Author: Jananudi News Network

ಗಲ್ಫ ಪ್ರದೇಶದಲ್ಲಿ ಭಾರಿ ಮಳೆಯಾಗಿದೆ. ದುಬಾಯ್ ನಲ್ಲಿ ಕಳೆದ 24 ಗಂಟೆಗಳಿಂದ ಭಾರಿ ಮಳೆ ಯಾಗುತ್ತಿದ್ದು ವಿಮಾನ ನಿಲ್ದಾಣ  ಜಲಾವೃತಗೊಂಡಿದೆ. ಹತ್ತಾರು ವಿಮಾನಗಳ ಹಾರಾಟ ಸ್ಥಗಿತಗೊಂಡಿದೆ. ಮಳೆಯಿಂದಾಗಿ ಯುಎಇಯ ಪ್ರಮುಖ ಹೆದ್ದಾರಿಗಳ ಭಾಗಗಳು ಜಲಾವೃತಗೊಂಡವು ಮತ್ತು ದುಬೈನಾದ್ಯಂತ ರಸ್ತೆಗಳಲ್ಲಿ ವಾಹನಗಳು ಸಿಲುಕಿಕೊಂಡಿವೆ.
ವಿಶ್ವದ ಅತ್ಯಂತ ಜನನಿಬಿಡ ವಿಮಾನ ನಿಲ್ದಾಣಗಳಲ್ಲಿ ಒಂದಾದ ದುಬೈ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ (DXB) ಕಾರ್ಯಾಚರಣೆಯನ್ನು ಸ್ಥಗಿತಗೊಳಿಸಲಾಗಿತ್ತು. ಇದರಿಂದಾಗಿ ಹಲವು ವಿಮಾನಗಳು ರದ್ದಾಗಿದ್ದು, ಹಲವು ವಿಮಾನಗಳು ವಿಳಂಬಗೊಂಡಿದ್ದವು.
ಭಾರೀ ಮಳೆಯಿಂದಾಗಿ, ಯುಎಇ ಆಡಳಿತವು ಮಂಗಳವಾರ ಜನರನ್ನು ತಮ್ಮ ಮನೆಗಳಲ್ಲಿ ಇರುವಂತೆ ವಿನಂತಿಸಿದೆ. ಶಾಲೆಗಳು ಆನ್‌ಲೈನ್‌ನಲ್ಲಿ ತರಗತಿಗಳನ್ನು ನಡೆಸುತ್ತಿದ್ದವು. ಸರ್ಕಾರಿ ನೌಕರರಿಗೂ ಮನೆಯಿಂದಲೇ ಕೆಲಸ ಮಾಡುವಂತೆ ಸೂಚಿಸಲಾಗಿದೆ. ಹೆದ್ದಾರಿಗಳು ಮತ್ತು ರಸ್ತೆಗಳಿಂದ ನೀರನ್ನು ತೆಗೆದುಹಾಕಲು ಆಡಳಿತವು ಬೃಹತ್ ಪಂಪ್‌ಗಳನ್ನು ಅಳವಡಿಸಬೇಕಾಗಿತ್ತು.

ರಾಷ್ಟ್ರೀಯ ಹವಾಮಾನ ಕೇಂದ್ರವು ದುಬೈ, ಅಬುಧಾಬಿ, ಶಾರ್ಜಾ ಮತ್ತು ಇತರ ಕೆಲವು ಎಮಿರೇಟ್‌ಗಳ ನಿವಾಸಿಗಳಿಗೆ ಮುಂದಿನ 24 ಗಂಟೆಗಳಲ್ಲಿ ಭಾರೀ ಮಳೆ ಮತ್ತು ಆಲಿಕಲ್ಲು ಮಳೆ ಸುರಿಯಲಿದೆ ಎಂದು ಎಚ್ಚರಿಕೆ ನೀಡಲಾಗಿದೆ. ಯುಎಇಯ ನೆರೆಯ ದೇಶಗಳಾದ ಬಹ್ರೇನ್, ಕತಾರ್ ಮತ್ತು ಸೌದಿ ಅರೇಬಿಯಾದಲ್ಲೂ ಭಾರೀ ಮಳೆಯಾಗಿದೆ.

ಸೌದಿ ಅರೇಬಿಯಾದಲ್ಲೂ ಮಳೆಯಾಗಿದ್ದು, ಭಾರೀ ಬಿರುಗಾಳಿ ಬಿಸಿದ ವಾರ್ತೆಗಳು ಬಂದಿವೆ.

ಒಮಾನಿನಲ್ಲಿ ಇತ್ತೀಚಿನ ದಿನಗಳಲ್ಲಿ ಭಾರೀ ಮಳೆಯಿಂದ ಉಂಟಾದ ಪ್ರವಾಹದಿಂದಾಗಿ 18 ಮಂದಿ ಸಾವು.ಶಾಲಾ ಮಕ್ಕಳ ವಾಹನ ಪ್ರವಾಹದಲ್ಲಿ ಕೊಚ್ಚಿ ಹೋಗಿದೆ

ಒಮಾನಿನಲ್ಲಿ ಇತ್ತೀಚಿನ ದಿನಗಳಲ್ಲಿ ಭಾರೀ ಮಳೆಯಿಂದ ಉಂಟಾದ ಪ್ರವಾಹದಿಂದಾಗಿ 18 ಮಂದಿ ಸಾವು. ಇವರಲ್ಲಿ 10 ಶಾಲಾ ಮಕ್ಕಳ ವಾಹನ ಪ್ರವಾಹದಲ್ಲಿ ಕೊಚ್ಚಿ ಹೋಗಿದೆ. ಬಹ್ರೇನ್‌ನ ರಾಜಧಾನಿ ಮನಾಮದಲ್ಲಿ ಬೀದಿಗಳು ಜಲಾವೃತಗೊಂಡಿವೆ. ಬುಧವಾರ ಕುವೈತ್, ಸೌದಿ ಅರೇಬಿಯಾ ಮತ್ತು ಒಮಾನ್‌ನಲ್ಲಿ ಚಂಡಮಾರುತದ ಸಾಧ್ಯತೆ ಇದೆ.

ಬೆಂಗಳೂರು: ಬೆಂಗಳೂರು,ಏ.೧೭-ಹೃದಯಾಘಾತದಿಂದ ನಿನ್ನೆ ನಿಧನರಾದ ಕನ್ನಡ ಚಿತ್ರರಂಗದ ಪ್ರಚಂಡ ಕುಳ್ಳ ಎಂದೇ ಖ್ಯಾತಿ ಪಡೆದಿದ್ದ ಹಿರಿಯ ನಟ,ನಿರ್ದೇಶಕ, ನಿರ್ಮಾಪಕ ದ್ವಾರಕೀಶ್ ಅವರ ಪಾರ್ಥೀವ ಶರೀರದ ಅಂತ್ಯಕ್ರಿಯೆ ಇಂದು ಬ್ರಾಹ್ಮಣ ವಿಧಿ ವಿಧಾನದ ಮೂಲಕ ನೆರವೇರಿದ್ದು ಪಂಚಭೂತಗಳಲ್ಲಿ ಲೀನರಾಗಿದ್ದಾರೆ.
ಚಾಮರಾಜಪೇಟೆಯ ಟಿಆರ್ ಮಿಲ್ ಬಳಿಯ ಹಿಂದೂ ರುದ್ರಭೂಮಿಯಲ್ಲಿ ಮಧ್ಯಾಹ್ನ ೧೨ ಗಂಟೆಯ ಸುಮಾರಿಗೆ ಚಿತ್ರರಂಗದ ಗಣ್ಯರು ಕುಟುಂಬದ ಸದಸ್ಯರು ಸೇರಿದಂತೆ ಅಪ್ತರು ದ್ವಾರಕೀಶ್ ಪಾರ್ಥೀವ ಶರೀರಕ್ಕೆ ಸಕಲ ಸರ್ಕಾರಿ ಗೌರವ ಮತ್ತು ಬ್ರಾಹ್ಮಣ ಸಂಪ್ರದಾಯದ ವಿಧಿ ವಿಧಾನದೊಂದಿಗೆ ಪುತ್ರ ಯೋಗೇಶ್ ಸೇರಿದಂತೆ ಪುತ್ರರು ಅಂತ್ಯಕ್ರಿಯೆ ನೆರವೇರಿಸಿದರು. ಈ ಮೂಲಕ ಕನ್ನಡದ ಕುಳ್ಳ ಇನ್ನು ಬರೀ ನೆನಪು ಮಾತ್ರ.ಚಿತೆಗೆ ಅಗ್ನಿ ಸ್ಪರ್ಶ ಮಾಡುವ ಮುನ್ನ ದ್ವಾರಕೀಶ್ ಮಕ್ಕಳು ಅಪ್ಪನ ಹಣೆಗೆ ಕಡೆಯ ಬಾರಿ ಮುತ್ತಿಕ್ಕುವ ಮುನ್ನ ಬೀಳ್ಕೊಟ್ಟರು. ಈ ಕ್ಷಣ ಹೃದಯ ಸ್ಪರ್ಶಿಯಾಗಿತ್ತು. ನೆರದಿದ್ದ ಮಂದಿಯ ಕಣ್ಣೀರ ಧಾರೆ ಹರಿಯಿತು.ಇದಕ್ಕೂ ಮುನ್ನ ನಗರದ ರವೀಂದ್ರ ಕಲಾಕ್ಷೇತ್ರದಲ್ಲಿ ಪಾರ್ಥೀವ ಶರೀರದ ಅಂತಿಮ ದರ್ಶನಕ್ಕೆ ವ್ಯಸ್ಥೆ ಮಾಡಲಾಗಿತ್ತು. ಮುಖ್ಯಮಂತ್ರಿ ಸಿದ್ದರಾಮಯ್ಯ ಸೇರಿದಂತೆ ಸಚಿವರು, ರಾಜಕೀಯ ನಾಯಕರು ಅಗಲಿದ ನಾಯಕನಿಗೆ ಅಂತಿಮ ನಮನ ಸಲ್ಲಿಸಿ ಗುಣಗಾನ ಮಾಡಿದರು.

ಈ ವೇಳೆ ಮಾತನಾಡಿದ ಮುಖ್ಯಮಂತ್ರಿ ಸಿದ್ದರಾಮಯ್ಯ ಅವರು, ನಟ, ನಿರ್ಮಾಪಕ ನಿರ್ದೇಶಕರಾಗಿ ದ್ವಾರಕೀಶ್ ಸೇವೆ ಸಲ್ಲಿಸಿದವರು, ಅವರ ಸೇವೆ ಮರೆಯಲು ಸಾಧ್ಯವಿಲ್ಲ. ರಾಜ್ ಕುಮಾರ್ ಮತ್ತು ದ್ವಾರಕೀಶ್ ಜೋಡಿ ಯಶಸ್ವಿಯಾಗಿತ್ತು ಜೊತೆಗೆ ಅಂಬರೀಷ್, ವಿಷ್ಣುವರ್ಧನ್ ಜೋಡಿ ಕೂಡ. ಚಿತ್ರಜೀವನದಲ್ಲಿ ಏಳು ಬೀಳು ಕಂಡವರು, ಆದರೂ ಕನ್ನಡ ಚಿತ್ರರಂಗಕ್ಕೆ ಕೊಡುಗೆ ನೀಡಿದವರು ಎಂದು ಗುಣಗಾನ ಮಾಡಿದ್ದಾರೆ.

ರವೀಂದ್ರ ಕಲಾಕ್ಷೇತ್ರದಲ್ಲಿ ಪಾರ್ಥೀವ ಶರೀರದ ಅಂತಿಮ ದರ್ಶನಕ್ಕೆ ವ್ಯವಸ್ಥೆ ಮಾಡಲಾಗಿತ್ತು- ಹರಿದು ಬಂತು ಜನಸಾಗರ

ನಗರದ ರವೀಂದ್ರ ಕಲಾಕ್ಷೇತ್ರದಲ್ಲಿ ಪಾರ್ಥೀವ ಶರೀರದ ಅಂತಿಮ ದರ್ಶನಕ್ಕೆ ವ್ಯವಸ್ಥೆ ಮಾಡಲಾಗಿತ್ತು. ಪಾರ್ಥೀವ ಶರೀರದ ಅಂತಿಮ ದರ್ಶನಕ್ಕೆ ಜನಸಾಗರ ಹರಿದು ಬಂದಿದ್ದು ಹಿರಿಯ ನಟನ ಕೊಡುಗೆ ಸ್ಮರಿಸಿ ಕಂಬನಿ ಮಿಡಿದರು.
ಚಿತ್ರರಂಗದ ಕಲಾವಿದರು, ತಂತ್ರಜ್ಞರು, ನಟ,ನಟಿಯರು ನಿರ್ಮಾಪಕರು, ನಿರ್ದೇಶಕರೂ ಸೇರಿದಂತೆ ವಿವಿಧ ವಿಭಾಗದ ತಂತ್ರಜ್ಞರು ಅಂತಿಮ ದರ್ಶನ ಪಡೆದರು.
ದ್ವಾರಕೀಶ್ ಆಪ್ತರು, ಅಭಿಮಾನಿಗಳು ಮತ್ತು ಚಿತ್ರರಂಗದ ಪ್ರಮುಖರ ಒತ್ತಾಸೆಯಂತೆ ರವೀಂದ್ರ ಕಲಾಕ್ಷೇತ್ರದಲ್ಲಿ ಅಂತಿಮ ದರ್ಶನಕ್ಕೆ ವ್ಯವಸ್ಥೆ ಮಾಡಲಾಗಿತ್ತು ಗಣ್ಯರು ಮತ್ತು ಅತಿ ಗಣ್ಯರಿಗಾಗಿ ಟೌನ್ ಹಾಲ್ ಕಡೆಯಿಂದ ಪ್ರವೇಶ ಮತ್ತು ಅಭಿಮಾನಿಗಳು ಮತ್ತು ಜನಸಾಮಾನ್ಯರಿಗಾಗಿ ರವೀಂದ್ರ ಕಲಾಕ್ಷೇತ್ರದ ಕಡೆಯಿಂದ ದರ್ಶನಕ್ಕೆ ವ್ಯವಸ್ಥೆ ಮಾಡಲಾಗಿತ್ತು.
ಚಿತ್ರರಂಗದ ಪ್ರಮುಖ ನಟ, ನಟಿಯರು ಕಲಾವಿದರಾದ ಸುಮಲತಾ ಅಂಬರೀಷ್, ಶಿವರಾಜ್ ಕುಮಾರ್ ಜಗ್ಗೇಶ್, ರಾಘವೇಂದ್ರ ರಾಜ್‌ಕುಮಾರ್, ಸುದೀಪ್, ಯಶ್, ಧೃವ ಸರ್ಜಾ, ವಾಣಿಜ್ಯ ಮಂಡಳಿ ಅಧ್ಯಕ್ಷ ಎನ್, ಎಂ ಸುರೇಶ್ , ಮಾಜಿ ಅಧ್ಯಕ್ಷ ಭಾಮ ಹರೀಶ್, ನಿರ್ಮಾಪಕರ ಸಂಘದ ಅಧ್ಯಕ್ಷ ಉಮೇಶ್ ಬಣಕಾರ್, ಶೃತಿ, ಸುದಾರಾಣಿ, ದೇವರಾಜ್, ರಬಲನಾಣಿ, ವಿ.ಮನೋಹರ್, ಎಂ.ಎಸ್ ಉಮೇಶ್, ಕುಮಾರ್ ಬಂಗಾರಪ್ಪ, ಡಾ, ನಾಗೇಂದ್ರ ಪ್ರಸಾದ್, ನಿರ್ಮಾಪಕ ಮುನಿರತ್ನ, ಕೆ. ಮಂಜು, ನಟ ಶ್ರೀಮುರಳಿ , ಅನಿರುದ್, ಚರಣ್ ರಾಜ್, ರಾಕ್ ಲೈನ್ ವೆಂಕಟೇಶ್,ಗಾಯಕಿ ಮಂಜುಳಾ ಗುರುರಾಜ್ ಅನೇಕ ಮಂದಿ ದ್ವಾರಕೀಶ್ ಅವರಿಗೆ ನಮನ ಸಲ್ಲಿಸಿ ಕುಟುಂಬದ ಸದ್ಯರಿಗೆ ಸಾಂತ್ವಾನ ಹೇಳಿದರು.

ಕೋಲಾರ; ಏ.17: ಅಂಗನವಾಡಿ ಕೇಂದ್ರಗಳಿಗೆ ಕಳಪೆ ಆಹಾರ ಪದಾರ್ಥಗಳನ್ನು ವಿತರಣೆ ಮಾಡಿರುವ ಗುತ್ತಿಗೆದಾರರ ವಿರುದ್ಧ ಕ್ರಿಮಿನಲ್ ಮೊಕದ್ದಮೆ ದಾಖಲು ಮಾಡಿ, ಮೌನವಾಗಿರುವ ಅಧಿಕಾರಿಗಳ ವಿರುದ್ಧ ಕ್ರಮಕೈಗೊಳ್ಳಬೇಕೆಂದು ರೈತಸಂಘದ ರಾಜ್ಯ ಉಪಾಧ್ಯಕ್ಷ ಕೆ.ನಾರಾಯಣಗೌಡ ಜಿಲ್ಲಾಧಿಕಾರಿಗಳನ್ನು ಆಗ್ರಹಿಸಿದ್ದಾರೆ.
ಈ ಕುರಿತು ಪತ್ರಿಕಾ ಹೇಳಿಕೆ ನೀಡಿರುವ ಅವರು, ಅಂಗನವಾಡಿ ಕೇಂದ್ರಗಳಲ್ಲಿ ಮಕ್ಕಳು ಹಾಗೂ ಗರ್ಭಿಣಿಯರಿಗೆ ವಿತರಣೆ ಮಾಡುತ್ತಿರುವ ಆಹಾರಪದಾರ್ಥಗಳು ಅತ್ಯಂತ ಕಳಪೆ ಗುಣಮಟ್ಟದ್ದಾಗಿದ್ದು, ದನಕರುಗಳು ಸಹ ತಿನ್ನಲು ಯೋಗ್ಯವಿಲ್ಲದಂತಿದೆ.
ಅದನ್ನು ಸರಿಪಡಿಸಬೇಕಾದ ಅಂಗನವಾಡಿ ಕಾರ್ಯಕರ್ತೆಯರು ಹಾಗೂ ಸಹಾಯಕಿಯರು ಕಣ್ಣಿದ್ದೂ ಕುರುಡರಂತೆ ವರ್ತಿಸುವ ಮೂಲಕ ಮಕ್ಕಳು ಹಾಗೂ ಗರ್ಭಿಣಿಯರ ಜೀವನದ ಜತೆ ಚೆಲ್ಲಾಟವಾಡುತ್ತಿದ್ದಾರೆಂದು ಆಕ್ರೋಶ ವ್ಯಕ್ತಪಡಿಸಿದ್ದಾರೆ.
ಆಹಾರ ಪದಾರ್ಥಗಳನ್ನು ಸರಬರಾಜು ಮಾಡಲು ತಮಿಳುನಾಡು ಮೂಲದವರಿಗೆ ಗುತ್ತಿಗೆ ನೀಡಿದ್ದು, ಎಂಪಿಸಿಎಸ್‍ಗಳಲ್ಲಿ ಪಾಕೆಟ್ ಮಾಡಲಾಗುತ್ತಿದೆ. ಎಂಪಿಸಿಎಸ್ ಅಧಿಕಾರಿಗಳು ಗುತ್ತಿಗೆದಾರರೊಂದಿಗೆ ಶಾಮೀಲಾಗಿ ಕಳಪೆ ಗುಣಮಟ್ಟದ ಪದಾರ್ಥಗಳನ್ನೇ ಪ್ಯಾಕಿಂಗ್ ಮಾಡಿ, ಅಂಗನವಾಡಿ ಕೇಂದ್ರಗಳಿಗೆ ಸರಬರಾಜು ಮಾಡುತ್ತಿದ್ದಾರೆಂದು ಆರೋಪಿಸಿದ್ದಾರೆ.
ಕಳಪೆ ಗುಣಮಟ್ಟದ ಆಹಾರ ಪದಾರ್ಥ ಸೇವಿಸಿದ ಕೆಲವೇ ಗಂಟೆಗಳಲ್ಲಿ ವಾಂತಿ, ಬೇಧಿ ಮತ್ತಿತರ ಆರೋಗ್ಯ ಸಮಸ್ಯೆಗಳನ್ನು ಎದುರಿಸುವಂತಾಗಿದ್ದು, ಯಾವುದೇ ಕ್ರಮವಾಗುತ್ತಿಲ್ಲ. ಪ್ರಮುಖವಾಗಿ ಗ್ರಾಮೀಣ ಪ್ರದೇಶದ ಕೂಲಿಕಾರ್ಮಿಕರು ಗುಣಮಟ್ಟದ ಆಹಾರ ನೀಡುತ್ತಾರೆಂದು ಮಕ್ಕಳನ್ನು ಕಳುಹಿಸಿ ಕೆಲಸ ಕಾರ್ಯಗಳಿಗೆ ತೆರಳುತ್ತಿದ್ದು, ಈ ರೀತಿ ತೊಂದರೆಗಳಾದರೆ ಯಾರು ಹೊಣೆ ಎಂದು ಪ್ರಶ್ನಿಸಿದ್ದಾರೆ.
ಈ ಬಗ್ಗೆ ಇಲಾಖೆಯ ಉಪನಿರ್ದೇಶಕರನ್ನು ಕೇಳಿದರೆ ಚುನಾವಣೆ ಒತ್ತಡ ಎನ್ನುತ್ತಾರೆ. ಸಿಡಿಪಿಒಗಳನ್ನು ಕೇಳಿದರೆ ಗುಣಮಟ್ಟದ ಅಧಿಕಾರಿಗಳು ಪರಿಶೀಲಿಸಿ ಉತ್ತಮವಾಗಿದೆ ಎಂದು ವರದಿ ನೀಡಿದ್ದಾರೆಂದು ಹೇಳುತ್ತಾರೆ. ಕೋಟ್ಯಾಂತರ ರೂಪಾಯಿ ಹಣ ಸರಕಾರ ನೀಡುತ್ತಿದ್ದರೂ ಈ ರೀತಿ ಕಳಪೆ ಗುಣಮಟ್ಟದ ಆಹಾರ ಪದಾರ್ಥಗಳನ್ನು ವಿತರಣೆ ಮಾಡಲಾಗುತ್ತಿದೆ.
ಹಾಗಾಗಿ ಜಿಲ್ಲಾಧಿಕಾರಿಗಳು ಎಚ್ಚೆತ್ತು 24 ಗಂಟೆಯ ಒಳಗಾಗಿ ತಪ್ಪಿತಸ್ಥರ ವಿರುದ್ಧ ಕ್ರಮಕೈಗೊಂಡು ಸಮಸ್ಯೆ ಬಗೆಹರಿಸದಿದ್ದರೆ ಏ.26ರಂದು ನಡೆಯಲಿರುವ ಲೋಕಸಭೆ ಚುನಾವಣೆಯ ಮತದಾನದಂದು ಪ್ರತಿ ಹಳ್ಳಿಯಲ್ಲೂ ಮತಗಟ್ಟೆಗಳ ಎದುರು ಕಳಪೆ ಆಹಾರದ ಜತೆಗೆ ಮಕ್ಕಳು, ಗರ್ಭಿಣಿಯರೊಂದಿಗೆ ಹೋರಾಟ ಹಮ್ಮಿಕೊಳ್ಳಲಾಗುವುದಾಗಿ ಕೆ.ನಾರಾಯಣಗೌಡ ಹಾಗೂ ರೈತಸಂಘ ಜಿಲ್ಲಾಧ್ಯಕ್ಷ ಈಕಂಬಳ್ಳಿ ಮಂಜುನಾಥ್, ಮುಖಂಡರಾದ ಮುನಿಕೃಷ್ಣ, ಅಪ್ಪೋಜಿರಾವ್, ವಿಶ್ವ, ಮುನಿರಾಜು, ಮಂಗಸಂದ್ರ ತಿಮ್ಮಣ್ಣ, ಗಿರೀಶ್ ಎಚ್ಚರಿಕೆ ನೀಡಿದ್ದಾರೆ.

ಶ್ರೀನಿವಾಸಪುರ : ಐಎಎಸ್ ಪರೀಕ್ಷೆಯ ಫಲಿತಾಂಶದಲ್ಲಿ ಪಟ್ಟಣದ ಮಾರುತಿ ನಗರದ ಜಿ.ಎಮ್.ಗಂಗಪ್ಪರವರ ಜಯಲಕ್ಷ್ಮಿ ದಂಪತಿಗಳ ಎರಡನೇ ಮಗನಾದ ಡಾ. ಗೌತಮ್ ರವರು 939 ರ್‍ಯಾಂಕ್ ಬಂದಿದ್ದು ತಾಲೂಕಿಗೆ ಹೆಮ್ಮೆಯ ವಿಷಯವಾಗಿದೆ ಡಾ.ಗೌತಮ್ ಮಾತನಾಡಿ ಪ್ರಾಥಮಿಕ ಶಿಕ್ಷಣ ಶ್ರೀನಿವಾಸಪುರ ಪಟ್ಟಣದ ಎಸ್‍ಎಫ್‍ಎಸ್ ಶಾಲೆಯಲ್ಲಿ , ನಂತರ ನವೋದಯ ಶಾಲೆಗೆ ಆಯ್ಕೆಯಾಗಿ ಅಲ್ಲಿ ಶಿಕ್ಷಣವನ್ನು ಪಡೆದು ನಂತರ ಎಸ್‍ಎಫ್‍ಎಸ್ ಶಾಲೆಯಲ್ಲಿ ವ್ಯಾಸಂಗ ಮಾಡಿ ಮತ್ತೆ ಮುದ್ದೇನಹಳ್ಳಿ ಕಾಲೇಜಿನಲ್ಲಿ ವ್ಯಾಸಂಗ ಮಾಡಿ ನಂತರ ಬೆಂಗಳೂರಿನ ಬಿಎಂಸಿ ಕಾಲೇಜಿನಲ್ಲಿ ವೈದ್ಯಕೀಯ ಶಿಕ್ಷಣವನ್ನು ಪಡೆದಿದ್ದು, ಮುಖ್ಯವಾಗಿ ಐಎಎಸ್ ಪದವಿಗೆ ಯಾವುದೇ ಕೋಚಿಂಗ್ ಇಲ್ಲ . ಅಣ್ಣ ಬಳಿಯೇ ಸಲಹೆ ಪಡೆದ ಮೊದಲ ಪ್ರಯತ್ನದಲ್ಲಿಯೇ 939 ನೇ ರ್‍ಯಾಂಕ್ ಬಂದಿದ್ದೇನೆ ಇದಕ್ಕೆ ಮುಖ್ಯ ಕಾರಣರಾದ ನಮ್ಮ ತಂದೆ ತಾಯಿ ಹಾಗು ಅಣ್ಣನ ಶ್ರಮ ಇದೆ ಎಂದು ಮಾಹಿತಿ ನೀಡಿದರು.

ಶ್ರೀನಿವಾಸಪುರ : ಅಮ್ಮಗಾರಿಪೇಟೆಯಿಂದ ಎಸ್.ಜೀಡಮಾಕಲಪಲ್ಲಿ ಮತ್ತು ಸುಣ್ಣಕಲ್ ನಿಂದ ಜಿಂಕಲವಾರಿಪಲ್ಲಿ ಗ್ರಾಮಕ್ಕೆ ಮತಗಟ್ಟೆ ವೀಲಿನಗೊಂಡಿರುವ ಬಗ್ಗೆ ಸಾರ್ವಜನಿಕರಿಗೆ ಮಾಹಿತಿ ನೀಡಿದರು. ಈ ಒಂದು ಚುನಾವಣೆಗೆ ಮಾತ್ರ ಮತಗಟ್ಟೆ ವಿಲೀನಗೊಂಡಿರುವ ಕಾರಣ ಗ್ರಾಮಸ್ಥರು ಯಾವುದೇ ಗೊಂದಲಕ್ಕೆ ಒಳಗಾಗದೆ ಹೋಗಿ ಮತ ಚಲಾಯಿಸಬೇಕು ತಾ.ಪಂ.ಕಾರ್ಯನಿರ್ವಹಣಾಧಿಕಾರಿ ಎ.ಎನ್.ರವಿ ಎಂದು ತಿಳಿಸಿದರು.
ಶ್ರೀನಿವಾಸಪುರ ತಾಲೂಕು ಸ್ವೀಪ್ ಸಮಿತಿಯಿಂದ ಮತದಾನ ಜಾಗೃತಿ ಕಾರ್ಯಕ್ರಮದ ಅಂಗವಾಗಿ ತಾಲೂಕಿನ ರಾಯಲ್ಪಾಡು ಗ್ರಾ.ಪಂ.ವ್ಯಾಪ್ತಿಯ ಸುಣ್ಣಕಲ್ ಪಿಎಸ್-57, ಅಮ್ಮಗಾರಿಪೇಟೆ ಪಿಎಸ್-49 ಮತಗಟ್ಟೆಗಳಿಗೆ ಬೇಟಿ ನೀಡಿ ಸ್ಥಳ ಪರಿಶೀಲಿಸಿ ಮಾತನಾಡಿದರು.
ಇದೇ ಸಮಯದಲ್ಲಿ ಮನೆ ಮನೆಗೂ ಬೇಟಿ ಮಾಡಿ ಮತದಾನದ ಅವಶ್ಯಕತೆಯನ್ನು ತಿಳಿಸಿ , ಕರಪತ್ರಗಳನ್ನು ವಿತರಿಸಿದರು. ಗ್ರಾ.ಪಂ.ಮಾಜಿ ಸದಸ್ಯ ಸುಣ್ಣಕಲ್ ಮಂಜುನಾಥ್, ತಾಲೂಕು ಪಂಚಾಯಿತಿ ಸಿಬ್ಬಂದಿ ಹಾಗು ರಾಯಲ್ಪಾಡು ಗ್ರಾ.ಪಂ ಸಿಬ್ಬಂದಿಗಳಾದ ಶ್ರೀರಾಮ್, ಮಂಜುನಾಥ್ ಹಾಗೂ ಗ್ರಾಮಸ್ಥರು ಇದ್ದರು

ರಚನೆ:- ಬಿ.ಆರ್.ರವೀಂದ್ರ ವಕೀಲರು ಮತ್ತು ಸಾಹಿತಿಗಳು ಕೋಲಾರ.

ಕೈವಾರ ತಾತಯ್ಯನವರು ತಮ್ಮ ನಾದ ಬ್ರಹ್ರ್ಮಾನಂದ -ನಾರೇಯಣ ಶತಕದಲ್ಲಿ ಈ ರೀತಿ ಹೇಳುತ್ತಾರೆ,

ಚಾಪಲ್ಯ ಮತಮುಲೋ – ಚೇರಿನ ವಾರೆಲ್ಲ
ಅವಿವೇಕುಲಯಿನಾರು – ಆತ್ಮ ಮರಚಿ
ಅಟುವಂಟಿ ದುರ್ಮತಮು -ಆದಿ ಎಂದು ಲೇದುರಾ
ನಾದ ಬ್ರಹ್ರ್ಮಾನಂದ -ನಾರೇಯಣ ಕವಿ

ಅಂದರೆ ಇಂದ್ರೀಯ ಸುಖ ಭೋಗವನ್ನು ಬಯಸುವವನು ಚಪಲಚಿತ್ತನಾಗಿ, ಅಜ್ಞಾನದ ಅಂಧಕಾರದಲ್ಲಿ ಮುಳುಗಿ, ತಮ್ಮ ಜನ್ಮದ ರಹಸ್ಯವನ್ನೇ ಮರೆಯುತ್ತಾನೆ, ತನ್ನೊಳಗೆ ಅಮಿತವಾದ ಜ್ಞಾನವಿದ್ದರೂ ಸಹ ಅರಿವಿಲ್ಲದೆ ಆತ ಅವಿವೇಕಿಯಾಗುತ್ತಾನೆ, ಯಾರು ಈ ಇಂದ್ರಿಯ ಸುಖ ಭೋಗವನ್ನು ಮರೆತು ಆತ್ಮ, ಪರಮಾತ್ಮನ ಬಗ್ಗೆ ಚಿಂತನೆ ಮಾಡದೆ ಸ್ತ್ರೀ ವ್ಯಾಮೋಹಕ್ಕೆ ಒಳಗಾಗುತ್ತಾನೋ ಅವನು ಶ್ರೇಷ್ಠವಾದ ಈ ಮಾನವ ಜನ್ಮವನ್ನು ವ್ಯರ್ಥವಾಗಿಸುತ್ತಾನೆ ಎಂದು ಹೇಳಿದ್ದಾರೆ.

ಹೀಗೆ ಸ್ತ್ರೀ ವ್ಯಾಮೋಹದ ಬಲೆಯಲ್ಲಿ ಸಿಲುಕಿದ್ದ ರಾಂಬೋಲಾ ದುಬೆ ತನ್ನ ಹೆಂಡತಿ ರತ್ನಾವಳಿ ಮಾಡಿದ ಹಿತೋಪದೇಶದಿಂದ ದೈಹಿಕ ಕಾಮನೆಯ ವ್ಯಾಮೋಹದಿಂದ ವಿಮುಖನಾಗಿ ಆತ್ಮಸಾಕ್ಷಾತ್ಕಾರ ಹೊಂದಲು ಶ್ರೀರಾಮನ ಪರಮ ಭಕ್ತನಾಗಿ ಶ್ರೇಷ್ಠ ಮಹಾ ಕಾವ್ಯ” ದಿ ನಾರ್ಥ ಇಂಡಿಯನ್ ಬೈಬಲ್” ಎಂಬ ಖ್ಯಾತಿಗೆ ಪಾತ್ರವಾದ “ರಾಮಚರಿತ ಮಾನಸ” ಎಂಬ ಮಹಾ ಕಾವ್ಯವನ್ನು ಹಾಗೂ ಪ್ರತಿ ದಿನ ಲಕ್ಷಾಂತರ ಮಂದಿ ಪಠಿಸುವ “ಹನುಮಾನ್ ಚಾಲೀಸಾ” ದಂತಹ ಶ್ರೇಷ್ಠ ಸಾಹಿತ್ಯವನ್ನು ವಿಶ್ವಕ್ಕೆ ಕೊಡುಗೆಯಾಗಿ ನೀಡಿ ಕಲಿಯುಗದಲ್ಲಿ ಶ್ರೀರಾಮನ ಚರಿತೆಯನ್ನು ಸಾರಲು ವಾಲ್ಮೀಕಿಯೇ ಮತ್ತೆ ತುಳಸಿದಾಸನಾಗಿ ಅವತರಿಸಿದ್ದಾನೆ ಎಂದು ಖ್ಯಾತಿ ಪಡೆದದ್ದು ಒಂದು ಅದ್ಭುತ ಕಥೆ.

ಸ್ತ್ರೀ ವ್ಯಾಮೋಹಕ್ಕೆ ಬಲಿಯಾಗದವರೇ ಇಲ್ಲ, ಸ್ತ್ರೀ ಅಂಗಸುಖ ಬಯಸಿ ಸೌಂದರ್ಯಕ್ಕೆ ಮಾರುಹೋಗದವರು ಇಲ್ಲ, ಅಂತಹ ವಿಶ್ವಾಮಿತ್ರ ಮಹರ್ಷಿಯೇ ಒಂದು ಕ್ಷಣ ವಿಚಲಿತರಾಗುತ್ತಾರೆ, ಶಾಕುಂತಲೆಯ ಜನನಕ್ಕೆ ಕಾರಣರಾಗುತ್ತಾರೆ. ಹೀಗೆ ಸ್ತ್ರೀ ಮೋಹದಲ್ಲಿ ಬಿದ್ದವರಲ್ಲಿ ರಾಂಬೋಲಾ ದುಬೆ ಸಹ ಒಬ್ಬರು, ಅವರು ತನ್ನ ಹೆಂಡತಿಯನ್ನು ಎಷ್ಟು ಪ್ರೀತಿಸುತ್ತಿದ್ದರು ಎಂದರೆ, ಆತನ ಮಡದಿಯ ತವರುಮನೆ ಸರಸೂ ನದಿಯ ಆಚೆಯ ದಡದಲ್ಲಿ ಇದ್ದರೆ ತುಳಸೀದಾಸನ ಮನೆ ಸರಯೂ ನದಿಯ ಈಚೆ ದಡದಲ್ಲಿ ಇರುತ್ತದೆ. ಒಂದು ದಿನ ತುಳಸೀದಾಸರು ಹನುಮಾನ್ ಮಂದಿರಕ್ಕೆ ಹೋಗಿದ್ದಾಗ ಆತನ ಹೆಂಡತಿ ತನ್ನ ಸಹೋದರನೊಂದಿಗೆ ತನ್ನ ತಂದೆಯ ಮನೆಗೆ ಹೋಗಿರುತ್ತಾಳೆ ಮನೆಗೆ ಬಂದು ನೋಡಿದ ತುಳಸೀದಾಸರು ತನ್ನ ಪತ್ನಿ ತವರು ಮನೆಗೆ ಹೋಗಿರುವುದು ಅರಿತು ಆ ಕತ್ತಲೆಯ ರಾತ್ರಿಯಲ್ಲಿಯೇ ಹೇಗಾದರೂ ತಾನು ತನ್ನ ಪತ್ನಿಯನ್ನು ಕಾಣಬೇಕು, ಆಕೆಯನ್ನು ಕೂಡಬೇಕು ಎಂದು ನಿರ್ಧರಿಸಿ ತುಂಬಿ ಹರಿಯುತ್ತಿರುವ ಸರಯೂ ನದಿಯನ್ನು ಲೆಕ್ಕಿಸದೆ ಈಜಿ ದಡ ಸೇರಿ ತನ್ನ ಹೆಂಡತಿಯನ್ನು ಕಾಣುತ್ತಾನೆ. ಆಗ ಆತನಲ್ಲಿ ಮಡುಗಟ್ಟಿದ ದೈಹಿಕ ಕಾಮನೆ, ವ್ಯಾಮೋಹ ಎಂತಹ ಮೂರ್ಖ ಕೆಲಸ ಮಾಡಿಸಿಬಿಟ್ಟಿದೆ, ಭಯಂಕರವಾಗಿ ಹರಿಯುತ್ತಿರುವ ನದಿಯನ್ನು ದಾಟಿಸಿದೆಯಲ್ಲಾ ಎಂದು ಬೇಸರಗೊಂಡ ಆತನ ಪತ್ನಿ ರತ್ನಾವಳಿ ತನ್ನ ಗಂಡನನ್ನು ನಿಂಧಿಸುತ್ತಾಳೆ, ಕೇವಲ ರಕ್ತ ಮಾಂಸದಿಂದ ತುಂಬಿರುವ ಈ ದೇಹದ ಮೇಲೆ ನಿಮಗೆ ಏಕೆ ಇಷ್ಟೊಂದು ವ್ಯಾಮೋಹ, ಈ ವ್ಯಾಮೋಹವನ್ನು ಬಿಟ್ಟು ಇದೇ ಆಸಕ್ತಿಯನ್ನು ದೇವರ ಮೇಲೆ ಭಕ್ತಿಯಾಗಿ ತೋರಿದ್ದರೆ ಜನ್ಮ ಸಾರ್ಥಕವಾಗುತ್ತಿತ್ತು ಎನ್ನುತ್ತಾಳೆ. ಆಗ ಹೆಂಡತಿಯ ಮಾತಿನಿಂದ ರಾಂಬೋಲಾ ದುಬೆಗೆ ಜ್ಞಾನೋದಯವಾಗುತ್ತದೆ. ಆಗಲೇ ಸಂಸಾರವನ್ನು ತೊರೆದ ಪ್ರಯಾಗಕ್ಕೆ ಹೊರಟು ಸನ್ಯಾಸ ದೀಕ್ಷೆಯನ್ನು ಪಡೆದು ತುಳಸಿದಾಸರಾಗುತ್ತಾರೆ. ಮುಂದೆ ಅವರ ರಾಮ ಭಕ್ತಿಗೆ ಪಾರವೇ ಇಲ್ಲದಂತಾಗುತ್ತದೆ.

ಹೀಗೆ ಜ್ಞಾನೋದಯವಾದ ತುಳಸಿದಾಸರು ರಾಮಚರಿತ ಮಾನಸ ಮುಂತಾದ ಹಲವಾರು ಕೃತಿಗಳನ್ನು, ಸಂಸ್ಕೃತ ಮತ್ತು ಸ್ಥಳೀಯ ಭಾಷೆಗಳಲ್ಲಿ ದೋಹಾಗಳನ್ನು ರಚಿಸುತ್ತಾರೆ. ಸತ್ತ ವ್ಯಕ್ತಿಯನ್ನು ಬದುಕಿಸಿ ಪವಾಡವನ್ನು ಮಾಡುತ್ತಾರೆ. ಅಕ್ಬರ್ ರಾಜನವರೆಗೆ ಆತನ ಪವಾಡಗಳು ತಲುಪುತ್ತವೆ. ಅಕ್ಬರ್ ತನ್ನ ಎದುರು ಪವಾಡಗಳನ್ನು ಮಾಡು ಎಂದು ಕೇಳಿದಾಗ ತುಳಸಿದಾಸರು ನಿರಾಕರಿಸುತ್ತಾನೆ. ಆಗ ಕೋಪಗೊಂಡ ಅಕ್ಬರ್ ಆತನನ್ನು ಬಂಧಿಸಿ ಕಾರಾಗೃಹದಲ್ಲಿ ಇಡುತ್ತಾನೆ. ಆಗ ತುಳಸಿದಾಸರು ನಲವತ್ತು ದಿನಗಳ ಕಾಲ ಹನುಮಾನ್ ಚಾಲಿಸ ಪಠಣೆ ಮಾಡಿದಾಗ, ಅಕ್ಬರ್ ನ ಅರಮನೆ ಮತ್ತು ನಗರಕ್ಕೆ ಕೋತಿಗಳು ದಾಳಿ ಮಾಡಿ ವಿಧ್ವಂಸ ಸೃಷ್ಟಿ ಮಾಡಲು ಪ್ರಾರಂಭಿಸುತ್ತವೆ. ಆಗ ಅಕ್ಬರ್ ತುಳಸೀದಾಸರ ರಾಮ ಭಕ್ತಿಗೆ ಮಾರುಹೋಗಿ ಆತನನ್ನು ಬಿಡುಗಡೆ ಮಾಡುತ್ತಾರೆ. ಇಂತಹ ರಾಮನ ಪರಮ ಭಕ್ತನಾದ ತುಳಸೀದಾಸರ ಸಾಹಿತ್ಯದ ಶ್ರೇಷ್ಠತೆಯನ್ನು ಪರೀಕ್ಷಿಸಲು ಕಾಶಿಯ ಬ್ರಾಹ್ಮಣರು ಒಂದು ದಿನ ಕಾಶಿ ವಿಶ್ವನಾಥನ ದೇವಾಲಯದಲ್ಲಿ ಕೆಲವು ಸಂಸ್ಕೃತ ಗ್ರಂಥಗಳ ಕೆಳಭಾಗದಲ್ಲಿ ತುಳಸಿ ದಾಸರ ರಾಮಚರಿತ ಮಾನಸ ಹಸ್ತಪ್ರತಿಯನ್ನು ಇಟ್ಟು ದೇವಸ್ಥಾನದ ಗರ್ಭಗುಡಿಗೆ ಬೀಗ ಹಾಕುತ್ತಾರೆ. ಆದರೆ ಬೆಳಿಗ್ಗೆ ಎದ್ದು ನೋಡಿದಾಗ ರಾಮಚರಿತ ಮಾನಸ ಕೃತಿ ಎಲ್ಲಾ ಹಸ್ತಪ್ರತಿಗಳ ಮೇಲೆ ಇದ್ದು ಅದರ ಮೇಲೆ “ಸತ್ಯಂ ಶಿವಂ ಸುಂದರಂ” ಎಂದು ದೇವರಿಂದ ಬರೆಯಲಾಗಿರುತ್ತದೆ. ಇದನ್ನು ಸಹಿಸದ ಕೆಲವರು ಆ ಮಹಾ ಕಾವ್ಯವನ್ನು ಕದಿಯಲು ರಾತ್ರಿ ಸಮಯದಲ್ಲಿ ಕಳ್ಳರನ್ನು ಕಳಿಸುತ್ತಾರೆ, ಆದರೆ ಕಳ್ಳರು ಆಶ್ರಮದ ಬಳಿ ಹೋದಾಗ ರಾಮ ಲಕ್ಷ್ಮಣರು ಮಾರುವೇಷದಲ್ಲಿ ಆತನ ಆಶ್ರಮಕ್ಕೆ ಕಾವಲು ಕಾಯುತ್ತಿರುವುದು ಕಂಡು ಭಯಪಟ್ಟು ಓಡಿ ಹೋಗುತ್ತಾರೆ. ಹೀಗೆ ಒಬ್ಬ ಪವಾಡ ಪುರುಷನಾಗಿ ಒಬ್ಬ ಶ್ರೇಷ್ಠ ಕವಿಯಾಗಿ ಹಲವು ಕೃತಿಗಳನ್ನು, ಲಕ್ಷಾಂತರ ಮಂದಿ ಹಿಂದುಗಳು ಪಠಣ ಮಾಡುವ ಹನುಮಾನ್ ಚಾಲೀಸ್ ನಂತಹ ಭಕ್ತಿ ಸಾಹಿತ್ಯದಲ್ಲಿಯೇ ಶ್ರೇಷ್ಠ ದ್ವಿಪದಿ ಶ್ಲೋಕಗಳನ್ನು ರಚನೆ ಮಾಡಿ ಶ್ರೇಷ್ಠ ಋಷಿ, ಸಂತ ಶಿರೋಮಣಿ ಎಂಬ ಬಿರುದು ಪಡೆಯುತ್ತಾನೆ. ಇವೆಲ್ಲವೂ ಸಾಧ್ಯವಾಗಿದ್ದು ಆತ ದೈಹಿಕ ಕಾಮನೆ ಬಿಟ್ಟು ದೈವ ಭಕ್ತಿಯ ಮಾರ್ಗ ಅನುಸರಿಸಿದ್ದು ಮುಖ್ಯ ಕಾರಣವಾದರೆ. ಆ ರೀತಿ ಭಕ್ತಿ ಮಾರ್ಗದಲ್ಲಿ ನಡೆಯಲು ಪ್ರೇರಣೆ ನೀಡಿದ್ದು ಮಾತ್ರ ಆತನ ಮಡದಿ.

ಹಾಗೆಂದು ಎಲ್ಲರೂ ಹೆಂಡತಿ ಮಕ್ಕಳನ್ನು ಬಿಡಬೇಕು ಎಂದೂ ಇಲ್ಲ, ರಾಮದಾಸರಂತೆ ಸಂಸಾರಸ್ಥರಾಗಿಯೂ ರಾಮನ ಪ್ರೀತಿಗೆ ಪಾತ್ರರಾದವರು ಹಲವಾರು ಇದ್ದಾರೆ. ಆದರೆ ಅತಿಯಾದ ವ್ಯಾಮೋಹವನ್ನು ಬಿಡಬೇಕು ಅಷ್ಟೆ. ಆ ವ್ಯಾಮೋಹವನ್ನು ಬಿಡಿಸುವ ಶಕ್ತಿ ಮತ್ತು ವ್ಯಕ್ತಿ ಒಬ್ಬ ಹೆಣ್ಣಾಗಿದ್ದು ವಿಶೇಷ. ಯಾವ ರೀತಿ ತೆಲುಗಿನ ಸಾಹಿತಿ ವೇಮನನಿಗೆ ಆತನ ಅತ್ತಿಗೆ ಹೇಮರೆಡ್ಡಿ ಮಲ್ಲಮ್ಮ
ಜ್ಞಾನೋದಯ ಮಾಡಿ ವಿಶ್ವಕ್ಕೆ “ವೇಮನ ಶತಕ” ದಂತಹ ಶ್ರೇಷ್ಠ ಸಾಹಿತ್ಯವನ್ನು ಕೊಡುಗೆಯಾಗಿ ನೀಡಲು ಅವಕಾಶ ಮಾಡಿದಳೋ ಹಾಗೆ ಮರಿಯಾದ ಪುರುಷೋತ್ತಮ ಶ್ರೀರಾಮಚಂದ್ರನ ಕುರಿತು “ರಾಮಚಂದ್ರ ಮಾನಸ ದಂತಹ” ಮಹಾ ಕಾವ್ಯವನ್ನು, ಹನುಮಂತನನ್ನು ಸ್ತುತಿಸುವ “ಹನುಮಾನ್ ಚಾಲಿಸ” ದಂತಹ ಶ್ಲೋಕಗಳನ್ನು ಬರೆದು ವಿಶ್ವಕ್ಕೆ ಕೊಡುಗೆಯಾಗಿ ನೀಡಲು ಪ್ರೇರಣೆ ನೀಡಿದ ಆ ಘಟನೆ ಹಾಗೂ ಕೇವಲ ಒಬ್ಬ ವ್ಯಕ್ತಿ ತನಗಾಗಿ, ತನ್ನ ಕುಟುಂಬಕ್ಕಾಗಿ ಬದುಕದೆ ಸಮಾಜಕ್ಕಾಗಿ ಬದುಕಬೇಕು ಎಂದು ಒಬ್ಬ ಹೆಣ್ಣಾಗಿ ರತ್ನಾವಳಿ ತನ್ನ ಗಂಡನಿಗೆ ನೀಡಿದ ಹಿತೋಪದೇಶ ನಿಜಕ್ಕೂ ಆದರ್ಶ ಸ್ತ್ರೀ ತತ್ವವನ್ನು ಸಾರುತ್ತದೆ. ಪ್ರತಿಯೊಬ್ಬ ಪುರುಷನ ಸಾಧನೆಯ ಹಿಂದೆ ಒಬ್ಬ ಸ್ತ್ರೀ ಇರುತ್ತಾಳೆ ಎಂದು ಹೇಳುತ್ತಾರೆ ಆದರೆ ಸ್ತ್ರೀಯನ್ನು ಕೇವಲ ಭೋಗದ ವಸ್ತುವಾಗಿ ಕಾಣದೆ ಒಬ್ಬ ಗುರುವಾಗಿ, ಗೆಳೆಯನಾಗಿ, ಹಿತೈಷಿಯಾಗಿ ಕಂಡಾಗ ಮಾತ್ರ ಸಾಧನೆಯ ಶಿಖರ ಏರಲು ಸಾಧ್ಯ. ಹಾಗಾದಾಗ ಮಾತ್ರ ತುಳಸಿದಾಸರಂತೆ ಸಾಧಕರು ಸಮಾಜದಲ್ಲಿ ಕಾಣಲು ಸಾಧ್ಯ.

ಕೋಲಾರ : ಕೋಲಾರದಲ್ಲಿ ನೋಂದಾಯಿಸಿದ 15,000 ಆಟೋಗಳಿದ್ದು, ಪ್ರತಿಯೊಬ್ಬ ಆಟೋ ಚಾಲಕರು ತಾವೂ ಮತ ಹಾಕಿ ತಮ್ಮ ಪ್ರಯಾಣಿಕರಿಗೂ ಮತ ಹಾಕುವಂತೆ ಪ್ರೇರೆಪಿಸಬೇಕೆಂದು ಜಿಲ್ಲಾ ಪಂಚಾಯತಿ ಸಿಇಒ ಹಾಗೂ ಜಿಲ್ಲಾ ಸ್ವೀಪ್ ಸಮಿತಿಯ ಅಧ್ಯಕ್ಷರಾದ ಪದ್ಮಬಸವಂತಪ್ಪ ಅವರು ತಿಳಿಸಿದರು.

ಜಿಲ್ಲಾ ಸ್ವೀಪ್ ಸಮಿತಿಯಿಂದ ಕೆಎಸ್‌ಆರ್‌ಟಿಸಿ ಬಸ್ ನಿಲ್ದಾಣದಲ್ಲಿ “ಮಜ್ಜಿಗೆ ಕುಡಿಯಿರಿ ಮತದಾನ ಮಾಡಿರಿ” ಎಂಬ ವಿನೂತನ ಮತದಾನ ಜಾಗೃತಿ ಕಾರ್ಯಕ್ರಮವನ್ನು ಹಮ್ಮಿಕೊಳ್ಳಲಾಗಿದ್ದು, ಬಿಸಿಲು-ಮಜ್ಜಿಗೆ- ಮತದಾನ ಇವುಗಳನ್ನು ಕಡ್ಡಾಯವಾಗಿ ಅನುಭವಿಸಿ ಮತದಾನ ಮಾಡಿ ಎಂದರು. ಚುನಾವಣೆ ಸಂದರ್ಭದಲ್ಲಿ ಆಟೋ ಚಾಲಕರಿಗೆ ತುಂಬಾ ಬೇಡಿಕೆಯಿದ್ದು, ಇಂತಹ ಸಮಯದಲ್ಲಿ ಸಹ ಪ್ರಯಾಣಿಕರಿಗೆ ಕಡ್ಡಾಯ ಮತದಾನ ಮಾಡಲು ಪ್ರೋತ್ಸಾಹಿಸಬೇಕೆಂದರು.

ಕೋಲಾರ ಜಿಲ್ಲೆಯಲ್ಲಿ ಕೆಜಿಎಫ್ ಹಾಗೂ ಕೋಲಾರ ಪಟ್ಟಣದಲ್ಲಿ ಮತದಾನವು ತುಂಬಾ ಕಡಿಮೆಯಾಗುತ್ತಿದೆ. ಕಾರಣ ಜನರು ರಜೆಯ ಮೇಲೆ ಊರಿಗೆ ತೆರಳುವುದು, ಮತಗಟ್ಟೆ ತೆರಳಲು ಆಲಸಿಗಳಾಗಿದ್ದಾರೆ. ಹೀಗಾಗಿ ಅವರಿಗೆ ಊರಿಗೆ ತೆರಳದಂತೆ ಹಾಗೂ ಮತದಾನ ಮಾಡುವಂತೆ ಅಟೋ ಚಾಲಕರು ಸ್ಫೂರ್ತಿ ನೀಡಿ ನಮ್ಮೊಂದಿಗೆ ಕೈಜೋಡಿಸಬೇಕೆಂದರು.

ಕೆಎಸ್‌ಆರ್‌ಟಿಸಿ ಸಂಸ್ಥೆಯಿಂದ ಬಸ್‌ನಲ್ಲಿ ಪ್ರಯಾಣಿಸುವವರಿಗೆ ಮತದಾನ ಜಾಗೃತಿ ಮೂಡಿಸಲು ಇಲ್ಲಿಯವರೆಗೆ ಎರಡೂವರೆ ಲಕ್ಷ ಬಸ್ ಟಿಕೇಟ್‌ಗಳ ಮೇಲೆ ಮುದ್ರಣ ಮಾಡಿಸಿ ಮತದಾನದ ಬಗ್ಗೆ ಅರಿವು ಮೂಡಿಸಲಾಗುತ್ತಿದೆ.

ಚುನಾವಣಾ ಸಂದರ್ಭದಲ್ಲಿ ಪ್ರಿಜ್, ಟಿವಿ, ಸೀರೆ, ಹಣ, ಕುಕ್ಕರ್ ಹಾಗೂ ಬಾಡೂಟ, ಊಟ ಇನ್ನು ಮುಂತಾದ ಆಮಿಷಗಳನ್ನು ತೋರಿಸಿ ಮತದಾನ ಮಾಡುವ ಸಂದರ್ಭಗಳು ಕಂಡುಬಂದಲ್ಲಿ ಸಿವಿಜಿಲ್ ಆ್ಯಪ್ ಬಳಸಿ ಫೋಟೋ ತೆಗೆದು ಅಪಲೋಡ್ ಮಾಡಿದರೆ, ಈ ಬಗ್ಗೆ ಸಂಬಂಧಿಸಿದ ಅಧಿಕಾರಿಗಳು ಕ್ರಮಕೈಗೊಳ್ಳುತ್ತಾರೆ ಹಾಗೂ ತಮ್ಮ ಹೆಸರುಗಳನ್ನು ಗೌಪ್ಯವಾಗಿಡಲಾಗುವುದು.

ಕಾರ್ಯಕ್ರಮದಲ್ಲಿ ಯೋಜನಾ ನಿರ್ದೇಶಕರು ಹಾಗೂ ಜಿಲ್ಲಾ ಸ್ವೀಪ್ ಸಮಿತಿಯ ನೋಡಲ್ ಅಧಿಕಾರಿ ರವಿಚಂದ್ರ, ಕೆಎಸ್‌ಆರ್‌ಟಿಸಿ ಡಿವಿಜನಲ್ ಕಂಟ್ರೋಲರ್ ಬಸವರಾಜು, ಕೋಲಾರ ಹಾಗೂ ಕೆಜಿಎಫ್ ಆರ್‌ಟಿಓ ವೆಂಕಟೇಶ್ವರಲು, ನಯಾಜ್ ಪಾಷಾ, ಜಿ.ಪಂ. ಸಹಾಯಕ ನಿರ್ದೇಶಕ ಗೋವಿಂದಗೌಡ, ಆಟೋ ಅಸೋಸಿಯೇಶನ್‌ ಅಧ್ಯಕ್ಷ ಸುರೇಶ ಸೇರಿದಂತೆ ಆಟೋಚಾಲಕರು ಉಪಸ್ಥಿತರಿದ್ದರು.

ಈ ಸಂದರ್ಭದಲ್ಲಿ ಸ್ವೀಪ್ ಸಮಿತಿಯ ಅಧ್ಯಕ್ಷರಾದ ಪದ್ಮ ಬಸವಂತಪ್ಪ ಅವರು ಆಟೋಗಳಿಗೆ ಚುನಾವಣೆ ಸಂಬಂಧಿತ ಸ್ಟಿಕ‌ರ್ ಅಂಟಿಸಿದರು.

ಕುಂದಾಪುರ (ಎ. 16) : ಪ್ಯಾಟಿ ಮಕ್ಕಳ್ ಹಳ್ಳಿ ಟೂರ್ ಎನ್ನುವುದು ಒಂದು ವಿಶೇಷ, ವಿನೂತನ ಕಾರ್ಯಕ್ರಮ. ಮಕ್ಕಳಲ್ಲಿ ಆತ್ಮಸ್ಥೈರ್ಯವನ್ನು ಹೆಚ್ಚಿಸಲು ಬೇಸಿಗೆ ಶಿಬಿರವು ಒಂದು ಅದ್ಬುತ ವೇದಿಕೆ. ಮಕ್ಕಳು ಶಿಬಿರದಲ್ಲಿ ಕಲಿತಿರುವ ಉತ್ತಮ ಅಂಶಗಳನ್ನು ತಮ್ಮ ನಿತ್ಯ ಜೀವನದಲ್ಲಿ ಮೈಗೂಡಿಸಿಕೊಳ್ಳಬೇಕೆಂದು ಕೋಟೇಶ್ವರದ ಪ್ರಸಿದ್ಧ ಉದ್ಯಮಿ ಬೆಂಗಳೂರು ಅಯ್ಯಂಗಾರ್ ಬೇಕರಿ ಮಾಲೀಕರಾದ ಶ್ರೀ. ಬಿ. ಎಸ್. ವಿಶ್ವನಾಥ್ ರವರು ಹೇಳಿದರು.
ಅವರು ಎಚ್. ಎಮ್. ಎಮ್ ಮತ್ತು ವಿ. ಕೆ. ಆರ್ ಶಾಲೆಗಳು ಆಯೋಜಿಸಿದ ಪ್ಯಾಟಿ ಮಕ್ಕಳ್ ಹಳ್ಳಿ ಟೂರ್ 2024 ಏಪ್ರಿಲ್ 15 ರಂದು ಸಮರೋಪ ಸಮಾರಂಭದಲ್ಲಿ ಮಾತನಾಡಿದರು.
ಸಂಸ್ಥೆಯ ಪ್ರಾಂಶುಪಾಲರಾದ ಡಾ. ಚಿಂತನಾ ರಾಜೇಶ್ ರವರು ಮಕ್ಕಳನ್ನು ಮೊಬೈಲ್ ಗೀಳಿನಿಂದ ಹೊರ ತಂದು ವಿವಿಧ ಚಟುವಟಿಕೆಗಳಲ್ಲಿ ಸಕ್ರಿಯವಾಗಿ ಪಾಲ್ಗೊಳ್ಳುವಂತೆ ಹಾಗೂ ಪ್ರಕೃತಿಯ ಜೊತೆ ನಿತ್ಯ ಸಂಪರ್ಕ ಹೊಂದುವಂತೆ ಮಾಡುವುದೇ ಈ ಶಿಬಿರದ ಮುಖ್ಯ ಉದ್ದೇಶ ಎಂದು ವಿಸ್ತಾರವಾಗಿ ಹೇಳಿದರು.
ಶಿಬಿರದ 11 ದಿನಗಳ ಕಾರ್ಯ ಚಟುವಟಿಕೆಗಳ ಕಿರು ಚಿತ್ರಣವನ್ನು ವೀಕ್ಷಿಸಲಾಯಿತು. ವಿದ್ಯಾರ್ಥಿಗಳು ಹಾಗೂ ಪೋಷಕರು ಶಿಬಿರದ ಕುರಿತು ತಮ್ಮ ಅಭಿಪ್ರಾಯ ವ್ಯಕ್ತಪಡಿಸಿದರು. ವಿದ್ಯಾರ್ಥಿಗಳಿಂದ ಸಾಂಸ್ಕೃತಿಕ ಕಾರ್ಯಕ್ರಮ ನಡೆಯಿತು. ಶಿಕ್ಷಕರಾದ ಶ್ರೀನಿವಾಸ, ರವಿಚಂದ್ರರವರು ಕಾರ್ಯಕ್ರಮ ನಿರೂಪಿಸಿ ವಂದಿಸಿದರು. ಎಲ್ಲ ವಿಭಾಗಗಳ ಮುಖ್ಯಸ್ಥರು, ಶಿಕ್ಷಕರು, ಶಿಕ್ಷಕೇತರರು ಹಾಗೂ ಪೋಷಕರು ಉಪಸ್ಥಿತರಿದ್ದರು.

ಬೆಂಗಳೂರು: ಸೇಂಟ್ ಜೋಸೆಫ್ ವಿಶ್ವವಿದ್ಯಾಲಯದ ಈಶಾನ್ಯ ಭಾರತ ಮತ್ತು ಟಿಬೆಟಿಯನ್ ವಿದ್ಯಾರ್ಥಿಗಳ ವೇದಿಕೆ (ಓಇಖಿSಈ) ಏಪ್ರಿಲ್ 13, 2024 ರಂದು ಭಾರತದ ಈಶಾನ್ಯ ಪ್ರದೇಶ ಮತ್ತು ಟಿಬೆಟ್ನ ಶ್ರೀಮಂತ ಮತ್ತು ವೈವಿಧ್ಯಮಯ ಸಂಸ್ಕೃತಿಗಳನ್ನು ಆಚರಿಸಲು ತನ್ನ ವಾರ್ಷಿಕ ಕಾರ್ಯಕ್ರಮವಾದ ಫೂಟ್ಪ್ರಿಂಟ್ಸ್ 2024 ಆಯೋಜಿಸಿತ್ತು.
ಕಾರ್ಯಕ್ರಮವು ಬ್ಯಾಂಡ್ ಬಾಯ್ಸ್ ಓವರ್ ಫ್ಲವರ್ಸ್ ಅವರ ಪ್ರದರ್ಶನದೊಂದಿಗೆ ಪ್ರಾರಂಭವಾಯಿತು, ನಂತರ ನಾಗಾಲ್ಯಾಂಡ್ನ ಮಿನೋಲಿ ಅವರ ಸೋಲೋ; ಕಿಕ್ಯೊ ಇರೋ ಬ್ಯಾಂಡ್ನ ಪ್ರದರ್ಶನ; ಸಿಕ್ಕಿಂ ಮತ್ತು ಡಾರ್ಜಿಲಿಂಗ್ನ ವಿದ್ಯಾರ್ಥಿಗಳ ಝ್ಯಾವ್ರೆ; ಟಿಬೆಟ್, ಲಡಾಖ್ ಮತ್ತು ಮಿಜೋರಾಂನ ವಿದ್ಯಾರ್ಥಿಗಳ ಸಾಂಪ್ರದಾಯಿಕ ಆಮ್ಡೋ, ತ್ಸಿ ತ್ಸಿ ಮತ್ತು ಚೆರಾವ್ ನೃತ್ಯಗಳನ್ನು ಪ್ರದರ್ಶಿಸಲಾಯಿತು.
ಮುಖ್ಯ ಅತಿಥಿ, ದಲೈಲಾಮಾ ಉನ್ನತ ಶಿಕ್ಷಣ ಸಂಸ್ಥೆಯ ಪ್ರಾಂಶುಪಾಲರಾದ ಡಾ.ತೆಂಜಿನ್ ಪಸಾಂಗ್ ಮತ್ತು ಗೌರವಾನ್ವಿತ ಉಪಕುಲಪತಿಗಳಾದ ರೆ.ಡಾ. ವಿಕ್ಟರ್ ಲೋಬೋ ಎಸ್.ಜೆ. ಅವರು ಟಿಬೆಟ್ ಮತ್ತು ಭಾರತದ ಈಶಾನ್ಯ ಭಾಗದ ಹಂಚಿಕೆಯ ಪೂರ್ವಜರು ಮತ್ತು ಸಂಸ್ಕೃತಿಗಳ ಬಗ್ಗೆ ಮಾತನಾಡಿದರು ಮತ್ತು ಈ ಪ್ರದೇಶದ ಸಂಸ್ಕೃತಿಯನ್ನು ಉತ್ತೇಜಿಸುವ ಮಹತ್ವವನ್ನು ಒತ್ತಿ ಹೇಳಿದರು.
ಮಣಿಪುರದ ಜನತೆಗಾಗಿ ಒಂದು ನಿಮಿಷ ಮೌನ ಆಚರಿಸಲಾಯಿತು, ನಂತರ ಟಿಬೆಟಿಯನ್ ಸನ್ಯಾಸಿಗಳು ಪ್ರಾರ್ಥನೆ ಸಲ್ಲಿಸಿದರು.

FOOTPRINTS 2024 Celebrates Rich Cultures of Northeast India and Tibet at St Joseph’s University

Bangluru: The North-East and Tibetan Students’ Forum (NETSF) of St Joseph’s University organised its annual event, FOOTPRINTS, to celebrate the rich and diverse cultures of India’s Northeastern region and Tibet on April 13th, 2024.

The program began with a performance by the Band Boys over Flowers, followed by a solo by Minoli from Nagaland and a performance by the band Kikyo Iro. Traditional dances like Jhyawre by students of Sikkim and Darjeeling, Amdo, Tsi Tsi, and Cheraw by students from Tibet, Ladakh, and Mizoram were showcased.

The Chief Guest, Dr Tenzin Pasang, Principal of Dalai Lama Institute of Higher Education, and the Honourable Vice-Chancellor, Rev Dr. Victor Lobo SJ, addressed the gathering. They spoke about the shared ancestry and intertwined cultures of Tibet and the North Eastern part of India, and emphasized the importance of promoting the culture of this region.

A minute of silence was observed for the people of Manipur, followed by prayers chanted by Tibetan Monks. The celebration continued with a whirlwind of cultural dances. From Manipur’s Kuki-Zomi to Meghalaya’s Khasi-Garo-Jaintia medley, the Northeast showcased its vibrant traditions. Sikkim, Nagaland, Assam, Tripura, Arunachal Pradesh, Ladakh, and Manipur all presented captivating performances. The grand finale was a dazzling fashion show, leaving the audience enthralled by the region’s unique attire.

The event witnessed a footfall of over 800 people and stalls set up across the university grounds offered a variety of food items. The program concluded with the Forum President’s Vote of Thanks.