HOLY ROSARY CHURCH, KUNDAPUR – 450 th JUBILEE SOUVENIR 2021

ವಿದ್ಯಾಗಮ ಯೋಜನೆ ಪ್ರಗತಿ ಪರಿಶೀಲಿಸಿದ ನಿರ್ದೇಶಕ ಗೋಪಾಲಕೃಷ್ಣ ಪೋಷಕರು,ಎಸ್‍ಡಿಎಂಸಿ ಸಹಕಾರದಿಂದ ಅನುಷ್ಟಾನಗೊಳಿಸಿ-ಗೋಪಾಲಕೃಷ್ಣ

ವರದಿ : ಶಬ್ಬೀರ್ ಅಹ್ಮದ್, ಶ್ರೀನಿವಾಸಪುರ

ಕೋಲಾರ:- ವಿದ್ಯಾಗಮ ವಿನೂತನ ಯೋಜನೆಯಾಗಿದ್ದು, ಇದನ್ನು ವಿದ್ಯಾರ್ಥಿಕ್ರೇಂದ್ರೀಕೃತವಾಗಿಸಿ ಪೋಷಕರು, ಎಸ್‍ಡಿಎಂಸಿ ಸಹಕಾರ, ಸ್ವಯಂಸೇವಕರ ಸಹಭಾಗಿತ್ವದಲ್ಲಿ ಪರಿಣಾಮಕಾರಿಯಾಗಿ ಅನುಷ್ಟಾನಗೊಳಿಸಿ ಎಂದು ಕ್ಷಣ ಗುಣಮಟ್ಟ ವಿಭಾಗದ ನಿರ್ದೇಶಕರೂ ಹಾಗೂ ವಿದ್ಯಾಗಮನ ಯೋಜನೆಯ ರಾಜ್ಯ ನೋಡಲ್ ಅಧಿಕಾರಿ ಗೋಪಾಲಕೃಷ್ಣ ಸೂಚನೆ ನೀಡಿದರು.
ಜಿಲ್ಲೆಗೆ ಆಗಮಿಸಿದ್ದ ಅವರು ನಗರದ ಡಿಡಿಪಿಐ ಕಚೇರಿಯಲ್ಲಿ ವಿದ್ಯಾಗಮ ಯೋಜನೆಯ ಪ್ರಗತಿ ಪರಿಶೀಲನೆ ನಡೆಸಿ ಅಧಿಕಾರಿಗಳನ್ನುದ್ದೇಶಿಸಿ ಮಾತನಾಡುತ್ತಿದ್ದ ಅವರು, ಎಸ್ಸೆಸ್ಸೆಲ್ಸಿ ಉತ್ತಮ ಫಲಿತಾಂಶ ಸಾಧನೆಗಾಗಿ ಅಭಿನಂದನೆ ಸಲ್ಲಿಸಿದರು.
ತಾಲ್ಲೂಕುವಾರು ಮ್ಯಾಪಿಂಗ್ ಆಗದಿರುವ ಮಕ್ಕಳನ್ನು ಗುರುತಿಸಿ, ಅಂತಹ ವಿದ್ಯಾರ್ಥಿಗಳನ್ನು ವಿದ್ಯಾಗಮದಡಿ ತರಲು ಮೊಬೈಲ್ ಸ್ಕೂಲ್ ಮಾಡಲು ಅವಕಾಶವಿದೆ ಎಂದು ತಿಳಿಸಿ, ಅದಕ್ಕಾಗಿ ಮೊಬೈಲ್ ಸ್ಕ್ವಾಡ್ ನೇಮಿಸುವ ಬಗ್ಗೆ ಸೂಚಿಸಿದರು.
ಮಕ್ಕಳನ್ನು ಶಾಲೆಗೆ ಕರೆಸದೇ ಅವರು ಇರುವ ಸ್ಥಳಗಳಲ್ಲೇ ಹೋಗಿ ಅವರ ಕಲಿಕೆಗೆ ನೆರವಾಗಲು ಸೂಚಿಸಿದ ಅವರು,ಜಿಲ್ಲೆಯಲ್ಲಿ ಯಾವುದೇ ಸೌಲಭ್ಯವಿರದ ವಿದ್ಯಾರ್ಥಿಗಳು ಶೇ.20 ರಷ್ಟಿದ್ದು, ಆ ವಿದ್ಯಾರ್ಥಿಗಳನ್ನು ತಲುಪಲು ಕೈಗೊಂಡ ಕ್ರಮಗಳ ಬಗ್ಗೆ ಚರ್ಚಿಸಿದ ಅವರು, ಪ್ರತಿ 15 ದಿನಕ್ಕೊಮ್ಮೆ ಈ ವಿದ್ಯಾರ್ಥಿಗಳ ಪ್ರಗತಿ ವರದಿ ಸಲ್ಲಿಸಲು ಸೂಚಿಸಿದರು.
ವಿದ್ಯಾಗಮ ಅನುಷ್ಟಾನಕ್ಕೆ ಶಿಕ್ಷಕರಿಗೆ ತರಬೇತಿ ನೀಡುವುದು, ಸಾಮಾನ್ಯ ವಿದ್ಯಾರ್ಥಿಗಳೊಂದಿಗೆ ಜಿಲ್ಲೆಯಲ್ಲಿನ 1660 ವಿಶೇಷ ಚೇತನ ವಿದ್ಯಾರ್ಥಿಗಳನ್ನು ಗಣನೆಗೆ ತೆಗೆದುಕೊಳ್ಳಲು ಸೂಚಿಸಿದರು.
ತಾಲ್ಲೂಕುವಾರು
ಮ್ಯಾಪಿಂಗ್ ಮಾಡಿ
ತಾಲ್ಲೂಕುವಾರು, ಕ್ಲಸ್ಟರ್ ವಾರು ಮ್ಯಾಪಿಂಗ್ ಮಾಡಿ ಯಾವುದೇ ವಿದ್ಯಾರ್ಥಿ ವಿದ್ಯಾಗಮದಿಂದ ಹೊರಗುಳಿಯದಂತೆ ಯೋಜನೆ ತಯಾರಿಸಿ ಅನುಷ್ಟಾನಗೊಳಿಸಲು ಆದೇಶಿಸಿದರು.
ದಾಖಲಾತಿಗೂ ಆದ್ಯತೆ ನೀಡಿ, ಸಿಆರ್‍ಪಿ,ಬಿಆರ್‍ಪಿಗಳು ಆಂದೋಲನ ನಡೆಸಲು ತಿಳಿಸಿ,ವಲಸೆ ಮಕ್ಕಳು ಸಹಾ ವಿದ್ಯಾಗಮದಿಂದ ಹೊರಗುಳಿಯದಂತೆ ಎಚ್ಚರವಹಿಸಲು ತಿಳಿಸಿದರು.
ಪಠ್ಯಪುಸ್ತಕ ಸರಬರಾಜಿನಲ್ಲಿ ವ್ಯತ್ಯಯವಾಗದಂತೆ ಕ್ರಮವಹಿಸಿ, ಮಕ್ಕಳಿಗೆ ಮನೆಗೆ ಪುಸ್ತಕ ತಲುಪಿಸಿ, ಪುಸ್ತಕ,ಅಭ್ಯಾಸ ಪುಸ್ತಕ ಪ್ರತಿ ವಿದ್ಯಾರ್ಥಿಗೂ ತಲುಪಿಸಿ, ಬಳಸುತ್ತಿರುವ ಕುರಿತು ಪರಿಶೀಲನೆ ನಡೆಸಿ ಎಂದರು.
ಮಧ್ಯಾಹ್ನ ಉಪಹಾರ ಯೋಜನೆಯಡಿ ಆಹಾರಧಾನ್ಯಗಳನ್ನು ಪೋಷಕರಿಗೆ ಸೂಕ್ತ ರೀತಿಯಲ್ಲಿ ವಿತರಿಸಿ, ವಿದ್ಯಾಗಮಕ್ಕಾಗಿ 2ನೇ ಹಂತದ ಶಾಲಾನುದಾನ ಶೀಘ್ರ ಬಿಡುಗಡೆಯಾಗಲಿದ್ದು, ಈ ಅನುದಾನ ಬಳಸಿಕೊಂಡು ಕಲಿಕೋಪಕರಣ ಸಿದ್ದಪಡಿಸಿಕೊಳ್ಳಲು ತಿಳಿಸಿದರು.
120 ಅವಧಿಗಳನ್ನು ಬೋಧನಾ ಅವಧಿಗಳನ್ನಾಗಿ ನಿರ್ಧರಿಸಿದ್ದು, ಎಲ್ಲ ಪಠ್ಯಪುಸ್ತಕಗಳನ್ನು ಸಂಕ್ಷೀಪ್ತವಾಗಿ ಬೋಧಿಸುವುದು, ಗಣಿತ ವಿಷಯಕ್ಕೆ ಸಂಬಂಧಿಸಿದಂತೆ ವರ್ಕ್‍ಶೀಟ್‍ಗಳನ್ನು ಸಿದ್ದಪಡಿಸಲಾಗಿದ್ದು, ಇದನ್ನು ಎಲ್ಲಾ ವಿಷಯವಾರು ವಿಸ್ತರಿಸಿ ವಿದ್ಯಾರ್ಥಿಗಾಳಿಗೆ ನೀಡಿ ಪರಿಶೀಲನೆ ಮಾಡಲು ತಿಳಿಸಿದರು.
ಪ್ರತಿಶಿಕ್ಷಕರು ಎಷ್ಟು ವಿದ್ಯಾರ್ಥಿಗಳನ್ನು ತಲುಪಲು ಸಾಧ್ಯವಾಗಿದೆ, ಮಾಹಿತಿ ಸಂಗ್ರಹಿಸಿ, ಪ್ರತಿ ಶಿಕ್ಷಕರಿಗೆ ಚೆಕ್‍ಲೀಸ್ಟ್ ಸಿದ್ದಪಡಿಸಿ ನೀಡಿ, ಅದರಂತೆ ಕಾರ್ಯನಿರ್ವಹಿಸಲು ಮಾರ್ಗದರ್ಶನ ನೀಡಿ ಎಂದರು.
6,7ನೇ ತರಗತಿಗೂ
ಚಂದನದಲ್ಲಿ ತರಗತಿ
ಚಂದನವಾಹಿನಿಯಲ್ಲಿ ಸಂವೇದ ಕಾರ್ಯಕ್ರಮದಲ್ಲಿ 6,7ನೇ ತರಗತಿಯ ಬೋಧನಾಕಾರ್ಯ ಶೀಘ್ರ ಆರಂಭಿಸಲಾಗುವುದು ಎಂದ ಅವರು, 6 ರಿಂದ 10ನೇ ತರಗತಿ ವರೆಗೂ ಆಂಗ್ಲಮಾಧ್ಯಮದಲ್ಲಿ ಬೋಧಿಸಲು ಯೋಜಿಸಲಾಗಿದೆ ಎಂದು ತಿಳಿಸಿದರು.
ಚಂದನದ ಈ ಕಾರ್ಯಕ್ರಮವನ್ನು ವೀಕ್ಷಿಸಲು ಗ್ರಾ.ಪಂ ಹಂತದಲ್ಲಿ ಟಿವಿ ವ್ಯವಸ್ಥೆ ಮಾಡಿ, ಪ್ರತಿ ವಿದ್ಯಾರ್ಥಿ ವೀಕ್ಷಣೆ ಮಾಡಿದ ಬಗ್ಗೆ ಪರಿಶೀಲನೆ ನಡೆಸಿ ಪ್ರಶ್ನೋತ್ತರ ನೀಡಿ ಕಲಿಕೆಯಲ್ಲಿ ನಿರಂತರತೆ ಕಾಪಾಡಿ ಎಂದು ಸೂಚಿಸಿದರು.
ಡಿಡಿಪಿಐ ಕೆ.ಎಂ.ಜಯರಾಮರೆಡ್ಡಿ, ಜಿಲ್ಲೆಯಲ್ಲಿ ವಿದ್ಯಾಗಮ ಯೋಜನೆ ಅನುಷ್ಟಾನದಲ್ಲಿ ಮಾಡಿರುವ ಸಾಧನೆಯನ್ನು ವಿವರಿಸಿ, ಮತ್ತಷ್ಟು ಪರಿಣಾಮಕಾರಿಯಾಗಲು ಅಗತ್ಯ ಕ್ರಮ ಕೈಗೊಳ್ಳಲಾಗಿದೆ, ಶಿಕ್ಷಕರು ವಿದ್ಯಾಗಮದಡಿ ಮಕ್ಕಳನ್ನು ತಲುಪಿದ ಕುರಿತ ಮಾಹಿತಿಯನ್ನೂ ಸಂಗ್ರಹಿಸಲಾಗುತ್ತಿದೆ ಎಂದು ತಿಳಿಸಿದರು.
ಕಲಿಕಾ ಪ್ರದೇಶಕ್ಕೆ
ಭೇಟಿ-ಪರಿಶೀಲನೆ
ನಗರದ ವಿವಿಧೆಡೆ ಶಿಕ್ಷಕರು ವಿದ್ಯಾಗಮದಡಿ ನಡೆಸುತ್ತಿರುವ ಬೋಧನಾ ಪ್ರದೇಶಗಳಿಗೆ ನೋಡಲ್ ಅಧಿಕಾರಿ ಗೋಪಾಲಕೃಷ್ಣ ಭೇಟಿ ನೀಡಿ ಪರಿಶೀಲನೆ ನಡೆಸಿದರು. ನಂತರ ಡಯಟ್, ಬಿಆರ್‍ಸಿ,ಅಲಮಿನ್ ಶಾಲೆಯಲ್ಲಿ ನಡೆಯುತ್ತಿರುವ ಶಿಕ್ಷಕರ ತರಬೇತಿ ಕಾರ್ಯಾಗಾರಗಳನ್ನೂ ವೀಕ್ಷಿಸಿದರು.
ಸಭೆಯಲ್ಲಿ ಪರೀಕ್ಷಾ ನೋಡಲ್ ಅಧಿಕಾರಿ ಎ.ಎನ್.ನಾಗೇಂದ್ರಪ್ರಸಾದ್, ಶಿಕ್ಷಣಾಧಿಕಾರಿ ಸಿ.ಆರ್.ಅಶೋಕ್, ಬಿಇಒ ಕೆ.ಎಸ್.ನಾಗರಾಜಗೌಡ, ಡಿವೈಪಿಸಿ ಮೋಹನ್ ಬಾಬು, ವಿಷಯ ಪರೀಕ್ಷಕರಾದ ಗಾಯತ್ರಿ, ಶಶಿವಧನ, ಕೃಷ್ಣಪ್ಪ, ವೆಂಕಟೇಶಪ್ಪ, ಎವೈಪಿಸಿ ಸಿದ್ದೇಶ್, ಜಿಲ್ಲಾ ದೈಹಿಕ ಶಿಕ್ಷಣ ಅಧೀಕ್ಷಕ ಮಂಜುನಾಥ್ ಮತ್ತಿತರರಿದ್ದರು.

ಎ.ಪಿ.ಎಂ.ಸಿ ಮಾರುಕಟ್ಟೆಗೆ 40 ಎಕರೆ ಜಮೀನು ಮಂಜೂರು ಮಾಡಿಬೇಕೆಂದು ರೈತಸಂಘದಿಂದ ಮಾರುಕಟ್ಟೆ ಬಳಿ ರಸ್ತೆ ಬಂದ್ ಮಾಡಿ ಶಿರೆಸ್ತಾದಾರ್ ಅನಂತ್‍ಕುಮಾರಗೆ ಅಗ್ರಹಿಸಿ ಮನವಿ

ವರದಿ : ಶಬ್ಬೀರ್ ಅಹ್ಮದ್, ಶ್ರೀನಿವಾಸಪುರ

ಕೋಲಾರ.ಆ.28: ಎ.ಪಿ.ಎಂ.ಸಿ ಮಾರುಕಟ್ಟೆಗೆ ಅವಶ್ಯಕತೆಯಿರುವ 40 ಎಕರೆ ಜಮೀನನ್ನು ಮಂಜೂರು ಮಾಡಿಬೇಕೆಂದು ರೈತಸಂಘದಿಂದ ಕೃಷಿ ಉತ್ಪನ್ನ ಮಾರುಕಟ್ಟೆ ಬಳಿ ರಸ್ತೆ ಬಂದ್ ಮಾಡಿ ಶಿರೆಸ್ತಾದಾರ್ ಅನಂತ್‍ಕುಮಾರಿರವರಿಗೆ ಮನವಿ ನೀಡಿ ಅಗ್ರಹಿಸಲಾಯಿತು.
ಹೋರಾಟದ ನೇತೃತ್ವವಹಿಸಿ ಮಾತನಾಡಿದ ರಾಜ್ಯ ಉಪಾದ್ಯಕ್ಷ ಕೆ.ನಾರಾಯಣಗೌಡ ಏಷ್ಯಾದಲ್ಲೇ 2ನೇ ಅತಿದೊಡ್ಡ ಮಾರುಕಟ್ಟೆಯಾಗಿರುವ ಕೋಲಾರ ಎಪಿಎಂಸಿ ಮಾರುಕಟ್ಟೆಯಲ್ಲಿನ ಟೊಮೆಟೊ ಮತ್ತು ತರಕಾರಿಗಳು ದೇಶವಿದೇಶಗಳಿಗೆ ರಫ್ತಾಗುತ್ತಿದ್ದು ಇಲ್ಲಿಗೆ ಬರುವ ವ್ಯಾಪಾರಸ್ಥರು ಮಾರುಕಟ್ಟೆಯಲ್ಲಿನ ಜಾಗದ ಸಮಸ್ಯೆಯಿಂದ ಬೆಳೆಗೆ ತಕ್ಕ ಬೆಲೆ ನೀಡಲು ಹಿಂಜರಿಯುತ್ತಿದ್ದಾರೆ. ಇದರಿಂದ ರೈತರಿಗೆ ಕೈಗೆ ಬಂದ ತುತ್ತು ಬಾಯಿಗೆ ಬರದೆ ನಷ್ಟಕ್ಕೆ ಸಿಲುಕುತ್ತಿದ್ದರೂ ಜನಪ್ರತಿನಿಧಿಗಳು ಮತ್ತು ಜಿಲ್ಲಾಡಳಿತ ಮಾರುಕಟ್ಟೆಯ ಜಾಗದ ಸಮಸ್ಯೆ ಬಗ್ಗೆ ನೆಪ ಮಾತ್ರಕ್ಕೆ ಬಗೆಹರಿಸುತ್ತೇವೆಂದು ರೈತ ವಿರೋಧಿ ಧೋರಣೆ ಅನುಸರಿಸುತ್ತಿದ್ದಾರೆ. ಇತ್ತೀಚೆಗೆ ಚೆಲುವನಹಳ್ಳಿ ಬಳಿ ನೋಡಿದ್ದ ಜಮೀನು ಕೆರೆಯಂಗಳವಾಗಿದ್ದು, ಮಂಗಸಂದ್ರದ ಜಮೀನು ಅರಣ್ಯಕ್ಕೆ ಸೇರಿದೆ. ಸತತವಾಗಿ 10 ವರ್ಷಗಳಿಂದ ಮಾರುಕಟ್ಟೆಯ ಜಾಗದ ಸಮಸ್ಯೆಯನ್ನು ಪರಿಹರಿಸುವಂತೆ ಸತತವಾಗಿ ಹೋರಾಟಗಳು ಮಾಡುತ್ತಿದ್ದರೂ ಇದರ ಕಡೆ ಗಮನಹರಿಸುತ್ತಿಲ್ಲ. ರೈತರಿಗೆ ಅನುಕೂಲವಾಗುವ ಮಾರುಕಟ್ಟೆಯ ಸಮಸ್ಯೆ ಬಗೆಹರಿಸಲು ಜನಪ್ರತಿನಿಧಿಗಳು ಮತ್ತು ಜಿಲ್ಲಾಡಳಿತದ ಬಳಿ ಜಾಗದ ಸಮಸ್ಯೆ ಇದೆ. ಆದರೆ ರಾತ್ರೋರಾತ್ರಿ ಸಾವಿರಾರು ಎಕರೆ ಸರ್ಕಾರಿ ಜಮೀನುಗಳನ್ನು ಅಕ್ರಮ ದಾಖಲೆಗಳನ್ನು ಸೃಷ್ಠಿ ಮಾಡಿ ರಿಯಲ್ ಎಸ್ಟೇಟ್ ದಂಧೆಕೋರರಿಗೆ ಮಂಜೂರು ಮಾಡಲು ಜಾಗವಿರುತ್ತದೆ. ಅಭಿವೃದ್ಧಿ ಕಾರ್ಯಗಳಿಗೆ ಮಾತ್ರ ಕಿಲೋಮೀಟರ್‍ಗಟ್ಟಲೇ ವರ್ಷಗಳ ಕಾಲ ಹುಡುಕಾಟದಲ್ಲಿದ್ದೇವೆಂದು ಅಧಿಕಾರಿಗಳು ನೆಪ ಹೇಳುತ್ತಿದ್ದಾರೆಂದು ಜನಪ್ರತಿನಿದಿಗಳ ವಿರುದ್ದ ಅಸಮಾಧಾನ ವ್ಯಕ್ತಪಡಿಸಿದರು.

ಜಿಲ್ಲಾದ್ಯಕ್ಷ ಮರಗಲ್ ಶ್ರೀನಿವಾಸ್ ಮಾತನಾಡಿ ಜಿಲ್ಲೆಗೆ ಕೆಸಿವ್ಯಾಲಿ ನೀರು ಹರಿಯುವ ಜೊತೆಗೆ ಉತ್ತಮವಾದ ಮುಂಗಾರುಮಳೆ ಸುರಿಯುತ್ತಿರುವುದರಿಂದ ಕೆರೆ ಕುಂಟೆಗಳಲ್ಲಿ ನೀರು ಸಂಗ್ರಹವಾಗಿ ಕೃಷಿಯಿಂದ ವಿಮುಕ್ತಿ ಹೊಂದುತ್ತಿದ್ದ ರೈತರು ಮತ್ತೆ ಕೃಷಿಯತ್ತ ಮುಖ ಮಾಡಿರುವುದರಿಂದ ರೈತರು ಬೆಳೆದ ಬೆಳೆಗಳಿಗೆ ಉತ್ತಮವಾದ ಬೆಲೆ ಸಿಗಬೇಕಾದರೆ ಮಾರುಕಟ್ಟೆಯ ವ್ಯವಸ್ಥೆ ಸರಿಪಡಿಸಬೇಕಾದ ಜವಾಬ್ದಾರಿ ಸಂಬಂಧಪಟ್ಟ ಅಧಿಕಾರಿಗಳ ಮೇಲಿದೆ ಜೊತೆಗೆ ಇತ್ತೀಚಿನ ದಿನಗಳಲ್ಲಂತು ಟೊಮೆಟೊ ಸೇರಿದಂತೆ ಇನ್ನಿತರೆ ತರಕಾರಿಗಳ ಅವಕ ಹೆಚ್ಚಾಗುತ್ತಿದ್ದು, ಮಾರುಕಟ್ಟೆಯಲ್ಲಿ ನಿತ್ಯವೂ ಟ್ರಾಫಿಕ್, ಅನೈರ್ಮಲ್ಯ ಸಮಸ್ಯೆಗಳು ಸಾಮಾನ್ಯವಾಗಿವೆ. ರೈತರು ಕಷ್ಟಪಟ್ಟು ಬೆಳೆದ ಬೆಳೆಗಳಿಗೆ ಉತ್ತಮ ಬೆಲೆಗಳಿದ್ದರೂ ಮಾರುಕಟ್ಟೆಯಲ್ಲಿ ಅವ್ಯವಸ್ಥೆಯಿಂದಾಗಿ ಸಕಾಲಕ್ಕೆ ಮಾರಾಟವಾಗದೆ ಗುಣಮಟ್ಟ ಕಳೆದುಕೊಂಡು ಕಡಿಮೆ ಬೆಲೆಗೆ ಮಾರಾಟವಾಗುತ್ತಿದೆ. ಇದರಿಂದಾಗಿ ರೈತರು ಆರ್ಥಿಕವಾಗಿ ಸಂಕಷ್ಟಕ್ಕೆ ಒಳಗಾಗುತ್ತಿದ್ದಾರೆ. ಹಾಗಾಗಿ ಜಾಗದ ಸಮಸ್ಯೆಯನ್ನು ಬಗೆಹರಿಸಿ ರೈತರಿಗೆ ಅನುಕೂಲ ಮಾಡಿಕೊಡಬೇಕೆಂದು ಒತ್ತಾಯ ಮಾಡುವ ಜೊತೆಗೆ ಈ ಹೋರಾಟಕ್ಕೂ ಸ್ಪಂದಿಸದೇ ಮಾರುಕಟ್ಟೆ ಜಾಗದ ಸಮಸ್ಯೆ ಬಗೆಹರಿಸದೇ ಹೋದರೆ ಕೋಲಾರ ತಾಲ್ಲೂಕು ಬಂದ್ ಮಾಡುವ ಮೂಲಕ ನ್ಯಾಯ ಪಡೆದುಕೊಳ್ಳಬೇಕಾಗುತ್ತದೆಂದು ಸಂಬಂಧಪಟ್ಟ ಜನಪ್ರತಿನಿದಿಗಳು ಮತ್ತು ಅಧಿಕಾರಿಗಳಿಗೆ ಎಚ್ಚರಿಕೆ ನೀಡುತ್ತಿದ್ದೇವೆ.
ಮನವಿ ಸ್ವೀಕರಿಸಿ ಮಾತನಾಡಿದ ಆನಂತ್‍ಕುಮಾರಿ ರವರು ನಾನು ಹೊಸದಾಗಿ ಬಂದಿರುವೆ, ಈ ನಿಮ್ಮ ಮನವಿಯನ್ನು ಮೇಲಾದಿಕಾರಿಗಳ ಗಮನಕ್ಕೆ ತರಲಾಗುದೆಂದರು ಮತ್ತು ಎ.ಪಿಎಂಸಿ ವಿಶ್ವನಾಥ್ ರವರು ಮಾತನಾಡಿ ಮಂಗಸಂದ್ರದ ಬಳಿಯೇ ಮಾರುಕಟ್ಟೆಗೆ ಆಗಬಹುದು ಎಂಬ ಭರವಸೆ ನೀಡಿದರು
ಹೋರಾಟದಲ್ಲಿ ಮಹಿಳಾ ಜಿಲ್ಲಾದ್ಯಕ್ಷೆ ಎ.ನಳಿನಿ, ಐತಾಂಡಹಳ್ಳಿ ಮಂಜುನಾಥ್, ನಳಿನಿ.ವಿ ಮಂಗಸಂದ್ರ ತಿಮ್ಮಣ್ಣ, ವೆಂಕಟೇಶಪ್ಪ, ಪೊಮ್ಮರಹಳ್ಳಿ ನವೀನ್, ಸಾಗರ್, ನವೀನ್, ಸುಧಾಕರ್, ಸುನಿಲ್, ವಿನೋದ್, ಮಾಸ್ತಿ ವೆಂಕಟೇಶ್, ಸುಪ್ರೀಂಚಲ, ಚಂದ್ರಶೇಖರ್, ವೆಂಕಟೇಶ್, ಕೇಶವ, ಯಲ್ಲಪ್ಪ, ಸುಬ್ರಮಣಿ, ನಾರಾಯಣಸ್ವಾಮಿ, ಮುಂತಾದವರಿದ್ದರು

ಮಕ್ಕಳನ್ನು ಸರ್ಕಾರಿ ಶಾಲೆಗೆ ಸೇರಿಸುವ ಮೂಲಕ ಸರ್ಕಾರದ ಶೈಕ್ಷಣಿಕ ಸೌಲಭ್ಯ ಸದುಪಯೋಗ ಪಡಸಿಕೊಳ್ಳಬೇಕು : ಬಿಇಒ ಉಮಾದೇವಿ

ವರದಿ : ಶಬ್ಬೀರ್ ಅಹ್ಮದ್, ಶ್ರೀನಿವಾಸಪುರ

ಶ್ರೀನಿವಾಸಪುರ: ಪೋಷಕರು ತಮ್ಮ ಮಕ್ಕಳನ್ನು ಸರ್ಕಾರಿ ಶಾಲೆಗೆ ಸೇರಿಸುವ ಮೂಲಕ ಸರ್ಕಾರದ ಶೈಕ್ಷಣಿಕ ಸೌಲಭ್ಯ ಸದುಪಯೋಗ ಪಡಸಿಕೊಳ್ಳಬೇಕು ಎಂದು ಬಿಇಒ ಉಮಾದೇವಿ ಹೇಳಿದರು.
  ತಾಲ್ಲೂಕಿನ ಪೆದ್ದೂರು ಗ್ರಾಮದ ಸರ್ಕಾರಿ ಹಿರಿಯ ಪ್ರಾಥಮಿಕ ಶಾಲೆಯನ್ನು 6 ವರ್ಷಗಳ ಬಳಿಕ ಗುರುವಾರ ಪನರಾರಂಭ ಮಾಡಿ ಮಾನಾಡಿ, ಪೋಷಕರು ತಮ್ಮ ಮಕ್ಕಳನ್ನು ಖಾಸಗಿ ಶಾಲೆಗಳಿಗೆ ಸೇರಿಸಿದ ಪರಿಣಾಮವಾಗಿ ಶಾಲೆಯನ್ನು ಮುಚ್ಚಲಾಗಿತ್ತು. ಆದರೆ ಈಗ ಶಿಕ್ಷಣ ಇಲಾಖೆ ಸಿಬ್ಬಂದಿ ಹಾಗೂ ಶಿಕ್ಷಕರು ಪೋಷಕರ ಮನವೊಲಿಸಿ 15 ಮಕ್ಕಳನ್ನು ಶಾಲೆಗೆ ಸೇರಿಸಿಕೊಳ್ಳುವಲ್ಲಿ ಯಶಸ್ವಿಯಾಗಿದ್ದಾರೆ ಎಂದು ಹೇಳಿದರು.    ಬಿಆರ್‌ಸಿ ವಸಂತ, ಬಿಆರ್‌ಪಿ ಸುಧಾಕರ್‌, ಸಿಆರ್‌ಪಿ ಕೆ.ವೇಣುಗೋಪಾಲ್‌, ಎಸಿಒ ಅಮರನಾಥ್,  ಪಿಡಿಒ ರಮೇಶ್‌ ಇದ್ದರು.

ಪ್ರತಿಯೊಬ್ಬರು ಮರಣ ನಂತರ ನೇತ್ರದಾನ ಮಾಡಿ – ಸಿ ಸತ್ಯಭಾಮ

ವರದಿ ಶಬ್ಬೀರ್ ಅಹಮ್ಮದ್ ಶ್ರೀನಿವಾಸಪುರ

ಕೋಲಾರ, ಪ್ರತಿಯೊಬ್ಬರು ತಮ್ಮ ಮರಣ ನಂತರ ತಮ್ಮ ಕಣ್ಣುಗಳನ್ನು ದಾನ ಮಾಡುವ ಮೂಲಕ ಮತ್ತೊಬ್ಬರ ಬಾಳಿನಲ್ಲಿ ಬೆಳಕನ್ನು ನೀಡಿ. ನಾವು ಸತ್ತರು ನಮ್ಮ ಕಣ್ಣುಗಳು ಬದುಕಿರಬೇಕೆಂದರೆ ನೇತ್ರದಾನ ಮಾಡುವ ಮೂಲಕ ಸಾದ್ಯ ಎಂದು ಜಿಲ್ಲಾಧಿಕಾರಿಗಳಾದ ಸಿ ಸತ್ಯಭಾಮ ಅವರು ಹೇಳಿದರು.

ಇಂದು ಜಿಲ್ಲಾ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣಾಧಿಕಾರಿಗಳ ಕಛೇರಿ ಆವರಣದಲ್ಲಿ ಹಮ್ಮಿಕೊಂಡಿದ್ದ 35ನೇ ರಾಷ್ಟ್ರೀಯ ನೇತ್ರದಾನ ಪಾಕ್ಷಿಕದ ಅಂಗವಾಗಿ ಪ್ರಚಾರದ ವಾಹನಕ್ಕೆ ಚಾಲನೆ ನೀಡಿ ಅವರು ಮಾತನಾಡಿದರು. ಕಣ್ಣು ಇಲ್ಲದವರಿಗೆ ಮಾತ್ರ ಕಣ್ಣಿನ ಬೆಲೆ ಗೊತ್ತಾಗುತ್ತದೆ. ಯಾವುದು ಯಾರ ಬಳಿ ಇರುವುದಿಲ್ಲವೋ ಅವರಿಗೆ ಅದರ ಮೌಲ್ಯ ಗೊತ್ತಾಗುತ್ತದೆ. ಕಣ್ಣು ಇದ್ದಾಗ ಅದನ್ನು ನೋಡಿ ಅನುಭವಿಸುವ ಬಗೆಯೇ ಬೇರೆ. ಡಾ ರಾಜ್ ಕುಮಾರ್ ಅವರು ನೇತ್ರದಾನ ಮಾಡಿ ಅರಿವು ಮೂಡಿಸಿದರು. ಕಣ್ಣು ದೇಹದ ಅತ್ಮಮೂಲ್ಯವಾದ ಆಂಗ. ಮರಣ ಹೊಂದಿದ 6 ಗಂಟೆಗಳೊಳಗೆ ಕಣ್ಣು ದಾನ ಮಾಡಬಹುದಾಗಿದೆ ಎಂದರು.

ಆರೋಗ್ಯ ಮತ್ತು ಶಿಕ್ಷಣ ಸ್ಥಾಯಿ ಸಮಿತಿ ಅಧ್ಯಕ್ಷರಾದ ಚಿನ್ನಸ್ವಾಮಿಗೌಡ ಅವರು ಮಾತನಾಡಿ, ಕಣ್ಣು ಇಲ್ಲದವರಿಗೆ ಕಣ್ಣು ಕೊಟ್ಟರೆ ಅವರ ಬಾಳಿಗೆ ಬೆಳಕಾಗುತ್ತದೆ. ಕಣ್ಣು ಇಲ್ಲದವರು ಲಕ್ಷಗಟ್ಟಲೆ ಇದ್ದಾರೆ. ವ್ಯಕ್ತಿಯು ಮರಣ ಹೊಂದಿದ ನಂತರ ನೇತ್ರದಾನ ಮಾಡಿ ಎಂದರು.

ಜಿಲ್ಲಾ ಕುಷ್ಠರೋಗ ನಿವಾರಣಾಧಿಕಾರಿಗಳಾದ ಡಾ.ಎಂ.ಸಿ.ನಾರಾಯಣಸ್ವಾಮಿ ಅವರು ಮಾತನಾಡಿ, ನೇತ್ರದಾನ ಸರ್ವಕಾಲಕ್ಕೂ ಶ್ರೇಷ್ಠ ದಾನ. ಇದು ಅಂಧತ್ವ ನಿವಾರಿಸುವ ಕಾರ್ಯಕ್ರಮವಾಗಿದ್ದು, 6.5 ಮಿಲಿಯನ್ ಜನರು ಕಾಡ್ರಿಯಲ್ ಬ್ಲೈಂಡ್ ಲೇನ್ಸ್ ಸಮಸ್ಯೆಗೆ ಗುರಿಯಾಗಿದ್ದಾರೆ. 75 ಸಾವಿರ ದಿಂದ 1 ಲಕ್ಷ ದಾನಿಗಳು ಮಾತ್ರ ಇದ್ದಾರೆ. ಕರ್ನಾಟಕದಲ್ಲಿ 1 ಲಕ್ಷ 20 ಸಾವಿರ ಅಂಧತ್ವದಿಂದ ನರಳುತ್ತಿದ್ದು ಕೇವಲ 6 ಸಾವಿರ ದಾನಿಗಳು ಸಿಗುತ್ತಿದ್ದಾರೆ. ಮರಣದ ನಂತರ ತಮ್ಮ ಕಣ್ಣುಗಳನ್ನು ದಾನ ಮಾಡಿದರೆ ಅಂಧತ್ವವನ್ನು ನಿವಾರಿಸಬಹುದು ಎಂದರು.

ಅಪೌಷ್ಟಿಕತೆಯಿಂದ ಕಣ್ಣು ತೊಂದರೆಗಳು ಕಾಣಿಸಿಕೊಳ್ಳುತ್ತದೆ ನೇತ್ರದಾನ ಮಾಡಲು ನೊಂದಣಿ ಮಾಡಿಕೊಳ್ಳಿ. ಮರಣ ಸಂಭವಿಸಿದ 6 ಗಂಟೆಗಳ ಒಳಗೆ ಮಾಹಿತಿ ನೀಡಿದರೆ 20 ನಿಮಿಷಗಳಲ್ಲಿ ಕಣ್ಣನ್ನು ತೆಗೆದುಕೊಳ್ಳಲಾಗುವುದು. ಕರೋನಾ,ಜಾಂಡಿಸ್,ಮತ್ತು ಹೆಚ್.ಐ.ವಿ ಇರುವವರನ್ನು ಹೊರತು ಪಡಿಸಿ ಉಳಿದವರು ದಾನ ಮಾಡಬಹುದಾಗಿದೆ ಎಂದು ಮಾಹಿತಿ ನೀಡಿದರು.

ಈ ಸಂದರ್ಭದಲ್ಲಿ ಜಿಲ್ಲಾ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಇಲಾಖೆಯ ವತಿಯಿಂದ ನೇತ್ರದಾನ ಕುರಿತಾದ ಬಿತ್ತಿಪತ್ರ ಬಿಡುಗಡೆ ಮಾಡಲಾಯಿತು.

ಈ ಸಂದರ್ಭದಲ್ಲಿ ಜಿಲ್ಲಾ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣಾಧಿಕಾರಿಗಳಾದ ಡಾ ವಿಜಯ ಕುಮಾರ್, ಜಿಲ್ಲಾ ಆರ್.ಸಿ.ಹೆಚ್ ಅಧಿಕಾರಿಗಳಾದ ಡಾ ಚಂದನ್, ಜಿಲ್ಲಾ ಕ್ಷಯರೋಗ ನಿಯಂತ್ರಣಾಧಿಕಾರಿಗಳಾದ ಡಾ ಜಗದೀಶ್ ಸೇರಿದಂತೆ ಆರೋಗ್ಯ ಇಲಾಖೆಯ ಸಿಬ್ಬಂಧಿಗಳು ಹಾಜರಿದ್ದರು.

ವಿಶ್ವಮಾನವ ಕುವೆಂಪು ಫೌಂಡೇಶನ್ 3 ನೇ ಕುರುಬರಪೇಟೆಯ ನಿವೃತ್ತ ಯೋಧ ಪಿ.ನಾರಾಯಣಪ್ಪನವರ ಮನೆಯಲ್ಲಿ 2020-21ನೇ ಸಾಲಿನ ಜಿಲ್ಲಾ ಮಟ್ಟದ ಕುವೆಂಪು ಅನಿಕೇತನ ಪ್ರಶಸ್ತಿ ಪ್ರಧಾನ

ವರದಿ ಶಬ್ಬೀರ್ ಅಹಮ್ಮದ್ ಶ್ರೀನಿವಾಸಪುರ

ಕೋಲಾರ : ವಿಶ್ವಮಾನವ ಕುವೆಂಪು ಫೌಂಡೇಶನ್ (ವಿಕೆಎಫ್) ವತಿಯಿಂದ ಕೋಲಾರದ 3 ನೇ ಮುಖ್ಯರಸ್ತೆಯ ಕುರುಬರಪೇಟೆಯಲ್ಲಿನ ನಿವೃತ್ತ ಯೋಧ ಪಿ.ನಾರಾಯಣಪ್ಪನವರ ಮನೆಯಲ್ಲಿ 2020-21ನೇ ಸಾಲಿನ ಜಿಲ್ಲಾ ಮಟ್ಟದ ಕುವೆಂಪು ಅನಿಕೇತನ ಪ್ರಶಸ್ತಿ ಪ್ರಧಾನ ಸಮಾರಂಭವನ್ನು ಆಯೋಜಿಸಲಾಗಿತ್ತು.
ಪತ್ರಕರ್ತರ ಸಂಘದ ನಿಕಟಪೂರ್ವ ಜಿಲ್ಲಾಧ್ಯಕ್ಷ ಕೆ.ಎಸ್.ಗಣೇಶ್ ರವರು ಸಸಿಗೆ ನೀರೆರೆಯುವ ಮೂಲಕ ಕಾರ್ಯಕ್ರಮವನ್ನು ಉದ್ಘಾಟಿಸಿ ಮಾತನಾಡುತ್ತಾ, ಪ್ರತಿದಿನ ಮಾಡುವ ನಿರಂತರವಾದ ಸಾಂಸ್ಕøತಿಕ ಕಾರ್ಯಕ್ರಮಗಳಿಂದ ನೈಜ ಸಾಹಿತ್ಯ ಸಾಧಕರ ಪರಿಚಯ ಎಂಬುದು ಬೃಹತ್ ಕಾರ್ಯಕ್ರಮಗಳಿಂದಲೇ ಅಲ್ಲ, ಅದು ಕಿರು ಕಾರ್ಯಕ್ರಮಗಳಿಂದಲೂ ಸಹ ಸಾಧ್ಯ. ಎಲ್ಲಾ ಸಹೃದಯರು ಸೇರುವ ಮೂಲಕ ಸಾಂಸ್ಕೃತಿಕ ತೇರನ್ನು ಎಳೆಯುವ ಮೂಲಕ ಚಿನ್ನದ ಜಿಲ್ಲೆಯಲ್ಲಿ ಪಸರಿಸುವ ಕೆಲಸ ಆಗಲಿ ಎಂದರು.

ನಿವೃತ್ತ ಯೋಧ, ಜಿಲ್ಲಾ ಚುಟುಕು ಸಾಹಿತ್ಯ ಪರಿಷತ್ತಿನ ಜಿಲ್ಲಾಧ್ಯಕ್ಷ ಪಿ.ನಾರಾಯಣಪ್ಪ ನವರಿಗೆ 2020-21 ನೇ ಸಾಲಿನ ಕುವೆಂಪು ಅನೀಕೆತನ ಪ್ರಶಸ್ತಿಯನ್ನು ಪ್ರಧಾನ ಮಾಡಿದ ಮನ್ವಂತರ ಜನಸೇವಾ ಟ್ರಸ್ಟ್ (ರಿ.) ಸಂಸ್ಥಾಪಕ ಕಾರ್ಯದರ್ಶಿ ಪಾ.ಶ್ರೀ. ಅನಂತರಾಮ್ ಮಾತನಾಡುತ್ತಾ ದೇಶ ಸೇವೆಯೇ ಈಶ ಸೇವೆ ಎಂದು ಸದಾ ಸಾರ್ಥಕತೆಯ ಕೆಲಸ ಮಾಡಿ, ಕನ್ನಡಪರ ಹೋರಾಟಗಳು, ಗೋಕಾಕ್ ಚಳುವಳಿಯಲ್ಲಿನ ಕನ್ನಡ ರಕ್ಷಣೆಯ ಕಾರ್ಯ ಮಾಡಿದ ಪಿ.ನಾರಾಯಣಪ್ಪನವರಿಗೆ ಪ್ರಶಸ್ತಿ ನೀಡುತ್ತಿರುವುದು ನಿಜಕ್ಕೂ ಅಭಿನಂದನೀಯ ಎಂದರು.

ಜಿಲ್ಲಾ ಪ್ರಾಥಮಿಕ ಶಾಲಾ ಮುಖ್ಯೋಪಾಧ್ಯಾಯರ ಸಂಘದ ಜಿಲ್ಲಾಧ್ಯಕ್ಷ ಜಿ.ಶ್ರೀನಿವಾಸ್ ರವರು ಮಾತನಾಡುತ್ತಾ ಪ್ರಶಸ್ತಿಗಳು ಎಂಬುದು ಜನಸಾಮಾನ್ಯರ ಬಳಿಗೆ, ಅದರಲ್ಲೂ ಸಹ ನಿಜವಾದ ಸಾಧಕರಿಗೆ ತಲುಪುವ ಕೆಸಲವನ್ನು ವಿಶ್ವಮಾನವ ಕುವೆಂಪು ಫೌಂಡೇಶನ್ ಮಾಡುವ ಮೂಲಕ ಈ ನೆಲದ ದೇಶ ಸೇವೆ ಮಾಡಿದ ನಿವೃತ್ತ ಯೋಧರನ್ನು ಗುರ್ತಿಸಿ ಅವರಿಗೆ ಪ್ರಶಸ್ತಿ ನೀಡಿ ಗೌರವಿಸಿರುವುದು ಬಹಳ ಪ್ರಶಂಸನೀಯ ಎಂದರು.

ಕನ್ನಡ ಉಪನ್ಯಾಸಕ ಅಶ್ವಥ್‍ಗೌಡ ಮಾತನಾಡುತ್ತಾ ಸಮಾಜಮಖಿ ಸೇವೆಗಳು ವಿ.ಕೆ.ಎಫ್ ನಿಂದ ಹೀಗೆ ನಿತ್ಯ ನಿರಂತರವಾಗಿ ಸಾಗಲಿ, ಇಂದಿನ ಜಿಲ್ಲಾ ಮಟ್ಟದ ಕುವೆಂಪು ಅನಿಕೇತನ ಪ್ರಶಸ್ತಿಯನ್ನು ನಿಜವಾದ ಸಾಧಕರಿಗೆ ತಲುಪಿಸಿರುವುದು ನಿಜಕ್ಕೂ ಸಾರ್ಥಕ ಕೆಲಸ ಎಂದರು.

ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸಿದ್ದ ಕೋಲಾರ ಜಿಲ್ಲಾ ಕನ್ನಡ ಭಾಷಾ ಉಪನ್ಯಾಸಕರ ವೇದಿಕೆ ಅಧ್ಯಕ್ಷ ಜೆ.ಜಿ.ನಾಗರಾಜ್ ಮಾತನಾಡುತ್ತಾ ಸಹೃದಯತೆಯಿಂದ ಕಾರ್ಯಕ್ರಮಗಳಲ್ಲಿ ಭಾಗವಹಿಸುವ ಮೂಲಕ ನಾವು ಸಾಧಕರನ್ನು ಗೌರವಿಸುವ ಮೂಲಕ ಕ್ರೀಯಾಶೀಲರಾಗುವುದು ಬಹಳ ಒಳ್ಳೆಯ ಕೆಲಸ. ಇಲ್ಲವಾದರೆ ಮನಸ್ಸು ಖಿನ್ನತೆಗೆ ಒಳಗಾಗುತ್ತದೆ ಆದರೆ ನಿವೃತ್ತ ಸೈನಿಕರಿಗೆ, ಸಾಹಿತ್ಯದ ಸಾಧಕರಿಗೆ ಪ್ರಶಸ್ತಿ ನೀಡಿ ಗೌರವಿಸುಸುತ್ತಿರುವುದು ಶ್ಲಾಘನೀಯ ಎಂದರು.

ಕಾರ್ಯಕ್ರಮದ ಆಶಯ ನುಡಿಗಳನ್ನಾಡಿದ ವಿ.ಕೆ.ಎಫ್ ರಾಜ್ಯಾಧ್ಯಕ್ಷ ಲಕ್ಕೂರು ಎಂ.ನಾಗರಾಜ್ ರಕ್ತದಾನ, ನೇತ್ರದಾನ, ಸಮಾಜ ಸೇವೆ ಎಂಬ ಮೂರು ಮಹಾಮಂತ್ರಗಳ ಜೊತೆಗೆ ಸುಮಾರು 4 ವರ್ರ್ಷಗಳಿಂದ ರಾಜ್ಯ, ಜಿಲ್ಲೆ ಹಾಗೂ ತಾಲ್ಲೂಕು ಮಟ್ಟದಲ್ಲಿ ವಿವಿಧ ಕ್ಷೇತ್ರಗಳಲ್ಲಿ ಸಾಧನೆಗೈದ ಸಾಧಕರಿಗೆ ವಿಶ್ವಮಾನವ ಕುವೆಂಪು ರವರ ಹೆಸರಿನಲ್ಲಿ ಕುವೆಂಪು ಅನೀಕೆತನ ಪ್ರಶಸ್ತಿ ನೀಡಿ ಗೌರವಿಸಲಾಗುತ್ತಿದೆ. ಆ ಸಾಲಿನಲ್ಲಿ ದೇಶ ಸೇವೆ ಮಾಡಿದ ನಿವೃತ್ತ ಸೈನಿಕ ಪಿ.ನಾರಾಯಣಪ್ಪನವರಿಗೆ ನೀಡುತ್ತಿರುವುದು ನಮಗೆ ಹೆಮ್ಮೆ. ಜಿಲ್ಲೆಯಾದ್ಯಂತ ತಾಲ್ಲೂಕು ಮಟ್ಟದ ಕುವೆಂಪು ಅನೀಕೆತನ ಪ್ರಶಸ್ತಿ ನೀಡಿ ಗೌರವಿಸಲಾಗುತ್ತದೆ ಎಂದರು.

ಕಾರ್ಯಕ್ರಮದಲ್ಲಿ ಕವಿ ಡಾ.ಶರಣಪ್ಪ ಗಬ್ಬೂರ್, ಕನ್ನಡ ಸಿರಿ ಸಾಹಿತ್ಯ ಪರಿಷತ್ತಿನ ಜಿಲ್ಲಾಧ್ಯಕ್ಷ ಸುಬ್ಬಾರಾಯಪ್ಪ, ಎಸ್.ಸಿ.ವೆಂಕಟಕೃಷ್ಣ, ಮಾಸ್ತೆನಹಳ್ಳಿ ನಾರಾಯಣಸ್ವಾಮಿ, ವಿ.ಮುನಿರಾಜ್, ಕೆ.ಎನ್.ಪರಮೇಶ್ವರನ್, ಅ.ಕೃ.ಸೋಮಶೇಖರ್, ಡ್ಯಾನಿಡ್ ಕೃಷ್ಣಮೂರ್ತಿ, ರೈತ ಸಂಘದ ಅಬ್ಬಣಿ ಶಿವಪ್ಪ, ಕೆ.ಎಂ.ಸೋಮಶೇಖರ್, ಅಮರನಾಥ್, ಡಾ.ಪುಷ್ಪಲತಾ, ಪ್ರೇಮ್, ಲಕ್ಕೂರು ಟಿ.ಪ್ರವೀಣ್, ವಿ.ಕೆ.ಎಫ್ ಕೋಲಾರ ತಾಲ್ಲೂಕು ಅಧ್ಯಕ್ಷ ವಾಲಿಬಾಲ್ ಸೋಮು, ಬೆಂಗಳೂರು ಚಾಲಕರ ಒಕ್ಕೂಟದ ಅಧ್ಯಕ್ಷ ಕಾರ್ತಿಕ್, ಶಶಿ ಕುಮಾರ್, ವಿಶ್ವಮಾನವ ಕುವೆಂಪು ಫೌಂಡೇಶನ್ ಕೋಲಾರ ಜಿಲ್ಲಾ ಘಟಕದ ಪದಾಧಿಕಾರಿಗಳು ಹಾಜರಿದ್ದರು.

ಯುವಕರು ದೈಹಿಕ ಸದೃಡತೆ ಕಾಪಾಡುವಲ್ಲಿ ಬೇಕಾದರೆ ನಿತ್ಯ ವ್ಯಾಯಮ ಮಾಡುವುದರ ಜತೆಗೆ ಆಟೋಟಗಳಲ್ಲಿ ಪಾಲ್ಗುಳ್ಳುವುದು ಸಹ ಮುಖ್ಯ:ನಾಗರಾಜ್

ವರದಿ : ಶಬ್ಬೀರ್ ಅಹ್ಮದ್, ಶ್ರೀನಿವಾಸಪುರ

ಸ.ಕ.ಸಮಚಾರ , ರಾಯಲ್ಪಾಡು 2 : ಯುವಕರು ದೈಹಿಕ ಸದೃಡತೆಯನ್ನು ಕಾಪಾಡಿಕೊಳ್ಳಬೇಕಾದರೆ ಪ್ರತಿನಿತ್ಯ ವ್ಯಾಯಮ ಮಾಡುವುದರ ಜತೆಗೆ ಆಟೋಟಗಳಲ್ಲಿ ಪಾಲ್ಗುಳ್ಳುವುದು ಸಹ ಮುಖ್ಯವೆಂದು ಆಡಳಿತಾಧಿಕಾರಿ ನಾಗರಾಜ್ ಹೇಳಿದರು.
ಗ್ರಾಮದ ಸರ್ಕಾರಿ ಪ್ರಾಥಮಿಕ ಶಾಲಾವರಣದಲ್ಲಿ ನರೇಗಾ ಯೋಜನೆಯಡಿಯಲ್ಲಿ 4ಲಕ್ಷ ರೂ ವೆಚ್ಚದಲ್ಲಿ ಆಟ ಮೈದಾನಗಳನ್ನ ಸಿದ್ದಪಡಸಿಪಡಿಸುವ ಸಲುವಾಗಿ ಬುಧವಾರ ಸ್ಥಳ ಪರಿಶೀಲಿಸಿ ಮಾತನಾಡಿದರು.
ಶಾಲಾವರಣದಲ್ಲಿ ಕೋಕೋ, ವಾಲಿಬಾಲ್, ಷಟಲ್‍ಕಾಕ್, ಕಬಡ್ಡಿ ಇತರೆ ಆಟಗಳಿಗೆ ಮೈದಾನಗಳನ್ನ ಸಿದ್ದಪಡಿಸುವ ಸಲುವಾಗಿ ಯೋಜನೆಯನ್ನು ರೂಪಿಸಲಾಯಿತು.
ಪಿಡಿಒ ಕೆ.ವಿ.ನರೇಂದ್ರಬಾಬು , ಗ್ರಾ.ಪಂ. ಮಾಜಿ ಸದಸ್ಯ ಸಿಮೆಂಟ್ ನಾರಾಯಣಸ್ವಾಮಿ ಇದ್ದರು.
ಪೋಟು 2: ಗ್ರಾಮದ ಸರ್ಕಾರಿ ಪ್ರಾಥಮಿಕ ಶಾಲಾವರಣದಲ್ಲಿ ಆಟ ಮೈದಾನಗಳನ್ನು ಸಿದ್ದಪಡಿಸುವ ಸಲುವಾಗಿ ಆಡಳಿತಾಧಿಕಾರಿ ನಾಗರಾಜ್ ಸ್ಥಳಪರಿಶೀಲಿಸಿದರು.

ಸೇವಾದಳ ಕಚೇರಿಯಲ್ಲಿ ಹರ್ಡೀಕರ್ ಪುಣ್ಯಸ್ಮರಣೆ ಭಾವೈಕ್ಯತೆ ಭಾರತಕ್ಕೆ ಹರ್ಡೀಕರ್ ಅಡಿಪಾಯ-ಗಣೇಶ್

ವರದಿ ಶಬ್ಬೀರ್ ಅಹಮ್ಮದ್ ಶ್ರೀನಿವಾಸಪುರ

ಕೋಲಾರ:- ಭಾವೈಕ್ಯತೆ ಭಾರತ ನಿರ್ಮಾಣಕ್ಕೆ ಅಡಿಪಾಯ ಹಾಕಿದ ಮಹನೀಯರಲ್ಲಿ ನಾ.ಸು.ಹರ್ಡೀಕರ್ ಪ್ರಮುಖರೆಂದು ಭಾರತ ಸೇವಾದಳ ಜಿಲ್ಲಾಧ್ಯಕ್ಷ ಕೆ.ಎಸ್.ಗಣೇಶ್ ಅಭಿಪ್ರಾಯಪಟ್ಟರು.ನಗರದ ಭಾರತ ಸೇವಾದಳ ಜಿಲ್ಲಾ ಕಚೇರಿಯಲ್ಲಿ ಬುಧವಾರ ಸೇವಾದಳ ಸಂಸ್ಥಾಪಕ ಹರ್ಡೀಕರ್ ಪುಣ್ಯಸ್ಮರಣೆ ಕಾರ್ಯಕ್ರಮದಲ್ಲಿ ಅವರು ಮಾತನಾಡುತ್ತಿದ್ದರು.

ಸ್ವಾತಂತ್ರ್ಯ ಸಂಗ್ರಾಮಕ್ಕಾಗಿ ಯುವಕರನ್ನು ಶಿಸ್ತುಬದ್ಧ ಸಂಘಟನೆ ಮೂಲಕ ಸಜ್ಜುಗೊಳಿಸಲು ನಾ.ಸು.ಹರ್ಡೀಕರ್ ಹಿಂದೂಸ್ತಾನ್ ಸೇವಾದಳವನ್ನು ಮಹಾತ್ಮ ಗಾಂ„ೀಜಿ ತತ್ವಗಳಡಿ ಸ್ಥಾಪಿಸಿದ್ದರು. ಆನಂತರ ಬೇಲೂರು ಮಹಾಸಮಾವೇಶದಲ್ಲಿ ಹರ್ಡೀಕರ್ ಹಿಂದೂಸ್ತಾನ್ ಸೇವಾದಳವನ್ನು ಭಾರತ ಸೇವಾದಳವನ್ನಾಗಿ ರಾಜಕೀಯ ಪಕ್ಷಾತೀತವಾಗಿ ರೂಪಿಸಿ ಮಕ್ಕಳಲ್ಲಿ ಶಿಸ್ತು, ಸಂಯಮ, ದೇಶಭಕ್ತಿ, ಸೇವಾಮನೋಭಾವನೆ ಮೂಡಿಸಲು ರೂಪಿಸಿದರೆಂದು ವಿವರಿಸಿದರು.

ಹರ್ಡೀಕರ್ ಹಾಕಿಕೊಟ್ಟ ಹಾದಿಯಲ್ಲಿ ಸಾಗಿದಾಗ ಮಾತ್ರವೇ ದೇಶದ ಐಕ್ಯತೆ ಕಾಪಾಡಲು ಸಾಧ್ಯ ಆದ್ದರಿಂದ ಪ್ರತಿಯೊಂದು ಶಾಲೆಯಲ್ಲಿಯೂ ಸೇವಾದಳ ಘಟಕವನ್ನು ಸ್ಥಾಪಿಸಿ ಮಕ್ಕಳಲ್ಲಿ ದೇಶಪ್ರೇಮ ತುಂಬಿಸಬೇಕೆಂದರು.

ಸೇವಾದಳ ಉಪಾಧ್ಯಕ್ಷ ಜಿ.ಶ್ರೀನಿವಾಸ್ ಮಾತನಾಡಿ, ಹರ್ಡೀಕರ್ ಸ್ವಾತಂತ್ಯ್ರ ಪೂರ್ವ ಹಾಗೂ ನಂತರದಲ್ಲಿಯೂ ಶಿಸ್ತಿನ ಜೀವನ ನಡೆಸುವ ಮೂಲಕ ತಮ್ಮ ಜೀವನವನ್ನೇ ದೇಶ ಸೇವೆಗಾಗಿ ಮುಡಿಪಾಗಿಟ್ಟವರಾಗಿದ್ದರೆಂದರು.

ಸೇವಾದಳ ಮಾಲೂರು ತಾಲೂಕು ಅಧ್ಯಕ್ಷ ಬಹಾದ್ದೂರ್ ಸಾಬ್ ಮಾತನಾಡಿ, ಸರ್ವಧರ್ಮ ಪ್ರಾರ್ಥನೆ ಹಾಗೂ ಗೀತೆಗಳ ಮೂಲಕ ಹರ್ಡೀಕರ್ ಭಾವೈಕ್ಯತೆಯನ್ನು ಮೂಡಿಸಿ ದೇಶದ ಒಗ್ಗಟ್ಟನ್ನು ಕಾಪಾಡಲು ಸಹಕರಿಸಿದರೆಂದರು.

ಇದೇ ಸಂದರ್ಭದಲ್ಲಿ ಸೇವಾದಳದ ಕಾರ್ಯದರ್ಶಿಯಾಗಿ ರೋಟರಿ ಸೆಂಟ್ರಲ್ ಅಧ್ಯಕ್ಷರಾಗಿ ಆಯ್ಕೆಯಾಗಿರುವ ಸುಧಾಕರ್‍ರನ್ನು ಸೇವಾದಳ ಸಮಿತಿಯಿಂದ ಹಾಗೂ ಶ್ರೀಗೋಕುಲ ಮಿತ್ರಬಳಗದಿಂದ ಸನ್ಮಾನಿಸಲಾಯಿತು.

ಜಿಲ್ಲಾ ಸಮಿತಿ ಸಭೆಯಲ್ಲಿ ಮುಂದಿನ ದಿನಗಳಲ್ಲಿ ಸೆ.8 ರಂದು ವಿಶ್ವ ಸಾಕ್ಷರತಾ ದಿನಾಚರಣೆ ಹಾಗೂ ಅ.2 ರಂದು ಗಾಂ„ ಜಯಂತಿಯನ್ನು ಸೇವಾದಳದಿಂದ ನಡೆಸುವ ಕುರಿತು ಚರ್ಚಿಸಲಾಯಿತು.

ಅಕ್ಟೋಬರ್‍ನಲ್ಲಿ ಶಾಲೆಗಳ ಆರಂಭದ ನಂತರ ಶಾಲಾ ಕಾಲೇಜುಗಳಲ್ಲಿ ಸೇವಾದಳ ಚಟುವಟಿಕೆಗಳನ್ನು ಪುನರಾರಂಭಿಸಿ, ಭಾವೈಕ್ಯತಾ ಮೇಳ, ಶಿಕ್ಷಕರ ಮಿಲಾಪ್ ಶಿಬಿರ, ಬ್ಯಾಂಡ್‍ಸೆಟ್ ತರಬೇತಿ ಶಿಬಿರ ಇತ್ಯಾದಿಗಳನ್ನು ನಡೆಸಲು ನಿರ್ಧರಿಸಲಾಯಿತು.

ಸಭೆಯಲ್ಲಿ ಸೇವಾದಳ ಪದಾ„ಕಾರಿಗಳಾದ ಎಸ್.ಸುಧಾಕರ್, ವಿ.ಪಿ.ಸೋಮಶೇಖರ್, ಆರ್.ಶ್ರೀನಿವಾಸ್, ರವಿಕುಮಾರ್, ರೆಡ್ಡಪ್ಪ, ನಾರಾಯಣಸ್ವಾಮಿ, ವೈ.ಶಿವಕುಮಾರ್, ಸಂಪತ್‍ಕುಮಾರ್, ಬೈರೇಗೌಡ, ಕೆ.ಜಯದೇವ್, ಆರ್.ಗೋಪಾಲ್, ಮುನಿವೆಂಕಟ್, ಪಾಲ್ಗುಣ ಜಿಲ್ಲಾ ಸಂಘಟಕ ದಾನೇಶ್ ಇತರರು ಹಾಜರಿದ್ದರು.

ಸರ್ವಧರ್ಮ ಪ್ರಾರ್ಥನೆಯಿಂದ ಆರಂಭವಾದ ಸಭೆಯು ರಾಷ್ಟ್ರಗೀತೆಗಾಯನದೊಂದಿಗೆ ಮುಕ್ತಾಯವಾಯಿತು.

ಶಂಕರ ಜಯಂತಿ ಉತ್ಸವ ಸಮಿತಿಯಿಂದ ದೇಣಿಗೆ ಹಸ್ತಾತರ

ವರದಿ:ಕೆ.ಜಿ.ವೈದ್ಯ

ಕುಂದಾಪುರ : ಸಪ್ತ ಮೋಕ್ಷಪ್ರದ ಪುಣ್ಯ ಕ್ಷೇತ್ರಗಳಲ್ಲಿ ಕೋಟೇಶ್ವರ ಒಂದು. ಇಂತಹ ಪುಣ್ಯ ಕ್ಷೇತ್ರದ ನಿವಾಸಿಗಳು ನಾವಾಗಿರುವುದೇ ಒಂದು ಪುಣ್ಯವಿಶೇಷ ಮತ್ತು ಹೆಮ್ಮೆ. ಇಂತಹ ಕೋಟಿಲಿಂಗೇಶ್ವರ ದೇಗುಲದ ಜೀರ್ಣೋದ್ಧಾರ ಕಾರ್ಯಗಳಲ್ಲಿ ಪ್ರತಿಯೊಬ್ಬರೂ ಯಥಾನುಶಕ್ತಿ ಭಾಗಿಗಳಾಗಬೇಕು ಎಂಬುದು ಶ್ರೀ ಶಂಕರ ಜಯಂತಿ ಉತ್ಸವ ಸಮಿತಿಯ ಆಶಯ. ಆ ನಿಟ್ಟಿನಲ್ಲಿ ಸದಸ್ಯರಿಂದ ದೇಣಿಗೆಗಳನ್ನು ಸಂಗ್ರಹಿಸಲಾಗಿದೆ –  ಎಂದು ಕೋಟೇಶ್ವರದ ಶ್ರೀ ಶಂಕರ ಜಯಂತಿ ಉತ್ಸವ ಸಮಿತಿಯ ಅಧ್ಯಕ್ಷ ಚಂದ್ರಶೇಖರ ಅಡಿಗ ಹೇಳಿದರು.

     ಶ್ರೀ ಕೋಟಿಲಿಂಗೇಶ್ವರ ದೇವಾಲಯದ ಜೀರ್ಣೋದ್ಧಾರ ಕಾರ್ಯಗಳಿಗಾಗಿ ಸಮಿತಿಯ ಸದಸ್ಯರಿಂದ ಸಂಗ್ರಹಿಸಲಾದ ದೇಣಿಗೆಯ ಮೊತ್ತ ಸುಮಾರು ಮೂವತ್ತೆರಡುವರೆ ಲಕ್ಷ ರೂಪಾಯಿಗಳ ಚೆಕ್ಕನ್ನು ದೇವಳ ಪ್ರಾಂಗಣದಲ್ಲಿ ನಡೆದ ಸರಳ ಸಮಾರಂಭದಲ್ಲಿ ಜೀರ್ಣೋದ್ಧಾರ ಸಮಿತಿ ಅಧ್ಯಕ್ಷ ಕೋಣಿ ಕೃಷ್ಣದೇವ ಕಾರಂತರಿಗೆ ಹಸ್ತಾ0ತರಿಸಿ ಅವರು ಮಾತನಾಡಿದರು.

   ಜೀರ್ಣೋದ್ಧಾರ ಸಮಿತಿಯ ಪರವಾಗಿ ಚೆಕ್ ಸ್ವೀಕರಿಸಿದ ಸಮಿತಿ ಅಧ್ಯಕ್ಷ ಕಾರಂತರು ಕೃತಜ್ಞತೆ ಸಮರ್ಪಿಸಿ, ದೇವಳ ಜೀರ್ಣೋದ್ಧಾರ ಕಾಮಗಾರಿಗಳಲ್ಲಿ ಈ ವರೆಗೆ ಗರ್ಭಗುಡಿಯ ಮಾಡು, ಎಡನಾಳಿ ಮಾಡು, ತೀರ್ಥಮಂಟಪ, ತಾಮ್ರದ ಹೊದಿಕೆ ಹಾಗೂ ನಾಗಬನ ನವೀಕರಣ ಸೇರಿ ಸುಮಾರು 1. 57 ಕೋಟಿ ರೂ. ವೆಚ್ಚದ ಕಾಮಗಾರಿಗಳು ಮುಗಿದಿವೆ. ಧ್ವಜಮರ, ಸುತ್ತು ಪೌಳಿಗಳು, ಹೆಬ್ಬಾಗಿಲು ನವೀಕರಣ ಸೇರಿದಂತೆ ಸುಮಾರು ಮೂರು ಕೋಟಿ ರೂ. ವೆಚ್ಚದ ಕಾಮಗಾರಿಗಳು ನಡೆಯಬೇಕಾಗಿದ್ದು, ಊರ – ಪರವೂರ ದಾನಿಗಳು, ಭಕ್ತರು, ಸಂಘ – ಸಂಸ್ಥೆಗಳು ಉದಾರ ದೇಣಿಗೆಯ ಮೂಲಕ ಸಹಕರಿಸಬೇಕು ಎಂದು ಮನವಿ ಮಾಡಿದರು. ದೇವಳದ ತಂತ್ರಿ ವೇದಮೂರ್ತಿ ಪ್ರಸನ್ನ ಕುಮಾರ್ ಐತಾಳ ಶುಭಾಶಂಸನೆ ಮಾಡಿದರು.

   ಶ್ರೀ ಶಂಕರ ಜಯಂತಿ ಉತ್ಸವ ಸಮಿತಿಯ ನೂತನ ಪದಾಧಿಕಾರಿಗಳ ಪದಗ್ರಹಣ ಕಾರ್ಯಕ್ರಮವನ್ನೂ ಇದೇ ಸಂದರ್ಭದಲ್ಲಿ ನೆರವೇರಿಸಲಾಯಿತು. ನೂತನ ಅಧ್ಯಕ್ಷ ರಾಮಚಂದ್ರ ಉಪಾಧ್ಯರಿಗೆ ಹಾಲಿ ಅಧ್ಯಕ್ಷ ಚಂದ್ರಶೇಖರ ಅಡಿಗ ದಾಖಲೆ ಪತ್ರಗಳನ್ನು ಹಸ್ತಾ0ತರಿಸಿ ಶುಭ ಕೋರಿದರು.  ಕಾರ್ಯದರ್ಶಿ ಪ್ರಭಾಕರ ಮಿತ್ಯಂತ ನೂತನ ಕಾರ್ಯದರ್ಶಿ ಅನಸೂಯ ಭಟ್ ರಿಗೆ ಫೈಲ್ ಹಸ್ತಾ0ತರಿಸಿದರು. ಉತ್ಸವ ಸಮಿತಿಯ ಉಪಾಧ್ಯಕ್ಷ ಲಕ್ಷ್ಮೀನಾರಾಯಣ ಭಟ್ಟ, ಕೋಶಾಧಿಕಾರಿ ಬಿ. ಕುಮಾರ ಐತಾಳ, ಸುರೇಂದ್ರ ಐತಾಳ, ಜೀರ್ಣೋದ್ಧಾರ ಸಮಿತಿ ಖಜಾಂಚಿ ಪ್ರಭಾಕರ, ಸಮಿತಿಗಳ ಸದಸ್ಯರು ಉಪಸ್ಥಿತರಿದ್ದರು. ಕಾರ್ಯದರ್ಶಿ ಪ್ರಭಾಕರ ಮಿತ್ಯಂತ ಸ್ವಾಗತಿಸಿ, ವಂದಿಸಿದರು.

ಶ್ರೀನಿವಾಸಪುರ: ಬೀದಿ ಬದಿ ವ್ಯಾಪಾರಿಗಳಿಗೆ ನೆರವಾಗುವ ದೃಷ್ಟಿಯಿಂದ ತಲಾ ರೂ.10 ಸಾವಿರ ವಿತರಣೆ ಮಾಡಲಾಗುತ್ತಿದೆ : ಕರ್ನಾಟಕ ಮಹಿಳಾ ನಿಗಮದ ಅಧ್ಯಕ್ಷೆ ಶಶಿಕಲಾ ವಿ.ತೆಂಗಳಿ

ವರದಿ : ಶಬ್ಬೀರ್ ಅಹ್ಮದ್, ಶ್ರೀನಿವಾಸಪುರ

ಶ್ರೀನಿವಾಸಪುರ: ಬೀದಿ ಬದಿ ವ್ಯಾಪಾರಿಗಳಿಗೆ ನೆರವಾಗುವ ದೃಷ್ಟಿಯಿಂದ ತಲಾ ರೂ.10 ಸಾವಿರ ವಿತರಣೆ ಮಾಡಲಾಗುತ್ತಿದೆ ಎಂದು ಕರ್ನಾಟಕ ಮಹಿಳಾ ನಿಗಮದ ಅಧ್ಯಕ್ಷೆ ಶಶಿಕಲಾ ವಿ.ತೆಂಗಳಿ ಹೇಳಿದರು.
  ಪಟ್ಟಣದಲ್ಲಿ ರಸ್ತೆ ಬದಿ ವ್ಯಾಪಾರ ನಡೆಸುವ ಮಹಿಳೆಯರಿಗೆ ಸೋಮವಾರ ಆರ್ಥಿಕ ನೆರವಿನ ಚೆಕ್‌ ವಿತರಿಸಿ ಮಾತನಾಡಿ, ಮಹಿಳೆಯರು ಹೊಟ್ಟೆಪಾಡಿಗಾಗಿ ರಸ್ತೆ ಬದಿಯಲ್ಲಿ ಕುಳಿತು ಹೂವು, ಹಣ್ಣು, ತರಕಾರಿ ಮುಂತಾದ ವಸ್ತುಗಳನ್ನು ಮಾರಾಟ ಮಾಡುತ್ತಾರೆ. ಆದರೆ ಕೊರೊನಾ ಅವರ ತುತ್ತನ್ನು ಕಸಿದುಕೊಂಡಿದೆ. ಆದ್ದರಿಂದಲೇ ಮಹಿಳಾ ನಿಗಮ ಅವರ ರಕ್ಷಣೆಗೆ ಧಾವಿಸಿದೆ ಎಂದು ಹೇಳಿದರು.  ಆರ್ಥಿಕ ನೆರವು ಪಡೆದ ಮಹಿಳಾ ಫಲಾನುಭವಿಗಳು, ಪಡೆದ ಹಣವನ್ನು ಆರ್ಥಿಕ ಚಟುವಟಿಕೆಯಲ್ಲಿ ತೊಡಗಿಸಿ ಲಾಭ ಮಾಡಿಕೊಳ್ಳಬೇಕು. ನಿಗಮದ ನೆರವನ್ನು ಸಣ್ಣ ಪ್ರಮಾಣದ ಬಂಡವಾಳವೆಂದು ತಿಳಿದು ಬಳಸಿಕೊಳ್ಳಬೇಕು. ಪ್ರತಿ ಕುಟುಂಬದ ಕಣ್ಣಾದ ಹೆಣ್ಣು ಶ್ರಮವಹಿಸಿ ದುಡಿದು ಕುಟುಂಬವನ್ನು ಚಾಕಚಕ್ಯತೆಯಿಂದ ನಡೆಸಿಕೊಂಡು ಹೋಗುವ ಕಲೆಯನ್ನು ಕರಗತ ಮಾಡಿಕೊಂಡಿರುತ್ತಾಳೆ. ಸರ್ಕಾರದ ಸೌಲಭ್ಯ ಸದುಪಯೋಗ ಆಗಬೇಕು ಎಂದು ಹೇಳಿದರು.  ಸಮಾರಂಭದಲ್ಲಿ ಪಟ್ಟಣದ 56 ಮಹಿಳಾ ಬೀದಿ ಬದಿ ವ್ಯಾಪಾರಿಗಳಿಗೆ ತಲಾ ರೂ.10 ಸಾವಿರ ಹಾಗೂ ಚೇತನ ಯೋಜನೆಯಡಿ 5 ಮಂದಿ ದಮನಿತ ಮಹಿಳೆಯರಿಗೆ ತಲಾ ರೂ.1 ಲಕ್ಷ ನೆರವು ನೀಡಲಾಯಿತು. ಶಾಸಕ ರಮೇಶ್‌ ಕುಮಾರ್‌ ಅವರು ಸರ್ಕಾರಕ್ಕೆ ಕಳುಹಿಸಿದ್ದ ಪ್ರಸ್ತಾವನೆಗೆ ಸ್ಪಂದಿಸಿ ಸರ್ಕಾರ ಈ ನೆರವು ಒದಗಿಸಿದೆ.  ಜಿಲ್ಲಾ ಮಹಿಳಾ ಮತ್ತು ಮಕ್ಕಳ ಅಭಿವೃದ್ಧಿ ಇಲಾಖೆಯ ಉಪ ನಿರ್ದೇಶಕಿ ಎಂ.ಜಿ.ಪಾಲಿ, ಅಭಿವೃದ್ಧಿ ನಿರ್ದೇಶಕಿ ಬಿ.ಎಸ್‌.ಶೀಲಾ, ಸಿಡಿಪಿಒ ರೋಸಲಿನ್‌ ಸತ್ಯ, ನಗರಾಭಿವೃದ್ಧಿ ಪ್ರಾಧಿಕಾರದ ಸದಸ್ಯೆ ಮಮತ, ಮೇಲ್ವಿಚಾರಕಿ ನಾನಮ್ಮ, ನವೀನ್‌, ಮುನಿರಾಜು ಇದ್ದರು.