25 ಸೆಪ್ತೆಂಬರ್ (ಮಾಪ್ಸಾ, ಗೊಂಯ್): ಕೊಂಕಣಿ ಭಾಶಾ ಮಂಡಳ್ (ಗೊಂಯ್) ಹಾಣಿಂ ’ಭಾಶಾಂತರ್ ಆನಿ ಲಿಪ್ಯಂತರಣ್’ ಚೆರ್ ಆಯೋಜನ್ ಕೆಲ್ಲೆಂ ವೀಸ್ ದಿಸಾಂಚೆಂ ಕಾರ್ಯಾಶಾಳಾ (Internship) ಸಪ್ಟೆಂಬರ್ ಮಯ್ನ್ಯಾಂತ್ ಗೊಂಯ್ಚ್ಯಾ ಮಾಪ್ಸಾಂತ್ಲ್ಯಾ ಸೈಂಟ್ ಝೇವಿಯರ್ಸ್ ಕೊಲೆಜಿಚ್ಯಾ ಭಾಶಾ ವಿಭಾಗಾಂತ್ ಚಲ್ಲೆಂ. ಹ್ಯಾ ಕಾರ್ಯಾಶಾಳಾಚೆಂ ಸಮಾರೋಪ್ ಕಾರ್ಯೆಂ ಸೆಪ್ಟೆಂಬರಾಚ್ಯಾ 26 ತಾರಿಕೆರ್ (ಸುಕ್ರಾರಾ) ದೊನ್ಪಾರಾಂ ಸಾಡೆಭಾರಾ ಥಾವ್ನ್ ದೋನ್ ಪಾಸೊನ್ ಚಲ್ಲೆಂ. 2025 ಇಸ್ವೆಚ್ಯಾ ಸಪ್ಟೆಂಬರ್ 25 ತಾರಿಕೆರ್ ಆಶಾವಾದಿ ಪ್ರಕಾಶನಾನ್ ಕೊಂಕಣಿಂತ್ಲೆಂ ಪಯ್ಲೆಂ ಇ-ಪುಸ್ತಕ್ (’ಸಾಗೊರಾಚ್ಯಾ ವಾಟೆಚ್ಯೊ ಝರಿ’) ಪರ್ಗಟ್‌ಲ್ಲೆಂ. 20 ವರ್ಸಾಂ ಉಪ್ರಾಂತ್, ಗೊಂಯ್ಚ್ಯಾ ವಿಧ್ಯಾರ್ಥಿಂನಿ ಲಿಪ್ಯಂತರಣ್ ಕೆಲ್ಲೆಂ ಕೊಂಕಣಿಂತ್ಲೆಂ ಪಯ್ಲೆಂ ಲಿಪ್ಯಂತರಣಾಚೆಂ ಇ-ಪುಸ್ತಕ್ ’ದರ್ಯಾ ಗಾಜೊತಾ’ (ರ. ವಿ. ಪಂಡಿತಾಚ್ಯೊ ಕವಿತಾ), ಹ್ಯಾ ಲಿಪ್ಯಂತರಣ್ ಕಾರ್ಯಾಶಾಳಾಚೆರ್ ವಿಧ್ಯಾರ್ಥಿಂನಿ ಕನ್ನಡ ಲಿಪಿಕ್ ಲಿಪ್ಯಂತರಣ್ ಕೆಲ್ಲೆಂ ಆಶಾವಾದಿ ಪ್ರಕಾಶನಾಚೆಂ ಇ-ಪುಸ್ತಕ್, ಕೊಂಕಣಿ ಭಾಶಾ ಮಂಡಳ್ (ಗೊಂಯ್) ಅಧ್ಯಕ್ಷ್ ಬಾಯ್ ರತ್ನಮಾಲಾ ದೀವ್ಕರ್ ಹಿಣೆಂ ಡಿಜಿಟಲ್ ಉಗ್ತಾವಣ್ ಕರುನ್, ಕೊಂಕಣಿ ಭಾಸೆಂತ್ ಮಾತ್ರ್ ಹೆರ್ ಲಿಪಿಂನಿ ಆಸ್ಚಿ ಸಾಹಿತಿಕ್ ಗ್ರೇಸ್ತ್‌ಕಾಯ್ ತಾಂತ್ರಿಕ್ ಸಕ್ತೆಚ್ಯಾ ಮಜತೆನ್ ಕಶೆಂ ಆಮಿಂ ಲಿಪ್ಯಂತರಣ್ ಕರುಂಕ್ ಸಕ್ತಾಂವ್, ಆನಿ ಸಮಗ್ರ್ ಕೊಂಕಣಿಚ್ಯಾ ವಾಡಾವಳೆಕ್ ಹೆಂ ಕಶೆಂ ಉಪ್ಕಾರಾಕ್ ಪಡ್ತಾ ಮ್ಹಳ್ಳಿ ಮಾಹೆತ್ ದಿಲಿ. ದಲ್ಗಾದೊ ಕೊಂಕಣಿ ಅಕಾಡೆಮಿಚೊ ಅಧ್ಯಕ್ಷ್ ಬಾಬ್ ಸೆಲ್ಸೊ ಫೆರ್ನಾಂಡಿಸಾನ್ ಅಪ್ಲ್ಯಾ ಉತ್ರಾಂನಿ, ಕನ್ನಡ/ಹೆರ್ ಕೊಂಕಣಿಚ್ಯೊ ಲಿಪಿ ಕಳಾನಾಸ್ತಾನಾ ಸಯ್ತ್ ತಾಂತ್ರಿಕ್ ಸಕ್ತೆಚೊ ವಾಪಾರ್ ಕರುನ್ ಕಶೆಂ ಲಿಪ್ಯಂತರಣ್ ಕರುಂಕ್ ಸಾಧ್ಯ್ ಜಾಲಾಂ, ಆನಿ ಹ್ಯಾ ತಾಂತ್ರಿಕತೆಚೊ ಫಾಯ್ದೊ ಆಮಿ ಜೊಡುನ್ ಹೊ ಫಾಯ್ದೊ ಕೊಂಕಣಿಕ್ ಲಾಭಾಶೆಂ ಕರ್ಚಿ ಗರ್ಜ್ ಆಸಾ, ಆನಿ ತ್ಯಾ ದಿಶೆನ್ ಆಮಿ ಎಕಾಮನಾನ್ ಲಾಗಿಂ ಯೇವ್ನ್ ವಾವ್ರ್ ಕರ್ಪಾಚಿ ಗರ್ಜ್ ಆಸಾ ಮ್ಹಣಾಲೊ. ಮುಖೆಲ್ ಸಯ್ರೊ ಜಾವ್ನ್ ಹಾಜರ್ ಆಸ್ಲೊ ಬಾಬ್ ಶೈಲೇಂದ್ರ ಮೆಹ್ತಾನ್ ಆಯ್ಚೊ ಕಾಳ್ ಡಿಜಿಟಲ್ ಕಾಳ್ ಜಾಲ್ಲ್ಯಾನ್ ಆಮಿಂ ಕೊಂಕಣಿಕ್ ಸಯ್ತ್ ಖೂಪ್ ರಿತಿನ್ ಡಿಜಿಟಲ್ ಸಂಸಾರಾಕ್ ವರ್ಚಿ ಗರ್ಜ್ ಆಸಾ ಆನಿ ತ್ಯಾ ಪಾಸತ್ ಹೆಂ ಲಿಪ್ಯಂತರಣಾಚಿ ಕಾರ್ಯಾಶಾಳಾ ಏಕ್ ನವಿ ಸುರ್ವಾತ್ ಕರುನ್ ದಿತಾ ಮ್ಹಣಾಲೊ. ಸೈಂಟ್ ಝೇವಿಯರ್ಸ್ ಕೊಲೆಜಿಚಿ ವಿಧ್ಯಾರ್ಥಿ ಬಾಯ್ ಎನೇಲಿ ಲೋಬೊನ್ ಸೂತ್ರ್ ಸಂಚಾಲನ್ ಕೆಲೆಂ. ಕೊಲೆಜಿಚ್ಯಾ ಕೊಂಕಣಿ ವಿಭಾಗಾಚೊ ಮುಖೆಸ್ತ್ ಬಾಬ್ ಧರ್ಮ ಚೊಡಾನ್ಕಾರಾನ್ ’ಕೊಂಕಣಿಚೊ ಫುಡಾರ್ ಮತಿಂತ್ ದವರುನ್ ಆಮಿ ಘೆತ್ಲಲೆಂ ಹೆಂ ಮೇಟ್ ಖರೆಂಚ್ ಜಾವ್ನ್ ಭುರ್ಗ್ಯಾಂಚ್ಯಾ ಫುಡಾರಾಕ್ ಭೋವ್ ಉಪ್ಕಾರಾಕ್ ಪಡ್ತೆಲೆಂ’ ಮ್ಹಣಾಲೊ. ಪ್ರಾಧ್ಯಾಪಕ್ ಮಾನಾಧಿಕ್ ದೊತೊರ್ ಲುವಿಸ್ ಗೋಮ್ಸ್ ಹಾಣಿಂ ’ಭಾಶಾಂತರಾಚಿ ತರ್ಭೆತ್ ಜೊಡುನ್ ತಯಾರ್ ಕೆಲ್ಲಿಂ ಕೊಂಕಣಿ ತರ್ಜಣೆಚಿಂ ಸ-ಪುಸ್ತಕಾಂ ವೆಗಿಂಚ್ ಲೊಕಾರ್ಪಣ್ ಜಾತಲಿಂ, ಪುಣ್ ತೆಚ್ ಹುಮೆದಿನ್ ವಿಧ್ಯಾರ್ಥಿಂನಿ ಪಾಟ್ಳ್ಯಾ ದೋನ್ ಹಫ್ತ್ಯಾಂನಿ ಮಿನತ್ ಕರುನ್ ತಯಾರ್ ಕೆಲ್ಲೆಂ ’ಲಿಪ್ಯಂತರಣಾಚೆಂ ಪುಸ್ತಕ್’ (ದರ್ಯಾ ಗಾಜೊತಾ), ಖರೆಂಚ್ ಜಾವ್ನ್ ಏಕ್ ನವಿ ಸುರ್ವಾತ್ ಕರುನ್ ದಿತಾ ಆನಿ ಫುಡಾರಾಂತ್ ಕಾಂಯ್ ಅಸಲಿಂ ಪುಸ್ತಕಾಂ ಲಿಪ್ಯಂತರಣ್ ಜಾವ್ನ್ ಆಯ್ಲಿಂ ತರ್, ಆಮ್ಕಾಂ ಕೊಂಕಣಿಚ್ಯಾ ಹೆರ್ ಲಿಪಿಂತ್ ಆಸ್ಚೆಂ ಉತ್ತೀಮ್ ಸಾಹಿತ್ಯ್ ವಾಚುಂಕ್ ಏಕ್ ವಾಟ್ ಕರುನ್ ದಿತಾ ಆನಿ ಕೊಂಕಣಿ ಸಾಹಿತ್ಯಾಚಿ ಗ್ರೇಸ್ತ್‌ಕಾಯ್ ಪಳೆಂವ್ಕ್ ಏಕ್ ವಾಟ್ ಕರುನ್ ದಿತಾ ಮ್ಹಣಾಲೊ. ಕೊಂಕಣಿ ವಿಧ್ಯಾರ್ಥಿಂಕ್ ಅಪ್ಲೊ ಫುಡಾರ್ ಬರೊ ಕರ್ಚ್ಯಾ ನದ್ರೆನ್ ’ಭಾಶಾಂತರ್’ ತಶೆಂಚ್ ’ಲಿಪ್ಯಂತರಣ್’ ವಿಧ್ಯಾ ಉಪ್ಕಾರಾಕ್ ಪಡ್ತಲಿ ಮ್ಹಳ್ಳ್ಯಾ ನದ್ರೆನ್ ಹಿ ಕಾರ್ಯಾಶಾಳಾ ಆಸಾ ಕೆಲಿ. ಪಯ್ಲ್ಯಾ ವೀಸ್ ದಿಸಾಂನಿ ಬಾಯ್ ಸ್ನೇಹಾ ಸಬ್ನಿಸ್ ಹಿಣೆಂ ’ತರ್ಜಣ್/ಭಾಶಾಂತರ್’ ವಿಶ್ಯಾಂತ್ ತರ್ಭೆತ್ ದಿಲಿ ತರ್ ’ಲಿಪ್ಯಂತರಣ್’ ವಿಶ್ಯಾಂತ್ಲಿ ತರ್ಭೆತ್ ವಲ್ಲಿ ಕ್ವಾಡ್ರಸಾನ್ ದಿಲಿ. ವಲ್ಲಿ ಕ್ವಾಡ್ರಸಾನ್ ಅಪ್ಲ್ಯಾ ಉಲವ್ಪಾಂತ್ ಮ್ಹಳೆಂ; ’ಕಾಂಯ್ ಕಾರಣಾಂಕ್ ಲಾಗೊನ್ ಗೊಂಯ್ ಸೊಡ್ನ್ ಭಾಯ್ರ್ ಗೆಲ್ಲ್ಯಾ ಕೊಂಕಣಿ ಲೊಕಾಂನಿ ಥಂಯ್ಚ್ಯಾ ಪ್ರಾಂತೀಯ್ ಭಾಸೆಚ್ಯಾ ಪ್ರಭಾವಾಂತ್ ಜಿ ಭಾಸ್ ವಾಡಯ್ಲಿ, ದೆಕುನ್ ಆಜ್ ಕೊಂಕಣಿಂತ್ ಜಾಯ್ತ್ಯೊ ಉಪ-ಭಾಸೊ (ಬೋಲಿ) ಆಸಾತ್. ಜಶೆಂ ತರ್ಜಣ್ ಕರ್ತಾಸ್ತಾಂ ಆಮ್ಕಾಂ ಮೂಳ್ ಭಾಸ್ ಆನಿ ಶೆವೊಟ್ಚಿ ಭಾಸ್ ಸಾರ್ಕಿ ಯೆವ್ಪಾಚಿ ಗರ್ಜ್ ಆಸಾ ತೆಚ್‌ಪರಿಂ ಲಿಪ್ಯಂತರಣ್ ಕರ್ತಾಸ್ತಾಂ ಸಯ್ತ್ ’ಮೂಳ್ ಬೊಲಿ’ ಆನಿ ’ಶೆವೊಟ್ಚಿ ಬೊಲಿ’ ಜಾಣಾ ಆಸ್ಚಿ ಗರ್ಜ್ ಆಸಾ. ಹಿ ಎಕಾ ಥರಾಚಿ ’ಬೋಲಿಯಂತರ್ (ಎಕಾ ಭಾಸೆಂತ್ಲ್ಯಾ ಎಕಾ ಬೋಲಿ ಥಾವ್ನ್ ಅನ್ಯೇಕಾ ಬೋಲಿಕ್ ಲಿಪ್ಯಂತರಣ್ ಕರ್ಚೆಂ)’. ಆಜ್ ಆಮ್ಚೆಲಾಗಿಂ ತಿ ಸಮ್ಜಣಿ ಆಸ್ಚಿಂ ಭುರ್ಗಿಂ ಆಸಾತ್ ದೆಕುನ್ ಹಾಂಕಾಂ ಜೊಕ್ತೊ ಆವ್ಕಾಸ್ ಲಾಭಂವ್ಕ್ ಕೊಂಕಣಿ ಸಂಸ್ಥ್ಯಾಂಕ್ ಉಲೊ ದಿಲೊ. ವಿಧ್ಯಾರ್ಥಿಂನಿ; ಪಾಟ್ಲ್ಯಾ ವೀಸ್ ದಿಸಾಂನಿ ಜೊಡ್ಲಲಿ ತರ್ಭೆತಿ ಫುಡಾರಾಕ್ ಖರಿಚ್ ಜಾವ್ನ್ ಉಪ್ಕಾರಾಕ್ ಪಡ್ತಲಿ ಅಶೆಂ ಶ್ರುತಿ ಮಟಕರನ್ ಮ್ಹಳೆ. ಆದಿ ಶಿರೋಡ್ಕರ್ ಮ್ಹಣಾಲೊ ತಾಂತ್ರಿಕ್ ಸಕ್ತೆಚ್ಯಾ ಮಜತೆನ್ ಆಮಿಂ ವಾಚುಂಕ್ ಕಳಾನಾಸ್ಚಾ ಲಿಪಿಂತ್ ಸಯ್ತ್ ಸಾಹಿತ್ಯ್ ಲಿಪ್ಯಂತರಣ್ ಕರುಂಕ್ ಜಾಂವ್ಚಿ ಖರಿಚ್ ಜಾವ್ನ್ ದಾಧೊಸ್ಕಾಯೆಚಿ ಗಜಾಲ್.

KOTHAPATT-6 Valedictory Webinar Valedictory webinar of Kothapatt Series VI (National level study of Konkani short stories) was held on 23 Aug 2025 at 4pm. Dr.P.S.Ramu Murthy (Principal of Dhempe College, Goa) presided over, Andrew L Dcunha delivered keynotes, Sansico Dias presented paper written by Fr.Jason Pinto on ‘Spirituality in Fr.Chetan Lobo’s stories’. Dr.Purnanand Chari, Dr.Austin […]

26 ಜುಲಾಯ್ 2025: ಆಶಾವಾದಿ ಪ್ರಕಾಶನಾನ್ ವರ್ಸಾನ್ ವರಸ್ ಚಲಂವ್ಚೆಂ ರಾಶ್ಟ್ರ್‍ಈಯ್ ಮಟ್ಟಾಚೆಂ ಸಾಹಿತಿಕ್ ಕಾಮಾಸಾಳ್ ಕಥಾಪಾಠಾಚಿ ಸವಿ ಶಿಂಕಳೆಚೆಂ ಉಗ್ತಾವಣ್ ಜುಲಾಯ್ 26 ತಾರಿಕೆರ್ ಸನ್ವಾರಾ ಸಾಂಜೆಚ್ಯಾ 4:10 ಥಾವ್ನ್ 5:45 ಮ್ಹಣಾಸರ್ ಡಿಜಿಟಲ್ ಮಾಧ್ಯಮಾಚೆರ್ ಚಲ್ಲೆಂ. ಸಾಂ| ಲುವಿಸ್ ಯುನಿವರ್ಸಿಟಿ ಮಂಗ್ಳುರ್ ಹಾಂಚೆ ಕುಲಪತಿ ಮಾ| ದೊ| ಪ್ರವೀಣ್ ಮಾರ್ಟಿಸಾನ್ ಡಿಜಿಟಲ್ ಉಗ್ತಾವಣ್ ಕರುನ್ “ಕೊಂಕಣಿ ಸಾಹಿತಿಕ್ ಅಧ್ಯಯನ್ ಖರೆಂಚ್ ಜಾವ್ನ್ ಆಯ್ಚಾ ಕಾಳಾರ್ ಭೋವ್ ಗರ್ಜೆಚೊ ವಿಶಯ್, ಆನಿ ಹ್ಯಾ ಅಧ್ಯಯನಾಂತ್ ರಾಶ್ಟ್ರೀಯ್ […]

ಆಶಾವಾದಿ ಪ್ರಕಾಶನಾಚ್ಯಾ ರುಪ್ಯೋತ್ಸವಾಚ್ಯಾ ಸಂದರ್ಭಾರ್ ರಾಶ್ಟ್ರೀಯ್ ಮಟ್ಟಾಚೆಂ ಕೊಂಕಣಿ ಕಥೆಂಚೆರ್ ಅಧ್ಯಯನ್ ವೆಬಿನಾರ್ ಕಥಾಪಾಠ್ ಶಿಂಕಳ್ – 6, ಜುಲಾಯ್ 26 ತಾರಿಕೆರ್ (ಸನ್ವಾರಾ) ಸಾಂಜೆರ್ 4:30 ವೊರಾರ್ ಡಿಜಿಟಲ್ ಉಗ್ತಾವಣ್ ಜಾತಲೆಂ. ಡಿಜಿಟಲ್ ಉಗ್ತಾವಣ್ ಅನಿ ಉಲವ್ಪ್: ಬಾಪ್ ದೊ. ಪ್ರವೀಣ್ ಮಾರ್ಟಿಸ್ (ವೈಸ್-ಚಾನ್ಸಲರ್, ಸೈಂಟ್ ಎಲೋಶಿಯಸ್ ಯುನಿವರ್ಸಿಟಿ (ಮಾನ್ಯತಾ) – ಮಂಗ್ಳುರ್) ಮುಖೆಲ್ ಉಲವ್ಪ್:  ದೊ. ಕಿರಣ್ ಬುಡ್ಕುಲೆ (ನಾಮ್ನೆಚಿ ಪ್ರಾಧ್ಯಾಪಕಿ, ಗೊಂಯ್) ಮುಖೆಲ್ ಸಯ್ರೊ: ಬಾಬ್ ನಂದಗೋಪಾಲ್ ಶೆಣಯ್ (ಸಂಚಾಲಕ್ – ವಿಶ್ವ್ ಕೊಂಕಣಿ ಕೇಂದ್ರ್, ಮಂಗ್ಳುರ್) ದೊ. […]

ನಾಮ್ನೆಚೊ ಕಥಾಕಾರ್, ವಯ್ಚಾರಿಕ್ ಬರವ್ಪಿ, ಸಂಪಾದಕ್ ಚೇತನ್ ಕಾಪುಜಿನ್ (ಮಾ| ಬಾ| ಚೇತನ್ ಲೋಬೊ) 2025 ವ್ಯಾ ವರ್ಸಾಚೊ ’ಪಯ್ಣಾರಿ ವರ್ಸಾಚೊ ಕಥಾಕಾರ್’ ಜಾವ್ನ್ ಪುರಸ್ಕೃತ್ ಜಾತಲೆ.ಪಾಟ್ಲ್ಯಾ ತೀಸ್-ಪಾಂತೀಸ್ ವರ್ಸಾಂ ಥಾವ್ನ್ ಕಥಾಕಾರ್, ತರ್ಜಣ್‌ಕಾರ್, ಕಾದಂಬರಿ, ಲೇಖನಾಂ, ವಿಶ್ಲೇಷಣಾಂ ಆನಿ ಸಂಪಾದಕ್‌ಪಣ್ ಚಲವ್ನ್ ಆಯಿಲ್ಲೊ ಚೇತನ್ ಮೈಸೂರ್ (ಮಾ|ಚೇತನ್ ಲೋಬೊ) ’ಸೆವಕ್’ ಪತ್ರಾಚೊ ಸಂಪಾದಕ್ ಜಾವ್ನ್, ಉಪ್ರಾಂತ್ ’ಉಜ್ವಾಡ್’ ಪಂದ್ರಾಳ್ಯಾಚೊ ಸ್ಥಾಪಕ್ ಸಂಪಾದಕ್ ಜಾವ್ನ್, ಆತಾಂ ’ಕುಟ್ಮಾಚೊ ಸೆವಕ್’ ಪತ್ರಾಚೊ ಸಂಪಾದಕ್ ಜಾವ್ನ್ ಕೊಂಕಣಿ ಸಾಹಿತಿಕ್ ವಾವ್ರ್ […]

ಖೆಪೆಂ, ಗೊಂಯ್ (22 ಜನೆರ್ 2025): ಆಶಾವಾದಿ ಪ್ರಕಾಶನ್, ಕೊಂಕಣಿ ಭಾಶಾ ಮಂಡಳ್ (ಗೊಂಯ್), ರಾಜ್‌ಭಾಸ್ ಸಂಚಾಲನಾಲಯ್ ತಶೆಂಚ್ ಖೆಪೆಂ ಕೊಲೆಜಿನ್ ಮಾಂಡುನ್ ಹಾಡಿಲ್ಲೆಂ, ಕೊಂಕಣಿ ಲಿಪ್ಯಂತರಣಾಚೆಂ  ಆದೇಸಾಚೆಂ ಕಾಮಾಸಾಳ್ ಬುಧ್ವಾರಾ, ಜನೆರ್ ೨೨ ತಾರಿಕೆರ್ ಖೆಪೆಂ ಕೊಲೆಜಿಂತ್ ಚಲ್ಲೆಂ. ಬಾಯ್ ರತ್ನಮಾಲ ದಿವೇಕರ್ ಹಿಚ್ಯಾ ಅಧ್ಯಕ್‌ಪಣಾರ್, ಆಶಾವಾದಿ ಪ್ರಕಾಶನಾಚೊ ಬಾಬ್ ವಲ್ಲಿ ಕ್ವಾಡ್ರಸ್ ಮುಕೆಲ್ ಸಯ್ರೊ ತಶೆಂಚ್ ಹೆಂ ಕಾಮಾಸಾಳ್ ಚಲವ್ಪಿ ಜಾವ್ನಾಸ್ಲೊ. ಬಾಬ್ ಶೈಲೇಂದ್ರ ಮೆಹ್ತಾ ಆನಿ ಖೆಪೆಂ ಕೊಲೆಜಿಚ್ಯಾ ಕೊಂಕಣಿ ಎಮ್.ಎ. ವಿಭಾಗಾಚೊ […]

ನಾನು ಪ್ರಸಿದ್ಧಿ, ಹೆಣ್ಣು ಮಕ್ಕಳಿಗೆ ತಂದೆ ಎಂದರೆ ಬಹಳ ಮುದ್ದು ಬಡ ರಾಜನ ಶ್ರೀಮಂತ ರಾಜಕುಮಾರಿ ನಾನು ಅಪ್ಪನ ಪ್ರೀತಿಯ ಸ್ಫೂರ್ತಿ,ಧೈರ್ಯ ತುಂಬುವ ಮಾತುಗಳಿದ್ದರೆ ಸಾಕು ಆಕಾಶವನ್ನೇ ಮುಟ್ಟುವಂತ ಧೈರ್ಯದ ನನ್ನ ಅಪ್ಪನ ಮಗಳು ನಾನು. ಅಪ್ಪನ ಅಕ್ಕರೆಯ ಒಂದು ನುಡಿ ಸಾಕು ಎಲ್ಲ ಹೆಣ್ಣು ಮಕ್ಕಳಿಗೂ ಸಾಧನೆಯ ದಾರಿಯಲ್ಲಿ ನಡೆದು ಹೋಗಲು ಆಸೆಗಳು ಅದುಮಿಟ್ಟುಕೊಂಡು ಯಾವುದೇ ನಿರೀಕ್ಷೆಯಿಲ್ಲದೆ ನಮ್ಮ ಕನಸು ನನಸು ಮಾಡುವ ಒಂದು ತ್ಯಾಗದ ಮೂರ್ತಿ ಅಪ್ಪ, ಅಂತಹ ತ್ಯಾಗದ ಮೂರ್ತಿಯ ಅಪ್ಪನ ಅಕ್ಕರೆಯ […]

ಆಶಾವಾದಿ ಪ್ರಕಾಶನಾನ್ ೨೦೦೫ ಇಸ್ವೆ ಥಾವ್ನ್ ಚಲವ್ನ್ ಆಯಿಲ್ಲೆಂ ಕಥೆಂಚೆರ್ ಅಧ್ಯಯನ್ ವೆಬಿನಾರ್, ೨೦೨೦ ಇಸ್ವೆಥಾವ್ನ್ ಅಂತರ್‌ರಾಷ್ಟ್ರೀಯ್ ವೆಬಿನಾರ್, ಆಶಾವಾದಿ ಪ್ರಕಾಶನ್ ಆನಿ ಧೆಂಪೆ ಕೊಲೆಜ್ ಗೊಂಯ್ ಹಾಂಚ್ಯಾ ಮುಖೇಲ್ಪಣಾಖಾಲ್ ಶ್ರೀ ಮಲ್ಲಿಕಾರ್ಜುನ ಕೊಲೆಜ್, ಫಾ.ಆಗ್ನೆಲ್ ಕೊಲೆಜ್ ಪಿಲಾರ್, ಕಾರ್ಮೆಲ್ ಕೊಲೆಜ್ ನುವೆಂ, ರೋಸರಿ ಕೊಲೆಜ್ ನಾವೆಲಿಂ, ಝೇವಿಯರ್ಸ್ ಕೊಲೆಕ್ ಮಾಪ್ಸಾ, ಸರ್ಕಾರಿ ಕೊಲೆಜ್ ಪೆರ್ಣೆಂ, ಕೊಲೆಜ್ ಆಫ್ ಆರ್ಟ್ಸ್ ದೆಳೆಂ, ಗೋವಾ ಕೊಲೆಜ್ ಆಫ್ ಆರ್ಟ್ಸ್ ಆಲ್ಟಿನ್ಹೊ ತಶೆಂಚ್ ದಲ್ಗಾದೊ ಕೊಂಕಣಿ ಅಕಾಡೆಮಿಚ್ಯಾ ಸಹಯೋಗಾಂತ್ ಕಥಾಪಾಠಾಚಿ […]