HOLY ROSARY CHURCH, KUNDAPUR – 450 th JUBILEE SOUVENIR 2021

JANANUDI.COM NETWORK

ಕುಂದಾಪುರ,ಫೇ.: ಫೆ. ೨೭: ಕುಂದಾಪುರ ಹೋಲಿ ರೋಜರಿ ಇಗರ್ಜಿಯ ಸಭಾಭವನದಲ್ಲಿ ಕ್ರೈಸ್ತ ಶಿಕ್ಷಣ ದಿನಾಚರಣೆ ಫೆ. 27ರಂದು ನಡೆಯಿತು
ಸಭಾ ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ವಹಿಸಿದ ರೋಜರಿ ಮಾತಾ ಇಗರ್ಜಿಯ ಪ್ರಧಾನ ಧರ್ಮಗುರು ಅ|ವಂ|ಸ್ಟ್ಯಾನಿ ತಾವ್ರೊ ‘ನೀತಿ ಶಿಕ್ಷಣ ಪಡೆದ ಮಗು ಜೀವನದಲ್ಲಿ ಸಫಲತೆಯನ್ನು ಪಡೆಯುತ್ತದೆ. ಆ ಮಗು ಮುಂದೆ ಜೀವನದಲ್ಲಿ ಮೌಲ್ಯಾಧಾರಿತ ಜೀವನ ನಡೆಸುತ್ತದೆ ಅಧ್ಯಾತ್ಮಿಕವಾಗಿ ತಮ್ಮನ್ನು ಬೆಳೆಸಿಕೊಳ್ಳುವುದು ಮಾತ್ರವಲ್ಲಾ, ನೀತಿ ಶಿಕ್ಷಣದಿಂದ ನಮಗೆ ದೇವರ ಪರಿಚಯವಾಗುತ್ತದೆ’ ಎಂದು ವರ್ಷವೀಡಿ ತಮ್ಮ ಸಮಯವನು ತ್ಯಾಗ ಮಾಡಿ ನೀತಿ ಶಿಕ್ಷಣ ನೀಡುವ ಶಿಕ್ಷಕಿಯರ ಬಗ್ಗೆ ಮೆಚ್ಚುಗೆ ವ್ಯಕ್ತ ಪಡಿಸುತ್ತಾ,ನೀತಿ ಶಿಕ್ಷಕರನ್ನು ಅವರು ಗೌರವಿಸಿದರು. ಸಭಾ ಕಾರ್ಯ ಕ್ರಮದ ಮೊದಲು ಹೋಲಿ ರೋಜರಿ ಚರ್ಚನಲ್ಲಿ ಪವಿತ್ರ ಬಲಿದಾನವನ್ನು ಅರ್ಪಿಸಲಾಯಿತು.
ಸಹಾಯಕ ಧರ್ಮಗುರು ವಂ| ವಿಜಯ್ ಡಿಸೋಜಾ, ಮಕ್ಕಳು ಕ್ರೈಸ್ತ ಶಿಕ್ಷಣ ಪಡೆದರೆ ಮಾತ್ರ ಸಾಲದು, ಅದನ್ನು ನಮ್ಮ ಜೀವನದಲ್ಲಿ ಅನುಷ್ಠಾನಗೊಳಿಸಿ ಅದರಂತೆ ನಡೆಯಬೇಕು.ಎಂದು ಹೇಳಿ ಸಾಧನೆ ಮಾಡಿದ ವಿದ್ಯಾರ್ಥಿಗಳಿಗೆ ಬಹುಮಾನ ವಿತರಿಸಿದರು. ಅವರ ಜೊತೆಗೆ ಪಾಲನಾ ಮಂಡಳಿ ಕಾರ್ಯದರ್ಶಿ ಆಶಾ ಕರ್ವಾಲ್ಲೊ,ಆಯೋಗಗಳ ಸಂಯೋಜಕಿ ಪ್ರೇಮಾ ಡಿಕುನ್ಹಾ, ವಿದ್ಯಾರ್ಥಿಗಳಿಗೆ ಬಹುಮಾನ ನೀಡಿದರು. ಒಂದನೇ ತರಗತಿಯಿಂದ ಪಿ.ಯು.ಸಿ. ವರೆಗಿನ ಮಕ್ಕಳಿಗೆ ಕ್ರಿಸ್ತಿ ಮೌಲ್ಯಾಧಾರಿತ ಶಿಕ್ಷಣದ ಪರೀಕ್ಷೆಯಲ್ಲಿ ಉತ್ತಮ ಸಾಧನೆ ಮಾಡಿದವರಿಗೆ ಶಿಕ್ಷಕಿ ಲೋನಾ ಲುವಿಸ್, ಮತ್ತು ವಿದ್ಯಾರ್ಥಿನಿ ರಿಶಿಕಾ ಮೊಂತೇರೊ ತಮ್ಮ ಅನುಭವವನ್ನು ಹಂಚಿಕೊಂಡರು.
ಮಕ್ಕಳಿಂದ ನ್ರತ್ಯ, ಪ್ರಹಸನ ಕಾರ್ಯಕ್ರಮಗಳು ಪ್ರದರ್ಶನಗೊಂಡವು. ನೀತಿ ಶಿಕ್ಷಣ ಶಿಕ್ಷರ ಸಂಚಾಲಕಿ ವೀಣಾ ಡಿಸೋಜಾ ವರದಿಯನ್ನು ವಾಚಿಸಿದರು. ವಿದ್ಯಾರ್ಥಿನಿಯಾರಾದ ವಿಯಾನ್ನ ಬರೆಟ್ಟೊ ಮತ್ತು ವಿಯೋಲಾ ಬರೆಟ್ಟೊ ನಿರೂಪಿಸಿದರು.ಶಿಕ್ಷಕಿಯಾರಾದ ಸಿಸ್ಟರ್ ತೆರೆಜಾ ಶಾಂತಿ, ಮರಿಯಾ ಬರೆಟ್ಟೊ, ಸೆಲಿನ್ ಬರೆಟ್ಟೊ ಸಹಕರಿಸಿದರು.ವಿದ್ಯಾರ್ಥಿನಿ ಪರ್ಲ್ ಬರೆಟ್ಟೊ ಸ್ವಾಗತಿಸಿದಳು ಶಿಕ್ಷಕಿ ಜೂಲಿಯೆಟ್ ಪಾಯ್ಸ್ ವಂದಿಸಿದರು.

ವರದಿ: ಶಬ್ಬೀರ್ ಅಹ್ಮದ್, ಶ್ರೀನಿವಾಸಪುರ

ಕೋಲಾರ:- ಮೇಕೆದಾಟು ಯೋಜನೆ ಜಾರಿಗೆ ಕಾಂಗ್ರೆಸ್ ನಡೆಸುತ್ತಿರುವ ಫೆ.27ರ ಪಾದಯಾತ್ರೆ ಹಾಗೂ ಮಾ.3ರಂದು ಬೆಂಗಳೂರಿನ ಬಸವನಗುಡಿ ನ್ಯಾಷನಲ್ ಕಾಲೇಜು ಮೈದನದಲ್ಲಿ ನಡೆಯುವ ಬಹಿರಂಗ ಸಭೆಯಲ್ಲಿ ಜಿಲ್ಲೆಯಿಂದ ಹೆಚ್ಚಿನ ಸಂಖ್ಯೆಯಲ್ಲಿ ಪಾಲ್ಗೊಂಡು ಯೋಜನೆ ವಿಳಂಬದ ವಿರುದ್ದ ಧ್ವನಿಯೆತ್ತೋಣ ಎಂದು ಮಾಜಿ ಸಭಾಪತಿ, ಜಿಲ್ಲಾ ಕಾಂಗ್ರೆಸ್ ಅಧ್ಯಕ್ಷ ವಿ.ಆರ್.ಸುದರ್ಶನ್ ಮನವಿ ಮಾಡಿದರು.
ನಗರದ ಪತ್ರಕರ್ತರ ಭವನದಲ್ಲಿ ಶನಿವಾರ ಕರೆದಿದ್ದ ಸುದ್ದಿಗೋಷ್ಟಿಯಲ್ಲಿ ಮಾತನಾಡಿದ ಅವರು, ಮೇಕೆದಾಟು ಯೋಜನೆಯಿಂದ ಬೆಂಗಳೂರು ಮಾತ್ರವಲ್ಲ, ಕೋಲಾರ ಸೇರಿದಂತೆ ಬಯಲು ಸೀಮೆ ಜಿಲ್ಲೆಗಳಿಗೆ ನೀರು ಹರಿಯಲಿದೆ, 440 ಮೆಗಾವ್ಯಾಟ್ ವಿದ್ಯುತ್ ಉತ್ಪಾದನೆಗೂ ಅವಕಾಶ ಸಿಗಲಿದ್ದು, ಪಕ್ಷಬೇಧ ಮರೆತು ಎಲ್ಲಾ ಸಂಘಟನೆಗಳು ಸಾರ್ವಜನಿಕರು ಪಾಲ್ಗೊಳ್ಳಲು ಕೋರಿದರು.
ರಾಷ್ಟ್ರೀಯ ನೀರಾವರಿ ಪಾಲಸಿಯಡಿ ಮೇಕೆದಾಟು ಯೋಜನೆಗೆ ಅನುಮತಿ ನೀಡಬೇಕು, ಎರಡೂ ಕಡೆ ಬಿಜೆಪಿ ಸರ್ಕಾರ ಸಿಎಂ ಹೇಳುವಂತೆ ಡಬಲ್ ಇಂಜಿನ್ ಸರ್ಕಾರ ಏಕೆ ವಿಳಂಬ ಮಾಡುತ್ತಿದೆ ಎಂದು ಪ್ರಶ್ನಿಸಿ, ಆ ಪಕ್ಷದ ಸಂಸದರು ಧ್ವನಿಯೆತ್ತುತ್ತಿಲ್ಲ ಆದ್ದರಿಂದ ಎಚ್ಚರಿಸಲು ಈ ಪಾದಯಾತ್ರೆ ಎಂದರು.
ಜಿಪಂ,ತಾಪಂ ಬಿಬಿಎಂಪಿಗಳಲ್ಲಿ ಶೇ.27 ಹಿಂದುಳಿದ ವರ್ಗಗಳಿಗೆ ಮೀಸಲಾತಿ ನೀಡುವ ಕುರಿತು ಮಹಾರಾಷ್ಟ್ರ ಹಾಕಿದ್ದ ಮೇಲ್ಮನವಿಗೆ ಸುಪ್ರೀಂಕೋರ್ಟ್ ಯಾವ ಮಾನದಂಡದ ಮೇಲೆ ಮೀಸಲಾತಿ ನೀಡಬೇಕು ಎಂದು ಪ್ರಶ್ನಿಸಿದೆ ಎಂದರು.
ಇದಕ್ಕೆ ಜಾತಿ ಗಣತಿ ಆಧಾರವಾಗಿದೆ ಎಂಬುದನ್ನು ಸರ್ಕಾರ ತಿಳಿಸಬೇಕು, 1931ರಲ್ಲಿ ಬ್ರಿಟೀಷ್ ಸರ್ಕಾರ ಮಾಡಿದ್ದ ಜಾತಿ ಗಣತಿ ಬಿಟ್ಟರೆ ನಂತರ ನಡೆದಿಲ್ಲ ಎಂದರು.
2013 ರಲ್ಲಿ ಸಿದ್ದರಾಮಯ್ಯ ಸಿಎಂ ಆದ ನಂತರ ಸಮಗ್ರ ಜಾತಿ ಗಣತಿಗೆ 22 ಕೋಟಿ ನೀಡಿದ್ದರು. ವರದಿಯೂ ಸಿದ್ದವಾಗಿದೆ, ಇದು ಸಾಮಾಜಿಕ ನ್ಯಾಯಕ್ಕೆ ಆಧಾರವಾಗಿದೆ, ಇದರ ಕುರಿತು ಮಾತನಾಡದೇ ಸಚಿವ ಈಶ್ವರಪ್ಪ ಸಂಬಂಧವಿಲ್ಲದ ವಿಷಯ ಮಾತನಾಡುತ್ತಿದ್ದಾರೆ ಎಂದು ಟೀಕಿಸಿದರು.
ಅಧಿವೇಶನದಲ್ಲಿನ ಗಲಾಟೆ ಸಂಬಂಧ ಮಾತನಾಡಿದ ಅವರು, ಆಡಳಿತ ಪಕ್ಷ,ವಿರೋಧ ಪಕ್ಷಗಳಿಗೆ ಸಮಾನ ಹೊಣೆ ಇದೆ, ವಿವಾದ ತೆಗೆದು ಸದನ ನಡೆಯದಂತೆ ಬಿಜೆಪಿಯೇ ಮಾಡಿದೆ, ಈ ರೀತಿ ಆಗಬಾರದು, ಬಜೆಟ್ ಅಧಿವೇಶನಕ್ಕೆ ಸರ್ಕಾರ ವಿರೋಧ ಪಕ್ಷಗಳ ಸಹಮತ ಪಡೆದು ಜನರ ಸಮಸ್ಯೆ ಚರ್ಚೆಗೆ ವೇದಿಕೆಯಾಗಲಿ ಎಂದು ಕೋರಿದರು.

ಡಿಸಿಸಿ ಬ್ಯಾಂಕ್‍ನದ್ದುರೈತರ ಬದುಕಿನ ಪ್ರಶ್ನೆ

ಡಿಸಿಸಿ ಬ್ಯಾಂಕ್,ಹಾಲು ಒಕ್ಕೂಟಗಳ ಕುರಿತು ಸರ್ಕಾರ ಇಡೀ ರಾಜ್ಯಕ್ಕೆ ಏಕರೀತಿಯ ನಿಯಮವನ್ನು ಬಜೆಟ್ ಅಧಿವೇಶನದಲ್ಲಿ ರೂಪಿಸಲಿ, 19 ಜಿಲ್ಲೆಗಳಿದ್ದದ್ದು ಈಗ 31 ಜಿಲ್ಲೆ ಆಗಿದೆ, ಎರಡು ಜಿಲ್ಲೆ ಸೇರಿ ಒಂದು ಡಿಸಿಸಿ ಬ್ಯಾಂಕ್ ಅಥವಾ ಹಾಲು ಒಕ್ಕೂಟವೇ ಅಥವಾ ಪ್ರತಿ ಜಿಲ್ಲೆಗೂ ನೀಡಬೇಕೆ ಎಂಬುದರ ಕುರಿತು ಇಡೀ ರಾಜ್ಯಕ್ಕೆ ಏಕರೀತಿಯ ನಿಯಮ ತಂದು ಗೊಂದಲಕ್ಕೆ ತೆರೆ ಎಳೆಯಬೇಕು ಎಂದರು.
ಬ್ಯಾಂಕ್‍ಗೆ ಕುತ್ತು ಬರಬಾರದು, ಇದು ಬಡವರು, ಮಹಿಳೆಯರ ಬದುಕಿನ ಪ್ರಶ್ನೆ ಎಂಬುದನ್ನು ಸರ್ಕಾರ ಅರಿತು ಮುನ್ನಡೆಯಬೇಕು ಎಂದರು.
ಬಜೆಟ್‍ನಲ್ಲಿ ರಿಂಗ್ ರೋಡ್, ನಗರಸಭೆಗೆ ಸುಂದರ ಕಟ್ಟಡ ನಿರ್ಮಾಣಕ್ಕೆ ಅನುದಾನ, ಎತ್ತಿನಹೊಳೆ,ಕೆಸಿ ವ್ಯಾಲಿ ಯೋಜನೆಗಳಿಗೆ ಅನುದಾನ ಸೇರಿದಂತೆ ಜಿಲ್ಲೆಗೆ ಹೆಚ್ಚಿನ ಅನುದಾನ ನೀಡಬೇಕು ಎಂದು ಮುಖ್ಯಮಂತ್ರಿಗಳನ್ನು ಒತ್ತಾಯಿಸಿದರು.
ಕಾಂಗ್ರೆಸ್ ಸದಸ್ಯತ್ವ ಪಡೆಯಲು ಡಿಜಿಟಲ್ ನೋಂದಣಿಗೆ ಅವಕಾಶ ನೀಡಿದೆ, ಮಾ.31 ರೊಳಗೆ ಸದಸ್ಯತ್ವ ಪಡೆಯಬಹುದು, ಪ್ರತಿ ಮತಗಟ್ಟೆಗೂ ಇಬ್ಬರು ಎನ್ರೋಲರ್‍ಗಳನ್ನು ನೇಮಿಸಲಾಗಿದೆ, ಇದರ ಕುರಿತು ಗಮನ ಹರಿಸಲು ಪರಿಷತ್ ಉಪನಾಯಕ ಗೋವಿಂದರಾಜು, ಶಾಸಕರಾದ ರೂಪಶಶಿಧರ್, ಅನಿಲ್‍ಕುಮಾರ್, ಷಫಿಉಲ್ಲಾರನ್ನು ಕೆಪಿಸಿಸಿ ನೇಮಿಸಿದೆ ಎಂದರು.
ಸುದ್ದಿಗೋಷ್ಟಿಯಲ್ಲಿ ಮೈಸೂರು ಮಿನರಲ್ಸ್ ನಿರ್ದೇಶಕ ಆರ್.ಕಿಶೋರ್‍ಕುಮಾರ್, ಕಾಂಗ್ರೆಸ್ ಮುಖಂಡರಾದ ವೆಂಕಟಪತೆಪ್ಪ, ಪ್ರಸಾದ್‍ಬಾಬು, ಜೆ.ಕೆ.ಜಯರಾಂ,ಲಾಲ್‍ಬಹುದ್ದೂರು ಶಾಸ್ತ್ರಿ, ಮುರಳಿಗೌಡ, ಖಾದ್ರಿಪುರ ಬಾಬು, ತನ್ವಿರ್ ಅಹಮದ್, ಅಲ್ತಾಪ್, ನಿವೃತ್ತ ಬ್ಯಾಂಕ್ ಅಧಿಕಾರಿ ರಾಧಾಕೃಷ್ಣ, ಎಸ್.ಆರ್.ನಾರಾಯಣಸ್ವಾಮಿ, ತಿರುಮಲೇಶ್, ನಾರಾಯಣಸ್ವಾಮಿ,ಜಗನ್, ರಾಜೇಶ್,ವಿಜಯ್ ಮತ್ತಿತರರಿದ್ದರು.

ವರದಿ: ಶಬ್ಬೀರ್ ಅಹ್ಮದ್, ಶ್ರೀನಿವಾಸಪುರ

ಕೋಲಾರ:- ಜಿಲ್ಲಾ ಕಾರ್ಯನಿರತ ಪತ್ರಕರ್ತರ ಸಂಘದ ನಿಯೋಜಿತ ನೂತನ ಪದಾಧಿಕಾರಿಗಳು ಹಾಗೂ ಹಾಲಿ ಅಧ್ಯಕ್ಷರನ್ನು ಜಿಲ್ಲಾ ಕಾಂಗ್ರೆಸ್ ವತಿಯಿಂದ ಮಾಜಿ ಸಭಾಪತಿ ಹಾಗೂ ಪಕ್ಷದ ಜಿಲ್ಲಾಧ್ಯಕ್ಷ ವಿ.ಆರ್.ಸುದರ್ಶನ್ ಸನ್ಮಾನಿಸಿದರು.
ಈ ಸಂದರ್ಭದಲ್ಲಿ ಮಾತನಾಡಿದ ಅವರು, ನೂತನ ಪದಾಧಿಕಾರಿಗಳು ಜಿಲ್ಲೆಯ ಜನರ ಸಮಸ್ಯೆಗಳಿಗೆ ಧ್ವನಿಯಾಗಲಿ, ಸಂಘ ಮತ್ತಷ್ಟು ಬಲಿಷ್ಟವಾಗಿ ಜಿಲ್ಲೆಯ ಅಭಿವೃದ್ದಿಗಾಗಿ ಜನಪ್ರತಿನಿಧಿಗಳನ್ನು ಎಚ್ಚರಿಸುವ ಕೆಲಸ ಮಾಡಲಿ ಎಂದು ಹಾರೈಸಿದರು.
ಈ ಸಂದರ್ಭದಲ್ಲಿ ಅಧ್ಯಕ್ಷ ವಿ.ಮುನಿರಾಜು, ನಿಯೋಜಿತ ನೂತನ ಪದಾಧಿಕಾರಿಗಳಾದ ಜಿಲ್ಲಾಧ್ಯಕ್ಷ ಬಿ.ವಿ.ಗೋಪಿನಾಥ್, ರಾಜ್ಯಪರಿಷತ್ ಸದಸ್ಯ ಕೆ.ಎಸ್.ಗಣೇಶ್, ಪ್ರಧಾನ ಕಾರ್ಯದರ್ಶಿ ಎಸ್.ಕೆ.ಚಂದ್ರಶೇಖರ್, ಖಜಾಂಚಿ ಎ.ಜಿ.ಸುರೇಶ್‍ಕುಮಾರ್, ಉಪಾಧ್ಯಕ್ಷ ಸದಾನಂದ, ಕಾರ್ಯದರ್ಶಿ ಸಿ.ಜಿ.ಮುರಳಿ, ಕಾರ್ಯಕಾರಿ ಸದಸ್ಯರಾದ ಆಸೀಫ್, ನಾ.ಮಂಜುನಾಥ್, ಲಕ್ಷ್ಮಣ್‍ರನ್ನು ಸನ್ಮಾನಿಸಲಾಯಿತು.
ಈ ಸಂದರ್ಭದಲ್ಲಿ ಮೈಸೂರು ಮಿನರಲ್ಸ್ ನಿರ್ದೇಶಕ ಆರ್.ಕಿಶೋರ್‍ಕುಮಾರ್, ಕಾಂಗ್ರೆಸ್ ಮುಖಂಡರಾದ ವೆಂಕಟಪತೆಪ್ಪ, ಪ್ರಸಾದ್‍ಬಾಬು, ಜೆ.ಕೆ.ಜಯರಾಂ,ಲಾಲ್‍ಬಹುದ್ದೂರು ಶಾಸ್ತ್ರಿ, ಮುರಳಿಗೌಡ, ಖಾದ್ರಿಪುರ ಬಾಬು, ತನ್ವಿರ್ ಅಹಮದ್, ಅಲ್ತಾಪ್, ನಿವೃತ್ತ ಬ್ಯಾಂಕ್ ಅಧಿಕಾರಿ ರಾಧಾಕೃಷ್ಣ, ಎಸ್.ಆರ್.ನಾರಾಯಣಸ್ವಾಮಿ, ತಿರುಮಲೇಶ್, ನಾರಾಯಣಸ್ವಾಮಿ,ಜಗನ್, ರಾಜೇಶ್,ವಿಜಯ್ ಮತ್ತಿತರರಿದ್ದರು.

JANANUDI.COM NETWORK

ಕುಂದಾಪುರ, ಫೆ. 26: “ಹಲವಾರು ವಿದ್ಯುತ್ ದೀಪಳಿದ್ದ ಒಂದು ಸಭಾ ಭವನ ಕೆಲವು ತಿಂಗಳು ಮುಚ್ಚಿದ್ದು, ಒಮ್ಮೇಲೆ ಸಭಾಭವನದ ದೀಪಗಳ ಸ್ವೀಚ್ ಹಾಕಿದರೆ ಅದರಲ್ಲಿ ಕೆಲವು ದೀಪಗಳು, ಬೆಳಕು ನೀಡುವುದಿಲ್ಲ, ಕೆಲವು ಮಿಣುಕುತ್ತವೆ, ಕೆಲವು ಸರಿಯಾಗಿ ಉರಿದು ಬೆಳಕು ನೀಡುತ್ತವೆ. ಬೆಳಕು ನೀಡುವು ದೀಪಗಳೆಂದರೆ, ನಾವು ದೇವರೆ ಮೇಲೆ ಇಟ್ಟಿರುವ ನಂಬಿಕೆ, ಅದೇ ಯೇಸುವಿನ ಬೆಳಕು ನಮ್ಮ ಹ್ರದಯಗಳಲ್ಲಿ ಬೆಳಗುವುದಾಗಿದೆ, ಅದೇ ದೇವರ ಬೆಳಕಿನ ಜೊತೆ ನಾವೆಲ್ಲ ಒಟ್ಟಾಗಿ ದೇವರಡೇ ಪಯಣ ಮಾಡುವುದು, ಅದಕ್ಕಾಗಿ ನಾವು ಎಲ್ಲರ ಜೊತೆ ಸಾಗೋಣ, ಸ್ವರ್ಗಹ ಪಡೇಯೋಣ” ಎಂದು ತಾಂಜೆನೀಯದಲ್ಲಿ ಕಾರ್ಮೆಲ್ ಮಿಷನಿನ ಪ್ರಾಂತೀಯ ಮುಖ್ಯಸ್ಥರಾದ ಅ|ವಂ|ಪ್ರವೀಣ್ ಪ್ರ್ಯಾಂಕ್ ಸಂದೇಶ ನೀಡಿದರು.

ಅವರು ಕೊಟೇಶ್ವರ ಕಟ್ಕೆರೆ ಬಾಲಯೇಸುವಿನ ಆಶ್ರಮದಲ್ಲಿ ಬಾಲ ಯೇಸುವಿನ ವಾರ್ಷಿಕ ಹಬ್ಬದಂದು (26-2-22) ಪ್ರಧಾನ ಯಾಜಕರಾಗಿ ಪವಿತ್ರ ಬಲಿದಾನ ಅರ್ಪಿಸಿ “ನಾವೆಲ್ಲ ಜೊತೆಯಾಗಿ ಸ್ವರ್ಗ ರಾಜ್ಯಕ್ಕೆ ತೆರಳಬೇಕು, ಹಾಗಾಗಿ ನಂಬಿಕೆಯ ಜೊತೆ ಬದುಕೋಣ, ಅಧ್ಯಾತ್ಮಿಕತೆ ಬೆಳೆಸಿಕೊಳ್ಳುವುದು ಕೇವಲ ಪೋಪ್ ಸ್ವಾಮಿ, ಬಿಷಪ್, ಯಾಜಕರುಗಳಿಗೆ ಮಾತ್ರವಲ್ಲ ಜನ ಸಾಮನ್ಯರಿಗೆಲ್ಲರ ಜವಾಬ್ದಾರಿಯಾಗಿದೆಯೆಂದು ಪೋಪ್ ಸ್ವಾಮಿಗಳು ಹೇಳುತ್ತಾರೆ. ಎಲ್ಲರು ಅಧ್ಯಾತ್ಮ ಪಯಣದ ಜೊತೆ ಸಾಗೋಣ.

ಯೇಸು ಕ್ರಿಸ್ತರು ಎಲ್ಲರನ್ನು ಪ್ರೀತಿಸಿದರು. ಅವರ ದ್ರಷ್ಟಿಯಲ್ಲಿ ಎಲ್ಲರೂ ಸಮಾನರು, ಮೇಲು ಕೀಳಿಲ್ಲ, ಭೇದಭಾವವಿಲ್ಲಾ, ಯೇಸು ಸ್ವಾಮಿ ನಮ್ಮಿಂದ ಬಯಸುವುದೆ ಇದೇ ಆಗಿದೆ. ಅದರಂತೆ ನಾವು ನಡೆಯೋಣ” ಎಂದು ತಿಳಿಸಿದರು.

ಈ ಬಾಲಯೇಸುವುನ ಮಹಾ ಹಬ್ಬದ ಬಲಿದಾನದಲ್ಲಿ ಕುಂದಾಪುರ ವಲಯ ಪ್ರಧಾನ ಅ|ವಂ|ಧರ್ಮಗುರು ಸ್ಟ್ಯಾನಿ ತಾವ್ರೊ ಭಾಗವಹಿಸಿ ಕಾರ್ಮೆಲ್ ಧರ್ಮಗುರುಗಳಿಗೆ ಹಬ್ಬದ ಶುಭ ಕೋರಿದರು. ಕುಂದಾಪುರ ವಲಯದ ಇಗರ್ಜಿಗಳ ಧರ್ಮಗುರುಗಳು, ಕಾರ್ಮೆಲ್ ಪಂಗಡದ ಧರ್ಮಗುರುಗಳು, ಅತಿಥಿ ಧರ್ಮಗುರುಗಳು, ಹಲವು ಕಾನ್ವೆಂಟಿನ ಧರ್ಮಭಗಿನಿಯರು, ಮತ್ತು ಭಕ್ತಾಧಿಗಳು ಹಾಜರಿದ್ದರು. ಬಲಿದಾನಕ್ಕೆ ಕುಂದಾಪುರ ಮತ್ತು ಕೊಟೇಶ್ವರ ಚರ್ಚಿನ ಗಾಯನ ಪಂಗಡದವರು, ಭಕ್ತಿಗೀತೆಗಳಿಂದ ಸಹಕರಿಸಿದರು.
ಕೊಟೇಶ್ವರ ಇಗರ್ಜಿಯ ಧರ್ಮಗುರು ವಂ|ಸಿರಿಲ್ ಮಿನೇಜೆಸ್, ಕಟ್ಕರೆಯ ಸಹಾಯಕ ಧರ್ಮಗುರು ದೀಪ್ ಫೆರ್ನಾಂಡಿಸ್ ಉಪಸ್ಥಿತರಿದ್ದರು, ಕಟ್ಕೆರೆ ಬಾಲ ಯೇಸುವಿನ ಮುಖ್ಯಸ್ಥರಾದ ವಂ|ಅಲ್ವಿನ್ ಸಿಕ್ವೇರಾ ಗಾಯನ ಪಂಗಡಕ್ಕೆ ನಿರ್ದೇಶನ ನೀಡಿ ಎಲ್ಲರನ್ನು ವಂದಿಸಿದರು.

JANANUDI.COM NETWOR

ಮಾಸ್ಕೋ: ಉಕ್ರೇನ್‌ ಜೊತೆ ಮಾತುಕತೆ ನಡೆಸಲು ಬೆಲಾರಸ್‌ ನ ರಾಜಧಾನಿ ಮಿನ್‌ಸ್ಕ್‌ಗೆ ನಿಯೋಗವನ್ನು ಕಳುಹಿಸಲು ಉಕ್ರೇನ್‌ ವಶಪಡಿಸಿಕೊಳ್ಳುವ ಯಾವುದೇ ಯೋಜನೆಯನ್ನು ತಮ್ಮ ದೇಶ ಹೊಂದಿಲ್ಲ. ಉಕ್ರೇನ್‌ ಪಡೆಗಳು ಶಸ್ತ್ರಾಸ್ತ್ರಗಳನ್ನು ತ್ಯಜಿಸಿದರೆ ನೇರವಾಗಿ ಮಾತುಕತೆ ನಡೆಸಲು ಮಾಸ್ಕೋ ಸಿದ್ದವಾಗಿದೆ ಎ೦ದು ರಷ್ಯಾದ ವಿದೇಶಾ೦ಗ ಸಚಿವ ಸೆರ್ಗೆಯ್‌ ಲಾವ್ರೊವ್‌ ಹೇಳಿದ್ದರು.
ಅದಕ್ಕೆ ಉತ್ತರವಾಗಿ ಉಕ್ರೇನ್‌ ನಲ್ಲಿ ಪ್ರಜಾತಂತ್ರವನ್ನು ರಕ್ಷಿಸುವುದು ರಷ್ಯಾ ಆಕ್ರಮಣದ ಉದ್ದೇಶ ಎ೦ದಿರುವ ಪೆಸ್ಕೋವ್‌, ರಕ್ಷಣಾ ಸಚಿವಾಲಯ, ವಿದೇಶಾ೦ಗ ಸಚಿವಾಲಯ ಮತ್ತು ಸರ್ಕಾರದ ಪ್ರತಿನಿಧಿಗಳು ನಿಯೋಗದಲ್ಲಿ ಇರಲಿದ್ದಾರೆ೦ದು ಹೇಳಿದ್ದಾರೆ. ಮಿಲಿಟರಿ ಕಾರ್ಯಾಚರಣೆಗೆ ಸಂಬಂಧಿಸಿದ೦ತೆ ರಷ್ಯಾದೊಂದಿಗೆ ಮಾತುಕತೆ ನಡೆಸಲು ಬಯಸುತ್ತಿರುವುದಾಗಿ ಉಕ್ರೇನ್‌ ಅಧ್ಯಕ್ಷ ವೊಲೊಡಿಮಿರ್‌ ರುಲೆನ್‌ಸ್ಕಿ ಭಾಷಣದಲ್ಲಿ ಶುಕ್ರವಾರ ಹೇಳಿದ್ದಾರೆ. . ಈ ಸ೦ಬ೦ಧ ವ್ಲಾಡಿಮಿರ್‌ ಪುಟಿನ್‌, ಬೆಲಾರಸ್‌ ಅಧ್ಯಕ್ಷ ಅಲೆಕ್ಟಾಂಡರ್‌ ಲುಕಾಶೆ೦ಕೂ ಅವರೊಂದಿಗೆ ದೂರವಾಣಿ ಮೂಲಕ ಮಾತುಕತೆ ನಡೆಸಿದ್ದಾರೆ.
ಉಕ್ರೇನ್‌ ರಾಜಧಾನಿ ಕೀವ್‌ ರಷ್ಯಾ ಪಡೆಗಳು ಸುತ್ತುವರಿದಿವೆ. ಇತರ ನಗರಗಳ ಮೇಲೂ ಕಾರ್ಯಾಚರಣೆ ಮುಂದುವರಿಸಲಿವೆ ಎ೦ದು ರಷ್ಯಾ ರಕ್ಷಣಾ ಸಚಿವಾಲಯದ ವಕ್ತಾರ ಐಗರ್‌ ಕೂನಾಶೆ೦ಕೊವ್‌ ತಿಳಿಸಿದ್ದಾರೆ.

ವರದಿ: ಶಬ್ಬೀರ್ ಅಹ್ಮದ್, ಶ್ರೀನಿವಾಸಪುರ

ಕೋಲಾರ :ನಾವು ಬುರ್ಕಾ ಹಾಗೂ ನಿಕಾಬ್ ತೆಗೆದು ತರಗತಿಗಳಿಗೆ ಹಾಜರಾಗುತ್ತೇವೆ . ಆದರೆ , ಹಿಜಾಬ್ ತೆಗೆಯುವುದಿಲ್ಲ . ನಮಗೆ ಹಿಜಾಬ್ ಮತ್ತು ಶಿಕ್ಷಣ ಎರಡೂ ಬೇಕಾಗಿದ್ದು , ತರಗತಿ ಗಳಿಗೆ ಹಾಜರಾಗಲು ಅವಕಾಶ ಕಲ್ಪಿಸಿಕೊಡಬೇಕೆಂದು ಸರಕಾರಿ ಬಾಲಕಿಯರ ಪದವಿ ಪೂರ್ವ ಕಾಲೇಜಿನ ಕೆಲ ಮುಸ್ಲಿಂ ವಿದ್ಯಾರ್ಥಿನಿಯರು ಆಗ್ರಹಿಸಿದರು .
ನಗರದ ಪತ್ರಕರ್ತರ ಭವನದಲ್ಲಿ ನಡೆದ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಜೈನಾ ಕೌಸರ್ , ಬುರ್ಕಾ , ನಿಕಾಬ್ ತೆಗೆದರೆ ನಮ್ಮ ಮುಖ ಗುರುತು ಸಿಗುತ್ತದೆ . ಆದರೆ , ಕೂದಲು ಕಾಣದಂತೆ ಹಿಜಾಬ್ ಧರಿಸುತ್ತೇವೆ . ಯಾವುದೇ ಕಾರಣಕ್ಕೂ ಹಿಜಾಬ್ ಮಾತ್ರ ತೆಗೆಯುವುದಿಲ್ಲ . 12 ವರ್ಷ ಮೇಲ್ಪಟ್ಟವರು ಕಡ್ಡಾಯವಾಗಿ ಹಿಜಾಬ್ ಧರಿಸಬೇಕೆಂದು ಕುರಾನ್ ನಲ್ಲಿ ಸ್ಪಷ್ಟವಾಗಿ ತಿಳಿಸಲಾಗಿದೆ . ಹೀಗಾಗಿ ಪೋಷಕರು ಹೇಳಿದರೂ ನಾವು ತೆಗೆಯುವುದಿಲ್ಲ ಎಂದರು . ಕಳೆದ 10 ದಿನಗಳಿಂ ದಲೂ ಪ್ರತಿದಿನವೂ ಕಾಲೇಜಿನ ಬಳಿ ಹೋಗುತ್ತಿದ್ದು , ಪ್ರಾಂಶುಪಾಲರು ಸರಿಯಾಗಿ ಮಾತನಾಡುತಿಲ್ಲ . ಪೊಲೀಸರು ಅಸಭ್ಯವಾಗಿ ವರ್ತಿಸುತ್ತಾರೆ . ಪರೀಕ್ಷೆ ಸಮಯದಲ್ಲಿ ಹೀಗೆ ಆದರೆ ಪರಿಸ್ಥಿತಿ ಏನಾಗಬಹುದು ಎನ್ನುವ ಆತಂಕ ಮನೆ ಮಾಡಿದೆ .
ಕಾಲೇಜಿನ ಸಿಡಿಸಿ ಯಲ್ಲಿ ಏನಿದೆಯೋ ನಮಗೆ ಹೇಳುತಿಲ್ಲ . ಈ ಬಗ್ಗೆ ಜಿಲ್ಲಾಧಿಕಾರಿಗಳ ಗಮನಕ್ಕೆ ತರಲಾಗಿದ್ದು , ಸಿಡಿಸಿ ಯನ್ನು ನೋಡಿಕೊಂಡು ಹೋಗಿ ಎಂದು ಹೇಳಿದ್ದಾರೆ . ಆದರೆ ಪ್ರಾಂಶುಪಾಲರು ಮಾತ್ರ ತೋರಿಸುತ್ತಿಲ್ಲ ಎಂದು ದೂರಿದರು
ಪ್ರಥಮ ಪಿಯುಸಿಯಲ್ಲಿ ಸುಮಾರು 30 ಮಂದಿಯ ಪೈಕಿ 5 ಮಂದಿ ಮಾತ್ರವೇ ಹಿಜಾಬ್ ತೆಗೆದು ತರಗತಿಗೆ ಹಾಜರಾಗುತ್ತಿದ್ದಾರೆ . ಅದು ಅವರ ವೈಯಕ್ತಿಕ ವಿಚಾರ , ನ್ಯಾಯಾಲಯದಿಂದ ಅಂತಿಮ ತೀರ್ಪು ಬರುವವರೆಗಾದರೂ ನಮಗೆ ಹಿಜಾಬ್ ಧರಿಸಿ ಕೊಂಡು ಹೋಗಲು ಅವಕಾಶ ನೀಡಲಿ ಎಂದು ಮನವಿ ಮಾಡಿದರು .ಸುದ್ದಿಗೋಷ್ಠಿಯಲ್ಲಿ ವಿದ್ಯಾರ್ಥಿನಿಯರಾದ ಸುಮಯಾ , ಫಿರ್ದೋಸ್ , ಹರ್ಷಿಯಾ , ಮಿಸ್ಬಾ ಮತ್ತಿತರರಿದ್ದರು

ವರದಿ: ಶಬ್ಬೀರ್ ಅಹ್ಮದ್, ಶ್ರೀನಿವಾಸಪುರ

ಶ್ರೀನಿವಾಸಪುರ : ಪಟ್ಟಣದ ಹೊರ ವಲಯದ ಮಾವಿನ ತೋಟದಲ್ಲಿ ಈಚೆಗೆ ಕುರಿ ವ್ಯಾಪಾರಿಯೊಬ್ಬರ ಕತ್ತು ಕೊಯ್ದು ಕೊಲೆ ಮಾಡಿದ್ದ ಆರೋಪಿಯನ್ನು ಬಂಧಿಸುವಲ್ಲಿ ಪೊಲೀಸರು ಯಶಸ್ವಿಯಾಗಿದ್ದಾರೆ .
ಪಟ್ಟಣದ ಆಜಾದ್ ರಸ್ತೆಯ ಮಾಂಸದ ವ್ಯಪಾರಿ ಜಾವೀದ್ ಪಾಷ ಅವರ ಮಗ ನಯಾಜ್‌ ಪಾಷ ( ೨೦ ) ಬಂಧಿತ ಕೊಲೆ ಆರೋಪಿ .
ತಾಲ್ಲೂಕಿನ ಗುಂಡಮನತ್ತ ಗ್ರಾಮದ ಕುರಿ ವ್ಯಾಪಾರಿ ಮುನಿಸ್ವಾಮಿ ಅವರಿಗೆ , ಕುರಿ ಖರೀದಿಸಿದ್ದ ರೂ .೫೦ ಸಾವಿರ ನೀಡುವಂತೆ ಮಾಂಸದ ವ್ಯಾಪರಿ ಜಾವೀದ್ ಪಾಷ , ಆರೋಪಿ ನಯಾಜ್ ಪಾಷಗೆ ಹೇಳಿ ಹಣ ನೀಡಿದ್ದರು . ಮುನಿಸ್ವಾಮಿ ಅಂಗಡಿ ಬಳಿಗೆ ಬಂದಾಗ ತಂದೆ ಹೇಳಿದಂತೆ ಹಣ ನೀಡಿ , ಪಟ್ಟಣದ ಹೊರ ವಲಯದ ಮಾವಿನ ತೋಟದಲ್ಲಿ ಕುರಿಗಳು ಮಾರಾಟಕ್ಕೆ ಇರುವುದಾಗಿ ಹೇಳಿ , ದ್ವಿಚಕ್ರವಾಹನದಲ್ಲಿ ಕರೆದುಕೊಂಡು ಹೋಗಿದ್ದ . ತೋಟದಲ್ಲಿ ಕುರಿಗಳಿಗಾಗಿ ಕಾಯುತ್ತಿದ್ದ ಮುನಿಸ್ವಾಮಿ ಮೇಲೆ ನಯಾಜ್ ಪಾಷ ಒಮ್ಮೆಗೆ ಚಾಕುವಿನಿಂದ ದಾಳಿ ನಡೆಸಿ , ಕುತ್ತಿಗೆ ಸೀಳಿ ಹಣದೊಂದಿಗೆ ಪರಾರಿಯಾಗಿದ್ದ ‘ ಎಂದು ಪೊಲೀಸರು ತಿಳಿಸಿದ್ದಾರೆ .
ಪೊಲೀಸ್ ಇನ್ಸ್‌ಪೆಕ್ಟರ್ ಸಿ.ರವಿಕುಮಾರ್ ಅವರ ನೇತೃತ್ವದಲ್ಲಿ ತನಿಖೆ ಆರಂಭಿಸಿದ ತಂಡ , ಆರೋಪಿಯ ಬ್ಯಾಂಕ್ ಖಾತೆಯಲ್ಲಿ ರೂ .೫೦ ಸಾವಿರ ಜಮೆ ಆಗಿರುವುದನ್ನು ಪತ್ತೆ ಹಚ್ಚಿದರು . ಆ ಹಣವನ್ನು ಫೋನ್ ಪೇ ಮೂಲಕ ಬೇರೆ ಬೇರೆಯವರ ಖಾತೆಗೆ ವರ್ಗಾಯಿಸಿದ್ದ ವಿಷಯ ಬೆಳಕಿಗೆ ಬಂದಿತು . ಅದರ ಆಧಾರದ ಮೇಲೆ ತನಿಖೆ ನಡೆಸಿದಾಗ , ಆರೋಪಿ ದುಂದುವೆಚ್ಚಕ್ಕಾಗಿ ಸಾಲ ಮಾಡಿರುವ ಸಂಗತಿ ತಿಳಿಯಿತು . ಆರೋಪಿಯನ್ನು ಬಂಧಿಸಿ ವಿಚಾರಣೆ ನಡೆಸುವ ಸಂದರ್ಭದಲ್ಲಿ ಹಣದ ಆಸೆಗೆ ತಾನೆ ಕೊಲೆ ಮಾಡಿದ್ದಾಗಿ ಒಪ್ಪಿಕೊಂಡಿದ್ದಾನೆ .
ಪೊಲೀಸರು ಆರೋಪಿಯನ್ನು ಶುಕ್ರವಾರ ನ್ಯಾಯಾಲಯದಲ್ಲಿ ಹಾಜರು ಪಡಿಸಿದರು . ನ್ಯಾಯಾಧೀಶರು ಆರೋಪಿಯನ್ನು ನ್ಯಾಯಾಂಗ ಬಂಧನಕ್ಕೆ ಒಳಪಡಿಸಿದ್ದಾರೆ . ಘಟನೆಗೆ ಸಂಬಂಧಿಸಿದಂತೆ ಜಿಲ್ಲಾ ಹೆಚ್ಚುವರಿ ರಕ್ಷಣಾಧಿಕಾರಿ ಸಚಿನ್ ಘೋರ್ಪಡೆ ಪೊಲೀಸ್ ಠಾಣೆಗೆ ಭೇಟಿ ನೀಡಿ ಪರಿಶೀಲಿಸಿದರು.

JANANUDI.COM NETWORK

ಕೀವ್: ರಷ್ಯಾ ಉಕ್ರೇನ್ ಸೇನಾ ನೆಲೆ ಹಾಗೂ ಪ್ರಮುಖ ನಗರಗಳ ಮೇಲೆ ನಡೆಸಿದ ದಾಳಿಯಲ್ಲಿ ಇದುವರೆಗೆ 137 ನಾಗರಿಕರು ಮತ್ತು ಸೇನಾ ಸಿಬ್ಬಂದಿ ಸಾವನ್ನಪ್ಪಿದ್ದಾರೆ ಎಂದು ಉಕ್ರೇನ್ ಅಧ್ಯಕ್ಷ ವೊಲೊಡಿಮಿರ್ ಜೆಲೆನ್ಸ್ಕಿ ಮಾಹಿತಿ ನೀಡಿದ್ದಾರೆ.

ಯುದ್ಧ ತೀವ್ರವಾದ ಹಿನ್ನೆಲೆಯಲ್ಲಿ ತನ್ನ ನಾಗರಿಕರಿಗೆ ತಮ್ಮ ರಕ್ಷಣೇ ಮಾಡಿಕೊಳ್ಳಲು ಶಸ್ತ್ರಾಗಳನ್ನು ಒದಗಿಸಲು ತಯಾರಾಗಿದ್ದಾರೆ.

ಅವರು ಯುದ್ಧದ ಬಗ್ಗೆ ಮಾತನಾಡಿರುವ ವಿಡಿಯೋದಲ್ಲಿ, ರಷ್ಯಾವು ಸೇನಾ ನೆಲೆಗಳ ಮೇಲೆ ಮಾತ್ರವಲ್ಲದೇ ಜನರ ಮೇಲೂ ದಾಳಿ ಮಾಡುತ್ತಿದೆ. ಪ್ರಮುಖ ನಗರಗಳನ್ನೇ ಗುರಿಯಾಗಿಸಿಕೊಂಡು ದಾಳಿ ನಡೆಸುತ್ತಿದ್ದು, ಅಮಾಯಕರ ಬಲಿ ತೆಗೆದುಕೊಳ್ಳುತ್ತಿದೆ. ಈವರೆಗೆ ಸೈನಿಕರು ಸೇರಿದಂತೆ 137 ಜನರು ಹತರಾಗಿದ್ದು, ಇನ್ನೂ ನೂರಾರು ಜನರು ಗಾಯಗೊಂಡಿದ್ದಾರೆ ಎಂದು ತಿಳಿಸಿದ್ದಾರೆ.

JANANUDI.COM NETWORK

ಬೆ೦ಗಳೂರು: ಶಿಕ್ಷಣ ಸ೦ಸ್ಥೆಗಳಲ್ಲಿ ಹಿಜಾಬ್‌ನ ನಿಷೇಧವನ್ನು ಪ್ರಶ್ನಿಸಿ ಸಲ್ಲಿಸಲಾದ ವಿವಿಧ ಅರ್ಜಿಗಳ ಕುರಿತು ಕರ್ನಾಟಕ ಹೈಕೋರ್ಟ್‌ ವಾದಗಳನ್ನು ಆಲಿಸಿ ವಾದವನ್ನು ಮುಕ್ತಾಯಗೊಳಿಸಿದ್ದು, ತನ್ನ ಆದೇಶವನ್ನು ಕಾಯ್ದಿರಿಸಿದೆ. ಶುಕ್ರವಾರ ಕೋರ್ಟ್‌ ನಲ್ಲಿ ವಾದ ಮುಕ್ತಾಯವಾಗಿದ್ದು. ಈಗ ಎಲ್ಲರ ಮನಸಿನಲ್ಲಿ ನ್ಯಾಯಾಲಯದ ತೀರ್ಪು ಏನು ಬರುವುದೆಂದು ಕಾತರಿಕೆ ಆರಂಭವಾಗಿದೆ.
ನ್ಯಾಯಮೂರ್ತಿ ರಿತುರಾಜ್‌ ಅವಸ್ಸಿ, ನ್ಯಾ. ಕೃಷ್ಣ ಎಸ್‌.ದೀಕ್ಚಿತ್‌, ನ್ಯಾ. ಖಾಜಿ ಜೈಬುನ್ನಿಸಾ ತ್ರಿಸದಸ್ಯ ನ್ಯಾಯಪೀಠ ಸತತ 11 ನೇ ದಿನ ಹಿಜಾಬ್‌ಗೆ ಸ೦ಬ೦ಧಿಸಿದ ಅರ್ಜಿಗಳ ವಿಚಾರಣೆಗಳನ್ನು ನಡೆಸಿ, ವಾದ ಮುಕ್ತಾಯ ಗೊಳಿಸಿ ತೀರ್ಪು ಕಾಯ್ದಿರಿಸಿದ್ದಾರೆ.
ಉಡುಪಿ ಮತ್ತು ಕು೦ದಾಪುರದ ಸರ್ಕಾರಿ ಪಿಯು ಕಾಲೇಜಿನ ಅರ್ಜಿದಾರ ವಿದ್ಯಾರ್ಥಿನಿಯರ ಪರ ಸರ್ಕಾರದ ವಾದಕ್ಕೆ ಪ್ರತಿವಾದ ಮಂಡಿಸಿದ ಕಾಮತ್‌, ಸರ್ಕಾರದ ವಾದ ಮತ್ತು ವಿವರಣೆಗಳನ್ನು ಅಲ್ಲಗಳೆದಿದ್ದಾರೆ. ಹಿಜಾಬ್‌ ನಿರ್ಬಂಧಿಸಿ ಫೆ.5ರಂದು ಸರ್ಕಾರ ಹೊರಡಿಸಿದ ಆದೇಶವನ್ನು ವಿರೋಧಿಸಿದ್ದಾರೆ.