JANANUDI NETWORK
ಕುಂದಾಪುರಾಂತ್ ಯುವಜಣಾಂಕ್ ಯುಕ್ಯಾಟ್ ಶಿಕೊವ್ಣ್ ಆರಂಭತ್ಸೋವ್
ಕುಂದಾಪುರ್,ಜು.6: ಯುವಜಣಾಂಕ್ ಸಮರ್ಪುನ್ ದಿಲ್ಯಾ ಹ್ಯಾ ವರ್ಸಾ ಯುವಜಣಾಂಚೊ ಭವಾಡ್ತ್ ಘಟ್ ಕರ್ಚ್ಯಾ ಇರಾದ್ಯಾನ್ ಕುಂದಾಪುರ್ ಫಿರ್ಗಜೆಚ್ಯಾ ಐ.ಸಿ.ವೈ. ಎಮ್. ಆನಿ ವೈ.ಸಿ.ಎಸ್. ಸಾಂದ್ಯಾಂಕ್ ಯುಕ್ಯಾಟ್ ಪುಸ್ತಕಾಚಿ ಶಿಕೊವ್ಣ್ ಜುಲಾಯಾಚ್ಯಾ 6 ತಾರೀಕೆರ್ ಫಿರ್ಗಜ್ ಮಿನಿ ಸಭಾ ಸಾಲಾಂತ್ ಆರಂಭ್ ಕೆಲಿ.
ಹಾಚೆಂ ಉಗ್ತಾವಣ್ ಫಿರ್ಗಜೆಚೊ ವಿಗಾರ್ ಅ|ಮಾ|ಬಾ|ಸ್ಟ್ಯಾನಿ ತಾವ್ರೊನ್ ಮಾಗ್ಣ್ಯಾ ಮಾರಿಫಾತ್ ಉಗ್ತಾವಣ್ ಕರ್ನ್, ಬರೆಂ ಮಾಗ್ಲೆಂ. ಸಹಾಯಕ್ ವಿಗಾರ್ ಮಾ|ಬಾ|ವಿಜಯ್ ಡಿಸೋಜಾನ್ ಶಿಕೊವ್ಣ್ ದಿಲಿ. ಹಿ ಶಿಕೊವ್ಣ್ ಆನಿ ಮುಕಾರ್ ಹರ್ಯೆಕಾ ಮಹಿನ್ಯಾಚ್ಯಾ ಪಯ್ಲ್ಯಾ ಸನ್ವಾರಾ ಸಾಂಜೆರ್ ಪಾಂಚ್ ವೊರಾರ್ ಮುಕಾರುನ್ ವೆತೆಲಿ ಮ್ಹಣನ್ ತಾಣಿ ಕಳವ್ನ್, ಹಿ ಶಿಕೊವ್ಣ್ ಯುವಜಣಾಂಕ್ ಫಾಯ್ದ್ಯಾಕ್ ಪಡ್ತಾಂ, ಮುಖ್ಲ್ಯಾ ಶಿಕವ್ಣೆ ವೇಳಾರ್, ಫಿರ್ಗಜೆಚ್ಯಾ ಹೇರ್ ಯುವಜಣಾಂಕ್ ತುಮ್ಚ್ಯಾ ಇಷ್ಟಾಂಕ್ ಹ್ಯಾ ಶಿಕೊವ್ಣೆಕ್ ಆಪವ್ನ್ ಹಾಡಿಜೆ ಮ್ಹಣನ್ ತಾಣಿ ಉಲೊ ದಿಲೊ. ಪಯ್ಲ್ಯಾ ಪ್ರಯತ್ನಾಂತ್ ಫಿರ್ಗಜೆಚೆಂ ಸುಮಾರ್ 25 ಜಣಾ ಯುವಜಣ್ ಹಾಜರ್ ಜಾವ್ನ್ ಹ್ಯಾ ಶಿಕೊವ್ಣೆಚೊ ಫಾಯ್ದೊ ಜೊಡ್ಲೊ.
