ವರದಿ: ಶಬ್ಬೀರ್ ಅಹ್ಮದ್, ಶ್ರೀನಿವಾಸಪುರ

ಶ್ರೀನಿವಾಸಪುರ: ಪಟ್ಟಣದ ಪುರಸಭಾ ಕಚೇರಿ ಸಭಾಂಗಣದಲ್ಲಿ ಸೋಮವಾರ ಏರ್ಪಡಿಸಿದ್ದ ಪುರಸಭೆಯ 2022-23 ನೇ ಸಾಲಿನ ಆಯ ವ್ಯಯ ಸಭೆಯಲ್ಲಿ, ಎಂಟು ತಿಂಗಳಿದ ಸದಸ್ಯರ ಸಾಮಾನ್ಯ ಸಭೆ ಕರೆಯದಿರುವ ಬಗ್ಗೆ ಹಾಗೂ ಸಭೆಯಲ್ಲಿ ಚರ್ಚಿಸದೆ ನಿರ್ಣಯಗಳನ್ನು ಕೈಗೊಂಡಿರುವುದರ ಬಗ್ಗೆ ಪುರಸಭಾಧ್ಯಕ್ಷೆ ಎಂ.ಎನ್.ಲಲಿತಾ ಶ್ರೀನಿವಾಸ್ ಹಾಗೂ ಸದಸ್ಯರ ನಡುವೆ ಮಾತಿನ ಚಕಮಕಿ ನಡೆಯಿತು.
  ಸೋಮವಾರ ಬೆಳಿಗ್ಗೆ ಸರ್ವಸದಸ್ಯರ ಸಾಮಾನ್ಯ ಸಭೆ ಹಾಗೂ ಮಧ್ಯಾಹ್ನ ಆಯ ವ್ಯಯ ಸಭೆ ಏರ್ಪಡಿಸಲಾಗಿತ್ತು. ಎರಡೂ ಸಭೆಗಳನ್ನು ಒಂದೇ ದಿನ ಕರೆದಿರುವ ಬಗ್ಗೆ ಸದಸ್ಯರು ಆಕ್ಷೇಪಣೆ ವ್ಯಕ್ತಪಡಿಸಿದ ನಿನ್ನೆಲೆಯಲ್ಲಿ ಸಾಮಾನ್ಯ ಸರ್ವ ಸದಸ್ಯರ ಸಾಮಾನ್ಯ ಸಭೆಯನ್ನು ಮುಂದೂಡಲಾಯಿತು.  ಈ ಸಂದರ್ಭದಲ್ಲಿ ಸದಸ್ಯ  ಬಿ.ಆರ್.ಭಾಸ್ಕರ್ ಮಾತನಾಡಿ, ಅಧ್ಯಕ್ಷರು ಕಳೆದ ೮ ತಿಂಗಳಿAದ ಪುರಸಭೆ ಸದಸ್ಯರ ಸಾಮಾನ್ಯ ಸಭೆ ನಡೆಸದೆ ಕರ್ತವ್ಯ ಲೋಪ ಎಸಗಿದ್ದಾರೆ. ಪುರಸಭೆ ಆಡಳಿತದಲ್ಲಿ ಭ್ರಷ್ಟಾಚಾರ ಮಿತಿ ಮೀರಿದೆ. ಶಾಸಕ ಕೆ.ಆರ್.ರಮೇಶ್ ಕುಮರ್ ಅವರು ಪಟ್ಟಣದ ಅಭಿವೃದ್ಧಿಗಾಗಿ ಸರ್ಕಾರದಿಂದ ಅನುದಾನ ತಂದರೂ, ಅಭಿವೃದ್ಧಿ ಕಾಮಗಾರಿಗಳನ್ನು ಕೈಗೊಳ್ಳಲು ಟೆಂಡರ್‌ಗೆ ಅನುಮೋದನೆ ನೀಡುತ್ತಿಲ್ಲ ಎಂದು ದೂರಿದರು.  ಸದಸ್ಯ ಶಬ್ಬೀರ್ ಮಾತನಾಡಿ, ೧೬ನೇ ವಾರ್ಡ್ನಲ್ಲಿ ಒಳಚರಂಡಿ ನೀರು ಕುಡಿಯುವ ನೀರಿನೊಂದಿಗೆ ಬೆರೆಯುತ್ತಿದೆ. ಇದರಿಂದ ನಾಗರಿಕರ ಆರೋಗ್ಯ ಕೆಡುತ್ತಿದೆ. ಕೂಡಲೆ ಒಡೆದಿರುವ ಪೈಪ್‌ಗಳನ್ನು ತೆಗೆದು ಹೊಸ ಪೈಪ್ ಅಳವಡಿಸಬೇಕು ಎಂದು ಎಂದು ಆಗ್ರಹಿಸಿದರು. ಅಧ್ಯಕ್ಷರು ಕ್ರಮ ಕೈಗೊಳ್ಳುವ ಭರವಸೆ ನೀಡಿದರು.  ನಾಮ ನಿರ್ದೇಶಿತ ಸದಸ್ಯ ರಾಮಾಂಜಿ ಮಾತನಾಡಿ, ಪಟ್ಟಣದ ಅಭಿವೃದ್ಧಿಗೆ ಸರ್ಕಾರದಿಂದ ರೂ.೧೫ ಕೋಟಿ ಅನುದಾನ ತರಲಾಗಿದೆ. ನಗರೋತ್ಥಾನ ಯೋಜನೆಯಡಿ ೮.೫೦ ಕೋಟಿ ಮಂಜೂರಾಗಿದೆ. ಈ ಹಣವನ್ನು ಉದ್ದೇಶಿತ ಅಭಿವೃದ್ಧಿ ಕೆಲಸಗಳಿಗೆ ಬಳಸಿಕೊಳ್ಳಬೇಕು ಎಂದು ಕೋರಿದರು.  ಮಾತಿನ ಚಕಮಕಿ ನಡುವೆ ಹೆಚ್ಚು ಚರ್ಚೆ ಇಲ್ಲದೆ ರೂ೨೮,೬೨೦೦೦ ಉಳಿತಾಯ ಬಜೆಟ್‌ಗೆ ಸಭೆ ಅನುಮೋದನೆ ನೀಡಿತು.  ಪುರಸಭೆಯ ಉಪಾಧ್ಯಕ್ಷೆ ಆಯಿಷಾ ನಯಾಜ್, ಮುಖ್ಯಾಧಿಕಾರಿ ವೈ.ಎನ್.ಸತ್ಯನಾರಾಯಣ, ಪರಿಸರ ಅಭಿಯಂತರ ಡಿ.ಶೇಖರರೆಡ್ಡಿ, ಕಂದಾಯ ನಿರೀಕ್ಷರಾದ ವಿ.ನಾಗರಾಜು, ಶಂಕರ್, ಫಾತಿಮಾ .ನಾಗೇಶ್ .ಪ್ರತಾಪ್.ಶ್ರೀನಾಥ್. ಸದಸ್ಯರಾದ.ಕೆ.ಅನ್ನೀಸ್ ಅಹಮದ್. ಸಂಜಯ್ ಸಿಂಗ್. ಮುನಿರಾಜು ಸದ್ತಾರ್.ನಾಗರಾಜ್.ಅಪೋರ್.ರಾಜು.ಅನಂದ್.ಶಬ್ಬೀರ್.ಬಾಬಜಾನ್. ಶಾಂತಮ್ಮ. ಜಯಲಕ್ಷ್ಮಿ.ರಾಮಾಂಜಿ .ನಲ್ಲಪಲ್ಲಿ .ರೆಡ್ಡಪ್ಪ.ರಮೇಶ್. ಜಯಣ್ಣ.ಷೇಕ್ ಷಫ್ತಿಉಲ್ಲ.ಇದ್ದರು.

ಕಾಂಗ್ರೆಸ್  ಕೆ.ಎಸ್.ಈಶ್ವರಪ್ಪ ಇವರನ್ನು ವಜಾಗೊಳಿಸುವಂತೆ ಒತ್ತಾಯ

JANANUDI.COM NETWORK

ಬೆಂಗಳೂರು, 28 ಕಾಮಗಾರಿಯ 4 ಕೋಟಿ ರೂ.ಗಳ ಬಿಲ್ ಗಳನ್ನು ಕ್ಲಿಯರ್ ಮಾಡಲು ಕಮಿಷನ್ ನೀಡುವಂತೆ ಆಗ್ರಹಿಸಿದ್ದಾರೆ ಎಂದು ಸಚಿವ ಈಶ್ವರಪ್ಪ ವಿರುದ್ಧ ಹಿಂದೂವಾಹಿನಿಯ ರಾಷ್ಟ್ರೀಯ ಕಾರ್ಯದರ್ಶಿ ಸಂತೋಷ ಕೆ ಪಾಟೀಲ್ ಅವರು ಪ್ರಧಾನಿ ನರೇಂದ್ರ ಮೋದಿಗೆ ಪತ್ರಬರೆದಿದ್ದಾರೆಂದು ತಿಳಿದು ಬಂದಿದೆ.     / ಪ್ರಧಾನಿ ನರೇಂದ್ರ ಮೋದಿಗೆ ಬರೆದ ಪತ್ರದಲ್ಲಿ, ತಾನು ಗುತ್ತಿಗೆದಾರನಾಗಿ ಕೆಲಸ ಮಾಡುತ್ತಿದ್ದು, ಕೆ.ಎಸ್.ಈಶ್ವರಪ್ಪ ಅವರ ಆರ್.ಡಿ.ಪಿ.ಆರ್. ಇಲಾಖೆಗೆ ಸೇರಿದ ಅಂದಾಜು 4 ಕೋಟಿ ವೆಚ್ಚದ 108 ಕ್ಕೂ ಹೆಚ್ಚು ರಸ್ತೆ ಕಾಮಗಾರಿಯನ್ನು ಪೂರ್ಣಗೊಳಿಸಿದ್ದೇನೆ. ಕೆಲಸ ಮುಗಿಸಿ ಒಂದು ವರ್ಷ ಕಳೆದರೂ ಇಂದಿಗೂ ಸಚಿವರಿಂದಾಗಲಿ, ಸಂಬಂಧಪಟ್ಟ ಅಧಿಕಾರಿಗಳಿಂದಾಗಲಿ ನಮಗೆ ಯಾವುದೇ ವರ್ಕ್ ಆರ್ಡರ್ ಅಥವಾ ಒಂದೇ ಒಂದು ರೂಪಾಯಿ ಪಾವತಿಸಿಲ್ಲ. ಹಣವನ್ನು ಬಿಡಗಡೆಮಾಡಲು ಕಮಿಷನ್ ನೀಡುವಂತೆ ಸಚಿವರು ಮತ್ತು ಅವರ ಬೆಂಬಲಿಗರು ತಮಗೆ ಕಿರುಕುಳ ನೀಡುತ್ತಿದ್ದಾರೆ ಎಂದು ಸಂತೋಷ್ ಕೆ ಪಾಟೀಲ್ ಅವರು ಪ್ರಧಾನಿಗೆ ಬರೆದ ಪತ್ರದಲ್ಲಿ ಆರೋಪಿಸಿದ್ದಾರೆ./  ನಾನು  ಮಾಡಿದ ಕೆಲಸದ ಬಿಲ್ ತಕ್ಷಣ ಬಿಡುಗಡೆ ಮಾಡಬೇಕು. ಏಕೆಂದರೆ ನಾವು ಆ ಕೆಲಸಕ್ಕೆ ಸಾಲ ಮಾಡಿ ಹಣವನ್ನು ಖರ್ಚು ಮಾಡಿರುವುದರಿಂದ ನಾವು ಆರ್ಥಿಕ ಸಂಕಷ್ಟ ಎದುರಿಸುತ್ತಿದ್ದೇವೆ. ಬಡ್ಡಿಗೆ ಹಣ ನೀಡಿದ ಸಾಲಗಾರರಿಂದ ತೀವ್ರ ಒತ್ತಡವಿದೆ. ಆದ್ದರಿಂದ ಆತ್ಮಹತ್ಯೆ ಮಾಡುವ ಪರಿಸ್ಥಿತಿ ಎದುರಾಗಿದೆ ಎಂದು ಪತ್ರದಲ್ಲಿ ಬರೆದಿದ್ದಾರೆ.

ಈ ಬಗ್ಗೆ ಪರಿಷತ್ ವಿಪಕ್ಷ ನಾಯಕ ಬಿ.ಕೆ ಹರಿಪ್ರಸಾದ್ ಮತ್ತು ಕಾಂಗ್ರೆಸ್ ನಾಯಕ  ಎಲ್.ಹನುಮಂತಯ್ಯ ಇವರು   ಕೆ.ಎಸ್.ಈಶ್ವರಪ್ಪ ಇವರನ್ನು ಮತ್ತು  ಸರ್ಕಾರವನ್ನು ವಜಾಗೊಳಿಸುವಂತೆ ಒತ್ತಾಯಿಸಿದ್ದಾರೆ  ಹಿಂದೂವಾಹಿನಿಯ ರಾಷ್ಟ್ರೀಯ ಕಾರ್ಯದರ್ಶಿ ಸಂತೋಷ ಕೆ ಪಾಟೀಲ್ ಅಲ್ಲದೆ  ಬಿಜೆಪಿ ಸರ್ಕಾರದಲ್ಲಿ ಅಧಿಕಾರಿಗಳು ಗುತ್ತಿಗೆಯಲ್ಲಿ 40 ಪರ್ಸೆಂಟ್ ಕಮಿಷನ್ ಕೇಳಿದ್ದಾರೆ ಎಂದು ಕರ್ನಾಟಕ ಗುತ್ತಿಗೆದಾರರ ಸಂಘದ ಅಧ್ಯಕ್ಷರು ಕೂಡ  ಆರೋಪಿಸಿದ್ದು, ರಾಜ್ಯದಲ್ಲಿ ಕಮಿಷನ್ ದಂಧೆ ಇದೆ ಎಂದು ಸಾಬೀತು ಆಗಿದಂತೆ ಆಗಿದೆ. 

 JANANUDI.COM NETWORK

ಬೆಂಗಳೂರು, ಮಾ. 28 :ಸಚಿವ ವಿ.ಸೋಮಣ್ಣಗೆ ಬಂಧನ ಭೀತಿ ಎದುರಾಗಿದೆ ಕಾರಣ ಸಚಿವ ವಿ.ಸೋಮಣ್ಣ ಆದಾಯ ಮೀರಿ ಆಸ್ತಿ ಗಳಿಕೆ ಆರೋಪದ ಎದುರಾಗಿದೆ . ಹಾಗಾಗಿ  ಸಚಿವ ವಿ.ಸೋಮಣ್ಣಗೆ ಬಂಧನ ಭೀತಿ ಎದುರಾಗಿದೆ. ಸೋಮಣ್ಣ ನಿರೀಕ್ಷಣಾ ಜಾಮೀನು ಕೋರಿ ಸಲ್ಲಿಸಿದ್ದ ಅರ್ಜಿಯ ವಿಚಾರಣೆಯನ್ನು ಕೋರ್ಟ್‌ ಮಾರ್ಚ್‌ 30ಕ್ಕೆ ಮುಂದೂಡಿದೆ. ಇನ್ನು ಆಕ್ಷೇಪಣೆ ಸಲ್ಲಿಸಲು ದೂರುದಾರರ ಪರ ವಕೀಲರಿಗೆ ಸೂಚನೆ ನೀಡಿಲಾಗಿದೆ. ಸೋಮಣ್ಣ ಶಾಸಕನಾಗುವ ಮೊದಲಿನ ಆದಾಯ, ನಂತರದ ಆದಾಯ ಗಳಿಕೆ, ಆಸ್ತಿಯ ಸೂಕ್ತ ತನಿಖೆ ಮಾಡಿ ವಿವರಣೆ ನೀಡುವಲ್ಲಿ ಪೊಲೀಸರು ವಿಫಲವಾಗಿದ್ದು, ಅಸಮರ್ಪಕ ತನಿಖೆ ಎಂದು ಕೋರ್ಟ್‌ ಅಭಿಪ್ರಾಯ ಪಟ್ಟಿದೆ. ಇನ್ನು ಜನಪ್ರತಿನಿಧಿಗಳ ವಿಶೇಷ ಕೋರ್ಟ್‌ ಸೋಮಣ್ಣ ಅವರಿಗೆ ಸಮನ್ಸ್‌ ಜಾರಿಗೊಳಿಸಿತ್ತು. ಏಪ್ರಿಲ್‌ 16ಕ್ಕೆ ಖುದ್ದು ಹಾಜರಾಗುವಂತೆ ಸಮನ್ಸ್‌ ನೀಡಿತ್ತು.

JANANUDI.COM NETWORK

ಕಥೊಲಿಕ್ ಸಭಾ ಶಿರ್ವ ವಲಯ 2022- 23 ನೇ ಸಾಲಿನ ಅಧ್ಯಕ್ಷೆಯಾಗಿ ಲೀನಾ ಮಚಾದೊ ಆಯ್ಕೆಯಾಗಿದ್ದಾರೆ.

 ಐಡಾ ಕರ್ನೆಲಿಯೊ, ಪಾಂಗ್ಳಾ ನಿಕಟ ಪೂರ್ವ ಅಧ್ಯಕ್ಷೆಯಾಗಿದ್ದು ನಿಯೋಜಿತ ಅಧ್ಯಕ್ಷರಾಗಿ ಮಥಾಯಸ್ ಲೋಬೊ, ಶಿರ್ವಾo. ಉಪಾಧ್ಯಕ್ಷರಾಗಿ ಫಾವೊಸ್ತಿನ್ ಡಿಸೋಜಾ, ಬೆಳ್ಮಣ್. ಕಾರ್ಯದರ್ಶಿಯಾಗಿ ಸೆವ್ರಿನ್ ಡಿಸೋಜಾ, ಮುದರಂಗಡಿ.ಸಹಕಾರ್ಯದರ್ಶಿಯಾಗಿ ಹೆಲೆನ್ ಮೋನಿಸ್,  ಪಾಂಬೂರ್. ಕೋಶಾಧಿಕಾರಿಯಾಗಿ ಜೂಲಿಯೆಟ್ ಡಿಸೋಜಾ, ಪಾಂಗ್ಳಾ.ಸಹ ಸಹಕಾರ್ಯದರ್ಶಿಯಾಗಿ ರೊಬರ್ಟ್ ಡಿಸೋಜಾ, ಪಿಲಾರ್.ಆಮ್ಚೊo ಸಂದೇಶ್ ಪ್ರತಿನಿಧಿಯಾಗಿ ಮೆಲ್ವಿನ್ ಅರಾನ್ಹಾ, ಶಿರ್ವ,  ರಾಜಕೀಯ ಸಂಚಾಲಕರಾಗಿ ಲೊರೆನ್ಸ್ ಡಿಸೋಜಾ, ಮುದರಂಗಡಿ. ಸರ್ಕಾರಿ ಸವ್ಲತ್ತು ಸಂಚಾಲಕರಾಗಿ ಸಿಂತಿಯಾ ಬರ್ಬೋಜಾ, ಬೆಳ್ಮಣ್. ಆಂತರಿಕ ಲೆಕ್ಕ ತಪಾಸಣೆಗಾರರಾಗಿ ಅನಿತಾ ಮಾತಾಯಸ್ ಮುಕಮಾರ್, ಸ್ತ್ರೀ ಸಶಕ್ತಿಕರಣ್ ಸಂಚಾಲಕಿಯಾಗಿ ಪ್ಲಾವಿಯಾ ಫುರ್ಟಾದೊ, ಮುದರಂಗಡಿ ಇವರುಗಳು ಆಯ್ಕೆಯಾಗಿದ್ದಾರೆ. ಆಧ್ಯಾತ್ಮಿಕ ನಿರ್ದೇಶಕ ವಂ| ಡೆನಿಸ್ ಡೇಸಾ ಉಪಸ್ಥಿತರಿದ್ದು ಶುಭ ಕೋರಿದರು.      

ಚುನಾವಣ ಅಧಿಕಾರಿಯಾಗಿ  ಆಲ್ವಿನ್ ಕ್ವಾಡ್ರಾಸ್ ಮತ್ತು ವಿಕ್ಷಕರಾಗಿ ಮೈಕಲ್ ಪಿಂಟೊ ಚುನಾವಣಾ ಪ್ರಕ್ರೀಯೆಯನ್ನು ನಡೆಸಿಕೊಟ್ಟರು. 

JANANUDI.COM NETWORK

ಮೈಸೂರು, ಮಾ.28: :ಪರೀಕ್ಷೆ ಬರೆಯುವ ಸಂದರ್ಭದಲ್ಲಿ ಎಸ್​ಎಸ್​​ಎಲ್​​ಸಿ ವಿದ್ಯಾರ್ಥಿನಿ ಹೃದಯಾಘಾತದಿಂದ ಸಾವನ್ನಪ್ಪಿರುವ ಆಘಾತಕಾರಿ ಘಟನೆ ಮೈಸೂರು ಜಿಲ್ಲೆಯ ಟಿ.ನರಸೀಪುರ ತಾಲೂಕಿನ ವಿದ್ಯೋದಯ ಪರೀಕ್ಷಾ ಕೇಂದ್ರದಲ್ಲಿ ನಡೆದಿದೆ.
ಟಿ.ನರಸೀಪುರ ತಾಲೂಕಿನ ಅಕ್ಕೂರು ಗ್ರಾಮದ ನಿವಾಸಿಯಾದ ಅನುಶ್ರೀ‌‌ ಹೃದಯಾಘಾತದಿಂದ ಮೃತಪಟ್ಟ ವಿದ್ಯಾರ್ಥಿ ಎಂದು ತಿಳಿದು ಬಂದಿದೆ ಮಾದಾಪುರ ಪ್ರೌಢಶಾಲೆಯಲ್ಲಿ 10ನೇ ತರಗತಿ ವ್ಯಾಸಂಗ ಮಾಡುತ್ತಿದ್ದ ಅನುಶ್ರೀ‌‌ ಪರೀಕ್ಷೆ ಬರೆಯುವ ವೇಳೆ ಕುಸಿದು ಬಿದ್ದಿದ್ದರು. ವಿದ್ಯಾರ್ಥಿನಿಯನ್ನು ಸಾರ್ವಜನಿಕ ಆಸ್ಪತ್ರೆಗೆ ಸಿಬ್ಬಂದಿ ದಾಖಲಿಸಿದ್ದರು. ಆದರೆ ಚಿಕಿತ್ಸೆ ಫಲಕಾರಿಯಾಗದೇ ವಿದ್ಯಾರ್ಥಿನಿ ಮೃತಪಟ್ಟಿದ್ದಾಳೆ ಎಂದು ತಿಳಿದು ಬಂದಿದೆ.

JANANUDI.COM NETWORK

ಹುಬ್ಬಳ್ಳಿ ಮಾ. 28 : ಹಿಜಾಬ್ ಧರಿಸಿ ಬಂದರೇ  ಪರೀಕ್ಷೆ ಬರೆಯಲು ಅನುಮತಿ ನೀಡುವುದಿಲ್ಲ ಎಂದು ಮುಂಚಿತವಾಗಿ ತಿಳಿಸಿದರೂ,  ಹಿಜಾಬ್ ಧರಿಸಿ ಬಂದ ವಿದ್ಯಾರ್ಥಿನಿಯನ್ನು ಪರೀಕ್ಷೆ ಬರೆಯಲು ನಿರಾಕರಿಸಿ ವಾಪಾಸ್ಸು ಕಳುಹಿಸಿದ ಘಟನೆ ಹುಬ್ಬಳ್ಳಿಯ ಶಾಂತಿನಿಕೇತನ ಪರೀಕ್ಷಾ ಕೇಂದ್ರದಲ್ಲಿ ನಡೆದಿದೆ. ಸಮವಸ್ತ್ರ ಧರಿಸಿ ಬರುವಂತೆ ಶಾಲಾ ಸಿಬ್ಬಂದಿ ವರ್ಗ ತಿಳಿಸಿದ್ದರು. ಸಿಬ್ಬಂದಿ ವರ್ಗದ ಆದೇಶವನ್ನು ನಿರಾಕರಿಸಿ ಪಾಲಕರ ಜತೆಗೆ  ಶಾಲೆ ತನಕ  ಬಂದ ವಿದ್ಯಾರ್ಥಿನಿ ಮನೆಗೆ ವಾಪಾಸ್ಸು ಹೋಗಿದ್ದಾಳೆ      / ಹಿಜಾಬ್ ಸಂಘರ್ಷವಿದ್ದರೂ ಮಕ್ಕಳು ಶಾಲಾ ನಿಯಮದಂತೆ ಪರೀಕ್ಷೆಗೆ ಹಾಜರಾಗಿ ಎಂದು ವಿವಿಧ ಮುಸ್ಲಿಂ ಧಾರ್ಮಿಕ ಮುಖಂಡರು ಕೂಡ ಮನವಿಯನ್ನು ಮಾಡಿದ್ದರು. ವಿದ್ಯಾರ್ಥಿಗಳ ಭವಿಷ್ಯವನ್ನು ಕಡೆಗಣಿಸದಂತೆ ಮನವಿ ಮಾಡಿದ್ದರೂ ಕೂಡ, ಇಂತಹ  ಘಟನೆ ನಡೆದಿದೆ. 

JANANUDI.COM NETWORK

ಹಾವೇರಿ : ಹಾವೇರಿ ಜಿಲ್ಲೆಯ ರಾಣೆಬೆನ್ನೂರು ತಾಲೂಕಿನ ಕಾಕೋಳ  ಗ್ರಾಮದ ಬಳಿ ಲಾರಿಗೆ ಕಾರು ಡಿಕ್ಕಿ ಹೊಡೆದ ಪರಿಣಾಮ ಕಾರಿನಲ್ಲಿದ್ದ ಇಬ್ಬರು ರಂಗಭೂಮಿ ಕಲಾವಿದರು.ಸ್ಥಳದಲ್ಲೇ ಸಾವನ್ನಪ್ಪಿದ ಘೋರ ದುರಂತ ಸಂಭವಿಸಿದೆ.       

ಮೃತರನ್ನು ದಾವಣಗೆರೆ  ಮೂಲದವರಾದ ಗೀತಾ ದಾವಣಗೆರೆ (34) ಮತ್ತು ಮ೦ಜುಳಾ (36) ಎ೦ದು. ಗುರುತಿಸಲಾಗಿದೆ. ಕಾರಿನಲ್ಲಿದ್ದ ಮತ್ತಿಬ್ಬರು ತೀವ್ರವಾಗಿ  ಗಾಯಗೊಂಡಿದ್ದಾರೆ ಸದ್ಯ ಗಾಯಾಳುಗಳನ್ನು ರಾಣೆಬೆನ್ನೂರು ಖಾಸಗಿ ಆಸ್ಪತ್ರೆಗೆದಾಖಲಿಸಿ ಚಿಕಿತ್ಸ ನೀಡಲಾಗುತ್ತಿದೆ.       ಕಾರು  ಲಾರಿಯನ್ನು ಓವರ್‌ ಟೀಕ್‌ ಮಾಡಲು ಹೋದಾಗ, ಈ ದುರ್ಥಟನೆ ಸಂಭವಿಸಿದೆ ಎನ್ನಲಾಗುತ್ತಿದ್ದು ಕಲಾವಿದೆಯರು  ದಾವಣಗೆರೆಯಿ೦ದ ಕಾರವಾರಕ್ಕೆ  ಕಾರ್ಯಕ್ರಮಕ್ಕೆ ತರಳುತ್ತಿದ್ದ ವೇಳ ಈ ದುರ್ಥಟನೆಸಂಭವಿಸಿದೆ ಎ೦ದು ತಿಳಿದು ಬಂದಿದೆ.ಘಟನಾ ಸ್ಥಳಕ್ಕೆ ರಾಣೆಬೆನ್ನೂರು ಗ್ರಾಮೀಣ ಠಾಣೆ ಪೊಲೀಸರು ಭೇಟಿ ನೀಡಿ ಪರಿಶೀಲನ ನಡೆಸಿ  ಪ್ರಕರಣವನ್ನು  ದಾಖಲಿಸಿಕೊಂಡಿದ್ದಾರೆ. 

ವರದಿ: ಶಬ್ಬೀರ್ ಅಹ್ಮದ್, ಶ್ರೀನಿವಾಸಪುರ

ಕೋಲಾರ:- ಆರ್ಥಿಕ ವರ್ಷದ ಅಂತ್ಯಕ್ಕೆ ಕೇವಲ 4 ದಿನ ಬಾಕಿ ಇದೆ, ಕಳೆದ ಸಾಲಿಗಿಂತ ಪ್ರಸಕ್ತ ಸಾಲಿನಲ್ಲಿ ಎನ್‍ಪಿಎ ಪ್ರಮಾಣ ಕಡಿಮೆ ಮಾಡಬೇಕು ಇಲ್ಲವಾದಲ್ಲಿ ಮುಂದಿನ ದಿನಗಳಲ್ಲಿ ಗಂಭೀರ ಪರಿಣಾಮ ಎದುರಿಸಬೇಕಾದೀತು ಎಂದು ಡಿಸಿಸಿ ಬ್ಯಾಂಕ್ ಅಧಿಕಾರಿಗಳು ಹಾಗೂ ಸಿಬ್ಬಂದಿಗೆ ಕೋಲಾರ,ಚಿಕ್ಕಬಳ್ಳಾಪುರ ಡಿಸಿಸಿ ಬ್ಯಾಂಕ್ ಅಧ್ಯಕ್ಷ ಬ್ಯಾಲಹಳ್ಳಿ ಗೋವಿಂದಗೌಡ ಎಚ್ಚರಿಕೆ ನೀಡಿದರು.
ಜಿಲ್ಲಾ ಸಹಕಾರಿ ಯೂನಿಯನ್ ಸಭಾಂಗಣದಲ್ಲಿ ಭಾನುವಾರ ನಡೆದ ಕೋಲಾರ-ಚಿಕ್ಕಬಳ್ಳಾಪುರ ಡಿಸಿಸಿ ಬ್ಯಾಂಕ್‍ನ ಪ್ರಸ್ತತ ಆರ್ಥಿಕ ವರ್ಷದ ಅಂತಿಮ ಪ್ರಗತಿ ಪರಿಶೀಲನಾ ಸಭೆಯಲ್ಲಿ ಅವಿಭಜಿತ ಜಿಲ್ಲೆಯ ಎಲ್ಲಾ ಶಾಖೆಗಳ ಅಧಿಕಾರಿಗಳು, ಸೊಸೈಟಿಗಳ ಸಿಇಒಗಳಿಂದ ಮಾಹಿತಿ ಪಡೆದು ಅವರು ಮಾತನಾಡುತ್ತಿದ್ದರು.

ಸಾಲಗಾರರಿಗೆ ನೇರದೂರವಾಣಿ ಕರೆ

ಆಯಾ ಶಾಖೆಗಳ ಪ್ರಗತಿ ಮಾಹಿತಿ ಪಡೆದ ಗೋವಿಂದಗೌಡರು, ಸಾಲದ ಕಂತು ಬಾಕಿ ಉಳಿಸಿಕೊಂಡಿರುವ ಫಲಾನುಭವಿಗಳಿಗೆ ನೇರವಾಗಿ ದೂರವಾಣಿ ಕರೆ ಮಾಡಿ, ಸಾಲ ಪಡೆಯುವಾಗ ಇರುವ ಜವಾಬ್ದಾರಿ ಮರುಪಾವತಿಸುವಾಗ ಇಲ್ಲವೇ ಎಂದು ತರಾಟೆಗೆ ತೆಗೆದುಕೊಂಡರು.
ಸಾಲದ ಕಂತು ಬಾಕಿ ಉಳಿಸಿಕೊಂಡಿರುವ ಫಲಾನುಭವಿಗಳ ಮನೆ ಬಾಗಿಲಿಗೆ ಅಧಿಕಾರಿಗಳು ಹೋಗಿ ವಸೂಲಿ ಮಾಡಿ. ಇದರಿಂದ ಹಣಕಾಸು ವರ್ಷದ ಎನ್‍ಪಿಎ ಸಾಲದ ಬಾಕಿ ಮೊತ್ತ ಕಡಿಮೆ ಮಾಡಲು ಸಹಕಾರಿಯಾಗುತ್ತದೆ. ಬದ್ಧತೆಯಿಂದ ಕೆಲಸ ಮಾಡಬೇಕು. ಕೆಲಸದಲ್ಲಿ ವ್ಯತ್ಯಾಸವಾದರೆ ಸಹಿಸಲ್ಲ ಎಂದು ಎಚ್ಚರಿಕೆ ನೀಡಿದರು.

ಗುರಿ ಸಾಧಿಸದಿದ್ದರೆ ಟಿಎ,ಡಿಎ ರದ್ದು

ಬ್ಯಾಂಕಿನ ಆರ್ಥಿಕ ಸ್ಥಿತಿಗತಿ ಸರಿಯಿದ್ದರೆ ನಮ್ಮ ವಿರುದ್ದ ಯಾರು ಅಪಾದನೆ ಮಾಡಲು ಸಾಧ್ಯವಿಲ್ಲ. ಮಾ.30ಕ್ಕೆ ಅಂತಿಮವಾಗಿ ಆನ್‍ಲೈನ್ ಮೂಲಕ ವಚ್ರ್ಯೂಲ್ ಸಭೆ ನಡೆಸಲಾಗುವುದು. ಗುರಿ ಸಾಧನೆಗೆ ಹಾಕಿಕೊಂಡಿರುವ ಕೆಲಸ ಮಾಡಿರಬೇಕು, ಬ್ಯಾಂಕ್ ಉಳಿಸಲು ಹೋರಾಟ ನಡೆಯುತ್ತಿದೆ. ಶಾಖೆಯಲ್ಲಿನ ಅಧಿಕಾರಿಗಳು, ಸಿಬ್ಬಂದಿ ಹೊಂದಾಣಿಕೆಯಿಂದ ಕೆಲಸ ಮಾಡಬೇಕು. ನಿಮ್ಮ ಕಾರ್ಯವೈಖರಿ ತೃಪ್ತಿ ತರದಿದ್ದರೆ ನಿಮಗೆ ಈಗಾಗಲೇ ನೀಡಿರುವ ಟಿಎ,ಡಿಎ ಭತ್ಯೆ ರದ್ದುಗೊಳಿಸಲಾಗುವುದು ಎಂದು ಕಟ್ಟುನಿಟ್ಟಿನ ಎಚ್ಚರಿಕೆ ನೀಡಿದರು.
ಬ್ಯಾಂಕ್ ಒಬ್ಬರ ಆಸ್ತಿಯಲ್ಲಿ. ಇದು ಸಾರ್ವಜನಿಕರ ಆಸ್ತಿ. ಸಂಕಷ್ಟದಲ್ಲಿದ್ದ ಸಂಸ್ಥೆಯನ್ನು ಸುಧಾರಣೆ ಮಾಡಲು ಪಟ್ಟಿರುವ ಕಷ್ಟ ಹೇಳಿಕೊಳ್ಳಕು ಆಗಲ್ಲ. ಇದರ ನೋವುಗೊತ್ತಿದ್ದರೆ ಕೆಲಸದಲ್ಲಿ ಉದಾಸೀನ ತೋರುತ್ತಿರಲಿಲ್ಲ. ಹೇಳಿದ್ದನ್ನೇ ಹೇಳಿಸಿಕೊಂಡು ಕೆಲಸ ಮಾಡಲು ನಿಮಗೆ ನಾಚಿಕೇಯಾಗಲ್ವೆ, ಹಣಕಾಸು ವರ್ಷದ ಕೊನೆಯಲ್ಲಿ ಇದ್ದೇವೆ, ಗಂಭೀರವಾಗಿ ಪರಿಗಣಿಸಿ, ನಿಮಗೆ ನೀಡಿರುವ ಗುರಿ ಸಾಧನೆ ಮಾಡಿ ಎಂದು ತಾಕೀತು ಮಾಡಿದರು.
ಸಿಬ್ಬಂದಿಯ ಕಾರ್ಯವೈಖರಿ ಗಮನಸುತ್ತಿದ್ದರೆ ವ್ಯವಸ್ಥೆಯನ್ನು ಸಮಾದಿ ಮಾಡುವ ಪ್ರಯತ್ನ ಮಾಡುತ್ತಿದ್ದಾರೆ. ಇದ್ದ ಕಡೆಗೆ ಸಂಬಂಳ ಪ್ರತಿ ತಿಂಗಳು ಬರುತ್ತದೆ. ಬ್ಯಾಂಕ್ ಬಿಟ್ಟು ಯಾರು ಹೊರಗೆ ಹೋಗಬಾರದು ಎಂಬಂತೆ ಬದ್ದತೆ ಇಲ್ಲದೇ ವರ್ತಿಸುತ್ತಿದ್ದೀರಿ ಎಂದು ತರಾಟೆಗೆ ತೆಗೆದುಕೊಂಡರು.
ಕಳೆದ 9 ವರ್ಷಗಳಿಂದ ಬ್ಯಾಂಕನ್ನು ರಾಜ್ಯದಲ್ಲಿ ಮಾದರಿಯನ್ನಾಗಿ ಬೆಳೆಸಿದ್ದೇವೆ, ಇದರ ಹಿಂದೆ ನೋವು ಮತ್ತು ಬಹಳ ಪರಿಶ್ರಮವಿದೆ. ಕಳೆದ ಹೋಗಿದ್ದ ನಂಬಿಕೆ ಮತ್ತೆ ಮರುಸ್ಥಾಪನೆಯಾಗಿದೆ, ಮಹಿಳೆಯರು, ರೈತರು ಬ್ಯಾಂಕಿನ ಮೇಲೆ ಇಟ್ಟಿರುವ ನಂಬಿಕೆಗೆ ಧಕ್ಕೆಯಾದರೆ ನಿಮ್ಮನ್ನು ಕ್ಷಮಿಸುವುದಿಲ್ಲ, ನಿಮಗೆ ಶಿಕ್ಷೆ ತಪ್ಪಿದ್ದಲ್ಲ ಎಂದು ಆಕ್ರೋಷ ವ್ಯಕ್ತಪಡಿಸಿದರು.
ಸಾಲ ವಸೂಲಿ, ಠೇವಣಿ ಸಂಗ್ರಹದ ಬಗ್ಗೆ ನೋಡಲ್ ಅಧಿಕಾರಿಗಳು ಪ್ರತಿದಿನ ವರದಿ ಕೊಡಬೇಕು. ಶಾಖಾಧಿಕಾರಿಗಳು ಸೊಸೈಟಿ ಸಿಬ್ಬಂದಿಯೊಂದಿಗೆ ನಿರಂತರವಾಗಿ ಸಂಪರ್ಕದಲ್ಲಿರಬೇಕು, ಸ್ವಲ್ಪ ಯಾಮಾರಿದರೆ ವ್ಯವಸ್ಥೆಯನ್ನು ಹದಗೆಡಿಸುತ್ತಾರೆ ಎಂದರು.
ಬ್ಯಾಂಕ್ ನಮ್ಮ ಪಿತ್ರಾರ್ಜಿತ ಆಸ್ತಿಯಲ್ಲ. ಅಧಿಕಾರಕ್ಕೆ ಬಂದು 9 ವರ್ಷ ಕಳೆದಿದೆ. ಸ್ವಂತ ಕೆಲಸ ಬಿಟ್ಟು ಆಡಳಿತ ಮಂಡಳಿಯವರೊಂದಿಗೆ ಸೇರಿ ಬ್ಯಾಂಕ್ ಉಳಿಸಿ ಬೆಳೆಸಲು ಕಷ್ಟಪಡುತ್ತಿದ್ದೇನೆ, ಬ್ಯಾಂಕನ್ನು ಅವಿಭಜಿತ ಜಿಲ್ಲೆಯ ಲಕ್ಷಾಂತರ ರೈತರು, ಮಹಿಳೆಯರು ದೇವಾಲಯ ಎಂದು ಪರಿಗಣಿಸಿದ್ದಾರೆ ಎಂದರು.
ಎನ್ ಪಿ ಎ ಪ್ರಮಾಣ ಕಡಿಮೆ ಮಾಡಲು ಪ್ರ್ರಾಮಾಣಿಕ ಪ್ರಯತ್ನ ಮಾಡಿ. ವೈಯುಕ್ತಿಕ ಠೇವಣಿ ಸಂಗ್ರಹ ಮಾಡಬೇಕು. ಗುರಿ ಸಾಧನೆ ಮಾಡದಿದ್ದರೆ ಬ್ಯಾಂಕಿನ ಹಿಂದಿನ ಪರಿಸ್ಥಿತಿ ಹೇಗಿತ್ತು ಎಂಬುದನ್ನು ಹಿರಿಯ ಅಧಿಕಾರಿಗಳನ್ನು ಕೇಳಿ ತಿಳಿದುಕೊಳ್ಳಿ. ಹಿಂದೆ ಕೋಲಾರ ಡಿಸಿಸಿ ಬ್ಯಾಂಕನ್ನು ನೋಡಿ ನಗುತ್ತಿದ್ದ ಅಪೆಕ್ಸ್ ಬ್ಯಾಂಕ್‍ನವರು ಈಗ ಗೌರವ ನೀಡುತ್ತಿದ್ದಾರೆ ಎಂದರೆ ಇದರ ಇಂದೆ ಸುರಿಸಿರುವ ಬೆವರು, ಶ್ರಮದ ಅರಿವಿರಲಿ ಎಂದರು.
ಡಿಸಿಸಿ ಬ್ಯಾಂಕ್ ವ್ಯವಸ್ಥಾಪಕ ನಿರ್ದೇಶಕ ಎಂ.ಆರ್.ಶಿವಕುಮಾರ್ ಮಾತನಾಡಿ, ವಿವಿಧ ಬ್ಯಾಂಕ್ ಶಾಖೆಗಳಿಂದ ನೇರವಾಗಿ ನೀಡಿರುವ ಬೆಳೆ ಸಾಲ ಸೇರಿದಂತೆ ಇತರೆ ಸಾಲದ ಮರುಪಾವತಿ ವಿಳಂಭವಾಗುತ್ತಿದೆ ಎಂದು ಸಭೆಯ ಗಮನಕ್ಕೆ ತಂದರು.
ಇದಕ್ಕೆ ಗರಂ ಅಧ್ಯಕ್ಷ ಗೋವಿಂದಗೌಡ, ಕೆಲಸ ಮಾಡುವುದು ಗೊತ್ತಿದ್ದರೆ ಇಂತಹ ಪರಿಸ್ಥಿತಿ ಬರತ್ತಿರಲಿಲ್ಲ. ಸಾಲ ಕೊಡಿಸಲು ಎಲ್ಲರೂ ಶಿಫಾರಸು ಮಾಡೋರೆ? ಠೇವಣಿ ಸಂಗ್ರಹ ಮಾಡಿ ಅಂತ ಗುರಿ ನಿಗಧಿ ಮಾಡಿದ್ದರೂ ಸಹ ನಿರೀಕ್ಷಿತ ಮಟ್ಟದಲ್ಲಿ ಗುರಿ ಸಾಧನೆಯಾಗಿಲ್ಲ ಎಂದು ಅಸಮಾಧಾನ ವ್ಯಕ್ತಪಡಿಸಿದರು.
ಬೀದಿ ಬದಿ ವ್ಯಾಪಾರಿಗಳಿಗೆ ನೀಡಿರುವ ಸಾಲ, ಗೃಹ ಸಾಲ, ವಾಹನ ಸಾಲ ಹಾಗೂ ಮಧ್ಯಮಾವಧಿ ಸಾಲದ ಕಂತುಗಳನ್ನು ಸಾಕಷ್ಟು ಮಂದಿ ಬಾಕಿ ಉಳಿಸಿಕೊಂಡಿದ್ದಾರೆ. ಮನೆ ಹತ್ತಿರ ಹೋಗಿ ಪಾವತಿ ಮಾಡುವಂತೆ ಒತ್ತಾಯ ಮಾಡಿ, ಸಾಲ ಪಡೆದುಕೊಳ್ಳುವಾಗ ಇರೊ ಆಸಕ್ತಿ ಮರುಪಾವತಿ ಮಾಡುವಾಗ ಇರಲ್ವೆ. ಬ್ಯಾಂಕಿಂಗ್ ವ್ಯವಸ್ಥೆಯಲ್ಲಿ ಎಲ್ಲರಿಗೂ ಒಂದೇ ಕಾನೂನು ಎಂದು ಹೇಳಿದರು.
ಶಾಖೆಗಳಿಂದ ಫಲಾನುಭವಿಗಳಿಗೆ ಮಧ್ಯವಾವಧಿ ಸಾಲ ನೇರವಾಗಿ ನೀಡಿರುವುದರಿಂದ ವಸೂಲಿಗೆ ತಲೆನೋವಾಗಿದೆ. ಒಂದು ಬಾರಿ ಸಮಸ್ಯೆ ಅನುಭವಿಸಿದ್ದರೆ ಮತ್ತೆ ಅವರಿಗೆ ಸಾಲ ನೀಡುವ ಅವಶ್ಯಕತೆಯೇನಿತ್ತು. ಪ್ರಾರಂಭದ ದಿನದಿಂದ ಉತ್ತಮವಾಗಿ ಕಾರ್ಯನಿರ್ವಹಿಸಿದ್ದರೆ ಇಷ್ಟೆಲ್ಲಾ ಸಮಸ್ಯೆ ಎದುರಾಗುತ್ತಿರಲಿಲ್ಲ ಎಂದರು.
ಸಭೆಯಲ್ಲಿ ಡಿಸಿಸಿ ಬ್ಯಾಂಕಿನ ನಿರ್ದೇಶಕರಾದ ಬಿ.ವಿ.ವೆಂಕಟರೆಡ್ಡಿ, ಎಜಿಎಂಗಳಾದ ದೊಡ್ಡಮನಿ ಹುಸೇನ್ ಸಾಬ್, ಖಲೀಮುಲ್ಲಾ, ಬೈರೇಗೌಡ, ಭಾನುಪ್ರಕಾಶ್, ಬೇಬಿ ಶ್ಯಾಮಿಲಿ, ನಾಗೇಶ್, ಅಮ್ಜದ್, ಪದ್ಮಮ್ಮ ಮತ್ತಿತರರಿದ್ದರು.

JANANUDI.COM NETWORK

ಬಿಹಾರ;ಪಾಟ್ನಾದಲ್ಲಿ ತಾಯಿಯೊಬ್ಬಳು ತನ್ನ ಮಗುವನ್ನು ಕಸದ ತೊಟ್ಟಿಗೆ ಎಸೆದು ಹೋಗಿದ್ದು ಓರ್ವ ಭಿಕ್ಷುಕಿ ಅವಳನ್ನು ಸಾಕಿದಳು ಇಂದು ಅವಳು ಬೆಳೆದು ದೊಡ್ಡವಳಾಗಿ ಕಷ್ಟವನ್ನು ಮೆಟ್ಟಿನಿಂತು ಪ್ರತಿಷ್ಟಿತ ಕೆಫೆಯ ಮ್ಯಾನೇಜರ್ ಆಗಿದ್ದಾಳೆ.
ಪಾಟ್ನಾದಲ್ಲಿ ತಾಯಿಯೊಬ್ಬಳು ತನ್ನ ಮಗುವನ್ನು ಕಸದ ತೊಟ್ಟಿಗೆ ಎಸೆದು ಹೋಗಿದ್ದಳು. ಈ ವೇಳೆ ಹಸುಗೂಸು ಅಳುತ್ತಾ ಕಸದ ತೊಟ್ಟಿಗೆಯೊಳಗೆ ಇದ್ದದನ್ನು ನೋಡಿ ಕರಿದೇವಿ ಎಂಬ ಭಿಕ್ಷುಕಿ ಮನೆಗೆ ಕೊಂಡು ಹೋಗಿ. ಮಗುವಿಗೆ ಜ್ಯೋತಿ ಎಂದು ಹೆಸರಿಡುತ್ತಾಳೆ. ಭಿಕ್ಷೆ ಬೇಡಿ, ಚಿಂದಿ ಆಯ್ದು ಅದರಿಂದ ಬಂದ ಹಣದಲ್ಲಿ ಮಗುವನ್ನು ಸಾಕುತ್ತಾಳೆ. ಜ್ಯೋತಿಯು ಸ್ವಲ್ಪ ಬೆಳೆದ ಮೇಲೆ ಭಿಕ್ಷೆ ಬೇಡುತ್ತಾ ಮತ್ತು ಚಿಂದಿ ಆಯುತ್ತಾ ಸಾಕು ತಾಯಿಗೆ ಸಹಾಯ ಮಾಡುತ್ತಿರುತ್ತಾಳೆ. ಆದರೆ, ಅನಾರೋಗ್ಯದಿಂದ ಕರಿದೇವಿ ಮೃತಪಡುತ್ತಾಳೆ. ಆ ಸಮಯದಲ್ಲಿ ಜ್ಯೋತಿಗೆ 12 ವರ್ಷ ವಯಸ್ಸಾಗಿರುತ್ತದೆ. ಇದಾದ ಬಳಿಕ ರಾಂಬೋ ಹೋಮ್ ಫೌಂಡೇಶನ್’ ಎಂಬ ಸಂಸ್ಥೆಯು ಜ್ಯೋತಿಯ ನೆರವಿಗೆ ಧಾವಿಸಿ ಆಕೆಗೆ ಶಿಕ್ಷಣವನ್ನು ಕೊಡಿಸುತ್ತಾರೆ.
ಜ್ಯೋತಿ 10ನೇ ತರಗತಿ ಪರೀಕ್ಷೆಯನ್ನು ಬರೆದು ಒಳ್ಳೆಯ ಅಂಕಗಳೊಂದಿಗೆ ಉತ್ತೀರ್ಣಳಾಗಿದ್ದಾಳೆ.ಇದರ ಬಳಿಕ ಬಿಹಾರದಲ್ಲಿ ಕಚೇರಿಯೊಂದರಲ್ಲಿ ಕೆಲಸಕ್ಕೆ ಸೇರಿ ಅದರ ಜೊತೆಗೆ ಮಾರ್ಕೆಟಿಂಗ್ ಕಲಿಯುತ್ತಾಳೆ. ಇದೀಗ ಜ್ಯೋತಿಗೆ 19 ವರ್ಷ ಈಕೆಯ ಪ್ರತಿಭೆಯನ್ನು ನೋಡಿ ಲೆಮನ್ ಕೆಫೆ ಎಂಬ ರೆಸ್ಟೊರೆಂಟ್ ಮ್ಯಾನೇಜರ್ ಹುದ್ದೆಗೆ ಆಯ್ಕೆಯಾಗಿದ್ದಾಳೆ