HOLY ROSARY CHURCH, KUNDAPUR – 450 th JUBILEE SOUVENIR 2021

ಮಂಗಳೂರಿನಲ್ಲಿ ನಾಟಕಗಾರ ತಮ್ಮ , ನವಿ ಮುಂಬಯಲ್ಲಿ ಅಕ್ಕ ಭಗಿನಿ ಒಂದೇ ದಿನ ಧೈವಾಧಿನರಾದರು

JANANUDI.COM NETWORK

ತಮ್ಮ ಖ್ಯಾತ ಕೊಂಕಣಿ ನಾಟಕಗಾರ ಬೆನ್ನಾ ರುಜಾಯ್, ಬೆನೆಡಿಕ್ಟ್ ಮಿರಾಂಡ (74) ತಮ್ಮನಾದರೆ, ಅಕ್ಕ ಭಗಿನಿ ಪೇಷಂಟಿಯಾ (90) ಅಗಸ್ಟ್ 24 ರಂದು ಧೈವಾಧಿನರಾದರು. ತಮ್ಮ ಮೊದಲು ಮಂಗಳೂರಿನಲ್ಲಿ ಮುಂಜಾನೆ 3.30ಕ್ಕೆ ಧೈವಾಧಿನಾದರೆ, ನಂತರ ಅಕ್ಕ ಭಗಿನಿ M ಪೇಷಂಟಿಯಾ ನವಿ ಮುಂಬಯ್, ಕಾಲಂಬೊಲಿ ಕಾರ್ಮೆಲ್ ಕಾನ್ವೆಂಟಲ್ಲಿ ಮಧ್ಯಾನ್ಹ 1.10 ಕ್ಕೆ ಧೈವಾಧಿನರಾದರು.
ತಮ್ಮನ ಅಂತ್ಯಕ್ರೀಯೆ ಇವತ್ತು ಸಂಜೆ ಮಂಗಳೂರಿನಲ್ಲಿ ನಡೆಯಿತು. ಭಗಿನಿ ಪೇಷಂಟಿಯಾ ಮುಂಬಯಲ್ಲಿ ಭಗಿನಿಯಾಗಿ ಸೇವೆ ಸಲ್ಲಿಸುತಿದ್ದ ಅಕ್ಕನ ಅಂತ್ಯಕ್ರೀಯೆ ನವಿಮುಂಬಯಲ್ಲಿ ನಡೆಯುವುದು

ಫಾಮಾದ್ ನಾಟಾಕೀಸ್ತ್ ಬೆನ್ನಾ ರುಜಾಯ್ 74 ವರ್ಸಾಂ ಪ್ರಾಯೆರ್ ಅಂತರ್‍ಲೊ

JANANUDI.COM NETWORK

ಮಂಗಳೂರ್, ಅ.24: ಕೊಂಕ್ಣಿ ನಾಟಕ್ ಕ್ಷೇತ್ರಾಂತ್ ಫಾಮಾದ್ ಜಾಲ್ಲೊ ಬೆನೆಡಿಕ್ಟ್ ಮಿರಾಂಡ, ಬೆನ್ನಾ ರುಜಾಯ್ ಮ್ಹಣನ್ ಖ್ಯಾತ್ ಜಾಲ್ಲೊ ನಾಟಕೀಸ್ತ್ 74 ವರ್ಸಾಂ ಪ್ರಾಯೆರ್ ಆಜ್ ಅಂತರ್ಲೊ.
ಬೆನ್ನಾ ಮಾರ್ಚ್ 21, 1946 ಇಸ್ವೆಂತ್ ಜಲ್ಮಾಲೊ ಜಾವ್ನಾಸೊನ್. ತಾಣೆ ಜಾಯ್ತ್ಯೊ ಸಾಮಾಜಿ ಆನಿ ಧಾರ್ಮಿಕ್ ನಾಟಕಾಂ ಬರಯ್ಲ್ಯಾತ್, ತಸೆಂತ್ ಸಭಾರ್ ನಾಟಾಕಾನಿಂ ನಟನ್ ಕೆಲ್ಲೊ ಫಾಮಾದ್ ಕಲಾಕಾರ್ ಜಾವ್ನಾಸ್ಲೊ.
ತಾಣೆ ಪತ್ರ್ ಕರ್ತ್ ಜಾವ್ನಾಯಿ ಸೆವಾ ದಿಲ್ಯಾ. “ಮಾಯ್ ಗಾಂವ್” ಪತ್ರಾಚೊ ಸಂಪಾದಕ್ ಜಾವ್ನ್ ದೋನ್ ವರ್ಸಾಂ, ಆನಿ ಕೊಡಿಯಾಳ್ಚ್ಯಾ ರುಜಾಯ್ ಮಾಯ್ ಫಿರ್ಗಜ್ ಪತ್ರಾಚೊ ಸಂಪಾದಕ್ ಜಾವ್ನ್‍ಯಿ ತೀನ್ ವರ್ಸಾಂ ತಾಣೆ ವಾವ್ರ್ ಕೆಲ್ಯಾ.
ಬೆನ್ನಾ ರುಜಾಯ್ ಹಾಚಿ ಪತಿಣ್ ತೆರೆಜಾ ಮಿರಾಂಡಾ, ನಾಟಕಾಚಿಂ ನಟಿ ಜಾವ್ನಾಸ್ಲಿ ತಿ ಮಿನ್ನಾ ರುಜಾಯ್ ಮ್ಹಣನ್ ಖ್ಯಾತ್ ಜಾವ್ನಾಸ್ಲಿ ತಿ,ಪಾಟ್ಲ್ಯಾ ವರ್ಸಾಂ ಅಂತರ್‍ಲಾ.

ತಿಲಕ್ ಸಮಿತಿ ಗಣಪನ ಪ್ರತಿಷ್ಟಾಪನೆ-ಸಾಮೂಹಿಕ ವಿಸರ್ಜನೆ ರದ್ದು ಕೊರೋನಾ ಹಿನ್ನಲೆ ನಗರಾದ್ಯಂತ ಗಣೇಶೋತ್ಸವ ಸರಳ ಆಚರಣೆ

ವರದಿ ಶಬ್ಬೀರ್ ಅಹಮ್ಮದ್ ಶ್ರೀನಿವಾಸಪುರ

ಕೋಲಾರ:- ಅದ್ದೂರಿ ಗಣೇಶೋತ್ಸವಕ್ಕೆ ಹೆಸರಾಗಿದ್ದ ಕೋಲಾರ ನಗರದಲ್ಲಿ ಈ ಬಾರಿ ಕೊರೋನಾ ಮಾರಿಯಿಂದಾಗಿ ಹಬ್ಬ ಕಳೆಗುಂದಿದ್ದು, ಗಾಂಧಿವನದಲ್ಲಿ ಅದ್ದೂರಿಯಿಂದ ನಡೆಯುತ್ತಿದ್ದ ತಿಲಕ್ ವಿನಾಯಕ ವಿಸರ್ಜನಾ ಸಮಿತಿಯ ಗಣೇಶೋತ್ಸವವೂ ಸರಳವಾಗಿ ನಡೆಯಿತು.

ಅಖಿಲಭಾರತ ಹಿಂದೂ ಮಹಾಸಭಾ ಪುಟ್ಟ ಗಣಪನ್ನು ಪೂಜಿಸಿ ಸರಳವಾಗಿ ಗಣೇಶೋತ್ಸವ ಆಚರಿಸಿತು. ಜತೆಗೆ ಮತ್ತಿತರ ನೂರಾರು ಸಂಘಟನೆಗಳ ಯುವಕರು ನಗರದ ವಿವಿಧ ಬಡಾವಣೆಗಳಲ್ಲಿ ಪ್ರತಿಷ್ಟಾಪಿಸುತ್ತಿದ್ದ ಗಣೇಶೋತ್ಸವ ವೈಭವ ಈ ಬಾರಿ ಕಂಡು ಬರಲೇ ಇಲ್ಲ.

ನಗರದಲ್ಲಿ ಧರ್ಮರಕ್ಷಣೆಯ ಸಂದೇಶವೊತ್ತ ಬಾಲಗಂಗಾಧರ ತಿಲಕ್ ವಿನಾಯಕ ವಿಸರ್ಜನಾ ಸಮಿತಿ ವಿನಾಯಕೋತ್ಸವಕ್ಕೆ ಕೊರೋನಾ ಮಾರಿ ಅಡ್ಡಿಯಾಗಿದ್ದು, ಸರಳವಾಗಿ ಗಣೇಶೋತ್ಸವ ಆಚರಿಸಲಾಯಿತು.

ಅದ್ದೂರಿ ವಿಸರ್ಜನಾ ಮೆರವಣಿಗೆಗೂ ಬ್ರೇಕ್

ಭಜರಂಗದಳ ಸಂಘಟನೆಯ ಯುವಕರು, ಬಾಲಗಂಗಾಧರ ತಿಲಕ್ ವಿನಾಯಕ ವಿಸರ್ಜನಾ ಸಮಿತಿ ನೇತೃತ್ವದಲ್ಲಿ ನಗರದ ಗಾಂಧಿವನದಲ್ಲಿ ಧರ್ಮರಕ್ಷಣೆ, ಸೌಹಾರ್ದತೆಯ ಹೊಣೆ ಹೊತ್ತ ಶಾಂತ ಗಣಪನ ಬೃಹತ್ ಮೂರ್ತಿಯನ್ನಿಟ್ಟು ಅದ್ದೂರಿಯಿಂದ ಪೂಜಿಸುತ್ತಿದ್ದರು.

ಆದರೆ ಕೊರೋನಾ ಮಾರ್ಗಸೂಚಿ ಪಾಲನೆಯ ಹಿನ್ನಲೆಯಲ್ಲಿ ಗಣಪನ ಮೂರ್ತಿಯನ್ನು ಗಾಂಧಿವನದ ವೇದಿಕೆಯಲ್ಲಿ ಪ್ರತಿಷ್ಟಾಪಿಸಿ ಪೂಜೆ ಸಲ್ಲಿಸಿ ಪ್ರಸಾದ ವಿನಿಯೋಗ ಮಾಡಲಾಯಿತು.

ಕೊರೋಮಾ ಮಾರ್ಗಸೂಚಿ ಹಿನ್ನಲೆಯಲ್ಲಿ ಪ್ರತಿವರ್ಷವೂ ನಡೆಯುತ್ತಿದ್ದ ನಗರದ ಹಾಗೂ ತಾಲ್ಲೂಕಿನ ವಿವಿಧೆಡೆಗಳಿಂದ ಬರುತ್ತಿದ್ದ ನೂರಾರು ಗಣೇಶ ಮೂರ್ತಿಗಳ ಅದ್ದೂರಿ ವಿಸರ್ಜನಾ ಮೆರವಣಿಗೆಗೆ ಈ ಬಾರಿ ಬ್ರೇಕ್ ಬಿದ್ದಿದೆ.

ಬಜರಂಗದಳ ಈ ಬಾರಿ ಅದ್ದೂರಿ ಮೆರವಣಿಗೆ ರದ್ದುಗೊಳಿಸಿದ್ದು, ಆಯಾ ಬಡಾವಣೆಯ ಆಯೋಜಕರು ತಾವೇ ಸಾಮಾಜಿಕ ಅಂತರ ಕಾಯ್ದುಕೊಂಡು ಗಣಪನ ವಿಸರ್ಜನೆ ಮಾಡಲು ಸಂಘಟನೆಯ ಮುಖಂಡ ಬಾಲಾಜಿ ಮನವಿ ಮಾಡಿದರು.

ಕೋವಿಡ್ ಮಾರ್ಗಸೂಚಿಯಂತೆ ಒಂದು ವಾರ್ಡಿಗೆ ಒಂದು ಗಣಪನ ಪ್ರತಿಷ್ಟಾಪನೆಗೆ ಮಾತ್ರವೇ ಅವಕಾಶ ನೀಡಿದ್ದು, ಜತೆಗೆ ನಗರಸಭೆ, ಪೊಲೀಸ್ ಇಲಾಖೆ, ಅಗ್ನಿಶಾಮಕದಳ, ಆರೋಗ್ಯ ಇಲಾಖೆಗಳ ಅನುಮತಿಯ ಉಸಾಬರಿಯಿಂದ ಬೇಸರಗೊಂಡ ಅನೇಕ ಯುವಕರು ತಮ್ಮ ಬಡಾವಣೆಗಳಲ್ಲಿ ಗಣಪತಿ ಪ್ರತಿಷ್ಟಾಪನೆಯ ಆಲೋಚನೆಯನ್ನೇ ಕೈಬಿಟ್ಟಿದ್ದಾರೆ.

ಆದರೂ ವಾರ್ಡಿಗೊಂದರಂತೆ ಅನೇಕ ಕಡೆಗಳಲ್ಲಿ 4 ಅಡಿಗಿಂತ ಚಿಕ್ಕದಾದ ಗಣಪನನ್ನು ಪ್ರತಿಷ್ಟಾಪಿಸಿ ಪೂಜಿಸಿ ಹಬ್ಬವನ್ನು ಸರಳವಾಗಿ ಆಚರಿಸಿದ್ದಾರೆ.

ವಿನಾಯಕ ವಿಸರ್ಜನಾ ಸಮಿತಿ ಆಶ್ರಯದಲ್ಲಿ ಗಣಪನನ್ನು ಪ್ರತಿಷ್ಟಾಪಿಸಿದ್ದು, ಗಾಂಧಿವನದಲ್ಲಿನ ಪುಟ್ಟ ವೇದಿಕೆಯಲ್ಲಿ ಶ್ರದ್ದಾಭಕ್ತಿಗಳಿಂದ ಪೂಜಿಸಲಾಯಿತು.

ಭಜರಂಗದಳದ ಬಾಲಾಜಿ, ಜಿಲ್ಲಾ ಸಂಚಾಲಕ ಬಾಬು, ಅಪ್ಪಿ, ಡಿ.ಆರ್.ನಾಗರಾಜ್, ಬಿಆರ್‍ಎಂ ಸಂತೋಷ್, ಮಂಜುನಾಥ್, ವಿಶ್ವನಾಥ್, ರವಿ, ನಾಗೇಶ್, ಕನಕೇಶ್, ನರೇಶ್, ವಿಜಯಕುಮಾರ್, ವಿಶ್ವ, ಜೋಗ್ ಮತ್ತಿತರರು ನೇತೃತ್ವ ವಹಿಸಿದ್ದರು.

ತೆಂಗಿನಕಾಯಿಗಳ ಹಬ್ಬವಾಗಿ ಆಚರಣೆ

ಗಣೇಶ ಹಬ್ಬವನ್ನು ಜಿಲ್ಲೆಯಲ್ಲಿ ಸಾಮಾನ್ಯವಾಗಿ ತೆಂಗಿನಕಾಯಿಗಳ ಹಬ್ಬವೆಂದೇ ಕರೆಯಲಾಗುತ್ತದೆ. ಕೆಲವು ಕುಟುಂಬಗಳು ಮಾತ್ರವೇ ಗಣೇಶನ ಮೂರ್ತಿಯನ್ನು ಪ್ರತಿಷ್ಟಾಪಿಸಿ ಪೂಜೆ ಸಲ್ಲಿಸುತ್ತವೆ.

ಆದರೆ ಅತಿ ಹೆಚ್ಚಿನ ಸಂಖ್ಯೆಯ ನಾಗರೀಕರು ದೇವಾಲಯಗಳು, ಅಶ್ವಥ್ಥಕಟ್ಟೆ, ತಮ್ಮ ಹಿರಿಯರ ಸಮಾಧಿಗಳಿಗೆ ಹೋಗಿ ತೆಂಗಿನಕಾಯಿ ಹೊಡೆದು ಪೂಜೆ ಸಲ್ಲಿಸುವುದು ಪ್ರಮುಖ ಆಚರಣೆಯಾಗಿದ್ದು, ತೆಂಗಿನಕಾಯಿ ಹಬ್ಬವೆಂದೇ ಖ್ಯಾತಿಯಾಗಿದ್ದು, ನಗರದ ಅಶ್ವಥ್ಥಕಟ್ಟೆ, ಸ್ವಶಾನಗಳಲ್ಲಿ ನೂರಾರು ಮಂದಿ ಪೂಜೆ ಸಲ್ಲಿಸಿದರು.

ಕೋಲಾರ ಎಪಿಎಂಸಿ ಜಾಗದ ಸಮಸ್ಯೆ ಬಗೆಹರಿಸಿ ರೈತರಿಗೆ ಅನುಕೂಲ ಮಾಡಿಕೊಡಬೇಕೆಂದು ಒತ್ತಡ ಹಾಕಲು ಜಾನುವಾರುಗಳ ಸಮೇತ ಸಂಸದರ ಮನೆ ಮುಂದೆ ಹೋರಾಟಕ್ಕೆ ರೈತ ಸಂಘ ತೀರ್ಮಾನ

ವರದಿ ಶಬ್ಬೀರ್ ಅಹಮ್ಮದ್ ಶ್ರೀನಿವಾಸಪುರ

ಕೋಲಾರ: ಕೋಲಾರ ಎಪಿಎಂಸಿ ಜಾಗದ ಸಮಸ್ಯೆಯನ್ನು ಬಗೆಹರಿಸಿ ರೈತರಿಗೆ ಅನುಕೂಲ ಮಾಡಿಕೊಡಬೇಕೆಂದು ಜನಪ್ರತಿನಿಧಿಗಳು ಮತ್ತು ಜಿಲ್ಲಾಡಳಿತದ ಮೇಲೆ ಒತ್ತಡ ಹಾಕಲು ಜಾನುವಾರುಗಳ ಸಮೇತ ಆ.28 ರ ಶುಕ್ರವಾರ ಸಂಸದರ ಮನೆ ಮುಂದೆ ಹೋರಾಟ ಮಾಡಲು ರೈತ ಸಂಘದ ಸಭೆಯಲ್ಲಿ ತೀರ್ಮಾನಿಸಲಾಯಿತು.
ಸಭೆಯ ನೇತೃತ್ವವಹಿಸಿ ಮಾತನಾಡಿದ ರೈತಸಂಘದ ರಾಜ್ಯ ಉಪಾಧ್ಯಕ್ಷ ಕೆ.ನಾರಾಯಣಗೌಡ, ಏಷ್ಯಾದಲ್ಲೇ 2ನೇ ಅತಿದೊಡ್ಡ ಮಾರುಕಟ್ಟೆಯಾಗಿರುವ ಕೋಲಾರ ಎಪಿಎಂಸಿ ಮಾರುಕಟ್ಟೆಯಲ್ಲಿನ ಟೊಮೆಟೊ ಮತ್ತು ತರಕಾರಿಗಳು ದೇಶವಿದೇಶಗಳಿಗೆ ರಫ್ತಾಗುತ್ತಿದ್ದು ಇಲ್ಲಿಗೆ ಬರುವ ವ್ಯಾಪಾರಸ್ಥರು ಮಾರುಕಟ್ಟೆಯಲ್ಲಿನ ಜಾಗದ ಸಮಸ್ಯೆಯಿಂದ ಬೆಳೆಗೆ ತಕ್ಕ ಬೆಲೆ ನೀಡಲು ಹಿಂಜರಿಯುತ್ತಿದ್ದಾರೆ.

ಇದರಿಂದ ರೈತರಿಗೆ ಕೈಗೆ ಬಂದ ತುತ್ತು ಬಾಯಿಗೆ ಬರದೆ ನಷ್ಟಕ್ಕೆ ಸಿಲುಕುತ್ತಿದ್ದರೂ ಜನಪ್ರತಿನಿಧಿಗಳು ಮತ್ತು ಜಿಲ್ಲಾಡಳಿತ ಮಾರುಕಟ್ಟೆಯ ಜಾಗದ ಸಮಸ್ಯೆ ಬಗ್ಗೆ ನೆಪ ಮಾತ್ರಕ್ಕೆ ಬಗೆಹರಿಸುತ್ತೇವೆಂದು ರೈತ ವಿರೋಧಿ ಧೋರಣೆ ಅನುಸರಿಸುತ್ತಿದ್ದಾರೆ. ಸತತವಾಗಿ 8 ವರ್ಷಗಳಿಂದ ಮಾರುಕಟ್ಟೆಯ ಜಾಗದ ಸಮಸ್ಯೆಯನ್ನು ಪರಿಹರಿಸುವಂತೆ ಸತತವಾಗಿ ಹೋರಾಟಗಳು ಮಾಡುತ್ತಿದ್ದರೂ ಇದರ ಕಡೆ ಗಮನಹರಿಸುತ್ತಿಲ್ಲ ಎಂದು ಅಸಮಧಾನ ವ್ಯಕ್ತಪಡಿಸಿದರು.

ರೈತರಿಗೆ ಅನುಕೂಲವಾಗುವ ಮಾರುಕಟ್ಟೆಯ ಸಮಸ್ಯೆ ಬಗೆಹರಿಸಲು ಜನಪ್ರತಿನಿಧಿಗಳು ಮತ್ತು ಜಿಲ್ಲಾಡಳಿತದ ಬಳಿ ಜಾಗದ ಸಮಸ್ಯೆ ಇದೆ. ಆದರೆ ರಾತ್ರೋರಾತ್ರಿ ಸಾವಿರಾರು ಎಕರೆ ಸರ್ಕಾರಿ ಜಮೀನುಗಳನ್ನು ಅಕ್ರಮ ದಾಖಲೆಗಳನ್ನು ಸೃಷ್ಠಿ ಮಾಡಿ ರಿಯಲ್ ಎಸ್ಟೇಟ್ ದಂಧೆಕೋರರಿಗೆ ಮಂಜೂರು ಮಾಡಲು ಜಾಗವಿರುತ್ತದೆ. ಅಭಿವೃದ್ಧಿ ಕಾರ್ಯಗಳಿಗೆ ಮಾತ್ರ ಕಿಲೋಮೀಟರ್‍ಗಟ್ಟಲೇ ವರ್ಷಗಳ ಕಾಲ ಹುಡುಕಾಟದಲ್ಲಿದ್ದೇವೆಂದು ಅಧಿಕಾರಿಗಳು ನೆಪ ಹೇಳುತ್ತಿದ್ದಾರೆ ಎಂದು ಆರೋಪಿಸಿದರು.

ಜಿಲ್ಲಾಧ್ಯಕ್ಷ ಮರಗಲ್ ಶ್ರೀನಿವಾಸ್ ಮಾತನಾಡಿ, ಜಿಲ್ಲೆಗೆ ಕೆಸಿವ್ಯಾಲಿ ನೀರು ಹರಿಯುವ ಜೊತೆಗೆ ಉತ್ತಮವಾದ ಮುಂಗಾರುಮಳೆ ಸುರಿಯುತ್ತಿರುವುದರಿಂದ ಕೆರೆ ಕುಂಟೆಗಳಲ್ಲಿ ನೀರು ಸಂಗ್ರಹವಾಗಿ ಕೃಷಿಯಿಂದ ವಿಮುಕ್ತಿ ಹೊಂದುತ್ತಿದ್ದ ರೈತರು ಮತ್ತೆ ಕೃಷಿಯತ್ತ ಮುಖ ಮಾಡಿರುವುದರಿಂದ ರೈತರು ಬೆಳೆದ ಬೆಳೆಗಳಿಗೆ ಉತ್ತಮವಾದ ಬೆಲೆ ಸಿಗಬೇಕಾದರೆ ಮಾರುಕಟ್ಟೆಯ ವ್ಯವಸ್ಥೆ ಸರಿಪಡಿಸಬೇಕಾದ ಜವಾಬ್ದಾರಿ ಸಂಬಂಧಪಟ್ಟ ಅಧಿಕಾರಿಗಳ ಮೇಲಿದೆ ಎಂದು ಹೇಳಿದರು.

ಜೊತೆಗೆ ಇತ್ತೀಚಿನ ದಿನಗಳಲ್ಲಂತು ಟೊಮೆಟೊ ಸೇರಿದಂತೆ ಇನ್ನಿತರೆ ತರಕಾರಿಗಳ ಅವಕ ಹೆಚ್ಚಾಗುತ್ತಿದ್ದು, ಮಾರುಕಟ್ಟೆಯಲ್ಲಿ ನಿತ್ಯವೂ ಟ್ರಾಫಿಕ್, ಅನೈರ್ಮಲ್ಯ ಸಮಸ್ಯೆಗಳು ಸಾಮಾನ್ಯವಾಗಿವೆ. ರೈತರು ಕಷ್ಟಪಟ್ಟು ಬೆಳೆದ ಬೆಳೆಗಳಿಗೆ ಉತ್ತಮ ಬೆಲೆಗಳಿದ್ದರೂ ಮಾರುಕಟ್ಟೆಯಲ್ಲಿ ಅವ್ಯವಸ್ಥೆಯಿಂದಾಗಿ ಸಕಾಲಕ್ಕೆ ಮಾರಾಟವಾಗದೆ ಗುಣಮಟ್ಟ ಕಳೆದುಕೊಂಡು ಕಡಿಮೆ ಬೆಲೆಗೆ ಮಾರಾಟವಾಗುತ್ತಿದೆ. ಇದರಿಂದಾಗಿ ರೈತರು ಆರ್ಥಿಕವಾಗಿ ಸಂಕಷ್ಟಕ್ಕೆ ಒಳಗಾಗುತ್ತಿದ್ದಾರೆ. ಹಾಗಾಗಿ ಜಾಗದ ಸಮಸ್ಯೆಯನ್ನು ಬಗೆಹರಿಸಿ ರೈತರಿಗೆ ಅನುಕೂಲ ಮಾಡಿಕೊಡಬೇಕೆಂದು ಆಗ್ರಹಿಸಿದರು.

ಸಭೆಯಲ್ಲಿ ಮಹಿಳಾ ಘಟಕದ ಜಿಲ್ಲಾಧ್ಯಕ್ಷೆ ಎ.ನಳಿನಿಗೌಡ, ತಾಲೂಕು ಅಧ್ಯಕ್ಷ ಈಕಂಬಳ್ಳಿ ಮಂಜುನಾಥ್, ಮಂಗಸಂದ್ರ ನಾಗೇಶ್, ತಿಮ್ಮಣ್ಣ, ವೆಂಕಟೇಶಪ, ವಕ್ಕಲೇರಿ ಹನುಮಯ್ಯ, ಐತಾಂಡಹಳ್ಳಿ ಮಂಜುನಾಥ್, ವಿ.ನಳಿನಿ ಮತ್ತಿತರರು ಉಪಸ್ಥಿತರಿದ್ದರು.

ಕುಂದಾಪುರ ಗಾಂಜಾ ವ್ಯಾಪರಿಗಳ ಬಂದನ:1 ಕೆ.ಜಿ 105 ಗ್ರಾಮ್, 33,000 ರೂಪಾಯಿ ಮೌಲ್ಯದ ಗಾಂಜಾ ವಶ

JANANUDI.COMNETWORK

ದಿನಾಂಕ 23/08/2020 ರಂದು ಬೆಳಿಗ್ಗೆ 07:00 ಗಂಟೆ ಸುಮಾರಿಗೆ ವಕ್ವಾಡಿ ಗ್ರಾಮದ ಅಶೋಕ ನಗರ ಎಂಬಲ್ಲಿ ಕೊಟೇಶ್ವರ ಮೇಪು ಕಡೆಗೆ ಹೋಗುವ ಮಣ್ಣು ರಸ್ತೆಯ ಪೂರ್ವಬದಿಯ ಖಾಲಿ ಜಾಗದಲ್ಲಿ ಇಬ್ಬರು ವ್ಯಕ್ತಿಗಳು ಒಂದು ಮೋಟಾರು ಸೈಕಲನ್ನು ನಿಲ್ಲಿಸಿಕೊಂಡು ಗಾಂಜಾ ಮಾರಾಟ ಮಾಡುತ್ತಿರುವುದಾಗಿ ಬಾತ್ಮಿದಾರರೊಬ್ಬರು ನೀಡಿದ ಮಾಹಿತಿ ದೊರಕಿ ಪೊಲೀಸರು ಸಿಬ್ಬಂದಿ 08:00 ಗಂಟೆಗೆ ಠಾಣೆಯಿಂದ ಹೊರಟು 08:20 ಗಂಟೆಗೆ ಮಾಹಿತಿ ದೊರೆತ ವಕ್ವಾಡಿ ಗ್ರಾಮದ ಅಶೋಕ ನಗರ ಎಂಬಲ್ಲಿ ಕೊಟೇಶ್ವರ ಮೇಪು ಕಡೆಗೆ ಹೋಗುವ ಮಣ್ಣು ರಸ್ತೆಯ ಪೂರ್ವಬದಿಯ ಖಾಲಿ ಜಾಗದಲ್ಲಿ ಸ್ವಲ್ಪ ಹಿಂದೆ ನಿಲ್ಲಿಸಿ ಮೋಟಾರು ಸೈಕಲ್‌ ನಿಂತ ಸ್ಥಳದ ಹತ್ತಿರ ಹೋಗಿ ಪರಿಶೀಲಿಸಲಾಗಿ ಇಬ್ಬರು ವ್ಯಕ್ತಿಗಳು ಸಮವಸ್ತ್ರದಲ್ಲಿದ್ದ ಪೊಲೀಸರುನ್ನು ಕಂಡು

ಓಡಲು ಪ್ರಯತ್ನಿಸಿದ್ದು ಪೊಲೀಸ್ ಸಿಬ್ಬಂದಿಯವರ ಸಹಾಯದಿಂದ ಸುತ್ತವರಿದು ಅವರನ್ನು ಹಿಡಿದು ಪರೀಕ್ಷಿಸಿದಾಗ 1 ನೇ ಆರೋಪಿಯ ಕೈಯಲ್ಲಿರುವ ಪ್ಲಾಸ್ಟಿಕ್ ತೊಟ್ಟೆಯಲ್ಲಿ ಏನಿದೆ ಎಂದು ಪ್ರಶ್ನಿಸಿದಲ್ಲಿ ತೊದಲುತ್ತಾ ಅದರಲ್ಲಿ ಮಾತ್ರೆ ಮತ್ತು ಔಷಧ ಇರುವುದಾಗಿ ತಿಳಿಸಿದ್ದು ಅದರಲ್ಲಿ ಗಾಂಜಾ ಇರುವುದು ಪತ್ತೆಯಾಗಿದ್ದು, ಇನ್ನೂ ಹಚ್ಚಿನ ತನಿಖೆ ನಡೆಸಿದಾಗ ಗಾಂಜಾವನ್ನು ನಮಗೆ ಹೊಸನಗರ ಕಡೆಯಿಂದ ಒಬ್ಬ ವ್ಯಕ್ತಿಯಿಂದ ಪಡೆದು ನಾವಿಬ್ಬರು ಈ ಗಾಂಜಾವನ್ನು ಅವುಗಳನ್ನು ವಕ್ವಾಡಿ ಗ್ರಾಮದ ಪರಿಸರದಲ್ಲಿ ಮಾರಾಟ ಮಾಡಿ ಹಣ ಸಂಪಾದನೆ ಮಾಡುವರೇ ನಿಂತುಕೊಂಡಿರುವುದಾಗಿ ತಿಳಿಸಿದ್ದಾರೆ.

ವಿಚಾರಣೆಯಲ್ಲಿ ಅವರ ಹೆಸರು ವಿಳಾಸವಾಗಿ ಗಣೇಶ್ ಪ್ರಾಯ: 20 ವರ್ಷ ತಂದೆ: ಕೃಷ್ಣ ವಾಸ: ಸಘುಮಾಲೆ ನಿಲಯ,ವಿನಾಯಕ ನಗರ 5 ನೇ ಕ್ರಾಸ್, ಕುಂಭಾಶಿ ಗ್ರಾಮ ಹಾಗೂ ಮತ್ತೊಬ್ಬನ ಹೆಸರು ಗೌತಮ್ ಯಾನೆ ಬುದ್ದ ಪ್ರಾಯ: 25 ವರ್ಷ ತಂದೆ: ಮಂಜುನಾಥ ವಾಸ: ದುಗ್ಗಾನ್ ಬೆಟ್ಟು, ಬೊಬ್ಬರ್ಯ ದೇವಸ್ಥಾನ ರಸ್ತೆ, ಉಪ್ಪಿನಕುದ್ರು ಗ್ರಾಮ, ಕುಂದಾಪುರ ತಾಲೂಕು ಎಂಬುದಾಗಿ ತಿಳಿಸಿದ್ದು, ಆರೋಪಿಗಳ ಮೇಲೆ ಕುಂದಾಪುರ ಪೊಲೀಸರುಕೇಸು ದಾಖಲಿಸಿಕೊಂಡಿದ್ದಾರೆ,ಹಾಗೇ ಆರೋಪಿಗಳಿಂದ 1 ಕೆ.ಜಿ 105 ಗ್ರಾಮ್ ತೂಕದ ಗಾಂಜಾವನ್ನು ಸ್ವಾಧಿನಪಡಿಸಿಕೊಂಡಿದ್ದು ಸದ್ರಿ ಗಾಂಜಾದ ಅಂದಾಜು ಮೌಲ್ಯ 33,000/- ರೂಪಾಯಿ ಆಗಬಹುದು. 1 ನೇ ಆರೋಪಿಯಿಂದ ನಗದು 1290 ರೂಪಾಯಿ ಮತ್ತು ಬಿಳಿ ಬಣ್ಣದ ರೆಡ್‌ಮಿ ಮೊಬೈಲ್ ಹಾಗು 2 ನೇ ಆರೋಪಿಯಿಂದ ನಗದು 590 ರೂಪಾಯಿ ಮತ್ತು ಕೆಂಪು ಬಣ್ಣದ ಓಪೋ ಮೊಬೈಲ್ ಸ್ವಾದೀನಪಡಿಸಿಕೊಳ್ಳಲಾಯ್ತು. ಆರೋಪಿತರು ಕೃತ್ಯಕ್ಕೆ ಉಪಯೋಗಿಸಿದ RX 135 ಮೋಟಾರು ಸೈಕಲ್ ಸ್ವಾದೀನಪಡಿಸಿಕೊಳ್ಳಲಾಯ್ತು. ಎರಡು ಮೊಬೈಲ್‌ಗಳ ಅಂದಾಜು ಮೌಲ್ಯ 12,000 ರೂಪಾಯಿ ಹಾಗು ಮೋಟಾರು ಸೈಕಲ್‌ನ ಅಂದಾಜು ಮೌಲ್ಯ 8000/- ರೂಪಾಯಿ ಇವಗಳನ್ನು ಸ್ವಾಧೀನಪಡಿಸಿಕೊಂಡಿದ್ದಾರೆ

ಈ ದಾಳಿಯಲ್ಲಿ ಕುಂದಾಪುರ ಪೊಲೀಸ್ ಠಾಣೆ ಯ ಎಎಸ್ಐ ಗಳಾದ ಆನಂದ ಬಿ, ಮತ್ತು ಸುಧಾಕರ್ ರವರು ಹಾಗೂ ಸಿಬ್ಬಂದಿಯವರಾದ HC ಸಿಗಳಾದ ಮಂಜುನಾಥ್, ಸಂತೋಷ್ ಕುಮಾರ್, ಚಂದ್ರಶೇಖರ ಶೆಟ್ಟಿ, ಅವಿನಾಶ್, ಹರೀಶ್, ರಾಘವೇಂದ್ರ, ವಿಜಯ್,PC ಗಳಾದ ಪ್ರಸನ್ನ, ವೀರಪ್ಪ, ರವಿ, ಗೋಕುಲ, ಶಾಂತಾರಾಮ, ಸಚಿನ್ ಶೆಟ್ಟಿ ರಾಘವೇಂದ್ರ ಮೊಗೇರ, ರಾಮ ಪೂಜಾರಿ ಶಂಕರ್, ಅರುಣ್ ಕುಮಾರ್ ಹಾಗೂ ಜಿಪು ಚಾಲಕ AHC ಸಂತೋಷ್ ಶೆಟ್ಟಿ ಇವರುಗಳು ಭಾಗವಹಿಸಿದ್ದರು.

Goutham (25) uppinkudru.Talluru

ಕೊರೋನಾದಿಂದ ನೇರಂಬಳ್ಳಿ ವ್ಯಕ್ತಿ ಸಾವು, ಆಸ್ಪತ್ರೆಯವರು ಕಳುಹಿಸಿದ ಶವವೆ ಬೇರೆ :ಕುಂದಾಪುರ ಸ್ಮಶಾನದಲ್ಲಿ ಪ್ರತಿಭಟನೆ

JANANUDI.COM NETWORK

ಕುಂದಾಪುರ, ಅ.23: ಕೊರೊನಾನಿಂದ ಸತ್ತ ವ್ಯಕ್ತಿಯ ಶವದ ಬದಲು ಬೇರೆ  ಶವವನ್ನು ಕಳುಹಿಸಿದ ಘಟನೆ ಕುಂದಾಪುರದಲ್ಲಿ ಇಂದು ಬೆಳಿಗ್ಗೆ ನಡೆದಿದೆ. ಅಂಬುಲೆನ್ಸ್‌ನಲ್ಲಿ ಬಂದ ಬೇರೆ ಶವವನ್ನು ಕಂಡ ಬಂಧುಗಳು, ಮನೆಯವರು ಹಾಗೂ ಸಾರ್ವಜನಿಕರು ಕುಂದಾಪುರ ಸ್ಮಶಾನದಲ್ಲಿ ಪ್ರತಿಭಟನೆ ನಡೆಸಿದ್ದಾರೆ.
ಉಡುಪಿಯ ಕೋವಿಡ್ ಆಸ್ಪತ್ರೆಗೆ ದಾಖಲಾದ ನೇರಂಬಳ್ಳಿಯ 60 ರ ಹರೆಯದ ವ್ಯಕ್ತಿಯೊಬ್ಬರು ಮೃತರಾಗಿದ್ದರು  ಅವರ ಶವವನ್ನು  ಕಳುಹಿಸಿಕೊಡಲಾಗುವುದು ಎಂದು ಮನೆಯವರಿಗೆ ಆಸ್ಪತ್ರೆಯಿಂದ ತಿಳಿಸಲಾಗಿತ್ತು. ಶವವನ್ನು ಕುಂದಾಪುರ ಸ್ಮಶಾನಕ್ಕೆ ತರಲು ಕೋರಿಕೊಂಡ್ಡು ಮನೆಯವರು, ಬಂಧುಗಳು, ಊರವರು ಅಂತ್ಯಕ್ರಿಯೆಗೆ ಬೇಕಾದ ಸಿದ್ದತೆ ಮಾಡಿಕೊಂಡು ಸ್ಮಶಾನಕ್ಕೆ ತೆರಳಿದ್ದರು. ಹಾಗೇ ಬೆಳಿಗ್ಗೆ ೧೦.೩೦ಕ್ಕೆ ಬೇರೆ ವ್ಯಕ್ತಿಯ ಮೃತ ಶರೀರ ಸ್ಮಶಾನಕ್ಕೆ ಆಗಮಿಸಿತು.


      ಆದರೆ ನೇರಂಬಳ್ಳಿಯ ಮೃತ ವ್ಯಕ್ತಿ ಸುಮಾರು ಆರು ಅಡಿ ಎತ್ತರದ ವ್ಯಕ್ತಿಯಾಗಿದ್ದು ಆದರೆ ಕಳುಹಿಸಿಕೊಟ್ಟ ಶವ ಗಿಡ್ಡದಾಗಿದ್ದು,, ಮನೆಯವರಿಗೆ ಮೃತ ದೇಹ ಕಂಡು ಇದು ನಮ್ಮ ಮನೆಯವರ ಮೃತ ದೇಹ ಅಲ್ಲವೆಂಬ ಸಂದೇಹವಾಗಿದ್ದು, ಆದರೆ ಶವ ತೆರೆಯಬಾರದು ಎಂಬ ಒತ್ತಡದ ನಡುವೆಯೂ ‘ಏನಾದರಾಗಲಿ ಎಂದು’ ಶವ ಪರೀಕ್ಷಿಸುವಾಗ, ಕಳುಹಿಸಿಕೊಟ್ಟ ಶವ ಯುವಕನೊಬ್ಬನದಾಗಿತ್ತು.  ಇದು ನಮ್ಮ ಮೃತದೇಹ ಅಲ್ಲವೆನ್ನುತ್ತಿದ್ದಂತೆ ಅಂಬುಲೆನ್ಸ್ ಸಿಬ್ಬಂದಿಗಳು ಶವ ಕೊಂಡುಹೋಗಲು ಯತ್ನಿಸಿದ್ದರು.

      ಆದರೆ ತಕ್ಷಣ ಸ್ಮಶಾನದ ಗೇಟ್ ಹಾಕಿ  ಜನರು  ಬೇರೆ ಯಾರದ್ದೋ ಶವ ಕಳುಹಿಸುವ ಈ ರೀತಿಯ ಯಡವಟ್ಟು ಕೆಲಸ ಮಾಡಿದ ಆಧಿಕಾರಿಗಳ ಅಜಾಗ್ರಾತ ಕ್ರಮಕ್ಕೆ ವಿರೋಧ ವ್ಯಕ್ತವಾಗಿ,  ನಮ್ಮ ಮೃತದೇಹ ತಂದು ಕೊಡುವವರೆಗೆ ಈ ದೇಹವನ್ನು ಹೊರ ಹೋಗಲು ಬಿಡಲ್ಲ ಎಂದು ಅಧಿಕಾರಿಗಳನ್ನು ತರಾಟೆಗೆ ತೆಗೆದುಕೊಂಡು ಪ್ರತಿಭಟನೆ ಆರಂಭಿಸಿದರು.

   ನೇರಂಬಳ್ಳಿಯ ನಾಗರಾಜ ಆಚಾರ್ಯ, ಪ್ರಕಾಶ್ ಆಚಾರ್ಯ, ಅಣ್ಣಪ್ಪ ಶೇರಿಗಾರ್ ನೇರಂಬಳ್ಳಿ, ಗೋಪಾಲ್ ಶೇರಿಗಾರ್ ನೇರಂಬಳ್ಳಿ, ಶ್ರೀಧರ ಆಚಾರ್ಯ ವಡೇರಹೋಬಳಿ, ರಾಜಗೋಪಾಲ್ ಆಚಾರ್ಯ ಕೊಟೇಶ್ವರ, ಊರಿನ ಪ್ರಮುಖರು, ಮೃತ ವ್ಯಕ್ತಿಗಳು ಬಂಧುಗಳು ಹಾಗೂ ಇನ್ನಿತರರು ಇದ್ದು ಆಸ್ಪತ್ರೆಯವರ ಹಾಗೂ ಅಧಿಕಾರಿಗಳ ವಿರುದ್ಧ ಪ್ರತಿಭಟನೆ ನಡೆಸಿದರು.
ಕೊನೆಗೆ ಆಸ್ಪತ್ರೆಯವರು ತಮ್ಮಿಂದಾದ ತಪ್ಪನ್ನು ಒಪ್ಪಿಕೊಂಡು ಮೃತ ವ್ಯಕ್ತಿಯ ಶವ ಕಳುಹಿಸಲು ಒಪ್ಪಿಕೊಂಡು ಮತ್ತೊಂದು ಅಂಬುಲೆನ್ಸ್‌ನಲ್ಲಿ ಶವ ಕಳುಹಿಸಿದರು. ನಂತರವೇ ಜನರು ಮೊದಲು ಬಂದಿದ್ದ ಅಂಬುಲೆನ್ಸ್‌ ಗೆ ತೆರಳಲು ಅವಕಾಶ ನೀಡಿದರು. ಕೊನೆಗೆ ನೇರಂಬಳ್ಳಿ ವ್ಯಕ್ತಿಯ ಶವದ ಅಂತ್ಯಕ್ರಿಯೆ ನಡಸಲಾಯಿತು.

   ಕೊರೊನಾ ಹೆಸರಲ್ಲಿ ಬೇಕಾದಷ್ಟು,ಅನಾಹುತಗಳಾಗಿವೆ, ಪಾಸಿಟೀವ್ ಬಂದು ಕೊನೆಗೆ,ನೆಗಿಟೀವ್ ಬರುತ್ತೆ, ಒಂದರೇಡು ದಿವಸ ಚಿಕಿತ್ಸೆ ನೀಡಿ ಲಕ್ಷ ಕಟ್ಟಲೆ ಲೂಟಿ ಮಾಡಿದ್ದಾರೆ, ಕಿಡ್ನಿ ಮತ್ತು ಬೇರೆ ಅಂಗಾಂಗಳನ್ನು ತೆಗೆದು ಮಾಯ ಮಾಡಿದ್ದಾರೆ. ತಲೆನೋವಿಗೆಂದು  .ಆಸ್ಪತೆಗೆ ಬಂದ ಮಹಿಳೆಗೆ ಬೇರೊಂದು ಇಂಜೆಕ್ಷನ್ ನೀಡಿ ಮೃತಳಾಗಿದ್ದ ಘಟನೆಯುನಡೆದಿದೆ. ಇನ್ನೂ ಎನೇನೊ ಅವಾಂತಾರ ಆಗುವುವೊ ಗೊತ್ತಿಲ್ಲಾ.

ಕುಂದಾಪುರ ಹೊಸ ಬಸ್ ನಿಲ್ದಾಣದ ಬಳಿ ಇಬ್ಬರು ವ್ಯಕ್ತಿಗಳು ಗಾಂಜಾ ಸೇವನೆಗಾಗಿ ಬಂದನ

JANANUDI.COM NETWORK

ಕುಂದಾಪುರ,ಅ.22: ಕುಂದಾಪುರ ನಗರದ ಹೊಸ ಬಸ್ ನಿಲ್ದಾಣದ ಬಳಿ ಇಬ್ಬರು ವ್ಯಕ್ತಿಗಳು ಗಾಂಜಾ ಸೇವಿಸುತ್ತಿರುವುದಾಗಿ ದೊರೆತ ಮಾಹಿತಿಯಂತೆ ಸಿಬ್ಬಂದಿಯವರೊಂದಿಗೆ ಮಾಹಿತಿ ಬಂದ ಸ್ಥಳಕ್ಕೆ 20/08/2020, 11:00 ಗಂಟೆಗೆ ತೆರಳಿ ನೋಡಲಾಗಿ ಇಬ್ಬರು ವ್ಯಕ್ತಿಗಳು ಗಾಂಜಾದಂತಹ ಅಮಲು ಪದಾರ್ಥ ಸೇವನೆ ಮಾಡಿರುವ ಬಗ್ಗೆ ಅನುಮಾನ ಇದ್ದು ಅವರ ಹೆಸರು ವಿಳಾಸ ವಿಚಾರಿಸಲಾಗಿ 1)ನಾಗರಾಜ ಪ್ರಾಯ: 34 ವರ್ಷ ತಂದೆ:ನಾಗೇಶ ಪೂಜಾರಿ ವಾಸ:ವಿಜಯ ಕ್ಯಾಶ್ಯೂ ಎದುರು, ಸುಳ್ಸೆ ಕಟ್ ಬೇಲ್ತೂರು ಹೆಮ್ಮಾಡಿ ಗ್ರಾಮ, ಕುಂದಾಪುರ ತಾಲೂಕು ಉಡುಪಿ ಜಿಲ್ಲೆ 2)ಆಕಾಶ್ ಎಸ್ ಪೂಜಾರಿ ಪ್ರಾಯ:23 ವರ್ಷ ತಂದೆ:ಸತೀಶ ವಿ ಪೂಜಾರಿ ವಾಸ:ಕೊರವಡಿ ಕ್ರಾಸ್ ಕುಂಭಾಶಿ ಗ್ರಾಮ,ಕುಂದಾಪುರ ತಾಲೂಕು ಉಡುಪಿ ಜಿಲ್ಲೆ ಎಂಬುದಾಗಿ ತಿಳಿಸಿದ್ದು ಅವರ ಬಾಯಿಂದ ಗಾಂಜಾದಂತಹ ವಾಸನೆ ಬರುತ್ತಿದ್ದು ಅವರನ್ನು ಸಿಬ್ಬಂದಿಯವರೊಂದಿಗೆ ಬಂದಿಸಿ ಕೆ.ಎಂ.ಸಿ ಮಣಿಪಾಲ ಪೊರೆನ್ಸಿಕ್ ಮೆಡಿಸಿನ್ ವಿಭಾಗದ ತಜ್ಞರ ಮುಂದೆ ಹಾಜರುಪಡಿಸಿ ಅವರ ವೈದ್ಯಕೀಯ ಪರೀಕ್ಷೆ ನಡೆಸಲಾಗಿ ಆಪಾದಿತರು ಗಾಂಜಾ ಸೇವನೆ ಮಾಡಿರುವುದಾಗಿ ತಜ್ಞರು ವರದಿ ನೀಡಿದ್ದು, ಆಪಾದಿತರು ಗಾಂಜಾ ಸೇವನೆ ಮಾಡಿರುವುದು ದೃಢಪಟ್ಟಿರುವುದಕ್ಕೆ ಕೇಸು ದಾಖಲಿಸಲಾಗಿದೆಯೆಂದು ಪೊಲೀಸ್ ಮೂಲಗಳಿಂದ ತಿಳಿದು ಬಂದಿದೆ.

Nagesh poojari
Nagesh poojari

ಶ್ರೀನಿವಾಸಪುರ: ಸಾಲ ಪಡೆದ ಫಲಾನುಭವಿಗಳು ನಿಗದಿತ ಅವಧಿಯೊಳಗೆ ಸಾಲ ಮರುಪಾವತಿ ಮಾಡಬೇಕು: ಶಾಸಕ ಕೆ.ಆರ್‌.ರಮೇಶ್‌ ಕುಮಾರ್‌

ವರದಿ : ಶಬ್ಬೀರ್ ಅಹ್ಮದ್, ಶ್ರೀನಿವಾಸಪುರ

ಶ್ರೀನಿವಾಸಪುರ: ಸಾಲ ಪಡೆದ ಫಲಾನುಭವಿಗಳು ನಿಗದಿತ ಅವಧಿಯೊಳಗೆ ಸಾಲ ಮರುಪಾವತಿ ಮಾಡಬೇಕು ಎಂದು ಶಾಸಕ ಕೆ.ಆರ್‌.ರಮೇಶ್‌ ಕುಮಾರ್‌ ಹೇಳಿದರು.
  ತಾಲ್ಲೂಕಿನ ರೋಣೂರು ಗ್ರಾಮದಲ್ಲಿ ಡಿಸಿಸಿ ಬ್ಯಾಂಕ್‌ ವತಿಯಿಂದ ಶುಕ್ರವಾರ ಏರ್ಪಡಿಸಿದ್ದ ಸಾಲ ವಿತರಣಾ ಸಮಾರಂಭ ಉದ್ಘಾಟಿಸಿ ಮಾತನಾಡಿ, ಮಹಿಳೆಯರು ಸ್ವಾವಲಂಬಿ ಜೀವನ ನಡೆಸಲು ಪೂರಕವಾಗಿ ಬಡ್ಡಿ ರಹಿತ ಸಾಲ ನೀಡಲಾಗುತ್ತಿದೆ. ಈ ಬಗ್ಗೆ ಕೆಲವರಿಂದ ಬರುವ ಟೀಕೆಗಳಿಗೆ ತಲೆ ಕೆಡಿಸಿಕೊಳ್ಳಬೇಕಾದ ಅಗತ್ಯವಿಲ್ಲ. ಸಾಲದ ಮಿತಿಯನ್ನು ರೂ. 50 ಸಾವಿರದಿಂದ 1ಲಕ್ಷಕ್ಕೆ ಹೆಚ್ಚಿಸಲು ಪ್ರಯತ್ನಿಸಲಾಗುತ್ತಿದೆ ಎಂದು ಹೇಳಿದರು.       

ಮುಂದಿನ ಗಣೇಶ ಚತುರ್ಥಿ ಒಳಗೆ ತಾಲ್ಲೂಕಿನ ಎಲ್ಲ ಕೆರೆಗಳಿಗೆ ಕೆಸಿ ವ್ಯಾಲಿಯಿಂದ ನೀರು ಹರಿಸಲಾಗುವುದು. ಗ್ರಾಮೀಣ ಪ್ರದೇಶದ ರೈತರು ಹಾಗೂ ಬಡವರ ಬದುಕು ಹಸನಾದಾಗ ಮಾತ್ರ ಸಮಾಜದಲ್ಲಿ ನೆಮ್ಮದಿ ಮೂಡಲು ಸಾಧ್ಯ. ಬಡವರ ಮಕ್ಕಳು ಶೈಕ್ಷಣಿಕವಾಗಿ ಹಾಗೂ ಆರ್ಥಿಕವಾಗಿ ಅಭಿವೃದ್ಧಿ ಹೊಂದುವುದೇ ನಿಜವಾದ ಹಬ್ಬ ಎಂದು ಹೇಳಿದರು. 

ಡಿಸಿಸಿ ಬ್ಯಾಂಕ್‌ ಅಧ್ಯಕ್ಷ ಬ್ಯಾಲಹಳ್ಳಿ ಗೋವಿಂದ ಗೌಡ ಮಾತನಾಡಿ, ರೋಣೂರು ಹೋಬಳಿಯ 47 ಸ್ತ್ರೀ ಶಕ್ತಿ ಸಂಘಗಳಿಗೆ ರೂ.2.35 ಕೋಟಿ ಬಡ್ಡಿ ರಹಿತ ಸಾಲ ವಿತರಿಸಲಾಗುತ್ತಿದೆ. ಬಾಂಡ್‌ ಮೂಲಕ ಠೇವಣಿ ಇಡುವ ವ್ಯವಸ್ಥೆ ಮಾಡಲಾಗಿದೆ. ಇದರಿಂದ ಮಹಿಳೆಯರಲ್ಲಿ ಉಳಿತಾಯ ಮನೋಭಾವ ಉಂಟಾಗುವುದು ಎಂದು ಹೇಳಿದರು.  ಈ ಸಂದರ್ಭದಲ್ಲಿ ಸ್ತ್ರೀ ಶಕ್ತಿ ಸಂಘದ ಸದಸ್ಯರಿಗೆ ಡಿಸಿಸಿ ಬ್ಯಾಂಕ್‌ ವತಿಯಿಂದ ಬಾಂಡ್‌ಗಳನ್ನು ವಿರಿಸಲಾಯಿತು.  ಪಿಎಲ್‌ಡಿ ಬ್ಯಾಂಕ್‌ ಅಧ್ಯಕ್ಷ ದಿಂಬಾಲ ಅಶೋಕ್‌, ಬ್ಲಾಕ್‌ ಕಾಂಗ್ರೆಸ್‌ ಅಧ್ಯಕ್ಷ ಸಂಜಯರೆಡ್ಡಿ, ಗ್ರಾಮ ಪಂಚಾಯಿತಿ ಮಾಜಿ ಉಪಾಧ್ಯಕ್ಷ ರೋಣುರು ಚಂದ್ರಶೇಖರ್‌, ಡಿಸಿಸಿ ಬ್ಯಾಂಕ್ ನಿರ್ದೇಶಕ ವೆಂಕಟರೆಡ್ಡಿ, ಸಿಇಒಗಳಾದ ಪ್ರಭಾಕರರೆಡ್ಡಿ, ಶಿವಾರೆಡ್ಡಿ, ವೀರಪ್ಪರೆಡ್ಡಿ, ಚಿಂತಾಮಣಿ ನಗರ ಸಭಾ ಸದಸ್ಯ ಜಗದೀಶ್‌ ಇದ್ದರು.

ಹಸಿದವರಿಗೆ ತುತ್ತು ಅನ್ನ ನೀಡಿದಾಗ, ಕಷ್ಟದಲ್ಲಿ ಇರುವವರಿಗೆ ಸಹಾಯ ಮಾಡಿದಾಗ ಸಿಗೋ ಸಂತೋಷ ಖುಷಿ ಬೇರೊಂದಿಲ್ಲಾ: ಆರ್.ಗಂಗಾದರ್

ವರದಿ : ಶಬ್ಬೀರ್ ಅಹ್ಮದ್, ಶ್ರೀನಿವಾಸಪುರ


ರಾಯಲ್ಪಾಡು : ಹಸಿದವರಿಗೆ ಒಂದು ತುತ್ತು ಅನ್ನ ನೀಡಿದಾಗ ಸಿಗೋ ಸಂತೋಷ, ಕಷ್ಟದಲ್ಲಿ ಇರುವವರಿಗೆ ಸಹಾಯ ಮಾಡಿದಾಗ ಆಗುವ ಖುಷಿ, ಜೀವನದಲ್ಲಿ ಎಷ್ಟೇ ಇದ್ದರೂ ಯಾವುದೂ ಲೆಕ್ಕಕ್ಕೆ ಬಾರದು ಎಂದು ದಾನಿ ಆರ್.ಗಂಗಾದರ್ ಅಭಿಪ್ರಾಯಪಟ್ಟರು.
ರಾಯಲ್ಪಾಡಿನ ಕಾಲೋನಿಗಳಲ್ಲಿ ,ಯಂಡ್ರಕಾಯಿಲಕುಂಟೆ ಗ್ರಾಮದಲ್ಲಿನ 200 ಬಡಕುಟುಂಬಗಳಿಗೆ ಗಣಪತಿ ಹಬ್ಬಕ್ಕಾಗಿ ಗುರುವಾರ ಉಚಿತವಾಗಿ ಆಹಾರ ಪದಾರ್ಥಗಳನ್ನು ಹಾಗು ವಸ್ತ್ರಗಳನ್ನು ವಿತರಿಸಿ ಮಾತನಾಡಿದರ
ಕೊರೋನಾದಿಂದಾಗಿ ಬಡಕುಟುಂಬಗಳು ಅರ್ಥಿಕವಾಗಿ ಸಂಕಷ್ಟಗಳನ್ನು ಎದುರುಸುತ್ತಿರುವ ಹಿನ್ನೆಲೆಯಲ್ಲಿ ಬಡಕುಟುಂಬಗಳು ಸಹ ಹಬ್ಬಹರಿದಿನಗಳನ್ನ ಸಂಭ್ರಮದೊಂದಿಗೆ ಆಚರಿಸಿಲಿ ಎನ್ನುವ ಉದ್ದೇಶದಿಂದ ಈ ಕಾರ್ಯಕ್ರಮವನ್ನ ಹಮ್ಮಿಕೊಳ್ಳಲಾಗಿದೆ ಎಂದರು.
ಮುಖಂಡರಾದ ಎಸ್.ಎನ್.ವೆಂಕಟೇಶ್, ಆರ್.ಪಾರ್ಥಸಾರಥಿ ಇದ್ದರು.