KOTHAPATT-6 Valedictory Webinar
Valedictory webinar of Kothapatt Series VI (National level study of Konkani short stories) was held on 23 Aug 2025 at 4pm. Dr.P.S.Ramu Murthy (Principal of Dhempe College, Goa) presided over, Andrew L Dcunha delivered keynotes, Sansico Dias presented paper written by Fr.Jason Pinto on ‘Spirituality in Fr.Chetan Lobo’s stories’. Dr.Purnanand Chari, Dr.Austin DSouza Prabhu, Dr.Chandralekha DSouza, Willy Goes, Gaurish Vernekar, Fr.Chetan Lobo, Anju Sakhardande, Shailendra Mehta expressed their views. Vidhita Shet moderated the webinar. For complete report and photographs, kindly visit:
ರಾಶ್ಟ್ರೀಯ್ ಡಿಜಿಟಲ್ ಕಾಮಾಸಾಳ್ ಕಥಾಪಾಠ್ (ಶಿಂಕಳ್ – VI) ಸಮರೋಪಿ ವೆಬಿನಾರ್
23 ಅಗೋಸ್ತ್ 2025: ಜುಲಾಯ್ 26 ತಾರಿಕೆರ್ ಸನ್ವಾರಾ ಸಾಂ| ಲುವಿಸ್ ಯುನಿವರ್ಸಿಟಿ ಮಂಗ್ಳುರ್ ಹಾಂಚೆ ಕುಲಪತಿ ಮಾ| ದೊ| ಪ್ರವೀಣ್ ಮಾರ್ಟಿಸ್ ಹಾಂಚೆಥಾವ್ನ್ ಉಗ್ತಾವಣ್ ಜಾಲ್ಲೆಂ, ಆಶಾವಾದಿ ಪ್ರಕಾಶನಾನ್ ಮಾಂಡುನ್ ಹಾಡ್ಲ್ಲೆಂ ರಾಷ್ಟ್ರೀಯ್ ಮಟ್ಟಾಚೆಂ ಕಥಾ ಅಧ್ಯಯನಾಚೆಂ ಡಿಜಿಟಲ್ ಕಾಮಾಸಾಳ್ ಕಥಾಪಾಠ್ ಶಿಂಕಳ್-VI ಚೆಂ ಸಮರೋಪಿ ವೆಬಿನಾರ್ ಅಗೋಸ್ತ್ ೨೩ ತಾರಿಕೆರ್ ಸಾಂಜೆರ್ 4 ವೊರಾಂಚೆರ್ ಧೆಂಪೆ ಕೊಲೆಜಿಚೊ ಪ್ರಿನ್ಸಿಪಾಲ್ ಪ್ರೊಫೆಸರ್ ದೊ.ಪಿ. ಎಸ್. ರಾಮುಮೂರ್ತಿಚ್ಯಾ ಅಧ್ಯಕ್ಷ್ಪಣಾಖಾಲ್ ಚಲ್ಲೆಂ. ಪಯ್ಣಾರಿ ವರ್ಸಾಚೊ ಕಥಾಕಾರ್ ೨೦೨೫ ಪುರಸ್ಕಾರಿತ್ ಮಾ.ಬಾ.ಚೇತನ್ ಲೋಬೊಚ್ಯಾ ’ಏಕ್ ನವೊ ಸಂಸಾರ್’ ಪುಸ್ತಕಾಂತ್ಲ್ಯಾ ಕಥೆಂನಿ ’ತಾರ್ಕಿಕತಾ, ವಯ್ಚಾರಿಕತಾ, ಸಮಾಜಿಕತಾ ಆನಿ ಆಧ್ಯಾತ್ಮಿಕತಾ’ ಅಶೆಂ ಚ್ಯಾರ್ ವೆಬಿನಾರಾಂನಿ ಚ್ಯಾರ್ ಪ್ರಪತ್ರಾಂ ಸಾದರ್ ಜಾಲಿಂ.
2 ಅಗೋಸ್ತ್ ವೆಬಿನಾರ್: ವಿಶಯ್: ಏಕ್ ನವೊ ಸಂಸಾರ್ ಪುಸ್ತಕಾಂತ್ಲ್ಯಾ ಕಥೆಂನಿ ತಾರ್ಕಿಕತಾ, ಪ್ರಪತ್ರ್: ಮೇಗಾನ್ ಡೆ ಸೋಜ್, ನಿರೀಕ್ಷಕ್: ಶೈಲೇಂದ್ರ ಮೆಹ್ತಾ, ಗೊಂಯ್
9 ಅಗೋಸ್ತ್ ವೆಬಿನಾರ್: ವಿಶಯ್: ಏಕ್ ನವೊ ಸಂಸಾರ್ ಪುಸ್ತಕಾಂತ್ಲ್ಯಾ ಕಥೆಂನಿ ವಯ್ಚಾರಿಕತಾ, ಪ್ರಪತ್ರ್: ಮಾ.ಬಾ. ರೋಮನ್ ರೊಡ್ರಿಗಸ್, ನಿರೀಕ್ಷಕ್: ಹಿಲರಿ ಡಿಸಿಲ್ವಾ, ಮುಂಬಯ್
16 ಅಗೋಸ್ತ್ ವೆಬಿನಾರ್: ವಿಶಯ್: ಏಕ್ ನವೊ ಸಂಸಾರ್ ಪುಸ್ತಕಾಂತ್ಲ್ಯಾ ಕಥೆಂನಿ ಸಮಾಜಿಕತಾ, ಪ್ರಪತ್ರ್: ದೇವಿತಾ ಖುಳೆ, ನಿರೀಕ್ಷಕ್: ಶೈಲೇಂದ್ರ ಮೆಹ್ತಾ, ಗೊಂಯ್
23 ಅಗೋಸ್ತ್ ವೆಬಿನಾರ್: ವಿಶಯ್: ಏಕ್ ನವೊ ಸಂಸಾರ್ ಪುಸ್ತಕಾಂತ್ಲ್ಯಾ ಕಥೆಂನಿ ಆಧ್ಯಾತ್ಮಿಕತಾ, ಪ್ರಪತ್ರ್: ಮಾ.ಬಾ.ಜೇಸನ್ ಪಿಂಟೊ (ಸಾದರೀಕರಣ್: ಸಾನ್ಸಿಕೊ ಡಾಯಸ್), ನಿರೀಕ್ಷಣ್: ಆಂಡ್ರ್ಯೂ ಎಲ್. ಡಿ’ಕುನ್ಹಾ, ಮಂಗ್ಳೂರ್
ಶೈಲೇಂದ್ರ ಮೆಹ್ತಾನ್ ಯೆವ್ಕಾರಾಚೆಂ ಉಲವ್ಪ್ ಕರುನ್, ಶಿಕ್ಷಣ್ ಮನ್ಶಾಚ್ಯಾ ಚಿಂತ್ಪಾಚೆರ್ ಉಜ್ವಾಡ್ ಫಾಂಕಂವ್ಕ್ ಸಕ್ತಾ ಆನಿ ಸಮಾಜೆಕ್ ಬರಿ ವಾಟ್ ದೀಂವ್ಕ್ ಸಕ್ತಾ ಆನಿ ಹ್ಯಾ ದಿಶೆನ್ ಕಥಾಕಾರಾಚಿ ಮುಳಾವಿ ಜವಾಭ್ದಾರಿ ಮಹತ್ವಾಚಿ. ಕಥಾಪಾಠ್ ಹ್ಯಾ ದಿಶೆನ್ ಕೊಂಕಣಿಚ್ಯಾ ವೆಗ್-ವೆಗಳ್ಯಾ ಲಿಪಿಂನಿ ಆಸ್ಚಾ ಉತ್ತೀಮ್ ಕಥಾಕಾರಾಂಚಿ ತಶೆಂಚ್ ತಾಂಚ್ಯಾ ಸಾಹಿತ್ಯಾಚಿ ಒಳೊಕ್ ಕರುನ್ ದಿತಾ ಮ್ಹಣಾಲೊ. ನಾಮ್ನೆಚೊ ಕವಿ, ಕಥಾಕಾರ್, ವಿಶ್ಲೇಷಕ್ ಆಂಡ್ರ್ಯೂ ಎಲ್. ಡಿ’ಕುನ್ಹಾನ್ ಪ್ರಸ್ತಾವಿಕ್ ಉಲವ್ಪ್ ಕರುನ್ ಚೇತನ್ ಕಾಪುಜಿನ್ ಹಾಂಚ್ಯಾ ಕಥೆಂನಿ ಸಕ್ರಿಯತಾ (Activism) ವಿಶ್ಯಾಚೆರ್ ಖೊಲಾಯೆನ್ ಕೆಲ್ಲೆಂ ಅಧ್ಯಯನ್ ಪ್ರಸ್ತುತ್ ಕರುನ್ ಮ್ಹಣಾಲೊ; ಏಕ್ ಧಾರ್ಮಿಕ್ ಯಾಜಕ್ ಜಾವ್ನ್ಯೀ ತಾಂಚ್ಯಾ ಬರ್ಪಾಂನಿ ಉಟೊನ್ ದಿಸ್ಚಿ ಸಾಮಾಜಿಕ್ ಕಾಳ್ಜಿ ತಶೆಂಚ್ ಹುಸ್ಕೊ ವಾಖಣ್ಚೆತಸಲೊ. ಧರ್ಮ್ ಆನಿ ಆಧ್ಯಾತ್ಮಿಕತಾ ದೋನ್ ವೆಗ್-ವೆಗ್ಳೆಂ, ಚೇತನ್ ಕಾಪುಜಿನ್ ಹಾಂಚ್ಯಾ ಬರ್ಪಾಂನಿ; ಜಾಂವ್ ಕಥಾ ವಾ ಸಂಪಾದಕೀಯಾಂನಿ ವೆಗ್-ವೆಗಳ್ಯಾ ರಿತಿಂನಿ ಆಧ್ಯಾತ್ಮಿಕತಾ ಭೋವ್ ಪರಿಪಕ್ವ್ ರಿತಿನ್ ಆಸಾ ಮ್ಹಣಾಲೊ ತಶೆಂಚ್ ಕೊಂಕಣಿ ಸಾಹಿತ್ಯಾಂತ್ ಸಂಘರ್ಷ್ ನಾ ಮ್ಹಣ್ಚ್ಯಾ ಆಡ್-ವಾದಾದ್ ಅಪ್ವಾದ್ ಮ್ಹಣ್ಚೆಪರಿಂ ಚೇತನ್ ಕಾಪುಜಿನಾಚ್ಯಾ ಕಥೆಂನಿ ಹೆಂ ಜಿಣ್ಯೆ ಸಂಘರ್ಷ್ ದಾಟಾಯೆನ್ ಆಸ್ಚೆಂ ಗಮ್ತಾ. ಆನಿಂ ಅಸಲ್ಯಾ ಕಥೆಂಕ್ ಬರಂವ್ಚಾ ಕಥಾಕಾರಾಚ್ಯಾ ಪುಸ್ತಕಾಚೆರ್ ಇತ್ಲ್ಯಾ ಖೊಲಾಯೆನ್ ರಾಷ್ಟ್ರ್ ಮಟ್ಟಾಚೆಂ ಅಧ್ಯಯನ್ ಕಾಮಾಸಾಳ್ ಚಲ್ಚೆಂ ಖರೆಂಚ್ ಕಸಲ್ಯಾಯ್ ಪುರಸ್ಕಾರಾಚ್ಯಾಕೀ ವರ್ತೆಂ ಮ್ಹಣಾಲೊ.
ದೊ.ರಾಮು ಮೂರ್ತಿನ್ ಪಾಟ್ಲ್ಯಾ ಸ ವರ್ಸಾಂನಿ ಕಥಾಪಾಠ್ ವೆಬಿನಾರ್ ಶಿಂಕಳ್ ಆಯೋಜಿತ್ ಕರ್ಚ್ಯಾ ಆಶಾವಾದಿ ಪ್ರಕಾಶನಾಸವೆಂ ಧೆಂಪೆ ಕೊಲೆಜಿಚೆಂ ಸಮ್ಜಿಕಾಯೆಚೆಂ ಖರಾರ್ (MOU) ಆಸ್ಲೆವರ್ವಿಂ ಫಕತ್ ಧೆಂಪೆ ಕೊಲೆಜಿಚ್ಯಾ ವಿಧ್ಯಾರ್ಥಿಂಕ್ ಮಾತ್ರ್ ಸೀಮಿತ್ ನಾಸ್ತಾಂ, ಗೊಂಯ್ಚ್ಯಾ ಹೆರ್ ಸಭಾರ್ ಕೊಲೆಜಿಂನಿ ಶಿಕ್ಚಾ ವಿಧ್ಯಾರ್ಥಿಂಕ್ ಸಯ್ತ್ ಹಾಚೊ ಫಾಯ್ಚೊ ಲಾಭ್ಲಾ. ಹ್ಯಾ ವೆಬಿನಾರಾಂನಿ ಸಾದರ್ ಜಾಲ್ಲಿಂ ಅಮೊಲಿಕ್ ಪ್ರಪತ್ರಾಂ ಎಕಾ ಪುಸ್ತಕಾರುಪಾರ್ ಪರ್ಗಟುನ್ ಯೆಂವ್ಚಿ ಗರ್ಜ್ ಆಸಾ ತಶೆಂಚ್ ಅಸಲಿಂ ಉಪಕ್ರಮಾಂ ಫುಡೆಂಯ್ ಮಾಂಡುನ್ ಹಾಡ್ಪಾಚಿ ಗರ್ಜ್ ಆಸಾ, ಸಮಗ್ರ್ ಕೊಂಕಣಿಚಿ ಗಿರೆಸ್ತ್ಕಾಯ್ ಆಮಿ ಸಮ್ಜುಂಚಿ ಗರ್ಜ್ ಆಸಾ ಮ್ಹಣಾಲೊ.
ಮಾ.ಚೇತನ್ ಲೋಬೊಚ್ಯಾ ಕಥೆಂನಿ ’ಆಧ್ಯಾತ್ಮಿಕತಾ’ ವಿಶ್ಯಾಚೆರ್ ಮಾ.ಬಾ.ಜೇಸನ್ ಲೋಬೊಚೆಂ ಪ್ರಪತ್ರ್ ರೋಸರಿ ಕೊಲೆಜಿಚೊ ಪ್ರಾಧ್ಯಾಪಕ್ ಸಾನ್ಸಿಕೊ ಲೋಬೊನ್ ಸಾದರ್ ಕೆಲೆಂ. ಕೊಂಕಣಿ ಅಕಾಡೆಮಿ ಗೊಂಯ್-ಚೊ ಅಧ್ಯಕ್ಷ್ ದೊ.ಪೂರ್ಣಾನಂದ್ ಚಾರಿನ್ ಅಪ್ಲ್ಯಾ ಉಲವ್ಪಾಂತ್ ’ಕಥಾಪಾಠ್ ಉಪಕ್ರಮ್ ಕಸೊ ವಿಸ್ತಾರ್ ಕೊಂಕಣಿಚ್ಯಾ ವೆಗ್-ವೆಗಳ್ಯಾ ಕಥಾಕಾರಾಂಚಿ ಆನಿಂ ಕಥೆಂಚಿ ಒಳೊಕ್ ಕರುನ್ ದಿತಾ, ತೆಚ್ಪರಿಂ ಕೊಂಕಣಿಚೊ ಫುಡಾರ್ ಘಟ್ ಕರ್ಚಾ ಇರಾದ್ಯಾನ್ ಎಕಾಮನಾನ್ ಆಮಿ ಲಾಗಿಂ ಯೇವ್ನ್ ವಾವ್ರ್ ಕರ್ಪಾಚಿ ಗರ್ಜ್ ಆಸಾ. ಹ್ಯಾ ದಿಶೆನ್ ಪಾಟ್ಲ್ಯಾ ಕಾಂಯ್ ತೆಂಪಾಥಾವ್ನ್ ವಾವ್ರ್ ಕರ್ಚಾ ಆಶಾವಾದಿ ಪ್ರಕಾಶನಾಕ್ ಪರ್ಬಿಂ’ ಮ್ಹಣಾಲೊ.
ಕಥಾಪಾಠ್ ಶಿಂಕಳೆಚೊ ಸಹ-ಭಾಗಿತ್ವ್ ಕೆಲ್ಲ್ಯಾ ವೀಜ್ ಇ-ಪತ್ರಾಚೊ ಸಂಪಾದಕ್ ದೊ.ಆಸ್ಟಿನ್ ಡಿಸೋಜ್ ಪ್ರಭುನ್ ಅಪ್ಲ್ಯಾ ಉಲವ್ಪಾಂತ್ ’ಕೊಂಕಣಿ ಸಾಹಿತ್ಯಾಕ್ ಇತ್ಲೊ ಬರೊ ಮಾನ್ ಆನಿ ಗವ್ರವ್ ಲಾಭ್ಚೊ ಎಕಾರಿತಿನ್ ಕೊಂಕಣಿಕ್ ಲಾಭ್ಚೊ ಮಾನ್. ಹ್ಯಾ ವಾವ್ರಾಕ್ ಮುಖಾರುನ್ ವರ್ಚೊ ಆನಿ ಹಾಚೊ ಫಾಯ್ದೊ ಕೊಂಕಣಿಕ್ ಲಾಭ್ಚೊ. ಹ್ಯಾ ದಿಶೆನ್ ಆಶಾವಾದಿ ಪ್ರಕಶನಾನ್ ಕೆಲ್ಲೊ ವಾವ್ರ್, ಪ್ರತ್ಯೇಕ್ ಜಾವ್ನ್ ಡಿಜಿಟಲ್ ಮಾಧ್ಯಮಾಂತ್ ತರ್ಯೀ ಕೊಣೆಂಚ್ ಕರುಂಕ್ ನಾ’ ಮ್ಹಣಾಲೊ.
ಬಾಯ್ ದೊ.ಚಂದ್ರಲೇಖ ಡಿಸೋಜಾನ್ ಅಪ್ಲ್ಯಾ ಉಲವ್ಪಾಂತ್ ’ಆಧ್ಯಾತ್ಮಿಕತಾ’ ಮ್ಹಳ್ಳೊ ಸಬ್ಧ್ ’ಆದಿ + ಆತ್ಮ್ ಚಿಂತನ್’ ಮ್ಹಳ್ಳ್ಯಾ ದೋನ್ ಸಬ್ಧಾಂಕ್ ಆಟಾಪ್ತಾ. ಮ್ಹಳ್ಯಾರ್ ಪಯ್ಲೆಂ ಸ್ವ-ಅವಲೋಕನ್ ಭೋವ್ ಗರ್ಜೆಚೆಂ. ಆನಿ ಕೊಂಕಣಿಕ್ ಹೆಂ ಭೋವ್ ಗರ್ಜೆಚೆಂ. ಕೊಂಕಣಿ ಸಾಹಿತ್ಯಾಂತ್ ಸಕ್ರಿಯತಾ ಗರ್ಜೆಚಿ’ ಮ್ಹಣಾಲಿ.
ಗೊಂಯ್ಚಾ ಆಲ್ಟಿನ್ಹೊ ಕೊಲೆಜಿಚೊ ಆಧ್ಲೊ ಪ್ರಿನ್ಸಿಪಾಲ್ ಬಾಬ್ ವಿಲ್ಲಿ ಗೋಯೆಸಾನ್ ಅಪ್ಲ್ಯಾ ಉಲವ್ಪಾಂತ್ ಮ್ಹಣಾಲೊ; ’ಕೊಂಕಣಿ ಸಾಹಿತ್ಯಾಚೆರ್ ಇತ್ಲ್ಯಾ ಖೊಲಾಯೆನ್ ಅಧ್ಯಯನ್ ಜಾತಾ ಮ್ಹಳ್ಳಿ ಖಬರ್ ಆಸ್ಲಿ ಪುಣ್ ಆಯ್ಜ್ ಹ್ಯಾ ವೆಬಿನಾರಾಂತ್ ವಾಂಟೆಲಿ ಜಾಲ್ಲ್ಯಾನ್ ಹ್ಯಾ ಅಧ್ಯಯನಾಚೊ ಫಾಯ್ದೊ ಕಿತ್ಲೆಶ್ಯಾಂಕ್ ಜೊಡುಂಕ್ ಸಾಧ್ಯ್ ಆಸಾ, ಆನಿ ಅಸಲಿಂ ಉಪಕ್ರಮಾಂ ಕೊಂಕಣಿಂತ್ ಜಾಂವ್ಚಿ ಗರ್ಜ್ ಆಸಾ’ ಮ್ಹಣಾಲೊ.
ಕೊಂಕಣಿ ಲೇಖಕಾಂಚ್ಯಾ ಎಕ್ತಾರಾಚೊ ಅಧ್ಯಕ್ಷ್ ಗೌರೀಶ್ ವೆರ್ಣೇಕರಾನ್ ಅಪ್ಲ್ಯಾ ಉಲವ್ಪಾಂತ್ ಮ್ಹಣಾಲೊ; “ಕಥಾಪಾಠಾಚ್ಯಾ ಸರ್ವ್ ವೆಬಿನಾರಾಂನಿ ಹಾಜರ್ ಜಾಂವ್ಕ್ ಅಪ್ಣಾಕ್ ಜಾಂವ್ಕ್ ನಾ ತರ್ಯೀ ಹ್ಯಾ ಅಧಯ್ಯನಾಂನಿ ಪಾಟ್ಲ್ಯಾ ಕಾಂಯ್ ವರ್ಸಾಂನಿ ವಾಂಟೆಲಿ ಜಾಲೆಲ್ಯಾ ಜಾಯ್ತ್ಯಾ ವಿಧ್ಯಾರ್ಥಿಂನಿ ಜೊಡ್ಲಲ್ಯಾ ಜಾಣ್ವಾಯೆವಿಶಿಂ ಅಪ್ಣಾಕ್ ಮಾಹೆತ್ ಆಸಾ, ಖರೆಂಚ್ ಜಾವ್ನ್ ಆಯ್ಚ್ಯಾ ಕಾಳಾರ್ ಅಸಲಿಂಚ್ ಜಾಯ್ತಿಂ ಅಧಯನ್ ಕಾಮಾಸಾಳಾಂ ಜಾವ್ಪಾಚಿ ಗರ್ಜ್ ಆಸಾ. ಹ್ಯಾ ದಿಶೆನ್ ಆಶಾವಾದಿ ಪ್ರಕಾಶನಾಚ್ಯಾ ವಾವ್ರಾಕ್ ಅಪ್ಣಾಚೊ ತೆಂಕೊ ಆಸ್ತಲೊ” ಮ್ಹಣಾಲೊ.
ಮಾ| ಚೇತನ್ ಲೋಬೊನ್ ಅಪ್ಲ್ಯಾ ಉಲವ್ಪಾಂತ್ ಮ್ಹಳೆಂ; “ಪಾಟ್ಲ್ಯಾ ಪಂದ್ರಾ-ವೀಸ್ ವರ್ಸಾಧಿಂ ಹಾಂವೆಂ ಬರಯಿಲ್ಲ್ಯಾ ಕಥೆಂಚೆರ್ ಸಾದರ್ ಜಾಲ್ಲಿಂ ಎಕೇಕ್ ಪ್ರಪತ್ರಾಂ ಪಳೆತಾನಾ, ಹಾಂವೆಂ ಕಥಾ ಬರಂವ್ಚಾ ವೆಳಾರ್ ಮ್ಹಜಿ ಮನೋಗತ್ ಆನಿ ಪರಿಸ್ಥಿತಿ, ಸಂಧರ್ಬ್ ಕಸೊ ಆಸ್ಲೊ ಮ್ಹಳ್ಳೊ ಉಡಾಸ್ ಆಯ್ಲೊ. ಹಾಂವೆಂ ಕೆದಿಂಚ್ ಚಿಂತುಂಕ್ ನಾ, ಎಕಾ ದಿಸಾ ಮ್ಹಜ್ಯಾ ಕಥೆಂಚೆರ್ ಅಸಲೆಂ ಏಕ್ ಅಧ್ಯಯನ್ ಚಲ್ತಲೆಂ ಆನಿ ಮ್ಹಜ್ಯಾ ಕಥೆಂಚ್ಯಾ ವೆಗ್-ವೆಗಳ್ಯಾ ಆಯಾಮಾಂಚೆರ್ ಖೊಲಾಯೆನ್ ಅಧ್ಯಯನ್ ಕೆಲ್ಲಿಂ ಪ್ರಪತ್ರಾಂ ಸಾದರ್ ಜಾತಲಿಂ ಮ್ಹಣ್. ಹಾಂವ್ ಸಂಪಾದಕ್ ವ್ಹಯ್ ಪುಣ್ ಮುಳಾನ್ ಹಾಂವ್ ಏಕ್ ಕಥಾಕಾರ್ ಜಾಲ್ಲ್ಯಾನ್ ಮ್ಹಾಕಾ ಆವಡ್ಚೊ ಪ್ರಕಾರ್ ಕಥಾ. ಖರೆಂಚ್ ಜಾವ್ನ್ ಎಕಾ ಕಥಾಕಾರಾಕ್ ಹಾಚ್ಯಾಚೀ ವ್ಹಡ್ ಪುರಸ್ಕಾರ್ ನಾ. ಹ್ಯಾ ದಿಶೆನ್ ವಾವ್ರ್ ಕೆಲ್ಲ್ಯಾ ಆಶಾವಾದಿ ಪ್ರಕಾಶನ್ ತಶೆಂಚ್ ತಾಚ್ಯಾ ಸರ್ವ್ ಸಹ-ಭಾಗಿದಾರಾಂಕ್ ಮ್ಹಜೆ ಖಾಲ್ತೆ ಧಿನ್ವಾಸ್” ಮ್ಹಣಾಲೊ
ಕಥಾಪಾಠ್ ಶಿಂಕಳ್ VI ಚ್ಯಾ ವೆಬಿನಾರಾಂನಿ ಹಾಜರ್ ಜಾವ್ನ್ ಅಪ್ಣಾಕ್ ಜೊಡ್ಲಲೊ ಅನ್ಭೋಗ್ ಖರೊಚ್ ವರ್ತೊ. ಅಸಲಿಂ ವೆಬಿನಾರಾಂ ಫುಡೆಂಯ್ ಜಾಂವ್ಕ್ ಜಾಯ್ ಆನಿ ಕನ್ನಡ ಲಿಪಿಂತ್ಲ್ಯಾ ಹೆರ್ ಉಂಚ್ಲ್ಯಾ ಕಥಾಕಾರಾಂಚಿ ತಶೆಂಚ್ ತಾಂಚ್ಯಾ ಕಥೆಂಚಿ ಒಳೊಕ್ ಆಮ್ಕಾಂ ಜಾವ್ಪಾಕ್ ಜಾಯ್ ಮ್ಹಣ್ ವಿಧ್ಯಾರ್ಥಿಂನಿ; ಸಲೋನಿ ಧುಮಾಸ್ಕರ್ (ಧೆಂಪೆ ಕೊಲೆಜ್), ಮೆಲ್ಬಾ ಕಾರ್ಡೋಜ್ (ಕಾರ್ಮೆಲ್ ಕೊಲೆಜ್), ರೋಹಿಣಿ ಮುರ್ಗಾಂವ್ಕಾರ್ (ಗೊಂಯ್ ವಿಧ್ಯಾಪೀಠ) ಅಪ್ಲೆ ಅನ್ಭೋಗ್ ಉಚಾರ್ಲೆ.
ಧೆಂಪೆ ಕೊಲೆಜಿಚ್ಯಾ ಕೊಂಕಣಿ ವಿಭಾಗಾಚಿ ಮುಖೆಸ್ತ್ ಬಾಯ್ ಅಂಜು ಸಾಖರ್ದಾಂಡೆನ್ ಧಿನ್ವಾಸ್ ಪಾಠಯ್ಲೆ. ಧೆಂಪೆ ಕೊಲೆಜಿಚಿ ಪ್ರಾಧ್ಯಾಪಕಿ ಬಾಯ್ ವಿಧಿತಾ ಶೇಟ್ ಹಿಣೆಂ ವೆಬಿನಾರಾಚೆಂ ಸೂತ್ರ್-ಸಂಚಾಲನ್ ಕೆಲೆಂ.
(ಕಥಾಪಾಠ್ ಶಿಂಕಳ್ VI ಚೊ ಪ್ರಾಯೋಜಕ್ ಮಾನೆಸ್ತ್ ಮಾಯ್ಕಲ್ ಡಿಸೋಜ್ ಆನಿ ಕುಟಮ್, ದುಭಾಯ್)
राश्ट्रीय डिजिटल कामासाळ कथापाठ (शिंकळ – ६) समरोपी वेबिनार२३ अगोस्त २०२५: जुलाय २६ तारिकेर सन्वारा सां| लुवीस युनिवर्सिटी मंगळूर हांचे कुलपती मा| दो| प्रवीण मार्टीस हांचेथावन उग्तावण जाल्लें, आशावादी प्रकाशनान मांडून हाडल्लें राषट्रीय मट्टाचें कथा अध्ययनाचें डिजिटल कामासाळ कथापाठ शिंकळ-६ चें समरोपी वेबिनार अगोस्त २३ तारिकेर सांजेर ४ वोरांचेर धेंपे कोलेजिचो प्रिन्सिपाल प्रोफेसर दो.पी. एस. रामुमूर्तिच्या अध्यक्षपणाखाल चल्लें. पयणारी वर्साचो कथाकार २०२५ पुरसकारीत मा.बा.चेतन लोबोच्या ’एक नवो संसार’ पुस्तकांतल्या कथेंनी ’तार्किकता, वयचारिकता, समाजिकता आनी आध्यात्मिकता’ अशें च्यार वेबिनारांनी च्यार प्रपत्रां सादर जालीं.२ अगोस्त वेबिनार: विशय: एक नवो संसार पुस्तकांतल्या कथेंनी तार्किकता, प्रपत्र: मेगान डे सोज, निरीक्षक: शैलेंद्र मेहता, गोंय९ अगोस्त वेबिनार: विशय: एक नवो संसार पुस्तकांतल्या कथेंनी वयचारिकता, प्रपत्र: मा.बा. रोमन रोड्रिगस, निरीक्षक: हिलरी डिसिलवा, मुंबय१६ अगोस्त वेबिनार: विशय: एक नवो संसार पुस्तकांतल्या कथेंनी समाजिकता, प्रपत्र: देविता खुळे, निरीक्षक: शैलेंद्र मेहता, गोंय२३ अगोस्त वेबिनार: विशय: एक नवो संसार पुस्तकांतल्या कथेंनी आध्यात्मिकता, प्रपत्र: मा.बा.जेसन पिंटो (सादरीकरण: सान्सिको डायस), निरीक्षण: आंडऱ्यू एल. डी’कुन्हा, मंगळूरशैलेंद्र मेहतान येवकाराचें उलवप करून, शिक्षण मनशाच्या चिंत्पाचेर उज्वाड फांकवंक सक्ता आनी समाजेक बरी वाट दीवंक सक्ता आनी ह्या दिशेन कथाकाराची मुळावी जवाभदारी महत्वाची. कथापाठ ह्या दिशेन कोंकणिच्या वेग-वेगळ्या लिपिंनी आसचा उत्तीम कथाकारांची तशेंच तांच्या साहित्याची ओळोक करून दिता म्हणालो. नाम्नेचो कवी, कथाकार, विशलेषक आंडऱ्यू एल. डी’कुन्हान प्रस्तावीक उलवप करून चेतन कापुजीन हांच्या कथेंनी सक्रियता (Activism) विश्याचेर खोलायेन केल्लें अध्ययन प्रसतूत करून म्हणालो; एक धार्मीक याजक जावनयी तांच्या बर्पांनी उटोन दिसची सामाजीक काळजी तशेंच हुसको वाखणचेतसलो. धर्म आनी आध्यात्मिकता दोन वेग-वेगळें, चेतन कापुजीन हांच्या बर्पांनी; जांव कथा वा संपादकीयांनी वेग-वेगळ्या रितिंनी आध्यात्मिकता भोव परिपकव रितीन आसा म्हणालो तशेंच कोंकणी साहित्यांत संघरष ना म्हणच्या आड-वादाद अपवाद म्हणचेपरीं चेतन कापुजिनाच्या कथेंनी हें जिण्ये संघरष दाटायेन आसचें गमता. आनीं असल्या कथेंक बरंवचा कथाकाराच्या पुस्तकाचेर इतल्या खोलायेन राषट्र मट्टाचें अध्ययन कामासाळ चल्चें खरेंच कसल्याय पुरसकाराच्याकी वर्तें म्हणालो.दो.रामू मूर्तीन पाटल्या स वर्सांनी कथापाठ वेबिनार शिंकळ आयोजीत कर्च्या आशावादी प्रकाशनासवें धेंपे कोलेजिचें समजिकायेचें खरार (MOU) आसलेवर्वीं फकत धेंपे कोलेजिच्या विध्यार्थिंक मात्र सीमीत नासतां, गोंयच्या हेर सभार कोलेजिंनी शिकचा विध्यार्थिंक सयत हाचो फायचो लाभला. ह्या वेबिनारांनी सादर जाल्लीं अमोलीक प्रपत्रां एका पुस्तकारुपार पर्गटून येंवची गर्ज आसा तशेंच असलीं उपक्रमां फुडेंय मांडून हाडपाची गर्ज आसा, समग्र कोंकणिची गिरेस्तकाय आमी समजुंची गर्ज आसा म्हणालो.मा.चेतन लोबोच्या कथेंनी ’आध्यात्मिकता’ विश्याचेर मा.बा.जेसन लोबोचें प्रपत्र रोसरी कोलेजिचो प्राध्यापक सान्सिको लोबोन सादर केलें. कोंकणी अकाडेमी गोंय-चो अध्यक्ष दो.पूर्णानंद चारीन अपल्या उलवपांत ’कथापाठ उपक्रम कसो विस्तार कोंकणिच्या वेग-वेगळ्या कथाकारांची आनीं कथेंची ओळोक करून दिता, तेचपरीं कोंकणिचो फुडार घट कर्चा इराद्यान एकामनान आमी लागीं येवन वावर कर्पाची गर्ज आसा. ह्या दिशेन पाटल्या कांय तेंपाथावन वावर कर्चा आशावादी प्रकाशनाक परबीं’ म्हणालो.कथापाठ शिंकळेचो सह-भागित्व केल्ल्या वीज ई-पत्राचो संपादक दो.आसटीन डिसोज प्रभून अपल्या उलवपांत ’कोंकणी साहित्याक इतलो बरो मान आनी गवरव लाभचो एकारितीन कोंकणीक लाभचो मान. ह्या वावराक मुखारून वर्चो आनी हाचो फायदो कोंकणीक लाभचो. ह्या दिशेन आशावादी प्रकशनान केल्लो वावर, प्रत्येक जावन डिजिटल माध्यमांत तरयी कोणेंच करुंक ना’ म्हणालो.बाय दो.चंद्रलेख डिसोजान अपल्या उलवपांत ’आध्यात्मिकता’ म्हळ्ळो सब्ध ’आदी + आत्म चिंतन’ म्हळ्ळ्या दोन सब्धांक आटाप्ता. म्हळ्यार पयलें स्व-अवलोकन भोव गर्जेचें. आनी कोंकणीक हें भोव गर्जेचें. कोंकणी साहित्यांत सक्रियता गर्जेची’ म्हणाली.गोंयचा आल्टिन्हो कोलेजिचो आधलो प्रिन्सिपाल बाब विल्ली गोयेसान अपल्या उलवपांत म्हणालो; ’कोंकणी साहित्याचेर इतल्या खोलायेन अध्ययन जाता म्हळ्ळी खबर आसली पूण आयज ह्या वेबिनारांत वांटेली जाल्ल्यान ह्या अध्ययनाचो फायदो कितलेश्यांक जोडुंक साध्य आसा, आनी असलीं उपक्रमां कोंकणिंत जांवची गर्ज आसा’ म्हणालो.कोंकणी लेखकांच्या एक्ताराचो अध्यक्ष गौरीश वेर्णेकरान अपल्या उलवपांत म्हणालो; “कथापाठाच्या सर्व वेबिनारांनी हाजर जावंक अपणाक जावंक ना तरयी ह्या अधय्यनांनी पाटल्या कांय वर्सांनी वांटेली जालेल्या जायत्या विध्यार्थिंनी जोडलल्या जाण्वायेविशीं अपणाक माहेत आसा, खरेंच जावन आयच्या काळार असलिंच जायतीं अधयन कामासाळां जावपाची गर्ज आसा. ह्या दिशेन आशावादी प्रकाशनाच्या वावराक अपणाचो तेंको आस्तलो” म्हणालो.मा| चेतन लोबोन अपल्या उलवपांत म्हळें; “पाटल्या पंद्रा-वीस वर्साधीं हांवें बरयिल्ल्या कथेंचेर सादर जाल्लीं एकेक प्रपत्रां पळेताना, हांवें कथा बरंवचा वेळार म्हजी मनोगत आनी परिस्थिती, संधरब कसो आसलो म्हळ्ळो उडास आयलो. हांवें केदिंच चिंतुंक ना, एका दिसा म्हज्या कथेंचेर असलें एक अध्ययन चल्तलें आनी म्हज्या कथेंच्या वेग-वेगळ्या आयामांचेर खोलायेन अध्ययन केल्लीं प्रपत्रां सादर जातलीं म्हण. हांव संपादक व्हय पूण मुळान हांव एक कथाकार जाल्ल्यान म्हाका आवडचो प्रकार कथा. खरेंच जावन एका कथाकाराक हाच्याची व्हड पुरसकार ना. ह्या दिशेन वावर केल्ल्या आशावादी प्रकाशन तशेंच ताच्या सर्व सह-भागिदारांक म्हजे खल्ते धिन्वास” म्हणालोकथापाठ शिंकळ ६ च्या वेबिनारांनी हाजर जावन अपणाक जोडललो अनभोग खरोच वर्तो. असलीं वेबिनारां फुडेंय जावंक जाय आनी कन्नड लिपिंतल्या हेर उंचल्या कथाकारांची तशेंच तांच्या कथेंची ओळोक आमकां जावपाक जाय म्हण विध्यार्थिंनी; सलोनी धुमासकर (धेंपे कोलेज), मेलबा कार्डोज (कार्मेल कोलेज), रोहिणी मुर्गांवकार (गोंय विध्यापीठ) अपले अनभोग उचारले.धेंपे कोलेजिच्या कोंकणी विभागाची मुखेस्त बाय अंजू साखददांडेन धिन्वास पाठयले. धेंपे कोलेजिची प्राध्यापकी बाय विधिता शेट हिणें वेबिनाराचें सूत्र-संचालन केलें.(कथापाठ शिंकळ ६ चो प्रायोजक मानेस्त मायकल डिसोज आनी कुटम, दुभाय)
