HOLY ROSARY CHURCH, KUNDAPUR – 450 th JUBILEE SOUVENIR 2021

ಲಾಖ್ ಡೌನ್ : ಬೈಂದೂರು ಪೊಲೀಸರಿಂದ ಹಸಿದವರಿಗೆ ಊಟ ವಿತರಣೆ

JANANUDI.COM NETWORK

 

 

 

ಲಾಖ್ ಡೌನ್ : ಬೈಂದೂರು ಪೊಲೀಸರಿಂದ ಹಸಿದವರಿಗೆ ಊಟ ವಿತರಣೆ

 

 

ಕುಂದಾಪುರ, ಮಾ.೨೫: ಕರೊನಾ ವೈರಸ್ ತಡೆಗಾಗಿ ಇಡಿ ಭಾರತವೇ ಲಾಖ್ ಡೌನ್ ಆಗಿರುವ ಸಂದರ್ಭದಲ್ಲಿ ಹಲವಾರು ಬಡ ಜನರು, ನಿರ್ಗತಿಕರು ಬಹಳ ಶಂಕಷ್ಟದಲ್ಲಿ ಇದ್ದಾರೆ. ಕೆಲವರಿಗೆ ಮನೆ ಮಠವಿಲ್ಲದೆ ದಾರಿ ಮೇಲಿದ್ದಾರೆ. ಅವರ ಪಾಡು ಇವತ್ತು ಚಿಂತಾಜನಕ ವಾಗಿದೆ. ಇಂತಹ ಸಂದರ್ಭದಲ್ಲಿ ಬೈಂದೂರು ಪಒಲೀಸರು ಮಾನವೀಯತೆ ಮೆರೆದು ದಿಕ್ಕಿಲ್ಲದವರಿಗೆ, ಸಂಕಷ್ಟದಲ್ಲಿರುವರಿಗೆ ಅನ್ನ ಊಟ ನೀಡಿ ಕರುಣೆ ತೋರಿದ್ದಾರೆ ಎಂದು ಪೊಲೀಸ್ ಮೂಲಗಳಿಂದ ತಿಳಿದು ಬಂದಿದೆ.

ಬಸ್ರೂರು ಶ್ರೀಮಹಾಲಿಂಗೇಶ್ವರ ದೇವಸ್ಥಾನದ ರಥೋತ್ಸವ ರದ್ದುಪಡಿಸಲಾಗಿದೆ :  ಬಿ.ಅಪ್ಪಣ್ಣ ಹೆಗ್ಡೆ

JANANUDI.COM NETWORK

 

 

 

ಬಸ್ರೂರು ಶ್ರೀಮಹಾಲಿಂಗೇಶ್ವರ ದೇವಸ್ಥಾನದ ರಥೋತ್ಸವ ರದ್ದುಪಡಿಸಲಾಗಿದೆ :  ಬಿ.ಅಪ್ಪಣ್ಣ ಹೆಗ್ಡೆ

 

 

ಕುಂದಾಪುರ, ಮಾ.25: ಬಸ್ರೂರು ಶ್ರೀಮಹಾಲಿಂಗೇಶ್ವರ ದೇವಸ್ಥಾನದ ರಥೋತ್ಸವ ಎಪ್ರಿಲ್ 8 ರಂದು ನಡೆಯಬೇಕಿದ್ದು ಪರಿಸ್ಥಿತಿಯನ್ನು ಗಮನದಲ್ಲಿಟ್ಟುಕೊಂಡು ರಥೋತ್ಸವವನ್ನು ರದ್ದುಪಡಿಸಲಾಗಿದೆ ಎಂದು ಆಡಳಿತ ಧರ್ಮದರ್ಶಿ ಬಿ.ಅಪ್ಪಣ್ಣ ಹೆಗ್ಡೆ ತಿಳಿಸಿದ್ದಾರೆ

15 ದಿನಗಳ ಮೊದಲೇ ಅಂತರ್ರಾಷ್ಟ್ರೀಯ ವಿಮಾನಗಳನ್ನು ನಿಷೇಧಿಸಿದ್ದರೆ ಕೊರೊನಾ ತಡೆಯಬಹುದಿತ್ತು; ಕುಂದಾಪುರ ಮೂಲದ ಡಾ. ಅವಿನ್ ಆಳ್ವಾ.

ವರದಿ: ಚಂದ್ರಶೇಖರ ಶೆಟ್ಟಿ, ಕುಂದಾಪುರ
15 ದಿನಗಳ ಮೊದಲೇ ಅಂತರ್ರಾಷ್ಟ್ರೀಯ ವಿಮಾನಗಳನ್ನು ನಿಷೇಧಿಸಿದ್ದರೆ ಕೊರೊನಾ ತಡೆಯಬಹುದಿತ್ತು; ಕುಂದಾಪುರ ಮೂಲದ ಡಾ. ಅವಿನ್ ಆಳ್ವಾ. 
ಕಳೆದ ಮೂರು ತಿಂಗಳ ಅವಧಿಯಲ್ಲಿ ವಿಶ್ವದಾದ್ಯಂತ ಸಾವಿರಾರು ಜನರನ್ನು ಬಲಿಪಡೆದ ಕೊರೊನಾ ವೈರಸ್ ಅನ್ನು ತಡೆಯುವ ನಿಟ್ಟಿನಲ್ಲಿ ಸರ್ಕಾರ ಕಳೆದ 15ದಿನಗಳ ಹಿಂದೆಯೇ ಕಾರ್ಗೋ ಹಾಗೂ ಏರ್ ಅಂಬ್ಯುಲೆನ್ಸ್ ಹೊರತುಪಡಿಸಿ ಅಂತರ್ರಾಷ್ಟ್ರೀಯ ಹಾಗೂ ರಾಷ್ಟ್ರೀಯ ವಿಮಾನಗಳನ್ನು ನಿಷೇಧಿಸಬೇಕಾಗಿತ್ತು. ಹಾಗೆ ಮಾಡಿದ್ದರೆ ಖಂಡಿತವಾಗಿಯೂ ಕೊರೊನಾದ ಅಪಾಯವನ್ನು ಈಗಿನದಕ್ಕಿಂತ ಸಾವಿರ  ಪಟ್ಟು ಕಡಿಮೆ ಗೊಳಿಸಬಹುದಾಗಿತ್ತು. ಆಗ ಹಾಗೆ ಮಾಡಿದ್ದರೆ ಇದೀಗ ಬಸ್ಸು ಮತ್ತು ಮಾರುಕಟ್ಟೆಯನ್ನು ವಾರಗಟ್ಟಲೇ ಬಂದ್ ಮಾಡುವ ಅಗತ್ಯವೇ ಇರುತ್ತಿರಲಿಲ್ಲ. ಆ ಮೂಲಕ ಇಲ್ಲಿನ ಜನರಿಗೆ ಆಗುವ ಅನಾನುಕೂಲಗಳನ್ನು ತಪ್ಪಿಸಬಹುದಾಗಿತ್ತು ಎಂದಿದ್ದಾರೆ ಡಾ. ಅವಿನ್ ಆಳ್ವಾರವರು. 
ಮಂಗಳೂರು ಅಂತರ್ರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ಸರಕಾರಿ ಡಾಕ್ಟರ್‌ಗಳು  ಸಾಕಷ್ಟು ಸಂಖ್ಯೆಯಲ್ಲಿ ಇದ್ದಾಗ್ಯೂ ಜನಸಂದಣಿ ಕಡಿಮೆಗೊಳಿಸುವ ನಿಟ್ಟಿನಲ್ಲಿ ಎರ್‌ಪೋರ್ಟ್‌ನ ಡೈರೆಕ್ಟರುಗಳು ಮಾಡಿದ ವಿನಂತಿಯ ಮೇರೆಗೆ ಹಗಲು ಮತ್ತು ರಾತ್ರಿ ಪಾಳಿಯಲ್ಲಿ ನಿರಂತರವಾಗಿ ವಾರಗಳ ಕಾಲ ಯಾವುದೇ ಸಂಭಾವನೆ ಪಡೆಯದೆ ಅಪಾಯಕಾರಿಯಾದ ಕೊರೊನಾ ವೈರಸ್ ಸ್ಕ್ರೀನಿಂಗ್‌ನಲ್ಲಿ ಪಾಲ್ಗೊಂಡು ಸಾರ್ವಜನಿಕರ ಹಾಗೂ ಏರ್‌ಪೋರ್ಟ್ ಅಧಿಕಾರಿಗಳ ಮೆಚ್ಚುಗೆಗೆ ಪಾತ್ರರಾಗಿರುವ ಕುಂದಾಪುರ ಮೂಲದ ಮಂಗಳೂರಿನ ವೈದ್ಯ ಡಾ.ಅವಿನ್ ಆಳ್ವಾರವರು  ಕುಂದಾಪುರದ ಕೊಳ್ಕೆಬೈಲು ದಿ. ಅಂತಯ್ಯ ಶೆಟ್ಟರ ಮಗಳು ದಿ. ಪ್ರಮೋದಾ ಆಳ್ವಾ ಹಾಗೂ ಮಂಗಳೂರು ಬಂಬ್ರಾಣ ಮನೆ ಹಿರಿಯ ಸ್ವಾತಂತ್ರ್ಯ ಹೋರಾಟಗಾರ  ದಿ. ದೇವಪ್ಪ ಆಳ್ವಾರ ಮಗ ಶಿವಪ್ರಸಾದ್ ಆಳ್ವಾರವರ ಪುತ್ರರಾಗಿದ್ದಾರೆ. ಇವರು ಬಾಲ್ಯದಿಂದಲೂ ಅಜ್ಜ ದೇವಪ್ಪ ಆಳ್ವಾರ ಸ್ಪೂರ್ತಿಯಿಂದ ಸಮಾಜಸೇವೆಯಲ್ಲಿ ಆಸಕ್ತಿ ಹೊಂದಿದ್ದವರು ಪ್ರಸ್ತುತ ಇವರು ಮಂಗಳೂರಿನಲ್ಲಿ ಖಾಸಗಿ ವೈಧ್ಯರಾಗಿ ಸೇವೆ ಸಲ್ಲಿಸುತ್ತಿದ್ದಾರೆ. 

ಶ್ರೀನಿವಾಸಪುರ: ಪಟ್ಟಣದಲ್ಲಿ ಕರೊನಾ ಹಿನ್ನೆಲೆಯಲ್ಲಿ ಮುಂಜಾಗ್ರತಾ ಕ್ರಮವಾಗಿ ಪುರಸಭೆ ಸಿಬ್ಬಂದಿ  ಸಾರ್ವಜನಿಕ ಸ್ಥಳಗಳಲ್ಲಿ ಔಷಧ ಸಿಂಪಡಣೆ ಮಾಡಿದರು.

ವರದಿ: ಶಬ್ಬೀರ್ ಅಹ್ಮದ್, ಶ್ರೀನಿವಾಸಪುರ
ಶ್ರೀನಿವಾಸಪುರ: ಪಟ್ಟಣದಲ್ಲಿ ಕರೊನಾ ಹಿನ್ನೆಲೆಯಲ್ಲಿ ಮುಂಜಾಗ್ರತಾ ಕ್ರಮವಾಗಿ ಪುರಸಭೆ ಸಿಬ್ಬಂದಿ  ಸಾರ್ವಜನಿಕ ಸ್ಥಳಗಳಲ್ಲಿ ಔಷಧ ಸಿಂಪಡಣೆ ಮಾಡಿದರು.
ಪುರಸಭೆ ವತಿಯಿಂದ ಪಟ್ಟಣದಲ್ಲಿ ಸ್ವಚ್ಛತೆ ಪಾಲನೆಗೆ ಮೊದಲ ಆದ್ಯತೆ ನೀಡಲಾಗಿದೆ. ಕೊರೊನಾ ವೈರಸ್‌ ತಡೆಗೆ ಪೂರಕವಾದ ಎಲ್ಲ ಕ್ರಮ ಕೈಗೊಳ್ಳಲಾಗಿದೆ. ಈಗ ಪಟ್ಟಣದ ಎಲ್ಲ ವಾರ್ಡ್‌ಗಳಲ್ಲೂ ಔಷಧ ಸಿಂಪಡಣೆ ಮಾಡಲಾಗುವುದು. ಈಗಾಗಲೇ ಸಿಂಪಡಣಾ ಕಾರ್ಯ ಪ್ರಾರಂಭಿಸಲಾಗಿದೆ. ಸಿಂಪಡಣೆಗೆ ಅಗತ್ಯವಾದ ವಾಹನ ಹಾಗೂ ಸಲಕರಣೆಗಳನ್ನು ಸಿದ್ಧ ಸ್ಥಿತಿಯಲ್ಲಿ ಇಡಲಾಗಿದೆ ಎಂದು ಆರೋಗ್ಯ ನಿರೀಕ್ಷಕ ಕೆ.ಜಿ.ರಮೇಶ್‌ ವರದಿಗಾರ‘ಗೆ ತಿಳಿಸಿದರು.
ಪಟ್ಟಣದ ನಾಗರಿಕರು ಹಾಗೂ ಪಟ್ಟಣಕ್ಕೆ ಬಂದು ಹೋಗುವ ಜನರು ಕೊರೊನಾ ನಿಯಂತ್ರಣಕ್ಕೆ ವಿಧಿಸಿರುವ ನಿಯಮಗಳನ್ನು ಕಟ್ಟುನಿಟ್ಟಾಗಿ ಪಾಲಿಸಬೇಕು. ಗುಂಪಾಗಿ ಓಡಾಡುವುದನ್ನು ನಿಲ್ಲಿಸಬೇಕು. ಆರೋಗ್ಯ ಇಲಾಖೆ ಮಾಡಿರುವ ಸಲಹೆ ಹಾಗೂ ಸೂಚನೆಗಳನ್ನು ತಪ್ಪದೆ ಅನುಸರಿಸಬೇಕು ಎಂದು ಸಲಹೆ ಮಾಡಿದರು.
ಸಂಕಷ್ಟದ ಸಂದರ್ಭದಲ್ಲಿ ಪಟ್ಟಣದ ನಾಗರಿಕರು ಪುರಸಭೆ ಸಿಬ್ಬಂದಿಯೊಂದಿಗೆ ಸಹಕರಿಸಬೇಕು. ಯಾವುದೇ ಕಾರಣಕ್ಕೂ ಪರಿಸರ ಮಾಲಿನ್ಯಕ್ಕೆ ಎಡೆಗೊಡಬಾರದು. ಸಿಬ್ಬಂದಿ ರೋಗ ನಿರೋಧಕ ಔಷಧ ಸಿಂಪರಣೆ ಮಾಡಲು ಬಂದಾಗ, ಕಾರ್ಯನಿರ್ವಹಿಸಲು ಅವಕಾಶ ಮಾಡಿಕೊಡಬೇಕು ಎಂದು 
ಹೇಳಿದರು.
ಪಟ್ಟಣದಲ್ಲಿ ಈಗಾಗಲೇ ಹೋಟೆಲ್‌, ಚಹಾ ಅಂಗಡಿ, ಚಿತ್ರ ಮಂದಿರ ಮುಚ್ಚಲಾಗಿದೆ. ಕತ್ತರಿಸಿದ ಹಣ್ಣು ಮಾರಾಟ ನಿಷೇಧಿಸಲಾಗಿದೆ. ಮಾಂಸದ ಅಂಗಡಿಗಳು ಬಂದಾಗಿವೆ. ಪಟ್ಟಣಕ್ಕೆ ಗ್ರಾಮೀಣ ಪ್ರದೇಶದಿಂದ ಬರುವ ಜನರ ಸಂಖ್ಯೆ ಇಳಿಮುಖವಾಗುತ್ತಿದೆ ಎಂದು ಹೇಳಿದರು.

ಬೆಳ್ಮಣ್ಣು ಜೇಸಿಐನಿಂದ ಕೈ ತೊಳೆಯುವ ನೀರಿನ ವ್ಯವಸ್ಥೆ

ವರದಿ:ವಾಲ್ಟರ್ ಮೊಂತೇರೊ, ಬೆಳ್ಮಣ್ಣು

 

ಬೆಳ್ಮಣ್ಣು ಜೇಸಿಐನಿಂದ ಕೈ ತೊಳೆಯುವ ನೀರಿನ ವ್ಯವಸ್ಥೆ

 

 

ಜಗತ್ತಿನದ್ಯಾಂತ ಕೊರೊನಾ ವೈರಸ್‍ನಿಂದ ಕೆಮ್ಮುವಾಗ ಮತ್ತು ಸೀನುವಾಗ ಒಬ್ಬರಿಂದ ಇನ್ನೊಬ್ಬರಿಗೆ ವೈರಸ್ ಹರಡುತ್ತಿದ್ದು ಅದನ್ನು ತಡೆಗಟ್ಟಲು ಮುಂಜಾಗ್ರತಾ ಕ್ರಮವಾಗಿ ಕೆಮ್ಮುವಾಗ ಬಾಯಿಗೆ ಕರವಸ್ತ್ರವನ್ನು ಹಿಡಿಯುವ ಮೂಲಕ ಮತ್ತು ಆಗಾಗ ಕೈಗಳನ್ನು ತೊಳೆದುಕೊಳ್ಳುವುದರ ಮೂಲಕ ಜಾಗೃತರಾದಗ ಮಾತ್ರ ಈ ಸೊಂಕಿನಿಂದ ಪಾರಾಗಲು ಸಾಧ್ಯ ಈ ನಿಟ್ಟಿನಲ್ಲಿ ಬೆಳ್ಮಣ್ಣು ಜೇಸಿಐ ವತಿಯಿಂದ ಕೈ ತೊಳೆಯುವ ನೀರಿನ ವ್ಯವಸ್ಥೆಯನ್ನು ಆರಂಭಿಸಿದ್ದು ಸಾರ್ವಜನಿಕರು ಇದರ ಸಂಪೂರ್ಣ ಪ್ರಯೋಜವನ್ನು ಪಡೆದುಕೊಳ್ಳಿ ಎಂದು ಬೆಳ್ಮಣ್ಣು ಜೇಸಿಐನ ಅಧ್ಯಕ್ಷ ಸತ್ಯನಾರಾಯಣ ಭಟ್‍ರವರು ಹೇಳಿದರು.
ಅವರು ಮಾರ್ಚ್ 23ರಂದು ಸೋಮವಾರ ಬೆಳ್ಮಣ್ಣು ಬಸ್‍ನಿಲ್ದಾಣದ ಬಳಿ ಸಾರ್ವಜನಿಕರಿಗಾಗಿ ಸೋಪ್ ಆಯಿಲ್ ಬಳಸಿ ಕೈ ತೊಳೆಯುವ ನೀರಿನ ವ್ಯವಸ್ಥೆಯನ್ನು ಕೈ ತೊಳೆಯುವ ಮೂಲಕ ಉದ್ಘಾಟಿಸಿ ಮಾತನಾಡಿದರು.
ಈ ಸಂದರ್ಭದಲ್ಲಿ ಬೆಳ್ಮಣ್ಣು ಜೇಸಿಐನ ಪೂರ್ವಾಧ್ಯಕ್ಷ ಅಬ್ಬನಡ್ಕ ಸಂದೀಪ್ ವಿ. ಪೂಜಾರಿ, ಉಪಾಧ್ಯಕ್ಷರಾದ ವಿರೇಂದ್ರ ಆರ್.ಕೆ., ಪ್ರದೀಪ್ ಶೆಟ್ಟಿ, ಬೆಳ್ಮಣ್ಣು ಉದಯ ಬೇಕರಿ ಮಾಲಕ ಉದಯ ಕುಂದರ್, ಬಸ್ ಟೈಮ್ ಕೀಪರ್ ರವಿ, ಸ್ಥಳೀಯರಾದ ಪ್ರಕಾಶ್ ಮೊದಲಾದವರಿದ್ದರು.

ನಿವಾಸಪುರ: ಪಟ್ಟಣದಲ್ಲಿ ಇದೇ ಮೊದಲ ಬಾರಿಗೆ ಪಟ್ಟಣದಾದ್ಯಂತ ನಾಗರಿಕ ಸಂಚಾರ ಸಂಪೂರ್ಣ ಸ್ಥಗಿತ

ವರದಿ: ಶಬ್ಬೀರ್ ಅಹ್ಮದ್, ಶ್ರೀನಿವಾಸಪುರ
ಶ್ರೀನಿವಾಸಪುರ: ಪಟ್ಟಣದಲ್ಲಿ ಇದೇ ಮೊದಲ ಬಾರಿಗೆ ಪಟ್ಟಣದಾದ್ಯಂತ ನಾಗರಿಕ ಸಂಚಾರ ಸಂಪೂರ್ಣ ಸ್ಥಗಿತ
ಶ್ರೀನಿವಾಸಪುರ: ಪಟ್ಟಣದಲ್ಲಿ ಇದೇ ಮೊದಲ ಬಾರಿಗೆ ಪಟ್ಟಣದಾದ್ಯಂತ ನಾಗರಿಕ ಸಂಚಾರ ಸಂಪೂರ್ಣ ಸ್ಥಗಿಗೊಂಡಿತ್ತು. ಯಾರೊಬ್ಬರೂ ಮನೆಯಿಂದ ಹೊರಗೆ ಬರಲಿಲ್ಲ.  ಪಟ್ಟಣದಲ್ಲಿ ಅಂಗಡಿ ಮುಂಗಟ್ಟು ಸಂಪೂರ್ಣ ಮುಚ್ಚಲಾಗಿತ್ತು. ಎಪಿಎಸಿ ಮಾರುಕಟ್ಟೆಯಲ್ಲಿ ವ್ಯಾಪಾರ ವಹಿವಾಟು ಸ್ಥಗಿತಗೊಂಡಿತ್ತು,  ರಾಜ್ಯ ರಸ್ತೆ ಸಾರಿಗೆ ಸಂಸ್ಥೆ ಬಸ್‌ ನಿಲ್ದಾಣ, ಬಸ್‌ ಹಾಗೂ ಪ್ರಯಾಣಿಕರಿಲ್ಲದೆ ಬಿಕೋ ಎನ್ನುತ್ತಿತ್ತು. ಆಟೋಗಳು ರಸ್ತೆಗೆ ಇಳಿಯಲಿಲ್ಲ. ಯಾವುದೇ ವಾಹನ ಸಂಚಾರ ಇರಲಿಲ್ಲ. 
  ತಾಲ್ಲೂಕಿನ ರಾಯಲ್ಪಾಡು, ಗೌನಿಪಲ್ಲಿ, ರೋಣೂರು, ಯಲ್ದೂರು ಹಾಗೂ ರೋಜೇನಹಳ್ಳಿ ಕ್ರಾಸ್‌ನಲ್ಲಿ ಪ್ರಧಾನಿ ಮೋದಿ ಅವರ ಮನವಿಗೆ ಸ್ಪಂದಿಸಿ ಜನತಾ ಕರ್ಫ್ಯೂ ಆಚರಿಸಲಾಯಿತು. ಈ ಎಲ್ಲ ಕಡೆ ಅಂಗಡಿ ಮುಂಗಟ್ಟು ಮುಚ್ಚಲಾಗಿತ್ತು. ಜನರು ಮನೆಗಳಲ್ಲಿಯೇ ಉಳಿದರು.
  ತಾಲ್ಲೂಕಿನ ಗ್ರಾಮೀಣ ಪ್ರದೇಶದಲ್ಲಿ ವಾಹನ ಸಂಚಾರ ಹೊರತುಪಡಿಸಿ ಜನ ಜೀವನ ಸಾಮಾನ್ಯವಾಗಿತ್ತು. ಜನರು ಕೃಷಿ ಚಟುವಟಿಕೆ ಹಾಗೂ ಜಾನುವಾರು ಪಾಲನೆಯಲ್ಲಿ ತೊಡಗಿದ್ದರು. 

ಕೋವಿಡ್ 19 ವೈರಸ್ (ಕೊರೊನಾ) ತಡೆಯ ಎಕ್ಷನ್ ಟೀಮ್ ಕುಂದಾಪುರ ತಂಡ ಕಾರ್ಯಚರಣೆಯಲ್ಲಿದೆ: ಸೊಂಕು ಪೀಡಿತ ಭಟ್ಕಳ ಮೂಲದ ವ್ಯಕ್ತಿಯೊಂದಿಗೆ ವಿಮಾನದಲ್ಲಿ ಪ್ರಯಾಣಿಸಿದ ಸಹ ಪ್ರಯಾಣಿಕರನ್ನು ಗುರುತಿಸಿ ಕ್ವಾರಂಟೆಯ್ನಲ್ಲಿ ಇರಿಸಲಾಗಿದೆ

JANANUDI.COM NETWORK

 

 

 

 

ಕೋವಿಡ್ 19 ವೈರಸ್ (ಕೊರೊನಾ) ತಡೆಯ ಎಕ್ಷನ್ ಟೀಮ್ ಕುಂದಾಪುರ ತಂಡ ಕಾರ್ಯಚರಣೆಯಲ್ಲಿದೆ: ಸೊಂಕು ಪೀಡಿತ ಭಟ್ಕಳ ಮೂಲದ ವ್ಯಕ್ತಿಯೊಂದಿಗೆ ವಿಮಾನದಲ್ಲಿ ಪ್ರಯಾಣಿಸಿದ ಸಹ ಪ್ರಯಾಣಿಕರನ್ನು ಗುರುತಿಸಿ ಕ್ವಾರಂಟೆಯ್ನಲ್ಲಿ ಇರಿಸಲಾಗಿದೆ

 

ಕುಂದಾಪುರ, ಮಾ. 24: ಇವತ್ತು ಬೆಳಿಗ್ಗೆ 7 ಗಂಟೆಗೆ ತಾಲೂಕು ಆರೋಗ್ಯ ಕೇಂದ್ರದಲ್ಲಿ ಆರೋಗ್ಯಾಧಿಕಾರಿ ನಾಗಭೂಷಣ್ ಉಡುಪ, ಎ.ಎಸ್.ಪಿ. ಹರಿರಾಮ್ ಶಂಕರ್, ಮತ್ತು ಸಹಾಯಕ ಕಮಿಶನರ್ ರಾಜು ಇವರನೊಳಗೊಂಡ ತಂಡ ಕೋವಿಡ್ 10 ಎಕ್ಷನ್ ಟೀಮ್ ಕುಂದಾಪುರ ತಂಡದ ಜೊತೆ ಸಭೆಯನ್ನು ನಡೆಸಿತು.
ಭಟ್ಕಳ ಮೂಲದ ವ್ಯಕ್ತಿಯೊಂದಿಗೆ ವಿಮಾನದಲ್ಲಿ ಪ್ರಯಾಣಿಸಿದ ಸಹ ಪ್ರಯಾಣಿಕರನ್ನು ಗುರುತಿಸಲಾಗಿದೆ. ಅವರನ್ನು ಕ್ವಾರಂಟೆಯ್ನ್ ಒಳಗಾಗಲು ಆದೇಶಿಸಿದೆ. ಆರೋಗ್ಯ ಇಲಾಖೆಯವರು ಮತ್ತು ಪೊಲೀಸ್ ಸಿಬಂದಿ ಕ್ವಾರಂಟೆಯ್ನ್ ನಲ್ಲಿದ್ದವರನ್ನು ಪರೀಶಿಲಿಸುತ್ತಾ ಇರಬೇಕೆಂದು ಸಭೆಯಲ್ಲಿ ಚರ್ಚಿಸಿ ಇದನ್ನು ಪ್ರಮುಖ ವಿಚಾರವಾಗಿ ನಿರ್ಧರಿಸಿದೆ
ಅದರಂತೆ ಕ್ವಾರಂಟೆಯ್ನ್ ಒಳಗಾಗದವರ ಮನೆಯ ಹೊರಗೆ ಭಿತ್ತಿ ಚಿತ್ರವನ್ನು ಅಂಟಿಸುವುದು. ಕೊರೊನಾ ವೈರಸ್ ಹರಡದಂತೆ ಸಹಕರಿಸಲು, ಇಂತಹ ಭಿತ್ತಿ ಚಿತ್ರವನ್ನು ಅಂಟಿಸಿದವರ ಮನೆಗೆ ಯಾರು ಸಂಪರ್ಕ ಮಾಡಬಾರಾದಾಗಿ ವಿನಂತಿಸಿಕೊಳ್ಳಲಾಗಿದೆ.
    ಅಂಗಡಿ, ಮಾರ್ಕೆಟನಲ್ಲಿ ಮತ್ತು ಹಾಗೂ ಇತರ ಎಲ್ಲಾರೀತಿಯಲ್ಲಿ ಜನರ ಜ್ಯೊತೆ ವ್ಯವರಿಸುವಾಗ 1 ಮೀಟರ್ ಅಂತರವನ್ನು ಕಾಯ್ದುಗೊಳ್ಳ ಬೇಕು ಎಂದು ತಿಳಿಸಿದೆ. ಅದರಂತೆ ಕೆಲ್ವವು ಅಂಗಡಿಗಳ ಮುಂದೆ ಬಿಳಿ ಬಣ್ಣದಿಂದ ಸಾಲುಗಳನ್ನು ಹಾಕಲಾಗಿದೆ. ಇದರ ಪೋಟೊಗಳನ್ನೂ ಲಗತ್ತಿಸಲಾಗಿದೆ.

ಈ ಬಗ್ಗೆ ಎನೆಲ್ಲಾ ಕ್ರಮಗಳನ್ನು ಕೈಗೊಳ್ಳಬೇಕು ಎಂದು ಎಲ್ಲಾ ಪೊಲೀಸ್ ಠಾಣೆಗಳಿಗೆ ಜಿಲ್ಲಾ ಕಮಿಶನರ್ ಆದೇಶವನ್ನು ನೀಡಿದ್ದಾರೆ.
ಈ ಆದೇಶವನ್ನು ಸಾರ್ವಜನಿಕರೂ ಒದಿ ತಿಳಿದುಕೊಂಡು, ಕೊರೊನಾ ವೈರಸ್ ತಡೆಯುವ ಸಲುವಾಗಿ ನಾವು ಇದರ ಪೋಟೊ ಪ್ರತಿಯನ್ನು ಪ್ರಕಟಿಸುತಿದ್ದೆವೆ.

ಲಾಖ್ ಡೌನ್ ಮಾಡಿ ಆದರೆ ಆಹಾರ ಧಾನ್ಯ ಓಷಧಿ ಜನರ ಹತ್ತಿರ ಇದೆಯಾ ಎಂದು ಪರಿಶೀಲಿಸಿ, ಇಲ್ಲಾ ಹಸಿವೆಯಿಂದ ಜನ ಸಾಯುವುದೆ ಹೆಚ್ಚು.

JANANUDI.COM NETWORK

 

ಲಾಖ್ ಡೌನ್ ಮಾಡಿ ಆದರೆ ಆಹಾರ ಧಾನ್ಯ ಓಷಧಿ ಜನರ ಹತ್ತಿರ ಇದೆಯಾ ಎಂದು ಪರಿಶೀಲಿಸಿ, ಇಲ್ಲಾ ಹಸಿವೆಯಿಂದ ಜನ ಸಾಯುವುದೆ ಹೆಚ್ಚು.

 

ಕೊರೊನಾ ಸೊಂಕು ಜಗತ್ತಿನಾದ್ಯಾಂತಹ ಹರಡುತ್ತದೆ ಎಂದು ಗೊತ್ತಿದ್ದು ಇವತ್ತು ಏಕಾ ಎಕಿ ಕರ್ನಾಟಕ ಲಾಖ್ ಡೌನ್ ಮಾಡಿದ್ದು ಸರಿಯೆ?
ನಮ್ಮಲ್ಲಿ ಕೆಲವರು ಉಪ್ಪಿಗೂ ಘತಿಯಿಲ್ಲದ ಬಡವರು ಇದ್ದಾರೆ, ಅವರಿಗೆ ಆಹಾರದ ಘತಿ ಎನು?
ಅವರು ಇªವಡÀತ್ತು ದುಡಿದು ಇವತ್ತು ಅಂಗಡಿಗಳಿಂದ ಅಕ್ಕಿ, ರಾಗಿ, ಗೋಧಿ ತಂದು ಜೀವಿಸುವರು, ಅವರು ಎಲ್ಲಿಂದ ಈ ಸಾಮಾಗ್ರಿಗಳನ್ನು ತರುವುದು? ಅಂದರೆ ಕೊರೊನಾ ರೋಗ ಸೊಂಕದೆ ಹಸಿವೆಯಿಂದ ಸಾಯ ಬೇಕೆ?
ಇಷ್ಟೊಂದು ಗಂಭಿರ ಪರಿಸ್ಥಿತಿ ಇರುವಾಗ ಮುಂಜಾಗ್ರತೆಯಾಗಿ, ಓಷಧಿ, ಆಹಾರ ಸಾಮಾಗ್ರಿ ಶೇಖರಣೆ ಮಾಡಿ ಅಂತಾ ರಾಜ್ಯ ಸರಕಾರ ಅಧಿಕ್ರತವಾಗಿ ಯಾಕೆ ತಿಳಿಸಲಿಲ್ಲಾ.
ಎನು ಪ್ರಜೆಗಳು ಹಸಿವೆಯಿಂದ ಸಾಯ ಬೇಕೆ? ಅತೀ ಬಡವರಿಗೆ ಆಹಾರ ಧಾನ್ಯ ಪೂರೈಸಿ ಇಲ್ಲದಿದ್ದರೆ ಹಸಿವೆಯಿಂದ ಸಾಯ ಬೇಕಾಗುತ್ತದೆ. ಇದು ಯಾರ ಜವಾಬ್ದರಿ. ಕೊರೊನಾಕಿಂತ್ತ ಹಸಿವೆಯಿಂದ ಜನ ಜಾಸ್ತಿ ಸಾಯ ಬೇಕೆ?

ಕರೋನ ವೈರಸನ ಭಯದಿಂದಾಗಿ ಸಂಕಷ್ಟ ಎದುರಾಗಿದೆ:ರಿಕ್ಷ ಚಾಲಕರ ಸ್ವತ:ರಕ್ಷಣೆಗೆ ಸಿಐಟಿಯು ಮನವಿ

JANANUDI.COM NETWORK

 

ಕರೋನ ವೈರಸನ ಭಯದಿಂದಾಗಿ ಸಂಕಷ್ಟ ಎದುರಾಗಿದೆ:ರಿಕ್ಷ ಚಾಲಕರ ಸ್ವತ:ರಕ್ಷಣೆಗೆ ಸಿಐಟಿಯು ಮನವಿ

 

 

 

ಕುಂದಾಪುರ: ದಿನದ 18 ಗಂಟೆ ದುಡಿದು ಉಣ್ಣುವ ರಿಕ್ಷಾ ಮತ್ತು ವಾಹನ ಚಾಲಕರಿಗೆ ಕರೋನ ವೈರಸನ ಭಯದಿಂದಾಗಿ ಸಂಕಷ್ಟ ಎದುರಾಗಿದೆ.ಸರಕಾರವು ಈ ಚಾಲಕರ ಕುಟುಂಬಗಳಿಗೆ ಕೇರಳ ಸರಕಾರದಂತೆ ಪ್ಯಾಕೇಜ್ ಘೋಷಿಸಲು ಒತ್ತಾಯಿಸಿದೆ.ಕುಂದಾಪುರ ಆಟೋರಿಕ್ಷಾ ಮತ್ತು ವಾಹನ ಚಾಲಕರ ಸಂಘವು ದಿನನಿತ್ಯ ಹಲವಾರು ಜನರನ್ನು ಸಂಪರ್ಕಿಸುವ ಎಲ್ಲಾ ಚಾಲಕರು ತಾವು ಸ್ವತಃ ರಕ್ಷಣೆ ವಹಿಸಲು ಸಾಧ್ಯವಾದಷ್ಟು ಕೆಲವು ಮುಂಜಾಗ್ರತ ಕ್ರಮವಾಗಿ ಸೈನಿಟೈಸರ್ ಹಾಗು ಮಾಸ್ಕ್ ಬಳಸಲು ಮುಂದಾಗಬೇಕೆಂದು ಮನವಿ ಮಾಡಿದೆ.ಜಿಲ್ಲಾಡಳಿತವು ಬಡವರಾದ ಚಾಲಕರಿಗೆ ಮಾಸ್ಕ, ಸೈನಿಟೈಸರ್ ಉಚಿತವಾಗಿ ವಿತರಿಸಲು ಕ್ರಮವಹಿಸಬೇಕೆಂದು ಮನವಿ ಮಾಡುತ್ತದೆ ಎಂದು ಸಂಘವು ಪತ್ರಿಕಾ ಪ್ರಕಟಣೆಯಲ್ಲಿ ತಿಳಿಸಿದೆ.
ರಾಜುದೇವಾಡಿಗ
ಪ್ರಧಾನ ಕಾರ್ಯದರ್ಶಿ
ಕುಂದಾಪುರ ಆಟೋ ರಿಕ್ಷಾ ಮತ್ತು ವಾಹನ ಚಾಲಕರ ಸಂಘ (ಸಿಐಟಿಯು)