HOLY ROSARY CHURCH, KUNDAPUR – 450 th JUBILEE SOUVENIR 2021

ವರದಿ:  ವಾಲ್ಟರ್ ಮೊಂತೇರೊ, ಬೆಳ್ಮಣ್ಣು

ಶ್ರೀನಿವಾಸಪುರ ತಾಲೂಕಿನ ವ್ಯಾಪ್ತಿಯ ಲಕ್ಷ್ಮೀಪುರ ವಲಯದ ಸರ್ಕಾರಿ ಪ್ರೌಢಶಾಲೆ ಆವರಣದಲ್ಲಿ ಶ್ರೀ ಕ್ಷೇತ್ರ ಧರ್ಮಸ್ಥಳ ಗ್ರಾಮಾಭಿವೃದ್ಧಿ ಯೋಜನೆ ವತಿಯಿಂದ ಪರಿಸರ ಕಾರ್ಯಕ್ರಮವನ್ನು ಹಮ್ಮಿಕೊಳ್ಳಲಾಗಿದ್ದು, ಈ ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ಸರ್ಕಾರಿ ಫ್ರೌಢಶಾಲೆಯ ಮುಖ್ಯ ಶಿಕ್ಷಕರಾದ ಎಂ.ಕೆ ವೆಂಕಟರವಣಪ್ಪ ವಹಿಸಿದ್ದರು ಕಾರ್ಯಕ್ರಮವನ್ನು ಉದ್ಘಾಟಿಸಿ ಮಾತನಾಡುತ್ತಾ ಪರಿಸರ ಸಂರಕ್ಷಣೆ ನಮ್ಮೆಲ್ಲರ ಹೊಣೆ ಗಿಡಗಳನ್ನು ನಾಟಿ ಮಾಡುವ ಜೊತೆಗೆಅವುಗಳ ಸಂರಕ್ಷಣೆ ಬಹಳ ಮುಖ್ಯ ನಮಗೆ ಉಸಿರಾಡಲು ಆಮ್ಲಜನಕ ಅವಶ್ಯಕತೆ ಇದೆ ಇವತ್ತು ನಾವು ಸಸಿಗಳನ್ನು ಬೆಳೆಸಿದರೆ ಮುಂದೆ ಒಂದು ದಿನ ಗಿಡ ಮರಗಳು ನಮ್ಮನ್ನು ಉಳಿಸುತ್ತದೆ ಎಂದು ತಿಳಿಸಿದರು.
ಉಪಸ್ಥಿತಿ:ಈ ಕಾರ್ಯಕ್ರಮದಲ್ಲಿ ಊರಿನ ಗಣ್ಯರಾದ ಜಗದೀಶ್ ಕುಮಾರ್ ಹಾಗೂ ಅಬ್ಬಣ್ಣ ಪತ್ರಕರ್ತರಾದ ವೆಂಕಟೇಶ್, ಒಕ್ಕೂಟದ ಅಧ್ಯಕ್ಷರಾದ ಪದ್ಮಮ್ಮ ಹಾಗೂ ಕೃಷಿ ಮೇಲ್ವಿಚಾರಕರಾದ ಅರುಣ್ ಕುಮಾರ್ ಹಾಗೂ ವಲಯದ ಮೇಲ್ವಿಚಾರಕರಾದ ಮಂಜುನಾಥ ಹಾಗೂ ಸೇವಾಪ್ರತಿನಿಧಿಗಳಾದ ರಾಮಸುಬ್ಬು, ಸುಜಾತ, ಇಮ್ರಾನ್ ಪಾಷ ಹಾಗೂ ಸಿ.ಎಸ್.ಸಿ ಗಿಐಇ ಔಠಿeಡಿಚಿಣoಡಿ ಮಹೇಂದ್ರಹಾಗೂಶಾಲೆಯ ಸಹ ಶಿಕ್ಷಕರು ಹಾಗೂ ಪ್ರಗತಿ ಬಂಧು ಸ್ವ ಸಹಾಯ ಸಂಘದ ಸದಸ್ಯರು ಉಪಸ್ಥಿತರಿದ್ದರು.

ವರದಿ:  ವಾಲ್ಟರ್ ಮೊಂತೇರೊ, ಬೆಳ್ಮಣ್ಣು

      65 ವರ್ಷ ಮೇಲ್ಪಟವರಿಗೆ  ಸರಕಾರ 1200 ರೂ ಗಳ ಪಿಂಚಣಿ ನೀಡುತ್ತಿದ್ದು  ಆದರೆ ಇದು ಜನರಿಗೆ ಸಮರ್ಪಕವಾಗಿ ಕೈ ಸೇರುತ್ತಿಲ್ಲ  ಈ ಹಿಂದೆ  ವಿಧವ ವೇತನ 600 ಪಡೆಯುತ್ತಿದ್ದ 65 ವರ್ಷ ಮೇಲ್ಪಟ್ಟವರು ಸರಕಾರ ನೀಡುವ ರೂ  1200  ಪಿಂಚಣಿ ಪಡೆಯಲು  ಅರ್ಹರಿದ್ದರೂ  ಮಾಹಿತಿ   ಕೊರತೆಯಿಂದ   ಹಾಗೂ   ಇನ್ನಿತರ   ಕಾರಣಗಳಿಂದಾಗಿ  80 ವರ್ಷವಾದರೂ  ಪಿಂಚಣಿ ಪರಿಷ್ಕರಣೆಗೊಂಡಿಲ್ಲ. ಸರ್ವೆ ಮೂಲಕ ಇದನ್ನು ಕಂಡುಕೊಂಡ ನಂದಳಿಕೆ ಗ್ರಾಮ ಪಂಚಾಯತ್  ಅದ್ಯಕ್ಷರು ಮತ್ತು ಸದಸ್ಯರ ತಂಡ  ಅರ್ಹ ಫಲಾನುಭವಿಗಳನ್ನು ಒಂದೆಡೆ ಸೇರಿಸಿ ಸಾಮೂಹಿಕ ಪಿಂಚಣಿ ಪರಿಷ್ಕರಣೆಯನ್ನು ಕಂದಾಯ  ಇಲಾಖೆಯ ಸಹಕಾರದೊಂದಿಗೆ  ಮಾಡಿದರು.

    ಒಟ್ಟು 30 ಫಲಾನುಭವಿಗಳ ಇದರ ಸದುಪಯೋಗ ಪಡೆದುಕೊಂಡರು ಜೊತೆಗೆ 60 ವರ್ಷಗಳಾದರೂ ಇನ್ನು  ಪಿಂಚಣಿ     ಪಡೆಯದೇ ಇರುವ  ಫಲಾನುಭವಿಗಳನ್ನು ಗುರುತಿಸಿ  ಪಿಂಚಣಿಗೆ ನೋಂದಣಿ ಮಾಡಲಾಯಿತು.

  ಇದೇ ಸಂಧರ್ಭದಲ್ಲಿ ಗ್ರಾಮ  ಪಂಚಾಯತ್ ವ್ಯಾಪ್ತಿಯ 15 ಕುಟುಂಬಗಳಿಗೆ  ಹೊಸಮನೆ  ನಿರ್ಮಾಣಕ್ಕೆ ಕಾರ್ಯದೇಶವನ್ನು ವಿತರಿಸಲಾಯಿತು.ಸುಮಾರು 70 ಜನರು ಈ ಶ್ರಮ ಕಾರ್ಡ್ಅನ್ನು ಇದೇ ಸಂಧರ್ಭ ಪಡೆದುಕೊಂಡರು.ಪ್ರಧಾನ ಮಂತ್ರಿ ಉಜ್ವಲ ಯೋಜನೆಯಲ್ಲಿ ಉಜ್ವಲ  ಗ್ಯಾಸ್ ವಿತರಣೆ,ಪ,ಜಾತಿ & ಪ.ಪಂಗಡದ 25% ನಿಧಿಯಿಂದ  ವಿವಿಧ ಸವಲತ್ತುಗಳನ್ನು ವಿತರಿಸಲಾಯಿತು.ಹಾಗೂ SSLC ಯಲ್ಲಿ 600 ಕ್ಕೂ ಹೆಚ್ಚು ಅಂಕಗಳಿಸಿದ  ವಿದ್ಯಾರ್ಥಿಗಳನ್ನು ಸನ್ಮಾನಿಸಲಾಯಿತು.

      ಸಭಾಕಾರ್ಯಕ್ರಮದಲ್ಲಿ  ಮಾತನಾಡಿದ ನಂದಳಿಕೆ ಗ್ರಾಮ ಪಂಚಾಯತ್  ಅಧ್ಯಕ್ಷರಾದ ಶ್ರೀ ನಿತ್ಯಾನಂದ ಅಮೀನ್ ಗ್ರಾಮ ಪಂಚಾಯತ್ ವ್ಯಾಪ್ತಿಯಲ್ಲಿ  ಸುಮಾರು 40ಕ್ಕೂ ಹೆಚ್ಚು  ಜನರಿಗೆ ಸಮರ್ಪಕವಾಗಿ ಪಿಂಚಣಿ ಸಿಗುತ್ತಿಲ್ಲ. ಎಂಬುದು ನಾವು  ಸರ್ವೆಯಲ್ಲಿ ಮನಗಂಡು ,ಅವರಿಗೆ ಪಿಂಚಣಿ ದೊರಕಿಸಿಕೊಡಬೇಕು,ಎನ್ನುವ ನಿಟ್ಟಿನಲ್ಲಿ  ಈ ಕಾರ್ಯಕ್ರಮ  ಆಯೋಜಿಸಿ ,ಇಲಾಖೆಗಳಿಗೆ  ಅಲೆಯುವುದನ್ನು ತಪ್ಪಿಸಿ ಒಂದೇ ಕಡೆ ಅರ್ಜಿಯನ್ನು ಪೂರ್ಣಗೊಳ್ಳುವಂತೆ  ಮಾಡಲಾಗಿದೆ. ಎಂದರು  ಮಾಜಿ ಜಿಲ್ಲಾ ಪಂಚಾಯತ್ ಸದಸ್ಯರಾದ  ಶ್ರೀಮತಿ ರೇಷ್ಮಾ ಉದಯ ಶೆಟ್ಟಿ  ಮಾತನಾಡಿ  ನಂದಳಿಕೆ ಗ್ರಾಮ ಪಂಚಾಯತ್ ಒಂದು ಅರ್ಥಪೂರ್ಣ ಕಾರ್ಯಕ್ರಮ ವನ್ನು ನಡೆಸುತ್ತಿದೆ.ಇಂಥ  ಕಾರ್ಯಕ್ರಮ ಪ್ರತಿ ಪಂಚಾಯತ್  ವ್ಯಾಪ್ತಿಯಲ್ಲಿ ನಡೆಯಬೇಕು .ಎಂದು  ನಂದಳಿಕೆ ಗ್ರಾಮ ಪಂಚಾಯತ್ ಅನ್ನು ಶ್ಲಾಘಿಸಿದರು.

           ಕಾರ್ಯಕ್ರಮದಲ್ಲಿ  ಮಾಜಿ ತಾ.ಪಂ ಸದಸ್ಯರಾದ ಶ್ರೀಮತಿ ಪುಷ್ಪ ಸತೀಶ್ ಪೂಜಾರಿ,ಗ್ರಾಮ ಲೆಕ್ಕಾಧಿಕಾರಿ ಶ್ರೀ  ರಘುಪತಿ,ಪಂ,ಅಭಿವೃದ್ದಿ ಅಧಿಕಾರಿ ಶ್ರೀಮತಿ ರೇವತಿ ,ಬೆಳಕು ಸಂಜೀವಿನಿ ಒಕ್ಕೂಟದ ಅಧ್ಯಕ್ಷೆ   ಶ್ರೀಮತಿ  ನಂದಿತಾ  ಹಾಗೂ ಗ್ರಾಮ ಪಂಚಾಯತ್ ನ ಸರ್ವ ಸದಸ್ಯರು  ಉಪಸ್ಥಿತರಿದ್ದರು.ಗ್ರಾ.ಪಂ ಕಾರ್ಯದರ್ಶಿ  ಶ್ರೀ ಸಂಜೀವ  ಬಿ ಅಮೀನ್ ನಿರೂಪಿಸಿ ವಂದಿಸಿದರು. 

ವರದಿ : ಮಝರ್, ಕುಂದಾಪುರ

ಕುಂದಾಪುರ : ವಿವಾಹಿತ ಪುರುಷನೊಂದಿಗೆ ಲೀವ್ ಇನ್ ರಿಲೇಶನ್ ನಲ್ಲಿದ್ದ ಮಹಿಳೆ ಯೋರ್ವಳು ತಾನು ವಾಸ್ತವ್ಯವಿದ್ದ ಬಾಡಿಗೆ ಮನೆಯೊಂದರಲ್ಲಿ ಫ್ಯಾನಿಗೆ ನೇಣು ಬಿಗಿದು ಆತ್ಮಹತ್ಯೆಗೈದ ಪ್ರಕರಣ ನಿನ್ನೆ ಬೆಳಿಗ್ಗೆ ಖಾರ್ವಿ ಕೇರಿಯಲ್ಲಿ ನಡೆದಿದೆ.
ಮೃತಳನ್ನು ಸುರೋಜಾ ಯಾನೆ ಪೂಜಾರಿ(36) ಎಂದು ಗುರ್ತಿಸಲಾಗಿದೆ.
ಮೂಲತಃ ಯಲ್ಲಾ ಪುರದವಳಾಗಿರುವ ಸರೋಜಾಳಿಗೆ ಮದುವೆಯಾಗಿ ಓರ್ವ ಪುತ್ರನಿದ್ದಾನೆ. ಪತಿಯು ತ್ಯಜಿಸಿ ಹೋದನಂತರ ಸಹೋದರಿಯೊಂದಿಗೆ ತ್ರಾಸಿಯಲ್ಲಿ ನೆಲೆ ನಿಂತ ಸರೋಜಾ ಕುಂದಾಪುರದ ಕೆಲವು ಅಂಗಡಿ ಗಳಲ್ಲಿ ಕೆಲಸಮಾಡಿ ಜೀವನ ನಡೆಸುತ್ತಿದ್ದಾಳೆನ್ನಲಾಗಿದೆ.

ಈ ಸಂದರ್ಭದಲ್ಲಿ ಹೊಸ ಬಸ್ ನಿಲ್ದಾಣ ಸಮೀಪದ ವೈನ್ ಶಾಪ್ ನಡೆಸುತ್ತಿದ್ದವನ ಪರಿಚಯವಾಗಿದ್ದು, ಬಾಡಿಗೆ ಮನೆಯಲ್ಲಿ ಸರೋಜಾಳನ್ನು ಇರಿಸಿದ ಈತ ಅವಳಿಗೆ ಕುಡಿತದ ಚಟವನ್ನು ಕಲಿಸಿ ಲೈಂಗಿಕವಾಗಿ ಬಳಸಿಕೊಳ್ಳಲಾರಂಭಿಸಿದ್ದಾನೆ. ಪತಿಯ ಹಗ್ಗ ಕಡಿಯುವ ಚಾಳಿ ಆತನ ಪತ್ನಿಗೆ ತಿಳಿದು ರಂಪಾಟ ವಾದ್ದರಿಂದ ಸರೋಜಾಳನ್ನು ದೂರ ವಿಡುವ ಪ್ರಯತ್ನ ಮಾಡಿದ್ದಾನೆ. ಆದರೆ ಅದಾಗಲೇ ಕುಡಿತಕ್ಕೆ ಸಂಪೂರ್ಣ ಶರಣಾಗತಳಾಗಿದ್ದ ಸರೋಜ ಪ್ರತಿ ದಿನ ಎಂಬಂತೆ ಈತನ ವೈನ್ ಶಾಪ್ ಹತ್ತಿರ ಬಂದು ಜಗಳಕ್ಕೆ ನಿಲ್ಲುತ್ತಿದ್ದಳು. ಪ್ರಕರಣ ಪೊಲೀಸ್ ಠಾಣೆಯ ತನಕವೂ ತಲುಪಿ ಅದಾಗಲೇ ಮಾನಸಿಕ ಖಿನ್ನತೆಗೆ ಒಳಗಾಗಿದ್ದ ಈಕೆಯನ್ನು ಉಡುಪಿ ನಿಟ್ಟೂರಿನ ಮಹಿಳಾ ಪುನರ್ವಸತಿ ಕೇಂದ್ರಕ್ಕೆ ಕಳುಹಿಸಲಾದರೆ, ಮಗುವನ್ನು ನಮ್ಮಭೂಮಿ ಸಂಸ್ಥೆಗೆ ಸೇರಿಸಲಾಗಿತ್ತು. ಆದರೆ ಮತ್ತೆ ಸರೋಜಾಳ ಸಂಪರ್ಕ ಕಕ್ಕೆ ಬಂದ ವೈನ್ ಶಾಪ್ ನವನು  ಕೆಲವು ತಿಂಗಳ ಹಿಂದೆ ಖಾರ್ವಿಕೇರಿಯ ಬಾಡಿಗೆ ಮನೆಯೊಂದರಲ್ಲಿ ಇವಳನ್ನು ಇರಿಸಿ ಲೀವ್ ಇನ್ ರಿಲೇಶನ್ ನಲ್ಲಿ ದ್ದಾನೆನ್ನಲಾಗಿದೆ.

ಈ ನಡುವೆ ಕುಡಿತವನ್ನು ಸಂಪೂರ್ಣವಾಗಿ ತ್ಯಜಿಸಿದ ಸರೋಜಾ ಗರ್ಭವತಿಯಾಗಿದ್ದು, ಕೆಲವು ಸಮಯದ ಹಿಂದೆ ಗೋವಾದಲ್ಲಿ ಗರ್ಭಪಾತವನ್ನು ಮಾಡಿಕೊಂಡಿದ್ದಾಳೆ. ಇತ್ತಿಚಿನ ದಿನಗಳಲ್ಲಿ ತೀವ್ರವಾಗಿ ಮಾನಸಿಕ ಖಿನ್ನತೆಯಿಂದ ಬಳಲುತ್ತಿದ್ದ ಅವಳು ನಿನ್ನೆ ರಾತ್ರಿ ಸಾವಿಗೆ ಶರಣಾಗಿದ್ದಾಳೆ. ಕುಂದಾಪುರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

JANANUDI.COM NETWORK

ಶಿರ್ವ: ಇಂದಿನ ಸ್ಪರ್ಧಾತ್ಮಕ ಯುಗದಲ್ಲಿ ಯುವಕರು ಯಾವುದೇ ಪರೀಕ್ಷೆಯನ್ನು ಎದುರಿಸಬೇಕಾದದಲ್ಲಿ ಅವರಲ್ಲಿ ಪರೀಕ್ಷೆಯ ಸಂಪೂರ್ಣ ಮಾಹಿತಿ, ಮಾರ್ಗದರ್ಶನವನ್ನು ಪಡೆದು ಪೂರ್ವಸಿದ್ಧತೆಯನ್ನು ಮಾಡಿದ್ದಲ್ಲಿ ಮುಂದೆ ಎಂಥಾ ಸವಾಲುಗಳನ್ನು ಎದುರಿಸುವ ಗುಣಗಳನ್ನು ಪಡೆಯಬಹುದು. ಕಠಿಣ ಪರಿಶ್ರಮದ ಜೊತೆಗೆ ವಿದ್ಯಾರ್ಥಿಗಳು ಸ್ಪರ್ಧಾತ್ಮಕ ಪರೀಕ್ಷೆಗಳ ಕೌಶಲ್ಯಗಳನ್ನು ಅರಿತುಕೊಂಡು ಪ್ರಯತ್ನ ಪಡುವ ಮೂಲಕ ಉದ್ಯೋಗವನ್ನು ಪಡೆದು ಅವರ ಉಜ್ವಲ ಭವಿಷ್ಯವನ್ನು ರೂಪಿಸಿಕೊಳ್ಳುವಲ್ಲಿ ಇಂತಹ ಕಾರ್ಯಗಾರಗಳು ಅತ್ಯಗತ್ಯ ಎಂದು ಕಾಲೇಜಿನ ಪ್ರಾಂಶುಪಾಲ ಡಾ| ಹೆರಾಲ್ಡ್ ಐವನ್ ಮೋನಿಸ್ ರವರು ಅಧ್ಯಕ್ಷ ನೆಲೆಯಲ್ಲಿ ಮಾತನಾಡಿದರು.
ಶಿರ್ವ ಸಂತ ಮೇರಿ ಮಹಾವಿದ್ಯಾಲಯದ ಗಣಕ ವಿಜ್ಞಾನ ವಿಭಾಗ ಹಾಗೂ ಐಟಿ ಕ್ಲಬ್ ಜಂಟಿಯಾಗಿ ಆಯೋಜಿಸಿದ ಈ ಕಾರ್ಯಕ್ರಮದಲ್ಲಿ ಸಂಪನ್ಮೂಲ ವ್ಯಕ್ತಿಗಳಾಗಿ ಆಗಮಿಸಿದ ಕೋಟೇಶ್ವರ,ಇಸಿಆರ್ ಗ್ರೂಪ್ ಆಫ್ ಇನ್ಸ್ಟಿಟ್ಯೂಷನ್ನಾ ಗಣಿತ ಉಪನ್ಯಾಸಕಿ ಕು. ಪ್ರಣಿತ ರವರು ಸ್ಪರ್ಧಾತ್ಮಕ ಪರೀಕ್ಷೆಗೆ ಸಂಬಂಧಪಟ್ಟಂತ ಗಣಿತ ವಿಷಯದ ಬಗ್ಗೆ ವಿವರಣೆ ನೀಡಿ ಪ್ರಾತ್ಯಕ್ಷಿಕೆಯ ಮೂಲಕ ತರಬೇತಿ ನೀಡಿದರು.
ಗಣಕ ವಿಜ್ಞಾನ ವಿಭಾಗದ ಮುಖ್ಯಸ್ಥ ಹಾಗೂ ಐಟಿ ಕ್ಲಬ್ ನಿರ್ದೇಶಕರಾದ ಲೆಫ್ಟಿನೆಂಟ್ ಶ್ರೀ ಕೆ ಪ್ರವೀಣ್ ಕುಮಾರ್ ರವರು ಕಾರ್ಯಕ್ರಮದ ಉದ್ದೇಶ ಮತ್ತು ಪ್ರಾಮುಖ್ಯತೆ ಬಗ್ಗೆ ವಿದ್ಯಾರ್ಥಿಗಳಿಗೆ ಮಾಹಿತಿ ಮತ್ತು ಮಾರ್ಗದರ್ಶನ ನೀಡುವ ಮೂಲಕ ಪ್ರಾಸ್ತಾವಿಕವಾಗಿ ಮಾತನಾಡಿದರು.
ಇದೇ ಸಂದರ್ಭದಲ್ಲಿ ಬಿಸಿಎ ವಿಭಾಗದ ಅಂತಿಮ ವರ್ಷದ ವಿದ್ಯಾರ್ಥಿಗಳು ವಿವಿಧ ಕ್ಯಾಂಪಸ್ನಲ್ಲಿ ಆಯ್ಕೆ ಆದ ಪ್ರೀತಿಕಾ,ವಿಧಾತ ಶೆಟ್ಟಿ, ಪ್ರಜ್ವಲ್, ಪ್ರತ್ವಿನ್ ಬಂಗೇರ, ದೇವಿಪ್ರಸಾದ್ ಶೆಟ್ಟಿ, ಪ್ರಿಯಾಂಕ ಆಚಾರ್ಯ, ಸುರೇಖಾ ರಾವ್, ಶಮಿತಾ ಶೆಟ್ಟಿ , ದ್ಯುತಿಶ್ರೀ, ಹಾರ್ದಿಕ ಸಾಲಿಯಾನ್, ದೀಕ್ಷಾ ಪಿಜಿ ವಿದ್ಯಾರ್ಥಿ ಗಳನ್ನು ಅಭಿನಂದಿಸಲಾಯಿತು.
ಈ ಕಾರ್ಯಕ್ರಮದಲ್ಲಿ ಉಪನ್ಯಾಸಕರಾದ ಶ್ರೀಮತಿ ದಿವ್ಯಶ್ರೀ ಬಿ, ಪ್ರಕಾಶ್ ಬಿಸಿಎ ವಿಭಾಗದ ಎಲ್ಲಾ ಅಧ್ಯಾಪಕ ಅಧ್ಯಾಪಕೇತರಬಂಧುಗಳು , ವಿದ್ಯಾರ್ಥಿಗಳು ಉಪಸ್ಥಿತರಿದ್ದರು. ವಿದ್ಯಾರ್ಥಿಗಳಾದ ಅನುಪ್ ನಾಯಕ ಹಾಗೂ ಅಲಿಸ್ಟರ್ ಸುಜಾಯ್ ಡಿಸೋಜಾ ಸಹಕರಿಸಿದರು.ಕು. ಸುಪ್ರಿಯ ಪ್ರಾರ್ಥಿಸಿದರು. ಕು. ಸಹನ ಶೆಟ್ಟಿ ಸ್ವಾಗತಿಸಿ, ಕು.ಪ್ರತಿಕ್ಷ ವಂದಿಸಿದರು. ಕು. ಶ್ವೇತಾ ಕಾರ್ಯಕ್ರಮ ಸಂಯೋಜಿಸಿದರು.

JANANUDI.COM NETWORK

ಹಳೆ ವಿದ್ಯಾರ್ಥಿ ಸಂಘ (ರಿ), ಬೋರ್ಡ್ ಹೈಸ್ಕೂಲ್ ಕುಂದಾಪುರದ ವತಿಯಿಂದ ಸರಕಾರಿ ಪದವಿ ಪೂರ್ವ ಕಾಲೇಜು ಕುಂದಾಪುರದಲ್ಲಿ ಶತಮಾನೋತ್ತರ ಬೆಳ್ಳಿ ಹಬ್ಬದ ಭವನ ಹಸ್ತಾಂತರ ಜೂನ್ 12ರಂದು ನಡೆಯಲಿದೆ.
ಈ ಸಮಾರಂಭದೊಂದಿಗೆ ಶಾಲೆಗೆ ಕೀರ್ತಿ ತಂದ ಕಾರಂತ, ಮುದ್ದಣ್ಣ, ಅಡಿಗರ ಪುತ್ಥಳಿ ಅನಾವರಣ ಕಾರ್ಯಕ್ರಮ ಸಹ ನಡೆಯಲಿದೆ.
ಕರ್ನಾಟಕ ಬ್ಯಾಂಕ್ ಆಡಳಿತ ನಿರ್ದೇಶಕ ಮಹಾಬಲೇಶ್ವರ ಎಂ. ಎಸ್. ಪುತ್ಥಳಿ ಅನಾವರಣ ಮಾಡಲಿದ್ದಾರೆ. ಸಮಾರಂಭವನ್ನು ಶಾಸಕ ಹಾಲಾಡಿ ಶ್ರೀನಿವಾಸ ಶೆಟ್ಟಿ ಉದ್ಘಾಟಿಸಲಿದ್ದಾರೆ.
ಹಳೆ ವಿದ್ಯಾರ್ಥಿ ಸಂಘದ ಅಧ್ಯಕ್ಷ ಸೊಲಮನ್ ಸೋನ್ಸ್ ಅಧ್ಯಕ್ಷತೆ ವಹಿಸಲಿದ್ದಾರೆ.
ಮುಖ್ಯ ಅತಿಥಿಗಳಾದ ಶತಮಾನೋತ್ಸವ ಸಮಿತಿ ಅಧ್ಯಕ್ಷ, ಮಾಜಿ ಶಾಸಕ ಎ. ಜಿ. ಕೊಡ್ಗಿ ಹಿರಿಯ ಹಳೆ ವಿದ್ಯಾರ್ಥಿ, ಪ್ರಶಸ್ತಿ ಪುರಸ್ಕøತ ಇಂಜಿನಿಯರ್ ಪ್ರೊ. ಎಂ. ಎಸ್. ಶೆಟ್ಟಿ, ಕೋಟೇಶ್ವರ, ಶಾಸಕ ಬಿ. ಎಂ. ಸುಕುಮಾರ್ ಶೆಟ್ಟಿ ಆಗಮಿಸಲಿದ್ದಾರೆ.
ಹಿರಿಯ ಸಾಹಿತಿ ವೈದೇಹಿ, ಖ್ಯಾತ ಅಂಕಣಗಾರ ಕೋ. ಶಿವಾನಂದ ಕಾರಂತ, ದಾನಿ ಕಟೀಲು ಹೇಮಂತ ಪೈ, ಖ್ಯಾತ ಉದ್ಯಮಿ ದಿನೇಶ ಬೆಂಗಳೂರು ಶುಭಾಶಂಸನೆ ಮಾಡಲಿದ್ದಾರೆ. ನಿರ್ಮಾಣಕ್ಕೆ ನೆರವಾದವರಿಗೆ ಸನ್ಮಾನ, ಗೌರವಾರ್ಪಣೆ ನಡೆಯಲಿದೆ.
ಸಭಾ ಕಾರ್ಯಕ್ರಮದ ನಂತರ ಹಳೆ ವಿದ್ಯಾರ್ಥಿಗಳ ಸಮಾವೇಶ ನಡೆಯಲಿದೆ. ಕಾರ್ಯಕ್ರಮಗಳಲ್ಲಿ ಎಲ್ಲಾ ಹಳೆ ವಿದ್ಯಾರ್ಥಿಗಳು ಭಾಗವಹಿಸಬೇಕೆಂದು ಸಂಘಟಕರು, ಪ್ರಾಂಶುಪಾಲರು ವಿನಂತಿಸಿದ್ದಾರೆ.
ಬೆಳಿಗ್ಗೆ ಗಂಟೆ 10:00 ರಿಂದ ಕಾರ್ಯಕ್ರಮ ಆರಂಭವಾಗಲಿದ್ದು, ಸರ್ವರೂ ಕ್ಲಪ್ತ ಸಮಯದಲ್ಲಿ ಹಾಜರಿದ್ದು ಸಹಕರಿಸಬೇಕೆಂದು ಹಳೆ ವಿದ್ಯಾರ್ಥಿ ಸಂಘದ ಕಾರ್ಯದರ್ಶಿ ಎ. ಅನಂತ ಕೃಷ್ಣ ಕೊಡ್ಗಿ, ಶತಮಾನೋತ್ತರ ಬೆಳ್ಳಿ ಹಬ್ಬ ಸಮಿತಿಯ ಕಾರ್ಯದರ್ಶಿ ಕೆ. ನಾರಾಯಣ ವಿನಂತಿಸಿದ್ದಾರೆ.

ವರದಿ: ಶಬ್ಬೀರ್ ಅಹ್ಮದ್, ಶ್ರೀನಿವಾಸಪುರ

ಕೋಲಾರ : – ಮಾಸ್ತಿ ವೆಂಕಟೇಶ್ ಅಯ್ಯಂಗಾರ್‌ರ ಬದುಕು ಮತ್ತು ಬರಹ ಒಂದೇ ಆಗಿತ್ತು ಎಂದು ಬೆಂಗಳೂರು ಸರಕಾರಿ ಕಲಾ ಕಾಲೇಜು ಸಹಾಯಕ ಪ್ರಾಧ್ಯಾಪಕ ರುದ್ರೇಶ್ ಅದರಂಗಿ ಹೇಳಿದರು . ಜಿಲ್ಲಾ ಕನ್ನಡ ಸಾಹಿತ್ಯ ಪರಿಷತ್ ಸಹಯೋಗದಲ್ಲಿ ನಗರದ ಸರಕಾರಿ ಪ್ರಥಮ ದರ್ಜೆ ಕಾಲೇಜಿನ ರಾಜ್ಯಶಾಸ , ಕನ್ನಡ , ಇತಿಹಾಸ ವಿಭಾಗ ಮತ್ತು ಐಕ್ಯೂಎಸಿ ಸಮಿತಿವತಿಯಿಂದ ಆಯೋಜಿಸಲಾಗಿದ್ದ ಮಾಸ್ತಿ ವೆಂಕಟೇಶ್ ಅಯ್ಯಂಗಾರ್‌ ಜನ್ಮದಿನಾಚರಣೆ ಕಾರ್ಯಕ್ರಮದಲ್ಲಿ ಮಾಸ್ತಿ ಕುರಿತು ಉಪನ್ಯಾಸ ನೀಡಿ ಮಾತನಾಡುತ್ತಿದ್ದರು.

ತಮಿಳು ಮಾತೃಭಾಷೆಯ ಮಾಸ್ತಿ ವೆಂಕಟೇಶ್ ಅಯ್ಯಂಗಾರ್ ತಮಿಳು , ತೆಲುಗು ಪ್ರಭಾವದ ಭಾಷಾ ಪ್ರಾಂತ್ಯದಲ್ಲಿ ವಾಸವಾಗಿದ್ದರೂ , ಸಾಹಿತ್ಯ ಕೃಷಿಯ ಮೂಲಕ ಕನ್ನಡ ಭಾಷೆ ಬೆಳವಣಿಗೆಗೆ ಹೆಚ್ಚು ಒತ್ತು ನೀಡಿದ್ದರು , ಬೇಂದ್ರೆ ಮತ್ತು ಕುವೆಂಪುರ ಮೊದಲ ಕವನ ಸಂಕಲನಗಳನ್ನು ಮಾಸ್ತಿಯವರೇ ಪ್ರಕಟಿಸಿದ್ದರೆಂದು ವಿವರಿಸಿದರು . ವಿದ್ಯಾರ್ಥಿ ದೆಸೆಯಲ್ಲಿ ಮೈಸೂರಲ್ಲಿ ವಾರನ್ನಾದ ಮೂಲಕ ವಿದ್ಯಾಭ್ಯಾಸ ಮುಂದುವರೆಸಿದ್ದ ಮಾಸ್ತಿಯವರು ಬಡ ಜನರ ಹಸಿವು ನೀಗಿಸಲು ಪಣತೊಟ್ಟಿದ್ದರು . ಸ್ವಾಭಿಮಾನದ ಪ್ರತೀಕವಾಗಿದ್ದ ಮಾಸ್ತಿಯವರಿಗೆ ದಕ್ಕಬೇಕಾಗಿದ್ದ ದಿವಾನ್ ಪಟ್ಟ ಕೈತಪ್ಪಿದ್ದರಿಂದ ಬೇಸರಪಟ್ಟು ತಮ್ಮ ಸರಕಾರಿ ಉನ್ನದ ಹುದ್ದೆಗೆ ರಾಜೀನಾಮೆ ಸಲ್ಲಿಸಿದ್ದರೆಂದರು .
ಕೋಲಾರ ಪ್ರಥಮ ದರ್ಜೆ ಕಾಲೇಜಿನಲ್ಲಿ ಬೇಂದ್ರೆಯವರ ಉಪನ್ಯಾಸ ಕಾರ್ಯಕ್ರಮವನ್ನು ನಾಲೈದು ದಶಕಗಳ ಹಿಂದೆ ಏರ್ಪಡಿಸಿದ್ದರೆಂದು ವಿವರಿಸಿದ ಅವರು , ಜಗತ್ತಿನ ಯಾವುದೇ ಭಾಷೆಯಲ್ಲಿ ಇಲ್ಲದ ಕನ್ನಡ – ಕನ್ನಡ ನಿಘಂಟಿನ ಸಲಹಾ ಸಂಪಾದಕರಾಗಿ ಕೃತಿ ಹೊರ ತರಲು ಶ್ರಮಿಸಿದ್ದರೆಂದರು . ಮಾಸ್ತಿಯವರ ಕಥೆಗಳ ಶೇ .೯೦ ರಷ್ಟು ಪಾತ್ರಗಳು ತಳವರ್ಗಕ್ಕೆ ಸೇರಿದ್ದವೇ ಆಗಿದ್ದವೆಂದು ಹೇಳಿದ ಅವರು , ಕಥನ ಕವನ ಶೈಲಿಯಲ್ಲಿ ಬರವಣಿಗೆ ಆರಂಭಿಸಿದ್ದವರು ಇವರೇ ಆಗಿದ್ದರು , ಶೂದ್ರ ತಪಸ್ವಿ ಕೃತಿ ಕುರಿತಂತೆ ಕುವೆಂಪು ಮತ್ತು ಮಾಸ್ತಿ ನಡುವೆ ವಿವಾದ ಏರ್ಪಟ್ಟಿತ್ತಾದರೂ , ಅದು ಸೈದ್ಧಾಂತಿಕ ಭಿನ್ನಾಭಿಪ್ರಾಯಗಳ ಚರ್ಚೆ ಮಾತ್ರವಾಗಿತ್ತು ಎಂದಿಗೂ ವ್ಯಯಕ್ತಿಕ ಮಟ್ಟಕ್ಕಿಳಿದಿರಲಿಲ್ಲವೆಂದರು . ಕಾರ್ಯಕ್ರಮ ಉದ್ಘಾಟಿಸಿದ ಕನ್ನಡ ಸಾಹಿತ್ಯ ಪರಿಷತ್‌ ಜಿಲ್ಲಾ ಗೌರವ ಕಾರ್ಯದರ್ಶಿ ಕೆ.ಎಸ್.ಗಣೇಶ್ ಮಾತನಾಡಿ , ಮಾಸ್ತಿ ಕೋಲಾರ ಜಿಲ್ಲೆಯವರೆಂಬ ಹೆಮ್ಮೆಯ ಜೊತೆಗೆ ಅವರ ಹುಟ್ಟೂರಿನಲ್ಲಿ ಅಧ್ಯಯನ ಕೇಂದ್ರ ಆರಂಭಿಸಿ ನಿತ್ಯ ಅಧ್ಯಯನಕ್ಕೆ ಅವಕಾಶ ಕಲ್ಪಿಸಬೇಕು , ಹೊಸ ಪೀಳಿಗೆಯ ಸಾಹಿತ್ಯದ ವಿದ್ಯಾರ್ಥಿಗಳಿಗೆ ಮಾಸ್ತಿಯವರ ಸಾಹಿತ್ಯ ಬದುಕು ಬರಹಗಳ ಪರಿಚಯ ಮಾಡಿಕೊಡಬೇಕು , ಕವಿಶೈಲದ ಮಾದರಿಯಲ್ಲಿ ಮಾಸ್ತಿ ಅಭಿವೃದ್ಧಿ ಹೊಂದಬೇಕಿದೆ ಎಂದರು .
ಸಹ ಪ್ರಾಧ್ಯಾಪಕ ಲೇಖಕ ಡಾ.ಆರ್‌.ಶಂಕರಪ್ಪ ಪ್ರಾಸ್ತಾವಿಕವಾಗಿ ಮಾತನಾಡಿ , ಮಾಸ್ತಿ ಕನ್ನಡಿಗರ ಆಸ್ತಿಯಾಗಿದ್ದಾರೆ , ಸಣ್ಣ ಕಥೆಗಳ ಜನಕರಾಗಿದ್ದಾರೆ . ಇವರು ಜನನವಾಗಿದ್ದು , ನಿಧನರಾಗಿದ್ದು ಜೂ .೬ ರಂದೇ , ಇದರೊಂದಿಗೆ ದೇವರಾಜ ಅರಸು ಮತ್ತು ಡಾ.ಎಚ್.ನರಸಿಂಹಯ್ಯರ ಪುಣ್ಯ ಸ್ಮರಣೆ ಹಾಗೂ ವಿಶ್ವ ಪರಿಸರ ದಿನಾಚರಣೆಯನ್ನು ಕಸಾಪ ಆಶ್ರಯದಲ್ಲಿ ಕಾಲೇಜಿನಲ್ಲಿ ಆಚರಿಸಲಾಗುತ್ತಿದೆಯೆಂದರು . ಅಧ್ಯಕ್ಷತೆವಹಿಸಿದ್ದ ಎ.ಸಿ.ಸಂಪತ್‌ಕುಮಾರ್‌ ಮಾತನಾಡಿ , ಸುಮಾರು ೨೬ ವರ್ಷಗಳ ಕಾಲ ಸರಕಾರಿ ಸೇವೆ ಸಲ್ಲಿಸಿದ್ದ ಮಾಸ್ತಿಯವರು , ೧೯೧೪ ರಲ್ಲಿಯೇ ಇಂಗ್ಲೀಷ್‌ನಲ್ಲಿ ಎಂ.ಎ ಪದವಿ ಪಡೆದುಕೊಂಡಿದ್ದರು . ಕನ್ನಡದಲ್ಲಿ ೧೨೩ ಮತ್ತು ಇಂಗ್ಲೀಷ್‌ನಲ್ಲಿ ೧೭ ಕೃತಿಗಳನ್ನು ವಿವಿಧ ಪ್ರಾಕಾರಗಳಲ್ಲಿ ರಚಿಸಿದ್ದಾರೆ , ಇವರ ಸಾಹಿತ್ಯದಲ್ಲಿ ಸಾಮಾಜಿಕ ಕಳಕಳಿ ಮತ್ತು ಸಮಾಜಮುಖಿ ಚಿಂತನೆಗಳಿದ್ದವು ಎಂದು ವಿವರಿಸಿದರು . ಪ್ರಾಧ್ಯಾಪಕ ರಾಮಕೃಷ್ಣ ಮಾತನಾಡಿ , ಮಾಸ್ತಿಯವರ ಸಾಹಿತ್ಯದಿಂದ ಬದುಕು ಕಟ್ಟಿಕೊಳ್ಳುವ ಆಶಯಗಳಿವೆಯೆಂದರು . ಇದೇ ಸಂದರ್ಭದಲ್ಲಿ ಬ್ಯಾಂಕ್ ಪಡೆದ ವಿದ್ಯಾ , ಕಾಲೇಜಿನಿಂದ ವರ್ಗಾವಣೆಯಾಗಿರುವ ಡಾ.ಮೂರ್ತಿ , ಮಂಜುನಾಥ್ , ಸಮಾಜ ಸೇವಕ ವಿಶ್ವನಾಥ್ ಮತ್ತು ಮಾಸ್ತಿಕುರಿತು ಉಪನ್ಯಾಸ ನೀಡಿದ ರುದ್ರೇಶ್ ಅದರಂಗಿಯವರನ್ನು ಸನ್ಮಾನಿಸಲಾಯಿತು .
ಹಿರಿಯ ಕನ್ನಡಿಗ ಸುಲೇಮಾನ್ ಖಾನ್‌ರಿಂದ ಪರಿಸರ ಗೀತೆ ಗಾಯನ ನೆರವೇರಿತು . ಸೋನಿಯಾ ನಿರೂಪಿಸಿ , ಬಾಬು ಸ್ವಾಗತಿಸಿ , ಮಹೇಂದ್ರ ವಂದಿಸಿದರು . ವೇದಿಕೆಯಲ್ಲಿ ಹಿರಿಯರಾದ ಎ.ವಿ.ರೆಡ್ಡಿ , ಕಾಲೇಜಿನ ಪ್ರಾಧ್ಯಾಪಕರಾದ ಡಾ.ಎಸ್.ಮುರಳೀಧರ್ , ಲಕ್ಷ್ಮೀನಾರಾಯಣ್ , ರಮೇಶ್ , ಶಿವಪ್ಪ ಅರಿವು , ಅನಂತ ಮೂರ್ತಿ , ಲೋಕೇಶ್ , ಕೆ.ಎನ್.ಶ್ರೀನಿವಾಸಮೂರ್ತಿ , ಕಸಾಪ ಕೋಶಾಧ್ಯಕ್ಷ ವಿನಯ್‌ಗಂಗಾಪುರ ಇತರರು ಹಾಜರಿದ್ದರು

JANANUDI.COM NETWORK  

ಭಾರತೀಯ ಮೂಲದ ಉದ್ಯಮಿಗಳ ಉದ್ಯಮಿಗಳಾದ  ರಾಜೇಶ್ ಗುಪ್ತಾ ಮತ್ತು ಅತುಲ್ ಗುಪ್ತಾ ಅವರನ್ನು ಬಂಧಿಸಲಾಗಿದೆ. ಇವರಿಬ್ಬರು ಸೋದರರಾಗಿದ್ದಾರೆ. ಇವರು ಮೂಲತಃ ಉತ್ತರ ಪ್ರದೇಶದ ಸಹಾರನ್ ಪುರ ಜಿಲ್ಲೆಯವರಾಗಿದ್ದು  ಗುಪ್ತಾ ಸಹೋದರರು ದಕ್ಷಿಣ ಆಫ್ರಿಕಾದಲ್ಲಿ ಭ್ರಷ್ಟಾಚಾರ ನಡೆಸಿದ್ದು, 2018 ರಲ್ಲಿ ದಕ್ಷಿಣ ಆಪ್ರಿಕಾದಿಂದ ಪರಾರಿಯಾಗಿ ದುಬೈನಲ್ಲಿ ನೆಲೆಸಿದ್ದರು‌.ಇವರು ದಕ್ಷಿಣ ಆಫ್ರಿಕಾದಲ್ಲಿ ಉದ್ಯಮ ಹೊಂದಿದ್ದು. ದಕ್ಷಿಣ ಆಫ್ರೀಕಾ ದೇಶದ ಮನವಿ ಮೇರೆಗೆ ರಾಜೇಶ್ ಮತ್ತು ಅತುಲ್ ಗುಪ್ತಾ ಅವರನ್ನು ಯುಎಇ ಕಾನೂನು ಜಾರಿ ಅಧಿಕಾರಿಗಳು ಬಂಧಿಸಿದ್ದಾರೆ.

ಮುಂದಿನ ಕ್ರಮಗಳ ಬಗ್ಗೆ ಚರ್ಚೆಗಳು ನಡೆಯುತ್ತಿವೆ ಎಂದು ದಕ್ಷಿಣ ಆಫ್ರಿಕಾದ ನ್ಯಾಯ ಸಚಿವಾಲಯ ಹೇಳಿಕೆಯಲ್ಲಿ ತಿಳಿಸಿದೆ. 

ವರದಿ: ಶಬ್ಬೀರ್ ಅಹ್ಮದ್, ಶ್ರೀನಿವಾಸಪುರ

ಶ್ರೀನಿವಾಸಪುರದಲ್ಲಿ ಭಾನುವಾರ ವಿಶ್ವ ಪರಿಸರ ದಿನಾಚರಣೆ ಅಂಗವಾಗಿ ರೋಟರಿ ಶ್ರೀನಿವಾಸಪುರ ಸೆಂಟ್ರಲ್ ವತಿಯಿಂದ ಪರಿಸರ ಜಾಗೃತಿ ಜಾಥಾ ಏರ್ಪಡಿಸಲಾಗಿತ್ತು.

ವರದಿ: ಶಬ್ಬೀರ್ ಅಹ್ಮದ್, ಶ್ರೀನಿವಾಸಪುರ

ಶ್ರೀನಿವಾಸಪುರ ತಾಲ್ಲೂಕಿನ ಪುಲಗೂರುಕೋಟೆ ಗ್ರಾಮ ಪಂಚಾಯಿತಿ ಕಚೇರಿ ಆವರಣದಲ್ಲಿ ಧರ್ಮಸ್ಥಳ ಗ್ರಾಮಾಭಿವೃದ್ಧಿ ಯೋಜನೆ ವತಿಯಿಂದ ಭಾನುವಾರ ವಿಶ್ವ ಪರಿಸರ ದಿನಾಚರಣೆ ಅಂಗವಾಗಿ ಗಿಡ ನೆಡಲಾಯಿತು.