Author: Jananudi News Network

 ರಾಜ್ಯ ಸರ್ಕಾರದಿಂದ  ಪುರಸಭೆಯ ಸ್ಥಳೀಯ ಆಡಳಿತಕ್ಕೆ ನೂತನ ನಾಮನಿರ್ದೇಶಕ ಸದಸ್ಯರನ್ನು, ಸರಕಾರದ ಅಧೀನ ಕಾರ್ಯದರ್ಶಿ , ನಗರಾಭಿವೃದ್ಧಿ ಇಲಾಖೆ ಆದೇಶವನ್ನು ಹೊರಡಿಸಿದೆ.

 ಸದಸ್ಯರ ಹೆಸರುಗಳು ಈ ಕೆಳಗಿನಂತಿವೆ.

ಗಣೇಶ್ ಶೇರಿಗಾರ್

ಪ್ರಸ್ತುತ ನಗರ ಕಾಂಗ್ರೆಸ್ ಅಧ್ಯಕ್ಷರಾಗಿದ್ದು ,ಎರಡು ಬಾರಿ ಎಪಿಎಂಸಿ ಉಪಾಧ್ಯಕ್ಷರಾಗಿ, ಎರಡು ಬಾರಿ ಟಿಟಿ ರಸ್ತೆಯ ಪುರಸಭಾ ಸದಸ್ಯರಾಗಿ, ಪತ್ನಿ ರವಿಕಲಾ ಗಣೇಶ್ ಶೇರೆಗಾರರನ್ನು ಎರಡು ಬಾರಿ ಪುರಸಭೆಯ ಸದಸ್ಯರಾಗಿ ಜಯಗಳಿಸುವಲ್ಲಿ ಶ್ರಮಿಸಿ ,ಬಸವೇಶ್ವರ ಭಜನಾ ಮಂಡಳಿಯ ಅಧ್ಯಕ್ಷರಾಗಿ ,ಎಸ್ ಡಿ ಎಂ ಸಿ ಸ್ಥಾಪಕ ಅಧ್ಯಕ್ಷರಾಗಿ, ಮಂಗಳೂರು ವಿಶ್ವವಿದ್ಯಾನಿಲಯದ ಕ್ರೀಡಾ ಸದಸ್ಯರಾಗಿ ,ಗೆಳೆಯರ ಬಳಗ ಮತ್ತು ಚಿಕ್ಕಮ್ಮ ಕ್ರೀಡಾ ಸಂಘದ ಸದಸ್ಯರಾಗಿ ಸೇವೆಯನ್ನು ಸಲ್ಲಿಸಿದ್ದಾರೆ.

ಅಶೋಕ್ ಸುವರ್ಣ

 ಕಳೆದ 35 ವರ್ಷಗಳಿಂದ ಕಾಂಗ್ರೆಸ್ ಪಕ್ಷದ ಸಕ್ರಿಯ ಕಾರ್ಯಕರ್ತನಾಗಿ, ಶಾಂತಿನಿಕೇತನ ವಾರ್ಡಿನ ಬುತ್ ಅಧ್ಯಕ್ಷರಾಗಿ ,ಮಾನವ ಬಂಧುತ್ವ ತಾಲೂಕು ಸಮಿತಿಯ ಸಂಚಾರಕರಾಗಿ, ಮೊಗವೀರ ಸಂಘದ ಸಕ್ರಿಯ ಸದಸ್ಯರಾಗಿದ್ದಾರೆ.

ಸದಾನಂದ ಖಾರ್ವಿ

 ಕಾಂಗ್ರೆಸ್ ಪಕ್ಷದ ಬಹದ್ದೂರ್ ಶಾ ರಸ್ತೆಯ ಬುತ್ ಅಧ್ಯಕ್ಷರಾಗಿ , ಚಿಪ್ಪು ಕಾರ್ಮಿಕರ ಸಂಘದ ಮಾಜಿ ಅಧ್ಯಕ್ಷರಾಗಿ, ಗಂಗೊಳ್ಳಿ ಪ್ರಾಥಮಿಕ ಮೀನುಗಾರರ ಸಹಕಾರಿ ಸಂಘದ ಮಾಜಿ ನಿರ್ದೇಶಕಾಗಿ, ಶ್ರೀ ಮಂಜುನಾಥ ಧರ್ಮಸ್ಥಳ ಕ್ಷೇತ್ರ ಸ್ವಸಹಾಯ ಸಂಘ ಒಕ್ಕೂಟದ ಮಾಜಿ ಅಧ್ಯಕ್ಷರಾಗಿ , ವಿದ್ಯಾರಂಗ ಮಿತ್ರ ಮಂಡಳಿಯ ಮಾಜಿ ಸಾಮಾಜಿಕ ಕಾರ್ಯದರ್ಶಿಯಾಗಿ, ಮಹಾಕಾಳಿ ದೇವಸ್ಥಾನದ ಮಾಜಿ ಸದಸ್ಯರಾಗಿ , ತೃಪ್ತಿ ಸ್ವಸಹಾಯ ಸಂಘದ ಮಾಜಿ ಅಧ್ಯಕ್ಷರಾಗಿ, ಕಿಂಗ್ಫಿಶರ್ ಸ್ಪೋರ್ಟ್ಸ್ ಕ್ಲಬ್ ನ ಮಾಜಿ ಸದಸ್ಯರಾಗಿ ,ಭಾರತೀಯ ಮುಜದೂರು ಸಂಘದ ಜಿಲ್ಲಾ ಸಂಘದ ಮಾಜಿ ಸದಸ್ಯರಾಗಿ ಸೇವೆಯನ್ನು ಸಲ್ಲಿಸಿದ್ದಾರೆ.

ಶಶಿ ರಾಜ್ ಪೂಜಾರಿ

ಇಂಟಕ್ ತಾಲೂಕು ಯುವ ಕಾಂಗ್ರೆಸ್ಸಿನ ಮಾಜಿ ಅಧ್ಯಕ್ಷರಾಗಿ, ನಾಗ ಬೊಬ್ಬರ್ಯ ದೇವಸ್ಥಾನ ಮೀನು ಮಾರ್ಕೆಟ್ ರಸ್ತೆಯ ಸದಸ್ಯರಾಗಿ ,ಲೈನ್ಸ್ ಕ್ಲಬ್ ಸದಸ್ಯರಾಗಿ ಸೇವೆಯನ್ನು ಸಲ್ಲಿಸಿದ್ದಾರೆ.

ಶಶಿಧರ

ಕಾಂಗ್ರೆಸ್ ಪಕ್ಷದ ನಂದಿಬೆಟ್ಟು ವಾರ್ಡಿನ ಬುತ್ ಅಧ್ಯಕ್ಷರಾಗಿ, ಮಾಜಿ ದಲಿತ ಹಕ್ಕು ಸಮಿತಿಯ ಕಾರ್ಯದರ್ಶಿಯಾಗಿ, ಹಲೋ ಗೆಳೆಯ ಸಮಿತಿಯ ಸದಸ್ಯರಾಗಿ ಕಾರ್ಯನಿರ್ವಹಿಸುತ್ತಿದ್ದಾರೆ

ಕುಂದಾಪುರ, ಜ.31 :ರಾಜಕೀಯ ರಹಿತವಾಗಿ, ಎಲ್ಲರನ್ನು ಒಂದೇ ವೇದಿಕೆಯಲ್ಲಿ ಜೋಡಿಸುವ, ಒಂದೇ ಮಾರ್ಗದಲ್ಲಿ ಮುನ್ನೆಡೆಸುವುದೇ ಗಾಂಧಿಮಾರ್ಗ. ವೈವಿಧ್ಯತೆಯಲ್ಲಿ ಗೆಲ್ಲುವುದು ಸುಲಭ, ವೈರುದ್ಯತೆಗಳ ನಡುವೆ ಗೆಲ್ಲುವುದು ಮುಖ್ಯ. ಗಾಂಧಿ ವೈರುದ್ಯತೆಗಳ ನಡುವೆ ಜೋಡಿಸುವ ಕೆಲಸ ಮಾಡಿ ಗೆದ್ದವರು. ಸತತ ಸಂವಾದಗಳ ಮೂಲಕ ಮನಸುಗಳನ್ನು ಜೋಡಿಸಿದರು. ಅಂತಹ ಮುಕ್ತ ಸಂವಾದಗಳು ಚಿಂತನೆಗಳನ್ನು ಚುರುಕುಗೊಳಿಸುವ ಕೆಲಸವಾಯಿತು. ಇವತ್ತಿನ ವಾದ – ಸಂವಾದಗಳು ವ್ಯತಿರಿಕ್ತವಾಗಿದ್ದು ಮಾತು ಗೆಲ್ಲಬಾರದು, ಮನಸು ಗೆಲ್ಲುವುದು ಮುಖ್ಯವಾಗಬೇಕು. ಎಲ್ಲರನ್ನು ರಾಜಕೀಯೇತರವಾಗಿ ಒಟ್ಟುಗೂಡಿಸುವ ವ್ಯಕ್ತಿ ಬೇಕು. ಇದು ಬಹುತ್ವದ ಭಾರತ ಎಂದು ಉಡುಪಿಯ ಡಾ.ಜಿ.ಶಂಕರ್ ಮಹಿಳಾ ಕಾಲೇಜಿನ ಪ್ರಾದ್ಯಾಪಕರಾದ ಡಾ.ರಾಮದಾಸ ಪ್ರಭು ಹೇಳಿದರು.

ಅವರು ಕುಂದಾಪುರದ ಅಂಬೇಡ್ಕರ್ ಭವನದಲ್ಲಿ ನಡೆದ ಸಮಾನ ಮನಸ್ಕ ಸಂಘಟನೆಗಳ ಸಹಭಾಗಿತ್ವದಲ್ಲಿ ನಡೆದ ಗಾಂಧಿ ಹುತಾತ್ಮ ದಿನದಂದು ‘ಮಹಾತ್ಮ’ ಸಾಮರಸ್ಯ ಸಭೆಯಲ್ಲಿ ಮಾತನಾಡಿದರು. ಬಹುಸಂಖ್ಯಾತರು ಯಾವತ್ತೂ ಮಧ್ಯಮ ಮಾರ್ಗದಲ್ಲಿರುತ್ತಾರೆ. ಅಲ್ಲಿ ಆಗುವ ಬದಲಾವಣೆಗಳು ತಾತ್ಕಾಲಿಕ. ಮಧ್ಯಮ ವರ್ಗದ ಹೋರಾಟ ಇವತ್ತಿಗೂ ಪ್ರಸ್ತುತ. ಇವತ್ತಿಗೂ ಕೂಡಾ ಗಾಂಧಿ ಮಾರ್ಗವೇ ಮುಖ್ಯವಾದುದು ಎಂದರು. ಕಟ್ಟುವ ಪ್ರಕ್ರಿಯೆ ನಿರಂತರ. ಗಾಂಧಿ ಮಾರ್ಗದಲ್ಲಿ ಕಟ್ಟುವ ಕಾರ್ಯ ನಡೆಯಬೇಕು. 75-80 ವರ್ಷಗಳ ಹಿಂದೆ ಗಾಂಧಿ ಯಾವುದೇ ಸಂಪರ್ಕ ಮಾಧ್ಯಮಗಳ ಸಹಕಾರವಿಲ್ಲದೆ ಕಟ್ಟುವ ಪ್ರಯತ್ನ ಮಾಡಿದ್ದರು. ಅಂತಹ ಪ್ಲಾಟ್‍ಪಾರಂ ಪ್ರಸ್ತುತ ಅಗತ್ಯ ಎಂದರು.

ನಿವೃತ್ತ ಪ್ರಾಧ್ಯಾಪಕ ಡಾ.ದಿನೇಶ ಹೆಗ್ಡೆ ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸಿದ್ದರು.

ಕುಂದಾಪುರ ವಲಯದ ಪ್ರಧಾನ ಧರ್ಮಗುರು ಅ।ವಂ। ಫಾ।.ಫೌಲ್ ರೇಗೊ ಪ್ರಮಾಣ ವಚನ ಬೋಧಿಸಿದರು ಜಿಲ್ಲಾ ಮುಸ್ಲಿಂ ಒಕ್ಕೂಟದ ಸಂಘಟನಾ ಕಾರ್ಯದರ್ಶಿ ಮೌಲನಾ ಜಮೀರ ಅಹಮದ್ ರಶೀದ್, ಕರ್ನಾಟಕ ರಾಜ್ಯ ದಲಿತ ಸಂಘರ್ಷ ಸಮಿತಿಯ ಪ್ರಧಾನ ಸಂಚಾಲಕ ರಾಜು ಬೆಟ್ಟಿನಮನೆ ಉಪಸ್ಥಿತರಿದ್ದರು. ಭಾರತ ಜ್ಞಾನ ವಿಜ್ಞಾನ ಸಮಿತಿಯ ಉದಯ ಗಾಂವಕರ್ ಸ್ವಾಗತಿಸಿದರು. ಸೌಹಾರ್ದ ಕರ್ನಾಟಕದ ಸಂಚಾಲಕ ಚಂದ್ರಶೇಖರ ವಿ ವಂದಿಸಿದರು.

ಕಾರ್ಕಳ, ಜನವರಿ 30, 2025 — ಅತ್ತೂರಿನ ಸಂತ ಲಾರೆನ್ಸ್ ಬೆಸಿಲಿಕಾ ಅವರ ವಾರ್ಷಿಕ ಹಬ್ಬವು ಅಪಾರ ಭಕ್ತಿ ಮತ್ತು ಭವ್ಯತೆಯಿಂದ ಮುಕ್ತಾಯಗೊಂಡಿತು, ಲಕ್ಷಾಂತರ ನಿಷ್ಠಾವಂತರು ಪವಾಡದ ಸಂತನ ಆಶೀರ್ವಾದವನ್ನು ಪಡೆಯಲು ಒಟ್ಟುಗೂಡಿದರು. ಐದು ದಿನಗಳ ಆಧ್ಯಾತ್ಮಿಕ ಆಚರಣೆಯು ಗಮನಾರ್ಹ ಜನಸಮೂಹಕ್ಕೆ ಸಾಕ್ಷಿಯಾಯಿತು, ಪ್ರದೇಶದಾದ್ಯಂತದ ಭಕ್ತರು ಗಂಭೀರವಾದ ಪ್ರಾರ್ಥನಾ ಸೇವೆಗಳಲ್ಲಿ ಭಾಗವಹಿಸಿದರು.

ಬೆಳಿಗ್ಗೆ 10:00 ಗಂಟೆಗೆ ನಡೆದ ಹಬ್ಬದ ಬಲಿದಾನವನ್ನು ಬರೈಪುರ ಡಯಾಸಿಸ್‌ನ ಬಿಷಪ್ ಎಮೆರಿಟಸ್‌ನ ಅತಿ ದೊಡ್ಡ ರೆವರೆಂಡ್ ಡಾ. ಸಾಲ್ವಡೋರ್ ಲೋಬೊ ಅಧ್ಯಕ್ಷತೆ ವಹಿಸಿದ್ದರು ದೊಡ್ಡ ಸಭೆಯನ್ನು ಸೆಳೆಯಿತು. ಇದರ ಜೊತೆಗೆ, ದಿನವಿಡೀ ಏಳು ಇತರ ಹಬ್ಬದ ಬಲಿದಾನಗಳನ್ನು ಸಲ್ಲಿಸಲಾಯಿತು, ಪ್ರತಿಯೊಂದೂ “ಭರವಸೆ ನಮ್ಮನ್ನು ನಿರಾಶೆಗೊಳಿಸುವುದಿಲ್ಲ” ಎಂಬ ವಿಷಯದ ಮೇಲೆ ಕೇಂದ್ರೀಕೃತವಾದ
ಧರ್ಮೋಪದೇಶದೊಂದಿಗೆ ನಿಷ್ಠಾವಂತರಿಗೆ ಸ್ಫೂರ್ತಿ ನೀಡಿತು.
ಸಮಾರೋಪ ಸಮಾರಂಭದ ಭಾಗವಾಗಿ, ರಾತ್ರಿ 8:30 ಕ್ಕೆ ನಡೆದ ಬಲಿಪೂಜೆಯ ನಂತರ, ಸಂತ ಲಾರೆನ್ಸ್ ಅವರ ಅದ್ಭುತ ಪ್ರತಿಮೆಯನ್ನು ದೇವಾಲಯಕ್ಕೆ ಭವ್ಯ ಮೆರವಣಿಗೆಯಲ್ಲಿ ಕೊಂಡೊಯ್ಯಲಾಯಿತು, ಇದು ಭಕ್ತಿಯ ಗಂಭೀರ ಕ್ಷಣವನ್ನು ಗುರುತಿಸಿತು. ಪವಿತ್ರ ಆಚರಣೆಗಳ ಅಂತ್ಯವನ್ನು ಸೂಚಿಸುವ ಬೆಸಿಲಿಕಾ ಧ್ವಜವನ್ನು ಇಳಿಸುವುದರೊಂದಿಗೆ ಕಾರ್ಯಕ್ರಮವು ಮುಕ್ತಾಯಗೊಂಡಿತು.

ಯಾತ್ರಿಕರ ಆಧ್ಯಾತ್ಮಿಕ ಅಗತ್ಯಗಳನ್ನು ಪೂರೈಸಲಾಯಿತು

40 ಪುರೋಹಿತರು ತಪ್ಪೊಪ್ಪಿಗೆ ಮಂಟಪಗಳಲ್ಲಿ ಸೇವೆ ಸಲ್ಲಿಸುತ್ತಾ, ಸಾವಿರಾರು ಭಕ್ತರಿಗೆ ಸಮನ್ವಯದ ಸಂಸ್ಕಾರವನ್ನು ಅರ್ಪಿಸಿದರು. ಸುಗಮ ಸಮನ್ವಯ ಮತ್ತು ಸಂಘಟನೆಯನ್ನು ಖಚಿತಪಡಿಸಿಕೊಳ್ಳಲು 300 ಕ್ಕೂ ಹೆಚ್ಚು ಸ್ವಯಂಸೇವಕರ ಸಮರ್ಪಿತ ಪ್ರಯತ್ನಗಳಿಂದ ಕಾರ್ಯಕ್ರಮದ ಯಶಸ್ಸು ಸಾಧ್ಯವಾಯಿತು.

ಈ ಸಂದರ್ಭದ ಮಹತ್ವವನ್ನು ಹೆಚ್ಚಿಸುತ್ತಾ, ಹಲವಾರು ಗಣ್ಯರು ಬೆಸಿಲಿಕಾಗೆ ಭೇಟಿ ನೀಡಿ ಕಾರ್ಕಳ ವಿಧಾನ ಸಭಾ ಶಾಸಕ ಸುನಿಲ್ ಕುಮಾರ್, ಕಾರ್ಕಳ ಪ್ರದೇಶ ತಹಶೀಲ್ದಾರ್ ಮತ್ತು ನಿಟ್ಟೆ ಪಂಚಾಯತ್ ಗ್ರಾಮ ಲೆಕ್ಕಪರಿಶೋಧಕರು ಸೇರಿದಂತೆ ತಮ್ಮ ಶುಭಾಶಯಗಳನ್ನು ಸಲ್ಲಿಸಿದರು. ಅವರ ಉಪಸ್ಥಿತಿಯು ಈ ಪ್ರದೇಶದಲ್ಲಿ ಹಬ್ಬದ ಆಳವಾದ ಸಾಂಸ್ಕೃತಿಕ ಮತ್ತು ಆಧ್ಯಾತ್ಮಿಕ ಮಹತ್ವವನ್ನು ಎತ್ತಿ ತೋರಿಸಿತು.

ಈ ಉತ್ಸವದಲ್ಲಿ ಲಕ್ಷಾಂತರ ಭಕ್ತರು ತಮ್ಮ ವಚನಬದ್ಧ ಪ್ರಾರ್ಥನೆಗಳನ್ನು ಸಲ್ಲಿಸುತ್ತಾ, ಕೃತಜ್ಞತೆಯನ್ನು ವ್ಯಕ್ತಪಡಿಸುತ್ತಾ ಮತ್ತು ದೈವಿಕ ಮಧ್ಯಸ್ಥಿಕೆಯನ್ನು ಕೋರಿದರು. ನಂಬಿಕೆ ಮತ್ತು ಸಂಪ್ರದಾಯದಲ್ಲಿ ಆಳವಾಗಿ ಬೇರೂರಿರುವ ಈ ಕಾರ್ಯಕ್ರಮವು ಮತ್ತೊಮ್ಮೆ
ಭಕ್ತಿ, ಏಕತೆ ಮತ್ತು ಭರವಸೆಯ ಮನೋಭಾವವನ್ನು ಬಲಪಡಿಸಿತು. ಅಗಾಧ ಭಾಗವಹಿಸುವಿಕೆ ಮತ್ತು ಸರಾಗವಾದ ಸಂಘಟನೆಯೊಂದಿಗೆ, ಸೇಂಟ್ಲಾ ರೆನ್ಸ್ ಬೆಸಿಲಿಕಾ ಹಬ್ಬ 2025 ಭವ್ಯವಾದ ಮತ್ತು ಯಶಸ್ವಿ ಟಿಪ್ಪಣಿಯಲ್ಲಿ ಮುಕ್ತಾಯಗೊಂಡಿತು,

ಕುಂದಾಪುರ ; ಮಹಾತ್ಮಾ ಗಾಂಧಿ ಎಂದೊಡನೆ ಮೊದಲಿಗೆ ನೆನಪಾಗುವುದು ಅವರು ತನ್ನ ಜೀವನದಲ್ಲಿ ಪಾಲಿಸಿದ “ಸರಳತೆ, ಸತ್ಯ, ನ್ಯಾಯ, ನೀತಿ ಹಾಗೂ ಅಹಿಂಸೆಯ ಹೋರಾಟ” ಗಳಾದರೂ ಸ್ವಾತಂತ್ರ್ಯ ನಂತರದಲ್ಲಿ ಅಸಮಾನತೆಯನ್ನು ಪ್ರತಿಪಾದಿಸುವ ಒಂದು ವರ್ಗದ ಪ್ರಬಲ ವಿರೋಧದ ನಡುವೆಯೂ ಅವರು “ಸರ್ವರಿಗೂ ಸಮಬಾಳು- ಸರ್ವರಿಗೂ ಸಮಪಾಲು” ಸಿದ್ದಾಂತದ ಸಂವಿಧಾನವನ್ನು ರಚಿಸಲು ಮೊದಲ ಪ್ರಾಶಸ್ತ್ಯವನ್ನು ನೀಡುತ್ತಾರೆ. ಅವರು ಅಂಬೇಡ್ಕರ್ ಅವರನ್ನು ಸಂವಿಧಾನ ರಚನಾ ಸಮಿತಿಯ ಅಧ್ಯಕ್ಷರನ್ನಾಗಿ ಮತ್ತು ದೇಶದ ಪ್ರಥಮ ಕಾನೂನು ಸಚಿವರನ್ನಾಗಿಯೂ ನೇಮಿಸಲು ಬೆಂಬಲಿಸುತ್ತಾರೆ. ಗಾಂಧಿ ಚಿಂತನೆಯ ಪ್ರತೀಕವಾಗಿ ಈ ದೇಶದ ಶೋಷಿತ ವರ್ಗ ಅಂಬೇಡ್ಕರ್ ಸಂವಿಧಾನದ ಮೂಲಕ ನಿಜ ಅರ್ಥದ ಸ್ವಾತಂತ್ರ್ಯವನ್ನು ಪಡೆಯುತ್ತಾರೆ. ಸಂವಿಧಾನದ ಮೂಲಕ ಅಂತಹ ಬದಲಾವಣೆಯನ್ನು ತಂದಿದ್ದ ಆ ಮಹಾತ್ಮನನ್ನು ಮನುವಾದಿ ಸಂಘಟನೆಯ ಸದಸ್ಯ ಘೋಡ್ಸೆ ಗುಂಡಿಟ್ಟು ಕೊಲ್ಲುತ್ತಾನೆ. ಗಾಂಧಿ ಮಾಡಿದ್ದ ತಪ್ಪು ಏನೆಂದರೆ ಅವರು ಶೋಷಿತರ ಪರ ಸಂವಿಧಾನ ಜಾರಿಗೆ ಕಾರಣೀಭೂತರಾಗಿದ್ದು ಆಗಿತ್ತು ಎಂದು ಕಾಂಗ್ರೆಸ್ ಸೋಶಿಯಲ್ ಮೀಡಿಯಾದ ರಾಜ್ಯ ಉಪಾಧ್ಯಕ್ಷ ಚಂದ್ರಶೇಖರ ಶೆಟ್ಟಿ ಹೇಳಿದ್ದಾರೆ.

ಇಂದು ಕುಂದಾಪುರ ಬ್ಲಾಕ್ ಕಾಂಗ್ರೆಸ್ ಕಚೇರಿಯಲ್ಲಿ ನಡೆದ ಮಹಾತ್ಮಾ ಗಾಂಧಿ ಹುತ್ಮಾನ ದಿನದ ಕಾರ್ಯಕ್ರಮದಲ್ಲಿ ಮುಖ್ಯ ಅತಿಥಿಯಾಗಿ ಅವರು ಮಾತನಾಡಿದರು.

ಸ್ವಾತಂತ್ರ್ಯ ನಂತರದಲ್ಲಿ ಆಡಳಿತ ನಡೆಸಿದ ಸರ್ಕಾರಗಳು ಆ ಸಂವಿಧಾನದ ಆಶಯದಂತೆ ದೇಶದ ಮೂಲೆಮೂಲೆಗಳಲ್ಲಿ ಸರ್ಕಾರಿ ಶಾಲೆಗಳನ್ನು, ಸರ್ಕಾರಿ ಆಸ್ಪತ್ರೆಗಳನ್ನು ನಿರ್ಮಿಸಿ ಉಚಿತ ಸೇವೆಯನ್ನು ಒದಗಿಸಲಾಗುತ್ತದೆ. ದರಖಾಸ್ತು ಮತ್ತಿತರ ಕಾನೂನಿನಡಿಯಲ್ಲಿ ಭೂಮಿಯ ಹಂಚಿಕೆ ನಡೆದು ಈ ನೆಲದಲ್ಲಿ ಸಾವಿರಾರು ವರ್ಷಗಳಿಂದ ಶೋಷಣೆಗೊಳಗಾಗಿದ್ದ ಜನರಿಗೆ ಸ್ವಾತಂತ್ರ್ಯ ನೀಡಲಾಗುತ್ತದೆ. ಆದರೆ, ಇತ್ತೀಚೆಗೆ ಕೆಲವು ಸಂವಿಧಾನ ವಿರೋಧಿ ಶಕ್ತಿಗಳು ಈ ನಮ್ಮ ಸ್ವತಂತ್ರ ಭಾರತದ “ಸರ್ವರಿಗೂ ಸಮಬಾಳು- ಸರ್ವರಿಗೂ ಸಮಪಾಲು” ಸಿದ್ದಾಂತದ ಅಂಬೇಡ್ಕರ್ ಸಂವಿಧಾನವನ್ನು ಬದಲಿಸುವ ಕುರಿತು ಹೇಳಿಕೆಗಳನ್ನು ನೀಡತೊಡಗಿದ್ದಾರೆ. ಅದರ ಮುಂದುವರಿದ ಭಾಗವಾಗಿ ಇದೀಗ ಸರ್ವರಿಗೂ ಹಕ್ಕುಗಳನ್ನು ನೀಡುವ ಅಂಬೇಡ್ಕರ್ ಸಂವಿಧಾನವನ್ನು ಹಿಂದಿನಿಂದಲೂ ವಿರೋಧಿಸುತ್ತಾ ಬಂದಿರುವ, ಗುಪ್ತಕಾರ್ಯಸೂಚಿಯನ್ನು ಹೊಂದಿರುವ ಕೆಲವು ಸಂವಿಧಾನ ವಿರೋಧಿ ಸಂಘಟನೆಗಳು ಅಸಮಾನತೆಯನ್ನು ಪ್ರತಿಪಾದಿಸುವ ಅದೇ ಆ ಹಳೆಯ ಮನುಸ್ಮೃತಿ ಆಧಾರಿತ ಸಂವಿಧಾನವನ್ನು ಮತ್ತೇ ಜಾರಿಗೊಳಿಸುವ ನಿಟ್ಡಿನಲ್ಲಿ ಹೊಸ ಸಂವಿಧಾನವನ್ನು ಸಿದ್ದಗೊಳಿಸಿರುವ ಕುರಿತು ಹಲವು ಪ್ರಮುಖ ದಿನ ಪತ್ರಿಕೆಗಳಲ್ಲಿ ವರದಿಯಾಗಿದೆ. ಬಹುಶಃ ಇದನ್ನು ಅಂಬೇಡ್ಕರ್ ಸಂವಿಧಾನದ ಫಲಾನುಭವಿಗಳಾದ ನಾವು ವಿರೋಧಿಸಬೇಕಾಗಿದೆ. ಸಂವಿಧಾನದ ರಕ್ಷಣೆಗೆ ಈಗಿಂದೀಗಲೇ ನಾವು ಹೋರಾಟ ಆರಂಭಿಸಬೇಕಿದೆ ಎಂದವರು ಹೇಳಿದ್ದಾರೆ.

ಮಹಾತ್ಮಾ ಗಾಂಧಿಯವರು ಜಗತ್ತುಕಂಡ ಓರ್ವ ಆದರ್ಶಪುರುಷ. ಇಡೀ ವಿಶ್ವವೇ ಅವರ ಹೋರಾಟವನ್ನು ಮತ್ತವರ ಚಿಂತನೆಯನ್ನು ಗೌರವಿಸುತ್ತದೆ. ಆದರೆ ಅವರು ಹೊಂದಿದ್ದ “ಸಮಾನತೆಯ ಸಿದ್ದಾಂತ”ದ ಕಾರಣಕ್ಕಾಗಿ ಅವರನ್ನು ಕೊಂದಿರುವುದು ಮತ್ತು ಈಗಲೂ ಅವರನ್ನು ವಿರೋಧಿಸುತ್ತಿರುವುದರ ಹಿಂದೆ ಈ ನೆಲದ ಶೋಷಕ ವರ್ಗದ “ಗುಪ್ತ ಕಾರ್ಯಸೂಚಿ” ಅಡಗಿದೆ. ನಾವಿದನ್ನು ವಿರೋಧಿಸಲು ಯಾವುದೇ ಭಯಪಡಬೇಕಿಲ್ಲ. ಇದು ನಮ್ಮ ಕನಿಷ್ಠ ಕರ್ತವ್ಯ ಕೂಡ ಆಗಿದೆ ಎಂದು ಕಾಂಗ್ರೆಸ್ ನಾಯಕ ಮೊಳಹಳ್ಳಿ ದಿನೇಶ್ ಹೆಗ್ಡೆಯವರು ಹೇಳಿದರು.

ಅಂಬೆಡ್ಕರ್ ಸಂವಿಧಾನದ ಮೂಲಕ ಈ ನೆಲದ ಕಟ್ಟಕಡೆಯ ಪ್ರಜೆ ಕೂಡ ಸಕಲ ಹಕ್ಕುಗಳನ್ನು ಪಡೆಯುವಂತಾಯಿತು. ಅಂತಹ ಸಂವಿಧಾನದ ಪ್ರಾಮುಖ್ಯತೆಯ ಕುರಿತು ಅರಿವು ಮೂಡಿಸುವ ಕೆಲಸವನ್ನು ಕಾಂಗ್ರೆಸ್ ಪಕ್ಷ ಮೊದಲಿನಿಂದಲೂ ಬಹು ನಿಷ್ಠೆಯಿಂದ ಮಾಡುತ್ತಿದೆ ಮತ್ತು ಮುಂದಿನ ದಿನಗಳಲ್ಲಿ ಇನ್ನೂ ಹೆಚ್ಚಿನ ರೀತಿಯಲ್ಲಿ ಈ ಕುರಿತು ಜನಾಭಿಪ್ರಾಯ ಮೂಡಿಸುವ ಕಾರ್ಯವನ್ನು ಜವಾಬ್ದಾರಿಯುತ ಪಕ್ಷದ ಪದಾದಿಕಾರಿಗಳಾಗಿ ನಾವು ಮಾಡಲಿದ್ದೇವೆ ಎಂದು ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷ ಕಾನ್ಮಕ್ಕಿ ಹರಿಪ್ರಸಾದ್ ಶೆಟ್ಟಿಯವರು ಹೇಳಿದರು.

ಗಾಂಧಿಯವರ ಕುರಿತು ಮಾತನಾಡುವಾಗ ಎಲ್ಲರೂ ಸಾಮಾನ್ಯವಾಗಿ ಅವರ ಹುಟ್ಟು, ಅವರ ತಂದೆತಾಯಿ, ಅವರ ಜೀವನ ಚರಿತ್ರೆ ಮತ್ತವರ ದಕ್ಷಿಣ ಆಫ್ರಿಕಾದ ಹೋರಾಟವನ್ನು ವಿವರಿಸುತ್ತಾರೆ. ಆದರೆ ನಾವು ಅದೇ ಸಮಯದಲ್ಲಿ ಗಾಂಧಿಯವರ ಚಿಂತನೆಗಳನ್ನು ಹೆಚ್ಚುಹೆಚ್ಚು ಜನರಿಗೆ ತಲುಪಿಸುವ ಕೆಲಸಗಳನ್ನು ಮಾಡಬೇಕು. ಆಗ ಮಾತ್ರವೇ ಗಾಂಧಿ ಸಿದ್ದಾಂತದ ಆಳದ ಅರಿವು ಯುವ ವರ್ಗಕ್ಕೆ ದೊರೆಯಲಿದೆ ಎಂದು ಕುಂದಾಪುರ ನಗರಾಭಿವೃದ್ಧಿ ಪ್ರಾಧಿಕಾರದ ಅಧ್ಯಕ್ಷ ವಿನೋದ್ ಕ್ರಾಸ್ಟೊ ಹೇಳಿದರು.

ಈ ಸಂಧರ್ಭದಲ್ಲಿ ಪುರಸಭಾ ಸದಸ್ಯರಾದ ಪ್ರಭಾವತಿ ಶೆಟ್ಟಿ, ಅಶೋಕ್ ಸುವರ್ಣ, ಸದಾನಂದ ಖಾರ್ವಿ, ಶಶಿರಾಜ್ ಪೂಜಾರಿ, ತಾಲೂಕು ಕೆಡಿಪಿ ಸದಸ್ಯರಾದ ರಮೇಶ್ ಶೆಟ್ಟಿ ವಕ್ವಾಡಿ, ಕಾಂಗ್ರೆಸ್ ಸೋಶಿಯಲ್ ಮೀಡಿಯಾದ ಜಿಲ್ಲಾಧ್ಯಕ್ಷ ರೋಷನ್ ಶೆಟ್ಟಿ, ಕಾಂಗ್ರೆಸ್ ಹಿಂದುಳಿದ ವರ್ಗಗಳ ಸಮಿತಿಯ ಅಧ್ಯಕ್ಷ ಅಮಾಸೆಬೈಲು ಕೃಷ್ಣ ಪೂಜಾರಿ, ತಾಲೂಕು ಗ್ಯಾರಂಟಿ ಸಮಿತಿಯ ಸದಸ್ಯರಾದ ಆಶಾ ಕರ್ವಾಲೋ, ಕುಂದೇಶ್ವರ ದೇವಸ್ಥಾನದ ಟ್ರಸ್ಟಿ ಸೀಮಾಚಂದ್ರ ಪೂಜಾರಿ, ಪ್ರಮುಖರಾದ ಕೋಣಿ ನಾರಾಯಣ ಆಚಾರ್ , ಕೆ.ಪಿ ಅರುಣ್, ಜ್ಯೋತಿ ಡಿ. ನಾಯ್ಕ್, ರಿಯಾಝ್ ಕೋಡಿ, ವಿವೇಕಾನಂದ, ಪ್ರೇಮಾ ಡಿ’ ಕುನ್ಹಾ, ಜೋಯ್ ರೆಬೊಲ್ಲೋ, ವೇಲಾ ಬ್ರಗಾಂಜಾ, ಅಲ್ಫಾಝ್, ಜೋಸೆಫ್ ರೆಬೆಲ್ಲೋ, ನಿತಿನ್ ಡಿ’ಸೋಜಾ ಕೋಣಿ, ಮೇಬೆಲ್ ಡಿ’ಸೋಜ, ರಾಕೇಶ್ ಶೆಟ್ಟಿ, ಮುನಾಫ್ ಕೋಡಿ, ವಿಜಯ್ ಮುಂತಾದವರು ಉಪಸ್ಥಿತರಿದ್ದರು.

✍🏻 ವಿತೊರಿ ಕಾರ್ಕಳ

“ಈ ಸಲ ಬಾರದಿದ್ದರೆ ನೋಡು ಏನಾಗ್ತದೆ ನಿನ್ನ ಗತಿ’’ ಅಂತ ಬೆದರಿಕೆ ಹಾಕಿ ಕಾರ್ಯಕ್ರಮಕ್ಕೆ ಕರೆಸಿಕೊಳ್ಳುವ, ತಾನು ವಾಚಾಳಿ ಎನ್ನುತ್ತಲೇ, ತೂಕದ ವಾಚ್ಯ ಉಪಯೋಗಿಸಿ ಸುಂದರ ನಿರೂಪಣೆ ಮಾಡುವ ಕಾರ್ಯದರ್ಶಿ, ಕಳೆದ ಸಹಸ್ರಮಾನದ ಕೊನೆಯ ಶತಮಾನದ ದ್ವೀತೀಯಾರ್ಧದ ಜನಜೀವನವನ್ನ, ರೇಡಿಯೋದ ಗೊರಗೊರ ಸದ್ದಿನೊಡನೆ, ಚಿಮಣಿ ಬೆಳಕಲ್ಲಿ ಸಣ್ಣ ಮಕ್ಕಳಂತೆ ವೇದಿಕೆಯಲ್ಲಿ ಮಲಗಿ ಪ್ರಸ್ತುತ ಪಡಿಸುವ ಕಾಲೇಜು ಪ್ರಾಂಶುಪಾಲ – ಈ ಸಂಸ್ಥೆಯ ಆಡಳಿತ ಮಂಡಳಿ ವಿಶ್ವಸ್ಥ, ಸುಮಧುರವಾಗಿ ಹಾಡಿ ಮನರಂಜಿಸುವ ಅಧ್ಯಕ್ಷ, ಎಲ್ಲರನ್ನೂ ಆತ್ಮೀಯವಾಗಿ ಬರಮಾಡಿಕೊಳ್ಳುವ ವಿಶ್ವ ವಿಖ್ಯಾತ ಕಲಾವಿದ, ಕಾಲೇಜಿನ ಮುಖ್ಯಸ್ಥೆ, ಚಾರ್ಟರ್ಡ್ ಎಕೌಂಟೆಂಟ್ ಹೀಗೆ ವಿವಿಧ ಉನ್ನತ ಹುದ್ದೆಗಳನ್ನು ನಿರ್ವಹಿಸುತ್ತಿರುವ, ನಿವೃತ್ತಿಯ ನಂತರ ಈ ಸಂಸ್ಥೆಗೆ ತಮ್ಮ ಸಮಯ, ಹಣ ಮತ್ತು ಆಸಕ್ತಿಯಿಟ್ಟು ದುಡಿಯುತ್ತಿರುವ ಹತ್ತಿಪ್ಪತ್ತು ಜನ, ಒಂದು ಸುಂದರ ಸಂಜೆಗೆ ಸಾಕ್ಷಿಯಾಗಲು ಊರು ಪರವೂರಿನಿಂದ ಆಗಮಿಸಿದ ರಂಗಕರ್ಮಿಗಳು, ಸಾಹಿತಿಗಳು ಹಾಗೂ ಕಲಾಭಿಮಾನಿಗಳು ಸೇರಿ ಜನವರಿ 22 ರ ಆ ಸಂಜೆ ರಂಗೇರಿತು. ಇದು ಉಡುಪಿ ಜಿಲ್ಲೆಯ ಬೆಳ್ಳೆ ತಾಲೂಕಿನ ಪಾಂಬೂರು ಎಂಬ ಹಳ್ಳಿಯಲ್ಲಿದ್ದೂ, ನಾಡಿನ¬ ರಂಗಪಥದಲ್ಲಿ ತನ್ನದೇ ಛಾಪು ಮೂಡಿಸಿರುವ ಪರಿಚಯ ಪ್ರತಿಷ್ಟಾನದ ಸಂಸ್ಥಾಪನಾ ದಿನಾಚರಣೆ ಸಂದರ್ಭ ಕಂಡು ಬಂದ ದೃಶ್ಯ.

ಪರಿಚಯದ ಆಶಯ ಗೀತೆಯೊಡನೆ ಕಾರ್ಯಕ್ರಮ ಶುರು. ಸಶಕ್ತ ಸ್ವಾಗತ, ಉಸ್ತಾದ್ ರಫಿಕ್ ಖಾನ್ ರವರ ಮುಖ್ಯ ಅತಿಥಿ ಭಾಷಣ, ಅವರಿಗೆ ಸನ್ಮಾನ, ಅಲ್ಲಿಗೆ ಸಭಾ ಕಾರ್ಯಕ್ರಮ ಮುಕ್ತಾಯ. ಮತ್ತೆ ಕೆಲ ಸಾಧಕರನ್ನು ಗುರುತಿಸಿ ಅವರಿಗೆ ಮಲ್ಲಿಗೆ ಹೂವಿನ ಗೌರವ. ನಂತರ ವಿಶ್ವಸ್ಥ ಮಂಡಳಿ ಸದಸ್ಯರಿಂದ ಕಿರು ಪ್ರಹಸನ, ಹಾಡುಗಳು ಹಾಗೂ ಮೇಲೆ ಹೇಳಿದ ಕಾಲದ ಹಿಮ್ಮುಖ ಚಲನೆಯ ಪ್ರಸ್ತುತಿ ಮಾಡಿ ಹಿರಿಯರಿಗೆ ನಾಸ್ಟಾಲ್ಜಿಕ್ ಅನುಭೂತಿ, ಕಿರಿಯರಿಗೆ ವಾಕ್-ದೃಶ್ಯದ ಅನುಭವ ನೀಡಿದರು. ಹೌಸಿ ಹೌಸಿಯೂ ನಡೆಯಿತು. ರುಚಿಕಟ್ಟಾದ ಊಟದ ವ್ಯವಸ್ಥೆಯೂ ಇತ್ತು. ಟ್ರಸ್ಟಿಗಳು ಅತ್ತಿಂದಿತ್ತ ಓಡಾಡುತ್ತಾ ಅತಿಥಿ ಸತ್ಕಾರ ಮಾಡುತ್ತಿದ್ದರು.

ಪಾಂಬೂರು ಹೆಸರಲ್ಲಿರುವ ಪಾಂಬು ಎಂದರೆ ಹಾವು. ಪಾಂಬು/ಪಾಮು ಎಂದರೆ ತುಳು, ಮಲಯಾಳಂ, ತಮಿಳು ಮತ್ತು ತೆಲುಗು ಭಾಷೆಗಳಲ್ಲಿ ಹಾವಿಗೆ ಪರ್ಯಾಯ ಶಬ್ದ. ಈ ಊರು ತುಂಬಾ ಹಳೆಯದಂತೆ. ಒಂದಾನೊಂದು ಕಾಲದಲ್ಲಿ ಈ ಊರು ಹರಿಯುವ ಹಾವುಗಳಿಗೆ ಪ್ರಸಿದ್ಧವಂತೆ. ಇಂದು ಈ ಊರು ಸದಾ ಹೊಸತನ ಹರಿಯುವ, ನಾವೀನ್ಯತೆಯೇ ಚಲನಶೀಲವಾಗಿರುವ, ರಂಗ ಚಟುವಟಿಕೆಗಳಿಗೆ ಹೆಸರಾಗಿರುವ ಪರಿಚಯ ಪಾಂಬೂರು ಇದರ ಆಡುಂಬೊಲ.

ಆಧುನಿಕ ಜೀವನ ಶೈಲಿ ಹಳ್ಳಿಗಳಲ್ಲೂ ಏಕತಾನತೆಗೆ ಮತ್ತು ಖಿನ್ನತೆಗೆ ಜನರನ್ನು ದೂಡುತ್ತಿರುವ ಈ ದುರಿತ ಕಾಲದಲ್ಲಿ ಜೀವಾಳ ಹಾಗೂ ಆಪ್ತ ರಂಗಭೂಮಿಯೇ ಈ ಸಮಸ್ಯೆಗೆ ಮದ್ದರೆಯಬಲ್ಲುದು ಎಂಬುದನ್ನು ಅರಿತು ಸಮಾನ ಮನಸ್ಕ ಕಲಾಸಕ್ತರು ಒಗ್ಗೂಡಿ ರೂಪಿಸಿದ ಸಂಸ್ಥೆಯೆ ಪರಿಚಯ. 2012 ರಲ್ಲಿ ಆರಂಭವಾದ ಕಲೆ, ಸಾಹಿತ್ಯ ಮತ್ತು ಸಾಂಸ್ಕೃತಿಕ ಪ್ರತಿಷ್ಟಾನ ಪರಿಚಯ (ರಿ) ಇಂದು ರಂಗ ವೇದಿಕೆಯ ಮೇಲಣ ನೂತನ ಸಜ್ಜಿಕೆಯಂತೆ ಬೆಳೆದಿದೆ. ಕನ್ನಡ, ಕೊಂಕಣಿ, ತುಳುವಿನೊಡನೆ ಹಲವು ಭಾಷೆಯ, ದೇಶೀಯ ರಂಗ ಪ್ರಕಾರಗಳಿಗೆ ವೇದಿಕೆ ನೀಡಿದೆ. ಜನರಿದ್ದೆಡೆ ಜಗತ್ತಿನ ರಂಗಭೂಮಿ ತರುವ ಸಫಲ ಪ್ರಯತ್ನ ನಡೆಯುತ್ತಿದೆ.

ಮೊದಲಿಗೆ ಪಾಂಬೂರು ಪವಿತ್ರ ಶಿಲುಬೆಯ ಇಗರ್ಜಿ ಅಂಗಳದಲ್ಲಿ ಹಾಗೂ ಕಳೆದ ಎರಡು ವರ್ಷಗಳಿಂದ ಕಾರ್ಯದರ್ಶಿ ಪ್ರಕಾಶ್ ನೊರೊನ್ಹಾ ಇವರ ತಾಯಿ ಮೇರಿ ನೊರೊನ್ಹಾ ಇವರು ದಾನ ಕೊಟ್ಟ ಜಾಗದಲ್ಲಿ, ಕಲಾವಿದ ವಿಲ್ಸನ್ ಕಯ್ಯಾರ್ ರಚನಾತ್ಮಕತೆಯಲ್ಲಿ ನಿರ್ಮಿಸಿದ ಸುಂದರ ಬಯಲು ರಂಗ ಮಂದಿರ ರಂಗ ಪರಿಚಯದಲ್ಲಿ ರಂಗ ಚಟುವಟಿಕೆಗಳು ನಡೆಯುತ್ತಿವೆ. ಶಿಸ್ತು, ಅಚ್ಚುಕಟ್ಟು, ಹೊಸತನ ಮತ್ತು ಸಮಯ ಪರಿಪಾಲನೆಗೆ ಪರಿಚಯದ ಕಾರ್ಯಕ್ರಮಗಳು ಸಾಕ್ಷಿಯಾಗಿವೆ. ಡಾ. ವಿನ್ಸೆಂಟ್ ಆಳ್ವಾ, ಅನಿಲ್ ಡೆಸಾ, ಪ್ರಕಾಶ್ ನೊರೊನ್ಹಾ, ಐವನ್ ಪೀಟರ್ ಒಸ್ಟಾ, ಪುಂಡಲೀಕ ಮರಾಠೆ, ಲೂಕಸ್ ಡಿಸೋಜ, ಎಡ್ವರ್ಡ್ ಮಿನೇಜಸ್, ಫ್ರೆಡ್ರಿಕ್ ಪೀಟರ್ ಸಲ್ಡಾನ್ಹಾ, ಇಗ್ನೇಶಿಯಸ್ ಡಿಸೋಜ, ಜೆನಿತ್ ಆಳ್ವಾ, ಮೇಬಲ್ ಮಿನೇಜಸ್, ಸರಿತಾ ಆಳ್ವಾ, ವೈಲೆಟ್ ಕ್ಯಾಸ್ತೆಲಿನೊ, ರಿಚಾರ್ಡ್ ಸಲ್ಡಾನ್ಹಾ, ಅಪೂರ್ವ ಒಸ್ಟಾ, ಪ್ರಿಯಾಂಕಾ ನೊರೊನ್ಹಾ, ಜಾರ್ಜ್ ಅನಿಲ್ ಡಿಸೋಜ, ವಿಲ್ಸನ್ ಕಯ್ಯಾರ್, ಅರುಳ್ ಡಿಸೋಜ, ಪ್ರದೀಪ್ ಕುಮಾರ್ ಹಾಗೂ ಜೊಸಿಲ್ ನೊರೊನ್ಹಾ ಹೀಗೆ ವಿಶ್ವಸ್ತ ಮಂಡಳಿಯಲ್ಲಿ ಸಮಾಜದ ವಿವಿಧ ಕ್ಷೇತ್ರದಿಂದ ಬಂದ ಘಟಾನುಘಟಿ 21 ಜನ ಆಸಕ್ತರು ಇದ್ದಾರೆ. ರಂಗಾಭಿಮಾನಿಗಳಿಂದ ಹಾಗೂ ತಮ್ಮದೇ ಕೈಯಿಂದ ಹಣ ಹಾಕಿ ಕಾರ್ಯಕ್ರಮಗಳನ್ನು ರೂಪಿಸುತ್ತಾರೆ. ಕಲಾವಿದರಿಗೆ ಬೊಗಸೆ ತುಂಬಾ ಆತಿಥ್ಯ ಹಾಗೂ ಖರ್ಚು ವೆಚ್ಚ ಕೊಡುತ್ತಾರೆ. ಇದೇ ಫೆಬ್ರವರಿ 10 ರಿಂದ 16 ರವರೆಗೆ ಸಂಜೆ 6.30 ಕ್ಕೆ ಈ ಸಾಲಿನ ರಂಗ ಹಬ್ಬ ನಡೆಯಲಿದೆ. ಎಂದಿನಂತೆ ಸರ್ಕಾರ ಹಾಗೂ ಸಂಸ್ಕೃತಿ ಇಲಾಖೆಯದ್ದು ದಿವ್ಯ ನಿರ್ಲಕ್ಷ್ಯ, ದಿವ್ಯ ನಿರ್ಲಿಪ್ತತೆ.

ನಾನು 2022 ರಲ್ಲಿ ಪಾಂಬೂರು ಚರ್ಚ್ ವಠಾರದಲ್ಲಿ, ಪರಿಚಯದವರು ಮಾಂಡ್ ಸೊಭಾಣ್ ಗುರಿಕಾರ ಎರಿಕ್ ಒಝೇರಿಯೊ ಗೌರವಾರ್ಥ ಆಯೋಜಿಸಿದ `ಏಕ್ ಸಂಗೀತ್ ಸೊಭಾಣ್’ ಕಾರ್ಯಕ್ರಮದ ನಿರೂಪಣೆ ಮಾಡಿದ್ದೆ. ಅದರ ನಂತರ ಹಲವಾರು ಕಾರ್ಯಕ್ರಮಗಳಿಗೆ ಆಹ್ವಾನವಿದ್ದರೂ ಕಾರ್ಯಬಾಹುಳ್ಯದಿಂದ ತೆರಳಲು ಆಗಿರಲಿಲ್ಲ. “ಇದೇ ಜನವರಿ 22 ರಂದು 13 ಮುಗಿಸಿ 14 ನೇ ಸಾಲಿಗೆ ಪಾದಾರ್ಪಣೆ ಮಾಡುತ್ತಿದ್ದೇವೆ. ಈ ಸಲ ಯಾವುದೇ ನೆವನಗಳು ಬೇಡ. ಸಂಸ್ಥಾಪನಾ ದಿನಾಚರಣೆಗೆ ಬರ್ಬೇಕು. ಈ ಸಲ ಬಾರದಿದ್ದರೆ ಏನಾಗ್ತದೆ ನೋಡು ನಿನ್ನ ಗತಿ’’ ಎಂದು ಪ್ರಕಾಶ್ ಫೊನಾಯಿಸಿ ಪ್ರೀತಿಯಿಂದ ಗುರಾಯಿಸಿದಾಗ ಖಂಡಿತಾ ಹೋಗಲು ಪಣ ತೊಟ್ಟೆ, ಹೊರಟೆ.

ಅಲ್ಲಿ ತಲುಪಿದಾಗ, ಮೇಲೆ ಆಗಸದಲ್ಲಿ ಗುರು, ಶನಿ, ಶುಕ್ರ, ಮಂಗಳ ಗ್ರಹಗಳು ಸಾಲಾಗಿ ಮೆರವಣಿಗೆ ಹೊರಟ ಗಾಢ ನಿಶೆಯಲ್ಲಿ, ಮರ ಗಿಡಗಳ ನಡುವೆ ಹಚ್ಚಿದ ಹೊನಲು ಬೆಳಕಿಗೆ ದಾರಿ ತಪ್ಪಿ ಬಂದ ಜೇನ್ನೊಣಗಳು, ಸೊಡರಿಗೆ ಸುತ್ತಲು ಬಂದು ಬಲಿಯಾಗುವ ಹಾತೆಗಳ ಜಿರ್ರ್ ಶಬ್ದ, ರಂಗಪರಿಚಯದ ನಡುವೆ ಉಳಿದು ಬೆಳೆದ ಕೋಲು ಬಿದಿರುಗಳು ವಾತಾವರಣದಿಂದ ಹೀರಿದ ನೀರನ್ನು ತೊಟ್ಟಿಕ್ಕಿಸಲು ಆರಂಭಿಸಿದ ಹೊತ್ತಲ್ಲಿ, ಪೂಚಂತೆಯವರ ಕರ್ವಾಲೊ ಕಾದಂಬರಿಯ ಕೊನೆಯಲ್ಲಿ ಅನನ್ಯ, ಅನಂತ ಶೂನ್ಯ ಬಯಲು ತೆರೆದುಕೊಂಡು ಅವರೆಲ್ಲಾ ಸಮ್ಮೋಹನಕ್ಕೆ ಒಳಗಾದಂತೆ, ನನಗೂ ಅನೀರ್ವಚನೀಯ ಅನುಭವವಾದದ್ದು ಸುಳ್ಳಲ್ಲ.

ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿಯ ವತಿಯಿಂದ ಗಾಂಧಿ ಸ್ಮೃತಿ ದಿನಾಂಕ 30 ಜನವರಿ 2025 ರಂದು ಸಂತ ವಿಶ್ವವಿದ್ಯಾನಿಲಯದ ಸಭಾಂಗಣದಲ್ಲಿ ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿ ಮತ್ತು ಸಂತ ಎಲೋಶಿಯಸ್ ಪರಿಗಣಿತ ವಿಶ್ವವಿದ್ಯಾನಿಲಯದ ಜಂಟಿ ಆಶ್ರಯದಲ್ಲಿ ಗಾಂಧಿ ಸ್ಮೃತಿ ಹಾಗೂ ಸ್ಟೀವನ್ ಕ್ವಾಡ್ರಸ್ ಪೆರ್ಮುದೆಯವರು ಮಹಾತ್ಮ ಗಾಂಧೀಜಿಯವರ ಕುರಿತು ಬರೆದ ಪುಸ್ತಕದ ಲೋಕಾರ್ಪಣೆ ಕಾರ್ಯಕ್ರಮ ವಿಜ್ರಂಬಣೆಯಿಂದ ಜರುಗಿತು.
ಸಂತ ಎಲೋಶಿಯಸ್ ಪರಿಗಣಿತ ವಿಶ್ವವಿದ್ಯಾನಿಲಯದ ಕುಲಪತಿಗಳಾದ ವಂದನೀಯ ಡಾ. ಪ್ರವೀಣ್ ಮಾರ್ಟಿಸ್ ರವರು ಸಭೆಯ ಮುಖ್ಯ ಅತಿಥಿಗಳಾಗಿ ಮಾತನಾಡಿ ಗಾಂಧೀಜಿಯವರ ತತ್ವಗಳು ನಮ್ಮ ಜೀವನದ ಎಲ್ಲಾ ಹಂತಗಳಲ್ಲಿ ಮಾರ್ಗದರ್ಶನ ನೀಡುವಂತವು ಆಗಿವೆ ಎಂದು ತಿಳಿಸಿದರು.
ಮಂಗಳೂರು ವಿಶ್ವವಿದ್ಯಾನಿಲಯ ಕಾಲೇಜಿನ ಪ್ರಾಂಶುಪಾಲರಾದ ಡಾಕ್ಟರ್ ಗಣಪತಿ ಗೌಡ ರವರು ಸಭೆಯ ಮುಖ್ಯ ಅತಿಥಿಗಳಾಗಿ ಭಾಗವಹಿಸಿದ್ದರು ಅವರು ಗಾಂಧೀಜಿಯವರ ಜೀವನ ಸಿದ್ಧಾಂತ ಮತ್ತು ಸಾಹಿತ್ಯದ ಕುರಿತು ವಿಸ್ತೃತವಾದ ಪ್ರಬಂಧ ಮಂಡನೆ ಮಾಡಿದರು.
ಪುಸ್ತಕದ ತಯಾರಿಯಲ್ಲಿ ಧನಸಹಾಯ ಮಾಡಿದ ಮಿಲಗ್ರಿಸ್ ಕ್ರೆಡಿಟ್ ಕೋ ಆಪರೇಟಿವ್ ಸೊಸೈಟಿಯ ಅಧ್ಯಕ್ಷರಾದ ಶ್ರೀಯುತ ಜಾರ್ಜ್ ಎಸ್ ಫರ್ನಾಂಡಿಸ್ ರವರು ಮಾತನಾಡಿ ಗಾಂಧೀಜಿಯವರ ಜೀವನ ಆದರ್ಶಗಳು ನಮಗೆ ಸದಾ ಮಾರ್ಗದರ್ಶಿ ಎಂದು ತಿಳಿಸಿದರು. ಡಾಕ್ಟರ್ ಆಲ್ವಿನ್ ಡೆಸಾರವರು ಪುಸ್ತಕದ ಪರಿಚಯವನ್ನು ಮಾಡಿಕೊಟ್ಟು ಈ ಪುಸ್ತಕದ ಬಳಕೆ ಹೆಚ್ಚೆಚ್ಚು ಆಗುವ ಅಗತ್ಯ ಇದೆ ಎಂದು ತಿಳಿಸಿದರು. ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ವಹಿಸಿದ್ದ ಅಕಾಡೆಮಿಯ ಅಧ್ಯಕ್ಷರಾದ ಶ್ರೀಯುತ ಜೋಕಿಮ್ ಸ್ಟ್ಯಾನಿ ಅಲ್ವಾರಿಸ್ ಅವರು ಮಾತನಾಡಿ ಇಂದಿನ ಸಮಾಜದಲ್ಲಿ ವಿಭಜನಕಾರಿ ಚಿಂತನೆಗಳು ಹೆಚ್ಚುತಿದ್ದು ನಮ್ಮ  ದೇಶಿ ಐಕ್ಯದ ಮತ್ತು ಭ್ರಾತೃತ್ವದ ಭಾವನೆಗಳು ಹೆಚ್ಚಾಗಲು ಗಾಂಧೀಜಿಯವರ ಪ್ರೇರಣೆ ಅತ್ಯಗತ್ಯ ಎಂದು ತಿಳಿಸಿದರು. ಅಕಾಡಮಿಯ ರಿಜಿಸ್ಟರ್ ಶ್ರೀಯುತ ರಾಜೇಶ್ ಜಿ ಅವರು ಎಲ್ಲರಿಗೂ ಸ್ವಾಗತ ಕೋರಿದರು, ಪುಸ್ತಕದ ಕರ್ತೃವಾದ ಪ್ರೊಫೆಸರ್ ಸ್ಟೀವನ್ ಕ್ವಾಡ್ರಸ್ ರವರು ಎಲ್ಲರಿಗೂ ವಂದನಾರ್ಪಣೆ ಸಲ್ಲಿಸಿದರು. ಕಾಲೇಜಿನ ಉಪನ್ಯಾಸಕರಾದ ಶ್ರೀಮತಿ ಫ್ಲೋರಾ ಕಾಸ್ತೆಲಿನೊರವರು ಕಾರ್ಯಕ್ರಮ ಸಂಯೋಜಿಸಿದರು. ಕಾಲೇಜಿನ ವಿದ್ಯಾರ್ಥಿ ಸಂಗೀತಗಾರರು ರಾಷ್ಟ್ರಗೀತೆ ಹಾಡಿದರು.

ಉಡುಪಿ,ಜ.30; ಕಟಪಾಡಿ ಸಹಕಾರಿ ವ್ಯವಸಾಯಿಕಾ ಸೇವಾ ಸಂಘದ ಅಧ್ಯಕ್ಷ ಮತ್ತು ಉಪಾಧ್ಯಕ್ಷ ಸ್ಥಾನದ ಆಯ್ಕೆಯ ಪ್ರಕ್ರಿಯೆ ಇಂದು ಬೆಳಿಗ್ಗೆ ಗಂಟೆ 11ಕ್ಕೆ ಕಟಪಾಡಿ ಪ್ರಧಾನ ಕಚೇರಿಯಲ್ಲಿ ಚುನಾವಣೆ ಅಧಿಕಾರಿ ಶ್ರೀಮತಿ ಜಯಂತಿ ಎಸ್ ಇವರ ಸಮ್ಮುಖದಲ್ಲಿ ನಡೆದು ಅಧ್ಯಕ್ಷರಾಗಿ ಮೂರನೇ ಬಾರಿಗೆ ವಿಜಯ್ ಕುಮಾರ್ ಉದ್ಯಾವರ ಹಾಗೂ ಉಪಾಧ್ಯಕ್ಷರಾಗಿ ಬ್ಲಾಂಚ್ ಕಾರ್ನಲಿಯೋ ಇವರು ಅವಿರೋಧ ರಾಗಿ ಆಯ್ಕೆ ಯಾಗಿರುತ್ತಾರೆ.ಇವರನ್ನು
ಕಾಪು ಕ್ಷೇತ್ರದ ಜನಪ್ರಿಯ ಶಾಸಕರಾದ ಗುರ್ಮೆ ಸುರೇಶ್ ಶೆಟ್ಟಿ, ಬಿ ಜೆ ಪಿ ಜಿಲ್ಲಾಧ್ಯಕ್ಷರಾದ
ಕಿರಣ್ ಕುಮಾರ್, ಕ್ಷೇತ್ರ ಅಧ್ಯಕ್ಷರಾದ ಜಿತೇಂದ್ರ ಶೆಟ್ಟಿ ಇವರು ಶುಭ ಹಾರೈಸಿದ್ದಾರೆ.

ಶ್ರೀನಿವಾಸಪುರ : ಚುನಾವಣಾಧಿಕಾರಿ ಅಬೀದ್‍ಹುಸೇನ್ ಮಾತನಾಡಿ ಪಿಎಲ್‍ಡಿ ಬ್ಯಾಂಕ್‍ಗೆ 14 ನಿರ್ದೇಶಕರು ಹಾಗು ನಾಮನಿರ್ದೇಶಕ ಒಂದು ಸ್ಥಾನವು ಇದ್ದು, ಒಟ್ಟು 15 ನಿರ್ದೇಶಕರು. ಇದೇ ಜನವರಿ 14 ರಂದು ಬ್ಯಾಂಕಿನ ಆಡಳಿತ ಮಂಡಲಿಯ ನಿರ್ದೇಶಕ ಸ್ಥಾನಕ್ಕೆ ನಾಮಪತ್ರ ಸಲ್ಲಿಸಲಾಗಿ ಎಲ್ಲಾ 14 ನಿರ್ದೇಶಕರು ಅವಿರೋಧವಾಗಿ ಆಯ್ಕೆಯಾಗಿದ್ದಾರೆ.
ನಂತರ ಬುಧವಾರ ನಡೆದ ಅಧ್ಯಕ್ಷ , ಉಪಾಧ್ಯಕ್ಷ ಸ್ಥಾನಕ್ಕೆ ನಡೆದ ಚುನಾವಣೆಯಲ್ಲಿ ಅಧ್ಯಕ್ಷ ಸ್ಥಾನಕ್ಕೆ ದಿಂಬಾಲ್ ಅಶೋಕ್ ಹಾಗು ಉಪಾಧ್ಯಕ್ಷ ಸ್ಥಾನಕ್ಕೆ ಕೋಡಿಪಲ್ಲಿ ಸುಬ್ಬಿರೆಡ್ಡಿ ರವರು ಏಕೈಕ ನಾಮಪತ್ರ ಸಲ್ಲಿಸಿದ್ದು, ನಾಮಪತ್ರವು ಸಲ್ಲಿಸಿಲಾಗಿ 2 ನಾಮಪತ್ರಗಳು ಕ್ರಮವಾಗಿ ಇರುವುದರಿಂದ ಅಧ್ಯಕ್ಷರಾಗಿ ದಿಂಬಾಲ್ ಅಶೋಕ್‍ರವರು ಹಾಗು ಉಪಾಧ್ಯಕ್ಷರಾಗಿ ಕೋಡಿಪಲ್ಲಿ ಸುಬ್ಬಿರೆಡ್ಡಿ ಮುಂದಿನ ಐದು ವರ್ಷಗಳು ಅಧ್ಯಕ್ಷರಾಗಿ, ಉಪಾಧ್ಯಕ್ಷರಾಗಿ ಕಾರ್ಯನಿರ್ವಹಿಸಲಿದ್ದಾರೆ ಎಂದರು.
ನೂತನ ಅಧ್ಯಕ್ಷರಾಗಿ ಆಯ್ಕೆಯಾದ ದಿಂಬಾಲ್ ಅಶೋಕ್ ಮಾತನಾಡಿ ಮಾಜಿ ಶಾಸಕ ಕೆ.ಆರ್.ರಮೇಶ್‍ಕಮಾರ್ ರವರ ಮಾರ್ಗದರ್ಶನದಂತೆ ನಾನು ಸತತ ಮೂರು ಬಾರಿ ಅಧ್ಯಕ್ಷರಾಗಿ ಆಯ್ಕೆಯಾಗಿದ್ದೇನೆ ಹಾಗು ಎಲ್ಲಾ ನಿರ್ದೇಶಕರ ಸಹಕಾರ, ಸಲಹೆಗಳನ್ನು ಪಡೆದು ಮುಂದಿನ ದಿನಗಳಲ್ಲಿ ಸರ್ಕಾರದ ಸೌಲಭ್ಯಗಳನ್ನು ಬಳಿಸಿಕೊಂಡು ರೈತರಿಗೆ ಬೇಕಾದ ಸೌಲಭ್ಯಗಳನ್ನು ಮನೆ ಬಾಗಿಲಿಗೆ ಸೇರಿಸಿ ಬ್ಯಾಂಕ್‍ನ್ನು ಮಾದರಿ ಮಾಡುವುದಾಗಿ ಭರವಸೆ ನೀಡಿದರು.
ನಿರ್ದೇಶಕರಾದ ಕೆ.ಲಕ್ಷ್ಮಣರೆಡ್ಡಿ, ವೆಂಕಟಲಕ್ಷ್ಮಮ್ಮ, ಸಿ.ಮುನಿವೆಂಕಟಪ್ಪ, ಬಿ.ಸೀತಾರಾಮರೆಡ್ಡಿ, ಎಮ್.ಎನ್.ರೆಡ್ಡಪ್ಪ, ಬಿ.ವಿ.ಆದಿನಾರಾಯಣಪ್ಪ, ಶೋಭಾ ಕೆ.ಎ., ಜಿ.ಶ್ರೀನಿವಾಸಲು, ನರಸಿಂಹಯ್ಯ ಕೆ.ವಿ, ಜಿ.ಲಕ್ಷ್ಮಿದೇವಮ್ಮ, ಶಿವಮ್ಮ, ಜಿ.ಎಮ್.ವೆಂಕಟಾಚಲ, ನಾಮನಿರ್ದೇಶಕ ರಾಮಸ್ವಾಮಿಶೆಟ್ಟಿ , ವ್ಯವಸ್ಥಾಪಕಿ ಶೋಭಾ, ಲೆಕ್ಕ ಪರಿಶೋದಕ ವಿ.ಶ್ರೀನಿವಾಸ್, ಸಿಬ್ಬಂದಿಗಳಾದ ಮಂಜುನಾಥಚಾರಿ, ಕೆ.ವಿ.ನರೇಶ್, ರವೀಂದ್ರ ಇದ್ದರು.

ಕಾರ್ಕಳ, ಜನವರಿ 29, 2025 – ಕಾರ್ಕಲ್ ಅತ್ತೂರು ದೇವಾಲಯವು ಪ್ರಾರ್ಥನೆ ಮತ್ತು ಸ್ತೋತ್ರಗಳೊಂದಿಗೆ ಪ್ರತಿಧ್ವನಿಸಿತು, ಲಕ್ಷಾಂತರ ಭಕ್ತರು ಸಂತ ಲಾರೆನ್ಸ್ ಹಬ್ಬವನ್ನು ಆಚರಿಸಲು ಭಕ್ತಿಯಿಂದ ಜಮಾಯಿಸಿದರು. ಈ ವಾರ್ಷಿಕ ಧಾರ್ಮಿಕ ಕಾರ್ಯಕ್ರಮವು ಧರ್ಮ ಮತ್ತು ಬಣ್ಣಗಳನ್ನು ಲೆಕ್ಕಿಸದೆ ಹತ್ತಿರದ ಮತ್ತು ದೂರದಿಂದಲೂ ಜನರನ್ನು ಆಕರ್ಷಿಸಿತು.

ನಾಲ್ಕನೇ ದಿನ ಇಂದು. ಒಟ್ಟಾರೆಯಾಗಿ, ದಿನವಿಡೀ ಹತ್ತು ಬಲಿದಾನಗಳನ್ನು ಸಲ್ಲಿಸಲಾಯಿತು, ಪ್ರತಿಯೊಂದೂ ದೊಡ್ಡ ಸಭೆಯನ್ನು ಸೆಳೆಯಿತು.

ಪವಿತ್ರ ಲಾರೆನ್ಸ್ ಅವರ ಜೀವನ ಮತ್ತು ತ್ಯಾಗಗಳನ್ನು ಪ್ರತಿಬಿಂಬಿಸುವ ಪುರೋಹಿತರು ಬಲಿದಾನಗಳನ್ನು ಮುನ್ನಡೆಸಿದರು, ಅವರು ನಿಷ್ಠಾವಂತರನ್ನು ಭರವಸೆಯೊಂದಿಗೆ ಬದುಕಲು, ದೈನಂದಿನ ಪರೀಕ್ಷೆಗಳು ಮತ್ತು ಕ್ಲೇಶಗಳನ್ನು ಸಹಿಸಿಕೊಳ್ಳಲು ಪ್ರೇರೇಪಿಸಿದರು.
ಇಂದಿನ ದೀಕ್ಷಾಸ್ನಾನವನ್ನು ಈ ಕೆಳಗಿನ ಪುರೋಹಿತರು ಸಲ್ಲಿಸಿದರು:
ರೆವರೆಂಡ್ ಫಾದರ್ (ಡಾ) ಜೆನ್ಸಿಲ್ ಆಳ್ವಾ, ಮಿಲಾಗ್ರಿಸ್ ಕ್ಯಾಥೆಡ್ರಲ್, ರೆವರೆಂಡ್ ಫಾದರ್ ಸ್ಟ್ಯಾನಿ ಡಿಸೋಜಾ,
ಶಿವಮೊಗ್ಗ ಡಯಾಸಿಸ್, ರೆವರೆಂಡ್ ಫಾದರ್ ರೊನಾಲ್ಡ್ ಮಿರಾಂಡಾ, ಪ್ಯಾರಿಷ್ ಫಾದರ್, ಬಾರ್ಕೂರ್,
ರೆವರೆಂಡ್ ಫಾದರ್ ಫ್ರಾನ್ಸಿಸ್ ರೊಡ್ರಿಗಸ್, ಪ್ಯಾರಿಷ್ ಫಾದರ್, ಅಡ್ಯಪಾಡಿ, ರೆವರೆಂಡ್ ಫಾದರ್ ಪಾಲ್
ಡಿಸೋಜಾ, ಚಿಕ್ಕಮಂಗಳೂರು ಡಯಾಸಿಸ್, ರೆವರೆಂಡ್ ಫಾದರ್ ಸುನಿಲ್ ಡಿಸಿಲ್ವಾ, ಪ್ಯಾರಿಷ್ ಫಾದರ್,
ಸಾಸ್ತಾನ್ ಪ್ಯಾರಿಷ್, ರೆವರೆಂಡ್ ಫಾದರ್ ಜೋಸೆಫ್ ಸಿರಿಲ್ ಡಿಸೋಜಾ, ಒಸಿಡಿ ,
ರೆವರೆಂಡ್ ಫಾದರ್ ಕ್ಯಾನುಟ್ ಬಾರ್ಬೋಜಾ, ಪ್ಯಾರಿಷ್ ಫಾದರ್, ಮಿಯಾರ್. ಮುಖ್ಯ ಹಬ್ಬದ ಬಲಿದಾನವನ್ನು ಬೆಳಿಗ್ಗೆ 10.00 ಗಂಟೆಗೆ ಮಂಗಳೂರು ಡಯಾಸಿಸ್ನ ಬಿಷಪ್ ಎಮೆರಿಟಸ್ ಅತಿ ವಂ. ಡಾ. ಅಲೋಶಿಯಸ್ ಪಾಲ್ ಡಿಸೋಜಾ ಆಚರಿಸಿದರು.
ಅಸ್ವಸ್ಥರು ಮತ್ತು ಬಳಲುತ್ತಿರುವವರಿಗಾಗಿ ವಿಶೇಷ ಪ್ರಾರ್ಥನೆಗಳನ್ನು ಸಲ್ಲಿಸಲಾಯಿತು. ಬಡವರ ಮತ್ತು ದಮನಿತರ ಪೋಷಕ ಸಂತ ಸೇಂಟ್ ಲಾರೆನ್ಸ್ ಅವರ ಹುತಾತ್ಮತೆಯನ್ನು ಗೌರವಿಸಲು ಭಕ್ತರು ಒಟ್ಟುಗೂಡಿದಾಗ ದೇವಾಲಯದ ವಾತಾವರಣವು ಏಕತೆಯ ಭಾವದಿಂದ ತುಂಬಿತ್ತು. ಶ್ರೀಮಂತ ಸಂಪ್ರದಾಯಗಳು, ಪ್ರಾರ್ಥನೆಗಳು ಮತ್ತು ಸ್ತೋತ್ರಗಳು ದಾನ, ಪ್ರೀತಿ ಮತ್ತು ಒಗ್ಗಟ್ಟಿನ ಮನೋಭಾವವು ವೃದ್ಧಿಯಾಗುವ ವಾತಾವರಣವನ್ನು ಸೃಷ್ಟಿಸಿದವು.

ಭಕ್ತರು ನವೀಕೃತ ಭರವಸೆ ಮತ್ತು ಕೃತಜ್ಞತೆಯೊಂದಿಗೆ ದೇವಾಲಯದಿಂದ ನಿರ್ಗಮಿಸಿದರು, ಆಚರಣೆಯ ಆಶೀರ್ವಾದ ಮತ್ತು ಶಾಂತಿಯನ್ನು ತಮ್ಮೊಂದಿಗೆ ಹೊತ್ತುಕೊಂಡರು. ಕಾರ್ಕಳಅತ್ತೂರು ದೇವಾಲಯದಲ್ಲಿ ಸಂತ ಲಾರೆನ್ಸ್ ಅವರ ಹಬ್ಬವು ಈ ಪ್ರದೇಶದ ಧಾರ್ಮಿಕ ಕ್ಯಾಲೆಂಡರ್‌ನಲ್ಲಿ ಒಂದು ಪ್ರಮುಖ ಘಟನೆಯಾಗಿ ಉಳಿದಿದೆ, ಇದು ನಂಬಿಕೆ, ಭರವಸೆ, ಕರುಣೆ ಮತ್ತು ಸಮುದಾಯ ಮನೋಭಾವದ ಶಾಶ್ವತ ಶಕ್ತಿಯನ್ನು ಸಂಕೇತಿಸುತ್ತದೆ.

ನ್ಯಾಯಮೂರ್ತಿ. ಕರ್ನಾಟಕದಲ್ಲಿ ಭ್ರಷ್ಟಾಚಾರದ ವಿರುದ್ಧದ ಹೋರಾಟದಲ್ಲಿ ಪ್ರಮುಖ ವ್ಯಕ್ತಿಯಾಗಿರುವ ನಿವೃತ್ತ ಲೋಕಾಯುಕ್ತ ಮತ್ತು ನಿವೃತ್ತ ಮುಖ್ಯ ನ್ಯಾಯಮೂರ್ತಿ ಸಂತೋಷ್ ಹೆಗ್ಡೆ ಅವರು ದೇವಾಲಯಕ್ಕೆ ಭೇಟಿ ನೀಡಿ ಪಾದ್ರಿಗಳು ಮತ್ತು ನಿಷ್ಠಾವಂತರಿಗೆ ತಮ್ಮ ಶುಭಾಶಯಗಳನ್ನು ತಿಳಿಸಿದರು.

ನಾಳೆ ಕೃತಜ್ಞತಾ ದಿನವಾಗಿದ್ದು, ಹಬ್ಬದ ಸಮಯದಲ್ಲಿ ಪಡೆದ ಎಲ್ಲಾ ಸಹಾಯಕ್ಕಾಗಿ ಪ್ಯಾರಿಷಿಯನ್ನರು ದೇವರು ಮತ್ತು ತಾಯಿ ಮೇರಿಗೆ ಧನ್ಯವಾದಗಳನ್ನು ಅರ್ಪಿಸುತ್ತಾರೆ. ಕೊನೆಯ ಬಲಿಪೂಜೆ ರಾತ್ರಿ 8.30 ಕ್ಕೆ ಮತ್ತು ನಂತರ
ಉತ್ಸವದ ಧ್ವಜವನ್ನು ಇಳಿಸಲಾಗುತ್ತದೆ ಮತ್ತು ಹೀಗೆ ಐದು ದಿನಗಳ ಕಾಲ ನಡೆದ ಉತ್ಸವಗಳು ಕೊನೆಗೊಳ್ಳುತ್ತವೆ.