HOLY ROSARY CHURCH, KUNDAPUR – 450 th JUBILEE SOUVENIR 2021

ಭಕ್ತಿ ಪೂರ್ವಕವಾಗಿ ಸದಾ ನೆನಪಲ್ಲಿಟ್ಟು ಕೊಳ್ಳುವಂತಹ ಸಾಮಪನಗೊಂಡ ಕುಂದಾಪುರ ರೋಜರಿ ಮಾತಾ ಚರ್ಚಿನ 450ನೇ ವರ್ಷಾಚರಣೆ ಸಂಭ್ರಮ

JANANUDI.COM NETWORK

ಭಕ್ತಿ ಪೂರ್ವಕವಾಗಿ ಸದಾ ನೆನಪಲ್ಲಿಟ್ಟುಕೊಳ್ಳುವಂತಹ ಸಾಮಪನಗೊಂಡ ಕುಂದಾಪುರ ರೋಜರಿ ಮಾತಾ ಚರ್ಚಿನ 450ನೇ ವರ್ಷಾಚರಣೆ ಸಂಭ್ರಮ
ಸಭಾ ಕಾರ್ಯಕ್ರಮಕ್ಕೆ ಮುನ್ನ ಕ್ರತ್ನಜತೆಯ ಭಕ್ತಿ ಪೂರ್ವಕ ಅದ್ದೂರಿ ಬಲಿದಾದನದ ಉಡುಪಿ ಧರ್ಮ ಪ್ರಾಂತ್ಯದ ಧರ್ಮಾಧ್ಯಕ್ಷ ಅತಿ ವಂದನಿಯ ಡಾ.ಜೆರಾಲ್ಡ್ ಐಸಾಕ್ ಲೋಬೊ, ಶಿವಮೊಗ್ಗ ಧರ್ಮಪ್ರಾಂತ್ಯದ ಧರ್ಮಾಧ್ಯಕ್ಷರಾದ ವಂ. ಡಾ|ಫ್ರಾನ್ಸಿಸ್ ಸೆರಾವೊ ಇವರುಗಳ ನೇತೃತ್ವದಲ್ಲಿ ಹಲವಾರು ಧರ್ಮಗುರುಗಳ ಉಪಸ್ಥಿತಿಯಲ್ಲಿ ಜರಗಿದ್ದು, ನಿನ್ನೆನೆ ಈ ಸುದ್ದಿ ಜಾಲಾ ಪ್ರಕಟಿಸಿದ್ದು ಈ ವರದಿ ಎರಡನೇ ಹಂತದ ಸಭಾ ಕಾರ್ಯಕ್ರಮದ ಭಾಗವಾಗಿದೆ – ಸಂಪಾದಕ ಬರ್ನಾಡ್ ಡಿಕೋಸ್ತಾ

ಕುಂದಾಪುರ, ಆ.8: “ಕರ್ನಾಟಕ ಕರಾವಳಿಯ ಉಡುಪಿ ಧರ್ಮಪ್ರಾಂತ್ಯದಲ್ಲಿರುವ ಅತಿ ಪುರಾತನ ಚರ್ಚು ಎಂಬ ಹೆಗ್ಗಳಿಕೆಗೆ ಕುಂದಾಪುರ ರೋಜರಿ ಮಾತೆ ಇಗರ್ಜಿ ಪಾತ್ರವಾಗಿದ್ದು 450 ವರ್ಷಗಳ ಹಿಂದೆ ಹಾಕಿದ ಕ್ರೀಸ್ತರ ವಿಶ್ವಾಸದ ಬುನಾದಿ ಇದಾಗಿದೆ. ಅಂದು ಹಾಕಿದ ಚಿಕ್ಕ ಬೀಜ ಇಂದು ಹೆಮ್ಮರವಾಗಿ ಬೆಳೆದು ಅದಕ್ಕೆ ಗೆಲ್ಲುಗಳು ರೆಂಬೆಗಳಾಗಿ ಬೆಳೆದು ಅವುಗಳಲ್ಲಿ ನಾವು ಜೀವಿಸುತ್ತಿದ್ದೆವೆ. ಕ್ರೈಸ್ತ ಸಭೆಯ ಬೆಳಕನ್ನು ಮುಂದಿನ ಜನಾಂಗಕ್ಕೆ ನೀಡುವ ಕೆಲಸ ಇಲ್ಲಿ ನಡೆದಿರುವುದು ಶ್ಲಾಘನೀಯವಾಗಿದೆ” ಎಂದು ಉಡುಪಿ ಧರ್ಮ ಪ್ರಾಂತ್ಯದ ಧರ್ಮಾಧ್ಯಕ್ಷ ಅತಿ ವಂದನಿಯ ಡಾ.ಜೆರಾಲ್ಡ್ ಐಸಾಕ್ ಲೋಬೊ ಹೇಳಿದರು. ಅವರು ಗುರುವಾರ ಕುಂದಾಪುರ ಹೋಲಿ ರೋಸರಿ ಚರ್ಚಿನ 450ನೆ ಭಕ್ತಿ ಪೂರ್ವಕವಾಗಿ ಸದಾ ನೆನಪಲ್ಲಿಟ್ಟುಕೊಳ್ಳುವಂತಹ 7-10-2021 ರಂದು ಸಾಮಪನಗೊಂಡ ಕುಂದಾಪುರ ರೋಜರಿ ಮಾತಾ ಚರ್ಚಿನ 450ನೇ ವರ್ಷಾಚರಣೆ ಸಂಭ್ರಮ ಸಮಾರೋಪ ಸಮಾರಂಭದ ಅಧ್ಯಕ್ಷತೆಯನ್ನು ವಹಿಸಿ ಮಾತನಾಡಿದರು.


“450 ವರ್ಷಗಳಿಂದ ಧರ್ಮಸಭೆಯಲ್ಲಿ ಇಟ್ಟ ನಂಬಿಕೆ ವಿಶ್ವಾಸ ಗಟ್ಟಿಗೊಳಿಸುವುದರ ಜೊತೆಗೆ ನಮ್ಮ ಪೂರ್ವಜರಂತೆ ನಾವೆಲ್ಲರೂ ಒಂದೇ ಮನಸ್ಸು ಮತ್ತು ಹೃದಯವುಳ್ಳರಾಗಿ ಪರರ ನೋವಿಗೆ ಸ್ಪಂದಿಸುವಂತವರಾಗಬೇಕು, ಈ ಪಯಣ ಇಲ್ಲಿಗೆ ನಿಲ್ಲುವುದಿಲ್ಲ. ನಾವು ಒಂದು ಕುಟುಂಬದಂತೆ, ಒಂದು ಹ್ರದಯ ಒಂದೇ ಮನಸಿನಿಂದ ಒಟ್ಟಾಗಿ ಒಂದು ಸಮುದಾಯ ಕಟ್ಟಬೇಕು, ಒಂದೇ ಹ್ರದಯ ಒಂದೇ ಮನಸಿನಿಂದ ನಾವು ಜೀವಿಸುವ ಅಗತ್ಯವಿದೆ.ನಮ್ಮ ಪೂರ್ವಜರ ವಿಶ್ವಾಸವನ್ನು ಮುಂದುವರೆಸುವ ಜವಾಬ್ದಾರಿ ನಮಗಿದೆ. ಈ ಚರ್ಚ್ ಬೆಳವಣಿಗೆಯಲ್ಲಿ ನಮ್ಮ ಪೂರ್ವಜರ ಬೆವರು ಅದು ರಕ್ತದ ಬೆವರಡಗಿದೆ, ಹಾಗಾಗಿ ಇಂದು ಅವರನ್ನು ನಾನು ನೆನೆಯುತ್ತೇನೆ, ಮೇರಿ ಮಾತೆ ದೇವರಲಿ ಅಪಾರ ನಿಷ್ಠೆಯನ್ನು ತೋರಿಸಿದರು. ಅವಳು ತನ್ನ ತನ್ನ ಜೀವನದಲ್ಲಿ ಪ್ರಮಾಣಿಕತೆ, ಸರಳತೆ ಸತ್ಯದ ಮೂಲಕ ಇನ್ನೊಬ್ಬರಿಗೆ ಆದರ್ಶೆಯಾಗಿದ್ದು ಅವರು ತೋರಿಸಿದ ಆದರ್ಶದಂತೆ ಮುನ್ನಡೆಯೋಣ” ಎಂದರು.


ಕಾರ್ಯಕ್ರಮ್ರದಲ್ಲಿ ಉಪಸ್ಥಿತರಿದ್ದ ಶಿವಮೊಗ್ಗ ಧರ್ಮಪ್ರಾಂತ್ಯದ ಧರ್ಮಾಧ್ಯಕ್ಷರಾದ ವಂ. ಡಾ|ಫ್ರಾನ್ಸಿಸ್ ಸೆರಾವೊ ಮಾತನಾಡಿ 450 ವರ್ಷಗಳಿಂದ ಈ ಭಾಗದಲ್ಲಿ ಕ್ರಿಸ್ತರ ಮೇಲಿನ ವಿಶ್ವಾಸ ಗಟ್ಟಿಯಾಗಿ ನಿಂತಿದ್ದು ಈ ಶ್ರಮ ಪೂರ್ವಜದಾಗಿದೆ, ಸಂಭ್ರಮ ಸಂಭ್ರಮಿಸುವುದು ಮುಖ್ಯವಲ್ಲ.ನಮ್ಮ ಜೀವನದಲ್ಲಿ ಆಚರಣೆಗೆ ಆಸ್ಪದ ಕೊಡಬೇಕು, ಕವಿಗಳು ಹೇಳಿದಂತೆ ಗಾಂಧಿಜಿಯ ಚಿತ್ರ ಬಿಡಿಸಬೇಡ, ಅವರ ಮೂರ್ತಿ ಮಣ್ಣಲ್ಲಿ ಮಾಡಬೇಡ ಮಳೆ ನೀರಲ್ಲಿ ಕೊಚ್ಚಿ ಹೋಗಬಹುದು, ಕಲ್ಲಲ್ಲಿ ಕೆತ್ತ ಬೇಡ, ಕಾಗೆ ಪಕ್ಷಿಗಳು ಹೊಲಸು ಮಾಡಿಯಾವು, ನಿನ್ನ ಜೀವನದಲ್ಲಿ ಅವರ ತತ್ವವನ್ನು ಅಳವಡಿಸಿ ನಡೆ, ಹಾಗೆಯೇ ನಾವು ಮೇರಿ ಮಾತೆಯ ಆದರ್ಶಗುಣಗಳನ್ನು ಅಲವಡಿಸಿಕೊಂಡು ನಡೆದು, ಈ ಸಂಭ್ರಮಕ್ಕೆ ನೀಜ ಅರ್ಥ ನೀಡೊಣ’ ಎಂದು ಸಂದೇಶ ನೀಡಿದರು.


ಕಾರ್ಯಕ್ರಮದಲ್ಲಿ ಕಳೆದ 450 ವರ್ಷಗಳಲಿ ಈ ಚರ್ಚಿನಲ್ಲಿ ಸೇವೆ ಸಲ್ಲಿಸಿದ ಧರ್ಮಗುರುಗಳು, ಸಹಾಯಕ ಧರ್ಮಗುರುಗಳು, ಕಾಲೇಜಿನ ಪ್ರಾಂಶುಪಾಲರು, ಚರ್ಚಿನಲ್ಲಿ ಹುಟ್ಟಿಬೆಳೆದು ಧರ್ಮಗುರುಗಳಾದವರಿಗೆ ಹಾಗೇಧರ್ಮಭಗಿನಿಯರಿಗೆ, ಚರ್ಚಿನ ಪಾಲನಾ ಮಂಡಳಿಯ ಪ್ರಸ್ತೂತ ಸೇವೆ ನೀಡುತ್ತಿರುವ ಉಪಾಧ್ಯಕ್ಷ, ಕಾರ್ಯದರ್ಶಿ, ಈ ಹಿಂದೆ ಸೇವೆ ನೀಡಿದ ಉಪಾಧ್ಯಕ್ಷ, ಕಾರ್ಯದರ್ಶಿಗಳಿಗೆ 20 ಆಯೋಗಗಳ ಸಂಚಾಲಕರಿಗೆ, ಇಂದು ಮತ್ತು ಈ ಹಿಂದೆ ಸೆವ್ ನೀಡಿದ ವಾಳೆಯ ಗುರಿಕಾರರಿಗೆ ಹಾಗೂ ಪ್ರತಿಯೊಬ್ಬ ದಾನಿಗಳಿಗೆ ರೊಜರಿ ಮಾತಾ ಮೂರ್ತಿ ಮತ್ತು ಶಾಲುಗಳನ್ನು ನೀಡಿ ಗೌರವಿಸಲಾಯಿತು.
ಸಾಹಿತಿ ಬರ್ನಾಡ್ ಡಿಕೋಸ್ತಾರ ನೇತ್ರದ್ವದಲ್ಲಿ ರಚನೆಯಾದ 450ನೇ ವμರ್Áಚರಣೆ ಸವಿನೆನಪಿಗಾಗಿ ರಚನೆಯಾದ ಸ್ಮರಣ ಸಂಚಿಕೆಯನ್ನು ಕರ್ನಾಟಕ ಪ್ರಾಂತ್ಯದ ಪೆÇ್ರವಿನ್ಸಿಯಲ್ ಸುಪಿರೀಯರ್ ಸಿಸ್ಟರ್ ಮರಿಯಾ ಶಮಿತಾ ಬಿಡುಗಡೆಗೊಳಿಸಿದರು. ಚರ್ಚಿನ ಸಂಗೀತ ನಿರ್ದೇಶಕ ದಿವಂಗತ ಪಾಸ್ಕಲ್ ಡಿಸೋಜಾರ ನೆನಪಲ್ಲಿ ರಚನೆಯಾದ, ಫಾ|ಆಲ್ವಿನ್ ಸೀಕ್ವೆರಾ ಇವರ ಭಕ್ತಿಗೀತೆಗಳ ಧ್ವನಿ ಸುರುಳಿಯನ್ನು ಕುಂದಾಪುರ ಪುರಸಭೆಯ ಅಧ್ಯಕ್ಷರಾದ ವೀಣಾ ಭಾಸ್ಕರ್ ಮೆಂಡನ್ ಬಿಡುಗಡೆ ಮಾಡಿದರು.450ನೇ ವರ್ಷಾಚರಣೆ ಸವಿನೆನಪಿಗಾಗಿ ವೈದ್ಯಕೀಯ ನಿಧಿಯ ಚಾಲನೆಯನ್ನು ಧರ್ಮಾಧ್ಯಕ್ಷ ಅತಿ ವಂದನಿಯ ಡಾ.ಜೆರಾಲ್ಡ್ ಐಸಾಕ್ ಲೋಬೊ ಅವರಿಗೆ ಚೆಕ್ ಹಸ್ತಾಂತರಿಸುವ ಮೂಲಕ ನೀಡಲಾಯಿತು.
450 ವರ್ಷಗಳ ಇತಿಹಾಸದ ಜಳಕನ್ನು ಚರ್ಚ್ ಪಾಲನಾ ಸಮಿತಿಯ ಉಪಾಧ್ಯಕ್ಷರಾದ ಎಲ್ ಜೆ ಫೆನಾರ್ಂಡಿಸ್ ಮುಂದಿಟ್ಟರು. ಕಾರ್ಯಕ್ರಮದಲ್ಲಿ ಉಡುಪಿ ಧರ್ಮಪ್ರಾಂತ್ಯದ ಕುಲಪತಿ ವಂ|ಸ್ಟ್ಯಾನಿ ಬಿ ಲೋಬೊ, ಸ್ಥಳೀಯ ಸಂತ ಜೋಸೇಪ್ ಕಾನ್ವೆಂಟ್ ಮುಖ್ಯಸ್ಥರಾದ ಸಿಸ್ಟರ್ ಸಂಗೀತಾ, ಚರ್ಚಿನ ಸಹಾಯ ಧರ್ಮಗುರು ವಂ|ವಿಜಯ್ ಡಿಸೋಜಾ, ಚರ್ಚ್ ಪಾಲನಾ ಸಮಿತಿಯ ಕಾರ್ಯದರ್ಶಿ ಆಶಾ ಕರ್ವಾಲ್ಲೊ, 20 ಆಯೋಗಗಳ ಸಂಚಾಲಕರಾದ ಪ್ರೇಮಾ ಡಿಕುನ್ಹಾ ಉಪಸ್ಥಿತರಿದ್ದರು


ಚರ್ಚಿನ ಪ್ರಧಾನ ಧರ್ಮಗುರು ವಂ|ಸ್ಟ್ಯಾನಿ ತಾವ್ರೊ ಸ್ವಾಗತಿಸಿ, ಆಚರಣಾ ಸಮಿತಿಯ ಕಾರ್ಯದರ್ಶಿ ಫೆಲ್ಸಿಯಾನ್ ಡಿಸೋಜಾ ವಂದಿಸಿದರು. ವಿಲ್ಸನ್ ಒಲಿವೇರಾ ಮತ್ತು ರೇಶ್ಮಾ ಫೆನಾರ್ಂಡಿಸ್ ಕಾರ್ಯಕ್ರಮ ನಿರೂಪಿಸಿದರು.ಕಾರ್ಯಕ್ರಮ ಮುಗಿದ ನಂತರ ಎಲ್ಲರಿಗೂ ಊಟದ ಏರ್ಪಾಡನ್ನು ಏರ್ಪಡಿಸಿದ್ದರು. ಏಣಸಿÂದಕ್ಕಿಂತ ಭಕ್ತಾದಿಗಳು ಹೆಚ್ಚು ಸೇರಿದ್ದು ರೋಜರಿ ಮಾತೆಯ ಮೇಲಿದ್ದ ಭಕ್ತಿ ಗೌರವ ಅಭಿಮಾನ ಎದ್ದು ತೋರುವಂತಾಯ್ತು.

ರೋಜರಿ ಮಾತ ಕುಂದಾಪುರ ಚಾರಿತ್ರಿಕ 450 ವರ್ಷದ ಸಂಭ್ರಾಮಚರಣೆ – ಭಕ್ತಿ ಸಂಭ್ರಮದ ಬಲಿದಾನದ ಮೂಲಕ ಮಾತೆಗೆ ಗೌರವದ ಸಮಾರೋಪ

JANANUDI.COM NETWOWORK


ಕುಂದಾಪುರ, ಆ.7: ಕೆನರಾ ಜಿಲ್ಲೆಗಳ ಅತ್ಯಂತ ಪ್ರಾಚೀನ ಇಗರ್ಜಿಗಳಲ್ಲಿ ಎರಡನೇಯದು, ಉಡುಪಿ, ಕಾರವಾರ ಜಿಲ್ಲೆಗಳಲ್ಲೆ ಅತ್ಯಂತ ಪ್ರಾಚೀನ, ಹಿರಿಯದುರೋಜರಿ ಮಾತೆಗೆ ಸಮರ್ಪಿಸಲ್ಪಟ್ಟಕುಂದಾಪುರದಇಗರ್ಜಿಗೆ 450 ತುಂಬಿ, 451 ಮೆಟ್ಟಲಿಟ್ಟಿದೆ, 2019 ಆಕ್ಟೋಬರ್ 7ಅರಂದು ಇದೇ ದಿನ ಆರಂಭಗೊಂಡ 450 ವರ್ಷಗಳ ಆಚರಣೊತ್ಸೋವಇಂದು ಸಮಾಪನ ಗೊಳ್ಳುವಾಗ ಮಾತೆಗೌರವ ನೀಡಲು ಹರಸಲುಇಬ್ಬರು ಬಿಶಪ್ ಸ್ವಾಮಿಗಳು ಮತ್ತು ಸುಮಾರು 40 ಜನ ಧರ್ಮಗುರುಗಳು, ಹಲವಾರುಧರ್ಮಭಗಿನಿಯರು, ಹಲಾವಾರು ಭಕ್ತಾದಿಗಳು ಒಟ್ಟಿಗೆ ಸೇರಿ ಪವಿತ್ರ ಬಲಿದಾನದವನ್ನುಅರ್ಪಿಸಲಾಯಿತು
ಪ್ರಧಾನ ಯಾಜಕರಾದ ಅ|ವಂ|ಡಾ|ಜೆರಾಲ್ಡ್‍ ಐಸಾಕ್ ಲೋಬೊ ಬಲಿದಾನವನ್ನು ಅರ್ಪಿಸಿದರು. ಶಿವಮೊಗ್ಗ ಧರ್ಮಪ್ರಾಂತ್ಯದ ಬಿಷಪ್ ಫ್ರಾನ್ಸಿ ಸೆರಾವೊ ಬಲಿದಾನದಲ್ಲಿ ಭಾಗಿಯಾಗಿ ‘ಒಂದು ಇಗರ್ಜಿ 450 ವರ್ಷಗಳ ಆಚರಣೆ ಮಾಡುವುದು ಒಂದು ಅಪರೂಪದಘಟನೆ, ಮಾತೆ ಧರ್ಮಸಭೆಯ ಶಕ್ತಿ, ಯೇಸು ಕ್ರಿಸ್ತನು ತನ್ನ ಶಿಸ್ಯನಿಗೆ ಇನ್ನು ಮುಂದೆ ಮೇರಿ ಮಾತೆ ನಿನ್ನ ಅಂದರು, ಆದರಿಂದ ಮೇರಿ ಮಾತೆ ನಮ್ಮೇಲ್ಲರ ತಾಯಿ. ಅವಳಿಗೆ ಕಟ್ಟಡ ಸ್ಥಳದ ವಿಷಯವಾಗಿ ಆಚರಣೆ ಮಾಡುವುದು ಮುಖ್ಯವಲ್ಲಾ, ಭಕ್ತಿ ವಿಶ್ವಾಸ ಧ್ರಡ ನಂಬಿಕೆ ಇಟ್ಟು ನಮ್ಮ ಪೂರ್ವಜರು ನಡೆಸಿಕೊಟ್ಟ ವಿಶ್ವಾಸ ಧರ್ಮಕಾರ್ಯಗಳು ಮುಂದುವರಿಸುವ ಜವಾಬ್ದಾರಿ ಇದೆ’ ಎಂದು ಸಂದೇಶ ನೀಡಿದರು.
ಈ ಸಂದರ್ಭದಲ್ಲಿ ಉಡುಪಿ ಧರ್ಮಪ್ರಾಂತ್ಯದ ಕುಲಪತಿ ವಂ|ಸ್ಟ್ಯಾನಿ ಬಿ ಲೋಬೊ, ಫಾ | ವಾಲೇರಿಯನ್ ಮೆಂಡೋನ್ಸಾ , ಇತರ ಹಿರಿಯ ಧರ್ಮಗುರುಗಳು ಅಲ್ಲದೆ ಫಾ | ವಾಲೇರಿಯನ್ ಮೆಂಡೋನ್ಸಾ ಇತರ ಹಿರಿಯ ಧರ್ಮಗುರುಗಳು ಅಲ್ಲದೆ, ವಿವಿಧಡೆಯಿಂದ ಬಂದ ಧರ್ಮಗುರುಗಳು, ವಲಯದ ಧರ್ಮಗುರುಗಳು, ಹಾಗು ಇಲ್ಲಿನ ತವರು ಮನೆಯ ಧರ್ಮಗುರುಗಳು,ಈಗ ಇತರಕಡೆ ಸೇವೆ ನೀಡುತ್ತೀರುವ ಧರ್ಮಗುರುಗಳು, ಧರ್ಮಭಗಿನಿಯರು, ಇತರ ಧರ್ಮಭಗಿನಿಯರು, ಇಗರ್ಜಿಯ ಭಕ್ತಾಧಿಗಳು ಈ ವಿಶೇಷವಾದ ಸಂಭ್ರಮದ ಭಕ್ತಿ ಶ್ರದ್ದೆಯ ಬಲಿದಾನದಲ್ಲಿ ಭಾಗಿಯಾಗಿ ರೋಜರಿ ಮಾತೆಗೆ ಕ್ರತಜ್ನತೆ ಸಲ್ಲಿ ಸಿದರು.
ಕುಂದಾಪುರ ಚರ್ಚಿನ ಪ್ರಧಾನ ಯಾಜಕ ಅ|ವಂ|ಸ್ಟ್ಯಾನಿ ತಾವ್ರೊ ವಂದಿಸಿದರು. ಸಹಾಯಕ ಧರ್ಮಗುರು ವಂ|ವಿಜಯ್ ಡಿಸೋಜಾ ಸಹಕರಿಸಿದರು.

ಮಹಾಲಯ ಅಮಾವಾಸ್ಯೆ – ಪಿತೃ ತರ್ಪಣ ಕಾರ್ಯಕ್ರಮ

ಕುಂದಾಪುರ:  ಮಹಾಲಯ ಅಥವಾ ಸರ್ವಪಿತೃ ಅಮಾವಾಸ್ಯೆಯ ಪರ್ವ ದಿನವಾದ ಬುಧವಾರ ಮಧ್ಯಾನ್ಹ ಕುಂಭಾಸಿಯ ಶ್ರೀ ಸೋದೆ ಮಠದಲ್ಲಿ ಸಾಮೂಹಿಕ ತಿಲ ತರ್ಪಣ ಕಾರ್ಯಕ್ರಮ ನಡೆಯಿತು. ವೇದಮೂರ್ತಿ ತ್ರಿವಿಕ್ರಮ ಗೋಟರ ಪೌರೋಹಿತ್ಯದಲ್ಲಿ ಶ್ರದ್ಧಾಳು ಪುರುಷರು ತಮ್ಮ ಕುಟುಂಬದ ಅಗಲಿದ ಹಿರಿ – ಕಿರಿಯರು ಹಾಗೂ ಅಗಲಿದ ಬಂಧು ಮಿತ್ರ, ಗುರುಗಳಿಗೆ ತಿಲ ತರ್ಪಣ ನೀಡಿ ಪಿತೃವಂದನೆ ಸಲ್ಲಿಸಿದರು.  ಶ್ರೀ ಮಠದ ಉಸ್ತುವಾರಿ ಲಕ್ಷ್ಮೀ ನಾರಾಯಣ ಪುರಾಣಿಕರು ನೇತೃತ್ವ ವಹಿಸಿದ್ದರು.

ನಂದಳಿಕೆ ಅಬ್ಬನಡ್ಕ ಫ್ರೆಂಡ್ಸ್ ಕ್ಲಬ್ ವತಿಯಿಂದ ಕೆದಿಂಜೆ ಶಾಲಾ ಗೌರವ ಶಿಕ್ಷಕರ ಸಂಭಾವನೆಗೆ ದೇಣಿಗೆ ಚೆಕ್ ಹಸ್ತಾಂತರ

ವರದಿ:  ವಾಲ್ಟರ್ಮೊಂತೇರೊ, ಬೆಳ್ಮಣ್ಣು

ಕನ್ನಡ ಮಾಧ್ಯಮ ಶಾಲೆಗಳಲ್ಲಿ ಮಕ್ಕಳ ಸಂಖ್ಯೆ ಇತ್ತಿಚೆಗೆ ಬಹಳಷ್ಟು ಕಡಿಮೆಯಾಗುತ್ತಿದೆ ನಮ್ಮ ನೆರೆಯ ಕೆಲವು ಶಾಲೆಗಳು ಈಗಗಲೇ ಮುಚ್ಚಲ್ಲಟ್ಟಿವೆ.
ಕೆದಿಂಜೆ ಶ್ರೀ ವಿದ್ಯಾ ಬೋಧಿನಿ ಅನುದಾನಿತ ಹಿರಿಯ ಪ್ರಾಥಮಿಕ ಶಾಲೆಯಲ್ಲಿ ಸದ್ಯ 65 ವಿದ್ಯಾರ್ಥಿಗಳು ವ್ಯಾಸಂಗ ಮಾಡುತ್ತಿದ್ದಾರೆ. ಸರಕಾರದ ನಿಯಮದ ಪ್ರಕಾರ ಕೆದಿಂಜೆ ಶಾಲೆಯಲ್ಲಿ ಇಬ್ಬರೇ ಶಿಕ್ಷಕರು ಕಾರ್ಯನಿರ್ವಹಿಸುತ್ತಿದ್ದಾರೆ. ಶಿಕ್ಷಕರ ಕೊರತೆಯನ್ನು ನೀಗಿಸಲು ಮೂವರು ಗೌರವ ಶಿಕ್ಷಕರನ್ನು ನೇಮಿಸಲಾಗಿದೆ. ಅವರಿಗೆ ಗೌರವ ಸಂಭಾವನೆ ನೀಡಲು ದಾನಿಗಳ ನಿರೀಕ್ಷೆಯಲ್ಲಿದ್ದಾರೆ.
ಈ ಬಗ್ಗೆ ರಾಜ್ಯ ಹಾಗೂ ಜಿಲ್ಲಾ ಪ್ರಶಸ್ತಿ ಪುರಸ್ಕøತ ಸಂಸ್ಥೆ ನಂದಳಿಕೆ ಅಬ್ಬನಡ್ಕ ಶ್ರೀ ದುರ್ಗಾಪರಮೇಶ್ವರೀ ಫ್ರೆಂಡ್ಸ್ ಕ್ಲಬ್‍ಗೆ ಕೆದಿಂಜೆ ಶಾಲಾ ಮುಖ್ಯ ಶಿಕ್ಷಕರು ನೀಡಿದ ಮನವಿಯ ಮೇರೆಗೆ ಸದಸ್ಯರೆಲ್ಲರೂ ಸೇರಿ ಸದಸ್ಯರ ಸಂಪಾದನೆಯ ಒಂದಾಂಶವನ್ನು ಒಟ್ಟು ಸೇರಿಸಿ ಕನ್ನಡ ಮಾಧ್ಯಮ ಶಾಲೆಯನ್ನು ಉಳಿಸುವ ನಿಟ್ಟಿನಲ್ಲಿ ದೇಣಿಗೆ ಸಂಗ್ರಹ ಮಾಡಿ ರೂ. 10,000/- ಮೊತ್ತದ ಚೆಕ್‍ನ್ನು ಶಾಲಾ ಮುಖ್ಯ ಶಿಕ್ಷಕರಾದ ಪ್ರಥ್ವಿರಾಜ್ ಬಲ್ಲಾಳ್ ಅವರಿಗೆ ಸಂಘದ ಅಧ್ಯಕ್ಷರಾದ ಪ್ರಶಾಂತ್ ಪೂಜಾರಿ ಅವರು ಹಸ್ತಾಂತರಿಸಿದರು.
ಸುಮಾರು 86 ವರ್ಷಗಳ ಸುದೀರ್ಘ ಇತಿಹಾಸವಿರುವ ಕೆದಿಂಜೆ ಶಾಲೆಯನ್ನು ನಾವೆಲ್ಲರೂ ಒಟ್ಟು ಸೇರಿ ಉಳಿಸಲು, ಶಾಲಾ ಮಕ್ಕಳ ಅಭಿವೃದ್ದಿಗೆ ಇನ್ನೂ ಮುಂದಿನ ದಿನಗಳಲ್ಲೂ ನಮ್ಮಿಂದಾದ ಸಹಕಾರವನ್ನು ನೀಡುತ್ತೇವೆ ಎಂದು ಸಂಘದ ಅಧ್ಯಕ್ಷ ಪ್ರಶಾಂತ್ ಪೂಜಾರಿ ಹೇಳಿದರು.
ಈ ಸಂದರ್ಭದಲ್ಲಿ ಸಂಘದ ಸಂಚಾಲಕರಾದ ಅಬ್ಬನಡ್ಕ ಸಂದೀಪ್ ವಿ. ಪೂಜಾರಿ, ನಿಕಟ ಪೂರ್ವಾಧ್ಯಕ್ಷರಾದ ಬೋಳ ಉದಯ ಅಂಚನ್, ಪೂರ್ವಾಧ್ಯಕ್ಷರಾದ ದಿನೇಶ್ ಪೂಜಾರಿ ಬೀರೋಟ್ಟು, ಸತೀಶ್ ಪೂಜಾರಿ ಅಬ್ಬನಡ್ಕ, ಉಪಾಧ್ಯಕ್ಷರಾದ ಸುರೇಶ್ ಅಬ್ಬನಡ್ಕ, ಕೋಶಾಧಿಕಾರಿ ವೀಣಾ ಪೂಜಾರಿ, ಭಜನಾ ಮಂಡಳಿಯ ಅಧ್ಯಕ್ಷೆ ಸುಲೋಚನಾ ಕೋಟ್ಯಾನ್, ಸದಸ್ಯರಾದ ಪದ್ಮಶ್ರೀ ಪೂಜಾರಿ ಅಬ್ಬನಡ್ಕ ಮೊದಲಾದವರಿದ್ದರು
.

ಎಲ್ಲ ಇಲಾಖೆಗಳ ಮುಖ್ಯಸ್ಥರು ಆಜಾದಿ ಕಾ ಅಮೃತ ಮಹೋತ್ಸವ ಕಾರ್ಯಕ್ರಮ ತಪ್ಪದೆ ಆಚರಿಸಿ :ನ್ಯಾಯಾಧೀಶ ಎಚ್.ಆರ್.ದೇವರಾಜ್

ವರದಿ: ಶಬ್ಬೀರ್ ಅಹ್ಮದ್, ಶ್ರೀನಿವಾಸಪುರ

ಶ್ರೀನಿವಾಸಪುರ: ಎಲ್ಲ ಇಲಾಖೆಗಳ ಮುಖ್ಯಸ್ಥರು ಆಜಾದಿ ಕಾ ಅಮೃತ ಮಹೋತ್ಸವ ಕಾರ್ಯಕ್ರಮವನ್ನು ತಪ್ಪದೆ ಆಚರಿಸುವುದರ ಮೂಲಕ ಯಶಸ್ವಿಗೊಳಿಸಬೇಕು ಎಂದು ಪ್ರಧಾನ ಸಿವಿಲ್ ನ್ಯಾಯಾಧೀಶ ಎಚ್.ಆರ್.ದೇವರಾಜ್ ಹೇಳಿದರು.
ಪಟ್ಟಣದ ಜೆಎಂಎಫ್‍ಸಿ ನ್ಯಾಯಾಲಯದಲ್ಲಿ ಮಂಗಳವಾರ ಏರ್ಪಡಿಸಿದ್ದ ವಿವಿಧ ಇಲಾಖೆಗಳ ಅಧಿಕಾರಿಗಳು ಹಾಗೂ ವಕೀಲರ ಸಭೆಯಲ್ಲಿ ಮಾತನಾಡಿ, ರಾಷ್ಟ್ರೀಯ ಕಾನೂನು ಸೇವೆಗಳ ಪ್ರಾಧಿಕಾರದ ನಿರ್ದೇಶನದಂತೆ ಆಜಾದಿ ಕಾ ಅಮೃತ ಮಹೋತ್ಸವ 75ನೇ ವರ್ಷದ ಸ್ವಾತಂತ್ರ್ಯ ದಿನಾಚರಣೆ ಅಂಗವಾಗಿ ಅ.10ರಿಂದ ಅ.17ರ ವರೆಗೆ ಅಮೃತ ಮಹೋತ್ಸವ ಕಾರ್ಯಕ್ರಮ ಏರ್ಪಡಿಸಲಾಗಿದೆ ಎಂದು ಹೇಳಿದರು.
ಸ್ವಾತಂತ್ರ್ಯ ಪಡೆದ ಸವಿಯ ಸಂಭ್ರಮಾಚರಣೆ ಹೆಮ್ಮೆಯ ವಿಷಯವಾಗಿದೆ. ಅಮೃತ ಮಹೋತ್ಸವಕ್ಕೆ ತನ್ನದೇ ಆದ ಮಹತ್ವವಿದೆ. ಈ ಕಾರ್ಯಕ್ರಮದಲ್ಲಿ ಭಾಗವಹಿಸುವುದು ರಾಷ್ಟ್ರ ಪ್ರೇಮದ ಸಂಕೇತವಾಗಿದೆ ಎಂದು ಹೇಳಿದರು.
ಶಿರಸ್ತೇದಾರ್ ಮನೋಹರ ಮಾನೆ, ವಕೀಲರ ಸಂಘದ ಅಧ್ಯಕ್ಷ ಕೆ.ಶಿವಪ್ಪ, ಪುರಸಭೆ ಮುಖ್ಯಾಧಿಕಾರಿ ವೈ.ಆರ್.ಸತ್ಯನಾರಾಯಣ, ಪೊಲೀಸ್ ಇನ್ಸ್‍ಪೆಕ್ಟರ್ ಸಿ.ರವಿಕುಮಾರ್, ಸಮಾಜ ಕಲ್ಯಾಣ ಇಲಾಖೆಯ ರಾಜೇಶ್, ಸುರೇಶ್, ಬಿಆರ್‍ಸಿ ಹನುಮೇಗೌq, ನವೀನ್À ಹಾಜರಿದ್ದರು.

ನಿವೃತ್ತ ನ್ಯಾಯಾಧೀಶ ಸದಾಶಿವ ವರದಿಯನ್ನು ಕೂಡಲೆ ಜಾರಿಗೆ ತರುವುದರ ಮೂಲಕ, ಈ ಸಮುದಾಯಕ್ಕೆ ನ್ಯಾಯ ಒದಗಿಸಬೇಕು:ಜೆ.ಎಂ.ದೇವರಾಜ್

ವರದಿ: ಶಬ್ಬೀರ್ ಅಹ್ಮದ್, ಶ್ರೀನಿವಾಸಪುರ

ಶ್ರೀನಿವಾಸಪುರ: ನಿವೃತ್ತ ನ್ಯಾಯಾಧೀಶ ಸದಾಶಿವ ವರದಿಯನ್ನು ಕೂಡಲೆ ಜಾರಿಗೆ ತರುವುದರ ಮೂಲಕ, ಈ ಸಮುದಾಯಕ್ಕೆ ನ್ಯಾಯ ಒದಗಿಸಬೇಕು ಎಂದು ಮಾದಿಗ ದಂಡೋರ ಹಾಗೂ ಮಾದಿಗ ಮೀಸಲಾತಿ ಹೋರಾಟ ಸಮಿತಿಯ ರಾಜ್ಯ ಘಟಕದ ಮಹಾ ಪ್ರಧಾನ ಕಾರ್ಯದರ್ಶಿ ಜೆ.ಎಂ.ದೇವರಾಜ್ ಆಗ್ರಹಿಸಿದರು.
ಪಟ್ಟಣದ ಮಾದಿಗ ದಂಡೋರ ಕಚೇರಿ ಸಭಾಂಗಣದಲ್ಲಿ ಬುಧವಾರ ಏರ್ಪಡಿಸಿದ್ದ ತಾಲ್ಲೂಕು ಮಾದಿಗ ದಂಡೋರ ಮುಖಂಡರು ಹಾಗೂ ಕಾರ್ಯಕರ್ತರ ಸಭೆಯಲ್ಲಿ ಮಾತನಾಡಿ, 24 ವರ್ಷಗಳಿಂದ ಸಂಘಟನೆಯ ರಾಷ್ಟೀಯ ಅಧ್ಯಕ್ಷ ಮಂದ ಕೃಷ್ಣ ಮಾದಿಗ ಅವರ ನೇತೃತ್ವದಲ್ಲಿ ಒಳ ಮೀಸಲಾತಿಗಾಗಿ ಸತತ ಹೋರಾಟ ನಡೆಸಲಾಗುತ್ತಿದೆ. ಆದರೆ ಸರ್ಕಾರ ಈ ಬಗ್ಗೆ ದಿವ್ಯ ನಿರ್ಲಕ್ಷ್ಯ ವಹಿಸಿದೆ ಎಂದು ಹೇಳಿದರು.
ಅನ್ಯ ರಾಜ್ಯಗಳಲ್ಲಿ ಜಾರಿಯಲ್ಲಿರುವಂತೆ ಕರ್ನಾಟಕದಲ್ಲೂ ಒಳ ಮೀಸಲಾತಿ ಜಾರಿಗೆ ಬರಬೇಕು. ಮಾದಿಗ ದಂಡೋರ ಸಮುದಾಯಕ್ಕೆ ಒಳ ಮೀಸಲಾತಿ ನೀಡುವಂತೆ ಒತ್ತಾಯಿಸಿ ಅ.11 ರಂದು ಬೀದರ್ ಜಿಲ್ಲಾ ಬಂದ್‍ಗೆ ಕರೆ ನೀಡಲಾಗಿದೆ. ಬಂದ್‍ಗೆ ಎಲ್ಲರೂ ಬೆಂಬಲ ವ್ಯಕ್ತಪಡಿಸಬೇಕು. ಜತೆಗೆ ಬಂದ್ ಸಂದರ್ಭದಲ್ಲಿ ಅಲ್ಲಿ ಹಾಜರಿರಬೇಕು ಎಂದು ಹೇಳಿದರು.
ಸಂಘಟನೆಯ ಮುಖಂಡರಾದ ಎಂ.ಶ್ಯಾಮ್‍ರಾಜ್, ಎನ್.ಚಂದ್ರಪ್ಪ, ನಾರಾಯಣಸ್ವಾಮಿ, ಜಿ.ಶಂಕರ್, ರಾಮಪ್ಪ, ಮುನಿರಾಜು, ಮಂಜುನಾಥ್, ಶಿವಾನಂದ, ಅನಿಲ್ ಕುಮಾರ್, ಲಕ್ಷ್ಮಣ, ಪಾಪಣ್ಣ, ಮಂಜುಳ ಇದ್ದರು.

ಕರಾವಳಿ ಅಡುಗೆ ಕಾರ್ಮಿಕರು ಮತ್ತು ಸಹಾಯಕ ಕಾರ್ಮಿಕರ ಕ್ಷೇಮಾಭಿವೃದ್ಧಿ ಸಂಘ ಅಸ್ತಿತ್ವಕ್ಕೆ

ವರದಿ : ಕೆ.ಜಿ.ವೈದ್ಯ,ಕುಂದಾಪುರ

ಪುರೋಹಿತರು, ಅರ್ಚಕರು ಮತ್ತು ಅಡಿಗೆಯವರು ಸರ್ಕಾರಿ ಸೌಲಭ್ಯ ವಂಚಿತರು – ಕೆ. ವಿ. ಸುರೇಶ್ ಕುಮಾರ್

ಕುಂದಾಪುರ : “ಸರಕಾರದಿಂದ ಸೌಲಭ್ಯಗಳು ನಿರಂತರವಾಗಿ ಬರುತ್ತಿವೆ. ಆದರೆ ಅವುಗಳನ್ನು ಉಪಯೋಗಿಸಿಕೊಳ್ಳುವಂತಹ ಅರಿವು ನಮ್ಮಲ್ಲಿ ಮೂಡಬೇಕು. ಬ್ರಾಹ್ಮಣ ಸಮಾಜದ ಅಡುಗೆ ಕಾರ್ಮಿಕರು ಮತ್ತು ಪುರೋಹಿತ, ಅರ್ಚಕ ವೃತ್ತಿಯವರು ಸರಕಾರಿ ಸೌಲಭ್ಯ ಪಡೆದುಕೊಳ್ಳುವಲ್ಲಿ ತೀರಾ ಹಿದುಳಿದಿದ್ದಾರೆ. ಇವರೆಲ್ಲಾ ಕಷ್ಟಪಟ್ಟು ತಮ್ಮ ಪಾಡಿಗೆ ತಾವು ಕೆಲಸ ಮಾಡಿಕೊಂಡು ಹೋಗುವವರು. ಇವರ್ಯಾರೂ ಅರ್ಜಿ ಹಾಕಿಕೊಂಡು ಈ ವೃತ್ತಿಗೆ ಬಂದವರಲ್ಲ. ಸರಕಾರದಿಂದ ಸಿಗುವಂತಹ ಪ್ರಯೋಜನಗಳನ್ನು ಪಡೆದುಕೊಳ್ಳುವಲ್ಲಿ ಅವರು ಮುಂಚೂಣಿಯಲ್ಲಿ ನಿಲ್ಲಬೇಕು” ಎಂದು ಕರ್ನಾಟಕ ಪ್ರದೇಶ ಅಸಂಘಟಿತ ಕಾರ್ಮಿಕ ಸಂಘದ ಗೌರವಾಧ್ಯಕ್ಷ ಕೆ.ವಿ ಸುರೇಶ್ ಕುಮಾರ್ ಹೇಳಿದರು.

ಕರ್ನಾಟಕ ಪ್ರದೇಶ ಅಸಂಘಟಿತ ಕಾರ್ಮಿಕ ಪರಿಷತ್ ಬೆಂಗಳೂರು, ಕರ್ನಾಟಕ ಅಡುಗೆ ಕೆಲಸಗಾರರ ಹಾಗೂ ಸಹಾಯಕ ಕಾರ್ಮಿಕರ ಕ್ಷೇಮಾಭಿವೃದ್ಧಿ ಸಂಘ ಬೆಂಗಳೂರು ಇವರ ಸಹಯೋಗದೊಂದಿಗೆ ಬಿದ್ಕಲ್ ಕಟ್ಟೆಯ ನಾಗಲಕ್ಷ್ಮೀ ಸಭಾಭವನದಲ್ಲಿ ನಡೆದ ಕರಾವಳಿ ಅಡುಗೆ ಕಾರ್ಮಿಕರ ಹಾಗೂ ಸಹಾಯಕ ಕಾರ್ಮಿಕರ ಕ್ಷೇಮಾಭಿವೃದ್ಧಿ ಸಂಘದ ನೂತನ ಘಟಕವನ್ನು ಉದ್ಘಾಟಿಸಿ ಅವರು ಮಾತನಾಡಿದರು.
“ಎಲ್ಲೇ ಹೋದರೂ ಅಲ್ಲಿ ಕುಂದಾಪುರದ ಅಡುಗೆಯವರು ಮತ್ತು ಅವರ ಕೈ ರುಚಿ ಸಿಕ್ಕೇ ಸಿಗುತ್ತದೆ. ಹಾಗಾಗಿ ಕುಂದಾಪುರದವರ ಅಡುಗೆ ಏನು ಅನ್ನುವುದು ಪ್ರಪಂಚಕ್ಕೇ ಗೊತ್ತಿದೆ. ಅವರೆಲ್ಲರೂ ಸಶಕ್ತರಾಗಬೇಕು. ಹಾಗೂ ಈ ಹೊಸ ಘಟಕಕ್ಕೆ ಇನ್ನಷ್ಟು ಜನ ತಮ್ಮ ಹೆಸರನ್ನು ನೋಂದಾಯಿಸಿಕೊಂಡು ಎಲ್ಲ ಅರ್ಹರಿಗೂ ಸೌಲಭ್ಯ ದೊರಕುವಂತಾಗಬೇಕು” ಎಂದು ಸಲಹೆ ನೀಡಿದರು.
ಪ್ರಾಸ್ತಾವಿಕವಾಗಿ ಮಾತನಾಡಿದ ಬೆಂಗಳೂರಿನ ಅಸಂಘಟಿತ ಅಡುಗೆ ಕಾರ್ಮಿಕ ಹಾಗೂ ಸಹಾಯಕ ಕಾರ್ಮಿಕರ ಸಂಘದ ಸಂಸ್ಥಾಪಕ ರಾಜ್ಯಾಧ್ಯಕ್ಷ ಎಚ್‍. ವಿ. ನಾಗರಾಜ್ ಅವರು, ಅಸಂಘಟಿ ಅಡುಗೆ ಕಾರ್ಮಿಕ ಸಂಘಟನೆ, ಅದರ ಅವಶ್ಯಕತೆ, ಇದರಿಂದ ಏನೆಲ್ಲಾ ಅನುಕೂಲವಾಗುವುದು ಎಂಬುದರ ಬಗ್ಗೆ ಜನರಿಗೆ ಮನವರಿಕೆ ಮಾಡಿದರು.
ಮುಖ್ಯ ಅತಿಥಿ, ಅವಿಭಜಿತ ದಕ್ಷಿಣ ಕನ್ನಡ ಜಿಲ್ಲೆಯ ಅಸಂಘಟಿತ ಪುರೋಹಿತ ಕಾರ್ಮಿಕ ಕ್ಷೇಮಾಭಿವೃದ್ಧಿ ಸಂಘದ ಅಧ್ಯಕ್ಷ ಪ್ರಕಾಶ್ ಹೊಳ್ಳ ಮಾತನಾಡಿ, ತನ್ನೊಂದಿಗೆ ತನ್ನವರನ್ನೂ ಬೆಳೆಸುವಂತಹ ಗುಣ ವಿರುವಂತಹದ್ದು ಬ್ರಾಹ್ಮಣರಿಗೆ ಮಾತ್ರ. ಹಾಗಾಗಿ ಬ್ರಾಹ್ಮಣರು ಸಶಕ್ತರಾಗಬೇಕು. ಇನ್ನಷ್ಟು ಸವಲತ್ತುಗಳು ಅವರಿಗೆ ಸಿಗುವಂತಾಗಬೇಕು. ಸಂಘಟನೆ ಬಲಗೊಳ್ಳದೆ ಸರ್ಕಾರದ ಗಮನ ಸೆಳೆಯಲಾಗದು. ಆದ್ದರಿಂದ ಇಂತಹ ಸಂಘಟನೆಗಳು, ಘಟಕಗಳು ಇನ್ನಷ್ಟು ಕಡೆಗಳಲ್ಲಿ ಆರಂಭವಾಗಬೇಕು ಎಂದು ಸಲಹೆ ಮಾಡಿದರು.
ಕಾರ್ಯಕ್ರಮ ಅಧ್ಯಕ್ಷತೆ ವಹಿಸಿದ್ದ ರಾಘವೇಂದ್ರ ಅಡಿಗ ಮಾತನಾಡಿ, ಈ ಸಂಘಟನೆ ಇನ್ನಷ್ಟು ಬೆಳೆಯಬೇಕಿದೆ. ಈ ನಿಟ್ಟಿನಲ್ಲಿ ನಿಮ್ಮೆಲ್ಲರ ಸಹಕಾರದ ಅಗತ್ಯವಿದೆ. ಈ ಸಂಘಟನೆಯಿಂದ ಎಲ್ಲರಿಗೂ ಅನುಕೂಲ ವಾಗಲಿ ಎಂಬುದಾಗಿ ಆಶಿಸಿದರು.
ಇದೇ ವೇಳೆ ಮಾತನಾಡಿದ ಗುರು ನರಸಿಂಹ ದೇವಸ್ಥಾನದ ಪುರೋಹಿತರು, ಅಸಂಘಟಿತ ಪುರೋಹಿತರ ಕ್ಷೇಮಾಭಿವೃದ್ಧಿ ಸಂಘದ ಸಂಘಟಕರಾದ ನರಸಿಂಹ ಭಟ್ ಸಾಲಿಗ್ರಾಮ ಅವರು, ಬ್ರಾಹ್ಮಣ ಸಮಾಜ ಒಗ್ಗಟ್ಟಾಗಬೇಕು. ಕೇವಲ ಮಾತಿನಲ್ಲಿ ಸಮಸ್ಯೆಗಳನ್ನು ಪರಿಹರಿಸಿಕೊಳ್ಳಲು ಸಾಧ್ಯವಿಲ್ಲ. ಅದರ ಬದಲು ಎಲ್ಲರೂ ಒಗ್ಗಟ್ಟಾಗಿ ಕೆಲಸಗಳನ್ನು ಮಾಡಿದರೆ ಒಗ್ಗಟ್ಟಾಗಿ ಸರಕಾರದ ಮುಂದೆ ಆಗ್ರಹಿಸಿದರೆ ಮಾತ್ರ ನಮಗೆ ಬೇಕಾದಂತಹ ಸೌಲಭ್ಯಗಳು ದೊರೆಯಲು ಸಾಧ್ಯ ಎಂಬುದುದಾಗಿ ಹೇಳಿದರು. ಸಂಘದ ಐಡಿ ಕಾರ್ಡ್ ಹಾಗೂ ಇ- ಶ್ರಮ್ ಕಾರ್ಡ್ ಗಳನ್ನು ವಿತರಿಸಲಾಯಿತು.
ಈ ಸಂದರ್ಭದಲ್ಲಿ ಉಪಾಧ್ಯಕ್ಷ ಮಂಜುನಾಥ ಮಯ್ಯ ಕಮಲ ಶಿಲೆ, ಗಣೇಶ್ ಉಪಾದ್ಯ ಬಳ್ಕೂರು, ಅನ್ನಪೂರ್ಣ ಕಾರಂತ ಕೋಣಿ, ಜತೆ ಕಾರ್ಯದರ್ಶಿ ಚಿತ್ರಾ ಕುಂಭಾಶಿ, ಸುರೇಂದ್ರ ನಾವಡ, ಖಜಾಂಚಿ ವಿಶ್ವನಾಥ ಭಟ್ ಸಾಲಿಗ್ರಾಮ, ಕಾರ್ಯಕಾರಿ ಸಮಿತಿ ಸದಸ್ಯರಾದ ಚಂದ್ರ ಶೇಖರ ಉಡುಪ ಹರಾವರಿ, ನಾಗೇಂದ್ರ ಬಿಳಿಯ ಕೋಟೇಶ್ವರ, ರೇಣುಕಾ ಹತ್ವಾರ್ ಬೀಜಾಡಿ ಮೊದಲಾದವರು ಉಪಸ್ಥಿತರಿದ್ದರು.
ಸುಧಾ ರಾಜಗೋಪಾಲ್ ಕೋಟೇಶ್ವರ ಪ್ರಾರ್ಥಿಸಿದರು. ಸಂಘದ ಗೌರವ ಅಧ್ಯಕ್ಷ ಅರವಿಂದ ಐತಾಳ್ ಕೋಟೇಶ್ವರ ಸ್ವಾಗತಿಸಿದರು.ಅಕ್ಷತಾ ಗಿರೀಶ್ ಐತಾಳ್ ಕಾರ್ಯಕ್ರಮ ನಿರೂಪಿಸಿದರು, ಕಾರ್ಯದರ್ಶಿ ಶಿವಾನಂದ ಅಡಿಗ ಮಣೂರು ವಂದಿಸಿದರು.

ಕುಂದಾಪುರ ರೋಜರಿ ಮಾತಾ ಚರ್ಚಿಗೆ 450 ರ ಸಂಭ್ರಮ ಚರ್ಚಿನ ರೋಚಕ ಚಾರಿತ್ರಿಕ ಹಿನ್ನೆಲೆ

JANANUDI.COM NETWORK


ಸಮಾರೋಪ ಸಂಭ್ರಮಾಚರಣೆಯು ಇಂದು ಅಕ್ಟೋಬರ್ 7 ರಂದು ರೋಜರಿ ಮಾತಾ ತಾರೀಕಿನ ಹಬ್ಬದಂದು ನೆರವೇರುವುದು. 2019 ಅಕ್ಟೋಬರ್ 7 ರಂದು 450 ವರ್ಷಗಳ ಆಚರಣೆ ಸಂಭ್ರಮತ್ಸೋವ ಆಚರಣೆಗೊಂಡ ಸಂಭ್ರಮ ಇಂದು ಸಮಾರೋಪ ಸಮಾರೋಪದ ಮೂಲಕ ಕೊನೆಗೊಳ್ಳುವುದು. ಕುಂದಾಪುರ ಚರ್ಚಿಗೆ ಒಂದು ಐತಿಹಾಸಿಕ ದಾಖಲೆ ಇದೆ. ಈ ಚರ್ಚ್ ಕುಂದಾಪುರ ಇತಿಹಾಸದ ಜೊತೆ ಮೆಳೈಸಿದೆ. ಈ ಚರ್ಚಿನ ಇತಿಹಾಸ ಕೆದಕಿದರೆ ಕುಂದಾಪುರದ ಇತಿಹಾಸವು ಕಣ್ಣ ಮುಂದೆ ಬರುವುದು. ಹಾಗಾಗಿ ಈ ಲೇಖನವನು ಓದಿ- ಬರ್ನಾಡ್ ಡಿಕೋಸ್ತಾ

ಉಡುಪಿ ಧರ್ಮಪ್ರಾಂತ್ಯದ ಹಿರಿಯ ಇಗರ್ಜಿ
ಕುಂದಾಪುರದ ರೋಸರಿ ಮಾತೆ ಚರ್ಚ್ ಅವಿಭಜಿತ ದ.ಕ.ಜಿಲ್ಲೆಯಲ್ಲಿ ಎರಡನೇ ಹಿರಿಯ ಮತ್ತು ಉಡುಪಿ ಧರ್ಮಪ್ರಾಂತ್ಯದಲ್ಲಿ ಅತೀ ಹಿರಿಯ ಚಾರಿತ್ರಿಕ ಹಿನ್ನೆಲೆಯುಳ್ಳ ಇಗರ್ಜಿ. ಈ ಚರ್ಚಿನ ಇತಿಹಾಸ ಕುಂದಾಪುರ ಚರಿತ್ರೆಯ ಹಲವಾರು ಘಟನೆಗಳ ಜೊತೆ ಮಳೈಸಿದೆ. 1570 ರಲ್ಲಿ ಕುಂದಾಪುರ ಬಂದರಿನ ದಳಪತಿ ಡೊಮ್ ಲೂಯಿಸ್ ಡಿಟೈಡ್ ಫೆಜ್ ಪೆರೆ ಪೋರ್ಟಲೆಜಾ ಇವರ ಶಿಫಾರಸಿನ ಮೇರೆಗೆ, ಆಗಿನ ವೈಸರಾಯ್ ಲೂಯಿಜ್ ಡಿ ಅಥೈಡ್ ಅವರ ಅನುಮತಿಯಂತೆ, ಗೋವಾ ಧರ್ಮ ಪ್ರಾಂತದ ಪ್ರೊವಿನ್ಸಿಯಲ್ ಅಧಿಕ್ರತ ಆದೇಶದಂತೆ 1570 ರಲ್ಲಿ ಪೆÇರ್ಚುಗೀಸರು ಕೋಟೆಬಾಗಿಲಿನ ತಮ್ಮ ಕೋಟೆಯ ಒಳಗಡೆ [Our Lady of Rosary]) ರೋಸರಿ ಮಾತೆಯನ್ನು ಪಾಲಕಿಯನ್ನಾಗಿ ಆರಿಸಿ ಚರ್ಚನ್ನು ನಿರ್ಮಿಸಿದರು. ಕ್ರಮೇಣ ಹಿಂದುಗಳ ಬಾಯಿ ಮಾತಿನಂತೆ ಅದು ರೋಸರಿಯಮ್ಮ ಎಂದು ಖ್ಯಾತವಾಯಿತು. ಇದು ರೋಸರಿ ಮಾತಾ ಚರ್ಚಿನ ಮೊದಲ ಮೈಲುಗಲ್ಲು.

1570 ರಲ್ಲಿ ಗೋವಾದಿಂದ ಕುಂದಾಪುರಕ್ಕೆ ಹೆಚ್ಚಿನ ಕ್ರೈಸ್ತರ ಆಗಮನ
ಪೆÇರ್ಚುಗೀಸಿನ ವಾಸ್ಕೋ ಡಾ ಗಾಮಾನು ಮೇ 20,1498 ರಂದು ಭಾರತಕ್ಕೆ ಬಂದ. ಮುಂದೆ 1510 ರಲ್ಲಿ ಪೆÇರ್ಚುಗೀಸರು ಗೋವಾವನ್ನು ವಶಪಡಿಸಿಕೊಂಡರು. 1570 ರಲ್ಲಿ ರೋಜರಿ ಮಾತೆ ಚರ್ಚ್ ಕಟ್ಟಿದ ವರ್ಷವೇ ಬಿಜಾಪುರ ಸುಲ್ತಾನ್ ಆದಿಲ್ ಷಾಯಿ ಗೋವಾದ ಮೇಲೆ ದಾಳಿ ಮಾಡಿ ವಶಪಡಿಸಿಕೊಳ್ಳುತ್ತಾನೆ. ಪೋರ್ಚುಗೀಸರು ತಮ್ಮ ಅಧಿಕಾರ, ವ್ಯಾಪಾರವನ್ನು ನಿಯಂತ್ರಣದಲ್ಲಿಡಲು ಕೆನರಾ ಕರಾವಳಿಯಲ್ಲಿ ತಮ್ಮ ಚಟುವಟಿಕೆಗಳನ್ನು ಹೆಚ್ಚಿಸುತ್ತಾರೆ. ಗೋವಾದಲ್ಲಿ ಅದಿಲ್ ಷಾಯಿಯ ಆಕ್ರಮಣದಿಂದಾಗಿ ಕುಂದಾಪುರಕ್ಕೆ ಕ್ರೈಸ್ತರು ಹೆಚ್ಚಿನ ಸಂಖ್ಯೆಯಲ್ಲಿ ಆಗಮಿಸುತ್ತಾರೆ, ಹಾಗೇ ಕ್ರೈಸ್ತರ ಸಂಖ್ಯೆ ಹೆಚ್ಚುತ್ತದೆ (ಆ ಸಮಯದಲ್ಲಿ ಕೇವಲ ಕ್ರೈಸ್ತರು ಮಾತ್ರವಲ್ಲ, ಕೊಂಕಣಿ ಮಾತನಾಡುವ ಎಲ್ಲಾ ಸಮುದಾಯದವರು ಆಗಮಿಸಿರಬೇಕು) ಮೊದಲು ಕೋಟೆಯಲ್ಲಿ ನಿರ್ಮಿಸಿದ ಚರ್ಚಿಗೆ ಕೋಟೆಯ ಅಧಿಕಾರಿಗಳಿಗೆ ಅಲ್ಲಿಯ ನವ್ಕರರಿಗೆ ಮಾತ್ರ ಪ್ರವೇಶವಿತ್ತು, ಅವಿವಾಹಿತ ಪೆÇರ್ಚುಗೀಸರಿಗೂ ಅವಕಾಶ ಇರಲಿಲ್ಲ. ಆದರೆ ಅದೇ ವರ್ಷ ಎಲ್ಲಾ ಕ್ರೈಸ್ತರ ಅನುಕೂಲಕ್ಕಾಗಿ ಕೋಟೆಯ ಪಕ್ಕದಲ್ಲೆ ಹೊರಗಡೆ ಚರ್ಚಿನ ಮತ್ತೊಂದು ಭಾಗವೆಬಂತೆ ಮತ್ತೊಂದು ಇಗರ್ಜಿ ನಿರ್ಮಿಸಿದರು. ಇದು ಕ್ರಮೇಣ ಸಾರ್ವಜನಿಕರ ಚರ್ಚ್ ಆಯಿತು. ಇದು ಕುಂದಾಪುರ ರೋಸರಿ ಚರ್ಚಿನ ಎರಡನೇ ಮೈಲಿಗಲ್ಲು
.

ಬಸ್ರೂರು ಅಂದರೆ ಪೋರ್ಚುಗೀಸರಿಗೆ ಬಾರ್ಸೆಲೋರ್
ರಾಜರು ಬಸ್ರೂರಿನಲ್ಲಿ ನೆಲಸಿದ್ದರಿಂದ ಅಂದು ಬಸ್ರೂರನ್ನೇ ಮುಖ್ಯವಾಗಿ ಗಣನೆಗೆ ತೆಗುದುಕೊಳ್ಳುತಿದ್ದರು. ಹಿಂದೆ ಬಸ್ರೂರನ್ನು ಅಬು-ಸರೂರ್ ಎಂದು ಕರೆಯಲಾಗುತಿತ್ತು. ಇಲ್ಲಿ ಉತ್ತಮ ಅಕ್ಕಿ ಬೆಳೆಯುತ್ತಿತ್ತು, ತಾಳೆ ಮರಗಳು ತುಂಬ ಇದ್ದು ಅದರ ಉತ್ಪನ್ನ, ಕಾಳುಮೆಣಸು ಇವುಗಳನ್ನು, ವಿದೇಶದ ಸೌದಿ ಅರೇಬಿಯಾದ ಒರ್ಮಸ್ ಎಡೆನ್‍ನವರು ಕೊಂಡುಕೊಳ್ಳುತಿದ್ದರು. ಆ ಸರಕುಗಳ ಬದಲಿಗೆ ಅವರು ವಿನಿಮಯವಾಗಿ ತಾಮ್ರ, ತೆಂಗಿನಕಾಯಿ, ತೆಂಗಿನೆಣ್ಣೆ, ನೀರು ಬೆಲ್ಲಾ ಕೊಡುತ್ತಿದ್ದರು ಎಂದು ಚರಿತ್ರಾಕಾರರು ಬರೆದಿದ್ದಾರೆ. ಪೆÇರ್ಚುಗೀಸರಿಗೆ ಬಸ್ರೂರನ್ನು ಬಸ್ರೂರು ಎಂದು ಕರೆಯಲು ಕಷ್ಟವಾದದ್ದರಿಂದ ಬಾರ್ಸೆಲೋರ್ ಅಂತಾ ಉಚ್ಚರಿಸುತ್ತಾ ಅವರು ದಾಖಲೆಗಳಲ್ಲಿ ಹಾಗೇ ಬರೆಯುತ್ತಾರೆ, ಹಾಗೇ ಬಸ್ರೂರನ್ನು ಮೇಲ್ ಬಸ್ರೂರು ಮತ್ತು ಕುಂದಾಪುರವನ್ನು ಕೆಳ ಬಸ್ರೂರು ಅಂತಾ ದಾಖಲಿಸಿಕೊಳ್ಳುತ್ತಾರೆ.
ಕಿ,.ಶ. 1542 ರಲ್ಲೆ ಕುಂದಾಪುರ ಆಸುಪಾಸಿನಲ್ಲಿ ಪೋರ್ಚುಗೀಸರು ಬಂದು, ದಾಳಿ ಮಾಡಿ ಸ್ಥಳಿಯರಿಂದ ವಾರ್ಷಿಕ ಕಪ್ಪ ವಸೂಲಿ ಮಾಡುತಿದ್ದರು. ಬಂದರಿನ ವ್ಯಾಪಾರಿಗಳನ್ನು ಪೋರ್ಚುಗೀಸರು “ಚಾಟಿನ್ಸ್ ಡಿ ಬಾರ್ಸಿಲರ್” (ಬಾರ್ಸೆಲೋರಿನ ಶೆಟ್ಟಿ) ಎಂದು ಕರೆಯುತಿದ್ದರು. 1569 ರಲ್ಲಿ ದೊಡ್ಡ ಸೈನ್ಯದೊಂದಿಗೆ ಪೆÇರ್ಚುಗೀಸರು ಬಾರ್ಸಿಲೋರ್‍ಗೆ ಆಗಮಿಸುತ್ತಾರೆ. ಸ್ಥಳೀಯ ತುಂಡರಸ ತೋಳಾರ್, ಹೊಸಂಗಡಿಯ ಮುಖ್ಯಸ್ಥ ಹೊನ್ನಯ್ಯ ಕಾಂಬ್ಲಿಯನ್ನು ಕರೆಯುತ್ತಾರೆ. ಪೆರ್ಡುರು ಮುಖ್ಯಸ್ಥರ ದೊಡ್ಡ ಸೈನ್ಯವೂ ಸೇರುತ್ತದೆ .ಇವರ ನದುವೆ 3 ಯುದ್ಧಗಳು ನಡೆಯುತ್ತದೆ. ಎಷ್ಟೊ ಸೈನಿಕರು ಹತರಾಗುತ್ತಾರೆ.ಕೊನೆಗೆ ಸ್ಥಳಿಯ ರಾಜರು ಸೋತು ಅವರು ಪೋರ್ಚುಗೀಸರಿಗೆ ಕುಂದಾಪುರದಲ್ಲಿ ತಮ್ಮದೇ ಆದ ಕೋಟೆಯನ್ನು ಕಟ್ಟಲು ಅನುಮತಿ ನೀಡುತ್ತಾರೆ.


1569 ರಲ್ಲೆ ಗೋವಾ ಪ್ರಾಂತದ ಆದೇಶದ ಮೇರೆಗೆ ಜೆಸುವ್ಯಿಟ್ ಕ್ರೈಸ್ತ ಧರ್ಮಗುರುಗಳಾದ ಫಾ|ಸೆಬೆಸ್ಟಿಯಾ ಒ ಗೊನ್ಜಾಲೆಸ್ (ಎಸ್. ಜೆ.) ಮತ್ತು ಫಾ| ಮಾರ್ಟಿನ್ ಸಿಲ್ವಾ (ಎಸ್.ಜೆ.) ಪೋರ್ಚುಗೀಸರ ಧರ್ಮ ಸೇವೆಗೆ ಬಂದಿದ್ದರು. ಹಾಗೇ ಯುದ್ದದ ಘಾಯಾಳುಗಳಿಗೆ ಚಿಕಿತ್ಸೆ ನೀಡುವರಾಗಿದ್ದು ಅದಕ್ಕಾಗಿ ಅವರು ಗುಡಿಸಲಿನಂತಹ ಆಸ್ಪತ್ರೆಯನ್ನು ಸ್ಥಾಪಿಸಿದ್ದರು. ಇದೇ ಸಮಯದಲ್ಲಿ ಫಾ| ಮಾರ್ಟಿನ್ ಸಿಲ್ವಾ ಎಸ್.ಜೆ ಸ್ವತಹ ದಾಳಿಗೆ ಒಳಗಾಗಿ ನಿಧನರಾಗುತ್ತಾರೆ. (ಅವರು ಕುಂದಾಪುರದ ಚರಿತ್ರೆಯಲ್ಲಿ ಯೇಸು ಕ್ರಿಸ್ತರಿಗಾಗಿ ಮಡಿದ ಮೊದಲ ಮಾರ್ಟಿರ್ ಅನ್ನಬಹುದು)
ನಂತರದ ವರ್ಷಗಳಲ್ಲಿ ಚರ್ಚ್ ಪರಿಸರದಲ್ಲಿ ಪೋರ್ಚುಗೀಸ್ ಮತ್ತು ಡಚ್ಚರ ಕಾದಾಟದ ಭಯ ಮತ್ತೊಂದೆಡೆಯಾದರೆ ಡಚ್ಚರು ಪೆÇ್ರಟೆಸ್ಟಂಟ್ ಪಂಗಡದವರಾಗಿದ್ದು ಅವರು ಕ್ಯಾಥೊಲಿಕರ ವಿರೋಧಿಗಳಾಗಿದ್ದರು, ಈ ಭಯದಿಂದ ಚರ್ಚನ್ನು ಮದ್ದುಗುಡ್ಡೆಗೆ (ವೆಸ್ಟ್ ಬ್ಲಾಕ್) ಸ್ಥಳಾಂತರಿಸಲಾಯಿತು. ಇದು ಕುಂದಾಪುರ ರೋಸರಿ ಚರ್ಚಿನ ಮೂರನೇ ಮೈಲಿಗಲ್ಲು. ಇಲ್ಲಿ ಸ್ಥಾಪಿಸಿದ ಚರ್ಚ್ ಅಲ್ಪ ಕಾಲದೆಂದು ಚರಿತ್ರಾಕಾರರು ಹೇಳುತ್ತಾರೆ.

ಕುಂದಾಪುರದ ಆಸುಪಾಸು ಭೂಕುಸಿತ ಭಾರಿ ಚಂಡಮಾರುತ
ಸುಮಾರು 17 ನೇ ಶತಮಾನದ ಎರಡನೇ ಅಥವಾ ಮೂರನೇ ದಶಕದಲ್ಲಿ. ಕುಂದಾಪುರ ತಾಲೂಕಿನಲ್ಲಿ ಭೂಕುಸಿತ ಮತ್ತು ಭಾರಿ ಚಂಡಮಾರುತದ ಕಾರಣ ಭೌಗೋಲಿಕ ಬದಲಾವಣೆಗೆ ಕಾರಣವಾದದ್ದು ಅಚ್ಚರಿ ಮತ್ತು ಅನೇಕರಿಗೆ ತಿಳಿಯದ ವಿಚಾರ. ಇದರಿಂದಾಗಿ ಹಳೆಅಳಿವೆ ಮುಂತಾದ ಕಡೆ ಕೆಸರು ಮಣ್ಣಿನಿಂದ ತುಂಬಿ (ಹಾಗಾಗಿ ಹಳೆ ಅಳ್ವೆ ಕುಂದಾಪುರ ಚರ್ಚಿನ ಆಸುಪಾಸು ಅಗೆದರೆ ಕೆಸರುಮಣ್ಣು, ಉಪ್ಪು ನೀರು ಸಿಗುತ್ತದೆ) ಮುಚ್ಚಿ ಹೋಗಿ ಹಡಗುಗಳು ಬರಲು ತೊಂದರೆಯಾಗುತ್ತದೆ. ಮೊದಲು ಹಡಗುಗಳು ಹಳೆ ಅಳ್ವೆಯಿಂದಲೇ ಬರುತಿದ್ದವು. ನಂತರ ಹಡಗುಗಳು ಗಂಗೊಳ್ಳಿ ಅಳಿವೆಯಿಂದ ಬರತೊಡಗಿದವು. ದಿನಗಳೆದಂತೆ ಡಚ್ಚರ ಪ್ರಭಾವ ಜಾಸ್ತಿಯಾಗಿ ಕೆನರಾ ಸೇರಿದಂತೆ ಕರಾವಳಿಯಾದ್ಯಂತ ಮಿಶಿನರಿಗಳು ತಮ್ಮ ಚರ್ಚಿನ ದಾಖಲೆ (ರೆಜಿಸ್ಟರ್‍ಗಳನ್ನು) ಪುಸ್ತಕಗಳೊಂದಿಗೆ ಗೋವಾಕ್ಕೆ ಓಡಿಹೋದರು. ಇದೇ ಕಾರಣದಿಂದ ಕುಂದಾಪುರ ಚರ್ಚಿನ ನಿಜ ಚರಿತ್ರೆ ಮುಚ್ಚಿ ಹೋಯಿತು. ಆದರೆ ಫಾ| ಪ್ರತಾಪ್ ನಾಯಕ್ ಎಸ್.ಜೆ.(ಖ್ಯಾತ ಸಾಹಿತಿ) ಇವರಿಗೆ ಗೋವಾದ ಸಂತ ತೋಮಸ್ ಸ್ಟೀಫನ್ ಸಂಶೋಧನ ಗ್ರಂಥಾಲಯದಲ್ಲಿ ಕುಂದಾಪುರ ಚರ್ಚಿನ ದಾಖಲೆಗಳು ದೊರಕಿ ಪೆÇರ್ಚುಗೀಸ್ ಭಾಷೆಯಲ್ಲಿದ್ದ ದಾಖಲೆಗಳನ್ನು ಭಾಷಾಂತರ ಮಾಡಿದ ನಂತರ ನಿಜ ಚರಿತ್ರೆ ಬೆಳಕಿಗೆ ತಂದರು.
ಧರ್ಮಗುರುಗಳು ಓಡಿ ಹೋದದ್ದರಿಂದ ಕೆನರಾದಲ್ಲಿ ಅಲ್ಲಲ್ಲಿ ಚದುರಿದ ಹೋದ 6000 ಕ್ರೈಸ್ತರಿಗೆ ಫಾ|ಸ್ಪಿನೋಲಾ ಎಸ್.ಜೆ ಒಬ್ಬನೇ ಒಬ್ಬ ಧರ್ಮಗುರುಗಳಿದ್ದು, ಅವರು ಎಲ್ಲೆಲ್ಲಿ ಹಾದು ಹೋದರೊ ಅಲ್ಲಿ ಸಂಸ್ಕಾರಗಳನ್ನು ನೀಡಿದರು. 1663 ರಲ್ಲಿ ಯುರೋಪಿನಲ್ಲಿ ಯುರೋಪ್ ದೇಶಗಳು ಶಾಂತಿ ಒಪ್ಪಂದಕ್ಕೆ ಸಹಿ ಹಾಕಿದ ನಂತರ ಕೆನರಾದಲ್ಲಿ ಸ್ವಲ್ಪ ಶಾಂತಿಯ ವಾತವರಣ ಕಂಡು ಬಂತು.

ಕೆನರ ಧರ್ಮಸಭೆಯಲ್ಲಿ ದೇಶಿಯ ಬದಲಾವಣೆಯ ಯುಗ
ಬಹಳ ವಿಶಾಲವಾಗಿದ್ದ ಗೋವಾ ಧರ್ಮಪ್ರಾಂತ್ಯಕ್ಕೆ ಪೋಪರ ಅನುಮೋದನೆಯೊಂದಿಗೆ ಪೋರ್ಚುಗೀಸ್ ರಾಜನೇ ಬಿಶಪರನ್ನು ನೇಮಕ ಮಾಡುತಿದ್ದನು. ಆದರೆ ನಂತರ ಪೆÇಚುಗೀಸ್ ಅರಸರು ಪೆÇೀಪರು ಕೊಟ್ಟ ಅಧಿಕಾರವನ್ನು ದುರುಪಯೋಗ ಪಡಿಸಿಕೊಂಡ ಕಾರಣ 1622 ಇಸವಿಯಲ್ಲಿ ಪೋಪ್ ಗ್ರೆಗೊರಿ ‘15’ ಪವಿತ್ರ ಸಭೆಯ ಕ್ರಿಯೆಗಳನ್ನು ನಿಯಂತ್ರಿಸಲು ಪೆÇ್ರಪಾಗಾಂದ ಎಂಬ ವಿಭಾಗ ರಚಿಸಿಸುತ್ತಾರೆ. ಇದಕ್ಕೆ ವಿರೋಧವೆಂಬತ್ತೆ ಪೆÇರ್ಚುಗೀಸರು ಪಾದ್ರೊವಾದೊ ಪಂಗಡ ರಚಿಸಿ ಪೋಪ್‍ರ ಪಂಗಡಕ್ಕೆ ಅಡಚಣೆಗಳುಂಟು ಮಾಡುತ್ತಾರೆ. ಆದರೆ ಪೋಪ್‍ರ ಪಂಗಡ ಶಾಂತಿಯಿಂದ ಯಶಸ್ವಿಯಾಗಿ ತಮ್ಮ ಧರ್ಮ ಕ್ರಿಯೆಗಳನ್ನು ನಿಭಾಯಿಸುತ್ತಾರೆ ಮತ್ತು ಸ್ಥಳೀಯ ಕ್ರೈಸ್ತ ಯುವಕರನು ಯಾಜಕ ದೀಕ್ಷೆಯ ತರಬೇತಿ ನೀಡಿ, ದೀಕ್ಷೆ ಕೊಟ್ಟು ವಿಶ್ವಾಸಿಗಳು ಸ್ಥಳಿಯ ಯಾಜಕರನ್ನು ಸಿದ್ದ ಮಾಡಿ, ಇಲ್ಲಿನ ಕ್ರೈಸ್ತರಿಗೆ ಸ್ಥಳಿಯ ಯಾಜಕರ ಧಾರ್ಮಿಕ ಸೇವೆ ಪಡೆಯುವಂತ ಯುಗ ಆರಂಭಗೊಳಿಸುತ್ತಾರೆ
ಕುಂದಾಪುರದಲ್ಲಿ ಪಾದ್ರೊವಾದೊ ಪಂಗಡದಿಂದ (ಪೆÇರ್ಚುಗೀಸ್) ಫಾ|ಜೋಸೆಫ್ ವಾಜಾರನ್ನು 1681 ರಲ್ಲಿ ಕೆನರಾದ ಪ್ರಧಾನ ಧರ್ಮಗುರುಗಳಾಗಿ 1681 ರಲ್ಲಿ ಕುಂದಾಪುರಕ್ಕೆ ಕಳುಹಿಸಿಕೊಡುತ್ತಾರೆ. ಕುಂದಾಪುರ ಚರ್ಚನ್ನು ಅವರು ದುರಸ್ಥಿ ಮಾಡುತ್ತಾರೆ, ಜೋಸೆಫ್ ವಾಜ್ ಅವರು ಅವರ ಕೋಣೆಯಲ್ಲಿ ಧ್ಯಾನದಲ್ಲಿದ್ದಾಗ ಅವರು ಯಾವ ಆಧಾರವೂ ಇಲ್ಲದೆ ನೆಲದಿಂದ ಗಾಳಿಯಲ್ಲಿ ತೇಲುತಿದ್ದದನ್ನು ಯಾಜಕರೊಬ್ಬರು ಕಣ್ಣಾರೆ ಕಂಡ ಘಟನೆ ಚಾರಿತ್ರಿಕವಾಗಿ ದಾಖಲಾಗಿದ್ದು, ಮುಂದೆ ಅವರು ಶ್ರೀಲಂಕಾಗೆ ತೆರಳಿ ಹೆಚ್ಚಿನ ಅದ್ಬುತಗಳನ್ನು ಮಾಡಿ ಸಂತ ಪದವಿಯನ್ನು ಗಳಿಸುತ್ತಾರೆ. 1714 ರ ಮೊದಲೇ ಡಚ್ಚರ ಕಾಟದಿಂದ ತಪ್ಪಿಸಿಕೊಳ್ಳಲು ಈಗಿದ್ದ ಚರ್ಚ್ ಜಾಗದಲ್ಲಿ ಪೋರ್ಚುಗೀಸರು ಚರ್ಚ್ ಕಟ್ಟಿಸಿರಬೇಕು ಇದು ನಾಲ್ಕನೇ ಮೈಲಿಗಲ್ಲು.


ಪೋರ್ಚುಗೀಸರು ಮತ್ತು ಬಸ್ಸಪ್ಪ ನಾಯಕನ ನಡುವೆ ಒಪ್ಪಂದವಾಗಿ. ಬಸಪ್ಪ ನಾಯ್ಕನಿಂದ 1714 ರಲ್ಲಿ ಕ್ಯಾಥೊಲಿಕ್ ಧರ್ಮಗುರುಗಳು ಸಾಕಾಷ್ಟು ಅಧಿಕಾರ ಮತ್ತು ಸವಲತ್ತುಗಳನ್ನು ಪಡೆದುಕೊಳ್ಳುತ್ತಾರೆ. ಅದೇ ವೇಳೆ ಚರ್ಚ್ ಇದ್ದ ಭೂಮಿ ಚರ್ಚಿಗಾಗಿ ಇನಾಮ್ ಆಗಿ ಒಪ್ಪಿಕೊಂಡರು ಎಂದು ಚರಿತ್ರಾಕಾರರು ತಿರ್ಮಾನಕ್ಕೆ ಬರುತ್ತಾರೆ. ನಂತರ ಪೋರ್ಚುಗೀಸರು ಪ್ರಸ್ತುತ ಭೂಮಿಯನ್ನು ಚರ್ಚ್ ಆಡಳಿತಕ್ಕೆ ಹಸ್ತಾಂತರಿಸಿದರು ಮತ್ತು ಅಲ್ಲೆ ಪಕ್ಕದಲ್ಲಿ ಪೆÇರ್ಚುಗೀಸ್ ಶೈಲಿಯ ಚರ್ಚನ್ನು ಕ್ರಿ.ಶ 1757 ರಲ್ಲಿ ನಿರ್ಮಿಸಲಾಯಿತು. ಇದು ಚರ್ಚಿನ ಐದನೇ ಮೈಲಿಗಲ್ಲು. ಈಗಿರುವ ಚರ್ಚ್ 1965 ರಲ್ಲಿ ಕಟ್ಟಿದ ಆಧುನಿಕ ಶೈಲಿಯ ಚರ್ಚ್ ಆಗಿದೆ. ಇದು ಚರ್ಚಿನ ಆರನೇ ಮೈಲಿಗಲ್ಲು
1784 ರಲ್ಲಿ ಕೆನರಾದ ಕ್ರಿಶ್ಚಿಯನ್ ಸಮುದಾಯದವರನ್ನು ಸುಮಾರು 60.000 ರಿಂದ 80.000 ಕ್ರೈಸ್ತರನ್ನು ಟಿಪ್ಪು ಸುಲ್ತಾನ್ ಸೆರೆ ಹಿಡಿದು ಕೈದಿಗಳಾನ್ನಾಗಿಸಿದ್ದು ಕ್ರೈಸ್ತರಿಗೆ ಆದ ಒಂದು ದೊಡ್ಡ ಆಘಾತ.ಈ ಘಟನೆ ನಡೆಯದಿದ್ದರೆ ಕೇರಳದಲ್ಲಿರುವಂತೆ, ಇಲ್ಲಿಯೂ ಅಗಾಧ ಪ್ರಮಾಣದಲ್ಲಿ ಕ್ರೈಸ್ತರು ಇರುತಿದ್ದರೆಂದು ಕುಂದಾಪುರ ಚರ್ಚ್ ಚರಿತ್ರೆಯನ್ನು ಪರಿಶೀಲಿಸಿದ ಶ್ರೀಯುತ ರೋಕ್ ಕರ್ವಾಲ್ಲೊ ಹೇಳುತ್ತಾರೆ.
ಈ ಸಮಯದಲ್ಲಿ ಟಿಪು ಕುಂದಾಪುರ ಚರ್ಚಿನ ಛಾವಣಿಯನ್ನು ಹಾಳುಗೆಡವಿದ. ಇಲ್ಲಿನ ವಿಕಾರ್ ವಾರ್ ಇವರನ್ನು ಓಡಿಸಿ ಟಿಪು ಕುಂದಾಪುರ ಇಗರ್ಜಿಯ ಭೂಮಿಯನ್ನು ಖಾದಿರ್ ಆಲಿಗೆ ಮಾರಿದನು. ಮುಂದೆ ಖಾದಿರ್ ಆಲಿ ವಾಗ್ದಾನವನ್ನು ಬದಲಿಸಿ ಚರ್ಚಿಗೆ ಭೂಮಿಯನ್ನು ಹಿಂತಿರುಗಿಸಿದ. ಕ್ರಿ.ಶ 1842 ರಲ್ಲಿ ಬಾರ್ಸೆಲೋರ್ (ಕುಂದಾಪುರ) ಚರ್ಚ್ ಮತ್ತು ಇತರ ಚರ್ಚುಗಳು ತಮ್ಮ ನಿಶ್ಠೆಯನ್ನು ಪೋಪ್ ಸ್ವಾಮಿಗೆ ನೀಡುತ್ತಾರೆ, ಆಮೇಲೆ ಎಲ್ಲ ಉದ್ದೇಶಗಳಿಗಾಗಿ ಬಾರ್ಸೆಲೋರ್ ಧರ್ಮಕೇಂದ್ರವನ್ನು ಕುಂದಾಪುರ ಧರ್ಮಕೇಂದ್ರ ಎಂದು ಕರೆಯಲಾಯಿತು. ಕ್ರಮೇಣ ಬಾರ್ಸೆಲೋರ್ ಎಂಬ ಹೆಸರು ಸಂಪೂರ್ಣವಾಗಿ ಮರೆಯಾಯ್ತು. ಫಾ| ಲಾರೆನ್ಸ್ ಪಾಯ್ಸ್ ಕುಂದಾಪುರದ ವಿಕಾರ್ ಆಗಿ ಬಂದವರು ಹಳೆ ಇಗರ್ಜಿ ಶಿಥಿಲವಾದದ್ದನ್ನು ನೋಡಿ, ಅದನ್ನು ಕೆಡವಿ, ಈಗಿರುವ ಚರ್ಚನ್ನು ಕಟ್ಟಿಸಿದರು. ಅದನ್ನು 1967 ರಲ್ಲಿ ಅಂದಿನ ಬಿಷಪ್ ಅ|ವಂ|ಬಾಸೀಲ್ ಡಿಸೋಜಾ ಉದ್ಘಾಟಿಸಿದರು.

ಚರ್ಚ್ 450 ವರ್ಷಗಳ ಸಂಭ್ರಾಮಾಚರಣೆಯ ಕಾಲ ಘಟ್ಟದಲ್ಲಿ
450 ವರ್ಷಗಳ ಸಂಭ್ರಾಮಾಚರಣೆ ಆಚರಿಸುವ ಈ ಶುಭ ಸಂದರ್ಭದಲ್ಲಿ (2020-21) ನಮ್ಮ ರೋಸರಿ ಮಾತಾ ಇಗರ್ಜಿಯಲ್ಲಿ ಪ್ರಧಾನ ಗುರುಗಳಾಗಿ ಅ|ವಂ|ಸ್ಟ್ಯಾನಿ ತಾವ್ರೊ, ಸಹಾಯಕ ಗುರುಗಳಾಗಿ ವಂ|ವಿಜಯ್ ಡಿಸೋಜಾ, ಮತ್ತು ಸಂತ ಮೇರಿಸ್ ಪಿ.ಯು.ಕಾಲೇಜಿನ ಪ್ರಾಂಶುಪಾಲರಾದ ಧರ್ಮಗುರು ವಂ|ಪ್ರವೀಣ್ ಅಮ್ರತ್ ಮಾರ್ಟಿಸ್ ಸೇವೆ ನೀಡುತ್ತಿದ್ದಾರೆ. ಜೊತೆಗೆ ಉಪಾಧ್ಯಕ್ಷರಾದ ಶ್ರೀ ಲುವಿಸ್ ಫೆರ್ನಾಂಡಿಸ್,ಕಾರ್ಯದರ್ಶಿ ಆಶಾ ಕರ್ವಾಲ್ಲೊ, ವಾಳೆಯ ಗುರಿಕಾರರು, ಪ್ರತಿನಿಧಿಗಳು, ಆರ್ಥಿಕ ಸಮಿತಿಯ ಸದಸ್ಯರು, ಹಾಗೂ ಚರ್ಚಿನ ಎಲ್ಲಾ ಭಕ್ತಾಧಿಗಳ ಸಹಕಾರದಿಂದ ಚರ್ಚಿನಲ್ಲಿ ಹತ್ತು ಹಲವಾರು ನವೀಕರಣ ಕಾರ್ಯ ಮಾಡಲ್ಪಟ್ಟು, ನೂತನವಾದ ಕಲಾತ್ಮಕವಾದ ಅಲ್ತಾರನ್ನು, ಪಾಲಾಕಿ ರೋಸರಿ ಮಾತೆಯ ಮತ್ತು ಸಂತ ಜೋಸೆಫ್ ವಾಜ್‍ರ ಮೂರ್ತಿಗಳನ್ನು ಸುಂದರವಾಗಿ ಅಳವಡಿಸಿ, ಚರ್ಚ್ ಎದುರಿಗಿದ್ದ ಆವರಣದಲ್ಲಿ ನಿಧನ ಹೊಂದಿದವರ ಸ್ಮಾರಕ ಹಾಸುಕಲ್ಲನ್ನು ತೆರವುಗೊಳಿಸಿ, ಅವುಗಳನ್ನು ಆವರಣ ಗೋಡೆಗೆ ಅಳವಡಿಸಿ ಆವರಣವನ್ನು ನವೀಕರಿಸಿದ್ದಾರೆ ಹೀಗೆ ಚರ್ಚಿಗೆ ಹೊಸ ರೂಪ, ಹೊಸಕಳೆ ಬಂದಿದೆ.ಇದೇ ವರ್ಷ (1920-21) ಪ್ರಪಂಚದಲ್ಲಿ ಕೊರೊನಾ ಬಂದು ಹಲವಾರು ಕಷ್ಟ ಕಾರ್ಪಣ್ಯಗಳು ಬಂದವು, ಆದರೆ ಈ ಸಂದರ್ಭದಲ್ಲಿ ಭಕ್ತಾದಿಗಳಿಗೆ ಚರ್ಚಿಗೆ ಬರಲು ಆಸ್ಪದ ಇಲ್ಲದೇ ಇದ್ದುದರಿಂದ ಇಗರ್ಜಿಯನ್ನು ನವೀಕರಣ ಮಾಡಲು ರೋಸರಿ ಮಾತೆಯೆ ಆಸ್ಪದ ಕೊಟ್ಟದಂತೂ ನಿಜವಾಗಿದೆ)


ಈ ಧರ್ಮಕೇಂದ್ರ ಬರೆ ದೇವರ ಧ್ಯಾನವನ್ನು ಕಲಿಸುವುದಲ್ಲದೆ, ನೂರಾರು ವರ್ಷಗಳ ಹಿಂದಿನಿಂದಲೂ ವಿದ್ಯಾದಾನ
ನೀಡುತ್ತದೆ ಆ ನಿಟ್ಟಿನಲ್ಲಿ ಕನ್ನಡ ಪ್ರಾಥಮಿಕ ಶಾಲೆ,ಕನ್ನಡ ಪ್ರೌಢ ಶಾಲೆ, ಇಂಗ್ಲಿಷ್ ಮಾಧ್ಯಮ ಪ್ರಾಥಮಿಕ ಮತ್ತು ಪ್ರೌಢ ಶಾಲೆ, ಹಾಗೆ ಸಂತ ಮೇರಿಸ್ ಪಿ.ಯು.ಕಾಲೇಜ್ ಇವುಗಳ ಮುಖಾಂತರ ವಿದ್ಯಾದಾನ ನೀಡಿ ವಿದ್ಯಾ ಕೇಂದ್ರವೂ ಅಗಿದೆ. ಪುಟ್ಟ ಮಕ್ಕಳಿಗೂ ಕಿಂಡರ್ ಗಾರ್ಟನ್ ಶಾಲೆ ಕೂಡ ಇದ್ದು ಸಮಾಜಕ್ಕೆ ಮಹತ್ತರ ದೇಣಿಗೆ ನೀಡಿದೆ. ಒಂದು ಕಾಲದಲ್ಲಿ ಬಹಳ ಪ್ರಸಿದ್ದವಾದ ಕುಂದಾಪುರ ಪ್ರೆಸ್ ಕೂಡ ಇದ್ದು ಅದು ಎಲ್ಲರ ಮನೆ ಮಾತಾಗಿತ್ತು. ಇಷ್ಟಲ್ಲದೆ ಚರ್ಚಿನ ಆಶೆಯಂತೆ ಕಾರ್ಮೆಲ್ ಸಂಸ್ಥೆಯ ಭಗಿನಿಯರು ಕುಂದಾಪುರದಲ್ಲಿ ಸಂತ ಜೋಸೆಫ್ ಕಾನ್ವೆಂಟ್ ಕಟ್ಟಿ, ಬಡ ಮಕ್ಕಳಿಗಾಗಿ ಕನ್ನಡ ಪ್ರಾಥಮಿಕ ಶಾಲೆ ಮತ್ತು ಅನಾಥಶ್ರಮ ಆರಂಭಿಸಿ ಸಾವಿರಾರು ಮಕ್ಕಳಿಗೆ ಜೀವನದ ಸಫಲತೆಯನ್ನು ನೀಡಿದ್ದಾರೆ. ನಂತರ ಬಡ ಹೆಣ್ಣುಮಕ್ಕಳಿಗಾಗಿ ಕನ್ನಡ ಪ್ರೌಢ ಶಾಲೆ ತೆರೆದು ಶಿಕ್ಷಣ ನೀಡಿದ್ದಾರೆ. ಒಂದೊಮ್ಮೆ ಈ ಶಾಲೆ ಬಹಳ ಹೆಸರು ಗಳಿಸಿತ್ತು.


ಕುಂದಾಪುರ ಚರ್ಚಿನಲ್ಲಿ ಬಹಳಷ್ಟು ಅಚ್ಚರಿಯ ಘಟನೆಗಳು ನಡೆದಿವೆ. ಒಮ್ಮೆ ಪೆÇರ್ಚುಗೀಸರ ನಾವೇ ಅರಬಿ ಸಮುದ್ರದಲ್ಲಿ ಕೆಟ್ಟು ನಿಂತದ್ದು, ಅವರು ಈ ಚರ್ಚಿಗೆ ಬಂದು ಪ್ರಾರ್ಥಿಸಿದಾಗ ನಾವೆ ಸರಿಯಾದದ್ದು, ಗ್ರೊಟ್ಟೊದಲ್ಲಿದ್ದ ಮೇರಿ ಮಾತೆಯ ಕೊರಳಲಿದ್ದ ಚಿನ್ನದ ಸರವನ್ನು ಯುವಕನೊಬ್ಬ ಕದ್ದು, ಅವನ ಮನಶಾಂತಿ ಕೆಟ್ಟು, ಗ್ರೊಟ್ಟೊ ಪಕ್ಕದಲ್ಲಿದ್ದ ಕೆರೆಗೆ ಹಾರಿದ್ದು, ಕೊನೆಗೆ ಅತ ಸರ ಹಿಂತಿರುಗಿಸಿದ್ದು. ಇಂತಹ ಹಲವು ಘಟನೆಗಳು ಇಲ್ಲಿ ನಡೆದಿವೆ. ನೂತನ ಯೋಜನೆ ಆರಂಭಿಸುವಾಗ ರೋಜರಿ ಮಾತೆಗೆ ಪ್ರಾರ್ಥನೆ ಸಲ್ಲಿಸುವುದು, ತಮ್ಮ ಕೆಲಸ ಕಾರ್ಯಕ್ಕೆ ಹೋಗುವರು ನಮಸ್ಕರಿಸಿ ಮುಂದೆ ಸಾಗುವರು, ಮನಸ್ಸಿಗೆ ಸಮಾಧಾನ ಇಲ್ಲದವವರು ಮಾತೆಯ ಮುಂದೆ ಬಂದು ಪ್ರಾರ್ಥಿಸಿದಾಗ ಸಮಾಧಾನ ದೊರೆತವರು ಎಷ್ಟೊ ಮಂದಿ ಇದ್ದಾರೆ. ಹೀಗೆ ನಿರಂತರವಾಗಿ 450 ರ ವರ್ಷಗಳ ವರೆಗೆ ನಮ್ಮೆಲ್ಲರನ್ನು ಕಾಪಾಡಿಕೊಂಡು ದಯಾಮಹಿ ರೋಸರಿ ಮಾತೆ ನಮ್ಮನ್ನು ಸಲಹುತ್ತಾ ಬಂದಿದ್ದಾಳೆ. ಈ ಮಾತೆಯ 450 ವರ್ಷಗಳ ಸಂಭ್ರಮಾಚರಣೆಯಲ್ಲಿ ಭಾಗಿಯಾದ ನಾವು ನೀಜವಾಗಿಯು ಭಾಗ್ಯಶಾಲಿಗಳು. ಮಾತೆ ರೋಸರಿ, ನಮ್ಮೆಲ್ಲರನ್ನು ನಿನ್ನ ಕ್ರಪಾಕಟಾಕ್ಷ್ಯಗಳಿಂದ ಸಾಕಿ ಸಲಹಿರಿ. ನಮೋ ನಿನಗೆ ರೋಸರಿ ಮಾತೆ,
(ಈ ಲೇಖನ ಹಲವಾರು ಲೇಖನಗಳ ಆಧಾರದ ಮೇಲೆ ಬರೆಯಲಾಗಿದೆ)
* ಬರ್ನಾಡ್ ಡಿಕೋಸ್ತಾ,ಕುಂದಾಪುರ

ಶ್ರೀಭಗವಾನ್ ಸತ್ಯ ಸಾಯಿ ಬಾಬಾ ರವರ ಆಶೀರ್ವಾದದಿಂದ ಇಷ್ಟಲ್ಲಾ ಅಭಿವೃದ್ದಿ ಕೆಲಸಗಳು ಮಾಡಲು ನನ್ನಿಂದ ಸಾಧ್ಯ : ಕೆ. ಆರ್. ರಮೇಶ್ ಕುಮಾರ್

ವರದಿ: ಶಬ್ಬೀರ್ ಅಹ್ಮದ್, ಶ್ರೀನಿವಾಸಪುರ

ಶ್ರೀನಿವಾಸಪುರ , ಶ್ರೀಭಗವಾನ್ ಸತ್ಯ ಸಾಯಿ ಬಾಬಾ ರವರ ಆಶೀರ್ವಾದದಿಂದ ಇಷ್ಟಲ್ಲಾ ಅಭಿವೃದ್ದಿ ಕೆಲಸಗಳು ಮಾಡಲು ನನ್ನಿಂದ ಸಾಧ್ಯ ಎಂದು ಮಾಜಿ ಸ್ವೀಕರ್ ಹಾಲಿ ಶಾಸಕ ಕೆ. ಆರ್. ರಮೇಶ್ ಕುಮಾರ್ ತಿಳಿಸಿದರು.
ತಾಲ್ಲೂಕಿನ ರಾಯಲ್ಪಾಡು ಹೋಬಳಿ ಸುಣ್ಣಕಲ್ಲು ಅರಣ್ಯ ಪ್ರದೇಶದಲ್ಲಿ ವಿನೂತನವಾಗಿ ಪ್ಯಾರಾ ಗ್ಲೈಡರ್ ಮುಖಾಂತರ ಬಿತ್ತನೆ ಬೀಜ ಹಾಗೂ ವನ ಮಹೋತ್ಸವ ಕಾರ್ಯಕ್ರಮಕ್ಕೆ ಚಾಲನೆ ನೀಡಿ ಮಾತನಾಡಿದ ಕೆ.ಆರ್. ರಮೇಶ್ ಕುಮಾರ್ ಈಗ ಹಾಕುತ್ತಿರುವ ಬಿತ್ತನೆ ಬೀಜಕ್ಕೆ ಗೊಬ್ಬರ, ನೀರು, ಹಾಕುವಂತಿಲ್ಲ ಪ್ರಕೃತಿಯಿಂದ ಬರುವ ಮಳೆಯಿಂದಾಗಿ ಗಿಡಗಳು ಬೆಳೆಯುತ್ತವೆ. ಪರಿಸರ ಅಚ್ಚು ಹಸಿರಾಗಿ ಕಾಣುತ್ತವೆ. ಕಳೆದ ನಾಲ್ಕು ವರ್ಷಗಳಿಂದ ಬರಗಾಲ ಇತ್ತು ಪ್ರಾಣಿ ಪಕ್ಷಿಗಳಿಗೂ ಸಹ ನೀರು ಸಿಗದಂತಾಗಿತ್ತು. ಈಗ ದೇವರ ದಯದಿಂದ ಉತ್ತಮ ಮಳೆಯಾಗುತ್ತದೆ. ಮಳೆಗಾಲದ ಕಾರಣದಿಂದ ಈ ಬಿತ್ತನೆ ಬೀಜಗಳ ಕಾರ್ಯ ಮಾಡುತ್ತಿದ್ದೇವೆ. ಇಷ್ಟಲ್ಲಾ ಅಭಿವೃದ್ದಿ ಕಾರ್ಯಗಳನ್ನು ಮಾಡಲು ನನಗೆ ಸಾಯಿ ಬಾಬಾ ಅಶೀರ್ವಾದಿಂದ ಈ ತಾಲ್ಲೂಕಿನಲ್ಲಿ ಅಭಿವೃದ್ದಿ ಕಾರ್ಯಕ್ರಮಗಳು ಮಾಡುತ್ತಿದ್ದೇನೆ ಎಂದರು.
ಅಂದ್ರ ಪ್ರದೇಶದ ಮಾಜಿ ಮುಖ್ಯ ಮಂತ್ರಿ ದಿವಂಗತ ಎನ್.ಟಿ ರಾಮರಾವ್ ರವರು ತಿರುಪತಿ ಬೆಟ್ಟದಲ್ಲಿ ಕೂದಲು ಕೊಟ್ಟು ಬರುವಾಗ ಅವರಿಗೆ ಅಲೋಚನೆ ಬಂತು ಈ ಬೆಟ್ಟದಲ್ಲಿ ಯಾಕೆ ನಾವು ಬಿತ್ತನೆ ಬೀಜ ಮಾಡಬಾರದು ಎಂದು ತಿಳಿದು ಆಗ ಬಿತ್ತನೆ ಬೀಜ ಕಾರ್ಯಮಾಡಿದರು ಈಗ ತಿರುಪತಿಯ ಬೆಟ್ಟಗುಡ್ಡಗಳಲ್ಲಿ ಅಚ್ಚು ಹಸಿರಾಗಿ ಗಿಡಮರಗಳು ಬೆಳದಿದೆ. ಮಹಾನುಭಾವ ಮಾಡಿರುವ ಕಾರ್ಯವೇ ಇಂದು ನನಗೆ ಸ್ಪೂತಿಯಾಗಿದೆ. ಈಗಾಗಿ ಬಿತ್ತನೆ ಬೀಜ ಕಾರ್ಯ ಮಾಡುತ್ತಿದ್ದೇವೆ ಎಂದರು.
ನನ್ನ ಆಸೆಗಳು ಬೆಟ್ಟ ದಷ್ಟು ಇದೆ ಅವಕಾಶ ಸಿಕ್ಕಿದಾಗ ನನ್ನ ಕನಸುನ್ನು ನೆನಸು ಮಾಡಲು ಕೆಲಸ ಮಾಡುತ್ತಿದ್ದೇನೆ ಈ ತಾಲ್ಲೂಕಿನ ಜನರು ಬಹಳ ಹೃದಯವಂತರು. ನಾವು ಮಾಡುವ ಕೆಲಸಗಳಿಂದ ನಾವು ಮಾತನಾಡುವ ಭಾಷೆಯಿಂದ ಜನರು ನಮ್ಮ ಪ್ರೀತಿ ವಿಶ್ವಾಸವನ್ನುಗಳಿಸಬಹುದು ಈ ಒಂದು ಕಾರ್ಯಕ್ರಮಕ್ಕೆ ಬಿಳಿ ಪಂಚೆ, ಟವಲ್ ಹಾಕಿಕೊಂಡು ಬಂದಿರುವ ಉದ್ದೇಶ ನಮ್ಮ ಹಿಂದು ಸಂಪ್ರದಾಯ ಪ್ರಕಾರ ಯಾವುದೊಂದು ಶುಭ ಕಾರ್ಯವನ್ನು ಮಾಡಿದಾಗ ಬಿಳಿ ವಸ್ತ್ರವನ್ನು ಧರಿಸುವುದು ಶುಭ ಸೂಚನೆ ಎಂದ ಇವರು ನಮ್ಮದು ಪ್ರಾಕೃತಿಕವಾಗಿ ಸಂಪದ್ಭರಿತ ದೇಶ ಬ್ರಿಟಿಷರ್ ಕಾಲದಿಂದಲೂ ನಮ್ಮ ಪ್ರಾಕೃತಿಕ ಸಂಪತ್‍ನ್ನು ದರಾಳವಾಗಿ ಉಪಯೋಗಿಸಲಾಗುತ್ತಿದ್ದು, ಹೇರಳವಾದ ಈ ಸಂಪತ್ ಒಂದು ಕಾಲಕ್ಕೆ ಮುಗಿಯದ ಅಕ್ಷಯ ಪಾತ್ರೆಯಂತೆ ಇತ್ತು ಇಂತಹ ಅಕ್ಷಯ ಭಂಡಾರ ಕ್ಷಯವಾಗದಂತೆ ಮುಂದಿನ ಪೀಳಿಗೆಗೆ ಇದನ್ನು ಉಳಿಸುವ,ಬೆಳಸುವ ಕಾರ್ಯವನ್ನು ನಾವು ನೀವು ಎಲ್ಲರೂ ಮಾಡಬೇಕು. ಮರ ಗಿಡ, ಗಿಡಮೂಳಕೆ ಉಳಿದರೆ ಪ್ರಕೃತಿ ಸಮತೋಲನವಾಗಿ ಜೀವ ಜಗತ್ತೂ ಕೂಡಾ ನೆಮ್ಮದಿಯ ಬದಕು ಕಾಣಲು ಸಾಧ್ಯ ಈ ಭೂಮಿ, ಪರಿಸರ ನಮಗಾಗಿ ಅಲ್ಲ, ಮುಂದಿನ ಪೀಳಿಗೆಗಾಗಿ ಎಂದರು.
ಜೀವನ ಪರ್ಯಾಂತ ನೆನಸಿಕೊಳ್ಳುವ ಕೆಲಸಗಳು ಮಾಡುವ ಉದ್ದೇಶ ನನಗೆ ಇದೆ ಕಷ್ಟದಲ್ಲಿ ನೆರವಾಗಿದ್ದವರನ್ನು ನೆನಸಿಕೊಳ್ಳಬೇಕು ನನ್ನ 50 ವರ್ಷಗಳ ಸಾರ್ವಜನಿಕ ಜೀವನ 45 ವರ್ಷಗಳ ಸಂಸದೀಯ ಜೀವನ ನೋಡಿದ್ದೇನೆ. ಈ ತಾಲ್ಲೂಕಿನ ಜನರು ನನಗೆ ಆಶೀರ್ವಾದ ಮಾಡುತ್ತಾ ಬಂದಿದ್ದಾರೆ. ಇನ್ನಷ್ಟು ಅಭಿವೃದ್ದಿ ಕಾರ್ಯಗಳಿಗೆ ನಾನು ನನ್ನ ಜೀವನ ಇರುವವರಿಗೂ ಶಕ್ತಿ ಮೀರಿ ಶ್ರಮಿಸುತ್ತೇನೆ ಎಂದರು.
ವಲಯ ಅರಣ್ಯಾಧಿಕಾರಿ ಸುರೇಶ್‍ಬಾಬು ಮಾತನಾಡಿ ಈ ತಾಲ್ಲೂಕಿನಲ್ಲಿ ಒಟ್ಟು 43 ಸಾವಿರ ಎಕರೆ ಅರಣ್ಯ ಪ್ರದೇಶವಿದೆ ಈ ರಾಯಲ್ಪಾಡು ಭಾಗದಲ್ಲಿ 20 ಸಾವಿರ ಅರಣ್ಯ ಪ್ರದೇಶ ಇದೆ ಈಗ 9 ಸಾವಿರ ಎಕರೆ ಅರಣ್ಯ ಪ್ರದೇಶದಲ್ಲಿ ಬಿತ್ತನೆ ಬೀಜ ಪ್ರಸರಣ ಮಾಡುತ್ತಿದ್ದೇವೆ. ಶಾಸಕರ ಅದೇಶದಂತೆ ಈ ಅರಣ್ಯ ಪ್ರದೇಶದಲ್ಲಿ ಎಲ್ಲಾ ರೀತಿಯ ಜಾತಿಯ ಬೀಜಗಳನ್ನು ಹಾಕುತ್ತಿದ್ದೇವೆ. ಈ ಒಂದು ಬಿತ್ತನೆ ಬೀಜ ಕಾರ್ಯ ಎರಡು ದಿನಗಳ ಕಾಲ ನಡಯಲಿದೆ ಎಂದರು.

ಈ ವನಮಹೊತ್ಸವ ಕಾರ್ಯಕ್ರಮದಲ್ಲಿ ಜಿಲ್ಲಾ ಪಂಚಾಯಿತಿ ಮಾಜಿ ಸದಸ್ಯ ಮ್ಯಾಕಲ ನಾರಾಯಣಸ್ವಾಮಿ ಡಿಸಿಸಿ ಬ್ಯಾಂಕ್ ಅಧ್ಯಕ್ಷ ಬ್ಯಾಲಹಳ್ಳಿ ಗೋವಿಂದಗೌಡ, ಪಿಎಲ್‍ಡಿ ಬ್ಯಾಂಕ್ ಅಧ್ಯಕ್ಷ ದಿಂಬಾಲ ಆಶೋಕ್, ಉಪಾಧ್ಯಕ್ಷ ಕೋಡಿಪಲ್ಲಿ ಸುಬ್ಬರೆಡ್ಡಿ ಕೂರಿಗೇಪಲ್ಲಿ ಗ್ರಾಮ ಪಂಚಾಯಿತಿ ಅಧ್ಯಕ್ಷ ವಿಶ್ವನಾಥರೆಡ್ಡಿ, ರಾಯಲ್ಪಾಡು ಬ್ಲಾಕ್ ಕಾಂಗ್ರೇಸ್ ಮಾಜಿ ಅಧ್ಯಕ್ಷ ಸಂಜಯ್‍ರೆಡ್ಡಿ, ಡಿಸಿಎಫ್ ಶಿವಶಂಕರ್, ಎಸಿಎಫ್ ಸಹನಕುಮಾರ್ ಸಾಮಾಜಿಕ ವಲಯ ಅರಣ್ಯಾಧಿಕಾರಿ ಬಾಲುಚಂದ್ರ, ಮುದಿಮಡಗು ಅಮರನಾರಾಯಣ, ತಾಲ್ಲೂಕು ವ್ಯವಸಾಯೋತ್ಪನ್ನಗಳ ಮಾರಾಟ ಸಹಕಾರ ಸಂಘದ ಅಧ್ಯಕ್ಷ ಬಗ್ಗಲಗಟ್ಟ ಶ್ರೀನಿವಾಸರೆಡ್ಡಿ, ಪೆದ್ದರೆಡ್ಡಿ, ಮುಖಂಡರಾದ ಪಾತೂರು ನಾಗರಾಜ್, ಶಂಕರರೆಡ್ಡಿ, ಆಲವಾಟ ಮಂಜುನಾಥರೆಡ್ಡಿ, ಬೋರವೆಲ್ ಕೃಷ್ಣಾರೆಡ್ಡಿ, ದಿಂಬಾಲ ವೆಂಕಟಾದ್ರಿ, ಇನ್ನೂ ಹಲವಾರು ಮುಖಂಡರು ಈ ಕಾರ್ಯಕ್ರಮದಲ್ಲಿ ಬಾಗವಹಿಸಿದ್ದರು.