ಭಾರತಾಚೊ ಆಪೊಸ್ತಲ್ ಸಾಂ. ಥಾಮಸ್ ಕ್ಯಾಥೆಡ್ರಲ್ ಬಾಸಿಲಿಕಾ ಚೆನ್ನೈ ಆನಿ ಸಾಂ. ಥಾಮಸ್ ಗುಡ್ಯಾ ವಯ್ಲೆ ಮೈಲಾಪೊರ್ ಪುಣ್ಯ್ ಕ್ಷೇತ್ರ್ ಹಾಂಗಾಸರ್ ಭೇಟ್ ಕೆಲ್ಲಿ ಪ್ರವಾಸ್ ಕಥನ್ ಹೆಂ. ಜೆಜುಚೊ ಶಿಸ್ ಸಾಂ.ಥಾಮಸ್ ಜೆಜುಚೆರ್ ದುಬಾವ್ ಕರ್ನ್ ದುಬಾವಾ ಥಾವ್ನ್ ಭವಾಡ್ತ್ ಘಟ್ ಕೆಲ್ಲೊ ಭವಾಡ್ತಿ, ಭಾರತಾಕ್ ಯೆವ್ನ್ ಸುವಾರ್ತಾ ಪ್ರಸಾರ್ ಕರ್ನ್ ಮೈಲಾಪೊರ್ ಗುಡ್ಯಾರ್ ಮಾಡ್ತಿರ್ ಮೆಲೊ. ತಾಚಿ ಕುಡ್ ಆತಾಂ ಸಾಂ. ಥಾಮಸ್ ಕ್ಯಾಥೆಡ್ರಲ್ ಬಾಸಿಲಿಕಾ ಮ್ಹಣುನ್ ನಾಂವಾಡ್ದಿಕ್ ಜಾಲ್ಯಾ ಜಾಗ್ಯಾರ್ ನಿಕೆಪಿಲಿ. ಥಾಮಸ್ ಗುಡ್ಯಾ ವಯ್ಲೆ ಮೈಲಾಪೊರ್ ಪುಣ್ಯ್ ಕ್ಷೇತ್ರ್ ಆನಿ ಸಾಂ. ಥಾಮಸ್ ಕ್ಯಾಥೆಡ್ರಲ್ ಬಾಸಿಲಿಕಾ ಹಾಂಗಾಸರ್ ಜಾಯ್ತಿ ಅಜಾಪಾಂ ಘಡ್ಲ್ಯಾತ್ ಆನಿ ಘಡ್ತೆಂ ಆಸಾತ್. ಆಮಿ ಗೆಲ್ಯಾಚ್ ಪುಣ್ಯ್ ಕ್ಷೇತ್ರಾಕ್ ವೆತೆಂ ಆಸಾಂವ್ ಪುಣ್ ಜೆಜುಚೊ ಸಾಂಗಾತಿ ಜಾವ್ನಾಸ್ಲೊ ಸಾಂ.ಥಾಮಸ್ ಹಾಚ್ಯಾ ಮರ್ಣಾ ಥಳಾರ್ ವೆಚೆಂ ಉಣೆ ಆಸ್ತಾಂ, ಹಿ ಸುವಾತ್ ಭವಾಡ್ತ್ಯಾನಿಂ ಭೆಟ್ ದಿಂವ್ಕ್ ಯೋಗ್ಯ್ ಜಾಲ್ಲೊ ಪುಣ್ ಥಳ್ ಜಾವ್ನಾಸಾ. ಹಾಂವ್ ಕುಟ್ಮಾ ಸಮೇತ್ ಹ್ಯಾ ಪುಣ್ ಥಳಾಂಚಿಂ ಭೇಟ್ ಕರುನ್ ಹೆಂ ಲೇಕನ್ ಬರಯ್ಲಾ, ಹೆಂ ವಾಚ್ಲ್ಯಾರ್ ತುಮ್ಕಾಂಯಿ ಪ್ರವಾಸಾಕ್ ಉಪ್ಯೋಗ್ ಪಡ್ತಾಂ ಮ್ಹಣು ಮ್ಹಜಿ ಪಾತ್ಯೆಣಿ -ಬರ್ನಾಡ್ ಜೆ.ಕೋಸ್ತಾ, ಕುಂದಾಪುರ್.
ಲೇಕನ್ ; ಬರ್ನಾಡ್ ಜೆ,ಕೋಸ್ತಾ, ಕುಂದಾಪುರ್
ಸಾಂ. ಥಾಮಸ್ ಕ್ಯಾಥೆಡ್ರಲ್ ಬೆಸಿಲಿಕಾ ವ ನ್ಯಾಷನಲ್ ಸಾಂ. ಥಾಮಸ್ ಪುಣ್ಯ್ ಕ್ಷೇತ್ರ್ ಮ್ಹಣುನ್ ಆಪಂವ್ಚೆ ಹೆಂ ಯಾತ್ರಿಕ್ ಪುಣ್ಯ್ ಕ್ಷೇತ್ರ್ ತಮಿಳುನಾಡುಚೆ ರಾಜಾಧಾನಿ ಚೆನ್ನೈಚ್ಯಾ ಲಾಗಿಂ ಮೈಲಾಪೋರ್ ಮ್ಹಳ್ಯಾ ಪ್ರದೇಶಾಂತ್ ಸ್ಯಾಂಥೋಮ್ ಮಾರ್ಗಾರ್ ಆಸಾ. ಪ್ರಸ್ತುತ್ ಹಾಚೆಂ ರಚನ್ ಕ್ರಿ.ಶ. 1523 ರಾಚೆಂ ಆದಿ ಜಾಲ್ಲೆಂ. ಇಗರ್ಜ್ ಪೋರ್ಚುಗೇಸಾನಿಂ ಸಾಂ. ತೊಮಾಸಾಚ್ಯಾ ಸಮಾಧಿ ವ್ಹಯ್ರ್ ಬಾಂದ್ಲಿ ಜಾವ್ನಾಸಾ. 1896 ೦ತ್ ನವ-ಗೋಥಿಕ್ ವಿನ್ಯಾಸ್ ಪ್ರಕಾರ್ ಬ್ರಿಟಿಷ್ ವಾಸ್ತುಶಿಲ್ಪಿ ಥಾವ್ನ್ ನವೀಕರಣ್ ಕೆಲ್ಯಾ.
1521 ರಾಂತ್ ಗೋವಾ ಮತ್ತು ಬಾಂಬೆ-ಬಾಸ್ಸಿನ್ಚ್ಯಾ ಪೋರ್ಚುಗೇಸ್ ಮಿಷನರಿ ಅಪೊಸ್ತಲ್ ಸಾಂ. ಥಾಮಸ್ ಸಮಾಧಿ ಸೊಧುಂಕ್ ಆನಿ ಜೆಜುಚಿ ಸುವಾರ್ತಾ ಪ್ರಸಾರ್ ಕರುಂಕ್ ತವಳ್ಚ್ಯಾ ಮದ್ರಾಸ್ ಆತಾಂಚ್ಯಾ ಚೆನ್ನೈಕ್ ಆಯ್ಲೆಂ. ಸಾಂ. ತ್ಯಾ ಕಾಳಾರ್ ಥಾಮಸ್ ಸಮಾಧಿ ನಿರ್ಲಕ್ಷ ಜಾಲಾಂ ಮ್ಹಳೆ ಗುಮಾನ್ ದಿವ್ನ್ . ಪೋರ್ಚುಗಲ್ಚೊ ರಾಯ್ ಜಾನ್ III ಹಾಚ್ಯಾ ಸಹಕಾರ್ ಆನಿ ತಾಚ್ಯಾ ಅಧಿಕಾರಾನ್ ಇಗರ್ಜ್ ನಿರ್ಮಾಣ್ ಕೆಲಿ ಆನಿ 1523 ರಾಂತ್ ಪವಿತ್ರೀಕರಣ್ ಕೆಲಿ. ಆನಿ ಪೋರ್ಚುಗೀಸ್ ಪಾದ್ರೊವಾ ಪಂಗ್ಡಾಚ್ಯಾ ಯಾಜಕಾಂನಿ ಸದಾಂನೀತ್ ಬಲಿದಾನ್, ಪ್ರಾರ್ಥನಾಂ ಆರಂಭ್ ಕೆಲಿ.
1545 ರಾಂತ್ ಪಾಪ್ ಫ್ರಾನ್ಸಿಸ್ ಕ್ಸೇವಿಯರ್ ಹ್ಯಾ ಇಗರ್ಜೆಕ್ ಭೇಟ್ ದಿಲಿ. ಸೇಂಟ್ ಥಾಮಸ್ ಧರ್ಮ್ ಪ್ರಾಂತ್ ರಚನ್ ಜಾಂವ್ಚ್ಯಾ ಸವೆಂ 1606 ರಾಂತ್ ಪೋಪ್ ಪಾಲ್ V ವ್ಯಾನ್ ಹ್ಯಾ ಇಗರ್ಜೆಕ್ ಕ್ಯಾಥೆಡ್ರಲ್ ಜಾವ್ನ್ ಉನ್ನತಿಕರಣ್ ಕೆಲೆಂ.
ಬ್ರಿಟಿಷ್ ರಾಜ್ವಟೆಕೆಚ್ಯಾ ಕಾಳಾರ್ 1896 ರಾಂತ್ ಬ್ರಿಟಿಷಾನಿಂ ಹಿ ಇಗರ್ಜ್ ಗೋಥಿಕ್ ರಿವೈವಲ್ ವಾಸ್ತುಶಿಲ್ಪಾಚ್ಯಾ ಶೈಲೆಂತ್ ಪುನರ್ನಿಮಾಣ್ ಕೆಲಿ. ಸಾಂ. ಥಾಮಸಾಕ್ ಸಮಾಧಿ ಕೆಲ್ಯಾ ಮ್ಹಣುನ್ ಪಾತ್ಯೆಂವ್ಚೊ ಕ್ಯಾಥೆಡ್ರಲ್ಚ್ಯಾ ಮಧೆಂ ಆಸ್ಚ್ಯಾ ತೋರ್ ಆಸ್ಲ್ಯಾ ಜಾಗೊ ಸಾಂ. ಥಾಮಸಾಕ್ ಸಮಾಧಿ ಕೆಲ್ಲೊ ಜಾಗೊ ಮ್ಹಣುನ್ ಪಾತ್ಯೆತಾತ್ ಪಾಪಾಲ್ ಪಿಯಸ್ XII ಹ್ಯಾ ಕ್ಯಾಥೆಡ್ರಲಾಕ್ 1956 ರಾಂತ್ ಗೌರವ್ ದಿವ್ನ್ ಮೈನರ್ ಬೆಸಿಲಿಕಾಚೆ ಸ್ಥಾನ್ ಮಾನ್ ಫಾವೊ ಕೆಲೆಂ. 1986 ರಾಂತ್ ಹ್ಯಾ ಬಾಸಿಲಿಕಾಕ್ ಭೇಟ್ ದಿಲ್ಯಾ ಪೋಪ್ ಜೋನ್ ಪಾವ್ಲ್ ದುಸ್ರ್ಯಾನ್ ಭೇಟ್ ದಿಲ್ಯಾ. ಹ್ಯಾ ಕ್ಯಾಥೆಡ್ರಲಾಕ್ 2004 ರಾಂತ್ ಭಾರತಚ್ಯಾ ಕ್ಯಾಥೋಲಿಕ್ ಬಿಷಪ್ ಸಮ್ಮೇಳನಾ ವೆಳಾರ್ ಹೆಂ ದೇವ್ ಮಂದಿರ್ ರಾಷ್ಟ್ರೀಯ ದೇವ್ ಮಂದಿರ್ ಮ್ಹಣನ್ ಘೋಷಿಸಿತ್ ಕೆಲೆಂ.
ಸಾಂ.ಥಾಮಸ್ ಕ್ಯಾಥೆಡ್ರಲ್ 19 ನೇ ಶತಮಾನ್ ಅಂತ್ಯಚ್ಯಾ ಕಾಳಾಚಿ ಗೋಥಿಕ್ ಪುನರುಜ್ಜೀವನ್ ವಾಸ್ತುಶಿಲ್ಪ ಶೈಲಿಯಂತ್. ಆಸೊನ್ ಸಾಗುವಾನಿ ರೂಕಾನ್ ಕೆಲ್ಲೆಂ ಸೀಲಿಂಗ್ ಆಸೊನ್. ಅಮೃತ್ ಶಿಲಾ ಆನಿ ಗ್ರಾನೈಟ್ ಉಪ್ಯೊಗ್ ಕೆಲ್ಯಾತ್. 16 ಜನೆಲಾಂ ಆನಿ 34 ವರ್ಣ್ ಮಯ್ ರೂಪ್ಣ್ಯಾ ಆರ್ಸೆಂ ಫಲಕ್ ಆಸಾತ್. ವೇದಿ ವಯ್ರ್ ರಂಗಾಳ್ ಆರ್ಸ್ಯಾಚೆರ್ ಜೆಜು ಕ್ರಿಸ್ತಾಚ್ಯಾ ಘಾಯ್ ದಿಸ್ತಾತ್, ಸಾಂ. ಥಾಮಾಸಾನ್ ಜೆಜು ಕ್ರಿಸ್ತಾಚ್ಯಾ ಘಾಯ್ ಆಪ್ಣೆ ಪಳೆಜೆ ಮ್ಹಳ್ಯಾ ಉಡಾಸಾಕ್ ಲಾಗೊನ್ ರಚನ್ ಕೆಲ್ಯಾ.
ಪ್ರಧಾನ್ ವೇದಿರ್ ಆಸಲ್ಲಿ ಸಾಂ.ಥಾಮಸಾಚಿ ಪ್ರತಿಮಾ ಆಸೊನ್ ಥಾಮಸ್, ಜೆಜುಚೊ ಅಪೊಸ್ತಲ್ ಯಾಜಕ್ ಆನಿ ಜೆಜುಕ್ರಿಸ್ತ್ ರಾಯ್ ಮ್ಹಣುನ್ ಅರ್ಥ್ ದಿತಾಂ. ಕ್ಯಾಥೆಡ್ರಲಾಚ್ಯಾ ಕುಸಿಚ್ಯಾ ವೊಂಡ್ದಿರ್ 14 ಖುರ್ಸಾ ವಾಟೆಚಿಂ ಸ್ತೆತಾಸಾಂವಾ ಆಸಾ ಕೆಲ್ಯಾತ್.
ಇಗರ್ಜ್ ದೋನ್ ವ್ಹಡ್ಲ್ಯೊ ತೋರಿ ಆಸೊನ್ ಸೊಭ್ತಾ. ಪ್ರವೇಶ್ ದಾರಚ್ಯಾ ದಾವ್ಯಾ ಕುಸಿಚಿ ತೋರ್ 45 ಮೀಟರ್ (147 ಫುಟ್) ಉಭಾರ್ ಆಸಾ. ಹೆಂ ಮಸ್ತ್ ಪಯ್ಸ್ ಥಾವ್ನ್ ದಿಸೊನ್ ಯೆತಾಂ, ಆನಿ ಹಾಕಾ ವ್ಹಡ್ಲಿ ಘಾಂಟ್ ಆಸಾ. ದುಸ್ರಿ ತೋರ್ ಇಗಜೆಚ್ಯಾ ಮಧ್ಯ್ಲಾ ಭಾಗಾಂತ್ ಆಸೊನ್ ವಯ್ರ್ ಪಾವ್ಲಾ. ಆನಿ ಹಾಂಗಾಸರಚ್ ಸಾಂ. ಥಾಮಸ್ ನಿಕೆಪಿಲ್ಲೆ ಮ್ಹಣುನ್ ಧ್ರಡ್ ಕರ್ತಾಂ.
ಹಾಂಗಾಸರ್ 200 ವರ್ಸಾಂಕಿಯಿ ಚಡ್ ಪರ್ನಿ ಬ್ರಿಟಿಷ್ ಕಾಲಾಚಿ ಪೈಪ್ ಆರ್ಗನ್ ಆಸಾ (ವಾಜಾಂತರ್). ಇಗರ್ಜೆ ಬಗ್ಲೆನ್ ಸಾಂಕ್ರಾಮೆಂತಾಚೆಂ ಆರಾಧನ್ ಕರ್ಚೆಂ ಆದುನಿಕ್ ಕಟ್ಟೊಣ್ ಆಸಾ, ಆನಿ ಥಂಯ್ಸರ್ ವಸ್ತು ಸಂಗ್ರಾಲಯ್ ಆಸಾ, ಥಂಯ್ಸರ್ ಸಾಂ. ಥಾಮಸ್ ಇಗರ್ಜಚೆ ಸಂಬಂಧ್ ಜಾಲ್ಲೆಂ ಐತಿಹಾಸಿಕ್ ವಸ್ತು ಆಸಾತ್. 7-8 ವಿ ಶತಮಾನಾಚೆಂ ಪುರಾತನ್ ಕ್ರುಸಿಪಿಕ್ಸಾಂ ಆಸಾತ್. ಸಾಂತಾ ಭಕ್ತಾಂಚಿಂ ಇಮಾಜ್ಯೊ, ಧುಂಪ್ ಭೆಟಂವ್ಚಿ ತುರಿಫುಲ್, ಅಸೆಂ ಸಭಾರ್ ಪಳೆಂವ್ಕ್ ಜಾಯಾಸ್ಲೆಂ ಐತಿಹಾಸಿಕ್ ಸಂಗ್ರಹ್ ಪಳೆಂವ್ಕ್ ಮೆಳ್ತಾ. ಆನಿಕಿ ಸಕಲ್ ಗೆಲ್ಯಾರ್ ಸುರಂಗ ಬರಿ ಆಸೊನ್ ಆಮಿ ಪ್ರಧಾನ್ ಇಗರ್ಜೆಚಿ ವೇದಿ ಆಸ್ಲ್ಯಾ ಸಾಂ. ಥಾಮಸಾಕ್ ನಿಕೆಪಿಲ್ಯಾ ಇಗರ್ಜೆಚ್ಯಾ ಪೊಂದಾ ವಚೊನ್ ಪಾವ್ತಾಂವ್. ಆನಿ ಥಂಯ್ಸರ್ ಸಾಂ. ಥಾಮಸ್ ಮಾಗ್ಣ್ಯಾರ್ ಆಸ್ತಾನಾ ಭಾಲಿ ಮಾರ್ನ್ ಲಗಾಡ್ ಕಾಡಲ್ಲೆಂ ವ್ಹಡ್ಲೆಂ ತೈಲ ವರ್ಣ್ ಪಿಂತುರ್ ಆಸಾ.
1523 ಇಸ್ವೆಂತ್ ಲಿಸ್ಬನಾ ಥಾವ್ನ್ ಹಾಡಲ್ಲಿ ಮರಿಯೆ ಮಾಯೆಚಿ ಇಮಾಜ್, ಇಗರ್ಜೆಚ್ಯಾ ಪ್ರಧಾನ್ ವೇದಿಚ್ಯಾ ದಾವ್ಯಾ ಕುಸಿನ್ ಏಕ್ ವಿಶೇಸ್ ವೇದಿ ವ್ಹಯ್ರ್ ಪ್ರತಿಷ್ಟಾನ್ ಕೆಲ್ಯಾ. ತಿಕಾ ಭಾಂಗಾರಾಚ್ಯಾ ರಂಗಾನ್ ನೆಟಯ್ಲ್ಯಾ.
ಹಾಂಗಾಸರ್ ತಮಿಳ್ ಪ್ರಧಾನ್ ಭಾಶೆಂತ್ ಬಲಿದಾನ್ ಆಸ್ತಾ, ಆನಿ ಮಧೆಂ ಇಂಗ್ಲಿಷಾನ್, ತಸೆಂಚ್ ಆಯ್ತಾರಾಚೆಂ ಥೊಡಿಂ ಇಂಗ್ಲಿಷಾನ್ ಬಲಿದಾನಾಂ ಆಸ್ತಾ
ಸಾಂ. ಥಾಮಸ್ ಗುಡ್ಯಾ ವಯ್ಲೆ ಮೈಲಾಪೊರ್ ಪುಣ್ಯ್ ಕ್ಷೇತ್ರ್
ಸಾಂತ್ ಥಾಮಸ್ ಗುಡೊ ಚೆನ್ನೈ ಥಾವ್ನ್ ದಕ್ಷಿಣ್ ದಿಶ್ಯಾರ್ 11 ಕಿ. ಮಿ. ಪಯ್ಸ್ ಆಸಾ, ಆನಿ ಚೆನ್ನೈ ಎರ್ ಪೊರ್ಟಾ ಥಾವ್ನ್ ಕೇವಲ್ ಪಾಂಚ್ ಕಿಲೊ ಮೀಟರ್ ಲಾಗಿಂ ಆಸಾ. ಸಾಂತ್ ಥಾಮಸ್ ಮಾಡ್ತಿರ್ ಮೆಲ್ಲೊ ದೆಕುನ್ ಆತಾಂ ಜಾವ್ನ್ ಸೈಂಟ್ ಥಾಮಸ್ ಮೌಂಟ್ ಪ್ರಸಿದ್ದ್ ಜಾಲಾಂ. ಸಾಂತ್ ಥಾಮಸ್ ಕ್ರಿ.ಶ. 52 ರಾಂತ್ ಧರ್ಮ್ ಪ್ರಚಾರಕ್ ಜಾವ್ನ್ ಜೆಜುಚಿ ಸುವಾರ್ತಾ ಪ್ರಸಾರ್ ಕರುಂಕ್ ಮಲಬಾರ್ ಕರಾವಳಿಂತ್ ಯೆವ್ನ್ ದೆಂವ್ಲೊ. ಆನಿ ಕೇರಳಾಂತ್ ಜೆಜುಚಿ ಸುವಾರ್ತಾ ಪ್ರಸಾರ್ ಕೆಲ್ಯಾ ಉಪ್ರಾಂತ್ ತೊ ಕೋರಮಂಡಲ್ ಕರಾವಳಿಕ್ ಯೆವ್ನ್ ಮೈಲಾಪೋರ್, ಗುಡ್ಯಾಲಾಗಿಂ ಜೆಜುಚಿ ಸುವರ್ತಾ ಪರ್ಗಟ್ ಕರುಂಕ್ ಲಾಗ್ಲೊ ಆನಿ ತ್ಯಾ ಗುಡ್ಯಾರ್ ಕ್ರಿ.ಶ. 72 ವ್ಯಾ ಇಸ್ವೆಂತ್ ತ್ಯಾ ಗುಡ್ಯಾರ್ ಸಾಂ.ಥಾಮಸ್ ಮಾಗ್ಣೆ ಕರ್ನ್ ಆಸ್ತಾ, ಎಕ್ ವೈರಿನ್ ತಾಕಾ ಭಾಲಿ ಮಾರ್ನ್ ಲಗಾಡ್ ಕಾಡ್ಲೊ. ಆನಿ ಮಾಡ್ತಿರ್ ಮೆಲೊ. ಆತಾಂ ತ್ಯಾ ಗುಡ್ಯಾಕ್ ಸೇಂಟ್ ಥಾಮಸ್ ಮೌಂಟ್ ಮ್ಹಣುನ್ ನಾಂವ್ ಪಡ್ಲಾ.
ಬೌವಶ್ಯಾ ಜೆಜು ಸಕಾಳಿಚೆಂ ಶಿಸ್ ಉಟ್ಚ್ಯಾ ಪಯ್ಲೆಂ ಗುಡ್ಯಾರ್ ಚಡೊನ್ ಮಾಗ್ಣೆಂ ಕರ್ತಾಲೊ. ತಸೆಂಚ್ ಮಾಗ್ಣೆಂ ಕರ್ಚಿ ಸಂವಯ್ ಸಾಂ. ಥಾಮಾಸಾನ್ ಅಪ್ಣಾಯ್ಲಿ ಆಸ್ತಾಂ, ಮ್ಹಣುನ್ ಮೊಜೆ ಚಿಂತಾಪ್. ತ್ಯಾ ಗುಡ್ಯಾಚ್ತಾ ತುದಿಯೆ ಥಾವ್ನ್ ಆಕಾಸ್ ಉಗ್ತೊ ದಿಸ್ತಾ, ಆನಿ ಸಕಲ್ ಪಳೆಲ್ಯಾರ್ ಸೊಭಿತ್ ಪ್ರಕ್ರತಿ ದಿಸ್ತಾ.
ಸಾಂತ್ ಥಾಮಸ್ ಗುಡೊ ಅಂತರರಾಷ್ಟ್ರೀಯ ಪ್ರಾಮುಖ್ಯತಾ ಆನಿ ಐತಿಹಾಸಿಕ್ ಶ್ರೇಷ್ಠತಾ, ಧಾರ್ಮಿಕ್ ವೈಭವ್ ತಸೆಂ ಪ್ರವಾಸಿ ಆಕರ್ಷಣ್ ಪವಿತ್ರ್ ಸ್ಥಳ್ ಜಾಂವ್ಕ್ ಪಾವ್ಲಾ. ಸಾಂತ್ ಥಾಮಸ್ ಗುಡ್ಯಾ ವ್ಹಯ್ರ್ ಆಸಲ್ಲಿ ಪುರಾತನ್ ಇಗರ್ಜ್ 16 ಆನಿ 17 ವ್ಯಾ ಶತಮಾನಾಂತ್ ಬಂಗಾಳಕೊಲ್ಲಿ ಥಾವ್ನ್ ಪೋರ್ಚುಗೇಸ್ ಆನಿ ಅರ್ಮೇನಿಯನ್ ತಾರ್ವಾಂಚ್ಯಾ ದಿವ್ಯಾ ಕಾಂಬೊ ಜಾವ್ನ್ ಕಾರ್ಯ್ ನಿರ್ವಹಣ್ ಕರ್ಚೊ ಜಾಗೊ ಜಾವ್ನಾಸ್ಲೊ.ಹೆಂ ತಾರ್ವಟಿ ಆಶಕ್ತ್ ಉಬ್ಜೊನ್ ಹ್ಯಾ ಇಗರ್ಜೆಕ್ ಯೆವ್ನ್ ತಾಂಚ್ಯಾ ಪಯ್ಣ್ ಸುರಕ್ಷಿತಾಯೆನ್ ಜಾಂವ್ಚ್ಯಾ ಖಾತಿರ್ ಪ್ರಾರ್ಥನ್ ಕರುನ್, ಅರ್ಗಾಂ ರೂಪಾನ್ ಪೋರ್ಚುಗೇಸ್ ಫಿರಂಗಿ ದಳಾನ್ ಸುಟ್ಕಾ ದಿಲಿ ಮ್ಹಣುನ್ ಸಾಂಗ್ತಾತ್. ಹೆಂ ದೆವಾಳ್ ಪಾಂಚ್ ಶತಮಾನಾ ಫ್ರಾಸ್ ಪರ್ನಿ ಜಾವ್ನಾಸಾ. ಹ್ಯಾ ವರ್ಸಾಂನಿ ನವೀಕರಣ್ ಕೆಲ್ಯಾ. ಆಮಿ ಭೆಟ್ ದಿಲ್ಯಾ ವೆಳಾರ್ ಪರ್ನಿ ದೇವಾಳ್ ಆನಿಕಿ ನವೀಕರಣ್ ಕರ್ತೆ ಆಸಾತ್.
ಸಾಂತ್ ಥಾಮಸ್ ಗುಡ್ಯಾರ್ ವಚೊಂಕ್ ಏಕಾ ಕುಸಿನ್ ಥಾವ್ನ್ 134 ಶಿಲಾ ಫಾತ್ರಾಂಚ್ಯಾ ಮೆಟಾಂ ಆಸಾತ್. ಹಿಂ ಮೆಟಾಂ ಪ್ರಾಯ್ವಂತಾಕ್ ಚಡೊಂಕ್ ಕಶ್ಟ್ ಜಾತಾಂ. ಸೀದಾ ಶಿಖರಾಚೆರ್ ಚಡ್ಲ್ಯಾ ಬರಿ ಜಾತಾಂ. ಆಮ್ಕಾಂ ಆಮ್ಚಾ ವಾಹನ್ ಚಾಲಕಾನ್ ಗುಡ್ಯಾಚ್ಯಾ ಮುಳಾಂತ್ ಸೊಡ್ಲೆಂ, ಆನಿ ಆಮಿ ಚಡೊನ್ ಗೆಲ್ಯಾಂವ್, ತಸೆಂ ಚಡ್ತಾಂ ಚಡ್ತಾಂ ಖುರ್ಸಾ ವಾಟೆಚೆಂ ಸ್ತೆಸಾಂವಾಂಚಿಂ, ಜೆಜುನ್ ಭೊಗ್ಲ್ಯಾ ಕಷ್ಟಾಂ ಮರ್ಣಾಚಿಂ ವ್ಹಡ್ ಜಯ್ತ್ ಇಮಾಜಿ ಶಿಲಾನಿಂ ರಚನ್ ಕೆಲ್ಯಾತ್. ಹಾಂಗಾಸರ್ ಥೊಡೆಂ ಆಗಂವ್ಣ್ ಕೆಲ್ಲೆಂ ಭಕ್ತ್ ಖುರ್ಸಾ ವಾಟ್ ಕರ್ನ್ ಗುಡ್ಯಾರ್ ಚಡೊನ್ ಇಗರ್ಜೆಕ್ ವೆತಾತ್. ಆಮಿಯಿ ತಸೆಂಚ್ ಗೆಲ್ಯಾಂವ್. ಮಧೆಂ ಸೈಂಟ್ ಜಾರ್ಜ್ ಪೊರ್ಟ್ ಪಳೆಂವ್ನ್ ಭಂವ್ಲ್ಯಾನ್ ಇಲ್ಲಿಸಿ ಪುರಾಸಣ್ ಜಾಲಿ. ಪುಣ್ ಸಾಂತ್ ಥಾಮಸ್ ಗುಡೊ ಚಡೊನ್ ವಚೊನ್ ಕಷ್ಟಾಂ ಮರ್ಣಾಚಿಂ ಶಿಲಾನಿಂ ಕೆಲ್ಯೊ ಇಮಾಜಿ ಪಳೆತ್ ಗುಡ್ಯಾಚ್ಯಾ ತಳ್ತಾರ್ ಅಸ್ಲ್ಯಾ ಇಗರ್ಜೆ ಪಾವ್ಲ್ಯಾಂವ್
ಥಂಯ್ ಪಾವ್ತಾನಾ ಮ್ಹಾಕಾ ಏಕ್ ಮ್ಹಾತಾರೊ ಪಾದ್ರ್ಯಾಬ್ ದಿಷ್ಟಿಕ್ ಪಡ್ಲೊ. ಅಸಲೊ ಪಾದ್ರ್ಯಾಬ್ ಸಾಂತ್ ಥಾಮಸ್ ಗುಡ್ಯಾಚಿ, ಕಷ್ಟಾಂ ಮರ್ಣಾಚಿಂ ಶಿಲಾಂ ಆಸಲ್ಯಾ ವಾಟೆರ್ ಚಡೊಂಕ್ ಸಾಧ್ಯಚ್ ನಾ ಮ್ಹಣು ಭೊಗ್ಲೆ. ಮಾಗಿರ್ ಪಳೆತಾನಾ ತ್ಯಾ ಗುಡ್ಯಾರ್ ವಾಹನಾಂ ದ್ವಾರಿಂ ಯೆಂವ್ಕ್ ದೆವಾಧಿನ್ ಆರ್ಚ್ಬಿಷಪ್ ಲೂಯಿಸ್ ಮಥಿಯಾಸಾನ್ 1962 ಇಸ್ವೆಂತ್ ಗುಡ್ಯಾಚ್ಯಾ ನೈಋತ್ಯ್ ದಿಶ್ಯಾಚ್ಯಾ ಥಳಾ ಥಾವ್ನ್ ಗುಡ್ಯಾಚ್ಯಾ ತುದಿಯೆ ಮ್ಹಣಾಸರ್ ಬಾರಾ ಪುಟ್ ರುಂದಾಯೆಚೊ ಮಾರೊಗ್ ಮಿಲಿಟರಿಚ್ಯಾ ಕುಮ್ಕೆನ್ ತಯಾರ್ ಕರ್ನ್, ಡಾಂಬರಾಚೊ ಮಾರೊಗ್ ಕೆಲೊ. ತ್ಯಾ ಕುಸಿ ಥಾವ್ನ್ ವ್ಹಡ್ಲೆ ಜಯ್ತ್ ದ್ವಾರ್ ಕಮಾನ್ ಯಾತ್ರಿಕಾಂಕ್ ಸ್ವಾಗತ್ ಕರ್ತಾಂ. ಮ್ಹಳ್ಯಾರ್ ವಾಹನಾ ದ್ವಾರಿಯೀ ಸಾಂತ್ ಥಾಮಸ್ ಗುಡ್ಯಾರ್ ಆಸ್ಲ್ಯಾ ದೇವಾಳಾಕ್ ಪಾವ್ಯೆತ್.
ಲೊಕಾಂ ಥಾವ್ಮ್ ಲೊಕಾಂಕ್ ಕಳಿತ್ ಜಾಲ್ಯಾ ಪರ್ಮಾಣೆ, ಸ್ವತಹ ಗುಡ್ಯ್ಯಾ ವ್ಹಯ್ಲ್ಯಾ ಫಾತ್ರಾಚೆರ್ ಕಾಂತಯ್ಲ್ಯಾ ಖುರ್ಸಾ ಮುಕಾರ್ ವಯಕ್ತಿಕ್ ಮಾಗ್ಣೆಂ ಕರ್ತಾಲೊ. ತ್ಯಾ ತಾಣೆ ಖುದ್ ಕಾಂತಯ್ಲ್ಯಾ ತ್ಯಾ ಖುರ್ಸಾ ಮುಕಾರ್ ಮಾಗ್ಣೆಂ ಕರ್ತಾನಾ, ಕ್ರಿಸ್ತಾಂವ್ ವಿರೋದಿನ್ ಭಾಲಿಯೆನ್ ಮಾರುನ್ ಲಗಾಡ್ ಕಾಡ್ಲೊ, ಸಾಂತ್ ಥಾಮಸಾಚ್ಯಾ ರಕ್ತಾನ್ ತೊ ಖುರಿಸ್ ಬುಡ್ಲೊ. ಹೊ ಖುರಿಸ್ 1547 ಇಸ್ವೆಂತ್ ಇಗರ್ಜ್ ವಿಸ್ತರಣ್ ಕರ್ತಾನ ಅಕಸ್ಮಿಕ್ ಜಾವ್ನ್ ಮೆಳ್ಳೊ.
ಹಾಂಗಾಸರ್ ಗರ್ಭೆಸ್ತಿಣ್ ಮರಿಯೆಚಿ ಇಮಾಜ್ ಆಸಾ, ತ್ಯಾ ಇಮಾಜಿ ಮುಕಾರ್ ಗರ್ಭೆಸ್ತಿಣ್ ಸ್ತ್ರೀಯೊ ಯೆವ್ನ್ ಬಾಂಳ್ತೆರ್ ಬರೊ ಜಾಂವ್ಚ್ಯಾ ಖಾತಿರ್ ಮಾಗ್ಣೆಂ ಭೆಟಯ್ತಾತ್.
ಪ್ರಾಚೀನ್ ದಾಖ್ಲ್ಯಾ ಪ್ರಕಾರ್ 1558 ವ್ಯಾ ಡಿಸೆಂಬರ್ 18 ತಾರೀಕೆರ್ ಫಾದರ್ ಗ್ಯಾಸ್ಪರ್ ಕೊಯೆಲ್ಹೋ ಪವಿತ್ರ್ ಬಲಿದಾನಾ ಭೆಟಯ್ಲ್ಯಾ ವೇಳಾರ್ ಹೊ ಖುರಿಸ್ ರಗತ್ ಘಾಮೆಲೊ. ಆರಂಭಚ್ಯಾ ವರ್ಸಾಂನಿಂ ಹರ್ಯೇಕ್ ವರ್ಸಾ , ಉಪ್ರಾಂತ್ ತೀನ್ ವರ್ಸಾಂ ಉಪ್ರಾಂತ್ ಮಾಗಿರ್ ಥೊಡ್ಯಾ ವರ್ಸಾಂಚ್ಯಾ ಮಧೆಂ ರಕತ್ ಘಾಮೆಲೊ. ಉಪ್ರಾಂತ್ 1704 ಇಸ್ವೆಂತ್ ಅಕ್ರೇಕ್ ಘಾಮೆಲ್ಲೊ, ತ್ಯಾ ಉಪ್ರಾಂತ್ ಘಾಮೆಂವ್ಕ್ ನಾ.
ಹ್ಯಾ ಪವಿತ್ರ್ ಖುರ್ಸಾ ಮುಕಾರ್ ಪ್ರಾರ್ಥನ್ ಕೆಲ್ಯಾ ವೆಳಾರ್ ಗುಣ್ ಜಾಲ್ಲೆಂ ಅಜಾಪಾಂ ಘಡ್ಲ್ಯಾತ್ ಮ್ಹಣುನ್ ಸಾಂಗ್ತಾತ್.
ಥಂಯ್ಸರ್ ಮರಿ ಮಾಯ್ ಗರ್ಭೆಸ್ತ್ ಅಸ್ಲ್ಯಾ ಬರಿ ಏಕ್ ಇಮಾಜ್ ಆಸಾ, ಥಂಯ್ಸರ್ ಗರ್ಭೆಸ್ತೀಣ್ ಸ್ತ್ರೀಯೊ ಯೆವ್ನ್ ಬೊರ್ಯಾ ಥರಾನ್ ಬಾಂಳ್ತೆರ್ ಜಾಂವ್ಚ್ಯಾ ಪಾಸೊತ್ ಮಾಗ್ತಾತ್. ಥಂಯ್ಸರ್ ಅನೇಕ್ ಬಲಿದಾನಾಂ, ಆರಾಧನಾಂ ಚಲಾತ್ ಆಸ್ತಾತ್. ಯಾಜಕ್ ಭಕ್ತಿಕಾಂಚೆರ್ ಮಾತ್ಯಾರ್ ಹಾತ್ ದವರ್ನ್ ಮಾಗ್ಣೆಂ ಕರಿಚ್ ಆಸ್ತಾತ್.
ಹಾಂಗಸರಯಿ ವಸ್ತು ಸಂಗ್ರಾಲಯ್ ಆಸಾ. ತ್ಯಾ ಗುಡ್ಯಾರ್ ವ್ಹಯ್ರ್ ಥಾವ್ನ್ ಸಕಲ್ ಪಳೆಲ್ಯಾರ್ ವಿಹಂಗಮ್ ದ್ರಶ್ಯ್ ಆಮ್ಕಾಂ ದಿಸ್ತಾಂ.
ಆಮಿ ಯಾತ್ರಿಕ್ ಜಾವ್ನ್ ಗೆಲ್ಯಾ ಥಂಯ್ ಪರ್ತ್ಯಾ ಪರ್ತ್ಯಾ ಥಂಯ್ಚ್ ವೆತಾಂವ್, ಪುಣ್ ಜೆಜುಚ್ಯಾ ಕಾಳಾಚೊ, ಆಮ್ಚ್ಯಾ ಜೆಜು ಕ್ರಿಸ್ತಾಚೊ ಶಿಸ್, ಆಪೊಸ್ತಲ್ ಇಂಡಿಯಾಚೊ ಸಾಂತ್ ಸಾಂ. ಥಾಮಸ್ ಮಾಡ್ತಿರ್ ಮೆಲ್ಯಾ ಜಾಗ್ಯಾಕ್ ಏಕ್ ಪಾವ್ಟಿಂ ಭೆಟ್ ದಿಯಾ.
ಆಮಿ ಬೆಂಗ್ಳುರ್ ಥಾವ್ನ್ ಶತಾಬ್ದಿ ಎಕ್ಸ್ ಪ್ರೆಸ್ ಟ್ರೈನಿರ್ ಗೆಲ್ಯಾಂವ್. ಬೆಂಗ್ಳೂರ್ ಥಾವ್ನ್ ಪಾಂಚ್ ವೊರಾಚಿಂ ವಾಟ್. ತ್ಯಾ ಟೈನಿರ್ ಸಾಕಾಳಿಚೊ ನಾಸ್ಟೊ ದಿತಾತ್, ಫ್ಲೈಟಾರ್ ಸರ್ವ್ ಕೆಲ್ಯಾ ಬರಿ ಸರ್ವ್ ಕರ್ತಾತ್. ಚೆನ್ನೈ ಥಾವ್ನ್ ಸಾಂತ್ ಥಾಮಸ್ ಗುಡೊ ಮೈಲಾಪೊರ್ ಕ್ ಸುಮಾರ್ 16.5 ಕಿ. ಮಿ. ಪಯ್ಸ್ ಆಸಾ. ಎರ್ ಪೊರ್ಟಾ ಥಾವ್ನ್ ತರ್ 5 ಕಿ. ಮಿ ಲಾಗಿಂ ಜಾತಾಂ.
ಚೆನ್ನೈ ಥಾವ್ನ್ ಸಾಂ. ಥಾಮಸ್ ಕ್ಯಾಥೆಡ್ರಲ್ ಬೆಸಿಲಿಕಾಕ್ 8 ಕಿ. ಮಿ. ಪಯ್ಸ್ ಆಸಾ. 16.2 ಕಿ. ಮಿ. ಪಯ್ಸ್ ಆಸಾ. ಚೆನ್ನೈಂತ್ ಉಣ್ಯಾ ದರಿರ್ ಬೊರಿ ಹೋಟೆಲಾಂ ರಾವೊಂಕ್ ಮೆಳ್ತಾತ್, ಆನಿ ಸಾಕಾಳಿಚೊ ನಾಸ್ಟೊ ಫ್ರಿ ಮೆಳ್ತಾಂ. ಆಮಿ ಚೆನ್ನೈ ಗೊಲ್ಡನ್ ಫ್ರುಟ್ ಹೋಟೆಲಾಂತ್ ರಾವ್ಲ್ಯಾಂವ್
