JANANUDI.COM NETWORK
ರೋಜರಿ ಕ್ರೇಡಿಟ್ ಕೋ ಆಪರೇಟಿವ್ ಸೊಸೈಟಿ ಲಿ.
ರೋಜರಿ ಕ್ರೇಡಿಟ್ ಕೋ ಆಪರೇಟಿವ್ ಸೊಸೈಟಿ ಲಿ. ಸಂಸ್ಥೊ ಉಡುಪಿ ಜಿಲ್ಲ್ಯಾಂತ್‍ಚ್ ಏಕ್ ಖ್ಯಾತ್ ಸಹಕಾರಿ ಸಂಸ್ಥೊ. ಹಾಂಚೆಂ ಬಸ್ರೂರ್ ಶಾಖ್ಯಾಚೆ ಸ್ವಂತ್ ಬಾಂದಪ್ ರೋಜರಿ ಕ್ರೌನ್, ಬಸ್ರೂರ್ ಹಾಂಗಾಂಸರ್ 2021 ಎಪ್ರಿಲಾಚ್ಯಾ 27 ತಾರೀಕೆರ್ ಮಂಗ್ಳಾರಾ ಸಾಕಾಳಿ 9.00 ವೊರಾರ್ ಉದ್ಘಾಟನ್ ಕಾರ್ಯೆ ಜಾತಾಲೆಂ.ಹಾಚ್ಯಾ ಪಯ್ಲೆಂ ಎಪ್ರಿಲ್ 25 ಆಯ್ತಾರ ದಿಸಾ ಉದ್ಘಾಟನ್ ಮ್ಹಣುನ್ ಆಸಲ್ಲೆಂ, ಕೋವಿಡ್ 19 ಖಾತಿರ್ ಹಿ ಬದ್ಲಾವಣ್ ಕೆಲ್ಯಾ.
ಕುಂದಾಪುರ್ ವಾರಾಡ್ಯಾಚೊ ವಿಗಾರ್ ವಾರ್ ಭೋ|ಮಾ|ಬಾ| ಸ್ಟ್ಯಾನಿ ತಾವ್ರೊ ಹ್ಯಾ ಬಾಂದ್ಪಾಚೆಂ ಉದ್ಘಾಟನ್ ಕರ್ತೆಲೆಂ ಆನಿ ಬಸ್ರೂರ್ಚೊ ವಿಗಾರ್ ಮಾ|ಬಾ| ಚಾಲ್ರ್ಸ್ ನೊರೊನ್ಹಾ ಆಶಿರ್ವಚನ್ ಕರ್ತೆಲೆಂ. ಕಾರ್ಯಾಚೆ ಅಧ್ಯಕ್ಷ್ ರೋಜರಿ ಕ್ರೇಡಿಟ್ ಕೋ ಆಪರೇಟಿವ್ ಸೊಸೈಟಿ ಲಿ. ಚೊ ಅಧ್ಯಕ್ಷ್ ಜೋನ್ಸನ್ ಡಿಆಲ್ಮೇಡಾ ಜಾವ್ನಾಸ್ತಾಲೊ.
ಸ್ಥಾಪಿತ್ ಚರಿತ್ರಾ
1992 ಡಿಸೆಂಬರ್ 26 ವೆರ್ ಕಥೊಲಿಕ್ ಸಭಾ ಕುಂದಾಪುರ್ ವಾರಾಡೊ ಥಾವ್ನ್ ಆರಂಭ್ ಜಾಲ್ಲೊ ರೋಜರಿ ಕ್ರೇಡಿಟ್ ಕೋ ಆಪರೇಟಿವ್ ಸೊಸೈಟಿ ಲಿ. ಆಜ್ ಹೊ ಸಂಸ್ಥೊ 29 ವರ್ಸಾಂ ನಿರಂತರ್ ಅಭಿವ್ರದ್ದಿ ಜಾವ್ನ್, ಉಡುಪಿ ಜಿಲ್ಯಾಂತ್‍ಯಿ ವಿಸ್ತಾರುನ್ ಹಾಂಚ್ಯಾ ಉತ್ತಮ ಮಟ್ಟಾಚ್ಯಾ ಸೆವೆ ವರ್ವಿಂ ಆಜ್ ಉಡುಪಿ ಜಿಲ್ಯಾಂತಚ್ ಹೊ ಸಂಸ್ಥೊ ಲೋಕಾ ಮೊಗಾಳ್ ಜಾಲ್ಯಾ.
ಸೊಸೈಟಿಚಿ ವಿಶೇಷತಾಂ
30 ಹಜಾರ್ ಫ್ರಾಸ್ ಚಡ್ತಿಕ್ ಗ್ರಾಹಕ್ ಹ್ಯಾ ಸಹಕಾರಿ ಸಂಸ್ಥ್ಯಾಕ್ ಆಸೊನ್ ಹಾಂಚೆಂ ಪ್ರಧಾನ್ ಕಾರ್ಯಲಯ್ ಕುಂದಾಪುರ್ ಶಹರಾ ಮಧೆಂ ಸ್ವಂತ್ ಬಾಂದ್ಪಾಂತ್ ಆಸಾ. ತಸೆಂಚ್ ಕುಂದಾಪುರ್, ಬೈಂದೂರ್, ಪಡುಕೋಣೆ, ಬಸ್ರೂರ್, ,ಶಿರ್ವಾಂ, ಪಿಯುಸ್ ನಗರ್/ಕೋಟೇಶ್ವರ, ಗಂಗೊಳ್ಳಿ/ತ್ರಾಸಿ, ಕಲ್ಯಾಣಪುರ/ಸಂತೆಕಟ್ಟೆ ಮ್ಹಣುನ್ 8 ಶಾಖೆ ಆಸಾತ್.
ಕುಂದಾಪುರ್ ಶಾಖೊ, ಪಡೊಕೋಣೆ, ಸಂತೆಕಟ್ಟೆ ಶಾಖೆಂ ಆಪ್ಲ್ಯಾ ಸ್ವಂತ್ ಬಾಂದ್ಪಾ ಆಸೊನ್ ಕಾರ್ಯಚರಣ್ ಕರಿಚ್ ಆಸಾತ್, ಆತಾಂ ಬಸ್ರೂರ್ ಶಾಖೆಚೆಂ ಬಾಂದಾಪ್ ತಯಾರ್ ಜಾವ್ನ್, ತಾಚೆಂ ಉಗ್ತಾವಣ್ ಜಾವ್ನ್ ಕಾರ್ಯಚರಣ್ ಆರಂಭ್ ಕರುಂಕ್ ಆಯ್ತೆಂ ಜಾಲ್ಯಾಸ್ತಾಂ, ಬೈಂದೂರ್ ಶಾಖೆಚ್ಯಾ ಸ್ವಂತ್ ಬಾಂದ್ಪಾಚೆಂ ಕಾಮ್ ಭರಾನ್ ಚಲ್ತೆಂ ಆಸಾ. ಪುಡ್ಲ್ಯಾ ದಿಸಾನಿಂ ಸರ್ವ್ ಬ್ರಾಂಚ್ಯಾಕ್ ಸ್ವಂತ್ ಬಾಂದ್ಪಾ ಬಾಂದುನ್ ಸ್ವಂತ್ ಬಾಂದ್ಪಾ ಥಾವ್ನ್ ಕಾರ್ಭಾರ್ ಚಲಂವ್ಚೆ ಯೋಜನ್ ಸೊಸೈಟಿಚ್ಯಾ ಆಡಳಿತ್ ಮಂಡಳೆಚೆ ಜಾವ್ನಾಸಾ.
ಸೊಸೈಟಿಂತ್ ಲಾಭ್ಚಿಂ ಸೌಲತಾಯ್
ಸೊಸೈಟಿಂತ್ ಪಿಗ್ಮಿ ಸೌಲತ್ ಆಸೊನ್, ಘರಾಕ್/ ಬಾಂದ್ಪಾಕ್ ರೀಣ್, ಕೈಗಾರಿಕ್ ರೀಣ್, ವಾಹನ್ ರೀಣ್, ಲಗ್ನಾಕ್ ರೀಣ್, ಬಾಂಗಾರ್ ಇಡ್ ದವರ್ಚೆಂ ರೀಣ್, ವ್ಯಾಪರ್ ವ್ಯಹವಾರ್ ರೀಣ್ ಅಶೆಂ ಸರ್ವ್ ರೀತಿಚಿಂ ರಿಣಾಚಿಂ ಸೌಲತ್ ಸೊಸೈಟಿ ದಿವ್ನ್ ಆಸಾ.
“ಹ್ಯಾ ಸೊಸೈಟಿಂತ್ 83 ಕೊರೋಡ್ ಮುಗಂಡ್ ರೀಣ್ ಸೌಲತ್ ಆಸೊನ್, 106 ಕೊರೋಡಾ ಫ್ರಾಸ್ ಚಡ್ ಠೇವ್ಣಿ ಆಸಾ” ಮ್ಹಣುನ್ ಸೊಸೈಟಿಚೊ ಅಧ್ಯಕ್ಷ್ ಜೋನ್ಸನ್ ಡಿಆಲ್ಮೇಡಾನ್ ಮಾಹೆತ್ ದಿಲ್ಯಾ. ಸೊಸೈಟಿ ನಿರಂತರ್ ಮುನಾಪೆÇ ಜೋಡ್ನ್ ಯೆಂವ್ನ್ 1993 ಥಾವ್ನ್ ಸೊಸೈಟಿಚ್ಯಾ ಹಿಸ್ಸೆದಾರಾಂಕ್ ಲಾಭಾಂಶ್ (ಡಿವಿಡೆಂಡ್) ದಿವ್ನಚ್ ಆಸಾ. ಪಾಟ್ಲ್ಯಾ ಆರ್ಥಿಕ್ ವರ್ಸಾಂ ಶೇ. 17.5 ಲಾಭಾಂಶ್ ದಿಲ್ಯಾ.
ಉಂಚ್ ಮಟ್ಟಾಚಿ ಸೆವಾ
ಅತ್ಯುತ್ತಮ್ ಸೆವಾ ದಿವ್ನ್ ಖ್ಯಾತ್ ಜಾಲ್ಯಾ ರೋಜರಿ ಸೊಸೈಟಿಕ್ 2019 ಇಸ್ವೆಂತ್ ರಾಜ್ಯ್ ಮಟ್ಟಾಚ್ಯಾ 66 ವ್ಯಾ ಅಖೀಲ್ ಭಾರತ ಸಹಕಾರ ಸಪ್ತಾಹ ಉಡುಪಿ ಹಾಂಚೆಂ ಥಾವ್ನ್ ‘ಉತ್ತಮ್ ಸಹಕಾರಿ ಸಂಘ್ ಪ್ರಶಸ್ತಿ’ ಲಾಭ್ಲ್ಯಾ. ತಶೆಂಚ್ ಉಂಚ್ ಮಟ್ಟಾಚ್ಯಾ ವ್ಯವಹಾರಾಕ್ ಆನಿ ಸರ್ವ್ ಥರಾಂಚ್ಯಾ ಪ್ರಗತೆಚೆಂ ಸಾಧನ್ ಕೆಲ್ಯಾ ಖಾತಿರ್, ದ.ಕನ್ನಡ ಜಿಲ್ಲಾ ಕೇಂದ್ರ ಸಹಾಕಾರಿ ಬ್ಯಾಂಕಾ ಥಾವ್ನ್ “ಸಾಧನಾ ಪ್ರಶಸ್ತಿ” ಪತ್ರ್ ಆನಿ ಫಲಕ್ ಪ್ರಶಸ್ತಿ ಲಾಬ್ಲ್ಯಾ.
ನಿರ್ದೇಶಕ್ ಆನಿ ಕಾರ್ಯನಿರ್ವಹಣಾಧಿಕಾರಿ
ಸಂಸ್ಥ್ಯಾಚೊ ಉಪಾಧ್ಯಕ್ಷ್ ಕಿರಣ್ ಲೋಬೊ, ಆಡಳಿತ್ ಮಂಡಳೆಚೆಂ ನಿರ್ದೇಶಕ್ ಜಾವ್ನಾಸ್ಲೆಂ ಫಿಲಿಫ್ ಡಿಕೋಸ್ತಾ, ವಿನೋದ್ ಕ್ರಾಸ್ಟೊ, ಡಯಾನಾ ಡಿಆಲ್ಮೇಡ, ಶಾಂತಿ ಕರ್ವಾಲ್ಲೊ , ಶಾಂತಿ ಡಾಯಸ್, ಜಾಕೋಬ್ ಡಿಸೋಜ, ಬ್ಯಾಪ್ಟಿಸ್ಟ್ ಡಾಯಸ್, ಪ್ರಕಾಶ್ ಲೋಬೊ, ಓಝ್ಲಿನ್ ರೆಬೆಲ್ಲೊ, ಡೆರಿಕ್ ಡಿಸೋಜಾ, ವಿಲ್ಸನ್ ಡಿಸೋಜಾ, ಸಂತೋಷ್ ಓಜ್ವಲ್ಡ್ ಡಿಸಿಲ್ವಾ, ವಿಲ್ಫ್ರೆಡ್ ಮಿನೇಜೆಸ್, ಟೆರೆನ್ಸ್ ಸುವಾರಿಸ್, ತಿಯೋದೊರ್ ಒಲಿವೆರಾ ತಶೆಂಚ್ ಪ್ರಧಾನ್ ಕಾರ್ಯನಿರ್ವಹಣಾಧಿಕಾರಿ ಪಾಸ್ಕಲ್ ಡಿಸೋಜಾ ಆನಿ ಸಹಾಯಕ್ ಕಾರ್ಯನಿರ್ವಹಣಾಧಿಕಾರಿ ಮೇಬಲ್ ಡಿಆಲ್ಮೇಡಾ ಆನಿ ಸಿಬ್ಬಂದಿ ರೋಜರಿ ಸೊಸೈಟಿ ಆನಿಕಿ ಚಡ್ ಮಾಫಾನ್ ಅಭಿವ್ರದ್ದಿ ಪಾಂವ್ಚ್ಯಾ ಪಾಸೊತ್ ಮಿನತ್ ಕಾಡ್ನ್ ಆಸಾ.
