, ಮಾಳ, ನಿಟ್ಟೆ, ಶಿರ್ವ, ಕಾರ್ಕಳ, ಬೇಲಾಡಿ, ಬೆಳುವಾಯಿ, ಮೂಡಬಿದ್ರೆ, ಹೆಬ್ರಿ ಪರಿಸರದ ಒಟ್ಟು 19 ತಂಡಗಳು ಮಹಿಳಾ ಥ್ರೋಬಾಲ್ ಪಂದ್ಯಾಟದಲ್ಲಿ ಭಾಗವಹಿಸಿವೆ.

The feast of St Antony’s relic (holy tongue) was celebrated with solemn high Mass at St Anne’s friary Chapel on the 13th of February at 6pm by Rev Dr Rocky D’Cunha the superior of the house. It was concelebrated by all the fathers of the friary. Hundreds of devotees were gathered to thank St Antony for the favours received. A candle light procession was held from the grotto of St Antony followed by Mass. During the homily Fr Rocky highlighted the importance of using our god-given tongue for proclaiming the word of God and defending our faith against the heretics. St Antony’s tongue was kept free from corruption for preaching the word of God. This was the great reward God gave to St Antony said the preacher quoting the words of St Bonaventure the then general of the Order. Mr Joe and group (Padre Pio choir) conducted the melodious choir and led the people to pray. All with the lit candles prayed for peace among 40 war stricken countries. . Fr Richard thanked all those who worked for the success of the feast. At the end of the Mass all were given St Antony’s bread and a home made soft drink.

ಸೇಂಟ್ ಆನೆಸ್ ಮಠದಲ್ಲಿ ಸೇಂಟ್ ಆಂಥೋನಿ ಅವಶೇಷದ (ಪವಿತ್ರ ನಾಲಿಗೆಯ) ಹಬ್ಬ

ಫೆಬ್ರುವರಿ 13 ರಂದು ಸಂಜೆ 6 ಗಂಟೆಗೆ ಸೇಂಟ್ ಆ್ಯನ್ಸ್ ಫ್ರೈರಿ ಚಾಪೆಲ್‌ನಲ್ಲಿ ಸೇಂಟ್ ಆಂಟೋನಿ ಅವರ ಸ್ಮಾರಕದ (ಪವಿತ್ರ ಭಾಷೆ) ಹಬ್ಬವನ್ನು ಶ್ರದ್ಧಾಭಕ್ತಿಯಿಂದ ಆಚರಿಸಲಾಯಿತು. ಇದನ್ನು ಫ್ರೈರಿಯ ಎಲ್ಲಾ ಪಿತಾಮಹರು ಆಚರಿಸಿದರು. ನೂರಾರು ಭಕ್ತರು ಸಂತ ಆಂಟನಿ ಅವರಿಗೆ ಧನ್ಯವಾದ ಅರ್ಪಿಸಿದರು. ಸೇಂಟ್ ಆಂಟೋನಿ ಗ್ರೊಟ್ಟೊದಿಂದ ಮೇಣದಬತ್ತಿಯ ಮೆರವಣಿಗೆಯನ್ನು ನಡೆಸಲಾಯಿತು, ನಂತರ ಮಾಸ್, ಧರ್ಮೋಪದೇಶದ ಸಮಯದಲ್ಲಿ ಫಾದರ್ ರಾಕಿ ಅವರು ದೇವರ ವಾಕ್ಯವನ್ನು ಘೋಷಿಸಲು ಮತ್ತು ಧರ್ಮದ್ರೋಹಿಗಳ ವಿರುದ್ಧ ನಮ್ಮ ನಂಬಿಕೆಯನ್ನು ರಕ್ಷಿಸಲು ನಮ್ಮ ದೇವರು ನೀಡಿದ ನಾಲಿಗೆಯನ್ನು ಬಳಸುವ ಮಹತ್ವವನ್ನು ತಿಳಿಸಿದರು. ದೇವರ ವಾಕ್ಯವನ್ನು ಬೋಧಿಸುವುದಕ್ಕಾಗಿ ಸೇಂಟ್ ಆಂಟನಿಯವರ ನಾಲಿಗೆಯನ್ನು ಭ್ರಷ್ಟಾಚಾರದಿಂದ ಮುಕ್ತಗೊಳಿಸಲಾಯಿತು. ಇದು ಸಂತ ಆಂಟೋನಿ ಅವರಿಗೆ ದೇವರು ನೀಡಿದ ದೊಡ್ಡ ಪ್ರತಿಫಲವಾಗಿದೆ ಎಂದು ಬೋಧಕರು ಅಂದಿನ ಆರ್ಡರ್ ಜನರಲ್ ಸೇಂಟ್ ಬೊನಾವೆಂಚರ್ ಅವರ ಮಾತುಗಳನ್ನು ಉಲ್ಲೇಖಿಸಿದರು. ಶ್ರೀ ಜೋ ಮತ್ತು ಗುಂಪು (ಪಡ್ರೆ ಪಿಯೊ ಗಾಯಕ) ಸುಮಧುರ ಗಾಯನವನ್ನು ನಡೆಸಿ ಜನರನ್ನು ಪ್ರಾರ್ಥನೆಗೆ ಕರೆದೊಯ್ದರು. ಎಲ್ಲರೂ ಬೆಳಗಿದ ಮೇಣದಬತ್ತಿಗಳೊಂದಿಗೆ 40 ಯುದ್ಧ ಪೀಡಿತ ದೇಶಗಳಲ್ಲಿ ಶಾಂತಿಗಾಗಿ ಪ್ರಾರ್ಥಿಸಿದರು. . ಹಬ್ಬದ ಯಶಸ್ಸಿಗೆ ಶ್ರಮಿಸಿದ ಎಲ್ಲರಿಗೂ ಫಾದರ್ ರಿಚರ್ಡ್ ಕೃತಜ್ಞತೆ ಸಲ್ಲಿಸಿದರು. ಸಾಮೂಹಿಕ ಪ್ರಾರ್ಥನೆಯ ಕೊನೆಯಲ್ಲಿ ಎಲ್ಲರಿಗೂ ಸೇಂಟ್ ಆಂಟೋನಿ ಬ್ರೆಡ್ ಮತ್ತು ಮನೆಯಲ್ಲಿ ತಯಾರಿಸಿದ ತಂಪು ಪಾನೀಯವನ್ನು ನೀಡಲಾಯಿತು.

ಕೋಲಾರ,ಫೆ.13: ಭಾರತ ದೇಶದ ಅತ್ಯಂತ ಪ್ರತಿಷ್ಠಿತ ಜೆಇಇ ಮೇನ್ಸ್ ಪರೀಕ್ಷೆಯಲ್ಲಿ ನಗರದ ಹೊರವಲಯದಲ್ಲಿರುವ ಎಸ್‍ಎಫ್‍ಎಸ್ ಪದವಿ ಪೂರ್ವ ಕಾಲೇಜು ವಿದ್ಯಾರ್ಥಿಗಳು ಅದ್ಭುತ ಯಶಸ್ಸನ್ನು ಗಳಿಸಿದ್ದಾರೆ.
ಜೆಇಇ ಮೇನ್ಸ್ ಮೊದಲ ಫಲಿತಾಂಶ ಹೊರಬಂದಿದ್ದು, ಅಭಿಷೇಕ್ ರೆಡ್ಡಿ ಆರ್ 99.339 ಮತ್ತು ಪ್ರಣವ ಭಟ್ 97,380 ನೊಂದಿಗೆ ಜಿಲ್ಲೆಯ ಹೆಮ್ಮೆಯ ವಿದ್ಯಾರ್ಥಿಗಳಾಗಿ ಹೊರಬಂದಿದ್ದಾರೆಂದು ಕಾಲೇಜಿನ ಆಡಳಿತ ಮಂಡಳಿ, ಪ್ರಾಂಶುಪಾಲರು ಹಾಗೂ ಉಪನ್ಯಾಸಕ ಸಿಬ್ಬಂದಿ ವರ್ಗ ಸಂತಸದಿಂದ ವಿದ್ಯಾರ್ಥಿಗಳಿಗೆ ಅಭಿನಂದನೆಗಳನ್ನು ತಿಳಿಸಿದ್ದಾರೆ.
ಕಳೆದ ಸಾಲಿನಲ್ಲಿಯೂ ನಮ್ಮ ಕಾಲೇಜಿನ ವಿದ್ಯಾರ್ಥಿಗಳು ಜೆಇಇ ಅಡ್ವಾನ್ಸ್ ಪರೀಕ್ಷೆಗಳಲ್ಲಿ ದೇಶದಲ್ಲಿ 93, 207, 745 ಜೆಇಇ ಮೇನ್ಸ್‍ನಲ್ಲಿ 419, 547 ರ್ಯಾಂಕ್ ಮತ್ತು ನೀಟ್ ಪರೀಕ್ಷೆಯಲ್ಲಿಯೂ ದೇಶದಲ್ಲಿ 180ನೇ ರ್‍ಯಾಂಕ್ ನೊಂದಿಗೆ 11 ವಿದ್ಯಾರ್ಥಿಗಳು ವೈದ್ಯಕೀಯ ಶಿಕ್ಷಣವನ್ನು ಪಡೆಯುತ್ತಿದ್ದಾರೆಂದು ಪ್ರಾಂಶುಪಾಲರು ತಿಳಿಸಿರುತ್ತಾರೆ.
ಮುಂಬರುವ ಎಲ್ಲಾ ಪರೀಕ್ಷೆಗಳಲ್ಲಿಯೂ ನಮ್ಮ ವಿದ್ಯಾರ್ಥಿಗಳು ಉತ್ತಮ ಸಾಧನೆ ಮಾಡುತ್ತಾರೆಂದು ಆಶಾಭಾವನೆ ವ್ಯಕ್ತಪಡಿಸಿರುತ್ತಾರೆ.

ಬೆಂಗಳೂರು: ಮೆಂಡಿಸ್ ಮತ್ತು ಲೋಬೋ ಅಸೋಸಿಯೇಟ್ಸ್ 11ನೇ ಫೆಬ್ರವರಿ 2024 ರಂದು ಭಾನುವಾರದಂದು ಮೆಂಡೆಸ್ ಮತ್ತು ಲೋಬೋ ಅಸೋಸಿಯೇಟ್ಸ್, ಬೆಂಗಳೂರುನಲ್ಲಿ ಆರಂಭವಾಯಿತು, ಇದರ ಉದ್ಘಾಟನೆಯನ್ನು ಮಂಗಳೂರಿನ ಖ್ಯಾತ ನ್ಯಾಯವಾದಿ ಶ್ರೀ ಎಂ.ಪಿ.ಶೆಣೈ ನೇರವೆರಿಸಿದರು
ಮುಖ್ಯ ಅತಿಥಿಗಳಾಗಿ ಬೆಂಗಳೂರಿನ ವಕೀಲರಾದ ಶ್ರೀ ರಾಜಶೇಖರ್ ಡಾ ಗಾಡ್ಫ್ರೇ ಮೆಂಡೆಸ್ ಗ್ಲೋಬಲ್ ಅಫೇರ್ಸ್ ಫ್ರಾಂಕ್ಲಿನ್ ಓಹಿಯೋ USA. ಡಾ. ಜಾನೆಟ್ ಅಲೆಕ್ಸಾಂಡರ್ ಕ್ಯಾಸ್ಟೆಲಿನೊ ಪ್ರಮುಖ ಚರ್ಮರೋಗ ತಜ್ಞರು, ಡರ್ಮಝೀಲ್ ಕ್ಲಿನಿಕ್, ಎಚ್ಎಸ್ಆರ್ ಲೇಔಟ್, ಬೆಂಗಳೂರು, ಉಪಸ್ಥಿತರಿದ್ದರು.

ಕಛೇರಿಯನ್ನು ವಂದನೀಯ ಫಾದರ್ ವಿನೋದ್ ಲೋಬೋ, Ocd ಬೆಂಗಳೂರು ಅವರು ಆಶೀರ್ವದಿಸಿದರು ಮುಖ್ಯ ಅತಿಥಿಗಳಾದ ಶ್ರೀ.ಎಂ.ಪಿ.ಶೆಣೈ, ಎಂ.ಆರ್. ಎಸ್.ರಾಜಶೇಖರ್, ಡಾ. ಗಾಡ್ಫ್ರೇ ಮೆಂಡಿಸ್ ಮತ್ತು ಡಾ. ಜಾನೆಟ್ ಅಲೆಕ್ಸಾಂಡರ್ ಕ್ಯಾಸ್ಟೆಲಿನೊ ಅವರು ಅಡ್ಲೀನ್ ಮೆಂಡಿಸ್ ಮತ್ತು ಅವರ ಪತಿ ವ್ಯಾಲೆಂಡರ್ ಲೋಬೊ ಅವರ ಹೊಸ ಸಾಹಸಕ್ಕೆ ಶುಭ ಹಾರೈಸಿದರು.

ಅಡ್ಲೀನ್ ಮೆಂಡಿಸ್ ಸ್ವಾಗತಿಸಿದರು. ವಾಲ್ಟರ್ ಸ್ಟೀಫನ್ ಮೆಂಡಿಸ್ ಅವರು ಧನ್ಯವಾದ ಅರ್ಪಿಸಿದರು. ಕಾರ್ಯಕ್ರಮವನ್ನು ಫ್ಲಾರೆನ್ಸ್ ಮೆಂಡಿಸ್ ನಿರ್ವಹಿಸಿದರು. ಈ ಸಂದರ್ಭದಲ್ಲಿ ಮಂಗಳೂರು ಮತ್ತು ಬೆಂಗಳೂರಿನಿಂದ ಆಗಮಿಸಿದ ಅನೇಕ ಗಣ್ಯರು, ಸ್ನೇಹಿತರು ಮತ್ತು ಕುಟುಂಬದವರು ಉಪಸ್ಥಿತರಿದ್ದರು.

Inauguration of Mendis and Lobo Associates

BANGALORE: Mendis & Lobo Associates launched on Sunday 11th February 2024 at Mendes & Lobo Associates, Bangalore, inaugurated by Mr. M. P. Shenoy, Eminent Advocate of Mangalore.

Mr. Rajasekhar, Advocate Bangalore Dr Godfrey Mendes Global Affairs Franklin Ohio USA as Chief Guest. Dr. Janet Alexander Castellino, Chief Dermatologist, Dermazeal Clinic, HSR Layout, Bangalore, was present.

The Office was blessed by Venerable Father Vinod Lobo, Ocd Bangalore Chief Guests Mr. M.P. Shenai, M.R. S. Rajasekhar, Dr. Godfrey Mendis and Dr. Janet Alexander Castellino wishes Adeline Mendes and her husband Valender Lobo all the best in their new venture.

Adeline Mendes welcomed. Walter Stephen Mendes gave vote of thanks. The show was hosted by Florence Mendes. Many dignitaries, friends and family members from Mangalore and Bangalore were present on the occasion.

ಶ್ರೀನಿವಾಸಪುರ : ಇದೇ ಮೊದಲ ಬಾರಿಗೆ ರಾಜ್ಯ ಸರ್ಕಾರದ ಆದೇಶದಂತೆ ಮಾನ್ಯ ಜಿಲ್ಲಾಧಿಕಾರಿಗಳು ಇ-ಖಾತಾ ಅಂದೋಲನವನ್ನು ಏರ್ಪಡಿಸಲು ಆದೇಶಿಸಿದ್ದು, ಅದರಂತೆ ಫೆಬ್ರವರಿ 12 ರಿಂದ ಮಾರ್ಚ್ 12 ವರೆಗೆ ಪಟ್ಟಣದಲ್ಲಿ ಇ-ಆಸ್ತಿ ಅಂದೋಲನವನ್ನು ಹಮ್ಮಿಕೊಂಡಿದ್ದು, ಪುರಸಭೆಯ ಅಧಿಕಾರಿಗಳ ತಂಡ ನಿಮ್ಮ ಮನೆಬಾಗಿಲಿಗೆ ಬಂದು ಇ-ಆಸ್ತಿ ಮಾಡಿಕೊಳ್ಳಲು ಖಾತೆದಾರರು ತಮ್ಮ ಪೋಟೋ, ಮನೆ/ನಿವೇಶನದ ಪೋಟೋ, ಚುನಾವಣಾ ಗುರ್ತಿನ ಚೀಟಿ/ ಪಾನ್ ಕಾರ್ಡ್, ಸ್ವತ್ತಿನ ಕ್ರಯಪತ್ರ, ಇಸಿ 23-24 ಪ್ರಸ್ತುತ ಸಾಲಿನ ಆಸ್ತಿಯ ತೆರಿಗೆ ಪಾವತಿಸರಬೇಕು. ಬಡಾವಣೆ ಅನುಮೋದನಾ ನಕ್ಷೆ , ಭೂ ಪರಿವರ್ತನಾ ಪತ್ರಗಳನ್ನು ಸಲ್ಲಿಸಬೇಕು . ಇ-ಆಸ್ತಿ ಖಾತೆ ಮಾಡಿಸುವವರು ಈ ಅಂದೋಲನ ಸದುಪಯೋಗ ಪಡಿಸಿಕೊಳ್ಳಬೇಕಾಗಿ ಪುರಸಭೆ ಮುಖ್ಯಾಧಿಕಾರಿ ವೈ.ಎನ್.ಸತ್ಯನಾರಾಯಣ ರವರು ಪತ್ರಿಕಾ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.
ಶ್ರೀನಿವಾಸಪುರ ಪುರಸಭೆ ಕಾರ್ಯಾಲಯ ವತಿಯಿಂದ ಜಿಲ್ಲಾಡಳಿತದ ಜಿಲ್ಲಾಧಿಕಾರಿಗಳ ಆದೇಶ ಮೇರೆಗೆ ನಿಮ್ಮ ಮನೆ ಬಾಗಿಲಿಗೆ ಇ-ಆಸ್ತಿ ಸೇವೆ ನಗರ ಸ್ಥಳೀಯ ಸಂಸ್ಥೆಗಳಲ್ಲಿ ಇ-ಖಾತಾ ಆಂದೋಲನವು ದಿನಾಂಕ 12-02-2024 ರಿಂದ 12-03-2024 ವರೆಗೆ ಶ್ರೀನಿವಾಸಪುರ ಪುರಸಭೆ ವ್ಯಾಪ್ತಿಯಲ್ಲಿ ಹಮ್ಮಿಕೊಳ್ಳಲಾಗಿದ್ದು, ಪಟ್ಟಣದ ಸಾರ್ವಜನಿಕರು ಇದರ ಸದುಪಯೋಗ ಪಡೆದುಕೊಳ್ಳಬೇಕಾಗಿ ತಿಳಿಸಿದರು .

ಕುಂದಾಪುರ (13.02.2024) : ಕುಂದಾಪುರ ಎಜ್ಯುಕೇಶನ್ ಸೊಸೈಟಿ ಪ್ರವರ್ತಿತ ಎಚ್. ಎಮ್.‌ ಎಮ್‌  ಆಂಗ್ಲ ಮಾಧ್ಯಮ ಪ್ರಾಥಮಿಕ ಶಾಲೆಯ ವಿದ್ಯಾರ್ಥಿಗಳು ಐಡಿಯಲ್ ಪ್ಲೇ ಅಬಾಕಸ್ ವತಿಯಿಂದ ತಮಿಳುನಾಡಿನ ಕೊಯಮತ್ತೂರಿನಲ್ಲಿ ನಡೆದ 19ನೇ ರಾಷ್ಟ್ರೀಯ ಮಟ್ಟದ ಅಬಾಕಸ್ ಮತ್ತು ಮೆಂಟಲ್ ಅರಿತ್‌ಮೆಟಿಕ್ ಸ್ಪರ್ಧೆಯಲ್ಲಿ ಭಾಗವಹಿಸಿ ವಿಜೇತರಾಗಿರುತ್ತಾರೆ. ವಿದ್ಯಾರ್ಥಿಗಳಾದ ಶ್ರೇಯಸ್‌ ಆರ್‌ ರಾವ್‌, ಪ್ರಣವ್ ದ್ವಿತೀಯ ಸ್ಥಾನವನ್ನು ಮತ್ತು ಪ್ರಥ್ವಿನ್‌ ತೃತೀಯ ಸ್ಥಾನವನ್ನು ಪಡೆದಿರುತ್ತಾರೆ. ಇವರನ್ನು ಸಂಸ್ಥೆಯ ಪ್ರಾಂಶುಪಾಲರಾದ ಡಾ. ಚಿಂತನಾ ರಾಜೇಶ್ ಹಾಗೂ ವಿವಿಧ ವಿಭಾಗಗಳ ಮುಖ್ಯಸ್ಥರು ಅಭಿನಂದಿಸಿದರು