ಕುಂದಾಪುರಾಂತ್ ದುಸ್ರ್ಯಾ ಹಂತಾಚ್ಯಾ ಲಾಯಿಕ್ ಮುಖೇಲ್ಪಾಣಾಚಿ ತರ್ಭೆತಿ ಶಿಬಿರ್

JANANUDI NETWORK

ಕುಂದಾಪುರಾಂತ್ ದುಸ್ರ್ಯಾ ಹಂತಾಚ್ಯಾ ಲಾಯಿಕ್ ಮುಖೇಲ್ಪಾಣಾಚಿ ತರ್ಭೆತಿ ಶಿಬಿರ್

ಕುಂದಾಪುರ್, ಜು.21 ಆಮ್ಚ್ಯಾ ಸಮಾಜೆಚೊ ಮುಖ್ಲೊ ವಾವ್ರ್ ಮುಂದುರುನ್ ವ್ಹರ್ಚ್ಯಾ ಖಾತಿರ್ ಕುಂದಾಪುರ್ ರೊಜಾರ್ ಮಾಯೆಚ್ಯಾ ಇಗರ್ಜೆ 28 ವರ್ಸಾಂ ಥಾವ್ನ್ 45 ವರ್ಸಾಂಚ್ಯಾ ಲಾಯಿಕಾಂಕ್ ತರ್ಭೆತಿ ಶಿಬಿರ್ ಆಸಾ ಕೆಲೆಂ.
ವಿಗಾರ್ ಭೋ|ಮಾ|ಬಾಸ್ಟ್ಯಾನಿ ತಾವ್ರೊನ್ ‘ಆಮಿ ಅಲ್ಪಸಂಖ್ಯಾಕ್ ಜಾವ್ನಾಸಾಂವ್, ಅತಾಂ ಆಮ್ಚೆಂ ಮಾಲ್ಘಡೆಂ ಆಮ್ಚ್ಯಾ ಸಮಾಜೆಚ್ಯಾ ಮುಖೇಲ್ಪಣಾಚೊ ವಾವ್ರ್ ಕರ್ನ್ ಆಸಾತ್, ಮುಕಾರ್ ಆಮ್ಚ್ಯಾ ಸಮಾಜೆಚೊ ವಾವ್ರ್ ಆಮಿ ರಾವೊಂಕ್ ನಜೊ, ಸಮಾಜೆಂತ್ ಆಮ್ಚೆ ಅಸ್ಥಿತ್ವ್ ಉರೊಂಕ್ ಜಾಯ್, ತೆಂ ಅಳ್ವೊನ್ ವಸಾನಾಯೆ, ಆಮ್ಚೆ ಸಮಾಜೆ ಮುಕಾರ್ ಮುಖೇಲ್ಪಣ್ ಘೆಂವ್ನ್ ಚಲವ್ನ್ ವ್ಹರ್ತೆಲ್ಯಾಂಚಿ ಗರ್ಜ್ ಆಸಾ. ದೆಕುನ್ ದುಸ್ರ್ಯಾ ಹಂತಾಚ್ಯಾ ಮುಖೇಲ್ಯಾನಿಂ ಮುಖೇಲಿ ಜಾಂವ್ಕ್ ಮುಕಾರ್ ಸರಾಜೆ, ದೆಕುನ್ ಹೆಂ ಶಿಬಿರ್ ಮಾಂಡುನ್ ಹಾಡ್ಲ್ಯಾ ಹಾಚೊ ಉಪಯೋಗ್ ತುಮಿ ಬರ್ಯಾ ಥರಾನ್ ಗಳ್ಸುನ್ ಘೆಜೆ’ ಮ್ಹಣನ್ ತಾಣಿ ಶಿಬಿರಾಕ್ ಬರೆ ಮಾಗ್ಲೆಂ.
ಹ್ಯಾ ಶಿಬಿರಾಕ್ ಸಂಪನ್ಮೂಲ್ ವ್ಯಕ್ತಿ ಜಾಂವ್ನ್ ಉಡುಪಿ ಧರ್ಮ್ ಪ್ರಾಂತ್ಯಾಚೊ ಕುಟ್ಮಾ ಆಯೋಗಾಚೊ ನಿರ್ದೇಶಕ್ ಲೆಸ್ಲಿ ಆರೋಜಾನ್ ಶಿಬಿರ್ ಚಲವ್ನ್ ವೆಲೆಂ. ಸಹಾಯಕ್ ವಿಗಾರ್ ಮಾ|ಬಾ|ವಿಜಯ್ ಡಿಸೋಜಾ, ಲಾಯಿಕ್ ಆಯೋಗಾಚೊ ಅಧ್ಯಕ್ಷ್, ಸಾಂದೆ, ಕುಟ್ಮಾ ಆಯೋಗಾಚಿ ಅಧ್ಯಕ್ಷಿಣ್ ಆನಿ ಸಾಂದೆ, ಕಥೊಲಿಕ್ ಸಭಾಚೆಂ ಪದಾಧಿಕಾರಿ ಆನಿ ಸಾಂದೆ ಹಾಜರ್ ಆಸ್ಲೆಂ. ಹ್ಯಾ ಶಿಭಿರಾಕ್ ಸುಮಾರ್ 50 ಜಣ್ ದುಸ್ರ್ಯಾ ಹಂತಾಚ್ಯಾ ಮುಖೇಲ್ಯಾನಿಂ ವಾಂಟೊ ಘೆತ್ಲೊ.