Author: Jananudi News Network

ಶ್ರೀನಿವಾಸಪುರ : ತಾಲ್ಲೂಕಿನಲ್ಲಿ ಗ್ರಾಮೀಣ ಬಡ ಹಾಗೂ ದುರ್ಬಲ ಮಹಿಳೆಯರ ಸುಂದರ ಬದುಕಿಗೆ ಅಗತ್ಯವಾಗಿರುವ ಅನೇಕ ಯೋಜನೆಗಳು ಧರ್ಮಸ್ಥಳ ಗ್ರಾಮಾಭಿವೃದ್ಧಿ ಯೋಜನೆ ಮುಖೇನ ಅನುಷ್ಟಾನ ಮಾಡುತ್ತಿದ್ದು, ಈ ಯೋಜನೆಗಳನ್ನು ಗ್ರಾಮೀಣ ಪ್ರದೇಶದ ಜನರು ಸರಿಯಾದ ರೀತಿಯಲ್ಲಿ ಸದ್ಬಳಕೆ ಮಾಡಿಕೊಳ್ಳುವಂತೆ ತಿಳಿಸಿದರು. ಬೆಂಗಳೂರು ಪ್ರಾದೇಶಿಕ ಕಚೇರಿಯ ಪ್ರಾದೇಶಿಕ ನಿರ್ದೇಶಕರಾದ ಸೀನಪ್ಪ ತಿಳಿಸಿದರು.
ಪಟ್ಟಣದ ವೇಣು ವಿದ್ಯಾ ಸಂಸ್ಥೆ ಬಳಿ ಧರ್ಮಸ್ಥಳ ಗ್ರಾಮಾಭಿವೃದ್ಧಿ ಸಂಘದವತಿಯಿಂದ ಭಾನುವಾರ ಶ್ರೀನಿವಾಸಪುರ -2 ನೂತನ ಯೋಜನಾ ಕಚೇರಿಯನ್ನು ಉದ್ಗಾಟಿಸಿ ಮಾತನಾಡಿದರು.
ಸದಸ್ಯರ ಸರ್ವತೋಮುಖ ಅಭಿವೃದ್ಧಿಯಲ್ಲಿ ಧರ್ಮಸ್ಥಳ ಗ್ರಾಮಾಭಿವೃದ್ಧಿ ಯೋಜನೆಯ ಪಾತ್ರದ ಬಗ್ಗೆ ಮಾಹಿತಿ ನೀಡಿದರು.
ಅಖಿಲ ಕರ್ನಾಟಕ ಜನಜಾಗೃತಿ ವೇದಿಕೆಯ ಮಾಜಿ ಅಧ್ಯಕ್ಷರಾದ ಲಕ್ಷ್ಮಣ್ ಗೌಡ ರವರು ಮಾತನಾಡಿ ಆರ್ಥಿಕ ಸ್ವಾವಲಂಬನೆ ಹಾಗೂ ಅಭಿವೃದ್ಧಿ ಬಗ್ಗೆ ಮಾತನಾಡಿದರು..
ಶ್ರೀನಿವಾಸಪುರ 2 ಯೋಜನಾ ಕಚೇರಿಯ ಯೋಜನಾಧಿಕಾರಿಗಳಾದ ಕಾಂತಪ್ಪ ರವರು ತಾಲ್ಲೂಕಿನ ಸಾಧನಾ ವರದಿ ಹಾಗೂ ತಾಲ್ಲೂಕಿನ ಅಭಿವೃದ್ಧಿಯ ಅಂಕಿ ಅಂಶಗಳನ್ನು ಮಂಡಿಸಿದರು..
ಕಾರ್ಯಕ್ರಮದಲ್ಲಿ ಕೋಲಾರ ಜಿಲ್ಲಾ ನಿರ್ದೇಶಕರಾದ ಪದ್ಮಯ್ಯ , ಕೋಚಿಮುಲ್ ಮಾಜಿ ಅಧ್ಯಕ್ಷ ಬ್ಯಾಟಪ್ಪ ಕಸಾಪ ಜಿಲ್ಲಾಧ್ಯಕ್ಷ ಎನ್.ಬಿ.ಗೋಪಾಲಗೌಡ , ಮುಖಂಡ ಇ. ಶಿವಣ್ಣ, ತಾಲ್ಲೂಕಿನ ಎಲ್ಲಾ ಮೇಲ್ವಿಚಾರಕ ಶ್ರೇಣಿಯ ಕಾರ್ಯಕರ್ತರು, ಕಚೇರಿ ಸಿಬ್ಬಂದಿಗಳು, ಸೇವಾಪ್ರತಿನಿಧಿಗಳು, ವಿಎಲ್‍ಇ ಗಳು ಹಾಗೂ ಗ್ರಾಮಸ್ಥರು ಮುಖಂಡರು ಭಾಗವಹಿಸಿದ್ದರು.

ಶ್ರೀನಿವಾಸಪುರ : ಮಹಿಳೆಯರನ್ನು ಆರ್ಥಿಕ ಜ್ಞಾನದಿಂದ ಸಬಲೀಕರಣಗೊಳಿಸಲು ಆರ್ಥಿಕವಾಗಿ ಸಬಲರಾಗಬಹುದು ಎಂದು ಜಿಲ್ಲಾ ಲೀಡ್ ಬ್ಯಾಂಕಿನ ವ್ಯವಸ್ಥಾಪಕ ಸುಬ್ಬಾನಾಯಕ್ ಹೇಳಿದರು . 

ಪಟ್ಟಣದ ಪುರಸಭೆ ಕಚೇರಿಯಲ್ಲಿ ಭಾನುವಾರ ಲೀಡ್ ಬ್ಯಾಂಕ್‌ಗಳ ವತಿಯಿಂದ ನಡೆದ ಹಣಕಾಸು ಸಾಕ್ಷರತಾ ಸಪ್ತಾಹ ಕಾರ್ಯಕ್ರಮಕ್ಕೆ ಚಾಲನೆ ನೀಡಿ ಮಾತನಾಡಿದರು.

ಕಡಿಮೆ ಮತ್ತು ಮಧ್ಯಮವರ್ಗದ ಕುಟುಂಬಗಳು ಆರ್ಥಿಕವಾಗಿ ಸಭಲರಾಗಲು ವಿಶೇಷವಾಗಿ ಮಹಿಳೆಯರು ಮುಖ್ಯ ಕಾರಣರಾಗುತ್ತಾರೆ .

ಮಹಿಳೆಯರು ಬ್ಯಾಂಕ್‌ಗಳಲ್ಲಿ ಖಾತೆ ತೆರದು , ಬರುವ ಸಂಪಾದನೆಯ ಸ್ವಲ್ಪ ಹಣವನ್ನು  ಬ್ಯಾಂಕಿನಲ್ಲಿ ಉಳಿತಾಯ ಮಾಡಿದಾಗ ತಮ್ಮ ಕಷ್ಟ ಕಾಲಕ್ಕೆ ಆ ಹಣವು ಸಹಾಯಮಾಡುತ್ತದೆ. 

ಆರ್ಥಿಕ ಸಾಕ್ಷರತಾ ತಾಲೂಕು ಸಂಯೋಜಕ ಜಿ.ವೆಂಕಟೇಶ್ ಮಾತನಾಡಿ ಪ್ರಧಾನ ಮಂತ್ರಿ ಸುರಕ್ಷಾ ಭೀಮಾ ಯೋಜನೆ ಅಡಿಯಲ್ಲಿ ೧೮ ರಿಂದ ೭೦ ವರ್ಷ ವಯಸ್ಸುಳ್ಳವರು ವಾರ್ಷಿಕ ೨೦ರೂ ಅಪಘಾತ ವಿಮೆ, ಪ್ರಧಾನ ಮಂತ್ರಿ ಜೀವನ ಜ್ಯೋತಿ ಭೀಮಾ ಯೋಜನೆ ಅಡಿಯಲ್ಲಿ ೧೮ ರಿಂದ ೫೦ ವರ್ಷ ವಯಸ್ಸುಳ್ಳವರು ವಾರ್ಷಿಕ  ೪೩೬ ರೂ ಕಟ್ಟಬೇಕು. ಕಡ್ಡಾಯವಾಗಿ ನೋಂದಾಯಿಸಿಕೊಳ್ಳಬೇಕು ಎಂದು ತಿಳಿಸಿದರು.  

ಪುರಸೆಭೆ ವ್ಯವಸ್ಥಾಪಕ ನವೀನ್‌ಚಂದ್ರ, ಟಿಎಚ್‌ಒ ಮಹ್ಮದ್ ಶರೀಫ್, ಕೆನರಾ ಬ್ಯಾಂಕಿನ ಮುಖ್ಯ ವ್ಯವಸ್ಥಾಪಕ ನವೀನ್‌ಚಂದ್ರಸಾಹು, ಆರ್ಥಿಕ ಸಾಕ್ಷರತಾ ಸಲಹೆಗಾರ ಪಿ.ರಾಮಚಂದ್ರ, ಆರ್ಥಿಕ ಸಾಕ್ಷರತಾ ಸಂಯೋಜಕ ನರಸಿಂಹಮೂರ್ತಿ, ಪುರಸಭೆ ಸಿಬ್ಬಂದಿಗಳಾದ ಸುಪ್ರಿಯ, ಮೀನಾ ಹಾಗು ಎಲ್ಲಾ ಬ್ಯಾಂಕ್‌ಗಳ ವ್ಯವಸ್ಥಾಪಕರು, ಆಶಾ ಕಾರ್ಯಕರ್ತೆಯರು, ಸ್ವ-ಸಹಾಯ ಸಂಘ ದ ಪ್ರತಿನಿಧಿಗಳು ಹಾಜರಿದ್ದರು. 

ಉಡುಪಿ; ಅಕ್ಷರ ಕಲಿಕೆ ಶಿಕ್ಷಣವಾಗುವುದಿಲ್ಲ. ಅದರೊಂದಿಗೆ ಪಠ್ಯೇತರ ಚಟುವಟಿಕೆಗಳು ಮಾತ್ರ ಪರಿಪೂರ್ಣ ವಿದ್ಯಾರ್ಥಿಗಳನ್ನಾಗಿ ಮಾಡುತ್ತದೆ. ಉದ್ಯೋಗ ಕೌಶಲ್ಯಗಳು ವೃತ್ತಿಯಿಂದ ವೃತ್ತಿಗೆ ಭಿನ್ನವಾಗಿದ್ದು ಅದು ವ್ಯಕ್ತಿಗತವಾಗಿರುತ್ತದೆ. ಮಕ್ಕಳ ಉಜ್ವಲ ಭವಿಷ್ಯ ರೂಪಿಸುವುದಕ್ಕೆ ಇಂತಹ ಮಾಹಿತಿ ಶಿಬಿರದಿಂದ ಸಾಧ್ಯವಿದೆ. ಅಲ್ಲದೇ ವಿವಿಧ ಕೌಶಲ್ಯಗಳು ಇಂತಹ ಶಿಬಿರದಲ್ಲಿ ಭಾಗವಹಿಸಿದಾಗ ಮಾತ್ರ ವಿದ್ಯಾರ್ಥಿಗಳಿಗೆ ಅರಿವಾಗುತ್ತದೆ. ಆದ್ದರಿಂದ ವಿದ್ಯಾರ್ಥಿಗಳು ಸಕಾರಾತ್ಮಕವಾಗಿ ಪರಿಭಾವಿಸಿ ಅವರ ಜೀವಿತದ ಉದ್ದೇಶವನ್ನು ಕೂಡ ಅರ್ಥೈಸಿಕೊಳ್ಳಬೇಕೆಂದು ಕುಂದಾಪುರ ಶಾಸಕರಾದ ಕಿರಣ್‍ಕುಮಾರ್ ಕೊಡ್ಗಿ ಅಭಿಪ್ರಾಯಪಟ್ಟರು. ಅವರು ಇತ್ತೀಚೆಗೆ ಬಾಳ್ಕುದ್ರು ಹಂಗಾರಕಟ್ಟೆ ಅಭಿವೃದ್ಧಿ ಸಂಸ್ಥೆ (ರಿ.) ಇದರ 15ನೇ ವಾರ್ಷಿಕೋತ್ಸವದ ಅಂಗವಾಗಿ ಚೇತನಾ ಪ್ರೌಢಶಾಲೆ ಮಾಬುಕಳ ಇಲ್ಲಿ ಹಮ್ಮಿಕೊಂಡ ಉದ್ಯೋಗ ಕೌಶಲ್ಯಗಳ ಕುರಿತು ಮಾಹಿತಿ ಶಿಬಿರ 2025ನ್ನು ಉದ್ಘಾಟಿಸಿ ಕುಂದಾಪುರ ಹೆಸ್ಕುತ್ತೂರು ಪ್ರೌಢಶಾಲಾ ಮುಖ್ಯ ಶಿಕ್ಷಕ ಅಬ್ದುಲ್ ರವೂಫ್ ಇವರಿಗೆ ಕಲಾ ಕುಸುಮ ಪ್ರಶಸ್ತಿ 2025 ಪ್ರದಾನ ಮಾಡಿ, ವಿದ್ಯಾರ್ಥಿ ದೆಸೆಯಿಂದಲೇ ಇಂತಹ ಮಾಹಿತಿ ಕಾರ್ಯಗಾರದಲ್ಲಿ ಭಾಗವಹಿಸಿದ ಮಕ್ಕಳಲ್ಲಿ ಆತ್ಮಸ್ಥೈರ್ಯ ಬೆಳೆಯುತ್ತದೆ ಮತ್ತು ಅವರ ಬದುಕಿಗೆ ಉದ್ಯೋಗ ಒಂದು ಜೀವನಾಧಾರವಾಗಿರುತ್ತದೆ. ಅದನ್ನು ಗಳಿಸುವುದಕ್ಕೆ ಅನೇಕ ಕೌಶಲ್ಯಗಳು ತುಂಬಾ ಅನಿವಾರ್ಯವಾಗುತ್ತದೆ ಎಂದು ತಿಳಿಸಿದರು.
ಸಂಪನ್ಮೂಲ ವ್ಯಕ್ತಿ ಚಿರಂಜನ್ ಕೆ. ಶೇರಿಗಾರ್ ಪ್ರತಿ ವಿದ್ಯಾರ್ಥಿಗಳು ಕೂಡ ವಿಶಿಷ್ಟತೆ ಹೊಂದಿರುತ್ತಾರೆ ಮತ್ತು ವಿವಿಧ ಕೌಶಲ್ಯಗಳನ್ನು ಹೊಂದಿರುತ್ತಾರೆ. ಅದನ್ನು ಸಕಾಲದಲ್ಲಿ ಜಾಗ್ರತೆಗೊಳಿಸಿ ಅಂತಹ ತುಡಿತ ಮತ್ತು ನಿರಂತರ ಪ್ರಯತ್ನದಿಂದ ಬಂದ ಅವಕಾಶಗಳನ್ನು ಬಳಸಿ ಅನನ್ಯತೆ ಅಥವಾ ಹೊಸತನಕ್ಕೆ ಅಥವಾ ಹೊಸ ಚಿಂತನಕ್ಕೆ ದಾರಿ ಮಾಡಿಕೊಂಡು ಬದುಕಿನ ಉತ್ಕøಷ್ಟಕ್ಕೆ ನಾವು ಏರಬೇಕು ಎಂದು ಪ್ರತಿಪಾದಿಸಿ ಅದನ್ನು ಉದ್ಯೋಗ ಕೌಶಲ್ಯಗಳು ವ್ಯಕ್ತಿಯಿಂದ ವ್ಯಕ್ತಿಗೆ ಭಿನ್ನವಾಗಿದ್ದು ವೃತ್ತಿಯಿಂದ ವೃತ್ತಿಗೆ ಭಿನ್ನವಾಗಿರುತ್ತದೆ ಎಂದು ತಿಳಿಸಿ, ಯಾವುದು ಕನಿಷ್ಠ ಅಥವಾ ಗರಿಷ್ಠ ಎಂದು ಪರಿಭಾವಿಸಬಾರದು ಎಂದು ವಿದ್ಯಾರ್ಥಿಗಳಿಗೆ ಕರೆ ನೀಡಿದರು.
ಸಭಾಧ್ಯಕ್ಷತೆಯನ್ನು ರೊ| ಕೆ.ಆರ್. ನಾೈಕ್ ಸೂಪರ್‍ಗ್ರೇಡ್ ಇಲೆಕ್ಟ್ರಿಕಲ್ ಕಂಟ್ರಾಕ್ಟರ್, ಮಾಜಿ ಅಧ್ಯಕ್ಷರು, ರೋಟರಿ ಕ್ಲಬ್ ಕುಂದಾಪುರ ಇವರು ನಿರ್ವಹಿಸಿ ಇಂತಹ ಪ್ರೇರಣಾ ಶಿಬಿರಗಳಲ್ಲಿ ಪೂರ್ಣ ರೀತಿಯಲ್ಲಿ ಬಳಸಿಕೊಂಡ ವಿದ್ಯಾರ್ಥಿಗಳು ಸೃಜನಶೀಲ ವ್ಯಕ್ತಿಗಳಾಗಿ ಸಮಾಜಕ್ಕೆ ಕೊಡುಗೆಯಾಗಿ ಬರುತ್ತಾರೆ. ಅದು ಸಂಗೀತ, ಹಾಡು, ಭರತನಾಟ್ಯ, ನಾಟಕ, ಯಕ್ಷಗಾನ, ಕರಕುಶಲ ಕಲೆ ಹೀಗೆ ಅನೇಕ ಹವ್ಯಾಸಗಳು ಅದರದ್ದೇ ಆದ ಪರಿಶ್ರಮದಿಂದ ಮಾನ್ಯತೆ ಸಿಗುತ್ತದೆ. ಹಾಗೆಯೇ ಅವರ ವ್ಯಕ್ತಿತ್ವ ರೂಪಿಸುವಲ್ಲಿ ನಾವೆಲ್ಲರೂ ಸದಾ ಕ್ರಿಯಾಶೀಲರಾಗಬೇಕೆಂದು ಕರೆ ನೀಡಿದರು.
ಸಭೆಯಲ್ಲಿ ತಾರನಾಥ ಶೆಟ್ಟಿ, ಅಧ್ಯಕ್ಷರು, ಫಾರ್ಚೂನ್ ಅಕಾಡೆಮಿ ಆಫ್ ಹೆಲ್ತ್ ಸೈನ್ಸ್ ಮಾಬುಕಳ ಹಾಗೂ ಮೋಹನ್ ಪ್ರಾಂಶುಪಾಲರು, ಆಶ್ರಿತ್ ಸ್ಕೂಲ್ & ಕಾಲೇಜ್ ಆಫ್ ನರ್ಸಿಂಗ್, ಕೋಟ ಸಂಪನ್ಮೂಲ ವ್ಯಕ್ತಿ ಚಿರಂಜನ್ ಕೆ. ಶೇರಿಗಾರ್, ವಾಣಿಜ್ಯ ಉಪನ್ಯಾಸಕರು, ಕ್ರಾಸ್‍ಲ್ಯಾಂಡ್ ಕಾಲೇಜು, ಬ್ರಹ್ಮಾವರ, ಕಲಾಕುಸುಮ ಪ್ರಶಸ್ತಿ ಪುರಸ್ಕøತರಾದ ಅಬ್ದುಲ್ ರವೂಫ್, ಮುಖ್ಯ ಶಿಕ್ಷಕರು ಹೆಸ್ಕುತ್ತೂರು ಸರಕಾರಿ ಪ್ರೌಢಶಾಲೆ, ಕುಂದಾಪುರ ವಲಯ, ಅಭಿವೃದ್ಧಿ ಸಂಸ್ಥೆ (ರಿ.), ಬಾಳ್ಕುದ್ರು ಹಂಗಾರಕಟ್ಟೆ ಇದರ ಕಾರ್ಯದರ್ಶಿ ರಮೇಶ್ ವಕ್ವಾಡಿ ವೇದಿಕೆಯಲ್ಲಿ ಉಪಸ್ಥಿತರಿದ್ದರು. ಕು| ಅನಿಷಾ ಬಾಯರಿ ಪೇತ್ರಿ ನಿರೂಪಿಸಿ ರಮೇಶ್ ವಕ್ವಾಡಿ ಸ್ವಾಗತಿಸಿ ಪ್ರಸ್ತಾವಿಕವಾಗಿ ಮಾತನಾಡಿದರು. ಸುಮಾರು 283 ನರ್ಸಿಂಗ್ ವಿದ್ಯಾರ್ಥಿಗಳು ಭಾಗವಹಿಸಿ ಪ್ರಯೋಜನ ಪಡೆದರು.

ಉಡುಪಿ; 113 ವರ್ಷಗಳ ಇತಿಹಾಸವಿರುವ ಎಂ.ಸಿ.ಸಿ. ಬ್ಯಾಂಕಿನ 19ನೇ ಶಾಖೆಯು ಬೆಳ್ಮಣ್‌ ಮುಖ್ಯ ರಸ್ತೆಯ ಎಲ್ವಿನ್‌ ಟವರ್ಸ್ಗ ನೆಲಮಹಡಿಯಲ್ಲಿ 2025, ಮಾರ್ಚ್‌ 2ರಂದು ನೂತನ ಶಾಖೆಯನ್ನು ಕರ್ನಾಟಕ ವಿಧಾನ ಪರಿಷತ್‌ನ ಶಾಸಕ ಶ್ರೀ ಐವನ್‌ ಡಿಸೋಜ ಉದ್ಭಾಟಿಸಿದರು. ಬ್ಯಾಂಕಿನ ಅಧ್ಯಕ್ಷರಾದ ಸಹಕಾರ ರತ್ನ ಶ್ರೀ ಅನಿಲ್‌ ಲೋಬೊ ಅತಿಥಿಗಳೊಂದಿಗೆ ದೀಷ ಬೆಳಗಿಸಿದರು. ನೂತನ ಶಾಖೆಯನ್ನು ಸಂತ ಜೋಸೆಫ್‌ ಚರ್ಚ್‌ ಬೆಳ್ಮಣ್‌ನ ಧರ್ಮಗುರು ವಂ. ಫಾ| ಫೆಡ್ರಿಕ್‌ ಮಸ್ಕರೆನ್ಟಸ್‌ ಆಶೀರ್ವದಿಸಿದರು.
ಭದ್ರತಾ ಕೊಠಡಿಯನ್ನು ದಾಯ್ದಿವಲ್ವ್‌ ಮೀಡಿಯಾ ಪ್ರೆಕ. ಲಿ. ಇದರ ಸಂಸ್ಥಾಪಕರಾದ ಶ್ರೀ ವಾಲ್ಟರ್‌ ನಂದಳಿಕೆ ಉದ್ರಾಟಿಸಿದರು. ಇ-ಸ್ಟಾಂಪಿಸಿಗ್‌ ವ್ಯವಸ್ಥೆಯನ್ನು ಬೆಳ್ಮಣ್‌ ಗ್ರಾಮ ಪಂಚಾಯತ್‌ ಅಥಕ್ಷರಾದ ಶ್ರೀಮತಿ ರಾಮೇಶ್ವರಿ ಎಮ್‌. ಶೆಟ್ಟಿ ಉದ್ಯಾಟಿಸಿದರು. ಅನಿವಾಸಿ ಉಧ್ಯಮಿ ಶ್ರೀ ರೋನ್‌ ರೊಡ್ರಿಗಸ್‌ ವೇದಿಕೆಯಲ್ಲಿ ಉಪಸ್ಥಿತರಿದ್ದರು.
ಸಭಾ ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ಸಹಕಾರ ರತ್ನ ಶ್ರೀ ಅನಿಲ್‌ ಲೋಬೊ ವಹಿಸಿದ್ದರು. ಸಹಕಾರ ರತ್ನ ಶ್ರೀ ಅನಿಲ್‌ ಲೋಬೊ. ತಮ್ಮ ಅಧ್ಯಕ್ಷೀಯ ಭಾಷಣದಲ್ಲಿ ಬ್ಯಾಂಕಿನ ಸೇವೆ ಮತ್ತು ಸೌಲಭ್ಯಗಳನ್ನು ಪರಿಚಯಿಸಲು ಬೆಳ್ಮಣ್‌ ಪರಿಸರದಲ್ಲಿ ಬ್ಯಾಂಕಿನ ಸಿಬ್ಬಂದಿಗಳು ಭೇಟಿ ಮಾಡಿದ ಸಂದರ್ಭದಲ್ಲಿ ಬೆಳ್ಮಣ್‌ ಪರಿಸರದ ಜನರು ನೀಡಿದ ಸ್ವಾಗತ, ಸಹಕಾರ ಮತ್ತು ಬೆಂಬಲಕ್ಕಾಗಿ ವಂದನೆಗಳನ್ನು ಸಲ್ಲಿಸಿದರು. ಬೆಳ್ಮಣ್‌ ಶಾಖೆಯು ಪ್ರಾರಂಭವಾದ ಒಂದು ವರ್ಷದೊಳಗೆ ಅಭಿವ್ರದ್ಧಿ ಹೊಂದಲು ಮತ್ತು ಸಮಾಜಕ್ಕೆ ಸೇವೆ. ಸಲ್ಲಿಸಲು ಸಹಕಾರ ಮತ್ತು ಬೆಂಬಲವನ್ನು ಕೋರಿದರು. ಇತರ ಖಾಸಗಿ ಮತ್ತು ವಾಣಿಜ್ಯ ಬ್ಯಾಂಕುಗಳು ನೀಡುವ ಎಲ್ಲಾ ಸೇವೆಗಳನ್ನು ಎಂ.ಸಿ.ಸಿ. ಬ್ಯಾಂಕ್‌ ಒದಗಿಸುತ್ತದೆ. ಮುಂದಿನ ದಿನಗಳಲ್ಲಿ ಗೂಗಲ್‌ ಪೇ ಮತ್ತು ಯುಪಿಐ ಪಾವತಿಗಳಂತಹ ಡಿಜಿಟಲ್‌ ಬ್ಯಾಂಕಿಸಿಗ್‌ ಸೌಲಭ್ಯಗಳನ್ನು ಬ್ಯಾಂಕ್‌ ಶೀಘ್ರವೇ ಪರಿಚಯಿಸಲಿದೆ ಎಂದು ವಿವರಿಸಿದರು. ಬ್ಯಾಂಕಿನ ಪ್ರಗತಿಯೇ ನಮ್ಮ. ಆಡಳಿತ ಮಂಡಳಿಯ ಗುರಿಯಾಗಿದ್ದು, ಯಾವುದೇ ಅಡೆತಡೆಗಳು ಬಂದರೂ ಜಗ್ಗದೆ, ಬಗ್ಗದೆ, ಕುಗ್ಗದೆ ಮತ್ತು ಹಿಂದೆ ನೋಡದೆ. ಬ್ಯಾಂಕಿನ ಪ್ರಗತಿಗಾಗಿ ಹಗಲಿರುಳು ದುಡಿಯುವುದು ಮತ್ತು ಮುನ್ನಡೆಯವುದು ನಮ್ಮೆಲ್ಲರ ಧ್ಯೇಯವಾಗಿದೆ. ಕಾರ್ಯಕ್ರಮಕ್ಕೆ ಹೆಚ್ಚಿನ ಸಂಖ್ಯೆಯಲ್ಲಿ ಆಗಮಿಸಿ, ಯಶಸ್ವಿಗೊಳಿಸಿದ್ದಕ್ಕಾಗಿ ಧನ್ಯವಾದಗಳನ್ನು ಅರ್ಪಿಸಿ ಮುಂದಿನ. ದಿನಗಳಲ್ಲಿ ಬ್ಯಾಂಕಿನ ಬೆಳವಣಿಗೆಗೆ ಸಹಕಾರ ಮತು ಬೆಂಬಲವನ್ನು ಕೋರಿದರು.
ನೂತನ ಶಾಖೆಯನ್ನು ಆಶೀರ್ವಚನಗೈದು ಮಾತನಾಡಿದ ವಂ. ಫಾ| ಫ್ರೆಡ್ರಿಕ್‌ ಮಸ್ಕರೆನ್ಹಸ್‌ ಬೆಳ್ಮಣ್‌ನಲ್ಲಿ ನೂತನ ಶಾಖೆಯನ್ನು ಆರಂಭಿಸಿ ಗ್ರಾಹಕ ಸ್ನೇಹಿ ವಾತವಾರಣವನ್ನು ಒದಗಿಸಿದ ಬ್ಯಾಂಕಿನ ಆಡಳಿತ ಮಂಡಳಿ ಮತ್ತು ಸಿಬ್ಬಂದಿಯನ್ನು ಅಭಿನಂದಿಸುತ್ತಾ. ಬ್ಯಾಂಕಿನ ಮುಂದಿನ ಯೋಜನೆಗಳಿಗೆ ಆಶೀರ್ವಾದವನ್ನು ಕೋರಿ ಸಮಾಜದಲ್ಲಿ ವಿಶೇಷವಾಗಿ ಬಡವರು ಮತ್ತು ಕೆಳವರ್ಗದ ಜನರಿಗೆ ಬ್ಯಾಂಕ್‌ ಸಹಕಾರ ಸಿಗಲಿ ಹಾರೈಸಿದರು.
ಬೆಳ್ಮಣ್‌ ಪರಿಸರದಲ್ಲಿ ಸಾಮಾಜಿಕ ಕಳಕಳಿಯೊಂದಿಗೆ  ಕಾರ್ಯಾಚರಿಸುತ್ತಿರುವ ಹ್ಯೂಮಾನಿಟಿ ಟ್ರಸ್ಟ್‌(ರಿ) ಮತ್ತು ದೇವ್‌ದಿತಾ ಚಾರಿಟೇಬಲ್‌ ಆಂಡ್‌ ವೇಲ್ಟೇರ್‌ ಟ್ರಸ್ಟ್‌ ಇದರ ಮುಖ್ಯಸ್ಥರಿಗೆ ಬ್ಯಾಂಕಿನ ದತ್ತ ನಿಧಿಯಿಂದ ಸಹಾಯಧನವನ್ನು ವಿತರಿಸಲಾಯಿತು.
ಈ ಸಂಧರ್ಭದಲ್ಲಿ ಮಾತನಾಡಿದ ಎಂ ಎಲ್ ಸಿ ಶ್ರೀ ಐವನ್‌ ಡಿಸೋಜರವರು ಬೆಳ್ಮಣ್‌ನಲ್ಲಿ ಹೊಸ ಶಾಖೆಯನ್ನು ತೆರೆದಿರುವ ಬ್ಯಾಂಕಿಗೆ ಅಭಿನಂದನೆ ಸಲ್ಲಿಸಿದರು. ಬ್ಯಾಂಕ್‌ ವಿಶ್ವಾಸದಿಂದ ನಡೆಯುತ್ತಿದೆ. ಬೆಳ್ಮಣ್‌ನ ಜನತೆ ಎಂ.ಸಿ.ಸಿ. ಬ್ಯಾಂಕಿನ ಶಾಖೆಗಾಗಿ ಕಾಯುತ್ತಿದ್ದು, ಶಾಖೆಯನ್ನು ಆರಂಭಿಸಿದ ಬ್ಯಾಂಕಿನ ಅಧ್ಯಕ್ಷ ಮತ್ತು ಆಡಳಿತ ಮಂಡಳಿಗೆ ಶುಭ ಹಾರೈಸಿದರು.
ಈ ಸಂದರ್ಭದಲ್ಲಿ ಬ್ಯಾಂಕು ಕ್ರಿಸ್ಮಸ್‌ ಸಂಧರ್ಭದಲ್ಲಿ ಆಯೋಜಿಸಿದ ಫೊಟೊ ಸ್ಪರ್ಧೆಯಲ್ಲಿ ವಿಜೇತರಾದವರಿಗೆ ಬಹುಮಾನವನ್ನು ವಿತರಿಸಿ, ಬ್ಯಾಂಕಿನ ಅಧ್ಯಕ್ಷರ ಕಾರ್ಯವೈಖರಿಯನ್ನು ಶ್ಲಾಘಿಸಿ ಶುಭ ಕೋರಿದರು.
ಬೆಳ್ಮಣ್‌ ಗ್ರಾಮ ಪಂಚಾಯತ್‌ ಅಧ್ಯಕ್ಷರಾದ ಕ್ರೀಮತಿ ರಾಮೇಶ್ವರಿ ಎಂ. ಶೆಟ್ಟಿಯವರು ಶುಭ. ಹಾರೈಸಿದರು. ವಿವಿಧ ಕ್ಷೇತ್ರಗಳಲ್ಲಿ ಸಾಧನೆಗೈದ ಸಾಧಕರಾದ ಮಾಸ್ಟರ್‌ ಉದ್ಭವ್‌ ಜಿ. ದೇವಾಡಿಗ, ನವೀನ್‌ ಶೆಣೈ (ಹ್ಯೂಮನಿಟಿ ಟ್ರಸ್ಟ್‌) ಅಕ್ಕತಾ ಪೂಜಾರಿ ಬೋಳ, ಜಿತೇಂದ್ರ ಪುರ್ಟಾಡೊ, ರೆಮೆಡಿಯಾ ಡಿಸೋಜಾ. ಕಟ್ಟಡ ಮ್ಹಾಲಿಕರಾದ ಶ್ರೀ ಎಡ್ವರ್ಡ್‌ ಮಿಸ್ಕಿತ್‌ ಮತ್ತು ಇಂಜೀನಿಯರ್‌ ಶ್ರೀ ಕಾರ್ತಿಕ್‌ ಕಿರಣ್‌, ಶಿರ್ವ ಶಾಖೆಯ ಅತ್ತುತ್ತಮ ಗ್ರಾಹಕ ಕ್ರೀ ಫ್ರಾನ್ಸಿಸ್‌ ಡಿಸೋಜ ಮತ್ತು ನೂತನ ಶಾಖೆಯಲ್ಲಿ ಖಾತೆಯನ್ನು ಆರಂಭಿಸಿದ ಗ್ರಾಹಕರನ್ನು ಈ ಇವರನ್ನು ಸನ್ಮಾನಿಸಲಾಯಿತು. ಬೆಳ್ಮಣ್‌ ಗ್ರಾಮ ಪಂಚಾಯತ್‌ ಅಧ್ಯಕ್ಷರಾದ ಶ್ರೀಮತಿ ರಾಮೇಶ್ವರಿ ಎಂ. ಶೆಟ್ಟಿಯವರು ಸಾಂರ್ದಭಿಕವಾಗಿ ಮಾತನಾಡಿ ಶುಭ ಹಾರೈಸಿದರು. ನಿರ್ದೆಶಕರಾದ ಶ್ರೀ ಡೆವಿಡ್‌ ಡಿಸೋಜ, ಶ್ರೀ ಅನಿಲ್‌ ಪತ್ರಾವ, ಶ್ರೀ ಮೆಲ್ವಿನ್‌ ವಾಸ್‌, ಶ್ರೀ ರೋಶನ್‌ ಡಿಸೋಜ, ಡಾ| ಫ್ರೀಡಾ ಡಿಸೋಜ, ಡಾ| ಜೆರಾಲ್ಡ್‌ ಪಿಂಟೊ, ಶ್ರೀ ಎಲ್‌ರೊಯ್‌ ಕಿರಣ್‌ ಕ್ರಾಸ್ತೊ, ಶ್ರೀ ಜೆ.ಪಿ. ರೊಡ್ರಿಗಸ್‌, ಶ್ರೀ ಸಿ.ಜಿ.ಪಿಂಟೊ, ಶ್ರೀ ವಿನ್ಸೆಂಟ್‌. ಲಸ್ರಾದೊ, ಶ್ರೀ ಸುಶಾಂತ್‌ ಸಲ್ಪಾನ್ನಾ, ಶ್ರೀ ಆಲ್ವಿನ್‌ ಪಿ. ಮೊಂತೇರೊ, ಶ್ರೀಮತಿ ಶರ್ಮಿಳಾ ಮಿನೇಜಸ್‌, ಶ್ರೀ ಫೆಲಿಕ್ಸ್‌ ಡಿಕ್ರುಜ್‌, ಮಹಾಪ್ರಬಂಧಕರಾದ ಶ್ರೀ ಸುನಿಲ್‌ ಮಿನೇಜಸ್‌, ಬ್ರಹ್ಮಾವರ ಶಾಖೆಯ ಶ್ರೀ ಒವಿನ್ ರೆಬೆಲ್ಲೊ ಉಪಸ್ಥಿತರಿದ್ದರು.

     ಉಪಾಧ್ಯಕ್ಷರಾದ ಶ್ರೀ ಜೆರಾಲ್ಡ್‌ ಜೂಡ್‌ ಡಿಸಿಲ್ವಾ ಸ್ವಾಗತಿಸಿ, ಶಾಖಾ ವ್ಯವಸ್ಥಾಪಕಿ ಶ್ರೀಮತಿ ಶೈನಿ ಲಸ್ರಾದೊ ವಂದಿಸಿದರು. ಶ್ರೀ ಎಲ್ಲನ್‌ ಹಿರ್ಗಾನ್‌ ನಿರೂಪಿಸಿದರು.

ಬ್ರಹ್ಮಾವರ: ಬ್ರಹ್ಮಾವರ ತಾಲೂಕಿನ ಚಾಂತಾರು ಸಮೀಪ ಇಂದು ಬೈಕ್‌ ಮತ್ತು ಕಾರುಗಳ ನಡುವ ನಡೆದ ಭೀಕರ ರಸ್ತೆ ಅಪಘಾತದಲ್ಲಿ ಧಾರ್ಮಿಕ ಮುಂದಾಳು,ಉದಯವಾಣಿ ಪತ್ರಿಕಾ ವಿತರಕ ಬಾಲಚಂದ್ರ ಶೆಟ್ಟಿ ಯಾನೇ ಪೇಪರ್‌ ಬಾಲಣ್ಣ(61) ಸ್ಥಳದಲ್ಲೇ ಮೃತಪಟ್ಟಿದ್ದಾರೆ.
ಪೇತ್ರಿಯವರಾದ ‘ಬಾಲಣ್ಣ’ ಎಂದೇ ಪ್ರಖ್ಯಾತಿ ಹೊಂದಿದ್ದ ಬಾಲಚಂದ್ರ ಶೆಟ್ಟಿ, ತಮ್ಮ ಪತ್ನಿಯ ಮನೆಯಿಂದ ಹೇತ್ರಿಗೆ ಬೈಕಿನಲ್ಲಿ ಹೋಗುತ್ತಿದ್ದಾಗ ಚಾಂತಾರು ಸಮೀಪ ಕಾರು ಡಿಕ್ಕಿ ಹೊಡೆದಿದ್ದು ಸ್ಥಳದಲ್ಲೇ ಮೃತಪಟ್ಟಿದ್ದಾರೆ.

ಭಜನಾ ಮಂಡಳಿಗಳಲ್ಲಿ ಸಕ್ರಿಯರಾಗಿ, ಕನ್ಹಾರು ಭಜನಾ ಮಂಡಳಿಯ ಮುಂದಾಳಾಗಿದ್ದ ಬಾಲಚಂದ್ರ ಶೆಟ್ಟಿಯವರು ಉದಯವಾಣಿಯ ಪತ್ರಿಕಾ ವಿತರಕರಾಗಿ ಕಾರ್ಯ ನಿರ್ವಹಿಸುತ್ತಿದ್ದರು.

ಡಾ| ರಂಜಿತ್ ಕುಮಾರ್ ಶೆಟ್ಟಿಯವರ ಬರವಣಿಗೆ ಇಷ್ಟವಾಗಲು ಅವರು ಜೀವನದಲ್ಲಿ ಪಡೆದ ಅನುಭವವನ್ನೇ ಸ್ವಾರಸ್ಯಕರ ಶೈಲಿಯಲ್ಲಿ ಬರೆಯುವುದು. ಹಾಗಾಗಿ ಅವರ ನೆನಪಿನಾಳದಲ್ಲಿ, 20 ಕಥೆಗಳು, ಜಯಂತಣ್ಣನಿಗಾಗಿ ಕಾದಂಬರಿ ಓದುಗರಿಗೆ ಇಷ್ಟವಾಯಿತು. ಆದರೆ ಹೊಸತನದ ಕಥೆಯೊಂದಿಗೆ ಹೀಗೂ ಕಾದಂಬರಿ ಬರೆಯಬಹುದು ಎಂದು “Jolly ಮತ್ತು ಅಪ್ಪು” ಕೃತಿಯಿಂದ ತೋರಿಸಿ ಕೊಟ್ಟಿದ್ದಾರೆ. ಕೊನೆಯ ಸಾಲುಗಳನ್ನು ಓದಿ ಮುಗಿಸುವಾಗ ಎದೆ ಭಾರವಾಗುತ್ತದೆ. ಅವರು ಕೃತಿ ರಚನೆ ನನ್ನ ಮತ್ತು ಸಹಪಾಠಿಗಳ ಪ್ರೇರಣೆ ಇತ್ತು ಎಂದು ಹೇಳುವುದು ಅವರ ವ್ಯಕ್ತಿತ್ವದ ದೊಡ್ಡತನ” ಎಂದು ಖ್ಯಾತ ಪ್ರಸೂತಿ ತಜ್ಞ ಮಣಿಪಾಲದ ಸೋನಿಯಾ ಆಸ್ಪತ್ರೆಯ ಡಾ| ಗಿರಿಜಾ ರಾವ್ ಹೇಳಿದರು.
ಡಾ| ರಂಜಿತ್ ಕುಮಾರ್ ಶೆಟ್ಟಿಯವರ ““Jolly ಮತ್ತು ಅಪ್ಪು” ಕಾದಂಬರಿಯನ್ನು ಬಿಡುಗಡೆಗೊಳಿಸುತ್ತಾ ಅವರು ಮಾತನಾಡಿದರು.
ಭಂಡಾರ್‍ಕಾರ್ಸ್ ಕಾಲೇಜಿನ ಆರ್. ಎನ್. ಶೆಟ್ಟಿ ಸಭಾಂಗಣದಲ್ಲಿ ನಡೆದ ಡಾ| ರಂಜಿತ್ ಕುಮಾರ್ ಶೆಟ್ಟಿಯವರ ಮೂರು ಕೃತಿಗಳ ಬಿಡುಗಡೆ ಸಮಾರಂಭವನ್ನು ಅವರು ದೀಪ ಬೆಳಗಿಸಿ ಉದ್ಘಾಟಿಸಿದರು.
ಸಂವಹನದ ಕೊರತೆ ಮತ್ತು ಪರಸ್ಪರ ಅಪನಂಬಿಕೆ ಡಾಕ್ಟರು ಮತ್ತು ರೋಗಿಗಳ ಸಂಬಂಧ ಕೆಡಲು ಕಾರಣ. ಜನರು ವೈದ್ಯರ ಮೇಲೆ ವಿಶ್ವಾಸವಿಡಬೇಕು. ಗೌರವದ ನಡವಳಿಕೆ ಇರಬೇಕು. ವೈದ್ಯರ ಸೇವೆಯ ವಿಷಯದಲ್ಲಿ ಎಂದೂ ಅಪ್ರಾಮಾಣಿಕರಾಗಿರಬಾರದು. ವೈದ್ಯಕೀಯ ಸೇವೆಯ ಒತ್ತಡದಲ್ಲಿ ರೋಗಿಗಳ ಪೋಷಕರಿಂದ ಬೆಂಬಲವನ್ನು ಪ್ರಾಮಾಣಿಕ ವೈದ್ಯರು ನಿರೀಕ್ಷಿಸುತ್ತಾರೆ.” ಎಂದು ಅವರು ಹೇಳಿ ಡಾ| ರಂಜಿತರ ಕೃತಿಗಳು ವೈದ್ಯಲೋಕದ ಚಿತ್ರಣ ತೆರೆದಿಟ್ಟಿದೆ ಎಂದರು.
ಡಾ| ರಂಜಿತ್ ಕುಮಾರ್ ಅವರ ಜನಪ್ರಿಯ ಕಥೆಗಳ ಗುಚ್ಚ 10+10=20 ಕಥೆಗಳು ಕೃತಿಯನ್ನು ಓಕವುಡ್ ಶಿಕ್ಷಣ ಸಂಸ್ಥೆಯ ಆಡಳಿತ ನಿರ್ದೇಶಕರಾದ ಶ್ರೀಮತಿ ನೀತಾ ಎ. ಶೆಟ್ಟಿ ಬಿಡುಗಡೆ ಮಾಡಿದರು.
ಡಾ| ರಂಜಿತ್ ಕುಮಾರ್ ಅವರ ಪ್ರತಿಯೊಂದು ಕಥೆಗಳು ಬೇರೆ ವಿದ್ಯಮಾನಗಳನ್ನು ವಿವರಿಸುವುದರಿಂದ ಅವರ ಎಲ್ಲ ಬರಹಗಳು ಇಷ್ಟವಾಗುತ್ತವೆ. ಅವರ ಜೀವನದ ಅನುಭವಗಳ ವಿಷಯವೇ ಓದುವುದರಿಂದ ನಮಗೆ ಸಮಾಜದ ಎಲ್ಲಾ ಮುಖಗಳ ಪರಿಚಯವಾಗುತ್ತದೆ. ಒಂದು ಶಿಕ್ಷಣ ಸಂಸ್ಥೆಯನ್ನು ನಡೆಸುವ ನಾವು ಪೋಷಕರಿಗೆ ಮಕ್ಕಳ ವ್ಯಕ್ತಿತ್ವ ವಿಕಸನವಾಗುವಂತಹ ಆಸಕ್ತಿಯನ್ನು ಮಕ್ಕಳಲ್ಲಿ ಬೆಳೆಸಿ ಎನ್ನುತ್ತೇವೆ” ಎಂದು ಅವರು ಡಾ| ರಂಜಿತ್ ಕುಮಾರ್ ಶೆಟ್ಟಿಯವರನ್ನು ಅಭಿನಂದಿಸಿದರು.
“ನೆನಪಿನಾಳದಿಂದ” ಕೃತಿಯನ್ನು ಹಿರಿಯ ಜ್ಯೋತಿಷಿ, ಸಾಮಾಜಿಕ ಧುರೀಣ, ಖ್ಯಾತ ಚಿತ್ರ ನಿರ್ದೇಶಕ ರಿಷಬ್ ಶೆಟ್ಟಿಯವರ ತಂದೆ ಭಾಸ್ಕರ ಶೆಟ್ಟಿ ಬಿಡುಗಡೆಗೊಳಿಸಿದರು.
ಮೂರು ಕೃತಿಗಳ ಬಿಡುಗಡೆ ಕಾರ್ಯಕ್ರಮದಲ್ಲಿ “ರೂಪಕಲಾ” ಮೂರು ಮುತ್ತು ಕಲಾವಿದರಾದ ಸತೀಶ ಪೈ ಮತ್ತು ಸಂತೋಷ ಪೈ ಅವರ ಪ್ರಹಸನ ಬಹಳ ಖುಷಿ ನೀಡಿತು.
ಲೇಖಕಿ ಶ್ರೀಮತಿ ಕಾತ್ಯಾಯಿನಿ ಕುಂಜಿಬೆಟ್ಟು ಮೂರು ಕೃತಿಗಳ ಬಗ್ಗೆ ಮಾತನಾಡಿ, “ಮೂರು ಕೃತಿಗಳು ಸಾಹಿತ್ಯ ಲೋಕಕ್ಕೆ ಅಮೂಲ್ಯ ಕೊಡುಗೆ” ಎಂದರು.
‘ಕುಂದಪ್ರಭ’ ಸಂಸ್ಥೆಯ ಅಧ್ಯಕ್ಷ ಯು. ಎಸ್. ಶೆಣೈ ಸ್ವಾಗತಿಸಿದರು. ಡಾ| ರಂಜಿತ್ ಕುಮಾರ್ ಶೆಟ್ಟಿ ಪ್ರಾಸ್ತಾವಿಕ ಮಾತನಾಡಿ, ‘ಬದುಕಿನಲ್ಲಿ ಅವರಿಗೆ ದೊರೆತ ಜೀವನಾನುಭವದ ಪಾಠ ವಿವರಿಸಿದರು.
ಡಾ| ರಂಜಿತ್ ಕುಮಾರ್ ಶೆಟ್ಟಿಯವರ ಐದು ದಶಕಗಳ ಹಿಂದಿನ ವೈದ್ಯ ಸಹಪಾಠಿಗಳು ಅವರನ್ನು ಸನ್ಮಾನಿಸಿ ಗೌರವಿಸಿದರು. ಡಾ| ಗಣೇಶ ಪೈ ಮಣಿಪಾಲ ಶುಭ ಹಾರೈಸಿದರು.
ಭಂಡಾರ್‍ಕಾರ್ಸ್ ಕಾಲೇಜಿನ ವಿಶ್ವಸ್ಥರು, ಪ್ರಾಂಶುಪಾಲರು, ಕಾಲೇಜಿನ ಆಡಳಿತ ಮಂಡಳಿ ಸದಸ್ಯರೂ ಆಗಿರುವ ಡಾ| ರಂಜಿತ್ ಕುಮಾರ್ ಶೆಟ್ಟಿಯವರನ್ನು ಗೌರವಿಸಿದರು. ಕೆ. ಶಾಂತಾರಾಮ ಪ್ರಭು, ಪ್ರಕಾಶ ಸೋನ್ಸ್ ಕಾಲೇಜಿನ ಪರವಾಗಿ ಶುಭ ಹಾರೈಸಿದರು. ವೈದ್ಯರಾದ ಡಾ| ಪ್ರಕಾಶ ಕಾಮತ್, ಡಾ| ಸಂಧ್ಯಾ ಅಡಿಗ, ಡಾ| ವಿವೇಕ ಶೆಟ್ಟಿ, ಡಾ| ರಮೇಶ ಶೆಟ್ಟಿ ಹಾಗೂ ಕು| ಅನಿಕಾ, ಕು| ಶಿಪ್ರ ಚಾತ್ರ, ಶ್ರೀಮತಿ ಪಾರ್ವತಿ ಶುಶ್ರಾವ್ಯವಾದ ಗೀತೆಗಳನ್ನು ಹಾಡಿದರು. ಶ್ರೀಮತಿ ಜ್ಯೋತಿ ಸಾಲಿಗ್ರಾಮ ಹಾಗೂ ಶ್ರೀಮತಿ ರೋಹಿಣಿ ಶರಣ್ ಸಂವಹನ ಕಾರ್ಯಕ್ರಮ ನಡೆಸಿಕೊಟ್ಟರು.
ತೆಂಕ ನಿಡಿಯೂರು ಪ. ಪೂ. ಕಾಲೇಜಿನ ಪ್ರಾಂಶುಪಾಲ ವಿಶ್ವನಾಥ ಕರಬ ಕಾರ್ಯಕ್ರಮ ನಿರೂಪಿಸಿದರು. ಶ್ರೀಮತಿ ಬೀನಾ ರಂಜಿತ್ ಕುಮಾರ್ ಶೆಟ್ಟಿ ಧನ್ಯವಾದ ಅರ್ಪಿಸಿದರು.

ಸಂತೇಕಟ್ಟೆಯ ಮೌಂಟ್ ರೋಸರಿ ಚರ್ಚ್, ‘ಬೈಬಲ್ ಗಾಜವ್ಣಿ’ (ಇಡೀ ದಿನ ಬೈಬಲ್ ಘೋಷಣೆ) ಭಾನುವಾರ, ಮಾರ್ಚ್ 2, 2025 ರಂದು ಬೆಳಿಗ್ಗೆ 7:30 ರಿಂದ ಸಂಜೆ 6:00 ರವರೆಗೆ ನಡೆದಾಗ, ನಂಬಿಕೆ ಮತ್ತು ಭಕ್ತಿಯ ಆಳವಾದ ದಿನಕ್ಕೆ ಸಾಕ್ಷಿಯಾಯಿತು. ಆಧ್ಯಾತ್ಮಿಕವಾಗಿ ಸಮೃದ್ಧಗೊಳಿಸುವ ಈ ಕಾರ್ಯಕ್ರಮವು ಪಾದ್ರಿಗಳು, ಪ್ಯಾರಿಷ್ ನಾಯಕರು ಮತ್ತು ನಿಷ್ಠಾವಂತರನ್ನು ಒಟ್ಟುಗೂಡಿಸಿ ‘ದೇವರ ವಾಕ್ಯ’ವನ್ನು ಭಕ್ತಿ ಮತ್ತು ಸಮರ್ಪಣೆಯೊಂದಿಗೆ ಘೋಷಿಸಲು ಸಾಮೂಹಿಕ ಪ್ರಯತ್ನ ಮಾಡಿತು.
ದಿನವು ಗಂಭೀರ ಮೆರವಣಿಗೆಯೊಂದಿಗೆ ಪ್ರಾರಂಭವಾಯಿತು, ಅಲ್ಲಿ ಪುರೋಹಿತರು, ಬೈಬಲ್ ಆಯೋಗದ ಸಂಚಾಲಕಿ ಶ್ರೀಮತಿ ಸಿಂಥಿಯಾ ಡಿಸಿಲ್ವಾ ಮತ್ತು ಚರ್ಚ್ ಸಾಮಾನ್ಯ ನಾಯಕತ್ವವು ಬೈಬಲ್ ಅನ್ನು ಭಕ್ತಿಯಿಂದ ಬಲಿಪೀಠಕ್ಕೆ ಕೊಂಡೊಯ್ದರು. ಪವಿತ್ರ ಗ್ರಂಥದ ಮೂರು ಮಹತ್ವದ ಭಾಗಗಳನ್ನು ಘೋಷಿಸಲು ವ್ಯವಸ್ಥಿತ ವೇಳಾಪಟ್ಟಿಯೊಂದಿಗೆ ಈ ಕಾರ್ಯಕ್ರಮವನ್ನು ನಿಖರವಾಗಿ ಯೋಜಿಸಲಾಗಿತ್ತು:
ವಿಮೋಚನಕಾಂಡದ ಪುಸ್ತಕ
ಸೇಂಟ್ ಮ್ಯಾಥ್ಯೂ ಪ್ರಕಾರ ಸುವಾರ್ತೆ
ರೋಮನ್ನರಿಗೆ ಸೇಂಟ್ ಪೌಲನ ಪತ್ರ
ಇವುಗಳನ್ನು ಮೂರು ಅವಧಿಗಳಾಗಿ ವಿಂಗಡಿಸಲಾಯಿತು, ಸುಮಾರು 60 ತರಬೇತಿ ಪಡೆದ ಓದುಗರಿಂದ ಸುಗಮ ಮತ್ತು ಅರ್ಥಪೂರ್ಣ ಘೋಷಣೆಯನ್ನು ಖಚಿತಪಡಿಸಲಾಯಿತು. ಧರ್ಮಗ್ರಂಥಗಳ ಓದುವಿಕೆಯು ಕೀರ್ತನೆಗಳ ಹಾಡುವಿಕೆಯಿಂದ ಪೂರಕವಾಗಿತ್ತು, ಇದು ಸಭೆಗೆ ಆಧ್ಯಾತ್ಮಿಕ ಅನುಭವವನ್ನು ಹೆಚ್ಚಿಸಿತು.
ಈ ಕಾರ್ಯಕ್ರಮದ ಗಮನಾರ್ಹ ಅಂಶವೆಂದರೆ 18 ವಾರ್ಡ್ ಗುರ್ಕಾರ್‌ಗಳ ಸಕ್ರಿಯ ಭಾಗವಹಿಸುವಿಕೆ, ಅವರು ತಲಾ ಮೂರರಿಂದ ನಾಲ್ಕು ಓದುಗರ ತಂಡಗಳನ್ನು ಎಚ್ಚರಿಕೆಯಿಂದ ಆಯ್ಕೆ ಮಾಡಿದರು ಮತ್ತು ಭಕ್ತಿ ಮತ್ತು ಸ್ಪಷ್ಟತೆಯೊಂದಿಗೆ ವಾಕ್ಯವನ್ನು ಘೋಷಿಸುವ ಜವಾಬ್ದಾರಿಯನ್ನು ವಹಿಸಿಕೊಂಡರು. ಅವರ ಬದ್ಧತೆಯು ಧರ್ಮಗ್ರಂಥಗಳ ಸಂದೇಶವು ಹಾಜರಿದ್ದ ಎಲ್ಲರೊಂದಿಗೆ ಆಳವಾಗಿ ಪ್ರತಿಧ್ವನಿಸುವುದನ್ನು ಖಚಿತಪಡಿಸಿತು.

ಮಧ್ಯಾಹ್ನ 1:00 ಗಂಟೆಗೆ, ಒಂದು ಸಣ್ಣ ವಿರಾಮವನ್ನು ಆಚರಿಸಲಾಯಿತು, ಅಲ್ಲಿ ಹಾಜರಿದ್ದವರಿಗೆ ನಮ್ರತೆ ಮತ್ತು ಸಹಭಾಗಿತ್ವದ ಮನೋಭಾವವನ್ನು ಪ್ರತಿಬಿಂಬಿಸುವ ಬ್ರೆಡ್ ಮತ್ತು ತಂಪು ಪಾನೀಯಗಳ ಸರಳ ಆದರೆ ಸಾಂಕೇತಿಕ ಊಟವನ್ನು ನೀಡಲಾಯಿತು.
ಘೋಷಣೆಯ ದಿನವು ಮುಗಿಯುತ್ತಿದ್ದಂತೆ, ಪವಿತ್ರ ಯೂಕರಿಸ್ಟ್ ಅನ್ನು ಸಂಜೆ 4:30 ಕ್ಕೆ ಸಹಾಯಕ ಪ್ಯಾರಿಷ್ ಫಾದರ್ ರೆವರೆಂಡ್ ಆಲಿವರ್ ನಜರೆತ್ ಅವರು ಸಭೆಗೆ ಕೃತಜ್ಞತೆ ಮತ್ತು ಆಧ್ಯಾತ್ಮಿಕ ಪೋಷಣೆಯನ್ನು ನೀಡಿದರು.

ಸಂಜೆ 5:15 ಕ್ಕೆ ಪವಿತ್ರ ಶಿಲುಬೆಯನ್ನು ಅಳವಡಿಸಿಕೊಳ್ಳುವುದರೊಂದಿಗೆ ಮಹತ್ವದ ಮತ್ತು ಭಾವನಾತ್ಮಕ ಕ್ಷಣವೊಂದು ನಡೆಯಿತು. 18 ವಾರ್ಡ್ ನಾಯಕರು ತಮ್ಮ ತಮ್ಮ ಶಿಲುಬೆಗಳನ್ನು ಉನ್ನತ ಬಲಿಪೀಠಕ್ಕೆ ತಂದರು. ಅಲ್ಲಿ ಅವರು ಗಂಭೀರ ಸಮಾರಂಭದಲ್ಲಿ ಆಶೀರ್ವದಿಸಲ್ಪಟ್ಟರು. ಪ್ಯಾರಿಷ್ ಪಾದರ್ ರೆವರೆಂಡ್ ಡಾ. ರೋಕ್ ಡಿ’ಸೋಜಾ ಅವರು ಸ್ಪೂರ್ತಿದಾಯಕ ಸಂದೇಶವನ್ನು ನೀಡಿದರು, ಶಿಲುಬೆಯನ್ನು ಕ್ರಿಶ್ಚಿಯನ್ ಜೀವನದ ಅವಿಭಾಜ್ಯ ಅಂಗವೆಂದು ಒತ್ತಿ ಹೇಳಿದರು ಮತ್ತು ನಂಬಿಗಸ್ತರು ತಮ್ಮ ದೈನಂದಿನ ನಂಬಿಕೆಯ ಪ್ರಯಾಣದಲ್ಲಿ ಅದರಿಂದ ಶಕ್ತಿ ಮತ್ತು ಸ್ಫೂರ್ತಿಯನ್ನು ಪಡೆಯಬೇಕೆಂದು ಒತ್ತಾಯಿಸಿದರು.

ಬೈಬಲ್ ಗಜಾವ್ಣಿ 2025 ಏಕತೆ, ನಂಬಿಕೆ ಮತ್ತು ಭಕ್ತಿಯ ನಿಜವಾದ ಪುರಾವೆಯಾಗಿದ್ದು, ಪ್ಯಾರಿಷ್ ಸಮುದಾಯದ ಮೇಲೆ ಆಳವಾದ ಆಧ್ಯಾತ್ಮಿಕ ಪ್ರಭಾವವನ್ನು ಬೀರಿತು. ದೇವರ ವಾಕ್ಯವು ಮಾರ್ಗದರ್ಶಕ ಬೆಳಕಾಗಿ ಉಳಿದಿದೆ, ಅದನ್ನು ಮುಕ್ತ ಹೃದಯದಿಂದ ಸ್ವೀಕರಿಸುವ ಎಲ್ಲರನ್ನು ಬಲಪಡಿಸುತ್ತದೆ ಮತ್ತು ಉನ್ನತಿಗೇರಿಸುತ್ತದೆ ಎಂಬ ಪ್ರಬಲ ಜ್ಞಾಪನೆಯಾಗಿ ಇದು ಕಾರ್ಯನಿರ್ವಹಿಸಿತು.
ಮುಂಬರುವ ‘ಪವಿತ್ರ ಲೆಂಟ್ ಋತು’ಕ್ಕೆ ಅರ್ಥಪೂರ್ಣ ಪೂರ್ವಗಾಮಿಯಾಗಿ, ಮಾರ್ಚ್ 5, 2025 ರಂದು ‘ಬೂದಿ ಬುಧವಾರ’ ದಿಂದ ಪ್ರಾರಂಭವಾಗುವ ಮಾರ್ಚ್ 2, ಭಾನುವಾರ, ಕಲ್ಯಾಣಪುರದ ಸಂತೆಕಟ್ಟೆಯ ಮೌಂಟ್ ರೋಸರಿ ಚರ್ಚ್‌ನಲ್ಲಿ ಸಂಜೆ 7.30 ರಿಂದ ಸಂಜೆ 6.00 ರವರೆಗೆ ಇಡೀ ದಿನ ‘ಬೈಬಲ್ ಗಝವ್ನಿ’ ನಡೆಯಿತು, ಚರ್ಚ್ ಗಾಯಕವೃಂದ, ಸೀನಿಯರ್ ಅನ್ಸಿಲ್ಲಾ ಆರ್. ಡಿಮೆಲ್ಲೊ, ಕನ್ವೀನರ್ ಲಿಟರ್ಜಿ ಕಮಿಷನ್ ಇತ್ಯಾದಿಗಳ ಭಾಗವಹಿಸುವಿಕೆಯೊಂದಿಗೆ ಪ್ಯಾರಿಷಿಯನ್ನರು ಉತ್ಸಾಹದಿಂದ ಭಾಗವಹಿಸಿದರು ಮತ್ತು ನಂಬಿಕಸ್ಥರಿಂದ ಮೆಚ್ಚುಗೆ ಪಡೆದರು, ಇದು ಸ್ಮರಣೀಯ ಅನುಭವವಾಗಿತ್ತು.

Bible Gazavnni 2025’ at Mount Rosary Church, Santhekatte – A Day ‘of Spiritual Enrichmen

The Mount Rosary Church, Santhekatte, witnessed a profound day of faith and devotion as the Bible Gazavnni (Whole Day Bible Proclamation) was held on Sunday, 2nd March 2025, from 7:30 am to 6:00 pm. This spiritually enriching event brought together the clergy, parish leaders, and faithful in a collective effort to proclaim the ‘Word of God’ with reverence and dedication.
The day began with a solemn procession, where the Bible was reverently carried to the altar by the priests, the convenor of the Bible Commission, Mrs Cynthia DSilva and the Church laity leadership. The event was meticulously planned with a systematic schedule to proclaim three significant portions of the Holy Scripture:
The Book of Exodus
The Gospel According to St. Matthew
St. Paul’s Letter to the Romans
These were divided into three sessions, ensuring a smooth and meaningful proclamation by nearly 60 trained readers. The reading of the scriptures was complemented by the singing of psalms, enhancing the spiritual experience for the congregation.
A remarkable aspect of the event was the active participation of 18 Ward Gurkars, who carefully selected their respective teams of three to four readers each and shouldered the responsibility of proclaiming the Word with devotion and clarity. Their commitment ensured that the message of the Scriptures resonated deeply with all present.
At 1:00 pm, a short break was observed, where the attendees were served a simple yet symbolic meal of bread and soft drinks, reflecting the spirit of humility and fellowship.
As the day of proclamation drew to a close, the Holy Eucharist was celebrated at 4:30 pm by Rev. Fr. Oliver Nazareth, Assistant Parish Priest, offering thanksgiving and spiritual nourishment to the congregation.
A significant and moving moment followed at 5:15 pm, with the adoption of the Holy Cross. Each of the 18 Ward leaders brought their respective Crosses to the High Altar, where they were blessed in a solemn ceremony. Parish Priest Rev. Dr. Roque D’Souza delivered an inspiring message, emphasizing the Cross as an integral part of Christian life, and urging the faithful to draw strength and inspiration from it in their daily journey of faith.
The Bible Gazavnni 2025 was a true testament of unity, faith, and devotion, leaving a deep spiritual impact on the parish community. It served as a powerful reminder that the Word of God remains a guiding light, strengthening and uplifting all who embrace it with an open heart.
As a meaningful precursor to the forthcoming ‘Holy Season of Lent’, starting from ‘Ash Wednesday’, 5th March, 2025, on Sunday 2nd March, whole day ‘Bible Gazzavnni’ was held in the Mount Rosary Church Santekatte – Kallianpur from 7.30 pm to 6.00 pm, was enthusiastically participated by the parishioners with the due involvement of Church Choir, Sr Ancilla R. DMello, Convenor Liturgy Commission etc and appreciated by the faithful, as a memorable experience.

Photographs: Praveen Cutinho.

ಮಾರ್ಚ್ 5 ಬುಧವಾರದಿಂದ ಮಾರ್ಚ್ 8 ಶನಿವಾರ ತನಕ ಮಂಗಳೂರು ಬಿಕ್ಕರ್ನಕಟ್ಟೆ ಬಾಲ ಯೇಸು ಮಂದಿರದ ಸಭಾಂಗಣದಲ್ಲಿ ಮಧ್ಯಪಾನ ಮತ್ತು ಅಮಲು ಸಮಸ್ಯೆಯಿಂದ ಬಳಲುವರಿಗೆ ಉಚಿತ ಶಿಬಿರವನ್ನು ಪ್ರತಿದಿನ ಬೆಳಿಗ್ಗೆ 8:30 ರಿಂದ 12:30 ತನಕ ನಡೆಸಲಾಗುವುದು. ಈ ಸಂದರ್ಭದಲ್ಲಿ ಕುಟುಂಬದ ಸದಸ್ಯರು ಭಾಗವಹಿಸಲು ಅವಕಾಶವಿದೆ. ಮಧ್ಯಪಾನ ಮತ್ತು ಇತರ ಅಮಲು ಸಮಸ್ಯೆಯಿಂದ ಬಳಲುತ್ತಿರುವರಿಗೆ ಸಲಹೆಗಳನ್ನು ಸಮಾಲೋಚನೆ ಮುಖಾಂತರ ನೀಡಲಾಗುವುದು..ಮದ್ಯಪಾನ ಅಥವಾ ಅಮಲು ಸೇವನೆಯಿಂದ ಬಿಡುಗಡೆ ಹೊಂದುವ ಬಗ್ಗೆ ಕಾರ್ಯಕ್ರಮವನ್ನು ನಡೆಸಲಾಗುವುದು.ಈ ಕಾರ್ಯಗಾರದಲ್ಲಿ ಭಾಗವಹಿಸುವ ವ್ಯಕ್ತಿಗಳ ಅನಾಮಿಕತೆಯನ್ನು ಕಾಪಾಡಲಾಗುವುದು.ಈ ಕಾರ್ಯಗಾರವನ್ನು ಜ್ಞಾನೋದಯ ಮಂಗಳೂರು ಹಾಗೂ ಬಾಲ ಯೇಸು ಪುಣ್ಯಕ್ಷೇತ್ರದ ವತಿಯಿಂದ ನಡೆಸಲಾಗುವುದು.ಎಲ್ಲರಿಗೂ ಮುಕ್ತ ಅವಕಾಶವಿದೆ.ಸ್ತ್ರೀಯರಿಗೆ ಪ್ರತ್ಯೇಕ ವ್ಯವಸ್ಥೆ ಇದೆ. ಸಾರ್ವಜನಿಕರು ಇದರ ಪ್ರಯೋಜನವನ್ನು ಪಡೆಯಬೇಕಾಗಿ ಕೋರಲಾಗಿದೆಹೆಚ್ಚಿನ ಮಾಹಿತಿಗೆ ಈ ಸಂಖ್ಯೆಗೆ ಸಂಪರ್ಕಿಸಬಹುದು
7892488980, 8088660666

ಕುಂದಾಪುರದ ವಿಜಯಲಕ್ಷ್ಮೀ ಟ್ರೇಡರ್ಸ್ ಮಾಲಕಿ, ಗುರುಪ್ರಸಾದ ಮಹಿಳಾ ಮಂಡಳಿ ಅಧ್ಯಕ್ಷೆ, ಹಿರಿಯ ಕಲಾವಿದೆ ಶ್ರೀಮತಿ ಹಾಲಾಡಿ ಲಕ್ಷ್ಮೀದೇವಿ ವಾಸುದೇವ ಕಾಮತ್ ಆದಿತ್ಯವಾರ ಮಾರ್ಚ್ 2 ರಂದು ನಿಧನರಾದರು. (ವರ್ಷ 76)
ತಮ್ಮ ವ್ಯವಹಾರ ಜ್ಞಾನ, ಕ್ರಿಯಾಶೀಲತೆ, ಸಂಘಟನಾ ಶಕ್ತಿ, ಕಲೆ, ಸಾಹಿತ್ಯ, ಸಂಗೀತ, ಜನಪದ ಸಂಸ್ಕøತಿ ಬಗ್ಗೆ ಆಸಕ್ತಿಯಿಂದ ಸದಾ ಕ್ರಿಯಾಶೀಲರಾಗಿರುತ್ತಿದ್ದ ಹಾಲಾಡಿ ಲಕ್ಷ್ಮೀದೇವಿ ಕಾಮತ್ ತಮ್ಮ ಕೃತಿಗಳಾದ ಜೀವನ ಚಕ್ರ, ವೇದ ಸಾರ, ಜೋ… ಜೋ…., ಜಾನಪದ ಜೋಗುಳ ಗೀತೆ, ಕೃತಿಗಳಿಂದಲೂ ಜನಪ್ರಿಯರಾದವರು. ಕೊಂಕಣಿ, ಶಿಶುಗೀತೆಗಳ ಧ್ವನಿ ಪೆಟ್ಟಿಗೆ ಪ್ರಣಾಳಿಕೆ ತಂದವರು. ತಾಲೂಕಿನ ಅನೇಕ ಸಂಘ ಸಂಸ್ಥೆಗಳಲ್ಲಿ ಅಧ್ಯಕ್ಷತೆಯೂ ಸೇರಿ ವಿವಿಧ ಜವಾಬ್ದಾರಿಗಳನ್ನು ನಿರ್ವಹಿಸಿದವರು.
‘ಕೊಂಕಣಿ ಕಲಾ ಸಮಾಜದ’ದ ಅಧ್ಯಕ್ಷರಾಗಿ ಹಲವು ಸಮ್ಮೇಳನ ನಡೆಸಿದವರು. ಕೊಂಕಣಿ ಮಕ್ಕಳ ಸಂಘದ ಮೂಲಕ ಮಕ್ಕಳಿಗೆ ರಂಗ ಕಲೆ, ಯಕ್ಷಗಾನ, ಸಂಗೀತ ತರಬೇತಿ ವ್ಯವಸ್ಥೆ ಮಾಡುತ್ತಿದ್ದರು.
ಮಂಗಳೂರಿನ ಚೆಂಬರ್ ಆಫ್ ಕಾಮರ್ಸ್, ಕೆ. ಎಸ್. ಎಸ್. ಐ. ಸಿ. ಸದಸ್ಯರಾಗಿದ್ದ ಇವರು ಜಿಂಗಲ್ ಬೆಲ್ಸ್, ನರ್ಸರಿ ಶಾಲೆಯನ್ನು ಮಂಗಳೂರಿನ ಬಿಜೈಯಲ್ಲಿ ಸಂಚಾಲಕಿಯಾಗಿ ನಡೆಸಿದವರು. ಸ್ವತ: ಹಾಡುಗಾರರಾಗಿ ಆಕಾಶವಾಣಿ, ದೂರದರ್ಶನಗಳಲ್ಲೂ ಕಾರ್ಯಕ್ರಮ ನೀಡಿದ್ದಾರೆ. ಹಲವು ನಾಟಕಗಳನ್ನು ರಚಿಸಿ, ನಿರ್ದೇಶಿಸಿ ಅಭಿನಯಿಸಿದವರು.
ಕನ್ನಡ, ಕೊಂಕಣಿ ಸಾಹಿತ್ಯದ ಅಭಿವೃದ್ಧಿಗೆ ಇವರ ಕೊಡುಗೆ ದೊಡ್ಡದು.
ಇವರು ಪುತ್ರ, ಇಬ್ಬರು ಪುತ್ರಿಯರು ಹಾಗೂ ಅಪಾರ ಬಂಧುಗಳನ್ನು ಅಗಲಿದ್ದಾರೆ.