HOLY ROSARY CHURCH, KUNDAPUR – 450 th JUBILEE SOUVENIR 2021

ಶ್ರೀನಿವಾಸಪುರ : ಕಾರ್ತಿಕ ಮಾಸದಲ್ಲಿ ವಿಶೇಷವಾಗಿ ಕೆಲವರು ಪವಿತ್ರ ನದಿ ತೀರಗಳಲ್ಲಿ ಜಲ ಸ್ನಾನ ಮಾಡುತ್ತಾರೆ. ವಿಶೇಷವಾಗಿ ಕಾರ್ತಿಕಮಾಸದಲ್ಲಿ ಶಿವ ಮತ್ತು ವಿಷ್ಣು ಮಂದಿರಗಳಲ್ಲಿ ಸೂರ್ಯೋದಯಕ್ಕೆ ಮುನ್ನ ಮತ್ತು ಸೂರ್ಯೋದಯನಂತರ ಭಗವಂತನ ಪ್ರೀತ್ಯರ್ಥವಾಗಿ ಜ್ಯೋತಿಯನ್ನು ಬೆಳಗುತ್ತಾರೆ ಎಂದು ಮಾಜಿ ಶಾಸಕ ಕೆ.ಆರ್.ರಮೇಶ್‍ಕುಮಾರ್ ತಿಳಿಸಿದರು.
ಪಟ್ಟಣದ ಶ್ರೀ ಲಕ್ಷ್ಮೀನರಸಿಂಹ ಸ್ವಾಮಿ ದೇವಾಲಯದಲ್ಲಿ ಶನಿವಾರ ಶ್ರೀ ಲಕ್ಷ್ಮೀನರಸಿಂಹಸ್ವಾಮಿ ಲಕ್ಷ ದೀಪೋತ್ಸವ ಸಮಿತಿ ಹಾಗು ಭಕ್ತಮಂಡಲಿವತಿಯಿಂದ ಹಮ್ಮಿಕೊಳ್ಳಲಾದ ಪಕ್ಷಾತೀತವಾದ ಈ ಧಾರ್ಮಿಕ ಕಾರ್ಯಕ್ರಮದಲ್ಲಿ ಪಾಲ್ಗುಂಡು ಮಾತನಾಡಿದರು.
ಶಾಸಕ ಜಿ.ಕೆ.ವೆಂಕಟಶಿವಾರೆಡ್ಡಿ ಮಾತನಾಡಿ ಇಂದು ದೇವಸ್ಥಾನಗಳು ನೆಮ್ಮದಿ ತಾಣಗಲಾಗಿದ್ದು, ದೇವಸ್ಥಾನಕ್ಕೆ ಬೇಟಿ ನೀಡಿ ದೇವರ ದರ್ಶನ ಪಡೆದರೆ ಮನಸ್ಸಿಗೆ ನೆಮ್ಮದಿ ಸಿಗುತ್ತದೆ ಎನ್ನುತ್ತಾ, ಪಟ್ಟಣದ ಪುರಾತನ ದೇವಾಲಯವಾದ ಶ್ರೀಲಕ್ಷ್ಮೀನರಸಿಂಹಸ್ವಾಮಿ ದೇವಾಲಯದಲ್ಲಿ ಕಾರ್ತಿಕಮಾಸದ ಅಂಗವಾಗಿ ಲಕ್ಷದೀಪೋತ್ಸವ ಕಾರ್ಯಕ್ರಮವನ್ನು ಹಮ್ಮಿಕೊಂಡಿರುವ ಶ್ರೀ ಲಕ್ಷ್ಮೀನರಸಿಂಹಸ್ವಾಮಿ ಲಕ್ಷ ದೀಪೋತ್ಸವ ಸಮಿತಿ ಹಾಗು ಭಕ್ತಮಂಡಲಿವತಿಯಿಂದ ಶ್ಲಾಘನೀಯ ಕೆಲಸವಾಗಿದ್ದು, ತಾಲೂಕಿನಲ್ಲಿ ಸಮೃದ್ಧಿ ಮಳೆಯಾಗಿದ್ದು, ರೈತರಿಗೆ ಹಾಗು ಎಲ್ಲಾ ನಾಗರೀಕ ಬಂದುಗಳಿಗೆ ಒಳ್ಳೇಯದಾಗಲಿ ಎಂದು ನನ್ನ ಆಶಯ. ಶಿಥಲವಾಗಿರುವ ಯಾವುದೇ ದೇವಾಲಯಗಳು ಇದಲ್ಲಿ ಅದನ್ನ ಸರಿಪಡಿಸಲು ದಾನಿಗಳು ಇದ್ದೇ ಇರುತ್ತಾರೆ . ದಾನಿಗಳಿಗೆ ನಾವು ಸಹಕಾರ ನೀಡಲು ಸನ್ನದ್ದರಾಗಿದ್ದೇವೆ ಎಂದರು.
ನನ್ನ ಅನುದಾನದಲ್ಲಿ 1 ಕೋಟಿ ವೆಚ್ಚದಲ್ಲಿ ದೇವಸ್ಥಾನದ ಜೀರ್ಣೋದ್ದಾರ ಮಾಡುವುದರೊಂದಿಗೆ ಹಾಗು ಸರ್ವತೋಮುಖ ಅಭಿವೃದ್ಧಿಗಾಗಿ ಅನುದಾನಕ್ಕಾಗಿ ಸರ್ಕಾರಕ್ಕೆ ಪ್ರಸ್ತಾವಣೆ ಸಲ್ಲಿಸಿದ್ದೇನೆ . ಅನುದಾನ ಬಂದ ತಕ್ಷಣವೇ ದೇವಾಲಯದ ಸರ್ವತೋಮುಖ ಅಭಿವೃದ್ಧಿಗಾಗಿ ಕ್ರಮಕೈಗೊಳ್ಳಲಾಗುವುದು ಎಂದು ಭರವಸೆ ನೀಡಿದರು.
ಬೆಳ್ಳಿ ರಥದಲ್ಲಿ ಶ್ರೀ ಲಕ್ಷ್ಮೀನರಸಿಂಹಸ್ವಾಮಿಯ ಉತ್ಸವ ಮೂರ್ತಿಯನ್ನು ವಿಶೇಷವಾಗಿ ಹೂವಿನೊಂದಿಗೆ ಅಲಂಕರಿಸಿ ವಿವಿಧ ಜಾನಪದ ತಂಡಗಳೊಂದಿಗೆ ಹಾಗು ಪಟಾಕಿಗಳನ್ನು ಸಿಡಿಸಿ ವಿಜೃಂಬಣೆಯೊಂದಿಗೆ ಸಾವಿರಾರು ಭಕ್ತರ ಸಮ್ಮುಖದಲ್ಲಿ ಅದ್ದೂರಿಯಾಗಿ ಮೆರವಣಿಗೆಗೆ ಸಾಕ್ಷಿಭೂತರಾದರು. ನೆರದಿದ್ದ ಭಕ್ತರಿಗೆ ಪ್ರಸಾದ ವ್ಯವಸ್ಥೆ ಮಾಡಲಾಗಿತ್ತು. ಒಟ್ಟಿನಲ್ಲಿ ಪಟ್ಟಣದಲ್ಲಿ ಹಬ್ಬದ ವಾತವರಣವು ಸೃಷ್ಟಿಯಾಗಿತ್ತು.
ಕೆ.ಆರ್.ರಮೇಶ್‍ಕುಮಾರ್‍ರವರ ಕುಟುಂಬದ ಸದಸ್ಯರು ಪಾಲ್ಗುಂಡಿದ್ದರು. ಪೂಜಾ ಕಾರ್ಯಕ್ರಮವನ್ನು ಅರ್ಚಕ ಸುಬ್ರಮಣ್ಯಂ ನೆರವೇರಿಸಿದರು. ಮುಖಂಡರಾದ ಕೆ.ಆರ್.ಕೃಷ್ಣಮೂರ್ತಿ, ಕೆ.ಆರ್.ಹರ್ಷ , ಎನ್.ಜಿ.ಬ್ಯಾಟಪ್ಪ, ತೂಪಲ್ಲಿ ಆರ್.ನಾರಾಯಣಸ್ವಾಮಿ, ಮ್ಯಾಕಲ ನಾರಾಯಣಸ್ವಾಮಿ, ಸಂಜಯ್‍ರೆಡ್ಡಿ, ದಿಂಬಾಲ್ ಅಶೋಕ್, ಕೆ.ಕೆ.ಮಂಜುನಾಥ್, ಪುರಸಭೆ ಅಧ್ಯಕ್ಷ ಬಿ.ಆರ್.ಭಾಸ್ಕರ್, ಉಪಾಧ್ಯಕ್ಷೆ ಸುನಿತ, ಬಂಡಪಲ್ಲಿ ಕೃಷ್ಣಾರೆಡ್ಡಿ, ಬಿ.ಎಲ್.ಪ್ರಕಾಶ್, ಆರ್.ಎನ್.ಚಂದ್ರಶೇಖರ್, ಮನೋಹರ್, ಗಂಗಾದರ್, ಎನ್‍ಎನ್‍ಆರ್.ನಾಗರಾಜ್, ಮುನಿರಾಜು, ಹೇಮಂತಕುಮಾರ್, ಶಿವರಾಜ್, ನರಸಿಂಹಮೂರ್ತಿ, ಥಿಯೇಟರ್‍ಲಕ್ಷ್ಮಣರೆಡ್ಡಿ, ವೈ.ಆರ್.ಶಿವಪ್ರಕಾಶ್, ರಾಘವರೆಡ್ಡಿ, ಸೀತಾರಾಮರೆಡ್ಡಿ, ಪೂಲ್‍ಶಿವಾರೆಡ್ಡಿ, ಜೆ.ಕೆ.ಮಂಜುನಾಥ್, ಮಂಜುನಾಥರೆಡ್ಡಿ, ಎಸ್.ಡಿ.ವೆಂಕಟೇಶ್, ಕೋಡಪಲ್ಲಿ ಶ್ರೀನಿವಾಸರಡ್ಡಿ, ಕಾರ್‍ಬಾಬು, ಸಿಮೆಂಟ್‍ರಮೇಶ್, ವೆಂಕಟೇಶ್, ಬದ್ರಿ, ಸುಬ್ಬಿರೆಡ್ಡಿ, ಗೋಪಾಲಗೌಡ , ನಂಬಿಹಳ್ಳಿ ಶ್ರೀರಾಮರೆಡ್ಡಿ, ಡಾ|| ವೆಂಕಟೇಶ್, ಕೃಷ್ಣಾರೆಡ್ಡಿ, ನಾಗದೇನಹಳ್ಳಿ ಶ್ರೀನಿವಾಸ್, ಚಲ್ದಿಗಾನಹಳ್ಳಿ ಮುನಿವೆಂಕಟಪ್ಪ ಇದ್ದರು.

ಶ್ರೀನಿವಾಸಪುರ: ದೇಶದ ವಿವಿಧ ಬ್ಯಾಂಕ್‌ ಖಾತೆಗಳಲ್ಲಿ ನಾಮನಿರ್ದೇಶನವಿಲ್ಲದೆ ಉಳಿದಿರುವ ಸುಮಾರು ₹79,000 ಕೋಟಿ ಮೊತ್ತವನ್ನು ಭಾರತೀಯ ರಿಸರ್ವ್‌ ಬ್ಯಾಂಕ್‌ ವಶದಲ್ಲಿಟ್ಟಿದೆ. ಈ ಮೊತ್ತವನ್ನು ಕಾನೂನುಬದ್ಧ ವಾರಸುದಾರರು ಅಗತ್ಯ ದಾಖಲೆಗಳನ್ನು ಸಲ್ಲಿಸಿ ಪಡೆದುಕೊಳ್ಳಬಹುದು ಎಂದು ಕೋಲಾರ ಜಿಲ್ಲಾ ಲೀಡ್‌ ಬ್ಯಾಂಕ್‌ ಮ್ಯಾನೇಜರ್‌ ಮಹದೇವ್ ಎಸ್. ಜೋಶಿ ತಿಳಿಸಿದ್ದಾರೆ.
ಶ್ರೀನಿವಾಸಪುರ ತಾಲ್ಲೂಕಿನ ಯಲ್ದೂರು ಸಮೀಪದ ಶೀಗೆಹಳ್ಳಿ ಗ್ರಾಮದಲ್ಲಿ ಕೋಲಾರ ಜಿಲ್ಲಾ ಲೀಡ್‌ ಬ್ಯಾಂಕ್ ಹಾಗೂ ಬ್ಯಾಂಕ್‌ ಆಫ್‌ ಬರೋಡಾ ಶೀಗೆಹಳ್ಳಿ ಶಾಖೆಯ ಸಂಯುಕ್ತ ಆಶ್ರಯದಲ್ಲಿ ಹಮ್ಮಿಕೊಂಡಿದ್ದ ‘ಹಕ್ಕು ಪಡೆಯದ ಠೇವಣಿಗಳ ಇತ್ಯರ್ಥ ಅಭಿಯಾನದಲ್ಲಿ ಮಾತನಾಡಿದ ಅವರು, ಹತ್ತು ವರ್ಷಗಳಿಂದ ಬ್ಯಾಂಕ್‌ನಲ್ಲಿ ಯಾವುದೇ ವಹಿವಾಟು ಮಾಡದ ಗ್ರಾಹಕರು ತಮ್ಮ ಖಾತೆಯನ್ನು ಸಕ್ರಿಯಗೊಳಿಸಲು ‘ಕೆವೈಸಿ’ (KYC) ದಾಖಲೆಗಳನ್ನು ನವೀಕರಿಸಬೇಕು, ಎಂದು ಕರೆ ನೀಡಿದರು.
ಬ್ಯಾಂಕ್‌ ಆಫ್‌ ಬರೋಡಾ ಶೀಗೆಹಳ್ಳಿ ಶಾಖೆಯ ವ್ಯವಸ್ಥಾಪಕ ಬಾಲಕೃಷ್ಣ ಅವರು, ಪ್ರತಿಯೊಬ್ಬ ಗ್ರಾಹಕರೂ ಪ್ರಧಾನ ಮಂತ್ರಿ ಜೀವನ್‌ ಜ್ಯೋತಿ ಬೀಮಾ ಯೋಜನೆ (PMJJBY), ಪ್ರಧಾನ ಮಂತ್ರಿ ಸುರಕ್ಷಾ ಬೀಮಾ ಯೋಜನೆ (PMSBY), ಹಾಗೂ ಅಟಲ್‌ ಪಿಂಚಣಿ ಯೋಜನೆ (APY) ಸೇರಿದಂತೆ ವಿವಿಧ ಸಾಮಾಜಿಕ ಭದ್ರತಾ ವಿಮಾ ಯೋಜನೆಗಳಿಂದ ಲಾಭ ಪಡೆಯಬೇಕು, ಎಂದು ಹೇಳಿದರು.ಅವರು ಮುಂದುವರಿದು, ಕೃಷಿ ಅಭಿವೃದ್ಧಿಗಾಗಿ ಕಡಿಮೆ ಬಡ್ಡಿದರದಲ್ಲಿ ಅಲ್ಪಾವಧಿ ಹಾಗೂ ದೀರ್ಘಾವಧಿ ಬೆಳೆ ಸಾಲ ಪಡೆಯಬಹುದು. ಜೊತೆಗೆ ಉನ್ನತ ಹಾಗೂ ತಾಂತ್ರಿಕ ಶಿಕ್ಷಣಕ್ಕಾಗಿ ಶೈಕ್ಷಣಿಕ ಸಾಲ ಸೌಲಭ್ಯವನ್ನು ಬಳಸಿಕೊಳ್ಳಬೇಕು, ಎಂದರು.
ಕಾರ್ಯಕ್ರಮದಲ್ಲಿ ಹಣಕಾಸು ಹಾಗೂ ಆರ್ಥಿಕ ಸಲಹೆಗಾರ ಜಿ. ವೆಂಕಟೇಶ್, ಕೊಳತೂರು ಗ್ರಾಮ ಪಂಚಾಯಿತಿ ಪಿಡಿಓ ರಮೇಶ್ ಕುಮಾರ್, ಮಾಜಿ ಉಪಾಧ್ಯಕ್ಷ ಉಪ್ಪುಕುಂಟೆ ಚಂಗಪ್ಪ, ಸದಸ್ಯ ವೆಂಕಟೇಶಪ್ಪ, ಯಲ್ದೂರು ಗ್ರಾಮ ಪಂಚಾಯಿತಿ ಸದಸ್ಯ ಎಸ್.ಟಿ. ನಾರಾಯಣಸ್ವಾಮಿ, ಬ್ಯಾಂಕ್‌ನ ಸಹ ವ್ಯವಸ್ಥಾಪಕ ನರೇಂದ್ರ, ಕ್ಯಾಶಿಯರ್‌ ರಮೇಶ್, ಗುಮಾಸ್ತ ಸುಬ್ರಮಣಿ, ನಳಿನಿ ಹಾಗೂ ಮಾಲಾ ಉಪಸ್ಥಿತರಿದ್ದರು.

ಶ್ರೀನಿವಾಸಪುರ : ಕನ್ನಡ ನಾಡಿನ ಇತಿಹಾಸವನ್ನು ಇಂದಿನ ಪೀಳಿಗೆಗೆ ಪರಿಚಯಿಸುವ ನಿಟ್ಟಿನಲ್ಲಿ ಉತ್ತಮ ಸಾಂಸ್ಕೃತಿಕ  ಕಾರ್ಯಕ್ರಮಗಳನ್ನು ಹಮ್ಮಿಕೊಳ್ಳಬೇಕು ಎಂದು ಕನ್ನಡ ಸಾಹಿತ್ಯ ಪರಿಷತ್ ಯಲ್ದೂರು ಹೋಬಳಿ ಘಟಕದ ನಿಕಟ ಪೂರ್ವ ಅಧ್ಯಕ್ಷ ಕೆ ಪ್ರಕಾಶಯ್ಯ ತಿಳಿಸಿದರು.

 ಶ್ರೀನಿವಾಸಪುರ ತಾಲ್ಲೂಕಿನ ಯಲ್ದೂರು ಗ್ರಾಮದ ನ್ಯಾಷನಲ್ ಹೈಸ್ಕೂಲ್ ರಂಗಮಂದಿರದಲ್ಲಿ ಕರವೇ ಹೋಬಳಿ ಘಟಕ ಖಾಸಪ ಹೋಬಳಿ ಘಟಕ ಹಾಗೂ ಎಲ್ಲಾ ಶಾಲೆಗಳ ಮುಖ್ಯ ಶಿಕ್ಷಕರ ಸಂಯುಕ್ತ ಆಶ್ರಯದಲ್ಲಿ ಹಮ್ಮಿಕೊಂಡಿದ್ದ ಕನ್ನಡ ರಾಜ್ಯೋತ್ಸವದ ಪೂರ್ವಭಾವಿ ಸಭೆಯಲ್ಲಿ ಮಾತನಾಡುತ್ತಾ ಕನ್ನಡ ನಾಡಿನ ಪರಂಪರೆ ಬಹಳ ಶ್ರೀಮಂತವಾಗಿದೆ. ಕನ್ನಡ ರಾಜ್ಯೋತ್ಸವದಂತಹ ಕಾರ್ಯಕ್ರಮಗಳನ್ನು ಹೆಚ್ಚು ಹೆಚ್ಚಾಗಿ ಶಾಲಾ-ಕಾಲೇಜುಗಳ ಮಟ್ಟದಲ್ಲಿ ಹಮ್ಮಿಕೊಳ್ಳುವುದರ ಮೂಲಕ ಕನ್ನಡ ನಾಡು ನುಡಿ ಸಾಹಿತ್ಯ ಆಚಾರ ವಿಚಾರಗಳ ಬಗ್ಗೆ ಪ್ರಚುರ ಪಡಿಸಬೇಕಾಗಿದೆ ಎಂದು ಹೇಳಿದರು.

 ಮುಖ್ಯ ಶಿಕ್ಷಕರಾದ ಪಿ ಶ್ರೀನಿವಾಸ್ ಜಿ ಕೆ ಮುರಳಿ ಎಚ್ ನಾಗರತ್ನಮ್ಮ ಎಸ್ ಯಶೋಧ ಕರವೇ ಯಲ್ದೂರು ಹೋಬಳಿ  ಘಟಕದ ಅಧ್ಯಕ್ಷ ಆರ್ ಅಮರೇಶ್ ಪ್ರಧಾನ ಕಾರ್ಯದರ್ಶಿ ಎಲ್ ಮುರಳಿ ಮೋಹನ್ ಕಸಾಪ ಹೋಬಳಿ ಘಟಕದ ಅಧ್ಯಕ್ಷ ಎಸ್ ಅನಿಲ್ ಕುಮಾರ್ ಸಹ ಶಿಕ್ಷಕರಾದ ಮಂಜುನಾಥ ದೇವೇಗೌಡ ಮಂಜುಳಾ ಅನುಷಾ ಭಾಗವಹಿಸಿದ್ದರು.

Under the auspices of the Santa Mother Teresa Forum, Mangalore, Diwali – Festival of Lights 2025

ಸಂತಾ ಮದರ್ ತೆರೆಸಾ ವಿಚಾರ ವೇದಿಕೆ, ಮಂಗಳೂರು ಇವರ ಆಶ್ರಯದಲ್ಲಿ, ದೀಪಾವಳಿ – ಬೆಳಕಿನ ಹಬ್ಬ 2025 ಅನ್ನು ಶನಿವಾರ, ಅಕ್ಟೋಬರ್ 25 ರಂದು ಸಂಜೆ 6 ಗಂಟೆಗೆ, ಸಂತ ಅಲೋಸಿಯಸ್

 ಡೀಮ್ಡ್ ಟು ಬಿ ಯೂನಿವರ್ಸಿಟಿಯ ಸಹೋದಯ ಸಭಾಂಗಣದಲ್ಲಿ ಭವ್ಯವಾಗಿ ಆಯೋಜಿಸಲಾಯಿತು. ಕಾರ್ಯಕ್ರಮವು “ಎಲ್ಲಾ ಧರ್ಮಗಳ ಹಬ್ಬಗಳು ಎಲ್ಲರ ಹಬ್ಬಗಳಾಗಬೇಕು” ಎಂಬ ಥೀಮ್‌ನೊಂದಿಗೆ ಜನರ ನಡುವೆ ಏಕತೆ ಮತ್ತು ಸಹೋದರತ್ವವನ್ನು ಹರಡುವುದನ್ನು ಗುರಿಯಾಗಿಸಿಕೊಂಡಿತ್ತು.

ಕಾರ್ಯಕ್ರಮದ ಆರಂಭದಲ್ಲಿ ಸುನಿಲ್ ಕುಮಾರ್ ಬಜಾಲ್ ಅವರು ಆತ್ಮೀಯ ಸ್ವಾಗತ ನೀಡಿದರು.

ಕಾರ್ಯಕ್ರಮವನ್ನು ಉದ್ಘಾಟಿಸಿದ ಮಂಗಳೂರು ಧರ್ಮಪ್ರಾಂತ್ಯದ ಸಾರ್ವಜನಿಕ ಸಂಪರ್ಕಾಧಿಕಾರಿ ವಂದನೀಯ ಫಾ. ಜೆ. ಬಿ. ಸಲ್ದಾನ್ಹಾ ಅವರು, “ದೀಪಾವಳಿ ಒಂದು ಧರ್ಮಕ್ಕೆ ಸೀಮಿತವಾದ ಹಬ್ಬವಲ್ಲ, ಇದು ಧರ್ಮವನ್ನು ಮೀರಿಸಿ ಎಲ್ಲರನ್ನು ಒಗ್ಗೂಡಿಸುವ ಹಬ್ಬ” ಎಂದು ಹೇಳಿದರು. ಸಮಾಜದಲ್ಲಿ ಬೀರುವ ಅಂಧಕಾರಕ್ಕೆ ವಿರುದ್ಧವಾಗಿ ಪ್ರತಿಯೊಬ್ಬರೂ ದೀಪದಂತೆ ಪ್ರೀತಿ ಮತ್ತು ಭರವಸೆ ಹಂಚಿಕೊಳ್ಳಬೇಕೆಂದು ಒತ್ತಿ ಹೇಳಿದರು.

ಪ್ರಮುಖ ಅತಿಥಿಗಳಾಗಿ ಯೇನಪೋಯ ಶಿಕ್ಷಣ ಸಂಸ್ಥೆಗಳ ಪ್ರಾಚಾರ್ಯರು ಡಾ. ಜೀವನ ರಾಜ್ ಕುಟ್ಟರ್, ನಿವೃತ್ತ ಸಾಮಾಜಿಕ ಕಲ್ಯಾಣಾಧಿಕಾರಿ ಯೂಸುಫ್ ಅಖ್ತರ್, ಮತ್ತು ಸಂತಾ ಮದರ್ ತೆರೆಸಾ ವಿಚಾರ ವೇದಿಕೆಯ ಅಧ್ಯಕ್ಷ ರಾಯ್ ಕ್ಯಾಸ್ಟೆಲಿನೊ ಉಪಸ್ಥಿತರಿದ್ದರು.
ಅದೇ ರೀತಿ ಕೊಂಕಣಿ ಸಾಹಿತ್ಯ ಅಕಾಡೆಮಿಯ ಅಧ್ಯಕ್ಷ ಸ್ಟೇನಿ ಆಲ್ವಾರೆಸ್ ಮತ್ತು ಸ್ಟೇನಿ ಲೋಬೊ ಸೇರಿದಂತೆ ಗಣ್ಯರು ಹಾಜರಿದ್ದರು.

ಕಾರ್ಯಕ್ರಮದಲ್ಲಿ ಉದಯೋನ್ಮುಖ ಗಾಯಕಿ ರಿಶಾಲ್ ಮೆಲ್ಬಾ ಕ್ರಾಸ್ಟಾ, ಅನಿವನ್ ಡಿಸೋಜಾ ಹಾಗೂ ಯೂಸುಫ್ ಅಖ್ತರ್ ಅವರನ್ನು ಸನ್ಮಾನಿಸಲಾಯಿತು. ಸಾಂಸ್ಕೃತಿಕ ಕಾರ್ಯಕ್ರಮದ ಅಂಗವಾಗಿ ರಿಶಾಲ್ ಮೆಲ್ಬಾ ಕ್ರಾಸ್ಟಾ ಮತ್ತು ರೋನಿ ಕ್ರಾಸ್ಟಾ ಮನಸೂರೆಗೊಂಡ ಗಾನವನ್ನು ಪ್ರಸ್ತುತಪಡಿಸಿದರು. ಅನಿವನ್ ಡಿಸೋಜಾ ಅದ್ಭುತ ನೃತ್ಯ ಪ್ರದರ್ಶಿಸಿ ಪ್ರೇಕ್ಷಕರನ್ನು ರಂಜಿಸಿದರು.

ಕಾರ್ಯಕ್ರಮದ ಅಂತ್ಯದಲ್ಲಿ ಮಂಜುಳಾ ನಾಯಕ್ ಧನ್ಯವಾದ ಗೈದರು. ಪಟಾಕಿ ಸಿಡಿತ ಮತ್ತು ದೀಪ ಬೆಳಗುವ ಮೂಲಕ ಕಾರ್ಯಕ್ರಮದ ವಿಶೇಷ ತೆ ಯಾಗಿತ್ತು
ಕಾರ್ಯಕ್ರಮವನ್ನು ಮನೋಜ್ ಕುಮಾರ್ ಮತ್ತು ಡಾಲ್ಫಿ ಡಿಸೋಜಾ ನಿರ್ವಹಿಸಿದರು.

ಹಬ್ಬಗಳನ್ನು ಒಂದು ಕುಟುಂಬದಂತೆ ಒಟ್ಟಿಗೆ ಆಚರಿಸುವುದರಿಂದ ಸಮಾಜದಲ್ಲಿ ಶಾಂತಿ, ಗೌರವ ಮತ್ತು ಸಹೋದರತ್ವ ಬೆಳೆಯುತ್ತದೆ ಎಂದು ಆಯೋಜಕರು ಅಭಿಪ್ರಾಯ ವ್ಯಕ್ತಪಡಿಸಿದರು. ಮಾನವತೆಗೆ ಸೇವೆಯ ಮೂಲಕ ಪ್ರೀತಿಯನ್ನು ಹರಡುವ ಸಂತಾ ಮದರ್ ತೆರೆಸಾ ಅವರ ಮೌಲ್ಯಗಳನ್ನು ವಿಚಾರ ವೇದಿಕೆ ಕಳೆದ ಒಂಬತ್ತು ವರ್ಷಗಳಿಂದ ನಿಷ್ಠೆಯಿಂದ ಅನುಸರಿಸುತ್ತಿದೆ.

Under the auspices of the Santa Mother Teresa Forum, Mangalore, Diwali – Festival of Lights 2025

St Mother Teresa Vichar Vedike, Mangaluru, organized the Festival of Lights – Deepavali Celebration 2025 at Sahodaya Auditorium, St Aloysius Deemed to be University on Saturday, October 25, at 6 p.m. The programme began with a warm welcome address by Sunil Kumar Bajal and was held with the theme, “Festivals of all religions should become festivals of all people,” promoting unity and togetherness among all communities.

Inaugurating the event, Rev. Fr. J. B. Saldanha, Public Relations Officer of the Diocese of Mangaluru, said, “Diwali is not a festival of only one religion; it is a festival that unites us irrespective of religion.” He stressed that every individual must shine like a lamp—spreading love and hope in a society filled with division.

Chief guests included Dr. Jeevan Raj Kuttar, Principal of Yenepoya Educational Institutions, Yusuf Akthar, retired Social Welfare Officer, and Roy Castelino, President of St Mother Teresa Vichar Vedike. Notable community members present were Stany Alvares, President of Konkani Sahitya Academy, and Stany Lobo.

During the programme, Rishal Melba Crasta, a rising young singer, Anivn D’Souza, and Yusuf Akthar were felicitated for their achievements. As part of the cultural segment, Rishal Melba Crasta and Rony Crasta gave a melodious singing performance, while Anivn D’Souza entertained the audience with a lively dance performance.

The programme concluded with a vote of thanks delivered by Manjula Nayak. The event ended on a sparkling note with the bursting of crackers and lighting of diyas, symbolizing the triumph of light over darkness. The programme was skillfully emceed by Manoj Kumar and Dolphy D’Souza.

The organizers expressed that celebrating festivals together as one family helps spread peace, respect, and brotherhood in society. St Mother Teresa Vichar Vedike continues to uphold the values of love and service inspired by St Mother Teresa, working towards communal harmony for the past nine years.

ಮಣಿಪಾಲ, ಅ.೨೬: ವ್ಯಂಗ್ಯಚಿತ್ರ ಹಾಸ್ಯದ ಕಣ್ಣಿನಲ್ಲಿ ಜೀವನವನ್ನು ನೋಡುವ ಕಲೆಯಾಗಿದೆ. ವ್ಯಂಗ್ಯಚಿತ್ರ ನಮ್ಮನ್ನು ನಗಿಸುವುದರೊಂದಿಗೆ ಆಳವಾಗಿ ಚಿಂತಿಸುವಂತೆಯೂ ಮಾಡುತ್ತದೆ. ನಮ್ಮನ್ನು ಸೃಜನಾತ್ಮಕವಾಗಿ ಯೋಚಿಸಲು, ಜೀವನದ ಹಗುರವಾದ ಬದಿಯನ್ನು ಕಾಣಲು ಮತ್ತು ಸರಳ ಚಿತ್ರಗಳಲ್ಲಿ ದೊಡ್ಡ ಸಂದೇಶ ನೀಡಲು ಕಲಿಸುತ್ತದೆ ಎಂದು ಪೆರಂಪಳ್ಳಿ ಟ್ರಿನಿಟಿ ಸೆಂಟ್ರಲ್ ಸ್ಕೂಲಿನ ಪ್ರಾಂಶುಪಾಲ ರೆ.ಫಾ.ಡೊಮೆನಿಕ್ ಸುನಿಲ್ ಲೋಬೋ ಹೇಳಿದ್ದಾರೆ.
ಮಣಿಪಾಲದ ತ್ರಿವರ್ಣ ಆರ್ಟ್ ಕ್ಲಾಸ್ಸಸ್ ವತಿಯಿಂದ ರವಿವಾರ ಸಂಸ್ಥೆಯಲ್ಲಿ ಆಯೋಜಿಸಲಾದ ನಮ್ಮೂರು ಚಿತ್ರಕಲಾ ಪ್ರಶಸ್ತಿ ಪ್ರದಾನ ಮತ್ತು ಒಂದು ದಿನದ ವ್ಯಂಗ್ಯ ಚಿತ್ರಕಲಾ ಕಾರ್ಯಾಗಾರವನ್ನು ಉದ್ಘಾಟಿಸಿ ಅವರು ಮಾತನಾಡುತಿದ್ದರು.
ಕಲೆ ಎಂಬುದು ಭಾಷೆ, ಸಂಸ್ಕೃತಿ, ವಯಸ್ಸು ಸೇರಿ ದಂತೆ ಎಲ್ಲವನ್ನೂ ಮೀರಿ ಮನಸ್ಸನ್ನು ಸಂಪರ್ಕಿಸುತ್ತದೆ. ಕಲೆ ನಮ್ಮ ಮನ ದಾಳದ ಭಾವನೆ, ಸಂತೋಷ, ಆನಂದ, ಕೃತಜ್ಞತೆ, ದುಃಖವನ್ನು ಶಬ್ದಗಳಿಗಿಂತ ಹೆಚ್ಚಾಗಿ ವ್ಯಕ್ತಪಡಿಸುತ್ತದೆ. ಕಲೆಯು ಸೃಜನಶೀಲತೆಯ ದಾರಿಯಾಗಿದೆ ಎಂದು ಅವರು ತಿಳಿಸಿದರು.
ಮುಖ್ಯ ಅತಿಥಿಗಳಾಗಿ ಉದಯವಾಣಿಯ ಹಿರಿಯ ವ್ಯಂಗ್ಯ ಚಿತ್ರಕಾರ ಜೇಮ್ಸ್ ವಾಜ್ ಮತ್ತು ಹಿರಿಯ ವ್ಯಂಗ್ಯಚಿತ್ರಕಾರ ಜೀವನ್ ಶೆಟ್ಟಿ ಹಾಗೂ ಉಡುಪಿ ಜಿಲ್ಲಾ ಕಾರ್ಯನಿರತ ಪತ್ರಕರ್ತರ ಸಂಘದ ಪ್ರಧಾನ ಕಾರ್ಯದರ್ಶಿ ನಜೀರ್ ಪೊಲ್ಯ ಉಪಸ್ಥಿತರಿದ್ದರು.
ಈ ಸಂದರ್ಭದಲ್ಲಿ ನಮ್ಮೂರು ಚಿತ್ರಕಲಾ ಪ್ರಶಸ್ತಿ ಪ್ರದಾನ ಮಾಡಲಾಯಿತು. ತ್ರಿವರ್ಣ ಆರ್ಟ್ ಕ್ಲಾಸ್ಸಸ್‌ನ ಮಾರ್ಗದರ್ಶಕ ಹಾಗೂ ಕಲಾವಿದ ಹರೀಶ್ ಸಾಗಾ ಸ್ವಾಗತಿಸಿ ಪ್ರಾಸ್ತಾವಿಕವಾಗಿ ಮಾತನಾಡಿದರು. ಪ್ರಣತಿ ಬಿ.ಶೆಟ್ಟಿ ವಂದಿಸಿದರು. ಶ್ರೀಲತಾ ಶೆಣೈ ಕಾರ್ಯಕ್ರಮ ನಿರೂಪಿಸಿದರು.
ಉಡುಪಿಯ ಹಿರಿಯ ವ್ಯಂಗ್ಯಚಿತ್ರಕಾರರಾದ ಜೇಮ್ಸ್ ವಾಜ್ ಮತ್ತು ಜೀವನ್ ಶೆಟ್ಟಿ ಪ್ರಾತ್ಯಕ್ಷಿಕೆ, ರಚನಾ ಕ್ರಮ, ಪ್ರದರ್ಶನದ ಮೂಲಕ ಕಾರ್ಯಾಗಾರವನ್ನು ನಡೆಸಿಕೊಟ್ಟರು. ಈ ಕಾರ್ಯಾಗಾರದಲ್ಲಿ ಮಕ್ಕಳು, ಹಿರಿಯರು ಬಹಳ ಉತ್ಸಾಹದಿಂದ ಪಾಲ್ಗೊಂಡಿದ್ದರು.

ಬಾಲಿವುಡ್‌ನ ಹಿರಿಯ ನಟ ಸತೀಶ್‌ ಶಾ ನಿನ್ನೆ ಮದ್ಯಾನ್ಹಾ ಮುಂಬೈನ ಹಿಂದೂಜಾ ಆಸ್ಪತ್ರೆಯಲ್ಲಿ ನಿಧನರಾಗಿದ್ದಾರೆ. ಅವರಿಗೆ 74 ವರ್ಷ ವಯಸ್ಸಾಗಿತ್ತು. ಸದ್ಯ ಶಾ ಅವರ ಮೃತದೇಹವನ್ನು ಆಸ್ಪತ್ರೆಯಲ್ಲಿ ಇರಿಸಲಾಗಿದೆ ಎಂದು ಮ್ಯಾನೇಜರ್‌ ತಿಳಿಸಿದ್ದಾರೆ.
ಭಾನುವಾರ ಅಂತ್ಯಕ್ರಿಯೆ ನಡೆಯಲಿದೆ. ಅವರು ದೀರ್ಥಕಾಲದದರೆಗೆ ಮೂತ್ರಪಿಂಡದ ಸಮಸ್ಯೆಗಳಿಂದ ಬಳಲುತ್ತಿದ್ದರು ಮತ್ತು ಇತ್ತೀಚೆಗೆ ಮೂತ್ರಪಿಂಡ ಕಸಿ ಮಾಡಿಸಿಕೊಂಡಿದ್ದರು.ಸಾರಾಭಾಯ್‌ ವರ್ಸಸ್‌ ಸಾರಾಭಾಯ್‌ ಮತ್ತು ಜಾನೆ ಭಿದೋ ಯಾರೋ ಎಂಬ ಟಿವಿ ಸೀರಿಯಲ್‌ಗಳ ಮೂಲಕ ಸತೀಶ್‌ ಶಾ ಖ್ಯಾತಿ ಪಡೆದಿದ್ದರು. ಅದರೊಂದಿಗೆ ಅವರು ಮೈ ಹೂನಾ (2004), ಕಲ್‌ ಹೋ ನಾಹೋ (2003), ಫನಾ (2006), ಮತ್ತು ಓಂ ಶಾಂತಿ ಓಂ (2007) ಸೇರಿದಂತೆ ಹಲವಾರು ಜನಪ್ರಿಯ ಸಿನಿಮಾಗಳಲ್ಲಿ ಕಾಣಿಸಿಕೊಂಡಿದ್ದರು. 2008 ರಲ್ಲಿ, ಅವರು ಅರ್ಚನಾ ಪರಾನ್‌ ಸಿಂಗ್‌ ಅವರೊಂದಿಗೆ ಕಾಮಿಡಿ ಸರ್ಕಸ್‌ ಎಂಬ ಟಿವಿ ಶೋನಲ್ಲಿ ಬಡ್ಡ್‌ ಆಗಿ ಕಾಣಿಸಿಕೊಂಡಿದ್ದರು.ಸತೀಶ್‌ ಶಾ ಅವರ ನಿಧನಕ್ಕೆ ಹಾಸ್ಯನಟ ಜಾನಿ ದುಃಖ ವ್ಯಕ್ತಪಡಿಸಿದ್ದು, ಅವರು ಸುಮಾರು 40 ವರ್ಷಗಳ ಕಾಲ ನನ್ನ ಸ್ನೇಹಿತ ಎಂದು.ಹೇಳಿದರು. ಸತೀಶ್‌ ಮೂತ್ರಪಿಂಡ ಕಾಯಿಲೆಯಿಂದಬಳಲುತ್ತಿದ್ದರು. ಅವರಿಗೆ ಕೋಲ್ಕತ್ತಾದಲ್ಲಿ ಮೂತ್ರಪಿಂಡ ಕಸಿ ಮಾಡಲಾಗಿತ್ತು. ಅವರು ಒಂದೂದರೆ ತಿಂಗಳು ಅಲ್ಲೇ ಇದ್ದು, ಸಂಪೂರ್ಣವಾಗಿ ಗುಣಮುಖರಾಗಿ ಮರಳಿದರು. ಇಂದು ರಾತ್ರಿ ಊಟ ಮಾಡಿದ ನಂತರ ಇದ್ದಕ್ಕಿದ್ದಂತೆ ಕುಸಿದು ಬಿದ್ದು ನಿಧನರಾದರು

ಕುಂದಾಪುರ: ಯು.ಬಿ.ಎಂ.ಸಿ. ಇಂಗ್ಲಿಷ್ ಮಾಧ್ಯಮ ಶಾಲೆಯಲ್ಲಿ 23.10.2025 ರಂದು ತಂಬಾಕು ಮುಕ್ತ ಶಾಲೆ “ತಂಬಾಕು ಪೋಸ್ಟರ್ ತಯಾರಿಕೆ ಕಾರ್ಯಕ್ರಮ ನಡೆಯಿತು.

ಪ್ರಾಂಶುಪಾಲರಾದ ಶ್ರೀಮತಿ ಅನಿತಾ ಆಲಿಸ್ ಡಿಸೋಜಾ ಅವರ ನೇತೃತ್ವದಲ್ಲಿ ಮತ್ತು ಸಹಾಯಕ ಶಿಕ್ಷಕಿ ಶ್ರೀಮತಿ ಪವಿತ್ರಾ ಅವರ ಮಾರ್ಗದರ್ಶನದಲ್ಲಿ, 5, 6 ಮತ್ತು 7 ನೇ ತರಗತಿಯ ವಿದ್ಯಾರ್ಥಿಗಳು ತಂಬಾಕಿನ ಹಾನಿಕಾರಕ ಪರಿಣಾಮಗಳ ಜಾಗೃತಿ ಕುರಿತು ಪೋಸ್ಟರ್‌ಗಳನ್ನು ಸಿದ್ಧಪಡಿಸಿದರು. ಶಾಲೆಯಲ್ಲಿ ಆರೋಗ್ಯಕರ ವಾತಾವರಣವನ್ನು ಬೆಳೆಸುವುದು. ಪೋಸ್ಟರ್‌ಗಳು ಮತ್ತು ಫಲಕಗಳನ್ನು ಹಿಡಿದ ವಿದ್ಯಾರ್ಥಿಗಳು ಎಲ್ಲಾ ತರಗತಿಗಳಿಗೆ ಭೇಟಿ ನೀಡಿ “ತಂಬಾಕು ಮುಕ್ತ ಶಾಲಾ ಅಭಿಯಾನ”ದ ಬಗ್ಗೆ ಜಾಗೃತಿ ಮೂಡಿಸಿದರು. ಅವರು ತಂಬಾಕಿನ ವಿವಿಧ ರೂಪಗಳನ್ನು, ತಂಬಾಕು ಬಳಕೆಯಿಂದ ಉಂಟಾಗುವ ವಿವಿಧ ರೋಗಗಳನ್ನು ಪಟ್ಟಿ ಮಾಡಿದರು. ಭಾರತದ ಜವಾಬ್ದಾರಿಯುತ ನಾಗರಿಕರಾಗಿ, ಅವರು ತಮ್ಮ ಸಹಪಾಠಿಗಳನ್ನು ತಂಬಾಕು ಬಳಸದಂತೆ ಮತ್ತು ತಮ್ಮ ಮನೆಗಳಲ್ಲಿ ಮತ್ತು ನೆರೆಹೊರೆಯಲ್ಲಿ ತಮ್ಮ ಪ್ರೀತಿಪಾತ್ರರನ್ನು ಸಹ ತಂಬಾಕು ಬಳಸದಂತೆ ಒತ್ತಾಯಿಸಿದರು. ಎಲ್ಲಾ ವಿದ್ಯಾರ್ಥಿಗಳು ತಂಬಾಕು ಬಳಸುವುದಿಲ್ಲ ಅಥವಾ ಇತರರು ತಂಬಾಕು ಬಳಸಲು ಬಿಡುವುದಿಲ್ಲ ಎಂದು ಪ್ರತಿಜ್ಞೆ ಮಾಡಿದರು.

“Tobacco Poster Making Program” at UBMC English Medium School

Kundapura: Thursday: 23.10.2025 : U.B.M.C. English Medium School conducted the “Tobacco Poster making programme ” to spread Tobacco Free School ” on Thursday, 23.10.2025, in the school.
Under the leadership of the Principal, Smt.Anita Alice Dsouza and mentoring of Asst.Teacher, Smt. Pavithra, the students of Class 5, 6, and 7, prepared posters on awareness of the harmful effects of tobacco. fostering a healthy environment at school. Students holding posters and placards visited all the classes and spread the awareness of the “Tobacco Free School Campaign. ” They listed the different forms of tobacco , the various diseases caused due to usage of Tobacco. Being responsible citizens of India, they urged their fellow students not to use tobacco and not to allow their dear ones at their homes and neighbourhood also from using tobacco. All students swore that they won’t use nor allow others to use tobacco.

ಮಂಗಳೂರು – ಅಕ್ಟೋಬರ್ 24, 2025 ರಂದು ಮಂಗಳೂರಿನಲ್ಲಿ ನಡೆದ ಕರ್ನಾಟಕ ರಾಜ್ಯ ಮಟ್ಟದ ಕ್ಲಾಸಿಕ್ ಬೆಂಚ್ ಪ್ರೆಸ್ ಸ್ಪರ್ಧೆಯಲ್ಲಿ ಬಾರ್ಕೂರಿನ ರೋಶನ್ ಲೋಬೊ ತಮ್ಮ ಅದ್ಭುತ ಗೆಲುವಿನ ಓಟವನ್ನು ಮುಂದುವರೆಸಿದ್ದಾರೆ. ತೊಕ್ಕೊಟ್ಟುವಿನ ಉಳ್ಳಾಲಬೈಲ್‌ನ ಶ್ರೀ ಶಕ್ತಿ ಭಾರತ್ ವ್ಯಾಯಾಮ ಶಾಲೆ ಆಯೋಜಿಸಿದ್ದ ಈ ಕಾರ್ಯಕ್ರಮದಲ್ಲಿ ಪವರ್‌ಲಿಫ್ಟಿಂಗ್‌ನ ಅತ್ಯಂತ ಬೇಡಿಕೆಯ ವಿಭಾಗಗಳಲ್ಲಿ ಒಂದಾದ ಉನ್ನತ ಗೌರವಗಳಿಗಾಗಿ ರಾಜ್ಯಾದ್ಯಂತದ ಸ್ಪರ್ಧಿಗಳು ಸ್ಪರ್ಧಿಸಿದರು.
ಲೋಬೊ ಅವರ ಇತ್ತೀಚಿನ ಸಾಧನೆಯು 2025 ರಲ್ಲಿ ಮಾತ್ರ ಅವರ ಮೂರನೇ ರಾಜ್ಯ ಮಟ್ಟದ ಪದಕವಾಗಿದೆ, ಇದು ಕರ್ನಾಟಕದ ಅತ್ಯಂತ ಸ್ಥಿರ ಪ್ರದರ್ಶನಕಾರರಲ್ಲಿ ಒಬ್ಬರಾಗಿ ಅವರ ಸ್ಥಾನವನ್ನು ಗಟ್ಟಿಗೊಳಿಸಿತು. ಮಾಸ್ಟರ್ -1 ವಿಭಾಗದಲ್ಲಿ ಸ್ಪರ್ಧಿಸುತ್ತಿರುವ 40 ವರ್ಷದ ಕ್ರೀಡಾಪಟು, ಕಠಿಣದ ಆಟಕ್ಕೆ ವರ್ಷಗಳ ಸಮರ್ಪಣೆಯಿಂದ ಬರುವ ಅನುಭವಿ ಪರಿಣತಿಯನ್ನು ಪ್ರದರ್ಶಿಸಿದರು. ಅಭೂತಪೂರ್ವ ಯಶಸ್ಸಿನ ವರ್ಷ

ಹೊಸಳ ಬಾರ್ಕೂರಿನ ಸ್ಥಳೀಯರಿಗೆ ಅಕ್ಟೋಬರ್ ಗೆಲುವು ಅಸಾಧಾರಣ ವರ್ಷವಾಗಿದೆ. ಜುಲೈ ಆರಂಭದಲ್ಲಿ, ಮಂಗಳೂರಿನ ಕೆಪಿಟಿಸಿ ಸಭಾ ಭವನದಲ್ಲಿ ನಡೆದ ರಾಜ್ಯಮಟ್ಟದ ಪವರ್‌ಲಿಫ್ಟಿಂಗ್ ಸ್ಪರ್ಧೆಯಲ್ಲಿ ಲೋಬೊ ಬೆಳ್ಳಿ ಪದಕ ಗೆದ್ದರು, ವಿವಿಧ ಪವರ್‌ಲಿಫ್ಟಿಂಗ್ ಸ್ವರೂಪಗಳಲ್ಲಿ ತಮ್ಮ ಬಹುಮುಖ ಪ್ರತಿಭೆಯನ್ನು ಸಾಬೀತುಪಡಿಸಿದರು. ಅದಕ್ಕೂ ಮೊದಲು, ಏಪ್ರಿಲ್‌ನಲ್ಲಿ, ಕಬ್ಬನ್ ಪಾರ್ಕ್‌ನ ಕೆಜಿಎಸ್ ಕ್ಲಬ್‌ನಲ್ಲಿ ನಡೆದ ರಾಜ್ಯ ಚಾಂಪಿಯನ್‌ಶಿಪ್‌ನಲ್ಲಿ 93 ಕೆಜಿ ತೂಕ ವಿಭಾಗದಲ್ಲಿ ಸ್ಪರ್ಧಿಸಿ ಮತ್ತೊಂದು ಬೆಳ್ಳಿ ಪದಕವನ್ನು ಗಳಿಸಿದರು.

ಲೋಬೊ ಅವರನ್ನು ಅನೇಕ ಕ್ರೀಡಾಪಟುಗಳಿಂದ ಪ್ರತ್ಯೇಕಿಸುವುದು ಅವರ ಪದಕಗಳ ಸಂಖ್ಯೆ ಮಾತ್ರವಲ್ಲ, ಅವರನ್ನು ವಿದೇಶಕ್ಕೆ ಕರೆದೊಯ್ಯುವ ಕೆಲಸದ ಬದ್ಧತೆಗಳು ಸೇರಿದಂತೆ ವಿಶಿಷ್ಟ ಸವಾಲುಗಳನ್ನು ನಿರ್ವಹಿಸುವಾಗ ಅವರು ಅತ್ಯುನ್ನತ ರಾಜ್ಯ ಮಟ್ಟದಲ್ಲಿ ಪ್ರದರ್ಶನ ನೀಡುವ ಸ್ಥಿರತೆ.

ರಾಷ್ಟ್ರೀಯ ವೈಭವದಿಂದ ರಾಜ್ಯ ಪ್ರಾಬಲ್ಯದವರೆಗೆ

ಲೋಬೊ ಅವರ 2025 ರ ಯಶಸ್ಸಿನ ಕಥೆಯು ಈ ವರ್ಷದ ಆರಂಭದಲ್ಲಿ ಮಧ್ಯಪ್ರದೇಶದ ಇಂದೋರ್‌ನಲ್ಲಿ ನಡೆದ ರಾಷ್ಟ್ರೀಯ ಪವರ್‌ಲಿಫ್ಟಿಂಗ್ ಚಾಂಪಿಯನ್‌ಶಿಪ್‌ನಲ್ಲಿ ಅವರ ಅದ್ಭುತ ಪ್ರದರ್ಶನದಲ್ಲಿ ಬೇರೂರಿದೆ, ಅಲ್ಲಿ ಅವರು ಕಂಚಿನ ಪದಕವನ್ನು ಬೆಳ್ಳಿಗೆ ಅಪ್‌ಗ್ರೇಡ್ ಮಾಡಿದರು. ಆ ರಾಷ್ಟ್ರೀಯ ಮಟ್ಟದ ಸಾಧನೆಯು ಸ್ಪ್ರಿಂಗ್‌ಬೋರ್ಡ್ ಆಗಿ ಕಾರ್ಯನಿರ್ವಹಿಸಿತು, ಸಣ್ಣ ಪಟ್ಟಣಗಳ ಕ್ರೀಡಾಪಟುಗಳು ಹೆಚ್ಚಿನ ಸಂಪನ್ಮೂಲಗಳನ್ನು ಹೊಂದಿರುವ ಮೆಟ್ರೋಪಾಲಿಟನ್ ತರಬೇತಿ ಕೇಂದ್ರಗಳ ಪವರ್‌ಲಿಫ್ಟರ್‌ಗಳ ವಿರುದ್ಧ ಸ್ಪರ್ಧಿಸಬಹುದು ಮತ್ತು ಜಯಗಳಿಸಬಹುದು ಎಂಬುದನ್ನು ಪ್ರದರ್ಶಿಸಿತು.
ಚಾಂಪಿಯನ್ ಆಗುವ ಅವಕಾಶ

ಲೋಬೊ ಅವರ ಸಾಧನೆಗಳನ್ನು ವಿಶೇಷವಾಗಿ ಗಮನಾರ್ಹವಾಗಿಸುವುದು ಕ್ರೀಡೆಯ ಬಗೆಗಿನ ಅವರ ವಿಧಾನ. ತರಬೇತಿಗೆ ತಮ್ಮನ್ನು ಸಂಪೂರ್ಣವಾಗಿ ತೊಡಗಿಸಿಕೊಳ್ಳಬಲ್ಲ ಕಿರಿಯ ಸ್ಪರ್ಧಿಗಳಿಗಿಂತ ಭಿನ್ನವಾಗಿ, 40 ವರ್ಷದ ಅವರು ತಮ್ಮ ಅಥ್ಲೆಟಿಕ್ ಅನ್ವೇಷಣೆಗಳನ್ನು ವೃತ್ತಿಪರ ಜವಾಬ್ದಾರಿಗಳೊಂದಿಗೆ ಸಮತೋಲನಗೊಳಿಸಬೇಕಾಗಿತ್ತು. ಸ್ನೇಹಿತರು ಮತ್ತು ತರಬೇತಿ ಪಾಲುದಾರರು ಅವರನ್ನು ಅವರ ತಯಾರಿಯಲ್ಲಿ ಕ್ರಮಬದ್ಧ ಎಂದು ವಿವರಿಸುತ್ತಾರೆ, ಜಿಮ್‌ನಲ್ಲಿ ಗಂಟೆಗಳನ್ನು ಕಳೆಯುವ ಬದಲು ರಚನಾತ್ಮಕ ಪ್ರೋಗ್ರಾಮಿಂಗ್ ಮತ್ತು ಬುದ್ಧಿವಂತ ಚೇತರಿಕೆ ತಂತ್ರಗಳ ಮೇಲೆ ಕೇಂದ್ರೀಕರಿಸುತ್ತಾರೆ.

“ರೋಶನ್ ಕೇವಲ ಭಾರ ಎತ್ತುವುದಿಲ್ಲ – ಅವರು ಬುದ್ಧಿವಂತಿಕೆಯಿಂದ ಎತ್ತುತ್ತಾರೆ” ಎಂದು ಅನಾಮಧೇಯತೆಯನ್ನು ಕೋರಿದ ಸಹ ಸ್ಪರ್ಧಿ ಹೇಳಿದರು. “ಅವರು ಅನೇಕ ಕಿರಿಯ ಲಿಫ್ಟರ್‌ಗಳು ಮಾಡದ ರೀತಿಯಲ್ಲಿ ಆವರ್ತಕೀಕರಣ, ಪೋಷಣೆ ಮತ್ತು ಚೇತರಿಕೆಯನ್ನು ಅರ್ಥಮಾಡಿಕೊಳ್ಳುತ್ತಾರೆ. ಅದಕ್ಕಾಗಿಯೇ ಅವರು ಇನ್ನೂ 40 ನೇ ವಯಸ್ಸಿನಲ್ಲಿ ಪದಕಗಳನ್ನು ಗೆಲ್ಲುತ್ತಿದ್ದಾರೆ.”

ನಿರ್ದಿಷ್ಟವಾಗಿ ಬೆಂಚ್ ಪ್ರೆಸ್ ಸ್ಪರ್ಧೆಯು ಕ್ರೀಡಾಪಟುವಿನ ಮೇಲ್ಭಾಗದ ದೇಹದ ಶಕ್ತಿ ಮತ್ತು ತಂತ್ರವನ್ನು ಪ್ರದರ್ಶಿಸುತ್ತದೆ. ಸ್ಕ್ವಾಟ್ ಮತ್ತು ಡೆಡ್‌ಲಿಫ್ಟ್ ಅನ್ನು ಒಳಗೊಂಡಿರುವ ಪೂರ್ಣ ಪವರ್‌ಲಿಫ್ಟಿಂಗ್ ಮೀಟ್‌ಗಳಿಗಿಂತ ಭಿನ್ನವಾಗಿ, ಕ್ಲಾಸಿಕ್ ಬೆಂಚ್ ಪ್ರೆಸ್ ಸ್ವರೂಪವು ಒಂದೇ ಚಲನೆಯ ಮಾದರಿಯಲ್ಲಿ ರೂಪದಲ್ಲಿ ಸಂಪೂರ್ಣ ನಿಖರತೆ ಮತ್ತು ಸ್ಫೋಟಕ ಶಕ್ತಿಯನ್ನು ಬಯಸುತ್ತದೆ.

ಕರಾವಳಿ ಕರ್ನಾಟಕಕ್ಕೆ ದಾರಿದೀಪ

ಲೋಬೊ ಅವರ ಯಶಸ್ಸಿನ ಕಥೆ ಬಾರ್ಕೂರು ಪ್ರದೇಶಕ್ಕೆ ವಿಶೇಷವಾಗಿ ಮಹತ್ವದ್ದಾಗಿದೆ, ಇದು ಅಥ್ಲೆಟಿಕ್ ಸಾಧನೆಗಳಿಗಿಂತ ಸಾಂಸ್ಕೃತಿಕ ಪರಂಪರೆಗೆ ಹೆಸರುವಾಸಿಯಾದ ಪ್ರದೇಶವಾಗಿದೆ. ಅವರ ಗೆಲುವುಗಳು ಈ ಸಣ್ಣ ಪಟ್ಟಣವನ್ನು ಕರ್ನಾಟಕದ ಪವರ್‌ಲಿಫ್ಟಿಂಗ್ ನಕ್ಷೆಯಲ್ಲಿ ಸ್ಥಾನ ಪಡೆದಿವೆ, ವಿಶ್ವದರ್ಜೆಯ ಶಕ್ತಿಶಾಲಿ ಕ್ರೀಡಾಪಟುಗಳು ಪ್ರತಿಭೆ, ಸಮರ್ಪಣೆ ಮತ್ತು ಅವಕಾಶಗಳ ಸರಿಯಾದ ಸಂಯೋಜನೆಯೊಂದಿಗೆ ಎಲ್ಲಿಂದಲಾದರೂ ಹೊರಹೊಮ್ಮಬಹುದು ಎಂಬುದನ್ನು ಸಾಬೀತುಪಡಿಸಿವೆ.

ಪವರ್‌ಲಿಫ್ಟಿಂಗ್ ಕ್ಯಾಲೆಂಡರ್ ಮುಂದುವರಿಯುತ್ತಿದ್ದಂತೆ, ಲೋಬೊ ಸ್ಪರ್ಧಿಸುವುದನ್ನು ಮುಂದುವರಿಸುತ್ತಾರೆಯೇ ಎಂಬುದು ಪ್ರಶ್ನೆಯಲ್ಲ – ಅವರ ಬೆಳೆಯುತ್ತಿರುವ ಸಂಗ್ರಹಕ್ಕೆ ಅವರು ಇನ್ನೂ ಎಷ್ಟು ಪದಕಗಳನ್ನು ಸೇರಿಸಬಹುದು ಎಂಬುದು. 2025 ರಲ್ಲಿ ಈಗಾಗಲೇ ಮೂರು ರಾಜ್ಯ ಮಟ್ಟದ ಬೆಳ್ಳಿ ಪದಕಗಳನ್ನು ಪಡೆದುಕೊಂಡಿದ್ದು ಮತ್ತು ಅವುಗಳ ಮುಂದೆ ರಾಷ್ಟ್ರೀಯ ಪದಕವಿರುವುದರಿಂದ, ಬಾರ್ಕೂರು ಪವರ್‌ಹೌಸ್ ನಿಧಾನಗೊಳ್ಳುವ ಯಾವುದೇ ಲಕ್ಷಣಗಳನ್ನು ತೋರಿಸುತ್ತಿಲ್ಲ.

ಕರಾವಳಿ ಕರ್ನಾಟಕದಾದ್ಯಂತದ ಮಹತ್ವಾಕಾಂಕ್ಷಿ ಕ್ರೀಡಾಪಟುಗಳಿಗೆ, ರೋಷನ್ ಲೋಬೊ ಅವರ ಪ್ರಯಾಣವು ಒಂದು ಬಲವಾದ ನಿರೂಪಣೆಯನ್ನು ನೀಡುತ್ತದೆ: ವಯಸ್ಸು ಕೇವಲ ಒಂದು ಸಂಖ್ಯೆ, ಭೌಗೋಳಿಕತೆಯು ಹಣೆಬರಹವನ್ನು ನಿರ್ಧರಿಸುವುದಿಲ್ಲ ಮತ್ತು ಅಚಲವಾದ ಬದ್ಧತೆಯೊಂದಿಗೆ, ಸಣ್ಣ ಪಟ್ಟಣದ ಕ್ರೀಡಾಪಟುಗಳು ರಾಜ್ಯ ಮತ್ತು ರಾಷ್ಟ್ರೀಯ ವೇದಿಕೆಗಳಲ್ಲಿ ಎತ್ತರವಾಗಿ ನಿಲ್ಲಬಹುದು.

ಕುಂದಾಪುರ; ಇತ್ತೀಚೆಗೆ ಎಂ ಐ ಟಿ ಕುಂದಾಪುರದಲ್ಲಿ  ಎಂ ಪಿ ಎಲ್ 2025( ಎಂ ಐ ಟಿ ಕೆ ಪ್ರೀಮಿಯರ್ ಲೀಗ್ ) ಆಯೋಜಿಸಲಾಗಿತ್ತು. ಇದರಲ್ಲಿ 8 ತಂಡಗಳು ಭಾಗವಹಿಸಿದ್ದವು. ಅಂತಿಮ ಪಂದ್ಯ ದಲ್ಲಿ ಹಾವ್ಕ್ ಐಸ್ ತಂಡವು  ಎಂಬಿಎ ಡೆಮನ್ಸ್ ತಂಡವನ್ನು ಸೋಲಿಸಿ ವಿಜೇತರಾದರು. ಹುಡುಗಿಯರ ಆರು ತಂಡಗಳಿದ್ದು,  ಫೀನಿಕ್ಸ್ ತಂಡ ವಿಜೇತರು ಮತ್ತು ಹಾಕ್ ಐಸ್ ರನ್ನರ್ಸ್ ಆಗಿ ಹೊರಹೊಮ್ಮಿದರು.  ಫೈನಲ್ಸ್‌ನಲ್ಲಿ ಮ್ಯಾನ್ ಆಫ್ ದಿ ಮ್ಯಾಚ್ ವಿಕಾಸ್ ಬಿ ಪೂಜಾರಿ, ಬೆಸ್ಟ್ ಬೌಲರ್ ರಜಿಕ್, ಬೆಸ್ಟ್ ಬ್ಯಾಟ್ಸ್‌ಮನ್ ಅಖಿಲ್ ಮತ್ತು ಮ್ಯಾನ್ ಆಫ್ ದಿ ಸೀರೀಸ್ ಸುಜಲ್ ಎಸ್ ಶೆಟ್ಟಿ ವಿಶೇಷ ಕ್ರೀಡಾಪ್ರತಿಭೆ ಮೆರೆದರು. ಈ ಪಂದ್ಯಾಟವನ್ನು ಕಾಲೇಜಿನ ವಿದ್ಯಾರ್ಥಿ, ಕ್ರೀಡಾ ಕಾರ್ಯದರ್ಶಿ ಅಶೋಕ್ ಪೂಜಾರಿ, ಹಾಗೂ ದೈಹಿಕ ನಿರ್ದೇಶ ಡಾ . ನವೀನ್ ಕುಮಾರ್ ಸಂಯೋಜಿಸಿದ್ದರು.
ಕಾರ್ಯಕ್ರಮದಲ್ಲಿ ಗೌರವಾನ್ವಿತ ಅಥಿತಿಗಳಾದ ಕಾಲೇಜಿನ ಪ್ರಾಂಶುಪಾಲರಾದ ಡಾ. ರಾಮಕೃಷ್ಣ ಹೆಗಡೆ, ಬಸ್ರೂರು ಸ್ಪೋರ್ಟ್ಸ್ ಕ್ಲಬ್ ಅಧ್ಯಕ್ಷ ಸತ್ಯನಾರಾಯಣ, ಉಪಾಧ್ಯಕ್ಷ ದೀಪಕ್ ಕುಮಾರ್, ಮ್ಯಾನೇಜರ್ ವಿವೇಕಾನಂದ ಬಸ್ರೂರು, ಕಾಲೇಜಿನ ಪ್ಲೇಸ್ಮೆಂಟ್ ಆಫೀಸರ್ ಶ್ರೀ ಪ್ರಸಾದ್ , ನಿರ್ಣಾಯಕರಾದ ವಿಘ್ನೇಶ್ ಕೊಲ್ಕೆರೆ ಯೋಗೀಶ್ ಗೋಳಿ ಯಂಗಡಿ ಮತ್ತು ಕಾಮೆಂಟರಿಯಲ್ಲಿ ಪ್ರವೀಣ್ ಮಾರ್ಗೋಳಿ ಭಾಗವಹಿಸಿದ್ದರು. ಈ ಪಂದ್ಯಾಟಕ್ಕೆ ಸಿವಿಲ್ ಕಂಟ್ರಾಕ್ಟರ್ ಶ್ರೀ ಪ್ರವೀಣ್, ಬಸ್ರೂರು ಸ್ಪೋರ್ಟ್ಸ್ ಕ್ಲಬ್ ಮತ್ತು ಯುವಮೇರಿಡಿಯನ್ ಮತ್ತು ಎಂ ಐ ಟಿ ಕೆ ಅಧ್ಯಾಪಕರಾದ ಶ್ರೀ ಗಗನ್ ಅವರು ಸಹಕರಿಸಿದ್ದರು.