HOLY ROSARY CHURCH, KUNDAPUR – 450 th JUBILEE SOUVENIR 2021

ಮರವಂತೆಯ  ಮೀನು ವ್ಯಾಪಾರಿಯ ಕೊಲೆ ಯತ್ನ: ಮಹಾರಾಷ್ಟ್ರದ ನಾಲ್ವರು ಶಾರ್ಪ್ ಶೂಟರಗಳ ಬಂಧನ

JANANUDI.COM NETWORK

 

 

ಮರವಂತೆಯ  ಮೀನು ವ್ಯಾಪಾರಿಯ ಕೊಲೆ ಯತ್ನ: ಮಹಾರಾಷ್ಟ್ರದ ನಾಲ್ವರು ಶಾರ್ಪ್ ಶೂಟರಗಳ ಬಂಧನ

 

 

ಕುಂದಾಪುರ: ಮೀನು ವ್ಯವಹಾರಕ್ಕೆ ಸಂಬಂಧಿಸಿದಂತೆ ಮರವಂತೆಯ ಮರವಂತೆ  ಮೊಹಮ್ಮದ್ ಶಾಖೀರ್ ಮೀನು ವ್ಯಾಪಾರಿಯೊರ್ವರ ಮೇಲೆ ಕೊಲೆ ಯತ್ನ ನಡೆಸಲು ಮಹಾರಾಷ್ಟ್ರದ ರತ್ನಗಿರಿಯಿಂದ ಮಾರಕಾಯುಧಗಳೊಂದಿಗೆ ಬಂದಿದ್ದ ನಾಲ್ವರು ಆರೋಪಿಗಳನ್ನು  ಕಾರ್ಯಾಚರಣೆ ನಡೆಸಿ ಕುಂದಾಪುರ ಪೊಲೀಸರು ಬಂಧಿಸಿ ಸಂಭವಿಸಬಹುದಾದ ದುರಂತವೊಂದನ್ನು ತಪ್ಪಿಸಿರುವ ಘಟನೆ ಶುಕ್ರವಾರ ಕುಂದಾಪುರದಲ್ಲಿ ನಡೆದಿದೆ.

 

 

ಕಳೆದ 2 ವರ್ಷಗಳಿಂದ ಮರವಂತೆ ನಿವಾಸಿ ಮೊಹಮ್ಮದ್ ಶಾಖೀರ್ ಹಾಗೂ ರತ್ನಗಿರಿಯ ದಾನೀಶ್ ಪಾಟೀಲ್ ಎಂಬವರ ಜೊತೆ ಮೀನು ವ್ಯವಹಾರ ನಡೆಯುತಿತ್ತು. ಈ ವ್ಯವಹಾರದಲ್ಲಿ ಶಾಖೀರ್‌ಗೆ ೫೦ ಲಕ್ಷ ಬಾಕಿ ಇರುವುದಾಗಿ ಕರೆ ಮಾಡಿದ್ದ ದಾನಿಶ್ ತಿಳಿಸಿದ್ದ. ಶಾಖೀರ್ ನಾನು ಪಡೆದ ಮೀನುಗಳಿಗಿಂತಲೂ ಹೆಚ್ಚು ಹಣ ನೀಡಿದ್ದಾಗಿ ತಿಳಿಸಿ ಕರೆಯನ್ನು ಕರೆ ಕಟ್ ಮಾಡಿದ್ದ ಎನ್ನಲಾಗಿದೆ.. ಇದರಿಂದ ಕುಪಿತಗೊಂಡಿದ್ದ ದಾನೀಶ್ ಪದೆ ಪದೆ ಕರೆ ಮಾಡಿ ಹಣ ಕೊಡವಂತೆ ಹೇಳುತ್ತಿದ್ದ. ಶಾಖೀರ್ ತಂದೆಗೂ ಕರೆ ಮಾಡಿ ಹಣಕ್ಕಾಗಿ ಪೀಡಿಸಿದ್ದ ಎಂದು ಹೇಳಲಾಗಿದೆ.. ಹಣ ನೀಡದೆ ಇದ್ದರೆ ಕುಂದಾಪುರಕ್ಕೆ ಬಂದು ನೋಡಿಕೊಳ್ಳುವುದಾಗಿ ಬೆದರಿಕೆ ನೀಡಿದ್ದಾಗಿ ಶಾಖೀರ್ ಪೊಲೀಸರಿಗೆ ನೀಡಿದ ದೂರಿನಲ್ಲಿ ತಿಳಿಸಿದ್ದಾರೆ.

ಹಣ ಕೊಡದಿದ್ದರೆ ಶಾಖೀರನನ್ನು ಮುಗಿಸುವ ಪ್ಲ್ಯಾನ್
ಶಾಖೀರನಿಂದ ಹಣ ಪಡೆಯು ಯೋಜನೆ ರೂಪಿಸಿದ್ದ ದಾನೀಶ್ ಪಾಟೀಲ್ ಶುಕ್ರವಾರ ಬೆಳಿಗ್ಗೆ ತನ್ನ ೩ ಸ್ನೇಹಿತರ ಜತೆ ಕುಂದಾಪುರಕ್ಕೆ ಬಂದಿದ್ದ. ನಗರದ ಹೊರವಲಯದ ಹಂಗಳೂರು ಜೂಲಿಯೊ  ಖಾಸಗಿ ವಸತಿ ಗ್ರಹದಲ್ಲಿ ಕೊಠಡಿ ಪಡೆದುಕೊಂಡಿದ್ದ ಆರೋಪಿಗಳು ಹಂಗಳೂರಿನಲ್ಲಿ ಇದ್ದ ಶಾಖೀರ್ ಅವರ ಪ್ಲಾಟ್‌ಗೆ ಹೋಗಿ ಹಣ ಕೊಡದಿದ್ದರೆ ನಿನ್ನನ್ನು ಸುಮ್ಮನೆ ಬಿಡುವುದಿಲ್ಲ, ಲೆಕ್ಕಾಚಾರಕ್ಕಾಗಿ ಲಾಡ್ಜ್‌ಗೆ ಬರುವಂತೆ ಬೆದರಿಸಿದ್ದ

ವಾಪಾಸಾಗಿದ್ದಾರೆ. ಸಂಜೆ 6.30ರ ವೇಳೆಗೆ ಸ್ನೇಹಿತ ಸುಹೈಲ್‌ನೊಂದಿಗೆ ಕಾರಿನಲ್ಲಿ ಕುಂದಾಪುರದತ್ತ ಹೋಗುತ್ತಿದ್ದ ಶಾಖೀರ್‌ನನ್ನು ಹಂಗಳೂರಿನ ಭಾಷಾ ಟ್ರಾನ್ಸ್‌ಪೋರ್ಟ್ ಬಳಿಯಲ್ಲಿ ಅಡ್ಡ ಹಾಕಿದ್ದ ಆರೋಪಿಗಳು ಮಾರಕಾಯುಧಗಳಿಂದ ಹಲ್ಲೆ ನಡೆಸಲು ಮುಂದಾಗುತ್ತಿದಂತೆ ಅವರಿಂದ ತಪ್ಪಿಸಿಕೊಂಡಿದ್ದ ಶಾಖೀರ್, ಪೊಲೀಸ್ ಠಾಣೆಗೆ ಬಂದು ದೂರು ನೀಡಿದ್ದರು.

ಕುಂದಾಪುರ ಪೊಲೀಸರ ಕ್ಷಿಪ್ರ ಕಾರ್ಯಾಚರಣೆ:
ದೂರು ದಾಖಲಿಸಿಕೊಂಡ ಕುಂದಾಪುರ ಠಾಣಾಧಿಕಾರಿ ಹರೀಶ್ ಆರ್ ನಾಯ್ಕ್ ಪೊಲೀಸ್ ತಂಡ ರಚಿಸಿ ಆರೋಪಿಗಳ ಬಂಧನಕ್ಕಾಗಿ ಕಾಯಾಚರಣೆ ನಡೆಸಿದ್ದಾರೆ. ಆರೋಪಿಗಳ ಕಾರನ್ನು ಬೆಂಬತ್ತಿದ ಪೊಲೀಸರು ಕೋಟೇಶ್ವರದ ಫ್ಲೈಓವರ್ ಬಳಿ ಕಾರನ್ನು ತಡೆದು ಮಹಾರಾಷ್ಟ್ರದ ರತ್ನಗಿರಿಯ ನಿವಾಸಿ ದಾನೀಶ್ ಪಾಟೀಲ್(34), ಅಝೀಂ ಕಾಜಿ(39), ಮುಖಾದ್ದರ್(34) ಹಾಗೂ ಪ್ರಸಾದ್(47) ಎನ್ನುವವರನ್ನು ಬಂಧಿಸಿದ್ದಾರೆ. ಇವರುಗಳು ಶಾರ್ಪ್ ಶೂಟರಗಳೆಂದು ತಿಳಿದು ಬಂದಿದೆ. . ಆರೋಪಿಗಳಿಂದ ಕೃತ್ಯಕ್ಕೆ ಬಳಸಲಾದ ಎರಡು ದೊಡ್ಡ ಚೂರಿ, ಒಂದು ಬಟನ್ ಚಾಕು, ಸ್ಕ್ರೂಡ್ರೈವರ್ ಹಾಗೂ ಮಹಾರಾಷ್ಟ್ರ ನೋಂದಣಿಯ ಜೈಲೋ ಕಾರನ್ನು ವಶಕ್ಕೆ ಪಡೆದುಕೊಂಡಿದ್ದಾರೆ. ಕುಂದಾಪುರದ ಉಪ ಎಎಸ್‌ಪಿ ಹರಿರಾಂಶಂಕರ್ ಹಾಗೂ ಸರ್ಕಲ್ ಇನ್ಸ್‌ಪೆಕ್ಟರ್ ಗೋಪಿಕೃಷ್ಣ ಅವರ ಮಾರ್ಗದರ್ಶನದಲ್ಲಿ ಮುಂದಿನ ತನಿಖೆ ನಡೆಯುತ್ತಿದೆ.

 

 

ಪೊಲೀಸರ ಕಾರ್ಯಚರಣೆ ಮೆಚ್ಚುಗೆ ಪಡೆದಿದೆ
ಪೊಲೀಸರ ಕ್ಷಿಪ್ರ ಕಾರ್ಯಾಚರಣೆ ಸಾರ್ವಜನಿಕ ವಲಯದಲ್ಲಿ ಮೆಚ್ಚುಗೆ ವ್ಯಕ್ತವಾಗಿದೆ. ಎಎಸ್‌ಐ ಸುಧಾಕರ್, ಹೆಡ್ ಕಾನ್ಸ್‌ಟೇಬಲ್‌ಗಳಾದ ಮಂಜು, ಸಂತೋಷ್, ಜೋಸೇಫ್, ಚಂದ್ರ ಶೆಟ್ಡಿ, ರಾಜು ನಾಕ್, ರಾಘವೇಂದ್ರ, ಕಾನ್ಸ್‌ಟೇಬಲ್‌ಗಳಾದ ಅಶ್ವಿನ್, ಶಾಂತಾರಾಮ್, ರಾಮ ಗೌಡ, ಮಾರುತಿ, ರವಿ, ಶಂಕರ್, ರಾಘವೇಂದ್ರ ಮೊಗೇರ, ಸಚಿನ್, ಪ್ರಸನ್ನ ಮೊದಲಾದವರು ಕಾರ್ಯಾಚರಣೆಯಲ್ಲಿ ಭಾಗಿಯಾಗಿದ್ದರು

 

ಶ್ರೀನಿವಾಸಪುರ:ರಾಜ್ಯ ರಸ್ತೆ ಸಾರಿಗೆ ಸಂಸ್ಥೆ ಸಿಬ್ಬಂದಿ ಆರೋಗ್ಯ ರಕ್ಷಣೆಗೆ  ಗಮನ ನೀಡಬೇಕು:ಎಂ.ಎಸ್‌.ಚಂದ್ರಶೇಖರ್

ವರದಿ: ಶಬ್ಬೀರ್ ಅಹ್ಮದ್, ಶ್ರೀನಿವಾಸಪುರ
ಶ್ರೀನಿವಾಸಪುರ:ರಾಜ್ಯ ರಸ್ತೆ ಸಾರಿಗೆ ಸಂಸ್ಥೆ ಸಿಬ್ಬಂದಿ ಆರೋಗ್ಯ ರಕ್ಷಣೆಗೆ  ಗಮನ ನೀಡಬೇಕು:ಎಂ.ಎಸ್‌.ಚಂದ್ರಶೇಖರ್
ಶ್ರೀನಿವಾಸಪುರ:ರಾಜ್ಯ ರಸ್ತೆ ಸಾರಿಗೆ ಸಂಸ್ಥೆ ಸಿಬ್ಬಂದಿ ಆರೋಗ್ಯ ರಕ್ಷಣೆಗೆ  ಗಮನ ನೀಡಬೇಕು.
ಕೊರೊನಾ ಹರಡದಂತೆ ಎಚ್ಚರ ವಹಿಸಬೇಕು ಎಂದು ರಸ್ತೆ ಸಾರಿಗೆ ಸಂಸ್ಥೆಯ ಕೋಲಾರ ವಿಭಾಗದ ನಿಯಂತ್ರಣಾಧಿಕಾರಿ ಎಂ.ಎಸ್‌.ಚಂದ್ರಶೇಖರ್ ಹೇಳಿದರು.
  ಪಟ್ಟಣದ ರಸ್ತೆ ಸಾರಿಗೆ ಸಂಸ್ಥೆ ಡಿಫೋದಲ್ಲಿ ಕಾರ್ಯನಿರ್ವಹಿಸುವ ಸಿಬ್ಬಂದಿಗೆ ಉಚಿತವಾಗಿ ಮಾಸ್ಕ್‌ ವಿತರಿಸಿ ಮಾತನಾಡಿ, ಸಂಸ್ಥೆಯ ಬಸ್‌ಗಳಲ್ಲಿ ಪ್ರಯಾಣಿಸುವ ಪ್ರಯಾಣಿಕರ ಯೋಗಕ್ಷೇಮವೂ ಮುಖ್ಯ. ಹಾಗಾಗಿ ಪ್ರಯಾಣಿಕರಿಗೆ ಕೊರೊನಾ ಸೋಂಕು ತಗಲದಂತೆ ಎಚ್ಚರ ವಹಿಸಬೇಕು. ಇಲಾಖೆ ಒದಗಿಸುವ ಸುರಕ್ಷತಾ ಸಾಧನಗಳನ್ನು ತಪ್ಪದೆ ಧರಿಸಬೇಕು ಎಂದು ಹೇಳಿದರು.
  ಸಂಸ್ಥೆಯ ಸ್ಥಳೀಯ ವ್ಯವಸ್ಥಾಪಕ ಎನ್‌.ಜಿ.ಪ್ರಶಾಂತ್‌ ಕುಮಾರ್‌ ಮಾತನಾಡಿ, ಸಂಸ್ಥೆಯ 500 ಸಿಬ್ಬಂದಿಗೆ ಮಾಸ್ಕ್‌ ಹಾಗೂ ರೋಗಾಣು ನಾಶಕ ದ್ರವ ವಿತರಿಸಲಾಗಿದೆ. ಪ್ರಯಾಣಿಕರಿಗೂ ಸಹ ಬಸ್‌ ಹತ್ತುವ ಮುನ್ನ ಕೈಗೆ ರೋಗಾಣು ನಾಶಕ ದ್ರವ ಹಾಕಲಾಗುವುದು. ಬಸ್‌ನಲ್ಲಿ ವೈರಸ್‌ ನಿರೋಧಕ ಔಷಧ ಸಿಂಪಡಣೆ ಮಾಡಲಾಗುವುದು ಎಂದು ಹೇಳಿದರು.
  ಪ್ರಜಾಣಿಕರ ಕೊರತೆಯಿಂದಾಗಿ ಶ್ರೀನಿವಾಸಪುರದಿಂದ ಹೊರಡುವ 20 ಬಸ್‌ಗಳನ್ನು ನಿಲ್ಲಿಸಲಾಗಿದೆ. ಆದರೆ ಪಿಯುಸಿ ವಿದ್ಯಾರ್ಥಿಗಳು ಪರೀಕ್ಷೆಗೆ ಹಾಜರಾಗಲು ತೊಂದರೆ ಆಗದಂತೆ ನೋಡಿಕೊಳ್ಳಲಾಗುತ್ತಿದೆ ಎಂದು ಹೇಳಿದರು.
  ಅಧಿಕಾರಿಗಳಾದ ರವಿಶಂಕರ್‌, ಅಮರ್‌ನಾಥ್‌, ಅರುಣ್‌ ಕುಮಾರ್‌ ಇದ್ದರು.

ಜಿಲ್ಲಾ ಉಸ್ತುವಾರಿ ಸಚಿವರು ನಾಪತ್ತೆ : ರೈತ ಸಂಘದಿಂದ ಸಚಿವರ ಭಾವಚಿತ್ರದ ಸಮೇತ ಪೋಲಿಸ್ ವರಿಷ್ಠಾಧಿಕಾರಿಗಳಿಗೆ ದೂರು

ವರದಿ: ಶಬ್ಬೀರ್ ಅಹ್ಮದ್, ಶ್ರೀನಿವಾಸಪುರ

 

 

ಜಿಲ್ಲಾ ಉಸ್ತುವಾರಿ ಸಚಿವರು ನಾಪತ್ತೆ : ರೈತ ಸಂಘದಿಂದ ಸಚಿವರ ಭಾವಚಿತ್ರದ ಸಮೇತ ಪೋಲಿಸ್ ವರಿಷ್ಠಾಧಿಕಾರಿಗಳಿಗೆ ದೂರು

 

 

ಕೋಲಾರ. ಮಾ.17: ಜಿಲ್ಲೆಯ ಜಲ್ವಂತ ಸಮಸ್ಯೆಗಳು ಹಾಗೂ ಸಾಂಕ್ರಾಮಿಕ ರೋಗಗಳಿಂದ ಜನ ಸಾಮಾನ್ಯರು ತತ್ತರಿಸುತ್ತಿದ್ದರು ಜನರ ಮದ್ಯೆ ಇರಬೇಕಾದ ಜಿಲ್ಲಾ ಉಸ್ತುವಾರಿ ಸಚಿವರು ನಾಪತ್ತೆಯಾಗಿದ್ದು, ಸಚಿವರನ್ನು ಹುಡಿಕಿಕೊಡಬೇಕೆಂದು ರೈತ ಸಂಘದಿಂದ ಸಚಿವರ ಭಾವಚಿತ್ರದ ಸಮೇತ ಪೋಲಿಸ್ ವರಿಷ್ಠಾಧಿಕಾರಿಗಳಿಗೆ ದೂರು ನೀಡಿ ಒತ್ತಾಯಿಸಲಾಯಿತು.

ಮನವಿ ನೀಡಿ ಮಾತನಾಡಿದ ರಾಜ್ಯ ಉಪಾದ್ಯಕ್ಷ ಕೆ.ನಾರಾಯಣಗೌಡ ವಿಶ್ವದ್ಯಾಂತ ಮಹಾಮಾರಿ ಕೋವಿಡ್-19 ರುದ್ರತಾಂಡವ ಜೊತೆಗೆ ಸಾವಿನ ಕದತಟ್ಟುತ್ತಿರುವ ವೈರಸ್ ರೋಗದಿಂದ ಇಡೀ ವಿಶ್ವದ ಘಟಾಘಟಿ ದೇಶಗಳೇ ತತ್ತರಿಸುತ್ತಿದೆ. ಜೊತೆಗೆ ಕರ್ನಾಟಕದಲ್ಲೂ ರೋಗದ ಲಕ್ಷಣಗಳು ಕಾಣಿಸಿ, ಒಂದು ವಾರಗಳ ಕಾಲ ಇಡೀ ರಾಜ್ಯ ಸ್ತಬ್ಧವಾಗಿದೆ . ಅದರ ಜೊತೆಗೆ ಬೇಸಿಗೆ ಆರಂಭವಾಗಿ ತಿಂಗಳೇ ಕಳೆದಿದೆ ಹಾಗೂ ಜಿಲ್ಲಾದ್ಯಾಂತ ನೀರು ಮೇವು ಸಮಸ್ಯೆಯ ಜೊತೆಗೆ ರೇಷ್ಮೇ ತರಕಾರಿ ಬೆಲೆ ಕುಸಿತದ ಜೊತೆಗೆ ಸರ್ಕಾರಿ ಕಛೇರಿಗಳು ಭ್ರಷ್ಟಚಾರದ ಕೂಪವಾಗುವ ಜೊತೆಗೆ ಬಯಲು ಸೀಮೆಯ ಕೋಲಾರ ಜಿಲ್ಲೆಯ ಸಮಸ್ಯೆಗಳ ಜಿಲ್ಲೆಯಾಗಿದೆ. ಅದರಲ್ಲೂ ಒಂದು ಕಡೆ ಜಲ್ವಂತ ಸಮಸ್ಯೆಗಳು ಮತ್ತೊಂದು ಕಡೆ ಸಾಂಕ್ರಾಮಿಕ ರೋಗಗಳಿದ್ದರೂ ಜಿಲ್ಲೆಯಲ್ಲಿ ಜನರಿಂದ ಆಯ್ಕೆಯಾದ ಜನಪ್ರತಿನಿದಿಗಳು ಜನರ ಮದ್ಯೆ ಸಮಸ್ಯೆಗಳನ್ನು ಬಗೆಹರಿಸಬೇಕಾದ ಸಂಸದರು, ಉಸ್ತುವಾರಿ ಸಚಿವರು , ಜನಪ್ರತಿನಿದಿಗಳು ನಾಪತ್ತೆಯಾಗಿದ್ದಾರೆಂದು ಅಸಮಾದಾನ ವ್ಯಕ್ತಪಡಿಸಿದರು.

ಮಹಿಳಾ ಜಿಲ್ಲಾದ್ಯಕ್ಷೆ ಎ.ನಳಿನಿ ಮಾತನಾಡಿ ಮಹಾಮಾರಿ ಕೋವಿಡ್-19 ವೈರಸ್ ರೋಗದಿಂದ ಜನ ಸಾಮಾನ್ಯರು ಬೀದಿಗೆ ಬರಲು ಭಯಬೀತರಾಗುವ ಜೊತೆಗೆ ಬೀದಿ ವ್ಯಾಪಾರಿಗಳು ಹಾಗೂ ಸಣ್ಣ ಪುಟ್ಟ ಅಂಗಡಿಗಳು ಕೂಲಿಕಾರ್ಮಿಕರು ಕೆಲಸವಿಲ್ಲದ ಜೊತೆಗೆ ಜಿಲ್ಲಾದ್ಯಾಂತ ಸ್ವಚ್ಚತೆ ಹಾಗೂ ರೋಗಗಳ ಬಗ್ಗೆ ಜಿಲ್ಲಾ ಮಟ್ಟದ ಅಧಿಕಾರಿಗಳೊಡನೆ ಸಭೆ ನಡೆಸಿ ಜನರ ಮದ್ಯೆಯಿರಬೇಕಾದ ಉಸ್ತುವಾರಿ ಸಚಿವರು ನಾಪತ್ತೆಯಾಗಿದ್ದಾರೆ. ಜೊತೆಗೆ ಆನೆದಾಳಿಯಿಂದ 3 ಜನ ರೈತರು ಸಾವನ್ನಪ್ಪಿರುವ ಜೊತೆಗೆ ದೇಶಕ್ಕೆ ಪ್ರಾಣತ್ಯಾಗ ಮಾಡಿದ ಯೋದನ ಅಂತ್ಯಕ್ರಿಯೆಗೂ ಬಾರದ ಸಚಿವರು ಮುಳಬಾಗಿಲು ಕ್ಷೇತ್ರಕ್ಕೆ ಮಾತ್ರ ಸಚಿವರಾಗಿ ಜಿಲ್ಲೆಯನ್ನು ಮರೆತಿದ್ದಾರೆಂದು ಜನ ಸಾಮಾನ್ಯರು ಆಕ್ರೋಶ ವ್ಯಕ್ತಪಡಿಸುವ ಜೊತೆಗೆ ಮಹಾಮಾರಿ ಕರೋನಾ ರೋಗಕ್ಕೆ ಭಯಭೀತರಾಗಿದ್ದಾರೆಂದು ಸಾರ್ವಜನಿಕವಾಗಿ ಮಾತನಾಡಿಕೊಳ್ಳುವ ಜೊತೆಗೆ ಮೊದಲು ತಿಂಗಳಿಗೆ 20 ಬಾರಿ ಪ್ರಗತಿ ಪರಿಶೀಲನಾ ಸಭೆಯ ಜೊತೆಗೆ ಇತರೆ ಸಭೆಗಳನ್ನು ನಡೆಸುತ್ತಿದ್ದ ಸಂಸದರು ,ಶಾಸಸಕರು, ಸಚಿವರು ನಾಪತ್ತೆಯಾಗಿದ್ದಾರೆ. ಜೊತೆಗೆ ಉಸ್ತುವಾರಿ ಸುಸ್ತವಾರಿ ಸಚಿವರಾಗಿದ್ದಾರೆಂದು ಟೀಕೆ ಮಾಡುತ್ತಿದ್ದಾರೆಂದು ಅರೋಪ ಮಾಡುವ ಜೊತೆಗೆ ಮಾನ್ಯ ಪೋಲಿಸ್ ವರಿಷ್ಠಾಧಿಕಾರಿಗಳು ಜಿಲ್ಲೆಯ ಜವಬ್ದಾರಿ ಸ್ಥಾನದಲ್ಲಿರುವ ಉಸ್ತುವಾರಿ ಸಚಿವರು ನಾಪತ್ತೆಯಾಗಿದ್ದು, ಮತಬಾಂಧವರು ಸಮಸ್ಯೆಗಳನ್ನು ಹೇಳಿಕೊಳ್ಳಲು ಹುಡುಕಾಡಿದರೂ ಕಾಣುತ್ತಿಲ್ಲ. ಕೂಡಲೇ ಮಾಡಲು ಉಸ್ತುವಾರಿ ಸಚಿವರನ್ನು ಹುಡುಕಿಕೊಟ್ಟು ಜನರ ಸಮಸ್ಯೆಗಳಿಗೆ ಮುಕ್ತಿ ಕೊಡಿಸಬೇಕೆಂದು ಮನವಿ ಮಾಡಿದರು.
ಮನವಿ ಸ್ವೀಕರಿಸಿ ಮಾತನಾಡಿದ ಪೋಲಿಸ್ ವರಿಷ್ಠಾಧಿಕಾರಿಗಳು ನಿಮ್ಮ ದೂರನ್ನು ಆದರಿಸಿ ಉಸ್ತುವಾರಿ ಸಚಿವರನ್ನು ಸಂಪರ್ಕಿಸಿ ಜನರ ಸಮಸ್ಯೆ ಬಗೆಹರಿಸಲು ಸಭೆ ನಡೆಸುವಂತೆ ಭರವಸೆ ನೀಡಿದರು.
ಮನವಿ ನೀಡುವಾಗ ಮಂಗಸಂದ್ರ ನಾಗೇಶ್, ಸುಪ್ರೀಂಚಲ, ರಾಮಮೂರ್ತಿ, ವಿನೋದ್, ಜಗದೀಶ್, ಶಿವ, ಮುಂತಾದವರಿದ್ದರು.

ಡಿಸಿಸಿ ಬ್ಯಾಂಕ್ ನವಚೈತನ್ಯದೊಂದಿಗೆ ಇಡೀ ದೇಶಕ್ಕೆ ಮಾದರಿಯಾಗಲು ಮಹಿಳೆಯರ ಪ್ರಾಮಾಣಿಕತೆ,ಬದ್ದತೆ ಕಾರಣ-ಬ್ಯಾಲಹಳ್ಳಿ ಗೋವಿಂದಗೌಡ

ವರದಿ: ಶಬ್ಬೀರ್ ಅಹ್ಮದ್, ಶ್ರೀನಿವಾಸಪುರ

 

 

ಡಿಸಿಸಿ ಬ್ಯಾಂಕ್ ನವಚೈತನ್ಯದೊಂದಿಗೆ ಇಡೀ ದೇಶಕ್ಕೆ ಮಾದರಿಯಾಗಲು ಮಹಿಳೆಯರ ಪ್ರಾಮಾಣಿಕತೆ,ಬದ್ದತೆ ಕಾರಣ-ಬ್ಯಾಲಹಳ್ಳಿ ಗೋವಿಂದಗೌಡ 

 

 

 

ಕೋಲಾರ:- ಡಿಸಿಸಿ ಬ್ಯಾಂಕ್ ನವ ಚೈತನ್ಯದೊಂದಿಗೆ ದೇಶಕ್ಕೆ ಮಾದರಿಯಾಗಲು ಮಹಿಳೆಯರ ಪ್ರಾಮಾಣಿಕತೆ, ಸಾಲ ಮರುಪಾವತಿಯಲ್ಲಿನ ಬದ್ದತೆಯೇ ಕಾರಣವಾಗಿದೆ ಎಂದು ಕೋಲಾರ,ಚಿಕ್ಕಬಳ್ಳಾಪುರ ಡಿಸಿಸಿ ಬ್ಯಾಂಕ್ ಅಧ್ಯಕ್ಷ ಬ್ಯಾಲಹಳ್ಳಿ ಗೋವಿಂದಗೌಡ ತಿಳಿಸಿದರು.
ಬುಧವಾರ ಕೋಲಾರ-ಬಂಗಾರಪೇಟೆ ರಸ್ತೆಯ ಚಿಕ್ಕಅಂಕಂಡಹಳ್ಳಿ ಗ್ರಾಮದ ರೇಷ್ಮೆಬೆಳೆಗಾರರ ಹಾಗೂ ರೈತರ ಸೇವಾ ಸಹಕಾರ ಸಂಘದ ಆಶ್ರಯದಲ್ಲಿ ಮಹಿಳಾ ಸಂಘಗಳಿಗೆ 2.20 ಕೋಟಿ ರೂ ಸಾಲ ವಿತರಣೆ ಹಾಗೂ `ಕಿಸಾನ್ ಲಕ್ಷ್ಮಿ’ ಠೇವಣಿ ಬಾಂಡ್ ವಿತರಿಸಿ ಅವರು ಮಾತನಾಡುತ್ತಿದ್ದರು.
ಕೊರೋನಾ ಭೀತಿ
ಗ್ರಾಮದಲ್ಲೇ ಸಾಲ
ಕೊರೋನಾ ಭೀತಿ ಹಿನ್ನಲೆಯಲ್ಲಿ ಸಾಲ ವಿತರಣೆಗಾಗಿ ಸಭೆ,ಸಮಾರಂಭ ನಡೆಸಲು ಸಾಧ್ಯವಿಲ್ಲ ಆದರೆ ತಾಯಂದಿರಿರುವ ಗ್ರಾಮಗಳಿಗೆ ಹೋಗಿ ಸಾಲವನ್ನು ವಿತರಿಸುವ ಕಾರ್ಯ ಡಿಸಿಸಿ ಬ್ಯಾಂಕ್ ಮಾಡುತ್ತಿದೆ ಎಂದು ತಿಳಿಸಿದರು.
ಸಾಲ ವಿತರಣೆಗೆ ಸೊಸೈಟಿಗಳ ಅಧ್ಯಕ್ಷರು,ಕಾರ್ಯದರ್ಶಿಗಳು, ಬ್ಯಾಂಕಿನ ಅಧ್ಯಕ್ಷರು ಆ ಭಾಗದ ನಿರ್ದೇಶಕರು ಮಾತ್ರ ಹಾಜರಿದ್ದು, ಸಾಲ ವಿತರಿಸುವುದಾಗಿ ತಿಳಿಸಿದರು.
ಡಿಸಿಸಿ ಬ್ಯಾಂಕಿನಲ್ಲೇ
ಉಳಿತಾಯ ಮಾಡಿ
ತಾಯಂದಿರ ಆಶೀರ್ವಾದವೇ ಡಿಸಿಸಿ ಬ್ಯಾಂಕಿಗೆ ಶ್ರೀರಕ್ಷೆಯಾಗಿದ್ದು, ನಿಮ್ಮ ಸ್ವಾಭಿಮಾನದ ಜೀವನಕ್ಕೆ ಎಲ್ಲಾ ಆರ್ಥಿಕ ನೆರವು ನೀಡಲು ಬ್ಯಾಂಕ್ ಸಿದ್ದವಿದೆ ಎಂದರು.
ತಾಯಂದಿರು ತಮ್ಮದೇ ತವರುಮನೆಯಾದ ಈ ಬ್ಯಾಂಕಿನಲ್ಲೇ ನಿಮ್ಮ ಉಳಿತಾಯದ ಹಣ ಠೇವಣಿ ಇಡಬೇಕು, ಇತರೆ ಬ್ಯಾಂಕುಗಳಲ್ಲಿ ಹಣವಿಟ್ಟಿದ್ದರೆ ಕೂಡಲೇ ವಾಪಸ್ಸು ಪಡೆದು ಡಿಸಿಸಿ ಬ್ಯಾಂಕಿನಲ್ಲಿ ಹೂಡಿಕೆ ಮಾಡಿ, ಹೆಚ್ಚಿನ ಬಡ್ಡಿ ನೀಡುವುದರ ಜತೆಗೆ ಮತ್ತಷ್ಟು ತಾಯಂದಿರಿಗೆ ಆರ್ಥಿಕ ನೆರವು ನೀಡಲು ಸಾಧ್ಯವಾಗುತ್ತದೆ ಎಂದರು.
ಯಾವುದೇ ಭದ್ರತೆಯಿಲ್ಲದೇ ತಾಯಂದಿರನ್ನು ನಂಬಿ ಡಿಸಿಸಿ ಬ್ಯಾಂಕ್ ಸಾಲ ನೀಡುತ್ತಿದೆ, ತಾಯಂದಿರನ್ನು ಮೀಟರ್ ಬಡ್ಡಿ ಶೋಷಣೆಯಿಂದ ತಪ್ಪಿಸಿ, ಅವರು ಸ್ವಾಭಿಮಾನದಿಂದ ಜೀವನ ನಡೆಸುವಂತಾಗಲಿ ಎಂಬ ಬದ್ದತೆಯಿಂದ ಇಡೀ ದೇಶದಲ್ಲೇ ತಾಯಂದಿರಿಗೆ ಅತಿ ಹೆಚ್ಚು ಸಾಲ ನೀಡಿರುವ ಬ್ಯಾಂಕ್ ನಮ್ಮದು ಎಂಬ ಹೆಗ್ಗಳಿಕೆ ಇದ್ದು, ಈ ಗೌರವ ಉಳಿಸಿ ಎಂದು ಕಿವಿಮಾತು ಹೇಳಿದರು.
ಡಿಸಿಸಿ ಬ್ಯಾಂಕ್ ನಿರ್ದೇಶಕ ಪಿಚ್ಚಳ್ಳಿ ಗೋವಿಂದರಾಜು, ಡಿಸಿಸಿ ಬ್ಯಾಂಕ್ ಮೀಟರ್ ಬಡ್ಡಿಯಿಂದ ಸಂಕಷ್ಟಕ್ಕೀಡಾಗಿದ್ದ ತಾಯಂದಿರ ನೆರವಿಗೆ ಧಾವಿಸಿರುವುದರಿಂದ ಅವರಲ್ಲಿ ಹೊಸ ಚೈತನ್ಯ ಮೂಡಲು ಕಾರಣವಾಗಿದೆ ಎಂದು ತಿಳಿಸಿದರು.
ಸಾಲ ಮರುಪಾವತಿಯಲ್ಲಿ ಮಹಿಳೆಯರು ನಂಬಿಕೆ ಉಳಿಸಿಕೊಳ್ಳುವ ಮೂಲಕ ಮತ್ತಷ್ಟು ಮಹಿಳೆಯರಿಗೆ ಸಾಲ ನೀಡುವ ಧೈರ್ಯವನ್ನು ತುಂಬಿದ್ದಾರೆ, ಇದೀಗ ಬ್ಯಾಂಕ್ ಠೇವಣಿ ಸಂಗ್ರಹಕ್ಕೂ ಒತ್ತು ನೀಡುವ ಮೂಲಕ ಪ್ರತಿಕುಟುಂಬದ ತಾಯಂದಿರಿಗೂ ಸಾಲದ ನೆರವು ಒದಗಿಸುವ ಬದ್ದತೆಯಿಂದ ಉಳಿತಾಯ ಸಂಗ್ರಹ ಆಂದೋಲನ ನಡೆಸುತ್ತಿದ್ದು, ಮಹಿಳೆಯರು ತಮ್ಮ ಉಳಿತಾಯದ ಹಣವನ್ನು ಡಿಸಿಸಿ ಬ್ಯಾಂಕಿನಲ್ಲೇ ಇಡಿ ಎಂದು ಮನವಿ ಮಾಡಿದರು.
ಕಾರ್ಯಕ್ರಮದಲ್ಲಿ ಚಿಕ್ಕಅಂಕಂಡಹಳ್ಳಿ ಎಸ್‍ಎಫ್‍ಸಿಎಸ್ ಅಧ್ಯಕ್ಷ ಹೊಸೂರು ಕೃಷ್ಣಪ್ಪ, ಹುಲಿಬೆಲೆ ಎಸ್‍ಎಫ್‍ಸಿಎಸ್ ಅಧ್ಯಕ್ಷೆ ವೀಣಾವೆಂಕಟೇಶ್, ಕಾರ್ಯದರ್ಶಿ ರಾಮಣ್ಣ ಸೇರಿದಂತೆ ಸೊಸೈಟಿಯ ಎಲ್ಲಾ ನಿರ್ದೇಶಕರು ಹಾಜರಿದ್ದರು.

ಎಸ್ಸೆಸ್ಸೆಲ್ಸಿ ಪರೀಕ್ಷಾ ಮುಖ್ಯ ಅಧೀಕ್ಷಕರಿಗೆ ತರಬೇತಿ ಕಾರ್ಯಾಗಾರ ಪರೀಕ್ಷಾ ಮಂಡಳಿ ಮಾರ್ಗಸೂಚಿಯಂತೆ ಕೆಲಸ ಮಾಡಿ-ಕೆ.ರತ್ನಯ್ಯ

ವರದಿ: ಶಬ್ಬೀರ್ ಅಹ್ಮದ್, ಶ್ರೀನಿವಾಸಪುರ

 

ಎಸ್ಸೆಸ್ಸೆಲ್ಸಿ ಪರೀಕ್ಷಾ ಮುಖ್ಯ ಅಧೀಕ್ಷಕರಿಗೆ ತರಬೇತಿ ಕಾರ್ಯಾಗಾರ
ಪರೀಕ್ಷಾ ಮಂಡಳಿ ಮಾರ್ಗಸೂಚಿಯಂತೆ ಕೆಲಸ ಮಾಡಿ-ಕೆ.ರತ್ನಯ್ಯ

 

 

 

 

ಕೋಲಾರ:- ಎಸ್ಸೆಸ್ಸೆಲ್ಸಿ ಪರೀಕ್ಷೆಯಲ್ಲಿ ಸಣ್ಣಪುಟ್ಟ ತಪ್ಪುಗಳಿಗೂ ಅವಕಾಶ ನೀಡದೇ ಸುಗಮ ಪರೀಕ್ಷೆ ನಡೆಸುವ ಹೊಣೆ ನಿಮ್ಮದಾಗಿದ್ದು, ಪ್ರೌಢಶಿಕ್ಷಣ ಪರೀಕ್ಷಾ ಮಂಡಳಿ ಮಾರ್ಗಸೂಚಿಯಂತೆ ಯಾವುದೇ ಲೋಪಗಳಿಗೆ ಅವಕಾಶವಿಲ್ಲದಂತೆ ಕೆಲಸ ಮಾಡಿ ಎಂದು ಮುಖ್ಯ ಅಧೀಕ್ಷಕರಿಗೆ ಡಿಡಿಪಿಐ ಕೆ.ರತ್ನಯ್ಯ ತಾಕೀತು ಮಾಡಿದರು.
ಬುಧವಾರ ನಗರದ ಆರ್‍ವಿ ಅಡ್ವೆಂಟ್ ರೈಡ್ ಸಭಾಂಗಣದಲ್ಲಿ ಸಾರ್ವಜನಿಕ ಶಿಕ್ಷಣ ಇಲಾಖೆ ಹಾಗೂ ಆರ್.ವಿ.ಇಂಟರ್ ನ್ಯಾಷನಲ್ ಶಾಲೆ ಆಶ್ರಯದಲ್ಲಿ ಜಿಲ್ಲೆಯ ಎಲ್ಲಾ 70 ಪರೀಕ್ಷಾ ಕೇಂದ್ರಗಳ ಮುಖ್ಯ ಅಧೀಕ್ಷಕರು,ಉಪಮುಖ್ಯಅಧೀಕ್ಷಕರು, ಪ್ರಶ್ನೆಪತ್ರಿಕಾ ಪಾಲಕರಿಗೆ ಹಮ್ಮಿಕೊಂಡಿದ್ದ ಪರೀಕ್ಷಾ ಪೂರ್ವಸಿದ್ದತಾ ಕಾರ್ಯಾಗಾರಕ್ಕೆ ಚಾಲನೆ ನೀಡಿ ಅವರು ಮಾತನಾಡುತ್ತಿದ್ದರು.
ಖಜಾನೆಯಿಂದ ಬಂದ ಪ್ರಶ್ನೆಪತ್ರಿಕೆ ಪಡೆದ ನಂತರ ಪರೀಕ್ಷೆ ಮುಗಿಸಿ ಉತ್ತರ ಪತ್ರಿಕೆಗಳ ಲಕೋಟೆಯನ್ನು ಕಳುಹಿಸುವವರೆಗೂ ಅತ್ಯಂತ ಎಚ್ಚರಿಕೆಯಿಂದ ಕಾರ್ಯನಿರ್ವಹಿಸಿ ಎಂದರು.
ಪರೀಕ್ಷಾ ಕೇಂದ್ರಗಳ ಸುಸ್ಥಿತಿಯ ಕುರಿತು ಗಮನಹರಿಸಿ, ಮಕ್ಕಳನ್ನು ಯಾವುದೇ ಕಾರಣಕ್ಕೂ ನೆಲದ ಮೇಲೆ ಕೂರಿಸುವಂತಿಲ್ಲ, ಶೌಚಾಲಯ, ಕುಡಿಯುವ ನೀರು, ಬೆಳಕು ಎಲ್ಲಾ ವಿಷಯಗಳ ಬಗ್ಗೆಯೂ ಮುಖ್ಯ ಅಧೀಕ್ಷಕರು ಕೇಂದ್ರಕ್ಕೆ ಹೋಗಿ ಪರಿಶೀಲಿಸಿ ಖಾತರಿ ಪಡಿಸಿಕೊಳ್ಳಿ, ಏನೇ ತಪ್ಪು ನಡೆದರೂ ನೀವೇ ಹೊಣೆಗಾರರಾಗುತ್ತೀರಿ ಎಂದು ಎಚ್ಚರಿಸಿದರು.
ಪರೀಕ್ಷಾ ಕೊಠಡಿಗಳಲ್ಲಿ ವಿನಾಕಾರಣ ಓಡಾಡಿ ಮಕ್ಕಳ ಏಕಾಗ್ರತೆಗೆ ಧಕ್ಕೆ ತರಬಾರದು, ಪ್ರತಿಕೊಠಡಿಗೂ ಪ್ರತ್ಯೇಕವಾಗಿ ಕುಡಿಯುವ ನೀರಿನ ವ್ಯವಸ್ಥೆ ಮಾಡಿ, ಕೊಠಡಿ ಮೇಲ್ವಿಚಾರಕರೇ ನೀರು ಕೊಟ್ಟರೆ ಅವಮಾನವಾಗಲಾರದು, ಅವರು ನಮ್ಮ ಮಕ್ಕಳೇ ಅಲ್ಲವೇ ಎಂದ ಅವರು, ಸಮಯಪ್ರಜ್ಞೆ ಶಿಕ್ಷಕರಲ್ಲೂ ಮೂಡಿಸಿ ಎಂದರು.
ಪರೀಕ್ಷಾ ಪಾವಿತ್ರ್ಯತೆಗೆ
ಧಕ್ಕೆತಾರದಿರಲು ಕರೆ
ಗುಣಾತ್ಮಕ ಫಲಿತಾಂಶ ನಮ್ಮ ಗುರಿಯಾಗಿದೆ, ಪರೀಕ್ಷಾ ಪಾವಿತ್ರ್ಯತೆ ಧಕ್ಕೆ ತಾರದಂತೆ ಎಚ್ಚರವಹಿಸುವ ಹೊಣೆ ನಿಮ್ಮದಾಗಿದೆ, ಕೇಂದ್ರಗಳ ಮುಖ್ಯ ಅಧೀಕ್ಷಕರು ಬದ್ದತೆಯಿಂದ ಕಾರ್ಯನಿರ್ವಹಿಸಿದರೆ ಯಾವುದೇ ಸಮಸ್ಯೆಗಳು ಎದುರಾಗಲಾಗದು ಎಂದರು.
ಪರೀಕ್ಷಾ ಕೇಂದ್ರಕ್ಕೆ ಅನಧಿಕೃತ ವ್ಯಕ್ತಿಗಳಿಗೆ ಹೊರ ಬರಲು ಅವಕಾಶ ನೀಡದಿರಿ, ಇಡೀ ಕೇಂದ್ರಕ್ಕೆ ನೀವೇ ಸುಪ್ರೀಂ ಆಗಿದ್ದೀರಿ, ಅಲ್ಲಿನ ಎಲ್ಲಾ ಹೊಣೆಗಾರಿಕೆ ನಿಮ್ಮದೇ ಆಗಿರುವುದರಿಂದ ಅತಿ ಎಚ್ಚರಿಕೆ ನಿಮ್ಮದೇ ಆಗಿದೆ, ನಿಮ್ಮೊಂದಿಗೆ ಇಡೀ ಪರೀಕ್ಷಾ ಕಾರ್ಯ ಮುಗಿಯುವರೆಗೂ ಇತರೆ ಸಿಬ್ಬಂದಿ ಇರಬೇಕು ಎಂದರು.
ಕೊರೋನಾ ಗಾಬರಿ
ಬೇಡ-ಬಿಇಒ
ಮಕ್ಕಳಿಗೆ ಕೊರೋನಾ ಭೀತಿ ಉಂಟು ಮಾಡದಿರಿ, ಅವರಿಗೆ ಆತ್ಮಸ್ಥೈರ್ಯ ತುಂಬಿ ಎಂದ ಅವರು, ಮಕ್ಕಳು ಪರೀಕ್ಷೆ ಸಂದರ್ಭದಲ್ಲಿ ನೇರಮನೆಯಿಂದಲೇ ತೆರಳಲಿ, ಶಾಲೆಗೆ ಬರುವುದು ಬೇಡ ಎಂದರು.
ಸ್ವಚ್ಚತೆಯ ಅರಿವು ಮೂಡಿಸಿ ಮಾಸ್ಕ್ ಬಳಕೆಗೆ ಸಲಹೆ ನೀಡಿ, ಕೈತೊಳೆಯುವ ಅಭ್ಯಾಸ, ಆರೋಗ್ಯ ರಕ್ಷಣೆಗೆ ಸೂಕ್ತ ಮಾರ್ಗದರ್ಶನ ನೀಡಿ ಎಂದರು.
70 ಕೇಂದ್ರಗಳಲ್ಲಿ
20906 ವಿದ್ಯಾರ್ಥಿಗಳು
ಪವರ್ ಪಾಯಿಂಟ್ ಪ್ರಸೆಂಟೇಷನ್ ಮೂಲಕ ಪರೀಕ್ಷಾಕಾರ್ಯಗಳ ಮಾಹಿತಿ ನೀಡಿದ ಪರೀಕ್ಷಾ ನೋಡೆಲ್ ಅಧಿಕಾರಿ ಎ.ಎನ್.ನಾಗೇಂದ್ರಪ್ರಸಾದ್, ಪರೀಕ್ಷಾ ಕಾರ್ಯಗಳಿಗೆ ನೇಮಿಸಿಕೊಳ್ಳುವ ಶಿಕ್ಷಕರ ಪಟ್ಟಿಯನ್ನು ಕಡ್ಡಾಯವಾಗಿ ಆಯಾ ಕ್ಷೇತ್ರ ಶಿಕ್ಷಣಾಧಿಕಾರಿಗಳು ಅನುಮೋದಿಸಿರಬೇಕು ಎಂದರು.
ಜಿಲ್ಲೆಯಲ್ಲಿ ಒಟ್ಟು 70 ಕೇಂದ್ರಗಳಲ್ಲಿ ಪರೀಕ್ಷೆ ನಡೆಯಲಿದ್ದು, ಒಟ್ಟು 20906 ವಿದ್ಯಾರ್ಥಿಗಳು ಪರೀಕಷೆ ಬರೆಯಲಿದ್ದಾರೆ, ಬಂಗಾರಪೇಟೆಯಲ್ಲಿ 11, ಕೆಜಿಎಫ್‍ನಲ್ಲಿ 9, ಕೋಲಾರದಲ್ಲಿ 17, ಮಾಲೂರಿನಲ್ಲಿ 9, ಮುಳಬಾಗಿಲಿನಲ್ಲಿ 11 ಹಾಗೂ ಶ್ರೀನಿವಾಸಪುರ ತಾಲ್ಲೂಕಿನಲ್ಲಿ ಒಟ್ಟು 13 ಕೇಂದ್ರಗಳಿವೆ ಎಂದು ತಿಳಿಸಿದರು.
ಮೊಬೈಲ್ ಸ್ವಾಧೀನಕ್ಕೆ
ಅಧಿಕಾರಿ ನೇಮಕ
ಇದೇ ಮೊದಲಬಾರಿಗೆ ಮೊಬೈಲ್ ಸ್ವಾಧೀನಾಧಿಕಾರಿಯನ್ನು ನೇಮಿಸಲಾಗಿದ್ದು, ಅವರು, ವಿದ್ಯಾರ್ಥಿಗಳಿಂದ, ಕೊಠಡಿ ಮೇಲ್ವಿಚಾರಕರಿಂದ ಮೊಬೈಲ್ ಸ್ವಾಧೀನ ಪಡಿಸಿಕೊಂಡು ಪರೀಕ್ಷೆ ನಂತರ ವಾಪಸ್ಸು ನೀಡುವ ಕಾರ್ಯ ಮಾಡಲಿದ್ದಾರೆ ಎಂದರು.

ಪರೀಕ್ಷಾ ಕೇಂದ್ರದಲ್ಲಿ ಕೆಲಸ ಮಾಡುವ ವಾಟರ್‍ಬಾಯ್‍ನಿಂದ ಮುಖ್ಯ ಅಧೀಕ್ಷಕರವರೆಗೂ ಎಲ್ಲಾ ಸಿಬ್ಬಂದಿಗೂ ಪ್ರೌಢಶಿಕ್ಷಣ ಪರೀಕ್ಷಾ ಮಂಡಳಿಯೇ ಮುದ್ರಿಸಿದ ಗುರುತಿನ ಚೀಟಿ ನೀಡಿದೆ, ಅದನ್ನೇ ಬಳಸಬೇಕು, ಗುರುತಿನ ಚೀಟಿ ಇಲ್ಲದ ವ್ಯಕ್ತಿಗಳನ್ನು ಕೇಂದ್ರದಲ್ಲಿ ಸೇರಿಸಬಾರದು ಎಂದರು.
ಕೊಠಡಿ ಮೇಲ್ಚಿಚಾರಕರನ್ನು ಲಾಟರಿ ಮೂಲಕವೇ ಆಯ್ಕೆ ಮಾಡಿ ಎಂದ ಅವರು, ಅವರು ಪರೀಕ್ಷೆ ಆರಂಭದ ಅರ್ಧಗಂಟೆ ಮೊದಲು ಹಾಜರಿರುವಂತೆ ತಿಳಿಸಿ, ತಪ್ಪಿದಲ್ಲಿ ಇಲಾಖಾ ಅಧಿಕಾರಿಗಳಿಗೆ ದೂರು ನೀಡಿ ಎಂದರು.
ಈಗಾಗಲೇ ಪರೀಕ್ಷಾ ಉತ್ತರ ಪತ್ರಿಕೆ ಅಥವಾ ಬುಕ್ ಲೆಟ್‍ಗಳು ಬಂದಿದ್ದು, ಇಂದೇ ಆಯಾ ಕ್ಷೇತ್ರ ಶಿಕ್ಷಣಾಧಿಕಾರಿಗಳ ಕಚೇರಿಯಿಂದ ಮುಖ್ಯ ಅಧೀಕ್ಷಕರು ಪಡೆದುಕೊಳ್ಳಬೇಕು ಎಂದರು.
ಎಸ್ಸೆಸ್ಸೆಲ್ಸಿ ಮಕ್ಕಳಿಗೆ ಅವರ ಜೀವನದಲ್ಲಿ ಇದು ಮೊದಲ ಪಬ್ಲಿಕ್ ಪರೀಕ್ಷೆಯಾಗಿದ್ದು, ಅವರ ಆತ್ಮಸ್ಥೈರ್ಯ ಕುಂದುವ ರೀತಿಯಲ್ಲಿ ಯಾವುದೇ ಗೊಂದಲಕ್ಕೆ ಅವಕಾಶ ನೀಡಬಾರದು ಎಂದರು.
ಖಜಾನೆಯಿಂದ 31 ಮಾರ್ಗಗಳಲ್ಲಿ ಪ್ರಶ್ನೆಪತ್ರಿಕೆ ಪೊಲೀಸ್ ಬಂದೋಬಸ್ತ್‍ನೊಂದಿಗೆ ತೆರಳಲಿದ್ದು, ಇದಕ್ಕಾಗಿ 31 ಮಾರ್ಗಾಧಿಕಾರಿಗಳನ್ನು ನೇಮಿಸಲಾಗಿದೆ ಎಂದರು.
ಅನ್ಯಮಾರ್ಗಬೇಡ
ಬದ್ದತೆಯಿಂದಿರಿ
ಶಿಕ್ಷಣಾಧಿಕಾರಿ ಸಿ.ಆರ್.ಅಶೋಕ್, ಪರೀಕ್ಷೆಯಲ್ಲಿ ಲೋಪಗಳಿಗೆ ಅವಕಾಶ ಬೇಡ, ಅನ್ಯಮಾರ್ಗಬೇಡ, ಮಾರ್ಗಸೂಚಿಯಂತೆ ಕೆಲಸ ಮಾಡಿ, ಅನುಪಾಲನೆ,ಅನುಷ್ಟಾನದಲ್ಲಿ ಗೊಂದಲ ಬೇಡ ಎಂದು ತಾಕೀತು ಮಾಡಿದರು.
ಮಾರ್ಗಾಧಿಕಾರಿಗಳಿಂದ ಪ್ರಶ್ನೆಪತ್ರಿಕೆ ಪಡೆಯುವುದರಿಂದ ಅಂತಿಮವಾಗಿ ಉತ್ತರ ಪತ್ರಿಕೆಗಳ ಬಂಡಲ್‍ಅನ್ನು ಸೀಲ್ ಮಾಡಿ ಕಳುಹಿಸುವವರೆಗೂ ಮುಖ್ಯ ಅಧೀಕ್ಷಕರು ನಿರ್ವಹಿಸಬೇಕಾದ ಜವಾಬ್ದಾರಿಗಳನ್ನು, ಕೇಂದ್ರದಲ್ಲಿ ನಿರ್ವಹಿಸಬೇಕಾದ ದಾಖಲೆಗಳ ಕುರಿತು ಮಾಹಿತಿ ನೀಡಿದರು.
ಸಭೆಯಲ್ಲಿ ಕ್ಷೇತ್ರ ಶಿಕ್ಷಣಾಧಿಕಾರಿಗಳಾದ ಉಮಾದೇವಿ, ಸಿದ್ದರಾಜು,ಗಿರಿಜೇಶ್ವರಿದೇವಿ, ಡಿವೈಪಿಸಿ ಮೋಹನ್ ಬಾಬು, ವಿಷಯ
ವಿಷಯ ಪರಿವೀಕ್ಷಕರಾದ ಗಾಯತ್ರಿ,ಶಶಿವಧನ, ಕೃಷ್ಣಪ್ಪ, ವೆಂಕಟೇಶಪ್ಪ, ತಾಲ್ಲೂಕು ಪರೀಕ್ಷಾ ನೋಡಲ್ ಅಧಿಕಾರಿಗಳಾದ ಸಿ.ಎಂ.ವೆಂಕಟರಮಣಪ್ಪ, ಮುನಿರತ್ನಯ್ಯಶೆಟ್ಟಿ, ತಿಮ್ಮರಾಯಪ್ಪ, ಬಾಬು, ಸುಬ್ರಮಣಿ,ಜಿಲ್ಲಾ ಪ್ರೌಢಶಾಲಾ ಮುಖ್ಯಶಿಕ್ಷಕರ ಸಂಘದ ಅಧ್ಯಕ್ಷ ರುದ್ರಪ್ಪ, ಮತ್ತಿತರರಿದ್ದು, ಆರ್‍ವಿ ಶಾಲೆಯ ಶಿಕ್ಷಕಿ ಎಂ.ಎಸ್.ಮಮತಾ ಕಾರ್ಯಕ್ರಮ ನಿರೂಪಿಸಿದರು.
ಜಿಲ್ಲೆ ಎಲ್ಲಾ 70 ಪರೀಕ್ಷಾ ಕೇಂದ್ರಗಳ ಮುಖ್ಯ ಅಧೀಕ್ಷಕರು,ಉಪಮುಖ್ಯ ಅಧೀಕ್ಷಕರು, ಪ್ರಶ್ನೆಪತ್ರಿಕೆ ಪಾಲಕರು ಹಾಜರಿದ್ದು, ಖುಷಿ ಪ್ರಾರ್ಥಿಸಿದರು. ಸಭೆಯ ಆರಂಭದಲ್ಲಿ ಸಾಹಿತಿ ಪಾಟೀಲ್ ಪುಟ್ಟಪ್ಪ ಅವರಿಗೆ ಮೌನಾಚರಣೆ ಮೂಲಕ ಶ್ರದ್ಧಾಂಜಲಿ ಅರ್ಪಿಸಲಾಯಿತು.

ಕೋಲಾರ: ಜಿಲ್ಲೆಯ ಜನರಿಗೆ ಕುಡಿಯುವ ನೀರಿನ ಯಾವುದೇ ತೊಂದರೆ ಆಗಬಾರದು : ಜಿಲ್ಲಾಧಿಕಾರಿಗಳಾದ ಸಿ. ಸತ್ಯಭಾಮ 

ವರದಿ ಶಬ್ಬೀರ್ ಅಹಮ್ಮದ್ ಶ್ರೀನಿವಾಸಪುರ
ಕೋಲಾರ: ಜಿಲ್ಲೆಯ ಜನರಿಗೆ ಕುಡಿಯುವ ನೀರಿನ ಯಾವುದೇ ತೊಂದರೆ ಆಗಬಾರದು : ಜಿಲ್ಲಾಧಿಕಾರಿಗಳಾದ
ಸಿ. ಸತ್ಯಭಾಮ 
ಇಂದು ಜಿಲ್ಲಾಧಿಕಾರಿಗಳ ಕಛೇರಿಯ ಸಭಾಂಗಣದಲ್ಲಿ ಹಮ್ಮಿಕೊಂಡಿದ್ದ ಬರ ಪರಿಸ್ಥಿತಿ ನಿರ್ವಹಣೆ ಸಭೆಯ ಅಧ್ಯಕ್ಷತೆ ವಹಿಸಿ ಅವರು ಮಾತನಾಡಿದರು.
 ಕಳೆದ ಹತ್ತು ವರ್ಷಗಳಿಂದ ಕೋಲಾರ ಜಿಲ್ಲೆಯು ಬರಗಾಲಕ್ಕೆ ತುತ್ತಾಗಿದೆ. ಕುಡಿಯುವ ನೀರು, ಮೇವು ಸಂಬಂಧ ಅಗತ್ಯ ಮುನ್ನೆಚ್ಚರಿಕಾ ಕ್ರಮಗಳನ್ನು ಕೈಗೊಳ್ಳಬೇಕು. ಎಲ್ಲರೂ ಒಟ್ಟುಗೂಡಿ ಜಿಲ್ಲೆಯ ಬರ ಪರಿಸ್ಥಿತಿಯನ್ನು ಎದುರಿಸಿ  ಕುಡಿಯುವ ನೀರನ್ನು ಒದಗಿಸಬೇಕು ಎಂದು ಹೇಳಿದರು.  
ಜಿಲ್ಲೆಯಲ್ಲಿ 746 ಎಂ.ಎಂ ವಾಡಿಕೆ ಮಳೆ ಆಗಬೇಕು. ಇದು ಸಕಾಲದಲ್ಲಿ ಆದಾಗ ಮಾತ್ರ ಪೂರ್ಣ ಪ್ರಮಾಣದಲ್ಲಿ ಬಳಕೆಯಾಗುತ್ತದೆ.  ಮಳೆ ನೀರು ಕೊಯ್ಲು ಪದ್ಧತಿಯನ್ನು ಅಳವಡಿಸಿಕೊಂಡು ನೀರಿನ ಸಂಗ್ರಹಣೆ ಮಾಡಿ ಬಳಕೆ ಮಾಡಿಕೊಳ್ಳಬೇಕು ಎಂದು ತಿಳಿಸಿದರು. 
ಮಾರ್ಚ್, ಏಪ್ರಿಲ್ ಹಾಗೂ ಮೇ ತಿಂಗಳಲ್ಲಿ ಹೆಚ್ಚು ನೀರಿನ ಕೊರತೆ ಉಂಟಾಗುತ್ತದೆ. ಕಳೆದ ವರ್ಷ 72 ಖಾಸಗಿ ಬೋರ್‍ವೆಲ್‍ಗಳನ್ನು ಬಾಡಿಗೆಗೆ ಪಡೆದು ನೀರನ್ನು ಪೂರೈಸಲಾಗಿತ್ತು. ತಿಂಗಳಿಗೆ ಪ್ರತಿ ಬೋರ್‍ವೆಲ್‍ಗೆ 18 ಸಾವಿರ ರೂಪಾಯಿ ಬಾಡಿಗೆ ನೀಡಲಾಗಿತ್ತು. ಈ ಬಾರಿಯು ನೀರಿನ ಕೊರತೆ ಇರುವ ಕಡೆ ಖಾಸಗಿ ಬೋರ್‍ವೆಲ್ ಗಳನ್ನು ಬಾಡಿಗೆ ಪಡೆದು ಜನರಿಗೆ ನೀರನ್ನು ಪೂರೈಸಿ ಎಂದು ಅಧಿಕಾರಿಗಳಿಗೆ ಸೂಚಿಸಿದರು. 
ಒಂದು ಸಾವಿರ ಅಡಿಗಿಂತ ಕಡಿಮೆ ಇದ್ದು ಬತ್ತಿ ಹೋಗಿರುವ ಬೋರ್‍ವೆಲ್‍ಗಳನ್ನು ಮರುಕೊರೆಸಿ, ಇದರಿಂದ ನೀರು ಬರುವ ಸಾಧ್ಯತೆ ಹೆಚ್ಚಾಗಿರುತ್ತದೆ. ಕುಡಿಯುವ ನೀರಿನ ಪೂರೈಕೆಗೆ ಅನುದಾನ ಕೊರತೆ ಇಲ್ಲ ಆದರೆ ಅದರ ಸದ್ಬಳಕೆ ಆಗಬೇಕು. ಬೋರ್‍ವೆಲ್ ಮತ್ತು ಟ್ಯಾಂಕರ್ ಮೂಲಕ ನೀಡುವ ನೀರಿನ ಫೆÇ್ಲೀರೈಡ್ ಅಂಶ ಹಾಗೂ ಶುದ್ಧತೆಯನ್ನು ಪರಿಶೀಲಿಸಿ ನೀಡಬೇಕು. ಟ್ಯಾಂಕರ್‍ಗಳಿಗೆ ಕಡ್ಡಾಯವಾಗಿ ಜಿ.ಪಿ.ಎಸ್ ಅಳವಡಿಸಬೇಕು ಎಂದು ತಿಳಿಸಿದರು. 
ಸಭೆಯಲ್ಲಿ ಉಪವಿಭಾಗಾಧಿಕಾರಿಗಳಾದ ಸೋಮಶೇಖರ್, ಜಿಲ್ಲೆಯ ತಹಶೀಲ್ದಾರ್‍ಗಳು, ತಾಲ್ಲೂಕು ಪಂಚಾಯಿತಿ ಕಾರ್ಯನಿರ್ವಾಹಣಾಧಿಕಾರಿಗಳು, ನಗರಸಭೆ ಪೌರಾಯುಕ್ತರು ಮತ್ತು ಪುರಸಭೆಯ ಮುಖ್ಯಾಧಿಕಾರಿಗಳು, ಬೆಸ್ಕಾಂ ಅಧಿಕಾರಿಗಳು ಸೇರಿದಂತೆ ಮತ್ತಿತರರು ಉಪಸ್ಥಿತರಿದ್ದರು.

ಕುಂದಾಪುರ್ ರೊಜಾರ್ ಮಾಯೆಚ್ಯಾ ಇಗರ್ಜೆ ಏಕಾ ದಿಸಾಚಿ ರೆತಿರ್ ಸಂಪನ್ನ್ ಜಾಲಿ

JANANUDI.COM NETWORK

 

ಕುಂದಾಪುರ್ ರೊಜಾರ್ ಮಾಯೆಚ್ಯಾ ಇಗರ್ಜೆ ಏಕಾ ದಿಸಾಚಿ ರೆತಿರ್ ಸಂಪನ್ನ್ ಜಾಲಿ

ಕುಂದಾಪುರ್,ಮಾ.18: ಕುಂದಾಪುರ್ ರೊಜಾರ್ ಮಾಯೆಚ್ಯಾ ಇಗರ್ಜೆ ಏಕಾ ದಿಸಾಚಿ ರೆತಿರ್ ಯಶಸ್ವೆನ್ ಸಂಪನ್ನ್ ಜಾಲಿ.
ಮಾಚ್ರ್ಯಾಚ್ಯಾ 18 ತಾರೀಕೆರ್ ಸಗ್ಳೊ ದೀಸ್ ಆಸಾ ಕೆಲ್ಲಿ ರೆತಿರ್ ಮಾ|ಬಾ|ಬೊನಿಫಾಸ್ ಪಿಂಟೊ ಹಾಂಚ್ಯಾ ಮುಖೇಲ್ಪಣಾರ್ ಚಲಲ್ಲಿ ರೆತಿರ್ ಜೆಜುಚ್ಯಾ ಪಾಶಾಂವ್, ಭೊಗ್ಸಾಣೆ, ದೆವಾಚೊ ಮೋಗ್, ದೇವ್ ಕಾಕ್ಳುದಾರ್, ಕಿತ್ಲ್ಯಾ ಪಾವ್ಟಿಂಯಿ ಆಮ್ಕಾಂ ಭೊಗ್ಸಿತಾ ಹ್ಯಾ ವಿಶ್ಯಾಚೇರ್ ಪ್ರವಚನ್ ದಿಂವ್ನ್ , ಪವಿತ್ರ್ ಸಾಂಕ್ರಾಮೆಂತಾಚ್ಯಾ ಆರಾಧಾನ ಸಂಗಿ ರೆತಿರ್ ಚಲಂವ್ನ್ ವೆಲಿಂ. ಹ್ಯಾ ಸಂದರ್ಭಿ ಕೊರೊನಾ ಪೀಡೆ ವರ್ವಿಂ, ಚಡ್ ಜಣಾಂನಿಂ ಸಾಂಗಾತಾ ಮೆಳ್ಚ್ಯಾಕ್ ಸರ್ಕಾರಾನ್ ಅಡ್ವಾರೆಲ್ಯಾನ್ ರೆತಿರ್ ಮಟ್ವಿ ಕೆಲಿ. ರೆತಿರೆಕ್ ಹಾಜರ್ ಜಾಲ್ಯಾನಿಂ ಉಂಡೊ ಖಾವ್ನ್ ಉಪಾಸ್ ಆದಾರ್ಲೊ. ತಶೆಂಚ್ ಫಿರ್ಗಜ್ ಗಾರಾಂಕ್ ಕುಮ್ಸಾರಾ ಆಸಾ ಕೆಲ್ಲಿ.
ಕೊರೊನಾ ವೈರಸಾ ವರ್ವಿಂ ಭಿಯಾಚೆ ವಾತವರಣ್ ಆಸ್ಲ್ಯಾರಿಯಿ ಹ್ಯಾ ರೆತಿರೆಕ್ ಫಿರ್ಗಜ್‍ಗಾರಾನಿಂ ಚಡ್ ಆಸಕ್ತ್ ದಾಖವ್ನ್ ಚಡಿತ್ ಮಾಪಾನ್ ವಾಂಟೊ ಘೆತ್ಲೊ. ಫಿರ್ಗಜ್ ವಿಗಾರ್ ಭೊ|ಮಾ|ಬಾ|ಸ್ಟ್ಯಾನಿ ತಾವ್ರೊ, ಪ್ರಾಂಶುಪಾಲ್ ಮಾ|ಬಾ| ಪ್ರವೀಣ್ ಅಮ್ರತ್ ಮಾರ್ಟಿಸ್, ಮಾ|ಬಾ| ವಿಜಯ್ ಡಿಸೋಜಾ ಹಾಣಿ ರೆತಿರೆಂತ್ ಭಾಗ್ ಘೆತ್ಲೊ. ಭೊ|ಮಾ|ಬಾ|ಸ್ಟ್ಯಾನಿ ತಾವ್ರೊ, ಮಾ|ಬಾ| ವಿಜಯ್ ಡಿಸೋಜಾ ಬಲಿದಾನಾಂತ್, ಮಾ|ಬಾ|ಬೊನಿಫಾಸ್ ಪಿಂಟೊ ಸಂಗಿ ವಾಂಟೊ ಘೆತ್ಲೊ. ವಿಗಾರ್ ಬಾಪಾನ್ ಮಾ|ಬಾ|ಬೊನಿಫಾಸ್ ಪಿಂಟೊ ಆನಿ ರೆತಿರೆಕ್ ಭಾಗ್ ಘೆತ್ಲ್ಯಾ ಸರ್ವಾಂಚೊ ಉಪ್ಕಾರ್ ಆಟಾಯ್ಲೊ

DEMISE :Philiph Fenandes (93)  Kundapur

OBITUARY

 

Philiph Fenandes (93)  

Kundapur (passed away 18/03/2020)

Born:25-11-1927

 

 

Husband of Hilda Fernandes

Father of Dr. Donald / Prameela, Roshan / Dr. Shobha, grandfather of Nikita, Nishika, Puneeth, Pavithra, Jurgan and Monasso, Great grandfather of Neria &Leroy

Funeral cortege leaves residence “Roshan Villa”, Board High School Road, for Holy Rosary Church, Kundapura on Thursday March 19 at 3.30 pm. Mass at 4.00 pm.

Contact: +91 72595 90054

ತಲ್ಲೂರು ನಾರಯಣ ವಿಶೇಷ ಮಕ್ಕಳ ಶಾಲೆಗೆ ಗ್ಲೊಬಲ್ ಗ್ರ್ಯಾಂಟ್‍ನಿಂದ ಶಾಲಾ ವಾಹನ ಕಂಪ್ಯೂಟರ್ ಮತ್ತು ಕಲಿಕಾ ಸಾಮಾಗ್ರಿ ರೋಟರಿ ಕ್ಲಬ್ ಕುಂದಾಪುರ ದಕ್ಷಿಣದ ವತಿಯಿಂದ ಹಸ್ತಾಂತರ

JANANUDI.COM NETWORK

 

 

ತಲ್ಲೂರು ನಾರಯಣ ವಿಶೇಷ ಮಕ್ಕಳ ಶಾಲೆಗೆ
ಗ್ಲೊಬಲ್ ಗ್ರ್ಯಾಂಟ್‍ನಿಂದ ಶಾಲಾ ವಾಹನ ಕಂಪ್ಯೂಟರ್ ಮತ್ತು ಕಲಿಕಾ ಸಾಮಾಗ್ರಿ
ರೋಟರಿ ಕ್ಲಬ್ ಕುಂದಾಪುರ ದಕ್ಷಿಣದ ವತಿಯಿಂದ ಹಸ್ತಾಂತರ

 

ಕುಂದಾಪುರ, ಮಾ17: ರೋಟರಿ ಕ್ಲಬ್ ಕುಂದಾಪುರ ದಕ್ಷಿಣ 3182 ಮತ್ತು ರೋಟರಿ ಕ್ಲಬ್ ಶೆರೇರ್ ವಿಲ್ಲಿ 6540 ಇವರ ಸಹಭಾಗಿತ್ವದಲ್ಲಿ ರೋಟರಿ ದತ್ತಿ ನಿಧಿ ತಲ್ಲೂರಿನ ವಿಶೇಷ ಮಕ್ಕಳ ಶಾಲೆಗೆ ರೋಟರಿ ಗ್ಲೊಬಲ್ ಗ್ರ್ಯಾಂಟ್ 1989053 ಇದರ ಅಡಿಯಲ್ಲಿ ಮಂಜುರಾದ ಶಾಲಾ ವಾಹನ ಬಸ್ಸ್ ಮತ್ತು ಕಂಪ್ಯುಟರ್ ಮತ್ತು ಶಾಲಾ ಕಲಿಕಾ ಸಾಮಾಗ್ರಿಗಳನ್ನು ತಲ್ಲೂರು ವೀಶೆಷ ಮಕ್ಕಳ ಶಾಲೆಗೆ ಶಾಲಾ ಸಭಾ ಭವನದಲ್ಲಿ ನಡೆದ ಕಾರ್ಯಕ್ರಮದಲ್ಲಿ (15-3-20) ಕೊಡುಗೆಯಾಗಿ ನೀಡಲಾಯಿತು.

ಕಾರ್ಯಕ್ರಮದ ಮುಖ್ಯ ಅತಿಥಿಯಾದ ಪಿಡಿಜಿ ರೋಟರಿ ಕ್ಲಬ್ ಶೆರೇರ್ ವಿಲ್ಲೆ ಅಮೇರಿಕಾ, ರಂಜನ್ ಕಿಣಿ ಪತ್ನಿ ಸಮೇತವಾಗಿ ಆಗಮಿಸಿದ ಅವರು ದೀಪ ಬೆಳಗಿಸಿ ಕಾರ್ಯಕ್ರಮವನ್ನು ಉದ್ಘಾಟಿಸಿ ‘ರೋಟರಿ ಗ್ಲೊಬಲ್ ಗ್ರ್ಯಾಂಟ್ ಪ್ರಾಜೆಕ್ಟಗಳನ್ನು ಮಾಡುವುದರ ಮೂಲಕ ದೇಶ ದೇಶಗಳ ನಡುವೆ ಹಾಗೇಯೆ ಮನುಷ್ಯ –ಮನುಷ್ಯ ನಡುವೆ ಸಂಬಂಧ ಬೆಸೆಯುವ ಕಾರ್ಯ ನಡೆಯುತ್ತದೆ. ವಸುದೈವ ಕುಟುಂಬ ಎಂಬ ಪರಿಕಲ್ಪನೆ ಸಾಕಾರವಾಗಲು ಈ ಗ್ರ್ಯಾಂಟ್ ಗಳು ಸಹಕಾರಿಯಾಗುತ್ತವೆ. ಅದಲ್ಲದೆ ಸಂಬಂಧ ವ್ರದ್ದಿಯಾಗಿ ಶಾಂತಿ ನೆಲೆಸಲು ಸಾಧ್ಯ, ಅಲ್ಲದೆ ಸಾಮಾಜಿಕ ಕಳಕಳಿಯಿಂದ ಸಮಾಜದಲ್ಲಿ ಅಗತ್ಯವಿರುವರಿಗೆ ನೀಡುವ ಸಹಾಯ ಆತ್ಮ ತ್ರಪ್ತಿಯನ್ನು ನೀಡುತ್ತದೆ. ಮಾನವ ಜೀವನದ ನಿಜವಾದ ಅರ್ಥ ತಿಳಿಯುವಲ್ಲಿ ನಾವು ಸಫಲರಾಗುತ್ತೇವೆ, ಇಂತಹ ಅನೇಕ ಕಾರ್ಯಕ್ರಮಗಳು ರೋಟರಿ ಕುಂದಾಪುರ ದಕ್ಷಿಣದಿಂದ ನಡೆಸುವಂತಾಗಲಿ’ ಎಂದು ಅವರು ಹಾರೈಸಿದರು’
. ರೊ. ಐಡಿಪಿಜಿ ಅಭಿನಂದನ್ ಶೆಟ್ಟಿ ಮಾತಾಡಿ “ಇಂತಹ ಹಲವಾರು ಯೋಜನೆಗಳು, ಕೊಡುಗೆಗಳು ನಾವು ರೋಟರಿ ಗ್ಲೊಬಲ್ ಗ್ರ್ಯಾಂಟ್ ದತ್ತಿನಿಧಿಯ ಸಹಕಾರದಿಂದ ಮಾಡಿದ್ದೆವೆ. ಅದಕ್ಕಾಗಿ ಬಹಳ ಮುತುವರ್ಜಿ ವಹಿಸಿ ಯೋಜನೆಯ ತಯಾರಿ ಮಾಡ ಬೇಕಗುತ್ತದೆ ಈ ಯೋಜನೆಯ ತಯಾರಿಯನ್ನು ರೋ| ಜಿ. ಶ್ರೀಧರ್ ಶೆಟ್ಟಿ ಚೆನ್ನಾಗಿ ಮಾಡಿದ್ದಾರೆ’ ಎಂದು ತಿಳಿಸಿದರು. ಪಿಡಿಜಿ ರೊ| ಸದಾನಂದ ಛಾತ್ರ ‘ಈ ಥರಹದ ಹಲವು ಯೋಜನೆಗಳನ್ನು ತಯಾರಿಸಿ ಗ್ಲೊಬಲ್ ಗ್ರ್ಯಾಂಟ್ ಮುಖಾಂತರ ಕೊಡುಗೆಗಳನ್ನು ನೀಡಲು ಶ್ರಮಿಸಿದ್ದೆವೆ, ಆದರೆ ಈ ವಿಶೇಷ ಮಕ್ಕಳಿಗೆ ಸಿಗಬೇಕಾದಂತದ ಕೊಡುಗೆಯ ಯೋಜನೆ ಬಹಳ ವೀಶೆಷ ಹಾಗೂ ಉತ್ತಮ ಕೊಡುಗೆಯಾಗಿದೆ, ಎಂದರು. ರೋಟರಿ ಜಿಲ್ಲಾ ಅಸಿಸ್ಟೆಂಟ್ ಗವರ್ನರ್ ರವಿರಾಜ್ ಶೆಟ್ಟಿ ಮಾತಾಡಿ ‘ಇಂತಹ ಕಾರ್ಯಕ್ರಮಗಳನ್ನು ಮಾಡಲು ಹೆಮ್ಮೆಯಾಗುತ್ತದೆ, ಮತ್ತು ಇಂತ ಯೋಜನೆಗಳಿಂದ ರೋಟರಿ ಸಂಸ್ಥೆಗೆ ಹಿರಿಮೆ ಸಲ್ಲುತ್ತದೆ’ ಎಂದರು. ತಲ್ಲೂರು ರೋಟರಿ ಅಧ್ಯಕ್ಷ ರೊ| ಸದಾನಂದ ಆಚಾರ್ ಶುಭ ಹಾರೈಸಿದರು.
ಅದ್ಯಕ್ಷತೆಯನ್ನು ವಹಿಸಿದ ರೋಟರಿ ಕ್ಲಬ್ ಕುಂದಾಪುರ ದಕ್ಷಿಣ ಇದರ ಅಧ್ಯಕ್ಷರಾದ ರೊ|ದೇವರಾಜ್ ಕೆ. ಮಾತಾಡಿ ‘ಇಂತಹ ಒಂದು ಕೊಡುಗೆ ಗ್ಲೊಬಲ್ ಗ್ರ್ಯಾಂಟ್ ವತಿಯಿಂದ ನನ್ನ ಕಾಲದಲ್ಲಿ ಸಾಕರಗೊಂಡಿದ್ದಕ್ಕೆ, ತುಂಬ ಸಂತೋಷವಾಗುತ್ತದೆ, ಈ ಶಾಲೆಗೂ ನಮಗೂ ಒಂದು ಕುಟುಂಬದ ಸಂಬಂಧವಿದ್ದಂತ್ತೆ, ಎಲ್ಲಾ ಕಾರ್ಯಕ್ರಮಗಳಿಗೆ ನಮಗೆ ಆತ್ಮೀಯವಾಗಿ ಕರೆಯುತ್ತಾರೆ’ ಎಂದು ತಿಳಿಸಿದರು. ಈ ಪ್ರಾಜೆಕ್ಟನ ವರದಿ ತಯಾರಿಸಿ, ಗ್ರ್ಯಾಂಟ್ ಸಿಗಲು ಶ್ರಮಿಸಿದ ರೊ.ಜಿ, ಶ್ರೀಧರ ಶೆಟ್ಟಿ ಪ್ರಸ್ತಾವಿಕ ಮಾತುಗಳನ್ನಾಡಿದರು. ಕೊಡುಗೆಯ ಫಲಾನುಭವಿ ತಲ್ಲೂರು ನಾರಯಣ ವಿಶೇಷ ಮಕ್ಕಳ ಶಾಲೆಯ ಮುಖ್ಯೋಪಾಧ್ಯಾಯಿನಿ ಪ್ರೇಮಾ ಕೊಡುಗೆಗಾಗಿ ಕ್ರತಜ್ಞತೆಯನ್ನು ಸಲ್ಲಿಸಿದರು. ನಾರಯಣ ಶಾಲೆಯ ಟ್ರಸ್ಟಿ ಸುರೇಶ್ ತಲ್ಲೂರು ಸ್ವಾಗತಿಸಿದರು. ರೋಟರಿ ಕ್ಲಬ್ ಕುಂದಾಪುರ ದಕ್ಷಿಣ ಕಾರ್ಯದರ್ಶಿ ಶೋಭ ಭಟ್ ಧನ್ಯವಾದಗಳನ್ನು ಸಲ್ಲಿಸಿದರು. ರೊ| ವಾಸು ದೇವ್ ಕಾರಂತ್ ನಿರೂಪಿಸಿದರು.