HOLY ROSARY CHURCH, KUNDAPUR – 450 th JUBILEE SOUVENIR 2021

ಜನಧ್ವನಿ: ಕುಂದಾಪುರ ಬ್ಲಾಕ್ ಕಾಂಗ್ರೆಸ್‍ನಿಂದ ಬಿಜೆಪಿ ಸರಕಾರದ ವಿರುದ್ದ ಪ್ರತಿಭಟನೆ

JANANUDI.COM NETWORK

ಕುಂದಾಪುರ,ಅ.20: ಇಂದು ಜನಧ್ವನಿ – ರಾಜ್ಯ ಬಿಜೆಪಿ ಸರಕಾರದ ವಿರುದ್ದ ಪ್ರತಿಭಟನೆ ರಾಜ್ಯಾದ್ಯಂತ ನಡೆಯಿತು, ಕುಂದಾಪುರ ಬ್ಲಾಕ್ ಕಾಂಗ್ರೆಸ್‍ನಿಂದಲೂ, ಈ ಪ್ರತಿಭಟನೆ ಕುಂದಾಪುರ ಬ್ಲಾಕ್ ಕಾಂಗ್ರೆಸ್ ಕಚೇರಿಯ ಮುಂದೆ ಬೆಳಿಗ್ಗೆ 11 ಗಂಟೆಗೆ ನಡೆಯಿತು.
ಮಾಜಿ ಪ್ರಧಾನಿ ರಾಜೀವ್ ಗಾಂಧಿ ಮತ್ತು ಮಾಜಿ ಮುಖ್ಯಮಂತ್ರಿ ದೇವರಾಜ್ ಅರಸ್‍ರವರ ಜನ್ಮ ದಿನಾಚರಣೆಯನ್ನು ಆಚರಿಸಲಾಯಿತು.
ಪ್ರತಿಭಟನೆಯ ನೇತ್ರತ್ವವನ್ನು ಮಾಜಿ ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷರಾದ ಮಲ್ಯಾಡಿ ಸಿವರಾಮ ಶೆಟ್ಟಿ ವಹಿಸಿ ‘ದುರುದ್ದೇಶ ಭರಿತ ಜ್ಯಾರಿ ತಂದ ಭೂಸುಧಾರಣೆ ಕಾನೂನು ರಾಜ್ಯ ರೈತ ವಿರೋಧಿಯಾಗಿದ್ದು,s ಸಣ್ಣ ಮತ್ತು ಅತೀ ಸಣ್ಣ ರೈತರ ಕ್ರಷಿ ಚಟುವಟಿಕೆಯನ್ನು ಬಂಡವಾಳಶಹಿಗಳು ನಿಯಂತ್ರಿಸುವಂತಾಗಿದೆ, ಮಾತ್ರವಲ್ಲದೆ ಮುಂದಿನ ದಿನಗಳಲ್ಲಿ ರೈತರ ಭೂಮಿ ರಿಯಲ್ ಎಸ್ಟೆಡ್ ಮತ್ತು ಭೂ ಮಾಫಿಯದಾರರ ಪಾಲಾಗುವುದು ಖಚಿತ’ ಎಂದು ಹೇಳಿದರು.
ಪ್ರತಿಭಟನೆಯ ಅಧ್ಯಕ್ಷತೆಯನ್ನು ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷರಾದ ಕಾನ್ಮಕ್ಕಿ ಹರಿಪ್ರಸಾದ್ ಶೆಟ್ಟಿ ವಹಿಸಿ ’ರಾಜ್ಯ ಸರಕಾರ ಕೊರೊನಾ ಮಹಾಮಾರಿ ಸಾಂಕ್ರಾಮಿಕ ರೋಗವನ್ನು ತನ್ನ ಊರುಗೋಲನ್ನಾಗಿ ಮಾಡಿಕೊಂಡಿದೆ. ಅಕ್ಕಿ ಬೆಳೆಯಿಂದ ಹಿಡಿದು ಪಿಪಿಇ ಕೀಟ್ ಖರೀದಿಯ ವರೆಗೆ, ಪ್ರತಿ ಕ್ಷೇತ್ರದಲ್ಲಿ ಭ್ರಷ್ಟಾಚಾರ ನಡೆಸಿದೆ’ ಎಂದರು.
ಮಾಜಿ ನಗರ ಪ್ರಾಧಿಕಾರ ಅಧ್ಯಕ್ಷ ವಿಕಾಸ್ ಹೆಗ್ಡೆ ಮಾತನಾಡಿ ’ರಾಜ್ಯ ಸರಕಾರ ಜ್ಯಾರಿ ತಂದ ಎ.ಪಿ.ಎಮ್. ಸಿ. ಮತ್ತು ಕೇಂದ್ರ ಸರಕಾರ ಜ್ಯಾರಿ ತಂದ ಕಾರ್ಮಿಕ ಕಾಯ್ದೆಯು ಜನವಿರೋಧಿ’ ಎಂದರು. ಪ್ರತಿಭಟನೆಯ ನಂತರ ಮನವಿಯನ್ನು ತಹಶೀಲ್ದಾರ್ ಕಛೇರಿಯ ಮೂಲಕ ಸರಕಾರಕ್ಕೆ ನೀಡಲಾಯಿತು.
ಈ ಸಂದರ್ಭದಲ್ಲಿ ಜ್ಯೋತಿ ಪುತ್ರನ್, ಮಹಿಳಾ ಬ್ಲಾಕ್ ಅಧ್ಯಕ್ಷೆ. ಚಂದ್ರಶೇಖರ ಶೆಟ್ಟಿ, ಐ.ಟಿ.ಶೆಲ್ ರಾಜ್ಯ ಕಾರ್ಯದರ್ಶಿ. ಗಣೇಶ ಶೇರಿಗಾರ, ನಗರ ಅಧ್ಯಕ್ಷ. ಅಶೋಕ ಪೂಜಾರಿ, ಬ್ಲಾಕ್ ಉಪಾಧ್ಯಕ್ಷರು. ಪ್ರಭಾವತಿ ಶೆಟ್ಟಿ, ಪುರಸಭೆ ಅಧ್ಯಕ್ಷೆ. ರೋಶನ್ ಶೆಟ್ಟಿ, ಟಿಜಿಟಲ್ ಯುತ್ ಅಧ್ಯಕ್ಷರು. ಕಮಾರ ಖಾರ್ವಿ, ಅಧ್ಯಕ್ಶರು ಸೇವಾದಳ, ಚಂದ್ರ ಅಮೀನ್. ಅಧ್ಯಕ್ಷರು ಐ.ಎನ್.ಟಿ.ಯು.ಸಿ, ಸತೀಶ ಜಪ್ತಿ, ಆರ್.ಪಿ.ಜಿ.ಎಸ್.ಸಂಚಾಲಕರು. ರಮೇಶ್ ಶೆಟ್ಟಿ, ಕಾರ್ಯದರ್ಶಿ ಜಿಲ್ಲಾ ಯುವ ಕಾಂಗ್ರೆಸ್. ಶಿವರಾಮ ಪುತ್ರನ್, ಮಾಜಿ ನಾಮ ನಿರ್ದೇಶಿತ ಸದಸ್ಯರು. ಕೇಶವ ಭಟ್. ಶಸಿರಾಜ್ ಪೂಜಾರಿ. ಶಿಶಿರ, ಅಶೋಕ ಸುವರ್ಣ, ಗಣಪತಿ ಶೇಟ್. ಕೆ.ಸುರೇಶ. ದಿನೇಶ್ ಬೆಟ್ಟ, ವಿಠಲ ಕಾಂಚನ್. ಶ್ರೀನಿವಾಸ ಶೆಟ್ಟಿ. ಜ್ಯೋತಿ ಟಿ.ನಾಯ್ಕ್. ಸ್ಟೀವನ್ ಡಿಕೋಸ್ತಾ. ಸದಾನಂದ ಖಾರ್ವಿ. ವಿಜಯಧರ ಕೆ.ವಿ. ಶೋಭಾ ಸಚ್ಚಿದಾನಂದ. ಅಣ್ಣಯ್ಯ ಪುತ್ರನ್. ಮಹಮದ್ ಹುಸೇನ್. ಬಿ.ಶಂಕರ ಬಸ್ರೂರು. ಶೀನಾ ಪೂಜಾರಿ. ಗಣೇಶ ದೇವಾಡಿಗ. ನರಸಿಂಹ ನಾಯ್ಕ್. ರಜಾಕ್ ಮಡುಗೋಪಾಡಿ. ,ಪಲ್ಲವಿ. ಚಂದ್ರ ಕಾಂಚನ್ ಇನ್ನಿತರರು ಹಾಜರಿದ್ದರು.
ಬ್ಲಾಕ್ ಕಾಂಗ್ರೆಸನ ಪ್ರಧಾನ ಕಾರ್ಯದರ್ಶಿ ವಿನೋದ್ ಕ್ರಾಸ್ಟೊ ಪ್ರಸ್ತಾವಿಸಿ ಸ್ವಾಗತಿಸಿದರು, ಕೋಶಾಧಿಕಾರಿ ನಾರಯಣ ಆಚಾರಿ ವಂದಿಸಿದರು.

ಜಗತ್ತನ್ನು ಆವರಿಸಿರುವ ಕರೋನಾವನ್ನು ನಿರ್ಮೂಲನೆ ಮಾಡಲು ಕರೋನಾ ವಾರಿಯರ್ ಸೇವೆ ಅತ್ಯಗತ್ಯವಾಗಿದೆ: ವಾರ್ತಾ ಮತ್ತು ಸಾರ್ವಜನಿಕ ಸಂಪರ್ಕ ಇಲಾಖೆಯ ಹಿರಿಯ ಸಹಾಯಕ ನಿರ್ದೇಶಕಿ ಪಲ್ಲವಿ ಹೊನ್ನಾಪುರ

ಕೋಲಾರ : ಜಗತ್ತನ್ನು ಆವರಿಸಿರುವ ಕರೋನಾವನ್ನು ನಿರ್ಮೂಲನೆ ಮಾಡಲು ಕರೋನಾ ವಾರಿಯರ್ ಸೇವೆ ಅತ್ಯಗತ್ಯವಾಗಿದೆ ಎಂದು ವಾರ್ತಾ ಮತ್ತು ಸಾರ್ವಜನಿಕ ಸಂಪರ್ಕ ಇಲಾಖೆಯ ಹಿರಿಯ ಸಹಾಯಕ ನಿರ್ದೇಶಕರಾದ ಪಲ್ಲವಿ ಹೊನ್ನಾಪುರ ಅವರು ತಿಳಿಸಿದರು . ಇಂದು ವಾರ್ತಾ ಭವನದಲ್ಲಿ ವಾರ್ತಾ ಮತ್ತು ಸಾರ್ವಜನಿಕ ಸಂಪರ್ಕ ಇಲಾಖೆ ವತಿಯಿಂದ ರೆಡ್ ಕ್ರಾಸ್ ಸಂಸ್ಥೆ ಸಹಯೋಗದೊಂದಿಗೆ ಹಮ್ಮಿಕೊಂಡಿದ್ದ ಕರೋನಾ ವಾರಿಯರ್ಸ್ರಿಗೆ ಪ್ರಮಾಣ ಪತ್ರ ವಿತರಣಾ ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸಿ ಮಾತನಾಡಿದರು . ಕೊವಿಡ್ -19 ಸಂದರ್ಭದಲ್ಲಿ ವಾರ್ತಾ ಇಲಾಖೆ , ಕಾರ್ಮಿಕರ ಇಲಾಖೆ , ಆರೋಗ್ಯ ಇಲಾಖೆ ಮತ್ತು ಜಿಲ್ಲಾಡಳಿತದೊಂದಿಗೆ ಕರೋನಾ ವಾರಿಯರ್ ಕೈಜೊಡಿಸಿ ಕೆಲಸ ಮಾಡುವುದರಿಂದ ಜಿಲ್ಲೆಯಲ್ಲಿ ಕರೋನಾ ನಿಯಂತ್ರಿಸಲು ಸಾಧ್ಯವಾಯಿತು ಎಂದು ತಿಳಿಸಿದರು . ಕರೋನಾ ವಾರಿಯ‌ಗಳ ಸೇವೆ ಮುಂದಿನ ದಿನಗಳಲ್ಲಿಯೂ ನೀಡಬೇಕು . ಡೆಂಗ್ಯೂ ಮತ್ತು ಚಿಕ್ಕನ್‌ಗನ್ಯಾ ಕಾಯಿಲೆಯ ಮರಣದ ಶೇಕಡಾವಾರು ಪ್ರಮಾಣಕ್ಕಿಂತ ಕರೊನಾ ಮರಣ ಪ್ರಮಾಣವು ಕಡಿಮೆ ಇದೆ . ಮುನ್ನೆಚ್ಚರಿಕೆ ಕ್ರಮಗಳಾದ ಮಾಸ್ಕ್ ಧರಿಸುವುದು , ಸಾಮಾಜಿಕ ಅಂತರ ಕಾಪಾಡುವುದರಿಂದ ರೋಗ ಬರದಂತೆ ನೋಡಿಕೊಳ್ಳಬಹುದು . ತಮ್ಮ ತಮ್ಮ ಗ್ರಾಮಗಳಲ್ಲಿ ಅರಿವು ಮೂಡಿಸಿ ರೋಗ ಲಕ್ಷಣ ಇರುವವರು ಕರೋನಾ ಪರೀಕ್ಷೆ ಮಾಡಿಸಿಕೊಳ್ಳವಂತೆ ಅರಿವು ಮೂಡಿಸಬೇಕು ಎಂದು ತಿಳಿಸಿದರು . ಇದೇ ಸಂದರ್ಭದಲ್ಲಿ ಸದ್ಭಾವನ ದಿನದ ಪ್ರತಿಜ್ಞಾ ವಿಧಿಯನ್ನು ಭೋದಿಸಿದರು . ವಿಜಯ್ ಕುಮಾರ್ ಅವರು ಜಿಲ್ಲಾ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣಾಧಿಕಾರಿಗಳಾದ ಡಾ . ಮಾತನಾಡಿ , ಜಿಲ್ಲೆಯಲ್ಲಿ ಎಲ್ಲರೂ ಒಟ್ಟಾಗಿ ಸೇರಿ ಕೆಲಸ ಮಾಡಿದ್ದರಿಂದ 48 ದಿನಗಳ ಕಾಲ ಜಿಲ್ಲೆಯು ಹಸಿರು ವಲಯದಲ್ಲಿ ಇತ್ತು . ಲಾಕ್‌ಡೌನ್ ತೆರವುಗೊಳಿಸಿದ ನಂತರ ಹೊರ ರಾಜ್ಯದಿಂದ ಬಂದವರಿಂದ ಜಿಲ್ಲೆಯಲ್ಲಿ ಕರೋನ ಪ್ರಕರಣಗಳು ಕಂಡುಬಂದವು . ಮಕ್ಕಳು ಮತ್ತು ವೃದ್ಧರು ಹೆಚ್ಚಿನ ಕಾಳಜಿಯನ್ನು ವಹಿಸಬೇಕು ಎಂದು ತಿಳಿಸಿದರು . ಜ್ವರ , ಕೆಮ್ಮು , ನೆಗಡಿ ಮುಂತಾದ ಯಾವುದೇ ರೀತಿಯ ಕೊರೋನಾ ಲಕ್ಷಣಗಳು ಕಂಡುಬಂದರೆ ತಕ್ಷಣ ಜಿಲ್ಲಾಸ್ಪತ್ರೆಯಲ್ಲಿ ಹಾಗೂ ತಾಲ್ಲೂಕು ಆಸ್ಪತ್ರೆಗಳಲ್ಲಿ ಪರೀಕ್ಷೆಯನ್ನು ಮಾಡಿಸಿಕೊಂಡು ಅದಕ್ಕೆ ಸೂಕ್ತ ಚಿಕಿತ್ಸೆ ಪಡೆದುಕೊಂಡರೇ ಕರೋನಾ ರೋಗದಿಂದ ಗುಣಮುಖರಾಗಬಹುದು . ಜಿಲ್ಲಾಡಳಿತವು ಕರೋನಾ ತಡೆಗಟ್ಟಲು ಸಕಲ ರೀತಿಯಲ್ಲಿ ಸಿದ್ಧವಾಗಿದೆ ಎಂದು ತಿಳಿಸಿದರು . ಕೊಳಗೇರಿಯ ಪ್ರದೇಶಗಳಲ್ಲಿ ಹೆಚ್ಚಿನ ಪ್ರಕರಣಗಳು ಕಂಡುಬಂದಿದೆ . ಆದ್ದರಿಂದ ಕೊಳಗೇರಿಯ ಪ್ರದೇಶಗಳಲ್ಲಿ ವಾಸಿಸುತ್ತಿರುವ ಜನರಲ್ಲಿ ಮೂಡಿಸಿ ಅವರನ್ನು ಕರೋನಾ ಪರೀಕ್ಷೆಯನ್ನು ಮಾಡಿಸಿಕೊಳ್ಳವಂತೆ ಪ್ರೋತ್ಸಾಹ ನೀಡಬೇಕು . ಉಳಿದ ತಾಲ್ಲೂಕುಗಳಲ್ಲಿ ಕರೋನಾ ಪ್ರಕರಣಗಳು ಕಡಿಮೆ ಇದೆ . ಆರೋಗ್ಯ ದೃಷ್ಟಿಯಿಂದ ಜನರಲ್ಲಿ ಕರೋನಾ ಜಾಗೃತಿ ಮೂಡಿಸುವುದು ಅಗತ್ಯವಾಗಿದೆ ಎಂದು ತಿಳಿಸಿದರು . ರೆಡ್ ಕ್ರಾಸ್ ಸಂಸ್ಥೆಯ ಜಿಲ್ಲಾ ಅಧ್ಯಕ್ಷರಾದ ಗೋಪಾಲ ಕೃಷ್ಣಗೌಡ ಅವರು ಮಾತನಾಡಿ , ಜಿಲ್ಲೆಯಲ್ಲಿ ಕರೋನಾ ನಿಯಂತ್ರಿಸಲು ಕರೋನಾ ವಾರಿಯ‌ಗಳು ಸಾಕಷ್ಟು ಶ್ರಮವಹಿಸಿದ್ದಾರೆ . ದೇಶವು ಕರೋನಾ ಮುಕ್ತವಾಗಬೇಕಾದರೆ ಯುವಕರು ಹೆಚ್ಚಿನ ಸಂಖ್ಯೆಯಲ್ಲಿ ಕರೋನಾ ವಾರಿಯರ್‌ಗಳಾಗಿ ಕೆಲಸ ಮಾಡಬೇಕು . ರಡ್ಕಾಸ್ ಸಂಸ್ಥೆಯು ಈಗಾಗಲೇ ಮಾಲೂರು ತಾಲೂಕಿನ ಕೆಲವು ಗ್ರಾಮಗಳಲ್ಲಿ ಪ್ರತಿ ಗ್ರಾಮಕ್ಕೆ 4 ಜನರನು ,ಕರೋನಾ ವಾರಿಯ‌ಗಳಾಗಿ ಹಾಗೂ ವಾರ್ಡ್‌ಗಳಲ್ಲಿ 5 ಜನ ಕರೋನಾ ವಾರಿಯರ್ ರಾಗಿ ನೇಮಿಸಿದ್ದೇವೆ . ಇದೆ ರೀತಿ ಜಿಲ್ಲೆಯ ಎಲ್ಲಾ ತಾಲ್ಲೂಕಿನಲ್ಲಿ ಕರೋನಾ ವಾರಿಯ‌ಗಳನ್ನು ನೇಮಿಸಲಾಗುವುದು ಎಂದು ತಿಳಿಸಿದರು . ಜಿಲ್ಲೆಯಲ್ಲಿ ರಕ್ತದ ಅವಶ್ಯಕತೆ ಇದೆ . ಆದ್ದರಿಂದ ಜಿಲ್ಲೆಯ ಆರೋಗ್ಯವಂತ ಯುವಕರು ರಕ್ತದಾನ ಮಾಡಬೇಕು . ಕರೊನಾ ಮುಕ್ತವಾಗುವರೆಗೂ ಕರೋನಾ ವಾರಿಯ‌ಗಳು ತಮ್ಮ ಸೇವೆಯನ್ನು ಹೀಗೆ ಮುಂದುವರಿಸಿ ಎಂದು ತಿಳಿಸಿದರು . ಕಾರ್ಯಕ್ರಮದಲ್ಲಿ ಪತ್ರಕರ್ತರಾದ ಗಣೇಶ್ , ರೆಡ್ ಕ್ರಾಸ್ ಸಂಸ್ಥೆಯ ಕಾರ್ಯದರ್ಶಿಗಳಾದ ಎ.ಪಿ ಸೋಮಶೇಖರ್ ಉಪಾದ್ಯಕ್ಷಾದ ಶ್ರೀನಿವಾಸ್ , ಕರೋನಾ ವಾರಿಯರ್ ಸೇರಿದಂತೆ ವಾರ್ತಾ ಮತ್ತು ಸಾರ್ವಜನಿಕ ಸಂಪರ್ಕ ಇಲಾಖೆಯ ಸಿಬ್ಬಂದಿಗಳು ಹಾಗೂ ಮತ್ತಿತರು ಉಪಸ್ಥಿತರಿದ್ದರು .

ಶ್ರೀನಿವಾಸಪುರ: ಗಣೇಶ ಚತುರ್ಥಿಯನ್ನು ಎಚ್ಚರಿಕೆಯಿಂದ ಹಾಗೂ ಅರ್ಥಪೂರ್ಣವಾಗಿ ಆಚರಿಸಬೇಕು:ಸರ್ಕಲ್‌ ಇನ್ಸ್‌ಪೆಕ್ಟರ್‌ ಎನ್‌.ಕೆ.ರಾಘವೇಂದ್ರ ಪ್ರಸಾದ್

ವರದಿ : ಶಬ್ಬೀರ್ ಅಹ್ಮದ್, ಶ್ರೀನಿವಾಸಪುರ

ಶ್ರೀನಿವಾಸಪುರ: ಗಣೇಶ ಚತುರ್ಥಿಯನ್ನು ಎಚ್ಚರಿಕೆಯಿಂದ ಹಾಗೂ ಅರ್ಥಪೂರ್ಣವಾಗಿ ಆಚರಿಸಬೇಕು ಎಂದು ಪೊಲೀಸ್ ಸರ್ಕಲ್‌ ಇನ್ಸ್‌ಪೆಕ್ಟರ್‌ ಎನ್‌.ಕೆ.ರಾಘವೇಂದ್ರ ಪ್ರಸಾದ್‌ ಹೇಳಿದರು.
  ಪಟ್ಟಣದ ಪೊಲೀಸ್‌ ಠಾಣೆಯಲ್ಲಿ ವಿನಾಯಕ ಚತುರ್ಥಿ ಆಚರಣೆ ಸಂಬಂಧ ಗುರುವಾರ ಏರ್ಪಡಿಸಿದ್ದ ಸಾರ್ವಜನಿಕರ ಶಾಂತಿ ಸಭೆಯಲ್ಲಿ ಮಾತನಾಡಿ, ಕೊರೊನಾ ವೈರಾಣು ಹರಡುವಿಕೆಯನ್ನು ನಿಯಂತ್ರಿಸುವ ದೃಷ್ಟಿಯಿಂದ ವಿನಾಯಕ ವಿಗ್ರಹ ಮೆರವಣಿಗೆ ಮಾಡುವಂತಿಲ್ಲ. ಪೂಜಾ ಕಾರ್ಯ ನೆರವೇರಿಸುವ ಸ್ಥಳದಲ್ಲಿ ಕಡ್ಡಾಯವಾಗಿ ಅಂತರ ಪಾಲನೆ ಮಾಡಬೇಕು. ಮಾಸ್ಕ್‌ ಧರಿಸಿರಬೇಕು ಎಂದು ಹೇಳಿದರು.  ಸರ್ಕಾರದ ಹೊಸ ಮಾರ್ಗಸೂಚಿಯಂತೆ ಯಾವುದೇ ಕಾರಣಕ್ಕೂ 4 ಅಡಿ ಎತ್ತರ ಮೀರಿದ ಗಣೇಶ ವಿಗ್ರಹಗಳನ್ನು ಪೂಜಿಸುವಂತಿಲ್ಲ. ಪರಿಸರ ಸ್ನೇಹಿ ವಿಗ್ರಹಗಳನ್ನು ಮಾತ್ರ ಪೂಜಿಸಬೇಕು. ಅಪಾಯಕಾರಿ ಬಣ್ಣಗಳನ್ನು ಬಳಸಿ ನಿರ್ಮಿಸಿದ ವಿಗ್ರಹಗಳನ್ನು ಪೂಜಿಸುವಂತಿಲ್ಲ. ಎಲ್ಲೆಂದರಲ್ಲಿ ಗಣೇಶ ವಿಗ್ರಹಗಳನ್ನು ಪೂಜಿಸುವಂತಿಲ್ಲ. ಗಣೇಶ ವಿಗ್ರಹ ಸ್ಥಾಪನೆ ಸಾರ್ವಜನಿಕರ ಸಾಮಾನ್ಯ ಜೀವನಕ್ಕೆ ಯಾವುದೇ ಅಡ್ಡಿ ಉಂಟುಮಾಡಬಾರದು ಎಂದು ಹೇಳಿದರು.   ಪೊಲೀಸ್‌ ಸಬ್‌ ಇನ್ಸ್‌ಪೆಕ್ಟರ್‌ ನಾರಾಯಣಪ್ಪ, ಮುಖಂಡ ಕೆ.ಕೆ.ಮಂಜುನಾಥರೆಡ್ಡಿ ಇದ್ದರು.ವರದಿ ಶಬ್ಬೀರ್

ಕುಂದಾಪುರ: ಮೃತ ದೇಹಕ್ಕೆ ಪಾಸಿಟಿವ್. ಆಸ್ಪತ್ರೆಯಲ್ಲಿ ಶವ ದರ್ಶನಗೈದವರು ಕಂಗಾಲು.

ವರದಿ:ಮಝರ್ ಕುಂದಾಪುರ

ಕುಂದಾಪುರ : ಕರೋನಾ ಪಾಸಿಟಿವ್ ಎಂದ ಕೂಡಲೇ ಸೀಲ್ ಡೌನ್, ಲಾಕ್ ಡೌನ್, ಕ್ವಾರಂಟೈನ್ ಮುಂತಾದ ಮುನ್ನೆಚ್ಚರಿಕೆ ಕ್ರಮಗಳನ್ನು ಅನುಸರಿಸುವುದು ಸರ್ವೆ ಸಾಮಾನ್ಯವಾಗಿರುವ ಈ ಸಂದರ್ಭದಲ್ಲಿ ಕುಂದಾಪುರ ದ ಖಾಸಗಿ ಆಸ್ಪತಯೊಂದರಲ್ಲಿ  ಯಾವುದೇ ತಡೆಯಿಲ್ಲದೆ ಮರಣ ಹೊಂದಿದ ವ್ಯಕ್ತಿಯ ಮೃತ ದೇಹದ ದರ್ಶನವನ್ನು ಪಡೆದ ನೂರಾರು ಜನ ತಲ್ಲಣಗೊಂಡಿರುವ ಘಟನೆ ನಡೆದಿದೆ.  ಇದಕ್ಕೆ ಕಾರಣವಾಗಿರುವುದು ಮೃತ ದೇಹದಲ್ಲಿ ಮಹಾ ಮಾರಿಯ ವೈರಸ್ ಗಳು ತೆವಳಾಡುತ್ತಿವೆ   ಎಂಬ ಸುದ್ದಿ.            ಕುಂದಾಪುರದ ವಾಸಿಯಾಗಿರುವ ಉದ್ಯಮಿಯೋರ್ವರು ಕಳೆದ ಶನಿವಾರ ಕಫ ಹಾಗೂ ಮಧು ಮೇಹದ ತೊಂದರೆಯಿಂದ ಕುಂದಾಪುರದ ಖಾಸಗಿ ಆಸ್ಪತ್ರೆಯಲ್ಲಿ ದಾಖಲಿಸಲಪಟ್ಟಿದ್ದರು. ವಾಡಿಕೆಯಂತೆ ಕೋವಿಡ್ 19 ತಪಾಸಣೆಯೂ ನಡೆದು ಒಂದು ನೆಗೆಟಿವ್  ವರದಿ ಬಂದಿದ್ದು ಇನ್ನೊಂದು ಬರಲು ಬಾಕಿ ಇದೆ ಎಂದು ಹೇಳಲಾಗಿತ್ತು. ಬಳಿಕ ಅದೇ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಮುಂದುವರಿದು ಮಂಗಳವಾರ ಅವರ ಆರೋಗ್ಯ  ಸ್ಥಿತಿ  ತೀರಾ ಬಿಗಡಾಯಿಸಿತ್ತು. ಈ ಸಂದರ್ಭದಲ್ಲಿ ಅವರನ್ನು ಮಣಿಪಾಲಕ್ಕೆ ಕೊಂಡೊಯ್ಯುವ   ಪ್ರಯತ್ನ ನಡೆದರೂ ಮತ್ತೆ ಆರೋಗ್ಯ ಸ್ಥಿತಿ ಕೊಂಚ ಸುಧಾರಿಸಿದ್ದರಿಂದ ಅದೇ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಮುಂದುವರಿದಿತ್ತೆನ್ನಲಾಗಿದೆ.ಆದರೆ ಮರುದಿನ ಅಂದರೆ ಬುಧವಾರ ಬೆಳ್ಳಂಬೆಳ್ಳಗೆ ವ್ಯಕ್ತಿಯು ಮರಣ ಹೊಂದಿದ್ದರೆನ್ನಲಾಗಿದೆ.  ಅವರ ನಿಧನ ದ ಸುದ್ದಿತಿಳಿಯುತ್ತಿದ್ದಂತೆ ಸಂಬಂಧಿಕರ ಸಹಿತ ನೂರಾರು ಜನ ಆಸ್ಪತ್ರೆಗೆ ತೆರಳಿ ಮೃತರ ದರ್ಶನವನ್ನು ಪಡೆದಿದ್ದಾರೆ. ಈ ನಡು ವೆ ಶವವನ್ನು ಮನೆಗೆ ಸಾಗಿಸುವ ವಿಚಾರ ಬಂದಾಗ ಕೋವಿಡ್ ರಿಪೋರ್ಟ್ ಬರಬೇಕು  ಆದ್ದರಿಂದ ಶವವನ್ನು ಸರ್ಕಾರಿ ಆಸ್ಪತ್ರೆಗೆ ಸಾಗಿಸಲಾಗುತ್ತಿದೆ ಎಂಬ ಸುದ್ದಿ ಅಲ್ಲಿ ಒಂದೇ ಸಮನೆ ಹರಿದಾಡಲಾರಂಭಿಸಿದರೂ, ಮೃತರ ಶವ ದರ್ಶನಕ್ಕೆ ಯಾವುದೇ ಅಡ್ಡಿ ಆತಂಕ ವಿಲ್ಲದೆ ಇದ್ದುದರಿಂದ ಶವ ದರ್ಶನದ ಕಾರ್ಯ ಮಾತ್ರ ಮಧ್ಯಾಹ್ನದ ತನಕ ಮುಂದುವರಿದಿತ್ತು. ಸಂಜೆ ವೇಳೆ ಶವವನ್ನು ಕುಂದಾಪುರದ ಖಾಸಗಿ ಆಸ್ಪತ್ರೆಯ ಶವಾಗಾರಕ್ಕೆ ಒಯ್ಯಲಾಗಿದ್ದು ಈ ನಡುವೆ   ಮೃತ ದೇಹದ ತಪಾಸಣಾ ವರದಿ ಪಾಸಿಟಿವ್ ಎಂದು ಬಂದಿದೆ ಎಂಬ ಸುದ್ದಿ ಶವದರ್ಶನವನ್ನು ಗೈದವರನ್ನು ತಲ್ಲಣಗೊಳಿಸಿ ಬಿಟ್ಟಿದೆ  ವಿದೇಶದಲ್ಲಿರುವ ಅವರ ಮಕ್ಕಳು ಆಗಮಿಸಿದ ನಂತರ ರಾತ್ರಿ ಸುಮಾರು 11.30ರ ಹೊತ್ತಿಗೆ ಅಪ್ಪಟ ಕರೋನಾ ಸೋಂಕು ಪೀಡಿತ ಶವದಂತೆ ಕವಚಧಾರಿ ವಾರಿಯರ್ಸ್ ಗಳು ಕುಂದಾಪುರ ಜಾಮಿಯಾ ಮಸೀದಿಯಲ್ಲಿ ತಡ ರಾತ್ರಿಶವವನ್ನು ದಫನಗೊಳಿಸಿದ್ದಾರೆ. ವಿಶೇಷ ವೆಂದರೆ ಈ ಸಂದರ್ಭದಲ್ಲಿ ಕೊರೊನಾ ಸೋಂಕಿತ ಶವವನ್ನು ಕಾನೂನಿನಂತೆ ವಿಲೇ ಗೊಳಿಸುವ ಯಾವುದೇ ಕಾನೂನು ನಿಯಮಗಳನ್ನು ಪಾಲಿಸದೆ ಕಾಟಾಚಾರಕ್ಕೆ ಎಂಬಂತೆ ಸರ್ಕಾರಿ ಆಂಬ್ಯುಲೆನ್ಸ್ ನ ಸಹಿತ ಓರ್ವ ಸಿಬ್ಬಂದಿ ಉಪಸ್ಥಿತನಿದ್ದು ಕವಚಧಾರಿ ವಾರಿಯರ್ಸ್ ಗಳ ಫೋಟೋವನ್ನು ಕ್ಲಿಕ್ಕಿಸಿದ್ದಾನೆ. ಮರುದಿನ ಗುರುವಾರ ಮೃತರ ಮನೆಗೆ ತೆರಳಿದ ಆಶಾ ಕಾರ್ಯ ಕರ್ತೆಯರು ಮೃತರ ಪತ್ನಿ ಮತ್ತು ಪುತ್ರನನ್ನು ಕೋವಿಡ್ ಟೆಸ್ಟ್ ಗೆ ಒಳಪಡಬೇಕೆಂದು ಸೂಚಿಸಿದ್ದಾರೆ.       ವಿಶೇಷವೆಂದರೆ ಮೃತ ವ್ಯಕ್ತಿಗೆ ಪಾಸಿಟಿವ್ ಇದೆ ಎನ್ನುವ ವರದಿಯ ಪ್ರತಿ ಮೊಬೈಲ್ ನಲ್ಲಿ ದೇ ಎನ್ನಲಾಗುತ್ತಿದ್ದರೂ ಒರಿಜಿನಲ್ ವರದಿ ಇನ್ನೂ ಬರಲಿಲ್ಲಾ ಎಂದು ಕೆಲವು ಮೂಲಗಳು ಹೇಳುತ್ತಿವೆ.ಒಂದುವೇಳೆ ನಿಜಕ್ಕೂ ಮೃತ ವ್ಯಕ್ತಿಗೆ ಪಾಸಿಟಿವ್ ಇದ್ದದ್ದೇ ಹೌದಾದರೆ ಎಲ್ಲಾ ಮುಂಜಾಗರುಕ ಕ್ರಮಗಳನ್ನು ಗಾಳಿಗೆ ತೂರಿ ಮಾಮೂಲು ಶವದಂತೆ ಶವ ದರ್ಶನ ಮಾಡಿದವರ ಮೇಲೆ ಮುಂದಿನ ಕ್ರಮಗಳೇನು ಎಂಬ ಆತಂಕ ಕೆಲವರನ್ನು ತಲ್ಲಣಗೊಳಿಸಿ ಬಿಟ್ಟಿದೆ.ಅದ್ಯಾಗೂ ಪಾಸಿಟಿವ್ ಎಂಬ ಶಂಕೆ ಇದ್ದ ಮೇಲೆ ಆಸ್ಪತ್ರೆಯವರು ಸಹಾ ಮುಕ್ತವಾಗಿ ಶವ ದರ್ಶನಕ್ಕೆ ಅವಕಾಶ ಮಾಡಿಕೊಟ್ಟ ಬಗ್ಗೆಯೂ ಆಕ್ರೋಶ ವ್ಯಕ್ತವಾಗುತ್ತಿದೆ.

ಸೆಪ್ಟಂಬರ್ 1 ರಿಂದ ಶಾಲೆಗಳು ಆರಂಭವಾಗುವ ಸೂಚನೆಗಳು ಲಭಿಸಿವೆ,ಮೊದಲಿಗೆ 10,11,12ನೇ ತರಗತಿ

JANANUDI.COM NETWORK

ಕೇಂದ್ರ ಸರಕಾರವು ಸೆಪ್ಟಂಬರ್ 1 ರಿಂದ ಶಾಲೆಗಳು ಆರಂಭಿಸಲು ಅನುಮತಿ ನೀಡುವ ಸೂಚನೆಗಳು ಲಭಿಸಿವೆ. ಆ ಪ್ರಕಾರ ಮೊದಲ ಹಂತವಾಗಿ ಸೆಪ್ಟಂಬರ್ 1 ರಿಂದ 10,11,12ನೇ ತರಗತಿಗಳು ಆರಂಭ, ಸೆಪ್ಟಂಬರ್ 15 ರಿಂದ 6 ನೆಯಿಂದ 9 ರ ತರಗತಿಗಳು, ನವೆಂಬರ್ 15 ರಿಂದ ಪೂರ್ವ ಪ್ರಾಥಮಿಕ ಮತ್ತು ಪ್ರಾಥಮಿಕ ಶಾಲೆಗಳು ಆರಂಭಿಸುವುದಾಗಿ ಕೆಂದ್ರ ಗ್ರಹ ಇಲಾಖೆ ಸೂಚನೆನೀಡಿದೆ.
ಯಾವುದೇ ಕಾರಣಕ್ಕೆ ಈ ವರ್ಷ ಶೂನ್ಯ ಶೈಕ್ಷಣಿಕ ವರ್ಷವೆಂದು ಘೋಷಣೆ ಮಾಡದಿರಲು ಕೇಂದ್ರ ಸರಕಾರ ನಿರ್ಧರಿಸಿದೆ ಎಂಬ ಮಾಹಿತಿ ಲಭ್ಯವಾಗಿದೆ.
ಅದರೆ ರಾಜ್ಯ ಸರಕಾಗಳು ಶಾಲೆಗಳು ಆರಂಭಿಸಲು ಯಾವುದೇ ಸ್ಪಷ್ಟ ನಿರ್ಧಾರ ಕೈಗೊಂಡಿಲ್ಲಾವೆಂದು ತಿಳಿದು ಬಂದಿದೆ. ಕರ್ನಾಟಕ ಸೇರಿ ಬಿಜೆಪಿ ಆಡಳಿತ ಇರುವ ರಾಜ್ಯಗಳು,ಕೇಂದ್ರಸರಕಾರದ ಸೂಚನೆಗಳನ್ನು ಪಾಲಿಸುವ ಸಾಧ್ಯತೆ ಕಂಡು ಬರುತ್ತದೆ ಎಂದು ಮಾಹಿತಿಗಳು ಲಭ್ಯವಾಗಿವೆ.
ಅದರೆ ಎಲ್ಲಾ ಕಡೆ ಕೊರೊನಾ ಸೊಂಕಿನಿಂದ ಲಾಕ್ ಡೌನ್ ಇದ್ದುದರಿಂದ ತೊಡಕಾಗುವ ಸಂದರ್ಭಗಳು ಎದುರಾಗುವ ಸಂಭವ ಇದೆ.

ಕುಂದಾಪುರ್‍ಚೊ ವಿಗಾರ್ ಬಾ|ಸ್ಟ್ಯಾನಿ ತಾವ್ರೊಚೊ 73 ವೊ ಜಲ್ಮಾ ದೀಸ್ ಸರಳ್ ರೀತಿನ್ ಆಚರಣ್

JANANUDI.COM NETWORK

ಕುಂದಾಪುರ್,ಅ.20: ಕುಂದಾಪುರ್ ಫಿರ್ಗಜೆಚೊ ವಿಗಾರ್ ತಸೆಂ ಕುಂದಾಪುರ್ ವಾರಾಡ್ಯಾಚೊ ವಿಗಾರ್ ಅ|ಮಾ|ಬಾ|ಸ್ಟ್ಯಾನಿ ತಾವ್ರೊ ಹಾಂಚೊ 73 ವೊ ಜಲ್ಮಾ ದೀಸ್ ಸರಳ್ ರೀತಿನ್ ಆಚರಣ್ ಕೆಲೊ. ಉಪಾಧ್ಯಕ್ಷ್ ಎಲ್.ಜೆ.ಫೆರ್ನಾಂಡಿಸ್ ಹಾಣೆ ವಿಗಾರಾಕ್ ಬರೆ ಮಾಗ್ಲೆಂ.
ಹ್ಯಾ ಸಂದರ್ಭಿ ಸಹಾಯಕ್ ವಿಗಾರ್ ಮಾ|ಬಾ|ವಿಜಯ್ ಡಿಸೋಜಾ, ಸೈಂಟ್ ಮೇರಿಸ್ ಪಿ.ಯು.ಕಾಲೇಜಿಚೆ ಪ್ರಿನ್ಸಿಪಾಲ್ ಮಾ|ಬಾ|ಪ್ರವೀಣ್ ಮಾರ್ಟಿಸ್, ವಾಡ್ಯಾಚೆಂ ಗುರ್ಕಾರ್, ಆರ್ಥಿಕ್ ಸಮಿತಿಚೆಂ ಸಾಂದೆ, ಆನಿ ಸಾಂ.ಜೋಸೆಫ್ ಕೊವೆಂತಾಚಿಂ ಸಿಸ್ಟರಾಂ ಹಾಜರ್ ಆಸಲ್ಲಿ.
‘ಬಾ|ಸ್ಟ್ಯಾನಿ ತಾವ್ರೊನ್ ಹ್ಯಾ ಕಷ್ಟಾಂಚ್ಯಾ ಪರಿಸ್ಥಿತೆಂತ್ ಯಿ, ಮೊಜೊ ಜಲ್ಮಾ ದೀಸ್ ಆಚರಣ್ ಕೆಲ್ಯಾಕ್ ಧನ್ಯವಾದ್ ಪಾಟಂವ್ನ್,

[ರೊಜಾರ್ ಮಾಯ್ ಫಿರ್ಗಜೆಚ್ಯಾ 450 ವರ್ಸಾಂಚ್ಯಾ ಜುಬ್ಲೆವಾಕ್ ಸಂದರ್ಭಿ ಹಾತಿಂ ಘೆತೆಲ್ಲಿಂ ಯೋಜನಾಂ, ಜಾಯ್ತಿ ಜಾಲ್ಯಾಂತ್, ಆನಿಕೀ ಜಾಂವ್ನಚ್ ಆಸಾತ್. ಹಿಂ ಕಾಮಾ ಫಿರ್ಗಜ್‍ಗಾರಾಂಚ್ಯಾ ಬರ್ಯಾ ಮನಾನ್ ಜಾಲ್ಯಾತ್. ಫಿರ್ಗಜ್ ಗಾರಾಂಚ್ಯಾ ಬರ್‍ಯಾ ಮನಾಕ್ ದೇವ್ ಬರೆಂ ಕರುಂ’ ಮ್ಹಣ್ತಾಂ :ಬಾ|ಸ್ಟ್ಯಾನಿ ತಾವ್ರೊ]

‘ಆಮ್ಚ್ಯಾ ಫಿರ್ಗಜೆಚೊ 450 ವರ್ಸಾಂಚೊ ಜುಬ್ಲೆವ್ ಅಮ್ಚಿ ಪಾತ್ರೊನ್ ರೊಜಾರ್ ಮಾಯ್ ಬರ್ಯಾ ರೀತಿನ್ ಚಲಾಶೆಂ ಕರುಂ ಮ್ಹಣನ್ ಮೊಜೆ ಮಾಗ್ಣೆ ಜಾವ್ನಾಸಾ’ ಮ್ಹಣನ್ ತಾಣಿ ಸರ್ವಾಂಕ್ ಧನ್ಯವಾದ್ ಪಾಟಯ್ಲೆಂ.

ಸಾರ್ವಜನಿಕ ಗಣೇಶೋತ್ಸವಕ್ಕೆ ನಗರಸಭೆ ಪೂರ್ವಾನುಮತಿ ಕೋವಿಡ್ ನಿಯಮ ಪಾಲನೆ ಕಡ್ಡಾಯ-ಕೆ.ಎಂ.ಜಯರಾಮರೆಡ್ಡಿ

ವರದಿ : ಶಬ್ಬೀರ್ ಅಹ್ಮದ್, ಶ್ರೀನಿವಾಸಪುರ

ಕೋಲಾರ:- ಸಾರ್ವಜನಿಕ ಗಣೇಶೋತ್ಸವಕ್ಕೆ ನಗರಸಭೆ ಪೂರ್ವಾನುಮತಿ ಪಡೆದಿರಬೇಕು ಮತ್ತು ಕೋವಿಡ್ ಮಾರ್ಗಸೂಚಿ ಕಡ್ಡಾಯವಾಗಿ ಪಾಲಿಸುವಂತೆ ನಗರದ 8 ಮತ್ತು 9ನೇ ವಾರ್ಡಿನ ನಾಗರೀಕರಿಗೆ ನೋಡಲ್ ಅಧಿಕಾರಿಗಳಾದ ಡಿಡಿಪಿಐ ಕೆ.ಎಂ.ಜಯರಾಮರೆಡ್ಡಿ ಹಾಗೂ ಕೆ.ಎನ್.ಮಂಜುನಾಥ್ ಅರಿವು ಮೂಡಿಸಿದರು.
ಗಣೇಶ ಚತುರ್ಥಿ ಹಿನ್ನಲೆಯಲ್ಲಿ ನಗರದ 8 ಮತ್ತು 9ನೇ ವಾರ್ಡಿನ ವಿವಿಧೆಡೆ ಸಂಚಾರ ನಡೆಸಿ ಕೋವಿಡ್ ಮಾರ್ಗಸೂಚಿ ಕುರಿತು ಅರಿವು ಮೂಡಿಸಿದ ಡಿಡಿಪಿಐ ಜಯರಾಂರೆಡ್ಡಿ, ಗಣೇಶೋತ್ಸವವನ್ನು ಸಾರ್ವಜನಿಕವಾಗಿ ಆಚರಿಸಬೇಕಾದಲ್ಲಿ ಇರುವ ನಿಯಮಗಳ ಕುರಿತು ಅರಿವು ಮೂಡಿಸಿದರು.
ವಾರ್ಡಿಗೆ ಒಂದರಂತೆ ಸಾರ್ವಜನಿಕ ಗಣಪತಿ ಪ್ರತಿಷ್ಟಾಪಿಸಬೇಕಾದಲ್ಲಿ ನಗರಸಭೆಯಿಂದ ಪೂರ್ವಾನುಮತಿ ಕಡ್ಡಾಯ, ಮತ್ತು ಕಾರ್ಯಕ್ರಮದಲ್ಲಿ 8 ರಿಂದ 9 ಮಂದಿಗೆ ಮಾತ್ರವೇ ಪ್ರವೇಶ ಇರಬೇಕು ಮತ್ತು ಸಾಮಾಜಿಕ ಅಂತರ ಪಾಲಿಸಬೇಕು ಎಂದು ತಾಕೀತು ಮಾಡಿದರು.
ಜಿಲ್ಲಾ ನೌಕರರ ಸಂಘದ ನಿಕಟಪೂರ್ವ ಅಧ್ಯಕ್ಷ ಕೆ.ಎನ್.ಮಂಜುನಾಥ್, ಕೋವಿಡ್-19ರ ನಿಯಮಾವಳಿಯಂತೆ ಮಾಸ್ಕ್ ಕಡ್ಡಾಯವಾಗಿ ಧರಿಸಿರಬೇಕು, ಗಣಪತಿ ಪ್ರತಿಷ್ಟಾಪಿಸಿರುವ ಜಾಗದಲ್ಲಿ ಬರುವ ಸ್ಯಾನಿಟೈಸರ್ ಇಟ್ಟು ಬರುವ ಭಕ್ತಾಧಿಗಳಿಗೆ ಹಾಕಿ ಸ್ವಚ್ಚತೆ ಕಾಪಾಡಬೇಕು ಎಂದು ತಿಳಿಸಿದರು.
ಗಣೇಶ ಮೂರ್ತಿಯನ್ನು ತರುವಾಗ ಮತ್ತು ವಿಸರ್ಜನೆ ಮಾಡುವಾಗ ಯಾವುದೇ ಮೆರವಣಿಗೆ ಅಥವಾ ಉತ್ಸವವನ್ನು ಮಾಡುವಂತಿಲ್ಲ, ಪ್ರತಿ ಹಂತದಲ್ಲೂ ಕೋವಿಡ್ ನಿಯಮ ಪಾಲಿಸಿ ರೋಗನಿಯಂತ್ರಣಕ್ಕೆ ಸಹಕಾರ ನೀಡಬೇಕು ಎಂದು ತಿಳಿಸಿದರು.
ಸಾರ್ವಜನಿಕ ಗಣೇಶೋತ್ಸವಕ್ಕೆ ಸರ್ಕಾರ ಮಾರ್ಗಸೂಚಿ ನೀಡಿದೆ, ಗಣಪತಿ ಮೂರ್ತಿ 4 ಅಡಿಗಳಿಗಿಂತ ಎತ್ತರ ಇರಬಾರದು ಎಂದ ಅವರು, ಪಿಒಪಿ ಮತ್ತಿತರ ಪರಿಸರಕ್ಕೆ ಮಾರಕವಾದ ಮೂರ್ತಿಗಳನ್ನು ಮಾರುವಂತೆಯೂ ಇಲ್ಲ, ಪ್ರತಿಷ್ಟಾಪಿಸುವಂತೆಯೂ ಇಲ್ಲ ಎಂದು ತಿಳಿಸಿದರು.
ಈ ಸಂದರ್ಭದಲ್ಲಿ ನಗರಸಭಾ ಸದಸ್ಯೆ ಪಾವನಜನಾರ್ಧನ್, ನಗರಸಭೆ ಸಿಬ್ಬಂದಿ ಜಗದೀಶ್, ಪುನೀತ್ ಮತ್ತಿತರರಿದ್ದರು.

ಎಸ್ ಎಸ್ ಎಲ್ ಸಿಯಲ್ಲಿ ಸ.ಶಾಲೆಗಳಲ್ಲಿ ಮೊದಲ ಸ್ಥಾನ ಪಡೆದಿರುವ ತಿಮ್ಮನಹಳ್ಳಿಯ ಸಿ.ಶ್ರಾವಣಿಗೆ ಶ್ರೀನಿವಾಸಪುರ ಸಮಾಜ ಸೇವಾ ಕನ್ನಡ ಸಾಹಿತ್ಯ ವೇದಿಕೆಯಿಂದ ಸನ್ಮಾನ

ವರದಿ : ಶಬ್ಬೀರ್ ಅಹ್ಮದ್, ಶ್ರೀನಿವಾಸಪುರ

ಶ್ರೀನಿವಾಸಪುರ ತಾಲ್ಲೂಕು ಕೋನೇಟಿ ತಿಮ್ಮನಹಳ್ಳಿಯ ಸಿ.ಶ್ರಾವಣಿ ಎಸ್ ಎಸ್ ಎಲ್ ಸಿಯಲ್ಲಿ ಸ.ಶಾಲೆಗಳಲ್ಲಿ ಮೊದಲ ಸ್ಥಾನ ಪಡೆದಿರುವುದರಿಂದ ಶ್ರೀನಿವಾಸಪುರ ಸಮಾಜ ಸೇವಾ ಕನ್ನಡ ಸಾಹಿತ್ಯ ವೇದಿಕೆ ವತಿಯಿಂದ ವಿದ್ಯಾರ್ಥಿನಿ ಸ್ವಗ್ರಾಮದಲ್ಲಿ ಅವರ ಮನೆಯಲ್ಲಿ ಸೋಮವಾರ ಸನ್ಮಾನಿಸಿ ಗೌರವಿಸಲಾಯಿತು.
ಈ ಸಂದರ್ಭದಲ್ಲಿ ಸ.‌ನೌ.ಸಂ.ಅಧ್ಯಕ್ಷ ಎಂ.ನಾಗರಾಜ್, ಕಸಬಾ ರೇಷ್ಮೆ ಬೆಳೆಗಾರರ ಸಹಕಾರ ಸಂಘದ ಅಧ್ಯಕ್ಷ ಬೈಚೇಗೌಡ, ಪ್ರಾ.ಶಿ.ಸಂ.ಮಾಜಿ ಅಧ್ಯಕ್ಷ ಡಾ.ಆರ್.ರವಿಕುಮಾರ್, ಗ್ರಾ.ಪಂ. ಮಾಜಿ.ಸದಸ್ಯ ಗುರ್ರಪ್ಪ, ರೈತ ಸಂ.ಹಾಗು ಹ.ಸೇ.ತಾ.ಅಧ್ಯಕ್ಷ ತೆರ್ನಹಳ್ಳಿ ಆಂಜಪ್ಪ ,ಶಿಕ್ಷಕ ಮುನಿಶಾಮಿ.ಶ್ರೀನಿವಾಸಮೂರ್ತಿ, ವೇದಿಕೆ ಅಧ್ಯಕ್ಷ ಕೆ.ವಿ.ನಾಗರಾಜ್, ವೆಂಕಟಪ್ಪ ವಿಧ್ಯಾರ್ಥಿನಿ ಪೋಷಕರು ಹಾಜರಿದ್ದರು.