HOLY ROSARY CHURCH, KUNDAPUR – 450 th JUBILEE SOUVENIR 2021

Ashawadi Prakashan and Uzvaad Fortnightly jointly organise the 3rd webinar; KATHAPATT

JANANUDI.COM NETWORK

Mumbai:focused on ‘Mumbai based Konkani Short Stories in Konkani’ on coming Sunday; the 22nd Nov 2020 at 4:15pm through Google Meet.  The webinar is focused on students and budding writers from Goa, Karnataka, Kerala, and Maharashtra but aspiring researching students, teachers and story lovers are welcome to attend.  Fr.Jason Pinto will deliver his lecture on ‘Mumbai based Konkani Stories Stories’ and Bai Yogita Vernekar will present her analysis on ‘Mumbai based stories’. Dr.Purnananda Chari will moderate the session. https://meet.google.com/hhi-prpp-vdp 

ಕುಂದಾಪುರ; 9,88,500 ಕಳವು ಮಾಡಿದ ಅಪರಾಧಿಗಳು ವಶ, 202 ಗ್ರಾಂ ಚಿನ್ನ, 1 ಕೆಜಿ. 683 ಗ್ರಾಂ ಬೆಳ್ಳಿ, 2 ದ್ವಿಚಕ್ರ ಸ್ವಾಧೀನ

JANANUDI.COM NETWORK

ಕುಂದಾಪುರ,ಅ.15: ದಿನಾಂಕ 06.09.2020 ರ ರಾತ್ರಿ  ಕುಂದಾಪುರ  ತಾಲೂಕು  ಬೀಜಾಡಿ ಗ್ರಾಮದ  ಬೀಪಾನ್‌ಬೆಟ್ಟು  ರಸ್ತೆಯಲ್ಲಿರುವ  ಜಯರಾಜ್‌ ಶೆಟ್ಟಿ ಯವರು  ತನ್ನ     ಹೆಂಡತಿಯ    ತಂದೆಯ   ಅಂತ್ಯ ಸಂಸ್ಕಾರದಲ್ಲಿ  ಪಾಲ್ಗೊಳ್ಳಲು  ಮನೆಗೆ  ಬೀಗ  ಹಾಕಿ  ಹೋಗಿದ್ದ ಸಮಯದಲ್ಲಿ     ದಿನಾಂಕ  6/7.09.2020   ರ  ರಾತ್ರಿ  ಮನೆಯ ಬೀಗ ಮುರಿದು    ಮನೆಯೊಳಗೆ  ಇರಿಸಿದ್ದ  ಸುಮಾರು  ರೂ   9,88,500/-  ಮೌಲ್ಯದ   ಚಿನ್ನ ಹಾಗೂ  ಬೆಳ್ಳಿಯ  ಆಭರಣಗಳು  ಕಳವು  ಆಗಿದ್ದು  ಈ ಬಗ್ಗೆ  ಜಯರಾಜ್‌  ಶೆಟ್ಟಿಯವರು  ನೀಡಿರುವ  ದೂರಿನಂತೆ   ಕುಂದಾಪುರ  ಠಾಣೆಯಲ್ಲಿ  ಅ.ಕ್ರ.  123/2020  ಕಲಂ  454 457 380  ಐಪಿಸಿಯಂತೆ  ಪ್ರಕರಣವು  ದಾಖಲಾಗಿರುತ್ತದೆ.

              ಈ ಪ್ರಕರಣಕ್ಕೆ ಸಂಬಂಧಿಸಿ ದಿನಾಂಕ  12.11.2020   ರಂದು  1. ರಾಜೇಶ ನಾಯ್ಕ @ ರಾಜ @ ರಾಜು ಪಾಮಡಿ ಪ್ರಾಯ 42 ವರ್ಷ ತಂದೆ ದಿವಂಗತ.ವಿಠಲ ನಾಯ್ಕ ವಾಸ:  ಇಂದ್ರಾಳಿ, ದುರ್ಗಾ ನಗರ, ದುರ್ಗಾಪರಮೇಶ್ವರಿ ದೇವಸ್ಥಾನದ  ಹತ್ತಿರ,  ಮಂಚಿ ಪೋಸ್ಟ್, ಉಡುಪಿ ತಾಲೂಕು & ಜಿಲ್ಲೆ  ಹಾಲಿ  ವಾಸ: ಟೋಲ್‌ನಾಕಾ, ಜನತ್ ನಗರ, ಧಾರವಾಡ 2 ನೇ ಅಡ್ಡ ರಸ್ತೆ, ಧಾರವಾಡ    ತಾಲೂಕು  ಮತ್ತು ಜಿಲ್ಲೆ    ಹಾಗೂ   ಆತನ  ಹೆಂಡತಿ   2. ಪದ್ಮ ಪಾಮಡಿ  ಪ್ರಾಯ 37  ವರ್ಷ  ಗಂಡ :- ರಾಜೇಶ ನಾಯ್ಕ @ ರಾಜ @ ರಾಜು ಪಾಮಡಿ ಟೋಲ್‌ನಾಕಾ, ಜನತ್ ನಗರ , ಧಾರವಾಡ 2 ನೇ ಅಡ್ಡ ರಸ್ತೆ, ಹುಬ್ಬಳಿ ಧಾರವಾಡ  ಜಿಲ್ಲೆ   ಎಂಬವರನ್ನು ದಸ್ತಗಿರಿ ಮಾಡಿ   ಅಪಾದಿತರು   ಕುಂದಾಪುರ ,   ಉಡುಪಿ ನಗರ,  ಮಣಿಪಾಲ  ,  ಗಂಗೊಳ್ಳಿ ,  ದಾರಾವಾಢ ನಗರ   ಠಾಣಾ  ಸರಹದ್ದಿನಲ್ಲಿ ಕಳುವು ಮಾಡಿರುವ    ಒಟ್ಟು 202  ಗ್ರಾಂ  ತೂಕದ ಚಿನ್ನ  ಹಾಗೂ  ಒಟ್ಟು 1 ಕೆಜಿ. 683   ಗ್ರಾಂ  ಬೆಳ್ಳಿ,   2  ದ್ವಿಚಕ್ರ ವಾಹನಗಳನ್ನು   ಸ್ವಾಧೀನಪಡಿಸಿಕೊಳ್ಳಲಾಗಿರುತ್ತದೆ.

                   ಅಪಾದಿತ  ರಾಜೇಶ್ @ ರಾಜ  @  ರಾಜು  ಉಡುಪಿ ಇಂದ್ರಾಳಿಯವನಾಗಿದ್ದು  ಈತನ  ಹೆಂಡತಿ  ಧಾರವಾಡದಳಾಗಿರುತ್ತಾಳೆ.  ಈ  ಮೊದಲು   ಕಾಪು   ಮಣಿಪಾಲ ಠಾಣಾ  ವ್ಯಾಪ್ತಿಯಲ್ಲಿ   ಕಳ್ಳತನ  ನಡೆಸಿ  ಜೈಲಿನಲ್ಲಿದ್ದವನು ಕಳೆದ   ಜುಲೈ  2020  ರಲ್ಲಿ  ಜಾಮೀನು   ಮೇಲೆ  ಬಿಡುಗಡೆಗೊಂಡು   ಬಂದ  ಬಳಿಕ   ತನ್ನ  ಹೆಂಡತಿಯೊಂದಿಗೆ  ಸೇರಿಕೊಂಡು    ಕುಂದಾಪುರ  ,  ಸುರತ್ಕಲ್‌ , ಮುಲ್ಕಿ, ಮಣಿಪಾಲ,  ಗಂಗೊಳ್ಳಿ,   ಭಟ್ಕಳ,  ಮುರ್ಡೇಶ್ವರ , ಗೋಕರ್ಣ ,  ಕುಮಟಾ  ,  ಹೊನ್ನಾವರ  ಕಾರಾವಾರ  ದಲ್ಲಿ  ಮನೆ   ಹಾಗೂ  ದೇವಸ್ಥಾನಗಳಲ್ಲಿ   ಮತ್ತು ,ದೈವಸ್ಥಾನದಲ್ಲಿ  ಕಳವು  ಮಾಡಿರುವುದಾಗಿ  ವಿಚಾರಣೆ ವೇಳೆ  ತಿಳಿಸಿರುತ್ತಾನೆ.

            ಮಾನ್ಯ  ಉಡುಪಿ ಜಿಲ್ಲಾ  ಪೊಲೀಸ್  ಅಧೀಕ್ಷಕರಾದ  ಶ್ರೀ ವಿಷ್ಣುವರ್ಧನ್‌ ಐಪಿಎಸ್. ರವರ  ಅದೇಶದಂತೆ    ಹೆಚ್ಚುವರಿ ಪೊಲೀಸ್  ಅಧೀಕ್ಷಕರಾದ ಶ್ರೀ ಕುಮಾರಚಂದ್ರ ಹಾಗೂ  ಮಾನ್ಯ ಸಹಾಯಕ  ಪೊಲೀಸ್  ಅಧೀಕ್ಷಕರಾದ ಶ್ರೀ  ಹರಿರಾಂ  ಶಂಕರ್‌  ಐಪಿಎಸ್  ರವರ  ಮಾರ್ಗದರ್ಶನದಲ್ಲಿ    ಕುಂದಾಫುರ  ವೃತ್ತ ನಿರೀಕ್ಷಕರಾದ  ಶ್ರೀ  ಗೋಪಿಕೃಷ್ಣ  ಕೆ.ಆರ್‌  ರವರು  ಈ  ಪ್ರಕರಣದಲ್ಲಿ   ಆರೋಪಿಯನ್ನು ದಸ್ತಗಿರಿ ಮಾಡಿ   ಆರೋಪಿ   ವಶದಲ್ಲಿದ್ದ  ಹಾಗೂ   ಧಾರಾವಾಡ  ಜುವೆಲ್ಲರಿ  ಅಂಗಡಿಗಳಲ್ಲಿ ಮಾರಾಟ  ಮಾಡಿದ್ದ   ಚಿನ್ನ ಮತ್ತು ಬೆಳ್ಳಿಯ ಆಭರಣಗಳನ್ನು  ಸ್ವಾಧೀನಪಡಿಸಿಕೊಂಡಿದ್ದು    ಅಪಾದಿತರನ್ನು  ಮಾನ್ಯ ನ್ಯಾಯಾಲಯಕ್ಕೆ ಹಾಜರುಪಡಿಸಿರುತ್ತಾರೆ. 

          ಈ ಕಾರ್ಯಚರಣೆಯಲ್ಲಿ  ಕುಂದಾಪುರ  ಠಾಣಾ  ಪಿ.ಎಸ್‌.ಐ.  ಸದಾಶಿವ  ಗವರೋಜಿ.  ಕುಂದಾಪುರ  ಸಂಚಾರ  ಠಾಣಾ  ಪಿ.ಎಸ್.ಐ. ಸುದರ್ಶನ್‌ , ಶಂಕರನಾರಾಯಣ  ಪಿ.ಎಸ್.ಐ. ಶ್ರೀಧರ  ನಾಯ್ಕ  ಹಾಗೂ ಸಿಬ್ಬಂದಿಯವರಾದ   ಮಂಜುನಾಥ,  ಸಂತೋಷ,   ರಾಘವೇಂದ್ರ ,ಸಿದ್ದಪ್ಪ   ವೃತ್ತ ಕಚೇರಿಯ  ಸಿಬ್ಬಂದಿಯವರಾದ   ಸೀತಾರಾಮ,  ವಿಕ್ಟರ್‌ ,  ಗುರುರಾಜ್‌  ,  ಉದಯ    ಮಹಿಳಾ  ಸಿಬ್ಬಂದಿಯವರಾದ    ಬೇಬಿ,   ಚಂದ್ರಾವತಿ ,  ಅಶ್ರೀತಾ  ಮತ್ತು   ಚಾಲಕರಾದ   ಸಂತೋಷ ಪಾಲ್ಗೊಂಡಿರುತ್ತಾರೆ.  

ಕುಂದಾಪುರದ ಆರ್. ಎನ್. ಶೆಟ್ಟಿ ಪದವಿ ಪೂರ್ವ ಕಾಲೇಜಿನಲ್ಲಿ ಮಕ್ಕಳ ದಿನಾಚರಣೆಯ ಪ್ರಯುಕ್ತ ನಡೆಸಲಾದ ಪ್ರಬಂಧ ಸ್ಪರ್ಧೆಗಳಲ್ಲಿ ವಿಜೇತರಾದವರಿಗೆ ಬಹುಮಾನ ವಿತರಣಾ ಕಾರ್ಯಕ್ರಮ.

JANANUDI.COM NETWORK

ಮಕ್ಕಳ ದಿನಾಚರಣೆ ಪ್ರಯುಕ್ತ ಲಯನ್ಸ್ ಕ್ಲಬ್ ಮತ್ತು ಆರ್. ಎನ್. ಶೆಟ್ಟಿ ಪದವಿ ಪೂರ್ವ ಕಾಲೇಜ್ ಕುಂದಾಪುರ ಇವರ ಸಂಯುಕ್ತ ಆಶ್ರಯದಲ್ಲಿ ನಡೆಸಲಾದ ಕನ್ನಡ ಮತ್ತು ಇಂಗ್ಲಿಷ್ ಪ್ರಬಂಧ ಸ್ಪರ್ಧೆಗಳಲ್ಲಿ ವಿಜೇತರಾದ‌‌ ವಿದ್ಯಾರ್ಥಿಗಳಿಗೆ ಬಹುಮಾನ ವಿತರಣಾ ಕಾರ್ಯಕ್ರಮವನ್ನು ಆಯೋಜಿಸಲಾಯಿತು. ಲಯನ್ಸ್ ಕ್ಲಬ್ ಕುಂದಾಪುರ, ಇದರ ಕಾರ್ಯದರ್ಶಿಯವರಾದ ಪ್ರೊ. ರಾಜೇಂದ್ರ ಇವರು ವಿಜೇತ ವಿದ್ಯಾರ್ಥಿಗಳಿಗೆ ಶುಭ ಹಾರೈಸಿದರು. ಸಮಾರಂಭದ ಅಧ್ಯಕ್ಷತೆ ವಹಿಸಿದ ಕಾಲೇಜಿನ ಪ್ರಾಂಶುಪಾಲರಾದ ಶ್ರೀ ನವೀನ ಕುಮಾರ ಶೆಟ್ಟಿಯವರು  ಮಕ್ಕಳ ದಿನಾಚರಣೆಯ ಪ್ರಸ್ತುತತೆಯ ಬಗ್ಗೆ ತಿಳಿಸಿದರು.  ಲಯನ್ಸ್ ಕ್ಲಬ್, ಕುಂದಾಪುರ ಇದರ ಅಧ್ಯಕ್ಷರಾದ ಲಯನ್ ಚಂದ್ರಶೇಖರ ಕಲ್ಪತರು ಇವರು ವಿಜೇತ ವಿದ್ಯಾರ್ಥಿಗಳಿಗೆ ಬಹುಮಾನ ವಿತರಣೆ ಮಾಡಿದರು. ಲಯನ್ಸ್ ಕ್ಲಬ್, ಕುಂದಾಪುರ ಇದರ ಡಿಸ್ಟ್ರಿಕ್ಟ್ ಕ್ಯಾಬಿನೆಟ್ ಮೆಂಬರ್ ಶ್ರೀ ರಾಜೀವ್ ಕೋಟ್ಯಾನ್ ರವರು ಕಾರ್ಯಕ್ರಮದಲ್ಲಿ ಉಪಸ್ಥಿತರಿದ್ದರು. ಕನ್ನಡ ವಿಭಾಗದ ಮುಖ್ಯಸ್ಥರಾದ ಶ್ರೀ ಡಿ
ಬಿ. ಕೃಷ್ಣಮೂರ್ತಿ ಯವರು ಕಾರ್ಯಕ್ರಮ ನಿರ್ವಹಿಸಿ ಧನ್ಯವಾದ ಸಲ್ಲಿಸಿದರು.

450 ವರ್ಷಗಳ ಸಂಭ್ರದಲ್ಲಿರುವ ಕುಂದಾಪುರ ರೋಜರಿ ಮಾತಾ ಇಗರ್ಜಿ ಎದುರಿನಲ್ಲಿ 2 ಪ್ರತಿಮೆಗಳ ಪ್ರತಿಷ್ಟಾಪನೆ

JANANUDI.COM NETWORK


ಕುಂದಾಪುರ,ನ.15: ಉಡುಪಿ ಧರ್ಮಪ್ರಾಂತ್ಯದ ಅತ್ಯಂತ ಹಿರಿಯದಾಗಿ ಇತಿಹಾಸ ಪ್ರಸಿದ್ದ ಕುಂದಾಪುರ ರೋಜರಿ ಮಾತ ಇಗರ್ಜಿಯ 450 ವರ್ಷಗಳ ಆಚರಣೆಯ ಸಂಭ್ರಮದಲ್ಲಿದ್ದು 451 ನೇ ವರ್ಷಕ್ಕೆ ಕಾಲಿಟ್ಟು ಸಮಾಪನ ಕಾರ್ಯಕ್ರಮ ಕೊವೀಡ್ 19 ಸಮಸ್ಯೆಯಿಂದಾಗಿ ವಿಳಂಬಗೊಂಡಿದೆ.
ಈ ನಡುವೆ ಸಂಭ್ರಮಾಚರಣೆ ಪ್ರಯುಕ್ತ ಇಗರ್ಜಿಯಲ್ಲಿ ಹಲವು ಯೋಜನೆಗಳು ಅವಿಷ್ಕಾರ ಗೊಂಡು, ಇಗರ್ಜಿಯ ಒಳ ಭಾಗ ಹಲವಾರು ರೀತಿಯಲ್ಲಿ ನವೀಕ್ರತಗೊಂಡು ನೂತನ ಚರ್ಚಿನ ಹಾಗೇ ಮೆರುಗನ್ನು ಪಡೆದಿದೆ. ಇದರ ಭಾಗವಾಗಿ ಭಾನುವಾರ 15 ರಂದು ಇಗರ್ಜಿಯ ಮುಂಭಾಗದ ಬಲ ಬದಿಯಲ್ಲಿ ಚರ್ಚಿನ ಪಾಲಕಿ ರೋಜರಿ ಮಾತೆಯ ಪ್ರತಿಮೆ (ಯೇಸುವಿನ ತಾಯಿ) ಮತ್ತು ಎಡ ಬದಿಯಲ್ಲಿ ಸಂತ ಜೋಸೆಫ್ ವಾಜ್ ರವರ ಪ್ರತಿಮೆ ಪ್ರತಿಷ್ಟಾಪಿಸಲಾಯಿತು. ಸಂತ ಜೋಸೆಫ್ ವಾಜ್ ಈ ಚರ್ಚಿನಲ್ಲಿ ಸುಮಾರು 300 ವರ್ಷಗಳ ಹಿಂದೆ (ಅಂದು ಕುಂದಾಪುರ ಚರ್ಚಿನ ವ್ಯಾಪ್ತಿ ತುಂಬಾ ವಿಸ್ತೀಣದಾಗಿತ್ತು) ಪ್ರಪ್ರಥಮ ಭಾರತೀಯ ಪ್ರಧಾನ (ಮುಖ್ಯಸ್ಥರಾಗಿ) ಧರ್ಮಗುರುಗಳಾಗಿ ಸೇವೆ ಸಲ್ಲಿಸಲು ಆಯ್ಕೆಯಾದರು. ಅವರು ಅಂದಿನ ಕುಂದಾಪುರ ಚರ್ಚಿನ ಅವರ ಕೋಣೆಯಲ್ಲಿ ಧ್ಯಾನಸಕ್ತರಾದಗ ದೇವರು ಅವರನ್ನು ನೆಲದಿಂದ ಹಲವಾರು ಅಡಿಗಳಸ್ಟು ಮೇಲೆತ್ತಿ (ಗಾಳಿಯಲ್ಲಿ ತೇಲುತ್ತಾ) ಅವರೊಡನೆ ಸಂಭಾಷಿತಿರುವ ಮಾಹನ್ ಘಟನೆ ನಡೆಯಿತು. ಇದನ್ನು ಕಣ್ಣಾರೆ ಕಂಡ ಒಬ್ಬ ಅತಿಥಿ ಧರ್ಮಗುರುಗಳೊಬ್ಬರು ಗೋವಾ ಧರ್ಮಗುರುಗಳ ಮುಖ್ಯಸ್ಥರಿಗೆ ತಿಳಿಸಿದ್ದ ದಾಖಲೆಯಿದೆ. ನಂತರ ಸಂತ ಜೋಸೆಫರು ಶ್ರೀಲಂಕಾಗೆ ತೆರಳಿ ಅಲ್ಲಿ ಹಲವಾರು ಪವಾಡಗಳನ್ನು ನಡೆಸಿ ಸಂತ ಪದವಿಯನ್ನು ಪಡೆದುಕೊಂಡರು.
ಈ ಪ್ರತಿಮೆಗಳನ್ನು ಚರ್ಚಿನ ಪ್ರಧಾನ ಧರ್ಮಗುರು ಅ|ವಂ|ಸ್ಟ್ಯಾನಿ ತಾವ್ರೊ ಆಶೀರ್ವದಿಸಿ ಪ್ರತಿಷ್ಠಾಪನೆ ಮಾಡಿದರು. ಈ ಸಂದರ್ಭದಲ್ಲಿ ಸಹಾಯಕ ಧರ್ಮಗುರು ವಂ| ವಿಜಯ್ ಜೋಯ್ಸನ್ ಡಿಸೋಜಾ, ಪ್ರತಿಮೆಗಳ ಅನಾವರಣದ ಪೋಷಕರಾದ ಬರ್ನಾಡ್ ಡಿಕೋಸ್ತಾ ಮತ್ತು ಕುಟುಂಬ, ಜೋನ್ಸನ್ ಡಿಆಲ್ಮೇಡಾ ಮತ್ತು ಕುಟುಂಬ, ಚರ್ಚ್ ಉಪಾಧ್ಯಕ್ಷರು, ಕಾರ್ಯದರ್ಶಿ ಧರ್ಮಭಗಿನಿಯರು, ಪಾಲನ ಮಂಡಳಿ ಸದಸ್ಯರು ಮತ್ತು ಇನ್ನಿತರು ಹಾಜರಿದ್ದರು
.

ಗೌನಿಪಲ್ಲಿ ಗ್ರಾಮದ ದೊಡ್ಡಪ್ರಮಾಣದ ಪತ್ತಿನ ಸೇವಾ ಸಹಕಾರ ಸಂಘದ ಆಡಳಿತ ಮಂಡಳಿ ನಿರ್ದೇಶಕರ ಚುನಾವಣೆಯಲ್ಲಿ ಕಾಂಗ್ರೆಸ್‌ ಜಯಭೇರಿ

ವರದಿ: ಶಬ್ಬೀರ್ ಅಹಮ್ಮದ್, ಶ್ರೀನಿವಾಸಪುರ

ಶ್ರೀನಿವಾಸಪುರ: ತಾಲ್ಲೂಕಿನ ಗೌನಿಪಲ್ಲಿ ಗ್ರಾಮದ ದೊಡ್ಡಪ್ರಮಾಣದ ಪತ್ತಿನ ಸೇವಾ ಸಹಕಾರ ಸಂಘದ ಆಡಳಿತ ಮಂಡಳಿ ನಿರ್ದೇಶಕರ ಆಯ್ಕೆಗೆ ಗುರುವಾರ ನಡೆದ ಚುನಾವಣೆಯಲ್ಲಿ ಕಾಂಗ್ರೆಸ್‌ ಜಯಭೇರಿ ಬಾರಿಸಿದೆ.
  ಸಹಕಾರ ಸಂಘದ 12 ನಿರ್ದೇಶಕರ ಸ್ಥಾನಗಳಿಗೆ ನಡೆದ ಚುನಾವಣೆಯಲ್ಲಿ ಕಾಂಗ್ರೆಸ್‌ ಹಾಗೂ ಜೆಡಿಎಸ್‌ ಬೆಂಬಲಿತ 26 ಅಭ್ಯರ್ಥಿಗಳು ನಾಮಪತ್ರ ಸಲ್ಲಿಸಿದ್ದರು. ಚುನಾವಣೆಯಲ್ಲಿ ಎಲ್ಲಾ 12 ಸ್ಥಾನಗಳನ್ನು ಕಾಂಗ್ರೆಸ್‌ ಬೆಂಬಳಿತ ಅಭ್ಯರ್ಥಿಗಳು ಗೆದ್ದುಕೊಂಡಿದ್ದಾರೆ.  ಸಾಲಗಾರರ ಸಾಮಾನ್ಯ ಕ್ಷೇತ್ರದಿಂದ ಅಮೀರ್‌ ಜಾನ್‌, ಕೊಂಡಾಮರಿ ಕೆ.ಆರ್‌.ಮೋಹನ್‌ ಕುಮಾರ್‌, ರತ್ನಪ್ಪ, ರಹಮತ್‌ ಉಲ್ಲಾ, ಕೋಡಿಪಲ್ಲಿ ಕೆ.ಬಿ.ಸುಬ್ಬಾರೆಡ್ಡಿ, ಸಾಲಗಾರರ ಮೀಸಲು ಕ್ಷೇತ್ರದಿಂದ ನಾಸೀರಾ, ಎಂ.ಸಿ.ನೀರಜಾ, ಸಾಲಗಾರರಲ್ಲದ ಕ್ಷೇತ್ರದಿಂದ ಪಿ.ವಿ.ಭಾಸ್ಕರರೆಡ್ಡಿ, ಸಾಲಗಾರರ ಪರಿಶಿಷ್ಟ ಮೀಸಲು ಕ್ಷೇತ್ರದಿಂದ ಪೂಜಾರಿ ನಾರಾಯಣಸ್ವಾಮಿ, ಸಾಲಗಾರರ ಪರಿಶಿಷ್ಟ ಮೀಸಲು ಕ್ಷೇತ್ರದಿಂದ ವೆಂಕಟರವಣ, ಸಾಲಗಾರರ ಹಿಂದುಳಿದ ಎ ವರ್ಗದ ವತಿಯಿಂದ ಜಿ.ಆರ್‌..ಸತ್ಯನಾರಾಯಣ, ಸಾಲಗಾರರ ಹಿಂದುಳಿದ ಬಿ ಮೀಸಲು ಕ್ಷೇತ್ರದಿಂದ ಶಂಕರ ಪ್ರಸಾದ್ ಚುನಾಯಿತರಾಗಿದ್ದಾರೆ.  ಚುನಾವಣಾಧಿಕಾರಿಯಾಗಿ ಬಿ.ವಿ.ಶಿವಶಂಕರ್‌ ಕಾರ್ಯನಿರ್ವಹಿಸಿದರು.  ಚುನಾವಣೆ ನಂತರ ನಡೆದ ವಿಜಯೋತ್ಸವದಲ್ಲಿ ರಾಯಲ್ಪಾಡ್‌ ಬ್ಲಾಕ್‌ ಕಾಂಗ್ರೆಸ್‌ ಆಧ್ಯಕ್ಷ ಸಂಜಯ್‌ ರೆಡ್ಡಿ, ಡಿಸಿಸಿ ಬ್ಯಾಂಕ್ ನಿರ್ದೇಶಕ ವೆಂಕಟರೆಡ್ಡಿ, ಪಿಎಲ್‌ಡಿ ಬ್ಯಾಂಕ್‌ ಅಧ್ಯಕ್ಷ ದಿಂಬಾಲ ಅಶೋಕ್‌, ತಾಲ್ಲೂಕು ಯುವ ಕಾಂಗ್ರೆಸ್‌ ಅಧ್ಯಕ್ಷ ಮಧು, ಮುಖಂಡರಾದ ವಿಶ್ವನಾಥ್‌, ಪಿ.ವಿ.ಶ್ರೀನಿವಾಸ್‌, ಜಿ.ಎ.ಬಾಬಾಜಾನ್‌, ಪೈರೋಜ್‌, ಕೆ.ಎಚ್‌.ರವಿ, ಸೋಮಶೇಖರ್‌, ಶಬ್ಬೀರ್‌ ಖಾನ್‌, ರಾಜಶೇಖರ, ಪಿ.ಟಿ.ಶಂಕರ್‌, ಸೋಮಶೇಖರ್‌, ರಾಜಶೇಖರ್‌, ಚಂದ್ರಯ್ಯಶೆಟ್ಟಿ, ಗಿರಿ, ಕೆ.ಎನ್.ಜಗನ್ನಾಥ್‌, ಎನ್‌.ಕೆ.ಹರೀಶ್‌, ಆಜಾಮ್‌, ಮುನಿರಾಜು, ನಾರಾಯಣಸ್ವಾಮಿ ಭಾಗವಹಿಸಿದ್ದರು. 

ಶ್ರೀನಿವಾಸಪುರ – ಕಾಂಗ್ರೆಸ್‌ ಪಕ್ಷದ ಸಿದ್ಧಾಂತದಲ್ಲಿ ನಂಬಿಕೆ ಇಟ್ಟು ಪಕ್ಷಕ್ಕೆ ಬರುವವರನ್ನುಸ್ವಾಗತಿಸಲಾಗುವುದು : ಶಾಸಕ ಕೆ.ಆರ್‌.ರಮೇಶ್‌ ಕುಮಾರ್‌

ವರದಿ: ಶಬ್ಬೀರ್ ಅಹಮ್ಮದ್, ಶ್ರೀನಿವಾಸಪುರ

ಶ್ರೀನಿವಾಸಪುರ : ಕಾಂಗ್ರೆಸ್‌ ಪಕ್ಷದ ಸಿದ್ಧಾಂತದಲ್ಲಿ ನಂಬಿಕೆ ಇಟ್ಟು ಪಕ್ಷಕ್ಕೆ ಬರುವವರನ್ನುಸ್ವಾಗತಿಸಲಾಗುವುದು  ಎಂದು ಶಾಸಕ ಕೆ.ಆರ್‌.ರಮೇಶ್‌ ಕುಮಾರ್‌ ಹೇಳಿದರು.

  ತಾಲ್ಲೂಕಿನ ಹೊಗಳಗೆರೆ ಗ್ರಾಮದಲ್ಲಿ ಶುಕ್ರವಾರ ಏರ್ಪಡಿಸಿದ್ದ ಕಾಂಗ್ರೆಸ್‌ ಸೇರ್ಪಡೆ ಸಮಾರಂಭದಲ್ಲಿ ಮಾತನಾಡಿ, ಈ ಹಿಂದೆ ಕಾರಣಾಂತದಿಂದ ಪಕ್ಷದಿಂದ ದೂರವಾಗಿದ್ದ ಕುಟುಂಬಗಳು ಮತ್ತೆ ಹಿಂದಿರುಗಿವೆ. ಅವರನ್ನು ಅತ್ಯಂತ ಪ್ರೀತಿಯಿಂದ ಬರಮಾಡಿಕೊಳ್ಳಲಾಗಿದೆ ಎಂದು ಹೇಳಿದರು.  ಇನ್ನು ಕೆಲವೇ ತಿಂಗಳುಗಳಲ್ಲಿ ತಾಲ್ಲೂಕಿನ ಎಲ್ಲ ಕೆರೆಗಳಿಗೆ ಕೆಸಿ ವ್ಯಾಲಿ ನೀರು ಹರಿಸಲಾಗುವುದು. ಅದರಿಂದ ರೈತರ ಬದುಕು ಹಸನಾಗುತ್ತದೆ. ಅವರ ಆರ್ಥಿಕ ಪರಿಸ್ಥಿತಿ ಉತ್ತಮಗೊಳ್ಳುತ್ತದೆ. ಎಸ್ಸಿ, ಎಸ್‌ಟಿ ಫಲಾನುಭವಿಗಳಿಗೆ ಗಂಗಾ ಕಲ್ಯಾಣ ಯೋಜನೆಯಡಿ ಪಕ್ಷಾತೀತವಾಗಿ ಕೃಷಿ ಕೊಳವೆ ಬಾವಿಗಳನ್ನು ನಿರ್ಮಿಸಿಕೊಡಲಾಗುವುದು. ಹಾಗೆಯೇ ಬಡವರಿಗೆ ಮನೆಗಳನ್ನು ನಿರ್ಮಿಸಿಕೊಡಲಾಗುವುದು ಎಂದು ಹೇಳಿದರು.  ತಾಲ್ಲೂಕಿನಲ್ಲಿ ಇನ್ನೂ 10 ವಸತಿ ಶಾಲೆಗಳನ್ನು ತೆರೆಯುವ ಉದ್ದೇಶ ಇದ್ದಿತು. ಅಷ್ಟರಲ್ಲಿ ಸರ್ಕಾರ ಬದಲಾಯಿತು. ಆ ಶಾಲೆಗಳನ್ನು ತೆರೆದಿದ್ದರೆ ಖಾಸಗಿ ಶಾಲೆಗಳ ಪಾರಮ್ಯ ಕುಸಿಯುತ್ತಿತ್ತು ಎಂದು ಹೇಳಿದರು.  ‘ನಾನು ಸ್ವಾಭಿಮಾನ ಹಾಗೂ ಮಾನವತ್ವದ ನೆಲೆಯಲ್ಲಿ ರಾಜಕೀಯ ಮಾಡುತ್ತೇನೆ. ಸಮಾಜದ ಕಟ್ಟ ಕಡೆಯ ವ್ಯಕ್ತಿಗೂ ಸರ್ಕಾರದ ಸೌಲಭ್ಯ ಸಿಗಬೇಕು. ಪ್ರತಿಯೊಬ್ಬರೂ ಶೈಕ್ಷಣಿಕವಾಗಿ ಹಾಗೂ ಆರ್ಥಿಕವಾಗಿ ಮುಂದೆ ಬರಬೇಕು. ಗ್ರಾಮೀಣ ಪ್ರದೇಶದಲ್ಲಿ ಮೂಲ ಸೌಕರ್ಯ ಕಲ್ಪಿಸಲು ಮೊದಲ ಆದ್ಯತೆ ನೀಡಲಾಗಿದೆ. ಕ್ಷೇತ್ರದ ಯಾರೊಬ್ಬರಿಗೆ ಕಷ್ಟ ಎದುರಾದರೂ ಮನಸ್ಸು ಮಿಡಿಯುತ್ತದೆ‘ ಎಂದು ಹೇಳಿದರು.  ಡಿ.ಕೆ.ರವಿ ಅವರ ಪತ್ನಿ ಕುಸುಮ ಅವರು ಆರ್‌ಆರ್‌ ನಗರ ಕ್ಷೇತ್ರದಿಂದ ನಡೆದ ಮರು ಚುನಾವಣೆಯಲ್ಲಿ ಸೋತಿದ್ದು ದುರದೃಷ್ಟಕರ. ಕಾರಣಾಂತರದಿಂದ ಚಿಕ್ಕ ವಯಸ್ಸಿನಲ್ಲಿಯೇ ನೋವುಂಡ ಕುಸುಮ ಅವರ ಅಭ್ಯುದಯಕ್ಕಾಗಿ ಸಾಧ್ಯವಾದುದೆಲ್ಲವನ್ನೂ ಮಾಡಲಾಗುವುದು ಎಂದು ಹೇಳಿದರು.  ಈ ಸಂದರ್ಭದಲ್ಲಿ ಹೊಗಳಗೆರೆ ಹಾಗೂ ಗಾಂಧಿ ನಗರ ಗ್ರಾಮಗಳಿಗೆ ಸೇರಿದ 20 ಕುಟುಂಬಗಳು ಜೆಡಿಎಸ್‌ ತೊರೆದು ಕಾಂಗ್ರೆಸ್‌ ಸೇರಿದರು.  ರಾಯಲ್ಪಾಡ್‌ ಬ್ಲಾಕ್‌ ಕಾಂಗ್ರೆಸ್‌ ಅಧ್ಯಕ್ಷ ಸಂಜಯ್‌ ರೆಡ್ಡಿ, ಪಿಎಲ್‌ಡಿ ಬ್ಯಾಂಕ್‌ ಅಧ್ಯಕ್ಷ ದಿಂಬಾಲ ಅಶೋಕ್‌, ತಾಲ್ಲೂಕು ಪಂಚಾಯಿತಿ ಮಾಜಿ ಸದಸ್ಯ ಕೆ.ಕೆ.ಮಂಜುನಾಥರೆಡ್ಡಿ, ಮುಖಂಡರಾದ ಎಂ.ಎಸ್‌.ಮುನಿರಾಜು, ಹೊಗಳಗೆರೆ ಆಂಜಿ, ವೆಂಕಟರವಣ, ಯಮನೂರು ನಾಗರಾಜ್‌, ಷರೀಫ್,ಮಾಂಜಮ್ಮ ಕೊಂಡಾಮರಿ ಕೆ.ಆರ್‌.ರಾಮಮೋಹನ್‌ ಇದ್ದರು.

ಕುಂದಾಪುರದ ಆರ್.‌ ಎನ್. ಶೆಟ್ಟಿ ಪದವಿ‌ ಪೂರ್ವ ಕಾಲೇಜಿನಲ್ಲಿ ಉಚಿತ ಮಧುಮೇಹ ಪರೀಕ್ಷಾ ಶಿಬಿರ

JANANUDI.COM NETWORK

ಲಯನ್ಸ್ ಕ್ಲಬ್, ಕುಂದಾಪುರ, ಆರ್. ಎನ್. ಶೆಟ್ಟಿ ಪದವಿ ಪೂರ್ವ ಕಾಲೇಜು ಹಾಗೂ ಶ್ರೀ ವಿನಾಯಕ ಕ್ಲಿನಿಕ್, ಕುಂದಾಪುರ ಇವರ ಸಹಯೋಗದಲ್ಲಿ ಉಚಿತ ಮಧುಮೇಹ ಪರೀಕ್ಷಾ ಶಿಬಿರವನ್ನು ಹಮ್ಮಿಕೊಳ್ಳಲಾಯಿತು. ಲಯನ್ಸ್ ಕ್ಲಬ್, ಕುಂದಾಪುರ ಇದರ ಅಧ್ಯಕ್ಷರಾದ ಲಯನ್  ಶ್ರೀ ಚಂದ್ರಶೇಖರ ಕಲ್ಪತರು, ಘಟಕದ ಕಾರ್ಯದರ್ಶಿಯವರಾದ ಪ್ರೊ. ರಾಜೇಂದ್ರ, ಲಯನ್ಸ್ ಕ್ಲಬ್ ನ ಡಿಸ್ಟ್ರಿಕ್ಟ್ ಕ್ಯಾಬಿನೇಟ್ ಮೆಂಬರ್ ಲಯನ್ ರಾಜೀವ ಕೋಟ್ಯಾನ್,  ರೀಜನಲ್ ಸೆಕ್ರೆಟರಿ ಲಯನ್  ಶ್ರೀ ವೇಣುಗೋಪಾಲ್ ಶೆಟ್ಟಿ, ಉದ್ಯಮಿ ಶ್ರೀ ರಾಧಾಕೃಷ್ಣ ಹಾಗೂ ಕಾಲೇಜಿನ ಪ್ರಾಂಶುಪಾಲರಾದ ಶ್ರೀ ನವೀನ ಕುಮಾರ್ ಶೆಟ್ಟಿ ಮತ್ತು ಇವರು ಕಾರ್ಯಕ್ರಮದಲ್ಲಿ ಉಪಸ್ಥಿತರಿದ್ದರು. ಶ್ರೀ ವಿನಾಯಕ ಕ್ಲಿನಿಕಲ್ ಲ್ಯಾಬ್ ನ ಸಿಬ್ಬಂದಿ ಶ್ರೀಮತಿ ಬೇಬಿ ಮಧುಮೇಹ  ಪರೀಕ್ಷೆಯನ್ನು ನಡೆಸಿದರು.    

ಬ್ಯುಟಿಷಿಯನ್ ಮಹಿಳೆಯರಿಗೆ ಮೌಲ್ಯ ವರ್ಧಿತ ಕಾರ್ಯಕ್ರಮ ಉದ್ಯಮಶೀಲತಾ ಅಭಿವೃದ್ಧಿಗೆ ಮೌಲ್ಯವರ್ಧಿತ ತರಬೇತಿ ಅಗತ್ಯ-ಪಾಲಿ

ವರದಿ: ಶಬ್ಬೀರ್ ಅಹಮ್ಮದ್, ಶ್ರೀನಿವಾಸಪುರ

ಕೋಲಾರ:- ಮೌಲ್ಯವರ್ಧಿತ ತರಬೇತಿಗಳ ಮೂಲಕ ಆತ್ಮವಿಶ್ವಾಸ ವೃದ್ಧಿಸಿಕೊಂಡು ಮಹಿಳೆಯರು ಉದ್ಯಮಶೀಲರಾಗಿ ಅಭಿವೃದ್ಧಿ ಹೊಂದಬೇಕೆಂದು ಮಹಿಳಾ ಮತ್ತು ಮಕ್ಕಳ ಕಲ್ಯಾಣ ಇಲಾಖೆಯ ಉಪ ನಿರ್ದೇಶಕಿ ಪಾಲಿ ಹೇಳಿದರು.
ನಗರದ ಗಲ್‍ಪೇಟೆಯಲ್ಲಿ ಗುರುವಾರ ಗೋದ್ರೇಜ್ ವೃತ್ತಿ ಸಂಸ್ಥೆ ಹಾಗೂ ಕೌಶಲ್ಯ ದರ್ಪಣ ಸಂಸ್ಥೆಯ ಆಶ್ರಯದಲ್ಲಿ ಹಮ್ಮಿಕೊಂಡಿದ್ದ ಬ್ಯುಟಿಷಿಯನ್ ಮಹಿಳೆಯರಿಗೆ ಮೌಲ್ಯ ವರ್ಧಿತ ಕಾರ್ಯಕ್ರಮದಲ್ಲಿ ಮೊದಲ ಹಂತ ಪೂರ್ಣಗೊಳಿಸಿದವರಿಗೆ ಪ್ರಮಾಣ ಪತ್ರ ಮತ್ತು ಸ್ವಚ್ಛತಾ ಕಿಟ್‍ಗಳನ್ನು ಹಾಗೂ ಕೊರೊನಾ ಕವಚ ವಿಮಾ ಪತ್ರಗಳನ್ನು ವಿತರಿಸುವ ಕಾರ್ಯಕ್ರಮ ಉದ್ಘಾಟಿಸಿ ಅವರು ಮಾತನಾಡುತ್ತಿದ್ದರು.
ಈಗಾಗಲೇ ಉದ್ಯಮ ಶೀಲರಾಗಿರುವವರು ಕಾಲಕ್ಕೆ ತಕ್ಕಂತೆ ಮೌಲ್ಯವರ್ಧಿತ ತರಬೇತಿಗಳನ್ನು ಪಡೆದುಕೊಳ್ಳುವುದು ಅತ್ಯಗತ್ಯ, ಇಂತ ಕಾರ್ಯಕ್ರಮ ರೂಪಿಸಿರುವ ಗೋದ್ರೇಜ್ ಹಾಗೂ ದರ್ಪಣ ಕೌಶಲ್ಯ ತರಬೇತಿ ಸಂಸ್ಥೆಗಲ ಕಾರ್ಯವನ್ನು ಶ್ಲಾಸಿದರು.
ಮಹಿಳಾ ಅಭಿವೃದ್ಧಿ ನಿಗಮದ ಅಭಿವೃದ್ಧಿ ನಿರೀಕ್ಷಕಿ ಶೀಲಾ ಮಾತನಾಡಿ, ಉದ್ಯೋಗಿನಿ ಹಾಗೂ ಇನ್ನಿತರ ಸರಕಾರಿ ಯೋಜನೆಗಳನ್ನು ಮಹಿಳೆಯರು ಸದ್ಬಳಕೆ ಮಾಡಿಕೊಳ್ಳಬೇಕೆಂದರು.
ಪರಿಸರವಾದಿ ಕೆ.ಎನ್.ತ್ಯಾಗರಾಜು ಮಾತನಾಡಿ, ನಿತ್ಯಬಳಕೆ ವಸ್ತುಗಳ ಮೂಲಕ ಪಾಸ್ಟಿಕ್ ತ್ಯಾಜ್ಯ ಸೃಷ್ಟಿಸುವುದನ್ನು ತಡೆಗಟ್ಟಲು ಗೃಹಬಳಕೆ ವಸ್ತುಗಳನ್ನು ಹೇಗೆ ಮನೆಯಲ್ಲಿಯೇ ತಯಾರಿಸಿಕೊಂಡು ಬಳಸಬಹುದು ಎಂಬುದರ ಬಗ್ಗೆ ಮಾಹಿತಿ ನೀಡಿದರು.

ಕೌಶಲ್ಯ ದರ್ಪಣಸಂಸ್ಥೆಯ ಅಧ್ಯಕ್ಷ ಗೋಪಿನಾಥ್ ಮಾತನಾಡಿ, ಹಾಲಿ ಉದ್ಯಮದಲ್ಲಿ ಮೌಲ್ಯವರ್„ತ ಸೇವೆಗಳನ್ನು ಹೇಗೆಲ್ಲಾ ರೂಢಿಸಿಕೊಳ್ಳಬಹುದು ಎಂದು ವಿವರಿಸಿ, ತಮ್ಮ ಸಂಸ್ಥೆಯು ನಡೆಸುತ್ತಿರುವ ಕೌಶಲ್ಯಾಭಿವೃದ್ಧಿ ತರಬೇತಿಯನ್ನು ಸದುಪಯೋಗಿಸಿಕೊಳ್ಳಬೇಕೆಂದರು.
ಗೋದ್ರೇಜ್ ವೃತ್ತಿ ಸಂಸ್ಥೆಯ ತಾಸೀನಾ ಮಾತನಾಡಿ, ತಮ್ಮ ಸಂಸ್ಥೆಯು ಬ್ಯುಟಿಷಿಯನ್ ಮೌಲ್ಯವರ್„ತ ತರಬೇತಿ ನೀಡುವ ಕಾರ್ಯಕ್ರಮವನ್ನು ಕೋಲಾರ ಸೇರಿದಂತೆ ರಾಜ್ಯದ ಎಂಟು ಜಿಲ್ಲೆಗಳಲ್ಲಿ ಆರಂಭಿಸಿತು. ರಾಜ್ಯದ -Éಬ್ರವರಿಯಲ್ಲಿಯೇ ಆರಂಭಿಸಿತ್ತು. ಕೋಲಾರ ಸುತ್ತಮುತ್ತಲ ಗ್ರಾಮಾಂತರ ಪ್ರದೇಶದ ಸುಮಾರು 50 ಮಂದಿಯನ್ನು ಆಯ್ಕೆ ಮಾಡಿಕೊಳ್ಳಲಾಗಿತ್ತು. ಆದರೆ, ಕೊರೊನಾ ಎದುರಾಗಿದ್ದರಿಂದ ತರಬೇತಿ ತಡವಾಯಿತಾದರೂ, ಕೊರೊನಾ ಮಾರ್ಗಸೂಚಿ ಪ್ರಕಾರ ಬ್ಯುಟಿಷಿಯನ್ ವೃತ್ತಿಯನ್ನು ಹೇಗೆ ಮುಂದುವರೆಸಬಹುದು, ಸ್ವಚ್ಛತೆ ಹೇಗೆ ಕಾಪಾಡಿಕೊಳ್ಳಬೇಕು ಇತ್ಯಾದಿ ತರಬೇತಿಯನ್ನು ಜೋಡಿಸಿಕೊಳ್ಳಲಾಯಿತು ಎಂದು ತಿಳಿಸಿದರು. ಈಗ ಮೊದಲ ಹಂತದ ತರಬೇತಿ ಮುಕ್ತಾಯವಾಗಿದ್ದು, ಇನ್ನು ಮೂರು ಹಂತಗಳ ತರಬೇತಿ ನೀಡಲಾಗುವುದು ಎಂದರು.
ಕಾರ್ಯಕ್ರಮದಲ್ಲಿ ದರ್ಪಣ ಸಂಸ್ಥೆಯ ಖಜಾಂಚಿ ಗೀತಾಪ್ರಕಾಶ್, ಸಿಡಾಕ್ ಸಂಸ್ಥೆಯ ಅಜಿತ್, ಜಿಪಂನ ಸುಂದರೇಶ್, ಮಹಿಳಾ ಶಕ್ತಿಯ ಲೇಖಾ ಇತರರು ಭಾಗವಹಿಸಿದ್ದರು.
ಇದೇ ಸಂದರ್ಭದಲ್ಲಿ ಶಿಬಿರಾರ್ಥಿಗಳಿಗೆ ಪ್ರಮಾಣ ಪತ್ರ, ಸ್ವಚ್ಛತಾ ಕಿಟ್ ಹಾಗೂ ವಿಮಾ ಬಾಂಡ್‍ಗಳನ್ನು ವಿತರಿಸಲಾಯಿತು.
ಕಾಂತಾದೇವಿ ಪ್ರಾರ್ಥಿಸಿ, ರುಕ್ಸಾನಾ ಸ್ವಾಗತಿಸಿ, ಶಿಬಿರದ ಯೋಜನಾ ವ್ಯವಸ್ಥಾಪಕಿ ನಾಗಮಣಿ ನಿರೂಪಿಸಿ, ಪದ್ಮ ವಂದಿಸಿದರು.

ಚಿತ್ರಶೀರ್ಷಿಕೆ:(ಫೋಟೊ-13ಕೋಲಾರ3):ಕೋಲಾರ ನಗರದ ಗಲ್‍ಪೇಟೆಯ ದರ್ಪಣ ಕೌಶಲ್ಯ ತರಬೇತಿ ಸಂಸ್ಥೆಯಲ್ಲಿ ಗುರುವಾರ ಬ್ಯುಟಿಷಿಯನ್ ಮೌಲ್ಯವರ್ಧಿತ ತರಬೇತಿ ಸಮಾರೋಪ ಸಮಾರಂಭವನ್ನು ಮಹಿಳಾ ಮತ್ತು ಮಕ್ಕಳ ಕಲ್ಯಾಣ ಇಲಾಖೆಯ ಉಪನಿರ್ದೇಶಕಿ ಪಾಲಿ ಇತರರು ಉದ್ಘಾಟಿಸಿದರು.

ಕರ್ನಾಟಕ ಅಲ್ಪಸಂಖ್ಯಾತರ ಅಭಿವೃದ್ಧಿ ನಿಗಮದಿಂದ 2020-21 ನೇ ಸಾಲಿನಲ್ಲಿ ಹಲವು ರೀತಿಯ ಸಾಲದ ಯೋಜನೆಗಳು

ವರದಿ: ಶಬ್ಬೀರ್ ಅಹಮ್ಮದ್, ಶ್ರೀನಿವಾಸಪುರ

ಕೋಲಾರ : ಕರ್ನಾಟಕ ಅಲ್ಪಸಂಖ್ಯಾತರ ಅಭಿವೃದ್ಧಿ ನಿಗಮದಿಂದ 2020-21 ನೇ ಸಾಲಿನಲ್ಲಿ ಅನುಷ್ಠಾನಗೊಳಿಸುತ್ತಿರುವ ಶ್ರಮಶಕ್ತಿ ಸಾಲದ ಯೋಜನೆ , ಕಿರು ( ಮೈಕ್ರೋ ) ಸಾಲ ಸಹಾಯಧನ ಯೋಜನೆ, ಗಂಗಾ ಕಲ್ಯಾಣ ಯೋಜನೆ , ವೃತ್ತಿ ಪ್ರೋತ್ಸಾಹ ಯೋಜನೆ , ಟ್ಯಾಕ್ಸಿ ಅಥವಾ ಗೂಡ್ಸ್ ಖರೀದಿ ಯೋಜನೆ , ಪಶುಸಂಗೋಪನೆ ಯೋಜನೆ , ಕೃಷಿಯಂತ್ರ ಖರೀದಿ ಯೋಜನೆ , ಅಟೋ ಸರ್ವಿಸ್ ಯೋಜನೆ , ಗೃಹ ನಿರ್ಮಾಣ ಮಾರ್ಜಿನ್ ಹಣ ಸಾಲ ಯೋಜನೆ , ರೇಷ್ಮೆ ಚಟುವಟಿಕೆಗಳಿಗೆ ತರಬೇತಿ ಹಾಗೂ ಸಾಲ ಯೋಜನೆಗಳಿಗೆ ಮತೀಯ ಅಲ್ಪಸಂಖ್ಯಾತರಿಂದ ( ಮುಸ್ಲಿಂ , ಕ್ರಿಶ್ಚಿಯನ್ , ಜೈನರು , ಬೌದ್ಧರು , ಸಿಬ್ಬರು , ಪಾರ್ಸಿಗಳು ) ಅನ್‌ಲೈನ್ ಮೂಲಕ ಅರ್ಜಿಗಳನ್ನು ಆಹ್ವಾನಿಸಲಾಗಿದೆ . ಕೋವಿಡ್ -19 ವಿಶೇಷ ಯೋಜನೆಯಡಿ ಮಹಿಳೆಯರಿಗೆ ಮಾತ್ರ ಮೈಕ್ರೋ ಸಾಲ ವೈಯಕ್ತಿಕ ಯೋಜನೆಯನ್ನು ನೀಡಲಾಗುವುದು . ಅರ್ಜಿದಾರರು ವಯಸ್ಸು ಕನಿಷ್ಠ 25 ವರ್ಷ ಗರಿಷ್ಠ 50 ವರ್ಷದೊಳಗಾಗಿರಬೇಕು . ಅರ್ಜಿಗಳನ್ನು ವೆಬ್ಸೈಟ್ ವಿಳಾಸ kmdcmicro.karnataka.gov.in ಆನ್‌ಲೈನ್‌ನಲ್ಲಿ ಡಿಸೆಂಬರ್ 10 ರೊಳಗಾಗಿ ಸಲ್ಲಿಸಬೇಕು ಹಾಗೂ ಅರ್ಜಿಯ ಪ್ರತಿ ಹಾಗೂ ಅಗತ್ಯ ದಾಖಲಾತಿಗಳೊಂದಿಗೆ ನಿಗಮದ ಕಛೇರಿಗೆ ಡಿಸೆಂಬರ್ 21 ರೊಳಗಾಗಿ ಸಲ್ಲಿಸಬಹುದಾಗಿದೆ ಎಂದು ಜಿಲ್ಲಾ ಕರ್ನಾಟಕ ಅಲ್ಪಸಂಖ್ಯಾತರ ಅಭಿವೃದ್ಧಿ ನಿಗಮ ( ನಿ ) ಜಿಲ್ಲಾ ವ್ಯವಸ್ಥಾಪಕರಾದ ಇಬ್ರಾಹಿಂ ಎಂ ಮುಲ್ಲಾ ಅವರು ತಿಳಿಸಿದ್ದಾರೆ.