कोंकणिंतल्यो आध्यात्मीक कविता – राषट्रीय मट्टाचें परिसंवाद आनी आशावादी प्रकाशनाचें शेंभोरावें पुसतक लोकार्पण
Ashawadi-25 the 100th publication of Ashawadi Prakashan, was released
ಗೊಂಯ್; (22 ಜನೆರ್ 2026): ’ಧರ್ಮ್ ಮ್ಹಳ್ಯಾರ್ ಎಕಾ ಕೆಳ್ಯಾಚ್ಯಾ ಸಾಲಿಪರಿಂ ಪುಣ್ ಆಧ್ಯಾತ್ಮಿಕತಾ ಮ್ಹಳ್ಯಾರ್ ಎಕಾ ಕೆಳ್ಯಾಪರಿಂ’. ಪುಣ್ ಧರ್ಮ್ ಆನಿ ಆಧ್ಯಾತ್ಮಿಕತೆಚ್ಯಾ ಮಧೆಂ ಆಸ್ಚೊ ತಫಾವತ್ ಸಮ್ಜೊಂಕ್ ಸಕಾನಾಸ್ತಾಂ ಆಜ್ ಸಮಾಜೆಂತ್ ಮನಿಸ್ ಎಕಾಮೆಕಾಚೊ ದುಸ್ಮಾನ್ ಕಸೊ ಜಾಲಾ. ಕೊಂಕಣಿಂತ್ ಆಧ್ಯಾತ್ಮಿಕ್ ಚಿಂತ್ಪಾಚ್ಯೊ ಕವಿತಾ ಬರಂವ್ಚಿ ಶ್ಯಾಥಿ ಆಸ್ಚೆ ಥೊಡೆ ಕವಿ ಆಸಾತ್ ಆನಿ ತಸಲ್ಯಾಂಚ್ಯಾ ಕವಿತೆಂಚೆರ್ ಖೊಲಾಯೆನ್ ಅಧ್ಯಯನ್ ಕೆಲ್ಲಿಂ ಚಾರ್ ಪ್ರಪತ್ರಾಂ ಆಟಾಪ್ಚೆಂ ರಾಷ್ಟ್ರೀಯ್ ಮಟ್ಟಾಚೆಂ ಪರಿಸಂವಾದ್ ಆಶಾವಾದಿ ಪ್ರಕಾಶನ್, ದಲ್ಗಾದೊ ಕೊಂಕಣಿ ಅಕಾಡೆಮಿ ತಶೆಂಚ್ ಗೊಂಯ್ಚ್ಯಾ ಕಾರ್ಮೆಲ್ ಕೊಲೆಜಿಚ್ಯಾ ಜೊಡ್ ಪಾಲವಾಖಾಲ್ ’ಕೊಂಕಣಿಂತ್ಲ್ಯೊ ಆಧ್ಯಾತ್ಮಿಕ್ ಕವಿತಾ’ ವಿಷಯಾಚೆರ್ ಚಲ್ಲೊ. ಹೆಚ್ ಸಂಧರ್ಭಾರ್ ಆಶಾವಾದಿ ಪ್ರಕಾಶನಾಚೆಂ ಶೆಂಬೊರಾವೆಂ ಪುಸ್ತಕ್ ’ಆಶಾವಾದಿ-೨೫’ ಆನಿ ಹೆರ್ ಆಟ್ ಕೊಂಕಣಿ ಪುಸ್ತಕಾಂಚೆಂ ಲೊಕಾರ್ಪಣ್ ಚಲ್ಲೆಂ.
ಕಾರ್ಮೆಲ್ ಕೊಲೆಜಿಚಿ ಪ್ರಿನ್ಸಿಪಾಲ್ ಡೊ. ಅಲ್ಡಿನ್ಹಾ ಬ್ರಗಾಂಜ ತಶೆಂಚ್ ಮುಖೆಲ್ ಸಯ್ರೊ ಆಂಡ್ರ್ಯೂ ಎಲ್. ಡಿಕುನ್ಹಾ ಹಾಣಿಂ ಪರಿಸಂವಾದಚೆಂ ಉಗ್ತಾವಣ್ ಕರ್ತಚ್ ದಲ್ಗಾದೊ ಕೊಂಕಣಿ ಅಕಾಡೆಮಿಚೊ ಅಧ್ಯಕ್ಷ್ ಸೆಲ್ಸೊ ಫೆರ್ನಾಂಡಿಸಾನ್ ಯೆವ್ಕಾರ್ ಉಲವ್ಪ್ ಕೆಲೆಂ. ಡೊ.ಬ್ರಗಾಂಜನ್ ಉಗ್ತಾವಣ್ ಉಲವ್ಪಾಂತ್ ’ಕೊಂಕಣಿ ಭುರ್ಗ್ಯಾಂಚಿ ಚಿಂತ್ಪಾಧಾರ್ ಶಿಕ್ಪಾಮುಖಾಂತ್ರ್ ಉಂಚಾಯೆಕ್ ಪಾವಂವ್ಚ್ಯಾ ದಿಶೆನ್ ಕಾರ್ಮೆಲ್ ಕೊಲೆಜ್ ಸದಾಂ ಆಯ್ತಿ ಆಸಾ’ ಮ್ಹಣಾಲಿ. ಆಶಾವಾದಿ ಪ್ರಕಾಶನಾಚೆಂ 100ವೆಂ ಪುಸ್ತಕ್: ಆಶಾವಾದಿ-25 (ಪಯ್ಣಾರಿ ದಶಮಾನೋತ್ಸವ್ ಅಂಕೊ) ಹೆಚ್ ವೆಳಾರ್ ಲೊಕಾರ್ಪಣ್ ಜಾತಚ್. ಕನ್ನಡ ಲಿಪಿಚ್ಯಾ ಹ್ಯಾ ಇ-ಪುಸ್ತಕಾಚೆಂ ಡಿಜಿಟಲ್ ಲೊಕಾರ್ಪಣ್ ಸಂಧೇಶ್ ಪ್ರಭುದೇಸಾಯ್ ಹಾಣೆಂ ಕೆಲೆಂ ತರ್ ನಾಗರಿ ಲಿಪಿಚ್ಯಾ ಇ-ಪುಸ್ತಕಾಚೆಂ ಡಿಜಿಟಲ್ ಲೊಕಾರ್ಪಣ್ ದಿನೇಶ್ ಮಣೇರ್ಕಾರ್ ಹಾಣೆಂ ಕೆಲೆಂ.
ಹೆಚ್ ಸಂಧರ್ಭಾರ್ ಬಸ್ತಿ ವಾಮನ್ ಶೆಣಯ್ ಸ್ಮಾರಕ್ ಪುಸ್ತಕ್ ಯೆವ್ಜಣೆಖಾಲ್ ಆಶಾವಾದಿ ಪ್ರಕಾಶನಾಚಿಂ ಆಟ್ ಹೆರ್ ಕೊಂಕಣಿ ಪುಸ್ತಕಾಂ ಲೊಕಾರ್ಪಣ್ ಜಾಲಿಂ;
ಏಕ್ ನವೊ ಸಂಸಾರ್ (ಮಾ| ಚೇತನ್ ಕಾಪುಜಿನ್) ಪುಸ್ತಕ್ ಚಾರ್ಲ್ಸ್ ಲೋಬೊನ್ ಲೊಕಾರ್ಪಣ್ ಕೆಲೆಂ
ಆಮ್ಗೆಲ್ಯೊ ಕೊಂಕಣಿ ಕಾಣಿಯೊ (ಮಾ| ಜೇಸನ್ ಪಿಂಟೊ) ಪುಸ್ತಕ್ ವಿನ್ಸಿ ಕ್ವಾಡ್ರಸಾನ್ ಲೊಕಾರ್ಪಣ್ ಕೆಲೆಂ
WFH ಆನಿ ಹೆರ್ ಕಥಾ (ವಲ್ಲಿ ಕ್ವಾಡ್ರಸ್) ಪುಸ್ತಕ್ ಡೊ.ಜಯಂತಿ ನಾಯ್ಕ್ ಹಿಣೆಂ ಲೊಕಾರ್ಪಣ್ ಕೆಲೆಂ
ಸಾಳಕಾಚ್ಯಾ ಸಿರಿವಂತಾಚ್ಯೊ ಕಥಾ (ಅಧ್ಯಯನ್ ಸಂಕಲನ್, ವಲ್ಲಿ ಕ್ವಾಡ್ರಸ್) ಪುಸ್ತಕ್ ಅಂಜು ಸಾಖರ್ದಾಂಡೆನ್ ಲೊಕಾರ್ಪಣ್ ಕೆಲೆಂ
ಚಲ್ ದೋನ್ ಚಂದ್ರಾಂಕ್ (ಅಧ್ಯಯನ್ ಸಂಕಲನ್, ವಲ್ಲಿ ಕ್ವಾಡ್ರಸ್) ಶೈಲೇಂದ್ರ ಮೆಹ್ತಾನ್ ಲೊಕಾರ್ಪಣ್ ಕೆಲೆಂ
ಕಥಾವಿಹಾನ್ (ಅಧ್ಯಯನ್ ಸಂಕಲನ್, ವಲ್ಲಿ ಕ್ವಾಡ್ರಸ್) ಪುಸ್ತಕ್ ರಾಜಶ್ರೀ ಸೈಲ್ ಹಿಣೆಂ ಕೆಲೆಂ
ಕಥಾಪಾಠ್ (ಅಧ್ಯಯನ್ ಸಂಕಲನ್, ವಲ್ಲಿ ಕ್ವಾಡ್ರಸ್) ಪುಸ್ತಕ್ ಡೊ.ಚಂದ್ರಲೇಖ ಡಿಸೋಜಾನ್ ಲೊಕಾರ್ಪಣ್ ಕೆಲೆಂ
ಅಂತರ್ ಮನ್ (ಉರ್ಜಿತಾ ಭೊಬೆ) ಪುಸ್ತಕ್ ಫ್ರಾನ್ಸಿಸ್ ಡಿಕುನ್ಹಾನ್ ಲೊಕಾರ್ಪಣ್ ಕೆಲೆಂ
ಸರ್ವ್ ಪುಸ್ತಕಾಂಚ್ಯಾ ಬರವ್ಪ್ಯಾಂ ತರ್ಫೆನ್ ಉರ್ಜಿತಾ ಭೊಬೆನ್ ಉಲವ್ಪ್ ಕರುನ್, “ಕೊಂಕಣಿ ಭಾಸ್ ಫುಡೆಂ ವರುಂಕ್ ಆಜ್ ಆಮಿ ಕೊಂಕಣಿಚ್ಯೊ ಲಿಪಿ/ಬೊಲಿ/ಪ್ರಾಂತ್ಯಾಚ್ಯೊ ಗಡಿ ಉತ್ರೊನ್ ವೆಚಿ ಗರ್ಜ್ ಆಸಾ. ಹ್ಯಾ ದಿಶೆನ್ ಕೊಂಕಣಿಂತ್ ವಾವ್ರ್ ಕರುನ್ ಆಸ್ಚೆಂ ಪಕತ್ ಆಶಾವಾದಿ ಪ್ರಕಾಶನ್ ಮಾತ್ರ್”. ಅಶೆಂ ಮ್ಹಣಾಲಿ.
ಕವಿ, ವಿಮರ್ಶಕ್ ಆಂಡ್ರ್ಯೂ ಡಿಕುನ್ಹಾನ್ ಅಪ್ಲ್ಯಾ ಉಲವ್ಪಾಂತ್ ’ಕೊಂಕಣಿ ಕವಿತೆಂಚೆರ್ ಖೊಲಾಯೆನ್ ವಾಸ್ಚಿ ತಶೆಂಚ್ ತಾಂಚೆರ್ ಅಸ್ವಾದನ್ ಕರ್ಚಿ ಗರ್ಜ್ ಆಸಾ’ ಮ್ಹಣಾಲೊ. ಆಶಾವಾದಿ ಪ್ರಕಾಶನಾಚ್ಯಾ ವಲ್ಲಿ ಕ್ವಾಡ್ರಸಾನ್ ಧಿನ್ವಾಸಾಚಿಂ ಉತ್ರಾಂ ಉಲಯ್ಲೊ.
ಉಪ್ರಾಂತ್ ಡೊ.ಚಂದ್ರಲೇಖ ಡಿಸೋಜಾಚ್ಯಾ ಅಧ್ಯಕ್ಷ್ಪಣಾರ್ ಚಲ್ಲೆಲ್ಯಾ ಪರಿಸಂವಾದಾಂತ್ ಪಯ್ಲೆಂ ನಾಮ್ನೆಚೊ ವಿಮರ್ಶಕ್ ನಾನು ಮರೋಲ್ ತೊಟ್ಟಾಮ್ (ಕ್ಲೆರೆನ್ಸ್ ಫೆರ್ನಾಂಡಿಸ್) ಹಾಣೆಂ ’ಆಂಡ್ರ್ಯೂ ಡಿಕುನ್ಹಾಚ್ಯೊ ಆಧ್ಯಾತ್ಮಿಕ್ ಕವಿತಾ’ ವಿಶ್ಯಾಚೆರ್ ಅಪ್ಲೆಂ ಪ್ರಪತ್ರ್ ಸಾಡರ್ ಕೆಲೆಂ. ಮಾ. ಪ್ರತಾಪ್ ನಾಯ್ಕಾಚ್ಯಾ ಆಧ್ಯಾತ್ಮಿಕ್ ಕವಿತೆಂಚೆರ್ ಮಾ. ಜೇಸನ್ ಪಿಂಟೊನ್ ಪ್ರಪತ್ರ್ ಸಾದರ್ ಕೆಲೆಂ. ಪ್ರಕಾಶ್ ಪಡ್ಗಾಂವ್ಕಾರಾಚ್ಯಾ ಆಧ್ಯಾತ್ಮಿಕ್ ಕವಿತೆಂಚೆರ್ ಅಂಜು ಸಾಖರ್ದಾಂಡೆನ್ ಪ್ರಪತ್ರ್ ಸಾದರ್ ಕೆಲೆಂ. ತಶೆಂಚ್ ಜೆಸ್ ಫೆರ್ನಾಂಡಿಸಾಚ್ಯಾ ಆಧ್ಯಾತ್ಮಿಕ್ ಕವಿತೆಂಚೆರ್ ಪೂಜಾ ಸಾಂಗೊಡ್ಕರ್ ಹಿಣೆಂ ಪ್ರಪತ್ರ್ ಸಾದರ್ ಕೆಲೆಂ.
ವಿಶ್ವಪ್ರತಾಪ್ ಪವಾರಾನ್ ಧಿನ್ವಾಸಿ ಉಲವ್ಪ್ ಕೆಲೆಂ. ಹ್ಯಾ ಪರಿಸಂವಾದಾಂತ್ ಕಾರ್ಮೆಲ್ ಕೊಲೆಜಿಚ್ಯಾ ವಿಧ್ಯಾರ್ಥಿಂಸವೆಂ ಧೆಂಪೆ ಮಹಾವಿಧ್ಯಾಲಯಾಚಿಂ, ಪಿಲಾರ್ಚ್ಯಾ ಫಾದರ್ ಆಗ್ನೆಲ್ ಕೊಲೆಜಿಚಿಂ, ರೋಸರಿ ಮಹಾವಿಧ್ಯಾಲಯಾಚಿಂ ತಶೆಂಚ್ ಹೆರ್ ಸಭಾರ್ ವಿಧ್ಯಾರ್ಥಿಂನಿ ವಾಂಟೊ ಘೆತ್ಲೊ.
कोंकणिंतल्यो आध्यात्मीक कविता – राषट्रीय मट्टाचें परिसंवाद आनी आशावादी प्रकाशनाचें शेंभोरावें पुसतक लोकार्पण
गोंय (२२ जनेर २०२६): ’धर्म म्हळ्यार एका केळ्याच्या सालिपरीं पूण आध्यात्मिकता म्हळ्यार एका केळ्यापरीं’. पूण धर्म आनी आध्यात्मिकतेच्या मधें आसचो तफावत समजोंक सकानासतां आज समाजेंत मनीस एकामेकाचो दुस्मान कसो जाला. कोंकणिंत आध्यात्मीक चिंत्पाच्यो कविता बरंवची श्याथी आसचे थोडे कवी आसात आनी तसल्यांच्या कवितेंचेर खोलायेन अध्ययन केल्लीं चार प्रपत्रां आटापचें राषट्रीय मट्टाचें परिसंवाद आशावादी प्रकाशन, दल्गादो कोंकणी अकाडेमी तशेंच गोंयच्या कार्मेल कोलेजिच्या जोड पालवाखाल ’कोंकणिंतल्यो आध्यात्मीक कविता’ विषयाचेर चल्लो. हेच संधर्भार आशावादी प्रकाशनाचें शेंबोरावें पुसतक ’आशावादी-२५’ आनी हेर आट कोंकणी पुसतकांचें लोकार्पण चल्लें.
कार्मेल कोलेजिची प्रिन्सिपाल डो. अलडिन्हा ब्रगांज तशेंच मुखेल सयरो आंडऱ्यू एल. डिकुन्हा हाणीं परिसंवादचें उग्तावण कर्तच दल्गादो कोंकणी अकाडेमिचो अध्यक्ष सेल्सो फेर्नांडिसान येवकार उलवप केलें. डो.ब्रगांजन उग्तावण उलवपांत ’कोंकणी भुर्ग्यांची चिंत्पाधार शिकपामुखांत्र उंचायेक पावंवच्या दिशेन कार्मेल कोलेज सदां आयती आसा’ म्हणाली. आशावादी प्रकाशनाचें १००वें पुसतक: आशावादी-२५ (पयणारी दशमानोत्सव अंको) हेच वेळार लोकार्पण जातच. कन्नड लिपिच्या ह्या ई-पुसतकाचें डिजिटल लोकार्पण संधेश प्रभुदेसाय हाणें केलें तर नागरी लिपिच्या ई-पुसतकाचें डिजिटल लोकार्पण दिनेश मणेर्कार हाणें केलें.
हेच संधर्भार बसती वामन शेणय स्मारक पुसतक येवजणेखाल आशावादी प्रकाशनाचीं आट हेर कोंकणी पुसतकां लोकार्पण जालीं;
एक नवो संसार (मा| चेतन कापुजीन) पुसतक चारल्स लोबोन लोकार्पण केलें
आमगेल्यो कोंकणी काणियो (मा| जेसन पिंटो) पुसतक विन्सी क्वाड्रसान लोकार्पण केलें
WFH आनी हेर कथा (वल्ली क्वाड्रस) पुसतक डो.जयंती नायक हिणें लोकार्पण केलें
साळकाच्या सिरिवंताच्यो कथा (अध्ययन संकलन, वल्ली क्वाड्रस) पुसतक अंजू साखरदांडेन लोकार्पण केलें
चल दोन चंद्रांक (अध्ययन संकलन, वल्ली क्वाड्रस) शैलेंद्र मेहतान लोकार्पण केलें
कथाविहान (अध्ययन संकलन, वल्ली क्वाड्रस) पुसतक राजश्री सैल हिणें केलें
कथापाठ (अध्ययन संकलन, वल्ली क्वाड्रस) पुसतक डो.चंद्रलेख डिसोजान लोकार्पण केलें
अंतर मन (उर्जिता भोबे) पुसतक फ्रान्सीस डिकुन्हान लोकार्पण केलें
सर्व पुसतकांच्या बरवप्यां तर्फेन उर्जिता भोबेन उलवप करून, “कोंकणी भास फुडें वरुंक आज आमी कोंकणिच्यो लिपी/बोली/प्रांत्याच्यो गडी उत्रोन वेची गर्ज आसा. ह्या दिशेन कोंकणिंत वावर करून आसचें पकत आशावादी प्रकाशन मात्र”. अशें म्हणाली.
कवी, विमर्शक आंडऱ्यू डिकुन्हान अपल्या उलवपांत ’कोंकणी कवितेंचेर खोलायेन वासची तशेंच तांचेर अस्वादन कर्ची गर्ज आसा’ म्हणालो. आशावादी प्रकाशनाच्या वल्ली क्वाड्रसान धिन्वासाचीं उत्रां उलयलो.
उपरांत डो.चंद्रलेख डिसोजाच्या अध्यक्षपणार चल्लेल्या परिसंवादांत पयलें नाम्नेचो विमर्शक नानू मरोल तोट्टाम (क्लेरेन्स फेर्नांडीस) हाणें ’आंडऱ्यू डिकुन्हाच्यो आध्यात्मीक कविता’ विश्याचेर अपलें प्रपत्र साडर केलें. मा. प्रताप नायकाच्या आध्यात्मीक कवितेंचेर मा. जेसन पिंटोन प्रपत्र सादर केलें. प्रकाश पडगांवकाराच्या आध्यात्मीक कवितेंचेर अंजू साखरदांडेन प्रपत्र सादर केलें. तशेंच जेस फेर्नांडिसाच्या आध्यात्मीक कवितेंचेर पूजा सांगोडकर हिणें प्रपत्र सादर केलें.
विश्वपरताप पवारान धिन्वासी उलवप केलें. ह्या परिसंवादांत कार्मेल कोलेजिच्या विध्यार्थिंसवें धेंपे महाविध्यालयाचीं, पिलारच्या फादर आग्नेल कोलेजिचीं, रोसरी महाविध्यालयाचीं तशेंच हेर सभार विध्यार्थिंनी वांटो घेतलो.
Ashawadi-25 the 100th publication of Ashawadi Prakashan, was released
Ashawadi-25 (Poinnari Decennial Special Issue), the 100th publication of Ashawadi Prakashan, was released on 22 January 2026 during the National Seminar on Spiritual Poetry in Konkani, held at Carmel College, Nuvem. The seminar was jointly organised by Ashawadi Prakashan, Dalgado Konkani Akademi (DKA), and Carmel College. In addition to Ashawadi-25, eight other books were released during the seminar. The programme was inaugurated by Dr. Aldina Braganza, Principal of Carmel College. Andrew L. D’Cunha graced the occasion as the Chief Guest, while Celso Fernandes, President of Dalgado Konkani Akademi, Queenie Viegas, Vice-Principal of Carmel College, and Valley Quadros, Editor of Poinnari, were present on the dais. The digital release of e-books was carried out by Sandesh Prabhudesai and Dinesh Manerkar. The symposium session was presided over by Dr. Chandralekha D’Souza. Scholarly papers were presented by Clarence Fernandes (Nanu Marol), Fr. Jason Pinto, Anju Sakhardande, and Puja Sangodkar, focusing respectively on the spiritual poetry of Andrew L. D’Cunha, Fr. Pratap Naik, Prakash Padgaonkar, and Jess Fernandes.The vote of thanks was proposed by Vishwapratap Pawar.
e-Book (Kannada konkani) ASHAWADI-25
e-Book (Nagari konkani) ASHAWADI-25