ಕುಂದಾಪುರ್, ಎ.24; ಎಪ್ರಿಲ್ 24 ವೆರ್ ಕುಂದಾಪುರ್ ಫಿರ್ಗಜೆಚೊ ವಿಗಾರ್ ಬಾಪ್ ಪೌಲ್ ರೇಗೊ ಹಾಂಚೊ 31 ವೊ ಯಾಜಕಿ ದೀಕ್ಷೆಚೊ ದೀಸ್ ಸಂಭ್ರಮ್ ಫಿರ್ಗಜ್ ಗಾರಾಂನಿಂ ಸಂಭ್ರಮ್ಲೊ. ಬಾಪ್ ಪೌಲ್ ರೇಗೊ ಹಾಂಚ್ಯಾ ಸಂಗಾತಾ ದೀಕ್ಷಾ ಜೊಡಲ್ಲೊಕಣಜಾರ್ ಫಿರ್ಗಜೆಚೊ ವಿಗಾರ್ ಬಾಪ್ ಹೆರಾಲ್ಡ್ ಪಿರೇರಾ ಕುಂದಾಪುರ್ ಯೆಂವ್ನ್ ಹ್ಯಾ ಸಂಭ್ರಮಾಂತ್ ಮೆಳೊನ್ ತಾಣಿ ಪವಿತ್ರ್ ಬಲಿದಾನ್ ಭೆಟಯ್ಲೆ. ಬಾಪ್ ಪೌಲ್ ರೇಗೊ ಹಾಣಿ ಸಹಬಲಿದಾನ್ ಭೆಟಯ್ಲೆ.
ಉಪ್ರಾಂತ್ ಇಗರ್ಜೆಚ್ಯಾ ಪೊರ್ಟಿಕೆಂತ್ ಕೇಕ್ ಕಾತರ್ನ್ ಸಂಭ್ರಮ್ ಆಚರ್ಸಿಲೊ. ಸಾಂ.ಜುಜೆ ಕಾನ್ವೆಂಟಾಚಿ ವ್ಹಡಿಲ್ನ್ ಭಯ್ಣ್ ಸುಪ್ರಿಯಾ ಹಾಣಿ ಬಲಿದಾನ ವೇಳಾರ್ ಪ್ರಸ್ತಾವನ್ ಪಾಟವ್ನ್, ಉಪ್ರಾಂತ್ ಕಾರ್ಯದರ್ಶಿ ಡೊಮಿನಿಕ್ ಬ್ರಗಾಂಜಾ, ಸರ್ವ್ ಆಯೋಗಾಚಿಂ ಸಂಯೋಜಕಿ ಸವೆಂ ತುರೊ ದಿವ್ನ್ ಶುಭಾಷಯ್ ಪಾಟಯ್ಲೆಂ, ನಿವ್ರತ್ ಮುಖೇಲ್ ಮೇಸ್ತ್ರಿ ಎಲ್.ಜೆ. ಫೆರ್ನಾಂಡಿಸಾನ್ ಬರೆ ಮಾಗ್ಲೆಂ. ಕಾರ್ಯದರ್ಶಿ ಡೊಮಿನಿಕ್ ಬ್ರಗಾಂಜಾನ್ ಕಾರ್ಯೆ ಚಲವ್ನ್ ವೆಲೆಂ. ಆಯೋಗಾಚಿಂ ಸಂಯೋಜಕಿ ಶೋಭಾ ವಾಜ್ ಹಿಣೆ ಧನ್ಯವಾದ್ ಪಾಟಯ್ಲೆಂ. ವಿಗಾರ್ ಬಾಪ್ ಪೌಲ್ ರೇಗೊ ಆನಿ ಬಾಪ್ ಹೆರಾಲ್ಡ್ ಪಿರೇರಾ ಹಾಣಿ ಫಿರ್ಗಜ್ ಗಾರಾಂಚೊ ಉಪ್ಕಾರ್ ಆಟಯ್ಲೊ.
