Author: Jananudi News Network

ಕುಂದಾಪುರ: ಚಿಕ್ಕಬಳ್ಳಾಪುರದ ವರನ ಮನೆಯಿಂದ ಬರುತ್ತಿದ್ದ ಸಂದರ್ಭದಲ್ಲಿ ಮಿನಿ ಬಸ್ ಅಪಘಾತವಾಗಿ ಹಲವರಿಗೆ ಗಾಯವಾಗಿರುವ ಕುರಿತು ವರದಿಯಾಗಿದೆ. ಮಹಾಬಲ (44),ಗುಜ್ಜಾಡಿ ಗ್ರಾಮ, ಕುಂದಾಪುರ ಇವರ ಮೈದಿನೆಯ ವಿವಾಹವು ಚಿಕ್ಕಬಳ್ಳಾಪುರದ ಸುರೇಶ ರವರೊಂದಿಗೆ ತ್ರಾಸಿಯಲ್ಲಿ ನಡೆದಿತ್ತು. ಮೇ 11 ರಂದು ಮನೆಯವರೆಲ್ಲರೂ ಹೆಣ್ಣನ್ನು ಗಂಡಿನ ಮನೆಯಾದ ಚಿಕ್ಕಬಳ್ಳಾಪುರದಿಂದ ಕರೆದುಕೊಂಡು ಬರಲು ತ್ರಾಸಿಯ ರಾಘವೇಂದ್ರ ರವರ KA-20-D2599 ನೇ ಮಿನಿ ಬಸ್ ಸಿಟರ್ ವಾಹನವನ್ನು ಬಾಡಿಗೆ ಮಾಡಿಕೊಂಡು ಅವರ ಕುಟುಂಬದವರೆ ಆದ ಸುಮಾರು 21 ಜನ ತ್ರಾಸಿಯಿಂದ ಹೊರಟು ಚಿಕ್ಕಬಳ್ಳಾಪುರ ತಲುಪಿ ಅಲ್ಲಿ ಕಾರ್ಯಕ್ರಮವನ್ನು ಮುಗಿಸಿಕೊಂಡು ಹೆಣ್ಣನ್ನು ಕರೆದುಕೊಂಡು ದಿನಾಂಕ ಮೇ 12 ರಂದು ಮಧ್ಯಾಹ್ನ 2:30 ಗಂಟೆಗೆ ಹೊರಟು ಆಗುಂಬೆ ಮಾರ್ಗವಾಗಿ ತ್ರಾಸಿಗೆ ಹೋಗಲು ಅಲ್ಬಾಡಿಯ ಬರಿಗದ್ದೆ ನೀರ್ ಟ್ಯಾಂಕ್ ಬಳಿ ಬರುತ್ತಿರುವಾಗ ಮೇ 13 ರಂದು ಬೆಳಗಿನ ಜಾವ 3:30 ಗಂಟೆಗೆ ಅವರ ಮಿನಿ ಬಸ್ ಸಿಟರ್ ವಾಹನದ ಒಮ್ಮೇಲೆ ಬ್ರೇಕ್ ಹಾಕಿದ ಪರಿಣಾಮ ವಾಹನ ಚಾಲಕನ ನಿಯಂತ್ರಣ ತಪ್ಪಿ ರಸ್ತೆಯ ಬಲಬದಿಯಲ್ಲಿರುವ ಮರಕ್ಕೆ ಡಿಕ್ಕಿ ಹೊಡೆದಿದೆ.

ಇದರಿಂದಾಗಿ ವಾಹನದಲ್ಲಿದ್ದವರಿಗೆ ಗಾಯನೋವುಗಳಾಗಿದ್ದು ಅಲ್ಲಿದ್ದ ಸಾವ೯ಜನಿಕರು ಅವರುಗಳನ್ನು ಉಪಚರಿಸಿ ಹೆಬ್ರಿ ಹೆಲ್ತ್ ಕೇರ್ ಸೆಂಟರ್ ಗೆ ಖಾಸಗಿ ವಾಹನದಲ್ಲಿ ಕಳುಹಿಸಿದ್ದು ನಂತರ ವೈದ್ಯಾದಿಕಾರಿಯವರು ಪರೀಕ್ಷಿಸಿ ಮುಖಕ್ಕೆ ಗಾಯಗೊಂಡ ಶಿವಾನಂದ, ಪಷ್ಪಾ, ಕಾವೇರಿ, ಮಂಜು, ಶಾಂತ ಹಾಗೂ ನಿಶಾಂತ್ ರವರನ್ನು ಹೆಚ್ಚಿನ ಚಿಕಿತ್ಸೆಗಾಗಿ ಖಾಸಗಿ ಅಂಬುಲೆನ್ಸ್ ವಾಹನದಲ್ಲಿ ಮಣಿಪಾಲದ ಕೆ ಎಮ್ ಸಿ ಆಸ್ಪತ್ರೆಗೆ ಚಿಕಿತ್ಸೆಯ ಬಗ್ಗೆ ಕಳುಹಿಸಿಕೊಟ್ಟಿದ್ದಾರೆ. ಉಳಿದವರನ್ನು ಪ್ರಥಮ ಚಿಕಿತ್ಸೆಯನ್ನು ನೀಡಿ ಹೊರ ರೋಗಿಯಾಗಿ ಬಿಡುಗಡೆಗೊಳಿಸಿರುತ್ತಾರೆ. ಈ ಬಗ್ಗೆ ಶಂಕರನಾರಾಯಣ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿರುತ್ತದೆ.

ಉಡುಪಿ: ಭಾರತೀಯ ಕಥೊಲಿಕ ಧರ್ಮಾಧ್ಯಕ್ಷರ ಮಂಡಳಿಯ ಸೂಚನೆಯ ಮೇರೆಗೆ ಉಡುಪಿ ಧರ್ಮಪ್ರಾಂತ್ಯದ ಚರ್ಚುಗಳಲ್ಲಿ ಭಾನುವಾರ ಭಾರತೀಯ ಸೇನೆಗೆ ಹಾಗೂ ಯೋಧರಿಗೆ ಒಳಿತಾಗುವಂತೆ ಆಶಿಸಿ ವಿಶೇಷ ಪ್ರಾರ್ಥನೆಯನ್ನು ಸಲ್ಲಿಸಲಾಯಿತು.
ಪ್ರತಿಯೊಂದು ಚರ್ಚುಗಳಲ್ಲಿ ಭಾನುವಾರದ ಬಲಿಪೂಜೆಯ ವೇಳೆ ಗಡಿಯಲ್ಲಿ ದೇಶವನ್ನು ಕಾಯುವ ಸೈನಿಕರಿಗೆ ಒಳಿತಾಗುವಂತೆ ಕೋರಿ ವಿಶೇಷ ಪರಮ ಪ್ರಸಾದದ ಆರಾಧನೆಯ ಮೂಲಕ ಧರ್ಮಗುರುಗಳು ಪ್ರಾರ್ಥನೆಯನ್ನು ಸಲ್ಲಿಸಿದರು.
ತಮ್ಮ ಅಧಿಕೃತ ವಾರ್ಷಿಕ ಭೇಟಿಯಲ್ಲಿರುವ ಧರ್ಮಪ್ರಾಂತ್ಯದ ಧರ್ಮಾಧ್ಯಕ್ಷರಾದ ಅತಿ ವಂ|ಡಾ|ಜೆರಾಲ್ಡ್ ಐಸಾಕ್ ಲೋಬೊ ಅವರು ಕಾರ್ಕಳ ತಾಲೂಕಿನ ಬೆಳ್ಮಣ್ ಸಂತ ಜೋಸೆಫರ ಚರ್ಚಿನಲ್ಲಿ ವಿಶೇಷ ಪ್ರಾರ್ಥನಾ ವಿಧಿಯನ್ನು ನೆರವೇರಿಸಿ ದೇಶ ಕಾಯುವ ಸೈನಿಕರಿಗಾಗಿ ಪ್ರಾರ್ಥನೆಯನ್ನು ಸಲ್ಲಿಸಿದರು. ಇದೇ ವೇಳೆ ಕ್ರೈಸ್ತ ಧರ್ಮಸಭೆಗೆ ನೂತನ ಜಗದ್ಗುರುವಾಗಿ ಆಯ್ಕೆಯಾಗಿರುವ ಪೋಪ್ 14 ನೇ ಲಿಯೋ ಅವರಿಗೆ ಶುಭಕೋರಿ ವಿಶೇಷ ಆರಾಧನೆಯನ್ನು ಸಲ್ಲಿಸಿದರು.
ಈ ವೇಳೆ ಮಾತನಾಡಿದ ಧರ್ಮಾಧ್ಯಕ್ಷರು ಇಂದು ಜಗತ್ತಿನಾದ್ಯಂತ ಕ್ರೈಸ್ತ ಸಮುದಾಯ ಯೇಸು ಒಳ್ಳೆಯ ಕುರುಬರ ಹಬ್ಬದ ಆಚರಣೆಯನ್ನು ಮಾಡುತ್ತಿದ್ದು ಇದೇ ಸಂದರ್ಭದಲ್ಲಿ ಜಗತ್ತಿಗೆ ಮುಗ್ದ ಮನಸ್ಸಿನ ಶಾಂತಿ ದೂತರಾಗಿ ಜಗದ್ಗುರು ಪೋಪ್ 14 ನೇ ಲಿಯೋ ಆಯ್ಕೆಯಾಗಿದ್ದಾರೆ. ದೇಶದ ಗಡಿಯಲ್ಲಿ ಭಾರತ ಮತ್ತು ಪಾಕಿಸ್ತಾನದ ನಡುವೆ ಯುದ್ದ ಭೀತಿ ಆವರಿಸಿದ್ದು ನಮ್ಮ ಸೈನಿಕರು ತಮ್ಮ ಜೀವದ ಹಂಗು ತೊರೆದು ತಮ್ಮ ದೇಶದ ಪ್ರಜೆಗಳ ರಕ್ಷಣೆಗೆ ಕಟಿಬದ್ದರಾಗಿ ನಿಂತಿದ್ದಾರೆ. ಅವರಿಗಾಗಿ ನಮ್ಮ ಪ್ರಾರ್ಥನೆ ಅನುದಿನವೂ ಇರಬೇಕಾಗಿದೆ.
ನೂತನ ಪೋಪ್ ಅವರು ಜಗತ್ತಿನಲ್ಲಿ ಶಾಂತಿ ಸ್ಥಾಪನೆಗೆ ಎಲ್ಲರೂ ಕೈಜೋಡಿಸುವಂತೆ ಕರೆನೀಡಿದ್ದು, ಸಂವಾದ ಮಾತುಕತೆಗಳ ಮೂಲಕ ಸೇತುವೆ ನಿರ್ಮಿಸಿ ಎಲ್ಲರೂ ಪರಸ್ಪರ ಸಹೋದರರಂತೆ ಬಾಳಲು ಕರೆ ನೀಡಿರುತ್ತಾರೆ. ಜಗತ್ತಿನಲ್ಲಿ ಸದಾ ಶಾಂತಿ ನೆಲೆಸಬೇಕು ಎನ್ನುವುದು ಅವರ ಬಯಕೆಯಾಗಿದ್ದು ನಮ್ಮ ದೇಶದಲ್ಲಿಯೂ ಕೂಡ ಯುದ್ದದ ಕಾರ್ಮೋಡ ತಿಳಿಗೊಂಡು ಶಾಂತಿಯು ನೆಲೆಸಲಿ. ಈ ನಿಟ್ಟಿನಲ್ಲಿ ಹಿಂಸೆಯ ಮಾರ್ಗವನ್ನು ಕೈಬಿಟ್ಟು ಶಾಂತಿ ಸ್ಥಾಪನೆಯತ್ತ ಎರಡೂ ದೇಶಗಳೂ ಮುಂದೆ ಬರಲಿ ಮತ್ತು ದೇಶದ ಸೈನಿಕರ ಕರ್ತವ್ಯಕ್ಕೆ ಸದಾ ಪ್ರತಿಯೊಬ್ಬರು ಬೆಂಬಲವಾಗಿ ನಿಲ್ಲುವುದರ ಮೂಲಕ ಅವರಲ್ಲಿ ಆತ್ಮ ಸ್ಥೈರ್ಯವನ್ನು ತುಂಬುವ ಕೆಲಸವನ್ನು ಮಾಡೋಣ ಎಂದರು.
ಈ ವೇಳೆ ಚರ್ಚಿನ ಧರ್ಮಗುರು ವಂ|ಫ್ರೆಡ್ ಮಸ್ಕರೇನ್ಹಸ್, ಸಹಾಯಕ ಧರ್ಮಗುರು ವಂ|ಅರ್ನಾಲ್ಡ್ ಮತಾಯಸ್, ಕಾರ್ಕಳ ಕ್ರೈಸ್ಟ್ ಕಿಂಗ್ ಚರ್ಚಿನ ಧರ್ಮಗುರು ವಂ|ಕ್ಲೇಮಂಟ್ ಮಸ್ಕರೇನ್ಹಸ್ ಉಪಸ್ಥಿತರಿದ್ದರು.

ಶ್ರೀನಿವಾಸಪುರ, ತಾ.12: ಕೋಲಾರ ಜಿಲ್ಲೆಯ ಹಿಂದುಳಿದ ತಾಲ್ಲೂಕುಗಳ ಪೈಕಿ ಪ್ರಮುಖವಾದ ಶ್ರೀನಿವಾಸಪುರದಲ್ಲಿ ಆರೋಗ್ಯ ಸೇವೆಗಳ ದುಸ್ಥಿತಿ ಜನರ ಬದುಕಿಗೆ ಸಂಕಟ ತಂದೊಡ್ಡುತ್ತಿದೆ. ತಾಲೂಕು ಸಾರ್ವಜನಿಕ ಆಸ್ಪತ್ರೆಯಲ್ಲಿ ತಜ್ಞ ವೈದ್ಯರ ಕೊರತೆ ದಿನದಿಂದ ದಿನಕ್ಕೆ ತೀವ್ರಗೊಂಡಿದ್ದು, ಗ್ರಾಮೀಣ ಪ್ರದೇಶದ ಸಾವಿರಾರು ಜನತೆಗೆ ತುರ್ತು ಸೇವೆಗಳ ಅಭಾವವು ಅನಿವಾರ್ಯ ಸ್ಥಿತಿಯನ್ನೇ ನಿರ್ಮಾಣ ಮಾಡಿದೆ.

ಈ ತಾಲ್ಲೂಕಿನಲ್ಲಿ ಸುಮಾರು 360 ಹಳ್ಳಿಗಳಿದ್ದು, ಇಲ್ಲಿನ ಗ್ರಾಮೀಣ ಜನತೆ ವೈದ್ಯಕೀಯ ಸೇವೆಗಾಗಿ ಬಹುಮಟ್ಟಿಗೆ ಸಾರ್ವಜನಿಕ ಆಸ್ಪತ್ರೆಯ ಮೇಲೆಯೇ ಅವಲಂಬಿತರಾಗಿದ್ದಾರೆ. ಆದರೆ, ಸ್ತ್ರೀರೋಗ ಮತ್ತು ಇ.ಎನ್.ಟಿ (ಕಿವಿ-ಮೂಗು-ತೊಡೆಯ) ತಜ್ಞರ ಹುದ್ದೆಗಳು ಖಾಲಿಯಾಗಿರುವುದರಿಂದ ಜನರು ಪರದಾಡುವ ಪರಿಸ್ಥಿತಿ ನಿರ್ಮಾಣವಾಗಿದೆ.

ಸ್ತ್ರೀರೋಗ ತಜ್ಞರ ಕೊರತೆ – ತಾಯಿ-ಮಗು ಅಪಾಯದಲ್ಲಾ ?

ತಾಲ್ಲೂಕಿನ ಮಹಿಳೆಯರಿಗೆ ಪ್ರಸವ ಹಾಗೂ ಗರ್ಭಪಾತದ ಸಂದರ್ಭದಲ್ಲಿ ತುರ್ತು ವೈದ್ಯಕೀಯ ನೆರವು ಅತ್ಯವಶ್ಯಕ. ಆದರೆ ಸ್ತ್ರೀರೋಗ ತಜ್ಞರ ಕೊರತೆಯಿಂದ, ಸಮಯಕ್ಕೆ ಸರಿಯಾದ ಚಿಕಿತ್ಸೆಯಾಗದೇ ಮಹಿಳೆಯರು ಹಾಗೂ ಮಕ್ಕಳ ಜೀವದರ್ಶನದ ಅಪಾಯ ಎದುರಾಗುತ್ತಿದೆ. ಹೆಚ್ಚಿನ ಪ್ರಕರಣಗಳನ್ನು ಕೋಲಾರದ ಎಸ್.ಎನ್.ಆರ್. ಆಸ್ಪತ್ರೆಗೆ ಅಥವಾ ಜಾಲಪ್ಪ ವೈದ್ಯಕೀಯ ಕಾಲೇಜಿಗೆ ಕಳುಹಿಸಬೇಕಾಗುತ್ತಿದೆ. ಇದರಿಂದ ಬಡ ಕುಟುಂಬಗಳು ದಾರಿ, ಧನ ಮತ್ತು ಸಮಯದ ತೊಂದರೆ ಅನುಭವಿಸುತ್ತಿವೆ.

ಇ.ಎನ್.ಟಿ ತಜ್ಞರ ಕೊರತೆಯಿಂದ ಶ್ರವಣ ತೊಂದರೆಗೊಳಗಾದ ಮಕ್ಕಳೇನು ಮಾಡಲಿ ?
ಕಿವಿ, ಮೂಗು ಹಾಗೂ ತುಟಿ ಸಂಬಂಧಿತ ಸಮಸ್ಯೆಗಳನ್ನು ಎದುರಿಸುತ್ತಿರುವ ಮಕ್ಕಳು ಮತ್ತು ವೃದ್ಧರು, ಸರಿಯಾದ ತಜ್ಞರಿಲ್ಲದ ಕಾರಣ ತಪಾಸಣೆಗಿಲ್ಲದೇ ಹಿಂತಿರುಗುತ್ತಿದ್ದಾರೆ. ಶ್ರವಣಶಕ್ತಿ ಕಳೆದುಕೊಳ್ಳುವ ಭೀತಿ ಎದುರಾಗಿದ್ದು, ಪರಿಸ್ಥಿತಿ ದಿನದಿಂದ ದಿನಕ್ಕೆ ಗಂಭೀರವಾಗುತ್ತಿದೆ. ಕೊನೆಗೆ ರೋಗಿಗಳು 30-35 ಕಿಲೋಮೀಟರ್ ದೂರದ ಕೋಲಾರ ಜಿಲ್ಲಾಸ್ಪತ್ರೆಗಳಲ್ಲಿ ಚಿಕಿತ್ಸೆಗೆ ಹಾಜರಾಗಬೇಕಾಗುತ್ತದೆ.

ಸರ್ಕಾರದ ನಿರ್ಲಕ್ಷ್ಯ?

ಆರೋಗ್ಯ ಇಲಾಖೆಯು ಬೃಹತ್ ಬಜೆಟ್ ನಿಗದಿ ಮಾಡಿದರೂ ಗ್ರಾಮೀಣ ಆಸ್ಪತ್ರೆಗಳಲ್ಲಿ ತಜ್ಞರ ನೇಮಕಾತಿಯಲ್ಲಿ ವಿಳಂಬವಾಗಿದೆ. ಕಟ್ಟಡ, ಯಂತ್ರೋಪಕರಣಗಳ ಸುಧಾರಣೆಯ ನಡುವೆಯೂ, ಮುಖ್ಯವಾಗಿ ಬೇಕಾಗಿರುವ ಮಾನವ ಸಂಪತ್ತಿನ ಕೊರತೆ ಜನರ ತೀವ್ರ ಅಸಮಾಧಾನಕ್ಕೆ ಕಾರಣವಾಗಿದೆ.

ಸಾರ್ವಜನಿಕರ ಆಗ್ರಹ:
ಈ ಹಿನ್ನಲೆಯಲ್ಲಿ ಜನತೆ ಸರ್ಕಾರದ ಗಮನ ಸೆಳೆಯುವಂತೆ ಆಗ್ರಹಿಸುತ್ತಿದ್ದಾರೆ. ಅವರ ಪ್ರಮುಖ ಬೇಡಿಕೆಗಳು:

ಶ್ರೀನಿವಾಸಪುರದ ಸಾರ್ವಜನಿಕ ಆಸ್ಪತ್ರೆಗೆ ತುರ್ತು ಆದಾರದಲ್ಲಿ ಸ್ತ್ರೀರೋಗ ತಜ್ಞರ ನೇಮಕ.
ಇ.ಎನ್.ಟಿ ತಜ್ಞರ ಹುದ್ದೆಗಳನ್ನು ಕೂಡಲೇ ಭರ್ತಿ ಮಾಡಬೇಕು.
ತಾತ್ಕಾಲಿಕವಾಗಿ ಹೊರಗಿನ ತಜ್ಞರ ಸೇವೆಯನ್ನು ನಿರಂತರವಾಗಿ ಒದಗಿಸಬೇಕು.
ಆರೋಗ್ಯ ಶಿಬಿರಗಳಲ್ಲಿ ಹೆಚ್ಚು ತಜ್ಞರು ಪಾಲ್ಗೊಳ್ಳುವಂತೆ ಕ್ರಮವಹಿಸಬೇಕು.

ಆರೋಗ್ಯವೇ ಮಹಾಭಾಗ್ಯ ಎಂಬ ನುಡಿಗೆ ನಿಜಾರ್ಥ ದೊರೆಯಬೇಕಾದರೆ, ಸರ್ಕಾರ ಇಂಥ ಸಮಸ್ಯೆಗಳಿಗೆ ತಕ್ಷಣ ಸ್ಪಂದಿಸಬೇಕು” ಎಂದು ಸ್ಥಳೀಯರು ಒತ್ತಾಯಿಸುತ್ತಿದ್ದಾರೆ.

ಶ್ರೀನಿವಾಸಪುರ : ಬುದ್ದಪೂರ್ಣಿಮೆಯ ಬುದ್ಧನ ಎಲ್ಲಾ ಜೀವಿಗಳ ಬಗ್ಗೆ ಕರಣೆ ಮತ್ತು ದಯೆಯ ಭೋದನೆಗಳನ್ನು ಪ್ರತಿಬಿಂಬಿಸುವ ಸಮಯ ಇದಗಾಗಿದೆ.ಎಂದು ಪೊಲೀಸ್ ಇನ್ಸ್‍ಪೆಕ್ಟರ್ ಎಂ.ಬಿ.ಗೊರವನಕೊಳ್ಳ ಹೇಳಿದರು.
ಪಟ್ಟಣದ ಸರ್ಕಾರಿ ನೌಕರರ ಭವನದಲ್ಲಿ ಸೋಮವಾರ ಕರ್ನಾಟಕ ದಲಿತ ಬುದ್ದ ಸೇನೆ ವತಿಯಿಂದ ಬುದ್ದ ಪೂರ್ಣಿಮಾ ಅಂಗವಾಗಿ ಬುದ್ದೋತ್ಸವ ಮತ್ತು ಭೀಮೋತ್ಸವ ಕಾರ್ಯಕ್ರಮಕ್ಕೆ ಚಾಲನೆ ನೀಡಿ ಮಾತನಾಡಿದರು. ಕೆಲವು ಬೌದ್ಧರು ಬುದ್ದ ಪೂರ್ಣಿಮೆಯಂದು ಶುದ್ಧೀಕರಣ ಮತ್ತು ಸ್ವಯಂ ಶಿಸ್ತಿನ ಒಂದು ರೂಪವಾಗಿ ಉಪವಾಸವನನ್ನು ಆಚರಿಸಲು ಆಯ್ಕೆ ಮಾಡಿಕೊಳ್ಳುತ್ತಾರೆ. ಬುದ್ದರವರ ಜೀವನ ಶೈಲಿ ಹಾಗು ಸಿದ್ದಾಂತಗಳ ಬಗ್ಗೆ ಮೆಚ್ಚುಗೆ ವ್ಯಕ್ತಪಡಿಸುತ್ತಾ, ಡಾ. ಬಿ.ಆರ್.ಅಂಬೇಡ್ಕರ್ ರವರು ಹಿಂದು ಧರ್ಮದಿಂದ ಭೌದ್ಧ ಧರ್ಮಕ್ಕೆ ಮಾತಾಂತಗೊಂಡು ಬುದ್ಧನ ಅನುಯಾಯಿಗಳಾದರು. ನಾವೆಲ್ಲರೂ ಬುದ್ಧನ ಆದರ್ಶ, ತತ್ವಗಳನ್ನು ನಮ್ಮ ಜೀವನಶೈಲಿಗೆ ಅನ್ವಯಿಸಿಕೊಳ್ಳಬೇಕು ಎಂದರು.

ಕರ್ನಾಟಕ ದಲಿತ ಬುದ್ದ ಸೇನೆ ಸಂಸ್ಥಾಪಕ, ರಾಜ್ಯಾಧ್ಯಕ್ಷ ವರ್ತನಹಳ್ಳಿ ವೆಂಕಟೇಶ್ ಮಾತನಾಡಿ ತಾಲೂಕು ಮಟ್ಟದ ಪದಾಧಿಕಾರಿಗಳನ್ನು ನೇಮಿಸಿ, ಪದಾಧಿಕಾರಿಗಳು ಸಂಘಟನೆ ಹಾಗು ಸಮಾಜಮುಖಿ ಕೆಲಸಗಳನ್ನು ಮಾಡಬೇಕೆಂದು ಸೂಚಿಸಿದರು.

ದಲಿತ ಮುಖಂಡ ಚಲ್ದಿಗಾನಹಳ್ಳಿ ಮುನಿವೆಂಕಟಪ್ಪ, ರೈತ ಮುಖಂಡ ಪ್ರಭಾಕರಗೌಡ, ಗಾಂಡ್ಲಹಳ್ಳಿ ಚಲಪತಿ ಮಾತನಾಡಿದರು. ದಲಿತ ಮುಖಂಡ ಚಲ್ದಿಗಾನಹಳ್ಳಿ ಈರಪ್ಪ, ಕಟ್ಟಡ ಕಾರ್ಮಿಕರ ಸಂಘದ ಅಧ್ಯಕ್ಷ ಆನಂದ್, ತಾಲೂಕು ಅಧ್ಯಕ್ಷ ಬಂಡಪಲ್ಲಿ ಶ್ರೀನಿವಾಸ್, ತಾಲೂಕು ಪ್ರಧಾನ ಸಂಚಾಲಕ ಚೊಕ್ಕನಹಳ್ಳಿ ನಾರಾಯಣಸ್ವಾಮಿ, ಗೌರವಾಧ್ಯಕ್ಷ ಕಿರುವಾರ ಶ್ರೀರಾಮಯ್ಯ, ಉಪಾಧ್ಯಕ್ಷ ಗುಲ್ಲಕುಂಟೆ ವೆಂಕಟೇಶ್, ಸಂಘಟನಾ ಸಂಚಾಲಕ ನಾಗದೇನಹಳ್ಳಿ ಜಯರಾಮ್, ಖಜಾಂಚಿ ಕೊಡಿಚೆರವು ವೆಂಕಟೇಶ್, ಸಂಘನಾ ಕಾರ್ಯದರ್ಶಿಗಳಾದ ಬಂಡಪಲ್ಲಿ ಆಂಜಪ್ಪ, ಶಿಗೇಹಳ್ಳಿ ವೆಂಕಟರಮಣ, ಆಲವಾಟ ಮಂಜುನಾಥ್, ಬಂಡಪಲ್ಲಿ ನರೇಂದ್ರ , ವರ್ತನಹಳ್ಳಿ ಚಿನ್ನಸ್ವಾಮಿ ಇದ್ದರು.

ಶ್ರೀನಿವಾಸಪುರ : ಬೇಸಿಗೆ ಕಾಲ ಪ್ರಾರಂಭವಾದ್ದರಿಂದ ಕುಡಿಯುವ ನೀರಿನ ಸಮಸ್ಯೆಗಳನ್ನು ಪರಿಹರಿಸುವ ನಿಟ್ಟಿನಲ್ಲಿ ವಿಶೇಷ ಕಾಳಜಿ ವಹಿಸಲಾಗಿದೆ. ಎಲ್ಲಿ ಶುದ್ಧ ನೀರಿನ ಘಟಕವು ಕೆಟ್ಟುಹೋಗಿದೆಯೋ ಅವುಗಳನ್ನು ಸರಿಪಡಿಸುವ ನಿಟ್ಟಿನಲ್ಲಿ ಸರ್ಕಾರಕ್ಕೆ ಪತ್ರವನ್ನು ರವಾನಿಸಲಾಗಿದೆ. ಕುಡಿಯುವ ನೀರಿನ ಸಮಸ್ಯೆಯನ್ನು ಬಗೆಹರಿಸುವ ನಿಟ್ಟಿನಲ್ಲಿ ಟಾಸ್ಕ್ ಪೋರ್ಸ್ ಮಾಡಲಾಗಿದೆ. ಯಾವ ಗ್ರಾಮದಲ್ಲಿ ಕುಡಿಯುವ ನೀರಿನ ಸಮಸ್ಯೆಯಿದೆಯೂ ಅವುಗಳನ್ನ ಪತ್ತೆ ಹಚ್ಚಿ ತಕ್ಷಣ ಸಮಸ್ಯೆ ಬಗೆಹರಿಸುವ ನಿಟ್ಟಿನಲ್ಲಿ ಕ್ರಮಕೈಗೊಳ್ಳಲಾಗಿದೆ ಎಂದು ಶಾಸಕ ಜಿ.ಕೆ.ವೆಂಕಟಶಿವಾರೆಡ್ಡಿ ತಿಳಿಸಿದರು.
ಪಟ್ಟಣದ ಹೊರವಲಯದ ಹೊಗಳಗೆರೆ ಮಾವು ಸಂಶೋದನಾ ಕೇಂದ್ರದಲ್ಲಿ ಸೋಮವಾರ ತಾಲೂಕು ಮಟ್ಟದ ಅಧಿಕಾರಿಗಳ ಹಾಗು ಗ್ರಾ.ಪಂ ಪಿಡಿಒಗಳ ಕೆಡಿಪಿ ಸಭೆಯಲ್ಲಿ ಮಾತನಾಡಿದರು.
ಗೌನಿಪಲ್ಲಿಗೆ ಸಂಬಂದಿಸಿದಂತೆ 15 ಕಿಮೀ ದೂರವನ್ನ ಸುಮಾರು 20 ಕೋಟಿ ವೆಚ್ಚದಲ್ಲಿ ಕಾಮಗಾರಿ ನಡೆಯಲಿದ್ದು , ಒಂದು ವಾರದಲ್ಲಿ ಕಾಮಗಾರಿ ಪ್ರಾರಂಭವಾಗುವುದು.ಕೋಲಾರ -ಶ್ರೀನಿವಾಸಪುರ ರಸ್ತೆಯು 10 ಕೋಟಿ ವೆಚ್ಚದಲ್ಲಿ ರಸ್ತೆ ಅಗಲೀಕರಣಕ್ಕೆ ಸಂಬಂದಿಸದಂತೆ ಕಾಮಗಾರಿ 15 ದಿನಗಳಲ್ಲಿ ಪ್ರಾರಂಭವಾಗುವುದು. ಈಗಾಗಲೇ ಗ್ರಾಮೀಣ ಭಾಗದ ರಸ್ತೆಗಳ ಕಾಮಗಾರಿಗಳು ಪ್ರಾರಂಭವಾಗಿದ್ದು , ಇನ್ನು ಎಂಎಲ್‍ಎ ಅನುದಾನ ಬಿಡುಗಡೆಯಾಗಿಲ್ಲ . ಅನುದಾನ ಬಿಡುಗಡೆಯಾದ ತಕ್ಷಣ ಗ್ರಾಮೀಣ ಭಾಗದಲ್ಲಿ ರಸ್ತೆಗಳು ನಿರ್ಮಾಣವಾಗುವುದು. ಇದಕ್ಕೆ ಸಂಬಂದಿದಂತೆ ಅಧಿಕಾರಿಗಳಿಗೆ ಸೂಚನೆ ನೀಡಿದ್ದೇನೆ.
ಮಾವು ಮಾರುಕಟ್ಟೆಯು ಪ್ರಾರಂಭವಾಗಿದ್ದು, ಎಪಿಎಂಸಿ ಮಾರುಕಟ್ಟೆಯಲ್ಲಿ ಸ್ವಚ್ಚತೆ ಕಾಪಾಡಲು ಬೇಕಾದ ವ್ಯವಸ್ಥೆ ಮಾಡುವಂತೆ ಕಾರ್ಯದರ್ಶಿಗೆ ಸೂಚಿಸಲಾಗಿದೆ. ಪಿಡಬ್ಲ್ಯುಡಿ ಇಲಾಖೆ ಅಧಿಕಾರಿಗಳಿಗೆ ರಸ್ತೆಗಳ ಕಾಮಗಾರಿಗಳನ್ನು ಗುಣಮಟ್ಟ ಕಾಪಾಡಲು ಸೂಚಿಸಲಾಗಿದೆ. ತಾಲೂಕಿಗೆ ಸಂಬಂದಿಸಿದಂತೆ ಕೆಲ ರಸ್ತೆಗಳ ಟೆಂಡರ್ ಪ್ರಕ್ರಿಯೆಗಳು ಗುತ್ತಿಗೆದಾರಾರು ವಾಪಸ್ಸು ಪಡೆದಿದ್ದು, ಗುತ್ತಿಗೆದಾರರ ಮನವೊಳಿಸಿ ಪುನಃ ಕಾಮಗಾರಿಗಳನ್ನು ಅತಿ ಶೀಘ್ರವಾಗಿ ಪ್ರಾರಂಭಿಸಲಾಗುವುದು.

2026 ರ ವೇಳೆಗೆ ಜೆಜೆಎಂ ಯೋಜನೆ ಪೂರ್ಣಗೊಳ್ಳುವುದರಿಂದ ಅಧಿಕಾರಿಗಳು ಗುತ್ತಿಗೆದಾರಿಗೆ ಸೂಚನೆ ನೀಡಿ ಕಾಮಗಾರಿಯನ್ನು ಗುಣಮಟ್ಟವನ್ನು ಕಾಪಾಡುವುದರ ಜೊತೆಗೆ ಕಾಮಗಾರಿಯನ್ನು ಪೂರ್ಣಗೊಳಿಸಲು ವ್ಯವಸ್ಥೆ ಮಾಡುವಂತೆ ಆದೇಶಸಿದರು. ಅಲ್ಲದೆ ತಹಶೀಲ್ದಾರ್ ಕಚೇರಿಗೆ ಬರುವ ಸಾರ್ವಜನಿಕರ ಕೆಲಸವನ್ನು ಕಾನೂನು ರೀತ್ಯ ಇದ್ದರೆ ತಕ್ಷಣ ಮಾಡಿಕೊಡಬೇಕು ಎಂದು ಅಧಿಕಾರಿಗಳಿಗೆ ಸೂಚನೆ ನೀಡಿದರು. ತಹಶೀಲ್ದಾರ್ ಜಿ.ಎನ್.ಸುದೀಂದ್ರ, ಇಒ ಎಸ್.ಶಿವಕುಮಾರಿ ಹಾಗೂ ವಿವಿಧ ಇಲಾಖೆಯ ಸಹಾಯಕ ನಿರ್ದೇಶಕರು, ತಾಲೂಕಿನ ಗ್ರಾ.ಪಂ ಪಿಡಿಒರವರು ಹಾಜರಿದ್ದರು.

ಕುಂದೇಶ್ವರ ದೇವಸ್ಥಾನದಲ್ಲಿ ವಿಶೇಷ ಪೂಜೆ:

“ಆಪರೇಷನ್ ಸಿಂದೂರ” ಸೇನಾ ಕಾರ್ಯಾಚರಣೆಯ ಯಶಸ್ಸು ಮತ್ತು ಯೋಧರಿಗೆ ಒಳಿತನ್ನು ಕೋರಿ ಮುಜರಾಯಿ ಇಲಾಖೆ ಆದೇಶದ ಮೇರೆಗೆ ವಿಶೇಷ ಪೂಜೆಯನ್ನು ಕುಂದಾಪುರದ ಕುಂದೇಶ್ವರ ದೇವಸ್ಥಾನದಲ್ಲಿ ಪಂಚಾಮೃತ , ಮಂಗಳಾರತಿ ಮತ್ತು ಸಾಮೂಹಿಕ ಪ್ರಾರ್ಥನೆಯಿಂದ ನಡೆಸಲಾಯಿತು.

ಈ ಸಂದರ್ಭದಲ್ಲಿ ದೇವಸ್ಥಾನ ವ್ಯವಸ್ಥಾಪನ ಸಮಿತಿಯ ಅಧ್ಯಕ್ಷರಾದ ವಾಸುದೇವ ಯಡಿಯಾಳ, ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷರಾದ ಹರಿಪ್ರಸಾದ್ ಶೆಟ್ಟಿ ರಾಜ್ಯ ಐಟಿ ಸೆಲ್ ಉಪಾಧ್ಯಕ್ಷರಾದ ಚಂದ್ರಶೇಖರ ಶೆಟ್ಟಿ , ಪುರಸಭಾ ಸದಸ್ಯರಾದ ಶ್ರೀಧರ್ ಶೇರಿಗಾರ್, ಅಶೋಕ್ ಸುವರ್ಣ , ವ್ಯವಸ್ಥಾಪನ ಸಮಿತಿಯ ಸದಸ್ಯರಾದ ಸತೀಶ್ ಗಾಣಿಗ , ವಿಠಲ್ ಕಾಂಚನ್ , ನಾಗರಾಜ್ ನಾಯಕ್, ದಿನೇಶ್ ಬೆಟ್ಟ , ಸೀಮಾ ಪೂಜಾರಿ , ಗಿರಿಜಾ ಮತ್ತು ಕಾಂಗ್ರೆಸ್ ಸದಸ್ಯರಾದ ಕೋಡಿ ಸುನಿಲ್ ಪೂಜಾರಿ ,ಅರುಣ್ ಪಟೇಲ್ ಇನ್ನಿತರರು ಉಪಸ್ಥಿತರಿದ್ದರು.

ಕುಂದಾಪುರ ಜಾಮೀಯಾ ದರ್ಗಾದಲ್ಲಿ ವಿಶೇಷ ಪ್ರಾರ್ಥನೆ:

ಆಪರೇಷನ್ ಸಿಂಧೂರ್ ಕಾರ್ಯಾಚರಣೆ ಯಶಸ್ವಿಗೆ , ಇಂದು ಪುರಸಭಾ ವ್ಯಾಪ್ತಿಯ ಮುಸ್ಲಿಂ ಬಾಂಧವರಿಂದ ಫೇರಿ ರಸ್ತೆಯಲ್ಲಿರುವ , ಜಾಮಿಯಾ ದರ್ಗಾದಲ್ಲಿ ವಿಶೇಷ ಪ್ರಾರ್ಥನೆಯನ್ನು ಸಲ್ಲಿಸಲಾಯಿತು.

ಈ ಸಂದರ್ಭದಲ್ಲಿ ಪುರಸಭಾ ಸದಸ್ಯರಾದ ಅಬ್ಬು ಮೊಹಮ್ಮದ್ ಅವರು ಸೈನಿಕರಿಗೆ ಶುಭವನ್ನು ಕೋರಿದರು. ನಗರ ಯೋಜನಾ ಪ್ರಾಧಿಕಾರದ ಸದಸ್ಯರಾದ ಅಲ್ಪಾಜ್, ದರ್ಗಾದ ಅಧ್ಯಕ್ಷರಾದ ಖಾಸಿಂ ಕೋಯಾ, ಕಾರ್ಯದರ್ಶಿ ತಬರೇಜ್ ಇನ್ನಿತರರು ಉಪಸ್ಥಿತರಿದ್ದರು.

ಹೋಲಿ ರೋಜರಿ ಚರ್ಚ್, ಕುಂದಾಪುರ

ಕುಂದಾಪುರ ಬ್ಲಾಕ್ , ಕ್ರೈಸ್ತ ಬಾಂಧವರಿಂದ ,ಆಪರೇಷನ್ ಸಿಂದೂರ್ ನಲ್ಲಿ ಭಾರತೀಯ ಸೇನೆಯ ಯಶಸ್ಸಿಗೆ ಮತ್ತು ಹುತಾತ್ಮ ಭಾರತೀಯರಿಗೆ ಶ್ರದ್ಧಾಂಜಲಿ ಸಲ್ಲಿಸುವ ಪ್ರಾರ್ಥನೆಯನ್ನು ,ಪವಿತ್ರ ಬಲಿದಾನಗಳ ಪೂಜೆಯೊಂದಿಗೆ , ಹೋಲಿ ರೋಜರಿ ಚರ್ಚ್ ಕುಂದಾಪುರದಲ್ಲಿ ನಡೆಸಲಾಯಿತು.

ಈ ಸಂದರ್ಭದಲ್ಲಿ ಪ್ರಧಾನ ಧರ್ಮ ಗುರುಗಳಾದ ಅತಿ ವಂದನೀಯ ಪೌಲ್ ರೇಗೊ, ಯೋಜನಾ ಪ್ರಾಧಿಕಾರದ ಅಧ್ಯಕ್ಷ ವಿನೋದ್ ಕ್ರಾಸ್ಟೋ, ಪಂಚಾಯತ್ ಸದಸ್ಯರಾದ ರೋಷನ್ ಬರೆಟ್ಟೊ, ಗ್ಯಾರಂಟಿ ಸಮಿತಿಯ ಸದಸ್ಯೆ ಆಶಾ ಕರ್ವಾಲ್ಲೊ, ಪಾಲನಾ ಮಂಡಳಿಯ ಉಪಾಧ್ಯಕ್ಷೆ ಶಾಲೆಟ್ ರೆಬೆಲ್ಲೊ, ಅಲ್ಪ ಸಂಖ್ಯಾತ ಜಿಲ್ಲಾ ಸಮಿತಿಯ ಕಾರ್ಯದರ್ಶಿ ಜೋಸೆಫ್ ರೆಬೆಲ್ಲೊ , ಕೆಥೋಲಿಕ್ ಸಭಾ ವಲಯ ಸಮಿತಿಯ ಅಧ್ಯಕ್ಷ ವಿಲ್ಸನ್ ಅಲ್ಮೇಡಾ, ಘಟಕದ ಮಾಜಿ ಅಧ್ಯಕ್ಷೆ ಶೈಲಾ ಲೂವಿಸ್, ನಿತಿನ್ ಡಿಸೋಜಾ , ಡೊಲ್ಫಿ ಡಿಕೊಸ್ಟಾ , ವೇಲಾ ಬ್ರಗಾಂಜ, ಮೇಬುಲ್ ಡಿಸೋಜಾ , ಪ್ರೇಮ ಡಿಕುನ್ಹಾ ಹಾಗೂ ಇನ್ನಿತರರು ಉಪಸ್ಥಿತರಿದ್ದರು.

ಕೋಡಿ – ಬಿಜೆಎಮ್ ಮಸೀದಿ

ಸೈನಿಕರಿಗೆ ಧೈರ್ಯ ತುಂಬಲು ಹಾಗೂ ಆಪರೇಷನ್ ಸಿಂಧೂರ್ ಯಶಸ್ವಿಗೆ ಮುಸ್ಲಿಂ ಬಾಂಧವರಿಂದ ವಿಶೇಷ ಪ್ರಾರ್ಥನೆಯನ್ನು , ಕೊಡಿ ಭಾಗದ ಬಿ ಜೆ ಎಮ್ ಮಸೀದಿಯಲ್ಲಿ ಸಲ್ಲಿಸಲಾಯಿತು.

ಈ ಸಂದರ್ಭದಲ್ಲಿ ಬ್ಲಾಕ್ ಅಲ್ಪಸಂಖ್ಯಾತ ಘಟಕದ ಅಧ್ಯಕ್ಷ ಮುನಾಫ್ ಕೊಡಿ ,ಪುರಸಭಾ ಸದಸ್ಯರಾದ ಅಬು ಮಹಮ್ಮದ್, ಹಿರಿಯರಾದ ಅಬ್ದುಲ್ಲಾ ಕೊಡಿ , ಸಹಬಾಳ್ವೆ ಸಂಚಾಲಕರಾದ ರಫೀಕ್ , ನಗರ ಯೋಜನಾ ಪ್ರಾಧಿಕಾರ ಸದಸ್ಯರಾದ ಅಲ್ಫಾಜ್ ಹಾಗೂ ಮಸೀದಿಯ ಅಧ್ಯಕ್ಷರು , ಪದಾಧಿಕಾರಿಗಳು ಮತ್ತು ಇನ್ನಿತರ ಭಕ್ತಾದಿಗಳು ಉಪಸ್ಥಿತರಿದ್ದರು.

ಮೂಡ್ಲಕಟ್ಟೆ ಕಾಲೇಜ್ ಆಫ್ ನರ್ಸಿಂಗ್ ನಲ್ಲಿ ಫ್ಲೋರೆನ್ಸ್ ನೈಟಿಂಗೇಲ್ ರವರ ಜನ್ಮ ದಿನದ ಅಂಗವಾಗಿ ವಿಶ್ವ ದಾದಿಯರ ದಿನಾಚರಣೆಯನ್ನು ಕಾಲೇಜಿನ ಸಭಾಂಗಣದಲ್ಲಿ ವಿಜೃಂಭಣೆಯಿಂದ ಆಚರಿಸಲಾಯಿತು. ದಾದಿಯರ ದಿನದ ಪ್ರಯುಕ್ತ ಬಿ ಎಸ್ ಸಿ ನರ್ಸಿಂಗ್ ವಿದ್ಯಾರ್ಥಿಗಳಿಗೆ ಬೇಸಿಕ್ ಲೈಫ್ ಸಪ್ಪೋರ್ಟ್ ಮತ್ತು ಪ್ರಥಮ ಚಿಕಿತ್ಸಾ ತರಬೇತಿಯನ್ನು ಆಯೋಜಿಸಲಾಗಿತ್ತು . ಮುಖ್ಯ ಅತಿಥಿ ಮೆಡಿಷುರ್ ಹೆಲ್ತ್ ಕೇರ್ ಅಕಾಡೆಮಿಯ ಡೈರೆಕ್ಟರ್ ಹಾಗೂ ಪ್ರಮಾಣಿತ ತರಬೇತುದಾರರಾದ ಡಾ|| ಆಸಿಫ್ ಅಶ್ರಫ್ ಕಾರ್ಯಕ್ರಮವನ್ನು ಉದ್ಘಾಟಿಸಿ ದಾದಿಯರ ದಿನಾಚರಣೆಯಂದು ದಾದಿಯರಿಗೆ ಪ್ರಾಮಾಣಿಕತೆ ಮತ್ತು ವಿನಮ್ರತೆಯು ಮುಖ್ಯ ಎಂದು ಮಾತನಾಡಿದರು. ಪ್ರಾಂಶುಪಾಲರಾದ ಪ್ರೊ. ಜೆನಿಫರ್ ಫ್ರೀಡಾ ಮನೆಜಸ್ ಸ್ವಾಗತಿಸಿದರು. ಕಾರ್ಯಕ್ರಮ ಸಲಹೆಗಾರರಾದ ಪ್ರೊ. ಚಂದ್ರಶೇಖರ್ ರವರು ದಾದಿಯರ ದಿನದ ಮಹತ್ವವನ್ನು ಸಾರಿದರು . ಉಪನ್ಯಾಸಕ ವೃಂದದವರು ಹಾಗೂ ವಿದ್ಯಾರ್ಥಿಗಳು ಉಪಸ್ಥಿತರಿದ್ದರು. ವಿದ್ಯಾರ್ಥಿನಿಯಾದ ಆಯೇಷಾ ರಫೀದ ಕಾರ್ಯಕ್ರಮ ನಿರೂಪಿಸಿ, ಉಪ ಪ್ರಾಂಶುಪಾಲರಾದ ರೂಪಶ್ರೀ ಕೆಎಸ್ ರವರು ವಂಧಿಸಿದರು.

ಕುಂದಾಪುರ, ಎ.13; ಕುಂದಾಪುರ ನಗರದ ಚಿಕ್ಕನಸಾಲು ರಸ್ತೆಯಲ್ಲಿ ಕೋಸ್ತಾ ಆಯುರ್ವೇದಿಕ್ ಕ್ಲಿನಿಕನ್ನು ಆದರ್ಶ ಆಸ್ಪತ್ರೆಯ ಎಂ.ಡಿ. ಜನರಲ್ ಮತ್ತು ಲ್ಯಾಪರೊಸ್ಕೊಪಿಕ್ ಶಸ್ತ್ರ ಚಿಕಿತ್ಸಕರಾದ ಡಾ।ಆದರ್ಶ್ ಹೆಬ್ಬಾರ್ ಉದ್ಘಾಟಿಸಿ (ಎ.11) ‘ಆಯುರ್ವೆದೀಕ್ ಡಾಕ್ಟರಾದ ಡಾ।ವಿಕ್ಟರ್ ಡಿಕೋಸ್ತಾ,  ನಮ್ಮ ಆದರ್ಶ ಆಸ್ಪತ್ರೆಯಲ್ಲಿ ಸೇವಾ ನಿರತರಾಗಿದ್ದಾರೆ, ಇಂದು ಅವರು ಅರೆಕಾಲಿಕ ಕ್ಲಿನಿಕನ್ನು ಆರಂಭಿಸಿದ್ದಾರೆ, ಇವರು ತುಂಬ ಉತ್ತಮ ವೈದ್ಯರು, ವೈದ್ಯ ಇವರು ಸಾಧಿಸುವುದು ಇನ್ನೂ ಬಹಳಷ್ಟಿದೆ, ವೈದ್ಯ ವ್ರತ್ತಿಯಲ್ಲಿ ಹೆಜ್ಜೆ ಹೆಜ್ಜೆಗೂ ಕಲಿಯುವುದು ಬಹಳಶಸ್ಟು ಕಲಿಯುವುದಿದೆ. ವೈದ್ಯ ಮನುಷ್ಯರ ಆಯುಷ್ಯವನ್ನು ಹೆಚ್ಚಿಸಬಹುದಸ್ಟೇ, ಸಾವನ್ನು ತಪ್ಪಿಸಲಿಕ್ಕೆ ಆಗುವುದಿಲ್ಲ, ಸಾವು ನಿಶ್ಚಿತ, ಆದರೆ ವೈದ್ಯರು ಉತ್ತಮ ಸೇವೆ ನೀಡಿ ರೋಗಗಳನ್ನು ಗುಣ ಪಡಿಸಬಹುದು,  ನಮ್ಮ   ಆದರ್ಶ ಆಸ್ಪತ್ರೆಯಲ್ಲಿ ಉತ್ತಮವಾಗಿ ಸೇವೆ ನೀಡುತ್ತೀರುವ  ವಿಕ್ಟರ್ ಡಿಕೋಸ್ತಾ, ಕ್ಲಿನಿಕನ್ನು ಆರಂಭಿಸಿ ಇದನ್ನು ಇಲ್ಲಿಯೇ ನಿಲ್ಲಿಸಬಾರದು, ಮುಂದೆ ಅವರ ಗುರಿ ದೊಡ್ಡದಾಗಿರಬೇಕು” ಎಂದು ಶುಭ ಹಾರೈಸಿದರು.

     ಕ್ಲಿನಿಕನ್ನು ಆಶೀರ್ವದಿಸಿದ, ವಲಯ ಪ್ರಧಾನ ಧರ್ಮಗುರು, ರೋಜರಿ ಮಾತಾ ಚರ್ಚಿನ ಧರ್ಮಗುರು ಅ।ವಂ।ಪೌಲ್ ರೇಗೊ, “ನವ ಯುವಕ ಕ್ಲಿನಿಕ್ ತೆರೆದು ಸಮಾಜಕ್ಕೆ ಸೇವೆ ನೀಡಲು ಮುಂದಾಗಿರುದು ಬಹಳ ಸಂತೋಷದ ವಿಚಾರ, ಅವರು ಸೇವೆ ನೀಡುವಾಗ ಪ್ರಮಾಣಿಕ, ಉತ್ತಮ ಸೇವೆ ನೀಡಬೇಕು, ಬಡವರ ಮೇಲೆ ಕಾಳಜಿ ಹೊತ್ತು, ಸಮಾಜಕ್ಕೆ ಆದರ್ಶ ಎಂಬಂತೆ ಸೇವೆ ನೀಡಬೇಕು, ಉತ್ತಮ ವೈದ್ಯರೆಂದು ಸಮಾಜದಲ್ಲಿ ಗುರುತಿಸಿಕೊಳ್ಳಬೇಕು ಎಂದು ಆಶಿರ್ವವಚನ ನೀಡಿ ಅವರು, ಪವಿತ್ರ ಜಲದಿಂದ ಕ್ಲಿನಿಕನ್ನು ಆಶಿರ್ವದಿಸಿದರು.

    ವೇದಿಕೆಯಲ್ಲಿ ಪ್ರಸೂತಿ ಮತ್ತು ಸ್ತ್ರೀರೋಗ ತಜ್ಞೆ ಡಾಕ್ಟರ್ || ಮಧು ಮಯೂರಿ, ವಿಕ್ಟರ್ ಡಿಕೋಸ್ತಾ ಇವರ ಮಾತಾ ಪಿತರಾದ ವಿಜಯ ಡಿಕೋಸ್ತಾ, ಶರ್ಮಿಳಾ ಡಿಕೋಸ್ತಾ ಉಪಸ್ಥಿತರಿದ್ದರು.

    ಕೋಸ್ತಾ ಕಿಲ್ನಿಕ್ ಇದರ ಮಾಲೀಕರಾದ ಡಾ।ವಿಕ್ಟರ್ ಡಿಕೋಸ್ತಾ ಸ್ವಾಗತಿಸಿದರು. ಎಂ.ಬಿ.ಬಿ.ಎಸ್ ಫೈನಲ್ ಪರೀಕ್ಷೆ ಬರೆದಿರುವ ಡಾ।ವಿಕ್ಟರ್ ಅವರ ಸಹೋದರ ಶರ್ವಿನ್ ವಿಶಾಲ್ ಡಿಕೋಸ್ತಾ, ಪುಷ್ಪ ನೀಡಿ ಸ್ವಾಗತಿಸಿದರು. ವಿಜಯ್ ಡಿಕೋಸ್ತಾ ವಂದಿಸಿದರು. ಸಾಹಿತಿ, ಪತ್ರಕರ್ತ, ವಾಳೆಯ ಗುರಿಕಾರರಾದ ಬರ್ನಾಡ್ ಡಿಕೋಸ್ತಾ ನಿರೂಪಿಸಿದರು.

ಬೆಥನಿ ಮದರ್ ಹೌಸ್, ಬೆಂದೂರ್: ಏಪ್ರಿಲ್ 27 ರಿಂದ ಮೇ 12, 2025 ರವರೆಗೆ ನಡೆದ ಹದಿನೈದು ದಿನಗಳ ಅರ್ಥಪೂರ್ಣ ನವೀಕರಣ ಕಾರ್ಯಕ್ರಮದ ಮೂಲಕ 10 ಸಹೋದರಿಯರು ತಮ್ಮ ಧಾರ್ಮಿಕ ಜೀವನದ ಸುವರ್ಣ ಮಹೋತ್ಸವವನ್ನು ಆಚರಿಸಿದಾಗ ಬೆಥನಿಯ ಲಿಟಲ್ ಫ್ಲವರ್‌ನ ಸಹೋದರಿಯರ ಸಭೆಯು ಕೃತಜ್ಞತೆ ಮತ್ತು ಸಂತೋಷದ ಮನೋಭಾವದಲ್ಲಿ ಮುಳುಗಿತು. ದೇವರು ಮತ್ತು ಸಭೆಗೆ 50 ವರ್ಷಗಳ ಸಮರ್ಪಿತ ಸೇವೆಯನ್ನು ಆನಂದಿಸಲು ಜಯಂತಿಗಳು ಒಟ್ಟುಗೂಡಿದಾಗ ಈ ಪವಿತ್ರ ಸಭೆಯು ಅನುಗ್ರಹ, ಪ್ರತಿಬಿಂಬ ಮತ್ತು ಆಧ್ಯಾತ್ಮಿಕ ಆಳದ ಕ್ಷಣವಾಗಿತ್ತು.

ಭಾಗವಹಿಸುವವರ ಮನಸ್ಸು ಮತ್ತು ಹೃದಯಗಳನ್ನು ಪುನರುಜ್ಜೀವನಗೊಳಿಸಲು ನವೀಕರಣ ಕಾರ್ಯಕ್ರಮವನ್ನು ಎಚ್ಚರಿಕೆಯಿಂದ ವಿನ್ಯಾಸಗೊಳಿಸಲಾಗಿದೆ. ಇದು ಡಾ. ಲವೀನಾ ಅವರಿಂದ ಸಮಗ್ರ ಆರೋಗ್ಯ ಮತ್ತು ವೃದ್ಧಾಪ್ಯ, ಶ್ರೀ ಲಿಲ್ಲಿಸ್ ಬಿಎಸ್ ಅವರಿಂದ ಆಧ್ಯಾತ್ಮಿಕ ಏಕೀಕರಣ ಮತ್ತು ಆಂತರಿಕ ಬೆಳವಣಿಗೆ ಮತ್ತು ಶ್ರೀ ಮರಿಯೆಟ್ ಬಿಎಸ್ ಅವರಿಂದ ಪಾಸ್ಚಲ್ ರಹಸ್ಯ ಮತ್ತು ಬೆಥನಿಯ ವರ್ಚಸ್ಸಿನ ಕುರಿತು ಪ್ರಬಲ ಪ್ರತಿಬಿಂಬವನ್ನು ಒಳಗೊಂಡಿತ್ತು. ಈ ಕಾರ್ಯಕ್ರಮದಲ್ಲಿ ರೋಸಾ ಮಿಸ್ಟಿಕಾ ದೇಗುಲಕ್ಕೆ ಪ್ರಾರ್ಥನಾಪೂರ್ವಕ ತೀರ್ಥಯಾತ್ರೆ ಮತ್ತು ಫಾದರ್ ಬಿಜು ಸೆಬಾಸ್ಟಿಯನ್ ಒಪಿ ನೇತೃತ್ವದ 7 ದಿನಗಳ ನವೀಕರಣ ಹಿಮ್ಮೆಟ್ಟುವಿಕೆ ಕೂಡ ಸೇರಿತ್ತು, ಇದು ಜಯಂತಿಗಳಿಗೆ ದೇವರೊಂದಿಗೆ ಆಳವಾದ ಸಂಪರ್ಕಕ್ಕಾಗಿ ಸ್ಥಳವನ್ನು ನೀಡಿತು.

ಈ ಆಚರಣೆಯು ಮೇ 12, 2025 ರಂದು ತನ್ನ ಆಧ್ಯಾತ್ಮಿಕ ಶಿಖರವನ್ನು ತಲುಪಿತು, ಕಣ್ಣೂರಿನ ಬಿಷಪ್ ಅತಿ ವಂದನೀಯ ಡಾ. ಅಲೆಕ್ಸ್ ವಡಕುಮ್ಥಲ ಅವರ ಅಧ್ಯಕ್ಷತೆಯಲ್ಲಿ ನಡೆದ ಗಂಭೀರವಾದ ಯೂಕರಿಸ್ಟಿಕ್ ಆಚರಣೆಯನ್ನು, ಜಯಂತಿ ಆಚರಣೆಯ ಸಂಬಂಧಿಕರಾದ ಫಾದರ್ ಸುದೀಪ್ ಪಾಲ್ ಮತ್ತು ಫಾದರ್ ರೊನಾಲ್ಡ್ ಡಿಸೋಜಾ ಅವರು ಆಚರಿಸಿದರು. ಇದು ಏಕತೆ ಮತ್ತು ಅನುಗ್ರಹದ ಆಚರಣೆಯಾಗಿತ್ತು. ಬಿಷಪ್ ತಮ್ಮ ಧರ್ಮೋಪದೇಶದಲ್ಲಿ, ಧಾರ್ಮಿಕ ಜೀವನವು ನಿಜವಾದ ಸಂತೋಷ ಮತ್ತು ತೃಪ್ತಿಯನ್ನು ಹುಡುಕಬಹುದಾದ ಸ್ಥಳವಾಗಿದೆ ಎಂದು ಬಲಪಡಿಸಿದರು.

ಯೂಕರಿಸ್ಟಿಕ್ ಆಚರಣೆಯ ನಂತರ ಸನ್ಮಾನ ಕಾರ್ಯಕ್ರಮವು ನಡೆಯಿತು, ಈ ಸಮಯದಲ್ಲಿ ಸುಪೀರಿಯರ್ ಜನರಲ್ ಶ್ರೀ ರೋಸ್ ಸೆಲಿನ್ ಅವರು ವಿವಿಧ ಸ್ಥಳಗಳು ಮತ್ತು ಸಂಸ್ಕೃತಿಗಳಲ್ಲಿ ಚರ್ಚ್‌ನ ಧ್ಯೇಯಕ್ಕಾಗಿ ಜಯಂತಿ ಆಚರಣೆಯ ಮಹತ್ವದ ಕೊಡುಗೆಯನ್ನು ದಾಖಲಿಸಿದರು. ಅವರು ತಮ್ಮ ಭಾಷಣದಲ್ಲಿ ಸಂಸ್ಥಾಪಕ ಮತ್ತು ಸಂಸ್ಥೆಯ ವರ್ಚಸ್ಸು ಮತ್ತು ಮನೋಭಾವವನ್ನು ತಮ್ಮ ಹೃದಯದಲ್ಲಿ ಹೆಚ್ಚಿನ ಪ್ರೀತಿಯಿಂದ ಬದುಕಿದ್ದಾರೆ ಎಂದು ಹೇಳಿದರು. ಅವರ ಮೂಲಕ ಬೆಥನಿಯನ್ನು ಚರ್ಚ್‌ನಲ್ಲಿ ಪ್ರಸ್ತುತವಾಗಿಸಲಾಗಿದೆ.

ಪ್ರತಿಯೊಬ್ಬ ಸಹೋದರಿಯನ್ನು ಹೂವಿನ ಹಾರ, ಉಲ್ಲೇಖ ಮತ್ತು ಪ್ರೀತಿಯ ಸಂಕೇತದೊಂದಿಗೆ ಗೌರವಿಸಲಾಯಿತು, ಅವರ ಐವತ್ತು ವರ್ಷಗಳ ನಿಷ್ಠಾವಂತ ಬದ್ಧತೆಯನ್ನು ಗುರುತಿಸಲಾಯಿತು. ಸೀನಿಯರ್ ರೋಸ್ ಸೆಲೀನ್ ಅವರು ಯೂಕರಿಸ್ಟಿಕ್ ಲಾರ್ಡ್ ಮತ್ತು ಪೂಜ್ಯ ತಾಯಿ ಮೇರಿಯ ಮೇಲಿನ ಭಕ್ತಿಯಲ್ಲಿ ಆಳವಾಗಿ ಬೆಳೆಯಲು ಅವರನ್ನು ಕರೆದರು.

ಜೂಬಿಲಿ ಕೇಕ್ ಅನ್ನು ಸಂತೋಷದಿಂದ ಕತ್ತರಿಸಿ, ಶುಭಾಶಯ ಗೀತೆಯನ್ನು ಹಾಡುವುದರೊಂದಿಗೆ ಹಬ್ಬಗಳು ಮುಕ್ತಾಯಗೊಂಡವು. ಇಡೀ ಬೆಥನಿ ಕುಟುಂಬವು ಈ ಮಹತ್ವದ ಮೈಲಿಗಲ್ಲನ್ನು ಆಚರಿಸಲು ಉತ್ಸಾಹ ಮತ್ತು ಉಪಸ್ಥಿತಿಯಲ್ಲಿ ಸೇರಿಕೊಂಡು, ಸುವರ್ಣಜೂಬಿಲಿಯನ್ನರು ಬದುಕಿದ ಸಮರ್ಪಣೆ, ಪ್ರೀತಿ ಮತ್ತು ಸೇವೆಯ ಜೀವನಕ್ಕೆ ಧನ್ಯವಾದಗಳನ್ನು ಅರ್ಪಿಸಿತು.

Golden Jubilee Radiance at Bethany Mother House – 2025

Bethany Mother House, Bendur: The Congregation of the Sisters of the Little Flower of Bethany was immersed in a spirit of thanksgiving and joy as 10 sisters marked their Golden Jubilee of religious life through a meaningful fifteen-day renewal programme held from April 27 to May 12, 2025. This sacred gathering was a moment of grace, reflection, and spiritual deepening as the jubilarians came together to rejoice for the 50 years of devoted service to God and the congregation.

The renewal programme was carefully designed to rejuvenate the minds and hearts of the participants. It featured sessions on holistic health and aging gracefully by Dr Laveena, spiritual integration and inner growth by Sr Lillis BS, and a powerful reflection on the Paschal Mystery and the charism of Bethany by Sr Mariette BS. The programme also included a prayerful pilgrimage to the Rosa Mystica Shrine and a 7 days renewal retreat led by Fr Biju Sebastian OP, offering the jubilarians a space for deeper communion with God.

The celebration reached its spiritual summit on May 12, 2025, with a solemn Eucharistic celebration presided over by Most Rev. Dr Alex Vadakumthala , Bishop of Kannur, concelebrated by Fr Sudeep Paul and Fr Ronald D’souza, relatives of the jubilarians. It was a celebration of unity and grace. In his homily, the Bishop reinforced that religious life is the place where one can look for true joy and satisfaction.

The felicitation programme followed the Eucharistic celebration during which Sr Rose Celine the Superior General, placed on record the significant contribution of the jubilarians for the mission of the church in diverse places and cultures. She said in her address that they have lived the charism and spirit of the Founder and the Institute with much love in their heart. Through them Bethany has been made relevant in the church.

Each sister was honored with a floral garland, a citation, and a token of love, acknowledging their fifty years of faithful commitment. Sr. Rose Celine called them to grow deeper in their devotion to the Eucharistic Lord and Blessed Mother Mary.

The festivities concluded with the joyful cutting of the jubilee cake, the singing of greeting song. The entire Bethany family joined in spirit and presence to celebrate this significant milestone, giving thanks for the lives of dedication, love, and service lived out by the golden jubilarians.

By Sr Renita Rego B.S Bethany Mother House.