JANANUDI.COM NETWORK
ಕುಂದಾಪುರ್,ಅ.20: ಕುಂದಾಪುರ್ ಫಿರ್ಗಜೆಚೊ ವಿಗಾರ್ ತಸೆಂ ಕುಂದಾಪುರ್ ವಾರಾಡ್ಯಾಚೊ ವಿಗಾರ್ ಅ|ಮಾ|ಬಾ|ಸ್ಟ್ಯಾನಿ ತಾವ್ರೊ ಹಾಂಚೊ 73 ವೊ ಜಲ್ಮಾ ದೀಸ್ ಫಿರ್ಗಜ್ ಸಾಲಾಂತ್ ಸರಳ್ ರೀತಿನ್ ಆಚರಣ್ ಕೆಲೊ. ಅಜೆಕಾರ್ ಫಿರ್ಗಜೆಚೊ ವಿಗಾರ್ ತಸೆಂ ಅಜೆಕಾರ್ ಫಿರ್ಗಜ್ ಕಾಲೇಜಿಚೊ ಪ್ರಾಂಶುಪಾಲ್ ಫಾ|ಪ್ರವೀಣ್ ಅಮ್ರತ್ ಮಾರ್ಟಿಸ್ ಆನಿ ಉಪಾಧ್ಯಕ್ಷ್ ಎಲ್.ಜೆ.ಫೆರ್ನಾಂಡಿಸ್ ಹಾಣೆ ವಿಗಾರಾಕ್ ಬರೆ ಮಾಗ್ಲೆಂ.
ಪಯ್ಲೆಂ ರೊಜಾರ್ ಮಾಯೆಚ್ಯಾ ಇಗರ್ಜೆ ಅರ್ಗಾಂ ಬಲಿದಾನ್ ಭೆಟಯ್ಲ್ಯಾ ಉಪ್ರಾಂತ್ ಜಲ್ಮಾ ದೀಸ್ ಆಚರಣ್ ಕೆಲ್ಯಾ ವೇಳರ್ ಬಾ|ಸ್ಟ್ಯಾನಿ ತಾವ್ರೊನ್ ಉಪ್ಕಾತ್ ಆಟವ್ನ್ “ಆಪ್ಲ್ಯಾ ಯಾಜಕೀ ಜಿಣಿಯೆ ವಿಶ್ಯಾಂತ್ ಕಳಯ್ಲೆ, ಹಾಂವ್ ಲ್ಹಾನ್ ಪ್ರಾಯೆರ್ ಯಾಜಕ್ ಜಾಲ್ಲೊ, ದೆವಾನ್ ಮ್ಹಾಕಾ ಯಾಜಕ್ ಜಾವ್ನ್ ಸೆವಾ ದಿಂವ್ಕ್ ವರ್ತೊ ಅವ್ಕಾಸ್ ದಿಲ್ಯಾ. ಫಿರ್ಗಜ್ ಲೋಕಾನ್ ಮ್ಹಜೆ ವ್ಹಯ್ರ್ ಆನಿ ಫಿರ್ಗಜೆ ವ್ಹಯ್ರ್ ಮಸ್ತ್ ಮೋಗ್ ದಾಖಯ್ಲಾ. ಹಾಂವ್ ಸದಾಂಚ್ ತುಮ್ಚೆ ಖಾತಿರ್ ಮಾಗ್ತಾಂ. ಆನಿ ಹೊಚ್ ಮೋಗ್ ಆನಿ ಭವಾರ್ಥ್ ಆಮ್ಚ್ಯಾ ಫಿರ್ಗಜೆಚ್ಯಾ 450 ವರ್ಸಾಂಚ್ಯಾ ಜುಬ್ಲೆವ್ ಸಮಾಪನ್ ಕಾರ್ಯಾಂತ್ ಡಾಖಯ್ಜೆ” ಮ್ಹಣುನ್ ಉಲೊ ದಿಲೊ.
ಸಹಾಯಕ್ ವಿಗಾರ್ ಮಾ|ಬಾ| ವಿಜಯ್ ಜೊಯ್ಸನ್ ಡಿಸೋಜಾ ಹಾಣಿ ಕಾರ್ಯೆ ಚಲೊನ್ ವೆಲೆಂ. ಹ್ಯಾ ಸಂದರ್ಭಿ ಗೊವ್ಳಿಕ್ ಮಂಡಳಿ ಕಾರ್ಯದರ್ಶಿ ಆಶಾ ಕರ್ವಾಲ್ಲೊ, 20 ಆಯೋಗಾಚಿಂ ಸಂಯೋಜಕಿ ಪ್ರೇಮಾ ಡಿಕುನ್ಹಾ, ಕೊವೆಂತಾಚಿಂ ಸಿಸ್ಟರಾಂ ಆನಿ ಫಿರ್ಗಜೆಚೊ ಲೋಕ್ ಹಾಜರ್ ಆಸಲ್ಲೊ.
