HOLY ROSARY CHURCH, KUNDAPUR – 450 th JUBILEE SOUVENIR 2021

ವರದಿ: ಶಬ್ಬೀರ್ ಅಹ್ಮದ್, ಶ್ರೀನಿವಾಸಪುರ

ಶ್ರೀನಿವಾಸಪುರ: ಪಟ್ಟಣದಲ್ಲಿ ತಾಲ್ಲೂಕು ರಾಷ್ಟ್ರೀಯ ಹಬ್ಬಗಳ ಆಚರಣಾ ಸಮಿತಿ ಹಾಗೂ ವಿವಿಧ ದಲಿತ ಪರ ಸಂಘಟನೆಗಳಿಂದ ಮಂಗಳವಾರ ಡಾ. ಬಾಬು ಜಗಜೀವನ್ ರಾಮ್ ಜಯಂತಿ ಆಚರಿಸಲಾಯಿತು.
ಜಯಂತಿ ಅಂಗವಾಗಿ ಏರ್ಪಡಿಸಲಾಗಿದ್ದ ಡಾ. ಬಾಬು ಜಗಜೀವನ್ ರಾಮ್ ಅವರ ಭಾವ ಚಿತ್ರ ಮೆರವಣಿಗೆಗೆ ತಹಶೀಲ್ದಾರ್ ಹನ್ಸಾಮರಿಯ ಚಾಲನೆ ನೀಡಿದರು.
ತಾಲ್ಲೂಕು ಪಂಚಾಯಿತಿ ಕಾರ್ಯನಿರ್ವಹಣಾಧಿಕಾರಿ ಎಸ್.ಆನಂದ್, ಕ್ಷೇತ್ರ ಶಿಕ್ಷಣಾಧಿಕಾರಿ ವಿ.ಉಮಾದೇವಿ, ಶಿರಸ್ತೇದಾರ್ ಮನೋಹರ ಮಾನೆ, ಹಿರಿಯ ಕಂದಾಯ ನಿರೀಕ್ಷಕ ಬಿ.ವಿ.ಮುನಿರೆಡ್ಡಿ, ಸಹಾಯಕ ಕಾರ್ಯಪಾಲಕ ಎಂಜಿನಿಯರ್ ಎಂ.ಕೆ.ಹುಸೇನ್ ಸಾಬ್, ಸಮಾಜ ಕಲ್ಯಾಣ ಇಲಾಖೆ ಅಧಿಕಾರಿ ಶಿವಕುಮಾರ್, ಬಿಸಿಎಂ ಅಧಿಕಾರಿ ರವಿಕುಮಾರ್, ಜಿಲ್ಲಾ ಪಂಚಾಯಿತಿ ಮಾಜಿ ಅಧ್ಯಕ್ಷ ಎಂ.ಶ್ರೀನಿವಾಸನ್, ವಿವಿಧ ದಲಿತ ಸಂಘಟನೆಗಳ ಮುಖಂಡರಾದ ವರ್ತನಹಳ್ಳಿ ವೆಂಕಟೇಶ್, ಈರಪ್ಪ, ನಾರಾಯಣಸ್ವಾಮಿ, ಶಂಕರ್, ಗುರುಮೂರ್ತಿ, ರವಿ ಸಿ.ಮುನಿಯಪ್ಪ, ಕೂತ್ಸಂದ್ರ ರೆಡ್ಡಪ್ಪ ಇದ್ದರು

ವರದಿ: ಶಬ್ಬೀರ್ ಅಹ್ಮದ್, ಶ್ರೀನಿವಾಸಪುರ

ಕೋಲಾರ : ಜಿಲ್ಲೆಯ ಜವಾಹರ್ ನವೋದಯ ವಿದ್ಯಾಲಯದ ಹಳೆಯ ವಿದ್ಯಾರ್ಥಿಗಳು ಮಹಿಳೆಯರು ಮತ್ತು ತೃತೀಯ ಲಿಂಗಿಗಳ ಸಬಲೀಕರಣಕ್ಕಾಗಿ ಸ್ಥಾಪಿಸಿರುವ ಆಕ್ಟ್ (ಆಶ್ರಯ ಚಾರಿಟೇಬಲ್ ಟ್ರಸ್ಟ್) ಸಂಸ್ಥೆಯನ್ನು ಉದ್ಘಾಟಿಸಿದ ಕೋಲಾರ ಮತ್ತು ಚಿಕ್ಕಬಳ್ಳಾಪುರ ಜಿಲ್ಲೆಯ ಡಿಸಿಸಿ ಬ್ಯಾಂಕಿನ ಅದ್ಯಕ್ಷರಾದ ಶ್ರೀ ಬ್ಯಾಲಹಳ್ಳಿ ಎಂ ಗೋವಿಂದ ಗೌಡರು ಮಾತನಾಡಿ ಎಲ್ಲಾ ಐಟಿ ಕ್ಷೇತ್ರದಲ್ಲಿ ರುವವರು ಸಮಾಜ ಸೇವಾ ಕಾರ್ಯಗಳಲ್ಲಿ ತೊಡಗಿ ಕೊಂಡಿರುವುದು ತಿಳಿದು ತುಂಬಾ ಸಂತೋಷವಾಯಿತು.ನಿಮ್ಮ ಎಲ್ಲಾ ಸಾಮಾಜಿಕ ಕಾರ್ಯಕ್ರಮಗಳಿಗೆ ನಾನು ಸದಾ ನಿಮ್ಮೊಂದಿಗೆ ಇರುತ್ತೇನೆ ನಿಮ್ಮ ಸಾಮಾಜಿಕ ಕಾರ್ಯಕ್ರಮಗಳನ್ನು ಮುಂದುವರೆಸಿಕೊಂಡು ಹೋಗಿ ರೆಂದು ಹಾರೈಸಿದರು. ಜವಾಹರ್ ನವೋದಯ ವಿದ್ಯಾಲಯದ ಹಳೆಯ ವಿದ್ಯಾರ್ಥಿಗಳ ವತಿಯಿಂದ ಶ್ರೀ ಬ್ಯಾಲಹಳ್ಳಿ ಎಂ ಗೋವಿಂದ ಗೌಡ ರನ್ನ ಗೌರವಿಸಲಾಯಿತು.ಈ ಸಂದರ್ಭದಲ್ಲಿ ಕಾಂಗ್ರೆಸ್ ಪಕ್ಷದ ಸಾಮಾಜಿಕ ಜಾಲತಾಣ ವಿಭಾಗದ ರಾಜ್ಯ ಕಾರ್ಯದರ್ಶಿ ಶ್ರೀ ಕೆ ಎಂ ಅನಂತಕೀರ್ತಿ,ಆಕ್ಟ್ ಸಂಸ್ಥೆಯ ಶ್ರೀಮತಿ ವಿ.ಸುಮಾ, ಶ್ರೀ ಗಂಗೇಶ್ ಬಾಬು, ಶ್ರೀಮತಿ ವರಲಕ್ಷ್ಮಿ, ಶ್ರೀಮತಿ ಸುಧಾ, ಶ್ರೀ ಪ್ರದೀಪ್ ರವರು ಉಪಸ್ಥಿತರಿದ್ದರು.

JANANUDI.COM NETWORK

ಕುಂದಾಪುರ,ಎ.5: 26: ಸುಧಿರ್ಘ 37 ವರ್ಷಕಾಲ ಶಿಕ್ಷಣ ಕ್ಷೇತ್ರದಲ್ಲಿ ಸೇವೆ ಮಾಡಿ ಇದೀಗ ಕುಂದಾಪುರ ಸಂತ ಜೋಸೆಫ್ ಹಿ.ಪ್ರಾ. ಶಾಲೆಯ ಮುಖ್ಯ ಶಿಕ್ಷಕಿಯಾಗಿ ಸೇವೆ ನೀಡಿ ನಿವ್ರತ್ತರಾದ ಭಗಿನಿ ಕೀರ್ತನ ಇವರಿಗೆ ಶಾಲಾ ಆಡಳಿತ ಮಂಡಳಿ, ಶಾಲಾ ಶಿಕ್ಷಕ, ಶಿಕ್ಷಕೇತರ ಸಿಬಂದಿ ಅವರಿಗೆ ಬೀಳ್ಕೊಡುಗೆ ಸಮಾರಂಭ ಏರ್ಪಡಿಸಿ ಸನ್ಮಾಸಿತು.
ಕಾರ್ಯಕ್ರಮವನ್ನು ಉದ್ಘಾಟಿಸಿದ ಹೋಲಿ ರೋಜರಿ ಚರ್ಚಿನ ಪ್ರಧಾನ ಧರ್ಮಗುರು ಅ|ವಂ|ಸ್ಟ್ಯಾನಿ ತಾವ್ರೊ ಆಶಿರ್ವಚಿಸಿ ಶುಭ ಹಾರೈಸಿದರು. ಮುಖ್ಯ ಅತಿಥಿಯಾಗಿ ಆಗಮಿಸಿದ ಶಿಕ್ಷಣ ಇಲಾಖೆಯ ಸಿ.ಆರ್.ಪಿ ಸುನೀತಾ ಬಾಂಜ್ ಇವರು ಸಿಸ್ಟರ್ ಕೀರ್ತನ್ ಬಗ್ಗೆ ಮೆಚುಗೆಯ ಮಾತುಗಳನ್ನಾಡಿದರು.
“ಭಗಿನಿ ಕಿರ್ತನ್ ಹುಟ್ಟೂರು ಮಂಗಳೂರು, ಅವರು ಸಾಲ್ವೊದೋರ್ ಮತ್ತು ಎಫ್ರಿಜಿನ್ ರೇಗೊ ದಂಪತಿಯ ಮಗಳು, ಶಿಕ್ಷಕರಾಗಿ ಸೇವೆ ಸಲ್ಲಿಸುವ ನಿಸ್ವಾರ್ಥ ಮನಸ್ಸಿನಿಂದ ಟಿಸಿಎಚ್ ಮಾಡಿ ಬೆಳಗಾವಿಯ ಆಳ್ನಾವರದಲ್ಲಿ ಶಿಕ್ಷಕಿಯಾಗಿ ವ್ರತ್ತಿ ಜೀವನ ಆರಂಭಿಸಿದರು, ನಂತರ ಭಗಿನಿಯಾಗುವ ಸದುದ್ದೇಶದಿಂದ ಕಾರ್ಮೆಲ್ ಸಂಸ್ಥೆಗೆ ಸೇರಿ ಭಗಿನಿ ದೀಕ್ಷೆ ಪಡೆದರು. ಆಮೇಲೆ ಶಿಕ್ಷಕಿಯಾಗಿ ಮೇರಿ ಹೀಲ್ ನಲ್ಲಿ, ಸೈಂಟ್ ಆನ್ಸ್ ನಲ್ಲಿ, ಉಡುಪಿಯಲ್ಲಿ ಮುಂತಾದ ಕಡೆ ಸೇವೆ ಸಲ್ಲಿಸಿ, ಕುಂದಾಪುರದಲ್ಲಿ ಸುದೀರ್ಘ 13 ವರ್ಷ ಉತ್ತಮ ಮಟ್ಟದ ಶಿಕ್ಷಕಿಯಾಗಿ ಸೇವೆ ಸಲ್ಲಿಸಿದ್ದಾರೆ, ಅಷ್ಟು ಮಾತ್ರವಲ್ಲ ಅವರು ಸಂಗೀತ, ನಾಟಕ, ನ್ರತ್ಯ, ಹಾಡುಗಾರಿಕೆ, ತೋಟಗಾರಿಕೆ ಎಲ್ಲದರಲ್ಲೂ ಮುಂದು, ಕುಂದಾಪುರ ತಾಲೂಕಿನಲ್ಲಿಯೇ ಪ್ರಪ್ರಥವಾಗಿ ಶಾಲಾ ಬ್ಯಾಂಡನ್ನು ಆರಂಭಿಸಿ, ಜಿಲ್ಲಾ ಮಟ್ಟದಲ್ಲಿ ಪ್ರಥಮ ಪುರಸ್ಕಾರ ಪಡೆದು, ರಾಜ್ಯ ಮಟ್ಟಕ್ಕೆ ಆಯ್ಕೆ ಆಗುವ ಹಾಗೇ ಮಾಡಿದ್ದಾರೆ, ಕುಂದಾಪುರ ತಾಲೂಕು ಮಟ್ಟದಲ್ಲಿ ಆಗುವಂತಹ ಪ್ರಜಾಪ್ರಭುತ್ವ, ಸ್ವಾತಂತ್ರ ದಿನಾಚರಣೆಗಳಿಗೆ ಸಂತ ಜೋಸೆಫರ ಬ್ಯಾಂಡ್ ಗೆ ಮೊದಲ ಪ್ರಾಶಸ್ಥ್ಯ ಹೀಗೆ ಸಂತ ಜೋಸೆಫ್ ಶಾಲೆಗೆ ಸಿಸ್ಟರ್ ಕೀರ್ತನ್ ಕೀರ್ತಿ ತಂದಿದ್ದಾರೆ” ಎಂದು ಕಾರ್ಯಕ್ರಮದ ಅಧ್ಯಕ್ಷೆ ಶಾಲಾ ಜಂಟಿ ಕಾರ್ಯದರ್ಶಿ ಭಗಿನಿ ಸಂಗೀತ ಭಿಗಿನಿ ಕೀರ್ತನರ ಪರಿಚಯ ನೀಡಿ ಶುಭ ಕೋರಿ ಗಣ್ಯರೊಂದಿಗೆ ಸನ್ಮಾನಿಸಿದರು.

ಸನ್ಮಾನ ಸ್ವೀಕರಿಸಿದ ಸಿಸ್ಟರ್ ಕೀರ್ತನ್ “ನನ್ನ ಈ ಬಿಳ್ಕೋಡುಗೆ ಅಭಿನಂದನ ಕಾರ್ಯಕ್ರಮವನ್ನು ನಾನು ನನ್ನ ಜೀವಿತದಲ್ಲಿ ಮರೆಯುವುದಿಲ್ಲ. ಸರ್ಕಾರಿ ಸೇವೆಯಿಂದ ಮಾತ್ರ ನಿವ್ರತ್ತಿಯಾಗಿದ್ದೇನೆಯೇ ಹೊರತು, ಸೆವಾ ದ್ರಷ್ಟಿಯಿಂದ ಅಲ್ಲ, ಇನ್ನೂ ಮುಂದಕ್ಕೂ ಕಾರ್ಮೆಲ್ ಮೇಳದ ಭಗಿನಿಯರ ಜೊತೆ, ನನಗೆ ಕೊಡುವ ಜವಾಬ್ದಾರಿಯನ್ನು ನಿಭಾಯಿಸುತ್ತೆನೆ ಎನ್ನುತ್ತಾ, ಅಭಿನಂದನಾ ಕಾರ್ಯಕ್ರಮಕ್ಕಾಗಿ ಎಲ್ಲರಿಗೂ ಕ್ರತಜ್ನತೆಯನ್ನು ಸಲ್ಲಿಸಿ, ತಮಗೆ ಅಭಿನಂದನ ಕಾರ್ಯಕ್ರಮದ ವೇಳೆ ದೊರಕಿದ ಹಣವನ್ನು ಶಾಲೆಯ ಒಳಿತಿಗಾಗಿ ಶಾಲಾ ಆಡಳಿತ ಮಂಡಳಿಗೆ ಹಸ್ತಾಂತರಿಸಿದರು.

.
ಸಹ ಶಿಕ್ಷಕಿ ಮರಿಯಾ ತೆರೆಜಾ ಮೆಂಡೊನ್ಸಾ ಅಭಿನಂದನ ಪತ್ರವನ್ನು ವಾಚಿಸಿದರು. ಭಗಿನಿ ಕೀರ್ತನ ಇವರ ತಮ್ಮ ಲ್ಯಾನ್ಸಿ ರೇಗೊ, ಸಂತ ಜೋಸೆಫ್ ಪ್ರೌಢ ಶಾಲೆಯ ಮುಖ್ಯ ಶಿಕ್ಷಕಿ ಸಿಸ್ಟರ್ ಐವಿ. ಹೋಲಿ ರೋಜರಿ ಆಂಗ್ಲ ಮಾಧ್ಯಮ ಶಾಲೆಯ ಮುಖ್ಯ ಶಿಕ್ಷಕಿ ತೆರೆಜಾ ಶಾಂತಿ, ಶಾಲಾ ಸಮಿತಿಯ ಜೋಯ್ ರೆಬೆಲ್ಲೊ, ಶಾಲಾ ಶಿಕ್ಷಕ ರಕ್ಷಕ ಸಂಘದ ಅಧ್ಯಕ್ಷ ಕಿರಣ್ ಪಾಯ್ಸ್, ಸಂತ ಜೋಸೆಫ್ ಪ್ರೌಢ ಶಾಲೆಯ ಶಿಕ್ಷಕಿ ಸರಸ್ವತಿ , ವಿದ್ಯಾರ್ಥಿನಿ ಶ್ರೀನಿಧಿ ತಮ್ಮ ಅನ್ನಿಸಿಕೆಯನ್ನು ಹಂಚಿಕೊಂಡರು. ಲೇಖಕ ಬರ್ನಾಡ್ ಡಿಕೋಸ್ತಾ, ರಚಿಸಿದ “ನಂದಾದೀಪ” ಕಿರು ನಾಟಕವನ್ನು ಮಕ್ಕಳು ಅಭಿನಯಿಸಿ ಸಿಸ್ಟರ್ ಕೀರ್ತನರಿಗೆ ಸಮರ್ಪಿಸಿದರು. ಸಂತ ಜೋಸೆಫ್ ಹಿರಿಯ ಪ್ರಾಥಮಿಕ ಶಾಲೆಯ ಶಿಕ್ಷಕರು, ಸಂತ ಜೋಸೆಫ್ ಪ್ರೌಢ ಶಾಲಾ ಶಿಕ್ಷಕ ಶಿಕ್ಷಕೇತರ ಸಿಬಂದಿ, ಶಿಕ್ಷಕ ರಕ್ಷಕ ಸಂಘದ ಸದಸ್ಯರು, ಬಿಸಿಯೂಟ ಸಿಬಂದಿಗಳು, ಸಿಸ್ಟರ್ ಕೀರ್ತನರ ಕುಟುಂಬಸ್ಥರು ಉಪಸ್ಥಿತರಿದ್ದರು.
ಶಿಕ್ಷಕಿ ಧರ್ಮಭಗಿನಿ ನವಿತಾ ಸ್ವಾಗತಿಸಿದರು. ಶಿಕ್ಷಕ ಅನಿಲ್ ಪಾಯ್ಸ್ ನಿರೂಪಿಸಿದರು. ವನಿತಾ ಬಾರೆಟ್ಟೊ ಧನ್ಯವಾದಗಳನ್ನು ಅರ್ಪಿಸಿದರು.

ವರದಿ: ಶಬ್ಬೀರ್ ಅಹ್ಮದ್, ಶ್ರೀನಿವಾಸಪುರ

ಶ್ರೀನಿವಾಸಪುರ: ಕಾಂಗ್ರೆಸ್ ಪಕ್ಷದ ಸಿದ್ಧಾಂತದಲ್ಲಿ ನಂಬಿಕೆಯಿಟ್ಟು ಬರುವವರನ್ನು ಸ್ವೀಕರಿಸಲಾಗುವುದು. ಸಮಾನವಾಗಿ ನೋಡಲಾಗುವುದು ಎಂದು ಶಾಸಕ ಕೆ.ಆರ್.ರಮೇಶ್ ಕುಮಾರ್ ಹೇಳಿದರು.
ತಾಲ್ಲೂಕಿನ ಯರ್ರಂವಾರಿಪಲ್ಲಿ ಗ್ರಾಮ ಪಂಚಾಯಿತಿ ವ್ಯಾಪ್ತಿಯ ಮುಡಿವಾರಿಪಲ್ಲಿ ಗ್ರಾಮದಲ್ಲಿ ಸೋಮವಾರ ಏರ್ಪಡಿಸಿದ್ದ ಸಮಾರಂಭದಲ್ಲಿ ಜೆಡಿಎಸ್ ತೊರೆದು ಕಾಂಗ್ರೆಸ್ ಸೇರಿದ 10 ಕುಂಟುಂಬಗಲ ಸದಸ್ಯರನ್ನು ಬರಮಾಡಿಕೊಂಡು ಮಾತನಾಡಿದರು.
ತ್ಯಾಗ ಬಲಿದಾನಕ್ಕೆ ಹೆಸರಾದ ಕಾಂಗ್ರೆಸ್ ಪಕ್ಷಕ್ಕೆ ಸೇರುವುದು ಹೆಮ್ಮೆಯ ವಿಷಯವಾಗಿದೆ. ಸಂವಿಧಾನದ ಆಶಯಗಳಿಗೆ ಸ್ಪಂದಿಸಿ ಕಾರ್ಯನಿರ್ವಹಿಸುವ ಹಾಗೂ ಜಾತ್ಯಾತೀತ ಮನೋಭಾವ ಹೊಂದಿರುವ ಈ ಪಕ್ಷ ಸಮಾಜದ ಎಲ್ಲ ಸಮುದಾಯಗಳ ಅಭಿವೃದ್ಧಿಗೆ ಶ್ರಮಿಸುತ್ತದೆ ಎಂದು ಹೇಳಿದರು.
ಕ್ಷೇತ್ರದಲ್ಲಿ ಯಾವುದೇ ಪಕ್ಷಪಾತ ಮಾಡದೆ ಸರ್ಕಾರದ ಸೌಲಭ್ಯ ವಿತರಿಸಲಾಗಿದೆ. ಕುಡಿಯುವ ನೀರು ಪೂರೈಕೆ, ರಸ್ತೆ ನಿರ್ಮಾಣ, ವಸತಿ ರಹಿತರಿಗೆ ಮನೆ ನಿರ್ಮಾಣ ಹಾಗೂ ಶೈಕ್ಷಣಿಕ ಅಭಿವೃದ್ಧಿಗೆ ಮೊದಲ ಆದ್ಯತೆ ನೀಡಲಾಗಿದೆ. ಕೆಸಿ ವ್ಯಾಲಿ ನೀರು ಜಿಲ್ಲೆಯ ಕೆರೆಗಳಿಗೆ ಹರಿಯುತ್ತಿದೆ. ಇದರಿಂದ ಅಂತರ್ಜಲ ವೃದ್ಧಿಯಾಗಿದೆ. ರೈತರ ನೀರು ದಾಹ ತೀರುವ ಕಾಲ ಸಮೀಪಿಸುತ್ತಿದೆ. ಕೆಲವೇ ತಿಂಗಳುಗಳಲ್ಲಿ ತಾಲ್ಲೂಕಿನ ಎಲ್ಲ ಕೆರೆಗಳಿಗೆ ಕೆಸಿ ವ್ಯಾಲಿ ನೀರು ಹರಿಸಲಾಗುವುದು ಎಂದು ಹೇಳಿದರು.
ಗ್ರಾಮದ ಜೆಡಿಎಸ್ ಬೆಂಬಲಿಗರಾದ ರೆಡ್ಡಪ್ಪ, ಶಿವ, ಆಂಜಿ, ಶ್ರೀಕಾಂತ್, ನಾರಾಯಣಸ್ವಾಮಿ, ವೆಂಕಟರವಣ, ಸುರೇಶ್, ಮಂಜುನಾಥ, ರವಿ, ರಾಮಚಂದ್ರಪ್ಪ, ನಾಗರಾಜ, ಆದಿನಾರಾಯಣ, ನರಸಿಂಹಪ್ಪ, ಭದ್ರಿ, ಗಂಗಪ್ಪ, ಅನಿತಮ್ಮ, ಶ್ಯಾಮಲಮ್ಮ ಮತ್ತಿತತರು ಕಾಂಗ್ರೆಸ್ ಸೇರಿರುವುದಾಗಿ ಪ್ರಕಟಿಸಲಾಯಿತು.
ರಾಯಲ್ಪಾಡ್ ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷ ಸಂಜಯ್ ರೆಡ್ಡಿ, ಪಿಎಲ್‍ಡಿ ಬ್ಯಾಂಕ್ ಅಧ್ಯಕ್ಷ ದಿಂಬಾಲ ಅಶೋಕ್, ತಾಲ್ಲೂಕು ಪಂಚಾಯಿತಿ ಮಾಜಿ ಸದಸ್ಯ ಕೆ.ಕೆ.ಮಂಜುನಾಥರೆಡ್ಡಿ ಮತ್ತಿತರ ಮುಖಂಡರು ಇದ್ದರು.

JANANUDI.COM NETWORK

ಬೆ೦ಗಳೂರು.ಎ .4:ರಾಜ್ಯದಲ್ಲಿಪೆಟ್ರೋಲ್‌, ಡೀಸೆಲ್‌, ಅಡುಗೆ ಸಿಲಿಂಡರ್‌ ಎಲ್ಲವು ದರ ಏರಿಕೆಯಿಂದ ಜನ ತತ್ತರಿಸುವಾಗ ಇದರ ಬೆನ್ನಲ್ಲೇ ವಿದ್ಯುತ್‌ ದರ ಕೂಡ ಏರಿಕೆಯಾಗಿದೆ.ಈ ಬಾರಿ 1 ರೂಪಾಯಿ 50 ಪೈಸೆ ಹೆಚ್ಚಳ ಮಾಡುವಂತೆ ಪ್ರಸ್ತಾವನೆಯನ್ನು ಬೆಸ್ಕಾಂ ಸಲ್ಲಿಸಿತ್ತು.ಅದರೆ ಬೆಸ್ಕಾಂ ವ್ಯಾಪ್ತಿಯ ಪ್ರತಿ ಯುನಿಟ್‌ ಗೆ 35 ಪೈಸೆ ಹೆಚ್ಚಳಮಾಡಲಾಗಿದೆ. ಪರಿಷ್ಕೃತ ದರ ಏಪ್ರಿಲ್‌ 1ರಿಂದಲೇ ಅನ್ವಯವಾಗಲಿದೆ.    ಕಳೆದ ವರ್ಷವೂ ಸಹ ಪುತಿ ಯುನಿಟ್‌ ಗೆ 30 ಪೈಸೆ ಹೆಚ್ಮಳವಾಗಿದ್ದು, ರಾಜ್ಯದ ವಿದ್ಯುತ್‌ ಸರಬರಾಜು ಕ೦ಪನಿ ಗಳಾದ ಬೆಸ್ಕಾಂ, ಮೆಕ್ಕಾಂ, ಚೆಕ್ಕಾಂ ಸೇರಿದಂತೆ ಇತರ ಕ೦ಪನಿಗಳು.ಪ್ರತಿಬಾರಿಯಂತೆ ಈ ವರ್ಷದ ಸಹ ದರ ಹೆಚ್ಚಳಕ್ಕೆ ಪ್ರಸ್ತಾವನೆಯನ್ನು ಸಲ್ಲಿಸಿತ್ತು. 

ವರದಿ: ಶಬ್ಬೀರ್ ಅಹ್ಮದ್, ಶ್ರೀನಿವಾಸಪುರ

ಕೋಲಾರ:- ಕೋಲಾರ,ಚಿಕ್ಕಬಳ್ಳಾಪುರ ಡಿಸಿಸಿ ಬ್ಯಾಂಕ್‍ನ ಎನ್‍ಪಿಎ ಶೇ.2.13ಕ್ಕೆ ಇಳಿಯುವ ಮೂಲಕ ಪ್ರಸ್ತುತ 2021-22ನೇ ಸಾಲಿನಲ್ಲಿ 9 ಕೋಟಿ ರೂ ಲಾಭ ಗಳಿಸಿದೆ ಎಂದು ಬ್ಯಾಂಕಿನ ಅಧ್ಯಕ್ಷ ಬ್ಯಾಲಹಳ್ಳಿ ಗೋವಿಂದಗೌಡ ಹರ್ಷ ವ್ಯಕ್ತಪಡಿಸಿದರು.
ನಗರದ ಡಿಸಿಸಿ ಬ್ಯಾಂಕ್ ಸಭಾಗಂಣದಲ್ಲಿ 2021-22ನೇ ಸಾಲಿನ ಆರ್ಥಿಕ ವರ್ಷದ ಮುಕ್ತಾಯದ ನಂತರ ಸೋಮವಾರ ನಡೆದ ಬ್ಯಾಂಕ್ ಅಧಿಕಾರಿಗಳ ಮೊದಲ ಸಭೆಯಲ್ಲಿ ಬ್ಯಾಂಕಿನ ಈ ಸಾಲಿನ ವಹಿವಾಟು,ಲಾಭಾಂಶದ ಕುರಿತು ಪರಿಶೀಲನೆ ಮಾಡಿ ಮಾತನಾಡಿದರು.
ಸರ್ಕಾರದಿಂದ ಬರಬೇಕಾಗಿರುವ ಬಡ್ಡಿಹಣ ಬಿಟ್ಟು 9 ಕೋಟಿ ಲಾಭಾಂಶದ ಸಾಧನೆ ಮಾಡಲು ಬ್ಯಾಂಕಿನ ಸಿಬ್ಬಂದಿ, ಅಧಿಕಾರಿಗಳ ಹಾಗೂ ಆಡಳಿತ ಮಂಡಳಿಯ ಶ್ರಮ ಕಾರಣವಾಗಿದೆ. ಸಾಧನೆಗೆ ಸಹಕಾರ ನೀಡಿದ ಪ್ರತಿಯೊಬ್ಬರಿಗೂ ಅಭಿನಂದನೆಗಳು ಎಂದರು.
ಬ್ಯಾಂಕಿನ ಕುರಿತಾದ ಟೀಕೆಗಳು, ಪ್ರತಿರೋಧ, ಸುಳ್ಳು ಆರೋಪಗಳು ನಮ್ಮನ್ನು ಸದಾ ಎಚ್ಚರಿಕೆಯಿಂದ ಇರುವಂತೆ ಪ್ರೇರೇಪಿಸಿವೆ, ಒಂದು ರೀತಿಯಲ್ಲಿ ಟೀಕಾಕಾರರು ಬ್ಯಾಂಕಿನ ಅಭಿವೃದ್ದಿಗೆ ಪರೋಕ್ಷವಾಗಿ ಸಹಕಾರ ನೀಡಿದ್ದಾರೆ ಇದೀಗ ಬ್ಯಾಂಕ್ 9 ಕೋಟಿ ಲಾಭ ಗಳಿಸಿರುವುದು ಅವರ ಎಲ್ಲಾ ಟೀಕೆಗಳಿಗೂ ಉತ್ತರ ನೀಡಿದಂತಿದೆ ಎಂದರು.
ಏಪ್ರಿಲ್ ಅಂತ್ಯದೊಳಗೆ ಪ್ರತಿ ಸೊಸೈಟಿಯ ಲೆಕ್ಕ ಪರಿಶೋಧನೆಯಾಗಬೇಕು. ಆನ್ ಲೈನ್ ವ್ಯವಸ್ಥೆ ಆಗಿಯು ಲೆಕ್ಕಪರಿಶೋಧನೆ ಮಾಡದೆ ಇರುವುದು ವಿಷಾದಕರ ಸಂಗತಿ. ಹೆಲ್ಪ್ ಡೆಸ್ಕ್ ಸ್ಥಾಪನೆ ಮಾಡಿದ್ದರೆ ಈ ಸಮಸ್ಯೆ ಎದುರಾಗುತ್ತಿರಲಿಲ್ಲ. ಎರಡು ದಿನದಲ್ಲಿ ಲೋಪಗಳನ್ನು ಪಡಿಸಿಕೊಳ್ಳದಿದ್ದರೆ ಆನ್‍ಲೈನ್ ಅಳವಡಿಕೆ ಉಸ್ತುವಾರಿ ವಹಿಸಿರುವ ಏಜೆನ್ಸಿ ಬದಲಾವಣೆ ಮಾಡಲಾಗುವುದು ಎಂದು ಎಚ್ವರಿಕೆ ನೀಡಿದರು.
ಸಾಲ ಕೊಡುವುದು, ವಸೂಲಿ ಮಾಡುವುದು ನಿಮ್ಮ ಜವಾಬ್ದಾರಿ. ಇದರಿಂದಾಗಿ ಪ್ರತಿ ದಿನ ಏನು ಕೆಲಸ ಮಾಡಬೇಕು ಎಂದು ವೇಳಾಪಟ್ಟಿ ತಯಾರಿಸಿಕೊಳ್ಳಿ. ಅದರ ಪ್ರಕಾರ ಕೆಲಸ ಮಾಡಿದರೆ ನೀಡಿರುವ ಗುರಿ ಸಾಧನೆ ಮಾಡಲು ಸಹಕಾರಿಯಾಗುತ್ತದೆ ಎಂದರು.
ಗಣಕೀಕರಣ ಲೆಕ್ಕ ಹೊಂದಾಣಿಕೆಯಾದರೆ ಆಡಿಟ್‍ಗೆ ಸುಲಭವಾಗುತ್ತದೆ. ಗಣಕೀಕರಣ ಅನುದಾನಕ್ಕೆ ಅಫೆಕ್ಸ್ ಬ್ಯಾಂಕ್ ನಮ್ಮ ಜೊತೆಯಲ್ಲಿದೆ. ನಬಾರ್ಡ್ ತನಿಖೆ ಇರುವುದರಿಂದ ಯಾವುದೇ ಸಂದರ್ಭದಲ್ಲಿ ನಾನು ಶಾಖೆಗೆ ಭೇಟಿ ನೀಡುತ್ತೆನೆ. ಭೇಟಿ ಸಂದರ್ಭದಲ್ಲಿ ಏನೇ ಲೋಪಗಳು ಕಂಡುಬಂದರೆ ಸಹಿಸುವುದಿಲ್ಲ ಎಂದು ತಾಕೀತು ಮಾಡಿದರು.
ಇ-ಶಕ್ತಿ ಕಾರ್ಯಕ್ರಮ ಯಾವುದೇ ಕಾರಣಕ್ಕೂ ನಿಲ್ಲಬಾರದಯ. ಮೈಕ್ರೋ ಎಟಿಎಂ ಬಳಕೆ ಮಾಡಬೇಕು. ಮೊಬೈಲ್ ಬ್ಯಾಂಕ್ ವಾಹನ ಕಳುಹಿಸಿಕೊಡಿ ಎಂದು ಬೇಡಿಕೆ ಇಡಬೇಕು. ಮಧ್ಯಮಾವಧಿ ಸಾಲ ಹತ್ತು ಲಕ್ಷಕ್ಕೆ ಮೀರಬಾರದು. ಅದು ಸೊಸೈಟಿ ಮೂಲಕವೇ ಬರಬೇಕು. ಯಾವುದೇ ಕಾರಣಕ್ಕೂ ಶಾಖೆಯಿಂದ ಸಾಲ ಕೊಡುವುದು ಆಗಬಾರದು ಎಂದು ತಾಕೀತು ಮಾಡಿದರು.
ಬ್ಯಾಂಕಿನ ವ್ಯವಸ್ಥಾಪಕ ನಿರ್ದೇಶಕ ಶಿವಕುಮಾರ್ ಮಾತನಾಡಿ, ತಾಂತ್ರಿಕ ದೋಷ ಸರಿಪಡಿಸಲು ವಿ-ಸಾಫ್ಟ್ ಕಂಪನಿಯವರು ಹೆಲ್ಪ್ ಡೆಸ್ಕ್ ಸ್ಥಾಪನೆಗೆ ಸೂಚಿಸಲಾಗಿತ್ತು. ಬಹುತೇಕ ಕಾರ್ಯದರ್ಶಿಗಳಿಗೆ ಕಂಪ್ಯೂಟರ್ ತರಬೇತಿಯಿಲ್ಲ. ಈ ವಿಚಾರದಲ್ಲಿ ಗಂಭೀರತೆ ತೋರುತ್ತಿಲ್ಲ ಎಂದು ಅಸಮಾಧಾನ ವ್ಯಕ್ತಪಡಿಸಿದರು.
ಮುಳಬಾಗಿಲು, ಬಂಗಾರಪೇಟೆಗೆ ಭೇಟಿ ನೀಡುತ್ತಿಲ್ಲ. ಡಿಸೆಂಬರ್ ತನಕ ಆನ್‍ಲೈನ್ ಒಂದು ಹಂತಕ್ಕೆ ಬಂದಿತ್ತು ಆದರೆ ಜನವರಿಂದ ಕಾರ್ಯವೈಖರಿ ಕುಂಠಿತಗೊಂಡಿದೆ.
ಬದ್ಧತೆಯಿಂದ ಸಾಫ್ಟ್‍ವೇರ್ ಕಂಪನಿ ಸಿಬ್ಬಂದಿ ಕೆಲಸ ಮಾಡಿದ್ದರೆ ಲೆಕ್ಕಪರಿಶೋಧನೆಗೆ ದಾಖಲೆಗಳು ಸಿದ್ದವಿರೋದು. ಪ್ರತಿ ಶಾಖೆಗೂ ಸಿಬ್ಬಂದಿಯನ್ನು ನೇಮಕ ಮಾಡಿದರೆ ಲೋಪಗಳನ್ನು ಸರಿಪಡಿಸಲು ಸಹಕಾರಿಯಾಗುತ್ತದೆ. ಕೂಡಲೇ ಪ್ರವೃತ್ತರಾಗಬೇಕು ಎಂದು ಸೂಚಿಸಿದರು.
ಡಿಸಿಸಿ ಬ್ಯಾಂಕ್ ನಿರ್ದೇಶಕರಾದ ನಾಗನಾಳ ಸೋಮಣ್ಣ, ಕೆ.ವಿ.ದಯಾನಂದ್, ಬ್ಯಾಂಕಿನ ಕೃಷ್ಣಮೂರ್ತಿ, ಎಜಿಎಂಗಳಾದ ಖಲೀಮುಲ್ಲಾ, ಬಾಲಾಜಿ, ಬೈರೇಗೌಡ, ಹುಸೇನ್ ಸಾಬ್ ದೊಡ್ಡಮುನಿ, ಬೇಬಿಶ್ಯಾಮಿಲಿ, ಪದ್ಮಮ್ಮ ಹಾಜರಿದ್ದರು.

ವರದಿ: ಶಬ್ಬೀರ್ ಅಹ್ಮದ್, ಶ್ರೀನಿವಾಸಪುರ

ಕೋಲಾರ:- ಶಾಸಕಿ ರೂಪಕಲಾ ಎಂ ಶಶಿಧರ್ ಅವರು ಕೆಜಿಎಫ್ ನಗರದಲ್ಲಿ ನಿರ್ಮಾಣವಾಗುತ್ತಿರುವ ಮಿನಿ ವಿಧಾನಸೌಧ ಕಟ್ಟಡ ಕಾಮಗಾರಿ ಪ್ರಗತಿ ಪರಿಶೀಲನೆ ನಡೆಸಿ, ಕಾಮಗಾರಿ ನಿಧಾನಗತಿಯಲ್ಲಿ ಸಾಗಿರುವ ಕುರಿತು ತೀವ್ರ ಅಸಮಾಧಾನ ವ್ಯಕ್ತಪಡಿಸಿದರು.
ತಾಲ್ಲೂಕಿನ ರೈತರು ಹಾಗೂ ಸಾರ್ವಜನಿಕರು ಬಂಗಾರಪೇಟೆಗೆ ಕಛೇರಿಗಳಿಗೆ ಅಲೆದಾಡುವುದನ್ನು ತಪ್ಪಿಸಲು ಶ್ರಮವಹಿಸಿ ಮಿನಿ ವಿಧಾನಸೌದ ಕಟ್ಟಡ ನಿರ್ಮಾಣಕ್ಕೆ ಅನುಮೋದನೆ ಪಡೆದಿದ್ದು ಕಾಮಗಾರಿಯಲ್ಲಿ ಈ ರೀತಿ ವಿಳಂಬ ಧೋರಣೆ ಸಹಿಸಲಾಗುವುದಿಲ್ಲ ಎಂದರು.
ಪ್ರತಿ ವಾರಕ್ಕೊಮ್ಮೆ ಕಾಮಗಾರಿಯ ಸ್ಥಳಕ್ಕೆ ಖುದ್ದಾಗಿ ಭೇಟಿ ನೀಡಿ ಪ್ರಗತಿ ಪರಿಶೀಲಿಸಲು ಸ್ಥಳದಲ್ಲಿ ಹಾಜರಿದ್ದ ಲೋಕೋಪಯೋಗಿ ಇಲಾಖೆ ಕಾರ್ಯಪಾಲಕ ಇಂಜಿನಿಯರ್ ರವರಿಗೆ ತಿಳಿಸಿದರು.
ತಹಶಿಲ್ದಾರ್ ಕಛೇರಿಯ ಅಬಿಲೇಖಾಲಯ ಕೆ.ಜಿ.ಎಫ್. ತಹಶಿಲ್ದಾರ್ ಕಛೇರಿಗೆ ಸ್ಥಳಂತರಿಸಲಾಗದೆ ಸಾರ್ವಜನಿಕರು ವಿಶೇಷವಾಗಿ ರೈತರು ತಮ್ಮ ಜಮೀನಿನ ದಾಖಲೆಗಳಿಗೆ ಬಂಗರಪೇಟೆ ಕಛೇರಿಗೆ ಹೋಗಿ ಪರದಾಡುವಂತಾಗಿದೆ ಎಂದು ಬೇಸರ ತೋರಿದರು.
ಮಿನಿ ವಿಧಾನಸೌಧ ಕಟ್ಟಡ ಕಾರ್ಯನಿರ್ವಹಿಸಲು ಪ್ರಾರಂಭಿಸಿದಲ್ಲಿ ಪ್ರಮುಖ ಕಚೇರಿಗಳು ಒಂದೇ ಸೂರಿನಡಿ ಬರುವುದರಿಂದ ರೈತರಿಗೆ ಮತ್ತು ಸಾರ್ವಜನಿಕರಿಗೆ ತಮ್ಮ ದೈನಂದಿನ ಕೆಲಸ ಕಾರ್ಯಗಳು ಸುಲಭವಾಗಿ ಬಗೆಹರಿಯಲಿವೆ ಎಂದು ತಿಳಿಸಿದರು.
ನಿಗದಿತ ಸಮಯದಲ್ಲಿ ಪೂರ್ಣಗೊಳಿಸಿ ಕಟ್ಟಡವನ್ನು ಕಂದಾಯ ಇಲಾಖೆ ಹಸ್ತಾಂತರಿಸಲು ಗುತ್ತಿಗೆದಾರರಿಗೆ ಮತ್ತು ಇಂಜಿನಿಯರ್ ರವರಿಗೆ ಸೂಚಿಸಿದರು.
ಹಾಲಿ ಹಲವು ಕಛೇರಿಗಳು ಬೇರೆ ಬೇರೆ ಕಟ್ಟಡಗಳಲ್ಲಿ ಕಾರ್ಯ ನಿರ್ವಹಿಸುತ್ತಿರುವುದರಿಂದ ಸಾರ್ವಜನಿಕರಿಗೆ ತೊಂದರೆಯಾಗುತ್ತಿರುತ್ತದೆ ಎಂದು ಶಾಸಕರು ತಿಳಿಸಿದರು.
ಎಕ್ಸಿಕ್ಯುಟಿವ್ ಇಂಜಿನಿಯರ್ ರವರು ಹಾಲಿ ಪ್ರಗತಿಯಲ್ಲಿರುವ ಕಟ್ಟಡದ ವಿವಿಧ ಕಾಮಗಾರಿಗಳ ಬಗ್ಗೆ ವಿವರಣೆ ನೀಡಿ, ಎರಡು ತಿಂಗಳ ಒಳಗಾಗಿ ಮಿನಿ ವಿಧಾನಸೌಧ ಕಟ್ಟಡವನ್ನು ಪೂರ್ಣಗೊಳಿಸಿ ಹಸ್ತಾಂತರಿಸಲಾಗುವುದು ಎಂದು ಮಾನ್ಯ ಶಾಸಕರಿಗೆ ಭರವಸೆ ನೀಡಿದರು.
ಲೋಕೋಪಯೋಗಿ ಇಲಾಖೆಯ ಮಾನ್ಯ ಮಂತ್ರಿಗಳಿಗೆ ಮನವಿ ನೀಡಿ ರೂ.2.00 ಕೋಟಿ ವಿಶೇಷ ಅನುದಾನ ಮಂಜೂರು ಮಾಡಿಸಿದ್ದು, ಇದರ ಅಡಿ ನೀಡಿರುವ ಕಾಮಗರಿಗಳ ಪಟ್ಟಿ ಪೈಕಿ ಸ್ಟೇಷನ್ ರಸ್ತೆ ಹಾಗೂ ಆಂಡರಸನ್ ಪೇಟೆ ರಸ್ತೆಯನ್ನು ಕೂಡಲೆ ದುರಸ್ತಿ ಪಡಿಸಲು ಸೂಚಿಸಿದರು.
ಮಾರಿಕುಪ್ಪ ರೈಲ್ವೆ ನಿಲ್ದಾಣದ ಬಳಿ ರಸ್ತೆ ತೀರಾ ಹಾಳಾಗಿದ್ದು ಸದರಿ ರಸ್ತೆಗೆ ರೂ.1.55 ಕೋಟಿ ನೀಡಿದ್ದು ಕೂಡಲೆ ಟೆಂಡರ್ ಪ್ರಕ್ರಿಯೆ ಮುಗಿಸಿ ಕಾಮಗಾರಿ ಪ್ರಾರಂಭಿಸಲು ಸೂಚಿಸಿದರು.
ಚಂದ್ರಶೇಖರ್ ಎಕ್ಸಿಕ್ಯುಟಿವ್ ಇಂಜಿನಿಯರ್ ಲೋ.ಇ., ಶ್ರೀ ರವಿ, ಎ.ಇ.ಇ., ವಿ.ಮುನಿಸ್ವಾಮಿ ಅಧ್ಯಕ್ಷರು ನಗರಸಭೆ, ಮಂಜುನಾಥ್, ಇ.ಒ. ತಾಲ್ಲೂಕು ಪಂಚಾಯತಿ, ಮದಲೈ ಮುತ್ತು ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷರು, ಸುರೇಶ್ ಕುಮಾರ್ ಉಪ ತಹಶಿಲ್ದಾರ್,ಕÀರುಣಾಕರ್ ನಗರ ಸಭೆ ಸದಸ್ಯರು, ರಾಜಶೇಖರ್ ಅಸಿಸ್ಟೆಂಟ್ ಇಂಜಿನಿಯರ್, ನರಸೇಗೌಡ ಗುತ್ತಿಗೆದಾರರು ಹಾಜರಿದ್ದರು.

JANANUDI.COM NETWORK

ಬೆಂಗಳೂರು; ರಾಜ್ಯದಲ್ಲಿ ಮತ್ತೆ ಮಳೆ ಬರುವ ಮುನ್ಸೂಚನೆದೊರೆತಿದೆ. ರಾಜ್ಯದ  ಕರಾವಳಿ ಸೇರಿದಂತೆ ಹಲವು ಜಿಲ್ಲೆಗಳಲ್ಲಿ ಏಪ್ರಿಲ್ 6 ರ ವರೆಗೆ ಭಾರಿ ಮಳೆಯಾಗುವ ಸಾಧ್ಯತೆ ಇದೆ ಎಂದು ಹವಾಮಾನ ಇಲಾಖೆಯಿಂದ  ಮಾಹಿತಿ ದೊರಕಿದೆ.  

    ತಮಿಳುನಾಡಿನ ಕರಾವಳಿಯಲ್ಲಿ ಮೇಲ್ಮೈ ಸುಳಿಗಾಳಿ ಉಂಟಾಗಿರುವ ಹಿನ್ನೆಲೆಯಲ್ಲಿ ಕರ್ನಾಟಕದ ಕರಾವಳಿ, ದಕ್ಷಿಣ ಒಳನಾಡಿನ ಕೆಲವು ಜಿಲ್ಲೆಗಳಲ್ಲಿ ಗುಡುಗು ಸಹಿತ ಮಳೆಯಾಗಲಿದೆ. ಉಡುಪಿ, ದಕ್ಷಿಣ ಕನ್ನಡ, ಚಾಮರಾಜನಗರ, ಮೈಸೂರು, ಚಿಕ್ಕಮಗಳೂರು ಬೆಂಗಳೂರು, ಉತ್ತರ ಕನ್ನಡ,ಮತ್ತು ಶಿವಮೊಗ್ಗದಲ್ಲಿ ಮಳೆಯಾಗಲಿದೆ ಎಂದು ಮಾಹಿತಿ ನೀಡಿದೆ.  

   ಕರಾವಳಿಯ ಉಡುಪಿ ಹಾಗೂ ದಕ್ಷಿಣ ಕನ್ನಡ ಜಿಲ್ಲೆಯಲ್ಲಿ ಇಂದು ಮತ್ತು ನಾಳೆ ಭಾರಿ ಮಳೆಯಾಗಲಿದೆ. ಕರ್ನಾಟಕದ ದಕ್ಷಿಣ ಒಳನಾಡಿನ ಹಲವೆಡೆ ಕೂಡ ಮಳೆಯಾಗುವ ಸಾಧ್ಯತೆಯಿದೆ.

JANANUDI.COM NETWORK

 

ಲಂಡನ್:ಕೋವಿಡ್‌ 19 ನ ರೂಪಾ೦ತರಿಯಾದ ಒಮಿಕ್ರಾನ್‌ ಮತ್ತೊ೦ದು ರೂಪ ಧರಿಸಿ ಆಕ್ರಮಣಕ್ಕೆ ಸಜ್ಜಾಗಿದೆಒಮಿಸಕ್ರಾನ್‌ನ ಈ  ಹೊಸ ರೂಪಾಂತರಿ ವೈರಸ್‌ ಇಂಗ್ಲೆಂಡ್ ನಲ್ಲಿ ಪತ್ತೆಯಾಗಿರುವುದನ್ನು  ವಿಶ್ವ ಆರೋಗ್ಯ ಸ೦ಸ್ದೆ (ಡಬ್ಲ್ಯು ಎಚ್‌ ಒ) ಶನಿವಾರ ಖುಚಿತ ಪಡಿಸಿದೆ.   

ಇಂಗ್ಲೆಂಡ್ ಆರೋಗ್ಯ ಸುರಕ್ಷತಾ ಸ೦ಸ್ಥೆ ಓಮಿಕ್ರಾನ್‌ ವೇರಿಯೇ೦ಟ್‌ಗಳ ಅಧ್ಯಯನ ಮಾಡುತ್ತಿರುವಾಗ ಕೊಸ ರೂಪಾಲ೦ತರಿ ಎಕ್ಸ್‌ಇ ಪತ್ತೆಯಾಗಿದೆ. ಇದು ಓಮಿಕ್ರಾನ್‌ನ ಈ ಮೊದಲಿನ ರೂಪಾ೦ತರಿಯಾದ ಬಿಎ 1  ಮತ್ತು ಬಿಎ 2  ನ ಸಮ್ಮಿಲನದಿಂದ  ಕೊರಬಲ೦ದ ಮ್ಯ್ಯುಟೇಶನ್ ಆಗಿದೆಎ೦ದು ವಿಶ್ವ ಆರೋಗ್ಯ ಸಲಸ್ದೆ ತಿಳಿಸಿದೆ.   

ಈ ಎಕ್ಸ್‌ ಇ ವೇರಿಯೆ೦ಟ್‌ ಈ ಮೊದಲಿನ ಎಲ್ಲ ಕೋವಿಡ್‌ 19 ರೂಪಾ೦ತರ ವೈರಸ್‌ಗಳಿಗಿಲತ ಅತ್ಯ೦ತ ವೇಗದಲ್ಲಿ ಪ್ರಸರಣಗೊಳ್ಳುವ ಸಾಮರ್ಥ್ಯ ಹೊ೦ದಿದ್ದು ಹೆಚ್ಚು ಅಪಾಯಕಾರಿಯಾಗಬಹುದು ಎ೦ದು ವಿಶ್ನ ಆರೋಗ್ಯ ಸಂಸ್ಥೆ ಎಚ್ಚರಿಕೆ ನೀಡಿದೆ. .