Author: Jananudi News Network

ಕುಂದಾಪುರ: ಶಾಲೆಯಲ್ಲಿ ವಿದ್ಯಾರ್ಥಿಗಳಿಗೆ ಪ್ರಜಾಪ್ರಭುತ್ವ ಸಂಸದೀಯ ವ್ಯವಸ್ಥೆಯ ಅರಿವು ಮೂಡಿಸುವುವ ಕಾರ್ಯ ನಡೆಸಬೇಕು. ಆಗ ವಿದ್ಯಾರ್ಥಿಗಳು ಮನೆಯಲ್ಲಿ ತಮ್ಮ ಪೋಷಕರಿಗೆ ಚುನಾವಣೆಯ ಅರಿವು ಮೂಡಿಸಿ ಕಡ್ಡಾಯ ಮತದಾನ ನಡೆಯುವ ನಿಟ್ಟಿನಲ್ಲಿ ಕಾರ್ಯ ನಿರ್ವಹಿಸುತ್ತಾರೆ ಎಂದು ಜಿಲ್ಲಾ ಉತ್ತಮ ಶಿಕ್ಷಕ ಪ್ರಶಸ್ತಿ ಪುರಸ್ಕøತ ನಿವೃತ್ತ ಮುಖ್ಯ ಶಿಕ್ಷಕ ಗಣೇಶ್ ಚೆಲ್ಲೆಮಕ್ಕಿ ಹೇಳಿದರು.
ಅವರು ಶನಿವಾರ ಕುಂದಾಪುರ ಸೈಂಟ್ ಮೇರಿಸ್ ಪ್ರೌಢಶಾಲೆಯ ಶಾಲಾ ವಿದ್ಯಾರ್ಥಿ ಸಂಸತ್ತು ಉದ್ಘಾಟಿಸಿ ಮಾತನಾಡಿದರು. ಪ್ರಜಾಪ್ರಭುತ್ವದಲ್ಲಿ ನಾಯಕತ್ವ ಗುಣ ಬೆಳೆಸುವುದು ಶಿಕ್ಷಣದ ಮೂಲ ಉದ್ದೇಶ. ವಿದ್ಯಾರ್ಥಿಗಳು ಒಳ್ಳೆಯ ನಾಯಕತ್ವ ಗುಣಗಳನ್ನು ಬೆಳೆಸಿಕೊಂಡಾಗ ಮುಂದೆ ಸಮಾಜದಲ್ಲಿ ಗುರುತಿಸಿಕೊಳ್ಳತ್ತಾನೆ ಎಂದರು.
ಸಮಾರಂಭದ ಅಧ್ಯಕ್ಷತೆಯನ್ನು ಶಾಲಾ ಸಂಚಾಲಕರು, ಕುಂದಾಪುರ ವಲಯದ ಧರ್ಮಗುರುಗಳಾದ ಅತೀ ವಂ.ಫಾ.ಫೌಲ್ ರೇಗೋ ವಹಿಸಿದ್ದರು. ಶಾಲಾ ಸರಕಾರದ ರಾಜ್ಯಪಾಲೆ, ಮುಖ್ಯ ಶಿಕ್ಷಕಿ ಅಸುಂತಾ ಲೋಬೋ ಪ್ರತಿಜ್ಞಾವಿಧಿ ಬೇಧಿಸಿದರು.ಶಾಲಾ ಸಂಸತ್ತು ಸಭಾಪತಿ ಕು.ವೀಣಾ ಎಸ್ ಸಚಿವರ ಕರ್ತವ್ಯ, ಕಾರ್ಯದರ್ಶಿ ಸೌಮ್ಯ ನೂತನ ಸಚಿವರ ಪಟ್ಟಿ ವಾಚಿಸಿದರು. ಶಾಲಾ ಸರಕಾರದ ಉಪ ಮುಖ್ಯಮಂತ್ರಿ ಚರಣ ಸ್ವಾಗತಿಸಿದರು. ಮುಖ್ಯಮಂತ್ರಿ ದೃಶ್ಯ ಶಾಲಾ ಸರಕಾರದ ಕಾರ್ಯಕ್ರಮದ ಕುರಿತು ಮಾತನಾಡಿದರು.ವಿರೋಧ ಪಕ್ಷದ ನಾಯಕಿ ಸಾನ್ವಿ ವಂದಿಸಿದರು.ಶಾಲಾ ಸರಕಾರದ ಮಾರ್ಗದರ್ಶಿ ಶಿಕ್ಷಕ ಚಂದ್ರಶೇಖರ ಬೀಜಾಡಿ ಕಾರ್ಯಕ್ರಮ ನಿರೂಪಿಸಿದರು.

ಕುಂದಾಪುರ, ಜೂ. 30; ಕಥೊಲಿಕ್ ಸಭಾ ಕುಂದಾಪುರ ಘಟಕದಿಂದ ಆಯೋಜಿಸಿದ ವಲಯ ಮಟ್ಟದ ಶೆಟಲ್ ಟೂರ್ನಮೆಂಟ್ ಹಂಗಳೂರು ಆರಲ್ ಗುಡ್ಡೆ ಸಂಮೀಪದ ಕೋಸ್ಟಾ ಬ್ಯಾಡ್ಮಿಂಟನ್ ಸೆಂಟರ್ ನಲ್ಲಿ ಜೂನ್ 29 ರಂದು ನೆರವೇರಿ ಯಶಸ್ವಿ ಪೂರ್ಣ ಸಂಪನ್ನವಾಯಿತು.
ಪಂದ್ಯಾಟವನ್ನು ಉದ್ಘಾಟಿಸಿದ ನಿವೃತ್ತ ಡಿ ವೈ ಎಸ್ ಪಿ , ಖ್ಯಾತ ಬಾಡಿ ಬಿಲ್ಡರ್ , ಕರಾವಳಿ ರತ್ನ ಪ್ರಶಸ್ತಿ ಪುರಸ್ಕೃತ ವೆಲೆಂಟೈನ್ ಡಿಸೋಜಾ , ದಿನನಿತ್ಯ ಕ್ರೀಡೆಯಲ್ಲಿ ದಿನಕ್ಕೊಂದು ಗಂಟೆ ವ್ಯವಿಸುವುದರಿಂದ ಜೀವನದಲ್ಲಿ ಸವಾಲು ಎದುರಿಸಲು ಸ್ಪೂರ್ತಿ ಸಿಗುತ್ತದೆ ಎಂದರು.
ಪುರುಷ ಮತ್ತು ಮಹಿಳೆಯರಿಗೆ ವಿವಿಧ ವಿಭಾಗದಲ್ಲಿ ಪ್ರಶಸ್ತಿಯನ್ನು ವಿತರಿಸಿದ , ಸೈಂಟ್ ಪಿಯುಸ್ ಚರ್ಚಿನ ಧರ್ಮಗುರುಗಳಾದ ವಂ।ಆಲ್ಬರ್ಟ್ ಕ್ರಾಸ್ತಾ , ತಾನು ದಿನನಿತ್ಯ ಕೋಸ್ಟಾ ಬ್ಯಾಡ್ಮಿಂಟನ್ ಸೆಂಟರಲ್ಲಿ ಆಡುತ್ತಿದ್ದು , ರಾಷ್ಟ್ರೀಯ ಗುಣಮಟ್ಟದ ಬ್ಯಾಡ್ಮಿಂಟನ್ ಸೆಂಟರ್ ಇದಾಗಿದ್ದು ,ಉತ್ತಮ ಕೋಚಿಂಗ್ ವ್ಯವಸ್ಥೆಗಳು ಇದ್ದು , ಕ್ರೀಡಾ ಆಸಕ್ತರು ಉತ್ತಮ ಅವಕಾಶದ ಸದುಪಯೋಗ ಮಾಡಿಕೊಳ್ಳಬೇಕು ಎಂದರು.
ಮುಖ್ಯ ಅತಿಥಿಯಾಗಿ ಆಗಮಿಸಿದ ಬೆಂಗಳೂರಿನ ಉದ್ಯಮಿ ವ್ರಂದಾ ಲೂವಿಸ್ , ಸ್ಪರ್ಧೆ ಮತ್ತು ಜೀವನದಲ್ಲಿ, ಸೋಲು- ಗೆಲುವು ಒಂದು ಅವಿಭಾಜ್ಯ ಅಂಗವಾಗಿದೆ. ಸಕಾರಾತ್ಮಕ ಕ್ರೀಡಾ ಮನೋಭಾವದಿಂದ ಜೀವನ ಉಲ್ಲಾಸದಾಯಕವಾಗುತ್ತದೆ ಎಂದರು.
ಈ ಸಂದರ್ಭದಲ್ಲಿ ಕೋಸ್ಟಾ ಬ್ಯಾಡ್ಮಿಂಟನ್ ಕೋರ್ಟಿನ ಮಾಲಕರಾದ ಅಜಿತ್ ಡಿಕೋಸ್ಟಾ ಬ್ಯಾಡ್ಮಿಂಟನ್ ಸೆಂಟರಿನ ಮೊದಲ ವರ್ಷದ ಸಂಭ್ರಮವನ್ನು, ಕುಟುಂಬ ಸಮೇತ ಕೇಕ್ ಕತ್ತರಿಸುವ ಮೂಲಕ ಆಚರಿಸಿದರು.
ಪಂದ್ಯಾಟದಲ್ಲಿ ವಿವಿಧ ವಿಭಾಗಗಳಲ್ಲಿ ಟ್ರೋಫಿಯನ್ನು ಪಡುಕೋಣೆಯ ಆರನ್ ರೆಬೆರೋ , ಎಡ್ರಿಕ್ ರೆಬೆರೋ ಮತ್ತು ಪಡುಕೋಣೆಯ ವಿಲ್ಸನ್ ಒಲಿವೇರಾ, ಕೀರ್ತಿ ಕಿರಣ್ ಡಿಸೋಜಾ, ಹಂಗಳೂರಿನ ರೂತ್ ಕ್ವಾರ್ಡಸ್, ಡೆನ್ಸಿಲ್ ಡಿಸೋಜಾ, ಕುಂದಾಪುರದ ಡೆಪೋಡಿಲ್ ಕ್ರಾಸ್ಟೊ ಮತ್ತು ರೇಷ್ಮಾ ಡಿಸೋಜಾ ಪಡೆದರೆ , ರನ್ನರ್ಸ್ ಅಪ್ ಟ್ರೋಪಿಯನ್ನು ಕುಂದಾಪುರದ ವಿನೋದ್ ಕ್ರಾಸ್ಟೊ ಮತ್ತು ಮಿಲ್ಲರ್ ಡಿಸೋಜಾ , ಬೈಂದೂರಿನ ತಿಮೋತಿ ನಜರೆತ್, ಜೋಸ್ವಾ ಫೆರ್ನಾಂಡಿಸ್ , ಕುಂದಾಪುರದ ರೀಮಾ ಅಲ್ಮೇಡಾ , ಸ್ನೇಹಾ ಹಾಗೂ ಶೈಲಾ ಅಲ್ಮೇಡಾ, ಸುವರ್ಣ ಅಲ್ಮೇಡಾ ಪಡೆದರು.
ಸಭಾ ಕಾರ್ಯಕ್ರಮದಲ್ಲಿ ಕಥೋಲಿಕ್ ಸಭಾ ವಲಯ ಅಧ್ಯಕ್ಷರಾದ ರೇಮೀ ಫೆರ್ನಾಂಡಿಸ್ ಶುಭವನ್ನು ಕೋರಿದರೂ, ವಂ। ರಾಕ್ ಡಿಕೋಸ್ಟ ಆಶೀರ್ವದಿಸಿದರು.
ಸ್ಪರ್ಧೆಗೆ ಆಗಮಿಸಿದ ಸರ್ವರನ್ನು ಕಥೋಲಿಕ್ ಸಭಾ ಕುಂದಾಪುರ ಘಟಕದ ಅಧ್ಯಕ್ಷ ವಿಲ್ಸನ್ ಅಲ್ಮೇಡಾ ಸ್ವಾಗತಿಸಿದರು, ಕಾರ್ಯಕ್ರಮ ಸಂಚಾಲಕರಾದ ಶೈಲಾ ಅಲ್ಮೇಡಾ ವಿಜೇತರ ಪಟ್ಟಿಯನ್ನು ವಾಚಿಸಿದರು , ಕಾರ್ಯದರ್ಶಿ ಶಾಂತಿ ಪಿಂಟೊ ವಂದಿಸಿದರು, ಕಾರ್ಯಕ್ರಮದ ಇನ್ನೊರ್ವ ಸಂಚಾಲಕರದ ವಿನೋದ್ ಕ್ರಾಸ್ಟೊ ನಿರೂಪಿಸಿದರು.

ಶಿರೂರು : ಇಲ್ಲಿನ ಜ್ಞಾನದಾ ಶೈಕ್ಷಣಿಕ ಸಂಸ್ಥೆಯಲ್ಲಿ ಅಂತಾರಾಷ್ಟ್ರೀಯ ಮಾದಕ ವಸ್ತು ವಿರೋಧಿ ದಿನ ಪ್ರಯುಕ್ತ ನಶಾ ಮುಕ್ತ ಭಾರತ್ ಅಭಿಯಾನದಡಿ ಎಲ್ಲರೂ ಪ್ರತಿಜ್ಞಾ ವಿಧಿ ಸ್ವೀಕರಿಸಿದರು ಅಮಲು ಭರಿಸುವ ಮಾದಕ ವಸ್ತುಗಳ ಸೇವನೆಯಿಂದ ಮನುಷ್ಯ ಅನೇಕ ದೈಹಿಕ ಹಾಗೂ ಮಾನಸಿಕ ಕಾಯಿಲೆಗಳಿಗೆ ಒಳಗಾಗಿ ತನ್ನ ಜೀವವನ್ನು ಕಳೆದುಕೊಳ್ಳುತ್ತಿದ್ದಾನೆ ಮುಂದಿನ ಭಾವಿ ಪ್ರಜೆಗಳಾದ ನೀವೆಲ್ಲರೂ ಸದ್ಗುಣ, ಸಚ್ಚಾರಿತ್ರ್ಯ ತಮ್ಮ ಜೀವನದಲ್ಲಿ ಅಳವಡಿಸಿಕೊಂಡು ದುಶ್ಚಟಗಳಿಂದ ದೂರವಿದ್ದು ಮಾದಕ ವ್ಯಸನ ಮುಕ್ತ ಸಮಾಜ ನಿರ್ಮಾಣದಲ್ಲಿ ಪಾತ್ರ ವಹಿಸಿ ಓದಿನ ಕಡೆಗೆ ಹೆಚ್ಚಿನ ಆಸಕ್ತಿ ತೋರಬೇಕು ಆಗ ಮಾತ್ರ ಸಮಾಜದಲ್ಲಿ ಉತ್ತಮ ಪ್ರಜೆಯಾಗಿ ರೂಪುಗೊಳ್ಳಲು ಸಾಧ್ಯ ಎಂದು ಸಂಸ್ಥೆಯ ಪ್ರಾಂಶುಪಾಲರಾದ ಡಾI ರವಿದಾಸ್ ಶೆಟ್ಟಿ ವಿದ್ಯಾರ್ಥಿಗಳಿಗೆ ತಿಳಿವಳಿಕೆ ನೀಡಿದರು
ಕಾರ್ಯಕ್ರಮದಲ್ಲಿ ವಿದ್ಯಾರ್ಥಿಗಳು ಬೋಧಕ ಮತ್ತು ಬೋಧಕೇತರ ಸಿಬ್ಬಂದಿಗಳು ಉಪಸ್ಥಿತರಿದ್ದರು.

ಕಥೊಲಿಕ್ ಸಭಾ ಮಂಗ್ಳುರ್ ಪ್ರದೇಶ್ (ರಿ.) ಸಂತ ಜೋಸೆಫ್ ವಾಜ್ ದಕ್ಷಿಣ ವಲಯದ ನೇತೃತ್ವ ದಲ್ಲಿ ಕಥೊಲಿಕ್ ಸಭಾ ಮುಡಿಪು ಘಟಕ ಹಾಗೂ ಕರ್ನಾಟಕ ಅರಣ್ಯ ಇಲಾಖೆ ಮಂಗಳೂರು ವಲಯ ಜಂಟಿ ಆಶ್ರಯಲ್ಲಿ ಲವ್ದಾತ್ಸೊ ವನ ಮಹೋತ್ಸವ ಕಾರ್ಯಕ್ರಮ

ದಿನಾಂಕ:29-06-2025 ರಂದು ಸಂತ ಜೋಸೆಫ್ ವಾಜ್ ಪುಣ್ಯ ಕ್ಷೇತ್ರ ಮುಡಿಪು ಇಲ್ಲಿ ಕಥೊಲಿಕ್ ಸಭಾ ಮಂಗ್ಳುರ್ ಪ್ರದೇಶ್ (ರಿ.) ದಕ್ಷಿಣ ವಲಯ ಸಮಿತಿಯ ನೇತೃತ್ವದಲ್ಲಿ ಕಥೊಲಿಕ್ ಸಭಾ ಮುಡಿಪು ಚರ್ಚ್ ಘಟಕ ಹಾಗೂ ಕರ್ನಾಟಕ ಅರಣ್ಯ ಇಲಾಖೆ ವತಿಯಿಂದ ಪರಿಸರ ದಿನಾಚರಣೆಯನ್ನು ಆಚರಿಸಲಾಯಿತು.ಸಂತ ಜೋಸೆಫ್ ವಾಜ್ ಪುಣ್ಯ ಕ್ಷೇತ್ರದ ರೆಕ್ಟರ್ ಆಗಿರುವ ವಂದನೀಯ ಫಾ. ಆಸಿಸ್ಸಿ ರೆಬೆಲ್ಲೊರವರ ಆಶೀರ್ವಚನದ ನುಡಿಗಳಿಂದ ಪ್ರಾರ್ಥನೆ ಗೈದು ಶುಭ ಹಾರೈಸಿದರು. ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ವಹಿಸಿದ್ದ ಕಥೊಲಿಕ್ ಸಭಾ ಮಂಗಳೂರು ದಕ್ಷಿಣ ವಲಯದ ಅಧ್ಯಕ್ಷರಾದ ಶ್ರೀ ಡೊಲ್ಫಿ ಡಿ ಸೋಜಾರವರು ಸರ್ವರನ್ನು ಸ್ವಾಗತಿಸಿದರು, ಮುಖ್ಯ ಅತಿಥಿಗಳಾಗಿ ಭಾಗವಹಿಸಿದ್ದ ಅಖಿಲ ಭಾರತ ಕ್ರೈಸ್ತ ಒಕ್ಕೂಟದ ಅಧ್ಯಕ್ಷ ರಾಗಿರುವ ಶ್ರೀ ಆಲ್ವಿನ್ ಡಿ ಸೋಜಾ ಪನೀರ್ ರವರು ಮಾತನಾಡುತ್ತಾ ಈ ಪ್ರಕೃತಿಯ ಸಮತೋಲನ ಉಳಿಸಲು ಹಾಗೂ ನಮ್ಮ ಹಾಗೂ ನಮ್ಮ ಪೀಳಿಗೆಯ ಉಳಿವಿಗಾಗಿ ಗಿಡಮರಗಳನ್ನು ಬೆಳೆಸಿ ಪೋಷಿಸಬೇಕು,ಗಿಡಗಳನ್ನು ನೆಟ್ಟರೆ ಸಾಕಾಗುವುದಿಲ್ಲ ಅವುಗಳನ್ನು ಸಂರಕ್ಷಿಸಬೇಕು ಎಂದು ಕರೆಕೊಟ್ಟರು. ಇನ್ನೋರ್ವ ಅತಿಥಿಯಾಗಿ ಭಾಗವಹಿಸಿದ್ದ ಕೋಟೆಕಾರು ವಲಯದ ಉಪವಲಯ ಅರಣ್ಯಧಿಕಾರಿಯಾದಂತಹ ಶ್ರೀ ಮೆಹಬೂಬ ಸಾಬರವರು ಮಾತನಾಡುತ್ತಾ ಇಂದು ನೆಟ್ಟ ಗಿಡಗಳನ್ನು ಪ್ರತಿಯಬ್ಬರೂ ದತ್ತು ತೆಗೆದುಕೊಂಡು ಬೇಸಿಗೆ ಕಾಲದಲ್ಲಿ ಅದಕ್ಕೆ ನೀರು ಹಾಕಿ ಸಂರಕ್ಷಿಸಬೇಕು,ದಿನಗಳು ಹೋದಂತೆ ವಿವಿಧ ಕಾರಣಗಳಿಂದ ಮರಗಳ ಸಂಖ್ಯೆ ಕಡಿಮೆಯಾಗುತ್ತಿದೆ. ಖಾಲಿ ಜಾಗದಲ್ಲಿ ಹೆಚ್ಚು ಹೆಚ್ಚು ಗಿಡಗಳನ್ನು ನೆಟ್ಟು ಸಸ್ಯ ಸಂಕುಲ ಹೆಚ್ಚಾಗುವಂತೆ ಮುತುವರ್ಜಿ ವಹಿಸಬೇಕು ಎಂದು ಕರೆಕೊಟ್ಟರು ವೇದಿಕೆಯಲ್ಲಿ ಮುಡಿಪು ಸಂತ ಜೋಸೆಫ್ ವಾಜ್ ಚರ್ಚಿನ ಪಾಲನಾ ಪರಿಷದ್ ನ ಉಪಾಧ್ಯಕ್ಷರಾದ ಶ್ರೀ ನವೀನ್ ಡಿ ಸೋಜಾ, ಕಾರ್ಯದರ್ಶಿ ಯಾದ ಶ್ರೀ ಸಂತೋಷ್ ಡಿ ಸೋಜಾ, ಕಥೊಲಿಕ್ ಸಭಾ ಮುಡಿಪು ಘಟಕದ ಅಧ್ಯಕ್ಷರಾದ ರೋಶನ್ ಡಿ ಸೋಜಾ, ಹೋಲಿ ಫ್ಯಾಮಿಲಿ ಕಾನ್ವೆಂಟ್ ಸುಪಿರಿಯರ್ ಆದಂತಹ ಸಿಸ್ಟರ್ ಫಾತಿಮಾ,ಕಥೊಲಿಕ್ ಸಭಾ ದಕ್ಷಿಣ ವಲಯದ ಕಾರ್ಯದರ್ಶಿ ಶ್ರೀಮತಿ ಟ್ರೆಸ್ಸಿ ರೊಡ್ರಿಗಸ್ ಮೊದಲಾದವರು ಉಪಸ್ಥಿತರಿದ್ದರು.
ಸಭಾ ಕಾರ್ಯಕ್ರಮದ ನಂತರ ಗಣ್ಯ ಅತಿಥಿಗಳು ಗಿಡನೆಡುವ ಮೂಲಕ ಉದ್ಘಾಟನೆ ನಡೆಸಲಾಯಿತು, ಅನಂತರ ಕಥೊಲಿಕ್ ಸಭಾ ಸದಸ್ಯರು ಪುಣ್ಯ ಕ್ಷೇತ್ರದ ವಠಾರದಲ್ಲಿ ಅರಣ್ಯ ಇಲಾಖೆಯ ಸಹಕಾರದಿಂದ ಸುಮಾರು 300 ಗಿಡಗಳನ್ನು ನೆಟ್ಟರು.
ಫೆಲಿಕ್ಸ್ ಡಿ ಸೋಜಾರವರು ಕಾರ್ಯಕ್ರಮ ನಿರೂಪಿಸಿದರು,ಶ್ರೀಮತಿ ಟ್ರೆಸ್ಸಿ ರೊಡ್ರಿಗಸ್ ರವರು ಧನ್ಯವಾದ ಸಮರ್ಪಣೆ ಮಾಡಿದರು.

ಶ್ರೀನಿವಾಸಪುರ : ಮಗುವಿಗೆ ತಾಯಿಯ ಒಡಿಲೇ ಮೊದಲನೇ ಗುರು, ಎರಡನೇಯದು ಶಾಲೆ ಈ ಒಂದು ದೃಷ್ಟಿಯಲ್ಲಿ ಮೊದಲ ಅಕ್ಷರವನ್ನು ಕಲಿಸುವ ಉದ್ದೇಶದಿಂದ ಅಂತಹ ಮಕ್ಕಳಿಗೆ ಶಾಲೆಯಲ್ಲಿ ಅಕ್ಷರಾಭ್ಯಾಸ ಕಾರ್ಯಕ್ರಮವನ್ನು ಹಮ್ಮಿಕೊಳ್ಳಲಾಗುತ್ತಿದೆ ಎಂದು ಕೋಲಾರ ಮತ್ತು ಚಿಕ್ಕಬಳ್ಳಾಪುರ ಶಾಖಾ ಮಠದ ಮಂಗಳಾನಂದನಾಥಸ್ವಾಮಿ ಹೇಳಿದರು.
ಪಟ್ಟಣ ಹೊರವಲಯದ ಬೈರವೇಶ್ವರ ವಿದ್ಯಾನಿಕೇತ ಶಾಲೆಯಲ್ಲಿ ಸೋಮವಾರ ಜ್ಞಾನಾಂಕುರ ಕಾರ್ಯಕ್ರಮದಡಿಯಲ್ಲಿ ಎಲ್‍ಕೆಜಿ ಮಕ್ಕಳಿಗೆ ಅಕ್ಷರಾಭ್ಯಾಸ ಕಾರ್ಯಕ್ರಮಕ್ಕೆ ಚಾಲನೆ ನೀಡಿ ಮಾತನಾಡಿದರು.
ಮಕ್ಕಳಿಗೆ ಕೇವಲ ಪುಸ್ತಕದ ಅಕ್ಷರ ಕಲಿಸಿದರೆ ಸಾಲದು, ಜೊತೆಗೆ ವಿದ್ಯಾರ್ಥಿಗಳಲ್ಲಿ ಸಂಸ್ಕøತಿ, ಸಂಸ್ಕಾರ ಬೆಳಸಿದಾಗ ಮಾತ್ರ ಉತ್ತಮ ವ್ಯಕ್ತಿತ್ವ ರೂಪುಗೊಂಡು ಸಮಾಜಮುಖೀಯಾಗಿ ಬದುಕಲು ಸಾಧ್ಯ. ಪ್ರತಿಯೊಬ್ಬ ಪೋಷಕರು ತಮ್ಮ ಮಕ್ಕಳನ್ನು ಶಾಲೆಗಳಿಗೆ ಕಳುಹಿಸುವುದರ ಮೂಲಕ ಸಾಕ್ಷರನ್ನಾಗಿ ಮಾಡುವುದರ ಮೂಲಕ ದೇಶದ ಅಭಿವೃದ್ದಿಗೆ ಶ್ರಮಿಸಬೇಕು . ಸಮಾಜದಲ್ಲಿ ಪ್ರಗತಿ ಹೊಂದಬೇಕಾದರೆ ಶಿಕ್ಷಣವೇ ಮೂಲಧಾರ ಎಂದರು.
ಬಿಜಿಎಸ್ ಶಾಲಾಕಾಲೇಜುಗಳ ಆಡಳಿತಾಧಿಕಾರಿ ಎನ್.ಶಿವರಾಘವರೆಡ್ಡಿ ಮಾತನಾಡಿ ಮಗುವಿನ ಪ್ರಗತಿಗೆ ಮೊದಲನೇ ಆಧಾರ ಸ್ತಂಬ ಮಗುವಿನ ತಂದೆತಾಯಿ. ಮಗುವಿನಲ್ಲಿನ ಜ್ಞಾನವನ್ನು ಗುರ್ತಿಸುವುದು ಮಗುವಿನ ತಾಯಿ. ಮಗುವಿನ ಜ್ಞಾನವನ್ನು ಗಮನಿಸುವುದು ತಂದೆತಾಯಿ ನಂತರ ಶಾಲೆಯಲ್ಲಿನ ಶಿಕ್ಷಕ. ಮಗುವಿನಲ್ಲಿನ ಸಾಮಾಥ್ರ್ಯಕ್ಕೆ ಶಿಕ್ಷಕರೊಂದಿಗೆ ಮನೆಯಲ್ಲಿ ತಂದೆತಾಯಿ ಕೈಜೋಡಿಸಿದಾಗ ಆ ಮಗುವಿನಲ್ಲಿನ ಪ್ರಗತಿಗೆ ಕಾರಣರಾಗಬಹುದಾಗಿದೆ ಎಂದರು.
ಶ್ರೀ ಮಠ ವಿದ್ಯಾರ್ಥಿಗಳಲ್ಲಿ ಸಂಸ್ಕಾರ ಬೆಳೆಸಲು ಅನೇಕ ಕಾರ್ಯಕ್ರಮಗಳು ಪೂಜ್ಯ ಸ್ವಾಮೀಜಿಗಳ ಆಶೀರ್ವಾದಗಳೊಂದಿಗೆ ಹಮ್ಮಿಕೊಳ್ಳಲಾಗುತ್ತಿದೆ ಎಂದು ಮಾಹಿತಿ ನೀಡಿದರು .
ಡಾ|| ವೈ.ವಿ.ವೆಂಕಟಾಚಲ ಮಾತನಾಡಿ ಇಂದಿನ ಮಕ್ಕಳೇ ಮುಂದಿನ ಪ್ರಜೆಗಳು ಎನ್ನುವ ದೃಷ್ಟಿಯಲ್ಲಿ ಇಂದು ನಾವೆಲ್ಲರೂ ಸೇರಿ ಆರೋಗ್ಯವಂತ ಸಮಾಜವನ್ನು ಸೃಷ್ಟಿ ಮಾಡಬೇಕಿದೆ. ಈ ಶಾಲೆಯಲ್ಲಿನ ಮಕ್ಕಳಿಗೆ ಶಿಕ್ಷಣದೊಂದಿಗೆ ಸಂಸ್ಕಾರ, ಸಂಸ್ಕøತಿಯ ಬಗ್ಗೆ ತಿಳಿಹೇಳುತ್ತಿರುವುದು ಶ್ಲಾಘನೀಯ ವಿಚಾರ. ಪೋಷಕರು ತಮ್ಮ ಮಕ್ಕಳಿಗೆ ಶಿಕ್ಷಣದೊಂದಿಗೆ ಸಂಸ್ಕಾರ, ಸಂಸ್ಕøತಿಯ ಬಗ್ಗೆ ತಿಳಿಸಿಕೊಡುತ್ತಿರುಬೇಕು ಎಂದರು.
ಮಾಲೂರು ಶಾಲಾಕಾಲೇಜು ನಿರ್ದೇಶಕ ಬಯಣ್ಣ, ನಿರ್ದೇಶಕ ಎ.ವೆಂಕಟರೆಡ್ಡಿ, ಒಡ್ಡಿಪಲ್ಲಿ ಟಿವಿಎಸ್ ಟಮೋಟೋ ಮಂಡಿ ಮಾಲೀಕ ವೆಂಕಟರಮಣಪ್ಪ , ಪ್ರಾಂಶುಪಾಲರಾದ ಕೃಷ್ಣಮೂರ್ತಿ, ಗಂಗಾಧರ್, ವೆಂಕಟರಾಮರೆಡ್ಡಿ ಇದ್ದರು.

Milagres Church Health Camp Inauguration – Plans to hold a camp once a month

ಮಂಗಳೂರು; ಜೂನ್ 29, 2025 ರಂದು ಮಿಲಾಗ್ರೆಸ್ ಚರ್ಚ್ ಸಭಾಂಗಣದಲ್ಲಿ ಆರೋಗ್ಯ ಶಿಬಿರವನ್ನು ಉದ್ಘಾಟಿಸಲಾಯಿತು. ಈ ಶಿಬಿರವನ್ನು ಕಥೋಲಿಕ್ ಸಭಾ ಮಿಲಾಗ್ರೆಸ್ ಚರ್ಚ್, ಮಿಲಾಗ್ರೆಸ್ ಕಾಲೇಜ್ ಆಫ್ ನರ್ಸಿಂಗ್, ಸೇಂಟ್ ವಿನ್ಸೆಂಟ್ ಡಿ ಪಾಲ್ ಸೊಸೈಟಿ, ಮತ್ತು ಚರ್ಚಿನ ಆರೋಗ್ಯ ಆರೋಗ್ಯ ಇವರ ಸಹಯೋಗದಲ್ಲಿ ಆಯೋಜಿಸಲಾಯಿತು.
ಕಾರ್ಯಕ್ರಮವು ಮಿಲಾಗ್ರೆಸ್ ಕಾಲೇಜ್ ಆಫ್ ನರ್ಸಿಂಗ್ ವಿದ್ಯಾರ್ಥಿಗಳಿಂದ ಸೊಗಸಾದ ಪ್ರಾರ್ಥನೆ ಗೀತೆಯಿಂದ ಆರಂಭವಾಯಿತು.
ಮಿಸ್ಟರ್ ಡೇವಿಡ್ ಪಿರೇರ, ಕಥೊಲಿಕ್ ಸಭಾ ಮಿಲಾಗ್ರೆಸ್ ಘಟಕದ ಅಧ್ಯಕ್ಷರು, ಸಭೆ ಗಣ್ಯರನ್ನು ಆತ್ಮೀಯವಾಗಿ ಸ್ವಾಗತಿಸಿ, ಕಾರ್ಯಕ್ರಮದ ಯಶಸ್ಸಿಗಾಗಿ ಶ್ರಮಿಸಿದ ಎಲ್ಲರಿಗೂ ಕೃತಜ್ಞತೆ ಸಲ್ಲಿಸಿದರು.
ಮಿಲಾಗ್ರೆಸ್ ಕಾಲೇಜ್ ಆಫ್ ನರ್ಸಿಂಗ್‌ನ ಪ್ರಾಂಶುಪಾಲರಾದ ಡಾ. ಡಯಾನಾ ಲೋಬೋ ಅವರು .ಆರೋಗ್ಯ ಜಾಗೃತಿ ಮತ್ತು ಸಮರ್ಥ ನಿರ್ವಹಣೆಯ ಅಗತ್ಯತೆಯನ್ನು ಹೇಳಿದರು
ಡಾ. ಪದ್ಮನಾಭ ಕಾಮತ್, ಆರೋಗ್ಯ ಸೇವೆಗಾಗಿ ಇಸಿಜಿ ಯಂತ್ರ ವನ್ನು ದಾನವಾಗಿ ನೀಡಿದರು. ಮಿಲಾಗ್ರೆಸ್ ಚರ್ಚಿನ ವಂದನೀಯ ಗುರುಗಳು,. ಬೊನವೆಂಚರ್ ನಜರತ್ ಅಧ್ಯಕ್ಷೀಯ ಭಾಷಣ ನೀಡಿ, ಎಲ್ಲಾ ಸಂಸ್ಥೆಗಳ ಸಹಕಾರವನ್ನು ಮೆಚ್ಚಿಕೊಂಡು, ಸಮಾಜದ ಹಿತದ ದೃಷ್ಟಿಯಿಂದ ಇಂತಹ ಸೇವೆಗಳಲ್ಲಿ ನಿರಂತರ ತೊಡಗಿಕೊಳ್ಳುವಂತೆ ಪ್ರೋತ್ಸಾಹಿಸಿದರು. ಈ ಶಿಬಿರವನ್ನು ಪ್ರತಿ ತಿಂಗಳ ನಾಲ್ಕನೇ ಭಾನುವಾರ ಆಯೋಜಿಸಲು ಯೋಜಿಸಲಾಗಿದೆ ಎಂದು ತಿಳಿಸಿದರು..

ನೀಡಲಾಗುವ ಸೌಲಭ್ಯಗಳು ಮತ್ತು ಸೇವೆಗಳು
ಆರೋಗ್ಯ ಶಿಬಿರವು ಸಾರ್ವಜನಿಕರಿಗೆ ಈ ಕೆಳಗಿನ ಉಚಿತ ವೈದ್ಯಕೀಯ ಸೇವೆಗಳನ್ನು ಒದಗಿಸಿತು: ಸಾಮಾನ್ಯ ಆರೋಗ್ಯ ತಪಾಸಣೆಗಳು ರಕ್ತದೊತ್ತಡ ಮತ್ತು ರಕ್ತದಲ್ಲಿನ ಸಕ್ಕರೆ ಪರೀಕ್ಷೆ ಇಸಿಜಿ ಸೇವೆಗಳು ಆರೋಗ್ಯ ಸಮಾಲೋಚನೆ ಮತ್ತು ಜಾಗೃತಿ ಅವಧಿಗಳು.

ಕಾರ್ಯಕ್ರಮದ ಅಂತ್ಯದಲ್ಲಿ ಸೇಂಟ್ ವಿನ್ಸೆಂಟ್ ಡಿ ಪಾಲ್ ಸೊಸೈಟಿ (SVP) ಅಧ್ಯಕ್ಷೆ ಹಿಲ್ಡಾ ರೋಡ್ರಿಗಸ್, ಧನ್ಯವಾದ ಅರ್ಪಿಸಿದರು.
ಮಿಲಾಗ್ರೆಸ್ ಕಾಲೇಜ್ ಆಫ್ ನರ್ಸಿಂಗ್‌ನ ವಿದ್ಯಾರ್ಥಿನಿ ರೆಷಲ್ ಕಾರ್ಯಕ್ರಮವನ್ನು ನಿರೂಪಿಸಿದರು.

Milagres Church Health Camp Inauguration – Plans to hold a camp once a month

Mangalore; A health camp was successfully inaugurated on 29th June 2025 at the Milagres Church Hall, organized by the Catholic Sabha, Milagres Church Unit, in collaboration with Milagres College of Nursing, the St. Vincent De Paul Society, and the Health Commission of Milagres Church, Mangalore.
The camp aimed to promote health awareness, restore essential healthcare services, and provide free medical check-ups to the local community. It focused on preventive healthcare and educating people about the importance of maintaining a healthy lifestyle.
The event commenced with a melodious prayer song performed by the students of Milagres College of Nursing, setting a serene and respectful tone for the occasion.
Mr. David Pereira, President of the Catholic Sabha, Milagres Unit, extended a warm welcome to the gathering and acknowledged the efforts of all the organizing teams and participants.
Dr. Diana Lobo, Principal of Milagres College of Nursing, emphasized the importance of utilizing health check-up services. Dr. Beena, who has rendered commendable service to the Milagres Health Center, was felicitated by the organizers for her selfless contributions. Dr. Padmanabh Kamath was recognized for his generous donation of an ECG machine, which will significantly support community healthcare efforts.
The Presidential Address was delivered by Rev. Fr. Bonaventure Nazareth, Parish Priest of Milagres Church. He applauded the collaboration among the institutions and encouraged continuous efforts toward community welfare. He recognized and expressed his gratitude for the contributions made by Mr. Valarian D’Souza and Mrs. Anitha. He also announced plans to conduct similar health camps on the fourth Sunday of every month, reaffirming their commitment to public health and well-being.
The event concluded with a heartfelt vote of thanks delivered by Mrs. Hilda Rodrigues, President of the St. Vincent De Paul Society (SVP). She expressed deep gratitude to all dignitaries, healthcare professionals, volunteers, and participants for their invaluable support and involvement.

Facilities and Services Offered
The health camp provided the following free medical services to the public: General health check-upsBlood pressure and blood sugar testing ECG services Health counseling and awareness sessions.

The entire programme was efficiently compered by Ms. Reshal Monteiro, a B.Sc. Nursing student at Milagres College of Nursing.

ಕುಂದಾಪುರ, ಜೂ.30; ಕುಂದಾಪುರ ಭಾಗ್ಯವಂತೆ ರೋಜರಿ ಮಾತಾ ಚರ್ಚಿನಲ್ಲಿ ಜೂನ್ 29 ರಂದು ಬಲಿಪೂಜೆ ಅರ್ಪಿಸುವ ಸಂದರ್ಭದಲ್ಲಿ ಆಚರಿಸುವ ದೇವಸ್ತುತಿ ಪ್ರಾರ್ಥನೆಗಳ ವಿಧಿವಿದಾನಗಳ ತರಬೇತಿ ಕಾರ್ಯಗಾರವು ನಡೆಯಿತು.

   ಈ ಕಾರ್ಯಗಾರಕ್ಕೆ ಆಗಮಿಸಿದ ಮುಡುಬೆಳ್ಳೆಯ ಕರ್ನಾಟಕ ಪ್ರಾಂತೀಯ ಸೆಮಿನರಿ ‘ದಿವ್ಯಧಾಮ’ ದ ಅಧ್ಯಾತ್ಮಿಕ ನಿರ್ದೇಶಕರಾದ ವಂ।ದರ್ಮಗುರು ಬೊನಿಪಾಸ್ ಪಿಂಟೊ ಮೊದಲು ಪವಿತ್ರ ಸಭೆಯ ಮೊದಲ ಪೋಪ್ ಸಂತ ಪೆದ್ರು ಮತ್ತು ಪವಿತ್ರ ಸಭೆಯ ಮತ್ತೊಬ್ಬ ದಿಗಜ್ಜ ಸಂತ ಪಾವ್ಲ್ ಇವರ ಹಬ್ಬದ ಪವಿತ್ರ ಬಲಿದಾನವನ್ನು ಚರ್ಚಿನ ಧರ್ಮಗುರು ಅ।ವಂ।ಪೌಲ್ ರೇಗೊ ಅವರ ಜೊತೆ  ಅರ್ಪಿಸಿ ಸಂತ ಪೆದ್ರು ಮತ್ತು ಸಂತ ಪಾವ್ಲ್ ಇವರು ಪವಿತ್ರ ಸಭೆಯ ಬಲವಾದ ಸ್ಥಂಭಗಳು ಎಂದು ಬಣ್ಣಿಸಿದರು. ತದ ನಂತರ ನಡೆದ ದೇವ ಸ್ತುತಿಯ ಕಾರ್ಯಾಗಾರವನ್ನು ನಡೆಸಿಕೊಟ್ಟು  ಬಲಿದಾನದ ದೇವ ಸ್ತುತಿ ಎಂದರೇನು, ಅದರ ಮಹತ್ವಗಳನ್ನು ತಿಳಿಸಿದರು. ಎಷ್ಟು  ವಿಭಾಗಳಿವೆ ಎಂದು ತಿಳಿಸಿ, ದೇವರ ವಾಕ್ಯ ವಾಚಿಸುವುದಲ್ಲ, ಅದನ್ನು ಭಕ್ತಿಕರಿಗೆ ಮನದಟ್ಟಾಗುವಂತೆ ಪ್ರಕಟಿಸಬೇಕು ಎಂದು ತಿಳಿಸಿ, ಬಲಿದಾನದ ವೇಳೆ ಸಲ್ಲಿಸುವ ಪ್ರಾರ್ಥನೆಗಳು, ಕೀರ್ತನೆಗಳು ಹಾಡುವ ವಿಧಾನಗಳನ್ನು ತಿಳಿಸಿ ಅದರ ಅಬ್ಯಾಸವನ್ನು ಮಾಡಿಸಿದರು.

     ಪವರ್ ಪಾಂಯ್ಟ್ ಮೂಲಕ ಬಲಿದಾನದ ಸಂದರ್ಭ ಪ್ರಾರ್ಥನೆಗಳನ್ನು ಸಲ್ಲಿಸುವರು  ಸಭ್ಯತೆ, ಶಿಸ್ತು, ಭಕ್ತಿಯಿಂದ ಕೂಡಿರಬೇಕು. ಅವರು ಧರಿಸುವ ವಸ್ತ್ರ ಶಿಸ್ತುಬದ್ದವಾಗಿರ ಬೇಕು, ಅಂಗಾಂಗ ಪ್ರದರ್ಶನ ಆಗುವಂತಹ, ಅಸಭ್ಯ ವಸ್ತ್ರಗಳನ್ನು ಧರಿಸಬಾರದೆಂದು ತಿಳಿಸಿದರು.

    ಈ ದೇವ ಸ್ತುತಿಯ  ತರಬೇತಿ ಕಾರ್ಯಗಾರವನ್ನು ಚರ್ಚಿನ ದೇವ ಸ್ತುತಿಯ ಆಯೋಗ ಹಮ್ಮಿಕೊಂಡಿತ್ತ. ಚರ್ಚಿನ ಧರ್ಮಗುರು ಅ।ವಂ।ಪೌಲ್ ರೇಗೊ ಸ್ವಾಗತಿಸಿದರು. ದೇವ ಸ್ತುತಿ ಆಯೋಗದ ಸಂಚಾಲಕಿ ವಿಕ್ಟೋರಿಯಾ ಡಿಸೋಜಾ, ಆಯೋಗದ ಸದಸ್ಯರು, ಚರ್ಚ್ ಪಾಲನ ಮಂಡಳಿ ಉಪಾಧ್ಯಕ್ಷೆ, ಕಾರ್ಯದರ್ಶಿ, ಸರ್ವ ಆಯೋಗದ ಸಂಯೋಜಕಿ, ಧರ್ಮಭಗಿನಿಯರು, ವಾಳೆಯ ಗುರಿಕಾರರು, ಚರ್ಚ್ ಗಾಯನ ಮಂಡಳಿಯ ಸದಸ್ಯರು, ದೇವರ ವಾಕ್ಯ ಪ್ರಕಟಿಸುವರು, ಕೀರ್ತನೆಗಳನ್ನು ಹಾಡುವರು ಹಾಜರಿದ್ದು ಸುಮಾರು 180 ಜನರು ಈ ತರಬೇತಿಯ ಪ್ರಯೋಜನ ಪಡೆದರು.

ಗಂಗೊಳ್ಳಿ ; ಕಥೊಲಿಕ್ ಸಭಾ ಉಡುಪಿ ಪ್ರದೇಶ್ ( ರಿ) ಗಂಗೊಳ್ಳಿ ಘಟಕದ ವತಿಯಿಂದ “ಶ್ರೀಸಾಮಾನ್ಯರ ದಿನಾಚರಣೆ”( Laity Day Celebration) ಯನ್ನು ರವಿವಾರ ಜೂನ್ 29 ರಂದು ಆಚರಿಸಲಾಯಿತು.

ಗಂಗೊಳ್ಳಿ ಕೊಸೆಸಾಂವ್ ಮಾತಾ ಚರ್ಚಿನ ಧರ್ಮಗುರುಗಳಾದ ವಂದನೀಯ ತೋಮಸ್ ರೋಶನ್ ಡಿಸೋಜರವರ ನೇತೃತ್ವದಲ್ಲಿ ದಿವ್ಯ ಬಲಿಪೂಜೆಯನ್ನು ಅರ್ಪಿಸಲಾಯಿತು. ದಿವ್ಯ ಬಲಿಪೂಜೆಯಲ್ಲಿ ಕಥೊಲಿಕ್ ಸಭೆಯ ಸದಸ್ಯರಾದ ಸೈಮನ್ ಡಿಸೋಜ, ಸೆಲಿನ್ ಲೋಬೊ, ಜಾನೆಟ್ ಡಾಯಸ್, ಗ್ಲೋರಿಯಾ ಡಿಸೋಜ, ಅಗಪಿತಾಸ್ ಫ್ರೆಂಕಿ ರೆಬೆರೊ, ವೆರೋನಿಕಾ ಲೋಬೊ ಹಾಗೂ ಶಲಿರಾ ರೆಬೆರೊ ವಾಚನಾ, ಗಾಯನ ಹಾಗೂ ಪ್ರಾರ್ಥನೆಗಳಲ್ಲಿ ಸಹಕರಿಸಿದರು.

ಕಥೊಲಿಕ್ ಸಭಾ ಉಡುಪಿ ಪ್ರದೇಶ್ (ರಿ) ಗಂಗೊಳ್ಳಿ ಘಟಕದ ಅಧ್ಯಕ್ಷರಾದ ಎಡ್ವರ್ಡ್ ಫೆರ್ನಾಂಡಿಸ್ ರವರು ಅಧ್ಯಕ್ಷತೆ ವಹಿಸಿದಂತಹ ಸಭಾಕಾರ್ಯಕ್ರಮದಲ್ಲಿ ಕುಂದಾಪುರದ ರೋಜರಿ ಕ್ರೆಡಿಟ್ ಕೋ ಆಪರೇಟಿವ್ ಸೊಸೈಟಿಯ ಅಧ್ಯಕ್ಷರಾದ ಜೋನ್ಸನ್ ಡಿ ಅಲ್ಮೇಡಾ ಮುಖ್ಯ ಅತಿಥಿಯಾಗಿ ಭಾಗವಹಿಸಿ ” ಸಮಾಜದಲ್ಲಿ ನಾವು ಗುರುತಿಸುವಂತಹ ಸೇವೆಯನ್ನು ಉದ್ಯಮ, ಸಮಾಜಸೇವೆ ಹಾಗೂ ರಾಜಕೀಯದಲ್ಲಿ ನೀಡಬೇಕು. ಗಂಗೊಳ್ಳಿಯ ಕಥೊಲಿಕ್ ಸಭೆಯು ಹಿಂದಿನಿಂದ ಇಂದಿನವರೆಗೆ ಸಮಾಜಕ್ಕೆ ಬಹಳಷ್ಟು ನಾಯಕರನ್ನು ಹಾಗೂ ಸೇವೆಯನ್ನು ನೀಡಿದೆ. ಇಂತಹ ಸಂದರ್ಭದಲ್ಲಿ ತಮಗೆ ಜಿಲ್ಲಾ ಮಟ್ಟದಲ್ಲಿ ನಿಮ್ಮ ಸೇವೆಗೆ ಪ್ರಶಸ್ತಿ ಲಭಿಸಿರುವಂತಹುದು ಬಹಳ ಯೋಗ್ಯವಾಗಿದೆ” ಎ೦ದು ತಮ್ಮ ಸಂದೇಶದಲ್ಲಿ ನುಡಿದರು.

ಕಥೊಲಿಕ್ ಸಭಾ ಉಡುಪಿ ಪ್ರದೇಶ್ ( ರಿ) ಕೇಂದ್ರೀಯ ಸಮಿತಿಯ ಮಾಜಿ ಅಧ್ಯಕ್ಷರು ಹಾಗೂ ಗಂಗೊಳ್ಳಿ ಘಟಕದ ಮಾರ್ಗದರ್ಶಕರಾದ ಆಲ್ವಿನ್ ಕ್ವಾಡ್ರಸ್ ಮಾತನಾಡಿ ” ಸೇವೆ, ತ್ಯಾಗ ಹಾಗೂ ಪ್ರೀತಿಯಿಂದ ಮಾಡಿದ ಕಾರ್ಯಗಳನ್ನು ಎಲ್ಲರೂ ಮೆಚ್ಚುತ್ತಾರೆ, ಆ ಗುಣಗಳನ್ನು ನಾವು ಮೈಗೂಡಿಸಿಕೊಂಡು ಸಮಾಜಕ್ಕೆ ಸೇವೆ ಸಲ್ಲಿಸಿದಾಗ ನಮ್ಮ ಜೀವನ ಸಾರ್ಥಕ ವಾಗುತ್ತದೆ” ಎಂದರು. ಗಂಗೊಳ್ಳಿ ಕೊಸೆಸಾಂವ್ ಮಾತೆ ಚರ್ಚಿನ ಧರ್ಮಗುರುಗಳಾದ ವಂದನೀಯ ತೋಮಸ್ ರೋಶನ್ ಡಿಸೋಜರವರು ಮಾತನಾಡಿ” ಕಷ್ಟದಲ್ಲಿರುವರಿಗೆ ಸಹಾಯ ಮಾಡುವಂತಹ ಗುಣಗಳು ಇಂತಹ ಸಂಘಟನೆಗಳಲ್ಲಿ ಸೇವೆ ಮಾಡಿದಾಗ ಬರುವಂತದು. ಉತ್ತಮ ನಾಯಕರುಗಳನ್ನು ಹೊಂದಿರುವಂತಹ ನಮ್ಮ ಗಂಗೊಳ್ಳಿ ಕಥೊಲಿಕ್ ಸಭೆಯು ಬಹಳಷ್ಟು ಸಮಾಜಮುಖಿ ಕಾರ್ಯಕ್ರಮಗಳನ್ನು ಸಂಘಟಿಸಿ , ತಮ್ಮ ಒಗ್ಗಟ್ಟಿನಿಂದ ಅವುಗಳನ್ನು ಯಶಸ್ವಿಗೊಳಿಸಿದೆ. ನಮ್ಮವರು ಮಾಡಿದಂತಹ ಕಾರ್ಯಕ್ರಮಗಳಿಗೆ ಅರ್ಹವಾಗಿಯೇ ಜಿಲ್ಲಾ ಮಟ್ಟದ ಪ್ರಶಸ್ತಿ ಲಭಿಸಿದೆ. ಮುಂದೆಯು ಈ ಸಂಘಟನೆಗೆ ನನ್ನ ಬೆಂಬಲ ಹಾಗೂ ಆಶೀರ್ವಾದವಿದೆಯೆಂದು ಶುಭ ಹಾರೈಸಿದರು”
ಈ ಸಂದರ್ಭದಲ್ಲಿ ನೂತನವಾಗಿ ಆಯ್ಕೆಯಾದಂತಹ ಕಥೊಲಿಕ್ ಸ್ತ್ರಿ ಸಂಘಟನೆ ಉಡುಪಿ ಜಿಲ್ಲೆ ಹಾಗೂ ಸುಗಮ್ಯ ಮಹಿಳಾ ಒಕ್ಕೂಟದ ” ಮೊತಿಯಾಂ” ಪತ್ರದ ಸಂಚಾಲಕಿ ಹಾಗೂ ಸಹಸಂಪಾದಕಿಯಾದ ಪ್ರೀತಿ ಫೆರ್ನಾಂಡಿಸ್, ಗಂಗೊಳ್ಳಿ ಭಾರತೀಯ ಕಥೊಲಿಕ್ ಯುವ ಸಂಘಟನೆಯ ಅಧ್ಯಕ್ಷರಾದ ವಿನ್ಸಿಟಾ ಲೋಬೊ, ಗಂಗೊಳ್ಳಿ ಕಥೊಲಿಕ್ ಸ್ತ್ರಿ ಸಂಘಟನೆಯ ಅಧ್ಯಕ್ಷರಾದ ಅನಿತಾ ಫೆರ್ನಾಂಡಿಸ್, ಗಂಗೊಳ್ಳಿ ಸೆಕ್ಯೂಲರ್ ಪ್ರಾನ್ಸಿಸ್ಕನ್ ಸಭೆಯ ಅಧ್ಯಕ್ಷರಾದ ರೋಜಿ ಫೆರ್ನಾಂಡಿಸ್, ಗಂಗೊಳ್ಳಿ ವೈಸಿಎಸ್ ಸಂಘಟನೆಯ ಅಧ್ಯಕ್ಷರಾದ ಕ್ಯಾರಲ್ ರೆಬೆರೊ ಹಾಗೂ ಪವಿತ್ರ ಶಿಲುಬೆ ವಾಳೆಯ ಗುರಿಕಾರರಾದ ಐವನ್ ಕಾರ್ಡಿನ್ ರವರನ್ನು ಶಾಲು ಹೊದಿಸಿ, ಸ್ಮರಣಿಕೆ ನೀಡಿ ಸನ್ಮಾನಿಸಲಾಯಿತು.
ಕಾರ್ಯಕ್ರಮದ ಸಂಚಾಲಕರಾದ ಓವಿನ್ ರೆಬೆಲ್ಲೊರವರ ಮಾರ್ಗದರ್ಶನದಲ್ಲಿ ನಡೆದ ಕಾರ್ಯಕ್ರಮದಲ್ಲಿ ಅಧ್ಯಕ್ಷರಾದ ಎಡ್ವರ್ಡ್ ಫೆರ್ನಾಂಡಿಸ್ ಸ್ವಾಗತಿಸಿದರೆ, ಆನ್ನಿ ಕ್ರಾಸ್ಟೊ 2024-25 ನೇ ವರ್ಷದಲ್ಲಿ ಮಾಡಿದ ಕಾರ್ಯಕ್ರಮಗಳ ವಿವರ ನೀಡಿದರು, ಕ್ಲೇರಾ ರೇಬೆರೊ ಮುಖ್ಯ ಅತಿಥಿಗಳ ಪರಿಚಯ ನೀಡಿದರೆ, ಘಟಕದ ಕಾರ್ಯದರ್ಶಿ ಸೈಮನ್ ಡಿಸೋಜ ಸನ್ಮಾನಿತರ ವಿವರ ನೀಡಿದರು. ರೆನಿಟಾ ಬಾರ್ನೆಸ್ ನಿರ್ವಹಿಸಿದ ಕಾರ್ಯಕ್ರಮದಲ್ಲಿ ಜಾನೆಟ್ ಡಯಾಸ್ ಧನ್ಯವಾದ ನೀಡಿದರು. ಎಲ್ರೊಯ್ ಕಿರನ್ ಕ್ರಾಸ್ಟೊ, ಫೆಲಿಕ್ಸ್ ಫೆರ್ನಾಂಡಿಸ್, ಬಾಜಿಲ್ ಪಾಯಸ್, ರೋಶನ್ ಲೋಬೊ, ವಿಲ್ಸನ್ ರೆಬೆರೊ ಹಾಗೂ ಎಲೋಶಿಯಸ್ ಫೆರ್ನಾಂಡಿಸ್ ಕಾರ್ಯಕ್ರಮದ ಯಶಸ್ಸಿಗೆ ಸಹಕರಿಸಿದರು.

ಕುಂದಾಪುರ; ದಿನಾಂಕ 04-07-2025 ರ ಶುಕ್ರವಾರದಂದು ನಡೆಯಲಿರುವ ಉಡುಪಿ ಜಿಲ್ಲಾ ಮಹಿಳಾ ಕಾಂಗ್ರೆಸ್ ಸಮಿತಿಯ ನೂತನ ಅಧ್ಯಕ್ಷರ ಹಾಗೂ ಪದಾಧಿಕಾರಿಗಳ ಪದಗ್ರಹಣ ಸಮಾರಂಭದ ಪೂರ್ವಭಾವಿ ಸಭೆ ಇಂದು 28 – 06 – 2025 ರಂದು ಕುಂದಾಪುರ ಬ್ಲಾಕ್ ಕಾಂಗ್ರೆಸ್ ಕಚೇರಿಯಲ್ಲಿ ನೆರವೇರಿತು.
ಈ ಸಭೆಯಲ್ಲಿ ಮಾಜಿ ಸಂಸದರು ಮಾಜಿ ಸಚಿವರಾದ ಶ್ರೀ ಜಯಪ್ರಕಾಶ್ ಹೆಗ್ಡೆ, ಕುಂದಾಪುರ ವಿಧಾನಸಭೆಯ ಕಾಂಗ್ರೆಸ್ ನಾಯಕರಾದ ದಿನೇಶ್ ಹೆಗ್ಡೆಯವರು, ಬ್ಲಾಕ್ ಅಧ್ಯಕ್ಷರಾದ ಶ್ರೀ ಹರಿಪ್ರಸಾದ್ ಶೆಟ್ಟಿ, ನಿಯೋಜಿತ ಅಧ್ಯಕ್ಷರಿಗೆ ಶುಭಾಶಯಗಳನ್ನು ತಿಳಿಸಿ, ಮಹಿಳೆಯರು ಪಕ್ಷವನ್ನು ಬಲಪಡಿಸುವ ಕಾರ್ಯದಲ್ಲಿ ಸಕ್ರಿಯವಾಗಿ ಪಾಲ್ಗೊಳ್ಳಬೇಕು ಎಂದು ಹೇಳಿದರು.
ಜಿಲ್ಲಾ ಮಹಿಳಾ ಕಾಂಗ್ರೆಸ್ ಸಮಿತಿಯ ಅಧ್ಯಕ್ಷರಾದ ಶ್ರೀಮತಿ ಗೀತಾ ವಾಗ್ಲೆಯವರು ಪ್ರಾಸ್ತಾವಿಕವಾಗಿ ಮಾತನಾಡಿದರು.
ಅಧಿಕಾರ ಸ್ವೀಕಾರ ಮಾಡಲಿರುವ ಶ್ರೀಮತಿ ಜ್ಯೋತಿ ಹೆಬ್ಬಾರ್ ಎಲ್ಲರನ್ನೂ ಜುಲೈ 4 ರಂದು ಉಡುಪಿ ಬನ್ನಂಜೆಯ ನಾರಾಯಣ ಗುರು ಸಭಾಭವನದಲ್ಲಿ ನಡೆಯುವ ಪದಗ್ರಹಣ ಕಾರ್ಯಕ್ರಮಕ್ಕೆ ಆಹ್ವಾನಿಸಿದರು.
ಪುರಸಭಾ ಸದಸ್ಯರಾದ ಪ್ರಭಾವತಿ ಶೆಟ್ಟಿ, ತಾಲೂಕು ಕೆಡಿಪಿ ಸದಸ್ಯರಾದ ಜ್ಯೋತಿ ಪುತ್ರನ್ ಸಭೆಯನ್ನು ಉದ್ದೇಶಿಸಿ ಮಾತನಾಡಿದರು.
ಈ ಸಭೆಯಲ್ಲಿ ಉಡುಪಿ ಜಿಲ್ಲಾ ಮಹಿಳಾ ಕಾಂಗ್ರೆಸ್ ಪದಾಧಿಕಾರಿಗಳಾದ ಚಂದ್ರಿಕಾ ಶೆಟ್ಟಿ, ಮಿನಾಕ್ಷಿ ಮಾದವ್, ಶಾಂತಿ ಪಿರೇರಾ, ಅನಿತಾ ಡಿಸೋಜ, ಸಂಧ್ಯಾ ತಿಲಕ್ ಹಾಗೂ ತಾಲೂಕು ಗ್ಯಾರಂಟಿ ಸಮಿತಿಯ ಸದಸ್ಯರಾದ ವಾಣಿ ಆರ್ ಶೆಟ್ಟಿ, ಮಾಜಿ ತಾಲೂಕು ಪಂಚಾಯತ್ ಸದಸ್ಯರಾದ ರೇವತಿ ಶೆಟ್ಟಿ, ಕುಂದಾಪುರ ದೇವಸ್ಥಾನ ಸಮಿತಿಯ ಸದಸ್ಯರಾದ ಗಿರಿಜಾ ಉದಯ್, ಪಂಚಾಯತ್ ಸದಸ್ಯರಾದ ಜಾನಕಿ ಬಿಲ್ಲವ, ಸವಿತಾ, ಜೆಸಿಂತಾ ಡಿಮೊಲ್ಲೊ ಹಾಗೂ ಪ್ರಭಾವತಿ ಶೆಟ್ಟಿ ಬೇಳೂರು, ಶಾಲೆಟ್ ರೆಬೆಲ್ಲೊ, ರಾಜೀವಿ, ಸುರೇಖಾ,, ಜಯ, ಮುತ್ತು, ಮೇಬಲ್ ಡಿಸೋಜ , ವೇಲಾ ಬ್ರಗಾಂಜ, ಮುಕಾಂಬಿಕಾ, ಶೋಭಾ, ಸುಶೀಲಾ, ಪುಷ್ಪಾ, ಲೀಲಾ, ಗಿರಿಜಾ ಶಂಕರ್ , ಲಲಿತಾ, ನಗರ ಪ್ರಾಧಿಕಾರ ಅಧ್ಯಕ್ಷ ವಿನೋದ್ ಕ್ರಾಸ್ಟೊ, ಕೆ. ವಿಜಯ್ ಪುತ್ರನ್ ಉಪಸ್ಥಿತರಿದ್ದರು.
ಕುಂದಾಪುರ ಬ್ಲಾಕ್ ಮಹಿಳಾ ಕಾಂಗ್ರೆಸ್ಸಿನ ಅಧ್ಯಕ್ಷರಾದ ಶ್ರೀಮತಿ ದೇವಕಿ ಸಣ್ಣಯ್ಯರವರು ಸ್ವಾಗತಿಸಿದರು. ತಾಲೂಕು ಗ್ಯಾರಂಟಿ ಸಮಿತಿಯ ಸದಸ್ಯರಾದ ಆಶಾ ಕರ್ವಾಲ್ಲೊ ಕಾರ್ಯಕ್ರಮ ನಿರೂಪಿಸಿ, ವಂದಿಸಿದರು.