HOLY ROSARY CHURCH, KUNDAPUR – 450 th JUBILEE SOUVENIR 2021

ನೋಲಾನ್ ಫೆರ್ನಾಂಡಿಸ್ : ಡಿಪ್ಲೊಮಾ ಇನ್ ಕೋಪರೇಟಿವ್ ಮ್ಯಾನೇಜ್ ಮೆಂಟ್ ಪರೀಕ್ಷೆಯಲ್ಲಿ ರಾಜ್ಯಕ್ಕೆ 3 ನೇ ರೇಂಕ್

ನೋಲಾನ್ ಫೆರ್ನಾಂಡಿಸ್

ಡಿಪ್ಲೊಮಾ ಇನ್ ಕೋಪರೇಟಿವ್ ಮ್ಯಾನೇಜ್ ಮೆಂಟ್   ತರಬೇತಿಯ ಅಂತಿಮ ಪರೀಕ್ಷೆಯಲ್ಲಿ

ರಾಜ್ಯಕ್ಕೆ 3 ನೇ ರೇಂಕ್

ಕರ್ನಾಟಕ ರಾಜ್ಯ ಸರಕಾರ ಮಹಾಮಂಡಳಿಬೆಂಗಳೂರು, ಇವರು ಡಿಸೆಂಬರ್ 2018 ರಲ್ಲಿ ನೆಡೆಸಿದ  ಡಿಪ್ಲೊಮಾಇನ್ ಕೋಪರೇಟಿವ್ ಮ್ಯಾನೇಜ್ ಮೆಂಟ್  ತರಬೇತಿಯ (ಸಹಕಾರಿ ಕ್ಷೇತ್ರ) ಅಂತಿಮ ಪರೀಕ್ಷಾ ಫಲಿತಾಂಶದಲ್ಲಿ ಕುಂದಾಪುರದ ನೋಲಾನ್ ಫೆರ್ನಾಂಡಿಸ್ ಇವರಿಗೆ ರಾಜ್ಯಕ್ಕೆ 3 ರೇಂಕ್ ದೊರಕಿದೆ. ನೋಲಾನ್  ಫೆರ್ನಾಂಡಿಸ್ ಕುಂದಾಪುರದ ದಿವಗಂತ ನೆಲ್ಸನ್ ಫೆರ್ನಾಂಡಿಸ್ ಮತ್ತು ಜೆಸಿಂತಾ ಫೆರ್ನಾಂಡಿಸ್ ಇವರ ಪುತ್ರರಾಗಿದ್ದಾರೆ. ಪ್ರಸ್ತೂತ ಇವರು ಕುಂದಾಪುರ ವ್ಯವಸಾಯ ಸೇವಾ ಸಹಕಾರಿ ಬ್ಯಾಂಕನಲ್ಲಿ ಸೇವೆ ಸಲ್ಲಿಸುತಿದ್ದಾರೆ. ಜನನುಡಿ.ಕಾಮ್ ಇವರ ಸಾಧನೆಯನ್ನು ಮೆಚ್ಚಿ ಅಭಿನಂದಿಸುತ್ತದೆ – ಬರ್ನಾಡ್ ಡಿಕೋಸ್ತಾ, ಸಂಪಾದಕರು, jananudi.com

 

ನಂದಳಿಕೆ-ಅಬ್ಬನಡ್ಕ ಫ್ರೆಂಡ್ಸ್ ಕ್ಲಬ್ : ಅಂತರಾಷ್ಟ್ರೀಯ ಅರಣ್ಯ ದಿನಾಚರಣೆ

ವರದಿ:ವಾಲ್ಟರ್ ಮೊಂತೇರೊ

ನಂದಳಿಕೆ-ಅಬ್ಬನಡ್ಕ ಫ್ರೆಂಡ್ಸ್ ಕ್ಲಬ್ : ಅಂತರಾಷ್ಟ್ರೀಯ ಅರಣ್ಯ ದಿನಾಚರಣೆ


ಭಾರತ ಸರಕಾರದ ಯುವ ಕಾರ್ಯ ಮತ್ತು ಕ್ರೀಡಾ ಸಚಿವಾಲಯ ಹಾಗೂ ನೆಹರು ಯುವ ಕೇಂದ್ರ ಉಡುಪಿ, ನಂದಳಿಕೆ ಶ್ರೀ ದುರ್ಗಾಪರಮೇಶ್ವರೀ ಫ್ರೆಂಡ್ಸ್ ಕ್ಲಬ್ (ರಿ.) ಕನ್ನಡ ಸಾಹಿತ್ಯ ಪರಿಷತ್ತು ಬೆಳ್ಮಣ್ಣು ಹೋಬಳಿ ಘಟಕದ ವತಿಯಿಂದ ಸಂಘದ ಬಳಿ ಬೆಲೆ ಬಾಳುವ ಗಿಡಗಳನ್ನು ಹಸ್ತಾಂತರಿಸುವ ಮೂಲಕ ಅಂತರಾಷ್ಟ್ರೀಯ ಅರಣ್ಯ ದಿನಾಚರಣೆ ಕಾರ್ಯಕ್ರಮ ಆಚರಿಸಲಾಯಿತು.
ಸಂಘದ ಕಾರ್ಯದರ್ಶಿ ನಂದಳಿಕೆ ಪ್ರಶಾಂತ್ ಪೂಜಾರಿ ಮಾತನಾಡಿ ದಿನದಿಂದ ದಿನಕ್ಕೆ ಬಿಸಿಲಿನ ಝಳ ಹೆಚ್ಚಾಗುತ್ತಿದ್ದು, ಉತ್ತಮ ಪರಿಸರ ಹಾಗೂ ಮಳೆಗಾಗಿ ನಾವು ಗಿಡ ಮರಗಳನ್ನು ಹೆಚ್ಚು ಬೆಳೆಸಬೇಕು. ಶಾಲಾ ಮಕ್ಕಳಿಗೆ ಈ ಕುರಿತು ಪಠ್ಯಕ್ರವiದಲ್ಲಿ ಹೆಚ್ಚಿನ ಒತ್ತು ನೀಡಿ ಅರಿವು ಮೂಡಿಸಬೇಕು. ಮನುಷ್ಯ ತನ್ನ ಸ್ವಾರ್ಥಕ್ಕಾಗಿ ಅರಣ್ಯ ನಾಶ ಮಾಡಿದರೆ ಪ್ರಕೃತಿಯು ತನ್ಮೂಲಕ ಭಾರೀ ನಷ್ಟವನ್ನು ವನುಕುಲಕ್ಕೆ ಮತ್ತು ಸಕಲ ಜೀವ ಜಲಚರಗಳಿಗೆ ನೀಡುತ್ತದೆ ಎಂಬುದನ್ನು ಮರೆಯಬಾರದು. ಮನುಷ್ಯ ಮಾಡಿದ ತಪ್ಪಿನಿಂದಾಗಿ ಇಂದು ಪ್ರಕೃತಿ ನಾಶವಾಗಿ ಪ್ರಾಣಿ ಪಕ್ಷಿಗಳು ಸೂಕ್ತ ಪರಿಸರ ಇಲ್ಲದೇ ಪರಿತಪಿಸುವಂತೆ ಆಗಿದೆ ಎಂದರು.
ಈ ಸಂದರ್ಭದಲ್ಲಿ ಸಂಘದ ಅಧ್ಯಕ್ಷರಾದ ನಂದಳಿಕೆ ರಾಜೇಶ್ ಕೋಟ್ಯಾನ್, ಕನ್ನಡ ಸಾಹಿತ್ಯ ಪರಿಷತ್ತು ಬೆಳ್ಮಣ್ಣು ಹೋಬಳಿ ಘಟಕದ ಅಧ್ಯಕ್ಷರಾದ ಸಂದೀಪ್ ವಿ. ಪೂಜಾರಿ, ಉಪಾಧ್ಯಕ್ಷರಾದ ಹರೀಶ್ ಪೂಜಾರಿ, ಸದಸ್ಯರಾದ ಅಬ್ಬನಡ್ಕ ಸತೀಶ್ ಪೂಜಾರಿ, ಬಾಲಕೃಷ್ಣ ಮಡಿವಾಳ, ಲಲಿತಾ ಆಚಾರ್ಯ, ಹರಿಣಾಕ್ಷಿ ಪೂಜಾರಿ, ಸುಲೋಚನಾ ಕೋಟ್ಯಾನ್, ವೀಣಾ ಪೂಜಾರಿ, ಪುಷ್ಪ ಕುಲಾಲ್, ಆರತಿ ಕುಮಾರಿ ಮೊದಲಾದವರು ಉಪಸ್ಥಿತಿತರಿದ್ದರು.

ಕ್ರೈಸ್ತ ಸಮಾಜದ ಪ್ರಸ್ತೂತ ಪರಿಸ್ಥಿಯ ಸಮಗ್ರ ಅವಲೋಕನ ಸಿಬಿರ:ಸಂಪನ್ಮೂಲ ವ್ಯಕ್ತಿಯಾಗಿ ಡಾ|ನೊರ್ಬರ್ಟ್ ಲೋಬೊ

ಕ್ರೈಸ್ತ ಸಮಾಜದ ಪ್ರಸ್ತೂತ ಪರಿಸ್ಥಿಯ ಸಮಗ್ರ ಅವಲೋಕನ ಶಿಬಿರ :ಸಂಪನ್ಮೂಲ ವ್ಯಕ್ತಿಯಾಗಿ ಡಾ|ನೊರ್ಬರ್ಟ್ ಲೋಬೊ


ಕುಂದಾಪುರ,ಮಾ. 25: ನಮ್ಮ ಭಾರತದ, ಕರ್ನಾಟಕದ ಮತ್ತು ಕರಾವಳಿ ಜಿಲ್ಲೆಗಳಲ್ಲಿನ ಕ್ರೈಸ್ತ ಸಮಾಜದ ಪ್ರಸ್ತೂತ ಸಮಗ್ರ ಅವಲೋಕನ ಶಿಬಿರ ಇಲ್ಲಿನ ಸಂತ ಮೇರಿಸ್ ಪಿ.ಯು.ಕಾಲೇಜಿನ ಸಭಾಗಂಣದಲ್ಲಿ ರವಿವಾರ ನೆಡೆಯಿತು.


ಸಂಪನ್ಮೂಲ ವ್ಯೆಕ್ತಿಯಾಗಿ ಅರ್ಥ ಶಾಸ್ತ್ರದ ಪ್ರಾಧ್ಯಾಪಕ ಡಾ||ನೊರ್ಬರ್ಟ್ ಲೋಬೊ ಆಗಮಿಸಿ ಪ್ರಸ್ತೂತ ಕ್ರೈಸ್ತ ಸಮಾಜದ ಎಳು ಬೀಳುವಿನ ಸಮಗ್ರ ಅಂಕಿ ಅಂಶಗಳ ಜೊತೆ ವಿವರಣೆ ನೀಡಿದರು. ಮೊದಲು ನಮ್ಮ ಸಮಾಜದ ಜನರು ಉತ್ತಮ ಕ್ರಷಿಕರಾಗಿದ್ದು, ಭೂ ಸುಧಾರಹಣೆ ಕಾತ್ದೆ ಬಂದ ಮೇಲೆ, ಉಳುವನೇ ಒಡೆಯನಾಗಿ ಸಮಾಜದಲ್ಲಿ ಗೌರವಯುತ ಜೀವನ ನೆಡೆಸಿದರು. ನಂತರದ ದಿನಗಳಲ್ಲಿ ಕ್ರಷಿಗೆ ಮಹತ್ವ ಕೊಡದೆ, ಸ್ವಲ್ಪ ಕಲಿತು ಮುಂಬಯಿ, ಮತ್ತು ಗಲ್ಪ್ ದೇಶಗಳ ಹಣದ ಆಮಿಶಕ್ಕೆ ಒಳಗಾಗಿ ಸ್ಥಾನಂತರ ಪರಿಸ್ಥಿತಿ ನಿರ್ಮಾಣವಾಯಿತು. ಅಲ್ಲಿಗೆ ಹೋದ ನಮ್ಮವರು, ಅಲ್ಲಿಯವರೂ ಆಗಲಿಲ್ಲಾ, ಇಲ್ಲಿಯವರಾಗಿಯು ಗುರುತಿಸಿಕೊಳ್ಳಲು ಕಷ್ಟದ ಪರಿಸ್ಥಿತಿ ನಿರ್ಮಾಣವಾದಂತಾಯಿತು. ಎರಡೊ ಒಂದೊ ಮಕ್ಕಳಿಗೆ ಜನ್ಮ ಕೊಟ್ಟು ಸಣ್ಣ ಕುಟುಂಬಗಳಾಗಿ ಸಮಾಜದ ಜನಸಂಖ್ಯೆ ಕ್ಷೀಣಿಸಿತು. ಇವತ್ತು ಗಲ್ಪ ರಾಷ್ಟ್ರಗಳಲ್ಲಿ ಸಂಜೆಯಾಗುವ ಲಕ್ಷಣ ಕಂಡು ಬರುತ್ತದೆ. ಆಲ್ಲಿನ ರಾಷ್ಟ್ರಗಳಲ್ಲಿ ಉದ್ಯೋಗ ಅವಾಕಾಶಗಳು ಕಡಿಮೆಯಾ ತೊಡಗಿವೆ. ಈಗಾಗಲೇ ಹಲವಾರು ಉದ್ಯೋಗಗಳನ್ನು ಕಡಿತಕೊಂಡು ಉದ್ಯೋಗ ಕಳೆದುಕೊಂಡು ಹಲವು ಸಾವಿರ ಜನರು ಸಂಕಷ್ಟಕ್ಕೆ ಗುರಿಯಾಗಿದ್ದಾರೆ. ಹಾಗಾಗಿ ನಮ್ಮವರು ಎಚ್ಚೆತ್ತುಕೊಳ್ಳಬೇಕು. ನಮ್ಮ ದೇಶದಲ್ಲೆ ಉದ್ಯೋಗಗಳನ್ನು ಆರಿಸಿಕೊಳ್ಳ ಬೇಕು, ಸ್ವಂತ ಉದ್ದಿಮೆಗಳನ್ನು ನೆಡೇಸಲು ಮುಂದೆ ಬರಬೇಕು. ಇವತ್ತು ಪ್ರಪಂಚಾದ್ಯಂತಹ ಥರಹ ಥರಹದ ಯಂತ್ರೋಪಕರಣ, ಆಧುನಿಕ ತಂತ್ರ ಜ್ನಾನದಿಂದ ಮಾನವನ ಅವಶ್ಯಕತೆ ಕಡಿಮೆಯಾಗಿ ಉದ್ಯೊಗಗಳ ಬರ ಉಂಟಾಗಿದೆ. ಸಂಬಳದ ಕೆಲಸಗಳು ಕಡಿಮೆಯಾಗುತ್ತಿವೆ, ಅದಕ್ಕಾಗಿ ಯಂತ್ರೋಪಕರಣಗಳು ಸ್ಥಾನ ಪಡೆದಿವೆ. ಹಾಗೇ ಇಂಜಿನಿಯರಿಂಗ್, ವಾಣಿಜ್ಯ ಕುರಿತ ವಿದ್ಯಾಭಾಸ ಮಾಡಿದವರಿಗೆ ಉದ್ಯೋಗ ಲಭಿಸುವುದು ಕಷ್ಟವಾಗಿದೆ, ಉದ್ಯೋಗ ದೊರೆತರೂ ಅಲ್ಪ ವೇತನ ದೊರೆಯುವ ಪರಿಸ್ಥಿತಿ ನಿರ್ಮಾಣಗೊಂಡಿದೆ. ಇವತ್ತು ಇಂಜಿನಿಯರಿಂಗ್ ಉದ್ಯೋಗದ ವೇತನಕ್ಕಿಂತ ಕಾರ್ಪೆಂಟರ್, ಟೈಲರಿಂಗ್, ಎಲಕ್ಟ್ರಶಿಯನ್ ಥರಹದ ವಿವಿಧ ರೀತಿಯ ಕೌಶಲ್ಯ ಭರಿತ ಕೆಲಸಗಳಿಗೆ ಅವಕಾಶವು ಹೆಚ್ಚು ತ್ ಹಾಗೇ ಸಂಬಳವೂ ಹೆಚ್ಚು ದೊರಕುವ ಪರಿಸ್ಥಿತಿ ನಿರ್ಮಾಣವಾಗಿದೆ. ನಮ್ಮವರು ಹೊರ ದೇಶದ ಕೆಲಸದ ಹುಚ್ಚು ಬಿಟ್ಟು, ನಮ್ಮಲ್ಲಿಯೆ ಸರಕಾರಿ ವ್ರತ್ತಿ ಗಿಟ್ಟಿಸಿಕೊಳ್ಳಲು ಪ್ರಯತ್ನಿಸಿ ಸಮಾಜದ ಸೇವೆ ಮಾಡಲು ಮುಂದೆ ಬರಬೇಕು. ಹಾಗೇ ರಾಜಕೀಯದಲ್ಲಿ ಮುಂದೆ ಬಂದು ಸಮಾಜದ ಇತರ ಜನರೊಡನೆ ಬೆರೆತು ಜೀವಿಸಬೇಕು, ಸಹಕಾರಿ ತತ್ವವಗಳನ್ನು ಅವಲಂಬಿಸಬೇಕು, ಸಮೂದಾಯಗಳಲ್ಲಿ ಕೈಜೋಡಿಸಬೇಕು, ನಮ್ಮ ಶಿಕ್ಷಣ ಸಂಸ್ಥೆಗಳು ಕ್ರಷಿ, ಕುಲಕಸುಬು, ಸ್ವಸಹಾಯ ಸಂಘಗಳ ರಚನೆ ಬಗ್ಗೆ ತಿಳುವಳಿಕೆ ನೀಡಬೇಕು’ ಎಂದು ಸವಿಸ್ತಾರವಾಗಿ ವಿವರಣೆ ನೀಡಿದರು.
ಕುಂದಾಪುರ ವಲಯ ಪ್ರಧಾನ ಧರ್ಮಗುರು ಅ|ವಂ|ಸ್ಟ್ಯಾನಿ ತಾವ್ರೊ ಪಸ್ರ್ತಾವಿಕ ಮಾತುಗಳನ್ನಾಡಿ ಸ್ವಾಗತಿಸಿದರು. ಕುಂದಾಪುರ ಚರ್ಚಿನ ಸಹಾಯಕ ಧರ್ಮಗುರು ವಂ|ರೋಯ್ ಲೋಬೊ ಆಶಿರ್ವಚಿಸಿದರು. ಕುಂದಾಪುರ ಚರ್ಚಿನ ಪಾಲನಮಂಡಳಿ ಕಾರ್ಯದರ್ಶಿ ಫೆಲ್ಸಿಯಾನ್ ಡಿಸೋಜಾ, ಸಂಪನ್ಮೂಲ ವ್ಯಕ್ತಿಯ ಪರಿಚಯ ನೀಡಿದರು. ಕೋಟೇಶ್ವರ ಚರ್ಚಿನ ಧರ್ಮಗುರು ವಂ|ಸಿರಿಲ್ ಮಿನೇಜೆಸ್ ಉಪಸ್ಥಿತರಿದ್ದರು. ಕುಂದಾಪುರ ವಲಯ ಎಲ್ಲಾ ಚರ್ಚಗಳ ಪಾಲನ ಮಂಡಳಿ ಉಪಾಧ್ಯಕ್ಷರು, ಕಾರ್ಯದರ್ಶಿಗಳು ಗುರಿಕಾರರು, ಸದಸ್ಯರು, ವಲಯದ ಕಥೊಲಿಕ್ ಸಭೆಯ ಎಲ್ಲಾ ಘಟಕಗಳ ಪದಾಧಿಕಾರಿಗಳು, ಸದಸ್ಯರು, ವಲಯದ ಘಟಕಗಳ ಕಥೊಲಿಕ್ ಸ್ತ್ರೀ ಸಂಘಟನೇಯ ಪದಾಧಿಕಾರಿಗಳು ಮತ್ತು ಸದಸ್ಯರು ಮತ್ತು ಧರ್ಮ ಭಗಿನಿಯರು ಹಾಜರಿದ್ದರು. ಕುಂದಾಪುರ ವಲಯ ಚರ್ಚ್‍ಗಳ ಪಾಲನ ಮಂಡಳಿ ಕಾರ್ಯದರ್ಶಿ ಲೀನಾ ತಾವ್ರೊ ಕಾರ್ಯಕ್ರಮವನ್ನು ನೆಡೆಸಿಕೊಟ್ಟು ವಂದಿಸಿದರು.

ಕುಂದಾಪುರ ಕುಟುಂಬ ಆಯೋಗದಿಂದ ಹಿರಿಯರ ದಿನಾಚರಣೆ

ಕುಂದಾಪುರ ಕುಟುಂಬ ಆಯೋಗದಿಂದ ಹಿರಿಯರ ದಿನಾಚರಣೆ


ಕುಂದಾಪುರ, ಮಾ.25: ಕುಂದಾಪುರ ರೋಜರಿ ಮಾತ ಚರ್ಚಿನ ಕುಟುಂಬ ಆಯೋಗದ ವತಿಯಿಂದ ಕುಂದಾಪುರ ಚರ್ಚಗೆ ಸಂಬಂಧಪಟ್ಟ 65 ವರ್ಷ ಮೀರಿದ ಹಿರಿಯವರನ್ನು ಒಟ್ಟು ಕೂಡಿಸಿ ಹಿರಿಯವರ ದಿನವನ್ನು ಆಚರಿಸಲಾಯಿತು.
ಈ ದಿನಾಚರಣೆಗಾಗಿ ಮುಖ್ಯ ಅತಿಥಿಯಾಗಿ 86 ವಯಸ್ಸಿನ ಹಿರಿಯ ಧರ್ಮಗುರುಗಳಾದ ಈ ಹಿಂದೆ ಉಡುಪಿ ಧರ್ಮಕೇಂದ್ರದಲ್ಲಿ ಎಪಿಸ್ಕೋಪಲ್ ವಿಕಾರ್ ಆಗಿ ಸೇವೆ ಸಲ್ಲಿಸಿದ ಅತಿ ವಂದನೀಯ ಫಾ|ವಾಲೇರಿಯನ್ ಡಿಸೋಜಾರವರು ಆಗಮಿಸಿ ಹಿರಿಯರಿಗೆ ಕೆಲವೊಂದು ಉಯುಕ್ತ ಮಾಹಿತಿ ನೀಡಿದರು. ‘ಆಹಾರವನ್ನು ಇತಿಮಿತಿಯಾಗಿ ಸೇವಿಸಿ, ಹೆಚ್ಚು ಆಹಾರ ಸೇವಿಸಿದರೆ, ಜೀರ್ಣಕ್ರೀಯೆಗೆ ತೊಂದರೆ, ಇದರಿಂದಾಗಿ ನಾನಥರಹದ ತೊಂದರೆಗಳು ಉಂಟಾಗುವುದು, ಪ್ರಾಯ ಆಗುತ್ತ ಬರುವಾಗ ಮಲಗಿ ನಿದ್ರಿಸುವ ಆಸೆ ಹೆಚ್ಚಾಗುತ್ತೆ, ಆದರೆ ಹೆಚ್ಚು ನಿದ್ರಿಸ ಬಾರದು, ಅದೊಂದು ಕಾಯಿಲೆ, ಅದಕ್ಕೆ ವ್ಯಾಯಮ ಮಾಡಿ ಈ ಪ್ರಾಯದಲ್ಲಿ ಹಿರಿಯವರಿಗೆ ವ್ಯಾಯಮ ಅಂದರೆ ನೆಡದಾಡುವುದು, ನೆರೆ ಮನೆಯವರ ಹತ್ತಿರ ಹೋಗಿ ಮಾತುಕತೆ ನೆಡೆಸಿ, ಪವಿತ್ರ ಗ್ರಂಥಗಳನ್ನು, ಇನ್ನಿತರ ಪುಸ್ತಕಗಳನ್ನು ಒದಿ, ಯಾವುದೇ ವಿಷಯದಲ್ಲಿ ಚಿಂತೆ ಯೋಚನೆ, ಟೆನ್ಶನ್ ಮಾಡಬೇಡಿ, ನಿಮ್ಮ ಜೀವನವನ್ನು ದೇವರ ಮೇಲೆ ಬಿಟ್ಟು ಬಿಡಿ. ನಿಮ್ಮ ಆರೈಕೆ ಮಾಡುವರನ್ನು ಯಾವತ್ತೂ ದೂಷಿಸಬೇಡಿ, ಸಹನೆಯನ್ನು ಬೆಳಸಿಕೊಳ್ಳಿ’ ಎಂದು ಹಿರಿಯವರಿಗೆ ಸಲಹೆ ನೀಡಿ ಶುಭ ಕೋರಿದರು. ಸಮಾರಂಭಕ್ಕೂ ಮುನ್ನಾ ಅವರು ಹಿರಿಯ ಭಕ್ತರೊಂದಿಗೆ ಪವಿತ್ರ ಬಲಿದಾನವನ್ನು ಅರ್ಪಿಸಿ ಸಂದೇಶ ನೀಡಿದರು.
ಚರ್ಚಿನ ಪ್ರಧಾನ ಧರ್ಮಗುರು ಅ|ವಂ|ಸ್ಟ್ಯಾನಿ ತಾವ್ರೊ ಅವರೂ ಪವಿತ್ರ ಬಲಿದಾನದಲ್ಲಿ ಭಾಗಿಯಾಗಿ ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ವಹಿಸಿ ‘ಹಿರಿಯವರಾದ ನಿಮಗೆ ಗೌರವ ಒಂದಿಷ್ಟು ಸಂತೋಷ ಸಮಾಧಾನ ದೊರಯಲೆಂದು ಈ ಕಾರ್ಯಕ್ರಮವನ್ನು ಹಮ್ಮಿಕೊಂಡಿದ್ದು, ಎಲ್ಲರಿಗೂ ದೇವರು ಉತ್ತಮ ಆರೋಗ್ಯ, ಆಯಸ್ಸು ನೀಡಲಿ’ ಎಂದು ಅವರು ಹಾರೈಸಿದರು. ಪಾಲನ ಮಂಡಳಿ ಉಪಾಧ್ಯಕ್ಷ ಜೇಕಬ್ ಡಿಸೋಜಾ, ಹಿರಿಯವರು ‘ನಮ್ಮ ಸಮಾಜದ ಆಸ್ತಿ, ಇವರಿಂದ ನಾವು ಕಲಿಯಬೇಕಾದ್ದು ಸಾಕಷ್ಟಿದೆ’ ಎಂದು ಈ ದಿನವನ್ನು ಆಯೋಜಿಸಿದಕ್ಕೆ ಕ್ರತ್ಜನತೆಯನ್ನು ಸಲ್ಲಿಸಿದರು. ಸುಮಾರು 150 ಮಿಕ್ಕಿದ ಹಿರಿಯವರನ್ನು ಕಾಣಿಕೆ ನೀಡಿ ಗೌರವಿಸಲಾಯಿತು, ಅತಿ ಹಿರಿಯ, ಅತಿ ಹೆಚ್ಚು ವರ್ಷದ ದಂಪತಿ, ಅತಿ ಹೆಚ್ಚು ವರ್ಷ ಕುಂದಾಪುರದಲ್ಲೆ ನೆಲೆಸಿದ್ದ, ಅತಿ ಹೆಚ್ಚು ಮೊಮ್ಮಕ್ಕಳು ಇರುವವರಿಗೆ ಹೀಗೆ ವಿವಿಧ ರೀತಿಯಲ್ಲಿ ಬಹುಮಾನವನ್ನು ನೀಡಲಾಯಿತು. ಸಹಾಯಕ ಧರ್ಮಗುರು ವಂ|ರೋಯ್ ಲೋಬೊ ಪ್ರಾರ್ಥನ ವಿಧಿಯನ್ನು ನೆಡೆಸಿಕೊಟ್ಟರು. ವೇದಿಕೆಯಲ್ಲಿ ಕಾನ್ವೆಂಟಿನ ಮುಖ್ಯಸ್ಥೆ ವಂ|ಭಗಿನಿ ವಾಯ್ಲೆಟ್ ತಾವ್ರೊ, ಪಾಲನ ಮಂಡಳಿ ಕಾರ್ಯದರ್ಶಿ ಫೆಲ್ಸಿಯಾನ್ ಡಿಸೋಜಾ, ಆಯೋಗಗಳ ಸಂಯೋಜಕಿ ಪ್ರೇಮಾ ಡಿಕುನ್ಹಾ, ಹಿರಿಯ ವ್ಯಕ್ತಿ ಮೊಂತು ಡಿಸೋಜಾ ಉಪಸ್ಥಿತರಿದ್ದರು. ಕುಟುಂಬ ಆಯೋಗದ ಸಂಚಾಲಕಿ ಆಶಾ ಕರ್ವಾಲ್ಲೊ ಸ್ವಾಗತಿಸಿದರು. ಸೆರಾಫಿನ್ ಡಿಸಿಲ್ವಾ ವಂದಿಸಿದರು, ವಿಲ್ಸನ್ ಒಲಿವೇರಾ ಕಾರ್ಯಕ್ರಮ ನಿರೂಪಿಸಿದರು.

ಪೌರಾಡಳಿತ ಸಚಿವ ಸಿ.ಎಸ್. ಶಿವಳ್ಳಿ ವಿಧಿ ವಶ: ಊಟ ಮಾದುತ್ತಿರುವಾಗ ಹ್ರದಯಘಾತ

ಪೌರಾಡಳಿತ ಸಚಿವ ಸಿ.ಎಸ್. ಶಿವಳ್ಳಿ ವಿಧಿ ವಶ: ಊಟ ಮಾಡುತ್ತಿರುವಾಗ ಹ್ರದಯಘಾತ


ಸಮ್ಮಿಶ್ರ ಸರಕಾರದಲ್ಲಿ ಪೌರಾಡಳಿತ ಸಚಿವರಾಗಿದ್ದ ಕಾಂಗ್ರೆಸನ ಸಿ.ಎಸ್. ಶಿವಳ್ಳಿ ಹ್ರದಯಘಾತದಿಂದ ವಿಧಿ ವಶವಾಗಿದ್ದಾರೆ. ಅವರು ಮಧ್ಯಾನ್ಞ ಊಟ ಮಾಡುತ್ತಿರುವಾಗ ಹ್ರದಯಾಘಾತವಾಗಿದ್ದು, ತಕ್ಷಣ ಹುಬ್ಬಳಿಯ ಖಾಸಗಿ ಆಸ್ಪತ್ರೆಗೆ ಸೇರಿಸಿದರು. ಆದರೆ ಅಲ್ಲಿ ಚಿಕಿತ್ಸೆ ಫಲಕಾರಿಯಾಗದೆ ಅವರು ವಿಧಿವಶವಾಗಿದ್ದಾರೆ. ಅವರಿಗೆ ಕೇವಲ 57 ವರ್ಷ ಪ್ರಾಯವಾಗಿತ್ತು.
ಅವರು ಕುಂದಕೋಳ ಕ್ಷೇತ್ರದಿಂದ 3 ಭಾರಿ ಆಯ್ಕೆಯಾಗಿದ್ದರು. 1999 ರಲ್ಲಿ ಸ್ವಂತತ್ರವಾಗಿ ಸ್ಪರ್ಧೆ ಮಾಡಿ ಜಯಿಸಿದ್ದರು, ನಂತರ ಅವರು 2 ಭಾರಿ ಕಾಂಗ್ರೆಸ್ ಪಕ್ಷದಿಂದ ಸ್ಪರ್ಧಿಸಿ ಗೆದ್ದು, ಈ ಸಲ ಸಮ್ಮಿಶ್ರ ಸರಕಾರದಲ್ಲಿ ಪೌರಡಾಳಿತ ಸಚಿವರಾಗಿದ್ದರು. ಅವರ ಪೂರ್ಣ ಹೆಸರು ಚೆನ್ನ ಬಸಪ್ಪ ಸತ್ಯಪ್ಪ ಶಿವಳ್ಳಿ. ಅವರು ಜನ ಪ್ರಿಯರಾಗಿದ್ದು ಅವರ ಕ್ಷೇತ್ರದಲ್ಲಿ ಜನ ಇವರ ಸಾವಿನಿಂದ ದುಖ ತ್ರಪ್ತರಾಗಿದ್ದಾರೆ.
ಇವರ ಸಾವಿಗೆ ಎಚ್.ಡಿ. ಮುಖ್ಯಮಂತ್ರಿ ಕುಮಾರಸ್ವಾಮಿ, ಮತ್ತು ಕಾಂಗ್ರೆಸ್ ಪಕ್ಷದ ನೇತಾರರು ಕಂಬನಿ ಮಿಡಿದಿದ್ದಾರೆ

ಅಬ್ಬನಡ್ಕದ ಜಾತ್ರಾ ಮಹೋತ್ಸದ ಚೆಂಡಾಟ

ವರದಿ:ವಾಲ್ಟರ್ ಮೊಂತೇರೊ

ಅಬ್ಬನಡ್ಕದ ಜಾತ್ರಾ ಮಹೋತ್ಸದ ಚೆಂಡಾಟ


ಇತಿಹಾಸ ಪ್ರಸಿದ್ಧ ಕ್ಷೇತ್ರ ಬೆಳ್ಮಣ್ಣು ಶ್ರೀ ದುರ್ಗಾಪರಮೇಶ್ವರೀ ದೇವಸ್ಥಾನದ ವರ್ಷಾವಧಿ ಜಾತ್ರಾ ಮಹೋತ್ಸದ ಅಂಗವಾಗಿ ಜರಗುವ ಮೂರು ದಿನಗಳ ಅಬ್ಬನಡ್ಕದ ಚೆಂಡು ಆದಿತ್ಯವಾರ ಸಂಪನ್ನಗೊಂಡಿತು.

ನಂದಳಿಕೆ ಅಬ್ಬನಡ್ಕ ಫ್ರೆಂಡ್ಸ್ ಕ್ಲಬ್ : ಮಾರ್ಚ್ 24ರಂದು 19ನೇ ವರ್ಷದ ಅರ್ಧ ವಾರ್ಷಿಕ ಸಭೆ

ವರದಿ:ವಾಲ್ಟರ್ ಮೊಂತೇರೊ

ನಂದಳಿಕೆ ಅಬ್ಬನಡ್ಕ ಫ್ರೆಂಡ್ಸ್ ಕ್ಲಬ್ : ಮಾರ್ಚ್ 24ರಂದು
19ನೇ ವರ್ಷದ ಅರ್ಧ ವಾರ್ಷಿಕ ಸಭೆ


ನಂದಳಿಕೆ ಅಬ್ಬನಡ್ಕ ಶ್ರೀ ದುರ್ಗಾಪರಮೇಶ್ವರೀ ಫ್ರೆಂಡ್ಸ್ ಕ್ಲಬ್ (ರಿ.) ವತಿಯಿಂದ ಮಾರ್ಚ್ 24ರಂದು ಆದಿತ್ಯವಾರ ಮಧ್ಯಾಹ್ನ 3 ಘಂಟೆಗೆ ಸರಿಯಾಗಿ ಸಂಘದ ಆಡಳಿತ ಕಛೇರಿ ಅಬ್ಬನಡ್ಕದ ಕುಂಟಲಗುಂಡಿಯಲ್ಲಿ 19ನೇ ಅರ್ಧ ವಾರ್ಷಿಕ ಸಭೆಯು ಸಂಘದ ಅಧ್ಯಕ್ಷರಾದ ನಂದಳಿಕೆ ರಾಜೇಶ್ ಕೋಟ್ಯಾನ್‍ರವರ ಅಧ್ಯಕ್ಷತೆಯಲ್ಲಿ ಜರಗಲಿದೆ.
ಸಂಘದ ಸದಸ್ಯರೆಲ್ಲರೂ ಕ್ಲಪ್ತ ಸಮಯದಲ್ಲಿ ಆಗಮಿಸಿ, ಸೂಕ್ತ ಸಲಹೆ ಸೂಚನೆಗಳನ್ನು ನೀಡಬೇಕಾಗಿ ಸಂಘದ ಸಂಚಾಲಕರಾದ ಅಬ್ಬನಡ್ಕ ಸಂದೀಪ್ ವಿ. ಪೂಜಾರಿಯವರು ಪತ್ರಿಕಾ ಪ್ರಕಟನೆಗೆ ತಿಳಿಸಿದ್ದಾರೆ.

ಕುಂದಾಪುರ ಸಂಜೀವಿನಿ ಸ್ವಸಹಾಯ ಸಂಘದಿಂದ ಮಹಿಳಾ ದಿನಾಚರಣೆ

ಕುಂದಾಪುರ ಸಂಜೀವಿನಿ ಸ್ವಸಹಾಯ ಸಂಘದಿಂದ ಮಹಿಳಾ ದಿನಾಚರಣೆ

 

ಕುಂದಾಪುರ,ಮಾ.20 ಕುಂದಾಪುರ ರೋಜರಿ ಮಾತಾ ಇಗರ್ಜಿಯ ಸ್ವಸಹಾಯ ಸಂಘಗಳಲ್ಲಿ ಒಂದಾದ ಸಂಜೀವಿನಿ ಸ್ವಸಹಾಯ ಮಹಿಳಾ ಸಂಘವು ವಿಶ್ವ ಮಹಿಳಾ ದಿನಾಚರಣೆಯನ್ನು ಆಚರಿಸಿತು.ಈ ಕಾರ್ಯಕ್ರಮಕ್ಕೆ ಪ್ರತಿಷ್ಠಿತ ಮನಿಷ್ ಆಸ್ಪತ್ರೆಯ ನಿರ್ದೇಶಕಿ ಪ್ರಸೂತಿ ತಜ್ನೆ ಡಾ|ಪ್ರಮೀಳಾ ನಾಯಕ್ ಮತ್ತು ಉಡುಪಿ ಕೇಂದ್ರಿಯ ಸ್ತ್ರೀ ಆಯೋಗದ ನಿರ್ದೇಶಕಿ ವಂ|ಭಗಿನಿ ಸಿಸ್ಟರ್ ಜಾನೆಟ್ ಫೆರ್ನಾಂಡಿಸ್ ಮುಖ್ಯ ಅತಿಥಿಗಳಾಗಿ ಆಗಮಿಸಿದ್ದರು.

    ಈ ಸಂದರ್ಭ ಕುಂದಾಪುರದಲ್ಲಿ ಸ್ವ ಉದ್ಯೋಗ ನೆಡೆಸಿ ಜನಸೇವೆ ಮಾಡುತ್ತಿರುವ ೩ ಮಂದಿ ಅಟೋ ಚಾಲಕಿಯರಾದ  ಶ್ರೀಮತಿ ದೀಪಾ, ಕಳೆದ 19 ವರ್ಷಗಳಿಂದ ಅಟೋ ಚಾಲಕಿಯಾಗಿ ಸೇವೆ ಸಲ್ಲಿಸುತ್ತಿರುವರು, ಶ್ರೀಮತಿ ರೂಪ, ಕಳೆದ 14 ವರ್ಷಗಳಿಂದ ಅಟೋ ಚಾಲಕಿಯಾಗಿ ಸೇವೆ ಸಲ್ಲಿಸುತ್ತಿರುವರು, ಹಾಗೂ ಕು|ಸುಲೋಚನ 6 ವರ್ಷದಿಂದ ಆಟೋ ಚಾಲಕಿಯಾಗಿ ಸೇವೆ ಸಲ್ಲಿಸುತ್ತಿರುವ ಇವರುಗಳನ್ನು ಡಾ|ಪ್ರಮೀಳಾ  ಸನ್ಮಾನಿಸಿ ’ಸಮಾಜದಲ್ಲಿ ಹೆಣ್ಣಿಗೆ ನೈತಿಕ ಬೆಂಬಲ ದೊರೆಯುವುದು ಬಹಳ ಕಡಿಮೆ, ಸಮಾಜ ಮಾಡುವ ನಿಂದನೆಯನ್ನು ಎದುರಿಸಿ ನಿಲ್ಲಾಬೇಕಾಗುತ್ತದೆ, ನಾವು ಛಲ ಹಿಡಿದು ನ್ಯಾಯಯುತವಾಗಿ ನಮ್ಮ ಉದ್ಯೋಗವನ್ನು ಮಾಡಿದಲ್ಲಿ ,ಯಶಸ್ವಿಯ ಹಾದಿ ನಿಶ್ಚಲವಾಗಿ ಸಿಗುತ್ತದೆ’ ಎಂದು ಹೇಳಿದರು. 

    ಸ್ತ್ರೀ ಆಯೋಗದ ನಿರ್ದೇಶಕಿ ವಂ|ಭಗಿನಿ ಸಿಸ್ಟರ್ ಜಾನೆಟ್ ಫೆರ್ನಾಂಡಿಸ್  ’ಸಂಜೀವಿನ್ ಸಂಘದವರು ಒಂದು ಉತ್ತಮ ಅರ್ಥಭರಿತ  ಕಾರ್ಯಕ್ರಮವನ್ನು ಆಚರಿಸಿದ್ದಾರೆ, ಸಂಘದ ಮೇಲೆ ಮತ್ತು ಇವತ್ತು ಸನ್ಮಾಮಾನಗೊಂಡ ಸಮಾಜ ಸೇವಕರಾದ  ಅಟೋ ಚಾಲಕರ ಮೇಲೆ ದೇವರ ಆಶಿರ್ವಾದವನ್ನು ಬೇಡಿದರು. ಸ್ವಂತ ಆಸ್ಪತ್ರೆಯನ್ನು ತೆರೆದು ಸಮಾಜಕ್ಕೆ ಸೇವೆ ನೀಡುತ್ತಾ, ಸಮಸ್ಯೆಗಳನ್ನು ಧೈರ್ಯದಿಂದ ಎದುರಿಸಿ ಪ್ರಸಿದ್ದರಾಗಿರುವ  ಡಾ|ಪ್ರಮೀಳಾರನ್ನು ಸಂಘದ ಪರವಾಗಿ ಧೈರ್ಯವಂತ ಮಹಿಳೆ ಎಂದು ಸನ್ಮಾಸಿ ಗೌರವಿಸಲಾಯಿತು. ಸಂಘದ ಅಧ್ಯಕ್ಷೆ ಡಾ|ಸೋನಿ ಡಿಕೋಸ್ಟಾ ಪ್ರಸ್ತಾವಿಕ ನುಡಿಗಳನ್ನಾಡಿ, ಕಾರ್ಯಕ್ರ ನಿರೂಪಿಸಿದರು. ಶಾಂತಿ ಡಿಸೋಜಾ ಸನ್ಮಾನಿತರ ಪರಿಚಯವನ್ನು ನೀಡಿದರು. ಸದಸ್ಯೆ ಜೂಡಿತ್ ಡಿಮೆಲ್ಲೊ ಧನ್ಯವಾದಗಳನ್ನು ಅರ್ಪಿಸಿದರು.

ಕುಂದಾಪುರದ ಕಡ್ಡಾಯ ಮತದಾನದ ಬಗ್ಗೆ ಅರ್ಹ ಮತದಾರರಲ್ಲಿ ವಿದ್ಯಾರ್ಥಿಗಳ ಮೂಲಕ ಜಾಗೃತಿ

ವರದಿ:ದಿ.ಬಿ.ಕ್ರಷ್ಣಮೂರ್ತಿ

ಕುಂದಾಪುರದ ಕಡ್ಡಾಯ ಮತದಾನದ ಬಗ್ಗೆ ಅರ್ಹ ಮತದಾರರಲ್ಲಿ ವಿದ್ಯಾರ್ಥಿಗಳ ಮೂಲಕ ಜಾಗೃತಿ

ELC sveep ಕಾರ್ಯಕ್ರಮದಡಿ ದಿನಾಂಕ 19-03-2019 ರಂದು ಕುಂದಾಪುರದ ಆರ್ ಎನ್ ಶೆಟ್ಟಿ ಪದವಿಪೂರ್ವ ಕಾಲೇಜಿನಲ್ಲಿ ಕಡ್ಡಾಯ ಮತದಾನದ ಬಗ್ಗೆ ಅರ್ಹ ಮತದಾರರಲ್ಲಿ ವಿದ್ಯಾರ್ಥಿಗಳ ಮೂಲಕ ಜಾಗೃತಿ ಮೂಡಿಸುವ ಕಾರ್ಯಕ್ರಮ ನಡೆಯಿತು. ಈ ಕಾರ್ಯಕ್ರಮದಲ್ಲಿ ಕಾಲೇಜಿನ ಪ್ರಾಂಶುಪಾಲರಾದ ಪ್ರೋ. ನವೀನ್ ಕುಮಾರ್ ಶೆಟ್ಟಿ ಉಪಸ್ಥಿತರಿದ್ದು, ಸಂಪನ್ಮೂಲ ವ್ಯಕ್ತಿ, ಕಾಲೇಜಿನ ಕನ್ನಡ ವಿಭಾಗ ಮುಖ್ಯಸ್ಥರಾದ ಕೃಷ್ಣಮೂರ್ತಿ ಡಿಬಿ,ಮತದಾನ ಜಾಗೃತಿಯ ಬಗ್ಗೆ ಮಾಹಿತಿ ನೀಡಿದರು. ಈ ಸಂದರ್ಭದಲ್ಲಿ ಪೋಷಕರು ಮತ್ತು ಉಪನ್ಯಾಸಕರು ಉಪಸ್ಥಿತರಿದ್ದರು.