Author: Jananudi News Network

ಗೋವ; ಬಾಲಿವುಡ್‌ನ ಹಿರಿಯ ನಟ ನಾನಾ ಪಾಟೇಕರ್ 75ನೇ ವಯಸ್ಸಿನಲ್ಲಿ ಗೋವಾದ ನಿವಾಸದಲ್ಲಿ ಹೃದಯ ಸ್ತಂಭನದಿಂದ ನಿಧನರಾಗಿದ್ದು, ಅವರ ನಿಧನಕ್ಕೆ ಚಿತ್ರರಂಗ ಹಾಗೂ ಅಭಿಮಾನಿಗಳು ತೀವ್ರ ಸಂತಾಪ ವ್ಯಕ್ತಪಡಿಸಿದ್ದಾರೆ.

ಭಾರತೀಯ ಚಿತ್ರರಂಗದ ಹಿರಿಯ ನಟ ನಾನಾ ಪಾಟೇಕರ್ ಅವರ ಹಠಾತ್ ನಿಧನ, ಚಿತ್ರರಂಗಕ್ಕೆ ಆಘಾತ ಉಂಟುಮಾಡಿದೆ. 75 ವರ್ಷದ ನಾನಾ ಪಾಟೇಕರ್ ಗುರುವಾರ ಬೆಳಗ್ಗೆ ಗೋವಾದ ಡೋನಾ ಪೌಲಾದಲ್ಲಿರುವ ತಮ್ಮ ನಿವಾಸದಲ್ಲಿ ತೀವ್ರ ಹೃದಯ ಸ್ತಂಭನಕ್ಕೆ ಒಳಗಾಗಿ ಕೊನೆಯುಸಿರೆಳೆದಿದ್ದಾರೆ.

ಗೋವಾದ ಡೋನಾ ಪೌಲಾದಲ್ಲಿರುವ ಮಣಿಪಾಲ್ ಆಸ್ಪತ್ರೆಗೆ ದಾಖಲಿಸಿದ್ದು ಆಸ್ಪತ್ರೆಯ ವೈದ್ಯರು ಅವರನ್ನು ಉಳಿಸಲು ಸುಮಾರು 45 ನಿಮಿಷಗಳ ಕಾಲ ಸಿಪಿಆರ್ ನಡೆಸಿದರೂ ಯಾವುದೇ ಸ್ಪಂದನೆ ದೊರೆಯಲಿಲ್ಲ. ಆಸ್ಪತ್ರೆಗೆ ಕರೆತರುವಷ್ಟರಲ್ಲೇ ಅವರು ಮೃತಪಟ್ಟಿದ್ದರು ಎಂದು ಆಸ್ಪತ್ರೆಯ ವೈದ್ಯರು ತಿಳಿಸಿದ್ದಾರೆ. ಬೆಳಗ್ಗೆ ಸುಮಾರು 5.20ಕ್ಕೆ ಅವರು ಮೃತಪಟ್ಟಿರುವುದನ್ನು ವೈದ್ಯರು ದೃಢಪಡಿಸಿದ್ದಾರೆ. ಆಸ್ಪತ್ರೆಯ ಆಂಕೊಲಾಜಿ ವಿಭಾಗದ ಮುಖ್ಯಸ್ಥ ಡಾ. ಶೇಖರ್ ಸಾಲ್ಕರ್ ಈ ಕುರಿತು ಮಾಹಿತಿ ನೀಡಿದ್ದಾರೆ.

ನಾನಾ ಪಾಟೇಕರ್ ಅವರನ್ನು ಗೋವಾದ ನಿವಾಸದಲ್ಲಿ ಅಸ್ವಸ್ಥ ಸ್ಥಿತಿಯಲ್ಲಿ ಕಂಡುಬಂದ ಬಳಿಕ ಆಸ್ಪತ್ರೆಗೆ ಕರೆದೊಯ್ಯಲಾಗಿತ್ತು. ಸಾವಿನ ನಿಖರ ಕಾರಣವನ್ನು ಖಚಿತಪಡಿಸಿಕೊಳ್ಳಲು ವೈದ್ಯಕೀಯ-ಕಾನೂನು ಪ್ರಕರಣ ದಾಖಲಿಸಲಾಗಿದ್ದು, ಮರಣೋತ್ತರ ಪರೀಕ್ಷೆ ನಡೆಸಲಾಗುತ್ತಿದೆ ಎಂದು ವರದಿಯಾಗಿದೆ.

ಹಿಂದಿ ಮತ್ತು ಮರಾಠಿ ಚಿತ್ರರಂಗದಲ್ಲಿ ತಮ್ಮದೇ ಆದ ಛಾಪು ಮೂಡಿಸಿದ್ದ ನಾನಾ ಪಾಟೇಕರ್, ಗಂಭೀರ ಹಾಗೂ ತೀವ್ರ ಅಭಿನಯದ ಜೊತೆಗೆ ವಿಶಿಷ್ಟ ಸಂಭಾಷಣೆ ಶೈಲಿಗೂ ಹೆಸರುವಾಸಿಯಾಗಿದ್ದರು. ‘ಪರಿಂದಾ’, ‘ಕ್ರಾಂತಿವೀರ್’, ‘ಅಗ್ನಿಸಾಕ್ಷಿ’, ‘ತಿರಂಗಾ’, ‘ವೆಲ್‌ಕಮ್’ ಮತ್ತು ‘ನಟಸಾಮ್ರಾಟ್’ ಸೇರಿದಂತೆ ಹಲವು ಪ್ರಮುಖ ಸಿನಿಮಾಗಳಲ್ಲಿ ಅವರು ಗಮನಾರ್ಹ ಪಾತ್ರಗಳನ್ನು ನಿರ್ವಹಿಸಿದ್ದರು.

ಅಭಿನಯ ಕ್ಷೇತ್ರಕ್ಕೆ ಮಾತ್ರ ಸೀಮಿತರಾಗದೆ, ನಾನಾ ಪಾಟೇಕರ್ ಸಾಮಾಜಿಕ ಸೇವೆಯಲ್ಲೂ ಸಕ್ರಿಯರಾಗಿದ್ದರು. ನಟ ಮಕರಂದ್ ಅನಾಸ್ಪುರೆ ಅವರೊಂದಿಗೆ ‘ನಾಮ್ ಫೌಂಡೇಶನ್’ ಸ್ಥಾಪಿಸಿ ಮಹಾರಾಷ್ಟ್ರದ ಬರಪೀಡಿತ ರೈತರು ಹಾಗೂ ಅವರ ಕುಟುಂಬಗಳಿಗೆ ನೆರವಾಗುವ ಕೆಲಸ ಮಾಡಿದ್ದರು.

ಕನ್ನಡ ಚಿತ್ರರಂಗದೊಂದಿಗೂ ನಾನಾ ಪಾಟೇಕರ್ ಅವರಿಗೆ ನಂಟಿತ್ತು. 2010ರಲ್ಲಿ ಬಿಡುಗಡೆಯಾದ ‘ಯಕ್ಷ’ ಸಿನಿಮಾದಲ್ಲಿ ಅವರು ಯೋಗರಾಜ್ ಪುಲಕೇಶ್ ಎಂಬ ಪ್ರಾಮಾಣಿಕ ಹಾಗೂ ಖಡಕ್ ಪೊಲೀಸ್ ಅಧಿಕಾರಿಯ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದರು. ಕನ್ನಡದಲ್ಲಿ ಅವರು ನಟಿಸಿದ ಪ್ರಮುಖ ಚಿತ್ರ ಇದಾಗಿದೆ.

ಅಂತಿಮ ಸಂಸ್ಕಾರ: ಮಹಾರಾಷ್ಟ್ರ ಸರ್ಕಾರವು ನಾನಾ ಪಾಟೇಕರ್ ಅವರಿಗೆ ಸರಕಾರಿ ಗೌರವಗಳೊಂದಿಗೆ ಅಂತಿಮ ಸಂಸ್ಕಾರ ನೆರವೇರಿಸಲು ನಿರ್ಧರಿಸಿದೆ. ಅವರ ಪುತ್ರ ಮಲ್ಹಾರ್ ಪಾಟೇಕರ್ ಅವರು ಪುಣೆಯಿಂದ ಗೋವಾಕ್ಕೆ ಧಾವಿಸುತ್ತಿದ್ದಾರೆ

ನಾನಾ ಪಾಟೇಕರ್ ಅವರ ನಿಧನದ ಸುದ್ದಿ ಹೊರಬರುತ್ತಿದ್ದಂತೆ ಬಾಲಿವುಡ್, ಮರಾಠಿ ಚಿತ್ರರಂಗ ಸೇರಿದಂತೆ ದೇಶದಾದ್ಯಂತ ಗಣ್ಯರು ಹಾಗೂ ಅಭಿಮಾನಿಗಳು ಸಂತಾಪ ಸೂಚಿಸುತ್ತಿದ್ದಾರೆ. ತಮ್ಮ ವಿಭಿನ್ನ ಅಭಿನಯ, ಗಂಭೀರ ಧ್ವನಿ ಮತ್ತು ಮರೆಯಲಾಗದ ಪಾತ್ರಗಳ ಮೂಲಕ ಅವರು ಭಾರತೀಯ ಸಿನಿಮಾದಲ್ಲಿ ಶಾಶ್ವತ ಗುರುತು ಮೂಡಿಸಿದ್ದಾರೆ. ಇವರ ಅತ್ಯುತ್ತಮ ನಟನೆಗಾಗಿ ಮೂರು ಬಾರಿ ರಾಷ್ಟ್ರ ಪ್ರಶಸ್ತಿ ಹಾಗೂ 2013 ರಲ್ಲಿ ಭಾರತ ಸರ್ಕಾರದ ಪ್ರತಿಷ್ಠಿತ ಪದ್ಮಶ್ರೀ ಪ್ರಶಸ್ತಿ ಒಲಿದುಬಂದಿತ್ತು

ಕುಂದಾಪುರ; ಭಾರತ್ ಸ್ಕೌಟ್ಸ್ ಮತ್ತು ಗೈಡ್ಸ್ ಸ್ಥಳೀಯ ಸಂಸ್ಥೆ ಕುಂದಾಪುರ ವತಿಯಿಂದ ಸ್ಟೆಲ್ಲಾ ಮಾರಿಸ್ ಪ್ರೌಢಶಾಲೆ ಗಂಗೊಳ್ಳಿ ಇಲ್ಲಿ ಕಡಲೊತ್ಸವ ಹಾಗೂ ಗಾಳಿಪಟ ಉತ್ಸವ ಜರಗಿತು ಇತ್ತೀಚೆ ಜರುಗಿತು. ಕಾರ್ಯಕ್ರಮವನ್ನು ಸ್ಥಳೀಯ ಸಂಸ್ಥೆಯ ಅಧ್ಯಕ್ಷೆ ಗುಣರತ್ನ ಉದ್ಘಾಟಿಸಿದರು ಅಧ್ಯಕ್ಷತೆಯನ್ನು ಶಾಲಾ ಮುಖ್ಯೋಪಾಧ್ಯಾಯನಿ ಸಿಸ್ಟರ್ ಕ್ರೇಸನ್ಸ್ ವಹಿಸಿದ್ದರು ಅತಿಥಿಗಳಾಗಿ ಜಂಟಿ ಕಾರ್ಯದರ್ಶಿ ಸಿಸ್ಟರ್ ಗ್ರೇಸ್ ಆಂಗ್ಲ ಮಾಧ್ಯಮ ಶಾಲಾ ಮುಖ್ಯೋಪಾಧ್ಯಾಯನಿ ಸಿಸ್ಟರ್ ವಿಜಯ ಸಂಸ್ಥೆಯ ಉಪಾಧ್ಯಕ್ಷರಾದ ಉಷಾ ಹಾಗೂ ಜಯಶೀಲ ಪೈ ಸ್ಥಳೀಯ ಸಂಸ್ಥೆಯ ಕಾರ್ಯದರ್ಶಿ ಪಿಯುಸ್ ಡಿಸೋಜಾ ಉಪಸ್ಥಿತರಿದ್ದರು ಗೈಡ್ ಶಿಕ್ಷಕಿ ಜುನಿತ ಮಚಾದೊ ಸ್ವಾಗತಿಸಿದರು ಸ್ಕೌಟ್ ಶಿಕ್ಷಕಿ ದಿವ್ಯಾ ಭಾರತಿ ಕಾರ್ಯಕ್ರಮ ನಿರೂಪಿಸಿ ಗೈಡ್ ಶಿಕ್ಷಕಿ ಪೂರ್ಣಿಮಾ ವಂದಿಸಿದರು ಸ್ಥಳೀಯ ಶಾಲೆಗಳ ಸ್ಕೌಟ್ ಗೈಡ್ ವಿದ್ಯಾರ್ಥಿಗಳು ಕಾರ್ಯಕ್ರಮದ ಸದುಪಯೋಗ ಪಡೆದುಕೊಂಡರು.

ಕುಂದಾಪುರದ ಮೂಡ್ಲಕಟ್ಟೆ ಇನ್‌ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿ (MITK) ತನ್ನ ಪ್ರಮುಖ ‘ಉದ್ಯಮಶೀಲತೆ ಮತ್ತು ನಾವೀನ್ಯತೆ ಘಟಕ’ವಾದ “ಉದ್ಯಮ್‌ಎಕ್ಸ್” (UdyamX) ಅನ್ನು ಇತ್ತೀಚೆಗೆ ಕಾಲೇಜಿನಲ್ಲಿ ಅಧಿಕೃತವಾಗಿ ಪ್ರಾರಂಭಿಸಿತು. ನಾವೀನ್ಯತೆಯನ್ನು ಉತ್ತೇಜಿಸುವುದು, ಬಲವಾದ ಸ್ಟಾರ್ಟಪ್ ಸಂಸ್ಕೃತಿಯನ್ನು ಬೆಳೆಸುವುದು ಮತ್ತು ಸಮಗ್ರ ‘ಇನ್‌ಕ್ಯುಬೇಷನ್’ (ವ್ಯವಹಾರ ಅಭಿವೃದ್ಧಿ) ಬೆಂಬಲವನ್ನು ಒದಗಿಸುವ ನಿಟ್ಟಿನಲ್ಲಿ ವಿದ್ಯಾರ್ಥಿ-ಕೇಂದ್ರಿತ ವೇದಿಕೆಯನ್ನು ಸೃಷ್ಟಿಸುವುದು ಉದ್ಯಮ್‌ಎಕ್ಸ್‌ನ ಮುಖ್ಯ ಉದ್ದೇಶವಾಗಿದೆ. ಸೃಜನಶೀಲ ಕಲ್ಪನೆಗಳನ್ನು  ವ್ಯಾಪಾರ ಉದ್ಯಮಗಳಾಗಿ ಪರಿವರ್ತಿಸಲು ವಿದ್ಯಾರ್ಥಿಗಳಿಗೆ ಪ್ರಾಯೋಗಿಕ ಅನುಭವ, ಮಾರ್ಗದರ್ಶನ ಮತ್ತು ಬೆಂಬಲವನ್ನು ನೀಡುವ ಮೂಲಕ ಶೈಕ್ಷಣಿಕ ಕಲಿಕೆ ಮತ್ತು ಕೈಗಾರಿಕೆಯ  ಅಂತರವನ್ನು ಕಡಿಮೆ ಮಾಡುವ ಗುರಿಯನ್ನು ಈ ಘಟಕ ಹೊಂದಿದೆ. ಮುಖ್ಯ ಅತಿಥಿಗಳಾದ ಮಾಹೆ ಮಣಿಪಾಲದ ಎಂ ಸಿ ಐ ಎಸ್ ಮಾಜಿ ನಿರ್ದೇಶಕ ಡಾ. ಹರೀಶ್ಚಂದ್ರ ಹೆಬ್ಬಾರ್ ಅವರು ಸ್ಫೂರ್ತಿದಾಯಕ ಭಾಷಣ ಮಾಡಿ, ವಿದ್ಯಾರ್ಥಿಗಳು ಆಲೋಚನೆಗಳು, ನಾವೀನ್ಯತೆ ಮತ್ತು ಉದ್ಯಮಶೀಲತೆಯನ್ನು ವಿಶಾಲ ದೃಷ್ಟಿಕೋನದಿಂದ ನೋಡುವಂತೆ ಕರೆ ನೀಡಿದರು. ನೈಜ ನಾವೀನ್ಯತೆಯು ಕೇವಲ ದಿನನಿತ್ಯದ ಸಮಸ್ಯೆಗಳನ್ನು ಪರಿಹರಿಸುವುದನ್ನು ಮೀರಿ, ಪ್ರಭಾವಶಾಲಿ ಮತ್ತು ದೀರ್ಘಕಾಲೀನ ಸಾಮಾಜಿಕ ಪರಿಹಾರಗಳನ್ನು ಸೃಷ್ಟಿಸುವಲ್ಲಿ ಅಡಗಿದೆ ಎಂದು ಅವರು ಪ್ರತಿಪಾದಿಸಿದರು. ಸಂಶೋಧನೆ, ತಾಂತ್ರಿಕ ಸಾಮರ್ಥ್ಯ ಮತ್ತು ವಿವಿಧ ಕ್ಷೇತ್ರಗಳ ಸಮನ್ವಯದೊಂದಿಗೆ ಸಮಸ್ಯೆಗಳನ್ನು ಪರಿಹರಿಸುವಲ್ಲಿ ಶೈಕ್ಷಣಿಕ ಸಂಸ್ಥೆಗಳ ಪ್ರಮುಖ ಪಾತ್ರವನ್ನು ಎಂ ಐ ಟಿ ಕುಂದಾಪುರದ ಪ್ರಾಂಶುಪಾಲರಾದ ಡಾ. ರಾಮಕೃಷ್ಣ ಹೆಗಡೆ ಒತ್ತಿ ಹೇಳಿದರು. ಅಧ್ಯಕ್ಷೀಯ ಭಾಷಣ ಮಾಡಿದ ಐ ಎಂ ಜೆ ವಿದ್ಯಾ ಸಂಸ್ಥೆಗಳ ಶೈಕ್ಷಣಿಕ ನಿರ್ದೇಶಕರಾದ ಡಾ. ಎಸ್. ಎನ್. ಭಟ್ ಅವರು, ಇಂದಿನ ಕ್ರಿಯಾಶೀಲ ಜಾಗತಿಕ ವ್ಯವಸ್ಥೆಯಲ್ಲಿ ನಾಯಕತ್ವ, ಹೊಂದಿಕೊಳ್ಳುವಿಕೆ ಮತ್ತು ನೈತಿಕ ಮೌಲ್ಯಗಳ ಮಹತ್ವವನ್ನು ಎತ್ತಿ ತೋರಿಸಿದರು. ಉದ್ಯಮ್‌ಎಕ್ಸ್ ವಿದ್ಯಾರ್ಥಿಗಳಲ್ಲಿ ಆತ್ಮವಿಶ್ವಾಸವನ್ನು ಬೆಳೆಸಲು ಮತ್ತು ಮುಂದಿನ ಪೀಳಿಗೆಯ ಉದ್ಯೋಗ ಸೃಷ್ಟಿಕರ್ತರನ್ನು ರೂಪಿಸಲು ಒಂದು ಪ್ರಾಯೋಗಿಕ ವೇದಿಕೆಯಾಗಿ ಕಾರ್ಯನಿರ್ವಹಿಸುವ ಗುರಿಯನ್ನು ಹೊಂದಿದೆ ಎಂದು ಅವರು ತಿಳಿಸಿದರು. ಸಮಾರಂಭದಲ್ಲಿ ಉದ್ಯಮ್‌ಎಕ್ಸ್‌ನ ಅಧಿಕೃತ ಲೋಗೋ ಮತ್ತು ಪ್ರೊಮೊ ವೀಡಿಯೊವನ್ನು ಅನಾವರಣಗೊಳಿಸಲಾಯಿತು; ಜೊತೆಗೆ NAIN 2.0 ದೊಂದಿಗೆ ಗುರುತಿಸಿಕೊಂಡಿದ್ದ ಅತ್ಯುತ್ತಮ ಬೋಧಕವರ್ಗದ ಸದಸ್ಯರು ಮತ್ತು ವಿದ್ಯಾರ್ಥಿಗಳನ್ನು ಪ್ರಶಂಸಾ ಪತ್ರಗಳೊಂದಿಗೆ ಗೌರವಿಸಲಾಯಿತು. ಈ ಕಾರ್ಯಕ್ರಮದಲ್ಲಿ ಡಾ. ಶಿವರಾಜ್ ಹುಬ್ಳಿಕರ್ (  ಇನ್‌ಕ್ಯುಬೇಷನ್ ಇಂಚಾರ್ಜ್), ಡಾ. ವರುಣ್ ಕುಮಾರ್ (ಐಐಸಿ ಸಂಯೋಜಕರು ಹಾಗೂ ಮುಖ್ಯಸ್ಥರು – ಎಲೆಕ್ಟ್ರಾನಿಕ್ಸ್ ವಿಭಾಗ), ಡಾ. ಮಂಜುನಾಥ್ ಲಮಾಣಿ (ಮುಖ್ಯಸ್ಥರು – ಸಿಎಸ್‌ಇ ವಿಭಾಗ), ಬೋಧಕ ಸಿಬ್ಬಂದಿ ಹಾಗೂ ಉದ್ಯಮ್‌ಎಕ್ಸ್ ನ ಅಧ್ಯಕ್ಷೆ ಇಶ್ರತ್ ಜಹಾನ್ (4ನೇ ವರ್ಷದ ವಿದ್ಯಾರ್ಥಿನಿ) ಮತ್ತು ಉಪಾಧ್ಯಕ್ಷೆ ತ್ರಿಶಾ (3ನೇ ವರ್ಷದ ವಿದ್ಯಾರ್ಥಿನಿ) ಸೇರಿದಂತೆ ವಿದ್ಯಾರ್ಥಿ ನಾಯಕರು ಹಾಗೂ ಎಲ್ಲಾ ವಿಭಾಗದ ವಿದ್ಯಾರ್ಥಿಗಳು ಭಾಗವಹಿಸಿದ್ದರು.

05.10.2026

“ಮಾತಿನ ಗುಣಮಟ್ಟವನ್ನು ಎತ್ತರಿಸು, ಧ್ವನಿಯನ್ನಲ್ಲ. ಮಳೆಯಿಂದ ಹೂವು ಅರಳುತ್ತದೆಯೇ ಹೊರತು ಗುಡುಗಿನಿಂದಲ್ಲ” -ರೂಮಿ

ಮಾನವರಾಗಿ ಹುಟ್ಟಿದ ಮೇಲೆ ಜೀವನ ನಿರ್ವಹಣೆಗೆ ಏನಾದರೂ ಉದ್ಯೋಗ ಮಾಡಲೇಬೇಕೆನ್ನುವುದು ಸಾಮಾಜಿಕ ನಿಯಮ. ಕೆಲವರಿಗೆ ಯಾವುದಾದರೂ ಉದ್ಯೋಗ ಮಾಡುವುದಕ್ಕಿಂತ ಹೃದಯಕ್ಕೆ ಹತ್ತಿರವಾದ ಕೆಲಸ ಮಾಡುವುದರಿಂದ ಜೀವನ ನಿರ್ವಹಣೆ ಜತೆ ಮನಸ್ಸಿಗೆ ಸಂತೋಷವೂ ಆಗುತ್ತದೆ. ಆ ರೀತಿಯಲ್ಲಿ ಖುಷಿ, ತೃಪ್ತಿ ಕೊಟ್ಟ ಪತ್ರಿಕಾ ವೃತ್ತಿಗೆ ನಾನು ಸೇರಿ 2026 ಅಕ್ಟೋಬರ್ 5ಕ್ಕೆ 40 ವರ್ಷ ಪೂರ್ಣ. 1986 ಅಕ್ಟೋಬರ್ 5ರಂದು ಮುಂಗಾರು' ದೈನಿಕದ ಮೂಲಕ ಆರಂಭವಾದ ಈ ಪಯಣ, ನಂತರ ಸಂಯುಕ್ತ ಕರ್ನಾಟಕ’ (1990-1993), ಕನ್ನಡಪ್ರಭ' (1993-2005), ಇಂಗ್ಲಿಷ್ ದೈನಿಕ ವಿಜಯ್ ಟೈಮ್ಸ್’ (2005-2007) ಹಾಗೂ ದಿ ಹಿಂದೂ' (2007-2018) ಇವುಗಳಲ್ಲಿ ಮುಂದುವರಿದು 2019ರಿಂದ ವಿಜಯವಾಣಿ’ ದೈನಿಕದಲ್ಲಿ ಸಾಗುತ್ತಿದೆ.

ಈ ನಡುವೆ, ಮಾತೃ ಭಾಷೆಯ ಮೇಲಿನ ವ್ಯಾಮೋಹದಿಂದ ಹವ್ಯಾಸವಾಗಿ ಕೆಲ ವರ್ಷ ಕೊಂಕಣಿ ಸೌರಭ್' ಎಂಬ ಪತ್ರಿಕೆಯನ್ನೂ ನಡೆಸಿದ್ದಿದೆ. ಪತ್ರಿಕೆಗಳು ಸಮಾಜದ ಕೈಗನ್ನಡಿ, ಅವುಗಳು ಸಾಮಾಜಿಕ ಬದಲಾವಣೆಯ ಸಾಧನವಾಗಬಲ್ಲದು ಎಂದು ಬಾಲ್ಯದಿಂದಲೇ ಬೆಳೆದುಬಂದ ಅಭಿಪ್ರಾಯವೇ ಮುಂದೆ ಬಿ.ಕಾಂ. ಪದವೀಧರನಾದರೂ ಮನೆಯವರ ಸಹಜ ನಿರೀಕ್ಷೆಯಾದ ಬ್ಯಾಂಕ್ ಉದ್ಯೋಗಕ್ಕೆ ಮನಸ್ಸು ಮಾಡದೆ ಪತ್ರಿಕಾ ವೃತ್ತಿಯನ್ನು ಆಯ್ದುಕೊಳ್ಳಲು ಕಾರಣವಾಯಿತು. ಯಾವ್ಯಾವುದೋ’ ಆದ್ಯತೆಗಳ ಕಾರಣಕ್ಕಾಗಿ ಅಲ್ಲ. ಪತ್ರಿಕೆಗಳಿಂದಲೇ ಸಮಾಜ ಬದಲಾವಣೆ ಸಾಧ್ಯವೆಂಬ ಭ್ರಮೆಯೂ ನನಗಿಲ್ಲ. ಅದೊಂದು ಪೂರಕ ಸಾಧನ ಅಷ್ಟೇ.
ಹಾಗೆ ನೋಡಿದರೆ ಬರೆವಣಿಗೆಯ ಆಸಕ್ತಿ ಬಾಲ್ಯದಿಂದಲೇ ಮೂಡಿತ್ತು. ತಂದೆ ಕೆ. ವಾಸುದೇವ ಸಾಮಾಜಿಕ ಕಾರ್ಯಗಳ ಪ್ರಯುಕ್ತ ವಿವಿಧ ಪತ್ರ, ಮನವಿ ಪತ್ರಗಳು ಮೊದಲಾದವುಗಳನ್ನು ಬರೆಯುತ್ತಿದ್ದುದನ್ನು ನಿಕಟವಾಗಿ ಗಮನಿಸುತ್ತಿದ್ದೆ. ಅಲ್ಲದೆ ಮನೆಗೆ ತರಿಸಿಕೊಳ್ಳುತ್ತಿದ್ದ ಕನ್ನಡಪ್ರಭ'ದಲ್ಲಿ ಪ್ರಕಟವಾಗುತ್ತಿದ್ದ ಸುಭಾಷಿತಗಳನ್ನು ಬರೆದುಕೊಳ್ಳಲು ರಫ್ ಹಾಳೆಯ ಒಂದು ಪುಸ್ತಕವನ್ನೂ ಅವರು ಮಾಡಿಕೊಟ್ಟಿದ್ದರು. ಪತ್ರಿಕೆಯ, ಸಾಹಿತ್ಯದ ಓದಿನ ಹವ್ಯಾಸ ಬಹುಶಃ ಅಲ್ಲಿಂದಲೇ ಬೆಳೆದು ಬಂತೆಂದರೆ ಅತಿಶಯೋಕ್ತಿ ಆಗಲಾರದು. ನಂತರ, ಹೈಸ್ಕೂಲ್‍ನಲ್ಲಿದ್ದಾಗ ಗೋಡೆ ಪತ್ರಿಕೆಗೆ ಬರೆಯುವ ಮೂಲಕ ಬರೆವಣಿಗೆಯ ಗೀಳು ಆರಂಭವಾಯಿತು. ತದನಂತರದಲ್ಲಿ ನವಭಾರತ, ಉದಯವಾಣಿ ಪತ್ರಿಕೆಗಳ ಓದುಗರ ಪತ್ರ ಅಂಕಣಗಳಲ್ಲಿ ಊರಿನ ಸಮಸ್ಯೆಗಳ ಬಗ್ಗೆ ಬರೆಯುವುದರೊಂದಿಗೆ ಪತ್ರಿಕಾ ಬರೆವಣಿಗೆಯ ನಾಂದಿಯಾಯಿತು. ಹಾಗೇ ಪಿಯುಸಿಯಲ್ಲಿದ್ದಾಗ, ಎಸ್‍ಎಫ್‍ಐ ಸಂಘಟನೆಯ ಓಡಾಟ ಆರಂಭವಾದಾಗ ಶಿವಮೊಗ್ಗದಿಂದ ಪ್ರಕಟವಾಗುತ್ತಿದ್ದ ವಿಚಾರಿ’ ವಾರಪತ್ರಿಕೆಗೆ ಹೋರಾಟದ ವರದಿಗಳು ಮತ್ತು ಲೇಖನಗಳನ್ನು ಬರೆಯುವ ಮೂಲಕ ಬರೆವಣಿಗೆ ಹವ್ಯಾಸಕ್ಕೆ ಒಂದು ಸ್ವರೂಪ ಬಂತು. ಜ್ವಾಲಾಮುಖಿ' ವಾರಪತ್ರಿಕೆಗೆ ಕೆಲವು ಚುಟುಕುಗಳನ್ನು ಬರೆದಿದ್ದು ಬಾಲ್ಯದ ಸಾಹಿತ್ಯಿಕ ಗುಟುಕು. ಕಾಲೇಜ್ ಶಿಕ್ಷಣ ಪೂರ್ಣಗೊಳ್ಳುತ್ತಲೇ ಹಾಕಿದ ಅರ್ಜಿಗೆ ಸ್ಪಂದಿಸಿ ಮುಂಗಾರು’ ಸಂಪಾದಕ ವಡ್ಡರ್ಸೆ ರಘುರಾಮ ಶೆಟ್ಟಿಯವರು ಸಂದರ್ಶನಕ್ಕೆ ಕರೆಕಳಿಸಿದ್ದ ಪತ್ರ ಅನಿವಾರ್ಯ ಕಾರಣಗಳಿಂದ ನನ್ನ ಗಮನಕ್ಕೆ ಬರುವುದು ಕೆಲ ತಿಂಗಳೇ ತಡವಾಗಿತ್ತು. ಅದು ಸಿಕ್ಕ ತಕ್ಷಣವೇ ಅಳುಕುತ್ತಾ ಹೋದಾಗ ಏನೋ ವಿಶ್ವ ಹೀಗೆ ಮಾಡುವುದಾ?' ಎಂಬ ಒಂದೇ ಪ್ರಶ್ನೆ ಕೇಳಿದ ವಡ್ಡರ್ಸೆಯವರು ನೇಮಕ ಮಾಡಿಕೊಂಡರು. ಊಟದ ಕಾರಣ ಆರೋಗ್ಯ ಸಮಸ್ಯೆಯಾಗಿ ನಾನು ಕೆಲಸ ಬಿಡುತ್ತೇನೆಂದು ಹೇಳಿದಾಗ ಶಾಲೆಯಲ್ಲಿ ಚಿಕ್ಕ ಮಕ್ಕಳಿಗೆ ಹೇಳುವಂತೆ ನಿನ್ನ ಅಪ್ಪಯ್ಯನನ್ನು ಕರೆದುಕೊಂಡು ಬಾ’ ಎಂದು ಹೇಳಿ ನನ್ನನ್ನು ಪ್ರೀತಿಯಿಂದ ಕಟ್ಟಿ ಹಾಕಿ ಮಾಧ್ಯಮ ಕ್ಷೇತ್ರದಲ್ಲಿ ಉಳಿಯುವಂತೆ ಮಾಡಿದ್ದನ್ನು ಮರೆಯಲಾಗದು. ಇದು ವೃತ್ತಿ ಜೀವನದ ಆರಂಭದ ಕಥೆಯಾದರೆ, ಮಾಧ್ಯಮ ಕ್ಷೇತ್ರದ ಅನಪೇಕ್ಷಿತ ಬೆಳವಣಿಗೆಯ ಕಾರಣದಿಂದ 2019ರಲ್ಲಿ ಉದ್ಯೋಗ ಹುಡುಕುವ ಪ್ರಸಂಗ ಎದುರಾದಾಗ 56ನೇ ವಯಸ್ಸಿನಲ್ಲಿ ನೇಮಕ ಮಾಡಿಕೊಂಡ ವಿಜಯವಾಣಿ' ಸಂಪಾದಕ ಕೆ.ಎನ್. ಚನ್ನೇಗೌಡರನ್ನು ನೆನೆಯುವುದು ಕೂಡ ಅಷ್ಟೇ ಅಗತ್ಯ. ಸಹೋದ್ಯೋಗಿಗಳನ್ನು ಆಪ್ತವಾಗಿ ನಡೆಸಿಕೊಳ್ಳುವಂಥ ಸಂಪಾದಕರುಗಳನ್ನೂ ನಾನು ನೋಡಿದ್ದೇನೆ, ಉದ್ಯೋಗಿಗಳ ಮಧ್ಯೆ ಕೇಡು ತಂದಿಡುವ, ಸಹೋದ್ಯೋಗಿಗಳ ಕಾರ್ಯವನ್ನು ಸರಿಯಾಗಿ ಮೌಲ್ಯಮಾಪನ ಮಾಡಲಾಗದ ಕುತ್ಸಿತರನ್ನೂ ನಾನು ಕಂಡಿದ್ದೇನೆ. ಉದ್ಯೋಗ ನಿಮಿತ್ತ ಬೇರೆ ಬೇರೆ ಊರುಗಳಿಗೆ ಹೋದಾಗ ಉತ್ತಮ ಸಹೋದ್ಯೋಗಿಗಳ ಜತೆ ಒಳ್ಳೆಯ ಕೌಟುಂಬಿಕ ವಾತಾವರಣ ಒದಗಿಸಿಕೊಟ್ಟವರನ್ನು ಸ್ಮರಿಸುವುದು ಕೂಡ ನನ್ನ ಕರ್ತವ್ಯವೆಂದು ಭಾವಿಸಿದ್ದೇನೆ. ಬೆಳಗಾವಿಯ ಮೃತ್ಯುಂಜಯ್ ಹಾಗೂ ಮಹಾಂತೇಶ್ ಯಲ್ಲಾಪುರಮಠ ಮತ್ತವರ ತಾಯಿ ಮಹಾಲಿಂಗಮ್ಮ, ಕೋಲಾರದಲ್ಲಿ ಎಚ್.ಬಿ. ಕೃಷ್ಣಪ್ಪ, ಆಶಾ, ಪಿ.ವಿ. ರಮಣ್ ಮುಂತಾದವರನ್ನು ಮರೆಯಲಾಗದು. ವೃತ್ತಿಗೆ ಸಂಬಂಧಿಸಿದಂತೆ ಹೇಳುವಾಗ, ನನ್ನ ಈ ನಾಲ್ಕು ದಶಕದ ವೃತ್ತಿ ಜೀವನದ ಪಯಣದಲ್ಲಿ ನಾನು ಬಹುತೇಕವಾಗಿ ಕೆಲಸ ಮಾಡಿದ್ದು ಡೆಸ್ಕ್‍ನಲ್ಲೇ. ವಿಜಯ್ ಟೈಮ್ಸ್ ಮತ್ತು ದಿ ಹಿಂದೂನಲ್ಲಿ ಮಾತ್ರ ವರದಿಗಾರಿಕೆ ವಿಭಾಗದಲ್ಲಿ ಕಾರ್ಯನಿರ್ವಹಿಸಿದ್ದೆ. 2007ರಲ್ಲಿ ದಿ ಹಿಂದೂ ಹಿರಿಯ ವರದಿಗಾರನಾಗಿ ಕೋಲಾರಕ್ಕೆ ಬಂದ ಸಂದರ್ಭ ಇಲ್ಲೇಕೆ ಬಂದಿರಿ ಅಲ್ಲೇಕೆ ಹೋದಿರಿ ಎಂಬ ವಿಚಿತ್ರ ಪ್ರಶ್ನೆಗಳು ನನಗೆ ಎದುರಾಗಿದ್ದವು. ದಿ ಹಿಂದೂಗೆ ವರದಿ ಮಾಡುವಂಥದ್ದು ಕೋಲಾರದಲ್ಲೇನಿದೆ ಎಂಬುದು ಪ್ರಶ್ನೆಯ ವಿಸ್ತರಿತ ಭಾಗವಾಗಿತ್ತು. ಆದರೆ ಸೂಕ್ತ-ಸೂಕ್ಷ್ಮ ದೃಷ್ಟಿಕೋನವುಳ್ಳ ಪತ್ರಕರ್ತರಿಗೆ ಯಾವ ಊರಾದರೂ ಸರಿಯೇ ಎನ್ನುವುದು ನನ್ನ ಭಾವನೆ. ಕೋಲಾರಕ್ಕೆ ಬಂದ ಸುಮಾರು ಒಂದು ತಿಂಗಳಲ್ಲಿ ಕಾರ್ಯನಿಮಿತ್ತ ಬ್ಯೂರೋ ಚೀಫ್ ಪಾರ್ವತಿ ಮೆನನ್‍ರಿಗೆ ಫೋನ್ ಮಾಡಿದ್ದಾಗ, ವಿಶ್ವ, ಯೂ ಪುಟ್ ಕೋಲಾರ ಆನ್ ದಿ ಹಿಂದೂ ಮ್ಯಾಪ್’ (ದಿ ಹಿಂದೂ ಭೂಪಟದಲ್ಲಿ ಕೋಲಾರ ಕಾಣಿಸುವಂತೆ ಮಾಡಿದ್ದೀರಾ) ಎಂದು ಹೇಳಿದ್ದು ಎಲ್ಲವನ್ನೂ ವಿವರಿಸುತ್ತದೆ.
ಬರಗಾಲದ ನಾಡು, ಹಿಂದುಳಿದ ಪ್ರದೇಶ ಎಂದು ಕರೆಯಲಾಗುವ ಕೋಲಾರಕ್ಕೆ ಬಂದ ಸಂದರ್ಭದಲ್ಲಿ ಅವಿಭಜಿತ ಜಿಲ್ಲೆಯಲ್ಲಿ ಉದ್ಯೋಗ ಖಾತ್ರಿ ಯೋಜನೆ ನರೇಗಾ ಅನುಷ್ಠಾನ ಆಗದಿದ್ದುದನ್ನು ಕಂಡು ನನಗೆ ಅಚ್ಚರಿಯೆನಿಸಿತ್ತು. ಈ ಬಗ್ಗೆ ಒಂದು ವಿಶೇಷ ವರದಿಯನ್ನು ಮಾಡಿದಾಗ (26.12.2008) ಅದು ವಿಧಾನಸೌಧದ ಮೊಗಸಾಲೆಯಲ್ಲಿ ಗಮನ ಸೆಳೆದಿತ್ತು. ಆಗ ಆರ್‍ಡಿಪಿಆರ್ ಇಲಾಖೆಯ ಕಾರ್ಯದರ್ಶಿ ಆಗಿದ್ದ ರವಿಕುಮಾರ್ ತಕ್ಷಣವೇ ಜಿಲ್ಲೆಗೆ ಭೇಟಿ ನೀಡಿ ಪರಿಶೀಲಿಸಿ ಯೋಜನೆಯ ಅನುಷ್ಠಾನಕ್ಕೆ ಕ್ರಮಕೈಗೊಂಡರು. ಇದು ನನ್ನ ವೃತ್ತಿಜೀವನದಲ್ಲಿ ತೃಪ್ತಿ ಕೊಟ್ಟ ಕೆಲ ಪ್ರಮುಖ ಅಂಶಗಳಲ್ಲಿ ಒಂದು. ವಿದ್ಯಾರ್ಥಿನಿಯೊಬ್ಬರು ಅಪಘಾತದಲ್ಲಿ ತೀವ್ರವಾಗಿ ಗಾಯಗೊಂಡಿದ್ದ ಬಗ್ಗೆ ಮಾಡಿದ್ದ ವಿಶೇಷ ವರದಿಗೆ ಸ್ಪಂದಿಸಿದ ಅಂದಿನ ಮುಖ್ಯಮಂತ್ರಿ ಸಿದ್ದರಾಮಯ್ಯ, ಆರ್ಥಿಕವಾಗಿ ದಯನೀಯ ಪರಿಸ್ಥಿತಿಯಲ್ಲಿದ್ದ ಆ ದಲಿತ ಕುಟುಂಬಕ್ಕೆ ಒಂದು ಲಕ್ಷ ರೂಪಾಯಿ ಮಂಜೂರು ಮಾಡಿದ್ದ ಕ್ಷಣ ನನಗೊಂದು ಬಗೆಯ ನೆಮ್ಮದಿಯ ಪ್ರಕರಣ. ಜಲ ಮೂಲಗಳನ್ನು ರಕ್ಷಿಸಬೇಕಾದ ಸರಕಾರದ ಸಂಸ್ಥೆಗಳೇ ಒತ್ತುವರಿ ಮಾಡಿ ಕೆರೆ ಅಂಗಳಗಳಲ್ಲಿ ಕಟ್ಟಡಗಳನ್ನು ಕಟ್ಟಿದ ಹಲವು ಪ್ರಕರಣಗಳನ್ನು ಮುಂದಿಟ್ಟು ಬರೆದ ಲೇಖನ ಗಮನ ಸೆಳೆದಿತ್ತು. ನಗರದ ಹೃದಯ ಭಾಗದಲ್ಲಿದ್ದ ಜಿಲ್ಲಾಧಿಕಾರಿ ಕಚೇರಿಯನ್ನು ಹೊರ ಭಾಗದಲ್ಲಿ ನಿರ್ಮಿಸಿ ಆಡಳಿತವನ್ನು ಅಕ್ಷರಶಃ ಜನರಿಂದ ದೂರ ಮಾಡುವ ಕ್ರಮದ ಮೇಲೆಯೂ ಬೆಳಕು ಚೆಲ್ಲಿದ್ದೆ. ಕಂಬಾಲಪಲ್ಲಿ ದುರಂತಕ್ಕೆ ಸಂಬಂಧಿಸಿದ ಹೋರಾಟಗಳು ಮತ್ತು ಕಾನೂನು ಪ್ರಕ್ರಿಯೆಗಳಿಗೆ ಸಂಬಂಧಿಸಿದಂತೆ ದಿ ಹಿಂದೂ'ನಲ್ಲಿ ಪ್ರಕಟವಾದ ನನ್ನ ವರದಿಗಳನ್ನು ಮುಖ್ಯವಾಹಿನಿ ಮಾಧ್ಯಮದಲ್ಲಿ ಉತ್ತಮ ಕವರೇಜ್ ಎಂದು ದಲಿತ ಸಂಘಟನೆಗಳ ಮುಖಂಡರು ಹೇಳುತ್ತಿದ್ದುದು ನನಗೆ ನೆನಪಿದೆ. ಅಸ್ಪøಶ್ಯತೆ ವಿರುದ್ಧ ಅರಿವು ಭಾರತ ಆಂದೋಲನದ ಕಾರ್ಯಗಳ ಕುರಿತ ವರದಿಗಳು ರಾಷ್ಟ್ರೀಯ ಗಮನ ಸೆಳೆದಿದ್ದವು. ಈ ರೀತಿಯಾಗಿ ಜಿಲ್ಲೆಯ ರೈತರು, ಕಾರ್ಮಿಕರು ಆದಿಯಾಗಿ ಈ ನೆಲದ ಬದುಕಿನ ಬವಣೆಗಳನ್ನು ಆಧರಿಸಿ ಹಲವಾರು ವರದಿಗಳನ್ನು ಮಾಡಿದ್ದು ಸಮಾಧಾನ ಕೊಟ್ಟ ವಿಷಯವಾಗಿದೆ. ಪತ್ರಕರ್ತ ಮಾಡಬೇಕಾಗಿದ್ದೂ ಅದೇ ಅಲ್ಲವೇ? ಬಾಗಲಕೋಟೆಯಲ್ಲಿ ವಿಜಯ್ ಟೈಮ್ಸ್’ ವರದಿಗಾರನಾಗಿದ್ದಾಗಲೂ ಈ ಕೆಲಸವನ್ನು ಮಾಡಿದ್ದೆ.
ಇಂಗ್ಲಿಷ್ ಪತ್ರಿಕೆಯೆಂದರೆ ಎರಡು ಲೈನ್ ಬರೆದರೆ ಸಾಕಲ್ಲವೇ ಎಂದು ಪ್ರಶ್ನಿಸುವವರು, ಏನ್ರೀ, ಪತ್ರಿಕಾಗೋಷ್ಠಿಯಲ್ಲಿ ಏನೂ ಮಾತನಾಡೋದೇ ಇಲ್ಲವಲ್ಲ' ಎಂದು ಹೇಳುವವರು ಇದನ್ನೆಲ್ಲ ಗಮನಿಸಿರ ಬಹುದೆಂದು ಆಶಿಸುವೆ. ಪತ್ರಕರ್ತ ಯಾಕಾಗಬೇಕೆಂದು ನಾನು ಚಿಕ್ಕಂದಿನಿಂದಲೇ ಕಂಡ ಕನಸನ್ನು ಸಾಕಾರಗೊಳಿಸಿಕೊಳ್ಳಲು ಡೆಸ್ಕ್‍ನಲ್ಲಿದ್ದಾಗಲೂ ವರದಿಗಾರಿಕೆಯಲ್ಲಿದ್ದಾಗಲೂ ಪ್ರಯತ್ನಿಸಿದ್ದೇನೆ. ಡಿಕ್ಟೇಶನ್ ಪತ್ರಕರ್ತರಾಗಬಾರದು, ಡಿಸೆಕ್ಷನ್ ಪತ್ರಕರ್ತರಾಗಬೇಕು’ ಎಂಬ ನಂಬಿಕೆಯಂತೆ ಕೆಲಸ ಮಾಡುವ ಯತ್ನ ನಡೆಸಿದ್ದೇನೆ.
ಹರಿಕಿಷನ್ ಸಿಂಗ್ ಸುರ್ಜಿತ್, ಇ.ಎಂ.ಎಸ್. ನಂಬೂದರಿಪಾಡ್, ವಿಮಲಾ ರಣದಿವೆ, ಎಂ.ಕೆ. ಪಂಧೆ, ಸೀತಾರಾಮ್ ಯೆಚುರಿ ಮೊದಲಾದ ಶ್ರಮಿಕ ವರ್ಗದ ನೇತಾರರ ಸಂದರ್ಶನ ನಡೆಸಲು, ಅವರೊಂದಿಗೆ ಸಂವಾದಿಸಲು ಮಾಧ್ಯಮ ವೃತ್ತಿ ನನಗೆ ನೆರವಾಗಿದೆ.
ಕನ್ನಡಪ್ರಭ ಬೆಳಗಾವಿ ಆವೃತ್ತಿಯ ಸ್ಥಾನಿಕ ಸಂಪಾದಕನಾಗಿ ಹೋದ ಸಂದರ್ಭ ಮರು ದಿನವೇ ಫೋನ್ ಮಾಡಿದ್ದ ಸಂಪಾದಕ ವೆಂಕಟನಾರಾಯಣ್ ಅವರು ವಿಶ್ವ, ನಿನ್ನೆ ರಾತ್ರಿ ನಾನು ನೆಮ್ಮದಿಯಿಂದ ನಿದ್ರೆ ಮಾಡಿದೆ' ಎಂದು ಹೇಳಿದ್ದರು. ಅವರಿಟ್ಟ ವಿಶ್ವಾಸವನ್ನು ನಾನು ಹುಸಿಗೊಳಿಸಲಿಲ್ಲ. ಬೆಳಗಾವಿಯಲ್ಲಿದ್ದಾಗ ಉತ್ತರ ಕರ್ನಾಟಕದ ಹಲವು ವಿಚಾರಗಳ ಬಗ್ಗೆ ನಾನು ಬರೆದ ಇಂಗ್ಲಿಷ್ ಲೇಖನಗಳೆಲ್ಲವನ್ನೂ ಪ್ರಕಟಿಸಿ ಪ್ರೋತ್ಸಾಹಿಸಿದ ಇಂಡಿಯನ್ ಎಕ್ಸ್‍ಪ್ರೆಸ್’ ಮಿತ್ರ ಅವಿನಾಶ್ ಸದಾ ನೆನಪಾಗುತ್ತಾರೆ. ಕೆಲವರಿಗೆ ನನ್ನ ರಾಜಕೀಯ ಸಿದ್ಧಾಂತದ ಬಗ್ಗೆ ಏನೋ ಒಂಥರ ಕಸಿವಿಸಿಯಿದೆ. ಅದಕ್ಕೆ ನಾನು ತಲೆಕೆಡಿಸಿಕೊಂಡಿಲ್ಲ. ಬರೆವಣಿಗೆ ಸಾಮಥ್ರ್ಯದ ಜತೆಯಲ್ಲಿ ನನ್ನಲ್ಲಿರುವ ಸಾಮಾಜಿಕ, ರಾಜಕೀಯ ಕಾಳಜಿಯ ಕಾರಣಕ್ಕಾಗಿಯೇ ಜಿ. ಸದಾಶಿವ ಅವರಂಥ ಹಿರಿಯ ಪತ್ರಕರ್ತರು ನನ್ನಿಂದ ಲೇಖನ ಬರೆಸಿಕೊಳ್ಳುತ್ತಿದ್ದುದನ್ನು ಮರೆಯಲಾರೆ. ನುಡಿದಂತೆ ನಡೆಯಬೇಕೆಂಬ ಧೋರಣೆಯವನಾದ ನಾನು ಕನ್ನಡಪ್ರಭದಲ್ಲಿದ್ದಾಗ ಅದೂ ಭಾಗವಾಗಿದ್ದ ಇಂಡಿಯನ್ ಎಕ್ಸ್‍ಪ್ರೆಸ್ ಸಮೂಹವನ್ನು ಎದುರಿಸಿ ವೇತನ ಆಯೋಗದ ಶಿಫಾರಸನ್ನು ಜಾರಿಗೊಳಿಸುವಂತೆ ಒಂದು ರೀತಿಯಲ್ಲಿ ಏಕಾಂಗಿ ಹೋರಾಟ ನಡೆಸಿದ್ದೆ. ಪತ್ರಕರ್ತರ ಸಂಘಟನೆ ಮಾಡಬೇಕಿದ್ದ ಕೆಲಸವನ್ನು ನಾನು ಮಾಡಿದ್ದೆ. ಚಿಕ್ಕ ಮಕ್ಕಳಿದ್ದಾರೆ, ಇದೆಲ್ಲ ಬೇಡ ವಿಶ್ವ' ಎಂದು ಕೆಲ ಸಹೋದ್ಯೋಗಿಗಳು ಕಾಳಜಿಯಿಂದ ಸಲಹೆ ಮಾಡಿದ್ದರು. ವೃತ್ತಿ ಜೀವನದ ಜತೆ ಈ ನೆಲ ನನಗೆ ಹಲವು ಜೀವಪರ ಶಕ್ತಿಗಳ ಆಪ್ತ ಸಾಂಗತ್ಯವನ್ನು ಒದಗಿಸಿದೆ. ಕೋಟಿಗಾನಹಳ್ಳಿ ರಾಮಯ್ಯ, ಲಕ್ಷ್ಮೀಪತಿ ಕೋಲಾರ, ಎಚ್.ಎ. ಪುರುಷೋತ್ತಮ ರಾವ್, ಹ.ಮಾ. ರಾಮಚಂದ್ರ, ಟಿ.ಕೆ. ನಟರಾಜ್, ಸಿ.ಎಂ. ಮುನಿಯಪ್ಪ, ಅಚ್ಯುತ್, ಜಿ. ಶಿವಪ್ಪ ಅರಿವು, ವಿ.ಎಸ್.ಎಸ್. ಶಾಸ್ತ್ರಿ -ಹೀಗೆ ಈ ಪಟ್ಟಿ ದೊಡ್ಡದಿದೆ. ಜಿ.ವಿ. ಶ್ರೀರಾಮ ರೆಡ್ಡಿ, ಹೋಳೂರು ಶಂಕರ್, ಟಿ.ಎಂ. ವೆಂಕಟೇಶ್, ವಿ. ಅಂಬರೀಶ್, ಎನ್. ವೆಂಕಟೇಶ್, ಗಾಂಧಿ, ಜಿ. ಅರ್ಜುನನ್ ಮುಂತಾಗಿ ಹೋರಾಟಗಾರರ ಸಾಮಿಪ್ಯವನ್ನು ಅನುಭವಿಸಲು ಸಾಧ್ಯವಾಗಿದೆ. ಎಂ.ಎಸ್. ಪ್ರಭಾಕರ, ಎಸ್. ಚಂದ್ರಶೇಖರ್, ದಯಾನಂದ, ಎಂ.ಜಿ. ಪ್ರಭಾಕರ, ಪಾ.ಶ್ರೀ. ಅನಂತರಾಮ್, ಕೆ. ರಂಗನಾಥ್, ಬಿ. ಸುರೇಶ್, ಸಚ್ಚಿ, ಎ.ಜಿ. ಸುರೇಶ್ ಕುಮಾರ್, ಲಕ್ಷ್ಮಿ ಮೊದಲಾದವರು ಪತ್ರಕರ್ತರ ವಲಯದಲ್ಲಿ ಹೆಸರಿಸಬಹುದಾದ ಕೆಲವು ಆಪ್ತರು. ಹಾಗೆ ನೋಡಿದರೆ ಎಲ್ಲ ಪತ್ರಕರ್ತರೂ ನನಗೆ ಆಪ್ತರೇ. ತಮ್ಮನ್ನು ಹೆಸರಿಸಲಿಲ್ಲ ಎಂದು ಯಾರೂ ಅನ್ಯಥಾ ಭಾವಿಸಬಾರದು. ಕೋಲಾರಕ್ಕೆ ಬಂದ ಆರಂಭಿಕ ಹಂತದಲ್ಲಿ ಕೆ.ಎಸ್. ಗಣೇಶ್ ಉದಯವಾಣಿಯ ಮಿನಿ ಮಾತುಕತೆ’ ಅಂಕಣದಲ್ಲಿ ನನ್ನ ಸಂದರ್ಶನ ಪ್ರಕಟಿಸಿ ನನ್ನನ್ನೊಬ್ಬ ಪತ್ರಕರ್ತ-ಸಾಹಿತಿಯಾಗಿ ಗುರುತಿಸಿದ್ದು ಮುದ ನೀಡಿದ ಸಂಗತಿ. ಇದು ಗುಣಕ್ಕೆ ಮತ್ಸರವಿಲ್ಲ ಎನ್ನುವ ಮಾತಿಗೆ ದೃಷ್ಟಾಂತವಾಗಿದೆ. ಆದಾಗ್ಯೂ ಮತ್ಸರಿಗಳೂ ಇಲ್ಲವೆಂದಲ್ಲ. ಉದರ ನಿಮಿತ್ತಂ ಬಹು ದೂರ ಪಯಣಂ' ಮಾಡಿದ ನಾನು ಸಂಚಾರಿಯಾಗಿದ್ದಾಗ ಬೇರೆ ಬೇರೆ ಊರುಗಳಲ್ಲಿ ಇಂಥದ್ದನ್ನು ಗಮನಿಸಿದ್ದೇನೆ. ತಾವಾಯಿತು ತಮ್ಮ ಕೆಲಸವಾಯಿತು ಎಂಬಂತಿರುವ ಸ್ವಾಭಿಮಾನಿಗಳನ್ನು ಕಂಡರೆ ಕೆಲವು ಬಹುಪರಾಕುಪ್ರಿಯರಿಗೆ ಅಹಿತವೆನಿಸುತ್ತದೆ. ಆದರೆ, ಅಸೂಯೆಗೆ ಉದಾಸೀನವೇ ಮದ್ದು. ಗುರುತಿಸೊಳಿತಿರುವುದನು ಕೇಡುಗಳ ನಡುವೆ’ (ಕೆಡುಕಗಳ ನಡುವೆಯೂ ಒಳಿತು ಇರುವುದನ್ನು ಗಮನಿಸು) ಎಂಬ ಡಿವಿಜಿ ಕಗ್ಗದಲ್ಲಿನ ಒಂದು ಸಾಲಿನ ಮಾತಿನಂತೆ ಇಂಥವರನ್ನೆಲ್ಲ ಉಪೇಕ್ಷಿಸುವುದು ಒಳಿತು. ಅಂಥವರಿಗೂ ಶುಭವಾಗಲೆಂದು ನಾನು ಹಾರೈಸುವೆ. ಯಾರದೇ ಪ್ರಶಂಸೆಯಿಂದ ಹಿಗ್ಗಿಲ್ಲ, ಅಸೂಯೆಯಿಂದ ಕುಗ್ಗಿಲ್ಲ.
ನನ್ನ ವೃತ್ತಿ ಜೀವನದ ಅರ್ಧ ಭಾಗವನ್ನು ಕೋಲಾರದಲ್ಲಿ ಕಳೆದಿದ್ದು ಇವನ್ಯಾರವ ಇವನ್ಯಾರವ ಎಂದೆಣಿಸದೆ' ನನ್ನನ್ನು ಕೋಲಾರಿಗನಾಗಿ ಪರಿಗಣಿಸಿ ಅರಿವು ಭಾರತ’ 26.07.2026ರಂದು ಬಿಡುಗಡೆಯಾದ ಮುಂದೆ ನಡೆದವರು' ಕೃತಿಯಲ್ಲಿ ನನಗೂ ಸ್ಥಾನ ಕಲ್ಪಿಸಿರುವುದು, ಪತ್ರಕರ್ತೆ ಎಂ. ವರಲಕ್ಷ್ಮಿ ಅದರಲ್ಲಿ ನನ್ನ ಪರಿಚಯವನ್ನು ಬರೆದಿರುವುದು ಸಂತೋಷದ ಸಂಗತಿ. ಒಂದು ಮೊಟ್ಟೆಯನ್ನು ಭಾಗ ಮಾಡಿ ತಿನ್ನುವಂಥ ಕಷ್ಟದ ದಿನಗಳನ್ನೂ ಸೈರಿಸಿದ ಮಡದಿ ಮಮತಾ, ಸರಳ ಜೀವನವನ್ನು ಸಹಿಸಿಕೊಂಡ ಮಕ್ಕಳಾದ ದೀಪಕ್ ಮತ್ತು ದೀಪ್ತಿಯ ಸಹಕಾರವನ್ನು ಸ್ಮರಿಸದಿರುವುದು ಅಪಚಾರವಾಗುತ್ತದೆ. ಈಗೀಗ ಹಲವರು ನನ್ನನ್ನು ರಿಟಾಯರ್ ಆದಿರಾ?’ ಎಂದು ಕೇಳುವುದಿದೆ. ಏಜ್ಡ್ ಬಟ್ ನಾಟ್ ಟಯರ್ಡ್, ನಾಟ್ ರಿಟಾಯರ್ಡ್' ಎನ್ನುವುದು ನನ್ನ ಉತ್ತರ. ಕುಂದಾಪುರ ಟು ಕೋಲಾರ’ ಜೀವನಯಾನ, 23ನೇ ವಯಸ್ಸಿನಲ್ಲಿ ಆರಂಭವಾದ ವೃತ್ತಿ ಯಾನ 63ನೇ ವಯಸ್ಸಿನಲ್ಲೂ ಮುಂದುವರಿದಿದ್ದು ನಿವೃತ್ತಿಯಾದರೂ ಬರೆವಣಿಗೆಯ ಪ್ರವೃತ್ತಿಗೆ ನಿವೃತ್ತಿಯ ಚಾನ್ಸೇ ಇಲ್ಲ.

* ವಿಶ್ವ ಕುಂದಾಪುರ

ಮಂಗಳೂರು; ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿಯು, ಅಕಾಡೆಮಿ ಸಭಾಂಗಣದಲ್ಲಿ ಅಕ್ಟೋಬರ್ 10, 2026 ರಂದು ಸಂಜೆ 4.00 ಗಂಟೆಗೆ ʼಕಾವ್ಯಾಂ ವ್ಹಾಳೊ-19ʼ ಶೀರ್ಷಿಕೆಯಡಿ ಕವಿಗೋಷ್ಟಿಯನ್ನು ಹಮ್ಮಿಕೊಂಡಿದೆ. ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ಅಕಾಡೆಮಿ ಅಧ್ಯಕ್ಷರಾದ ಶ್ರೀ ಜೋಕಿಂ ಸ್ಟ್ಯಾನಿ ಆಲ್ವಾರಿಸ್‌ರವರು ವಹಿಸಿಕೊಳ್ಳಲಿದ್ದಾರೆ. ಕೊಂಕಣಿ ಲೇಖಕ ಸಂಘ ಕರ್ನಾಟಕ ಇದರ ಸಂಚಾಲಕರಾದ ರಿಚ್ಚರ್ಡ್ ಮೊರಾಸ್ರವರು ಮುಖ್ಯ ಅತಿಥಿಯಾಗಿ ಭಾಗವಹಿಸಲಿದ್ದಾರೆ. ಕೊಂಕಣಿಯ ಜಾನಪದ ಕಲಾವಿದ ಹಾಗೂ ಸಂಗೀತಗಾರರಾಗಿರುವಂತಹ ಮುಕುಂದ್ ಖಾರ್ವಿ ಇವರನ್ನು ಈ ಸಂದರ್ಭದಲ್ಲಿ ಸನ್ಮಾನಿಸಲಾಗುವುದು. ಖ್ಯಾತ ಕವಯಿತ್ರಿಯಾದ ಐರಿನ್ ರೆಬೆಲ್ಲೊರವರು ಕವಿಗೋಷ್ಟಿಯ ಅಧ್ಯಕ್ಷತೆಯನ್ನು ವಹಿಸಲಿದ್ದು, ರವೀಂದ್ರ ನಾಯಕ್ ಸಣ್ಣಕ್ಕಿಬೆಟ್ಟು, ಪ್ರಭಾ ರೇಗೊ, ವಿನ್ಸೆಂಟ್ ಪಿಂಟೊ ಆಂಜೆಲೊರ್, ಶ್ಯಾಮಲಾ ವಸಂತ್ ಕೊಂಪದವು, ಸ್ಟ್ಯಾನಿಸ್ಲವ್ಸ್ ಡಿಸೋಜ ಕಿರೆಂ, ಸಲೊಮಿ ಮೊಗರ್ನಾಡ್, ಮ್ಯಾಕ್ಸಿಂ ಲುದ್ರಿಗ್ ಬೊಂದೆಲ್, ಸತ್ಯವತಿ ಕಾಮತ್, ಆಲ್ವಿನ್ ದಾಂತಿ ಮತ್ತು ರೊಬರ್ಟ್ ಡಿಸೋಜ ಇವರು ತಮ್ಮ ಕವಿತೆಗಳನ್ನು ವಾಚಿಸುವರು.
ಕೊಂಕಣಿ ಭಾಂದವರು ಈ ಕಾರ್ಯಕ್ರಮದಲ್ಲಿ ಹೆಚ್ಚಿನ ಸಂಖ್ಯೆಯಲ್ಲಿ ಭಾಗವಹಿಸಲು ಕೋರಲಾಗಿದೆ.

ನ್ಯಾಶನಲ್ ಖಾಸಗಿ ಹಿರಿಯ ಪ್ರಾಥಮಿಕ ಶಾಲೆ ಹನೆಹಳ್ಳಿ 157 ಗಾಂಧಿ ಜಯಂತಿ ಪ್ರಯುಕ್ತ ನಮ್ಮ ಶಾಲೆಯಲ್ಲಿ ಸ್ವಚ್ಛತಾ ಕಾರ್ಯಕ್ರಮವನ್ನು ನಡೆಸಲಾಯಿತು ಹಾಗೂ ವಿದ್ಯಾರ್ಥಿಗಳಿಂದ ಭಜನಾ ಕಾರ್ಯಕ್ರಮವನ್ನು ನಡೆಯಿತು. ಕಾರ್ಯಕ್ರಮಕ್ಕೆ ಮುಖ್ಯ ಅತಿಥಿಯಾಗಿ ಎಸ್‌.ಡಿ.ಎಂ.ಸಿ ಅಧ್ಯಕ್ಷರಾದ ಪ್ರಕಾಶ್ ನಾಯಕ್ ಹಾಗೂ ಶಾಲಾ ಮುಖ್ಯೋಪಾಧ್ಯಯರಾದ ಉದಯ. ಎಸ್ ಶೆಟ್ಟಿ ಅವರು ಉಪಸ್ಥಿತರಿದ್ದರು ಶ್ರೀಮತಿ ಶೈಲಜ ರವರ ಕಾರ್ಯಕ್ರಮವನ್ನು ನಿರೂಪಣೆ ಮಾಡಿದರು ಮುಖ್ಯೋಪಾಧ್ಯಯರಾದ ಉದಯ.ಎಸ್ ಶೆಟ್ಟಿ ಯವರು ದೀಪ ಬೆಳಗಿದರು. ಶ್ರೀಮತಿ ನವ್ಯಲತಾ ರವರು ವಂದಿಸಿದರು. ಶಿಕ್ಷಕಿಯಾದ ಸುಮಾ ಅವರು ಕಾರ್ಯಕ್ರಮದಲ್ಲಿ ಸಹಕರಿಸಿದರು . ಇಂದಿನ ಕಾರ್ಯಕ್ರಮಕ್ಕೆ ಶ್ರೀಮತಿ ಸುಪ್ರಭಾರವರು ಸಿಹಿ ತಿಂಡಿ ನೀಡಿರುತ್ತಾರೆ.

ಕಲ್ಯಾಣಪುರ: ಅಕ್ಟೋಬರ್ 4 ರಂದು ಭಾನುವಾರ ಸಂತೇಕಟ್ಟೆ-ಕಲ್ಯಾಣಪುರದ ಮೌಂಟ್ ರೋಸರಿ ಚರ್ಚ್ ಆವರಣದಲ್ಲಿ ನಡೆದ ಕಲ್ಯಾಣಪುರ ಕಥೊಲಿಕ್ ವಲಯ ಮಟ್ಟದ ಭಾಷಣ ಸ್ಪರ್ಧೆಯು ಯುವ ಧ್ವನಿಗಳು, ಆತ್ಮವಿಶ್ವಾಸ ಮತ್ತು ಸಂವಹನ ಕೌಶಲಗಳ ಸ್ಫೂರ್ತಿದಾಯಕ ಸಂಗಮವಾಗಿ ಯಶಸ್ವಿಯಾಗಿ ಸಂಪನ್ನಗೊಂಡಿತು. ಕೊಂಕಣಿ ಮತ್ತು ಕನ್ನಡ ಭಾಷೆಗಳಲ್ಲಿ ಏಳು ವಿಭಾಗಗಳಲ್ಲಿ ಈ ಸ್ಪರ್ಧೆಯನ್ನು ಆಯೋಜಿಸಲಾಗಿತ್ತು.

ಕಲ್ಯಾಣಪುರ ವಲಯದ ವ್ಯಾಪ್ತಿಗೆ ಬರುವ ಒಂಬತ್ತು ಧರ್ಮಕೇಂದ್ರಗಳಿಂದ ಸ್ಪರ್ಧಿಗಳು ಅತ್ಯುತ್ಸಾಹದಿಂದ ಪಾಲ್ಗೊಂಡಿದ್ದರು; ಭರವಸೆಯ ಯುವ ಭಾಷಣಕಾರರು ಮಧ್ಯಾಹ್ನ 2.30ಕ್ಕೆ ಆಗಮಿಸಿ ತಮ್ಮ ಹೆಸರುಗಳನ್ನು ನೋಂದಾಯಿಸಿಕೊಂಡರು. ಸ್ಪರ್ಧೆಯಾಗಿ ವಾತಾವರಣವು ಉತ್ಸಾಹ ಮತ್ತು ನಿರೀಕ್ಷೆಯಿಂದ ತುಂಬಿತ್ತ.

ಭಾಷಣ ಸ್ಪರ್ಧೆಯ ಪ್ಗಲಿತಾಂಶ

ಕೊಂಕಣಿ ವಿಭಾಗ

ಗುಂಪು 1

I ಸ್ಥಾನ – ಜಾಜ್ಲೈನ್ ​​ಪಿಂಟೊ ತೊಟ್ಟಂ
II ಸ್ಥಾನ – ಅಡೆನ್ ಡೈಲನ್ ಡಿಸೋಜಾ – ಮೌಂಟ್ ರೋಸರಿ, ಸಂತೆಕಟ್ಟೆ ಕಳ್ಳಿಯನಪುರ
III ಸ್ಥಾನ – ಡೆನಿಶಾ ರೋಸ್ಮಂಡ್ – ಸಾಸ್ತಾನ್

ಗುಂಪು 2
I ಸ್ಥಾನ – ಮ್ಯಾಕ್ಲೀನ್ ಲೂಯಿಸ್ – ಬ್ರಹ್ಮಾವರ್
II ಸ್ಥಾನ – ಅನ್ಸಿಟಾ ಲೂಯಿಸ್ – ಸಾಸ್ತಾನ್
III ಸ್ಥಾನ – ಸೆಲ್ವಿನ್ ಡಾಲ್ಮೇಡಾ – ಸಾಸ್ತಾನ್

ಗುಂಪು 3
I ಸ್ಥಾನ- ಉಜ್ವಲ್ ಗೊನ್ಸಾಲ್ವಿಸ್ – ಕೆಮ್ಮಣ್ಣು
II ಸ್ಥಾನ – ಅಡ್ರಿಯಾನಾ ಕಾರ್ಡೋಜಾ – ತೊಟ್ಟಂ
III ಸ್ಥಾನ – ರಿಶಾಲ್ ಡಿಸೋಜಾ – ಕೊಲ್ಲಲಗಿರಿ

ಗುಂಪು 4
I ಸ್ಥಾನ- ಪ್ರಿನ್ಸಿತಾ ಡಿಸೋಜಾ – ಕೊಲ್ಲಲಗಿರಿ
I ಸ್ಥಾನ- ವೆನೆಸ್ಸಾ ಪಿಂಟೊ – ತೊಟ್ಟಂ

ಕನ್ನಡ ವಿಭಾಗ
ಗುಂಪು 2
I ಸ್ಥಾನ – ವಿವಾನ್ ಆಸ್ಟಿನ್ ಡಿಸೋಜಾ – ಬ್ರಹ್ಮಾವರ್
II ಸ್ಥಾನ – ಕ್ಯಾಲಿಸ್ಟಾ ಡಯಾಸ್ – ಬಾರ್ಕೂರ್
III ಸ್ಥಳ – ಫೆಲಿಶಾ ದಲ್ಮೇಡಾ – ತೊಟ್ಟಂ

ಗುಂಪು 3
I ಸ್ಥಾನ – ಸಾನ್ವಿ ಡಯಾಸ್ – ಬಾರ್ಕೂರು
II ಸ್ಥಳ – ರಾಬಿನ್ ಪಿಂಟೋ – ಮಿಲಾಗ್ರೆಸ್ ಕ್ಯಾಥೆಡ್ರಲ್ ಕಲ್ಯಾಣಪುರ
III ಸ್ಥಳ – ವಯೋಲಾ ಕೊಲಾಕೊ – ತೊಟ್ಟಂ

ಗುಂಪು 4
I ಸ್ಥಾನ – ವಿನಿಶಾ ಡಿಸೋಜಾ – ಕೊಲ್ಲಲಗಿರಿ
II ಸ್ಥಾನ – ಅನಿಶಾ ಡಿಸೋಜಾ – ಕೊಲ್ಲಲಗಿರಿ
III ಸ್ಥಾನ – ಶೈನಾಲ್ ಲಿಯೋನ್ನಾ ಫೆರ್ನಾಂಡಿಸ್ – ತೊಟ್ಟಂ

Kallianpur Deanery Elocution Competition Celebrates Oratory Talent, Winners from nine parishes showcase confidence, communication skills and Konkani–Kannada eloquence

KALLIANPUR: It was an inspiring celebration of young voices, confidence and communication skills as the Kallianpur Deanery-level Elocution Competition 2026, conducted in Konkani and Kannada across seven categories, concluded successfully on Sunday, October 4, at the Mount Rosary Church complex, Santhekatte–Kallianpur.

The competition witnessed enthusiastic participation from the nine parishes of the Kallianpur Deanery, with promising young orators arriving at 2.30 p.m. to register their names. The atmosphere was filled with excitement and anticipation as contesta…
[6:58 pm, 5/10/2026] Peter Archibald Futardo: Kallianpur Deanery level Elocution Competition

KONKANI SECTION

Group 1
I Place – Jazline Pinto Thottam
II Place – Aden Dylan DSouza – Mount Rosary, Santhekatte Kallianpur
III Place – Denisha Rosemond – Sastan

Group 2
I Place – Maclean Lewis – Brahmmavar
II Place – Ancita Lewis – Sastan
III Place – Selwin DAlmeida – Sastan

Group 3
I Place – Uzwal Gonsalves – Kemmannu
II Place – Adrianna Cardoza – Thottam
III Place – Rishal DSouza – Kollalgiri

Group 4
I Place – Princita DSouza – Kollalgiri
I Place – Venessa Pinto – Thottam

KANNADA SECTION
Group 2
I Place – Vivaan Austin DSouza – Brahmmavar
II Place – Calista Dias – Barkur
III Place – Felisha DAlmeida – Thottam

Group 3
I Place – Sanvi Dias – Barkur
II Place – Robin Pinto – Milagres Cathedral Kallianpur
III Place – Viola Colaco – Thottam

Group 4
I Place – Vinisha DSouza – Kollalgiri
II Place – Anisha DSouza – Kollalgiri
III Place – Shainal Leoanna Fernandes – Thottam

Angelina Christy Pradeep, a student of St Aloysius Gonzaga School, won the Shine Open National Table Tennis Championships

ಮಂಗಳೂರು: ಸಂತ ಅಲೋಶಿಯಸ್ ಗೊನ್ಝಾಗ ಶಾಲೆಯ 7ನೇ ತರಗತಿಯ ವಿದ್ಯಾರ್ಥಿನಿ ಏಂಜಲೀನಾ ಕ್ರಿಸ್ಟಿ ಪ್ರದೀಪ್ ಅವರು ಉಡುಪಿಯ ಎಂ.ಜಿ.ಎಂ ಕಾಲೇಜಿನಲ್ಲಿ ಅಕ್ಟೋಬರ್ 2 ರಂದು ನಡೆದ ಶೈನ್ ಓಪನ್ ರಾಷ್ಟ್ರೀಯ ಟೇಬಲ್ ಟೆನಿಸ್ ಪಂದ್ಯಾಟದಲ್ಲಿ  13 ವರ್ಷದೊಳಗಿನ ವಿಭಾಗದಲ್ಲಿ ಪ್ರಥಮ ಸ್ಥಾನ ಪಡೆದು

  ಚಿನ್ನದ ಪದಕವನ್ನು  ಗೆದ್ದಿದ್ದಾರೆ. 17 ವರ್ಷದೊಳಗಿನ ವಿಭಾಗದಲ್ಲಿ ತೃತೀಯ ಸ್ಥಾನ ಪಡೆದು ಕಂಚಿನ ಪದಕವನ್ನು ತಮ್ಮದಾಗಿಸಿಕೊಂಡಿದ್ದಾರೆ.

ಏಂಜಲೀನಾ ಕ್ರಿಸ್ಟಿ ಪ್ರದೀಪ್ ಅವರ ಈ ಅದ್ಭುತ ಸಾಧನೆಗೆ ಶಾಲೆಯ ಆಡಳಿತ ಮಂಡಳಿ, ಪ್ರಾಂಶುಪಾಲರಾದ  ವಂ.ಫಾ. ರೋಹನ್ ಡಿ ಅಲ್ಮೇಡಾ ಎಸ್.ಜೆ ಶ್ಲಾಘಿಸಿದರು . ಉಪ ಪ್ರಾಂಶುಪಾಲರಾದ ಲಾರೆಲ್ ಡಿ’ ಸೋಜಾ ಅಪರ್ಣಾ ಸುರೇಶ್ ಶಿಕ್ಷಕರು ಹಾಗೂ ವಿದ್ಯಾರ್ಥಿಗಳು ಅಭಿನಂದನೆ ಸಲ್ಲಿಸಿ, ಮುಂದಿನ ಕ್ರೀಡಾ ಸಾಧನೆಗಳಿಗೆ ಶುಭ ಹಾರೈಸಿದ್ದಾರೆ.

Angelina Christy Pradeep, a student of St Aloysius Gonzaga School, won the Shine Open National Table Tennis Championships

Mangaluru: Angelina Christy Pradeep of Class VII, St Aloysius Gonzaga School, Mangaluru, brought laurels to the school with an impressive performance at the Shine Open National Table Tennis Tournament held at MGM College, Udupi, on October 2 and 3, 2026.

Competing in the Under-13 category, Angelina secured the first place, showcasing her skill and determination. She also secured the third place in the Under-17 category, competing against players in a higher age group.

The Principal, Rev. Fr Rohan D’Almeida SJ, Vice-Principals Ms Laurel D’Souza and Ms Aparna Suresh, along with the staff and students, congratulated Angelina and wished her greater laurels in the future.

Tallur ; Parish Day and Celebrating the 800th anniversary of St. Francis of Assisi

ಕುಂದಾಪುರ; ಅಕ್ಟೋಬರ್ 4, 2026ರಂದು ಸಂತ ಫ್ರಾನ್ಸಿಸ್ ಅಸ್ಸಿಸಿ ಚರ್ಚ್, ತಲ್ಲೂರಿನಲ್ಲಿ ಸಂತ ಫ್ರಾನ್ಸಿಸ್ ಅಸ್ಸಿಸಿಯವರ ಮರಣದ 800ನೇ ವರ್ಷಾಚರಣೆಯ ಜುಬಿಲಿ ವರ್ಷ ಹಾಗೂ ಪರಿಶದ್ ದಿನಾಚರಣೆಯನ್ನು ಪವಿತ್ರ ಬಲಿಪೂಜೆಯೊಂದಿಗೆ ಆಚರಿಸಲಾಯಿತು.
BEC ಕರ್ನಾಟಕ ಪ್ರಾಂತ್ಯದ ನಿರ್ದೇಶಕರಾದ ವಂ।ಡಾ. ಸುನಿಲ್ ಡಿಸೋಜಾ ಅವರು ಪವಿತ್ರ ಬಲಿಪೂಜೆಯ ಪ್ರಧಾನ ಯಾಜಕರಾಗಿದ್ದರು. ಅವರಿಗೆ ಕುಂದಾಪುರದ ಸೇಂಟ್ ಮೇರೀಸ್ ಪಿಯು ಕಾಲೇಜಿನ ಪ್ರಾಂಶುಪಾಲರಾದ ವಂ। ಫಾ. ರೋಲ್ವಿನ್ ಫೆರ್ನಾಂಡಿಸ್ ಹಾಗೂ ಸಂತ ಫ್ರಾನ್ಸಿಸ್ ಅಸ್ಸಿಸಿ ಚರ್ಚ್, ತಲ್ಲೂರಿನ ಧರ್ಮಗುರುಗಳಾದ ವಂ। ಫಾ. ಎಡ್ವಿನ್ ಡಿಸೋಜಾ ಸಹ ಬಲಿದಾನವನ್ನು ಅರ್ಪಿಸಿದರು.
ತಮ್ಮ ಪ್ರವಚನದಲ್ಲಿ ಫಾ. ಸುನಿಲ್ ಡಿಸೋಜಾ ಅವರು, ನಾವು ದೀಕ್ಷಾಸ್ನಾನ ಪಡೆದ ದಿನದಿಂದಲೇ ಕ್ರಿಸ್ತನ ದೇಹದ ಸದಸ್ಯರಾಗುತ್ತೇವೆ ಎಂದು ಹೇಳಿದರು. ದೀಕ್ಷಾಸ್ನಾನದ ಮೂಲಕ ನಾವು ಯೇಸು ಕ್ರಿಸ್ತನ ದೇಹದ ವಿವಿಧ ಅಂಗಗಳಾಗುತ್ತೇವೆ. ದೇವರು ನಮಗೆ ನೀಡಿರುವ ಅತ್ಯಂತ ಮಹತ್ವದ ಉಡುಗೊರೆ ಸ್ವಾತಂತ್ರ್ಯವಾಗಿದ್ದು, ಅದನ್ನು ಎಂದಿಗೂ ದುರುಪಯೋಗಪಡಿಸಿಕೊಳ್ಳಬಾರದು ಎಂದು ಅವರು ತಿಳಿಸಿದರು. ಚರ್ಚಿನಲ್ಲಿ ನಾವು ನಿಷ್ಠಾವಂತ ಸೇವಕರಾಗಿ, ಒಳ್ಳೆಯ ಕಾರ್ಯಗಳನ್ನು ಮಾಡುತ್ತಾ, ಇತರರ ಒಳಿತಿಗಾಗಿ ಬದುಕಬೇಕು ಎಂದು ಅವರು ಕರೆ ನೀಡಿದರು.
ಪವಿತ್ರ ಬಲಿಪೂಜೆಯ ನಂತರ ಚರ್ಚ್ ಸಭಾಂಗಣದಲ್ಲಿ ಸಾಂಸ್ಕೃತಿಕ ಕಾರ್ಯಕ್ರಮವನ್ನು ಆಯೋಜಿಸಲಾಯಿತು. ವಿವಿಧ ಚರ್ಚ್ ಸಂಘಟನೆಗಳು, ಮಕ್ಕಳು ಹಾಗೂ ಯುವಕರು ವಿವಿಧ ಸಾಂಸ್ಕೃತಿಕ ಕಾರ್ಯಕ್ರಮಗಳನ್ನು ಪ್ರಸ್ತುತಪಡಿಸುವ ಮೂಲಕ ತಮ್ಮ ಪ್ರತಿಭೆಯನ್ನು ಪ್ರದರ್ಶಿಸಿದರು ಮತ್ತು ಧಾರ್ಮಿಕ ಜೀವನದಲ್ಲಿ ತಮ್ಮ ಸಕ್ರಿಯ ಪಾಲ್ಗೊಳ್ಳುವಿಕೆಯನ್ನು ತೋರಿಸಿದರು.
ಕಾರ್ಯಕ್ರಮದ ಸಂದರ್ಭದಲ್ಲಿ ಧರ್ಮಗುರುಗಳಾದ ವಂದನೀಯ ಫಾ. ಎಡ್ವಿನ್ ಡಿಸೋಜಾ ಅವರು ಪಾಲನಾ ಮಂಡಳಿಯ ಪದಾಧಿಕಾರಿಗಳು ಮತ್ತು ಸದಸ್ಯರು, ಗುರಿಕಾರರು ಹಾಗೂ ವಿವಿಧ ಚರ್ಚ್ ಸಂಘಟನೆಗಳ ನಾಯಕರನ್ನು ಚರ್ಚಿಗೆ ಸಲ್ಲಿಸಿದ ನಿಸ್ವಾರ್ಥ ಸೇವೆಗಾಗಿ ಸನ್ಮಾನಿಸಿದರು.
ಕಾರ್ಯಕ್ರಮದ ಮುಖ್ಯ ಅತಿಥಿಗಳಾದ ವಂದನೀಯ ಡಾ. ಸುನಿಲ್ ಡಿಸೋಜಾ ಹಾಗೂ ವಂದನೀಯ ಫಾ. ರೋಲ್ವಿನ್ ಫೆರ್ನಾಂಡಿಸ್ ಅವರನ್ನೂ ಧರ್ಮಗುರುಗಳಾದ ಫಾ. ಎಡ್ವಿನ್ ಡಿಸೋಜಾ ಅವರು ಸನ್ಮಾನಿಸಿದರು.
ಫಾ. ರೋಲ್ವಿನ್ ಅವರು ಧರ್ಮಕೇಂದ್ರದ ಸದಸ್ಯರಲ್ಲಿರುವ ವಿವಿಧ ಪ್ರತಿಭೆಗಳನ್ನು ಶ್ಲಾಘಿಸಿ, ಚರ್ಚಿನ ಚಟುವಟಿಕೆಗಳಲ್ಲಿ ಅವರು ತೋರಿಸುತ್ತಿರುವ ಸಕ್ರಿಯ ಭಾಗವಹಿಸುವಿಕೆಯನ್ನು ಪ್ರಶಂಸಿಸಿದರು. ಫಾ. ಸುನಿಲ್ ಡಿಸೋಜಾ ಅವರು ಧರ್ಮಗುರು ಫಾ. ಎಡ್ವಿನ್ ಡಿಸೋಜಾ ಅವರು ಕೈಗೊಂಡಿರುವ ವಿವಿಧ ಚಟುವಟಿಕೆಗಳನ್ನು ಶ್ಲಾಘಿಸಿ, ವಿಶೇಷವಾಗಿ ಮಕ್ಕಳು ಮತ್ತು ಯುವಜನರಿಗಾಗಿ ಅವರು ಸಲ್ಲಿಸುತ್ತಿರುವ ಸಮರ್ಪಿತ ಹಾಗೂ ನಿರಂತರ ಸೇವೆಯನ್ನು ಗೌರವಿಸಿದರು.
ಚರ್ಚಿನ ಸಂಘ ಸಂಸ್ಥೆಗಳ ಸದಸ್ಯರು ಪ್ರಸ್ತುತಪಡಿಸಿದ ಸಾಂಸ್ಕೃತಿಕ ಕಾರ್ಯಕ್ರಮವನ್ನು ಮೆಚ್ಚಿದ ಫಾ. ಸುನಿಲ್ ಡಿಸೋಜಾ ಅವರು, ಇಲ್ಲಿ ಉತ್ತಮವಾದ ಸಮುದಾಯ ಜೀವನವನ್ನು ಕಾಣಬಹುದಾಗಿದೆ ಎಂದು ಹೇಳಿದರು. ಸಮುದಾಯ ಜೀವನದ ಮಹತ್ವವನ್ನು ವಿವರಿಸಲು ಅವರು ಒಂದು ಅರ್ಥಪೂರ್ಣ ಕಥೆಯನ್ನು ಹೇಳಿ, ಚರ್ಚಿನಲ್ಲಿ ಏಕತೆ, ಸಹಕಾರ ಮತ್ತು ಸಹೋದರತ್ವವನ್ನು ಇನ್ನಷ್ಟು ಬಲಪಡಿಸುವಂತೆ ಎಲ್ಲರಿಗೂ ಪ್ರೋತ್ಸಾಹ ನೀಡಿದರು.
ಪಾಲನಾ ಮಂಡಳಿಯ ಪದಾಧಿಕಾರಿಗಳು ಮತ್ತು ಸದಸ್ಯರು ವಂ।ಫಾ. ಎಡ್ವಿನ್ ಡಿಸೋಜಾ ಅವರು ಧರ್ಮಕೇಂದ್ರದ ಸಮುದಾಯಕ್ಕಾಗಿ ಸಲ್ಲಿಸುತ್ತಿರುವ ದಣಿವರಿಯದ ಸೇವೆ ಹಾಗೂ ಸಮರ್ಪಿತ ಧಾರ್ಮಿಕ ಸೇವೆಯನ್ನು ಗುರುತಿಸಿ ಅವರನ್ನು ಸನ್ಮಾನಿಸಿದರು.
ಉಪಾಧ್ಯಕ್ಷರಾದ ಕ್ಯಾಲ್ವಿನ್ ಮೆಂಡೋನ್ಸಾ ಅವರು ಸಭಿಕರನ್ನು ಸ್ವಾಗತಿಸಿದರು. ಪ್ರವೀಣ್ ಪೆರೇರಾ ಅವರು ಕಾರ್ಯಕ್ರಮವನ್ನು ನಿರೂಪಿಸಿದರು. ಚರ್ಚಿನ ಸದಸ್ಯರು ಪ್ರೀತಿಯಿಂದ ಹಾಗೂ ಸಹಕಾರದಿಂದ ಸಿದ್ಧಪಡಿಸಿ ಹಂಚಿಕೊಂಡ ಸಮುದಾಯ ಭೋಜನದೊಂದಿಗೆ ಈ ಸಂಭ್ರಮವು ಏಕತೆ, ಸಹೋದರತ್ವ ಮತ್ತು ಸೌಹಾರ್ದತೆಯ ಮನೋಭಾವದಲ್ಲಿ ಯಶಸ್ವಿಯಾಗಿ ಮುಕ್ತಾಯಗೊಂಡಿತು.

Tallur ; Parish Day and Celebrating the 800th anniversary of St. Francis of Assisi

Tallur ;On October 4, 2026, the Jubilee Year commemorating the Eighth Centenary of the Death of St. Francis of Assisi and Parish Day were celebrated at St. Francis of Assisi Church, Tallur, with a Holy Mass at 4:00 p.m.

Rev. Dr. Sunil D’Souza, Director of BEC, Karnataka Region, was the main celebrant. He was assisted by Rev. Fr. Rolwin Fernandes, Principal of St. Mary’s PU College, Kundapura, and Rev. Fr. Edwin D’Souza, Parish Priest of St. Francis of Assisi Church, Tallur.

In his homily, Fr. Sunil D’Souza said that on the day of our Baptism, we became members of the Body of Christ. Through Baptism, we become different parts of the Body of Jesus Christ. He reminded the faithful that freedom is one of the greatest gifts given to us by God and that we should never misuse it. He encouraged everyone to remain faithful workers in the Church and to continue doing good for others.

Following the Holy Mass, a cultural programme was held in the Church Hall. Various Church associations, children and youth presented a variety of cultural programmes, showcasing their talents and active participation in the life of the parish.

During the programme, Parish Priest Rev. Fr. Edwin D’Souza felicitated the Parish Pastoral Council office-bearers and members, Gurkars, and leaders of various Church associations in recognition of their selfless service to the Church.

Rev. Dr. Sunil D’Souza and Rev. Fr. Rolwin Fernandes, the chief guests of the programme, were also felicitated by the Parish Priest.

Fr. Rolwin appreciated the various talents of the parishioners and praised their active participation in the parish activities. Fr. Sunil D’Souza appreciated the activities carried out by the Parish Priest and honoured him for his tireless service, especially his dedicated efforts for the welfare and development of children and youth.

Appreciating the cultural programme presented by the parishioners, Fr. Sunil D’Souza said that he could clearly see a strong sense of community life in the parish. To highlight the importance of community life, he narrated a meaningful story and encouraged everyone to continue strengthening unity, cooperation and fellowship in the parish.

The Parish Pastoral Council office-bearers also felicitated Rev. Fr. Edwin D’Souza in appreciation of his tireless service and dedicated ministry to the parish community.

Mr. Calvin Mendonca, Vice President of the Parish Pastoral Council, welcomed the gathering. Mr. Praveen Pereira compered the programme.

The celebration concluded with a community dinner, which was prepared and shared by the parishioners in a spirit of love, unity and fellowship.