Author: Jananudi News Network

ಸಂಘದ ಬಹುದಿನಗಳ ಬೇಡಿಕೆಗಳನ್ನು ಈಡೇರಿಸಲಾಗುವುದು : ಮುಖ್ಯ ಮಂತ್ರಿಯವರ ಮಾಧ್ಯಮ ಸಲಹೆಗಾರರಾದ ಕೆ.ವಿ.ಪ್ರಭಾಕರ್ ಭರವಸೆ

ಬೆಂಗಳೂರು : ಕರ್ನಾಟಕ ಕಾರ್ಯನಿರತ ದಿನಪತ್ರಿಕೆಗಳ ಸಂಪಾದಕರ ಸಂಘದ ರಾಜ್ಯಾಧ್ಯಕ್ಷ ಎ.ಸಿ.ತಿಪ್ಪೇಸ್ವಾಮಿ ನೇತೃತ್ವದ ಪದಾಧಿಕಾರಿಗಳ ನಿಯೋಗ ಫೆಬ್ರವರಿ 24 ರ ಸೋಮವಾರ ಮಧ್ಯಾಹ್ನ 12 ಗಂಟೆಗೆ ಮುಖ್ಯಮಂತ್ರಿಯವರ
ಮಾಧ್ಯಮ ಸಲಹೆಗಾರರಾದ ಕೆ.ವಿ.ಪ್ರಭಾಕರ್ ಅವರನ್ನು
ವಿಧಾನಸೌಧದ ಕಚೇರಿಯಲ್ಲಿ ಭೇಟಿ ಮಾಡಿ ಕಳೆದ ಒಂದು ವರ್ಷದಿಂದ ನೆನೆಗುದಿಗೆ ಬಿದ್ದಿರುವ ಸಂಘದ ಪ್ರಮುಖ ಮೂರು ಬೇಡಿಕೆಗಳನ್ನು ಈಡೇರಿಸಿ
ಕೊಡುವಂತೆ ಮನವಿ ಮಾಡಿತು.

ಸಂಘದ ಮನವಿ ಸ್ವೀಕರಿಸಿ, ಪದಾಧಿಕಾರಿಗಳೊಂದಿಗೆ ಬೇಡಿಕೆಗಳ‌ ಕುರಿತು ಶಾಂತಚಿತ್ತದಿಂದ‌ ಸುಧೀರ್ಘವಾಗಿ ಚರ್ಚಿಸಿದ ಕೆ.ವಿ.ಪ್ರಭಾಕರ್ ಅವರು ಸಂಘದ ರಾಜ್ಯಾಧ್ಯಕ್ಷ ಎ.ಸಿ.ತಿಪ್ಪೇಸ್ವಾಮಿ ಅವರಿಂದ ಈ ಮೂರು ಬೇಡಿಕೆಗಳ ಕುರಿತು ಸಂಪೂರ್ಣ ಮಾಹಿತಿ ಪಡೆದು ಕೊಂಡರು.

ಜನವರಿ 2024 ರಿಂದ ಇಲ್ಲಿಯವರೆಗೆ ಆನೇಕ ಬಾರಿ ಇಲಾಖೆಗೆ , ಸರ್ಕಾರಕ್ಕೆ ಸಂಘದಿಂದ ಮನವಿ ಸಲ್ಲಿಸಲಾಗಿದೆ. ಸಂಬಂಧಿಸಿದ ಅಧಿಕಾರಿಗಳು ಯಾವುದೇ ಕ್ರಮ ತೆಗೆದುಕೊಂಡಿಲ್ಲ.ಇದರಿಂದ ಜಿಲ್ಲಾ ಮತ್ತು ಪ್ರಾದೇಶಿಕ ಪತ್ರಿಕೆಗಳಿಗೆ ತೊಂದರೆಯಾಗುತ್ತಿದೆ ಎಂದು ರಾಜ್ಯಾಧ್ಯಕ್ಷರು ಮಾಧ್ಯಮ ಸಲಹೆಗಾರರಿಗೆ ಮನವರಿಕೆ ಮಾಡಿಕೊಟ್ಟರು.

ಜಾಹೀರಾತು ನೀತಿ 2013 , ಅನುಷ್ಠಾನ‌ ನಿಯಮಗಳು 2014 ರ ನಿಯಮ 14 ರ ಟಿಪ್ಪಣಿ 3 ರ ಪ್ರಕಾರ ವಾರ್ತಾ ಇಲಾಖೆ ಆಯುಕ್ತರಿಗೆ ಜಾಹೀರಾತು ದರ ಹೆಚ್ಚಳ ಮಾಡಲು ಅಧಿಕಾರ ಇದ್ದರೂ ಸಹ ಕಳೆದ 4 ವರ್ಷಗಳಿಂದ ಜಿಲ್ಲಾ ಮತ್ತು ಪ್ರಾದೇಶಿಕ ಪತ್ರಿಕೆಗಳಿಗೆ ವಾರ್ತಾ ಇಲಾಖೆ ಆಯುಕ್ತರು ಜಾಹೀರಾತು ದರ ಹೆಚ್ಚಳ ಮಾಡದೇ ಇರುವುದು, ಸರ್ಕಾರದ ಯಾವುದೇ ಆದೇಶ ಇಲ್ಲದೇ ಇದ್ದರೂ ಸಹ, ಪತ್ರಿಕೆಗಳ ಜಾಹೀರಾತು ಬಿಲ್ಲುಗಳಲ್ಲಿ ಏಜೆನ್ಸಿಗಳು ಕಾನೂನು
ಬಾಹಿರವಾಗಿ ಕಡಿತ ಮಾಡುವ ಶೇ.15 ರಷ್ಟು ಕಮಿಷನ್ ಹಣವನ್ನು ತಕ್ಷಣ ನಿಲ್ಲಿಸುವುದು, ವಾರ್ತಾ‌ ಮತ್ತು ಸಾರ್ವಜನಿಕ ಸಂಪರ್ಕ ಇಲಾಖೆಯ ಮಾಧ್ಯಮ ಪಟ್ಟಿಯಲ್ಲಿ ಇರುವ 5 ವರ್ಷದೊಳಗಿನ ಹಿಂದುಳಿದ ವರ್ಗಗಳ ಮತ್ತು ಬ್ರಾಹ್ಮಣ ಸಮುದಾಯದ ಪತ್ರಿಕೆಗಳಿಗೆ ಸಾಮಾಜಿಕ ನ್ಯಾಯದ ತಳಹದಿಯಲ್ಲಿ ಪ್ರತಿ ತಿಂಗಳು ಒಂದು ಪುಟ ಸರ್ಕಾರದ ಪ್ರೋತ್ಸಾಹ ರೂಪದ ಜಾಹೀರಾತು ಬಿಡುಗಡೆ ಮಾಡಲು ಸರ್ಕಾರದಿಂದ ಆದೇಶ ಹೊರಡಿಸುವುದು ಎನ್ನುವ ಬೇಡಿಕೆಗಳಿಗೆ ಮುಕ್ತ ಮನಸ್ಸಿನಿಂದ ಸ್ಪಂದಿಸಿದ ಮಾಧ್ಯಮ ಸಲಹೆಗಾರರು ಈ ಬೇಡಿಕೆಗಳನ್ನು ಸರ್ಕಾರದಿಂದ ಈಡೇರಿಸಿ ಕೊಡುವುದಾಗಿ ಭರವಸೆ ನೀಡಿದರು. ಶೀಘ್ರದಲ್ಲೇ ಹೊಸ ಜಾಹೀರಾತು ನೀತಿ ಕೂಡ ಜಾರಿಗೆ ಬರಲಿದೆ ಎಂದು ತಿಳಿಸಿದರು.

ಸಂಘದ ನಿಯೋಗದಲ್ಲಿ ಉಪಾಧ್ಯಕ್ಷರಾದ ಭೀಮರಾಯ ಹದ್ದಿನಾಳ, ರಾಮಕೃಷ್ಣ ಮಾಮರ,ಹೆಚ್.ಎಸ್.ಹರೀಶ್, ಪ್ರಧಾನ ಕಾರ್ಯದರ್ಶಿ ಟಿ.ಎಸ್.ಕೃಷ್ಣಮೂರ್ತಿ, ರಾಜ್ಯ ಸಮಿತಿ ನಾಮನಿರ್ದೇಶನ ಸದಸ್ಯರಾದ, ಕೆ.ಕೆ.ಕುಲಕರ್ಣಿ, ಆಶೋಕ್ ಕುಮಾರ್ ಕರಂಜಿ, ವಿಶ್ವನಾಥ್ ಬೆಳಗಲ್ ಮಠ, ಮಹೇಶ್ ಅಂಗಡಿ, ಜಂಟಿ ಕಾರ್ಯದರ್ಶಿ ಬಿ.ದಿನೇಶ್, ಸಂಘಟನಾ ಕಾರ್ಯದರ್ಶಿಗಳಾದ ರಾಜು ತಳವಾರ, ರಮೇಶ್ ರೆಡ್ಡಿ, ಸಹ‌ ಕಾರ್ಯದರ್ಶಿ ಎಂ.ಬಿ.ಕೊಡಗಲಿ, ಕಾರ್ಯದರ್ಶಿ ಶರಣು ಗದ್ದುಗೆ,ಜಿಲ್ಲಾಧ್ಯಕ್ಷರಾದ ಎಲ್.ಶಿವಶಂಕರ್, ಜಾಕೀರ್ ಹುಸೇನ್ ತಾಳಿಕೋಟೆ, ವಿಜಯಕುಮಾರ್ ಪಾಟೀಲ್, ಎಂ.ಜೆ.ಶ್ರೀನಿವಾಸ್, ಪದಾಧಿಕಾರಿಗಳಾದ ಕೌಸಲ್ಯ ಪನ್ನಾಳ್ಕರ್, ಅಜಯ್‌ ಭೋಸ್ಲೆ, ರಾಮಚಂದ್ರ ಭೋಸ್ಲೆ, ಅಬ್ದುಲ್ ಖದೀರ್, ಆನಂದ್ ಗೋರ್ಕಲ್, ಎಸ್.ಡಿ.ವೇಣುಗೋಪಾಲ ಸುನೀಲ್ ಕುಲಕರ್ಣಿ, ಪ್ರಕಾಶ್ ಗುಳೇದಗುಡ್ಡ, ದೇವಪ್ಪ ಲಿಂಗದಾಳ್ ಸೇರಿದಂತೆ ಇನ್ನಿತರ ಜಿಲ್ಲಾ ಘಟಕಗಳ ಪದಾಧಿಕಾರಿಗಳು ಇದ್ದರು.

ಸಂಘದ ಪ್ರಮುಖ ಬೇಡಿಕೆಗಳು

1. ವಾರ್ತಾ ಮತ್ತು ಸಾರ್ವಜನಿಕ ಸಂಪರ್ಕ ಇಲಾಖೆಯ ಮಾಧ್ಯಮ ಪಟ್ಟಿಯಲ್ಲಿರುವ ಜಿಲ್ಲಾ ಮತ್ತು ಪ್ರಾದೇಶಿಕ ಪತ್ರಿಕೆಗಳಿಗೆ ಜಾಹೀರಾತು ನೀತಿ 2013 ಅನುಷ್ಠಾನ ನಿಯಮಗಳು 2014 ರ ನಿಯಮ 14 ರ ಟಿಪ್ಪಣೆ 3 ರ ಪ್ರಕಾರ ದಿನಾಂಕ: 01-04-2023 ರಿಂದ ಅನ್ವಯವಾಗುವಂತೆ ಹಾಲೀ ಜಾಹೀರಾತು ದರಕ್ಕೆ ಶೇ. 12 ರಷ್ಟು ಜಾಹೀರಾತು ದರವನ್ನು ಹೆಚ್ಚಳ ಮಾಡಬೇಕು. ದಿನಾಂಕ: 01-04-2025 ರಿಂದ ಅನ್ವಯವಾಗುವಂತೆ ಹಾಲೀ ಜಾಹೀರಾತು ದರಕ್ಕೆ ಮತ್ತೇ ಶೇ. 12 ರಷ್ಟು ಹೀಗೆ ಶೇ.24 ರಷ್ಟು ಜಾಹೀರಾತು ದರವನ್ನು ಹೆಚ್ಚಳ ಮಾಡಬೇಕು.

2 ವಾರ್ತಾ ಮತ್ತು ಸಾರ್ವಜನಿಕ ಸಂಪರ್ಕ ಇಲಾಖೆಯಿಂದ ಅಂಗೀಕೃತ ಜಾಹೀರಾತು ಸಂಸ್ಥೆಗಳ ಮೂಲಕ ಬಿಡುಗಡೆ ಮಾಡಲಾಗುವ ಎಲ್ಲಾ ಬಗೆಯ ಜಾಹೀರಾತು ವೆಚ್ಚದ ಬಿಲ್ಲುಗಳಲ್ಲಿ ಸರ್ಕಾರದ ಯಾವುದೇ ಆದೇಶ ಇಲ್ಲದಿದ್ದರೂ ಸಹ ಕಾನೂನು ಬಾಹಿರವಾಗಿ ಕಡಿತಗೊಳಿಸುತ್ತಿರುವ ಶೇ.15 ರಷ್ಟು ಕಮಿಷನ್ ಹಣವನ್ನು ಕಡಿತಗೊಳಿಸುವುದನ್ನು ತಕ್ಷಣವೇ ನಿಲ್ಲಿಸಬೇಕು. ಎಲ್ಲಾ ಬಗೆಯ ಜಾಹೀರಾತುಗಳನ್ನು ವಾರ್ತಾ ಮತ್ತು ಸಾರ್ವಜನಿಕ ಸಂಪರ್ಕ ಇಲಾಖೆಯಿಂದಲೇ ಬಿಡುಗಡೆ ಮಾಡಬೇಕು, ಅದರ ವೆಚ್ಚವನ್ನು ಇಲಾಖೆಯಿಂದಲೇ ಪಾವತಿಸುವ ವ್ಯವಸ್ಥೆಯನ್ನು ಮಾಡಬೇಕು.

3. ವಾರ್ತಾ ಮತ್ತು ಸಾರ್ವಜನಿಕ ಸಂಪರ್ಕ ಇಲಾಖೆಯ ಮಾಧ್ಯಮ ಪಟ್ಟಿಯಲ್ಲಿರುವ 5 ವರ್ಷ ಪೂರೈಸಿರುವ ಒಬಿಸಿ/ಬ್ರಾಹ್ಮಣ ಸಮುದಾಯದ ಪತ್ರಿಕೆಗಳಿಗೆ ಪ್ರತಿ ಮಾಹೆ 02 ಪುಟಗಳ ಸರ್ಕಾರದ ಪ್ರೋತ್ಸಾಹ ರೂಪದ ಜಾಹೀರಾತನ್ನು ಇಲಾಖೆಯಿಂದ ಬಿಡುಗಡೆ ಮಾಡಲಾಗುತ್ತಿದೆ. ಇದರಿಂದ ಈ ಸಮುದಾಯದ ಪತ್ರಿಕೆಗಳ ಬೆಳವಣಿಗೆಗೆ ಸರ್ಕಾರವು ಸಹಾಯ, ಸಹಕಾರ ನೀಡುತ್ತಿದೆ. ಆದರೆ 5 ವರ್ಷ ಪೂರೈಸಿರದ ಒಬಿಸಿ / ಬ್ರಾಹ್ಮಣ ಸಮುದಾಯದ ಪತ್ರಿಕೆಗಳಿಗೆ ಪ್ರತಿ ಮಾಹೆ ಸರ್ಕಾರದ ಪ್ರೋತ್ಸಾಹ ರೂಪದ ಜಾಹೀರಾತನ್ನು ಇಲಾಖೆಯಿಂದ ಬಿಡುಗಡೆ ಮಾಡುವುದಕ್ಕೆ ಸರ್ಕಾರದ ಆದೇಶ ಇರುವುದಿಲ್ಲ. ಹೀಗಾಗಿ ಈ ಎರಡು ಸಮುದಾಯದ ಪತ್ರಿಕೆಗಳ ಬೆಳವಣಿಗೆಗೆ ಮತ್ತು ಪತ್ರಿಕೆ ನಡೆಸಲು ತೊಂದರೆಯಾಗುತ್ತಿದೆ. ಈ ಹಿನ್ನೆಲೆಯಲ್ಲಿ ಸಾಮಾಜಿಕ ನ್ಯಾಯದ ಪರಿಕಲ್ಪನೆ ತಳಹದಿಯಲ್ಲಿ ಈ ಎರಡು ಸಮುದಾಯದ ಪತ್ರಿಕೆಗಳಿಗೆ ಮಾಸಿಕ 01 ಪುಟದ ಸರ್ಕಾರದ ಪ್ರೋತ್ಸಾಹ ರೂಪದ ಜಾಹೀರಾತನ್ನು ಸರ್ಕಾರದ ವತಿಯಿಂದ ಬಿಡುಗಡೆ ಮಾಡಲು ಸೂಕ್ತ ಆದೇಶವನ್ನು ಹೊರಡಿಸುವುದರ ಮೂಲಕ ಈ ಎರಡೂ ಸಮುದಾಯಗಳ ಪತ್ರಿಕೆಗಳಿಗೆ ಅನುಕೂಲ ಮಾಡಿಕೊಡಬೇಕು.

ಕುಂದಾಪುರ, 22/02/2025 ರಂದು, ಸ್ಥಳೀಯ ಯುಬಿಎಂಸಿ ಮತ್ತು ಸಿಎಸ್ಐ ಕೃಪಾ ಇಂಗ್ಲಿಷ್ ಮಾಧ್ಯಮ ಶಾಲೆಯು ಶಿಕ್ಷಕ -ರಕ್ಷಕ ಸಂಘದ ಸಭೆಯನ್ನು ನಡೆಯಿತು. ಶಾಲಾ ಸಂಚಾಲಕಿ ಐರೀನ್ ಸಾಲಿನ್ಸ್ ಸಭೆಯ ಅಧ್ಯಕ್ಷಯತೆಯನ್ನು ವಹಿಸಿಕೊಂಡಿದ್ದರು, ರೆವರೆಂಡ್ ಇಮ್ಯಾನುಯೆಲ್ ಜೈ ಕರ್ ಮುಖ್ಯ ಅತಿಥಿಯಾಗಿ ಮತ್ತು ಶಾಲಾ ಪ್ರಾಂಶುಪಾಲೆ ಅನಿತಾ ಡಿ’ಸೋಜಾ, ಸಿಎಸ್ಐ ಕೃಪಾ ವಿದ್ಯಾಲಯದ ಮುಖ್ಯ ಶಿಕ್ಷಕಿ ಸವಿತಾ ವೇದಿಕೆಯನ್ನು ಹಂಚಿಕೊಂಡರು. ಸಂಪನ್ಮೂಲ ವ್ಯಕ್ತಿಯಾಗಿ ಆಗಮಿಸಿದ ಡಾ. ಸೋನಿ ಡಿಕೋಸ್ಟಾ ಮಕ್ಕಳ ಬೆಳವಣಿಗೆಯಲ್ಲಿ ಶಿಕ್ಷಕರು ಮತ್ತು ಪೋಷಕರ ಪಾತ್ರದ ಬಗ್ಗೆ ವಿವರಿಸಿದರು. ಶಿಕ್ಷಕಿ ಉಜ್ವಲಾ ಕಾರ್ಯಕ್ರಮವನ್ನು ಸ್ವಾಗತಿಸಿದರು ಮತ್ತು ಶಿಕ್ಷಕಿ ರಾಜೇಶ್ವರಿ ಧನ್ಯವಾದಗಳನ್ನು ಅರ್ಪಿಸಿದರು. ಕಾರ್ಯಕ್ರಮವನ್ನು ಶಿಕ್ಷಕಿ ಪವಿತ್ರಾ ಕೊತ್ವಾಲ್ ನಿರೂಪಿಸಿದರು.

Kundapur UBMC/CSI Krupa English Medium School Teacher-Parent Association Meeting

Kundapur, on 22/02/2025, the local UBMC and CSI Krupa English Medium School held a Teacher-Parent Association Meeting. The meeting was presided over by the School Convenor Irene Sallins, Reverend Emmanuel Jai Kar was the Chief Guest and the School Principal Anita D’Souza, Headmistress Savita of CSI Krupa Vidyalaya shared the stage. Dr. Soni D’Costa, who arrived as a resource person, explained the role of teachers and parents in the development of children. Teacher Ujjwala welcomed the program and Teacher Rajeshwari proposed vote of thanks. The program was compered by Teacher Pavitra Kothwal.

ಫಳ್ನೀರ್ ಫೆ.21: ದಕ್ಷಿಣಕನ್ನಡ ಸಾಹಿತ್ಯ ಪರಿಷತ್ತು ಇವರಿಂದ ನೆಡಸಲ್ಪಟ್ಟ, ಸಂತ ಮೆರೀಸ್ ಫ್ರೌಢಶಾಲೆಯ ಮಂಗಳೂರು ಇಲ್ಲಿಯ 22 ವಿದ್ಯಾರ್ಥಿಯರು ತಮ್ಮ ಶಾಲಾ ಶಿಕ್ಷಕಿಯೊಂದಿಗೆ ಮಂಗಳೂರು ವಿಶ್ವವಿದ್ಯಾಲಯ ಕೋಣಾಜೆ, ಮಂಗಳ ಸಭಾಂಗಣ ಗಂಗೋತ್ರಿಯಲ್ಲಿ ಏರ್ಪಾಡಿಸಿದ ದಕ್ಷಿಣ ಕನ್ನಡ ಸಾಹಿತ್ಯ ಸಮ್ಮೇಳನದಲ್ಲಿ,ಮಂಗಳೂರು ಫಳ್ನೀರಿನ ಸಂತ ಮೆರೀಸ್ ಫ್ರೌಢಶಾಲೆಯ 22 ವಿದ್ಯಾರ್ಥಿಗಳು ತಮ್ಮ ಶಾಲಾ ಶಿಕ್ಷಕಿಯೊಂದಿಗೆ ಸಕ್ರಿಯವಾಗಿ ಭಾಗವಹಿಸಿದರು. ಅವರು ಪಡೆದ ಅನುಭವ ಅಪಾರ ಹಾಗೂ ಶ್ಲಾಘನೀಯ. ಆ ಅನುಭವಗಳನ್ನು ಇತರರೊಂದಿಗೆ ಹಂಚಿ ತಮ್ಮ ಸಂತೋಷವನ್ನು ಶಾಲೆಯಲ್ಲಿ ವ್ಯಕ್ತ ಪಡಿಸಿದರು. ಈ ವಿಧ್ಯಾರ್ಥಿಗಳಿಗೆ ಶಾಲಾ ಆಡಳಿತ ಮಂಡಳಿ, ಮುಖ್ಯೋಪಾಧ್ಯರು ಮತ್ತು ಶಿಕ್ಷಕ, ಶಿಕ್ಷಕೇತ್ರರ ಸಿಬಂದಿ ಅಭಿನಂದಿಸಿದ್ದಾರೆ.

ಕುಂದಾಪುರ: ಫೆಬ್ರುವರಿ 21, 22, ಮತ್ತು 23, 2025ರಂದು ಇಲ್ಲಿನ ಭಂಡಾರ್ಕಾರ್ಸ್ ಕಾಲೇಜಿನಲ್ಲಿ ಭಾರತೀಯ ಪುರಾತತ್ವ ಸರ್ವೇಕ್ಷಣಾ ಇಲಾಖೆ, ಬೆಂಗಳೂರು ಮತ್ತು ಧಾರವಾಡ ವಲಯ, ಮಂಗಳೂರು ವಿಶ್ವವಿದ್ಯಾಲಯ ಇತಿಹಾಸ ಅಧ್ಯಾಪಕರ ಸಂಘ ಮತ್ತು ಕಾಲೇಜಿನ ಐಕ್ಯೂಎಸಿ. ಇವರು ಸಹಯೋಗದಲ್ಲಿ ಆಯೋಜಿಸಿದ “ಕರ್ನಾಟಕ ಇತಿಹಾಸ ಪರಿಷತ್ತು 35ನೇ ವಾರ್ಷಿಕ ಮಹಾ ಅಧಿವೇಶನದಲ್ಲಿ ಫೆಬ್ರವರಿ 21 ರಂದು ವಿವಿಧ ದತ್ತಿ ಉಪನ್ಯಾಸಗಳನ್ನು ಪ್ರೊ. ಎಮ್.ಎನ್.ಶ್ರೀನಿವಾಸ ಅವರು ಉದ್ಘಾಟಿಸಿದರು.
ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ಬೆಂಗಳೂರು ವಿಶ್ವವಿದ್ಯಾನಿಲಯದ ಇತಿಹಾಸ ವಿಭಾಗದ ವಿಶ್ರಾಂತ ಪ್ರಾಧ್ಯಾಪಕ ಪ್ರೊ. ಅಶ್ವತ್ಥನಾರಾಯಣ ವಹಿಸಿದ್ದರು.
ಪ್ರೊ‌ಎಸ್.ಶೆಟ್ಟರ್ ದತ್ತಿನಿಧಿ ಉಪನ್ಯಾಸದಲ್ಲಿ ಉಪನ್ಯಾಸದಲ್ಲಿ ಮಂಗಳೂರು ವಿಶ್ವವಿದ್ಯಾನಿಲಯ ಮತ್ತು ದೆಹಲಿ ವಿಶ್ವವಿದ್ಯಾಲನಿಯದ ವಿಶ್ರಾಂತ ಪ್ರಾಧ್ಯಾಪಕ ಮತ್ತು ಅಧಿವೇಶನದ ಸರ್ವಾಧ್ಯಕ್ಷರಾದ ಡಾ.ಕೇಶವನ್ ವೆಳುತ್ತಾಟ್ ಅವರು “ವೆನ್ ಎ ಹಿಸ್ಟ್ರಿಯೋಗ್ರಫಿ ಲೀಡ್ಸ್ ಪೋಯಟ್ರಿ: ಎ ಟ್ರಿಬ್ಯೂಟ್ ಟು ಪ್ರೊ.ಎಸ್.ಶೆಟ್ಟರ್” ಎಂಬ ವಿಷಯದ ಕುರಿತು ಮಾತನಾಡಿದರು.
ಪ್ರೊ.ಎಲ್.ಪಿ.ರಾಜು ದತ್ತಿನಿಧಿ ಉಪನ್ಯಾಸದಲ್ಲಿ ಎಮ್.ಜಿ.ಎಮ್ ಸಂಧ್ಯಾ ಕಾಲೇಜಿನ ಪ್ರಾಂಶುಪಾಲರಾದ ಡಾ.ದೇವಿದಾಸ್ ನಾಯಕ್ “ತುಳುನಾಡಿನ ಬುಡಕಟ್ಟು ದೈವಗಳು, ಆಧುನಿಕ ಮುಖಾಮುಖಿ” ಕುರಿತು ಮಾತನಾಡಿದರು.
ಪ್ರೊ.ಈರಣ್ಣ ಪತ್ತಾರ್ ದತ್ತಿನಿಧಿ ಉಪನ್ಯಾಸದಲ್ಲಿ ಮಂಗಳೂರಿನ ಮಂಗಳೂರು ವಿಶ್ವವಿದ್ಯಾನಿಲಯ ಕಾಲೇಜಿನ ಪ್ರಾಂಶುಪಾಲರಾದ ಡಾ.ಗಣಪತಿ ಗೌಡ “ಉತ್ತರ ಕನ್ನಡ ಜಿಲ್ಲೆಯ ಶಾಸನಗಳು: ಇತಿಹಾಸ ಮತ್ತು ಸಂಸ್ಕೃತಿ ಕುರಿತು ಮಾತನಾಡಿದರು.
ಭಂಡಾರ್ಕಾರ್ಸ್ ಕಾಲೇಜಿನ ರಸಾಯನಶಾಸ್ತ್ರ ವಿಭಾಗದ ಉಪನ್ಯಾಸಕಿ ಸ್ಮಿತಾ ಕಾರ್ಯಕ್ರಮ ನಿರ್ವಹಿಸಿದರು.
ಫೆಬ್ರವರಿ 22ರಂದು ನಡೆದ ದತ್ತಿನಿಧಿ ಉಪನ್ಯಾಸಗಳ ಅಧ್ಯಕ್ಷತೆಯನ್ನು ಮಂಗಳೂರು ವಿಶ್ವವಿದ್ಯಾನಿಲಯದ ಇತಿಹಾಸ ವಿಭಾಗದ ಮುಖ್ಯಸ್ಥರಾದ ಡಾ.ತ್ರಿವೇಣಿ ಅರಸ್ ವಹಿಸಿದ್ದರು.
ಪ್ರೊ.ಎಸ್.ರಾಜಶೇಖರ ದತ್ತಿನಿಧಿ ಉಪನ್ಯಾಸದಲ್ಲಿ “ದಿ| ವಿ.ಟಿ ರಾಜಶೇಖರ – ದಲಿತ ಧ್ವನಿ” ಎಂಬ ವಿಷಯದ ಕುರಿತು ಮೈಸೂರು ವಿಶ್ವವಿದ್ಯಾಲಯದ ಡಾ.ಬಿ.ಆರ್.ಅಂಬೇಡ್ಕರ್ ಸಂಶೋಧನಾ ಮತ್ತು ವಿಸ್ತರಣಾ ಅಧ್ಯಯನ ಕೇಂದ್ರದ ಹಿರಿಯ ಪ್ರಾಧ್ಯಾಪಕ ಮತ್ತು ನಿರ್ದೇಶಕ ಡಾ.ಜೆ.ಸೋಮಶೇಖರ ಉಪನ್ಯಾಸ ನೀಡಿದರು.
ಪ್ರೊ.ಶಿವರುದ್ರ ಕಲ್ಲೋಳಿಕರ್ ದತ್ತಿನಿಧಿ ಉಪನ್ಯಾಸದಲ್ಲಿ “ದ ಕಾಂಟ್ರಿಬ್ಯೂಷನ್ ಆಫ್ ಕುದ್ಮಲ್ ರಂಗರಾವ್: ಎಸ್ ಅ ಸೋಶಿಯಲ್ ರಿಫಾರ್ಮರ್ ಆಫ್ ಮಾಡರ್ನ್ ಕರ್ನಾಟಕ” ಎಂಬ ವಿಷಯದ ಕುರಿತು ಮಂಗಳೂರು ವಿಶ್ವವಿದ್ಯಾನಿಲಯ ಇತಿಹಾಸ ಅಧ್ಯಯನ ವಿಭಾಗದ ವಿಶ್ರಾಂತ ಪ್ರಾಧ್ಯಾಪಕ ಡಾ.ನಿರ್ಮಲ್ ರಾಜು ಉಪನ್ಯಾಸ ನೀಡಿದರು.
ಪ್ರೊ ಎಸ್ ನಾಗರತ್ನಮ್ಮ ದತ್ತಿನಿಧಿ ಉಪನ್ಯಾಸದಲ್ಲಿ ಮಂಗಳೂರಿನ ಸಂತ ಅಲೋಶಿಯಸ್ (ಪರಿಗಣಿತ ವಿಶ್ವವಿದ್ಯಾಲಯ) ಕಾಲೇಜಿನ ಇತಿಹಾಸ ವಿಭಾಗದ ಮುಖ್ಯಸ್ಥರಾದ ಡಾ.ಮೋನಾ ಮೆಂಡೊನ್ಸಾ ಅವರು ” ಲೈಫ್ ಅಂಡ್ ಟೈಮ್ಸ್ ಆಫ್ ಉಮಾಬಾಯಿ ಕುಂದಾಪುರ” ಎಂಬ ವಿಷಯದ ಕುರಿತು ಮಾತನಾಡಿದರು.

ಶಂಕರನಾರಾಯಣ : ಇಲ್ಲಿನ ಮದರ್ ತೆರೇಸಾ ಮೆಮೋರಿಯಲ್ ಸ್ಕೂಲಿನಲ್ಲಿ 6 ರಿಂದ 10ನೇ ತರಗತಿ ವಿದ್ಯಾರ್ಥಿಗಳಿಗೆ ಚೆಸ್ ಚಾಂಪ್ ನಡೆಯಿತು
ಮುಖ್ಯ ಅತಿಥಿಗಳಾಗಿ ಆಗಮಿಸಿದ ಸೌಂದರ್ಯ ಯು ಕೆ. ಇಂಜಿನಿಯರ್ ( ಫಿಡೆ ತೀರ್ಪುಗಾರರು ಮತ್ತು ಚೆಸ್ ಕೋಚ್,ನಿರ್ದೇಶಕರು, ಶ್ರೀ ನಾರಾಯಣ ಗುರು ಸ್ಕೂಲ್ ಆಫ್ ಚೆಸ್ ಉಡುಪಿ ಮತ್ತು ಕಾಪು) ಮಾತನಾಡಿ ಕ್ರಿ ಶ 6ನೇ ಶತಮಾನಕ್ಕೂ ಮೊದಲೇ ಚೆಸ್ ಭಾರತೀಯರಿಗೆ ಪರಿಚಯವಾಗಿತ್ತು ಎಂಬುದು ತಜ್ಞರ ಅಭಿಪ್ರಾಯ ಈ ಜನಪ್ರಿಯ ಆಟವು ಏಕಾಗ್ರತೆ, ಸ್ಮರಣೆ, ತಾರ್ಕಿಕ ಚಿಂತನೆ, ಸಮಸ್ಯೆಪರಿಹರಿಸುವ ಕೌಶಲ್ಯ, ಆತ್ಮವಿಶ್ವಾಸ ಮತ್ತು ಸೃಜನಶೀಲತೆಯನ್ನು ಹೆಚ್ಚಿಸುತ್ತದೆ ಸಮೀಕ್ಷೆಯ ಪ್ರಕಾರ 605 ಮಿಲಿಯನ್ ಜನರಿಗೆ ನಿಯಮಿತವಾಗಿ ಚೆಸ್ ಆಡುವ ಹವ್ಯಾಸವಿದೆ ಇದೊಂದು ಮೋಜಿನ ಮಿದುಳಿನ ವ್ಯಾಯಾಮ ಈ ಆಟವನ್ನು ಎಲ್ಲ ವಯಸ್ಸಿನ ಜನ ಪ್ರಪಂಚದಾದ್ಯಂತ ಪ್ರೀತಿಸುತ್ತಾರೆ ಕಿರಿಯ ವಯಸ್ಸಿನಿಂದಲೇ ಚೆಸ್ ಆಟವನ್ನು ಆಡುವುದರಿಂದ ಮಕ್ಕಳಲ್ಲಿ ಚಿಂತನೆ ಮತ್ತು ಸಮಸ್ಯೆ ಪರಿಹರಿಸುವ ಕೌಶಲ್ಯವನ್ನು ಪರಿಹಾರಿಸಿಕೊಳ್ಳುವಲ್ಲಿ
ಸಹಾಯಕವಾಗುತ್ತದೆ ಶಾಲೆಯಲ್ಲಿ ಲಭ್ಯವಿರುವ ಅವಕಾಶಗಳನ್ನು ವಿದ್ಯಾರ್ಥಿಗಳು ಸದ್ವಿನಿಯೋಗಿಸಿಕೊಂಡು ಭವಿಷ್ಯದಲ್ಲಿ ಅತ್ಯುತ್ತಮ ಕ್ರೀಡಾಪಟುಗಳಾಗಿ ಬೆಳೆಯಿರಿ ಎಂದು ಹಿತೋಪದೇಶ ನುಡಿದರು
ಮುಖ್ಯಶಿಕ್ಷಕ ಡಾI ರವಿದಾಸ್ ಶೆಟ್ಟಿ ಪ್ರಾಸ್ತಾವಿಕ ಮಾತುಗಳನ್ನಾಡಿದರು
ಕಾರ್ಯಕ್ರಮದಲ್ಲಿ ವಿದ್ಯಾರ್ಥಿಗಳು, ಬೋಧಕ ಮತ್ತು ಬೋಧಕೇತರ ಸಿಬ್ಬಂದಿ ವರ್ಗ ಉಪಸ್ಥಿತರಿದ್ದರು ಶಿಕ್ಷಕಿ ಅವಿನಾ ಡಿಸೋಜಾ ಸ್ವಾಗತಿಸಿ ಕಾರ್ಯಕ್ರಮ ನಿರೂಪಿಸಿದರು
ಚೆಸ್ ಚಾಂಪ್ ವಿಜೇತರ ಯಾದಿ :
6ನೇ ತರಗತಿ :

1.ಸ್ರಜನ್

2. ಸಾಕ್ಷಿತ್
3. ಆಶ್ರಿತ್
   7ನೇ ತರಗತಿ :
4. ಹೃತಿಕ್
5. ಕಿಶನ್ ಶೆಟ್ಟಿ
6. ಚೇತನ್
   8ನೇ ತರಗತಿ :
7. ಮುತ್ತು
8. ಚರಿಷ್ಮಾ
9. ಆಋಷಿ
   9ನೇ ತರಗತಿ :
10. ಪ್ರೀತಮ್
11. ಪ್ರದ್ಯುಮ್ನ
12. ಶ್ರೀನಿವಾಸ್

ವಿನ್ಸೆಂಟ್ ಫೆರ್ನಾಂಡಿಸ್ ಕ್ಯಾಸಿಯಾ ಅವರ ಮೊಗಾಚಿ ಲಹ್ರಾನ್ ಮತ್ತು ಟೀಮ್ ಡೋನೇಟಿಂಗ್ ಲವ್ ಸಹಯೋಗದೊಂದಿಗೆ ಫಾದರ್ ಮುಲ್ಲರ್ ಚಾರಿಟೇಬಲ್ ಸಂಸ್ಥೆಗಳು (ಎಫ್‌ಎಂಸಿಐ) ಆಯೋಜಿಸಿದ್ದ ದತ್ತಿ ಸಂಗೀತ ಕಚೇರಿಯು ಅಗತ್ಯವಿರುವ ಕಿಡ್ನಿ ಡಯಾಲಿಸಿಸ್ ರೋಗಿಗಳಿಗೆ ಯಶಸ್ವಿಯಾಗಿ ಹಣವನ್ನು ಸಂಗ್ರಹಿಸಿತು. ಫೆಬ್ರವರಿ 23, 2025 ರಂದು ಫಾದರ್ ಮುಲ್ಲರ್ ಕನ್ವೆನ್ಷನ್ ಸೆಂಟರ್‌ನಲ್ಲಿ ನಡೆದ ಈ ಕಾರ್ಯಕ್ರಮಕ್ಕೆ ಸಾರ್ವಜನಿಕರಿಂದ ಅಗಾಧ ಪ್ರತಿಕ್ರಿಯೆ ದೊರೆಯಿತು.

ಈ ಸಂಗೀತ ಕಚೇರಿಯಲ್ಲಿ ಜನಪ್ರಿಯ ಕೊಂಕಣಿ ಗಾಯಕ ವಿನ್ಸೆಂಟ್ ಫೆರ್ನಾಂಡಿಸ್ ಮತ್ತು ಅವರ ತಂಡದಿಂದ ಉತ್ಸಾಹಭರಿತ ಬೈಲಾ ಹಾಡುಗಳು ಮತ್ತು ಟೀಮ್ ಮೆಮೊರಿಯಿಂದ ಹಾಸ್ಯ ಮನರಂಜನೆಯ ಪ್ರದರ್ಶನಗಳು ನಡೆದವು. ಕಾಮಿಡಿ ಕಿಂಗ್ ಡೊಲ್ಲಾ ಮಂಗಳೂರಿನಿಂದ ವಿಶೇಷ ಪ್ರದರ್ಶನವು ಸಂಜೆಯ ಮೋಡಿಗೆ ಮೆರುಗು ನೀಡಿತು.

ಎಫ್‌ಎಂಸಿಐ ನಿರ್ದೇಶಕ ರೆವರೆಂಡ್ ಫಾದರ್ ರಿಚರ್ಡ್ ಅಲೋಶಿಯಸ್ ಕೊಯೆಲ್ಹೋ ಅವರ ಆತ್ಮೀಯ ಸ್ವಾಗತದೊಂದಿಗೆ ಕಾರ್ಯಕ್ರಮ ಪ್ರಾರಂಭವಾಯಿತು, ಅವರು ಉದಾತ್ತ ಉದ್ದೇಶವನ್ನು ಬೆಂಬಲಿಸಿದ ಎಲ್ಲರಿಗೂ ಕೃತಜ್ಞತೆ ಸಲ್ಲಿಸಿದರು. ಸಂಜೆಯನ್ನು ಎಮ್ಸಿ ಫ್ಲಾಯ್ಡ್ ಡಿ’ಮೆಲ್ಲೊ ಕ್ಯಾಸಿಯಾ ಅವರು ಕೌಶಲ್ಯದಿಂದ ಆಯೋಜಿಸಿದರು, ಅವರು ಕಾರ್ಯಕ್ರಮದ ಉದ್ದಕ್ಕೂ ತಮ್ಮ ಉತ್ಸಾಹಭರಿತ ಸಂವಹನ ಮತ್ತು ತಡೆರಹಿತ ಸಮನ್ವಯದಿಂದ ಪ್ರೇಕ್ಷಕರನ್ನು ತೊಡಗಿಸಿಕೊಂಡರು.

ಈ ಕಾರ್ಯಕ್ರಮದಲ್ಲಿ ಮೈಕೆಲ್ ಡಿ’ಸೋಜಾ (ಮುಖ್ಯ ಪೋಷಕ), ರಾಯ್ ಕ್ಯಾಸ್ಟೆಲಿನೊ (ಡಯೋಸೀಸ್ ಪಿಆರ್‌ಒ), ಸ್ಟ್ಯಾನಿ ಅಲ್ವಾರೆಸ್ (ಕೊಂಕಣಿ ಸಾಹಿತ್ಯ ಅಕಾಡೆಮಿ ಅಧ್ಯಕ್ಷರು), ಅನಿಲ್ ಲೋಬೊ (ಎಂಸಿಸಿ ಬ್ಯಾಂಕ್ ಅಧ್ಯಕ್ಷರು), ರೆವರೆಂಡ್ ಫಾದರ್ ಅಜಿತ್ ಬಿ ಮೆನೆಜೆಸ್ (ಆಡಳಿತಗಾರರು, ಎಫ್‌ಎಂಸಿಐ), ರೆವರೆಂಡ್ ಫಾದರ್ ಜೀವನ್ ಜಾರ್ಜ್ ಸಿಕ್ವೇರಾ (ಆಡಳಿತಗಾರರು, ಎಫ್‌ಎಂಎಂಸಿಎಚ್), ಎಫ್‌ಎಂಸಿಐ ಮಂಡಳಿ ಸದಸ್ಯರಾದ ಡಾ. ಡೆರಿಕ್ ಮತ್ತು ಎಂಪಿ ನೊರೊನ್ಹಾ, ಲಿಸ್ಟನ್ ಡಿ’ಸೋಜಾ (ವಕೀಲರು ಮತ್ತು ಉದ್ಯಮಿ), ಮತ್ತು ವಿನ್ಸೆಂಟ್ ಫೆರ್ನಾಂಡಿಸ್ ಕ್ಯಾಸಿಯಾ (ಸಂಗೀತಗಾರ ಮತ್ತು ಸಂಘಟಕ) ಸೇರಿದಂತೆ ಹಲವಾರು ಗಣ್ಯರು ಭಾಗವಹಿಸಿದ್ದರು.

ಈ ಸಂದರ್ಭದಲ್ಲಿ ಮಾತನಾಡಿದ ಮಂಗಳೂರು-ದುಬೈ ಮತ್ತು ಯುಎಎಫ್‌ನ ಪ್ರಸಿದ್ಧ ಅನಿವಾಸಿ ಭಾರತೀಯ ದಾನಿ ಮೈಕೆಲ್ ಡಿ’ಸೋಜಾ, ಸಮುದಾಯವು ಈ ಉದಾತ್ತ ಉದ್ದೇಶವನ್ನು ಬೆಂಬಲಿಸುವಂತೆ ಒತ್ತಾಯಿಸಿದರು. ಸಂಗೀತ ಮತ್ತು ಸಾಮಾಜಿಕ ಸೇವೆಯು ಹೇಗೆ ವ್ಯತ್ಯಾಸವನ್ನುಂಟುಮಾಡುತ್ತದೆ ಎಂಬುದನ್ನು ಅವರು ಎತ್ತಿ ತೋರಿಸಿದರು ಮತ್ತು ಜೀವ ಉಳಿಸುವ ವೈದ್ಯಕೀಯ ಆರೈಕೆಯನ್ನು ಪಡೆಯುವಲ್ಲಿ ಸಮುದಾಯದ ಒಳಗೊಳ್ಳುವಿಕೆಯ ಮಹತ್ವವನ್ನು ಒತ್ತಿ ಹೇಳಿದರು.

143 ವರ್ಷಗಳಿಂದ ಆರೋಗ್ಯ ಸೇವೆಯನ್ನು ಒದಗಿಸುತ್ತಿರುವ ಫಾದರ್ ಮುಲ್ಲರ್ ಚಾರಿಟಬಲ್ ಸಂಸ್ಥೆಗಳು, ವೈದ್ಯಕೀಯ ಶಿಬಿರಗಳು, ಸಬ್ಸಿಡಿ ಚಿಕಿತ್ಸೆಗಳು ಮತ್ತು ನಿರ್ಣಾಯಕ ಆರೈಕೆ ಸೇವೆಗಳಿಗೆ ಹಣಕಾಸು ಒದಗಿಸುವ ಮೂಲಕ ಹಿಂದುಳಿದವರಿಗೆ ಬೆಂಬಲ ನೀಡುತ್ತಲೇ ಇವೆ. ಈ ಸಂಗೀತ ಕಚೇರಿಯಿಂದ ಬರುವ ಹಣವನ್ನು ಆರ್ಥಿಕವಾಗಿ ಸಂಕಷ್ಟದಲ್ಲಿರುವ ರೋಗಿಗಳಿಗೆ ಡಯಾಲಿಸಿಸ್ ಚಿಕಿತ್ಸೆಯನ್ನು ಒದಗಿಸಲು ಬಳಸಲಾಗುತ್ತದೆ.

ಉದ್ಘಾಟನಾ ಸಮಾರಂಭವು ಎಲ್ಲಾ ಕೊಡುಗೆದಾರರ ಅವಿಶ್ರಾಂತ ಪ್ರಯತ್ನಗಳನ್ನು ಗುರುತಿಸಿದ ಟೀಮ್ ಡೋನೇಟಿಂಗ್ ಲವ್‌ನ ಪ್ರಮುಖ ಸದಸ್ಯರಾದ ವಕೀಲ ಲಿಸ್ಟನ್ ಡಿಸೋಜಾ ಅವರ ಹೃತ್ಪೂರ್ವಕ ಧನ್ಯವಾದಗಳೊಂದಿಗೆ ಮುಕ್ತಾಯಗೊಂಡಿತು. ಕಾರ್ಯಕ್ರಮವನ್ನು ಯಶಸ್ವಿಗೊಳಿಸಲು ಬೆಂಬಲ ನೀಡಿದ್ದಕ್ಕಾಗಿ ಆಯೋಜಕರು ಪ್ರಾಯೋಜಕರು, ಕಲಾವಿದರು ಮತ್ತು ಹಾಜರಿದ್ದವರಿಗೆ ಕೃತಜ್ಞತೆಗಳನ್ನು ವ್ಯಕ್ತಪಡಿಸಿದರು.

Live Musical Concert Raises Funds for Kidney Dialysis Patients

A charity musical concert organized by Fr Muller Charitable Institutions (FMCI) in association with Vincent Fernandes Cascia’s Mogachi Lahran and Team Donating Love successfully raised funds for kidney dialysis patients in need. The event, held on February 23, 2025, at the Fr Muller Convention Centre, witnessed an overwhelming response from the public.

The concert featured performances by popular Konkani singer Vincent Fernandes and his team, along with energetic Baila numbers and comedy entertainment by Team Memory. A special performance by Comedy King Dolla Mangaluru added to the evening’s charm.

The event began with a warm welcome by Rev. Fr Richard Aloysius Coelho, Director of FMCI, who expressed gratitude to all those supporting the noble cause. The evening was skillfully hosted by Emcee Floyd D’Mello Cascia, who kept the audience engaged with his lively interactions and seamless coordination throughout the event.

The event was attended by several dignitaries, including Michael D’Souza (Chief Patron), Roy Castellino (Diocese PRO), Stany Alvares (President, Konkani Sahitya Academy), Anil Lobo (MCC Bank Chairman), Rev. Fr Ajith B Menezes (Administrator, FMCI), Rev. Fr Jeevan George Sequeira (Administrator, FMMCH), FMCI board members Dr Derrick and MP Noronha, Liston D’Souza (Advocate and Businessman), and Vincent Fernandes Cascia (Musician and Organizer).

Speaking on the occasion, Michael D’Souza, a noted NRI philanthropist from Mangaluru-Dubai and UAF, delivered a powerful address, urging the community to support the noble cause. He highlighted how music and social service can come together to make a difference and emphasized the importance of community involvement in ensuring access to life-saving medical care.

Fr Muller Charitable Institutions, which has been providing healthcare for over 143 years, continues to support the underprivileged through medical camps, subsidized treatments, and funding for critical care services. The proceeds from the concert will be used to provide dialysis treatment for financially struggling patients.

The inaugural ceremony concluded with a heartfelt vote of thanks by Advocate Liston D’Souza, a key member of Team Donating Love, who recognized the tireless efforts of all contributors. The organizers also expressed gratitude to the sponsors, artists, and attendees for their support in making the event a success.

ವೈಬ್ರಂಟ್ ವಾರ್ಷಿಕ ಸ್ಪೋರ್ಟ್ಸ್ 2025 ಅಥೇನಾ ಇನ್‌ಸ್ಟಿಟ್ಯೂಟ್ ಆಫ್ ಹೆಲ್ತ್ ಸೈನ್ಸ್‌ನಲ್ಲಿ ನಡೆಯಿತು

ಅಥೇನಾ ಇನ್‌ಸ್ಟಿಟ್ಯೂಟ್ ಆಫ್ ಹೆಲ್ತ್ ಸೈನ್ಸ್‌ನ ವಾರ್ಷಿಕ ಕ್ರೀಡಾ ಮತ್ತು ಅಥ್ಲೆಟಿಕ್ ಮೀಟ್ ಅನ್ನು 24 ಫೆಬ್ರವರಿ 2025 ರಂದು ಮಂಗಳೂರಿನ ಮಂಗಳಾ ಸ್ಟೇಡಿಯಂನಲ್ಲಿ ನಡೆಸಲಾಯಿತು.
ಉದ್ಘಾಟನಾ ಕಾರ್ಯಕ್ರಮವು ಪ್ರಥಮ ವರ್ಷದ ಬಿಎಸ್ಸಿ(ಎನ್) ವಿದ್ಯಾರ್ಥಿಗಳಿಂದ ಪ್ರಾರ್ಥನಾ ಗೀತೆಯ ಮೂಲಕ ದೇವರ ಆಶೀರ್ವಾದವನ್ನು ಕೋರುವ ಮೂಲಕ ಪ್ರಾರಂಭವಾಯಿತು. ಅಥೇನಾ ಆರೋಗ್ಯ ವಿಜ್ಞಾನ ಸಂಸ್ಥೆಯ ಟ್ರಸ್ಟಿ ಡಾ.ಆಶಿತ್ ಶೆಟ್ಟಿಯಾನ್ ಅಧ್ಯಕ್ಷತೆ ವಹಿಸಿದ್ದರು. ಎಐಎಎಚ್‌ಎಸ್ ಉಪನ್ಯಾಸಕರಾದ ಕವನ ಪೂಜಾರಿ ಅವರು ಸಭೆಗೆ ಆತ್ಮೀಯವಾಗಿ ಸ್ವಾಗತಿಸಿದರು. ಅಥೇನಾ ಕಾಲೇಜ್ ಆಫ್ ನರ್ಸಿಂಗ್‌ನ ಭಗಿನಿ. ದೀಪಾ ಪೀಟರ್ ಪ್ರಾಂಶುಪಾಲರು, ಅಥೇನಾ ಇನ್‌ಸ್ಟಿಟ್ಯೂಟ್ ಆಫ್ ಅಲೈಡ್ ಹೆಲ್ತ್ ಸೈನ್ಸಸ್‌ನ ಪ್ರಾಂಶುಪಾಲರು ಡಾ. ನಂದಿನಿ ಎಂ. ವೇದಿಕೆಯಲ್ಲಿ ಪ್ರೊ.ಸುನಿತಾ ಲೋಬೋ ಉಪ ಪ್ರಾಂಶುಪಾಲರು, ಶ್ರೀಮತಿ ಪ್ರಿಯಾಂಕಾ ಡಿಸೋಜ ಮತ್ತು ಶ್ರೀಮತಿ ವಿಯೋಲಾ ಡಿಸೋಜ ಎಸ್‌ಎನ್‌ಎ ಸಲಹೆಗಾರರು, ಶ್ರೀ ಪ್ರವೀಣ್ ಕುಮಾರ್  ಮತ್ತು  ಶ್ರೀ ಕರುಣಾಕರನ್ ದೈಹಿಕ ಶಿಕ್ಷಣ ನಿರ್ದೇಶಕರು ಉಪಸ್ಥಿತರಿದ್ದರು. ಕಾರ್ಯಕ್ರಮದಲ್ಲಿ ನರ್ಸಿಂಗ್ ಮತ್ತು ಮಿತ್ರ ಕಾಲೇಜು ಅಧ್ಯಾಪಕರು ಮತ್ತು ಬ್ಯಾಂಡ್ ಮಾಸ್ಟರ್ ಶ್ರೀ ವಿಜಯ್ ಒಲಿವೇರಾ ಉಪಸ್ಥಿತರಿದ್ದರು.
ಕಾಲೇಜು ಬ್ಯಾಂಡ್ ನೇತೃತ್ವದ ಮಾರ್ಚ್-ಪಾಸ್ಟ್‌ನೊಂದಿಗೆ ಕಾರ್ಯಕ್ರಮವು ಪ್ರಾರಂಭವಾಯಿತು, ನಂತರ ಕ್ರೀಡಾಪಟುಗಳು, ಎಲ್ಲಾ ಬ್ಯಾಚ್‌ಗಳ ಮಿತ್ರ ಕೋರ್ಸ್‌ಗಳು, GNM & B.Sc. ನರ್ಸಿಂಗ್ ವಿದ್ಯಾರ್ಥಿಗಳು.
ಡಾ. ಆಶಿತ್ ಶೆಟ್ಟಿಯವರು ಅಧ್ಯಕ್ಷೀಯ ಭಾಷಣ ಮಾಡಿದರು ಮತ್ತು ಕಾಲೇಜು ಧ್ವಜವನ್ನು ಹಾರಿಸುವ ಮೂಲಕ ಮತ್ತು ಸುಂದರವಾದ ಬಲೂನ್‌ಗಳನ್ನು ಕಟ್ಟಿರುವ ಬ್ಯಾನರ್ ಅನ್ನುಬಿಡುಗಡೆ ಮಾಡುವ ಮೂಲ ಕ್ರೀಡಾಕೂಟ 2025 ಅನ್ನು ಮುಕ್ತಗೊಳಿಸಿದರು.
ಭಗಿನಿ. ದೀಪಾ ಪೀಟರ್ ಅವರು ತಮ್ಮ ಭಾಷಣದಲ್ಲಿ ವಿದ್ಯಾರ್ಥಿಗಳು ಉತ್ಸಾಹ, ಪರಿಶ್ರಮ ಮತ್ತು ಉತ್ಸಾಹದಿಂದ ಎಲ್ಲಾ ಕಾರ್ಯಕ್ರಮಗಳಲ್ಲಿ ಭಾಗವಹಿಸಲು ಅತ್ಯುತ್ತಮವಾದದ್ದನ್ನು ನೀಡುವಂತೆ ಪ್ರೇರೇಪಿಸಿದರು.
ಕ್ರೀಡಾಜ್ಯೋತಿಯನ್ನು ಸಂಸ್ಥೆಯ ಅತ್ಯುತ್ತಮ ಕ್ರೀಡಾಪಟುಗಳು ಮಾಡಿದರು ಮತ್ತು ಜ್ಯೋತಿಯು ನಿಜವಾದ ಕ್ರೀಡಾ ಮನೋಭಾವವನ್ನು ಸೂಚಿಸುತ್ತದೆ. ನಂತರ ವಿದ್ಯಾರ್ಥಿ ಪ್ರತಿನಿಧಿಗಳು, ಶ್ರೀಮತಿ ವಿಯೋಲಾ ಡಿಸೋಜಾ ಅವರು ಪ್ರಮಾಣ ವಚನ ಸ್ವೀಕಾರ ಸಮಾರಂಭವನ್ನು ಪ್ರಸ್ತಾಪಿಸಿದರು.
3ನೇ ವರ್ಷದ ಬಿ.ಎಸ್ಸಿ. ನರ್ಸಿಂಗ್ ವಿದ್ಯಾರ್ಥಿಗಳು ಫ್ಲಾಶ್ ಮಾಬ್ ನೃತ್ಯದ ಮೂಲಕ ಕಾರ್ಯಕ್ರಮಕ್ಕೆ ಸೊಬಗನ್ನು ನೀಡಿದರು.
ಪುರುಷರು ಮತ್ತು ಮಹಿಳೆಯರ ವರ್ಗಕ್ಕೆ ಪ್ರತಿ ಕಾರ್ಯಕ್ರಮಗಳನ್ನು ನಡೆಸಲಾಯಿತು ಮತ್ತು ಸಕ್ರಿಯ ಭಾಗವಹಿಸುವಿಕೆ ಮತ್ತು ಉತ್ಸಾಹವನ್ನು ಒಳಗೊಂಡಿರುವ ಕಾಲೇಜಿನ ಸಿಬ್ಬಂದಿಗಳಿಗಾಗಿ ಕೆಲವು ಕಾರ್ಯಕ್ರಮಗಳನ್ನು ಸಹ ನಡೆಸಲಾಯಿತು. ಪ್ರತಿ ಕಾರ್ಯಕ್ರಮದ ಮಧ್ಯಸ್ಥಿಕೆಗಳು ಮತ್ತು ಪ್ರಮಾಣಪತ್ರಗಳನ್ನು ನೀಡಿದ ನಂತರ ವಿಜೇತರಿಗೆ I,II ಮತ್ತು III ಬೆಲೆಗಳೊಂದಿಗೆ ಗೌರವಿಸಲಾಯಿತು. ಸಮಾರೋಪ ಕಾರ್ಯಕ್ರಮದಲ್ಲಿ
ಭಗಿನಿ. ದೀಪಾ ಪೀಟರ್ ವಿಜೇತರನ್ನು ಗೌರವಿಸಿದರು, ಶ್ರೀಮತಿ ಪ್ರಿಯಾಂಕಾ ಧನ್ಯವಾದಗಳನ್ನು ಅರ್ಪಿಸಿದರು ಮತ್ತು ಕಾಲೇಜು ಧ್ವಜಾ ಸಮಾರೋಪ ಮಾಡುವ ಮೂಲಕ ರಾಷ್ಟ್ರ ಗೀತೆಯೊಂದಿಗೆ ಮುಕ್ತಾಯಗೊಂಡಿತು. 4ನೇ ವರ್ಷದ B.Sc ನ ಕುಮಾರಿ ರೋಸ್ ಮೇರಿ ಮತ್ತು ಕುಮಾರಿ ಸಂಪ್ರೀತಾ. ನರ್ಸಿಂಗ್ ವಿದ್ಯಾರ್ಥಿನಿ ಕಾರ್ಯಕ್ರಮ ನಿರೂಪಿಸಿದರು.

VIBRANT ANNUAL SPORTS 2025 HELD AT ATHENA INSTITUTE OF HEALTH SCIENCES

The Annual Sports and Athletic Meet of Athena Institute of Health Science was conducted on 24th February 2025 at Mangala Stadium Mangaluru.
The inaugural programme began by invoking God’s blessing through prayer song by I year B.Sc.(N) students. Dr. Ashith Shettian, Trustee of Athena Institute of Health Sciences presided over the event. Ms. Kavana Poojary Lecturer, AIAHS extended a warm welcome to the gathering. Prof. Sr. Deepa Peter Principal of Athena College of Nursing, Dr. Nandini M Principal of Athena Institute of Allied Health Sciences, Prof. Sunitha Lobo Vice Principal, Mrs. Priyanka D’souza & Mrs. Viola D’souza SNA Advisors, Mr. Praveen Kumar & Mr. Karunakaran physical education directors were present on the dais. The faculty of the nursing, allied college and the bandmaster Mr. Vijay Olivera were present during the event.
The program began with a march-past led by the college band followed by the athletes, all the batches of allied courses, GNM & B.Sc. Nursing students.
Dr. Ashith Shettian delivered the presidential address and declared the sports meet 2025 open by hosting the college flag and releasing balloons.
Sr. Deepa peter in her speech motivated the students to give the best to participate in all the events with passion, perseverance and enthusiasm.
The Krida Jyothi was done by the best athletes of the institution and the torch signified the spirit of the true sportsmanship. The students representatives then pledged the oath which was administered by Mrs. Viola Dsouza .
Events each for men and women category were conducted and a few events also conducted for the staffs of the college involving active participation and enthusiasm. The winners were honoured with I, II & III prices after each event meddles and certificates were given. At the valedictory programme
Sr. Deepa Peter honerd the winners, Mrs. Priyanka delivered vote of thanks and the meet closed to by lowering the college flag and concluded with the college anthem. The program was compered by Ms. Rosemaria and Ms. Sampritha of IVth B.Sc. nursing students.

ಕುಂದಾಪುರ ಫೆ.24 : ಕುಂದಾಪುರ ಹೋಲಿ ರೋಜರಿ ಇಗರ್ಜಿಯಲ್ಲಿ ಕ್ರೈಸ್ತ ಶಿಕ್ಷಣ ದಿನಾಚರಣೆ ಫೆ. 23 ರಂದು ನಡೆಯಿತು. ಚರ್ಚಿನ ಅ।ವಂ। ಧರ್ಮಗುರು ಪಾವ್ಲ್ ರೇಗೊ ನೀತಿ ಶಿಕ್ಷಣ ಪಡೆಯುವ ಮಕ್ಕಳು ಹಾಗೂ ಶಿಕ್ಷಕರು ಪ್ರಾರ್ಥನ ವಿಧಿಯೊಂದಿಗೆ ಪವಿತ್ರ ಬಲಿದಾನವನ್ನು ಅರ್ಪಿಸಿ “ನೀತಿ ಶಿಕ್ಷಣ ಪಡೆಯುವ ಮೂಲಕ ಮಕ್ಕಳು ಮುಂದೆ ನೀತಿವಂತರಾಗಿ ಬಾಳಬಹುದು. ನೀತಿ ಶಿಕ್ಷಣ ಬಹು ಅಮೂಲ್ಯವಾಗಿದೆ, ನೀತಿ ಶಿಕ್ಷಣ ನೀಡುವ ಶಿಕ್ಷರ ಸೇವೆ ಗಮನರ್ಹವಾಗಿದೆ, ಅವರಿಗೆ ವಾರಕ್ಕೊಂದು ದಿನ ಸಿಗುವ ವಿಶ್ರಾಮ ದಿನವನ್ನು ಕ್ರೈಸ್ತ ಮಕ್ಕಳಿಗಾಗಿ ಮೀಸಲಿಡುತ್ತಾರೆ, ಇಲ್ಲಿ ಸುದೀರ್ಘವಾಗಿ 25 ವರ್ಷಗಳಿಕ್ಕಿಂತಲು ಹೆಚ್ಚು ವರ್ಷ ಸೇವೆ ನೀಡಿದವರಿದ್ದು, ಇದು ಹೆಮ್ಮೆಯ ವಿಚಾರವಾಗಿದೆ. ಇಂದು ನಾವು ಒದಿದ ದೇವರವಾಕ್ಯದಲ್ಲಿ ಉತ್ತಮ ಸಂದೇಶವಿದೆ, “ನೀವು ನಿಮ್ಮ ವೈರಿಗಳನ್ನು ಪ್ರೀತಿಸಿರಿ, ನಿಮ್ಮನ್ನು ದ್ವೇಷಿಸುವರನ್ನು ಒಳ್ಳೆದು ಮಾಡಿ, ನಿಮಗೆ ಶಾಪ ಹಾಕಿದವರನ್ನು ಆಶಿರ್ವದಿಸಿರಿ, ನಿಮಗೆ ನಿಂದನೆ ಮಾಡಿದವರಿಗಾಗಿ ಪ್ರಾರ್ತಿಸಿರಿ” ಎಂದು ಯೇಸು ಕ್ರಿಸ್ತರು ಭೋದಿಸಿದ್ದಾರೆ, ಅದರಂತೆ ನಾವು ನಡೆಯೋಣ” ಎಂದು ಸಂದೇಶ ನೀಡಿದ ಅವರು ಸಭಾ ಕಾರ್ಯಕ್ರಮದಲ್ಲಿ ಅಧ್ಯಕ್ಷತೆಯನ್ನು ವಹಿಸಿಕೊಂಡು ನೀತಿ ಶಿಕ್ಷಣದಲ್ಲಿ ಸಾಧನೆ ಮಾಡಿದ ಮಕ್ಕಳಿಗೆ ಬಹುಮಾನ ವಿತರಿಸಿ, ಶಿಕ್ಷಕರಿಗೆ ನೆನಪಿನ ಕಾಣಿಕೆಯನ್ನು ನೀಡಿದರು.

     ಸಭಾ ಕಾರ್ಯಕ್ರಮದ ವೇದಿಕೆಯಲ್ಲಿ ಸಂತ ಜೋಸೆಫ್ ಕಾನ್ವೆಂಟಿನ ಮುಖ್ಯಸ್ಥೆ ಸಿಸ್ಟರ್ ಸುಪ್ರಿಯಾ, ಪಾಲನಾ ಮಂಡಳಿ ಉಪಾಧ್ಯಕ್ಷೆ ಶಾಲೆಟ್ ರೆಬೆಲ್ಲೊ, ಕಾರ್ಯದರ್ಶಿ ಆಶಾ ಕರ್ವಾಲ್ಲೊ ಉಪಸ್ಥಿರರಿದ್ದು ಮಕ್ಕಳಿಗೆ ಬಹುಮಾನ ವಿತರಿಸಿದರು.ವಿಧ್ಯಾರ್ಥಿಗಳ ಪರವಾಗಿ ರೀಶೊನ್ ಡಿಆಲ್ಮೇಡಾ, ಕ್ಲಿಯೊನಾ ಸಿಕ್ವೇರಾ, ಶಿಕ್ಷಕರ ಪರವಾಗಿ ವೈಲೆಟ್ ಡಿಸೋಜಾ ಅನಿಸಿಕೆಯನ್ನು ವ್ಯಕ್ತ ಪಡಿಸಿದರು.

   1 ರಿಂದ 10 ನೇ ತರಗತಿ ಮಕ್ಕಳಿಂದ ನ್ರತ್ಯ, ಪ್ರಹಸನ, ಸಂತರ ವೇಷಭೂಶಣಗಳ, ಕವಾಲಿ ಪ್ರದರ್ಶನ ಕಾರ್ಯಕ್ರಮಗಳು ನಡೆದವು. ನೀತಿ ಶಿಕ್ಷಣ ಶಿಕ್ಷರ ಸಂಚಾಲಕಿ ವೀಣಾ ಡಿಸೋಜಾ ವರದಿಯನ್ನು ವಾಚಿಸಿದರು. ವಿದ್ಯಾರ್ಥಿ ಡೆನಿಸನ್ ಬ್ರಗಾಂಜಾ, ಸ್ವಾಗತಿಸಿದರು. ಪರ್ಲ್ ಬರೆಟ್ಟೊ, ಸಿಯೋನಾ ವಾಜ್ ನಿರೂಪಿಸಿದರು. ಡೆನ್ಸಿಯಾ ಬರೆಟ್ಟೊ ವಂದಿಸಿದರು.

ಕುಂದಾಪುರ: ಇತಿಹಾಸ ಅರ್ಥ ಆಗಬೇಕಾದರೆ ಅದರ ಮೂಲ ಸ್ವರೂಪವನ್ನು ತಿಳಿಸುವ ಪ್ರಯತ್ನವಾಗಬೇಕು ಎಂದು ಉಡುಪಿ – ಚಿಕ್ಕಮಗಳೂರು ಲೋಕಸಭಾ ಕ್ಷೇತ್ರದ ಲೋಕಸಭಾ ಸದಸ್ಯರಾದ ಕೋಟ ಶ್ರೀನಿವಾಸ ಪೂಜಾರಿ ಅಭಿಪ್ರಾಯ ಪಟ್ಟರು ‌.
ಅವರು ಫೆಬ್ರುವರಿ 21, 22, ಮತ್ತು 23, 2025ರಂದು ಇಲ್ಲಿನ ಭಂಡಾರ್ಕಾರ್ಸ್ ಕಾಲೇಜಿನಲ್ಲಿ ಭಾರತೀಯ ಪುರಾತತ್ವ ಸರ್ವೇಕ್ಷಣಾ ಇಲಾಖೆ, ಬೆಂಗಳೂರು ಮತ್ತು ಧಾರವಾಡ ವಲಯ, ಮಂಗಳೂರು ವಿಶ್ವವಿದ್ಯಾಲಯ ಇತಿಹಾಸ ಅಧ್ಯಾಪಕರ ಸಂಘ ಮತ್ತು ಕಾಲೇಜಿನ ಐಕ್ಯೂಎಸಿ. ಇವರು ಸಹಯೋಗದಲ್ಲಿ ಆಯೋಜಿಸಿದ ” ಕರ್ನಾಟಕ ಇತಿಹಾಸ ಪರಿಷತ್ತು 35ನೇ ವಾರ್ಷಿಕ ಮಹಾ ಅಧಿವೇಶನವನ್ನು ಉದ್ಘಾಟಿಸಿ ಮಾತನಾಡಿದರು.
ಇತಿಹಾಸವನ್ನು ಮುಂದಿನ ಪೀಳಿಗೆಗೆ ತಿಳಿಸುವ ಆಗಬೇಕಾಗಿದೆ. ನಮ್ಮ ಐತಿಹಾಸಿಕ ದಾಖಲೆಗಳು ಪರಂಪರೆ, ಸಂಸ್ಕೃತಿ ಮತ್ತು ವಾಸ್ತು ಶಿಲ್ಪಗಳ ಮಹತ್ವವನ್ನು ಕುರಿತು ವಿಶೇಷ ಅಧ್ಯಯನಗಳ ಅವಶ್ಯಕತೆ ಇದೆ. ಇತಿಹಾಸವನ್ನು ಸಂರಕ್ಷಣೆ ಮಾಡುವ ಜವಾಬ್ದಾರಿಯನ್ನು ಅರಿತು ಆ ನೆಲೆಯಲ್ಲಿ ಕಾರ್ಯಪ್ರವೃತ್ತರಾಗೋಣ ಎಂದು ಹೇಳಿದರು.
ಕರ್ನಾಟಕ ಇತಿಹಾಸ ಪರಿಷತ್ತು 35ನೇ ವಾರ್ಷಿಕ ಮಹಾ ಅಧಿವೇಶನ ಸರ್ವಾಧ್ಯಕ್ಷರಾಗಿರುವ ಮಂಗಳೂರು ಮತ್ತು ದೆಹಲಿ ವಿಶ್ವವಿದ್ಯಾಲಯದ ವಿಶ್ರಾಂತ ಪ್ರಾಧ್ಯಾಪಕ ಡಾ.ಕೇಶವನ್ ವೇಳುತ್ತಾಟ್ ಮಾತನಾಡಿ
ದೇಶದಲ್ಲಿ ಪ್ರಾದೇಶಿಕ ನೆಲೆಯ ಐತಿಹಾಸಿಕ ನೆಲೆಯ ವೈಶಿಷ್ಟ್ಯತೆಯನ್ನು ಹೊಂದಿದೆ. ಇದು ಸ್ವಾತಂತ್ರ್ಯದ ನಂತರದ ಕಡ್ಡಾಯ ಎಂದು ಹೇಳುವುದು ಸತ್ಯ. ಬೇರೆ ರೀತಿಯಲ್ಲಿ ಹೇಳುವುದಾದರೆ, ಪ್ರಾದೇಶಿಕ ಇತಿಹಾಸದ ಇತಿಹಾಸವು ರಾಷ್ಟ್ರೀಯತೆಯ ಚೌಕಟ್ಟಿನೊಳಗೆ ಗಮನಿಸಬೇಕು. ಭಾರತೀಯ ಇತಿಹಾಸಕಾರರು 19ನೇ ಮತ್ತು 20ನೇ ಶತಮಾನದ ಆರಂಭದ ಸಾಮ್ರಾಜ್ಯಶಾಹಿ ಬರಹಗಳಿಗೆ ಪ್ರತಿಕ್ರಿಯೆಯಾಗಿ ಸ್ಪಷ್ಟವಾದ ರಾಷ್ಟ್ರೀಯವಾದಿ ಪೂರ್ವಾಗ್ರಹಗಳೊಂದಿಗೆ ಇತಿಹಾಸವನ್ನು ಬರೆದಾಗ, ಅವರು ತಮ್ಮ ಬರಹಗಳಿಗೆ ಪೂರಕವಾಗಿ ಪ್ರದೇಶಗಳ ಇತಿಹಾಸವನ್ನು ಸಹ ಬರೆದರು. ರಾಷ್ಟ್ರೀಯತೆಯನ್ನು ಗಮನದಲ್ಲಿರಿಸಿಕೊಂಡು ಬೇರೆ ಬೇರೆ ಪ್ರದೇಶಗಳ ಇತಿಹಾಸದ ಬಗ್ಗೆ ಮುತುವರ್ಜಿ ವಹಿಸಿದ್ದರು ಎಂಬುದನ್ನು ಅವರು ಬರವಣಿಗೆಯಲ್ಲಿ ನೋಡುತ್ತೇವೆ. ನಿಜ, ಈ ಬರಹಗಳಲ್ಲಿ ರಾಷ್ಟ್ರೀಯತೆ ಮತ್ತು ಪ್ರಾದೇಶಿಕತೆ ಎರಡರಲ್ಲೂ ಒಂದು ಅರ್ಥವನ್ನು ಬೆಳೆಸುವಲ್ಲಿ ಇದು ಹೇಗೆ ಬೆಳೆದಿದೆ ಮತ್ತು ಸಹಾಯಕವಾಗಿದೆ ಎಂಬುದನ್ನು ಗಮನಿಸುತ್ತೇವೆ.
ಆದಾಗ್ಯೂ, ಹೆಚ್ಚಿನ ಆಸಕ್ತಿಯೆಂದರೆ, “ಭಾರತೀಯ ಇತಿಹಾಸದಲ್ಲಿ ಪ್ರದೇಶಗಳು ಯಾವಾಗ ಪ್ರಬುದ್ಧತೆಯನ್ನು ತಲುಪುತ್ತವೆ?” ಎಂಬ ಪ್ರಶ್ನೆ. ಭಾರತೀಯ ಇತಿಹಾಸಲೇಖನದಲ್ಲಿ ಒಂದು ಫ್ಯಾಷನ್ ಇತ್ತು, ಅದು ಬಿಲಿಯರ್ಡ್ಸ್ ಮಾದರಿಯಲ್ಲಿ ನಂಬಿಕೆ ಇಟ್ಟಂತೆ ತೋರುತ್ತಿತ್ತು. ಅದರಂತೆ, ಮೌರ್ಯ ಸಾಮ್ರಾಜ್ಯ ಅಥವಾ ಗುಪ್ತ ಸಾಮ್ರಾಜ್ಯ ಅಥವಾ ಮೊಘಲ್ ಸಾಮ್ರಾಜ್ಯದ ಅಡಿಯಲ್ಲಿ ಎಲ್ಲವೂ ಒಮ್ಮೆ ಕೇಂದ್ರೀಕೃತವಾಗಿದ್ದವು. ಪ್ರದೇಶಗಳು ಆಯಾ ಪ್ರದೇಶವಾರು ತಮ್ಮ ಸ್ಥಾನಗಳನ್ನು ಪಡೆದುಕೊಂಡವು. ಪರ್ಯಾಯ ದೃಷ್ಟಿಕೋನದ ನೆಲೆಯಲ್ಲಿ ನೋಡುವುದಾದರೆ ಪ್ರದೇಶಗಳ ಬೆಳವಣಿಗೆಯ ಪ್ರಕ್ರಿಯೆಯನ್ನು ಸೂಯಿ ಜನರಿಸ್ ಎಂದು ನೋಡುವುದು. ಇತ್ತೀಚಿನ ವರ್ಷಗಳಲ್ಲಿ ಮನವೊಪ್ಪಿಸುವ ವಾದಗಳಲ್ಲಿ ಒಂದು ಪ್ರದೇಶಗಳ ಹೊರಹೊಮ್ಮುವಿಕೆಯನ್ನು ಅದರ ಎಲ್ಲಾ ವ್ಯಾಖ್ಯಾನಿಸುವ ವೈಶಿಷ್ಟ್ಯಗಳೊಂದಿಗೆ ಭಾರತೀಯ ಇತಿಹಾಸದ ಆರಂಭಿಕ ಮಧ್ಯಕಾಲೀನ ಹಂತದೊಂದಿಗೆ ಜೋಡಿಸುವುದು. ಆರ್ಥಿಕತೆ, ಸಮಾಜ, ರಾಜಕೀಯ, ಭಾಷೆ, ಸಾಹಿತ್ಯ, ಕಲಾತ್ಮಕ ಶೈಲಿ, ಶಿಲ್ಪಕಲೆ, ವಾಸ್ತುಶಿಲ್ಪ – ಬಹುತೇಕ ಪ್ರತಿಯೊಂದು ಕ್ಷೇತ್ರದಲ್ಲೂ ಪ್ರದೇಶಗಳು ಸಾಮಾನ್ಯ ಯುಗದ ಮೊದಲ ಸಹಸ್ರಮಾನದ ದ್ವಿತೀಯಾರ್ಧದಲ್ಲಿ ಸರಿಸುಮಾರು ಪ್ರಬುದ್ಧತೆಯನ್ನು ತಲುಪಲು ಪ್ರಾರಂಭಿಸುತ್ತವೆ, ಇಲ್ಲಿ ಅಥವಾ ಅಲ್ಲಿ ಒಂದೆರಡು ಶತಮಾನಗಳನ್ನು ನೀಡುತ್ತವೆ ಅಥವಾ ತೆಗೆದುಕೊಳ್ಳುತ್ತವೆ. ಈ ನಿಟ್ಟಿನಲ್ಲಿ ಭಾರತದ ವಿದ್ವಾಂಸರು ಮಹತ್ವದ ಕೆಲಸವು ಈ ಬದಲಾದ ದೃಷ್ಟಿಕೋನಕ್ಕೆ ಗಣನೀಯವಾಗಿ ಕೊಡುಗೆ ನೀಡಿದೆ ಎಂದು ಹೇಳಿದರು.
ಇಲ್ಲಿ ಪ್ರಶ್ನೆ, ಅಂದರೆ, “ಪ್ರದೇಶದಿಂದ ನಾವು ನಿಖರವಾಗಿ ಏನು ಅರ್ಥೈಸುತ್ತೇವೆ?” ಆಯಾ ಭಾಗಗಳು ತಮ್ಮ ವೈಶಿಷ್ಟ್ಯಗಳಲ್ಲಿ ಬದಲಾಗುತ್ತವೆ ಅದಕ್ಕೆ ತಕ್ಕಂತೆ ಆಯಾ ಪ್ರದೇಶದ ಐತಿಹಾಸಿಕ ಪ್ರದೇಶಗಳ ಅಧ್ಯಯನದಲ್ಲಿ ಗಾತ್ರ, ಗಡಿ, ಘಟಕಗಳು ಮತ್ತು ಹೀಗೆ ಹತ್ತು ಹಲವು ಸಂಗತಿಗಳಿವೆ ಮತ್ತು ಅವು ವಿಭಿನ್ನ ನೆಲೆಗಳನ್ನು ಹೊಂದಿವೆ.ನನ್ನ ಸ್ವಂತ ತವರು ರಾಜ್ಯವಾದ ಕೇರಳದ ಉದಾಹರಣೆಯನ್ನು ತೆಗೆದುಕೊಳ್ಳಲು, ಇತಿಹಾಸದಲ್ಲಿ ಕೇರಳವನ್ನು ಮೂರು ರೀತಿಯಲ್ಲಿ ನಿರ್ಮಿಸಲಾಗಿದೆ. ಅಲ್ಲಿನ ಸಂಸ್ಕೃತಿ ಸಾಮಾಜಿಕ ಐತಿಹಾಸಿಕ ಅಂಶಗಳಲ್ಲಿ ವಿಭಿನ್ನ ಎಂದು ತಿಳಿಯಬಹುದು. ಹಾಗೆ ಕರ್ನಾಟಕದ ಇತಿಹಾಸವನ್ನು ಭಿನ್ನ ರೀತಿಯಲ್ಲಿ ತಿಳಿಯಬಹುದಾಗಿದೆ. ಒಟ್ಟಿನಲ್ಲಿ ಇತಿಹಾಸವು ಹಲವು ಸಂಗತಿಗಳಿವೆ ಸ್ಥಿತ್ಯಂತರಗಳನ್ನು ಕಟ್ಟಿಕೊಡುವ ಪ್ರಯತ್ನ ಮಾಡುತ್ತದೆ ಎಂದು ಅಭಿಪ್ರಾಯಪಟ್ಟರು.
ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ಭಂಡಾರ್ಕಾರ್ಸ್ ಕಾಲೇಜಿನ ವಿಶ್ವಸ್ಥ ಮಂಡಳಿಯ ಹಿರಿಯ ಸದಸ್ಯರಾದ ಕೆ ಶಾಂತಾರಾಮ್ ಪ್ರಭು ವಹಿಸಿದ್ದರು.
ಈ ಸಂದರ್ಭದಲ್ಲಿ ಪ್ರಶಸ್ತಿ ಪ್ರದಾನಿಸಿ ಮಾತನಾಡಿದ ಬೆಂಗಳೂರು ವಿಶ್ವವಿದ್ಯಾಲಯ ಮಾನ್ಯ ಕುಲಪತಿ ಡಾ ಎಸ್.ಎಮ್ ಜಯಕಾರ ಶೆಟ್ಟಿ ಮಾತನಾಡಿ ಭಂಡಾರ್ಕಾರ್ಸ್ ಕಾಲೇಜು ಈ ದೇಶಕ್ಕೆ ಮತ್ತು ಸಮಾಜಕ್ಕೆ ಬಹಳಷ್ಟು ಕೊಡುಗೆ ನೀಡಿದೆ. ಇಲ್ಲಿ ವಿದ್ಯೆ ಕಲಿತ ವಿದ್ಯಾರ್ಥಿಗಳು ರಾಜ್ಯ ದೇಶ ವಿದೇಶಗಳಲ್ಲಿ ಬೇರೆ ಬೇರೆ ಕ್ಷೇತ್ರಗಳಲ್ಲಿ ಸಾಧನೆ ಮಾಡಿದ್ದಾರೆ. ಬಹಳಷ್ಟು ಸಾಧಕರನ್ನು ಈ ಕಾಲೇಜು ನೀಡಿದೆ. ಅಲ್ಲದೆ ಇಂದು ಸನ್ಮಾನ ಸ್ವೀಕರಿಸಿದ ಸಾಧಕರು ವಿದ್ಯಾರ್ಥಿಗಳಿಗೆ ಪ್ರೇರಣೆಯಾಗಲಿ. ದೇಶ ಆರ್ಥಿಕವಾಗಿ ಪ್ರಗತಿ ಹೊಂದುತ್ತಿರುವ ಈ ಕಾಲಘಟ್ಟದಲ್ಲಿ ಕೌಶಲ್ಯ ಮತ್ತು ಕೈಗಾರಿಕಾ ವಲಯ ಆಧಾರಿತ ಶಿಕ್ಷಣವನ್ನು ನೀಡಬೇಕು ಎಂದು ಹೇಳಿದರು. ಕರ್ನಾಟಕ ಇತಿಹಾಸ ಪರಿಷತ್ತು 34ನೇ ಅಧಿವೇಶನದ ಸರ್ವಾಧ್ಯಕ್ಷರಾದ ಬೆಂಗಳೂರು ವಿಶ್ವವಿದ್ಯಾಲಯ ಇತಿಹಾಸ ವಿಭಾಗದ ವಿಶ್ರಾಂತ ಪ್ರಾಧ್ಯಾಪಕ ಡಾ‌ಅಶ್ವಥನಾರಾಯಣ ಗುಲಾಬಿ ಹೂವು ನೀಡುವ ಮೂಲಕ ಅಧಿಕಾರ ಹಸ್ತಾಂತರಿಸಿದರು ಮತ್ತು 34 ನೇ ಅಧಿವೇಶನದ ಜರ್ನಲ್ ಬಿಡುಗಡೆಗೊಳಿಸಿದರು. ಕರ್ನಾಟಕ ವಿಶ್ವವಿದ್ಯಾಲಯದ ಇತಿಹಾಸ ಮತ್ತು ಪ್ರಾಚ್ಯ ಶಾಸ್ತ್ರ ವಿಭಾಗದ ವಿಶ್ರಾಂತ ಪ್ರಾಧ್ಯಾಪಕ ಪ್ರೊ ಎಸ್ ರಾಜಶೇಖರ್ ಅವರು ಡಾ.ವಾಸುದೇವ ಬಡಿಗೇರ ಮತ್ತು ಡಾ.ಗಂಗಾಧರ ದೈವಜ್ಞ ವಿರಚಿತ “ಶಿರಸಂಗಿ ಕಾಳಮ್ಮ ಚಾರಿತ್ರಿಕ ಅಧ್ಯಯನ ಮತ್ತು ಆರಾಧನಾ ಪರಂಪರೆ” ಡಾ.ಶಿವಾನಂದ ಆರ್ ನಾಗಣ್ಣನವರ ವಿರಚಿತ “ಕರ್ನಾಟಕದಲ್ಲಿ ಶೈವ ಧರ್ಮದ ಬೆಳವಣಿಗೆ” ಮತ್ತು “ಶೈವಾವಲೋಕನ” ಡಾ.ಮೋಹನ್ ವಿರಚಿತ “ಬಸವಣ್ಣ ಮತ್ತು ನಾರಾಯಣ ಗುರು ಸಾಮಾಜಿಕ ದರ್ಶನ ಒಂದು ತೌಲನಿಕ ಅಧ್ಯಯನ” , ಪ್ರೊ. ನಾಗರತ್ನಮ್ಮ ವಿರಚಿತ “ಕೋಲಾರ ಜಿಲ್ಲೆ ಸ್ವಾತಂತ್ರ್ಯ ಚಳುವಳಿ”, ಡಾ‌.ಅನಿತಾ ವಿರಚಿತ “ಜೀವಜಲ” ಮತ್ತು
ಡಾ. ಎಸ್.ಕೆ.ಅರುಡಿ ವಿರಚಿತ “ಸೃಜನಿ” ಪುಸ್ತಕಗಳನ್ನು ಬಿಡುಗಡೆ ಗೊಳಿಸಿದರು.
34, ನೇ ಅಧಿವೇಶನದ ಪ್ರೊಸೀಡಿಂಗ್ಸ್ ಸಂಪಾದಕೀಯ ಮಂಡಳಿಯ ಸದಸ್ಯರಾದ ಡಾ.ಈರಣ್ಣ ಪತ್ತಾರ, ಡಾ.ವಾಸುದೇವ ಬಡಿಗೇರ, ಡಾ.ಎನ್.ವಿ.ಅಸ್ಕಿ, ಡಾ.ಟಿ.ಶ್ರೀನಿವಾಸ ರೆಡ್ಡಿ ಅವರನ್ನು ಗೌರವಿಸಲಾಯಿತು.
ಡಾ.ವಾಸುದೇವ ಬಡಿಗೇರ ಅವರಿಗೆ “ರಾಜರ್ಷಿ ವೀರೇಂದ್ರ ಹೆಗ್ಗಡೆ ಪ್ರಶಸ್ತಿ, ಡಾ.ಆರ್.ಎಎನ್.ಷಡಕ್ಷರಯ್ಯ ಅವರಿಗೆ ಡಾ.ಬಿ.ಷೇಕ್ ಅಲಿ ಪ್ರಶಸ್ತಿ ಎಸ್.ಕೆ.ಅರುಡಿ ಅವರಿಗೆ ಕಿತ್ತೂರು ರಾಣಿ ಚೆನ್ನಮ್ಮ ಪ್ರಶಸ್ತಿ, ಡಾ.ಎಮ್.ಎಸ್.ಅನಿತಾ ಅವರಿಗೆ ಒನಕೆ ಓಬವ್ವ ಪ್ರಶಸ್ತಿ, ಡಾ.ಮುಸ್ತಾಕ್ ಅಹಮದ್ ಅಬ್ದುಲ್ ರಜಾಕ್ ಅವರಿಗೆ ಕುಂದಣ ಪ್ರಶಸ್ತಿ ಹಾಗೂ ವಿನಯ್ ಕುಮಾರ್ ಅವರಿಗೆ ಅತ್ಯುತ್ತಮ ಸಂಶೋಧನಾ ಪ್ರಬಂಧ ಪ್ರಶಸ್ತಿ ನೀಡಿ ಗೌರವಿಸಲಾಯಿತು.
ಈ ಸಂದರ್ಭದಲ್ಲಿ ವೇದಿಕೆಯಲ್ಲಿ ಜೆ.ಎಸ್.ಎಸ್ ಸಂಸ್ಥೆಯ ಕಾರ್ಯದರ್ಶಿ ಡಾ.ಅಜಿತ್ ಪ್ರಸಾದ್, ಎ.ಎಸ್‌ಐ ಧಾರವಾಡ ವಲಯದ ಅಧೀಕ್ಷಕ ಪುರಾತತ್ವಜ್ಞರಾದ ರಮೇಶ್ ಮೂಲಿಮನಿ, ಬೆಂಗಳೂರು ವಲಯದ ಬಿಪಿನ್ ಚಂದ್ರ, ಕರ್ನಾಟಕ ಇತಿಹಾಸ ಪರಿಷತ್ತು ಉಪಾಧ್ಯಕ್ಷೆ ಪ್ರೊ.ಎಸ್. ನಾಗರತ್ನಮ್ಮ, ಪ್ರಧಾನ ಕಾರ್ಯದರ್ಶಿ ಡಾ.ಈರಣ್ಣ ಪತ್ತಾರ, ಜಂಟಿ ಕಾರ್ಯದರ್ಶಿ, ಡಾ.ವಾಸುದೇವ ಬಡಿಗೇರ, ಡಾ.ಟಿ.ಶ್ರೀನಿವಾಸ ರೆಡ್ಡಿ ನೇಗಿ, ಖಜಾಂಚಿ ಡಾ.ಎನ್.ವಿ.ಅಸ್ಕಿ, ಜಂಟಿ ಕಾರ್ಯದರ್ಶಿ ಉಪಸ್ಥಿತರಿದ್ದರು.
ಭಂಡಾರ್ಕಾರ್ಸ್ ಪದವಿ ಕಾಲೇಜಿನ ಪ್ರಾಂಶುಪಾಲರಾದ ಡಾ.ಶುಭಕರಾಚಾರಿ ಸ್ವಾಗತಿಸಿದರು. ಕರ್ನಾಟಕ ಇತಿಹಾಸ ಪರಿಷತ್ತು ಇದರ ಅಧ್ಯಕ್ಷ ಪ್ರೊ. ಆರ್.ರಾಜಣ್ಣ ಪ್ರಾಸ್ತಾವಿಕವಾಗಿ ಮಾತನಾಡಿದರು. ಭಂಡಾರ್ಕಾರ್ಸ್ ಪದವಿ ಪೂರ್ವ ಕಾಲೇಜಿನ ಪ್ರಾಂಶುಪಾಲರಾದ ಡಾ.ಜಿ.ಎಂ.ಗೊಂಡ ವಂದಿಸಿದರು.