JANANUDI.COM NETWORK
ಕುಂದಾಪುರ್, ಅ.25; ಪಾಟ್ಲ್ಯಾಸುಮಾರ್ ಮ್ಹಹಿನ್ಯಾ ಥಾವ್ನ್ ಮಣಿಪಾಲ್ ಆಸ್ಪತ್ರೆಚಿಂ ಭಲಾಯ್ಕಿ ಕಾರ್ಡಾಂ ವಿಶಿಂ ಸಾರ್ಕೆಂ ಮಾಹೆತ್ ನಾತಲ್ಲಿ.ಕಾರಣ್ ಹ್ಯಾಪಾವ್ಟಿಂ (ಮಾಹೆ) ಮಣಿಪಾಲ್ ಆಸ್ಪತ್ರೆಚ್ಯಾನಿ ಕೊಂಕಣಿ ಭಲಾಯ್ಕೆ ಕಾರ್ಡಾಂಚೆಂ ಯೋಜನ್ ಸ್ಥಗಿತ್ ಕೆಲ್ಲೆಂ. ಕ್ರಿಸ್ತಾಂವಾನಿಂ ಸಾಮಾನ್ಯ್ ಮಣಿಪಾಲ್ ಭಲಾಯ್ಕಿ ಕಾರ್ಡಾಂ ಕರ್‍ಯೆತ್ ಮ್ಹಣನ್ ತಾಣಿ ನಿರ್ಣಯ್ ಕೆಲ್ಲೊ.
ಪುಣ್ ಕಥೊಲಿಕ್ ಸಭಾ ಕೇಂದ್ರಿಯಾ ಸಂಸ್ಥ್ಯಾನ್ ಕೊಂಕಣಿ ಭಲಾಯ್ಕೆ ಕಾರ್ಡಾಂ ಆಸಾ ಕರ್‍ಚ್ಯಾ ಪ್ರಯತ್ನ್ ಕರುನಂಚ್ ಆಸೊನ್ ಅಂತಿಮ್ ಜಾವ್ನ್ ಇತರ್ ಸಂಘ್ ಸಂಸ್ಥ್ಯಾ ಸಂಗಿಂ ಮೆಳೊನ್ ಮಣಿಪಾಲ್ ಆಸ್ಪತ್ರೆ (ಮಾಹೆ)ವ್ಯವಸ್ಥಾಪಕಲಾಗಿಂ ಒತ್ತಾಯ್ ಕೆಲ್ಯಾನ್ ಆತಾಂ ಮಾಹೆ ಸಂಸ್ಥೊ ಕೊಂಕಣಿ ಭಲಾಯ್ಕೆ ಕಾರ್ಡಾಂ ಕರ್ಚೊ ಅವ್ಕಾಸ್ ಕರ್ನ್ ದಿಲ್ಯಾ. ಹೊ ವಿಷಯ್ ಅಕ್ಟೋಬರ್ 24 ವೇರ್ ಚಲಲ್ಯಾ ಕುಂದಾಪುರ್ ಸೈಂಟ್ ಮೇರಿಸ್ ಪಿ.ಯು.ಕಾಲೇಜ್ ಸಭಾ ಭವಾನಾಂತ್ ಚಲಲ್ಯಾ ಕುಂದಾಪುರ್ ವಾರಾಡೊ ಹುದ್ದೆದಾರಾಂಚ್ಯಾ ಜಮಾತೆಂತ್, ಕೇಂದ್ರಿಯಾ ಕಥೊಲಿಕ್ ಸಭಾ ಥಾವ್ನ್ ನಿಯುಕ್ತ್ ಕೆಲ್ಲೊ ಕೊಂಕಣಿ ಭಲಾಯ್ಕೆ ಕಾರ್ಡಾಂಚೊಂ ಕೋ ಒರ್ಡಿನೇಟರ್ ವಿವಿಯನ್ ಕರ್ನೇಲಿಯೊನ್ ಕಳಯ್ಲೆ.
ಅತಾಂಚ್ಯಾ ಕಾರ್ಡಾಂಚ್ಯಾ ಪ್ರಕಾರ್ ಎಕಾ ಕಾರ್ಡಾಚೆ ಮೌಲ್ಯ್ ರೂ. 1500 ಜಾತಾತ್. ಹ್ಯಾ ಕಾರ್ಡಾಂತ್ 5 ಜಣ್ ಸಾಂದ್ಯಾನಿಂ ಆಸ್ಯೆತ್, ಹೆಂ 5 ಜಣ್ ಎಕಾಚ್ ಕುಟ್ಮಾಚೆಂ ಜಾಯ್ಜೆ ಮ್ಹಣನ್ ನಾ. ಜಾತ್ ಧರ್ಮಾಚೊಯಿ ನಿರ್ಭಂದ್ ನಾ. ಹ್ಯಾ ಕಾರ್ಡಾಂತ್ ಕ್ರಿಸ್ತಾಂವ್ ಕುಟ್ಮಾ ಸಾಂಗಾತ್ ಹೇರ್ ಖಂಯ್ಚ್ಯಾಯಿ ಧರ್ಮಾಚ್ಯಾಂಕ್ ಸಾಂದೊ ಜಾವ್ನ್ ಘೆವ್ಯೆತ್. ಒಟ್ಟಾರೆ ಎಕ್ ಕಾರ್ಡಾಂತ್ 5 ಸಾಂದೆ ಭರ್ತಿಕರುಂಕ್ ಅವ್ಕಾಸ್ ಆಸಾ ಮ್ಹಣನ್ ಕಳಯ್ಲಾ.
ಪುರ್ತೊ ವಿವರ್ ಹಾಂತುನ್ ಲಗತ್ ಕೆಲ್ಯಾ ಹ್ಯಾಂಡ್ ಬಿಲ್ಲಾರ್ ಆಸಾ. ಹಾಚ್ಯಾವಿಶ್ಯಾಂತ್ ಜಾಣಾ ಜಾಂವ್ಕ್ ಮನ್ ಆಸ್ಲ್ಯಾನಿಂ, ಆನಿ ಕಾರ್ಡಾಂ ಕರುಂಕ್ ಮನ್ ಆಸ್ಲ್ಯಾನಿಂ ಕಥೊಲಿಕ್ ಸಭೆಚೆ ಹುದ್ದೆದಾರಾಂಕ್ ಸಂಪರ್ಕ್ ಕರ್‍ಯೆತ್.
ಹ್ಯಾ ಮಾಹೆತ್ ಜಮಾತೆಚೆ ಅಧ್ಯಕ್ಷ್ ಪಣ್ ಕುಂದಾಪುರ್ ವಾರಾಡೊ ಅಧ್ಯಕ್ಷಿಣ್ ಮೇಬಲ್ ಡಿಸೋಜಾನ್ ವಹಿಸುನ್ ಘೆತ್ಲೆಂ. ಕುಂದಾಪುರ್ ವಾರಾಡೊ ಕಥೊಲಿಕ್ ಸಭಾಚೆಂ ಅನೇಕ್ ಹುದ್ದೆದಾರ್ ಹ್ಯಾ ಜಮಾತೆಂತ್ ಹಾಜರ್ ಆಸಲ್ಲೆಂ. ಕುಂದಾಪುರ್ ವಾರಾಡೊ ಸಹ್ ಖಜನ್ದಾರ್ ಮೆಲ್ವಿನ್ ಡಿಮೆಲ್ಲೊನ್ ಸ್ವಾಗತ್ ಮಾಗ್ಲೊ. ಕಾರ್ಯದರ್ಶಿ ಮೆಲ್ವಿನ್ ಪುಟಾರ್ಡೊನ್ ಧನ್ವವಾದ್ ಪಾಠಯ್ಲೆಂ.
ಹರ್ಯೆಕ್ ಕಥೊಲಿಕ್ ಸಭಾಚ್ಯಾ ಘಟಕ್(ಇಗರ್ಜ್) ಖಜನ್ದಾರ್ ಹ್ಯಾ ಕೊಂಕಣಿ ಭಲಾಯ್ಕೆ ಕಾರ್ಡಾಂಚ್ಯಾ ಯೋಜನಾಚೆ ಸಂಚಾಲಕ್ ಜಾವ್ನಾಸಾತ್.
