ಗಂಗೊಳ್ಳಿ; ಗಂಗೊಳ್ಳಿಯ ಕೊಸೆಸಾಂವ್ ಮಾತಾ ಚರ್ಚಿನಲ್ಲಿ ಸಂಭ್ರಮದಿಂದ ಮೇರಿ ಮಾತೆಯ ಹುಟ್ಟು ಹಬ್ಬವಾದ ಮೊಂತಿ ಹಬ್ಬ ಆಚರಿಸಲಾಯಿತು. ಹೊಸತೆನೆಗಳನ್ನು ಗಂಗೊಳ್ಳಿ ಕೊಸೆಸಾಂವ್ ಮಾತೆ ಚರ್ಚಿನ ಧರ್ಮ ಗುರುಗಳಾದ ವಂದನೀಯ ತೋಮಸ್ ರೋಶನ್ ಡಿಸೋಜರವರ ನೇತೃತ್ವದಲ್ಲಿ ಹಾಗೂ ಮೂಲತ ಗಂಗೊಳ್ಳಿಯವರಾಗಿ ಪ್ರಸ್ತುತ ಕೆನಡಾದ ಬರ್ಲಿಂಗ್ಟನ್ ನಲ್ಲಿ ಸೇವೆ ಸಲ್ಲಿಸುತ್ತಿರುವ ವಂದನೀಯ ಅರುಣ್ ಗೊಡ್ವಿನ್ ಪಿಂಟೊ ರವರ ಸಹಭಾಗಿತ್ವದೊಂದಿಗೆ ಆಶಿರ್ವಾದಿಸಲಾಯಿತು. ಬಳಿಕ ಭಕ್ತಿಪೂರ್ವಕ ಭವ್ಯಾ ಮೆರವಣಿಗೆಯನ್ನು ನಡೆಸಿ ಹೊಸತೆನೆಗಳನ್ನು ಚರ್ಚಿಗೆ ತರಲಾಯಿತು. ಎಲ್ಲಾ ಮಕ್ಕಳು ಬಾಲ ಮೇರಿ ಮಾತೆಗೆ ಹೂಗಳನ್ನು ಅರ್ಪಿಸಿ, ಬಲಿಪೂಜೆಯನ್ನು ಅರ್ಪಿಸಲಾಯಿತು. ವಂ। ತೋಮಸ್ ರೋಶನ್ ಡಿಸೋಜರವರು ಮೊಂತಿ ಹಬ್ಬದ ಶುಬಾಶಯಗಳನ್ನು ಕೋರಿ, ಈ ಹಬ್ಬ ನಮ್ಮ ಸಂಸ್ಕೃತಿಯ ಹಬ್ಬ, ನಮ್ಮ ಕುಟುಂಬದ ಹಬ್ಬ, ಹಾಗಾಗಿ ನಮ್ಮ ಕುಟುಂಬಗಳಲ್ಲಿ ಒಗ್ಗಟ್ಟು ಹಾಗೂ ಪ್ರೀತಿ ತುಂಬಿರಬೇಕು, ಈ ಹಬ್ಬ ಮಕ್ಕಳಿಗೂ ಸಮರ್ಪಿಸಿದೆ, ಮಾತೆ ಮರಿಯಮ್ಮನ ಆದರ್ಶಗಳೊಂದಿಗೆ ಬದುಕು ಸಾಗಿಸಬೇಕು, ಹೆಣ್ಣು ಮಕ್ಕಳನ್ನು ನಾವು ಗೌರವಿಸುಬೇಕು” ಎಂದು ಸಂದೇಶ ನೀಡಿದರು ಹೊಸ ತೆನೆ ಹಾಗು ಕಬ್ಬನ್ನು ಹಂಚಲಾಯಿತು ಹಾಗೇ ಎಲ್ಲರಿಗು ಸಿಹಿ ತಿಂಡಿ ಹಂಚಲಾಯಿತು.
ಕಥೊಲಿಕ್ ಸಭಾ ಗಂಗೊಳ್ಳಿ ಇವರ ಮುಂದಾಳತ್ವದಲ್ಲಿ ಸಂಸ್ಕ್ರತಿಯ ದಿನದ ಆಚರಣೆ .
ಕಥೊಲಿಕ್ ಸಭಾ ಗಂಗೊಳ್ಳಿ ಇವರ ಮುಂದಾಳತ್ವದಲ್ಲಿ ಗಂಗೊಳ್ಳಿ ಇಗರ್ಜಿಯ ಮಕ್ಕಳು ಹಾಗು ಬಹು ದೊಡ್ಡ ಸಂಖ್ಯೆಯಲ್ಲಿ ಜನರು ತಮ್ಮ ಪುರ್ವಜರು ಉಡುತಿದ್ದ ಸಂಸ್ಕ್ರತಿಯ ಉಡುಗೆ ತೊಟ್ಟು ಹಾಜರಾಗಿದದ್ದು, ,ಹಬ್ಬದ ಸಂಭ್ರಮವನ್ನು ದ್ವಿಗುಣಗೊಳಿಸಿತು.
