HOLY ROSARY CHURCH, KUNDAPUR – 450 th JUBILEE SOUVENIR 2021

ಖ್ಯಾತ ಸಿನಿಮಾ ನಿರ್ಮಾಪಕ ವಿಕೆ ಮೋಹನ್  ಬೆಂಗಳೂರಿನ ತಮ್ಮ  ನಿವಾಸದಲ್ಲಿ ಅತ್ಮಹತ್ಯೆಗೆ ಶರಣಾಗಿದ್ದಾರೆ 

JANANUDI.COM NETWORK

 

 

 

ಖ್ಯಾತ ಸಿನಿಮಾ ನಿರ್ಮಾಪಕ ವಿಕೆ ಮೋಹನ್  ಬೆಂಗಳೂರಿನ ತಮ್ಮ  ನಿವಾಸದಲ್ಲಿ ಅತ್ಮಹತ್ಯೆಗೆ ಶರಣಾಗಿದ್ದಾರೆ 

 

 

ಖ್ಯಾತ ಸಿನಿಮಾ ನಿರ್ಮಾಪಕ ,ವಿಕೆ ಮೋಹನ್ ನಿನ್ನೆ ತಡ ರಾತ್ರಿ ಬೆಂಗಳೂರಿನ ನಿವಾಸದಲ್ಲಿ ಅತ್ಮಹತ್ಯೆ ಮಾಡಿಕೊಂಡಿದ್ದಾರೆ  ತಿಳಿದು ಬಂದಿದೆ. ಇವರು ಸಿನಿಮಾ ಉದ್ಯಮದಲ್ಲಿ ಫೈನಾನ್ಶಿಯರ್ ಅಗಿ ಹೆಸರು ಗಳಿಸಿದ್ದರು.

 ವಿಕೆ ಮೋಹನ್ ಡಾ.ರಾಜ್ ಕುಟುಬಕ್ಕೆ ತುಂಬಾ ಹತ್ತಿರದ ಓಡನಾಟ ಇಟ್ಟು ಕೊಂಡಿದ್ದರು.
ಇತ್ತೀಚಿನ ದಿನಗಳಲ್ಲಿ ಅರ್ಥಿಕವಾಗಿ ಮುಂಗಟ್ಟು ಎದುರಿಸುತ್ತಿದ್ದ ಮೋಹನ್ ಮನೆ ಮೇಲೆ ಎರಡು ಬಾರಿ ಐಟಿ‌ ಅಧಿಕಾರಿಗಳು ದಾಳಿ‌ ನಡೆಸಿದ್ದರು. ನಂತರ ಅವರು ಮಾನಸಿಕವಾಗಿ ಕುಗ್ಗಿದ್ದರು ಎಂದು ಹೇಳಲಾಗುತ್ತದೆ. ಅವರು  ವನಿನ್ನೆ ತಡ ರಾತ್ರಿ ಬೆಂಗಳೂರಿನ‌ ಮನೆಯಲ್ಲಿ‌ಅತ್ಮಹತ್ಯೆ ಮಾಡಿಕೊಂಡಿದ್ದಾರೆ.

  ಮೂಲತ ವಕ್ವಾಡಿ ಕುಂದಾಪುರದವರಾದ ಮೋಹನ್  ಬಾಲ್ಯದಿಂದ ಬೆಂಗಳೂರಿನಲ್ಲಿ ವಾಸವಾಗಿದ್ದರು.ಶ್ರಮ ಜೀವಿಯಾಗಿದ್ದ ಮೋಹನ್ ಫೈನಾನ್ಸ್ ವ್ಯಾವಹಾರದಲ್ಲಿ ತೊಡಗಿಸಿಕೊಂಡಿದ್ದರು. ಬಳಿಕ ಸಿನಿಮಾ ರಂಗಕ್ಕೆ‌ಕಾಲಿಟ್ಟ ಮೋಹನ್ ಯಶಸ್ವಿ ಸಿನಿಮಾ ಪ್ರೋಡ್ಯೂಸರ್ ಆಗಿ ಬೆಳೆದಿದ್ದರು.ರಾಜ್ ಕುಟುಂಬದೊಂದಿಗೆ ಅತ್ಮೀಯ ಸಂಭಂಧ ಇಟ್ಟುಕೊಂಡಿದ್ದ ಅವರು ತನ್ನ‌ಹುಟ್ಟೂರಲ್ಲಿ ತನ್ನದೇ ಅಭಿಮಾನಿಗಳನ್ನು‌ ಹೊಂದಿದ್ದ ಅವರು  ದಾನ ಧರ್ಮ ಅಸಹಾಯಕರಿಗೆ ನೆರವನ್ನು ನೀಡುವ ಮೂಲಕ‌ ಸಮಾಜದಲ್ಲಿ ಗುರುತಿಸಿ ಕೊಂಡಿದ್ದರು.

ಕೊರೊನಾ ವೈರಸ್ ತಡೆಗೆ ಜನತಾ ಕಫ್ರ್ಯು ಜೊತೆಗೆ ಮೆಸ್ಕೊಮ್ ವಿದ್ಯುತ್ ಕಂಪೆನಿ ಸಾಥ್ : ಹಗಲಿಗೂ ಉರಿಯುತ್ತಿರುವ ರಸ್ತೆ ದೀಪ

JANANUDI.COM NETWORK

 

 

ಕೊರೊನಾ ವೈರಸ್ ತಡೆಗೆ ಜನತಾ ಕಫ್ರ್ಯು ಜೊತೆಗೆ ಮೆಸ್ಕೊಮ್ ವಿದ್ಯುತ್ ಕಂಪೆನಿ ಸಾಥ್

                       ಹಗಲಿಗೂ ಉರಿಯುತ್ತಿರುವ ರಸ್ತೆ ದೀಪ

 

 

ಕುಂದಾಪುರ, ಮಾ.22: ಕೊರೊನಾ ವೈರಸ್ ತಡೆಗಾಗಿ ಜನತಾ ಕಫ್ರ್ಯು ಆಚರಿಸಿ ಕುಂದಾಪುರ ಸ್ಥಬ್ದವಾಗಿ ಬಂದಗೆ ಜೊತೆ ನೀಡಿದ ಜನತೆ ಜನಾತ ಕಫ್ರ್ಯು ಯಶಸ್ವಿಯಾಗಲು ಸಹಕರಿಸಿದ್ದಾರೆ.
ಇದರ ಜೊತೆಗೆ ಕುಂದಾಪುರದ ಮೆಸ್ಕೊಮ್ ವಿದ್ಯುತ್ ಸರಬಾರಜು ಕಂಪೆನಿಯೂ ಸಾಥ್ ನೀಡಿದಂತೆ ಕಾಣುತ್ತದೆ. ಇವತ್ತು ಜನತಾ ಕಫ್ರ್ಯು ಬಗ್ಗೆ ಪೋಟೊ ತೆಗೆಯಲು ಹೊಸ ಬಸ್ ನಿಲ್ದಾಣಕ್ಕೆ ಹೋದಾಗ, ಬಸ್ ಸ್ಟ್ಯಾಂಡಿನ ಹತ್ತಿರ ಇರುವ ಅಟೋ ರಿಕ್ಷಾ ಸ್ಟ್ಯಾಂಡ್ ಎದುರು ರಸ್ತೆಯ ಒಂದು ವಿದ್ಯುತ್ ಕಂಬದ ಮೇಲಿರುವ ದೀಪ ಹಗಲಲ್ಲೂ ಉರಿಯುತಿತ್ತು, ನಾನು ಈ  ಪೋಟೊ ತೆಗೆಯುವಾಗ ಸಮಯ ಸುಮಾರು ಬೆಳಿಗ್ಗೆ 11 ಗಂಟೆ, ಆ ದೀಪ ಮತ್ತೆ ಎಷ್ಟೊಂದು ಹೊತ್ತು ಉರಿಯುತಿತ್ತೊ ಗೊತ್ತಿಲ್ಲಾ.
ಹೀಗೆ ಎಷ್ಟೊಂದು ವಿದ್ಯುತ್ ಪೋಲಾಗುತ್ತದೆ ಎಂದು ಇವರಿಗೆ ಅರಿವಿದೆಯಾ? ಸಂಜೆಯ ಹೊತ್ತಿನಲ್ಲಿ ಬೆಳಕು ಇರುವಾಗಲೇ ದಾರಿ ದೀಪ ಉರಿಯಲು ಆರಂಭವಾಗುತ್ತದೆ. ಆದರೆ ಬೆಳಗಿನ ಜಾವ ಕತ್ತಲೆ ಇರುವಾಗಲೇ ರಸ್ತೆ ದೀಪಗಳನ್ನು ಆರಿಸಿ ಬಿಡುತ್ತಾರೆ. ಅದೇ ಸಮಯಕ್ಕೆ ಹಲವಾರು ಜನರು, ಪ್ರಾಯದವರು, ವಾಕಿಂಗ್ ಮಾಡುತಿರುತ್ತಾರೆ. ಅವರಿಗೆ ಎನೂ ಕಾಣದೆ ಕಷ್ಟದಲ್ಲಿ ವಾಕಿಂಗ್ ಮಾಡುತ್ತಾರೆ. ಕೆಲವರು ಟಾರ್ಚ್ ಹಿಡಿಕೊಂಡು ವಾಕಿಂಗ್ ಮಾಡುತಿರುತ್ತಾರೆ. ಮೆಸ್ಕೊಮ್ ನವರೆ ಜನರಿಗೆ ಉಪಯೋಗ ಆಗುವ ಹಾಗೆ ನಿಮ್ಮ ನಡೆ ಇರಲಿ. ಸಂಜೆ ಹೊತ್ತಲ್ಲಿ ಬೆಳಕು ಕಡಿಮೆ ಆಗುವಾಗ ರಸ್ತೆ ದೀಪ ಉರಿಸಿ, ಬೆಳಿಗ್ಗೆ ಕತ್ತಲು ಇರುವಾಗಲೇ ರಸ್ತೆ ದೀಪಗಳನ್ನು ಆರಿಸಬೇಡಿ. ಇತ್ತಿಚಿನ ದಿನಗಳಲ್ಲಿ ಬಿಲ್ಲ್ ರಿಡಿಂಗನಲ್ಲಿ ಕೂಡ ಎಡವಟ್ಟು ಆಗಿ ಕೂಡ ಜನ ಪರಿತಪಿಸುತಿದ್ದಾರೆ.

 

 

ವಿದೇಶದಿಂದ ಬಂದ ಭಟ್ಕಳದ 22 ವರ್ಷದ ವ್ಯಕ್ತಿಗೆ  ಮಂಗಳೂರಿನ ಆಸ್ಪತ್ರೆಯೊಂದರಲ್ಲಿ ಸೋಂಕು ಇರುವುದು ದೃಢಪಟ್ಟಿದೆ.

JANANUDI.COM NETWORK

 

 

 

ವಿದೇಶದಿಂದ ಬಂದ ಭಟ್ಕಳದ 22 ವರ್ಷದ ವ್ಯಕ್ತಿಗೆ  ಮಂಗಳೂರಿನ ಆಸ್ಪತ್ರೆಯೊಂದರಲ್ಲಿ ಸೋಂಕು ಇರುವುದು ದೃಢಪಟ್ಟಿದೆ.

 

 

ವ್ಯಕ್ತಿಯೋರ್ವರಿಗೆ ಜಿಲ್ಲೆಯಲ್ಲಿ ಮೊದಲ ಕೊರೋನಾ ವೈರಸ್ ಸೋಂಕು ಪತ್ತೆಯಾಗಿದೆ.
ಇತ್ತೀಚೆಗೆ ವಿದೇಶದಿಂದ ಬಂದ ಭಟ್ಕಳದ 22 ವರ್ಷದ ವ್ಯಕ್ತಿಯೊರ್ವ ಬಂದಿದ್ದು, ಸಂಶಯದ ಮೇಲೆ ಅವರನ್ನು ಮಂಗಳೂರಿನ ಆಸ್ಪತ್ರೆಯೊಂದರಲ್ಲಿ ಐಸೋಲೇಶನ್ ವಾರ್ಡ್‌ನಲ್ಲಿ ಚಿಕಿತ್ಸೆ ನೀಡಲಾಗುತಿತ್ತು. ಇಂದು ಈ ವ್ಯಕ್ತಿಯ ವೈದ್ಯಕೀಯಾ ವರದಿ ಬಂದಿದ್ದು, ಅದರಲ್ಲಿ ಈತನಿಗೆ ಕೊರೋನಾ ವೈರಸ್ ಸೋಂಕು ಇರುವುದು ದೃಢಪಟ್ಟಿದೆ.

ಅನಧಿಕೃತವಾಗಿ  ಕೆ.ಸಿ.ವ್ಯಾಲಿ ನೀರನ್ನು ಕದಿಯುವವರ ವಿರುದ್ಧ ಕಾನೂನು ಕ್ರಮ -ಹೆಚ್.ನಾಗೇಶ್

ವರದಿ ಶಬ್ಬೀರ್ ಅಹಮ್ಮದ್ ಶ್ರೀನಿವಾಸಪುರ
ಅನಧಿಕೃತವಾಗಿ  ಕೆ.ಸಿ.ವ್ಯಾಲಿ ನೀರನ್ನು ಕದಿಯುವವರ ವಿರುದ್ಧ ಕಾನೂನು ಕ್ರಮ -ಹೆಚ್.ನಾಗೇಶ್
             
ಕೋಲಾರ: ಕೋಲಾರ ಜಿಲ್ಲೆಯ ಕೆರೆಗಳನ್ನು ತುಂಬಿಸಲು 1350 ಕೋಟಿ ರೂ.ಗಳ ವೆಚ್ಚದಲ್ಲಿ ಕೆ.ಸಿ.ವ್ಯಾಲಿ ನೀರನ್ನು ಹರಿಸುತ್ತಿದ್ದು,  ಕೆರೆಗಳು ತುಂಬಲು ಬಿಡದೆ ಅನಧಿಕೃತವಾಗಿ ನೀರನ್ನು ಕದಿಯುವವರ ವಿರುದ್ಧ ಕಾನೂನು ರೀತಿ ಶಿಸ್ತು ಕ್ರಮ ಕೈಗೊಳ್ಳಲಾಗುವುದು ಎಂದು ಅಬಕಾರಿ ಹಾಗೂ ಜಿಲ್ಲಾ ಉಸ್ತುವಾರಿ ಸಚಿವರಾದ ಹೆಚ್. ನಾಗೇಶ್ ರವರು ತಿಳಿಸಿದರು. 
ಇಂದು ಜಿಲ್ಲಾಧಿಕಾರಿಗಳ ನ್ಯಾಯಾಂಗ ಸಭಾಂಗಣದಲ್ಲಿ ಕೆ.ಸಿ.ವ್ಯಾಲಿ ಟಾಸ್ಕ್ ಫೋರ್ಸ್ ಸಮಿತಿಯ ಸಭೆಯ ಅದ್ಯಕ್ಷತೆ ವಹಿಸಿ ಮಾತನಾಡಿದ ಅವರು ಕೆ.ಸಿ ವ್ಯಾಲಿ  ನೀರು 300 ಎಂಎಲ್‍ಡಿ ವರೆಗೂ ನೀರು ಬರುತ್ತಿತ್ತು.  ಜನ್ನಘಟ್ಟ ಕೆರೆಯು 2 ತಿಂಗಳಾದರು ತುಂಬಲಿಲ್ಲ ಇದರ ಬಗ್ಗೆ ಅಧಿಕಾರಿಗನ್ನು ವಿಚಾರಿಸಿದಾಗ ಕೆಲವರು ಅನಧಿಕೃತವಾಗಿ ಪಂಪ್‍ಸೆಟ್ ನೀರನ್ನು ಪಡೆಯುತ್ತಿರುವುದರಿಂದ ತಡವಾಗುತ್ತಿದೆ ಎಂದು ಅಧಿಕಾರಿಗಳು ತಿಳಿಸಿದರು.  ಇದರ ಸಮಸ್ಯೆಯನ್ನು ಶೀಘ್ರವಾಗಿ ಬಗೆಹರಿಸಿ ಕೆರೆಗೆ ನೀರು ಹರಿಸಬೇಕು ಎಂದು ಅಧಿಕಾರಿಗಳಿಗೆ ತಾಕಿತು ಮಾಡಿದರು. 
ಜಿಲ್ಲೆಯಲ್ಲಿ ಅಂತರ್ಜಲವನ್ನು ವೃದ್ಧಿಸುವ ಸಲುವಾಗಿ ಈ ಯೋಜನೆಯನ್ನು ರೂಪಿಸಲಾಗಿದೆ. ಅದರೆ ಕೆ.ಸಿ ವ್ಯಾಲಿ ನೀರನ್ನು ರೈತರ ಹೆಸರಿನಲ್ಲಿ ಕೆಲವರು ದುರ್ಬಳಕೆ  ಮಾಡಿಕೊಳ್ಳುತ್ತಿದ್ದಾರೆ. ನೀರನ್ನು ಕದಿಯುವುದನ್ನು ತಡೆಗಟ್ಟಲು ಟಾಸ್ಕ್‍ಫೋರ್ಸ್ ಸಮಿತಿಯನ್ನು ಜಿಲ್ಲಾಧಿಕಾರಿಗಳ ಅಧ್ಯಕ್ಷತೆಯಲ್ಲಿ ರಚಿಸಲಾಗುತ್ತಿದೆ. ಕೆ ಸಿ ವ್ಯಾಲಿ ಯೋಜನೆಯ ಮಹತ್ವದ ಕುರಿತು ರೈತರಲ್ಲಿ ಆರಿವು ಮೂಡಿಸಬೇಕು. ಇದರಿಂದ ನೀರು ಕದಿಯುತ್ತಿರುವವರ ವಿರುದ್ಧ ರೈತರೇ ಪೊಲೀಸರಿಗೆ ಮಾಹಿತಿಯನ್ನು ನೀಡುತ್ತಾರೆ ಎಂದು ತಿಳಿಸಿದರು. 
ಕೋಲಾರ ಲೋಕಸಭಾ ಕ್ಷೇತ್ರದ ಸಂಸದರಾದ ಎಸ್.ಮುನಿಸ್ವಾಮಿ ಅವರು ಮಾತನಾಡಿ ಕೆಸಿವ್ಯಾಲಿ ನೀರು ಸರಿಯಾದ ಸಮಯಕ್ಕೆ ಕೆರೆಗಳಿಗೆ ತುಂಬುತ್ತಿಲ್ಲ. ಅನಧಿಕೃತವಾಗಿ ಸೋರಿಕೆಯಾಗುತ್ತಿರುವ ನೀರನ್ನು ತಡೆಗಟ್ಟಿ ಕೆರೆಗಳನ್ನು ತುಂಬಿಸುವ ಕಾರ್ಯ ಮಾಡಬೇಕು. ಕೆರೆಗಳಲ್ಲಿ ಬತ್ತಿ ಹೋಗಿರುವ ಬೋರ್‍ವೆಲ್‍ಗಳನ್ನು ಸಂಪೂರ್ಣವಾಗಿ ಮುಚ್ಚಿಸಬೇಕು. ಇದರಿಂದ ಕೆರೆ ತುಂಬಿ ಮುಂದಿನ ಕೆರೆಗೆ ನೀರು ಹೋಗಲು ಸಹಕಾರಿಯಾಗುತ್ತದೆ. ಇಲ್ಲವಾದಲ್ಲಿ ನೀರು ಆ ಬೋರ್‍ವೆಲ್‍ಗಳಲ್ಲಿ ಇಂಗಿ ಪೋಲಾಗುತ್ತದೆ.   ಕೆಲವರು ಕೆರೆಗಳನ್ನು ಒತ್ತುವರಿ ಮಾಡಿಕೊಂಡು ಕೋಡಿ ಕಡಿಮೆ ಮಾಡಿದ್ದಾರೆ. ಇದರಿಂದ ಕೆರೆಯ ನೀರಿನ ಸಂಗ್ರಹ ಪ್ರಮಾಣ ಕಡಿಮೆಯಾಗುತ್ತಿದೆ.  ಆದ್ದರಿಂದ ಕೆರೆಯ ಒತ್ತುವರಿ ತೆರವುಗೊಳಿಸಿ ಕೆರೆಯ ಸುತ್ತ ಮರಗಳನ್ನು ಬೆಳೆಸುವುದರಿಂದ ಪ್ರಾಣಿ ಪಕ್ಷಿಗಳಿಗೆ ಆನುಕೂಲವಾಗಲಿದೆ ಎಂದು ತಿಳಿಸಿದರು.
ಕೆಸಿವ್ಯಾಲಿ ನೀರು ನರಸಾಪುರ ಕೆರೆ ತುಂಬಿರುವುದರಿಂದ ಸುತ್ತಮುತ್ತಲಿನ ಬೋರ್‍ವೆಲ್‍ಗಳ ನೀರು ಮರುಪೂರಣವಾಗಿದೆ. ಇದರಿಂದ ಅಲ್ಲಿನ ರೈತರಿಗೆ ಹೆಚ್ಚಿನ ಅನುಕೂಲವಾಗಿದೆ. ಕೆರೆಗಳಿಗೆ ನೀರು ಬಿಡುವ ಮುಂಚಿತವಾಗಿ ಕೆರೆಯನ್ನು ಸ್ವಚ್ಚಗೊಳಿಸಬೇಕು ಹಾಗೂ ನೀರು ಸೋರಿಕೆಯಾಗದಂತೆ ಮುಂಜಾಗ್ರತ ಕ್ರಮಗಳನ್ನು ಕೈಗೊಳ್ಳಬೇಕು ಎಂದು ಸೂಚಿಸಿದರು. 
ಶ್ರೀನಿವಾಸಪುರದ ವಿಧಾನಸಭಾ ಕ್ಷೇತ್ರದ ಶಾಸಕರಾದ ರಮೇಶ್‍ಕುಮಾರ್ ಅವರು ಮಾತನಾಡಿ, ಕೆಸಿವ್ಯಾಲಿ ಯೋಜನೆಯ ಮುಖ್ಯ ಉದ್ದೇಶ ಜಿಲ್ಲೆಯ ಕೆರೆಗಳಿಗೆ ನೀರನ್ನು ತುಂಬಿಸಿ ಅಂತರ್ಜಲವನ್ನು ವೃದ್ದಿಸುವುದಾಗಿದೆ.  ಜಿಲ್ಲೆಯ ಕೆಲ ರೈತರು ಕೆಸಿ ವ್ಯಾಲಿ ನೀರನ್ನು ಅಕ್ರಮವಾಗಿ ಬಳಸುತ್ತಿದ್ದಾರೆ.  ಈ ಬಗ್ಗೆ ಜಿಲ್ಲಾಡಳಿತ ಹಾಗೂ ಪೊಲೀಸ್ ಇಲಾಖೆಯವರು ಸ್ಕ್ವಾಡ್ ಮೂಲಕ ಕಾರ್ಯಾಚರಣೆ ನಡೆಸಿ ಕಟ್ಟುನಿಟ್ಟಿನ ಕ್ರಮಕೈಗೊಳ್ಳಬೇಕು. ಕೆರೆಯಲ್ಲಿರುವ ಜಾಲಿ ಮರಗಳನ್ನು ತೆರವುಗೊಳಿಸಬೇಕು  ಎಂದು ಅಧಿಕಾರಿಗಳಿಗೆ ಸೂಚಿಸಿದರು. 
ಮಾಲೂರು ವಿಧಾನಸಭಾ ಕ್ಷೇತ್ರದ ಶಾಸಕರಾದ ಕೆ.ವೈ. ನಂಜೇಗೌಡ ಅವರು ಮಾತನಾಡಿ, ನರಸಾಪುರ ಪಂಪ್‍ಹೌಸ್‍ನಿಂದ ಮಾಲೂರು ತಾಲ್ಲೂಕಿಗೆ ಕೆಸಿ ವ್ಯಾಲಿ ನೀರು ಹರಿಸುತ್ತಿದ್ದು, ಶಿವಾರಪಟ್ಟಣದ ಕೆರೆಗೆ 
60 ಎಂಎಲ್‍ಡಿ ನೀರು ಹರಿಸಲಾಗುತ್ತಿತ್ತು.   ಆದರೆ ಇತ್ತೀಚಿನ ದಿನಗಳಲ್ಲಿ 20 ರಿಂದ 25 ಎಂಎಲ್‍ಡಿ ನೀರು ಮಾತ್ರ ಬರುತ್ತಿದೆ. ಇದರಿಂದ ಕೆರೆಗಳು ತುಂಬುವುದು ನಿಧಾನವಾಗುತ್ತಿದೆ. ಇದರ ಬಗ್ಗೆ ಸೂಕ್ತ ಕ್ರಮ ಜರುಗಿಸಿ ಮುಂದಿನ ದಿನಗಳಲ್ಲಿ 60  ಎಂಎಲ್‍ಡಿ ನೀರನ್ನು ನೀಡಲೇಬೇಕು ಎಂದು ಹೇಳಿದರು. 
ಬಂಗಾರಪೇಟೆ ವಿಧಾನಸಭಾ ಕ್ಷೇತ್ರದ ಎಸ್.ಎನ್. ನಾರಾಯಣಸ್ವಾಮಿ ಅವರು ಮಾತನಾಡಿ ಕೆಸಿ ವ್ಯಾಲಿ ಯೋಜನೆಯನ್ನು ಜಾರಿಗೆ ತರಲು ರಮೇಶ್‍ಕುಮಾರ್ ಅವರ ಶ್ರಮ ಅಪಾರವಾಗಿದೆ. ಯಾವುದೇ ಕಾರಣಕ್ಕೂ ನೀರು ನಿಲ್ಲಿಸದೆ ಕಡ್ಡಾಯವಾಗಿ ಕೆರೆಗಳಿಗೆ ನೀರು ಹರಿಸುವುದು ಯೋಜನೆಯ ಉದ್ದೇಶವಾಗಿದೆ. ಕಳ್ಳತನವಾಗುತ್ತಿರುವ ನೀರನ್ನು ತಡೆಯಬೇಕು ಎಂದು ಅಧಿಕಾರಿಗಳಿಗೆ ಸೂಚಿಸಿದರು. 
ಕೆ.ಜಿ.ಎಫ್. ವಿಧಾನಸಭಾ ಕ್ಷೇತ್ರದ ಶಾಸಕರಾದ ರೂಪಕಲಾ ಶಶಿಧರ್ ಅವರು ಮಾತನಾಡಿ ಕೆ.ಸಿ ವ್ಯಾಲಿ ನೀರನ್ನು ಬೇತಮಂಗಲ ಮತ್ತು ರಾಮಸಾಗರ ಕೆರೆಗಳಿಗೆ ಶೀಘ್ರದಲ್ಲಿಯೇ ಬಿಡಬೇಕು ಎಂದ ಅವರು ಕೆ ಸಿ ವ್ಯಾಲಿ ನೀರಿನ ಪ್ರಸ್ತುತ ಪರಿಸ್ಥಿತಿಯ ಬಗ್ಗೆ ಅಧಿಕಾರಿಗಳಿಂದ ಮಾಹಿತಿಯನ್ನು ಪಡೆದುಕೊಂಡರು. 
ಜಿಲ್ಲಾಧಿಕಾರಿಗಳಾದ ಸಿ.ಸತ್ಯಭಾಮ ಅವರು ಮಾತನಾಡಿ ಜಿಲ್ಲೆಗೆ ಕೆ ಸಿ ವ್ಯಾಲಿ ಯೋಜನೆಯಿಂದ 400 ಎಂಎಲ್‍ಡಿ ನೀರು ಬರಬೇಕಿತ್ತು.  ಆದರೆ 250 ಎಂಎಲ್‍ಡಿ ನೀರು ಮಾತ್ರ ಬರುತ್ತಿದೆ ಮುಂದಿನ ದಿನಗಳಲ್ಲಿ ನೀರಿನ ಪ್ರಮಾಣ ಹೆಚ್ಚಿಸಬೇಕು. ಕೆರೆಯ ಸುತ್ತಮುತ್ತಲಿನ ಪ್ರದೇಶವನ್ನು ಬಫರ್ ಜೋನ್ ಎಂದು ಘೋಷಣೆ ಮಾಡಿದರೆ ಕೆರೆಯ ನೀರು ಸೋರಿಕೆಯಾಗದಂತೆ ಕಾಪಾಡಿಕೊಳ್ಳಬಹುದು ಎಂದು ಸಭೆಗೆ ಮಾಹಿತಿ ನೀಡಿದರು. 
ಸಭೆಯಲ್ಲಿ ಜಿಲ್ಲಾ ಪಂಚಾಯತ್ ಅಧ್ಯಕ್ಷರಾದ ಸಿ.ಎಸ್.ವೆಂಕಟೇಶ್, ಜಿಲ್ಲಾ ಪಂಚಾಯತ್‍ನ ಮುಖ್ಯ ಕಾರ್ಯನಿರ್ವಹಣಾಧಿಕಾರಿಯಾದ ಹೆಚ್.ವಿ ದರ್ಶನ್, ಕೋಲಾರ ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿಗಳಾದ ಕಾರ್ತಿಕ್ ರಡ್ಡಿ, ಕೆ.ಜಿ.ಎಫ್ ಪೋಲಿಸ್ ವರಿಷ್ಠಾಧಿಕಾರಿಗಳಾದ ಮಹಮದ್ ಸುಜಿತಾ, ಅಪರ ಜಿಲ್ಲಾಧಿಕಾರಿಗಳಾದ ಶಿವಸ್ವಾಮಿ, ಕೋಲಾರ ಉಪವಿಭಾಗಾಧಿಕಾರಿಗಳಾದ ಸೋಮಶೇಖರ್, ಸಣ್ಣ ನೀರಾವರಿ ಇಲಾಖೆಯ ಅಧಿಕಾರಿಗಳು ಹಾಗೂ ಜಿಲ್ಲಾ ಮಟ್ಟದ ವಿವಿಧ ಇಲಾಖೆಗಳ ಅಧಿಕಾರಿಗಳು ಸೇರಿದಂತೆ ಮತ್ತಿತರು ಭಾಗವಹಿಸಿದ್ದರು.

ರಾಜ್ಯದಲ್ಲಿ ಒಟ್ಟಾರೆ 20 ಕರೋನಾ ಪ್ರಕರಣಗಳು ಕಂಡು ಬಂದಿವೆ – ಡಾ|| ಕೆ.ಸುಧಾಕರ್

ವರದಿ ಶಬ್ಬೀರ್ ಅಹಮ್ಮದ್ ಶ್ರೀನಿವಾಸಪುರ
ರಾಜ್ಯದಲ್ಲಿ ಒಟ್ಟಾರೆ 20 ಕರೋನಾ ಪ್ರಕರಣಗಳು ಕಂಡು ಬಂದಿವೆ – ಡಾ|| ಕೆ.ಸುಧಾಕರ್
ಕೋಲಾರ: ಇಂದು ಒಂದೇ ದಿನ ರಾಜ್ಯದಲ್ಲಿ ಹೊಸದಾಗಿ 5 ಕರೋನಾ ಪ್ರಕರಣಗಳು ಕಂಡು ಬರುವದರೊಂದಿಗೆ ಒಟ್ಟಾರೆ ರಾಜ್ಯದಲ್ಲಿ ಇದುವರೆಗೆ (21-03-2020  ರ ವರೆಗೆ) 20 ಕರೋನಾ ಪ್ರಕರಣಗಳು ಕಂಡು ಬಂದಿವೆ ಎಂದು ವೈದ್ಯಕೀಯ ಶಿಕ್ಷಣ ಸಚಿವರಾದ ಡಾ|| ಕೆ. ಸುಧಾಕರ್ ಅವರು ತಿಳಿಸಿದರು.
ಇಂದು ಜಿಲ್ಲಾಧಿಕಾರಿಗಳ ಕಛೇರಿಯ ನ್ಯಾಯಾಂಗ ಸಭಾಂಗಣದಲ್ಲಿ ಹಮ್ಮಿಕೊಂಡಿದ್ದ ಕರೋನಾ ವೈರಸ್ ಕುರಿತ ಜಾಗೃತಿ ಸಭೆಯ ಅಧ್ಯಕ್ಷತೆ ವಹಿಸಿ ಅವರು ಮಾತನಾಡಿದರು. ಇಂದು ಗೌರಿಬಿದನೂರಿನಲ್ಲಿ 1, ಮೈಸೂರಿನಲ್ಲಿ 1, ಹಾಗೂ ಬೆಂಗಳೂರಿನಲ್ಲಿ 3 ಪ್ರಕರಣಗಳು ಪತ್ತೆಯಾಗಿವೆ.  ಈ 20 ಪ್ರಕರಣಗಳಲ್ಲಿ 4 ರಿಂದ 5 ಜನ ಗುಣಮುಖರಾಗಿದ್ದು, ಅವರನ್ನು ಒಂದು ವಾರದ ನಂತರ ಡಿಸ್ಚಾರ್ಜ್ ಮಾಡಲಾಗುವುದು.  ಕರೋನಾ ವೈರಸ್‍ನಲ್ಲಿ ಭಾರತವು ಎರಡನೇ ಹಂತದಲ್ಲಿದ್ದು, ಮುಂದಿನ ಹಂತಕ್ಕೆ ಹೋಗದಂತೆ ಮುನ್ನೆಚ್ಚರಿಕೆ ಕ್ರಮವನ್ನು ವಹಿಸಬೇಕು.  ಆದ್ದರಿಂದ ಎಲ್ಲಾ ರೀತಿಯ ಜಾಗೃತಿ ಕ್ರಮಗಳನ್ನು ಕೈಗೊಂಡಿದ್ದು, ಸಾರ್ವಜನಿಕರು ಸಹಕರಿಸಬೇಕು ಎಂದು ತಿಳಿಸಿದರು.
20 ದಿನಗಳಿಂದ ಹೊರದೇಶದಿಂದ ಬಂದವರನ್ನು ಕಡ್ಡಾಯವಾಗಿ ಹೋಂ ಕ್ವಾರಂಟೈನ್‍ನಲ್ಲಿ ಇರಿಸಬೇಕು. ಅವರು ಟ್ರಾವೆಲ್ ಹಿಸ್ಟರಿ ಪ್ರಮುಖವಾಗಿದ್ದು, ಇದರ ಬಗ್ಗೆ ಜಾಗೃತಿ ವಹಿಸಬೇಕು.  ಖಾಸಗಿ ಮೆಡಿಕಲ್ ಕಾಲೇಜಿಗಳಲ್ಲೂ ಬೆಡ್‍ಗಳನ್ನು ಕಾಯ್ದಿರಿಸಬೇಕು.  ಪ್ರತಿ ಐಸೋಲೇóಷನ್ ಬೆಡ್‍ಗೂ 1.5 ಮೀಟರ್ ಅಂತರವಿರಬೇಕು.  ಅತಿ ಹೆಚ್ಚು ಜನಸಂದಣಿ ಆಗುವ ಸರ್ಕಾರಿ ಕಛೇರಿಗಳಾದ ಕಂದಾಯ ಇಲಾಖೆ, ಸಬ್‍ರಿಜಿಸ್ಟರ್ ಹಾಗೂ ಕೋರ್ಟ್‍ಗಳಲ್ಲಿ ಅಗತ್ಯ ಸೇವೆಗಳನ್ನು ಹೊರತು ಪಡಿಸಿ, ಉಳಿದ ಸೇವೆಗಳನ್ನು ತಾತ್ಕಾಲಿಕವಾಗಿ ರದ್ದುಪಡಿಸುವಂತೆ ಜಿಲ್ಲಾಧಿಕಾರಿಗಳಿಗೆ ಸೂಚಿಸಿದರು.
ಅದೇ ರೀತಿ ಆಸ್ಪತ್ರೆಗಳಲ್ಲೂ ತುರ್ತು ಸೇವೆಗಳನ್ನು ಮಾತ್ರ ನೀಡಿ ಮುಂದಿನ 2-3 ವಾರಗಳ ನಂತರ ನೀಡಬಹುದಾದ ಸೇವೆಗಳನ್ನು ಮುಂದೂಡಿ.  ಇಂದಿನಿಂದಲೇ ಬಾರ್ ಮತ್ತು ರೆಸ್ಟೋರೆಂಟ್‍ಗಳನ್ನು ಬಂದ್ ಮಾಡಬೇಕು.  ಹೋಟೆಲ್‍ಗಳಲ್ಲಿ ಪಾರ್ಸಲ್ ಸೇವೆಯನ್ನು ಮಾತ್ರ ನೀಡಬೇಕು.  ಎಲ್ಲರೂ ಮಾಸ್ಕ್ ಧರಿಸುವ ಅಗತ್ಯವಿಲ್ಲ.  ರೋಗದ ಲಕ್ಷಣಗಳು ಕಂಡು ಬಂದವರು ಹಾಗೂ ಹೊರ ದೇಶದಿಂದ ಬಂದವರು ಮಾಸ್ಕ್ ಧರಿಸಬಹುದು.  ಕೋವಿಡ್-19 ದೃಢಪಟ್ಟವರು ಮಾತ್ರ ಎನ್-95 ಮಾಸ್ಕ್ ಧರಿಸಬೇಕು ಎಂದು ತಿಳಿಸಿದರು.
ಈ ಸಂದರ್ಭದಲ್ಲಿ ಅಬಕಾರಿ ಮತ್ತು ಜಿಲ್ಲಾ ಉಸ್ತುವಾರಿ ಸಚಿವರಾದ ಹೆಚ್.ನಾಗೇಶ್, ಕೋಲಾರ ಲೋಕಸಭಾ ಸಂಸದರಾದ ಎಸ್.ಮುನಿಸ್ವಾಮಿ, ಕೋಲಾರ ವಿಧಾನಸಭಾ ಕ್ಷೇತ್ರದ ಶಾಸಕರಾದ ಕೆ.ಶ್ರೀನಿವಾಸಗೌಡ, ಜಿಲ್ಲಾ ಪಂಚಾಯತ್ ಅಧ್ಯಕ್ಷರಾದ ಸಿ.ಎಸ್.ವೆಂಕಟೇಶ್, ಜಿಲ್ಲಾಧಿಕಾರಿಗಳಾದ ಸಿ.ಸತ್ಯಭಾಮ, ಜಿಲ್ಲಾ ಪಂಚಾಯತ್‍ನ ಮುಖ್ಯ ಕಾರ್ಯನಿರ್ವಹಣಾಧಿಕಾರಿಯಾದ ಹೆಚ್.ವಿ ದರ್ಶನ್, ಕೋಲಾರ ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿಗಳಾದ ಕಾರ್ತಿಕ್ ರಡ್ಡಿ, ಕೆ.ಜಿ.ಎಫ್ ಪೋಲಿಸ್ ವರಿಷ್ಠಾಧಿಕಾರಿಗಳಾದ ಮಹಮದ್ ಸುಜಿತಾ, ಅಪರ ಜಿಲ್ಲಾಧಿಕಾರಿಗಳಾದ ಶಿವಸ್ವಾಮಿ, ಕೋಲಾರ ಉಪವಿಭಾಗಾಧಿಕಾರಿಗಳಾದ ಸೋಮಶೇಖರ್, ಜಿಲ್ಲಾ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣಾಧಿಕಾರಿಗಳಾದ ಡಾ|| ವಿಜಯ್‍ಕುಮಾರ್ ಸೇರಿದಂತೆ, ಆರೋಗ್ಯ ಇಲಾಖೆಯ ಅಧಿಕಾರಿಗಳು ಹಾಗೂ ವಿವಿಧ ಇಲಾಖೆಗಳ ಅಧಿಕಾರಿಗಳು ಉಪಸ್ಥಿತರಿದ್ದರು.

ಕೋಲಾರ ಜಿಲ್ಲೆಯಿಂದ ವರ್ಗಾವಣೆಯಾದರೂ ನಿಮ್ಮಗಳ ಮತ್ತು ಜನತೆ ತೋರಿರುವ ಪ್ರೀತಿ ವಿಶ್ವಾಸ ಭಾಂದ್ಯವಗಳನ್ನು ಹಾಗೂ ಸಹಕಾರವನ್ನು ಮರೆಯಲು ಸಾಧ್ಯವಿಲ್ಲ : ನಿರ್ಗಮಿತ ಜಿಲ್ಲಾಧಿಕಾರಿ ಜೆ.ಮಂಜುನಾಥ್

ವರದಿ: ಶಬ್ಬೀರ್ ಅಹ್ಮದ್, ಶ್ರೀನಿವಾಸಪುರ

 

 

ಕೋಲಾರ ಜಿಲ್ಲೆಯಿಂದ ವರ್ಗಾವಣೆಯಾದರೂ ನಿಮ್ಮಗಳ ಮತ್ತು ಜನತೆ ತೋರಿರುವ ಪ್ರೀತಿ ವಿಶ್ವಾಸ ಭಾಂದ್ಯವಗಳನ್ನು ಹಾಗೂ ಸಹಕಾರವನ್ನು ಮರೆಯಲು ಸಾಧ್ಯವಿಲ್ಲ : ನಿರ್ಗಮಿತ ಜಿಲ್ಲಾಧಿಕಾರಿ ಜೆ.ಮಂಜುನಾಥ್

 

 

 

ಕೋಲಾರ,ಮಾ,22- ಕೋಲಾರ ಜಿಲ್ಲೆಯಿಂದ ವರ್ಗಾವಣೆಯಾದರೂ ನಿಮ್ಮಗಳ ಮತ್ತು ಜನತೆ ತೋರಿರುವ ಪ್ರೀತಿ ವಿಶ್ವಾಸ ಭಾಂದ್ಯವಗಳನ್ನು ಹಾಗೂ ಸಹಕಾರವನ್ನು ಮರೆಯಲು ಸಾಧ್ಯವಿಲ್ಲ. ರಾಜ್ಯ ಮಟ್ಟದ ಯಾವೂದೇ ಹುದ್ದಗೆ ಹೋದರೂ ಕೋಲಾರ ಅಭಿವೃದ್ದಿಗೆ ಪ್ರಥಮ ಅದ್ಯತೆ ನೀಡುವುದಾಗಿ ನಿರ್ಗಮಿತ ಜಿಲ್ಲಾಧಿಕಾರಿ ಜೆ.ಮಂಜುನಾಥ್ ಭರವಸೆ ನೀಡಿದರು.
ನಗರದ ಜಿಲ್ಲಾ ಕಾರ್ಯನಿರತ ಪತ್ರಕರ್ತರ ಸಂಘವು ಆಯೋಜಿಸಿದ್ದ ಬೀಳ್ಗೊಡುಗೆ ಸಮಾರಂಭದಲ್ಲಿ ಅವರು ಮಾತನಾಡುತ್ತಾ ಜಿಲ್ಲೆಯ ಜನತೆಯು ನೀಡಿದ ಸಹಕಾರದಿಂದ ಅನೇಕ ಸಮಸ್ಯೆಗಳು ಮತ್ತು ಸವಾಲುಗಳನ್ನು ಎದುರಿಸಲು ಸಾಧ್ಯವಾಯಿತು. ಕಳೆದ ಒಂದೂವರೆ ವರ್ಷದ ಆಡಳಿತವು ಅನೇಕ ಅನುಭವಗಳನ್ನು ನೀಡಿದ್ದು ಇದರಿಂದ ಹೆಚ್ಚಿನ ಜ್ಞಾನ ಹೊಂದಲು ಪೂರಕವಾಯಿತು ಎಂದರು.
ಕೋಲಾರವು ರಾಜಧಾನಿ ಬೆಂಗಳೂರಿಗೆ ಸಮೀಪವಾಗಿದ್ದರೂ ನಿರೀಕ್ಷಿತ ಅಭಿವೃದ್ದಿಯಲ್ಲಿ ಹಿನ್ನಡೆ ಕಂಡು ಬರುತ್ತಿದ್ದರಿಂದ ಕೈಗಾರಿಕೆಗಳಿಗೆ ಹೆಚ್ಚಿನ ನೀಡಲಾಯಿತು. ಇವುಗಳಿಗೆ ಅಗತ್ಯವಾದ ಮೂಲಭೂತ ಸೌಲಭ್ಯಗಳನ್ನು ಒದಗಿಸಲು ಹೆಚ್ಚಿನ ಒತ್ತು ನೀಡಲಾಯಿತು. ಶಾಂತಿ ಸುವ್ಯವಸ್ಥೆಗಳು ಸಮರ್ಪಕವಾಗಿದ್ದಲ್ಲಿ ಕೈಗಾರಿಕೆಗಳು ಬರಲು ಹಾಗಾಗಿ ವಿಶೇಷ ನಿಗವಹಿಸಿ ಅನೇಕ ಸಮಸ್ಯೆಗಳನ್ನು ಬಗೆಹರಿಸಲಾಯಿತು ಎಂದು ಹೇಳಿದರು.
ಉತ್ತಮ ಆಡಳಿತ ನಿರ್ವಹಣೆಗೆ ಅಧಿಕಾರಿಗಳ ವಿಶ್ವಾಸ ಪಡೆಯ ಬೇಕು. ಪ್ರೀತಿಯಿಂದ ಮಾತನಾಡಿ ಅವರಿಂದ ಕೆಲಸ ಪಡೆಯ ಬೇಕು. ಉತ್ತಮ ಕೆಲಸಗಳನ್ನು ನಿರ್ವಹಿಸಿದಾಗ ಅವರನ್ನು ಶ್ಲಾಘಿಸುವ ಮೂಲಕ ಉತ್ತೇಚಿಸಿದರೆ ತಮ್ಮ ಕರ್ತವ್ಯದಲ್ಲಿ ಹೆಚ್ಚಿನ ಕಾಳಜಿವಹಿಸುತ್ತಾರೆ ಈ ಮೂಲಕ ಸಮಸ್ಯೆಗಳನ್ನು ಮತ್ತು ಸವಾಲುಗಳನ್ನು ನಿಭಾಯಿಸಲು ಸಾಧ್ಯವಾಗುತ್ತೆ ಎಂದು ತಿಳಿಸಿದರು.
ಜಿಲ್ಲೆಯಲ್ಲಿ ಅಧಿಕಾರ ವಹಿಸಿ ಕೊಂಡ ನಂತರ ಸಂಸತ್ ಚುನಾವಣೆ, ಡಿಸಿಸಿ ಬ್ಯಾಂಕ್ ಚುನಾವಣೆ, ಸ್ಥಳೀಯ ಸಂಸ್ಥೆಗಳ ಚುನಾವಣೆಗಳು, ಆರೋಗ್ಯ ಇಲಾಖೆಯ ಅಭಿವೃದ್ದಿಗೆ ಒತ್ತು ನೀಡಿರುವುದರಿಂದ ಪ್ರಶಸ್ತಿಗಳು ಗಳಿಸಲು ಸಾಧ್ಯವಾಯಿತು, 100 ಹಾಸಿಗೆಯ ಆಸ್ಪತ್ರೆ, ಕೆ.ಸಿ.ವ್ಯಾಲಿ ನೀರಾವರಿ ಯೋಜನೆ ಅನುಷ್ಠನ, ಯರ್‍ಗೋಳ್ ಯೋಜನೆ, ಚೆಕ್‍ಡ್ಯಾಮ್‍ಗಳ ನಿರ್ಮಾಣ, 16 ಎಕರೆ ಜಮೀನು ಕ್ರಿಕೆಟ್ ಸ್ಟೇಡಿಯಂಗೆ ಮಂಜೂರಾತಿ , ಜಿಲ್ಲಾಧಿಕಾರಿಗಳ ಕಚೇರಿಯಲ್ಲಿ ದಾಖಲಾದ ಪ್ರಕರಣಗಳ ಕಂದಾಯ ಇಲಾಖೆಯ ಪಿ. ನಂಬರ್, ಗಣೇಶೋತ್ಸವ, ಸಿ.ಎ.ಎ ಪ್ರತಿಭಟನೆಯ ಘಟನಾವಳಿಗಳು, ರಾಜ್ಯ ಮಟ್ಟದ ಪ್ರತಿಭಾ ಕಾರಂಜಿ, ಉದ್ಯೋಗ ಮೇಳ ಯಶಸ್ವಿಗೊಳಿಸಲಾಯಿತು ಎಂದರು.
ಟೋರಿಸಂ ಇಲಾಕೆಯಲ್ಲಿ 111 ಮಂದಿಗೆ ಟ್ಯಾಕ್ಸಿ ಮಂಜೂರಾತಿ, ಹಳೇ ಡಿಸಿ ಕಚೇರಿಯನ್ನು ಮ್ಯೂಸಿಯಂ, ಹಲಸು 49 ತಳಿಗಳ ಮೇಳ, ಮಾವು ಮೇಳಾ, ನರಸಾಪುರ, ಕೋಲಾರಮ್ಮ ಕೆರೆಯ ಜೂತೆಗೆ ಈಗಿನ ಡಿಸಿ ಕಚೇರಿ ಹಿಂಭಾದ ಕೆರೆಯಲ್ಲಿ ಬೋಟಿಂಗ್ ಉದ್ಯಾನವನ, ವಾಕಿಂಗ್ ಪಾಥ್, ನಗರದ ಸ್ಟೇಡಿಯಂ ಅಭಿವೃದ್ದಿ, ಅಮೃತ ಯೋಜನೆಯಡಿ ಯು.ಜಿ.ಡಿ. ಯರ್‍ಗೋಳ್ ಪೈಪುಗಳ ಅಳವಡಿಕೆ, ರಸ್ತೆಗಳ ಅಭಿವೃದ್ದಿ ಟೆಂಡರ್ ಸಹ ಅಗಿತ್ತು ಅದರೆ ನೆರೆಹಾವಳಿಯಿಂದಾಗಿ ನೆನಗುದಿಗೆ ಬಿದ್ದಿತು. ಕಂದಾಯ ಇಲಾಖೆಯಲ್ಲಿದ್ದ ಖಾಲಿ ಹುದ್ದಗಳ ಭರ್ತಿ, ಮುಂತಾದ ಸಾಧನೆಗಳನ್ನು ವಿವರಿಸಿದರು.
ನೂತನ ಜಿಲ್ಲಾಧಿಕಾರಿ ಸಿ.ಸತ್ಯಭಾಮ ಸ್ವಾಗತ ಸಮಾರಂಭದಲ್ಲಿ ಮಾತನಾಡಿ ಜಿಲ್ಲೆಯ ಜನತೆ ಒರಟಾದರೂ ಪ್ರೀತಿ, ವಿಶ್ವಾಸಗಳು ಅಪಾರವಾಗಿದೆ ಎಂಬುವುದನ್ನು ಈ ಹಿಂದೆ ಜಿಲ್ಲಾಧಿಕಾರಿ ಡಿ.ಕೆ.ರವಿ ಅವರು ನಿಧನರಾದಗ ಟಿ.ವಿ.ಗಳಲ್ಲಿ ಅದನ್ನು ಕಂಡೆ ಎಂದು ನೆನಪಿಸಿದರು.
ಜಿಲ್ಲೆಯ ಜನತೆಯು ಡಿ.ಕೆ.ರವಿ ಅವರ ಮೇಲೆ ಇಟ್ಟಿದ್ದ ಪ್ರೀತಿ ವಿಶ್ವಾಸಗಳು ಜಿಲ್ಲೆಯ ಇತಿಹಾಸದಲ್ಲಿ ಅವಿಸ್ಮರಣೆಯ ಸಂಗತಿಯಾಗಿದೆ. ಅದೇ ರೀತಿ ಜೆ,.ಮಂಜುನಾಥ್ ಅವರು ಜನಪರ ಕೆಲಸಗಳನ್ನು ಮಾಡಿ ಜನಪ್ರಿಯರಾಗಿದ್ದಾರೆ ಎಂಬುವುದು ಜನತೆಯು ತೋರುತ್ತಿರುವ ಪ್ರೀತಿ, ವಿಶ್ವಾಸಗಳಿಂದ ಅರಿತಿರುವೆ ಅವರು ತೋರಿದ ಮಾರ್ಗದರ್ಶನದಲ್ಲಿ ನನ್ನ ಕರ್ತವ್ಯವನ್ನು ಪ್ರಮಾಣಿಕವಾಗಿ ನಿರ್ವಹಿಸುತ್ತೇನೆಂದರು.
ಜಿಲ್ಲೆಯಲ್ಲಿ ಪ್ರಮುಖವಾಗಿ ನೀರಿನ ಸಮಸ್ಯೆ ಒಂದು ಸವಾಲು ಅಗಿದೆ. ಜೂತೆಗೆ ದರಖಾಸ್ತು, ಪೋಡಿಗಳ ಸಮಸ್ಯೆಗಳು ಬಗೆ ಹರಿಸುವುದು ಸುಲಭವಾದ ಕೆಲಸವಲ್ಲ,ಕೆ.ಸಿ.ವ್ಯಾಲಿ ಸಂಸ್ಕರಣ ನೀರನ್ನು ಕೆರೆಗಳಿಸುತ್ತಿರುವ ಉದ್ದೇಶ ಅಂತರ್ಜಲ ಅಭಿವೃದ್ದಿಯಾಗಿದ್ದು ಅದನ್ನು ಸದ್ಬಳಿಸಿ ಕೊಳ್ಳ ಬೇಕು. ಜಿಲ್ಲೆಗೆ 440 ಎಂ.ಎಲ್.ಡಿ. ನೀರು ಹರಿಸ ಬೇಕಾಗಿದೆ. ಪರಿಸರ ಅಭಿವೃದ್ದಿಗೆ ಹೆಚ್ಚು ಗಿಡಮರಗಳನ್ನು ಬೆಳೆಸ ಬೇಕು, ಕೆರೆ, ಕಾಲುವೆ, ಸರ್ಕಾರಿ ಜಾಗಗಳ ಒತ್ತುವರಿಯನ್ನು ತೆರವು ಮಾಡುವುದು, ಪ್ಲಾಸ್ಟಿಕ್ ನಿರ್ಮೂಲನೆ, ಸ್ವಚ್ಚ ಶನಿವಾರ ಜಾರಿಗೆ ತರ ಬೇಕು. ಸೇರಿದಂತೆ ಅನೇಕ ಸಮಸ್ಯೆಗಳನ್ನು ಬಗೆ ಹರಿಸ ಬೇಕಾಗಿರುವುದನ್ನು ಸವಾಲಾಗಿ ಸ್ವೀಕರಿಸಿ ಎಲ್ಲರ ಸಹಕಾರದಿಂದ ಮತ್ತು ಹಿರಿಯ ಜಿಲ್ಲಾಧಿಕಾರಿ ಮಂಜುನಾಥ್ ಮುಂತಾದವರ ಮಾರ್ಗದರ್ಶನದಲ್ಲಿ ಜನಪರವಾಗಿ ಪಾರದರ್ಶಕ ಆಡಳಿತ ನೀಡುವುದಾಗಿ ತಿಳಿಸಿದರು.
ಜಿಲ್ಲಾ ಪಂಚಾಯಿತಿ ಸಿ.ಇ.ಓ. ದರ್ಶನ್ ಮಾತನಾಡಿ ಮಾದ್ಯಮಗಳು ಟೀಕೆಯ ಟಿಪ್ಪಟಣೆಗಳ ಜೂತೆಗೆ ಉತ್ತೇಜನ ಮತ್ತು ಪ್ರೋತ್ಸಾಹ ನೀಡುತ್ತಿರುವುದು ಜಿಲ್ಲಾ ಕಾರ್ಯನಿರತ ಪತ್ರಕರ್ತರ ಸಂಘವು ಮಾದರಿಯಾಗಿದೆ. ಇದರಿಂದ ಇನ್ನು ಹೆಚ್ಚಿನ ಕೆಲಸ ಮಾಡಲು ಉತ್ಸಾಹ ತುಂಬಿದಂತಾಗುವುದು. ಅನೇಕ ವಿಷಯಗಳ ಮಾಹಿತಿಯನ್ನು ನೀಡುವ ಮೂಲಕ ಉತ್ತಮ ಕೆಲಸ ನಿರ್ವಹಿಸುತ್ತಿರುವುದು ಶ್ಲಾಘನೀಯ. ಕಾನೂನು ವ್ಯಾಪ್ತಿಯಲ್ಲಿ ಕೆಲಸ ನಿರ್ವಹಣೆಗೆ ಎಲ್ಲರ ಸಹಕಾರ ಅಗತ್ಯವಾಗಿದೆ ಎಂದರು.
ಕೆಲವೊಮ್ಮೆ ಕೆಲಸದ ಒತ್ತಡದಲ್ಲಿ ಮೊಬೈಲ್ ಕರೆಗಳನ್ನು ಸ್ವೀಕರಿಸಲು ಸಾಧ್ಯವಾಗದು, ಇಂಥಹ ಸಂಧರ್ಭದಲ್ಲಿ ಮೇಸೇಜ್, ವಾಟ್ಸಆ್ಯಪ್ ಮಾಡಿ ಬಿಡುವಿನ ನಂತರ ಅದಕ್ಕೆ ಉತ್ತರಿಸಲು ಸಾಧ್ಯವಾಗತ್ತೆ ಇದನ್ನು ಯಾರು ಅನ್ಯತಾ ಭಾವಿಸಬಾರದು ಎಂದು ಹೇಳಿದರು.
ಜಿಲ್ಲಾಧಿಕಾರಿ ಜೆ.ಮಂಜುನಾಥ್ ಅವರು ಇದ್ದಾಗ ನನಗೆ ಯಾವೂದೇ ಸಮಸ್ಯೆಗಳು ನಿಭಾಯಿಸಲು ಧೈರ್ಯವಿತ್ತು ಅವರ ಮಾರ್ಗದರ್ಶನ ನನಗೆ ಧೈರ್ಯ ಸ್ಥರ್ಯ ತುಂಭುತ್ತಿತ್ತು. ಅವರ ಅಗಲಿಕೆ ನಿಮ್ಮಂತೆ ನನಗೂ ನೋವುಂಟಾಗಿದೆ. ಅವರು ಎಲ್ಲೆ ಇದ್ದರೂ ಸಂರ್ಪಕದಲ್ಲಿದ್ದು ಅವರ ಸಲಹೆಗಳನ್ನು ಪಡೆದು ಮುಂದುವರೆಯುವುದಾಗಿ ತಿಳಿಸಿದರು.
ಇದೇ ಸಂದರ್ಭದಲ್ಲಿ ಅನಿರೀಕ್ಷಿತವಾಗಿ ಶಾಸಕ ಕೆ.ವೈ.ನಂಜೇಗೌಡರು ಕಾರ್ಯಕ್ರಮಕ್ಕೆ ಅಗಮಿಸಿ ನಿಕಟಪೂರ್ವ ಜಿಲ್ಲಾಧಿಕಾರಿ ಜೆ.ಮಂಜುನಾಥ್ ಅವರಿಗೆ ಪುಷ್ಪಗುಚ್ಚ ನೀಡಿ ನಿಮ್ಮನ್ನು ಉಳಿಸಿ ಕೊಳ್ಳಲು ಸಾಧ್ಯವಾಗದೆ ಹೋದದ್ದು ನೋವಿನ ವಿಷಾಯವಾಗಿದೆ. ಅದರೆ ನೀವು ಮಾಡಿರುವ ಜನಪರ ಕಾರ್ಯಗಳನ್ನು ನಮ್ಮ ಕ್ಷೇತ್ರದ ಜನತೆ ಎಂದಿಗೂ ಮರೆಯಲು ಸಾಧ್ಯವಿಲ್ಲ ಎಂದು ಹೇಳಿದರು.
ಹಲವಾರು ವರ್ಷಗಳಿಂದ ಜನತೆ ಹಣ ಕಟ್ಟಿದ್ದರೂ ನಿವೇಶಗಳು ಮಂಜೂರಾತಿ ಇಲ್ಲದೆ ತ್ರಿಶಂಕು ಸ್ಥಿತಿಯಲ್ಲಿದ್ದವರ ಸಮಸ್ಯೆಯನ್ನು ಬಗೆಹರಿಸಿ 1200 ಮಂದಿಗೆ ನಿವೇಶ ಮಂಜೂರಾತಿ ನೀಡಿದರು. ಟೇಕಲ್‍ನಲ್ಲಿ ಸರ್ಕಾರದ ವಿವಿಧ ಯೋಜನೆಗಳಿಗೆ 39.5 ಎಕರೆ ಜಮೀನು ಮಂಜೂರಾತಿ, ಚಿಕ್ಕತಿರುಪತಿ ಮತ್ತು ಶಿವಾರ ಪಟ್ಟಣದ ಅಭಿವೃದ್ದಿಗೆ ಮಂಜುನಾಥ್ ಅವರ ಕೊಡುಗೆ ಅಪಾರವಾಗಿದೆ ಎಂದರು.
ಜಿಲ್ಲಾ ಕಾರ್ಯನಿರತ ಪತ್ರಕರ್ತರ ಸಂಘದ ಅಧ್ಯಕ್ಷ ವಿ.ಮುನಿರಾಜು ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸಿ ಮಾತನಾಡುತ್ತಾ, ಯಾವುದೇ ಅಧಿಕಾರಿಗಳು ಕೋಲಾರಕ್ಕೆ ಬಂದಾಗ ಮತ್ತು ಇಲ್ಲಿಂದ ವರ್ಗಾವಣೆ ಆದಾಗ ಪತ್ರಕರ್ತರ ಸಂಘದಿಂದ ಅಭಿನಂದನೆ ಮತ್ತು ಬೀಳ್ಕೊಡುಗೆ ಕಾರ್ಯಕ್ರಮವನ್ನು ಹಮ್ಮಿಕೊಳ್ಳುವ ಪದ್ದತಿ ಹಿಂದಿನಿಂದಲೂ ನಡೆಸಿಕೊಂಡು ಬರುವುದು ವಾಡಿಕೆಯಲ್ಲಿದೆ. ಅದೇ ಹಾದಿಯಲ್ಲಿ ಇಂದು ನಿರ್ಗಮಿತ ಜಿಲ್ಲಾಧಿಕಾರಿ ಜೆ.ಮಂಜುನಾಥ್, ನೂತನ ಜಿಲ್ಲಾಧಿಕಾರಿ ಸಿ.ಸತ್ಯಭಾಮ, ಸಿ.ಇ.ಓ ದರ್ಶನ್ ರವರನ್ನು ಸನ್ಮಾನಿಸುತ್ತಿರುವುದು ಸಂತಸದ ವಿಷಯ ಎಂದರು.
ಯಾವುದೇ ಅಧಿಕಾರಿ ತಮ್ಮ ಅಧಿಕಾರಾವಧಿಯಲ್ಲಿ ಅಭಿವೃದ್ಧಿಗೆ ಒತ್ತು ನೀಡಿ ಜನ ಸಾಮಾನ್ಯರ ಕೆಲಸಗಳಿಗೆ ಸ್ಪಂದಿಸಿ ಜನರು ನೆನಪಿನಲ್ಲಿ ಉಳಿಯುವಂತಹ ಕೆಲಸವನ್ನು ಮಾಡಿದಾಗ ಮಾತ್ರ ಸಾರ್ಥಕತೆ ಎಂದ ಅವರು ಹಿಂದಿನ ಜಿಲ್ಲಾಧಿಕಾರಿಗಳಾದ ಡಿ.ಕೆ.ರವಿ, ತ್ರಿಲೋಕಚಂದ್ರ, ಜೆ.ಮಂಜುನಾಥ್ ರವರ ಹಾದಿಯಲ್ಲಿ ನೂತನ ಜಿಲ್ಲಾಧಿಕಾರಿಗಳಾದ ಸಿ.ಸತ್ಯಭಾಮ ರವರು ಸಹ ಸಾಗುವಂತಾಗಲಿ ಎಂದರು.
ರಾಜ್ಯ ಕಾರ್ಯಕಾರಿ ಸಮಿತಿ ಸದಸ್ಯರಾದ ಬಿ.ವಿ.ಗೋಪಿನಾಥ್, ಸಹಕಾರ ಸಂಘದ ಅಧ್ಯಕ್ಷ ಕೆ.ಎಸ್.ಗಣೇಶ್, ಪ್ರಧಾನ ಕಾರ್ಯದರ್ಶಿ ಎಸ್.ಕೆ ಚಂದ್ರಶೇಖರ್, ಖಜಾಂಚಿ ಎ.ಜಿ.ಸುರೇಶ್‍ಕುಮಾರ್, ರಾಜೇಂದ್ರಸಿಂಹ, ರವಿಕುಮಾರ್, ಸಿ.ವಿ.ನಾಗರಾಜ್ ತಮ್ಮ ಅನುಭವಗಳನ್ನು ಹಂಚಿಕೊಂಡರು.
ಹಿರಿಯ ಪತ್ರಕರ್ತ ಎಂ.ಜಿ.ಪ್ರಬಾಕರ ಸೇರಿದಂತೆ ಹೆಚ್ಚಿನ ಸಂಖ್ಯೆಯಲ್ಲಿ ಪತ್ರಕರ್ತರು ಭಾಗವಹಿಸಿದ್ದರು.

ಪ್ರತಿಯೊಬ್ಬರೂ ವೈಯಕ್ತಿಕ ಹಾಗೂ ಪರಿಸರ ಸ್ವಚ್ಛತೆಗೆ ಹೆಚ್ಚಿನ ಆದ್ಯತೆ ನೀಡಬೇಕು. ಸಂಭವನೀಯ ಅನಾರೋಗ್ಯ ಪರಿಸಸ್ಥಿತಿಯಿಂದ ಪಾರಾಗಬೇಕು : ಎಪಿಎಂಸಿ ಕಾರ್ಯದರ್ಶಿ ಎಂ.ವೇಣುಗೋಪಾಲ್‌

ವರದಿ: ಶಬ್ಬೀರ್ ಅಹ್ಮದ್, ಶ್ರೀನಿವಾಸಪುರ
ಪ್ರತಿಯೊಬ್ಬರೂ ವೈಯಕ್ತಿಕ ಹಾಗೂ ಪರಿಸರ ಸ್ವಚ್ಛತೆಗೆ ಹೆಚ್ಚಿನ ಆದ್ಯತೆ ನೀಡಬೇಕು. ಸಂಭವನೀಯ ಅನಾರೋಗ್ಯ ಪರಿಸಸ್ಥಿತಿಯಿಂದ ಪಾರಾಗಬೇಕು : ಎಪಿಎಂಸಿ ಕಾರ್ಯದರ್ಶಿ ಎಂ.ವೇಣುಗೋಪಾಲ್‌ 
ಶ್ರೀನಿವಾಸಪುರ:  ಪ್ರತಿಯೊಬ್ಬರೂ ವೈಯಕ್ತಿಕ ಹಾಗೂ ಪರಿಸರ ಸ್ವಚ್ಛತೆಗೆ ಹೆಚ್ಚಿನ ಆದ್ಯತೆ ನೀಡಬೇಕು. ಸಂಭವನೀಯ ಅನಾರೋಗ್ಯ ಪರಿಸಸ್ಥಿತಿಯಿಂದ ಪಾರಾಗಬೇಕು ಎಂದು ಎಪಿಎಂಸಿ ಕಾರ್ಯದರ್ಶಿ ಎಂ.ವೇಣುಗೋಪಾಲ್‌ ಹೇಳಿದರು.
  ಪಟ್ಟಣದ ಹೊರ ವಲಯದಲ್ಲಿನ ಎಪಿಎಂಸಿ ಪ್ರಾಂಗಣದಲ್ಲಿ ಸ್ವಚ್ಛ ಶನಿವಾರ ಕಾರ್ಯಕ್ರಮದಡಿ ಎಪಿಎಂಸಿ ನೌಕರರ ವತಿಯಿಂದ ಏರ್ಪಡಿಸಲಾಗಿದ್ದ ಶ್ರಮದಾನ ಕಾರ್ಯಕ್ರಮ ಉದ್ಘಾಟಿಸಿ ಮಾತನಾಡಿ, ಜಿಲ್ಲೆಯ ಎಲ್ಲಾ ಸರ್ಕಾರಿ ಕಚೇರಿಗಳು, ಸರ್ಕಾರಿ, ಅನುದಾನಿತ, ಅನುದಾನ ರಹಿತ ಶಾಲಾ ಕಾಲೇಜುಗಳಲ್ಲಿ, ನಗರ ಸಭೆ ಹಾಗೂ ಪುರಸಭೆಗಳಲ್ಲಿ ಪ್ರತಿ ಮೊದಲನೆ ಹಾಗೂ ಮೂರನೆ ಶನಿವಾರ ಸ್ವಚ್ಛತಾ ಕಾರ್ಯ ಕೈಗೊಳ್ಳುವಂತೆ ಜಿಲ್ಲಾಧಿಕಾರಿಗಳು ಆದೇಶಿಸಿದ್ದಾರೆ. ಅದರಂತೆ ಪ್ರಾಂಗಣದಲ್ಲಿ ಸಿಬ್ಬಂದಿ ವತಿಯಿಂದ ಸ್ವಚ್ಛತಾ ಕಾರ್ಯ ಕೈಗೊಳ್ಳಲಾಗಿದೆ ಎಂದು ಹೇಳಿದರು.
  ಈ ಕಾರ್ಯಕ್ರಮ ಅತ್ಯಂತ ಸೂಕ್ತವಾಗಿದ್ದು, ಜಿಲ್ಲಾಧಿಕಾರಿಗಳ ಆದೇಶವನ್ನು ಕಟ್ಟುನಿಟ್ಟಾಗಿ ಜಾರಿಗೆ ತರಲಾಗಿದೆ. ಇದು ಸಿಬ್ಬಂದಿಯ ಸಾಮಾಜಿಕ ಹೊಣೆಗಾರಿಕೆಯನ್ನು ಹೆಚ್ಚಿಸುತ್ತದೆ. ಸ್ವಚ್ಛತಾ ಕಾರ್ಯದಲ್ಲಿ ಭಾಗವಹಿಸಿದ ತೃಪ್ತಿ ಸಿಗುತ್ತದೆ. ಪ್ರತಿಯೊಬ್ಬರೂ ಸ್ವಯಂ ಪ್ರೇರಣೆಯಿಂದ ಭಾಗವಹಿಸಿ ಸ್ವಚ್ಛತೆಯ ಮಹತ್ವ ಸಾರಬೇಕು ಎಂದು ಹೇಳಿದರು.
 ಎಪಿಎಂಸಿ ಸಹಾಯಕ ಕಾರ್ಯದರ್ಶಿ ಪಿ.ಎನ್.ಜಗನ್ನಾಥ್‌, ವರ್ತಕರಾದ ರವೀದ್ರರೆಡ್ಡಿ, ಎನ್‌.ಶಿವಣ್ಣ ಇದ್ದರು.

ಕೊರೊನಾ ವೈರಸ್ ಎಫೆಕ್ಟ್  : ಜನತಾ ಕರ್ಪ್ಯೂಗೆ ಕುಂದಾಪುರದಲ್ಲಿ ಉತ್ತಮ ಬೆಂಬಲ  ಬಸ್ ಸಂಚಾರ ಮೆಡಿಕಲ್ ಸೆಂಟರ್, ಪೆಟ್ರೋಲ್ ಬಂಕ್‌ಗಳೂ ಮೀನು ಪೇಟೆ  ಬಾರ್, ವಾಯ್ನ್ ಶೊಪ್ ಎಲ್ಲವು ಬಂದ್

JANANUDI.COM NETWORK

 

 

ಕೊರೊನಾ ವೈರಸ್ ಎಫೆಕ್ಟ್  : ಜನತಾ ಕರ್ಪ್ಯೂಗೆ ಕುಂದಾಪುರದಲ್ಲಿ ಉತ್ತಮ ಬೆಂಬಲ  ಬಸ್ ಸಂಚಾರ ಮೆಡಿಕಲ್ ಸೆಂಟರ್, ಪೆಟ್ರೋಲ್ ಬಂಕ್‌ಗಳೂ ಮೀನು ಪೇಟೆ  ಬಾರ್, ವಾಯ್ನ್ ಶೊಪ್ ಎಲ್ಲವು ಬಂದ್

 

 

 

 

ಕುಂದಾಪುರ,ಮಾ.22:  ಭಾನುವಾರ ಕೊರೊನಾ ವೈರಸ್ ಗಾಗಿ  ನಡೆಸಲು ಕರೆಕೊಟ್ಟಿದ್ದ ಜನತಾ ಕರ್ಪ್ಯೂಗೆ ಕುಂದಾಫುರದಾದ್ಯಂತ ವ್ಯಾಪಕ ಬೆಂಬಲ ವ್ಯಕ್ತವಾಗಿದ್ದು . ಕುಂದಾಪುರದಲ್ಲಿ  ವ್ಯಾಪಾರಸ್ಥರು ಅಂಗಡಿ, ದೊಡ್ಡ ಮಳಿಗೆಗಳು ಬಾಗಿಲು ತೆರೆಯದೇ, ಇದ್ದರಿಂದ, ಬಸ್ ಸಂಚಾರ ಮೆಡಿಕಲ್ ಸೆಂಟರ್, ಪೆಟ್ರೋಲ್ ಬಂಕ್‌ಗಳೂ ಮೀನು ಪೇಟೆ  ಬಾರ್, ವಾಯ್ನ್ ಶೊಪ್ ಎಲ್ಲವು ಬಂದ್ ಇದ್ದುದರಿಂದ ಮುಖ್ಯ ಪೇಟೆಯ ರಸ್ತೆಗಳೆಲ್ಲಾ ಜನ ಇಲ್ಲದೆ ಬಿಕೋ ಎನ್ನುತ್ತಿದ್ದವು, ಭಾನುವಾರ ರಜೆಯ ದಿನವಾದ್ದರಿಂದ ಮತ್ತು ಕೊರೊನಾ ಭಯ ಹಾಗೂ ಸಾಮಾಜಿಕ ಕಳಕಳಿಗಿ ಸ್ವಯಂ ರಕ್ಷಣೆ ಅನಿವಾರ್ಯ ಎನ್ನುವುದನ್ನು ಅರಿತು ಜನ ಮನೆಯಲ್ಲೆ ಉಳಿದರು

     ಬಸ್, ಕಾರು,. ಆಟೋ ರಿಕ್ಷಾಗಳೂ ನಿಲ್ದಾಣಗಳಿಗೆ ಬರದೇ ಇದ್ದಿದ್ದರಿಂದ ಪ್ರಯಾಣಿಕರಿಗೆ ಸಮಸ್ಯೆಯಾಗಿತ್ತು. ಈ ಹಿಂದಿನ ಬಂದ್‌ನಂತೆಯೇ ಈ ಬಾರಿ ಆಗಬಹುದು ಎಂದು ಲೆಕ್ಕಾಚಾರ ಹಾಕಿದ್ದ ಪ್ರಯಾಣಿಕರನ್ನು ಭಾನುವಾರದ ಕರ್ಪ್ಯೂ ಕಂಗೆಡಿಸಿತ್ತು.  ಬಹುತೇಕ ಮೆಡಿಕಲ್ ಶಾಪ್‌ಗಳೂ ಇಂದು ಬಾಗಿಲು ತೆರೆಯದೇ ಜನತಾ ಕರ್ಪ್ಯೂ ಭಾಗವಹಿದಿದ್ದಾರೆ. ಬಸ್ ನಿಲ್ದಾಣಗಳಲ್ಲಿ ಬಸ್‌ಗಳಿಲ್ಲದೇ ಜನರೂ ಇಲ್ಲದೇ ಬಿಕೋ ಅನ್ನುತ್ತಿತ್ತು. ರಾಷ್ಟ್ರೀಯ ಹೆದ್ದಾರಿಯಲ್ಲಿ ಯಾವುದೇ ಸಾರಿಗೆ ವಾಹನಗಳ ಸಂಚಾರ ಕಾಣಲಿಲ್ಲಾ.. ಕುಂದಾಪುರದ ಮೀನು ಮಾರುಕಟ್ಟೆ, ಮಟನ್ ಸ್ಟಾಲ್‌ಗಳು, ಕೋಳಿ ಅಂಗಡಿಗಳು ಅಂಗಡಿ ಮಾಲಕರೇ ಬಾಗಿಲು ತೆರೆಯದೇ ಬೆಂಬಲ ನೀಡಿದವು.

    ಭಾನುವಾರ ಕ್ರಿಶ್ಚಿನಿಯರಿಗೆ ಪವಿತ್ರ ದಿವಸ ಕಡ್ಡಾಯವಾಗಿ ಬಲಿ ಪೂಜೆಯಲ್ಲಿ ಭಾಗವಹಿಸ ಬೇಕಿತ್ತು, ಆದರೆ ಕೊರೊನಾ ಹರಡದಂತೆ ತಡೆಯಲು ಹಾಗೂ ಸಾಮಾಜಿಕ ಕಳಕಳಿಯಿಂದ ಚರ್ಚಗಳಲ್ಲಿ ಸಾರ್ವಜನಿಕರಿಗಾಗಿ ಇದ್ದ ಬಲಿ ಪೂಜೆಗಳು ರದ್ದು ಪಡಿಸಿದ್ದು ಇಗರ್ಜಿ ಮೈದಾನಗಳು ಖಾಲಿ ಖಾಲಿಯಾಗಿದ್ದವು. ಭಕ್ತರೆಲ್ಲರೂ ತಮ್ಮ ಮನೆಯಿಂದಲೇ ದೂರದರ್ಶನದಿಂದ ಬಿತ್ತರವಾಗುವ ಬಲಿ ಪೂಜೆಯನ್ನು ಆಲಿಸಿ ಪೂಜೆಯನ್ನು ಆಚರಿಸಿದರು. ಅಂತೇಯೆ ಎಲ್ಲಾ ದೇವಸ್ಥಾನಗಳಲ್ಲಿ ಪೂಜೆ  ಪಾಠವಿಲ್ಲದೆ ದೇವಸ್ಥಾನಗಳು ಬಾಗಿಲು ಹಾಕಿದ್ದವು.

     ಕುಂದಾಪುರದ ಟ್ರಾಫಿಕ್ ಪೊಲೀಸರು, ಹಾಗೂ ಪೊಲೀಸರು ಗಸ್ತು ತಿರುಗುತಿದ್ದು, ಅನಾವಶ್ಯ ರಸ್ತೆಯಲ್ಲಿ ಸಂಚರಿಸುತ್ತಿರುವ ಮಕ್ಕಳನ್ನು ಗದರಿಸಿ ಮನೆಗೆ ಸೇರುವಂತೆ ಮಾಡಿದ್ದನ್ನು ಕಾಣಲಾಯಿತು. ಕುಂದಾಪುರ ಪುರಸಭೆಯ ಕಾರ್ಮಿಕರು ಮಾತ್ರ ಕರ್ಪ್ಯೂ ಲೆಕ್ಕಿಸದೇ ತಮ್ಮ ಸ್ವಚ್ಚತಾ ಕಾರ್ಯದಲ್ಲಿ ನಿರತರಾಗಿದ್ದುದು ಕಂಡು ಬಂತು. ಪುರಸಭೆಯ ಎಲ್ಲಾ ವಾಹನಗಳಲ್ಲಿ ಪ್ರದಾನ ಮಂತ್ರಿಗಳು ಜನತಾ ಕರ್ಪ್ಯೂ ಬಗ್ಗೆ ಮಾಡಿದ ಬಾಷಣವನ್ನು ಪ್ರಸಾರ ಮಾಡುವ ಮೂಲಕ ಜಾಗೃತಿ ಮೂಡಿಸಲಾಗಿತ್ತು.

      ರಾಜ್ಯ ಸಂಚಾರಿ ಸಾರಿಗೆ ನಿಗಮದ ಸರ್ಕಾರೀ ಬಸ್‌ಗಳನ್ನು ಕುಂದಾಪುರದ ಡಿಪೋ ಹಾಗೂ ಬಸ್ ನಿಲ್ದಾಣದಲ್ಲಿ ಸಾಲಾಗಿ ನಿಲ್ಲಿಸುವ ಮೂಲಕ ಸಂಚಾರವನ್ನು ಸಂಪೂರ್ಣ ಸ್ಥಗಿತಗೊಳಿಸಲಾಗಿತ್ತು. ಖಾಸಗೀ ಬಸ್‌ಗಳೂ ರಸ್ತೆಗೆ ಇಳಿಯದೇ ಇದ್ದುದರಿಂದ ಗ್ರಾಮೀಣ ಭಾಗಗಳಲ್ಲಿಯೂ ಸ್ವಯಂ ಪ್ರೇರಿತ ಬಂದ್ ಯಶಸ್ವಿಯಾಗಿದೆ. ಕುಂದಾಪುರದ ಎಲ್ಲಾ ಬೀದಿಗಳಲ್ಲಿನ ಅಂಗಡಿಗಳು ಮುಚ್ಚಿದ್ದು ಇಡೀ ಕುಂದಾಪುರ ಬಂದ್ ಗೆ ಸಾಕ್ಷಿಯಾಯಿತು.

 

 

 

ಕೆ.ಬಿ.ರಾಮಣ್ಣ ಶೆಟ್ಟಿ ನಿಧನ

JANAUDI.COM NETWORK

 

 

ಕೆ.ಬಿ.ರಾಮಣ್ಣ ಶೆಟ್ಟಿ ನಿಧನ

 

ಹಿರಿಯ ಸಾಮಾಜಿಕ ಧುರೀಣ ,ನಿವೃತ್ತ ಅಧ್ಯಾಪಕ ಕೆ. ಬಿ.ರಾಮಣ್ಣ ಶೆಟ್ಟಿ (84)ದಿ.21ರಂದು ರಾತ್ರಿ ಜಪ್ತಿಯ ಸ್ವಗೃಹದಲ್ಲಿ ನಿಧನರಾದರು. ಇವರು ಪತ್ನಿ,ಕುಂದಾಪುರದ ಖ್ಯಾತ ವೈದ್ಯ ಡಾ.ಉತ್ತಮ ಕುಮಾರ್ ಶೆಟ್ಟಿ ,ಬೆಂಗಳೂರುಬಂಟರ ಸಂಘದ ಅಧ್ಯಕ್ಷ ಉಪೇಂದ್ರ ಶೆಟ್ಟಿ ಸಹಿತ ನಾಲ್ವರು ಪುತ್ರರು ,ಓರ್ವ ಪುತ್ರಿಯನ್ನು ಅಗಲಿದ್ದಾರೆ.