HOLY ROSARY CHURCH, KUNDAPUR – 450 th JUBILEE SOUVENIR 2021

ಕುಂದಾಪುರ: ಎ ಎಸ್ ಪಿ ಹರಿರಾಮ್ ಶಂಕರ್ ಗೆ ವರ್ಗಾವಣೆ

JANANUDI.COM NETWORK


ಕುಂದಾಪುರ,ನ.21: ಇಲ್ಲಿನ ಉಪ ವಿಭಾಗದ ಸಹಾಯಕದ ಪೆÇಲೀಸ್ ಅಧೀಕ್ಷಕ ಹರಿರಾಮ್ ಶಂಕರ್ ಇವರನ್ನು ಮಂಗಳೂರು ನಗರದ ಕಾನೂನು ಹಾಗೂ ಸುವ್ಯಸ್ಥೆ ಡಿಸಿಸಿ ಅವರ ರಜೆ ಹಿನ್ನೆಲೆಯಲ್ಲಿ ಅವರ ಸ್ಥಾನಕ್ಕೆ ನ. 18ರಿಂದ ಡಿ.2 ರ ತನಕ ಪ್ರಭಾರವಾಗಿ ನಿಯೋಜಿಸಲಾಗಿದೆ.ಅವರು ಮಂಗಳೂರಿನಲ್ಲಿ ಇದೇ ಶುಕ್ರವಾರ ಅಧಿಕಾರ ಸ್ವಿಕರಿಸಿದ್ದಾರೆ.
ಎ ಎಸ್ ಪಿ ಹರಿರಾಮ್ ಶಂಕರ್ ಇವರ ತೆರವಾದ ಹುದ್ದೆಗೆ ಮುಂದಿನ ಆದೇಶದವರೆಗೆ ಕಾರ್ಕಳ ಡಿ ವೈ ಎಸ್ ಪಿ ಭರತ್ ರೆಡ್ಡಿ ಅವರು ಅಲ್ಲಿನ ಕರ್ತವ್ಯದ ಜತೆ ತಾತ್ಕಲಿಕ ನೆಲೆಯಲ್ಲಿ ಹೆಚ್ಚುವರಿಯಾಗಿ ಕರ್ತವ್ಯ ನಿರ್ವಹಿಸುವಂತೆ ಆದೇಶಿಸಲಾಗಿದೆ.

93rd Death Anniversary of Blessed Fr Agnel observed at Milagres Cathedral, Kallianpur

Report: Richard D’Souza 

Udupi : The 93rd Death Anniversary of Blessed Fr. Agnel D’Souza was observed at Milagres Cathedral, Kallianpur near here on Friday, November 20.

The Solemn Eucharistic mass was concelebrated by Rector of Milagres Cathedral and Dean of Kallianpur Deanery Very Rev Fr. Valerian Mendonca along with Rev Fr. Henry D’Souza of Pilar Fathers, Salethur, Rev Fr. Francis Cornelio parish priest of Thottam Church, Rev FR. Canute Noronha Asst. parish priest of Milagres Cathedral, Rev Fr. Jossy Mascarenhas Vocational Director of Pilar Fathers Mini Seminery, Rev Fr. Brian Sequiera and other Pilar Fathers Kallianpur.

In his beautiful homily by Fr. Valerian Mendonca pointed out about the Blessed Fr. Agnel life and his mission. He said Fr Agnel is light of hope in Corona pandemic in particular. He was very simple in his life and gave goodness to the faithful people through his beautiful sermon, confessions and so on. Characteristically, he grew up manifesting qualities of gentleness, of love and purity, humility and obedience combined with strong sense of self discipline.

Further, Fr Valerian said that Blessed Fr Agnel had set his sights high in the service of God and aimed at cultivating assiduously all the priestly virtues and was also an impressive preacher not because of any flourish of rhetoric but because every word he spoke from the pulpit came out from the depths of his heart.

At the end of the mass, Fr. Jossy Mascarenhas gave gratitude to all concerned like Rector, priests, religious sisters, choir, well wishers and faithful of Fr Agnel and others who part of celebrations. Fr. Henry D’Souza at the end read out the novena prayers of Fr Agnel.

Due to corona pandemic, there was no get- together programme held after the mass. But lunch was served for all participants at the Milagres Cathedral Hall. 

ಹಾಲು ಉತ್ಪಾದಕರು ಯಾವುದೇ ಕಾರಣಕ್ಕೂ ತಮ್ಮ ಹಾಲನ್ನು ಖಾಸಗಿ ಡೈರಿಗಳಿಗೆ ಕಳುಹಿದೆ,ಸರ್ಕಾರಿ ಹಾಲು ಡೈರಿಗಳಿಗೆ ನೋಡಿ

ವರದಿ: ಶಬ್ಬೀರ್ ಅಹಮ್ಮದ್, ಶ್ರೀನಿವಾಸಪುರ

 ಹಾಲು ಉತ್ಪಾದಕರು ಯಾವುದೇ ಕಾರಣಕ್ಕೂ ತಮ್ಮ  ಹಾಲನ್ನು ಖಾಸಗಿ ಡೈರಿಗಳಿಗೆ  ಕಳುಹಿಸಬೇಡಿ. ಬದಲಾಗಿ  ಸರ್ಕಾರಿ ಹಾಲು ಡೈರಿಗಳಿಗೆ  ಹಾಲನ್ನು ನೀಡುವುದರಿಂದ ರೈತರಿಗೆ  ವಿಮೆ, ತಮ್ಮ ಹಸುಗಳಿಗೆ  ವೈದ್ಯಕೀಯ ಚಿಕಿತ್ಸೆ  ಮತ್ತು  ಸರ್ಕಾರದಿಂದ ದೊರೆಯುವ ಪ್ರೋತ್ಸಾಹ ಧನವನ್ನು ಪಡೆಯಲು ಸಾದ್ಯವಾಗುತ್ತದೆ.  ಎಂದು ಮಾಜಿ ವಿಧಾನ ಸಭಾಧ್ಯಕ್ಷ ಹಾಗೂ ಶಾಸಕ  ಕೆ.ಆರ್ ರಮೇಶ್ ಕುಮಾರ್  ರೈತರಿಗೆ ಕರೆನೀಡಿದರು. 

ಅವರು  ಇಂದು ಯಲ್ದೂರು ಹೋಬಳಿ  ಶೆಟ್ಟಿಹಳ್ಳಿಗ್ರಾಮದಲ್ಲಿ  ಹಮ್ಮಿಕೊಂಡಿದ್ದ ಶೆಟ್ಟಿಹಳ್ಳಿ ಹಾಲು ಉತ್ಪಾದಕರ   ಸಹಕಾರ ಸಂಘದ     ನೂತನ  ಘಟಕವನ್ನು ಉದ್ಘಾಟಿಸಿ  ಮಾತನಾಡುತ್ತ  ಹೈನುಗಾರಿಕೆಯಿಂದ ಇಂದು ಗ್ರಾಮೀಣ ಭಾಗದ ಜನರು  ಆರ್ಥಿಕವಾಗಿ  ಸಬಲಗಾಗುತ್ತಿದ್ದಾರೆ. ಆದ್ದರಿಂದ ಗ್ರಾಮ ಪ್ರತಿಯೊಂದು ಕುಟುಂಬವು  ಸ್ತ್ರೀ ಶಕ್ತಿ ಸಂಘಗಳಿಂದ  ಮತ್ತು  ರೈತರ  ಸೇವ ಸಹಕಾರ ಸಂಘಗಳಿಂದ ದೊರೆಯುವ ಸಾಲ ಸೌಲಭ್ಯವನ್ನು  ಬಳಸಿಕೊಂಡು  ಹಸುಗಳನ್ನು ಖರೀದಿಸಿ ಸ್ವಾವಲಂಬಿ ಜೀವನವನ್ನು  ನಡೆಸಬೇಕು. ಸಹಕಾರ ಸಂಘದ ಆಡಳಿತ ಮಂಡಳಿಯವರು ಖಾಸಗಿ  ಡೈರಿಗಳಿಗೆ  ಹಾಲು  ಒದಗಿಸುವ  ಹಾಲು  ಉತ್ಪಾದಕರ ಮನೆಗಳಿಗೆ ಬೇಟಿ ನೀಡಿ  ಅವರ ಮನವೊಲಿಸಿ  ಹಾಲನ್ನು ಸರ್ಕಾರಿ ಡೈರಿಗಳಿಗೆ  ಒದಗಿಸುವಂತೆ ಮಾಡಬೇಕು ಎಂದು ತಿಳಿಸಿದರು  

                 ಯಲ್ದೂರು ಜಿಲ್ಲಾಪಂಚಾಯಿತಿ ಸದಸ್ಯ ಗೋವಿಂದ ಸ್ವಾಮಿ  ಮಾತನಾಡುತ್ತ   ದಿವಂಗತ ಎಂ ವಿ  ಕೃಷ್ಣಪ್ಪನವರ ಕನಸು ಇಂದು  ನನಸಾಗುತ್ತಿದೆ. ಕೋಲಾರ ಚಿಕ್ಕಬಳ್ಳಾಪುರ ಅವಳಿ ಜಿಲ್ಲೆಗಳ ಎಲ್ಲಾ ಗ್ರಾಮಗಳಲ್ಲಿ  ಹಾಲ ಉತ್ಪಾದಕರ ಸಹಕಾರ ಸಂಘಗಳು ಸ್ಥಾಪನೆಯಾಗಿ   ಜನರು ನೆಮ್ಮದಿಯಿಂದ ಜೀವನ ನಡೆಸುವಂತಾಗಿದೆ.  ಜೊತೆಗೆ ಆಧುನಿಕ ಭಗೀರಥ   ಕೆ. ಆರ್ ರಮೇಶ್ ಕುಮಾರ್ ರವರ  ಪ್ರಯತ್ನದ ಫಲವಾಗಿ ಕೆ. ಸಿ ವ್ಯಾಲಿ ನೀರು   ಕೋಲಾರ ಜಿಲ್ಲೆಯ ಕೆರೆಗಳಲ್ಲಿ ಹರಿಯುತ್ತಿದ್ದು  ಹೈನುಗಾರಿಕೆ ಹಾಗೂ ಇತರೆ ವ್ಯವಸಾಯ ಚಟುವಟಿಕೆಗಳಿಗೆ ಅನುಕೂಲವಾಗಿದೆ ಎಂದು ತಿಳಿಸಿದರು.

                ಈ ಸಂದರ್ಭದಲ್ಲಿ  ಕೋಲಾರ ಚಿಕ್ಕಬಳ್ಳಾಪುರ ಹಾಲು ಒಕ್ಕೂದ ನಿರ್ದೇಶಕ ಹನುಮೇಶ್ ,ಮಾಜಿ ಅಧ್ಯಕ್ಷ  ಕೊಂಡಸಂದ್ರ  ವೆಂಕಟಶಿವಾರೆಡ್ಡಿ ,  ಆಧಿಕಾರಿ ಶ್ರೀಕಾಂತ್ , ಶೆಟ್ಟಿಹಳ್ಳಿ  ಹಾಲು ಉತ್ಪಾದಕಸಹಕಾರ ಸಂಘದ   ಅಧ್ಯಕ್ಷ  ವಿ ನಾಗಪ್ಪ ,  ತಾಲ್ಲೂಕು ಪಂಚಾಯ್ತಿ ಸದಸ್ಯ ಶ್ರೀರಾಮಪ್ಪ,  ಎ.ಪಿ.ಎಂ.ಸಿ ನಿರ್ದೇಶಕ ಯೋಗೀಂದ್ರ ಗೌಡ  ವೈ ಎಸ್. ಎಪ್. ಸಿ. ಎಸ್ ಅಧ್ಯಕ್ಷ  ನಾರಾಯಣಸ್ವಾಮಿ,  ಮುಖಂಡರಾದ ಇ. ದೇವರಾಜ್ , ಕೆ.ಟಿ. ಜಯಣ್ಣ  , ಗೌರಮ್ಮ, ಗಾಜುಲಪಲ್ಲಿ ಚಂದ್ರಪ್ಪ ,  ಬೈಚಪ್ಪ, ಲಕ್ಷ್ಮೀಸಾಗರ ಅಶೋಕ್ ಇನ್ನೂ ಮುಂತಾದವರು ಭಾಗವಹಿಸಿದ್ದರು.

ತಾಯಂದಿರು ಸಿಡಿದೆದ್ದು ವ್ಯವಸ್ಥೆ ಉಳಿಸುವ ಸಂಕಲ್ಪ ಮಾಡಿದರೆ ಮಾತ್ರ ಸಹಕಾರ ರಂಗ ಸದೃಢಗೊಳ್ಳಲು ಸಾಧ್ಯ-ಬ್ಯಾಲಹಳ್ಳಿ : ಗೋವಿಂದಗೌಡ

ವರದಿ: ಶಬ್ಬೀರ್ ಅಹಮ್ಮದ್, ಶ್ರೀನಿವಾಸಪುರ

ಕೋಲಾರ:- ರಾಜಕೀಯದಿಂದ ದೂರವಿದ್ದು ಒಂದು ಸಹಕಾರ ಸಂಸ್ಥೆಯನ್ನು ನಡೆಸುವುದು ಅಸಾಧ್ಯ ಆದರೆ ತಾಯಂದಿರು, ರೈತರು ಸಿಡಿದೆದ್ದು ಈ ವ್ಯವಸ್ಥೆ ಉಳಿಸಿಕೊಳ್ಳುವ ಸಂಕಲ್ಪ ಮಾಡಿದರೆ ಮಾತ್ರ ಬದಲಾವಣೆ ಕಾಣಬಹುದು ಎಂದು ಕೋಲಾರ,ಚಿಕ್ಕಬಳ್ಳಾಪುರ ಡಿಸಿಸಿ ಬ್ಯಾಂಕ್ ಅಧ್ಯಕ್ಷ ಬ್ಯಾಲಹಳ್ಳಿ ಗೋವಿಂದಗೌಡ ಅಭಿಪ್ರಾಯಪಟ್ಟರು.
ರಾಜ್ಯ ಸಹಕಾರ ಮಹಾಮಂಡಳ,ಜಿಲ್ಲಾ ಸಹಕಾರಿ ಯೂನಿಯನ್,ಡಿಸಿಸಿ ಬ್ಯಾಂಕ್, ಕೋಲಾರ,ಚಿಕ್ಕಬಳ್ಳಾಪುರ ಜಿಲ್ಲಾಪತ್ರಕರ್ತರ ವಿವಿಧೋದ್ದೇಶ ಸಹಕಾರ ಸಂಘ, ನಗರದ ಕಾರಂಜಿಕಟ್ಟೆಯ ನರ್ಮದಾ ಮಹಿಳಾ ಪತ್ತಿನ ಸಹಕಾರ ಸಂಘಗಳ ಸಂಯುಕ್ತ ಆಶ್ರಯದಲ್ಲಿ 67ನೇ ಸಹಕಾರಿ ಸಪ್ತಾಹದ 6 ದಿನದ `ಯುವಜನ, ಮಹಿಳಾ ಮತ್ತು ಅಬಲ ವರ್ಗದವರಿಗಾಗಿ ಸಹಕಾರ ಸಂಸ್ಥೆಗಳು’ ಎಂಬ ವಿಷಯದಡಿ ನಡೆದ ಕಾಯಕ್ರಮ ಉದ್ಘಾಟಿಸಿ ಅವರು ಮಾತನಾಡುತ್ತಿದ್ದರು.
ಸಹಕಾರ ವ್ಯವಸ್ಥೆ ರಾಜಕೀಯದಿಂದ ದೂರವಿರಲಿ ಎಂಬುದು ಭಾಷಣಗಳಿಗೆ ಸೀಮಿತವಾಗುತ್ತಿದೆ, ಕಳೆದ 7 ವರ್ಷಗಳಿಂದ ಪ್ರಪಾತದಲ್ಲಿ ಬಿದ್ದಿದ್ದ ಡಿಸಿಸಿ ಬ್ಯಾಂಕನ್ನು ಮೇಲೆತ್ತಲು ಪ್ರಾಮಾಣಿಕವಾಗಿ ಕೆಲಸ ಮಾಡಿದ್ದೇವೆ ಆದರೂ ರಾಜಕೀಯ ಅಸ್ತ್ರ ನಮ್ಮ ವಿರುದ್ದ ಬಳಸುತ್ತಲೇ ಇದ್ದಾರೆ, ಇದನ್ನು ತಾಯಂದಿರ ಆಶೀರ್ವಾದದಿಂದ ಗೆದ್ದು ನಿಂತಿದ್ದೇನೆ ಎಂದರು.
ಭಾಷಣಗಳಲ್ಲಿ ಎಂವಿ ಕೃಷ್ಣಪ್ಪ, ನಾಗಿರೆಡ್ಡಿ, ಬೈರೈಗೌಡ,ಪಿ.ವೆಂಕಟಗಿರಿಯಪ್ಪ ಅವರ ಹೆಸರು ಹೇಳುತ್ತಲೇ ನಾವಿಂದು ಸಹಕಾರಿ ವ್ಯವಸ್ಥೆಯನ್ನು ರಾಜಕೀಯದಲ್ಲಿ ಬೆರೆಸಿದ್ದೇವೆ, ಇದರ ಬದಲಾವಣೆ ಆಗಬೇಕು ಎಂದರು.
ಡಿಸಿಸಿ ಬ್ಯಾಂಕ್ ನಿರ್ದೇಶಕ ಎಂ.ಎಲ್.ಅನಿಲ್‍ಕುಮಾರ್, ಪ್ರಾಥಮಿಕ ಹಂತದ ಸಹಕಾರ ಸಂಘಗಳಲ್ಲೇ ದುರ್ಬಲರು,ಪರಿಶಿಷ್ಟರು,ಮಹಿಳೆಯರಿಗೆ ಅವಕಾಶ ಕಲ್ಪಿಸುವ ಅಗತ್ಯವಿದೆ ಎಂದು ತಿಳಿಸಿ, ಸದಸ್ಯತ್ವ ನೀಡುವಾಗ ರಾಜಕೀಯ ಪಕ್ಷ,ಜಾತಿಯನ್ನು ಹೊರಗಿಟ್ಟು ನೀಡಬೇಕು ಆಗ ಮಾತ್ರ ಸಹಕಾರಿ ವ್ಯವಸ್ಥೆಗೆ ಅರ್ಥ ಬರುತ್ತದೆ ಎಂದರು.
ಪತ್ರಕರ್ತರ ಸಂಘದ ಅಧ್ಯಕ್ಷ ವಿ.ಮುನಿರಾಜು, ಜಿಲ್ಲೆಯಲ್ಲಿಬ್ಯಾಲಹಳ್ಳಿ ಗೋವಿಂದಗೌಡರು ಇಲ್ಲವೆಂದರೆ ಸಹಕಾರಿ ವ್ಯವಸ್ಥೆಯೇ ಇಲ್ಲ ಎನ್ನುವ ವಾತಾವರಣ ನಿರ್ಮಾಣವಾಗಿದೆ, ಇದಕ್ಕೆ ಕಾರಣ ಪಾತಾಳದಲ್ಲಿದ್ದಿ ಡಿಸಿಸಿ ಬ್ಯಾಂಕ್ ಅನ್ನು ಸಾಧ್ಯವೇ ಇಲ್ಲ ಎನ್ನುವಾಗ ಅದನ್ನು ಉಳಿಸಿ ಉನ್ನತ ಮಟ್ಟಕ್ಕೆ ಏರಿಸಿದ್ದಾರೆ ಎಂದರು.
ಪತ್ರಕರ್ತರ ಸಂಘದ ರಾಜ್ಯ ಕಾರ್ಯಕಾರಿ ಸದಸ್ಯ ಬಿ.ವಿ.ಗೋಪಿನಾಥ್, ಸಹಕಾರಿ ಸಪ್ತಾಹ ಭಾಷಣಗಳಿಗೆ ಸೀಮಿತವಾಗದೇ ವ್ಯವಸ್ಥೆ ಉಳಿಸಲು ಆತ್ಮಾವಲೋಕನ ಅಗತ್ಯ, ಇಡೀ ಸಮಾಜದ ಎಲ್ಲಾ ವರ್ಗಗಳನ್ನು ಒಳಗೊಂಡಂತೆ ಸಹಕಾರಿ ರಂಗ ಬೆಳೆಸುವ ಚಿಂತನೆ ಮಾಡಬೇಕು, 16 ವರ್ಷ ಡಿಸಿಸಿ ಬ್ಯಾಂಕ್ ದಿವಾಳಿಯಾಗಿ ಜಿಲ್ಲೆಯ ರೈತರು ಸಾಲಮನ್ನಾದಂತಹ ಸೌಲಭ್ಯಗಳಿಂದ ಮತ್ತೆ ವಂಚಿತರಾಗದಂತೆ ಎಚ್ಚರವಹಿಸುವ ಅಗತ್ಯವಿದೆ ಎಂದರು.
ನದಿ ಮೂಲ,ಕೆಆರ್‍ಎಸ್ ಹೊಂದಿರುವ ಮಂಡ್ಯದಲ್ಲಿ 1500 ರೈತರು ಆತ್ಮಹತ್ಯೆಗೆ ಶರಣಾಗಿದ್ದಾರೆ, ಮಳೆ,ನದಿಯೂ ಇಲ್ಲದ ಕೋಲಾರ ಜಿಲ್ಲೆ ಜನ ಆತ್ಮಹತ್ಯೆಯಿಂದ ದೂರವಾಗಲು ಡಿಸಿಸಿ ಬ್ಯಾಂಕ್ ಮತ್ತು ಹಾಲು ಉತ್ಪಾದಕರ ಸಹಕಾರ ಸಂಘಗಳು ಕಾರಣವಾಗಿವೆ ಎಂದರು.
ಡಿಸಿಸಿ ಬ್ಯಾಂಕ್ ನಿರ್ದೇಶಕ ಯಲವಾರ ಸೊಣ್ಣೇಗೌಡ, ಕಟ್ಟಕಡೆಯ ಗ್ರಾಮೀಣ ಜನತೆಗೆ ಸಹಕಾರಿ ವ್ಯವಸ್ಥೆಯ ಪ್ರಯೋಜನ ಸಿಗಬೇಕು, ಪ್ರತಿಕುಟುಂಬದಿಂದಲೂ ಓರ್ವ ಸದಸ್ಯನಾಗಬೇಕು ಆಗ ಮಾತ್ರ ಸಹಕಾರಿ ವ್ಯವಸ್ಥೆ ಸದೃಢಗೊಳ್ಳಲು ಸಾಧ್ಯ ಎಂದರು.
ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸಿದ್ದ ಪತ್ರಕರ್ತರ ವಿವಿಧೋದ್ದೇಶ ಸಹಕಾರ ಸಂಘದ ಅಧ್ಯಕ್ಷ ಕೆ.ಎಸ್.ಗಣೇಶ್, ಸಹಕಾರಿ ರಂಗದಲ್ಲಿ ಶೇ.20 ಮಂದಿಯೂ ತೊಡಗಿಕೊಂಡಿಲ್ಲ, ಈ ಬಗ್ಗೆ ಆತ್ಮಾವಲೋಕನ ಅಗತ್ಯ, ಪ್ರತಿ ವರ್ಷವೂ ಸಪ್ತಾಹದಲ್ಲಿ ಒಂದೇ ಭಾಷಣ ಕೇಳುತ್ತಿದ್ದೇವೆ ಅಷ್ಟೆ ಎಂದರು.
ಸಹಕಾರಿಗಳ ಮನಃಪರಿವರ್ತನೆಯಾಗಬೇಕು, ಯುವಕರಿಗೆ ಶೇ.30,ಅಲ್ಪಸಂಖ್ಯಾತರಿಗೆ ಶೇ.10, ಮಹಿಳೆಯರಿಗೆ ಶೇ.30 ದುರ್ಬಲರಿಗೆ ಶೇ.30 ಸ್ಥಾನ ಸಹಕಾರಿ ಸಂಸ್ಥೆಗಳಲ್ಲಿ ಮೀಸಲಿಡುವ ಮನಸ್ಸು ಬಂದರೆ ಮಾತ್ರ ಸಹಕಾರಿ ಕ್ಷೇತ್ರದಲ್ಲಿ ಸಮಾಜದ ಕಟ್ಟಕಡೆಯ ಕುಟುಂಬದ ಸದಸ್ಯತ್ವ ಹೊಂದಲು ಸಾಧ್ಯ ಆದರೆ ನಾವು ಮುಖವಾಡ ಹಾಕಿಕೊಂಡು ಮಾತನಾಡುತ್ತೇವೆ, ಆದ್ದರಿಂದ ಪೂರ್ವಾಗ್ರಹಪೀಡಿತ ಮನಸ್ಥಿತಿ ಬದಲಾಗಿ ಸಹಕಾರ ರಂಗ ಶೋಷಿತರ,ದುರ್ಬಲರ ಪರವಾಗಬೇಕು ಎಂದರು.
ಪ್ರಾಸ್ತಾವಿಕವಾಗಿ ಮಾತನಾಡಿದ ಜಿಲ್ಲಾ ಸಹಕಾರಿ ಯೂನಿಯನ್ ನಿರ್ದೇಶಕಿ ಆರ್.ಅರುಣಾ, ಡಿಸಿಸಿ ಬ್ಯಾಂಕ್ ಮಹಿಳೆಯರು ಗೌರವದಿಂದ ಬದುಕಲು ದಾರಿ ತೋರಿದೆ, ಇಂದು ಬಡ್ಡಿ ವ್ಯಾಪಾರಿಗಳು ಡಿಸಿಸಿ ಬ್ಯಾಂಕ್‍ನಿಂದಾಗಿ ಸಂಕಷ್ಟಕ್ಕೆ ಸಿಲುಕಿದ್ದಾರೆ ಎಂದರು.
ಕೋವಿಡ್ ಸಂದರ್ಭದಲ್ಲಿ ವಾಣಿಜ್ಯ ಬ್ಯಾಂಕುಗಳು ಸಾಲ ನೀಡಲಿಲ್ಲ, ಡಿಸಿಸಿ ಬ್ಯಾಂಕ್ ತಾಯಂದಿರಿಗೆ ಕರೆದು ಸಾಲ ನೀಡಿ ಬದುಕು ರೂಪಿಸಿಕೊಳ್ಳಲು ನೆರವಾಗಿದೆ, ಜಿಲ್ಲೆಯಲ್ಲಿ ಆತ್ಮಹತ್ಯೆಗಳು ಇಲ್ಲವಾಗಲು ಸಹಕಾರಿ ಬ್ಯಾಂಕ್ ಕಾರಣವಾಗಿದೆ ಎಂದರು
.
ಪತ್ರಕರ್ತ ಸಹಕಾರ ಸಂಘದ ಉಪಾಧ್ಯಕ್ಷ ಕೋ.ನಾ.ಮಂಜುನಾಥ್ ಸ್ವಾಗತಿಸಿದ ಕಾರ್ಯಕ್ರಮದಲ್ಲಿ ಯೂನಿಯನ್ ನಿರ್ದೇಶಕರಾದ ಉರಿಗಿಲಿ ರುದ್ರಸ್ವಾಮಿ,ಚೆಂಜಿಮಲೆ ರಮೇಶ್,ಪೆಮ್ಮಶೆಟ್ಟಿಹಳ್ಳಿ ಸುರೇಶ್, ಟಿ.ಕೆ.ಬೈರೇಗೌಡ,ಪಿ.ಎಂ.ವೆಂಕಟೇಶ್,ಪಿಎಲ್‍ಡಿ ಬ್ಯಾಂಕ್ ಅಧ್ಯಕ್ಷ ವಿ.ಆರ್.ಶಶಿಧರ್, ಯೂನಿಯನ್ ಸಿಇಒ ಕೆ.ಎಂ.ಭಾರತಿ, ಸಹಕಾರ ಸಂಘಗಳ ಉಪನಿಬಂಧಕ ಸಿದ್ದನಗೌಡ ಎನ್.ನೀಲಪ್ಪನವರ್, ಲೆಕ್ಕಪರಿಶೋಧನಾ ಇಲಾಖೆ ಉಪನಿರ್ದೇಶಕಿ ಜಿ.ಬಿ.ಶಾಂತಕುಮಾರಿ, ನರ್ಮದಾ ಮಹಿಳಾ ಪತ್ತಿನ ಸಹಕಾರ ಸಂಘದ ಉಪಾಧ್ಯಕ್ಷೆ ಅಂಬಿಕಾ,ಸದಸ್ಯರಾದ ಸುನೀತಾ, ಸುಜಾತಾ, ತಸ್ಲೀಂಉನ್ನೀಸಾ, ಪತ್ರಕರ್ತರ ಸಹಕಾರ ಸಂಘದ ಸಿಇಒ ಗಂಗಾಧರ್, ಯೂನಿಯನ್ ರವಿ,ಲಕ್ಷ್ಮಿ ಮತ್ತಿತರರಿದ್ದರು.

ಮಾಜಿ ಪ್ರಧಾನಿ ಇಂದಿರಾ ಗಾಂಧಿ ಜನ್ಮ ದಿನಾಚರಣೆ : ಬ್ಲಾಕ್ ಕಾಂಗ್ರೆಸ್ ಕುಂದಾಪುರ

JANANUDI.COM NETWORK

ಸ್ವತಂತ್ರ ಭಾರತದ ಭಾರತದ ಮೊದಲ ಮಹಿಳಾ ಪ್ರಧಾನಿ ಇಂದಿರಾ ಗಾಂಧಿಯವರ ಜನ್ಮ ದಿನಾಚರಣೆಯನ್ನು ಬ್ಲಾಕ್ ಕಾಂಗ್ರೆಸ್ ಕಚೇರಿಯಲ್ಲಿ ಬೆಳಿಗ್ಗೆ 9.30 ಗಂಟೆಗೆ ಆಚರಿಸಲಾಯಿತು.

ಈ ಸಂದರ್ಭದಲ್ಲಿ ಮಾತನಾಡಿದ ಕಾಂಗ್ರೆಸ್ ಹಿರಿಯ ನಾಯಕರಾದ ಕೋಣಿ ಕೃಷ್ಣದೇವ ಕಾರಂತರು ಮಾಜಿ ಪ್ರಧಾನಿ ಇಂದಿರಾ ಗಾಂಧಿಯವರು ಈ ದೇಶ ಕಂಡ ಓರ್ವ ಅದ್ಭುತ ಆಡಳಿಗಾರ್ತಿ, ಇವರ ಆಡಳಿತದಲ್ಲಿ ವಂಶ ಪಾರಂಪರ್ಯವಾಗಿ ಕೃಷಿ, ಕಾರ್ಮಿಕರಾಗಿದ್ದ ಲಕ್ಷಾಂತರ ಹಿಂದುಳಿದ ವರ್ಗದ ಜನತೆಗೆ ಭೂಮಾಲಿಕತ್ವ ಲಭಿಸಿತು. ಬಡಜನರಿಗೂ ಕೂಡ ಹೈನುಗಾರಿಕೆ, ಕೃಷಿ ಮುಂತಾದ ಕ್ಷೇತ್ರಗಳಲ್ಲಿ ಸಾಲ ದೊರಕುವಂತೆ ಮಾಡಿದ ಹೆಗ್ಗಳಿಕೆ ಇಂದಿರಾ ಗಾಂಧಿಯವರಿಗೆ ಸಲ್ಲುತ್ತದೆ ಎಂದರು.

20 ಅಂಶದ ಕಾರ್ಯಕ್ರಮ, ಆಹಾರ ಕೊರತೆ ನೀಗಿಸಲು ಜಾರಿಗೊಳಿಸಿದ ಹಸಿರು ಕ್ರಾಂತಿ ಮತ್ತು ಕ್ಷೀರಾ ಕ್ರಾಂತಿ ಸೇರಿದಂತೆ ಹಲವು ಜನಪರ ಕಾರ್ಯಕ್ರಮಗಳನ್ನು ಕೊಡುಗೆಯಾಗಿ ನೀಡಿದವರು ಇಂದಿರಾ ಗಾಂಧಿ ಎಂದು ಕೆ.ಎಫ್.ಡಿ.ಸಿ ಮಾಜಿ ಅಧ್ಯಕ್ಷರಾದ ಬಿ. ಹಿರಿಯಣ್ಣರವರು ಹೇಳಿದರು.

ಪಿ.ಎಲ್.ಡಿ.ಬ್ಯಾಂಕಿನ ಅಧ್ಯಕ್ಷರಾದ ಮಲ್ಯಾಡಿ ಶಿವರಾಮ ಶೆಟ್ಟಿಯವರು ಮಾತನಾಡಿ ಇಂದಿರಾ ಗಾಂಧಿಯವರ ಬಡವರ ಪರವಾದ ನೀತಿಗಳು ಬ್ಯಾಂಕ್ ರಾಷ್ಟಿçÃಕರಣಕ್ಕೆ ಸಾಧ್ಯವಾಯಿತು ಎಂದರು.

ಸಭೆಯ ಅಧ್ಯಕ್ಷತೆ ವಹಿಸಿದ್ದ ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷ ಕಾನ್ಮಕ್ಕಿ ಹರಿಪ್ರಸಾದ್ ಶೆಟ್ಟಿಯವರು ಇಂದಿರಾ ಗಾಂಧಿ ಆಡಳಿತದಲ್ಲಿ ದೇಶಕ್ಕೆ ಮಾರಕವಾಗಿದ್ದ ಭಯೋತ್ಪಾದಕರ ನಿರ್ಮೂಲನೆಗಾಗಿ “ಆಪರೇಶನ್ ಬ್ಲೂಸ್ಟಾರ್ ಕಾರ್ಯಾಚರಣೆ” ವಿಶ್ವಕ್ಕೆ ಮಾದರಿಯಾಗಿತ್ತು ಎಂದರು.

ಈ ಸಂದರ್ಭದಲ್ಲಿ ಪುರಸಭಾ ಸದ್ಯರಾದ ದೇವಕಿ ಸಣ್ಣಯ್ಯ, ಪ್ರಭಾವತಿ ಶೆಟ್ಟಿ, ಚಂದ್ರಶೇಖರ ಖಾರ್ವಿ, ಮಾಜಿ ಪುರಸಭಾ ಅಧ್ಯಕ್ಷ ಹಾರೂನ್ ಸಾಹೇಬ್, ಕೆ.ಪಿ.ಸಿ.ಸಿ. ಸಾಮಾಜಿಕ ಜಾಲತಾಣಗಳ ರಾಜ್ಯ ಕಾರ್ಯದರ್ಶಿ ಚಂದ್ರಶೇಖರ ಶೆಟ್ಟಿ, ನಗರ ಪ್ರಾಧಿಕಾರದ ಮಾಜಿ ಅಧ್ಯಕ್ಷ ವಿಕಾಸ್ ಹೆಗ್ಡೆ, ಸೇವಾದಳದ ಅಧ್ಯಕ್ಷ ಕುಮಾರ ಖಾರ್ವಿ, ಐ.ಟಿ ಸೆಲ್ ಬ್ಲಾಕ್ ಅಧ್ಯಕ್ಷ ಕೆ. ಶಿವಕುಮಾರ್, ನಗರ ಅಧ್ಯಕ್ಷ ಗಣೇಶ ಶೇರಿಗಾರ್, ಆಶಾ ಕಾರ್ವೆಲ್ಲೋ, ಶಶಿರಾಜ್ ಎಂ. ಧರ್ಮಪ್ರಕಾಶ್, ಸದಾನಂದ ಖಾರ್ವಿ, ಸ್ಟೀವನ್ ಡಿ’ಕೋಸ್ಟಾ, ದಿನೇಶ್ ಬೆಟ್ಟಾ, ಮುನಾಫ್, ಸುನಿಲ್ ಪೂಜಾರಿ, ನಾಗರಾಜ್ ನಾಯ್ಕ್, ಅಶ್ವತ್ ಕುಮಾರ್, ರಘುರಾಮ ನಾಯ್ಕ್, ಅಶೋಕ್ ಸುವರ್ಣ, ಕೆ. ಸುರೇಶ್, ದಿನೇಶ್ ಖಾರ್ವಿ, ಎಡೋಲ್ಫ್ ಡಿ’ಕೋಸ್ಟಾ, ಜೋಸೆಫ್ ರೆಬೆಲ್ಲೋ, ವಿಜಯಧರ್, ಹಬೀಬ್, ಶಿಶಿರ, ಪಲ್ಲವಿ ಇನ್ನಿತರರು ಉಪಸ್ಥಿತರಿದ್ದರು.

ಬ್ಲಾಕ್ ಕಾಂಗ್ರೆಸ್ ಪ್ರಧಾನ ಕಾರ್ಯದರ್ಶಿ ವಿನೋದ್ ಕ್ರಾಸ್ಟೋ ಸ್ವಾಗತಿಸಿ, ನಿರೂಪಿಸಿದರು. ಇಂಟಕ್ ಅಧ್ಯಕ್ಷ ಚಂದ್ರ ಅಮೀನ್ ವಂದಿಸಿದರು.

ಭಂಡಾರ್ಕಾರ್ಸ್ “ಭಾರತದ ಸುಸ್ಥಿರ ಅಭಿವೃದ್ಧಿ ಗುರಿ: ವಿಶ್ಲೇಷಣಾತ್ಮಕ ವಿಮರ್ಶೆ” ಎಂಬ ವಿಷಯದ ಕುರಿತು ರಾಷ್ಟ್ರೀಯ ವೆಬಿನಾರ್

JANANUDI.COM NETWORK


ಕುಂದಾಪುರ: ಇಲ್ಲಿನ ಭಂಡಾರ್ಕಾರ್ಸ್ ಕಾಲೇಜಿನಲ್ಲಿ ಐಕ್ಯೂಎಸಿ ಮತ್ತುಅರ್ಥಶಾಸ್ತ್ರ ವಿಭಾಗದ ಸಹಯೋಗದಲ್ಲಿ “ಭಾರತದ ಸುಸ್ಥಿರ ಅಭಿವೃದ್ಧಿ ಗುರಿ: ವಿಶ್ಲೇಷಣಾತ್ಮಕ ವಿಮರ್ಶೆ” ಎಂಬ ವಿಷಯದ ಕುರಿತು ರಾಷ್ಟ್ರೀಯ ವೆಬಿನಾರ್ ನಡೆಯಿತು.
ಸಂಪನ್ಮೂಲ ವ್ಯಕ್ತಿಗಲಾಗಿ ಆಗಮಿಸಿದ್ದ ಕೋಟೇಶ್ವರ ದಎಸ್.ಕೆವಿ.ಎಮ್.ಎಸ್. ಸರಕಾರಿ ಪ್ರಥಮ ದರ್ಜೆಕಾಲೇಜಿನ ಸಹಾಯಕ ಪ್ರಾಧ್ಯಾಪಕರಾದ ಡಾ.ಸುಬ್ರಮಣ್ಯ.ಎ ಮಾತನಾಡಿ ಬಾರತೀಯ 1974ರ ಸಂದರ್ಭದಲ್ಲಿ ಬಾರತೀಯ ಆರ್ಥಿಕ ಪರಿಸ್ಥಿತಿಯ ಹಿನ್ನೆಲೆ, ಆರ್ಥಿಕ ಪರಿಸ್ಥಿತಿಯ ರೂಪು ರೇಷೆಕುರಿತು ತಿಳಿಸಿದರು.
ಹಾಗೆಯೇ ಸುಸ್ಥಿರ ಅಭಿವೃದ್ಧಿಯನ್ನು ಯೋಜಿತವಾಗಿ ಮಾಡುವ ದಾರಿಯಲ್ಲಿನ ಸವಾಲುಗಳು ಮತ್ತುಆರ್ಥಿಕ ಸುಸ್ಥಿರತೆಯ ಗುರಿ ತಲುಪುವಲ್ಲಿಇರುವಂತಹ ಬಹು ಮುಖ್ಯವಾಗಿ ಹಸಿರು ಕ್ರಾಂತಿ ಮತ್ತು ಪರಿಸರ ಮತ್ತು ಸಮಾಜದೊಂದಿಗೆ ಇವೆಲ್ಲವನ್ನು ಕುರಿತು ಅವರು ಹೇಳಿದರು.
ಕಾಲೇಜಿನ ಪ್ರಾಂಶುಪಾಲರಾದ ಡಾ.ಎನ್.ಪಿ.ನಾರಾಯಣ ಶೆಟ್ಟಿ, ಐಕೂs್ಯಎಸಿಯ ಸಂಯೋಜಕರಾದ ಶಶಿಕಾಂತ್ ಹತ್ವಾರ್, ಕಾಲೇಜಿನ ಐಟಿ ತಂಡದ ಸಂಯೋಜಕರಾದ ಡಾ.ನಟರಾಜ್.ಎಂ.ಬಿ ಉಪಸ್ಥಿತರಿದ್ದರು.
ಅರ್ಥಶಾಸ್ತ್ರ ವಿಭಾಗ ಮುಖ್ಯಸ್ಥರಾದ ಮಂಜುನಾಥ್‍ಸ್ವಾಗತಿಸಿ ಪರಿಚಯಿಸಿದರು. ಉಪನ್ಯಾಸಕ ದುರ್ಗಾಪ್ರಸಾದ್ ಮಯ್ಯ ಕಾರ್ಯಕ್ರಮ ನಿರ್ವಹಿಸಿದರು. ಉಪನ್ಯಾಸಕಿ ಸುರಂಜಿನಿ ವಂದಿಸಿದರು.
ಕಾಲೇಜಿನ ಐಟಿ ತಂಡದ ಅಮರ್ ಸಿಕ್ವೆರಾ, ಗುರುದಾಸ್ ಪ್ರಭು ಶಂಕರನಾರಾಯಣ ಉಪಾಧ್ಯಾಯ, ತಾಂತ್ರಿಕವಾಗಿ ಸಹಕರಿಸಿದರು.

ರಾಷ್ಟ್ರೀಯ ಶಿಕ್ಷಣ ನೀತಿಯಿಂದಾಗಿ ಶೈಕ್ಷಣಿಕ ವ್ಯವಸ್ಥೆಯಲ್ಲಿ ಅಮೂಲಾಗ್ರ ಬದಲಾವಣೆ ಸಾಧ್ಯ-ವೈ.ಎ.ನಾರಾಯಣಸ್ವಾಮಿ

ವರದಿ: ಶಬ್ಬೀರ್ ಅಹಮ್ಮದ್, ಶ್ರೀನಿವಾಸಪುರ

ಕೋಲಾರ:- ರಾಷ್ಟ್ರೀಯ ಶಿಕ್ಷಣ ನೀತಿ ವಿದ್ಯಾರ್ಥಿ ಹಾಗೂ ಶಿಕ್ಷಕ ಪ್ರೇಮಿಯಾಗಿದ್ದು, ಇದರಿಂದ ಮುಂದಿನ ದಿನಗಳಲ್ಲಿ ಶೈಕ್ಷಣಿಕ ವ್ಯವಸ್ಥೆಯಲ್ಲಿ ಅಮೂಲಾಗ್ರ ಬದಲಾವಣೆ ಆಗಲಿದೆ ಎಂದು ವಿಧಾನಪರಿಷತ್ ಸದಸ್ಯ ವೈ.ಎ.ನಾರಾಯಣಸ್ವಾಮಿ ತಿಳಿಸಿದರು.
ನಗರದ ಪ್ರವಾಸಿ ಮಂದಿರದಲ್ಲಿ ಶಿಕ್ಷಕ ಸಂಘಟನೆಗಳು ನೀಡಿದ ಸನ್ಮಾನ ಸ್ವೀಕರಿಸಿ ಮಾತನಾಡಿದ ಅವರು, ನರೇಂದ್ರ ಮೋದಿಯವರ ದೂರದೃಷ್ಟಿಯಿಂದ ಶಿಕ್ಷಣ ನೀತಿ ರಚಿತವಾಗಿದೆ, ಇದರಿಂದ ಶಿಕ್ಷಕರ ಅನೇಕ ಸಮಸ್ಯೆಗಳಿಗೂ ಪರಿಹಾರ ಸಿಗಲಿದೆ ಎಂದರು.
ಶಿಕ್ಷಣದಲ್ಲಿ ಅರಿವಿನ ಜತೆ ಕೌಶಲ್ಯವೂ ಮಕ್ಕಳಿಗೆ ಸಿಗಲಿದೆ, ಕಲಿಕೆ ಜತೆಗೆ ಬದುಕು ರೂಪಿಸಿಕೊಳ್ಳುವ ಶಿಕ್ಷಣ ಮೋದಿಯವರ ಕನಸಾಗಿದೆ, ಆ ಕನಸನ್ನು ನಮ್ಮ ರಾಜ್ಯದಲ್ಲೂ ನನಸು ಮಾಡಲು ಶಿಕ್ಷಕರು ಸಹಕಾರ ನೀಡಬೇಕು ಎಂದರು.
ರಾಜ್ಯದಲ್ಲಿ ನಡೆದ ವಿಧಾನಪರಿಷತ್ ಪದವೀಧರರ ಹಾಗೂ ಶಿಕ್ಷಕರ ಕ್ಷೇತ್ರದ ಎಲ್ಲಾ 4 ಕ್ಷೇತ್ರಗಳಲ್ಲೂ ಬಿಜೆಪಿಗೆ ಗೆಲುವು ಲಭಿಸಿದೆ, ರಾಜ್ಯದ ಶಿಕ್ಷಕರು, ಪದವೀಧರರು, ಸರ್ಕಾರಿ ನೌಕರರು ನಮ್ಮನ್ನು ಬೆಂಬಲಿಸುವ ಮೂಲಕ ಹೆಚ್ಚಿನ ಜವಾಬ್ದಾರಿ ವಹಿಸಿದ್ದೀರಿ, ನಿಮ್ಮ ಸಮಸ್ಯೆಗಳಿಗೆ ಸದಾ ಸ್ಪಂದಿಸುವೆ ಎಂದು ಭರವಸೆ ನೀಡಿದರು.
ಆಗ್ನೇಯ ಪದವೀಧರರ ಕ್ಷೇತ್ರದಲ್ಲಿ ಚಿದಾನಂದಗೌಡರ ಗೆಲುವು ನನ್ನ ಗೆಲುವಾಗಿದೆ, ಶಿಕ್ಷಕ,ಪದವೀಧರ ಮತದಾರರು ನನ್ನ ಮನವಿಗೆ ಓಗೋಟ್ಟು ಅಭೂತಪೂರ್ವ ಬೆಂಬಲ ನೀಡಿದ್ದೀರಿ, ನಿಮಗೆ ನಾನು ಚಿರಋಣಿ ಎಂದರು.
ಮುಖ್ಯಮಂತ್ರಿಗಳಿಗೆ ಈ ಗೆಲುವಿನ ಕುರಿತು ಭರವಸೆ ನೀಡಿದ್ದೆ, ಚಿದಾನಂದಗೌಡರನ್ನು ಗೆಲ್ಲಿಸಿಕೊಂಡು ಬರುವ ಹೊಣೆ ನನ್ನದಾಗಿತ್ತು. ಆದರೆ ಮತದಾರರಾದ ತಾವು ನನಗೆ ನೀಡಿದಷ್ಟೇ ಸಹಕಾರ ನೀಡಿದ್ದೀರಿ ಎಂದರು.
ಈ ಸಂದರ್ಭದಲ್ಲಿ ಜಿಲ್ಲಾ ಸರ್ಕಾರಿ ನೌಕರರ ಸಂಘದ ಪರವಾಗಿ ರಾಜ್ಯ ಕಾರ್ಯದರ್ಶಿ ಜಿ.ಸುರೇಶ್‍ಬಾಬು, ನಿಕಟಪೂರ್ವ ಖಜಾಂಚಿ ಎಸ್.ಚೌಡಪ್ಪ ವೈ.ಎ.ಎನ್‍ರನ್ನು ಸನ್ಮಾನಿಸಿ, ಶಿಕ್ಷಕರು,ಸರ್ಕಾರಿ ನೌಕರರ ಸಮಸ್ಯೆಗಳನ್ನು ಗಮನಕ್ಕೆ ತಂದರು.
ಈ ಸಂದರ್ಭದಲ್ಲಿ ಕೆ.ಜಿಎಫ್ ನೌಕರರ ಸಂಘದ ಅಧ್ಯಕ್ಷ ರವಿರೆಡ್ಡಿ, ವಿವಿಧ ಶಿಕ್ಷಕ ಸಂಘಟನೆಗಳ ಮುಖಂಡರಾದ ಎಂ.ನಾಗರಾಜ್, ಬಿ.ಎ.ಕವಿತಾ, ಲಲಿತಕಲಾ, ಮಂಜುಳಾ, ನಾರಾಯಣರೆಡ್ಡಿ, ಆರ್.ನಾಗರಾಜ್, ಮುಖ್ಯಶಿಕ್ಷಕರ ಸಂಘದ ರುದ್ರಪ್ಪ, ವೇಣುಗೋಪಾಲ್, ರಮೇಶ್‍ರೆಡ್ಡಿ, ಬಂಗಾರಪೇಟೆ ಚಂದ್ರು,ವೆಂಕಟೇಶಗೌಡ, ಶಂಕರಪ್ಪ, ಮುಕುಂದ,ಸೋಮಶೇಖರ್, ಡಾ.ಇಂಚರಾ ನಾರಾಯಣಸ್ವಾಮಿ,ಶರಣಪ್ಪ, ಮೋಹನಾಚಾರಿ ಮತ್ತಿತರಿರಿದ್ದರು.

ಡಿಸೆಂಬರ್ 23ರ ರೈತ ದಿನಾಚರಣೆಯನ್ನು ಸರ್ಕಾರಿ ಕಾರ್ಯಕ್ರಮವನ್ನಾಗಿ ಆಚರಿಸಲು ಘೋಷಣೆ ಮಾಡಿ

ವರದಿ: ಶಬ್ಬೀರ್ ಅಹಮ್ಮದ್, ಶ್ರೀನಿವಾಸಪುರ

ಕೋಲಾರ: ಡಿಸೆಂಬರ್ 23ರ ರೈತ ದಿನಾಚರಣೆಯನ್ನು ಸರ್ಕಾರಿ ಕಾರ್ಯಕ್ರಮವನ್ನಾಗಿ ಆಚರಿಸಲು ಘೋಷಣೆ ಮಾಡಿ, ಕಿಸಾನ್ ಸಮ್ಮಾನ್ ಯೋಜನೆಯನ್ನು ಮುಂದುವರೆಸಬೇಕು ಹಾಗೂ ಜಿಲ್ಲೆಯಲ್ಲಿ ಪ್ರತಿ ಗ್ರಾಪಂಗೆ ಒಂದು ರಾಗಿ ಖರೀದಿ ಕೇಂದ್ರವನ್ನು ಆರಂಭ ಮಾಡಬೇಕೆಂದು ಆಗ್ರಹಿಸಿ ರೈತಸಂಘದಿಂದ ಕೃಷಿ ಸಚಿವರಾದ ಬಿ.ಸಿ.ಪಾಟೀಲ್ ಅವರಿಗೆ ಮನವಿ ಸಲ್ಲಿಸಲಾಯಿತು.
ಮನವಿ ಸಲ್ಲಿಸಿ ಮಾತನಾಡಿದ ರೈತಸಂಘದ ರಾಜ್ಯ ಉಪಾಧ್ಯಕ್ಷ ಕೆ.ನಾರಾಯಣಗೌಡ, ರಾಜ್ಯ, ದೇಶದಲ್ಲಿ ಯಾವುದೇ ಸರ್ಕಾರಗಳು ಅಧಿಕಾರಕ್ಕೆ ಬಂದರೂ ರೈತರ ಹೆಸರಿನಲ್ಲಿ ಪ್ರಮಾಣ ಮಾಡಿ ಬರುವುದು ಸಾಮಾನ್ಯವಾಗಿದೆ. ಎಲ್ಲ ರೈತರು ಒಂದಲ್ಲಾ ಒಂದು ಸಮಸ್ಯೆಗಳನ್ನು ವರ್ಷವಿಡೀ ಅನುಭವಿಸುತ್ತಲೇ ಇದ್ದರೂ ಸಹ ಅವರ ನೆರವಿಗೆ ಸರ್ಕಾರಗಳು ಮುಂದಾಗುತ್ತಿಲ್ಲ ಎಂದು ಅಸಮಧಾನ ವ್ಯಕ್ತಪಡಿಸಿದರು.
ಇನ್ನು ಪ್ರತಿಯೊಂದು ಜಾತಿ ಜನಾಂಗಕ್ಕೂ ಇಂದು ಸರ್ಕಾರವು ಜಯಂತಿಗಳನ್ನು ಕಾರ್ಯರೂಪಕ್ಕೆ ತಂದಿರುವುದು ಸ್ವಾಗತಾರ್ಹದ ಸಂಗತಿಯಾಗಿದೆ. ಆದರೆ, ದೇಶದ ಬೆನ್ನೆಲುಬು ಆಗಿರುವ ರೈತರಿಗೆ ಮಾತ್ರ ದಿನಾಚರಣೆಯನ್ನು ಮಾಡಲು ಯಾವುದೇ ಸರ್ಕಾರಗಳು ಮುಂದಾಗಿಲ್ಲ. ಮುಂಬರುವ ಡಿಸೆಂಬರ್ ತಿಂಗಳ 23ರಂದು ಕಾರ್ಯಕ್ರಮವನ್ನು ಆಚರಿಸಲಾಗುತ್ತಿದ್ದು, ಆ ವೇಳೆಗಾದರೂ ಸರ್ಕಾರಿ ಕಾರ್ಯಕ್ರಮವನ್ನಾಗಿ ಘೋಷಿಸಲು ಮಾನ್ಯ ಸಚಿವರು ಸಂಬಂಧಪಟ್ಟವರ ಗಮನಕ್ಕೆ ತಂದು ಆದೇಶ ಹೊರಡಿಸಬೇಕಾಗಿ ಆಗ್ರಹಿಸಿದರು.
ಮಹಿಳಾ ಘಟಕದ ಜಿಲ್ಲಾಧ್ಯಕ್ಷೆ ಎ.ನಳಿನಿಗೌಡ ಮಾತನಾಡಿ, ರೈತರಿಗೆ ಕಿಸಾನ್ ಸಮ್ಮಾನ್ ಯೋಜನೆಯಡಿ ಸಾಕಷ್ಟು ಅನುಕೂಲತೆಗಳಾಗುತ್ತಿದ್ದು, ಆದಾಯ ತೆರಿಗೆ ಹೆಸರಿನಲ್ಲಿ ಯೋಜನೆಯನ್ನೇ ವಾಪಸ್ಸುಪಡೆದಿರುವುದರಿಂದ ತೊಂದರೆಯಾಗುತ್ತಿದೆ. ಹೀಗಾಗಿ ಅದನ್ನು ಮುಂದುವರೆಸಬೇಕಿದ್ದು, ಇಲ್ಲವಾದಲ್ಲಿ ಉಗ್ರವಾದ ಹೋರಾಟ ನಡೆಸಬೇಕಾಗುತ್ತದೆ ಎಂದು ಎಚ್ಚರಿಕೆ ನೀಡಿ, ಜಿಲ್ಲೆಯ ಪ್ರತಿ ಗ್ರಾಮ ಪಂಚಾಯಿತಿಯಲ್ಲಿಯೂ ರಾಗಿ ಖರೀದಿ ಕೇಂದ್ರಗಳನ್ನು ತೆರೆಯಲು ಕ್ರಮಕೈಗೊಳ್ಳಬೇಕೆಂದು ಆಗ್ರಹಿಸಿ ಮಾಡಿದರು.
ಮನವಿ ಸ್ವೀಕರಿಸಿ ಮಾತನಾಡಿದ ಕೃಷಿ ಸಚಿವರಾದ ಬಿ.ಸಿ.ಪಾಟೀಲ್ ಅವರು, ರೈತ ದಿನಾಚರಣೆ, ರಾಗಿ ಖರೀದಿ ಕೇಂದ್ರ ಆರಂಭ ಸಂಬಂಧ ಮುಖ್ಯಮಂತ್ರಿಗಳೊಂದಿಗೆ ಚರ್ಚಿಸಲಾಗುವುದು. ಕಿಸಾನ್ ಸಮ್ಮಾನ್ ಯೋಜನೆಯ ಬಗ್ಗೆ ಮತ್ತೆ ಪರಿಶೀಲನೆ ನಡೆಸಿ ಕ್ರಮಕೈಗೊಳ್ಳುವ ಭರವಸೆ ನೀಡಿದರು.
ಮನವಿ ನೀಡುವಾಗ ಜಿಲ್ಲಾ ಪ್ರಧಾನ ಕಾರ್ಯದರ್ಶಿ ಐತಾಂಡಹಳ್ಳಿ ಮುನ್ನಾ, ಸ್ವಸ್ತಿಕ್ ಶಿವು, ಕೋಲಾರ ತಾಲೂಕು ಅಧ್ಯಕ್ಷ ಈಕಂಬಳ್ಳಿ ಮಂಜುನಾಥ್, ಬಂಗಾರಪೇಟೆ ತಾಲೂಕು ಅಧ್ಯಕ್ಷ ಐತಾಂಡಹಳ್ಳಿ ಮಂಜುನಾಥ್, ಉಪಾಧ್ಯಕ್ಷ ಜಾವೀದ್, ಮಂಗಸಂದ್ರ ತಿಮ್ಮಣ್ಣ, ವಕ್ಕಲೇರಿ ಹನುಮಯ್ಯ, ವಿ.ನಳಿನಿ, ಸುಪ್ರಿಂ ಚಲ ಮತ್ತಿತರರು ಉಪಸ್ಥಿತರಿದ್ದರು.

ಬೆಳಕಿನ ಹಬ್ಬ ದೀಪಾವಳಿ ಸಂಭ್ರಮ ಕೆಲವೆಡೆ ಕಣ್ಣಿಗೆ ಹಾನಿ ಪಟಾಕಿ ಸಿಡಿಸುವಾಗ 10ಕ್ಕೂ ಹೆಚ್ಚು ಮಂದಿಗೆ ಸಣ್ಣಪುಟ್ಟ ಗಾಯ

ವರದಿ: ಶಬ್ಬೀರ್ ಅಹಮ್ಮದ್, ಶ್ರೀನಿವಾಸಪುರ

ಕೋಲಾರ:- ಬೆಳಕಿನ ಹಬ್ಬವಾದ ದೀಪಾವಳಿಯಂದು ಪಟಾಕಿ ಸಿಡಿಸುವಾಗ ಈ ಬಾರಿ ದೃಷ್ಟಿದೋಷದಂತಹ ಯಾವುದೇ ಗಂಭೀರ ಪ್ರಕರಣಗಳು ವರದಿಯಾಗಿಲ್ಲವಾದರೂ, ತಾಲ್ಲೂಕಿನ ವಿವಿಧೆಡೆ 10ಕ್ಕೂ ಹೆಚ್ಚು ಮಂದಿ ಮಕ್ಕಳು, ಹಿರಿಯರು ಸಣ್ಣಪುಟ್ಟ ಕಣ್ಣಿನ ಸಮಸ್ಯೆಗಳು, ಸುಟ್ಟಗಾಯಗಳಿಂದ ಚಿಕಿತ್ಸೆಗೆ ಆಸ್ಪತ್ರೆಗಳಿಗೆ ಧಾವಿಸಿದ್ದು, ನಗರದ ವಿವೇಕ ನೇತ್ರಾಲಯವೊಂದರಲ್ಲೇ 5 ಮಂದಿ ಕಣ್ಣಿನ ಚಿಕಿತ್ಸೆಗೆ ಒಳಗಾಗಿದ್ದಾರೆ ಎಂದು ನೇತ್ರ ತಜ್ಞ ಡಾ.ಹೆಚ್.ಆರ್.ಮಂಜುನಾಥ್ ತಿಳಿಸಿದರು.
ಈ ಕುರಿತು ಮಾಹಿತಿ ನೀಡಿದ ಅವರು, ಮುನ್ನಚ್ಚರಿಕೆ ದೃಷ್ಟಿಯಿಂದ ದಿನದ 24 ಗಂಟೆಗಳು ತುರ್ತು ಚಿಕಿತ್ಸೆಗೆ ಅವಕಾಶ ಕಲ್ಪಿಸಲಾಗಿದ್ದು, ಸಂಪೂರ್ಣ ದೃಷ್ಟಿಹಾನಿಯಂತಹ ಯಾವುದೇ ಪ್ರಕರಣಗಳು ವರದಿಯಾಗಲ್ಲ ಎಂದು ತಿಳಿಸಿದರು.
ಬೆಳಕಿನ ಹಬ್ಬದಲ್ಲಿ ಮಕ್ಕಳು ಸಂಭ್ರಮದಿಂದ ಪಟಾಕಿ ಸಿಡಿಸುವಾಗ ಚಿಣ್ಣರಿಗೆ ಮಾತ್ರವಲ್ಲದೇ ಪೋಷಕರ ಕಣ್ಣಿಗೂ ಹಾನಿಯಾಗಿದ್ದು, ತಮ್ಮಲ್ಲಿಗೆ ಬಂದ ಐವರಿಗೆ ಸಣ್ಣಪುಟ್ಟ ಪ್ರಮಾಣದಲ್ಲಿ ತೊಂದರೆಯಾಗಿದೆ ಎಂದು ತಿಳಿಸಿದರು.
ಸಾಮಾನ್ಯವಾಗಿ ಪಟಾಕಿ ಸಿಡಿಸುವಾಗ ಪಟಾಕಿಯೊಳಗಿನ ರಾಸಾಯನಿಕದಿಂದ, ಸಿಡಿತದ ವೇಗಕ್ಕೆ ಮಣ್ಣು ಮತ್ತು ಬೆಂಕಿಯಿಂದ ಎರಡೂ ರೀತಿಯ ಸಮಸ್ಯೆ ಎದುರಾಗುತ್ತದೆ ಎಂದು ಅವರು ತಿಳಿಸಿದರು.
ಪಟಾಕಿ ಕಡಿಮೆ
ಹಾನಿಯೂ ಇಲ್ಲ
ನಗರದ ಶಂಕರನೇತ್ರಾಲಯಕ್ಕೆ ಈ ಬಾರಿ ಯಾವುದೇ ಪಟಾಕಿ ಸಿಡಿತದಿಂದ ಕಣ್ಣಿಗೆ ಹಾನಿಯಾದ ಪ್ರಕರಣ ಬಂದಿಲ್ಲ ಎಂದು ನೇತ್ರ ತಜ್ಞ ಡಾ.ಶಂಕರ್ ನಾಯಕ್ ತಿಳಿಸಿದರು.
ಈ ಬಾರಿ ಪಟಾಕಿ ಬಳಕೆ ಪ್ರಮಾಣವೂ ಕಡಿಮೆಯಾಗಿದೆ, ಆದ್ದರಿಂದಾಗಿ ಕಣ್ಣಿಗೆ ಹಾನಿಯೂ ಆಗಿಲ್ಲ ಎಂದ ಅವರು, ಸಾರ್ವಜನಿಕರಲ್ಲಿ ಪಟಾಕಿ ಸಿಡಿಸುವುದರಿಂದಾಗುವ ಸಮಸ್ಯೆಗಳ ಕುರಿತು ಜಾಗೃತಿ ಮೂಡಿಸುವ ಅಗತ್ಯವಿದೆ ಎಂದರು.
ವೈದ್ಯ ಹೆಚ್.ಆರ್.ಮಂಜುನಾಥ್ ಅವರು ಹೇಳುವಂತೆ ಪಟಾಕಿ ಸಿಡಿಸುವುದನ್ನೇ ಬಿಟ್ಟರೆ ಒಳಿತು, ಪರಿಸರ ಮಾತ್ರವಲ್ಲ ಕಣ್ಣಿನ ರಕ್ಷಣೆಗೂ ಸಹಕಾರಿ ಎಂದರು.
ಇಷ್ಟಕ್ಕೂ ಪಟಾಕಿ ಸಿಡಿಸಲೇ ಬೇಕಾದಲ್ಲಿ ಪೋಷಕರು ಎಚ್ಚರಿಕೆಯಿಂದ ಮಕ್ಕಳಿಂದ ಪಟಾಕಿ ಹೊಡೆಸಬೇಕು ಎಂದು ತಿಳಿಸಿದರು.
ಸುಟ್ಟ ಗಾಯಗಳಿಗೆ
ಆಯುರ್ವೇದ ಚಿಕಿತ್ಸೆ
ನಗರದ ಹಳೆ ಮಾಧ್ಯಮಿಕ ಶಾಲೆ ಎದುರಿಗಿರುವ ವೆಂಕಟೇಶಶೆಟ್ಟಿ ಸುಟ್ಟಗಾಯಗಳ ಚಿಕಿತ್ಸಾಲಯಕ್ಕೆ ದೀಪಾವಳಿ ನಂತರದ ಭಾನುವಾರ ಮತ್ತು ಮತ್ತು ಸೋಮವಾರ ಸುಟ್ಟ ಗಾಯಗಳಿಂದ 10ಕ್ಕೂ ಹೆಚ್ಚು ಮಂದಿ ಬಂದಿದ್ದು, ಇದರಲ್ಲಿ ಐವರು ಮಂದಿ ಪಟಾಕಿ ಸಿಡಿತದಿಂದ ಗಾಯಗೊಂಡವರು ಎಂದು ತಿಳಿಸಿದರು.
ಪ್ರತಿವರ್ಷ ಅಡುಗೆ ಎಣ್ಣೆ,ಪಟಾಕಿ ಬೆಂಕಿಯ ಸುಟ್ಟ ಗಾಯಗಳ 25ಕ್ಕೂ ಹೆಚ್ಚು ಪ್ರಕರಣಗಳು ವರದಿಯಾಗುತ್ತಿದ್ದು, ಈ ಬಾರಿ ಕಡಿಮೆಯಾಗಿರುವ ಕುರಿತು ಸಂತಸ ವ್ಯಕ್ತಪಡಿಸಿ,ಜನತೆಯಲ್ಲಿ ಅರಿವು ಮೂಡಿದೆ ಎಂದರು.
ನಗರದ ಎಸ್‍ಎನ್‍ಆರ್ ಆಸ್ಪತ್ರೆ, ಜಾಲಪ್ಪ ಆಸ್ಪತ್ರೆ, ನೇತ್ರದೀಪ ಕಣ್ಣಿನ ಆಸ್ಪತ್ರೆ ಸೇರಿದಂತೆ ವಿವಿಧೆಡೆ ಒಂದೆರಡು ಪ್ರಕರಣಗಳ ವರದಿಯಾಗಿದ್ದು, ಒಟ್ಟಾರೆ ಈ ಬಾರಿ ಪಟಾಕಿಯಿಂದಾದ ಹಾನಿಯ ಪ್ರಮಾಣ ಕಡಿಮೆಯಾಗಿದೆ
.