ಕುಂದಾಪುರ್,ಅ.21: ಕುಂದಾಪುರ್ ಫಿರ್ಗಜೆಚೊ ವಿಗಾರ್ ತಸೆಂ ಕುಂದಾಪುರ್ ವಾರಾಡ್ಯಾಚೊ ವಿಗಾರ್ ವಾರ್ ಅ|ಮಾ|ಬಾ|ಸ್ಟ್ಯಾನಿ ತಾವ್ರೊ ಹಾಂಚೊ 74 ವೊ ಜಲ್ಮಾ ದೀಸ್ (ಅಗೋಸ್ತ್ 21 ವೆರ್ ಆಸೊನ್, ಅಗೋಸ್ತ್ 20 ವೆರ್ ಆಯ್ತಾರಾ) ಫಿರ್ಗಜ್ ಲೋಕಾನ್ ಆಚರಣ್ ಕೆಲೊ. ಫಿರ್ಗಜೆಚೊ ಉಪಾಧ್ಯಕ್ಷ್ ಎಲ್.ಜೆ.ಫೆರ್ನಾಂಡಿಸ್ ಹಾಣೆ ಸರ್ವಾಂಚ್ಯಾ ನಾವಿ ವಿಗಾರಾಕ್ ಬರೆ ಮಾಗ್ಲೆಂ.
ಬಾ|ಸ್ಟ್ಯಾನಿ ತಾವ್ರೊನ್ ಪಯ್ಲೆಂ ರೊಜಾರ್ ಮಾಯೆಚ್ಯಾ ಇಗರ್ಜೆ ಅರ್ಗಾಂ ಬಲಿದಾನ್ ಭೆಟಯ್ಲ್ಯಾ ಉಪ್ರಾಂತ್ ಜಲ್ಮಾ ದೀಸ್ ಆಚರಣ್ ಕರ್‍ನ್ ಬಾ|ಸ್ಟ್ಯಾನಿ ತಾವ್ರೊನ್ ಉಪ್ಕಾರ್ ಆಟವ್ನ್ , ದೆವಾನ್ ಮ್ಹಾಕಾ ಯಾಜಕ್ ಜಾವ್ನ್ ಸೆವಾ ದಿಂವ್ಕ್ ವರ್ತೊ ಅವ್ಕಾಸ್ ದಿಲ್ಯಾ ಖಾತಿರ್ ಉಪ್ಕಾರ್ ಭಾವುಡ್ತಾಂ. ಫಿರ್ಗಜ್ ಲೋಕಾನ್ ಮ್ಹಜೆ ವ್ಹಯ್ರ್ ಆನಿ ಫಿರ್ಗಜೆ ವ್ಹಯ್ರ್ ಮಸ್ತ್ ಮೋಗ್ ದಾಖಯ್ಲಾ. ಹಾಂವ್ ಸದಾಂಚ್ ತುಮ್ಚೆ ಖಾತಿರ್ ಮಾಗ್ತಾಂ. ಯೆಂವ್ಚ್ಯಾ ವರ್ಸಾ ಮ್ಹಾಕಾ 75 ಜಾತಾತ್, ಹಾಂಗಾಸರ್ ಮ್ಹಾಕಾ ಸೆವಾ ದಿಂವ್ಕ್ ಅವ್ಕಾಸ್ ಆಸಾಗಿ ನಾಂಗಿ ನೆಣಾ, ದೆವಾಚಿ ಖುಷಿ ತಶೆಂ ಆಸಾ ತಶೆಂ ಜಾಂವ್ ಮ್ಹಣ್ ಸರ್ವಾಂಚೊ ಉಪ್ಕಾರ್ ಆಟಯ್ಲೊ.
ಸಹಾಯಕ್ ವಿಗಾರ್ ಮಾ|ಬಾ|ಅಶ್ವಿನ್ ಆರಾನ್ಹಾನ್ ಕಾರ್ಯೆ ಚಲೊನ್ ವೆಲೆಂ. ಹ್ಯಾ ಸಂದರ್ಭಿ ಗೊವ್ಳಿಕ್ ಮಂಡಳಿ. ಆರ್ಥಿಕ್ ಸಮಿತಿನ್ ಫಿರ್ಗಜೆಚ್ಯಾ ಸರ್ವ್ ಲೋಕಾಂಕ್ ಫಳಾಹಾರ್ ವ್ಯವಸ್ಥಾ ಕೆಲ್ಲಿ. ಫಿರ್ಗಜ್ ಲೋಕಾನ್ ವಿಗಾರಾಕ್ ಉಲ್ಲಾಸ್ ಪಾಟಯ್ಲೆಂ ಆಸ್ತಾಂ, ಹ್ಯಾ ವೇಳಾ 20 ಆಯೋಗಾಚಿಂ ಸಂಯೋಜಕಿ ಪ್ರೇಮಾ ಡಿಕುನ್ಹಾ, ಗುರ್ಕಾರ್, ಗೊವ್ಳಿಕ್ ಸಮಿತಿಚೆಂ ಸಾಂದೆ, ಸರ್ವ್ ಸಂಘಟನಾಚೆಂ ಸಾಂದೆ, ಕೊವೆಂತಾಚಿಂ ಧರ್ಮ್ ಭಯ್ಣಿ ಆನಿ ಫಿರ್ಗಜೆಚೊ ಲೋಕ್ ಹಾಜರ್ ಆಸ್ಲೊ.
