ಕಟ್ಕರೆ,ಜ.10; ಮೊಗಾಚ್ಯಾ ಬಾಳೊಕ್ ಜೆಜುಚ್ಯಾ ಭಕ್ತಿಕಾನೂ, ಹ್ಯಾ ಜನವರಿ ಮಹಿನ್ಯಾಚ್ಯಾ 18 ತಾರೀಕೆರ್ ಆಚರ್ಸುಂಚ್ಯಾ ಕಾರ್ಮೆಲ್ ಆಶ್ರಮ್ ಕಟ್ಕರೆ – ಬಾಳೊಕ್ ಜೆಜುಚ್ಯಾ ದಭಾಜಿಕ್ ವಾರ್ಷಿಕ್ ಫೆಸ್ತಾಕ್ ತುಮ್ಕಾಂ ಮೊಗಾಚೆ ಆಪವ್ಣೆ ದಿತಾಂವ್. ಭಕ್ತಿಕಾನಿ ಹ್ಯಾ ಆಪವ್ಣ್ಯಾಕ್ ಪಾಳೊ ದಿವ್ನ್ ವ್ಹಡಾ ಸಂಖ್ಯಾನ್ ಯೆವ್ನ್ ಬಾಳೊಕ್ ಜೆಜುಕ್ ಮಾನ್ ಕರ್ನ್ ಬಾಳೊಕ್ ಜೆಜುಚಿಂ ಆಶಿರ್ವಾದ ಜೋಡ್ನ್ ಘೆಜೆಂ ಮ್ಹಣುನ್ ಆಮ್ಚಿ ವಿನಂತಿ.
ದಭಾಜಿಕ್ ಫೆಸ್ತಾಚೊ ಪ್ರಧಾನ್ ಯಾಜಕ್ ಮಂಗ್ಳುರ್ ದಿಯೆಸಿಜೆಚೆ, ವಿಕಾರ್ ಜೆರಾಲ್, ಭೋವ್ ಮಾ।ಬಾ।ಮ್ಯಾಕ್ಷಿಮ್ ನೊರೊನ್ಹಾ ಜವ್ನಾಸ್ತಾಲೆಂ. ತಸೆಂಚ್ ಹ್ಯಾ ಫೆಸ್ತಾಕ್ ತಯಾರಾಯ್ ಜಾವ್ನ್ ತಾರೀಕ್ ಜನೆರಾಚ್ಯಾ 15, 16 ಆನಿ 17 ವೆರ್ ತ್ರಿದೊಮ್ ರೆತಿರ್ ಆಸ್ತೆಲಿ. ಹಿ ರೆತಿರ್ ಮಾ।ಬಾ।ವಿಲ್ಫ್ರೆಡ್ ಪ್ರ್ಯಾಂಕ್, ಕಾರ್ಮೆಲಿತ್ ಆನಿ ಬ್ರದರ್ ಪ್ರಕಾಶ್ ಪಂಗ್ಡಾ ಥಾವ್ನ್ ಚಲ್ತೆಲಿ. ಚಡಿತ್ ವಿವರಾಕ್ ಇನ್ವಿಟೇಶನ್ ಪಳೆಯಾ.
ಬಾಳೊಕ್ ಜೆಜುಚ್ಯಾ ಭಕ್ತಿಕಾನೂ ತುಮಿ ರೆತಿರೆಂತ್ ವಾಂಟೊ ಘೆಯಾ, ವಾರ್ಷಿಕ್ ಫೆಸ್ತಾಕ್ ಯೆಯಾ, ಪ್ರಾಗಾಚೊ ಬಾಳೊಕ್ ಜೆಜುನ್ ಮ್ಹಣ್ತಾ “ಕಿತ್ಲೊ ಚಡ್ ತುಂ ಮ್ಹಾಕಾ ಮಾನ್ ಕರ್ತಾಯ್, ತಿತ್ಲೆಂ ಚಡ್ ಹಾಂವ್ ತುಕಾ ಆಶೀರ್ವಾದಿತಾಂ” ಅಶೆಂ ಯೆವ್ನ್ ಬಾಳೊಕ್ ಜೆಜುಕ್ ಮಾನ್ ಕರ್ನ್ ಬಾಳೊಕ್ ಜೆಜು ಥಾವ್ನ್ ಆಶಿರ್ವಾದಾಂ ಜೋಡ್ನ್ ಘೆಯಾ.
ಮಾ।ಬಾ।ಪ್ರವೀಣ್ ಪಿಂಟೊ, ವ್ಹಡಿಲ್ ಕಾರ್ಮೆಲ್ ಆಶ್ರಮ್ ಕಟ್ಕೆರೆ ಆನಿ ಕಾರ್ಮೆಲಿತ್ ಧರ್ಮ್ ಭಾವ್